საფეხბურთო კლუბ მადრიდის ''რეალის'' მთავარმა მწვრთნელმა ზინედინ ზიდანმა პოსტი დატოვა. ფრანგმა მიღებული გადაწყვეტილების შესახებ პრესკონფერენციაზე განაცხადა. პრესკონფერენციას ასევე ესწრებოდა კლუბის პრეზიდენტი ფლორენტინო პერესი.''მე მიყვარს ეს კლუბი. მე მიყვარს პრეზიდენტი, რომელმაც მომცა საშუალება ჯერ მეთამაშა ''სამეფო კლუბისთვის,'' შემდეგ კი გუნდის მთავარ მწვრთნელად მემუშავა. მშვენიერი მომენტი იყო, როცა მადრიდის ''რეალში'' სათამაშოდ გადმოვედი. მე მუდამ პრეზიდენტის მადლიერი ვიქნები, მაგრამ ახლა ცვლილების დროა. ვფიქრობ ეს არის სწორი გადაწყვეტილება. დიდი მადლობა ქომაგებს მხარდაჭერისთვის და სიყვარულისთვის. გასულ სეზონში გვქონდა მძიმე მომენტები, როდესაც ვერ ვაჩვენებდით საუკეთესო ფეხბურთს, მაგრამ ქომაგები მხარს გვიჭერდნენ და მოვახერხეთ ჩემპიონთა ლიგის მოგება. ვიდრე გადაწყვეტილების შესახებ საჯაროდ ვიტყოდი, გუნდის თითოეულ ფეხბურთელს ინდივიდუალურად ვესაუბრე. ვფიქრობ ყველასთვის სწორი გადაწყვეტილება მივიღე. ასევე ვესაუბრე რამოსს. ის არის ნამდვილი ლიდერი და ძალიან სასიამოვნო იყო მასთან ერთად მუშაობა სამ წელზე მეტი ხანი. გასული სეზონიდან ყველაზე ცუდი მომენტი იყო მარცხი ესპანეთის თასის მეორე ეტაპზე, როდესაც ვერ დავძლიეთ ''ლეგანესის'' ბარიერი. ''რეალმა'' უნდა გააგრძელოს სვლა გამარჯვებებისკენ, რისთვის ცვლილებაა საჭიროა. ვითარება მოითხოვს განსხვავებულ ხმას, განსხვავებულ მეთოდოლოგიას. ეს არის კლუბი, რომელმაც 13 ევროპული თასი მოიგო. ბედნიერი ვარ რომ ამ გუნდის წევრი ვიყავი'' - განაცხადა ზინედინ ზიდანმა, რომლის მთავარი მწვრთნელობისას ''სამეფო კლუბმა'' ზედიზედ სამჯერ მოიგო ევროპის ყველაზე პრესტიჟული საკლუბო ტურნირი.
იაპონიაში მოსახლეობა ჭარბი წონის პრობლემის წინაშე არ დგას, თუმცა სუმო ქვეყანაში ყველაზე პოპულარული საბრძოლო ხელოვნებაა. სუმოისტების დიეტა სხეულის მასის გაზრდას გულისხმობს. მათ აქვთ გაწერილი კონკრეტული რაოდენობის კალორია, რომელიც დღის განმავლობაში აუცილებლად უნდა მიიღონ. სუმოისტების წონის დიდი ნაწილი კუნთოვან მასას შეადგენს. სუმოისტების იდეალური წონა კი დაახლოებით 181 კილოგრამიდან 272 კილოგრამამდე უნდა იყოს, რაც იმას ნიშნავს, რომ მებრძოლები არა მხოლოდ ძლიერები და მოქნილები უნდა იყვნენ, არამედ სწორი დიეტაც უნდა დაიცვან. შესაბამისად, კვება მათი ვარჯიშის არსებითი ნაწილია.
ლევან გორგაძემ ნაცუ ბაშოზე ჩემპიონის ტიტული ვერ მოიპოვა, თუმცა ქართველმა სუმოისტმა იაპონიას საქართველო ყველა ელჩზე კარგად გააცნო. აქამდე იაპონელები საქართველოს "ჯოოჯიად" მოიხსენიებდნენ, დღეს კი უკვე იციან, რომ ეს ტოჩინოშინისა და ღვინის სამშობლოა. ჩემი მეგობარი სოფო გოგოლაძე, რომელიც იაპონიაში ცხოვრობს, ამ ფაქტის შესახებ მიყვება. სოფოს თქმით, ლევანის გამოსვლას ბოლო ბრძოლის შემდეგ უამრავი ადამიანი ელოდებოდა. მიუხედავად იმისა, რომ ტოჩინოშინის გამოსვლა ერთ-ერთი ბოლო იყო, უმრავლესობა დარჩა, რათა ქართველთან ერთად სურათი გადაეღოთ და მისი ავტოგრაფები მიეღოთ. გოგოლაძე ასევე გვეუბნება, რომ იაპონელებს ლევანი ძალიან უყვართ და დიდ პატივს სცემენ. მის მიმართ უზომოდ დიდი სითბო, სიყვარული და პატივისცემა იგრძნობა. "მუზეუმში ვიყავი და დედა-შვილი შემხვდა. რომ გაიგეს, "ჯოოჯიადან" ვიყავი, "აა, ტოჩინოშინ" - წამოიძახა ორივემ. ეს არის საოცრება! როცა რამდენიმე თვის წინ უმრავლესობას ამერიკელი ვეგონე, დღეს ყველამ იცის, რომ "ტოჩინოშინის ჯოოჯიადან" ვარ!", - გვიყვება სოფო გოგოლაძე. ფაქტი ერთია, ლევან გორგაძემ მოახერხა და მისი პატარა სამშობლო იაპონიას გააცნო. ეს ყველაფერი კი ჩემპიონობაც არის და უფრო მეტიც, რისთვისაც მას მხოლოდ მადლობა უნდა გადავუხადოთ. გთავაზობთ კადრებს, რომელიც გოგოლაძემ ექსკლუზიურად Sportall.ge-სთვის ტოჩინოშინის ნაცუ ბაშოზე ჩატარებული ბოლო ბრძოლის შემდეგ გადაიღო. ვიდეოში კარგად ჩანს, თუ როგორი სიყვარული და სითბო იგრძნობა იაპონელი გულშემატკივრის მხრიდან ლევან გორგაძისადმი.
ჩემპიონთა ლიგის გამარჯვებული მადრიდის "რეალი" "სანტიაგო ბერნაბეუზე" ზეიმს აწყობს. გუნდის ფეხბურთელები სათითაოდ გამოდიან , მეტად ორიგინალური გამოსვლა ჰქონდა მარსელოს.
#FIFA #WorldCup #GreatPlayers #FIFAWorldCup #WorldCup2018 #FIFAworldCUP2018
#სპორტი #DailySport #Sport
გაინტერესებთ, რას ნიშნავს სიტყვა ტოჩინიშინ ცუიოში? ან, როგორ მოვიგოთ იმპერატორის თასი? კიდევ სხვა შეკითხვები გაქვთ ქართველ სუმოისტ ლევან გორგაძესთან, იგივე ტოჩინიშინთან? უყურეთ ვიდეოს...
სტუმრად ძეგვში, ტოჩინოშინის მამის ოჯახში. ერთად მივადევნეთ თვალი მაისის ბაშოს მე-13 ბრძოლას შოდაისთან. დანარჩენს ვიდეოში ნახავთ...
სუპერ რაგბის მორიგი ტურის შეხვედრაში ახალ ზელანდიური ჰაილენდერსი ავსტრალიურ ვარატასთან 41:12 დამარცხდა. ზელანდიელები შეხვედრის მე-19 წუთზე 14 კაცით დარჩნენ. ტევიტა ნაბურამ კამერონ კლარკს სახეში ფეხი ჩაარტყა და წითელი ბარათი დაიმსახურა. ვარატასმა ეს უპირატესობა კარგად გამოიყენა და მეტოქეს 4-წლიანი პაუზის შემდეგ პირველი მატჩი მოუგო.კამერონ კლარკმა 66-ე წუთამდე ითამაშა. ვარატასს ავსტრალიურ კონფერენციაში პირველ ადგილს იკავებს. რაც შეეხება ჰაილენდერსს, ახალ ზელანდიურ კონფერენციაში ის მეოთხე ადგილზეა.
ჩრდილოლონდონში თურქული გუნდების შეხვედრისას მატჩის არბიტრს ფიზიკურად გაუსწორდნენ. შემთხვევა ინგლისის სამოყვარულო ლიგის შეხვედრის დასრულებისას დაფიქსირდა, რომელიც ვუდ გრინში New River-ის სპორტულ ცენტრში გაიმართა. ფინალის მიწურულს მთავარმა მსაჯმა ერთი გუნდის ორი ფეხბურთელი მოედნიდან გააძევა. სწორედ ამ ფაქტს უკავშირდებოდა დიდი აგრესია მის მიმართს. მას შემდეგ რაც მთავარმა მსაჯმა ფერნანდო ლოპესმა მატჩი დაასრულა, მის წინააღმდეგ ფეხბურთელები, მწვრთნელები და ქომაგები გაემართნენ. მინდორზე წაქცეულ არბიტრს რამდენიმე ფეხბურთელი და ქომაგი ურტყამდა. ''ეს არის ნამდვილად ყველაზე ცუდი კადრები, რომელიც მინახავს ბრიტანულ მიწაზე საფეხბურთო შეხვედრისას'' - განაცხადა ბრიტანეთში მსაჯთა მხარდამჭერი ორგანიზაციის აღმასრულებელმა დირექტორმა მარტინ კასადიმ. სამოყვარული თასის გათამაშების ფინალი თურქეთის ფეხბურთის ფედერაციის მიერ იყო ორგანიზებული.
სპორტული სიახლეების ვიდეოკოლაჟი CrystalSport-ისგან
ნაცუ ბაშოს მე-12 დღეს ლევან გორგაძის მეტოქე დიდი ჩემპიონი – იოკოძუნა ჰაკუჰო იყო, რომლის ანგარიშზეც 40 იუშოა და სუმოს ცოცხალ ლეგენდად ითვლება. ტოჩინოშინი და ჰაკუჰო აქამდე ოფიციალურ შეხვედრებში 25-ჯერ შეხვდნენ ერთმანეთს და ყველა შეხვედრაში ჰაკუჰომ გაიმარჯვა. ბრძოლა მონღოლი იოკოძუნას იერიშით დაიწყო, თუმცა ტოჩინოშინმა მეტოქის მიძალების მოგერიება მოახერხა. ორივე სეკიტორიმ მავაშში ჩავლება აიღო და ერთწუთიანი დაძაბული დაპირისპირება დაიწყო. ლევანი მეტოქეს რამდენჯერმე მიაწვა, თუმცა ჰაკუჰო თავს კარგად იცავდა. შეხვედრის მიწურულს ჰაკუჰომ იერიში სცადა, რომელსაც ტოჩინოშინი მომზადებული დახვდა და იოკოძუნა დოჰიოდან იორიკირით გაიყვანა. ტოჩინოშინმა ამ გამარჯვებით ოძეკის რანგი გაინაღდა და დიდი ჩემპიონის წინააღმდეგ წარუმატებელი შეხვედრების უსიამოვნო ტრადიცია დაასრულა (1:25). ლევანი გაზაფხულის ბაშოს მარცხის გარეშე ლიდერობს (12:0). ტურნირის მე-13 დღეს ტოჩინოშინის მეტოქე შოდაი იქნება.
ისტორიული გამარჯვება მოიპოვა ქართველმა სუმოისტმა ლევან გორგაძემ. ნაცუ ბაშოს მე-12 დღეს ტოჩინოშინმა სუმოს ცოცხალი ლეგენდა, 40-გზის მსოფლიო ჩემპიონი იოკოძუნა ჰაკუჰო დაამარცხა. ნახეთ, ქართველი კომენტატორების რეაქციები ტოჩინოშინის ისტორიულ გამარჯვებაზე.
სპორტული სიახლეების ვიდეოკოლაჟი CrystalSport-ისგან
სპორტული სიახლეების ვიდეოკოლაჟი CrystalSport-ისგან
წინა სტატია პირველად საქართველოში კლასიკური ავტომობილების ავტორბოლა გაიმართება. ღონისძიება ცნობილი ავტომრბოლელის ზოი ვიტაკერის ინიციატივით დაიგეგმა. რბოლა, რომელიც 4 დღეს გაგრძელდება თბილისიდან დაიწყება და თბილისშივე დასრულდება. ღონისძიების მონაწილეები მოივლიან კახეთისა და სამცხე-ჯავახეთის ისტორიულ ქალაქებსა და სოფლებს, ასევე გაეცნობიან ქართულ ტრადიციულ არქიტექტურას. გარბენის მანძილი დაახლოებით 700 კილომეტრია. რბოლაში ათამდე რარიტეტული საკოლექციო მანქანა მიიღებს მონაწილეობას, რომელთა საშუალო ფასი მილიონი დოლარიდან იწყება. მათ შორისაა მეორე მსოფლიო ომამდე პერიოდის ავტომობილები და ყველაზე ახალი 1954 წლის „პორშე“ და „იაგუარი“. რბოლის მარშრუტი საქართველოს ეროვნული საავტომობილო ფედერაციისა GAF და Transport Security Consultants (ტრანსპორტის უსაფრთხოების და ტრეინინგების კომპანია) მხარდაჭერით დაიგეგმა. მსოფლიოში ცნობილმა ავტო მრბოლელმა, ზოი ვიტაკერმა რამდენიმე წელი იმუშავა „ფორმულა 1“- ში. ზოი მართავდა ისეთ მანქანებს, როგორიცაა - კლასიკად ქცეული 1957 D-type jaguar და 1996 corvette Stingray, ასევე თანამედროვე Porsche GT4 და Lamborgini Aventador.