© მაესტრო
© მაესტრო
■ პარლამენტში დაპირისპირება მოხდა. პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომა სხდომაზე დღეს საპარლამენტო უმრავლესობის წევრმა გია ჟორჟოლიანმა აღნიშნა, რომ ამ კანონპროექტით გათვალისწინებულ რეზოლუციებს ის ადამიანები ეწინააღმდეგებიან, რომლებმაც წლების განმავლობაში მედიის სფერო ფეხქვეშ გათელეს. ჟორჟოლიანის ამ განცხადებას „რუსთავი-2“-ის გენერალური დირექტორი ნიკა გვარამია გამოეხმაურა და მას დაკონკრეტება მოსთხოვა - ვის გულისხმობდა. გვარამიასა და ჟორჟოლიანს შორის საუბარი სიტყვიერ შეურაცხყოფაში გადაიზარდა. მათ ერთმანეთისკენ ფიზიკურადაც კი გაიწიეს. დაპირისპირებაში უმრავლესობის წევრი კარლო კოპალიანი ჩაერთო, რომელიც ასევე გვარამიას უპირისპირდებოდა. „გავიგე, რომ ზრდილობა არ გაქვს. შენ ხარ უზრდელი. რა უნდა გელაპარაკო. ზუსტად „რუსთავი-2“ იყო ის ტელევიზია, რომელმაც 9 წლის მანძილზე რეჟიმი შექმნა“, - მიმართა ჟორჟოლიანმა გვარამიას. გვარამიამ აღნიშნა, რომ სწორედ ასეთი დამოკიდებულება იყო თემის პოლიტიზების მიზეზი და ყველასთვის ნათელია, ვის წინააღმდეგ მომზადდა კანონპროექტი. კანონპროექტი სარეკლამო დროის შეზღუდვას შეეხება.
ძოწენიძეების ოჯახი ქუთისში კოსტავას ქუჩის 2 ნომერში მდებარე ავარიულ სახლში ცხოვრობს, ოჯახის წევრები ამბობენ, რომ მათ კედლების ჩამონგრევის მუდმივი შიში აქვთ. განსაკუთრებით მძიმე მდგომარეობაშია სახლის დერეფანი, იატაკი და შენობის შესასვლელი. ადგილობრივი მოსახლეობის განცხადებით კუსტარულად გაკეთებული საყრდენები არასაიმედოა და უსაფრთხო გადაადგილების გარანტიას არ იძლევა.
ამჯერად კულტურის სამინისტროსთან სხვადასხვა ახალგაზრდული ორგანიზაციის წევრები შეიკრიბნენ, რომლებმაც უწყების ხელმძღვანელობას საბადოს ტერიტორიაზე მიმდინარე ოქროს მოპოვებითი სამუშაოების შეწყვეტა მოსთხოვეს. აქციას კონცერტის სახე ჰქონდა. ახალგაზრდული ორგანიზაციების წევრთა აზრით, კომპანია "არ ემ ჯი გოლდს" დაბა კაზრეთში ძვირფასი ლითონის მოსაპოვებლად საჭირო სამუშაოების ჩატარების უფლება არ აქვს და ადგილზე მიმდინარე სამუშაოებით ის კანონს არღვევს. კულტურის სამინისტროსთან მისვლამდე, აქციის მონაწილ
ინციდენტი საქართველოს სარაგბო ჩემპიონატის გადადებულ შეხვედრაში. "არმიასა" და რუსთავის "ხარების" თამაში რამდენჯერმე შეწყდა. პირველ ტაიმში გუნდური ჩხუბის გამო მსაჯმა თამაში შეაჩერა,მეორე ტაიმში კი ინციდენტის განმეორების გამო მსაჯთა ჯგუფმა მოედანი დატოვა. შეხვედრა მხოლოდ ათი წუთის შემდეგ განახლდა. საბოლოოდ "ხარებმა" "არმიას" 33:15 მოუგეს. 11 ტურის შემდეგ "ხარები" სატურნირო ცხრილში მეოთხე პოზიციას იკავებს. "არმია" კი მერვე ადგილზეა. მატჩის
შსს-ს ძიუდოს სპორტულმა კლუბმა „Figther თბილისმა“ ჰოლანდიაში გამართულ ტურნირში, სადაც ევროპის საუკეთესო გუნდი უნდა გამოვლენილიყო, გუნდური პირველი ადგილი დაიკავა და ევროპის ჩემპიონი გახდა. ევროპულ სარბიელზე ეს მათი პირველი გამოსვლა იყო. ამ გამარჯვებით, ქართველი ძიუდოისტები ევროპის ჩემპიონატის ოქროს ლიგაში გადაინაცვლებენ და მომავალ წელს კონტინენტის უძლიერეს გუნდურ ჩემპიონატში მოსინჯავენ ძალებს. გამარჯვებულებს თბილისის საერთაშორისო აეროპორტში შსს-ს დაცვის პოლიციის და საპატრულო პოლიციის დეპარტამენტ
საქართველოს საფეხბურთო ჩემპიონატის ლიდერი გუნდი ექვსმა ფეხბურთელმა დატოვა. კონტრაქტის ვადის ამოწურვის გამო დინამოში აღარ ითამაშებენ ომარ მიგინეიშვილი,ირაკლი ძარია და ზურაბ ხიზანიშვილი. ურთიერთშეთანხმების საფუძველზე კლუბის რიგები დატოვეს დავით საჯაიამ, გიორგი მჭედლიშვილმა და ნიკა საბანაძემ. გავრცელებული ინფორმაციით "დინამო", იანვარში სავარაუდოდ ლეგიონერებით გაძლიერდება. კლუბი ეროვნული ჩემპიონატის მეორე წრისთვის იანვრის ბოლოდან ანტალიაში მოემზადება.
"მოამბის" შეკითხევბს საგარეო საქმეთა ყოფილმა მინისტრმა, მაია ფანჯიკიძემ უპასუხა.
■ უკრაინაში გარდაცვლილი ალექსანდრე გრიგოლაშვილი ქუთაისში, ბუხაიძის ქუჩაზე მდებარე სახლში მიასვენეს. ცხედარი მშობლიურ ქალაქში საპატრულო პოლიციის ესკორტმა მიაცილა. მეზობლების განცხადებით, გრიგოლაშვილი სულით მეომარი იყო, არაერთ ომში მიუღია მონაწილეობა. უკრაინაში კი, ოჯახის მხრიდან წინააღმდეგობის მიუხედავად, მაინც გაემგზავრა. ალექსანდრე გრიგოლაშვილი ლუგანსკის ოლქის ქალაქ სჩასტიესთან დაიღუპა.
© მაესტრო
■ ჟურნალისტმა ინგა გრიგოლიამ „რეაქციის“ მაყურებელს სასიახარულო ამბავი ამცნო. ირკვევა, რომ "ოსკარზე" წარდგენილი ფილმების შორტლისტში 2 ქართული ფილმი მოხვდა, ზაზა ურუშაძის „მანდარინები“ და გიორგი ოვაშვილის „სიმინდის კუნძული“.
■ საყდრისი-ყაჩაღიანის საბადოსთან კაზრეთის მოსახლეობამ, მაღაროზე სამუშაოების გაგრძელების მოთხოვნით აქცია გამართა. „თავი დაგვანებონ და მუშაობის უფლება მოგვცენ“, - განაცხადეს აქციის მონაწილეებმა, რომელთა უმრავლესობა კომპანია „არ ემ ჯი გოლდშია“ დასაქმებული. სწორედ აღნიშნული კომპანია აწარმოებს სამთო-მოპოვებით სამუშაოებს საბადოზე. აქციაზე მათ მიტანილი ჰქონდათ პლაკატები, რომლებზეც მათი მოთხოვნები იყო დაფიქსირებული. როგორც კომპანიის თანამშრომლებმა „ინფო 9“-სთან საუბრისას განაცხადეს, საბადოს კულტურული მემკვიდრეობის ძეგლის სტატუსი არ აქვს. დაბა კაზრეთის რაიონის მაჟორიტარი დეპუტატის ტარიელ ჯაყელის განცხადებით, „არ ემ ჯი გოლდზე“ ქვემო ქართლის მთელი მოსახლეობაა დამოუკიდებული. „სამუშაოები უნდა გაგრძელდეს. ჩემი პოზიციაა, რომ კომპანიამ იმუშაოს. მთელი ქვემო ქართლი ამ კომპანიაზეა დამოკიდებული“, - განაცხადა ჯაყელმა. როგორც ადგილობრივი მოსახლეობა აცხადებს, დღევანდელი აქცია გამაფრთხილებელია. იმ შემთხვევაში, თუ სამუშაობი შეჩერდა და ხალხი ამის გამო უმუშევარი დარჩა, ისინი საპროტესტო ზომებს კვლავ მიმართავენ. საყდრისის გადარჩენის კომიტეტის წევრები საბადოზე კომპანია „არ ემ ჯი გოლდის“ მიერ სამთო-მოპოვებითი სამუშაოების განახლებას კატეგორიულად ეწინააღმდეგებიან. ისინი ამასთან დაკავშირებით პერმანენტულ აქციას მართავენ როგორც თბილისში, ასევე საყდრისის საბადოსთან. კომიტეტის წევრების განცხადებით, საყდრისი კულტურული მემკვიდრეობის ძეგლია და მისი განადგურება დაუშვებელია. გავრცელდა ინფორმაცია იმის შესახებ, რომ კომიტეტის აქციებს ბოლნისის მაჟორიტარი დეპუტატი კობა ნაყოფია აფინანსებდა, რაც ერთის მხირვ „საყდრისი მცველებმა“ და მეორეს მხრივ, ნაყოფიამ „ინფო 9“-სთან საუბარში კატეგორიულად უარყვეს.
საქართველოს პრემიერ-მინისტრმა „კონკურენციის სააგენტოს" საქართველოში საწვავის ფასებთან დაკავშირებით ანგარიშის წარსადგენად 10-დღიანი ვადა მისცა, - როგორც ირაკლი ღარიბაშვილმა მთავრობის დღევანდელ სხდომაზე განაცხადა, მსოფლიოში ნავთობის ფასები მცირდება, თუმცა სამწუხაროდ ქართულ ბაზარზე ეს ადეკვატურად არ აისახება. პრემიერმა „კონკურენციის სააგენტოს" მიმართა, საზოგადოებას მიაწოდოს ინფორმაცია, რატომ არ ხდება ანალოგიურად ფასების კლება საქართველოში. „ვიცი, რომ საქართველოში ბენზინის ფასმა დაიწია, მაგრამ ეს უნდა იყოს მსოფლიო ბაზართან შესაბამისობაში. ვითხოვ, 10 დღის განმავლობაში კონკურენციის სააგენტომ წარმოადგინოს დეტალური ანგარიში", - განაცხადა ირაკლი ღარიბაშვილმა.
ახლა ნოდარ ჩაჩუა მოგვიყვება როგორ აღნიშნეს ქართველმა დეპუტატებმა ისტორიული დოკუმენტის რატიფიცირება. მმართველი გუნდის წევრები საპარლამენტო კინო-დარბაზში შეიკრიბნენ, ყოფილი სამთავრობო პარტიის წარმომადგენლები კი კენჭისყრის პროცესს "ნაციონალური მოძრაობის" სათაო ოფისიდან ადევნებდნენ თვალს. ცერემონიის დასრულების შედეგ, სპეცდიზაინით მომზადებული ტორტი გაჭრეს, პარლამენტში კი ხელშეკრულების რატიფიცირება შამპანურით ევროპულად აღნიშნეს. საქართველოს ევროპული მომავალი - დღეს ექსპერტებიც აქტიურობდნენ.
© მაესტრო
■ ვარკეთილში მოკლული 19 წლის დათო ხარაზიშვილის ნათესავები აცხადებენ, რომ ბიჭი შეყვარებულმა მოტყუებით გაიყვანა სახლიდან, რის შემდეგაც, გოგონას ბიძამ, ბაბუამ და მამამ ის მანქანაში მოკლეს. „ბავშვი მოტყუებით გამოიყვანა გოგონამ სახლიდან. ჩასხდნენ მანქანაში. ამის შემდეგ, გოგონას ბაბუამ და ბიძამ მანქანას დაარტყეს. გააჩერეს მანქანა. თავიანთი გოგო მანქანიდან გადმოიყვანეს, თავად ჩასხდნენ მანქანაში და დათო დაჭრეს”-აცახდებს გარდაცვლილის დეიდა ეკა ელიზბარაშვილი. მისივე ინფორმაციით, გარდაცვლილს ნათია ფ-სთან ურთიერთობა 3-4 თვის დაწყებული ჰქონდა. ნათიას უყვარდა, თავად დათო ხარაზიშვილს კი მის მიმართ უბრალო სიმპათიები ჰქონდა. გარდაცვლილის ბიძა ამბობს, რომ ჯგუფური თავდასხმა მოხდა, შინაგან საქმეთა სამინისტრომ კი მხოლოდ გარდაცვლილის მამა დააკავა. ნათესავები დანაშაულში მონაწილე ყველა პირის დასჯას ითხოვენ. გოგონა, რომლის გამოც მკვლელობა მოხდა, დათო ელიზბარაშვილის მეზობელი იყო და მის პირდაპირ მდებარე კოსპუსში ცხოვრობდა. გოგონას სახლში კარს არ აღებენ. გოგონას ბებიამ, რომელთან ერთადაც ნათია ფ. ცხოვრობდა, ჩვენთან პირად საუბარში აღნიშნა, რომ იგი სახლიდან სამი დღეა წავიდა. როგორც გარდაცვლილის მეგობრები პირად საუბარში ამბობენ, ნათია ფ.-ს ექსპერტიზა ჩაუტარდა, რომლის მიხედვითაც ცნობილი გახდა, რომ გოგონა გაუპატიურებული არ არის. 19 წლის დათო ხარაზიშვილი ჯავახეთის ქუჩაზე 15 დეკემბრის ღამეს მოკლეს. შსს-მ აღნიშნულ ფაქტთან დაკაშირებით ერთი პირი დააკავა. მომხდარზე გამოძიება განზრახ მკვლელობის მუხლით მიმდინარეობს.
■ საქართველოს კულტურული მემკვიდრეობის დაცვის ეროვნულ სააგენტოსთან საყდრისის დაცვის კომიტეტის ხმაურიანი აქცია რამდენიმე საათის განმავლობაში მიმდინარეობდა. აქციაზე ისმოდა შეძახილები და სასტვენების ხმა. ისინი კულტურული მემკვიდრეობის დაცვის ეროვნული სააგენტოსგან და მისი დირექტორის ნიკოლოზ ანთიძისგან იმ დოკუმენტების გასაჯაროვებას ითხოვდნენ, რის საფუძველზეც საყდრისის საბადოზე ოქროს მომპოვებელი სამუშაოები განახლდა. აქციაზე ინციდენტი მოხდა. როგორც აქციის მონაწილეები აცხადებენ, სააგენტოდან გამოსულმა თანამშრომელმა მათ სიტყვიერი შეურაცხყოფა მიაყენა და შუა თითი აჩვენა. აქციის მონაწილეების მხრიდან აღნიშნულ ფაქტს ხმაური მოჰყვა. პოლიციამ სააგენტოს თანამშრომელი და აქციის ერთ-ერთი მონაწილე დასაკითხად განყოფილებაში გადაიყვანა. ასევე, სააგენტოს შენობიდან იურიდიული დეპარტამენტის უფროსის თეა ონიანის გამოსვლას აქციის მონაწილეთა მხრიდან პროტესტი და ხმაური მოჰყვა. აქციის მონაწილეები მისგან ითხოვდნენ პასუხს, თუ რატომ გასცა სააგენტომ საყდრისის საბადოს აფეთქების ნებართვა. საყდრისის გადარჩენის კომიტეტი საბადოზე „არემჯი გოლდის“ მიერ სამუშაოების შეჩერების მოთხოვნით აქციების გამართვას უახლოეს დღეებშიც აპირებენ.
■ ბათუმში, ე.წ. ხოფის ბაზრობაზე ძლიერი აფეთქებები და ხანძარი მოხდა. მომხდარის შედეგად, 20-მდე მაღაზია დაიწვა. თვითმხილველების განცხადებით, ხანძარი მე-5 რიგში არსებულ საახალწლო ფოიერვერკების მაღაზიას გაუჩნდა, რის შემდეგაც ცეცხლი სხვა მაღაზიებზეც გადავიდა. ამ დროისთვის, ხანძარი ლიკვიდირებულია. ხანძრის გამომწვევი მიზეზი და ზარალის ოდენობა ჯერჯერობით უცნობია.
■ ტელეკომპანია „მაესტროს“ ჟურნალისტმა ნინი მეტრეველმა, რომელიც ოპერატორთან ერთად 1 საათისა და 20 წუთის განმავლობაში მომღერალ გრიგორი ლეპსის დაცვას ჰყავდა დაკავებული, პირველი კომენტარი გააკეთა. "მაესტრომ" ეთერში გაუშვა გრიგორი ლეპსის ინტერვიუს ის ნაწილიც, რომელსაც სკანდალი მოჰყვა.
■ ციხე, დახურული დაწესებულება, გისოსებს მიღმა გატარებული წლები და თვითგამოხატვის ერთადერთი საშუალება - სვირინგი. ყველა ტატუს თავისი მნიშვნელობა აქვს, ყველა ნიშანს თავისი ისტორია. წარწერები, აბრივიატურები, ნიშნები და ნახატები - პატიმრის სხეულზე ამოსვირინგებულ გამოსახულებაში მთელი ცხოვრება იკითხება. არასრულწლოვანი პატიმრები ტატუს საკანში საკუთარი ხელით, კუსტარული გზით იკეთებენ. ციხიდან გამოსულებისთვის ეს ტატუები უკვე დაღია, რომელიც ყოველდღიურ ცხოვრებაში პრობლემებს უქმნის. არასრულწლოვანი ყოფილი პატიმრებისთვის სვირინგების მოცილების უფასო სერვისის დანერგვის ინიციატივით იუსტიციის მინისტრი თეა წულუკიანი შარშან გამოვიდა. დანაშაულის პრევენციის ცენტრმა UNICEF-ის ფინანსური მხარდაჭერით პროექტი სისრულეში მოიყვანა და ყოფილ პატიმრებს სტიგმის მოცილების, წარსულის დავიწყების და ცხოვრების ახლიდან დაწყების საშუალება მისცა. ელენე ცინცაძე, ნინო ჭანია, ეკა მელიქიძე; გიორგი ხაჩიძე წყარო: info9.ge
■ თბილისის ქუჩები საახალწლოდ ირთვება. თავისუფლების მოედანზე, წმინდა გიორგის მონუმენტის გირლანდებით მორთვა ინტენსიურად მიმდინარეობს. თავისუფლების მოედანზე საახალწლო განათებას კომპანია „სინათლის ქალაქი“ ამონტაჟებს. საახალწლო განათებების მონტაჟი თავისუფლების მოედანზე სავარაუდოდ 17 დეკემბერს დასრულდება. ავტორი: გოგა ბერიძე
■ ხობის რაიონის სოფელ ხეთის მოსახლეობამ სოფლის შესასვლელში საპროტესტო აქცია გამართა და შპს „ხეთას“ საქმიანობა გააპროტესტა. აქციის მონაწილეების განცხადებით, სოფლის მთაზე კომპანია, რომლის 67%-იან წილს ბორის იოსავა ფლობს, უკანონო საქმიანობა ხორციელდება. კერძოდ, ადგილობრივების მტკიცებით, მთაში კირქვის კარიერი მოქმედებს, სადაც ქვის მოსაპოვებელი სამუშაოების ჩატარების დროს სასმელი წყალი ბინძურდება. „ინფო 9“-მ მთაზე არსებული მდგომარეობის დაფიქსირება მოახერხა. კომპანიის კუთვნილ ტერიტორიაზე მოსახვედრადე ე.წ. შლაგბაუმია და უცხო პირთა შესვლა აკრძალულია, თუმცა თუმცა ამ კონკრეტულ შემთხვევაში როგორც მედიის წარმომადგენლებს, ისე ადგილობრივებს ტერიტორიაზე შესვლის უფლება მოგვცეს. დავაფიქსირეთ, რომ აღნიშნულ ტერიტორიაზე ხის ჭრას პერმანენტული ხასიათი აქვს. ამის შესახებ, კომპანიის წარმომადგენლები აცხადებენ, რომ მათ ყველა მოქმედების კანონიერების დამადასტურებელი დოკუმენტაცია აქვთ. „ინფო 9“ იმ სასაფლაოზეც იმყოფებოდა, რომელიც რამდენიმე წლის წინ, სახელმწიფოს მიერ შპს „ხეთას“ მფობელებზე მიწის გასხვისების შემდეგ, სწორედ მათ ტერიტორიაზე მოყვა. სასაფლაოს გარშემო ვავთულხლართებია გავლებული და სოფლის მცხოვრებლებს იქ მოსახვედრად პრობლემა ექმნებათ. მოსახლეობის პრეტენზიებს კომპანიაში უპასუხეს და აღნიშნეს, რომ ნებისმიერი მსგავსი პრეტენზიის არსებობის შემთხვევაში დაინტერესებულ პირებს შეუძლიათ, კომპანიას წერილობით მიმართონ, რის შემდეგაც, ამომწურავ პასუხებს მიიღებენ. ადგილობრივების პრობლემებს კარგად იცნობს ხობის გამგეობაც, სადაც უახლოეს ხანებში სპეციალური კომისიის შექმნა იგეგმება, რომელიც საკითხს დეტალურად შეისწავლის და შესაბამის დასკვნას დადებს.
■ პარლამენტში „ნარჩენების მართვის კოდექსის“ განხილვა კამათის ფონზე წარიმართა. ოპოზიციონერი დეპუტატი გოგა ხაჩიძე ცვლილებებით გათვალისწინებულ იმ მუხლს გამოეხმაურა, რომლის მიხედვით, საქართველოში ძაღლის ან სხვა შინაური ცხოველის მცირე ოდენობის ფეკალური მასებით ტერიტორიის დაბინძურება პირის 50 ლარის ოდენობით დაჯარიმებას გამოიწვევს. ხაჩიძის შეფასებით, კანონპროექტი გაუაზრებელ სურვილებზეა აგებული. პლენარულ სხდომაზე გოგა ხაჩიძეს გარემოს დაცვის მინისტრის მოადგილე მაია ბითაძე გამოეხმაურა, რომელმაც აღნიშნა, რომ ცვლილებები ევროკავშირის წინაშე აღებული ვალდებულებების ფარგლებში მომზადდა.
■ სამოქალაქო ავიაციის სააგენტომ „ჯორჯიან ეარვეისის“ (აირზენა) რვაპუნქტიანი მოთხოვნიდან ერთი დააკმაყოფილა - რუსული ავიაკომპანიები თბილისი-მოსკოვი-თბილისის მიმართულებით შეუზღუდავი რეისების განხორციელებას ვეღარ შეძლებენ. გადაწყდა, რომ მხარეებს შორის მოლაპარაკებამდე, რუსული ავიაკომპანიები 14-ის ნაცვლად კვირაში მხოლოდ 10 რეისს შეასრულებენ. ამ გადაწყვეტილების გამოტანამდე, დღეს მოვლენები სამოქალაქო ავიაციის სააგენტოში დაძაბულ რეჟიმში მიმდინარეობდა. „აირზენას“ წარმომადგენლების თქმით, ეკონომიკის სამინისტრო და სამოქალაქო ავიაციის სააგენტო საქართველოს საავიაციო ბაზარზე უცხოური ავიაკომპანიების შემოსვლას ხელს უწყობენ, რაც „ჯორჯიან ეარვეისს“ (აირზენა) განვითარების საშუალებას არ აძლევს, რის გამოც კომპანიის თანამშრომლებს სამსახურის დაკარგვა ემუქრებათ. მისივე თქმით, საქართველოს ავიასისტემაში მონოპოლისტი თურქული ავიაკომპანიები არიან და მგზავრთა გადაყვანა-გადმოყვანის 70 პროცენტი სწორედ მათზე მოდის. „აირზენამ“ პროტესტის ნიშნად, დღეიდან რუსეთის მიმართულებით ფრენები შეწყვიტა. მიუხედავად ერთი მოთხოვნის დაკმაყოფილებისა, „ჯორჯიან ეარვეისი“ გაფიცვის შეწყვეტას არ აპირებს. კომპანიის თანამშრომლები ხვალ აქციის გამართვას ეკონომიკის სამინისტროსთან გეგმავენ. მათი ერთ-ერთი მთავარი მოთხოვნააა, სააგენტო ამ უწყებას გამოეყოს და უპირველესად, ქართული კომპანიების ინტერესები გაითვალისწინოს.
■ ბათუმში, ლიფტის ჩავარდნის შედეგად დაშავებული ახალგაზრდა გოგონას ჯანმრთელობის მდგომარეობა სტაბილურია. შემთხვევა 9 სართულიან საცხოვრებელ კორპუსში მოხდა. როგორც თვითმხილველები ყვებიან, გოგონა ლიფტში შესვლისას, სავარაუდოდ, შახტაში ჩავარდა, ლიფტი კი, ორ სართულს შორის გაიჭედა და შესაბამისად, გოგონაც ტანითა და თავით მერვე-მეცხრე სართულებს შორის მოჰყვა. მაშველები მის გამოყვანას 40 წუთის განმავლობაში ცდილობდნენ. დაშავებული კლინიკაშია გადაყვანილი.