"ქრონიკის" წამყვანი ნინო ჭანტურაია სოციალურ ქსელებში მის შესახებ გაკეთებულ განცხადებებს "ფეისბუქში" ეხმიანება. "გულწრფელად ვუსამძიმრებ ბ-ნ კახა ბენდუქიძის ოჯახს. სამძიმარი ტელეკომპანიის სახელით „ქრონიკაში“ საჯაროდაც გამოვხატე, თუმცა ერთ-ერთ გამოშვებაში ამ სამწუხარო ინფორმაციის შემდეგ ჩემი რეაქცია გახდა განსჯის საგანი, არადა ეს გამოწვეული იყო სულ სხვა მიზეზით. ამ უყურადღებობის გამო ვგრძნობ უხერხულობას და ბოდიშს ვუხდი ყველას და მათაც, ვინც ღიმილს სხვა დატვირთვა მისცა. კიდევ ერთხელ გულწრფელად ვწუხვარ" – წერს ჭანტურაია.