ატვირთვა
ავტორიზაცია რეგისტრაცია

14.12.2014-ანაკლიის სანაპირო ზოლის გამაგრება

გაზიარება
დეკემბერი 14, 2014
121
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

საქართველოს რეგიონული განვითარებისა და ინფრასტრუქტურის მინისტრის პირველმა მოადგილემ, გიორგი ამაშუკელმა ანაკლიაში მიმდინარე ნაპირსამაგრი სამუშაოები დაათვალიერა.
მშენებელმა კომპანიამ, რომელმაც პროექტის განხორციელების უფლება აზიის განვითარების ბანკის (ADB) მიერ გამოცხადებულ საერთაშორისო ტენდერში გამარჯვების შედეგად მოიპოვა, 100%-ით შეასრულა სახმელეთო სამუშაოები. ამჟამად, ტეტრაპოდების ზღვაში ჩალაგების პროცესი მიმდინარეობს. უკვე დაწყებულია მეორე ფაზის მოსამზადებელი სამუშაოებიც.
სამინისტროს სახელმწიფო კონტროლს დაქვემდებარებული საქართველოს მუნიციპალური განვითარების ფონდი პროექტს ორ ეტაპად ახორციელებს და ჯამში, 4100 მეტრი სიგრძის სანაპირო ზოლის გამაგრებას ითვალისწინებს. დაგეგმილია 3 კილომეტრი სიგრძისა და 60 მეტრი სიგანის სანაპირო ზოლის მოწყობა. მშენებლობა საერთაშორისო ნორმების შესაბამისად ხორციელდება.
აღსანიშნავია, რომ ანაკლიის ნაპირსამაგრ სამუშაოებზე დასაქმებულთა 80% ადგილობრივი მცხოვრებია.
დღესვე, გიორგი ამაშუკელმა პროექტის ზედამხედველი კომპანიის წარმომადგენლებთან სამუშაო შეხვედრა გამართა, სადაც ნაპირგამაგრების როგორც მიმდინარე, ისე - დაგეგმილი სამუშაოები განიხილეს. საზედამხედველო სამუშაოებს კორეული კომპანია ახორციელებს, რომელიც, ასევე, აზიის განვითარების ბანკის (ADB) მიერ საერთაშორისო ტენდერით იქნა გამოვლენილი.

მაჩვენე მეტი