● ვიდეო — გიბსია თუ ოქსლეიდ-ჩემბერლენი?

● როგორც მოგეხსენებათ, ინგლისის პრემიერლიგის 31-ე ტურში ლონდონის „ჩელსისა“ და „არსენალს“ შორის გამართულ მატჩში მთავარმა არბიტრმა ანდრე მარინერმა უხეში ტექნიკური შეცდომა დაუშვა. ერთ-ერთ ეპიზოდში ალექს ოქსლეიდ-ჩემბერლენმა საკუთარ საჯარიმო მოედანზე განზრახ ხელით ითამაშა და სტუმართა კარის მიმართულებით გამოცდილმა მსაჯმა თერთმეტმეტრიანი დარტყმა დანიშნა, თუმცა მარინერს აერია, თუ ვინ დაარღვია თამაშის წესი და წითელი ბარათი ოქსლეიდ-ჩემბერლენის ნაცვლად, კირან გიბსს უჩვენა.

ეს ფაქტი კვირის ერთ-ერთ მთავარ თემად იქცა. სოციალურ ქსელში ბევრი სახუმარო შარჟიც მიეძღვნა. Football Daily -მ კი ვიდეო გამოაქვეყნა, რომლის ყურებისას მნახველმა უნდა გამოიცნოს, სახეაფარებული ფეხბურთელი გიბსია თუ ოქსლეიდ-ჩემბერლენი.