„უპრეცედენტო ფასდაკლებების სეზონი აჭარაში“ გთავაზობთ 27 დეკემბრიდან თებერვლის თვის ბოლომდე 30%-დან 50%-მდე ფასდაკლებებს რეგიონის სასტუმროებში, სხვადასხვა ტურისტულ და გასართობ ობიექტში.
აჭარის მთავრობის მიერ ინიცირებულ პროექტში მონაწილეობის მსურველებს შეგიძლიათ იხილოთ სპეციალურად შექმნილი ვებ-გვერდი: www.batumievents.com და ინფორმაციის მიღებასთან ერთად ისარგებლოთ არსებული შემოთავაზებებით.
ახალი წლის აღსაღნიშნავად 27 დეკემბრიდან 11 იანვრამდე ბათუმელებსა და ქალაქის სტუმრებს ყოველდღიურად უმასპინძლებს ბათუმის ევროპის მოედანი, სადაც პირველად აჭარაში მოეწყობა ევროპული ტიპის საშობაო გამოფენა-ბაზრობა.
საახალწლო ნაძვის ხესთან არსებულ სცენაზე გელით ცნობილი ჯგუფებისა და ვარსკვლავების უფასო კონცერტები ცოცხალი შესრულებით: „შინი“, „მგზავრები“, „ფრანი“, „Goofy Land“, „Svansikh“, მუსიკოსი ვაჟა ტუღუში, რეგიონის ფოლკლორული ანსამბლები და სხვა საინტერესო შემსრულებლები.
საახალწლო უფასო კონცერტებს 11 იანვარს დაასრულებს ცნობილი უკრაინული ჯგუფი „ვია გრა“.
გელით აჭარაში დაუვიწყარი ახალი წლისა და ზამთრის სასიამოვნო დღეების გასატარებლად!