ფილტვის კიბოსთან ბრძოლა - ნინო მოდებაძის ისტორია “ეს არის ბრძოლა უხილავ მტერთან, უხილავ დაავადებასთან, მაგრამ მე ერთი წუთით არ ვარ პესიმისტურად განწყობილი, საკუთარი თავი არ ჩამიკეტია და უფრო გახსნილიც გავხდი, ჩემს დაავადებაზეც თამამად ვყვები” #ახალიამბები #BusinessMediaGeorgia
ფილტვის კიბო - სიმსივნით გამოწვეული სიკვდილიანობის წამყვან მიზეზი საქართველოში. ✔️ფილტვის კიბოს სტატისტიკა. ✔️ძირითადად რა ეტაპზე დგინდება ფილტვის კიბოს დიაგნოზი. ✔️რა ართულებს ფილტვის კიბოს ეფექტურ მკურნალობას საქართველოში? სტუმარი: ივანე კილაძე - კლინიკური ონკოლოგი, მედიცინის დოქტორი, ასოცირებული პროფესორი. გადაცემის წამყვანები: ლევან ალავიძე და ნინი ჯალაბაძე. #ახალიამბები #BusinessMediaGeorgia
საერთაშორისო სიახლეები “მედსკრიპტუმისგან”
მხოლოდ ქართულის რუბრიკაში ტექნოლოგიური სტარტაპის - "თათის" შესახებ გიყვებით, რომელიც ბაზარზე რამდენიმე წელია გამოჩნდა და იმ ადამიანებს, რომლებსაც შინაური ცხოველები ჰყავთ, ყოველდღიურობას უმარტივებთ - კერძოდ "თათის" აპლიკაცია მომხმარებლებს შესაძლებლობას აძლევს, რომ ცხოველისთვის ექიმთან ვიზიტი, გრუმინგი თუ საკვების შეძენის პროცედურა პირდაპირ აპლიკაციიდან დაჯავშნონ. ამ პერიოდის მანძილზე კომპანიამ ათასობით მომხმარებლის და ასობით პარტნიორი კომპანიის დაგროვება მოახერხა. #ახალიამბები #BusinessMediaGeorgia
UFC 323-ზე MMA-ს მსუბუქი წონის ქართველი მებრძოლი მერაბ დვალიშვილი რუს პიოტრ იანთან გამართულ რემატჩში დამარცხდა. ბრძოლა ლას-ვეგასში, T-Mobile Arena-ზე გაიმართა.აღსანიშნავია, რომ დვალიშვილს საჩემპიონო ქამარი სამჯერ ჰქონდა დაცული, თუმცა აღნიშნულ შეხვედრაში გამარჯვება ვერ მოიპოვა და მეოთხე ქამარი ვერ შეინარჩუნა. დვალიშვილმა რუსი მოწინააღმდეგე ადრე, 2023 წლის 11 მარტს, უკვე დაამარცხა.ოფიციალური მონაცემებით, UFC 323-ზე დასწრების ღირებულება $125-დან $3 754-მდე მერყეობდა. რაც შეეხება ბრძოლიდან მიღებულ შემოსავლებს, სპორტული გამოცემა TheSportster-ის ინფორმაციით, დვალიშვილი ანაზღაურების საერთო სიაში კვლავ პირველ ადგილს ინარჩუნებს. მისი შემოსავალი, ბონუსების ჩათვლით, დაახლოებით 2.3 მილიონ დოლარს აღწევს, ხოლო მსგავსი მაჩვენებელი UFC 323-ისთვისაც ნავარაუდებია. წარმატება მარცხის გარეშე წარმოუდგენელი რამაა. არ არსებობენ პლანეტაზე ყველაზე წარმატებული ადამიანები ვისაც არ განუცდიათ მარცხი, მაგრამ არასდროს ეს მარცხი მათ ცხოვრებაში არ გადასულა რუტინულ იმედგაცრუებაში. არასდროს. ამიტომაც, დარწმუნებული ვარ ამ ეპიზოდს, ან შეიძლება სპორტისთვისაც დამახასიათებელ შავ ზოლს, ასაფრენ ბილიკად გამოიყენებს, მერაბ დვალიშვილიც, რომელმაც თავის შრომით და მიზანდასახულობით აჩვენა საქართველოს და მთელ მსოფლიოს, რომ ჟინი არის ყველაფერი და მთავარია გჯეროდეს მიზნისა. #ახალიამბები #BusinessMediaGeorgia
მიმოვიხილოთ მსოფლიო ბიზნეს ისტორიის განსხვავებული ისტორიებიც, მაშინ როცა მნიშვნელოვანია გვახსოვდეს, რომ საქმის კეთებას მხოლოდ წარმატება არ ახლავს თან. და მარცხიც ცხოვრების, და მითუმეტეს ბიზნესის განუყოფელი ნაწილია. თქვენ წარმოიდგინეთ, მაშინაც კი, თუ ისეთი გიგანტი კომპანია ხარ, როგორიც Apple ან Samsung არიან. ჩვენს ვიდეო ისტორიაში სწორედ ასეთი ბრენდების ყველაზე დიდ შეცდომებზე გიყვებით. #ახალიამბები #BusinessMediaGeorgia
დამოუკიდებელი საქართველოს ეკონომიკა სამ ათეულ წელიწადზე სულ მცირედით მეტს ითვლის, ჩვენს ბიზნესშიც დაგროვდა ტრანსფორმაციის რამდენიმე ათეული წარმატებული და მათ შორის წარუმატებელი მაგალითებიც, ვინ თუ არა ალექსანდრე კაცმანმა, ყველასთვის კარგად ცნობილმა აწ უკვე ბლოგერმა საშა კაცმანმა იცის ეს ისტორიები, რომელთა ნაწილშიც მონაწილეობა აქვს მიღებულიც. სწორედ, საშა კაცმანი აწ უკვე განსხვავებულ ამპლუაში, საავტორო პოდკასტით და ძველი უნარებით, გახდა ჩვენი ყოველკვირეული რუბრიკის "ედვაიზერის" სტუმარი, მას არაჩვეულებრივ რესტორანში ვუმასპინძლეთ აბაშიძეზე, "სუში რუმში", თუმცა ღირს აღნიშვნად რომ საცობების და ალბათ, ჩემი არასწორად დაგეგმილი დროის გამო, ინტერვიუს დიდი ნაწილი სადაზღვევო კომპანია ვაიზერის სამეთვალყურეო საბჭოს თავმჯდომარემ სოფო ლებანიძემ წაიყვანა. სტუმარი: ➡️საშა კაცმანი - პირადი და ორგანიზაციული ცნობიერების განვითარების მენტორი რუბრიკის წამყვანები: ➡️ სოფიო ლებანიძე - "ვაიზერი", სამეთვალყურეო საბჭოს თავმჯდომარე; ➡️ გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
მსოფლიო ბიზნესის ტრანსფორმაციის ისტორიები გვიჩვენებს, რომ წარმატება ყოველთვის არც პირდაპირი გზა გახლავთ და ის არც წინასწარ შეიძლება დაიგეგმოს. ზოგიერთ კომპანიას დასაწყისში ერთი მიზანი ჰქონდა, ერთი კონკრეტული პროდუქტი ან განსაზღვრული იდეა, თუმცა მოვლენების განვითარებამ და ბიზნესპროცესებმა ისინი სხვა, ხშირად უფრო ეფექტიანი და მოგებიანი გზით წაიყვანა. #ახალიამბები #BusinessMediaGeorgia
ახალი ავტომობილების ბაზარზე ღირებულების შენარჩუნება ერთ-ერთ ყველაზე მნიშვნელოვან ფაქტორად მიიჩნევა, განსაკუთრებით მათთვის, ვინც მანქანის შეძენისას მისი გაყიდვის შემთხვევაში, გრძელვადიან ღირებულებაზე ფიქრობს. ზოგიერთი მოდელი სწრაფად კარგავს ფასს, სხვები კი წლების განმავლობაშიც ინარჩუნებენ სტაბილურ საბაზრო ღირებულებას. წარმოიდგენთ სიუჟეტს სწორედ იმ ავტომობილებზე, რომლებიც ყველაზე ნაკლებად უფასურდებიან, რომლებიც გამძლეობით, ბრენდის რეპუტაციითა და მაღალი მოთხოვნით გამოირჩევიან. #ახალიამბები #BusinessMediaGeorgia
გალტ & თაგარტი" ევროპის რეკონსტრუქციისა და განვითარების ბანკთან (EBRD) და ევროკავშირის მხარდაჭერით, სომხეთში „კაპიტალის ბაზრის მხარდაჭერის პროგრამას“ ახორციელებს. პროგრამის მიზანია ადგილობრივი კომპანიებისთვის ალტერნატიული დაფინანსების ხელმისაწვდომობის ზრდა და კაპიტალის ბაზრის განვითარება.პროექტის ფარგლებში უკვე ჩატარდა 10-ზე მეტი საგანმანათლებლო ღონისძიება — ვებინარები, კონფერენციები და ინდივიდუალური კონსულტაციები. პროგრამაში მონაწილეობისთვის დარეგისტრირდა 14 სომხური კომპანია 8 განსხვავებული სექტორიდან, რომელთაგან ნაწილს ემისიის (აქციათა/ობლიგაციათა გამოშვების) განხორციელების გეგმაც აქვს. აღსანიშნავია, რომ ანალოგიური პროგრამა გალტ & თაგარტის ექსკლუზიური ჩართულობით საქართველოშიც განხორციელდა მანამდე, რის შედეგად რამდენიმე კომპანიამ ფასიანი ქაღალდების გამოუშვა, ამჯერად კი ამ გამოცდილებას გალტ & თაგარტი სომხურ ბიზნესსაც უზიარებს.პროექტის ფარგლებში უკვე ჩამოყალიბდა დამოუკიდებელი კომიტეტი, რომელიც შეარჩევს კომპანიებს, რომლებიც პროგრამის ფარგლებში თანადაფინანსებასა და ტექნიკური მხარდაჭერას მიიღებენ. სტუმრები: ➡️თამთა გორგაძე - “გალტ&თაგარტი”, საკონსულტაციო სამსახურის უფროსი; ➡️ნატა ჯოჯიშვილი - “გალტ & თაგარტი”, ასოცირებული საინვესტიციო ბანკირი; ინტერვიუერი: ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
ბრილიანტი იმდენად იშვიათ ალმასად მიაჩნდათ, რომ მას საინვესტიციო აქტივად განიხილავდნენ და ვერვის წარმოედგინა, რომ ის შეიძლება გაუფასურებულიყო. დღეს უკვე ვითარება რადიკალურად განსხვავებულია - ბრილიანტის ფასი არათუ შემცირებული, არამედ განახევრებულია და ექსპერტები ფიქრობენ, რომ მის დაღმასვლას აღარ უჩანს ბოლო. რა დაემართა სამარადჟამოების სიმბოლოს და როგორ დაიმსხვრა ალმასის მითი ? #ახალიამბები #BusinessMediaGeorgia
ირაკლი ღარიბაშვილის ინიციატივით დაწყებული სოცდაუცველთა დასაქმების პროგრამა, რომელზეც ოთხ წელში 300 მლნ ლარზე მეტი დაიხარჯა, 2026 წლიდან აღარ გაგრძელდება. მთავრობის შექმნილ სამუშაო ადგილებზე ყოველთვიურად 300 ლარის მიღების გარდა, პროგრამის მონაწილეებს ოთხი წელი უცვლელად უნარჩუნდებოდათ სოცდაუცველის სტატუსი, შესაბამისად ფინანსური დახმარება რომელსაც მწყობრად იღებდნენ. ახლა ეს საკითხი ჯერჯერობით ღიად არის დარჩენილი. რატომ აჩერებს მთავრობა დასაქმების სახელმწიფო პროგრამას და რა ბედი ელის 240 ათასზე მეტ ადამიანს? #ახალიამბები #BusinessMediaGeorgia
ბოლო წლების განმავლობაში, საქართველოში ცხოვრების გაძვირების საკითხი მუდმივად წამყვანი თემაა. მიუხედავად იმისა, რომ საშუალო შემოსავლებით მნიშვნელოვნად ჩამოვრჩებით ევროპას, სამომხმარებლო კალათის ძირითადი პროდუქტების ფასები ხშირად აღემატება ევროკავშირის განვითარებული ქვეყნების მაჩვენებლებს. ეს მტკივნეული პარადოქსი ხშირად ზედაპირულად განიხილება და ვერ აღწევს რეალური მიზეზების პოვნა-გაანალიზებამდე. ჩვენ სწორედ ამას ვეცდებით, ექსპერტებთან გასაუბრებით, დეტალურად მოვიკვლიოთ ის ძირითადი ფაქტორები, რაც სურსათის ფასწარმოქმანაში მუშაობს და რომელთა ერთობლიუობაც საქართველოში ცხოვრებას გაუმართლებლად აძვირებს. #ახალიამბები #BusinessMediaGeorgia
გიორგი ისაკაძის საავტორო პროლოგი / 07.12.2025
როგორ იცვლება გლობალური ჯანდაცვის ეკოსისტემა? ჯანდაცვის ინდუსტრიის მთავარი გლობალური მოთამაშეები; სტუმარი: გიორგი შაქარიშვილი - გლობალური ჯანდაცვის სპეციალისტი; "თბილისის გლობალური ჯანდაცვის ინსტიტუტი", მმართველი პარტნიორი; გადაცემის ავტორები: ამირან გამყრელიძე - პროფესორი, გადაცემის წამყვანი; ნინი ლონგურაშვილი - გადაცემის წამყვანი; #ახალიამბები #BusinessMediaGeorgia
რას წარმოადგენს ჯანდაცვის გლობალური ეკოსისტემა? - ამირან გამყრელიძის საავტორო ეპილოგი / 07.12.2025 გლობალური ჯანდაცვის მომავალი; #ახალიამბები #BusinessMediaGeorgia
2025 წელი ფარმაცევტული ინდუსტრიისთვის გარდამტეხი ეტაპია - არა მხოლოდ ფინანსური მაჩვენებლების მხრივ, არამედ სამეცნიერო პროგრესისა და რეგულაციური პოლიტიკის მნიშვნელობითაც. ბიოტექნოლოგიური ინოვაციები აჩქარებს მანამდე შეზღუდულად განვითარებულ სამკურნალო სფეროებს, ხოლო კონკურენცია განსაკუთრებით მძაფრდება GLP-1-ისა და ონკოლოგიური თერაპიების მიმართულებით. ის კომპანიები, რომლებიც შეძლებენ ინოვაციისა და სტრატეგიული კომერციული ხედვის სინთეზს, განსაზღვრავენ არა მხოლოდ ინდუსტრიის, არამედ მთელი გლობალური ჯანდაცვის განვითარების მომავალს. დღეს, ვინ და როგორ ცდილობს ამ ბალანსის დაცვას, შემოსავლების ზრდას და ბაზრის უმსხვილეს მოთამაშედ პოზიციონირებას #ახალიამბები #BusinessMediaGeorgia
ვინ განსაზღვრავს თამაშის წესებს ჯანდაცვაში? - ამირან გამყრელიძის საავტორო პროლოგი / 07.12.2025
მაიკლ ბერის აზრით, Tesla-ს საბაზრო შეფასება უაზროდ მაღალია #ახალიამბები #BusinessMediaGeorgia
სმარტფონი, რომელიც 3-ჯერ იკეცება – როგორია Samsung Z TriFold #ახალიამბები #BusinessMediaGeorgia
დუროვმა დეცენტრალიზებული AI გაუშვა – რას წარმოადგენს COCOON? #ახალიამბები #BusinessMediaGeorgia
სამსახურის ძიება მეორე მხრივ კი კომპანიისთვის სასურველი კადრის მოძიება სერიოზული გამოწვევაა. მით უფრო მაშინ, თუ საქმე მოკლევადიანი დავალებების შესრულებას ეხება. ამ ორივე პრობლემას ქართული პლატფორმა ჰერიო პასუხობს, რომელიც სამსახურის მაძიებელს მასზე მორგებული შეთავაზების პოვნაში, ხოლო ბიზნესს მისთვის სასურველი თანამშრომლის ძიებაში ეხმარება. ჰერიო განსაკუთრებით კომფორტულია ფრილანსერებისთვის, რადგან აპლიკაციაში დისტანციური სამუშაოების მოძიებაც შესაძლებელია. მოკლედ, ჰერიო სხვა ტრადიციული დასაქმების პლატფორმებისგან მკვეთრად განსხვავდება. ➡️ ლევან ასანიძე - “ჰერიო”, დამფუძნებელი; #ახალიამბები #BusinessMediaGeorgia
გაინტერესებთ, რას კითხულობენ მსოფლიოს წამყვანი ეკონომისტები და ბიზნესლიდერები? გამოცემა The Economist-მა წლის საუკეთესო წიგნების სია გამოაქვეყნა, რომელშიც, ბიზნესისა და ეკონომიკის კატეგორიიდან 5 სათაური მოხვდა. გაგაცნობთ გამოცემის ფავორიტებს, რომლებიც, “ეკონომისტის” რედაქტორების აზრით, წელს თაროზე აუცილებლად უნდა გქონდეთ #ახალიამბები #BusinessMediaGeorgia
მთავრობის მიერ დაანონსებული რეფორმები უმაღლეს განათლებაში შესაძლოა, უცხოელ სტუდენტებსაც შეეხოთ. პრემიერი კობახიძე მიიჩნევს, რომ ბიზნესი კერძო სექტორმა უნდა აკეთოს და უცხოელი სტუდენტებიც მათ უნდა მიიღონ. არადა არარეზიდენტ სტუდენტებს არა მხოლოდ განათლების სექტორში, ქვეყნის ეკონომიკაშიც მნიშვნელოვანი წვლილი შეაქვთ. რამდენი უცხოელი სტუდენტი სწავლობს ქვეყანაში? რამდენს დაკარგავენ სახელმწიფო უნივერსიტეტები და რეალურად რა მიზანი აქვს კობახიძის გაჟღერებულ ინიციატივას? #ახალიამბები #BusinessMediaGeorgia
კიდევ ერთი ინტერვიუ რომელიც მოგიმზადეთ ამ კვირეულისთვის, ეხება რისკების მართვას, რომელიც პირდაპირ კავშირშია ჩვენს ყოველკვირეული რუბრიკასთან "ედვაიზარი", რომელსაც სადაზღვევო კომპანია "ვაიზერთან" ერთად წარმოგიდგენთ, ამ კვირაშიც საკმაოდ საინტერესო თემა და სტუმრები შევარჩიეთ, სადაზღვევო კომპანია "ვაიზერის" სამეთვალყურეო საბჭოს თავმჯდომარე სოფო ლებანიძე, რომელიც ძირითადში, თავად წარუძღვა ჩვენს მორიგ თემას რიკების მართვასთან დაკავშირებით. სტუმრები: ➡️სანდრო ურუშაძე - ჯანდაცვის პოლიტიკის ექსპერტი; ➡️ნინო ქანთარია - მედიცინის დოქტორი; “ნიუ ჰოსპიტალსი” შინაგანი მედიცინის განყოფილების ხელმძღვანელი; რუბრიკის წამყვანები: ➡️ სოფიო ლებანიძე - "ვაიზერი", სამეთვალყურეო საბჭოს თავმჯდომარე; ➡️ გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
"საქართველოს ბანკის" CSR მიმართულება და გუნდი წლის შედეგებს აჯამებს, და 2025 წლის პროგრამებთან თუ პროექტებთან ერთად, აანონსებს სხვადასხვა აქტივობებს, რომელიც გაისად, 2026 წელს, განხორციელდება წამყვანი ქართული და საერთაშორისო საფინანსო ჯგუფის მიერ. ყოველთვის საინტერესო და სასიამოვნოც საუბარი ბანკის გუნდის წევრებთან, მათგან გამორჩეულია ანა ლომთაძე, რომელიც საქართველოს ბანკის CSR მიმართულებას ხელმძღვანელობს წლებია. სტუმარი: ➡️ ანა ლომთაძე - "საქართველოს ბანკი", CSR მიმართულების ხელმძღვანელი; ინტერვიუერი: ➡️ გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
საქართველოში უმაღლესი ხარისხის ხის მასალა - Glulam-ისგან სახლების და შენობების მშენებლობის შესახებ ვისაუბრებთ. ლამინირებული, პროფილირებული, შეწებებული ხის ძელებისგან სახლების მშენებლობა საქართველოსთვის ერთგვარ სიახლეს წარმოადგენს. თუმცა, რამდენიმე თვის წინ ჩვენ მოგიყევით კომპანია ეკო ჰაუს ოცდაერთის შესახებ, და ჩვენი ჟურნალისტი ვიქტორია მღებრიშვილი ამ დარგში მომუშავე ერთ-ერთი პირველი კომპანიის, ანუ "Eco House XXI"-ის დირექტორს ტატიანა ლიტვინოვას კიდევ ერთხელ შეხვდა და ესაუბრა. მასთან ერთად საქართველოში ხის სახლების მშენებლობის გამოცდილებაზე და კონკრეტულად Glulam-ით მშენებლობის გამორჩეულ უპირატესობებზე და პერსპექტივებზე დარგის წარმომადგენელმა მექანიკის ინჟინერიისა და ტექნოლოგიის დოქტორი საქართველოს ხის დამმუშავებელთა და ავეჯის მწარმოებელთა ასოციაციის აღმასრულებელ დირექტორს მამუკა ხოშტარიამ გაამახვილა ყურადღება. ჩვენი მიზანი იყო ერთის მხრივ შეგვეფასებინა ის პროგრესი და ინტერესი რაც საქართველოს საზოგადოებამ გამოხატა გლულამის ტექნოლოგიის და სახლების მიმართ და მეორეს მხრივ მეტად ჩავუღრმავდეთ ერთგვარ ბიზნეს მოცემულობას, რომელსაც წარმოადგენს კომპანია ეკო ჰაუს ოცდაერთი: და ეს არის ფასი, რომელიც ნამდვილად არ არის იაფი. და ეს არის კომპანიის გარანტიის ქვეშ წარმოებული უმაღლესი დონის ხარისხიანი ხის სახლები, რომელიც ათეულობით წლის განმავლობაში ასიამოვნებს მომავალ მესაკუთრე მობინადრეებს. როგორ უმკლავდება ეს კომპანია ამ საკმაოდ რთულ ბიზნეს პარადიგმას და მოცემულობას ქვეყანაში, სადაც ნამდვილად იციან ხარისხიანი სახლის ფასი და რასაც ვუყურებ, შესაბამისი ფინანსები ქვეყანაში ნამდვილად არის. სტუმრები: ტატიანა ლიტვინობა - Eco House XXI, აღმასრულებელი დირექტორი; მამუკა ხოშტარია - საქართველოს ხის დამამუშავებელთა და ავეჯის მწარმოებელთა ასოციაცია, აღმასრულებელი დირექტორი; ინტერვიუერი: ვიქტორია მღებრიშვილი, BMG, ჟურნალისტი; საუბარს სინქრონულად თარგმნის სათარჯიმნო კომპანია Translation Company NG Georgia #ახალიამბები #BusinessMediaGeorgia
გაცხადდა "ამბასადორი ჯგუფის" მიერ, ჯერ არქიტექტორული პროექტის, შემდეგ საინვესტიციო კონტურებიც, პარალელურად ყალიბდებოდა ჯგუფი, გუნდი, რომელიც მუდმივად რჩებოდა უმცირესობაში, რომ ეს ერთის მხრივ სრულიად წარმოუდგენელი და გიჟური პროექტი საქართველოში ოდესმე განხორციელდებოდა .არადა, ხორციელდება, შენდება და მერე როგორ! სტუმარი: გოჩა კამკია - „ამბასადორი აილენდ ბათუმი”, გენერალური დირექტორი; ინტერვიუერი: გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
"პაშა ბანკმა" და "პაშა ჰოლდინგმა" თბილისში პარტნიორებთან ერთად ბიზნეს ფორუმს უმასპინძლეს. EY-სთან, VISA-სთან და SOCAR-თან პარტნიორობით გამართულ ფორუმზე საქართველოსა და აზერბაიჯანის სხვადასხვა ინდუსტრიის ლიდერები შეიკრიბნენ. მონაწილეებმა ორმხრივი სავაჭრო-ეკონომიკური ურთიერთობების გაუმჯობესებაზე, სტრატეგიული ინვესტიციების მხარდაჭერასა და ახალი შესაძლებლობების წარმოჩენაზე სხვადასხვა სექტორში იმსჯელეს. ფორუმი საკმაოდ მაღალ დონეზე წარიმართა, და აქ იგულისხმება როგორც მოწვეული და დამსწრე საზოგადოება, ასევე მასპინძლებიც: "პაშა ბანკი" საქართველოს გენერალურმა დირექტორმა, რამილ იმამოვმა, რეგიონში ბიზნესის მზარდ პოტენციალზე ისაუბრა, ხოლო პაშა ჰოლდინგის" გენერალური დირექტორის მოადგილემ, დაიანათ სადულაევმა, ისაუბრა საქართველოში სტრატეგიული ინვესტიციების მნიშვნელობასა და ორ ქვეყანას შორის პარტნიორული ურთიერთობის განსაკუთრებული როლზე. #ახალიამბები #BusinessMediaGeorgia
გიორგი ისაკაძის საავტორო პროლოგი / 30.11.2025
რუსეთის ფედერაციის ახალი ბიუჯეტი ოფიციალურად დამტკიცდა. დოკუმენტში არაერთ საინტერესო პარამეტრს ვხედავთ, თუმცა მათ შორის მთავარი ის არის, რომ ქვეყნის დეფიციტის მოცულობა მკვეთრადაა გაზრდილი და ამ დეფიციტის მოგვარების გზა არსაით ჩანს. რუსეთის ენერგორესურსების და სხვა წიაღისეული უკიდეგანო არსებობაც კი, ომის პირობებში მნიშვნელოვან დამატებით ხარჯებს აჩენს, რომელიც მხოლოდ მიმდინარე გათვალისწინებულ ხარჯებს სცდება, მითუმეტეს იმ პირობებში, რომ შემოსავლების საშუალებები არსებული სანქციების ფონზე სულ უფრო მეტად ვიწროვდება. იდეაში, ომის დაწყებიდან პირველად, მას შემდეგ რაც რუსეთის ეკონომიკა მეტ-ნაკლებად ადაპტირდა ახალ რეალობებთან, 2026 წელს ჩნდება პირველი სისტემური გამოწვევები რომელსაც რუსეთის მთავრობა გაზრდილ გადასახადებს და რეგულაციების გამკაცრებას უპირისპირებს.
გასული კვირის მნიშვნელოვანი ამბების მიმოხილვა / 23 - 30 ნოემბერი
შეზღუდული შესაძლებლობის მქონე პირების ჯანმრთელობა ამირან გამყრელიძის საავტორო პროლოგი / 30.11.2025
შეზღუდული შესაძლებლობის მქონე პირების ჯანმრთელობა - საქართველო & მსოფლიო სტუმრები: ➡️ მაია შიშნიაშვილი - სოციალური ინკლუზიის მხარდამჭერი ორგანიზაცია „ხელი ხელს", დამფუძნებელი; ➡️ გია კაკაჩია - სოციალური პოლიტიკის, ბავშვთა კეთილდღეობის & შშმ პირთა უფლებების ექსპერტი; გადაცემის ავტორები: ➡️ამირან გამყრელიძე - პროფესორი, გადაცემის წამყვანი; ➡️ნინი ლონგურაშვილი - გადაცემის წამყვანი; #ახალიამბები #BusinessMediaGeorgia
შეზღუდული შესაძლებლობის მქონე პირების ჯანმრთელობა ამირან გამყრელიძის საავტორო ეპილოგი / 30.11.2025 ჯანმოს (WHO) რეკომენდაციები შშმ პირების ჯანმრთელობაზე; #ახალიამბები #BusinessMediaGeorgia
ტიპი 1 დიაბეტი მსოფლიოში მილიონობით ადამიანისთვის ქრონიკულ, სიცოცხლისთვის საშიშ მდგომარეობად რჩება, რომელიც ყოველდღიურად მოითხოვს ინსულინის მართვასა და გლუკოზის დონის მუდმივ მონიტორინგს. თუმცა, Vertex Pharmaceuticals-ის მიერ ჩატარებულმა ინოვაციურმა კვლევამ, შესაძლოა, ეს მოცემულობა კარდინალურად შეცვალოს. Vertex-ის ღეროვანი უჯრედების თერაპია, სახელწოდებით ზიმიცელელი იგივე VX-880, პაციენტებს ინსულინზე დამოკიდებულებისგან ათავისუფლებს.თერაპიის წყალობით, ორგანიზმს შეუძლია ბუნებრივად გამოიმუშაოს ინსულინი გლუკოზის დონის საპასუხოდ, პრეპარატის გამოყენების საჭიროებას აქრობს. #ახალიამბები #BusinessMediaGeorgia
რა სიახლეებს გვთავაზობს Gemini 3? #ახალიამბები #BusinessMediaGeorgia
ჯეფ ბეზოსმა ახალი AI-სტარტაპი დააფუძნა #ახალიამბები #BusinessMediaGeorgia
ის ერთი ადამიანი ათასიდან გახდება შენთვის უფრო ახლობელი ვიდრე საკუთარი ძმა, და ამისთვის ღირს ეძებო ის ერთი. თუნდაც ნახევარი ცხოვრება, რომ მასთან ერთად გაატარო დარჩენილი წლები. ცხრაასოთხმოცდაცხრამეტი გაფასებს, გეურთიერთება და შენთან არის შენი საქმეების, გავლენის, პოპულარობის, ფული ან გარეგნობის გამო. აი ის - ერთი ათასიდან, კი შენთან ერთად არის მიუხედავად ყველაფრისა, მათ შორის რას ფიქრობს შენზე დანარჩენი სამყარო, უბრალოდ არის შენთან. და მზად არის, როგორც კი მას ნახავს, ერთს ათასიდან, ან ის გნახავს შენ, ნებისმიერ წყალში გადახტეს, გაცუროს ან სულაც დაიხრჩოს შენთან ერთად. ცხრაას ოთხმოცდაცხრამეტი ითხოვს მეგობრობისთვის სიმდიდრეს, ოქროს და ვერცხლს, მაგრამ ის ერთი ადამიანი ათასიდან მათი ყველას ფასია ერთად აღებული, რადგან სწორედ მასთან შეგიძლია იყო ისეთი, როგორიც ხარ. მისი შეცდომა, შენი შეცდომაა, მისი სიმართლე, შენივე. 999-ს არ შეუძლია აიტანოს შენი დაცინვა, შეურაცხყოფა, დამცირება - გაგეცლებიან, ან დაიკარგებიან რადგან მათთვის უმთავრესია რას ფიქრობს საზოგადოება შენზე. ის ერთი ათასიდან, კი რჩება შენს მეგობრად, ბოლომდე. თუნდაც, მთელი სამყარო იყოს შენს წინააღმდეგ. #ახალიამბები #BusinessMediaGeorgia