ნიდერლანდების სამეფოში სამუშაო ვიზიტის ფარგლებში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი ჰოლანდიის საგარეო საქმეთა სამინისტროს ევროპული პოლიტიკის მიმართულების ხემძღვანელს რობერტ დე ხროოტსა და თავდაცვის სამინისტროს საერთაშორისო ურთიერთობებისა და ოპერაციების ხელმძღვანელს აუკე ვენემას შეხვდა.
ალექსი პეტრიაშვილი ნიდერლანდების სამეფოში ვიზიტისას სიტყვით გამოვიდა ჰააგის გლობალური სამართლის ინსტიტუტისა და ნიდერლანდების სამეფოში საქართველოს საელჩოს მიერ ორგანიზებულ შეხვედრაზე. დისკუსიაში-„საქართველოს ასოცირების შეთანხმება-სტაბილურობა და უსაფრთხოება ევროკავშირის აღმოსავლეთ სამეზობლოში" ნიდერლანდების სამეფოში აკრედიტებული დიპლომატიური, საკანონმდებლო ხელისუფლებისა და საერთაშორისო არასამთავრობო ორგანიზაციების წარმომადგენლები მონაწილეობდნენ.
ასევე, ვილნიუსში 28-29 ნოემბერს დაგეგმილი სამიტის მნიშვნელობასა და მოლოდინებზე, აღმოსავლეთ პარტნიორობის მონაწილე ქვეყნების მიმართ რუსეთის ფედერაციის მიერ გაძლიერებულ ზეწოლაზე და საქართველოში მიმდინარე დემოკრატიულ პროცესებზე ისაუბრა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ალექსი პეტრიაშვილმა ჰააგის კლინდენდაელის ინტიტუტში გამართულ შეხვედრაზეც. დისკუსია-„ვილნიუსის სამიტი-ბრუსელი მოსკოვის წინააღმდეგ?" კლინდენდაელის ინსტიტუტის, ნიდერლანდენის სამეფოში საქართველოსა და ლიტვის საელჩოების ორგანიზებით გაიმართა.