1824 წლის 8 ივნისს კანადელმა გამომგონებელმა, ნოა ქაშინგმა, პირველმა დააპატენტა სარეცხი მანქანა. ეს არ იყო რაიმე სახის მოტორიზებულ ან ტექნიკაზე მიერთებული დანადგარი. ის ითვალისწინებდა ხელით ხის ყუთში არსებული ნივთების გარეცხავს, სპეციალური საბრუნი დანადგარით. 1868 წლის 8 ივნისს, ამერიკელმა გამომგონებელმა, აივზ მაკგაფნიმ გამოიგონა მტვერსასრუტი სახელად "უილვინი". 1786 წლის 8 ივნისს, ნიუ-იორკში, პირველად გამოჩნდა გაყიდვაში ნაყინი. სწორედ 8 ივნისს უკავშირდება ინგლისელი მეცნიერის დაბადება. საუბარია, სერ ტიმ ბერნერსლიზე, რომელიც ფაქტობრივად არის ინტერნეტის გამომგონებელი, მან შექმნა, მსოფლიოს ქსელი რომლის გარეშეც დღეს წარმოუდგენელია ამ პლანეტის ბინადართა აბსოლუტური უმრავლესობის არსებობა. #ახალიამბები #BusinessMediaGeorgia
"თფილისი, თბილისი, ტფილისის" დღევანდელ სერიაში ერთ უცნაურ ამბავს გიამბობთ, ამბავს ქართველი კომერსანტისა, რომელიც ამერიკის შეერთებულ შტატებსა და თბილისს შორის აღებ-მიცემობის გაჩაღებას ეშურებოდა და ბოლოს იქამდეც კი მივიდა, რომ ტფილისელ მესაკრავეთა ანსამბლის ფილადელფიაში, 1876 წლის მსოფლიო გამოფენაზე წაყვანა განიზრახა. თუმცა, სამწუხაროდ, ყველაფერი ისე როდი წარიმართა, როგორც ანტრეპრენერ, მიხელ ბეთანელს სურდა… გიორგი ჭეიშვილის საავტორო გადაცემა; #ახალიამბები #BusinessMediaGeorgia
მხოლოდ ქართულის რუბრიკაში დღეს სანაყინე “ბურატინოს” შესახებ მოგიყვებით. ეს არის ტაილანდური რეცეპტით დამზადებული შემწვარი ნაყინი, რომელიც ბაზარზე სულ რაღაც ორი წლის წინ გამოჩნდა და ოჯახური საქმიანობა ბიზნესად იქცა. ინგა ტარყაშვილი - “ბურატინო”, თანადამფუძნებელი; #ახალიამბები #BusinessMediaGeorgia
მომავალი წლიდან საქართველოში ენერგოეფექტურობის სრულიად ახალი მოთხოვნები ამოქმედდება. კერძოდ, “შენობების ენერგოეფექტურობის” რეფორმის ფარგლებში, საჯარო სექტორს შენობების 1%-ის ნაცვლად, 3%-ის რენოვაციის ვალდებულება ექნება. 4 წელიწადში ერთხელ კი, ენერგოაუდიტის ჩატარება მოუწევთ. ახალი სამუშაო კვირიდან, კანონპროექტზე საპარლამენტო მოსმენები იწყება. #ახალიამბები #BusinessMediaGeorgia
საქართველოს მთავრობის მიერ ინიციირებულ კიდევ ერთ მსხვილ პროექტზე გესაუბრებით. საქმე ეხება ვაზიანის ტერიტორიაზე ახალი აეროპორტის მშენებლობას. წინასწარი დათვლებით, ინფრასტრუქტურის მოწყობისთვის 1.3 მლრდ დოლარია განსაზღვრული და 19 მილიონი მგზავრის გამტარუნარიანობას ითვალისწინებს. პირველი ვიზიტორის მიღებას აეროპორტი 2028 წელს შეძლებს. მთავრობა ელის, რომ მშენებლობა კერძო ინვესტორის დაფინანსებით განხორციელდება. ავიაციის სექტორის წარმომადგენლების ნაწილი მთავრობის გადაწყვეტილებას დადებითად აფასებენ. ამბობენ, რომ ეს ინდუსტრიის განვითარებას კიდევ უფრო მეტად ხელს შეუწყობს. ბიზნესის ნაწილს კი მიზანშეწონილად ძველის გაფართოებას მიიჩნევს. #ახალიამბები #BusinessMediaGeorgia
ადამიანის უფლებათა დაცვისა და სამოქალაქო ინტეგრაციის კომიტეტმა „დაგროვებითი პენსიის შესახებ“ კანონში შესატან ცვლილებაზე იმსჯელა და მხარი დაუჭირა. საკანონმდებლო პაკეტი ეკონომიკის სამინისტროს მიერ არის მომზადებული და ის პარლამენტს განსახილველად, ჯერ კიდევ, აპრილში წარედგინა. აღნიშნული კანონპროექტი საპენსიო სააგენტოში მთელ რიგ ცვლილებებს ითვალისწინებს. მათ შორის, იცვლება საპენსიო სააგენტოს სახელი და მას "საპენსიო ფონდი" ეწოდება. #ახალიამბები #BusinessMediaGeorgia
მომავალ კვირას მსოფლიოს ყურადღების ცენტრში ამერიკის შეერთებული შტატები იქნება, რადგან ფედერალურმა რეზერვმა მონეტარულ პოლიტიკასთან დაკავშირებით გადაწყვეტილება უნდა მიიღოს. ექსპერტების შეფასებით, FED-ი განაკვეთს ისევ უცვლელად, 5.5%-იან ნიშნულზე დატოვებს, თუმცა არსებობს იმის თეორიული შანსი, რომ მონეტარული პოლიტიკის განაკვეთი 25 საბაზისო პუნქტით შემცირდეს, განსაკუთრებით იმის გათვალისწინებით, რომ ანალოგიური გადაწყვეტილება გასულ კვირას ევროპის ცენტრალურმა ბანკმა უკვე მიიღო. #ახალიამბები #BusinessMediaGeorgia
"საქართველოს ბანკის" (BGEO) აქციების ფასი 0.81%-ით გაიზარდა და ამჟამად, ერთი აქციის ღირებულება 37.40 გირვანქა სტერლინგს შეადგენს. კომპანიის საბაზრო კაპიტალიზაცია კი 1.83 მილიარდ სტერლინგს აღწევს. ბოლო 6 თვეში კომპანიის აქციები 7.01%-ით გაიზარდა. TBC PLC-ის აქციების ღირებულებამ ერთკვირიან ჭრილში 0.98%-ით შემცირდა. ბანკის ერთი აქცია 25.25 გირვანქა სტერლინგი ღირს. კომპანიის საბაზრო კაპიტალიზაცია ამჟამად 1.39 მილიარდ გირვანქა სტერლინგს შეადგენს. ბოლო 6 თვეში კომპანიის აქციები 7.85%-ით შემცირდა. "საქართველოს კაპიტალის” (CGEO) აქციების ღირებულება 8.42%-ით შემცირდა, შედეგად ერთი აქციის ფასი 8.70 გირვანქა სტერლინგი გახდა. შედეგად, კომპანიის საბაზრო კაპიტალიზაცია ამჟამად, 405 მილიონ გირვანქა სტერლინგს შეადგენს. ბოლო 6 თვეში კომპანიის აქციები 10.12%-ით შემცირდა. #ახალიამბები #BusinessMediaGeorgia
საინტერესოა, იმ ქვეყნების და გეოგრაფიების ჩამონათვალი, სადაც მოქმედებს საერთაშორისო სანქციები. ვინ არიან ამ რეიტინგის ან გნებავთ ანტირეიტინგის ლიდერი ქვეყნები. #ახალიამბები #BusinessMediaGeorgia
პირველად, საქართველოს დამოუკიდებლობის ისტორიაში, სანქციები ანუ სამოგზაურო შეზღუდვები შეერთებული შტატებიდან დაეკისრა მმართველ პარტიას და ქვეყნის პოლიტიკურ ელიტას, ასევე, რამდენიმე კერძო პირს და დიდი ალბათობით, სტატუსით ბიზნესმენებსაც, რომელსაც შეერთებული შტატები თვლიან, რომ არიან დაკავშირებული არამხოლოდ საქართველოს მოქმედ ხელისუფლებასთან, არამედ რეალურად არიან ჩვენს ქვეყანაში დემოკრატიისთვის და ადამიანების უფლებების ხელყოფაში ჩართული პირები. #ახალიამბები #BusinessMediaGeorgia
საქართველოს პოლიტიკური სისტემა და ეკონომიკაც არსებობის სრულიად ახალ რეალობაში შედის.მივედით იქამდე, რომ სახელმწიფო სისტემა და აპარატი დადგა მორიგი უმძიმესი გამოწვევის წინაშე, რომლის ანალოგიც დამოუკიდებელ საქართველოს არსებობის მანძილზე არ ჰქონია და შეერთებული შტატების მიერ დაწესებული სავიზო შეზღუდვების პირველი ნაკადი არის ამ უმძიმესი რეალობის პრელუდია, რომელიც მოასწავებს, რომ შესაძლოა აღნიშნული სანქციები ტრანსფორმირდეს აქტივების ანუ ქონების, და ფინანსურ ანუ დოლარის სივრციდან ჩახსნის პერსპექტივას. აღნიშნულს, დიდი ალბათობით გამოეხმაურება კიდევ ორი პოლიტიკური ცენტრი - ევროკავშირიდან დაბრექსიტებული დიდი ბრიტანეთი, რომელიც როგორც წესი, ამერიკის შეერთებულ შტატებთან ერთად ტანდემშია ასეთ გადაწყვეტილებებში, და ოფიციალური ბრიუსელი, რომელიც შეკრებს ევროკავშირის საგარეო საქმეთა მინისტრებს ამ თვის ბოლოს, სადაც გაჟღერდება საქართველოს მიმართ დამოკიდებულების სრული შინაარსი. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 09.06.2024 #ახალიამბები #BusinessMediaGeorgia
რამდენიმე წლის წინ ერთ ძალიან საინტერესო წამოწყება ჩაეყარა საფუძველი. საუბარია MyMakulatura.ge-ზე, რომლის იდეა და საქმიანობაც საკმაოდ მასშტაბურ მიზნებს ემსახურება. ეს არის კომპანია, რომელიც საქართველოს მასშტაბით, კომპანიებისგან თუ ფიზიკური პირებისგან მაკულატურას იბარებს, შემდგომ კი რამდენიმე საწარმოს ამარაგებს. მაკულატურის შემგროვებელი კომპანია საკმაოდ დიდ მასშტაბებზე გადის, რადგან დღეს, MyMakulatura.ge-ის საქმიანობის შესახებ თითქმის ყველამ იცის. მეტიც, მათ შეძლეს და ქვეყანაში ქაღალდის შეგროვების და მხოლოდ გადამუშავების და არა - განადგურების - კულტურა დანერგეს. მეგობრების მიერ შექმნილი საიტიც საკმაოდ მოქნილია, შეგროვება - ჩაბარების ჯაჭვიც გამართული და სრულად მომხმარებლის კომფორტზე ორიენტირებული. არაერთ გეგმასთან ერთად ერთი ყველაზე მნიშვნელოვნად ესახებათ. ➡️ამირან ცირდავა - MyMakulatura.ge-ს დამფუძნებელი; #ახალიამბები #BusinessMediaGeorgia
წარმოგიდგენთ, საწვავის ფასებს ევროპასა და საქართველოში. საინტერესოა, სად უფრო იაფია ერთ-ერთი ყველაზე მოთხოვნადი პროდუქტი და სად არის დანამდვილებით ძვირი. #ახალიამბები #BusinessMediaGeorgia
დღის რიცხვი: $200 მლნ – Robinhood-ის და კრიპტობირჟა Bitstamp-ის გარიგების მოცულობა #ახალიამბები #BusinessMediaGeorgia
სასტუმრო კომპლექსი “ნუშების ბაღში” - არქიტექტურული და კონსტრუქციული კომპანია teamtwo-ს მიერ შესრულებული პროექტი კომპანია “კნაუფის”საერთაშორისო კონკურსის გამარჯვებული გახდა. შენობა წარმოადგენს ერთგვარ საგამოფენო სივრცეს, როგორც არქიტექტურული, ასევე ბუნებრივი ობიექტებისთვის. შენობის კონცეფცია ქმნის მრავალფეროვან გარემოს, სადაც საცხოვრებელი და საზოგადოებრივი ზონები ერთ სივრცეში თანაარსობენ და აუმჯობესებენ კავშირს შენობის სხვადასხვა ფუნქციასთან, ისე როგორც მაგ. ფორუმი ანტიკურ ქალაქებში. სტუმრები:
მ2-ის უბანი მარშალ გელოვანის გამზირსა და აკაკი ბაქრაძის ქუჩებს შორის მდებარეობს, რომელიც საცხოვრებელ ზონასთან ერთად სპორტულ, საგანმანათლებლო, სარეკრეაციო და გასართობ ინფრასტრუქტურას მოიცავს. ტერიტორიაზე 70 კომერციული და 6 საოფისე ფართი მოეწყობა, რომლის შეძენა მომხმარებელს სხვადასხვა მიზნობრიობით განსაკუთრებული გადახდის პირობებით შეუძლიათ.
"ბოლო თვის განმავლობაში, მრავალი თვის ნალოლიავები, ორი დიდი ევროპული გარიგება ჩაგვივარდა, იმ კომენტარით რომ “თქვენ ევროპისკენ აღარ მიდიხართ”, - ამის შესახებ RENTALS & Eristavi Estates, მმართველმა პარტნიორმა, ზურაბ ერისთავმა გასული კვირის ბოლოს, სოციალურ ქსელში დაწერა. მისივე ინფორმაციით, ჩავარდნილი პროექტებიდან ერთ-ერთი 300 სამუშაო ადგილს ქმნიდა. გასული თვე რომ მძიმე იყო სექტორისთვის არ მალავს არც დეველოპერული სექტორი. მიუხედავად იმისა, რომ ტრანზაქციებში ჯერ ეს არ ასახულა, დარგში მომუშავე კომპანიებმა პირველად ბოლო 2 წლის განმავლობაში დაიწყეს საუბარი იმაზე, რომ მომხმარებლის მოთხოვნა გადავადებულია და ყველა ვითარების დასტაბილურებას ელის. პროცესებს ართულებს არასტაბილური ლარი, რომელიც როგორც მომხმარებელზე, ისე კომპანიაზე უარყოფითად აისახება. სტუმარი:
ჩემი მეგობრის, ირაკლი ლაითაძეს მორიგი წიგნი "თანამედროვეობის ილუზიები" გახდა ჩემი დღევანდელი საავტორო ეპილოგის ინსპირაციაც და შთაგონებაც, მადლობა ირაკლის რომ აგრძელებს წერას საზოგადოებისთვის. დაახლოებით საუკუნის წინ იმპერატორი მარკუს ავრელიუსმა ბრძანა, რასაც მე-20 საუკუნეში გაიმეორებს, ავსტრიელი ფილოსოფოსი და ფსიქიატრი, თავად ფაშისტური გერმანიის მოწყობილი ოსვენციმის საკონცენტრაციო ბანაკის ყოფილი პატიმარი, ვიქტორ ფრანკლი: ადამიანს შეგიძლია წაართვა ყველაფერი, მათ შორის იმედიც კი, მაგრამ, ვერავინ და ვერასდროს წაართმევს ადამიანს არჩევანს, თუ როგორ შეხვდება ის უბედურებას, რადგან ეს არის ადამიანის უკანასკნელი მაგრამ მაინც თავისუფლება. #ახალიამბები #BusinessMediaGeorgia
მსოფლიოს ისტორია არა მხოლოდ გამოჩენილ გამოგონებებსა და მათ ავტორებს აღრიცხავს, არამედ გვიყვება მათზედაც, ვინც საკუთარი გამოგონებების ტყვეც და საჯარო კრიტიკოსი გახდა. როგორც წესი, ინოვაცია, მეცნიერული მიღწევები და ახალი ტექნოლოგია, არასოდეს არის წინასწარვე გათვლილი კაცობრიობის დასაზიანებლად, თუმცა პროცესი ზოგჯერ სხვაგვარ შედეგებსაც დებს და მათ ავტორებს ხშირად სანანებლადაც კი გაუხდათ საქმე. საუბარია ისეთ გამოგონებებზეც, რომლებმაც მსოფლიო დანამდვილებით შეცვალეს. მაშ ასე, ვინ არიან მსოფლიოს ის მეცნიერები, გამომგონებლები და მოაზროვნეები, რომელთა მიგნებამ, აღმოჩენამ თუ პროექტმა ერთის მხრივ სამყაროს განვითარება შეცვალა, თუმცა მათმა ავტორებმა არაერთხელ და საჯაროდ ინანეს მათი შექმნილ-აშენებულის გამო. #ახალიამბები #BusinessMediaGeorgia
რამდენიმე წლის წინ, ერთ ძალიან საინტერესო წამოწყებას ჩაეყარა საფუძველი. საუბარია MyMakulatura.ge-ზე, რომლის იდეა და საქმიანობაც საკმაოდ მასშტაბურ მიზნებს ემსახურება. ეს არის კომპანია, რომელიც საქართველოს მასშტაბით, კომპანიებისა თუ ფიზიკური პირებისგან მაკულატურას იბარებს, შემდგომ კი რამდენიმე საწარმოს ამარაგებს. მაკულატურის შემგროვებელი კომპანია საკმაოდ დიდ მასშტაბებზე გადის, რადგან დღეს MyMakulatura.ge-ს საქმიანობის შესახებ თითქმის ყველამ იცის. მეტიც, მათ შეძლეს და ქვეყანაში ქაღალდის შეგროვების და მხოლოდ გადამუშავების, არა - განადგურების - კულტურა დანერგეს. მეგობრების მიერ შექმნილი საიტიც საკმაოდ მოქნილია, შეგროვება - ჩაბარების ჯაჭვიც გამართული და სრულად მომხმარებლის კომფორტზე ორიენტირებული. არაერთ გეგმასთან ერთად, ერთი ყველაზე მნიშვნელოვნად ესახებათ. მალე, კომპანიაში ჩაბარებული მაკულატურიდან მიღებული თანხის რამდენიმე თეთრი ონკოლოგიური პაციენტების დახმარებას მოხმარდება. ➡️ამირან ცირდავა - MyMakulatura.ge, დამფუძნებელი; #ახალიამბები #BusinessMediaGeorgia
ნიუ-იორკის ნაფიც მსაჯულთა სასამართლომ აშშ-ის ყოფილი პრეზიდენტი, დონალდ ტრამპი, დამნაშავედ 34 ბრალდებაში ცნო, რომლებიც ჩანაწერების გაყალბებას და პორნოვარსკვლავ, სტორმი დანიელსის გაჩუმებისთვის ფულის გადახდას უკავშირდება. ტრამპის საქმესთან დაკავშირებით საბოლოო განაჩენს მოსამართლე 11 ივლისს გამოიტანს, მანამდე ის თავისუფალი იქნება. ეს არის აშშ-ის ისტორიაში პირველი შემთხვევა, როცა ქვეყნის პრეზიდენტი სასამართლომ დამნაშავედ ცნო. #ახალიამბები #BusinessMediaGeorgia
წარმოგიდგენთ ინტერვიუს, უზბეკეთის IT პარკის გენერალურ დირექტორთან, ფარხად იბრაგიმოვთან, რომელმაც გააჟღერა ყველა ის უპირატესობა, რითაც IT კომპანიები უზბეკეთში სარგებლობენ, საინტერესო და გასათვალისწინებელი აქცენტებით. ის წარმოადგენს ქვეყანას, რომელსაც კომპლექსური ეკონომიკური ზრდის გამორჩეულად პოზიტიური მაჩვენებლების აქვს მსოფლიოში, რითაც არაერთი ქვეყნის ინვესტორთან ინტერესს იმსახურებს. ➡️ფარხად იბრაგიმოვი - უზბეკეთის IT Park, გენერალური დირექტორი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 02.06.2024 #ახალიამბები #BusinessMediaGeorgia
გასულ კვირაში TBC მხარდაჭერით თბილისში, უზბეკეთის აუთსორსინგის კონფერენცია ჩატარდა, რომელიც საქართველოსა და უზბეკეთს შორის არსებული კავშირის შედეგია. კონფერენციამ ერთგვარი პლატფორმის როლი შეასრულა დამსწრე ბიზნესებისთვის პოტენციური პარტნიორების აღმოსაჩენად და სრული ინფორმაციის მისაღებად უზბეკეთის ბაზარზე არსებული სტრატეგიული უპირატესობების შესახებ. უზბეკეთი მზადაა უზრუნველყოს მნიშვნელოვანი რესურსები და გამოცდილი სამუშაო ძალა იმ ქართული ბიზნესებისთვის, რომლებიც დივერსიფიცირებას და აუთსორსინგის ოპერაციების გაძლიერებას გეგმავენ. გთავაზობთ, ინტერვიუს თბილისში ამ ღონისძიებაზეც სპეციალურად ჩამოსულ ნიკა ქურდიანთან - "თიბისი უზბეკეთის" გენერალურ დირექტორთან და ოლივერ ჰიუზთან - "თიბისი ჯგუფის" საერთაშორისო ბიზნესის ხელმძღვანელთან. ➡️ნიკა ქურდიანი - “თიბისი უზბეკეთი”, გენერალური დირექტორი; ➡️ოლივერ ჰიუზი - "თიბისი ჯგუფი", საერთაშორისო ბიზნესის ხელმძღვანელი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია სს „საქართველოს კაპიტალთან“ 2019 წელს გაფორმებული საინვესტიციო ხელშეკრულებიდან გადის. ასეთი გადაწყვეტილების მიღების მიზეზად აკადემიის პარტნიორი და დირექტორი, ნათია ჯანაშია ინვესტორის მხრიდან ხელშეკრულებით ნაკისრი ვალდებულებების შეუსრულებლობას ასახელებს. კერძოდ, 2019 წლის 30 მაისს დადებული ხელშეკრულებით შპს „ბრიტანულ-ქართული აკადემიის“ პარტნიორი ნათია ჯანაშია და სს „საქართველოს კაპიტალი“ შეთანხმდნენ კომპანიის წილის 70%-ის ნასყიდობაზე, ხოლო, სანაცვლოდ სააქციო საზოგადოებას, მხარეებს შორის 2019 წლის 6 მაისს დადებული მემორანდუმის თანახმად, ინვესტიციები უნდა ჩაედო ბრიტანულ-ქართული აკადემიისთვის ორი ახალი კამპუსის მშენებლობაში ლისზე და ოქროყანაში. ორივე კამპუსი, ჯამში, 2 600 მოსწავლეზე უნდა ყოფილიყო გათვლილი. აწ უკვე ყოფილ პარტნიორებს შორის ურთიერთობები იმგვარად დაიძაბა, რომ საქმიანი ურთიერთობების განხილვამ სასამართლოში გადაინაცვლა. ➡️ნათია ჯანაშია - "ბრიტანულ ქართული აკადემია", პარტნიორი & დირექტორი; ➡️თეა ხამხაძე - ნათია ჯანაშიას ადვოკატი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
ამ დროისთვის, ლარის გაუფასურების შეჩერება და რუსული კანონის მიღება ქვეყანასა და გადასახადის გადამხდელებს 108 მლნ დოლარამდე დაუჯდათ, კვირის ბოლოს, ლარმა დაახლოებით 7 თეთრიანი გაუფასურება დადო კვირეულის ჭრილში დოლართან მიმართებით, ეს იმ ფონზე რომ ეროვნულმა ბანკმა გასაყიდად 60 მილიონი დოლარი გამოიტანა, აღნიშნული თანხიდან კი ბაზარმა 48.7 მილიონი დოლარი აითვისა. რაც შეეხება, ლონდონის საფონდო ბირჟას და იქ რეგისტრირებულ ქართულ კომპანიებს, ეს კვირეულიც მძიმე გამოდგა შედეგობრივად მათთვის. ეს სამი კომპანია ჯერჯერობით ვერ ახერხებს არათუ დაკარგული პოზიციების და აქციების ღირებულების აღდგენას, არამედ ზრდის ტრენდზე დაბრუნებას. "საქართველოს ბანკის" (BGEO) აქციების ფასი 7.60%-ით შემცირდა და ამჟამად ერთი აქციის ღირებულება 37.10 გირვანქა სტერლინგს შეადგენს. კომპანიის საბაზრო კაპიტალიზაცია ამჟამად 1.82 მილიარდ სტერლინგს აღწევს. ბოლო 6 თვეში კომპანიის აქციები 11.24%-ით გაიზარდა. TBC PLC-ის აქციების ღირებულება ერთკვირიან ჭრილში 4.14%-ით შემცირდა. ბანკის ერთი აქცია 25.50 გირვანქა სტერლინგი ღირს. კომპანიის საბაზრო კაპიტალიზაცია ამჟამად 1.40 მილიარდ გირვანქა სტერლინგს შეადგენს. ბოლო 6 თვეში კომპანიის აქციები 6.59%-ით შემცირდა. "საქართველოს კაპიტალის” (CGEO) აქციების ღირებულება 5%-ით შემცირდა, შედეგად ერთი აქციის ფასი 9.50 გირვანქა სტერლინგი გახდა. შედეგად, კომპანიის საბაზრო კაპიტალიზაცია ამჟამად 442 მილიონ გირვანქა სტერლინგს შეადგენს. ბოლო 6 თვეში კომპანიის აქციები 7.47%-ით გაიზარდა. #ახალიამბები #BusinessMediaGeorgia
ვიცე პრემიერმა და ეკონომიკის მინისტრმა მოსალოდნელად, ჩინური კომპანია დაასახელა გამარჯვებულად, ვინც საქართველოს მთავრობასთან პარტნიორობაში ანაკლიას პორტს ააშენებს. ანაკლიის ღრმაწყლოვანი პორტის ინვესტორის საერთაშორისო კონკურსში გამარჯვებულად ჩინური კონსორციუმი China Communications Construction Company Limited-ი (CCCC) გამოვლინდება, რომელმაც სახელმწიფოს საბოლოო საინვესტიციო წინადადებას წარუდგინა. კომპანია ჩინეთის ერთ-ერთი უმსხვილესი სახელმწიფო კონგლომერატია. 2020 წელს აშშ-ის კომერციის დეპარტამენტმა ეს კომპანიაც და მისი რამდენიმე შვილობილი სამხრეთ ჩინეთის ზღვაში ჩინეთის თავდაცვის ძალების სასარგებლოდ ხელოვნური კუნძულების მშენებლობის პროცესში ჩართულობის გამო, სპეციალურ სიაში შეიყვანა და ამერიკულ კომპანიებს ნებართვის მოპოვების გარეშე მასთან გარიგებებსა და ოპერაციებში შესვლა შეუზღუდა. #ახალიამბები #BusinessMediaGeorgia
გასულ კვირაში საქართველოს მეათე მოწვევის პარლამენტმა რუსულ კანონზე პრეზიდენტის ვეტოს დაძლევით, ქვეყნის ევროინტეგრაციისა და ევროატლანტიკური ინტეგრაციის საპირისპირო ნაბიჯი გადადგა. 28 მაისს რუსულ კანონს ქართული ოცნების 84-მა დეპუტატმა დაუჭირა მხარი, რის შემდეგაც კანონი პარლამენტის თავმჯდომარის ხელმოწერით შევა ძალაში. საქართველოს პარლამენტმა 29 მაისს დაძლია პრეზიდენტის კიდევ ერთი მოტივირებული შენიშვნები ოფშორული ზონებიდან აქტივების გადმოტანის საგადასახადო შეღავათებთან დაკავშირებით, რომელიც პრეზიდენტის შეფასებით ქვეყანაში ფულის გათეთრებისა და სანქცირებული რუსული აქტივების შემოტანის რისკებს აჩენს. აღნიშნულ კანონს მხარი ქართული ოცნების 83-მა დეპუტატმა დაუჭირა. #ახალიამბები #BusinessMediaGeorgia
დეველოპერული-სამშენებლო კომპანია „ტექტო ჯგუფი“ ქობულეთში ახალი პროექტის მშენებლობას იწყებს. კომპლექსი Tekto Landmark პრემიუმ კლასის საცხოვრებელ და საინვესტიციო კომპლექსს წარმოადგენს, რომელიც აღმაშენებლის N 303-ში შენდება. პროექტის ჯამური ბიუჯეტი 28$ მლნ-ია . როგორც კომპანიაში აცხადებენ, კომპლექსი ერთ სივრცეში გააერთიანებს: სპას, საუნას, აუზს, სპორტულ მოედნებს, ფიტნეს კლუბს და რესტორანს ტერასაზე, გადაადგილებისთვის კი დაგეგმილია იახტკლუბის მოწყობა. ახალი პროექტების დაწყებასთან ერთად "ტექტო ჯგუფმა" ცოტა ხნის წინ წარმომადგენლობა გახსნა აშშ-სა და კვიპროსში. სტუმრები:⤵️
საქართველოს დამოუკიდებლობის ხელახალი აღდგენიდან 33 წლისთავზე, მსურს გისურვოთ ერთადერთი, რომ საქართველოს არასოდეს თავის ისტორიაში არ ჰყავდეს ისეთი დაბალი კლასის პოლიტიკური ელიტა და წარმომადგენლები, რაც დღეს ვიხილეთ თავისუფლების მოედანზე, როცა ქვეყნის პრემიერ-მინისტრი საქართველოს პრეზიდენტს, საჯარო სიტყვით გამოსვლისას, მთელი მსოფლიოს გასაგონად მოღალატეს უწოდებს. საქართველოს არ დაუმსახურებია ამგვარი განვითარება, მაშინ როცა ნებისმიერი წინა მოწვევის პარლამენტი, მათ შორის 20-30 წლის წინათაც, გაცილებით დემოკრატიული, ღია და ანგარიშვალდებული იყო საქართველოს საზოგადოების წინაშე. ჩვენ ყველაფერი ვნახეთ, ჯაბა იოსელიანის ყოფნიდან საქართველოს ოფიციალურ დელეგაციაში გაეროში, დასრულებული საქართველოს პრეზიდენტის დაღუპვით სამეგრელოს სოფელში მიმალვისას. ვნახეთ სხვა ყველაფერიც. მაგრამ არასდროს აღარ უნდა დავუშვათ ის, რის გამოც დღეს გვრცხვენია საკუთარი თავისა, ჩვენი არჩევანისა და შვილების წინაშე. სხვისი მდაბიო და უკულტურო ქცევის გამო. ეს ჩვენი საქართველო არ არის. და არც არასდროს იქნება. #ახალიამბები #BusinessMediaGeorgia
საინტერესოა, ამბავი ძველ თბილისში ქართული წიგნის მაღაზიის გახსნისა, მაღაზიისა, რომელიც რუსიფიკაციის აქტიური ტემპების გათვალისწინებით, ქართველებისთვის დიდ შვებად იქცა. ➡️გიორგი ჭეიშვილის საავტორო გადაცემა; #ახალიამბები #BusinessMediaGeorgia
ბრენდირებული უნიფორმებისა და აქსესუარების მწარმოებელ კომპანია "არტეზე" გიყვებით, რომელიც ბაზარზე ორი წლის წინ გამოჩნდა და მალევე, საკმაოდ ბევრი მომხმარებლის მიზიდვა მოახერხა. ამჟამად, "არტეს" მომხმარებლებში საქართველოში არსებული საკმაოდ მსხვილი ბრენდებიც ხვდებიან და მათი რაოდენობა ყოველდღიურად იზრდება. სამომავლო გეგმებიც დიდი და ამბიციური აქვთ და უახლოეს მომავალში საწარმოო ხაზის გაფართოებას გეგმავენ. ➡️ნინო გიგინეიშვილი - "არტე", დამფუძნებელი; #ახალიამბები #BusinessMediaGeorgia
წელს საქართველო უქმე დღეების სიმრავლით გამოირჩევა და ამ მხრივ ევროპაში ლიდერის პოზიციაზეა. მართალია შრომის კოდექსი ქვეყანაში წელიწადში 17 უქმე დღეს განსაზღვრავს, მაგრამ საქართველოს მთავრობის მეთაურს აქვს დისკრეცია, პრემიერ-მინისტრის დადგენილებით წელიწადის სხვადასხვა დღეები უქმედ გამოაცხადოს. არც წლევანდელი წელი იყო გამონაკლისი და მსგავსი გადაწყვეტილებები ჯერ იანვარში, შემდეგ კი მაისში ვიხილეთ. ეკონომისტები თვლიან, რომ საქართველოს ეკონომიკური მდგომარეობის გათვალისწინებით, ქვეყანას უქმე დღეების ზრდის ფუფუნება არ აქვს. მათი შეფასებით, ბევრი უქმე დღე ქვეყნის ეკონომიკაზე უარყოფითად აისახება. ბიზნესის წარმომადგენლები კი აცხადებენ, რომ მსგავსი გადაწყვეტილებები კერძო სექტორში დასაქმებულებს საჯარო სტრუქტურებში დასაქმებულებისგან განსხვავებით უთანასწორო პირობებში აყენებს. #ახალიამბები #BusinessMediaGeorgia
უხვმა ნალექმა მცხეთა-მთიანეთის რეგიონის მასშტაბით პრობლემები შექმნა. მცხეთა-მთიანეთის მხარის სახელმწიფო რწმუნებულის ადმინისტრაციის ინფორმაციით, სტიქიურმა პროცესებმა მნიშვნელოვნად დააზარალა წეროვანის დევნილთა დასახლება, თიანეთისა და დუშეთის მუნიციპალიტეტების ადმინისტრაციული ერთეულები და მცხეთის მუნიციპალიტეტის სხვა სოფლები. მცხეთის მერიის ინფორმაციით კი, წყალდიდობამ პრობლემები შექმნა ცხვარიჭამიის, ლისის, ძეგვის, ნიჩბისის, ძალისის წეროვანისა და ნავდარაანთკარის ადმინისტრაციული ერთეულების სოფლებში. ქვემო ქართლში სახელმწიფო რწმუნებულის, გიორგი დოხტურიშვილის ინფორმაციით, უხვი ნალექის შედეგად 15-ზე მეტი სოფელი არის გარე სამყაროს მოწყვეტილი. #ახალიამბები #BusinessMediaGeorgia
საინტერესოა, ვინ არიან დონერები და ინვესტორები, რომლებიც დებენ თანხებს საქართველოს ეკონომიკაში? ვისი სახსრებით და რესურსით ხორციელდება პროექტები. გადავხედოთ ყველაზე დიდი პროექტებს რომელიც ბოლო პერიოდში 10 წლის მანძილზე განხორციელდა საქართველოში. #ახალიამბები #BusinessMediaGeorgia
ბიზნეს საზოგადოებისთვის უმნიშვნელოვანესი და მთელი ქვეყნის ეკონომიკისთვის თამაშის შემცვლელი იქნება ამერიკის შეერთებული შტატების სახელმწიფო მდივნის, ენტონი ბლინკენის 23 მაისის განცხადება, რომ აშშ-მა სავიზო სანქციების რეჟიმი დააწესა ხელისუფლებისა და მმართველი პარტიის წარმომადგენლების, ასევე მათი ოჯახის წევრებისთვის. სანქციები უკავშირდება ხელისუფლების მიერ საქართველოს ევროატლანტიკური გზიდან გადახვევას, დემოკრატიის ძირის გამოთხრას, რუსული კანონის მიღებას, მშვიდობიანი პროტესტის ძალადობრივ ჩახშობასა და მოქალაქეთა დაშინების კამპანიას. სახელმწიფო დეპარტამენტის განმარტებით, მათი სია, ვისაც სავიზო შეზღუდვები დაუწესდა საჯარო არ იქნება. #ახალიამბები #BusinessMediaGeorgia
რეალობა, რეალობა რომელიც ყოველთვის და მუდამ უნდა გვახსოვდეს - სად ვიყავით, რა გამოვიარეთ და რა უნდა გავაკეთოთ რომ გავაგრძელოთ ზრდა. ზრდა რომლის მთავარი მკვებავი იყო არის და იქნება, თავისუფლება, გახსნილი და გამჭვირვალე, განათლებული და აქტიური საზოგადოება, გადანაწილებული და ერთპარტიული ხელისუფლება და კონკურენცია ეკონომიკაში. საინტერესოა, როგორ მოვედით აქამდე და რა გზა გამოვიარეთ, რა შეცდომები დავუშვით და ხომ არ ვართ ისევ, ზღვარზე მორიგი, ფატალურთან მიახლოებული შეცდომის დაშვებისა?. #ახალიამბები #BusinessMediaGeorgia
რეალობა, რეალობა რომელიც ყოველთვის და მუდამ უნდა გვახსოვდეს - სად ვიყავით, რა გამოვიარეთ და რა უნდა გავაკეთოთ რომ გავაგრძელოთ ზრდა. ზრდა რომლის მთავარი მკვებავი იყო არის და იქნება, თავისუფლება, გახსნილი და გამჭვირვალე, განათლებული და აქტიური საზოგადოება, გადანაწილებული და ერთპარტიული ხელისუფლება და კონკურენცია ეკონომიკაში. საინტერესოა, როგორ მოვედით აქამდე და რა გზა გამოვიარეთ, რა შეცდომები დავუშვით და ხომ არ ვართ ისევ, ზღვარზე მორიგი, ფატალურთან მიახლოებული შეცდომის დაშვებისა?. #ახალიამბები #BusinessMediaGeorgia
რეალობა, რომელიც ყოველთვის და მუდამ უნდა გვახსოვდეს - სად ვიყავით, რა გამოვიარეთ და რა უნდა გავაკეთოთ რომ გავაგრძელოთ ზრდა. ზრდა, რომლის მთავარი მკვებავი იყო არის და იქნება, თავისუფლება, გახსნილი და გამჭვირვალე, განათლებული და აქტიური საზოგადოება, გადანაწილებული და ერთპარტიული ხელისუფლება და კონკურენცია ეკონომიკაში. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 26.05.2024 #ახალიამბები #BusinessMediaGeorgia
ხშირად მომხმარებლები სასურველი ბინის შერჩევა-ყიდვის პროცესში ბროკერის თუ რეალტორის მომსახურებას იღებენ, თუმცა ხელშეკრულების გაფორმება მხარეებს შორის მათი გვერდის ავლით ხორციელდება. ბოლო სასამართლო პრაქტიკა აჩვენებს, რომ ურჩი გადამხდელების წინააღმდეგ დავებს საბროკერო კომპანიები იგებენ და ერთ-ერთი ასეთი Baia's Homes, რომელმაც სასამართლო დავა OK&CG;-ს დახმარებით ცოტა ხნის წინ დაასრულა. სტუმრები: ბაია ტუგულაშვილი - Baia's Homes დამფუძნებელი; ოთარ კაჭკაჭაშვილი - კომპანია OK&CG; დამფუძნებელი #ახალიამბები #BusinessMediaGeorgia
საქართველოში ავეჯის წარმოების ინდუსტრია ყოველწლიურად იზრდება. თუმცა, წარმოების მზარდი მაჩვენებლების მიუხედავად, ქვეყანა მაინც იმპორტ დამოკიდებულია როგორც ნედლეულზე, ასევე მზა ავეჯზე. ერთ-ერთი ქართული ბრენდია „ლაზიერი,“ რომელიც 2013 წლიდან ინდივიდუალურ მოთხოვნებზე მორგებულ ავეჯს ქმნის როგორც კორპორატიული კლიენტებისთვის, ასევე ფიზიკური პირებისთვის. ევროპული სტანდარტების შესაბამისი საწარმო შეიქმნა წამყვანი გერმანული საკონსულტაციო კომპანიის LIGNUM CONSULTING-ის ექსპერტებთან თანამშრომლობით და აღიჭურვა უახლესი იტალიური, გერმანული და ესპანური დანადგარებით. უნდა აღინიშნოს რომ საწარმო განლაგებულია 3,500 მ²-ზე და 80 მაღალკვალიფიციურ ადგილობრივ კადრს ასაქმებს. Mosaics-ის ისტორია კი 2021 წლიდან იწყება. კომპანიის დაარსების ძირითად მიზანს წარმოადგენდა მულტიბრენდული სარემონტო – მოსაპირკეთებელი მასალების შოურუმის შექმნა, რომელიც მომხმარებლისთვის ხელმისაწვდომს გახდიდა განსხვავებულ, თანამედროვე, მაღალი ხარისხის მქონე, ექსკლუზიურ ევროპულ ბრენდებს. Mosaics-მა მომხმარებლისთვის ხელმისაწვდომი გახადა სხვადასხვა სახეობის 20-მდე ბრენდი, რომლებსაც მსოფლიოში წამყვანი ადგილები უჭირავთ. სტუმრები: ავთო ჯანგავაძე - “ლაზიერის” დამფუძნებელი; ირაკლი შამელაშვილი - "მოზაიკსის" დირექტორი; #ახალიამბები #BusinessMediaGeorgia
„ამ კანონის გაუმჯობესება შეუძლებელია. კანონი მთელი თავისი შინაარსით არის არაკონსტიტუციური – მაშასადამე, არაქართული, არაევროპული და არადემოკრატიული. ამდენად, ის გაუმჯობესებას მასში ცვლილებების შეტანის გზით არ ექვემდებარება. მისი არსი, შინაარსი და პრინციპები მიუღებელია. შესაბამისად, კანონის გაუქმება არის უალტერნატივო და წარმოადგენს ხალხის ნებას. ყოველივე ზემოთ აღნიშნულის გათვალისწინებით, გთავაზობთ კანონი გაუქმდეს უმოკლეს ვადაში – ამოქმედებიდან მომდევნო დღესვე“, – ნათქვამია პრეზიდენტის მოტივირებულ შენიშვნებში. #ახალიამბები #BusinessMediaGeorgia
ძველ თბილისში, აღმოსავლეთისა და დასავლეთის გასაყარზე მდებარე ქალაქში, ხელობის ქონას კაცისთვის დიდი მნიშვნელობა ჰქონდა, იმდენად, რამდენადაც, გარკვეულწილად, ძველი თბილისი იყო კიდეც ხელოსნებისა და ხელოსნობის ქალაქი, მითუმეტეს, რომ ყველას როდი მოსდგამდა მემკვიდრეობით გვარიშვილობა და მამულები, ანუ ცხოვრების სახსარი… თბილისს ჰყავდა გამორჩეული მედუქნეები, მუსიკოსები, ბუკინისტები, მეთევზეები, თერძები თუ სხვა ხელობის წარმომადგენლები. ➡️გიორგი ჭეიშვილის საავტორო გადაცემა; #ახალიამბები #BusinessMediaGeorgia
"რომა ჯელატო" ნაყინის მწარმოებელი ქართული ბრენდია, რომელიც მომხმარებელს მრავალფეროვან, სასარგებლო, გემრიელ ნაყინს სთავაზობს. "რომა ჯელატო" - ანუ ნაყინი რომიდან პირველად ბაზარზე 2008 წელს გამოჩნდა, კომპანიის მთავარი ამოცანა კი საქართველოში კლასიკური იტალიური ნაყინის წარმოების გახსნა იყო. ბევრი შრომის შედეგად, რომა ჯელატო დღეს არამარტო სანაყინეა, არამედ საწარმო, რომელიც საკუთარ ობიექტებთან ერთად, სხვა კომპანიებსაც აწვდის ნაყინს. რომა ჯელატოს არ გააჩნია სეზონურობა, პროდუქტი წლის ნებისმიერ პერიოდში ხელმისაწვდომია. შეიძლება ითქვას, რომ 16 წლის წინ ჩაფიქრებულმა იდეამ გაამართლა და დღეს უკვე ბრენდს უამრავი კმაყოფილი მომხმარებელი ჰყავს. თამუნა უდესიანი - “რომა ჯელატო”, დამფუძნებელი; #ახალიამბები #BusinessMediaGeorgia
წლის დასაწყისში, დემოკრატიის ინდექსი - საქართველომ საზოგადოებას საქართველოს საერთო სასამართლოებში საქმეების განხილვის გაჭიანურების გამომწვევი მიზეზების შესახებ კვლევის შედეგები და რეკომენდაციები წარადგინა. კვლევის პროცესი მოიცავდა ინტერვიუს 30-ზე მეტ პრაქტიკოსთან. გამოიკითხა 200-მდე რესპონდენტი, მათ შორის მოსამართლეები, ადვოკატები, არბიტრები, საჯარო უწყებების იურისტები. შესწავლილ იქნა არსებული ნორმატიული რეგულაციები და გაჭიანურებული საქმეები. ეკა ციმაკურიძე - “დემოკრატიის ინდექსი საქართველო”, თავმჯდომარე; #ახალიამბები #BusinessMediaGeorgia