რუსეთის ფედერაციის ტერიტორიაზე საემიგრაციო პოლიტიკის გამკაცრების შედეგად, ქართველი გადამზიდავი მძღოლების დეპორტირების შემთხვევები გახშირდა. გადამზიდავების ინფორმაციით, საქართველოდან რუსეთში ან რუსეთიდან საქართველოში მომავალ ქართულ სატვირთო სატრანსპორტო საშუალებებს ადგილობრივი საპატრულო სამსახურები, ძირითადად ჩრდილოეთ ოსეთის ტერიტორიაზე, აჩერებენ და რუსეთის ტერიტორიაზე კალენდარული წლის განმავლობაში ჯამურად 90 დღეზე მეტი ხნით დაყოვნების შემთხვევაში, საემიგრაციო სამსახურების თანდასწრებით, ქართველ მძღოლს ხუთწლიან დეპორტს უფორმებენ. არსებული ინფორმაციით, დეპორტაცია უკვე შეეხო 100-სზე მეტ ქართველ მძღოლს. საკითხის გადაწყვეტის მიზნით ქართველმა გადამზიდავებმა უკვე მიმართეს საქართველოს საგარეო უწყებას. #ახალიამბები #BusinessMediaGeorgia
9 ოქტომბერს, ზუსტად 182 წლის წინ, ქვეყნისთვის ფასდაუდებელი გონება, ნიკო ნიკოლაძე დაიბადა. აკაკი ბაქრაძე თავის წიგნში ნიკო ნიკოლაძე წერდა: „მისი ეროვნული პოლიტიკის არსი რომ მკაფიოდ დავინახოთ, უნდა განვიხილოთ ნიკო ნიკოლაძის სამი პრინციპი, რომელთაც იგი განსაკუთრებულ მნიშვნელობას ანიჭებდა: ერთობა, თვითმოქმედება, თვითმმართველობა. ცნებაში „თვითმოქმედება“ ნიკო ნიკოლაძე იმას არ გულისხმობდა, რასაც დღეს ჩვენ. თვითმოქმედება მისთვის ნიშნავდა თავისუფალ ეკონომიკურ საქმიანობას“ საქართველოს ისტორიაში მრავალმხრივ გამორჩეული საქმიანი, რომელმაც წარუშლელი კვალი დატოვა როგორც საზოგადო მოღვაწემ, გამომცემელმა, ნიჭიერმა პუბლიცისტმა, ისევე როგორც მეცნიერმა, პოლიტიკოსმა და განმანათლებელმა. ვრცელი და უსასრულოა რეგალიების ის ნუსხა, რაც მრავალწლიანმა, ნაყოფიერმა ცხოვრებამ ულმობელი საქმის კაცს მიაკუთვნა. თუმცა დღეს, ამ სტატუსების მქონე ნიკო ნიკოლაძეზე არ ვისაუბრებთ… არამედ, გენიოსის ეკონომიკურ აზროვნებას მიმოვიხილავთ, იმ იდეებს, რომელსაც მარტო გასულ საუკუნეში კი არ ჰქონდა უდიდესი ფასი და მნიშვნელობა, არამედ დღესაც, როცა სამწუხაროდ, მათი დიდი ნაწილი ჯერ კიდევ განუხორციელებელი … ამ იდეებზე, ისევე როგორც ამ ქვეყნის უდიდესი ნოვატორისა და რეფორმატორის კვალზე საქართველოს ეკონომიკაში. #ახალიამბები #BusinessMediaGeorgia
ოქტომბერი იწურება, და ჩემთვის ეს თვე, საქართველოს ერთ-ერთ გამორჩეულ პიროვნებასთან, ნიკო ნიკოლაძესთან არის დაკავშირებული. აკაკი ბაქრაძე თავის წიგნში რომელიც ნიკო ნიკოლაძეს დაბადების ერთ-ერთ თარიღს მიუძღვნა, არაჩვეულებრივად შლის ნიკოლაძის პიროვნების ბუმბერაზს, მისი იდეების უშრეტობას და შორსმჭვრეტელობას. „ულმობელი საქმის კაცი“ - ასე არჩილ ჯორჯაძემ უწოდა ნიკო ნიკოლაძეს. მართლაც მთელი ცხოვრება პრაქტიკულ საქმიანობაში გაატარა. ბანკი იყო, საბანკო საქმეს ემსახურებოდა (მისი და ბესარიონ ღოღობერიძის დავა ისევე ცხარე, შეუპოვარი და დამაფიქრებელია, როგორც ილია ჭავჭავაძისა და ივანე მაჩაბლის პაექრობა), სტამბა-გამომცემლობა იყო, სასტამბო-საგამომცემლო საქმეში შრომობდა („კრებული“, „დროება“, „ობზორი“, „ნოვოე ობოზრენიე“, „ქართული წიგნი“), ტყიბულის ქვანახშირი იყო, სამთამადნო საქმეს დაადგა თავი (ქვანახშირს თვითონაც აწარმოებდა და მწარმოებელთა ამხანაგობებიც ჩამოაყალიბა), რკინიგზა იყო, სარკინიგზო საქმეს უძღვებოდა (პლატფორმაც კი არსებობდა „ნიკო ნიკოლაძე“), ჭიათურის შავი-ქვა იყო, მარგანეცის საქმეს უთავკაცა (გადაზიდვის საქმეც მოაგვარა და ჭიათურა-შორაპნის სარკინიგზო ტოტიც გაიყვანა). ქალაქის თავობა იყო და ფოთი მან წამოაყენა ფეხზე. შეიძლება არც დაიჯერონ, რომ ერთ კაცს ამდენი შეეძლო. ტრანსციმბირის რკინიგზის მშენებლობაშიც კი მონაწილეობდა. გუსტავ როტშილდი მან ჩამოიყვანა ამიერკავკასიაში. იონა მეუნარგია იხსენებდა: „...როტშილდებს, როგორც უცხო ქვეყნის კაპიტალისტებს - ებრაელებს არ ჰქონდათ ნება თავის სახელით ეწარმოებინათ საქმე რუსეთში. იმათ შეადგინეს საზოგადოება, დაამტკიცებინეს წესდება და, როდესაც გამგეობის წევრების დანიშვნაზე მიდგა საქმე, ნიკოლაძემ წარუდგინა მათ კანდიდატებად დავით ერისთავი და კოლა ორბელიანი. როტშილდებმა პატივი სცეს ნიკოლაძის რეკომენდაციას და დავითი, ორბელიანთან ერთად, დანიშნული იქნა ახალი საზოგადოების გამგეობის წევრად. რომელი ერთი უნდა აღწერო კაცმა! ისევ სჯობს მრავლისგან მცირედი ავარჩიოთ და ისე ვისაუბროთ, წვეთშიც ხომ ჩანს მთელი წყლის თვისება - წერს აკაკი ბაქრაძე ყოველთვის ასეა, როცა კაცი ახალ საქმეს იწყებს, მას ძნელად უჯერებენ. ბევრჯერ გიჟიც ჰგონიათ. გონი #ახალიამბები #BusinessMediaGeorgia
მხოლოდ ქართულის რუბრიკაში სოციალური საწარმო სამკერვალო "ლიდერის" შესახებ გიყვებით, რომელიც 2016 წლიდან ოპერირებს და სპეციალური საჭიროების მქონე ქალებისთვის ჯერ ჭრა-კერვის სწავლებას, შემდეგ კი მათ დასაქმებას ისახავს მიზნად. საწარმომ სტარტი ქალაქ გორში აიღო, შემდეგ კი თბილისში გაფართოვდა, ამჟამად 20-მდე რეგულარულ თანამშრომელს ასაქმებს და უმეტესად კორპორაციულ დაკვეთებზე მუშაობს, თანაც ქვეყნის უმსხვილეს კომპანიებთან თანამშრომლობს. სოციალურ საწარმო სამკერვალო ლიდერში ახალი, ბავშვის ტანსაცმლის ბრენდი "ლიმოც" დაიბადა, რომელიც საექსპორტო ბაზრებზე საკმაოდ აქტიურად ოპერირებს. #ახალიამბები #BusinessMediaGeorgia
გასულ თვეს აშშ-ში შვეიცარიული საათების ექსპორტი შემცირდა... რატომ აღარ ყიდულობენ ამერიკელები მექანიკურ ნაკეთობებს და რამ გამოიწვია ასეთი დრამატული კლება? #ახალიამბები #BusinessMediaGeorgia
ფულის გათეთრება თავისთავად დანაშაულია, ის ასევე მჭიდრო კავშირშია სერიოზული და ორგანიზებული დანაშაულის სხვა ფორმებთან და ტერორიზმის დაფინანსებასთან. გაეროს გამოთვლებით, ყოველწლიურად მსოფლიოში $2 ტრილიონ დოლარამდე უკანონო ფული თეთრდება. ფულის გათეთრების შემთხვევათა დიდი ნაწილი საზოგადოების ცნობიერების მიღმა რჩება, თუმცა მათ, რომლებიც დღის შუქზე გამოდის, ფინანსურ სექტორზე ძლიერი გავლენა და ლამის მიწისძვრის ეფექტი აქვთ. გიყვებით მსოფლიოს ყველაზე გახმაურებული ისტორიების შესახებ, სადაც ფულის გათეთრების კონკრეტული ფაქტებია მოყვანილი. #ახალიამბები #BusinessMediaGeorgia
გთავაზობთ, საკმაოდ საინტერესო საუბარს, რომელიც გაიმართა ჩვენი რუბრიკის ედWIZER - ის ფარგლებში კიბერუსაფრთხოების თემაზე. რუბრიკის თანაწამყვანთან და კომპანია "ვაიზერის" სამეთვალყურეო საბჭოს თავმჯდომარესთან, სოფო ლებანიძესთან კოორდინაცია - შეთანხმებით. ამჯერად შევარჩიეთ თანამედროვე სამყაროს ყველაზე დიდი გამოწვევა სამსჯელოდ - კიბერუსაფრთხოება. გვსურდა, ედვაიზერში გაგვეგო - რამდენად დაზღვევადია რისკების ისეთ რთულ მიმართულებაში როგორიც კიბერუსაფრთხოება გახლავთ. ამისთვის, "ედვაიზერის" რუბრიკის ფარგლებში მოვიწვიეთ საქართველოში ამ მიმართულებით გამორჩეული პროფესიონალები - ანდრო გოცირიძე, უსაფრთხოების ერთ-ერთი ყველაზე გამორჩეული და ავტორიტეტული სპეციალისტი საქართველოში; გიორგი სახოკია - კომპანია BDO-ს ციფრული კონსულტაციების მიმართულების მენეჯერი. კიბერუსაფრთხოების სპეციალისტი და IT აუდიტორი. #ახალიამბები #BusinessMediaGeorgia
პარიზის გულში, მსოფლიოს ერთ-ერთ ყველაზე დაცულ მუზეუმში — ლუვრში — ქურდებმა მუზეუმის ძვირფასეულობის განყოფილებიდან რამდენიმე უძველესი სამკაული წაიღეს, რომლებიც თავისი უნიკალური კულტურული და ისტორიული მნიშვნელობიდან გამომდინარე შეუფასებელია. მიუხედავად სხვადასხვა თანხის დასახელებისა, წაღებული ძვირფასეულობის ნაწილს უბრალოდ ფასი არა აქვს. ამ ცხელცხელი ამბიდან გამომდინარე გადავწყვიტეთ გაგვეხსენებინა სხვა ყველაზე ძვირად შეფასებული ძარცვებიც, როდესაც მრავალ მილიონიანი სამკაულები და ხელოვნების ნიმუშები მოიპარეს. #ახალიამბები #BusinessMediaGeorgia
ჰერმესმა მამაკაცის ხაზის ახალი შემოქმედებითი დირექტორი დანიშნა. ბრენდს ბრიტანელი დიზაინერი - გრეის უელს ბონერი შეუერთდა, რომელიც პირველი ფერადკანიანი ქალია, რომელიც მაღალი მოდის ბრენდის დირექტორად დაინიშნა. ვინ არის ის და როგორია მისი კარიერა? #ახალიამბები #BusinessMediaGeorgia
ილჰამ ალიევმა არ გამორიცხა, რომ ზანგეზურის დერეფანი, როგორც მას აზერბაიჯანი უწოდებს, 2028 წლისთვის გაიხსნას. სომხეთის სიუნიქის პროვინციაში გამავალი დერეფნის ამუშავებით დაინტერესებულია ამერიკაც. სწორედ ამას გაუსვა ხაზი ალიევმა ყასიმ-ჟომართ ტოყაევთან შეხვედრის შემდეგ, რომ ტრამპმა საკუთარი სახელი უწოდა ამ დერეფანს, რაც ნიშნავს, რომ წარმატებით დასრულდება. რამდენად რეალურია შუა დერეფნის კონკურენტი გზის ასე მოკლე დროში გახსნა, რას ცვლის ახალი დერეფანი სამხრეთ კავკასიის ქვეყნებისთვის და რა უნდა გააკეთოს საქართველომ? #ახალიამბები #BusinessMediaGeorgia
გასული კვირის მნიშვნელოვანი ამბების მიმოხილვა / 19 - 26 ოქტომბერი
საერთაშორისო ფარმაცევტული კომპანიის, „ბიომედიკას“ ორგანიზებით, თბილისში გაიმართა საერთაშორისო სამეცნიერო კონფერენცია, რომელიც იშვიათ დაავადებას — დუშენის კუნთოვან დისტროფიას მიეძღვნა. ღონისძიებაზე სპეციალისტებმა ისაუბრეს მკურნალობის უახლეს მეთოდებზე და მათ შორის წარადგინეს ეგზონის გამოტოვების თერაპია, რომელიც უკვე ოფიციალურად რეგისტრირებულია საქართველოშიც. #ახალიამბები #BusinessMediaGeorgia
ავსტრიის ჯანდაცვის სისტემა - ხელმისაწვდომი & ეფექტური მოდელი - მთავარი თემა სტუმარი: იოსებ (სოსო) ნანობაშვილი - ექიმი, Vienna Private Clinic, პროფესორი; გადაცემის ავტორები: ამირან გამყრელიძე - პროფესორი, გადაცემის წამყვანი; ნინი ლონგურაშვილი - გადაცემის წამყვანი; #ახალიამბები #BusinessMediaGeorgia
ქართველი ექიმის წარმატება ჟენევაში თორნიკე სოლოღაშვილმა ევროპაში პირველი გულის ნაწილობრივი გადანერგვის ოპერაცია ჩაატარა; თორნიკე სოლოღაშვილი - ჟენევის საუნივერსიტეტო ჰოსპიტალი (HUG), კარდიოქირურგი; #ახალიამბები #BusinessMediaGeorgia
როგორ მუშაობს ავსტრიის ჯანდაცვის სისტემა? ამირან გამყრელიძის საავტორო პროლოგი / 26.10.2025
Google Chrome-ს კონკურენტი გამოუჩნდა! - რა არის ChatGPT Atlas? #ახალიამბები #BusinessMediaGeorgia
სამშენებლო კომპანია "აპექს დეველოპმენტი" ქართულ სამშენებლო ბაზარზე 2012 წლიდან ფუნქციონირებს. ამჟამად, მათ პორტფელშია 10 დასრულებული და 3 მიმდინარე პროექტი თბილისის მასშტაბით. მათ შორის არის აპექს ისანი, აპექს ნუცუბიძე და აპექს თაუერსი, რომელიც ერთ-ერთი ყველაზე ახალი პროექტია. ის თბილისის საერთაშორისო აეროპორტიდან 15 წუთის სავალ გზაზე მდებარეობს. რას მოიცავს პროექტი და რა ტიპის არქიტექტურული გადაწყვეტილებებია გამოყენებული, ამ თემაზე დღეს “ტასჰაბის” რუბრიკის სტუმარია: ნიკოლოზ ფორჩხიძე - “აპექს დეველოპმენტის” დირექტორის მოადგილე; #ახალიამბები #BusinessMediaGeorgia
სავაჭრო ცენტრებში არსებული ვაკანტური ფართების რაოდენობა მცირდება, მოთხოვნის ზრდის ფონზე კი იჯარის ფასი მზარდია. „თიბისი კაპიტალის“ მიერ მომზადებული სექტორული მიმოხილვის მიხედვით, 2024 წელს თბილისის სავაჭრო ცენტრებში ფასი 7.4%-იან ზრდას აჩვენებდა. თუკი 2023 წელს ფასი 1 კვადრატულ მეტრზე 22 აშშ დოლარს შეადგენდა, 2024 წელს ეს მაჩვენებელი უკვე 24.1 აშშ დოლარამდე გაიზარდა. რაც შეეხება ვაკანტური ფართების რაოდენობას, კოეფიციენტის საშუალო მაჩვენებელი 4.7%-მდე შემცირდა, რაც წინა წელთან შედარებით 3.3 პროცენტული პუნქტით დაბალია. 2023 წელს დედაქალაქის მთავარ სავაჭრო ცენტრებში 23 310 კვადრატული მეტრი ფართობი იყო თავისუფალი, მაშინ როცა 2024 წლის ანალოგიურ პერიოდში ეს მაჩვენებელი 13 648 კვ.მეტრს შეადგენდა. კომერციული უძრავი ქონება მაღალ მოთხოვნას ინარჩუნებს მიმდინარე პერიოდისთვისაც. კვლევით ორგანზიაციებში აცხადებენ, რომ სავაჭრო ცენტრების მიღმა ხუთ ძირითად ქუჩაზე თავისუფალი ფართების რაოდენობა 3-დან 10%-მდე მერყეობს. რაც შეეხება გასაყიდ ფართებს, კომპანიაში ამბობენ, რომ ამოწურული რესურსის გამო ტრანზაქციების რიცხვი კლებას აჩვენებს. სტუმრები: რამაზ შარაბიძე - “კოლიერს ჯორჯიას” კომერციული საბროკერო სერვისების ხელმძღვანელი; ნინო მაღრაძე - Cushman & Wakefield Georgia, სტრატეგიული განვითარებისა და კვლევების მიმართულების ხელმძღვანელი #უძრავიქონებისპროსპექტი თათია ჩაფიჩაძე & გუგა კობახიძესთან ერთად #ახალიამბები #BusinessMediaGeorgia
მეორადი უძრავი ქონების გაყიდვის სამართლებრივი ანალიზი და რისკების შეფასება საქართველოში - იურიდიული რჩევები ბექა თეზელაშვილისგან ➡️ ბექა თეზელაშვილი - იურისტი ✔️ #უძრავიქონებისპროსპექტი თათია ჩაფიჩაძე & გუგა კობახიძესთან ერთად #ახალიამბები #BusinessMediaGeorgia
ფრანგულმა კოსმეტიკურმა გიგანტმა L’Oréal-მა ოფიციალურად შეიძინა Kering-ის კოსმეტიკური მიმართულება, რაც კიდევ ერთი სტრატეგიული ნაბიჯია კომპანიის ლუქს-სეგმენტის გაძლიერებისკენ. შეთანხმება მოიცავს ისეთ პრემიუმ ბრენდებს, როგორიცაა Alexander McQueen, Balenciaga, Bottega Veneta და სხვა, რომელთა სუნამოების და კოსმეტიკური ხაზების განვითარება ახლა უკვე L’Oréal-ის პორტფელში გადავა. ეს გარიგება მიუთითებს იმ ტენდენციაზე, რომ მსოფლიო ბრენდები აქტიურად იბრძვიან სილამაზის ინდუსტრიაში პოზიციის განსამტკიცებლად, სადაც ლუქს-სეგმენტი მზარდ ინტერესს იწვევს მომხმარებლებში... #ახალიამბები #BusinessMediaGeorgia
ChatGPT-ს რომანტიკული მიმოწერები ემატება #ახალიამბები #BusinessMediaGeorgia
ტრამპის გამო, ფარმაკოლოგიური კომპანიების აქციები ეცემა #ახალიამბები #BusinessMediaGeorgia
⚛️ Amazon-ს ბირთვული სადგურის აშენება სურს; ➡️ გადაცემის პარტნიორია - Geosoft Cloud • ჯეოსოფტი #TECHINFORM #ახალიამბები #BusinessMediaGeorgia
რაც შეეხება ამ კვირის მთავარ ამბავს, რომლის მიხედვითაც სამართალდამცავები ახორციელებენ მოკვლევას სულ რამდენიმე თვის წინ ხელისუფლებაში მყოფი თანამდებობის და მათთან დაკავშირებული პირების მიმართ, აქ სიახლე არაფერია, თუ არ ჩავთვლით რომ არავინ ელოდა დანაშაულში ეჭვმიტანილობაში კანდიდატების და მათთან დაკავშირებული პირების ჩათვლით რომ ასეთი სწრაფი ვირაჟი დადგებოდა მათ ცხოვრებაში. რაც შეეხება ამ ვიდეოს რომელიც სახელდახელოდ მოგიმზადეთ. იცით არაფერი. თქვენ თავად იფიქრეთ, ვისთან შეიძლება ასოცირდეს ვაჭარი მაკარი, რომლის როლს ასრულებს შალვა ღამბაშიძე, თუმცა,რამდენადაც ვიცი სიმღერის შემსრულებელი ლეგენდარულ ქეთო და კოტეში სხვა გახლავთ. არ ვიცი, და თქვენით მოიფიქრეთ ვის მიამსგავსებდით ვაჭრის ნოქრებს სიკოს და ნიკოს, რომელთა როლებს ტაბლიაშვილის და გედევანიშვილის ამ ფენომენალურ ფილმში ასრულებენ შეუდარებელი გიორგი შავგულიძე და ვასო გოძიაშვილი. იქნება და ქაბატოზეც გიჩნდებათ ასოციაციაცაა? გავერთოთ, სხვა არაფერი დაგვრჩენია იმ ფონზე რომ ყველა ჩვენზე ერთობა და სხვადასხვა სახის ექსპერიმენტს ატარებენ,როგორც გამოსაცდელ მღრღნელებზე. #ახალიამბები #BusinessMediaGeorgia
ტეხასში, ოსტინში სადაც სულ რამდენიმე თვეა ქართული რესტორანი bread boat- ოპერირებს, შედეგები კი საკმაოდ წარმატებულია. bread boat-ში მომხმარებელს ქართულ კერძებს, გარემოს და კულტურას სთავაზობენ, მენიუში კი განსაკუთრებული აქცენტი-აჭარულ ხაჭაპურზე კეთდება,რომელიც ტრადიციულ ვერსიასთან ერთად, ორიგინალური მიქსებით არის შეთავაზებული. როგორც მისი დამფუძნებლები ამბობენ, ქართული გასტრონომიის პოტენციალი განუსაზღვრელია, რასაც ადასტურებს ის შედეგები, რაც მცირე პერიოდის განმავლობაში bread boat-ს აქვს.ობიექტის მომხმარებლებს შორის ქართველებსაც შეხვდებით თუმცა ყველაზე დიდი რაოდენობით bread boat-ს ამერიკელები სტუმრობენ. #ახალიამბები #BusinessMediaGeorgia
BMG-ზე ახალი რუბრიკა იწყება, მისი სახელწოდება იქნება "ედვაიზერი" და ამის ინსპირაცია მოგვცა ერთ-ერთი წამყვანი სადაზღვევო კომპანიის "პსპ დაზღვევას" რებრენდინგმა, რომელიც საკმაოდ მასშტაბურად დაანონსდა გასულ კვირაში საქმიანი საზოგადოების წინაშე. და სწორედ, "ვაიზერის" სახელით და ახალი ბრენდით გააგრძელებს კომპანია 15 წლიანი განვითარების ისტორიას. წარმატებები მინდა ვუსურვო ვაიზერის არაჩვეულებრივ გუნდს, მანამდე კი ამ გუნდიდან ერთ-ერთი, ამ კომპანიის სამეთვალყურეო საბჭოს თავმჯდომარე, სოფო ლებანიძე სწორედ ყოველკვირეული რუბრიკის "ედვაიზერის" თანაწამყვანი იქნება თქვენს მონამორჩილთან ერთად, სადაც საქმიან საზოგადოებას რისკების მართვისა და ბიზნესის ისტორიებს გავაცნობთ. სოფოს სრულიად დამსახურებულად მიაჩნია რომ ამ პროექტის ერთ-ერთი უმთავრესი მიზანი უნდა იყოს სადაზღვევო სექტორის დესტიგმატიზაცია და უარყოფითი სტერეოტიპების დამსხვრევა. და დიდი იმედი გვაქვს რომ "ედვაიზერი" თავის წვლილს შეიტანს ამ საქმეში რასაც რისკების სწორი, გააზრებული და მიზანმიმართული მართვა ჰქვია. მოკლედ, პირველი გადაცემაც მზად არის და გადავიდეთ საქმეზე რუბრიკის პირველი სტუმრები, რომელთაც "აქსის თაუერსში" მდებარე განახლებულ ფალესტრაში შევხვდით, კრეატიული სააგენტო Playmaker-ის მმართველი პარტნიორები ნუკა შევარდნაძე და კოკა ქამუშაძე არიან. სხვებთან ერთად, ისინიც იყვნენ სათავეებთან ბრენდის ვაიზრეს შექმნისა, და რაც შეეხება ჩვენს სატელევიზიო რუბრიკას: "ედwizer" კვირას "ბიზნესის კვირეულის" ეთერში იქნება, ყოველ ორშაბათს კი - "საქმიანი დილას" ეთერში. #ახალიამბები #BusinessMediaGeorgia
უზბეკეთის ბაზარზე შესვლიდან 5 წლის თავზე თიბისი უზბეკეთის მომხმარებელთა რაოდენობამ 22 მილიონს მიაღწია. ამის შესახებ BMG-სთან ინტერვიუში “თიბისი უზბეკეთის” გენერალური დირექტორი აცხადებს. ნიკა ქურდიანის თქმით, უშუალოდ ციფრული ბანკის სასესხო პორტფელი უკვე მილიარდ დოლარამდეა ასული და მისი დიდი წილი სამომხმარებლო დაკრედიტებაზე მოდის. მიღმა ციფრული ბანკისა, თიბისი უზბეკეთის ბაზარზე სხვადასხვა საგადახდო პროდუქტებითაა წარმოდგენილი. რაც შეეხება თიბისი უზბეკეთის სამომავლო გეგმებს, კომპანიაში განმარტავენ, რომ უახლოეს წლებში ფიზიკურ პირებთან ერთად მეტ აქცენტს გააკეთებენ იურიდიული პირების, მცირე და საშუალო ბიზნესის მომსახურებაზე.როგორია 5 წლის თავზე თიბისი უზბეკეთის შედეგები და გეგმები, ასევე რა განსხვავებებია საქართველოსა და უზბეკეთის საბანკო სექტორებს შორის და რა განაპირობებს ინვესტორების მზარდ დაინტერესებას ცენტრალური აზიის ამ ბაზრით? სტუმარი: ნიკა ქურდიანი - TBC უზბეკეთი, გენერალური დირექტორი; ინტერვიუერი: ნუცა შუბაშვილი - BMG, ჟურნალისტი. #ახალიამბები #BusinessMediaGeorgia
"გლობალ ფაინანსის" შედეგების გაცნობის სეზონია და მსოფლიოს საუკეთესო ციფრული ბანკების 2025 წლის დაჯილდოების საქართველოს ბანკის წლევანდელ მონაგარს ვაჯამებთ, რომელიც წელსაც ერთდროულად რამდენიმე პრიზს აერთიანებს. ორი გლობალური ჯილდო, ორი რეგიონული ორი გლობალური ქვეკატეგორიის სამომხმარებლო მიმართულებით და ერთი კორპორაციული მიმართულებით. მხოლოდ სახელების ჩამონათვალიც საკმაოდ ვრცელია და ამ ექვსივე ჯილდოს სტუმართან ერთად მიმოვიხილავ. ექვსი ეს მხოლოდ ციფრული მიმართულებით,თორემ ჯამში საქართველოს ბანკმა ხელოვნური ინტელექტის მიმართულებით ჩათვლით, წელს 10 ჯილდო მიიღო. Global Finance საუკეთესო ციფრულ ბანკებს უკვე 26-ე წელია ირჩევს. წლევანდელი გამარჯვებულები Infosys-ის – გლობალური საკონსულტაციო, ტექნოლოგიური და აუთსორსინგის ლიდერი კომპანიის ჟიურის წევრებმა შეარჩიეს, ხოლო საბოლოო სია გამოცემის რედაქციამ გამოავლინა. გლობალ ფაინენსის დაჯილდოებაზე საქართველოს ბანკს კონკურენციას უწევდნენ ისეთი ბანკები, როგორებიცაა Bank of America, Citi, Revolut, BBVA და სხვები და დასაწყისში არ ვახსენე და ციფრული მიმართულება ერთად ერთი არ არის რასთან დაკავშირებითაც წელს საქართველოს ბანკმა ჯილდოები მიითვალა. ხელოვნური ინტელექტი ფინანსებში- თავად ეს დაჯილდოება არის ახალი და პირველი დაჯილდოება AI-ის მიმართულებით, რომელიც აღიარებს ხელოვნური ინტელექტის გადამწყვეტ როლს ფინანსურ სექტორში. ამ ნაწილში მსოფლიოში საუკეთესოს ჯილდო მიიღო 1968 წელს დაფუძნებულმა სინგაპურულმა ბანკმა. The Development Bank of Singapore Limited ანუ დიბიესი. თავდაპირველად მისი მიზანი იყო სინგაპურის ინდუსტრიალიზაციის დაფინანსება. საქართველოს ბანკმა ამ მიმართულებით ჯილდო ოთხ კატეგორიაში მიიღო. სტუმარი: გიორგი ვახტანგიშვილი - "საქართველოს ბანკი", ციფრული საბანკო მომსახურების დეპარტამენტის დირექტორი; ინტერვიუერი: გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
თანამედროვე ტექნოლოგიური წარმოება იშვიათ მინერალებზეა დამოკიდებული. ამ სტრატეგიული რესურსის მიწოდების 90%-ს კი ერთი სახელმწიფო, ჩინეთი აკონტროლებს, რომელსაც ის პოლიტიკურ და ეკონომიკურ იარაღად იყენებს. ამ ბერკეტის მეშვეობით ჩინეთი დასავლეთს ახსენებს, თუ რამდენად მყიფეა მისი ინდუსტრიული ჯაჭვი და როგორ არის ის დამოკიდებული სი ძინპინის პოლიტიკურ ნებაზე. ცხადია, პრეზიდენტ ტრამპს ეს ყველაფერი არ მოსწონს და ის ჩინეთის წინააღმდეგ გარკვეულ ნაბიჯებს დგამს. #ახალიამბები #BusinessMediaGeorgia
“ქართულმა ოცნებამ” ფინანსურ დანაშაულზე კანონი კიდევ გაამკაცრა. მიმდინარე კვირაში დაჩქარებული წესით მიიღეს ცვლილებები, რომლითაც ფინანსურ დანაშაულზე გასამართლებულ პირებს ქვეყნის დატოვება ეკრძალებათ, სანამ ზარალს არ აანაზღაურებენ. დანაშაულების ჩამონათვალი გრძელია, რაც მიანიშნებს, რომ “ოცნება” კანონს ბევრზე განავრცობს. ყოველ შემთხვევაში, კანონის ბოლო, დამტკიცებული რედაქცია ინტერპრეტაციის საკმაოდ ფართო დაფარვით არის წარმოდგენილი. #ახალიამბები #BusinessMediaGeorgia
“განათლების მორიგი რეფორმა” - გიორგი ისაკაძის საავტორო პროლოგი / 19.10.2025 #ახალიამბები #BusinessMediaGeorgia
გასული კვირის მნიშვნელოვანი ამბების მიმოხილვა / 12 - 19 ოქტომბერი
პირველადი ჯანდაცვა - ჯანდაცვის სისტემის ხერხემალი სტუმრები: ➡️ ნატო შენგელია - პირველადი ჯანდაცვის ექიმი; საოჯახო მედიცინის ექსპერტი; ➡️ ნათია ბაინდურაშვილი - პირველადი ჯანდაცვის ექიმი; გადაცემის ავტორები: ➡️ამირან გამყრელიძე - პროფესორი, გადაცემის წამყვანი; ➡️ნინი ლონგურაშვილი - გადაცემის წამყვანი; #ახალიამბები #BusinessMediaGeorgia
პირველადი ჯანდაცვა - ჯანდაცვის სისტემის ხერხემალი; ამირან გამყრელიძის საავტორო ეპილოგი / 19.10.2025 #ახალიამბები #BusinessMediaGeorgia
რას წარმოადგენს პირველადი ჯანდაცვა? - ამირან გამყრელიძის საავტორო პროლოგი / 19.10.2025
Stellantis-ი ამერიკაში $13 მილიარდის ინვესტიციას განახორციელებს; #ახალიამბები #BusinessMediaGeorgia
წლის პირველი ნახევრის მდგომარეობით, საქართველოდან ავტომობილების რეექსპორტი რეკორდულ ნიშნულზეა და კვლავ ინარჩუნებს მთავარი საექსპორტო პროდუქტის სტატუსს, თუმცა ქართველი ავტოდილერები აცხადებენ, რომ რეექსპორტის ზრდის მიუხედავად მათი გაყიდვები შემცირებულია. მიზეზი არარეზიდენტ დილერებთან არათანაბარი კონკურენციაა, რის გამოც დარგობრივი ასოციაციის შეფასებით, ქართული ბაზარი საავტომობილო ჰაბის ნაცვლად ყაზახი და ყირგიზი დილერების ტრანსფერულ პუნქტად გადაიქცა. დილერების მეორე ნაწილი ამბობს, რომ შემოდგომა ზოგადად აქტიური პერიოდია მეორად საავტომობილო ბაზარზე, შესაბამისად მცირედით ბაზარი გააქტიურდა, თუმცა ძირითადად ქართველი მომხმარებლების ხარჯზე. #ახალიამბები #BusinessMediaGeorgia
რა გავლენა აქვს ევროკავშირში გაწევრიანებას უძრავი ქონების ფასებზე და როგორია საქართველოს პერსპექტივები?
ეროვნული ბანკის 2025 წლის ფინანსური სტაბილურობის ანგარიშის მიხედვით, უძრავი ქონების ბაზარი ქვეყნის ეკონომიკისთვის სისტემურად მნიშვნელოვანი სექტორია და ის მუდმივ მონიტორინგს საჭიროებს. მდგრადობის ანგარიშში სებ-ი წერს, რომ მიმდინარე პერიოდისთვის ბაზარი სტაბილურია, თუმცა აქტივობა როგორც მოთხოვნის, ისე მიწოდების მხარეს კლებას აჩვენებს. საცხოვრებელი უძრავი ქონების ფასები წლიურად დაახლოებით 4%-ით იზრდება, თუმცა ტემპი წინა წლებთან შედარებით შენელებულია. მშენებლობის ღირებულების ინდექსის ანალიზისას მარეგულირებელი აღნიშნავს, რომ ზრდა 6.1%-ია, რაც მიწოდების მხრიდან ფასების დაბალ წნეხზე მიუთითებს. საქართველოში საცხოვრებელი უძრავი ქონების ბაზრის აქტივობის 60 პროცენტი თბილისზე მოდის, სადაც მოთხოვნის ძირითად ნაწილს, დაახლოებით 90 პროცენტს, რეზიდენტები წარმოადგენენ, რაც საგარეო რისკებს ამცირებს. რაც შეეხება ბათუმს, აქ საპირისპირო ტენდენციაა, არარეზიდენტების მოთხოვნა კვლავ მაღალია, რის გამოც ქალაქი საგარეო ფაქტორების მიმართ უფრო მოწყვლადია. მდგრადობის ანგარიშში სებ-ი წერს, რომ იპოთეკური სესხები სტაბილურია, თუმცა უძრავი ქონების სექტორზე ბანკების მაღალი დამოკიდებულება სისტემურ რისკს ქმნის. ეროვნული ბანკი წერს, რომ ზომიერი რისკის პირობებში სესხის უზრუნველყოფის კოეფიციენტი მნიშვნელოვნად არ იცვლება, მაგრამ მკაცრი სცენარის დროს, განსაკუთრებით უცხოურ ვალუტაში გაცემულ სესხებში, ის 100%-ს აღემატება. თუ ეროვნული ვალუტა გაუფასურდება და უძრავი ქონების ფასი გაიზრდება, უცხოური ვალუტის სესხების მნიშვნელოვანი ნაწილი უფრო რისკიანი, ეროვნული ვალუტით გაცემული სესხები კი შედარებით სტაბილურია. რისკების შესამცირებლად, სებ-მა სესხის უზრუნველყოფის კოეფიციენტის მაქსიმუმი დააწესა, რომელიც უცხოურ ვალუტაში სესხებისთვის – 70%, ხოლო ეროვნულ ვალუტაში – 90%-ია. სტუმარი: დავით უტიაშვილი - ეროვნული ბანკის ფინანსური სტაბილურობის დეპარტამენტის ხელმძღვანელი; ➡️ #უძრავიქონებისპროსპექტი თათია ჩაფიჩაძე & გუგა კობახიძესთან ერთად #ახალიამბები #BusinessMediaGeorgia
სად ღირს ინტერნეტი ყველაზე ძვირი და იაფი? #ახალიამბები #BusinessMediaGeorgia
მზის პანელები ენერგიის ყველაზე იაფ წყაროდ დასახელდა; #ახალიამბები #BusinessMediaGeorgia