კიდევ ერთ საინტერესო ადამაინს გაცნობთ პროფესიონალში. ჩვენი პერსონაჟი თავის საქმის ნამდვილი პროფესიონალია და ამას ადასტურებს მის მიერ გადაღებული ფოტოების უმაღლესი ხარისხი, გამორჩეული ფოტოხელოვნის ხედვით და ხარისხით,რომელიც ასახულია მისი ნამუშევრების მიმართ მოთხოვნასა და არაერთ რეიტინგში. შერმაზანაზე გიყვებით, თუმცა, მე პირადად მინდა გიორგი შერმაზანაშვილი კიდევ ერთხელ გაგაცნოთ, იმ საქმით რითაც მას ყველა იცნობს, ანუ ფოტოხელოვნებით, და ასევე, მინდა გაიცნოთ გიორგი შერმაზანაშვილი მეორე სამსახურით - რომელიც საქართველოს ეროვნულ ბანკს და მის უსაფრთხოებას უკავშირდება.#ახალიამბები #BusinessMediaGeorgia
საქართველოში ხშირად ინტერესდებიან ინვესტიციით, როცა სურთ პროდუქცია მიაწოდონ ისეთ ბაზრებს, როგორიც რუსეთი, თურქეთი და მთლიანად კავკასიის ქვეყნებია. დღეს მინდა მოგიყვეთ კომპანიაზე, რომელიც სწორედ ამ მიზნით საკმაოდ საინტერესო საწამოს ამუშავებს საქართველოში აგერ უკვე მე 5 წელიწადია, სუფთა ფრანგული ინვესტიციით: კომპანია რომელიც ჩვენი ბელგიელი პარტნიორის და რეპორტიორის, გიომ მულარტის ინტერესის სფერიოში მოხვდა ქუთაისის თავისუფალ ინდუსტრიულ ზონაში 2017 წლიდან ოპერირებს,„ატლანტიკ საქართველო“ ფრანგული საერთაშორისო ჯგუფის „Groupe Atlantic“-ის შვილობილი კომპანიაა, რომელიც სპეციალიზირდება წყლის ელექტრო-გამათბობლების წარმოებაში და დღეისთვის საქართველოში წარმოებული პროდუქცია ექსპორტზე გადის მსოფლიოს მასშტაბით 10-მდე ქვეყანაში. საწარმოში 15 მილიონი ევროა ინვესტირებული. ფრანგული კომპანიის შვილობილი იპოვა საქართველოში, და ეხლა მაგას გამორჩებოდა გიომი? შანსი არ არის, აგერ მისი მორიგი ვიდეო ისტორია.#ახალიამბები #BusinessMediaGeorgia
✅ომის საფრთხეები და ეკონომიკური შედეგები ✅საქართველოს საგარეო სავაჭრო ბრუნვა 2021 ✅რა იყიდა/გაყიდა საქართველომ რუსეთში 2021? ✅საქართველო-უკრაინის ეკონომიკური კავშირი რიცხვებში ✅მედიკამენტების ექსპორტ-იმპორტი 202 (GEO)#ახალიამბები #BusinessMediaGeorgia
Forbes საქართველოს იანვრის ნომერში გიყვებით კომპანიაზე, რომელიც დამოუკიდებელ საქართველოსთან ერთად დაიბადა და მისი განვითარება ქვეყნის განვითარების ისტორიასაც მოგაგონებთ და ცოტა ზღაპრულიც არის. თან ყველაფერი „წითელქუდათი“ იწყება. თუმცა მანამდეც არის მოსაყოლი თემურ კოხოძეზე, რომელიც დღეს თავის დაარსებულ TEGETA HOLDING-ს მილიარდ ლარზე მეტად აფასებს. აქვს კიდევ ერთი ბიზნესი – კურორტი საირმე. თეგეტას სიჩქარე, ერთერთი ყველაზე გამორჩეული ბიზნესმენის თემურ კოხიძის გზა წარმატებამდე და კომპანიის გეგმები, მიმდინარე თვის ნომრის მთავარი ისტორიაა. გარდა ამისა, გამოცემა დატვირთულია ჩვეული ანალიტიკით, რჩევებით, რეიტინგებითა და სიახლეები, რომლებსაც მარიამ ადამია მიმოიხილავს. ვნახოთ რას წაიკითხავთ Forbes Georgia-ის ახალ ნომერში.#ახალიამბები #BusinessMediaGeorgia
✅საქართველოს 2021 წლის ვაჭრობის შედეგები ✅უმსხვილესი საექსორტო ბაზრები ჩინეთი და რუსეთია ✅საექსპორტო ქვეყნების რეიტინგი ✅ევროკავშირში ექსპორტი 2021 წელს 3%-ით გაიზარდა ✅CGEO GGU-ს საკონტროლო პაკეტს ყიდის ✅რა გვიჯდება საეთაშორისო დავებში ქვეყნის პოზიციების დაცვა?#ახალიამბები #BusinessMediaGeorgia
ვინ გვართმევს "ნაყინის" 20%-ს?#ახალიამბები #BusinessMediaGeorgia
ახლა მოგიყვებით ბიზნესზე, რომელმაც ქართულ ბაზარზე ოპერირება 2008 წელს 100 დოლარის ინვესტიციით დაიწყო და 14 წლის თავზე 3 საწარმოსა და კახეთში თხილის პლანტაციებს ფლობს. საუბარია კომპანია „ქალაქურზე“, რომელიც ამჟამად 100 სახეობის პროდუქციას აწარმოებს და ზაფხულიდან უკრაინასა და გერმანიაშიც გამოჩნდება. მოკლედ „მხოლოდ ქართულის“ რუბრიკის ფარგლებში „ქალაქურის“ ერთ-ერთ საწარმოს ამ რუბრიკის ავტორი სალომე ჭიპაშვილი ესტუმრა და კომპანიის მუშაობის პროცესსა და სამომავლო გეგმებზე სიუჟეტიც მოგვიმზადა#ახალიამბები #BusinessMediaGeorgia
პანდემია მძიმედ კიდევ ერთ ინდუსტრიაზე, სილამაზის სალონებზე აისახა. რიცხვებით საუბარს თუ დავიწყებთ, სილამაზის სალონების ფედერაციის ინფორმაციით, სექტორში 2019 წელთან შედარებით 2021 წელს მოგება 50-60%-ით, ხოლო მომართვიანობა 30%-ით შემცირდა. თუ აქამდე სილამაზის სალონის კლიენტი კონკრეტული მომსახურებით კვირაში მინიმუმ ერთხელ სარგებლობდა, ახლა ამ პროცედურას ორ კვირაში ერთხელ იტარებს. ეს მაჩვენებლები ამ ინდუსტრიის სირთულეს ნაწილობრივ ასახავს, თუმცა გაცილებით დიდია ამ სექტორზე მოსული დარტყმა. ლიკა გურაბანიძემ ინდუსტრია მოიკითხა. ინსპირაცია არ დავმალავ, დესანჟის გლობალური ქსელის დირექტორის, ემანუელ გასნოტის საქართველოში ვიზიტი იყო, რომელიც წლის დასაწყისში ეწვია თბილისს და ქართველ პარტნიორებთან ერთად, რიგით მეორე სალონიც გახსნა აწ უკვე საბურთალოზე.#ახალიამბები #BusinessMediaGeorgia
პანდემია ვერაფერს დააკლებს მათ ვინც შრომობს, ქმნის ბარაქას, ზრდის ამით საკუთარ და ქვეყნის კთილდღეობასაც, პროფესიონალის დღევანდელ რუბრიკაშია ჩვენი ქალაქის ერთ-ერთი გამორჩეული მშრომელი, რომელსაც 20 წელიწადზე მეტია ვიცნობ, ვმეგობრობ, მინიმუმ თვეში ორჯერ ვნახულობ და რაც მთავარია, ის ჩემს თვალწინ გაიზარდა, რიგითი სტილისტიდან, სალონის მეპატრონემდე და აწ უკვე სამასპინძლო სექტორშიც შესული, რაფო მელოიანი ის იშვიათი გამრჯე და მშრომელი ადამიანია, რომელიც წარმატებული საკუთარი ხელობის ბიზნესად ქცევაში და მერწმუნებთ, არც სხვა უნარებს მოისაკლისებს და ოჯახთან ერთად უკვე მცირე სასტუმროსაც მართავს, რომლის მოწყობაზეც ასევე პირადად იზრუნა. მას ასე- რაფო მელოიანი, სალონი რაფაელის მმართელი პარტნიორი და აწ უკვე სასტურმრო ბიზნესის წარმომადგენელიც.#ახალიამბები #BusinessMediaGeorgia
სხვათაშორის, პრემიერ-მინისტრმა, ირაკლი ღარიბაშვილმა, რამდენიმე დღის წინ, გააცოცხლა კიდევ ერთი ძველი თემა და ისაუბრა საქართველოში სპეციალური საერთაშორისო ფინანსური ზონების შექმნის იდეაზე, რომლის განვითარება ხელს შეუწყობს ინვესტიციების მოზიდვას, ახალი სამუშაო ადგილების შექმნას, თანამედროვე ფინანსური,ტექნოლოგიური სიახლეების გაზიარებას და ქვეყნის რეგიონულ ფინანსურ ცენტრად ჩამოყალიბებას. ასეთია მიზანი, თუმცა საინტერესოა შეუძლია თუ არა საქართველოს გახდეს ფინანსური ცენტრი და აქვე გადავხედოთ Global Financial Centres Index-ის კვლევას, მსოფლიოში ყველზე მსხვილი ფინანსური ცენტრების შესახებ.#ახალიამბები #BusinessMediaGeorgia
წლის ბოლოსკენ მთავრობამ დააინიცირა სასწრაფო წესით ცვლილებები კანონმდებლობაში, რაც ასევე სასწრაფოდ დადასტურდა საქართელოს პარლამენტის მიერ, რომლითაც გამკაცრდა, და ბევრი მიმართულებით საერთოდ აიკრძალა-შეიზღუდა აზარტული თამაშების ინდუსტრია. არსებობს მოსაზრება, რომ ეს გადაწყვეტილება ასევე არის მილიონობით ლარის დაკარგული შემოსავალი ქართული სპორტისთვის. სხვათაშორის რეგულირების აუცილებლობაზე თავად სათამაშო ბიზნესი და მასთან დაკავშირებული სექტორებიც თანხმდებოდნენ, თუმცა, ეხლა ვითვლით ჯერ ზარალს რომელიც სპორტის სხვადასხვა სახეობებმა მიიღეს ამ გადაწყვეტილების ფონზე.#ახალიამბები #BusinessMediaGeorgia
მე მომეცა საშუალება პირადად ჩამომერთვა ინტერვიუ თეგეტა ჯგუფის დამფუძნებლისთვის, რომელიც საინტერესო მთხრობელიც აღმოჩნდა და იმედი მაქვს საზოგადოებამ მეტი გაიგო თემურ კოხოძეს საქმიან ისტორიაზე, რომელიც თეგეტა ჰოლდინგს და საირმე სპა რეზორტს ფლობს. საირმეზე სხვა დროს ვისაუბროთ, დღეს კი თეგეტას აღმასრულებელი დირექტორის მოწვევა გადავწყვიტეთ ფორბსის სტუდიაში, და კომპანიის გამოწვევებზე საუბარი. ვახტანგ კაჭარავასთვის ფორბსის რედაქცია და ფორბს კვირა, ნამდვილად არ არის უცხო გარემო.#ახალიამბები #BusinessMediaGeorgia
როდესაც ნებისმიერ საქონელს და მომსახურებას ყიდულობთ, ამ საქონლის ღირებულებიდან 18%-ს დღგ-ის სახით იხდით. არაერთ ქვეყანაში პროდუქციის ფასი დღგ-ს გარეშეა წარმოდგენილი და მყიდველებმა მკაფიოდ იციან, თუ რა მოცულობის დღგ-ს იხდიან, თუმცა საქართველოში არა, ჩვენში დღგ საბოლოო ფასისგან ცალკე წარმოდგენილი არაა.#ახალიამბები #BusinessMediaGeorgia
ჩვენ ყურადღების გამახვილება ერთ დანიურ კომპანიაზე გადავწყვიტეთ, რომელიც აგერ უკვე 30 წელია საქართველოდან კავკასიური სოჭის თესლის ექსპორტს ახორციელებს და ევროპაში სანერგე მეურნებაში რაჭიდან წაღებული თესლით საშობაოდ ნერგებს ზრდის და მათ რეალიზებას ევროპის რამდენიმე ქვეყანასი ახდენს. კომპანია Fair Trees-ში ამბობენ რომ ევროპელების მხრიდან კავკასიური სოჭის მიმართ ინტერესი საკმაოდ დიდია. რაჭიდან კავკასიური სოჭის ევროპის მიმართულებით მოგზაურობისა და კომპანიის საქმიანობის შესახებ ვრცლად ვიქტორია მღებრიშვილის სიუჟეტში ნახავთ.#ახალიამბები #BusinessMediaGeorgia
✅Covid19&ინფლაცია - ლიდერები 2022-ის მთავარ გამოწვევებს შორის ✅მთავრობის პასუხისმგებლობა პანდემიის მართვაში ✅ვინ არის რეკორდულ ინფლაციაზე პასუხისმგებელი? ✅ვინ სარგებლობს გაზრდილი ინფლაციით?#ახალიამბები #BusinessMediaGeorgia
თუ ვირუსმა ბიზნესში ვინმე დააზარალა, ეს სამასპიძლო სექტორია, რომელიც ძალიან დიდია, თუმცა დღეს სამთო კურორტებზე გვინდა მოგიყვეთ - როგორ ხვდებიან 700 კორონადღეების თავზე ვითარებას, როცა არც ვირუსი იხევს უკან, იდეაში არც ვიცრებით, გვაქვს ყველაზე მწვანე პასპორტი მსოფლიოში და ყველაზე ყველაზე ყველაზე მაგარი ადმინისტირება. ისემც კარგი დაგემართოთ, თუმცა - მაინც არ უნდა მოაკლდეს ყურდღება ბიზნესს იმ პირობებში რომ ელექტროენერგიის და გაზის ფასებიც მომატებულია, თოვლიც ჯერჯერობით ცოტაა. მოკლედ, ბუნებრივი თუ სხვა პრობლემები სამთო კურორტებს არ აკლია, მაგრამ სჯობს თავად გვითხრან მეტი.#ახალიამბები #BusinessMediaGeorgia
გიომ მულარტი, ბელგიელი რეპორტიორი და ჟურნალისტი წყალტუბოს სტუმრობდა გასული წლის მიწურულს, გიომს საენტერესო ხედვები და მიგნებები აქვს წყალტუბოს განვითარების თემაზე, და მინდა მასთან ერთად გაგიზიაროთ მისი ვიდეო ისტორიაც.#ახალიამბები #BusinessMediaGeorgia
მიმდინარე თვეში კიდევ ერთი სპეციალური, ინგლისურენოვანი ნომერი გამოვიდა, რომლის ყდის გმირიც Villa Residence-Resort-ის დამფუძნებელი, ნოშრევან ნამორაძეა და მასთან ერთად პროექტის ყველაზე მნიშვნელოვან საკითხებსა და გეგმებს განვიხილავთ. ასევე ვსაუბრობთ რეკორდულ ინფლაციაზე, კოვიდ სტატისტიკაზე და გიყვებით ადამიანებზე, რომლებიც საქართველოში და მის ფარგლებს გარეთ წარმატებას აღწევენ.#ახალიამბები #BusinessMediaGeorgia
Forbes Georgia-მ, რიგით მეორე პროფილური გამოცემა, #ForbesInfrastructure გამოსცა, რომელიც სფეროს ყველაზე მნიშვნელოვან მოთამაშეებსა და მათ მიერ ქვეყნისთვის შესრულებულ სამუშაოებს აჯამებს. მთავარი თემაც სწორე ესაა: გადაზიდვები, სატრანსპორტო კომუნიკაციები და საქართველოს რკინიგზა.#ახალიამბები #BusinessMediaGeorgia
მსოფლიოში უმსხვილესი სავაჭრო პლატფორმა “ამაზონი“ 1994 წელს ამერიკელმა კომპიუტერული მეცნიერებების სპეციალისტმა და ამავე დროს, ბიზნესმენმა, ჯეფ ბეზოსმა საკუთარ ავტოფარეხში დააარსა. თავისი დანაზოგით და მშობლების დახმარებით, ჯეფმა “ამაზონში“ 300 ათასი დოლარის ინვესტიცია ჩადო და მიუხედავად იმისა, რომ ინვესტირების აზრით, გაკოტრების შანსი საკმაოდ მაღალი იყო, მან ეს მაინც გააკეთა. დღეს ავტოფარეხში დაფუძნებული „ამაზონი“ მსოფლიოში წამყვანი ელექტრონული კომერციის კომპანიაა, 20 ათასიანი თანამშრომელთა გუნდითა და 20 მილიარდიანი დოლარის წლიური ბრუნვით. ვებ გვერდს, amazon.com-ს კი წლის განმავლობაში 700 მილიონ ადამიანზე მეტი სტუმრობს. თუმცა დღეს ამბავი არა ამაზონზე, არამედ მის შემოქმედზე, ჯეფ ბეზოსზე უნდა მოგიყვეთ, თუმცა ცხადია, ვერც ამაზონს ავუვლით გვერდს, რადგან სწორედ მისი წყალობით ბეზოსი სამყაროში უმდიდრეს ადამიანად იქცა და თუ როგორ დეტალებს მარიამ ადამია მოგვიყვება.#ახალიამბები #BusinessMediaGeorgia
სამკაულის ისტორია არის ორ კითხვაზე პასუხი: რა მსურს და რას ვფლობ. აი ამ ორ კითხვაზე პასუხის გაცემა, პროფესიონალმა მხატვარმა და იუველირმა ვაჟა ქუთათელაძემ 40 წლის წინ დაიწყო და ახლა შვილებთან ერთად ანტიკური პერიოდის საიუველირო ტექნოლოგიის, „ცვარამის“ მიხედვით ქმნის თანამედროვე დიზაინის შემოქმედებით სამკაულს. კომპაინიის სახელი „ცვარა“-ც სწორედ ამ ტექნოლოგიიდან არის აღებული. დღეისათვის მხატვრების სახელოსნოში ათასობით დეტალი ადამიანის შემოქმედებითი აზროვნების, ცეცხლის ენერგიისა და ძვირფასი მეტალის ურთიერთშერწყმით მზადდება. სამკაულის ყველა დეტალი ხელით მუშავდება და არამხოლოდ ქართველი, არამედ უცხოელი მომხმარებლებიც აღტაცებაში მოჰყავს. „ცვარას“ ბრჭყვილა სამყაროში ჩვენმა ჟურნალისტმა სალომე ჭიპაშვილმა შეიხედა და „მხოლოდ ქართულის“ რუბრიკის ფარგლებში სიუჟეტიც მოგვიმზადა.#ახალიამბები #BusinessMediaGeorgia
"სიცრუის სამი სახეობა: სიცრუე, თავხედული სიცრუე და სტატისტიკა"#ახალიამბები #BusinessMediaGeorgia
„ლისი დეველოპმენტმა“, თიბისი კაპიტალისა და გალტ & თაგარტის დახმარებით ამ კვირაში 12 000 000 აშშ დოლარის ოდენობის ობლიგაციების ემისია განახორციელა და ეს უკვე მეორედ ხდება საინვესტიციო კომპანიებთან ერთად, პირველად 2018 წელს იყო. ობლიგაციების ფიქსირებული საპროცენტო განაკვეთი 6.5%-ით განისაზღვრა, რაც ადგილობრივ ბაზარზე არაფინანსურ სექტორში აქამდე დაფიქსირებული კუპონის ყველაზე დაბალი განაკვეთია აშშ დოლარში. ობლიგაციების დაფარვის თარიღი 2024 წლის 17 დეკემბერია. კომპანიამ საკრედიტო რეიტინგი Scope Ratings-ისგან 2018 წელს მიიღო და ის „B+”/სტაბილური დონით განისაზღვრა. „ლისი დეველოპმენტი“ დღემდე ერთადერთი დეველოპერული კომპანიაა, რომელიც საერთაშორისო საკრედიტო რეიტინგს ფლობს. ეკოლოგიურად სუფთა გარემო, უსაფრთხოების სისტემა და მაცხოვრებლების საჭიროებებზე სრულად მორგებული ინფრასტრუქტურა, ეს არასრული ჩამონათვალია იმ ელემენტების, რაც მაცხოვრებლებს . მწვანე ქალაქში ხვდებათ…. მწვანე ქალაქი ლისზე, დეველოპერული კომპანია ლისი დეველოპმენტის პირველი მასშტაბური პროექტია, რომელი 65 ჰექტრამდე ტერიტორიაზე სამ საცხოვრებელ უბანსა და ვილების უბანს მოიცავს. აქ უდიდესი მნიშვნელობა ენიჭება ეკოლოგიას და ტერიტორიის მხოლოდ 20%-ზეა განლაგებული შენობები, ხოლო დანარჩენი 80% გამწვანებასა და დამატებით ინფრასტრუქტურას ეთმობა. გარდა ამისა ერთ სულ მოსახლეზე საშუალოდ, 150 კვადრატული მეტრი ფართობის საერთო სივრცეა მოწყობილი.#ახალიამბები #BusinessMediaGeorgia
საქართველოში პირველად ღვინის ქვის სამკაულების წარმოება დაიწყეს, ვისთვისაც უცნობია ღვინის ქვა კალიუმის მარილია, იგივე ტარტრატი, რომელსაც ღვინო ტემპერატურული შოკის შედეგად იკეთებს, ეს ხდება დაახლოებით იანვარ-თებერვალში, როდესაც ტემერატურა -4 გრადუსამდე ეცემა, კალიუმის მარილი ანუ იგივე ღვინის ქვა იმ ჭურჭელში მაგრდება სადაც ღვინოა მოთავსებული და ზუსტად ისეთივე ფერს იღებრს რა ფერიც თვითონ ღვინოა. სწორედ ამ მასალისგან პანდემიის პერიოდში თამუნა აბულაძეს სამკაულის შექმნის იდეა გაუჩნდა და wine diamond-იც ასე შეიქმნა.#ახალიამბები #BusinessMediaGeorgia
“Forbes კვირის” 2021 წლის ბოლო გადაცემის ინდუსტრიული მიმოხილვა სპირტიან სასმელების სექტორზეა, რადგან საახალწლოდ ეს პროდუქტი ერთ-ერთი ყველაზე მოთხოვნადი და გაყიდვადია. სანამ კომპანიები 2021 წლის ანგარიშგებებს გამოაქვეყნებენ მანამ, 2020 წლის მაჩვენებლები შევაჯერეთ. ასევე, იმ პრობლემების შესახებ გავიგეთ, რაც პანდემიურ მეორე წელს კვლავ გამოწვევად დარჩა. ამ ყველაფერზე ლიკა გურაბანიძე ინდუსტრიულ მიმოხილვაში გიამბობთ.#ახალიამბები #BusinessMediaGeorgia
"ეს იყო რთული წელი" - Forbesკვირა ეპილოგი#ახალიამბები #BusinessMediaGeorgia
„წიგნით იწყება თავისუფლება“ - ეს არის სლოგანი იმ უნიკალური პროექტის, რომელზეც „მხოლოდ ქართულის“ რუბრიკის ფარგლებში ახლა გიამბობთ. საუბარია კომპანია „ქინდერ ბუბუ“-ზე, რომელსაც მსოფლიოში ანალოგი არ ჰყავს და მისი მიზანი ბავშვებისთვის წიგნის კითხვის შეყვარებაა. კომპანია 2-დან 12 წლამდე ბავშვებისთვის ქმნის ფოტო -პერსონიფიცირებულ წიგნებს, სადაც ბავშვი ვიზუალურად თავად ხდება თავგადასავლის გმირი. წიგნი უკვე 17 ენაზეა ნათარგმნი და არსებობის 3 წლისთავზე მსოფლიოს 17 ქვეყანაც მოიცვა.#ახალიამბები #BusinessMediaGeorgia
დღეს მინდა კიდევ ერთი ბიზნესმენი წარმოგიდგინოთ, წარმოგიდგინოთ ფორბს კვირაში, თუმცა მას საქმიან საზოგადოებაში არ სჭირდება განსაკუთრებული წარდგენა, მიღმა იმისა, რომ რამდენიმე წამყვანი ადგილობრივი და საერთაშორისო უნივერსიტეტის კურსდამთავრებულია, ასევე ხელმძღავნელობდა რამდენიმე სტარტეგიულ კომპანიას, ააწყო პარტნიროებთანე რთად და უძღვეაბ გამროჩეულ ინფრასტრუქტურლ კომპანიას ინსის, რომელშიც თვლის რომ ცვლელების დრო დადგა, ხოდა სადაც სიახლებია, იქაა ფორბსიც და კვირაც.#ახალიამბები #BusinessMediaGeorgia
რაც უფრო მეტ მუსიკას უსმენთ, მით მეტი იცის პლატფორმამ თქვენი მუსიკალური გემოვნების შესახებ. შესაბამისად, მეტად თქვენზე მორგებულ შემოთავაზებებს იღებთ და სულ უფრო რეალური ხდება, საყვარელი ჯგუფის მიერ, ჯერ კიდევ გუშინ გამოშვებული ალბომი სამეგობროში პირველმა სწორედ თქვენ ნახოთ და მოისმინოთ. ასეთია ყველაზე ხშირად ჩამოტვირთვადი აპლიკაციის მოკლე აღწერა, უფრო დეტალურად, ისტორიას, მომხმარებელთა სტატისტიკასა და ქრონოლოგიას, შექმნიდან-დღემდე, მარიამ ადამია მოგვიყვება.#ახალიამბები #BusinessMediaGeorgia
28 დეკემბერს სასტუმრო შერატონ გრანდ მეტეხი პალასში საინვესტიციო კონფერენცია INVEST HUB 2022 ია დაგეგმილი, რომლის მიზანიც გლობალური ბიზნესისა და საერთაშორისო ინვესტორებისთვის საინვესტიციოდ მიმზიდველი ქვეყნის წარმოჩენაა. გეგმის მიხედვით, რომელსაც ორგანიზებას Swef land უწევს, სტუმრებს საქართველო, როგორც რეგიონალური ჰაბი, ამ სტატუსით უნდა იყოს საქართველო შეთავაზებული. გეგმაშია კონფერენციის ფარგლებში, ინვესტორებსა და საქართველოს მთავრობის წარმომადგენლებს შორის ურთიერთგაგების მემორანდუმის ხელმოწერა, რომლის მიზნებზე და ზოგადად ამ კონფერენციის დეტალებზე საუბარი წინმსწრებად Forbes Georgia-ს ოფისში გადავწყვიტეთ.#ახალიამბები #BusinessMediaGeorgia
ფორბს კვირას მთავარმა პროდიუსერმა და საქმიანი დილას თანაწმაყვანმა ანა ლაპიაშვილმა, ამ მედია პროექტის ინტერვიურის პოზიციას მოირგო, როდესაც მოახერხა და ჩაწერა ჩვენი კიდევ ერთი პარტნიორი, კომპანია ნოდია,ურუმაშვილი და პარტნიორების ერთერთი დამფიძნებელი და მმართველი პარტნიორი ლაშა ნოდია. ლაშასთან ერთგვარად მიმდინარე წელსაც ვაჯამებთ, მითუმეტეს წელს რამდენიმე მნიშვნელოვან კანონში ცვლილებები შევიდა, მათ შორის შეიცვალა გადახდისუუნარობა - რეაბილიტაციისა და კრედიტორთა კოლექტიური დაკმაყოფილების შესახებ კანონი, მნიშვნელოვნად განახლდა მეწარმეთა შესახებ ახალი კანონი, რომელიც 94 წლის რედაქციით გვქონდა აქამდე, შეიცვალა და განახლდა საინვესტიციო ფონდების შესახებ ახალი კანონი და ეს სრული ჩამონათვალი არ არის. მათი ნაწილი უკვე ამოქმედდა და ნაწილი განახლებული რედაქციით ბიზნესებისთვის საქმიანობის სხვა და სხვა მიმართულებებს ეტაპობრივად დაარეგულირებს.#ახალიამბები #BusinessMediaGeorgia
ამერიკული ანიმაციური სიტკომის, სიმპსონების შესახებ უნდა მოგიყვეთ, რომელიც პირველად მაყურებლის წინაშე, 32 წლის წინ, ზუსტად ამ დღეს, 19 დეკემბერს გამოჩნდა და შექმნა მეტ გრენინგმა, Fox Broadcasting Company-სთვის.ნაჩქარევად შექმნილი ტიპიური ამერიკული ოჯახის, მომავალი პერსონაჟების, რამდენიმე მონახაზს გროუნინგმა, არც თუ ისე დიდი ხნის ფიქრის შემდგომ თავისი ოჯახის წევრებისა და ახლობლების სახელები დაარქვა და შოუს გამოჩენიათანავე უდიდესი გამოხმაურება მოჰყვა. იყო ბევრი კრიტიკაც, ჯილდოც და რეკორდიც. ჟურნალმა Time – მა 1998 წელს სიმფსონებს მეოცე საუკუნის საუკეთესო სატელევიზიო სერიალიც კი, უწოდა და პარალელურად მას ემის 21 ჯილდო აქვს მიღებული. როდის სრულდება სერიალი და რა გზა განვლო მსოფლიო აღიარებამდე. სიმსონების ისტორიას მარიამ ადამია მოგვიყვება.#ახალიამბები #BusinessMediaGeorgia
სამეგრელოში კურორტ მენჯში სახელმწიფოს თავისი ქონების აუციონის წესით გაყიდვის უკვე მესამე მცდელობა აქვს. აუქციონი ქონებაზე რამდენიმე დღის წინ გამოცხადდა და ჩვენს თემასაც შეგვიძლია ვთქვათ, რომ საუკეთესოდ დაემთხვა. სამეგრელოს ტურის ფარგლებში, კურორტ მენჯში გავლაც მოასწრეს ნინიმ და ანუკამ და იქაური მიტოვებული ინფრასტრუქტურაც გადაიღეს. დღეს ეს ადგილი ისევ ინვესტორს ელის- ფასი 1.7 მლნ ლარია. კურორტ მენჯის პოტენციალი რომ დიდია ამას ისტორიაც მოწმობს და თავად შენობა ნაგებობებიც, რომელსაც ის ძველებური სილამაზე კჯერ კიდევ ეტყობა, რომელიც ხავსებს მიღმა იმალება. - ამ ყველაფრის თქვენთვის ჩვენებას კი მეგრული ამბების ბოლო ეპიზოდით ანუკა ჯოხაძე და ნინი ლონგურაშვილი შეეცდებიან.#ახალიამბები #BusinessMediaGeorgia
მსოფლიოში და მათ შორის საქართველოში IT დეველოპერებზე მოთხოვნა ყოველდღიურად იზრდება, მათ შორის მზარდია იმ სფეროების რაოდენობაც, სადაც ამ პროფესიის წარმომადგენელთა აუცილებლობის საკითხი დღის წესრიგში დგება. ბი ემ ჯის მაყურებელი პროგრამული უზრუნველყოფის განვითარების კომპანია სვიფტ დიჯიტალს და მის მესვეურებს უკვე იცნობს, თუმცა დღეს ჩვენს მაყურებელს შევეცდებით SWEEFT DIGITAL-ის როგორც ადგილობრივი, ისე საერთაშორისო პარტნიორები გავაცნოთ. კომპანიას მიღმა საქარველოსი უკვე კარგად იცნობენ ევროპის ბაზარზე, სადაც წლებია SWEEFT DIGITAL-ის გუნდი თითქმის ყველა სიდიდის კომპანიას ტექნოლოგიურ გადაწყვეტებს სთავაზობს.#ახალიამბები #BusinessMediaGeorgia
ეს გახლავთ ჩინეთის ერთერთი უმდიდრესი ადამიანი, ის კომპანია ევერგრანდის ხელმძღვანელი და თავმჯდომარე, მისი სახელია ჰუიკაიანი, სულ რაღაც რამდენიმე თვის წინ, მის ქონებას აფასებდნენ 25 მლრდ დოალრად, ეს პირად ქონებაზე, აქტივებზე წილებზე და აქციების ფასზეა საუბარი, და ჩინეთის უძრავი ქონების ბაზარზე შემქნილმა კრიზისმა, უფრო სწორად, ამ ინდუსტრიის მაღალმა ვალდებულებებმა და დავალიანებამ ერთდროს კონტინენტის და მსოფლიოს წამყვანი კომპანია ევერგრანდი მინუს 46 მლრდ დოლარის დანაკარგში დატოვა და ის დღეს, მიმდინარე წლის ყველაზე წაგებული კომპანიად ითვლება მსოფლიოში, რომელიც საჯაროდ ივაჭრება და სასასეხო ვალდებულების კრიზისი ჩინეთში, არც ითვლება ამოწურულად. არასრულ 1 წელიწადში ერთი კომპანიის კაპიტალიზაციის 46 მლრდ შემცირება ანუ დაკარგვა ნიშავს, რომ საქართველოს ეკონომიკის სამჯერ მეტი ანუ სამჯერ უფრო დიდი ზომის და მოცულობის ფასი დაკარგა ევერგრანდმა, ხოლო მისი ხელმძღვანელი დღეს სამჯერ ნაკლების პატრონია, და მისი ქონება ჩვენი გადაცემის ჩაწერამდე რამდენიმე წუთით ადრე 6 მლრდ დოალრზე დაკორექტირდა 15 მილიარდიდან, რაც ნიშანვს რომ დღეს ევერგნრაბდის ხელმძღვანელი ფლობს დაახლოებით იმდენს რაც საქართველოს 1 წლის სახელმწიფო ბიუჯეტი, იქნება 2022 წელს.#ახალიამბები #BusinessMediaGeorgia
„ალამბრა“ კი ჯადოსნურ ყვავილს ნიშნავს, ხო და ამ ჯადოსნური ბრენდის შექმნის იდეაც მაშინ გაჩნდა როცა თოკებისა და წითელი ძაფების ხელზე გაკეთება საკმაოდ მოდური გახდა. რამდენიმე მეგობარმა გააცოცხლა მინანქარი და თოკებთან შერწყმით დაამზადეს სამაჯურები, რომლებიც „ალამბრას“ სახელწოდებით ბაზარზეც გამოჩნდნენ. 2019 წლიდან კი კომპანია თანამშრომლობს ცნობილ მხატვარ რუსუდან ფეტვიაშვილთან, რომელიც ექსკლუზიურად „ალამბრასთვის“ ესკიზებს ქმნის. თუმცა კომპანია მხოლოდ ამით არ შემოიფარგლება, ისინი ახალგაზრდა დიზაინერებთან და მხატვრებთანაც აპირებენ თანამშრომლობას. მოკლედ, „მხოლოდ ქართულის“ რუბრიკის ფარგლებში ახლა სწორედ „ალამბრას“ ისტორიასა და სამომავლო გეგმებს გაგაცნობთ, რომლის შესახებაც სიუჟეტი თავად რუბრიკის ავტორმა სალომე ჭიპაშვილმა მოგვიმზადა.#ახალიამბები #BusinessMediaGeorgia
ვისკის ბევრი რამ უხდება, მაგრამ განსაკუთრებით კითხვისას გეხმარებათ ყველა იმ სიკეთის შეგრძნებაში რაც ლიტერატურიდან მომდინარეობას, დეკემბრის ფორბსმა მოამზადა ქართული ბესტსელერების რეიტინგი, ეს ჩვენი პირველი მცდელობაა დაგვეთვალა კონკრეტულ მეთოდოლოგიაზე დაყრნდნობით, თუ რომელი წიგნები და ავტორებია განსაკუთრებულ მოთხოვნაში ქართველ მკითხველებში. საკმაოდ საინტერესო ამბავი და მონაცემები მივიღეთ, რასაც გარდა ფორბსში გაცნობისას, ვიდეო ვერსიის სახითაც გიზიარებთ.#ახალიამბები #BusinessMediaGeorgia
✔საქართველოს ჯანდაცვის მინისტრით. და მის გარეშე. ✔ხაზარაძე-ჯაფარიძე-წერეთელის სასამართლო ✔ანაკლიას პორტი: ან აკლია, ან არა. ✔საპარლამენტო განხილვები ეკონომიკაზე ✔ფულად-საკრედიტო და სავალუტო პოლიტიკა 2024 ✔ეროვნული ბანკის მანდატი და ანგარიშვალდებულება ➡გიორგი ისაკაძე - Forbes Georgia-ს მთავარი რედაქტორი#ახალიამბები #BusinessMediaGeorgia
შოტლანდიური პრემიუმ ვისკის ბრენდი „გლენფიდიხი“ (Glenfiddich) წარმოგიდგენთ კამპანიას – WHERE NEXT, რომელიც მოიცავს ინტერვიუების სერიას სხვადასხვა სფეროს პროფესიონალებთან. კამპანიის იდეა და მთავარი მამოძრავებელი ძალა ადამიანების შთაგონება, კომფორტის ზონიდან გამოსვლაში დახმარება და იმ გამოწვევების მიღებაა, რომლებიც მათ უწყვეტ განვითარებას შეუწყობს ხელს. ეს არის ბიძგი ყველასთვის, რომ ყოველთვის ვეკითხებოდეთ საკუთარ თავს – WHERE NEXT?სფეროს ექსპერტები რჩევებს აძლევენ იმ ადამიანებს, რომლებსაც სიახლეები სურთ, რაღაცის შეცვლა ან დაწყება უნდათ. ამით ისინი წინსვლისკენ უბიძგებენ სხვებს და ამხნევებენ – არ შეუშინდნენ ცვლილებებს, უშიშრად გადადგან წინ ნაბიჯები და ა.შ…#ახალიამბები #BusinessMediaGeorgia
როგორ ხურავენ წელს ქსელური სუპერმარკეტები რომელთაც გასანკთრებული სტუმრიანობა ელით წინასაახალწლოდ? ეს არის მთავარი კითხვა, რომელიც ჩვენ სწორედ ამ ბიზნესსექტორის წარმომადგენლებთან დავსვით. პასუხი ერთია და დამაიმედებელი. თუმცა, ჩვენთან საუბრისას კომპანიების მენეჯერები, ამ ეტაპზე არასახარბიელო ეკონომიკური ვითარების გამო ბევრ მნიშვნელოვან გამოწვევას ასახელებენ. ოთხ მსხვილ კომპანიაზე მოგიყვებით, რომლებმაც ქართულ ქსელურ სუპარმარკეტებს შორის ჯანსაღი კონკურენციაც გააჩინეს და ამის პარალელურად საკუთარი ბიზნესიც განავითარეს. სწორედ ამ ბიზნესებზე ლიკა გურაბანიძე ინდუსტრიული მიმოხილვით გიამბობთ. სხვათაშორის, ამის სახელდახელოდ, ფორბსმა მსხვილი ქსელური მარკეტების რეიტინგებიც მოაზადა, რომელიც ბეჭდური სახით დეკმებრის მარკეტმეიკერის გამოცემაშია, forbes რეიტინგის ვიდეო ვერსია, კი უძღვება ჩვენს ინდუსტრიულ მიმოხილვას მარკეტების შესახებ.#ახალიამბები #BusinessMediaGeorgia
FMCG_ის ბრუნვა 9 მლრდ ლარს აღწევს#ახალიამბები #BusinessMediaGeorgia
საწვავის და, ზოგადად, ენერგომატარებლების ფასი ყოველთვის მნიშვენლოვან სოციალურ საკითხს წარმოადგენს. ამჟამად საქართველოში საწვავის ფასი ისტორიულ მაქსიმუმზეა და ერთი ლიტრი რეგულარის მარკის ბენზინი 3.04-3.15 ლარის ფარგლებში იყიდება. როგორ დგინდება საწვავის ადგილობრივი ფასი?! ბექა ბაციკაძის სიუჟეტში ვნახავთ, იქამდე კი უფრო ფართო კონტექსტისთვის შეგვიძლია შევადაროთ საწვავის რეგიონული ფასები: ამ შემთხვევაში იყოს A-95 მარკის ბენზინი ყველა ქვეყნისთვის, რომლის ღირებულება აზერბაიჯანში - 2.88 ლარს შეადგენს. ● რუსეთში - 2.14 ლარია. ● საქართველოში - 3.09 ლარი ● სომხეთში - 3.41 ლარი, ხოლო ● უკრაინაში - 1 ლიტრი A-95 მარკის ბენზინის ფასი - 3.72 ლარს შეადგენს. საქართველოში საწვავი ღირს უფრო ძვირი ვიდრე ნავთობმომპოვებელ რუსეთსა და აზერბაიჯანში, რაც გამოწვეულია იმით, რომ საქართველო ნავთობის იმპორტიორია და ქვეყანაში მაღალი სააქციზო განაკვეთია, თუმცა საქართველოში ფასი უფრო მცირეა, ვიდრე ნავთობიმპორტიორ უკრაინასა და სომხეთში.#ახალიამბები #BusinessMediaGeorgia
ქართულ წარმოებას მეტი ქვეყნის ბაზარზე გასვლას და წარმატებებს ვუსურვებთ და ყველა სიახლეზე ეტაპობრივად მოგიყვებით ხოლმე. იქამდე უნდა მოგიყვეთ ამბავი რომლის მთავარმა გმირმაც ყველა დაბრკოლება გადალახა და საზღვრები გაარღვია. ამბავი პოსტრედზეა, მის შემქმნელებზე და ამ კომპანიის დამფუძნებელზე, რომლებიც არ უშინდებიან გამოწვევებს, და ბევრი შრომის შედეგად საქართველოს და ჰოლივუდს შორისაც ხოდჩატეხილობა მოხსნეს. ანუ საქართველო, როგორც ქვეყანა, ბესო კაჭარავას და მისი გუნდის პროფესიონალიზმით ჰოლივუდში გამოჩნდა და თან ძალიან სერიოზული კონტრაქტებით. იუნივერსალი, ვარნერ ბრაზერსი, HBO თუ სხვა ცნობილი სტუდიები დღეს ქართულ პოსტრედს უკვეთავენ პროდუქციას და ჩვენებურ ბიჭებს თავის ნაშრომს ანდობენ. მოკლედ, ბედო კაჭარავა გვინდა გაგაცნოთ პროფესიონალში, რომელიც ფორბსთან ჯერ ამერიკულ კომპანიებთან კონტრაქტის პირობებზე არ საუბრობს, მაგრამ მაინც გვიმხელს რომ შემოსავლები 4 და 5 ციფრიან კონტრაქტებს სცდება. ჩვენ გვიყვარს რიცხვები და წარმატებული ახალგაზრდები, ამიტომ ვნახოთ ახლა პროფესიონალი.#ახალიამბები #BusinessMediaGeorgia
12 წლის მხატვარმა, ნილა ჰეისმა საკუთარი ნამუშევრები NFT-კოლექციად აქცია და მისი გაყიდვით 1.6 მილიონი აშშ დოლარი იშოვა. ამის შესახებ ინფორმაციას ონლაინგამოცემა Business Insider-ი ავრცელებს. ნილამ ხატვა ოთხი წლის ასაკიდან დაიწყო. ცხრა წლის ჰეისის შემოქმედების დიდი ნაწილი კი სხვადასხვა წარმოშობის ქალების პორტრეტებმა დაიკავა. აღსანიშნავია, რომ მათ ნილა უჩვეულოდ გრძელი კისრებით ხატავდა. ნამუშევრების ავტორის განცხადებით, მის შთაგონების წყაროს ბრონტოზავრი წარმოადგენდა. ამ უკანასკნელის ნიშან-თვისებების ქალებისთვის მინიჭებით, მხატვარს მდედრობითი სქესის წარმომადგენელთა სიძლიერის ხაზგასმა სურდა.12 წლის მხატვარმა საკუთარი ნამუშევრების NFT-ების სახით გაყიდვა მას შემდეგ გადაწყვიტა, რაც ხელოვნების ჩვეულებრივ სავაჭრო პლატფორმებზე შესვლისას დაბრკოლებებს წააწყდა. თავდაპირველად ნილამ ხატვა სმარტფონში დაიწყო, შემდეგ კი ამისთვის iPad-ი გამოიყენა. მან სურათები JPEG-ფორმატში შეინახა, მოგვიანებით კი NFT-ების სავაჭრო პლატფორმა OpenSea-ზე ატვირთა.#ახალიამბები #BusinessMediaGeorgia
ლურჯი მოცვის მურაბა და ჯემიც გემრიელი უნდა იყოს და როგორც ამბობენ გამორჩეულად სასარგებლოაო. მოცვის წილი ტკბილ ტკბილ კონსერვებში რამდენია ვერ გეტყვით, მაგრამ ჯემების და მურაბების მწამოებლებზე ვრცელ ინდუსტრიულ მიმოხილვას კი შემოგთავაზებთ. როგორ ჩაებნენ წინასაახალწლო სამზადისში ჯემების და მურაბების მწარმოებელი კომპანიები და როგორ აფასებენ ისინი 2021 წელს, ლიკა გურაბანიძე მოგიყვებათ#ახალიამბები #BusinessMediaGeorgia
საცხოვრებელი სახლები, გზები, მუზეუმები, საბაგიროები, პარკები, აეროპორტი, ფაქტობრივად ყველა მიმართულება და საქართველოს ყველა კუთხეში - "დაგის" პორტფოლიოში მილიონ კვადრატულ მეტრზე მეტი და 500-ზე მეტი ინფრასტრუქტურული პროექტია. კომპანია საკმაოდ დიდი გადმოცდილებით, რომელიც არაერთხელ მოხვედრილა ბიემჯის ყურადღების ცენტრში, მახსოვს კომპანია დაგიზე მანანა მანჯგალაძეს საქმიანებიც, თუმცა დღეს მომეცა საშულება ფორბსის ოფისში მემასპიძლება კომპანიისთვის დამფუძნებლისთვის, რომელიც ერთის მხრივ ინდუსტრიაში არსებულ გამოწვევებზეც მოგვიყვება, წელსაც შეაჯამებს კომპანიის პრიზმიდან, და ასევე გვეტყვის რა პროექტებშია ჩართული კომპანია დაგი. მაშ ასე, გაიცანით გოგი გულორდავა, ვინც არ იცნობთ, ის კომპანია დაგის მმართველი პარტნიორი და დამფუძნებელია.#ახალიამბები #BusinessMediaGeorgia
სამეგრელო-ზემო სვანეთის სახელმწიფო რწმუნებული ადმინისტრაციის ინფორმაციით, „დანერგე მომავლის“ პროგრამის ფარგლებში სამეგრელოს რეგიონში 250-მა ფერმერმა 470 ჰექტარზე ლურჯი მოცვი უკვე გააშენა. მეგრელი ფერმერი ნუკრი კვარაცხელია ფორბსთან ამბობს, რომ კულტურას დიდი პოტენციალი გააჩნია და სწორედ ამიტომ, მას უკვე 4 ჰექტარზე აქვს გაშენებული ლურჯი მოცვის ბაღი, პარტნიორთან ერთად და აქ გაჩერებას არ აპირებენ… პირველი ბაღი ფერმერებმა 2019 წელს გააშენეს და 2020-ში მეორე ბაღი მიამატეს. მოსავალს კი 2022 წელს უკვე ელოდებიან. ამ სიუჟეტის მთავარი გმირის სახელი Forbes კვირას მაყურებლებისათვის უკვე ნაცნობიც უნდა იყოს. ნუკრი კვარაცხელია წალენჯიხის ის პირველი ინვესტორია, რომელიც ფორბსმა პირველმა იპოვა და გასულ კვირას ყველა, დიდი თუ პატარა რომ ამ ამბავზე ლაპარაკობდა. ახლა კი ფოსტის შენობის ყიდვამდე დაწყებულ საქმეებზე და 200 000 ლარიან ინვესტიციაზე ნინი ლონგურაშვილი და ანუკა ჯოხაძე, ფერმერის ბაღიდან, სამეგრელოს სოფელ ზემო ეწერიდან გვიყვებიან.#ახალიამბები #BusinessMediaGeorgia
სოფელში რომელშიც ჩვენი ჟურნალისტები ჩავიდნენ არათუ დაგს ბოლო ათწლეულებია არც ერთ მშენებელს ფეხი არ ჩაუდგამს. დღეს კურორტი სქური უნდა გაჩვენოთ, უფრო სწორად ნაკურორტალი, არადა იყო დრო ბალნეოლოგიურ კურორტს დამსვენებლები არ აკლდა. სქური დღეს მიტოვებულია, ინფრასტრუქტურა მოშლილი და მიტოვებული. საინვესტიციო პროექტებით დაინტერესებულებისთვის ეს ადგილი ძალიან საინტერესო უნდა იყოს, ტურისტული პოტენციალით და ნიშური ბუნებრივი მარგალიტებით.#ახალიამბები #BusinessMediaGeorgia