ატვირთვა
ავტორიზაცია რეგისტრაცია

ალექსი პეტრიაშვილმა ფინეთში ორმხრივი შეხვედრები გამართა

გაზიარება
ოქტომბერი 9, 2014
93
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

„სამი ძირითადი გზავნილი, რომელიც გახმიანდა ჩვენს მიერ ჰელსინკიში ვიზიტის დროს, ეს არის ვიზის ლიბერალიზაცია, ეს არის ევროპული პერსპექტივა, მეტი ინტეგრაცია საქართველოსი და ეს არის რატიფიკაცია ასოცირების შეთანხმების. ამ ყველა მიმართულებით ჩვენ გვქონდა ძალიან გულწრფელი საუბარი, გვაქვს პრინციპული მხარდაჭერა ფინეთის ხელისუფლების მხრიდან“-აღნიშნა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ალექსი პეტრიაშვილმა ფინეთში, ქ.ჰელსინკიში გამართული ორმხრივი შეხვედრების დასრულების შემდეგ. სახელმწიფო მინისტრი სამუშაო ვიზიტის ფარგლებში ფინეთის პარლამენტის თავმჯდომარეს ეერო ჰეინალუომას და საგარეო საქმეთა მინისტრს ერკკი ტუომიოიას შეხვდა.

სამუშაო ვიზიტის ფარგლებში სახელმწიფო მინისტრი სიტყვით გამოვიდა ფინეთის ეროვნულ კვლევით ცენტრში „ალექსანტერი ინსტიტუტი“ (Aleksanteri Institute). ღონისძიებას ადგილობრივი და საერთაშორისო ანალიტიკური ინსტიტუტების, დიპლომატიური წრეებისა და მედიის წარმომადგენლები ესწრებოდნენ. სახელმწიფო მინისტრმა საქართველოსა და აღმოსავლეთ პარტნიორობის მონაწილე სხვა ქვეყნების წინაშე არსებულ საგარეო საფრთხეებზე გაამახვილა ყურადღება. სიტყვით გამოსვლის შემდეგ სახელმწიფო მინისტრმა შეხვედრის მონაწილეების შეკითხვებს უპასუხა.

მაჩვენე მეტი