სოჭსა და მის შემოგარენს ძლიერი ღვარცოფი დაატყდა თავს. წყალგამტარი სისტემა სტიქისთვის მზად არ აღმოჩნდა. რუსეთის საზღვაო კურორტი წყალმა დაფარა. აეროპორტში ძლიერი წვიმის გამო რამდენიმე რეისი გადაიდო. ზოგიერთ რაიონში საგანგებო მდგომარეობაა - მაშველები მძღოლებს ეხმარებიან, რომლებიც წყლიდან გამოსვლას ვეღარ ახერხებენ. სამაშველო სამსახურები მოსახლეობას საჭესთან დაჯდომისგან თავის შეკავებას ურჩევენ. ამასთან, ადგილობრივები სამაშველო სამსახურის მუშაობით უკმაყოფილოები არიან და აცხადებენ, რომ მაშველები ამ რთულ სიტუაციაში ცუდად მუშაობენ. #წყალდიდობა
ორდღიანი ვადა ამოწურულია: biletebi.ge-ს სუპერთასის მატჩის ბილეთების ექსკლუზიურად გაყიდვის უფლება აღარ ექნება. კომპანიამ რეალიზაციის შეთავაზებულ ვერსიაზე უეფა-სგან უარი მიიღო. შესაბამისად, ფეხბურთის ფედერაცია გეგმა ბე-ზე გადადის: ხვალ ფედერაცია ევროპული ფეხბურთის მმართველ ორგანოს ბილეთების გაყიდვის რამდენიმე ვარიანტს გაუგზავნის. რაც შეეხება თარიღს: დინამო-არენაზე 11 აგვისტოს დაგეგმილი „ბარსელონა“-„სევილიას“ თამაშზე დასასწრები ბილეთების რეალიზაცია ორშაბათიდან დაიწყება. #სუპერთასი
არასამთავრობო ორგანიზაცია "თავისუფალმა თაობამ" გიგი უგულავას სახლთან აქცია გამართა. აქტივისტებს ყოფილ მერთან ესტაკადის მშენებლობასთან დაკავშირებით ბრალდებები აქვთ.
სოჭში წყალდიდობის შედეგად პარალიზებულმა აეროპორტმა და რკინიგზამ ფუნქციონირება განაახლა. სტიქიის შედეგად 200-მდე საცხოვრებელი სახლი დაიტბორა. საგანგებო სიტუაციების სამსახურის ინფორმაციით, სტიქიას გუშინ 500-მდე ადამიანი და 104 ერთეული ტექნიკა ებრძოდა. ძლიერი წვიმის გამო, ქალაქში საგანგებო ვითარება გამოცხადდა. ადგილობრივი ხელისუფლება მოსახლეობას მოსალოდნელი ქარიშხლის შესახებაც აფრთხილებს. #წყალდიდობა
პაკისტანში სიცხეს 2000-ზე მეტი ადამიანი ემსხვერპლა. ანომალიური სიცხის მიზეზები და შედეგები, ნახეთ „მსოფლიო ამბებში“.
20 მილიონ ლარზე მეტი - ბოლო მონაცემებით, ამ რაოდენობის თანხაა ჩარიცხული ფონდში, რომელიც 13 ივნისის სტიქიის შედეგების სალიკვიდაციოდ და დაზარალებულთა დასახმარებლად შეიქმნა. ფინანსთა სამინისტროს ვებგვერდზე შეგროვილი თანხის შესახებ ინფორმაცია ყოველდღიურად ახლდება. ფინანსური შემოწირულობები საბანკო სექტორიდან და კერძო პირებისგან მიღებულ ფინანსებსაც მოიცავს. დღეს ცნობილი ხდება, რომ ფონდში მობილიზებული მილიონების ხარჯვის პროცესს მონიტორინგს არასამთავრობო ორგანიზაციებიც გაუწევენ. #წყალდიდობა
“Electric Yerevan” „სომხური მაიდანი“- მსოფლიო პრესამ ერევანში მიმდინარე მოვლენებთან დაკავშირებით ეპითეტები არ დაიშურა. „მსოფლიო ამბები“ მოგიყვებათ, რას ვარაუდობენ ექსპერტები და რატომ გამოიწვია ელექტროენერგიის გაძვირებამ სოციალური პროტესტი სომხეთის მოსახლეობაში.
"მსოფლიო ამბები" - უყურეთ საერთაშორისო ახალ ამბებს, ყოველდღე GDS-ზე, 20:15 - ზე!
"მსოფლიო ამბები" - უყურეთ საერთაშორისო ახალ ამბებს, ყოველდღე GDS-ზე, 20:15 - ზე!
რუსთავის ცენტრში ცრუ განგაში იყო. საგანგებო მობილიზაცია რამდენიმე წუთის წინ მოიხსნა. ქალაქის მთავარ გამზირზე სპეცრაზმი ვეფხვს ეძებდა. სამაშველო სამსახურში მოქალაქის ზარი შევიდა, რის შემდეგაც მათ ადგილზე საგანგებო სამსახურები გამოიძახეს.
დღეს მყვინთავები სტიქიის შემდეგ პირველად შევიდნენ ვერეს ხეობაში მდებარე იმ გვირაბში, სადაც აქამდე შეღწევა წყლის დონის მატების გამო ვერ ხერხდებოდა. პირველადი დასკვნა ცნობილია, წინასწარი დათვალიერებით აღმოჩნდა, რომ გვირაბი დაზიანებული არ არის. ტერიტორიაზე არ აღმოჩნდა გაჭედილი ავტომანქანები. ერეს ხეობაში მიწაში ჩაფლული მანქანები ამოაქვთ. ასეთი აქ დაახლოებით ათამდე ავტომანქანაა. რატი ხვისტანის რეპორტაჟი. #წყალდიდობა
"მსოფლიო ამბები" - უყურეთ საერთაშორისო ახალ ამბებს, ყოველდღე GDS-ზე, 20:15 - ზე!
"მსოფლიო ამბები" - უყურეთ საერთაშორისო ახალ ამბებს, ყოველდღე GDS-ზე, 20:15 - ზე!
დამაგრეველი სტიქიით მიყენებულმა ზარალმა შესაძლოა 100 მილიონ ლარს მიაღწიოს. მთავრობა ყველა დაზარალებული ოჯახის კოპენსირების პირობას დებს, პრემიერს დონორი ორგანიზაციების ფინანსური დახმარების იმედიც აქვს. სტიქიით დაზიანებულ ყველა წერტილში მთავრობის მეთაური დღეს პირადად იმყოფებოდა, მათ შორის იყო სვანიძის ქუჩა, სადაც გაწმენდითი სამუშაოების პარალელურად დანგრევას დაგარჩენილი შენობების მდგრადობას იკვლევენ. დატბორილი ტერიტორიების მონახულების შემდეგ პრემიერ-მინისტრი უსახლკაროდ დარჩენილ ოჯახებსაც შეხვდა. #წყალდიდობა
მეორე დღეა, სტიქიის ზონად რჩება ბაგები. არსებობს საშიშროება, რომ უჩანეიშვილის ქუჩაზე ჩამოწოლილმა მეწყერმა და მდინარე ბაგებისწყლის ნაწილობრივ დაგუბებამ, ახლომდებარე საცხოვრებელი სახლები დატბოროს. მოსალოდნელი საფრთხის გამო ტერიტორია რისკისშემცველ უბნადაა გამოცხადებული. თუმცა დამეწყრილ ტერიტორიაზე გაწმენდითი სამუშაოები ამ დრომდე არ დაწყებულა. მოსახლეობა დახმარებას ითხოვს. რატი ხვისტანი მუშაობს სტიქიის ზონაში. #წყალდიდობა
დაღუპულთა რაოდენობა 17-მდე გაიზარდა. სტიქიური უბედურების ზონაში ბოლო 24 საათში უკვე 4 გარდაცვლილს მიაგნეს. დადგინდა, რომ "მზიურში" სამუშაოების შეჩერებამდე აღმოჩენილი ცხედარი 40 წლამდე მამაკაცს ეკუთვნის, ის ძმამ ამოიცნო, მაგრამ მისი ვინაობის შესახებ ოფიციალური ინფორმაცია არ ხმაურდება. #წყალდიდობა
წყალდიდობიდან მესამე დღეს საქართველოს თანადგომას მსოფლიოს სახელმწიფოები და საერთაშორისო და არასამთავრობო ორგანიზაციები უცხადებენ. ხელისუფლების წარმომადგენლები სამძიმრის წერილებს მთელი მსოფლიოდან იღებენ. მეგობარი სახელმწიფოების მთავრობები სტიქიის შედეგების ლიკვიდაციის პროცესში ფინანსური და მატერიალური დახმარების გასაწევად მზად არიან. #წყალდიდობა
სამძებრო ოპერაცია და სალიკვიდაციო სამუშაოები გრძელდება სვანიძის ქუჩაზე. უკვე მესამე დღეა ეძებენ დაკარგულ გოგონას, ივლიტა ჯიბუტს. სამძებრო სამუშაო ამჯერად ჰიდრომეტეოროლოგიურ სადგურთან მიმდინარეობს. ნათია ქენქაძე. #წყალდიდობა
ზოოპარკში ეპიდემიის გავრცელების საფრთხეა. ადმინისტრაციის ინფორმაციით, არსებობს რისკი. მესამე დღეა დაღუპული ცხოველები ადგილზე რჩებიან, ამიტომ ინფექციური დაავადებების გავრცელების თავიდან აცილების მიზნით, ისრაელიდან და ჩეხეთიდან საერთაშორისო ექსპერტები მოიწვიეს. სპეციალისტები, შესაბამისი აღჭურვილობით, ქართველ კოლეგებს დაეხმარებიან. პარალელურად, ვრცელდება ინფორმაცია, რომ ყველა დაკარგული ცხოველი ნაპოვნია.
თბილისში ჩეხეთიდან და ისრაელიდან საერთაშორისო ექსპერტები ჩამოვიდნენ. სპეციალისტები ზოოპარკის და ცხოველების მოვლის საკითხებში ქართველ კოლეგებს დაეხმარებიან. დაიწყება ღონისძიებები სპეციალური აღჭურვილობით გაქცეული ცხოველების უვნებელი ევაკუაციისთვის. ისინი უკვე იმყოფებოდნენ თბილისის ზოოპარკში და ადგილზე გაეცნენ ვითარებას. #წყალდიდობა
"მსოფლიო ამბები" - უყურეთ საერთაშორისო ახალ ამბებს, ყოველდღე GDS-ზე, 20:15 - ზე!
ლიბიაში აშშ-ს ავიაიერიშების შედეგად ისლამისტი ლიდერი მოკლეს. ვინ იყო მოხტარ ბელმოხტარი, ნახეთ “მსოფლიო ამბებში”.
თბილისი ისევ მსოფლიოს ყურადღების ცენტრშია. საინფორმაციო საშუალებები ყურადღებას დატბორვის გამომწვევ მიზეზებსა და მიმდინარე სამუშაოებზე ამახვილებენ. რას წერს მსოფლიო მედია, ნახეთ “მსოფლიო ამბებში”. #წყალდიდობა
112-ის სამსახური საგანგებო რეჟიმში მუშაობას აგრძელებს. დღეს 112-ის დირექტორმა სპეციალური განცხადება გაავრცელა და აღნიშნა, რომ სოციალურ ქსელში გავრცელებული ინფორმაცია, თითქოს 112 სატელეფონო ზარებს არ პასუხობს, სიმართლეს არ შეესაბამება და უკვე მესამე დღეა, 112 -ის ყველა თანამშრომელი ერთდროულად მუშაობს. სტიქიიდან მარტო პირველი სამი საათის განმავლობაში 112-ში 12 000 ზარი შემოვიდა.
ნიანგთან ერთად, რამდენიმე საათის წინ ზოოპარკში გარეული ტახი იპოვეს. ორივე ცოცხალია. ნიანგიც და ტახიც გმირთა მოედნის მიმდებარე ტერიტორიაზე, ზოოპარკთან დაიჭირეს. „მოამბემ“ რამდენიმე წუთის წინ დატოვა ზოოპარკის ქვედა ტერიტორია, ზუსტად ის ადგილები, სადაც გაწმენდითი სამუშაოები ჯერ ფიზიკურად ვერ იწყება. გიორგი ფუტკარაძის პირდაპირი რეპორტაჟი. #წყალდიდობა
დილიდან განახლებულ რეჟიმში სტიქიით დაზიანებულ ტერიტორიებზე გაწმენდითი სამუშაოები მიმდინარეობს. თბილისის მერმა დავით ნარმანიამ ვერეს ხეობაში სარეაბილიტაციო სამუშაოები დაათვალიერა, სადაც მაშველები და სამხედროები, მოხალისეებთან ერთად ცდილობენ ჩახერგილი გზის გასუფთავებას. სამუშაოებში, ასევე, მონაწილეობას იღებენ შეიარაღებული ძალები. მერის თქმით, ინტენსიურად მიმდინარეობს სტიქიის შედეგად დაზიანებული გზებისა და მდინარე ვერეს კალაპოტის გაწმენდა. #წყალდიდობა
იუსტიციის მინისტრის გადაწყვეტილებით, სტიქიისგან დაზარალებულებისათვის საბუთების აღდგენა უფასო იქნება. განცხადება დღეს თეა წულუკიანმა გააკეთა.
გმირთა მოედანზე საავტომობილო გზა წყლის მოვარდნის შედეგად დარჩენილი ნარჩენებისგან თითქმის მთლიანად გაწმენდილია. ადგილზე რჩებიან სპეციალური დანაყოფები, დასუფთავების სამსახურის თანამშრომლები და მოხალისეები. მუშაობს სპეცტექნიკაც. ვარაუდობენ, რომ გმირთა მოედანი ხვალ გაიხსნება. მანამდე მოძრაობა, სავარაუდოდ, აღდგება მარჯვენა სანაპიროზე. #წყალდიდობა
დედაქალაქში ამ დრომდე გრძელდება ორი ვეფხვის, ერთი დათვის და ერთი აფთრის ძებნა. ზოოპარკში წყლის დონის კლების შემდეგ, იპოვეს დაღუპული ცხველები: სამი ლომი, ერთი ვეფხვი და ორი მგელი. დღესვე იქნა აღმოჩენილი ერთი ნიანგი, გარეული ტახი და რამდენიმე პინგვინი. ისინი ცოცხლები არიან. მათი ნაწილი მუნიციპალურ თავშესაფარშია გადაყვანილი, ნაწილი კი - ზოოპარკში, უსაფრთხო ადგილზე რჩება.
მზიურის მიმდებარე ტერიტორიაზე არსებული „მომავლის სკოლა“ სტიქიის შედეგად განადგურებულია. შენობა დანგრეულია და მასში შესვლა ამ დრომდე ვერ ხერხდება. გუშინ სკოლის ტერიტორიაზე „მომავლის სკოლის“ დირექტორი იმყოფებოდა. სკოლა კერძოა და იქ 250 ბავშვი სწავლობს. სკოლის დირექტორის თქმით, ზარალი დიდია. „ამ დიდი ტრაგედიის დროს მთავრობის, საზოგადოებისა და მშობლების დახმარების იმედი მაქვს. უნდა გადავწყვიტოთ, როგორ ვიმოქმედოთ და საიდან დავიწყოთ. სკოლას თავიდან ავაშენებთ. უნდა გადავწყვიტოთ, როგორ ვიმოქმედოთ, მაგრამ საქართველოში ამ ბიზნესს უკან დავაბრუნებთ. ამას გპირდებით“ - განაცხადა „მომავლის სკოლის“ დირექტორმა რაიან არნერმა. #წყალდიდობა
"მსოფლიო ამბები" - უყურეთ საერთაშორისო ახალ ამბებს, ყოველდღე GDS-ზე, 20:15 - ზე!
სვანიძის ქუჩაზე დილიდან განახლდა სამძებრო სამუშაოები. უკვე ორი დღეა ეძებენ 78 წლის მამაკაცს, რომელიც ოჯახის ინფორმაციით, სავარაუდოდ ნანგრევებში მოჰყვა. მიმდინარეობს სახლის დემონტაჟი და ამოტუმბვითი სამუშაოები. ამ ქუჩაზე, ბოლო ინფორმაციით, 4 ადამიანი დაიღყუპა, 24 ოჯახი უსახლკაროდ დარჩა, აქედან 8 სახლი აღარ არსებობს, დანარჩენი კი იმდენად დაზიანდა, რომ საცხოვრებლად აღარ გამოდგება. #წყალდიდობა
თბილისში მომხდარი სტიქიის შედეგად საგზაო–სატრანსპორტო მოძრაობა შეცვლილია. ამ დრომდე შეზღუდულია მოძრაობა დედაქალაქის რამდენიმე მონაკვეთზე. შინაგან საქმეთა სამინისტროს მიერ გავრცელებულ რუკაზე დეტალურადაა აღწრილი ის ქუჩები და უბნები, რომელსაც სატრასპორტო შეზრუდვები შეეხო. #წყალდიდობა
სტიქიური მოვლენების გამო, საქართველოს მხარდაჭერას უცხადებენ ევროკავშირი, შეერთებული შტატები და დიდი ბრიტანეთი. „ევროკავშირი სრულ სოლიდარობას უცხადებს და საქართველოს გვერდით დგას ამ მძიმე წუთებში. ჩვენი საგანგებო სიტუაციათა კოორდინირების ცენტრი ახლოდან აკვირდება მიმდინარე პროცესებს. ჩვენ კავშირი გვაქვს საქართველოს ხელისუფლებასთან და მზად ვართ, დავეხმაროთ საქართველოს, სტიქიის შედეგების დაძლევაში“, - ნათქვამია ევროკავშირის საგარეო სამსახურის განცხადებაში. #წყალდიდობა
პრემიერმინისტრი ელიზბარაშვილების ოჯახში. საქართველოს პრემიერმინისტრმა ირაკლი ღარიბაშვილმა სტიქიის ზონა მოინახულა და მიმდინარე სამუშაოებს ადგილზე გაეცნო. მთავრობის მეთაური სვანიძის ქუჩაზე მცხოვრებ შალვა ელიზბარაშვილის ოჯახს ესტუმრა და მათი პრობლემები მოისმინა. #წყალდიდობა
დედაქალაქის მასშტაბით საავტომობილო გზის რამდენიმე მონაკვეთი ჩაინგრა. მელიქიშვილზე და ჭავჭავაძეზე მთელი ღამის განმავლობაში სპეციალისტები მუშაობდნენ. გვიანობამდე მიმდინრეობდა მოსახლეობის ევაკუაცია წყნეთის ქუჩის #-13 კორპუსში. გადაწყვეტილება ექსპერტების პროგნოზის საფუძველზე მიიღეს. სპეციალისტები ამტკიცებენ, რომ ტერიტრორიას მდინარე ვერე საფრთხეს უქმნის. პარალელურად, მთელი ღამის განმავლობაში უშედეგოდ ეძებდნენ ზოოპარკიდან სტიქიის დროს დაკარგულ პანტერას. #წყალდიდობა
საზოგადოებრივი მაუწყებლის საინფორმაციო პროგრამა „მოამბემ“ ექსკლუზიური კადრები გაავრცელა, რომელიც საფრენი აპარატიდან არის გადაღებული და გმირთა მოედნის მიმდებარე ტერიტორიას ასახავს. #წყალდიდობა
რამდენიმე ასეული მოხალისე სტიქიური უბედურების ზონაში გაწმენდით სამუშაოებში მონაწილეობს. მათი მობილიზება, ძირითადად, სოციალური ქსელების მეშვეობით მოხერხდა. მოხალისეებს დასახმარებლად სახელმწიფო სტრუქტიურების წარმომადგენლებმა საშველად უხმეს. მოხალისეებს შორის არიან პოლიტიკოსებიც და რიგითი ადამიანებიც. #წყალდიდობა
მდინარე ვერეს მიმდებარე ტერიტორიაზე ადიდებულმა მდინარე ვერემ ვაკე-საბურთალოს ახალი გზა სრულად დატბორა. მიმდებარე ტერიტორია მოვარდნილმა წყალმა გაანადგურა. #წყალდიდობა
ბეჰემოტი ბეგლარი, რომელიც მსოფლიო მედიის ყურადღების ცენტრში მოექცა, უკვე ზოოპარკში, საკუთარ ვოლიერშია. როგორც მისი მომვლელი აცხადებს, ტრანკვილიზატორების ზემოქმედებით, მას არაფერი დაშავებია. ზოოპარკიდან ცხოველების გაქცევისას, ბეჰემოტი გმირთა მოედანზე აღმოჩნდა, საიდანაც ის დღეს კვლავ ზოოპარკში დააბრუნეს. #წყალდიდობა
#წყალდიდობა
წუხანდელი სტიქიის შედეგად დაზარალებული ერთ-ერთი მამაკაცი „ინფო9“-სთან საუბრისას საკუთარ ისტორიას ყვება. დაზარალებულის თქმით, მას კახეთიდან ზესტაფონში პროდუქტი გადაჰქონდა და სტიქიას სასწაულებრივად გადაურჩა. #წყალდიდობა
წუხანდელი სტიქიის შედეგად, გმირთა მოედანის მიმდებარე ტერიტორიაზე ათეულობით ავტომობილია განადგურებული. სტიქიამ ვერეს ხეობაში, გმირთა მოედანსა და ე.წ. ახალი გზის მიმდებარე ტერიტორიაზე ინფრასტრუქტურა მნიშვნელოვნად დააზიანა. ზარალის ზუსტი მოანცემები ამ დროისთვის უცნობია. #წყალდიდობა
სტიქიის შედეგად მიყენებული ზარალი მილიონობით ლარია, - განცხადება პრემიერმინისტრმა საგანგებო შტაბის სხდომის დასრულების შემდეგ გააკეთა. როგორც პრემიერმა აღნიშნა, ის ზარალი, რომელიც სტიქიის შედეგად დედაქალაქს მიადგა, საკმაოდ დიდია და მოითხოვს დროს, რათა ჩატარდეს აღდგენითი სამუშაოები. პრემიერის თქმით, ყველა სამსახურს, მათ შორის მერიის სამსახურებს, სამინისტროებს მიეცათ დავალება, შექმნან სამუშაო ჯგუფები, რომლებიც ამ საკითხებზე იმუშავებენ. პრემიერმა ასევე მოუწოდა მოსახლეობას, თავი შეიკავონ ქალაქში გასვლისგან. #წყალდიდობა
დილიდან სტიქიის ზონა მოინახულა საქართვლოს პრეზიდენტმაც. გიორგი მარგველაშვილმა გარდაცვლილთა ოჯახებს მიუსამძიმრა და დაზარალებულებს მერიის სამსახურებთან ერთად დახმარებას დაპირდა. პრეზიდენტი ყოფილი "ლაგუნა ვერეს", გმირთა მოედნის, ვაკე-საბურთალოს გზის დატბორილ მონაკვეთები ადმინისტრაციის წევრებთან ერთად დაათვალიერა. პრეზიდენტთან ერთად სიტუაციას ადგილზე გაეცნო ვიცე-პრემიერი კახა კალაძეც.
გზა ამ დრომდე ჩახერგილია ვერეს ხეობაში, სადაც გაწმენდითი სამუშაოები მიმდინარეობს. ძლიერი წვიმის შედეგად, ახალი გზის ნაწილი მთლიანად წაღებულია. საცხოვრებელი სახლების პირველი სამი სართული დატბორილია. წყალმა ავტომობილები წაიღო. შემთხვევის ადგილზე ნოდარ ჩაჩუა იმყოფება. #წყალდიდობა
#წყალდიდობა