„მიზეზი, რის გამოც 1949 წელს შეიქმნა ნატო, დღესაც აქტუალურია-წინ აღუდგეს ევროპული სახელმწიფოების წინაშე მდგარ საფრთხეებსა და გამოწვევებს. დღეს არსებული საფრთხეებისა და გამოწვევების ფონზე, უნდა იქნას მიღებული სტრატეგიული გადაწყვეტილებები. ნატო-ში გაწევრიანების მიმართულებით დაფიქსირებული პროგრესი არის პროგნოზირებადი სამეზობლოს გარანტია, ამასთან, მკვეთრი მესიჯი, რომ რუსეთის შანტაჟისა და ოკუპაციის პოლიტიკა სრულიად მიუღებელია“-განაცხადა ალექსი პეტრიაშვილმა პოლონეთში, ქ. ვარშავაში გამართულ ნატო-ს საპარლამენტო ასამბლეის მიერ ორგანიზებულ როუზ-როსის 87-ე სემინარზე.