ტელეჟურნალი რიონულა

1992-93 წლებში, ტელეკომპანია "რიონი"-ს ხელმძღვანელების კეთილი ნებით, ტელევიზიის ბაზაზე შეიქმნა საყმაწვილო-სატელევიზიო სტუდია. წლების შემდეგ ის საბავშვო პროგრამების რედაქციად ჩამოყალიბდა. უკვე მრავალი წელია, მზადდება გადაცემები პატარებისთვის. აქვე მუშაობს სატელევიზიო ტელეჟურნალი "რიონულა", რომელიც ეთერში გადის თვეში ერთხელ. სკოლა-სტუდია "რიონულაში" გელოდებათ შეხვედრები და ინტერვიუები ცნობილ და საინტერესო პიროვნებებთან, მოგზაურობა საქართველოს სხვადასხვა კუთხეში, კულტურულ-შემეცნებითი და სპორტული სიახლეები, მოდისა და ხელოვნების შესახებ საინტერესო ამბები, მნიშვნელოვანი ინფორმაციები თინეიჯერებისთვის.