საქართველოს კონკურენციისა და მომხმარებლის დაცვის სააგენტომ, ფარმაცევტულ ბაზარზე მოქმედი 8 კომპანიის მიმართ, დომინანტური მდგომარეობის შესაძლო ბოროტად გამოყენების ფაქტზე, მოკვლევა დაიწყო, ამის შესახებ სააგენტოს განცხადებაშია ნათქვამი. თემა ეხება კონკურენციის შესახებ კანონის მე-6 მუხლის მიხედვით - შესყიდვის ან გაყიდვის არასამართლიანი ფასის ან სხვა არასამართლიანი სავაჭრო პირობების პირდაპირ ან არაპირდაპირ დადგენას და ფიქსირებას.მოკვლევის დაწყების საფუძველს საქართველოს ჯანდაცვის სამინისტროს მიერ 2023 წლის 19 დეკემბერს გასაჯაროებული ინფორმაცია წარმოადგენს, რომლის მიხედვითაც 20 მედიკამენტის მაღალი ფასნამატით რეალიზაცია ხდებოდა. სტუმარი: გიორგი ქედელიძე - კონკურენციისა და მომხმარებლის დაცვის სააგენტოს სტრატეგიული ბაზრების მონიტორინგის უფროსი #ახალიამბები #BusinessMediaGeorgia
საქართველოს ბანკი შესაძლებლობების შექმნას განაგრძობს. ფინანსური ინსტიტუტის CSR პროექტების შესახებ ინფორმაციაზე ხელმისაწვდომობის გასაზრდელად და ადამიანების კიდევ უფრო მეტი შესაძლებლობით უზრუნველსაყოფად, საქართველოს ბანკმა ვებგვერდი Csr.bog.ge შექმნა. სტუმარი: ანა ლომთაძე - "საქართველოს ბანკის" CSR მიმართულების ხელმძღვანელი; #ახალიამბები #BusinessMediaGeorgia
თანამედროვე სამყაროში პერსონალური მონაცემები ციფრული ეპოქის მთავარ ვალუტას წარმოადგენს. თითოეულ წუთს თუ წამს, ჩვენ ვტოვებთ ჩვენი პირადი ისტორიის, განწყობის, გემოვნებისა თუ მოქმედებების ციფრულ ანაბეჭდს, რაც შესაძლოა, ცნობილი გახდეს ჩვენთვის არასასურველი პირებისათვის ან სრულებითაც, ჩვენ საზიანოდ იქნეს ბოროტად გამოყენებული. 2023-2024 წლები გარდამტეხია საქართველოში პერსონალურ მონაცემთა დაცვის კუთხით. 2023 წელს საქართველოს პარლამენტმა ინტენსიური მუშაობისა და განხილვების შემდეგ, მიიღო ახალი კანონი „პერსონალურ მონაცემთა დაცვის შესახებ“. კანონი ემსახურება საქართველოში მონაცემთა დაცვის თანამედროვე ევროპული სტანდარტის დამკვიდრებას, რისთვისაც სამაგალითო რეგულაციას ევროკავშირის მონაცემთა დაცვის ძირითადი რეგულაცია - იგივე GDPR წარმოადგენს. რეგულაცია კი თავის მხრივ, დაკავშირებულია უამრავი ახალი ვალდებულებისა და მექანიზმის ამოქმედებასთან. სტუმრები: ლანა პაიჭაძე - იურიდიული კომპანია Contractor-ის ხელმძღვანელი; კახაბერ გოშაძე - მონაცემთა დაცვის ექსპერტი, Contractor-ის მოწვეული ტრენერი; დავით ყარაშვილი - მონაცემთა დაცვის ექსპერტი, Contractor-ის მოწვეული ტრენერი; #ახალიამბები #BusinessMediaGeorgia
საბანკო სექტორის 2023 წლის ანალიზით ვბრუნდებით ახლა საქმიანი დილას ეთერში. საბანკო ასოციაციის მიმოხილვის მიხედვით, 2023 წელი მოსალოდნელზე უკეთესად დაიხურა. ჯამური აქტივების ზრდის წლიურმა მაჩვენებელმა კვლავ ორნიშნა ნიშნულს გადააჭარბა და 13.78%-ი დააფიქსირა. 2022 წ ბოლოსთან მიმართებაში ზრდამ 9.69 მლრდ ლარი შეადგინა. სისტემა ჯამურად 80.04 მლრდ ლარის აქტივს($29.88 მლრდ) მართავს. სტუმარი: ალექსანდრე ძნელაძე - საქართველოს საბანკო ასოციაციის პრეზიდენტი; #ახალიამბები #BusinessMediaGeorgia
ზამთრის ტურისტული სეზონი იმერეთში მარიამ იზორია - რეპორტიორი, BMG #ახალიამბები #BusinessMediaGeorgia
წითელი ზღვა და სუეცის არხი მსოფლიო ვაჭრობის ცენტრალური სავაჭრო მარშრუტებია. სუეცის არხს ყოველწლიურად, დაახლოებით, 20 ათასი გემი გაივლის. იემენელი მეამბოხეების თავდასხმების გამო ბევრმა მსხვილმა გადამზიდავმა კომპანიამ გადაწყვიტა ამ მარშრუტისთვის თავის არიდება. აზიასა და ევროპას შორის მარშრუტზე საკონტეინერო გემებს უწევთ აფრიკის გავლით, შემოვლითი გზით სარგებლობა რაც მნიშვნელოვნად მეტ დროს და საწვავისთვის ასობით ათასი ევროს ოდენობის დამატებით ხარჯებს მოითხოვს. #ახალიამბები #BusinessMediaGeorgia
გასული კვირის პარასკევს Apple-მა თავისი ინოვაციური პროდუქტი, Vision Pro ჩაუშვა ბაზარზე - რომლის ფასიც 3499 დოლარიდან იწყება. როგორც ბრენდი ირწმუნება, მოწყობილობა „სივრცითი გამოთვლების“ დასაწყისია, ვინაიდან ჰედსეტის მეშვეობით, თითოეული აპლიკაცია ჩვენს რეალურ სივრცეში გადმოინაცვლებს. მართალია ჰედსეტი ფიზიკურ მაღაზიებში 2 თებერვალს გამოჩნდა, თუმცა Apple-მა ონლაინ მისი წინასწარი გაყიდვები ჯერ კიდევ 19 იანვარს დაიწყო და როგორც ცნობილია, ამ დრომდე უკვე 180 000 ერთეულია გაყიდული. როგორია მომხმარებლების შეფასება ეფლის ინოვაციურ პროდუქტზე და რა უპირატესობებსა თუ ხარვეზებზე ამახვილებენ ყურადღებას? #ახალიამბები #BusinessMediaGeorgia
#საქმიანიდილა - 7 თებერვალი - პროლოგი #ახალიამბები #BusinessMediaGeorgia
#BMG და Tegeta Holding-ი წარმოგიდგენთ #BMGAuto-ს:
2023 წელს საქართველოში კიბერდანაშაული გაიზარდა - შინაგან საქმეთა სამინისტროს ანგარიშის თანახმად, გასული წლის განმავლობაში დაზარალებულთა მიერ სულ 999 შემთხვევა დაფიქსირდა, რაც 2022 წელთან შედარებით 7%-ით მეტია. სტატისტიკიდან ირკვევა, რომ ქვეყანაში კიბერდანაშაულის უდიდესი ნაწილი ფინანსური მანიპულაციის განხორციელების (ფიშინგის) მიზნით ხორციელდება, შესაბამისად პოლიციაში შეტყობინებები ძირითადად კიბერთაღლითობის მსხვერპლთა მიერ გაკეთდა. კიბერდანაშაულის სტატისტიკა საქართველოში ასე გამოიყურება: კომპიუტერული მონაცემის ან/და კომპიუტერული სისტემის ხელყოფა ფინანსური სარგებლის მიღების მიზნით - 892 შეტყობინება, მათ შორის გახსნილია 53%; კომპიუტერულ სისტემაში უნებართვო შეღწევა - 95 შეტყობინება, მათ შორის გახსნილია 30%; კომპიუტერული მონაცემის ან/და კომპიუტერული სისტემის ხელყოფა - 11 შეტყობინება, მათ შორის გახსნილია 0%. მთლიანობაში შესული საქმეებიდან გახსნილია 51%. შედარებისთვის, 2022 წელს კიბერდანაშაულების გახსნის მაჩვენებელი 38% იყო, 2021 წელს კი მხოლოდ 20%, შესაბამისად ქართული სამართალდამცავი უწყებების კომპეტენცია ამ კატეგორიის დანაშაულების გამოძიების მიმართულებით გაუმჯობესებულია. თუმცა, საგულისხმოა გარემოება, რომ კიბერდანაშაული, განსაკუთრებით კი ფიშინგი ან ფიშინგის მცდელობა განეკუთვნება ისეთი კატეგორიის დანაშაულს, რომლის დროსაც დაზარალებულმა შესაძლოა არ მოახდინოს მისი შეტყობინება, რის გამოც შსს-ს სტატისტიკიდან ამ დანაშაულის სრული მასშტაბი არ ჩანდეს. სტუმარი: გიორგი იაშვილი - Cyber Trust-ის დამფუძნებელი, კიბერუსაფრთხოების ექსპერტი; #ახალიამბები #BusinessMediaGeorgia
ქირავნობის საკითხებზე კანონპროექტის განხილვა პარლამენტში საგაზაფხულო სესიაზე გაგრძელდება. იუსტიციის მინისტრის რატო ბრეგაძის განცხადებით, ის სამართლებრივი ურთიერთობები, რაც ქირასა და იჯარას უკავშირდება რამდენიმე წლიანი დავების ნაცვლად, რამდენიმე თვეში დასრულდება. ბინების გაქირავებით დაკავებული ასობით საქართველოს მოქალაქე ბოლო 1 წელში მნიშვნელოვნად დაზარალდა. საპოლიციო გამოსახლების შემდეგ გამქირავებლების დიდ ნაწილს საკუთარი უფლებების დაცვის არანაირი შესაძლებლობა არ გააჩნია. როგორ უნდა გადაიჭრას პრობლემა? სტუმარი: გიორგი რეხვიაშვილი - იურისტი / პარტია „მოქალაქეების“ წარმომადგენელი; #ახალიამბები #BusinessMediaGeorgia
2024 წელს საქართველოს აეროპორტები 6.8 მილიონამდე მგზავრს მოემსახურება, რაც 2023 წლის მაჩვენებელს 14%-ით აღემატება - ამის შესახებ საქართველოს მთავრობის ახალ სამთავრობო პროგრამაში წერია, რომელიც ირაკლი კობახიძემ საქართველოს პარლამენტს 2 თებერვალს წარუდგინა. დოკუმენტში ნათქვამია, რომ აღნიშნული პროგნოზი საქართველოს ტურისტული პოტენციალის განვითარებითა და ავიაკომპანიებთან პროაქტიური თანამშრომლობით არსებული ოპერირების გაზრდის, ასევე საქართველოს ავიაბაზარზე შემოსვლისა და ახალი მიმართულებებით ოპერირების დაწყებითაა განპირობებული. სამთავრობო პროგრამის ტრანსპორტისა და ლოგისტიკის განვითარების ნაწილში ქვეყანაში მოქმედი საერთაშორისო თუ ადგილობრივი აეროპორტების, ასევე გასულ წელს დაანონსებული ვაზიანის საერთაშორისო აეროპორტების პროექტის განვითარების შესახებაც არის საუბარი. დოკუმენტში ვკითხულობთ, რომ თუ ვაზიანის აეროპორტი აშენდება, თბილისს 18 მლნ მგზავრის მიღების შესაძლებლობა ექნება, რაც როგორც ჩანს პროექტის პირველადი შეფასებით დგინდება. ამავე დოკუმენტში ნათქვამია, რომ 2024 წელს ქუთაისის აეროპორტის გენერალური განვითარების გეგმის შემუშავება დასრულდება და ასაფრენ-დასაფრენი ზოლისა და საჰაერო ხომალდების ბაქანის გამტარუნარიანობის გასაზრდელად ინფრასტრუქტურული პროექტები დაიწყება. რაც შეეხება აჭარის რეგიონს, დოკუმენტიდან ირკვევა, რომ ამ მიმართულებით მზარდი ტურისტული ნაკადების მისაღებად, 2024 წელს ბათუმის საერთაშორისო აეროპორტის შემდგომი გაფართოების შესაძლებლობის განსაზღვრის მიზნით, მისი გამტარუნარიანობა შეფასდება. ირაკლი კობახიძის მთავრობა შიდა ფრენების სუბსიდირების პოლიტიკას გააგრძელებს და 2024 წელს თელავის აეროპორტისა სრულ მოდერნიზებას და მესტიის აეროპორტის ახალი ტერმინალის პროექტირებასა და მშენებლობას გეგმავს. სტუმარი: გიორგი მოლოდინაშვილი - საავიაციო საკონსულტაციო ჯგუფის მმართველი პარტნიორი & საავიაციო კომიტეტის ხელმძღვანელი; #ახალიამბები #BusinessMediaGeorgia
ბრენდული ქსელების წილი FMCG ბაზარზე ბოლო 5 წელში 16.9%-ით - 38.6%-მდე გაიზარდა. ბრენდული ქსელების შემოსავლების და ბაზრის წილის ზრდის ერთ-ერთი მთავარი განმაპირობებელი ფაქტორად გეოგრაფიული ექსპანსია სახელდება. ამავე მიზეზით სავარაუდოა, რომ მათი წილის ზრდა მომდევნო წლებშიც გაგრძელდება და უახლოეს პერიოდში 55.6%-ს მიაღწევს. მოსალოდნელია, რომ 2028 წლის ბოლომდე თბილისსა და რეგიონებში დაახლოებით 3,000-მდე ახალი მაღაზია გაიხსნება, რის შედეგადაც ბრენდული მაღაზიების რაოდენობა 2028 წლის ბოლომდე 6,500-ს მიაღწევს. გალტ & თაგარტის კვლევაში შეფასებულია, თუ რამდენად მიმზიდველია ბრენდული ქსელების ექსპანსია საქართველოს სხვადასხვა რეგიონში. ანალიზის თანახმად კი ნათქვამია, რომ ამ ეტაპზე, სამომავლო გაფართოებისთვის ყველაზე მიმზიდველი რეგიონებია აჭარა, ქვემო ქართლი და თბილისი, ხოლო შედარებით ნაკლებად საინტერესო კი - მაღალმთიანი რეგიონები და გურია. რეგიონების პოტენციალის შეფასების ანალიზი ეყრდნობა დემოგრაფიულ დინამიკას, მოსახლეობის მსყიდველუნარიანობას და ბრენდული ქსელებით ბაზრის გაჯერებულობის მაჩვენებლებს. როგორია რითეილ სექტორის განვითარების გეგმა? სტუმრები: სოფიო ქაშაკაშვილი - რითეილ ასოციაციის ხელმძღვანელი; მირანდა მანჯგალაძე - რითეილ ექსპერტი; #ახალიამბები #BusinessMediaGeorgia
33 ათასამდე სტატუსშეჩერებული სტუდენტიდან ამ დროისთვის სტატუსი 5 ათასამდე პირმა აღიდგინა. ამის შესახებ, გუშინ საქართველოს განათლების, მეცნიერებისა და ახალგაზრდობის მინისტრობის კანდიდატმა, გიორგი ამილახვარმა პარლამენტში დარგობრივი კომიტეტების ერთობლივ სხდომაზე საუბრისას განაცხადა. როგორც ამილახვარმა აღნიშნა, ჯამში დავალიანების სახით 35 მილიონ ლარამდეა ჩამოწერილი. პროგრამას პოზიტიურად აფასებს კავკასიის უნივერსიტეტის” პრეზიდენტი და „შავი ზღვის საერთაშორისო უნივერსიტეტის“ მფლობელი კახა შენგელია, რომელიც ამბობს რომ ორივე უნივერსიტეტში1000-ზე მეტი სტუდენტიდან ამ დროისთვის სტატუსი 500-მდე პირმა აღიდგინა. #ახალიამბები #BusinessMediaGeorgia
საქართველოში ფინანსური ეკოსისტემისა და ფინანსური ტექნოლოგიების განვითარების თემაზე სებ-მა ღონისძიება, სახელწოდებით „ცენტრალური ბანკების ციფრული ვალუტა - თანამედროვე ფინანსური ეკოსისტემის განვითარების ხელშემწყობი“ გამართა. ღონისძიებაში საჯარო და კერძო სექტორის, კომერციული ბანკებისა და საფინანსო ორგანიზაციების წარმომადგენლები მონაწილეობდნენ. ღონისძიების ფარგლებში, რა თემებზე გამახვილდა ძირითადი ყურადღება? ლიკა მეგუთნიშვილი - #BMG-ს რეპორტიორი; #ახალიამბები #BusinessMediaGeorgia
საკონსულტაციო კომპანია ედვაიზი, ორგანიზაციებს რისკებს ეფექტურად მართვაში ეხმარება. ედვაიზის გუნდი უზრუნველყოფს, რომ ორგანიზაციები აღჭურვილი იყოს ეფექტური ინსტრუმენტებით საეჭვო ქმედებების აღმოსაჩენად, რომლებიც შეესაბამება საერთაშორისო სტანდარტებსა და რეგულაციებს. ამასთან კომპანიის მისია და მიზანია, როგორც საბანკო, ასევე არა-საბანკო საფინანსო სექტორის მიმართ მათი მხარდაჭერა, რათა მათ მარტივად მოახდინონ ნავიგაცია არსებულ ცვალებად გარემოში, როგორც ფინანსური დანაშაულების ბრძოლის მიმართულებით, რაც გულისხმობს როგორც ფულის გათეთრებისა და ტერორიზმის დაფინანსების წინააღმდეგ, სანქციებთან დაკავშირებული პროცედურებისა და პროცესების გეპ ანალიზს, ასევე აღნიშნული პროცესის გამართულად ფუნქციონირებისათვის საჭირო ტექნოლოგიების დანერგვას, სასწავლო კურსების ორგანიზებასა და სხვა მომსახურებებს. სწორედ ამის ფარგლებში გასულ წელს კომპანიამ, საერთაშორისო სანქციების რისკების მართვისადმი მიძღვნილი ტრენინგიც გამართა. სტუმრები: ანი გორდეზიანი - Eddwise-ის უფროსი პარტნიორი & რისკების მართვის მიმართულების ხელმძღვანელი; დეივიდ ჩარლტონი - Eddwise-ის აღმასრულებელი დირექტორი; საუბარს სინქრონულად თარგმნის NG Georgia #ახალიამბები #BusinessMediaGeorgia
Galt & Taggart - გალტ & თაგარტი: გლობალური ბაზრების ყოველკვირეული მიმოხილვა / Global Markets Weekly Update სტუმარი: თაკო ჯინჭარაძე - Galt&Taggart;-ის ტრეიდერების ჯგუფის უფროსი; #ახალიამბები #BusinessMediaGeorgia
Galt & Taggart: საქართველოს ეკონომიკის მიმოხილვით ლაშა ქავთარაძე სტუმარი: ლაშა ქავთარაძე - Galt & Taggart-ის ეკონომისტი; #ახალიამბები #BusinessMediaGeorgia
გაყიდვების გაზრდილი მაჩვენებელი, სრულიად ახალი კონცეფციის შოურუმი, ავტორიტეტული ჯილდოები და მასშტაბური გეგმები 2024 წლისთვის - „ვოლვო ქარ კავკასიისთვის“ 2023 წელი იმაზე პოზიტიური გამოდგა, ვიდრე კომპანია წლის დასაწყისში პროგნოზირებდა. „თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი ,,ვოლვო ქარ კავკასია“ შვედური ბრენდის „ვოლვოს“ ოფიციალური იმპორტიორია ამიერკავკასიასა და შუა აზიაში. კომპანია პრემიუმ კლასის ავტომობილების ექსკლუზიური მომწოდებელია საქართველოში, უზბეკეთში, სომხეთსა და აზერბაიჯანში. გასული წლის ბოლოს ამ ოთხ მიმართულებას ყაზახეთიც დაემატა. კომპანია 2024 წელს ბაზრის ათვისებასა და განვითარებაზე აქტიურად იმუშავებს. სტუმარი: მაკა სახვაძე - „ვოლვო ქარ საქართველოს“ დირექტორი; #ახალიამბები #BusinessMediaGeorgia
ანიმაციის ჰაბი, 2 დღით, ახალგაზრდებს მასტერკლასებზე მასპინძლობს. შემოქმედებითი ინდუსტრიების სექტორის განვითარება საქართველოში, ერთ-ერთ ყველაზე სწრაფად მზარდ სექტორად არის მიჩნეული. ბოლო წლების სტატისტიკასაც თუ გადავხედავთ, განსაკუთრებით კინოინდუსტრიაში, აშკარაა გლობალური ზრდა. შემოქმედებითი ინდუსტრიების მაღალი მობილობა კი თავის მხრივ ქართველი ახალგაზრდებისთვის ქმნის დასაქმების კარგ შესაძლებლობებს. ფილმწარმოების, ვიდეო თამაშების წარმოებისა თუ პოსტპროდუქციის პროექტებში ჩართულობის გზით, ქართველი ახალგაზრდები მუშაობენ ისეთი საერთაშორისო სტუდიებისა და ბრენდების პროდუქციაზე, როგორებიცაა: Disney, Warner Bros., Universal Pictures, HBO, Paramount Pictures, NETFLIX და სხვა. როდესაც ვსაუბრობთ შემოქმედებით ინდუსტრიაზე, იქვე იგულისხმება ინტელექტუალური საკუთრების დაცვაც, შესაბამისად, ინტელექტუალური საკუთრების დაცვისა და შემოქმედებით ინდუსტრიებში ახალგაზრდების დასაქმების ხელშეწყობისთვის, USAID-ის ეკონომიკური უსაფრთხოების პროგრამა, უკვე მეოთხე წელია, საერთო მიზნის გარშემო აერთიანებს საჯარო უწყებებს, კერძო კომპანიებს, ბიზნეს ასოციაციებსა და საგანმანათლებლო დაწესებულებებს. ამ მულტისექტორული ინიციატივის ფარგლებში, 5 და 6 თებერვალს, USAID-ის ეკონომიკური უსაფრთხოების პროგრამა და საქართველოს ანიმატორთა ასოციაცია - საქანიმა , პარტნიორი უნივერსიტეტების ჩართულობით, მართავენ მასტერკლასების სერიას ანიმაციის ჰაბში. სტუმრები: ნათია კაციაშვილი - USAID-ის ეკონომიკური უსაფრთხოების პროგრამის პირველი კომპონენტის ხელმძღვანელი; მარიამ კანდელაკი - საქართველოს ანიმატორთა ასოციაციის "საქანიმას" დამფუძნებელი და დირექტორი; თიკა ნებიერიძე - "საქპატენტის" თავმჯდომარის მოადგილის მოვალეობის შემსრულებელი; #ახალიამბები #BusinessMediaGeorgia
საქორწინო ტურიზმის ყველაზე პოპულარული მიმართულებები მსოფლიოში (2023) #ახალიამბები #BusinessMediaGeorgia
ტურიზმის ეროვნული ადმინისტრაციის 2024 წლის საკომუნიკაციო გეგმაში ერთ-ერთი მიმდინარეობა საქორწინო ტურიზმის განვითარებაა. ბოლო პერიოდში ამ ჭრილში აქტივობა სულ უფრო გაზრდილია, თუმცა, გასაკეთებელი ჯერ კიდევ ბევრი რჩება. #ახალიამბები #BusinessMediaGeorgia
მსოფლიოს ტექნოლოგიურმა აღმასვლამ განვითარებულ ქვეყნებში უამრავი ახალი, აქამდე უცნობი შესაძლებლობა გააჩინა. ერთ-ერთი მაგალითი ტესლაც რობოტიც გახლავთ, რომელზეც გიორგიმ მოგახსენათ, ამ მიღწევების მიზანიც რობოტებით ადამიანების საქმიანობის ჩანაცვლება ან შემსუბუქებაა. ამის ძალიან კარგი მაგალითი ტოკიოში მდებარე “დაუნ ავატარ რობოტ კაფეა”, რომელშიც მომხმარებლებს სრულად რობოტები ემსახურებიან #ახალიამბები #BusinessMediaGeorgia
ტესლამ გამოუშვა რობოტი, სწორედ მას ხედავთ ვიდეოში რომელიც მოწადინებულია და დაპროგრამებული ინჟინრების მიერ, რომ შეასრულოს დაბალკვალიფიციური სამუშაოებიც. ტესლა ამით აპირებს სერიოზულად დაზოგოს თანხები, რადგან დღეს ცოცხალ ადამიანს საათში 15 $ უხდიან, სწორედ ასეთი, დაბალ კვალიფიციურად შეფასებული სამუშაოებისთვის. #ახალიამბები #BusinessMediaGeorgia
უკრაინის პრეზიდენტმა, ვოლოდიმირ ზელენსკიმ უკრაინის შეიარაღებული ძალების მთავარსარდლის, ვალერი ზალუჟნის თანამდებობიდან გადაყენების შესაძლებლობაზე საჯაროდ პირველად განაცხადა. და ამბობს, რომ ეს არის საკადრო საკითხი. რა თქმა უნდა, საჭიროა გადატვირთვა, ახალი დასაწყისი. ვგულისხმობ რაღაც სერიოზულს, რომელიც ეხება არა ერთ ადამიანს, არამედ ქვეყნის ხელმძღვანელობის მიმართულებას,“ - განაცხადა მან იტალიურ Rai1-თან ინტერვიუში.მისი თქმით, გამარჯვებისთვის საჭიროა თავდაჯერება, დადებითი ენერგია.დასავლური მედია, საკუთარ წყაროებზე დაყრდნობით, იუწყება, რომ ზალუჟნის ეროვნული უშიშროების საბჭოს მდივნის თანამდებობა შესთავაზეს, თუმცა, მან უარი განაცხადა.ზალუჟნის ადგილი, კი შესაძლოა, თავდაცვის სამინისტროს მთავარი სადაზვერვო სამმართველოს ხელმძღვანელმა, კირილ ბუდანოვმა დაიკავოს.ხოლო,დამატებით რა რესურსით გეგმავს პრეზიდენტი ზელენსკი ვითარებისთვის საჭირო ცვლილებებს და გადატვირთვას, ეს გამოჩნდება უახლოეს მომავალში. ზელენსკი არ უშვებს შანს ხელიდან რომ შეახსენოს მსოფლიოსი რომ უკრაინა იბრძვის ტერორისტების წინააღმდეგ, რომლებსაც ჰყავთ მსოფლიოში ერთ-ერთი უდიდესი არმია, საბრძოლო მასალა საკმარისი არ არის, გვჭირდება თანამედროვე ტექნიკური საშუალებები“, - აღნიშნა ზელენსკიმ. და იქვე აბსოლუტურად გულწრფელად ამბობს, რომ თუ სამხედრო-საზღვაო ოპერაციამ დადებითი შედეგები მოიტანა და რუსეთმა დაკარგა მრავალი ხომალდი, ანალოგიურს ვერ ამბობს შედეგებზე ხმელეთზე, სადაც უკრაინის პრეზიდენტის აზრით, ვითარება ჩიხურია და საჭიროებს ახალ რესურსებს, და ძალებს უკრაინის მთავარი მიზნის, დეოკუპაციის სრულ შესრულებამდე. #ახალიამბები #BusinessMediaGeorgia
საქართველომ 547.6 ტონა ვაზელინი იყიდა (2023) - მთავარი იმპორტიორი რუსეთია #ახალიამბები #BusinessMediaGeorgia
ჯანდაცვის მსოფლიო ორგანიზაციის ინფორმაციით, ევროპაში წითელას შემთხვევები 2023 წლის ათ თვეში 30-ჯერ აღემატებოდა 2022 წლის ანალოგიური პერიოდის სტატისტიკას. გასულ თვეს წითელას სიმპტომებით კლინიკებში მიმართვიანობა საქართველოშიც გაიზარდა. როგორც იაშვილის ბავშვთა ცენტრალური საავადმყოფოს სამედიცინო დირექტორი ივანე ჩხაიძე BMG Drive-ში სტუმრობისას წითელას აფეთქების მიზეზად არასაკმარის ვაქცინაციას და კოვიდპანდემიის დროს ვაქცინირების გადავადებას ასახელებს. მისივე თქმით, ქვეყანაში მნიშვნელოვნად გაზრდილია გრიპის ვირუსებიც, ლაბორატორიული კვლევის შედეგებმა აჩვენა, რომ გრიპის მაჩვენებელი დეკემბერ-იანვრის 5%-დან 56%-მდე გაიზარდა. რა ხდება ევროპაში? სტუმარი: ზაზა წერეთელი - ჯანმოს უნივერსალური ჯანმრთელობისა და პანდემიებისთვის მზადყოფნის მიმოხილვის მრჩეველთა ჯგუფის წევრი; #ახალიამბები #BusinessMediaGeorgia
2030 წლისთვის ჯანდაცვაზე სახელმწიფო დანახარჯების წილი მთლიანი შიდა პროდუქტიდან 7% უნდა იყოს. "ხედვა 2030 საქართველოს განვითარების სტრატეგიის" 2024 წლის სამოქმედო გეგმაში ნათქვამია, რომ საბაზისო 4,2%-იანი მაჩვენებელი 2025 წლისთვის 5%-მდე უნდა გაიზარდოს. ამასთან, დოკუმენტში საუბარია ჯანდაცვაზე შინამეურნეობების მიერ გაწეულ დანახარჯებზე და აღნიშნულია, რომ საბაზისო 17,4%-დან ის მიმდინარე წლისთვის 14%-მდე, 2030 წლისთვის კი 10%-მდე უნდა შემცირდეს. ჯანდაცვის სერვისების უნივერსალური მოცვის ინდექსის 2030 წლის სამიზნე მაჩვენებლად 95%-ია განსაზღვრული საბაზისო 68%-დან. 2024 წელს კი შუალედური მაჩვენებლით, ეს მონაცემი 75% უნდა იყოს. დოკუმენტში საუბარია ონკოლოგიური დაავადებების ადრეული გამოვლენისა და მართვისთვის წინასადიაგნოსტიკო კვლევების დაფინანსების მექანიზმების შემუშავებაზე, რომლის ვადად მიმდინარე წლის პირველი კვარტალია დასახელებული. გამოყოფილია კიდევ ერთი ინდიკატორი, ეს გახლავთ ჯანდაცვაზე ჯიბიდან დანახარჯებში მედიკამენტების წილი, რომელიც გეგმის თანახმად, 48%-დან ამ წლის განმავლობაში 40%-მდე, 6 წლიან პერსპექტივაში კი 25%მდე უნდა შემცირდეს. გეგმაშია პოლიპრაგმაზიის რისკების შესახებ საზოგადოების ცნობიერების ამაღლება, სასწრაფოს დახმარების ბრიგადის ადგილზე მისვლის დროის შემცირება არსებული 15-დან 8წთ-მდე, საექთნო ადამიანური რესურსების განვითარების მრავალწლიანი გეგმის მომზადება და ფსიქიკური ჯანმრთელობის პრობლემის შექმნისას პირთა მიმართვიანობის წილის ზრდა პირველადი ჯანდაცვის ცენტრისადმი. რამდენად რეალისტურია დასახული გეგმის სისრულეში მოყვანა და რა ნაბიჯების გადადგმაა შედეგის მიღებისთვის საჭირო? სტუმარი: ზურაბ ჭიაბერაშვილი - ჯანდაცვის ყოფილი მინისტრი; #ახალიამბები #BusinessMediaGeorgia
სახელმწიფო აუდიტის სამსახურმა აგროდაზღვევის პროგრამის საოპერაციო შედეგები შეისწავლა, რომელმაც აჩვენა, რომ დაზღვევადი კულტურების მრავალფეროვნებისა და სახელმწიფო სუბსიდირების 50%-დან 90%-მდე წილის მიუხედავად, პროგრამაში მონაწილეთა რაოდენობა და დაზღვეული ფართობის მაჩვენებელი წლების განმავლობაში ნელი ტემპით იზრდება. ეს მიუთითებს იმაზე, რომ ფერმერებისთვის ხელსაყრელი სადაზღვევო პირობების შემუშავება კვლავ გამოწვევად რჩება. აუდიტორთა კვლევამ აჩვენა, რომ სადაზღვევო პირობები არ არის მორგებული აგროსაქმიანობის საჭიროებებზე, ვინაიდან არ არის გათვალისწინებული თითოეული რეგიონის და კულტურის სპეციფიკა განსხვავებული კლიმატური პირობების, მოსავლიანობის, სიმწიფის პერიოდის, ღირებულების, რისკებისა და სხვა ფაქტორების მიხედვით. მაგალითისთვის, დაზღვევა ყველაზე გავრცელებულია კახეთისა და შიდა ქართლის რეგიონებში, სადაც პოპულარულია ვაზის, მარცვლეულისა და ხეხილის კულტურები და მათ საერთო დაზღვევის 71% უჭირავს; დარჩენილი დაზღვეული კულტურების 29% ნაწილდება შვიდ კულტურაზე სხვადასხვა რეგიონში. მრავალწლიანი კულტურების შემთხვევაში კი, სამეგრელო-ზემო სვანეთსა და გურიაში, აგროდაზღვევის პროგრამა არ აზღვევს ამ რეგიონებში ყველაზე გავრცელებულ კულტურებს, როგორებიცაა ჩაი, დაფნა, ზეთისხილი და ა.შ. მიუხედავად იმისა, რომ პროგრამა 10 წელია მოქმედებს, ინფორმაციული, ორგანიზაციული და ტექნიკური ბაზის შექმნის პროცესი ამ დრომდე არ დასრულებულა. არადა აუდიტი წერს, რომ ეს ხელს შეუწყობდა პრობლემების იდენტიფიცირებას და შესაბამისად პროგრამის გაუმჯობესებას. რატომ ვერ მუშაობს აგროდაზღვევა გამართულად? სტუმარი: გელა ხანიშვილი - შპს "აგრო 1959-ის" მმართველი პარტნიორი; #ახალიამბები #BusinessMediaGeorgia
თბილისის სახელმწიფო უნივერსიტეტს ორი ახალი შენობა ემატება. სასწავლო ადმინისტრაციული შენობა პირველი და მეორე კორპუსების მიმდებარედ აშენდება, მეორე სასწავლო სპორტული სივრცე კი მაღლივ კორპუსთან განთავსდება. სასწავლო ადმინისტრაციული შენობისთვის, პროექტირების კონკურსი გასული კვირის ბოლოს დასრულდა. გამოცხადებულ კონკურსში რვა პრეტენდენტმა წარადგინა პროექტი. ესენი გახლავთ: შპს „ეი-დი-ეს“; შპს „არქიკოლეგიუმი“; შპს „გრინსტუდიო“; შპს „ნს სტუდიო“; შპს „ვოლ“; შპს „ტასჰაბი“; შპს „ნიუ სითი დეველოფმენთ“ და შპს „მორფ." #ახალიამბები #BusinessMediaGeorgia
#ავიაციისსიახლეები: შიდა ფრენებზე ტენდერი ისევ ვერ გამოცხადდა - რა პირობით იფრენენ "აკ-ეარ ჯორჯია" და "ჯეო სქაი"? საქართველოს აეროპორტები წელს 6.8 მლნ-მდე მგზავრს მიიღებს; FlyArystan ექსპლუატანტის სერტიფიკატს მიიღებს; ევროკომისიამ Lufthansa-ს მიერ ITA Airways-ის წილის შესყიდვის გარიგების განხილვა დაიწყო; რიგაში აეროპორტი გაფართოვდება; ინდოეთი სამოქალაქო თვითმფრინავების მსოფლიოში სიდიდით მესამე შემსყიდველია; კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ახალიამბები #BusinessMediaGeorgia
ბენზინგასამართი სადგურები უხარისხო საწვავის რეალიზაციისთვის 2 მილიონ ლარზე მეტით დაჯარიმდნენ. გარემოს დაცვის სამინისტროს გარემოსდაცვითმა დეპარტამენტმა 100-ზე მეტ ბენზინგასამართ სადგურში დიზელის და ბენზინის საწვავის სტანდარტებთან შეუსაბამობა დაადგინა. დიზელის საწვავის 80 ნიმუშიდან 25-ში, ბენზინის 20 სინჯიდან კი 3-ში დარღვეული იყო რამდენიმე პარამეტრი, მათ შორის გოგირდის შემცველობა. გარემოსდაცვითი ზედამხედველობის დეპარტამენტის მიერ დაჯარიმებული კომპანიების ვინაობა კონფიდენციალურია, თუმცა საქმის მასალები უკვე გადაგზავნილია სასამართლოში. სტუმარი: ვახტანგ იობაშვილი - ნავთობიმპორტიორთა კავშირის ხელმძღვანელი; #ახალიამბები #BusinessMediaGeorgia
როგორია საქართველოში წყლის ხარისხი - რამდენად ხდება კანონის აღსრულება? არჩილ ნასრაშვილი - VORTEX Water Engineering-ის დამფუძნებელი და დირექტორი; #ახალიამბები #BusinessMediaGeorgia
თებერვლის თვიდან ევროკრედიტი მომხმარებელს ახალ პროდუქტს შესთავაზებს. თვითდასაქმებული მოქალაქეების ინტერესების გათვალისწინებით და მათთვის დამატებითი ბარიერების მოხსნის მიზნით, ევროკრედიტმა დანერგა ახალი პროდუქტი „სესხი თვითდასაქმებულებისთვის“. სესხით სარგებლობა შეუძლია ნებისმიერ მოქალაქეს, რომელიც არის 21+ ასაკის, ეწევა სამეწარმეო საქმიანობას და სესხის უზრუნველყოფა შეუძლია ავტომობილით. სტუმარი: სალომე გიორგბერიძე - "ევროკრედიტის" საოპერაციო დირექტორი #ახალიამბები #BusinessMediaGeorgia
თითქმის 18-თვიანი აკრძალვის შემდეგ, საქართველოში პარაპლანით ფრენები აღდგა. ამ ეტაპზე კომერციული ფრენის ნებართვა სამ საჰაერო სივრცეზე: გუდაურზე, ბაკურიანსა და ანანურზე არსებობს. როგორც პარაგლაიდინგის ფედერაციის ხელმძღვანელი, ირაკლი კაპანაძე bm.ge-სთან ამბობს, ამ სამი საჰაერო სივრცის გარდა სხვა ადგილებზე ფრენების განხორციელების უფლება არ აქვთ. მე შეგახსენებთ,პარაპლანით ფრენა, მთავრობის გადაწყვეტილებით, 2022 წლის ივლისში მას შემდეგ აიკრძალა, რაც გუდაურის მიმდებარე ტერიტორიაზე ფრენის დროს 2 ადამიანი კლდოვან ფერდობზე ჩამოვარდა. ერთი წლის თავზე კი, სექტორს ფრენების აღდგენის ნებართვა მხოლოდ შესაბამისი ლიცენზიის მიღების შემთხვევაში მიეცა. სტუმარი: გიგა სეთურიძე - კლუბი "გუდაურის" და "გუდაურის ცის" თანადამფუძნებელი; #ახალიამბები #BusinessMediaGeorgia
ღონისძიებების #TVაფიშა TKT.GE-სგან #ახალიამბები #BusinessMediaGeorgia
#საქმიანიდილა - 5 თებერვალი - პროლოგი #ახალიამბები #BusinessMediaGeorgia
მუსიკოსების რეიტინგი შემოსავლების მიხედვით (2023) #ახალიამბები #BusinessMediaGeorgia
ბიზნესი ჩივის, რომ 2023 წელს, წინა წელთან შედარებით, კივის მოსავალი 30%–ით შემცირდა. რატომ? სტუმარი: დემურ ფიფია - კივის მწარმოებელთა ასოციაციის ხელმძღვანელი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ამ კვირაში აზერბაიჯანული მედიიდან გავიგეთ, რომ ანკარაში ტრანსკასპიური საერთაშორისო სატრანსპორტო მარშრუტის (შუა დერეფანი) მმართველი და საერთო კრების შეხვედრები გაიმართა. შეხვედრებზე 2024 წლის გეგმები და ტარიფები დაამტკიცეს. ასევე, სამომავლო საქმიანობის გაძლიერებისა და მარშრუტების გაფართოების მიზნით, ინიციატივები განიხილეს. შარშან, 2022 წელთან შედარებით, დერეფანმა 86%–იანი ზრდა აჩვენა – 2023 წელს ტრანსკასპიური საერთაშორისო სატრანსპორტო მარშრუტით 2 მილიონ 700 ათას ტონაზე მეტი ტვირთი გადაიზიდა. ამავე კვირას კიდევ ერთი საინტერესო შეხვედრა შედგა - ევროკავშირის „გლობალური კარიბჭის“ ინვესტორთა ფორუმი. ევროკომისიის აღმასრულებელმა ვიცე-პრეზიდენტმა, ვალდის დომბროვსკისმა განაცხადა, რომ ევროპისა და ცენტრალური აზიის დამაკავშირებელი ტრანსკასპიური სატრანსპორტო დერეფნის განვითარებისთვის ევროპული და საერთაშორისო ფონდებიდან ათი მილიარდი ევრო გამოიყოფა. ამ დროისთვის მხოლოდ ის ვიცით, რომ სავარაუდოდ, ფინანსურ სახსრებს ევროპის საინვესტიციო ბანკი და ევროპის რეკონსტრუქციისა და განვითარების ბანკი გამოყოფს. იძენს თუ არა შუა დერეფანი, როგორც კომერციული პროექტი, უფრო გამოკვეთილ კონტურებს? სტუმარი: მიხეილ ნამადოვი - "კაიროს ლოგისტიქსის" მმართველი პარტნიორი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
გუშინ ირაკლი ღარიბაშვილმა, „ოცნების“ ყრილობაზე ირაკლი კობახიძეს წარმატებები უსურვა, როგორც პრემიერობის კანდიდატს. თავად ირაკლი ღარიბაშვილმა პოსტი 29 იანვარს დატოვა და აღნიშნა, რომ ირაკლი კობახიძის ადგილას გადავიდოდა და პარტიის თავმჯდომარე გახდებოდა. რა იცვლება? სტუმარი: ბაკურ კვაშილავა- GIPA -ს სამართლისა და პოლიტიკის სკოლის დეკანი, პროფესორი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
საუკეთესო წლიური ანგარიშის და გამჭვირვალობის ჯილდოს კონკურსი BARTA, 2019 წელს ევროკავშირის და მსოფლიო ბანკის ფინანსური ჩართულობის და ანგარიშვალდებულების ერთობლივი პროექტის ფარგლებში დაარსდა, მას შემდეგ რაც ევროკავშირმა კორპორაციული ფინანსური ანგარიშგებების ფუნდამენტური გადახედვის ინიციატივა წამოაყენა. BARTA 2023, რიგით მეხუთე დაჯილდოება იყო. სტუმრები: ირინა გორდელაძე - "მსოფლიო ბანკის" უფროსი კონსულტანტი მართვის სფეროში; გაგა გოგუა - „თიბისი ლიზინგის“ დირექტორი; ილია რევია - "კრისტალის" უფროსი აღმასრულებელი ოფიცერი; ილია ენუქაშვილი - "სილქნეტის" სტრატეგიული განვითარების მიმართულების ოფიცერი; #ახალიამბები #BusinessMediaGeorgia
BMG & Jeep Georgia წარმოგიდგენთ #BMGDRIVE-ს: ✔️ გრიპის ვირუსი და მისი მართვის პროცედურები; ✔️ „საქართველოში წითელას გავრცელების პირობები არსებობს, რისკები მოზრდილებში მეტია“ #BMGDrive-ის მგზავრი: ივანე ჩხაიძე - იაშვილის ბავშვთა ცენტრალური საავადმყოფოს სამედიცინო დირექტორი; ავტორები: ბექა ბაციკაძე, კაკი პაიჭაძე; #ახალიამბები #BusinessMediaGeorgia
საბაკალავრო პროგრამების ნაწილზე სწავლა 3 წლიანი გახდება. როგორც კერძო უნივერსიტეტების ხელმძღვანელები აცხადებენ, შესაბამისი გადაწყვეტილება განათლების სამინისტრომ უკვე მიიღო, თემაზე კი მინისტრთან გამართულ ბოლო შეხვედრაზე იმსჯელეს. მომდევნო აკადემიური წლიდან სტუდენტებს 3 წლიან სასწავლო პროგრამებს ბიზნეს ადმინისტრირებაზე შესთავაზებენ. ვადის შემცირება ასევე დაგეგმილია აიტი და ტურიზმის მიმართულებებზეც. უფრო ვრცლად უმაღლეს საგანმანათლებლო დაწესებულებებში დაგეგმილ ცვლილებებზე და მის ეფექტზე? #ახალიამბები #BusinessMediaGeorgia
ანალიტიკოსების შეფასება და მოსალოდნელი ფასი - თიბისის ციფრულ ბანკში საინვესტიციო პლატფორმას 2 ახალი ფუნქციონალი დაემატა და მათი საშუალებით, თქვენ საინვესტიციო გადაწყვეტილების მიღება გაგიმარტივდებათ. როგორ მუშაობს ეს ორი ახალი ფუნქცია? სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი; #ახალიამბები #BusinessMediaGeorgia
ვიდეოსამეთვალყურეო სისტემებით აღჭურვა 1 იანვრიდან დაევალა კერძო და საჯარო საგანმანათლებლო და სამედიცინო დაწესებულებებს, სავაჭრო ცენტრებს, ბაზრობებს და ასევე იმ საცალო და საბითუმო მოვაჭრეებს, რომელთა წლიური ბრუნვა 500 ათას ლარს აღემატება. როგორ შეხვდა ამ ახალ რეგულაციას ჩამოთვლილთაგან ერთ-ერთი, რითეილ ბიზნესი და რა ხარჯებთან იყო დაკავშირებული ახალი სამთავრობო ინიციატივა? სტუმარი: სოფიო ქაშაკაშვილი - "საქართველოს რითეილ ასოციაციის" ხელმძღვანელი #ახალიამბები #BusinessMediaGeorgia
ბრენდის ხმა - ოკტოპუსი გიორგი ასათიანი - ოკტოპუს ფიტნეს კლუბის მმართველი პარტნიორი; #BrandVoice #ბრენდისხმა #ახალიამბები #BusinessMediaGeorgia
ბიზნეს ასოციაცია გასული წლის ტრადიციას მიმდინარე წელსაც აგრძელებს, რაც წევრ კომპანიებში ვიზიტსა და მათი საქმიანობისა და საჭიროებების გაცნობას გულისხმობს. BAG-ის წარმომადგენლები ამჯერად საქართველოში პირველ ნეოუნივერსიტეტ - სქილვილში იმყოფებოდნენ, სადაც კომპანიის წარმომადგენლებისგან მიმდინარე სიახლეებისა და სამომავლო გაფართოების შესახებ დეტალური ინფორმაცია მიიღეს. სქილვილი ბიზნეს ასოციაციის წევრი გასულ წელს გახდა და როგორც კომპანიაში განმარტავენ, ამ ნაყოფიერმა თანამშრომლობამ მათი კიდევ უფრო ზრდა და განვითარება უზრუნველყო. #ახალიამბები #BusinessMediaGeorgia
თეგეტა მოტორსმა ამერიკული ბრენდი - მობილის პროდუქცია უზბეკეთის ბაზარს ოფიციალურად წარუდგინა. ღონისძიებას, რომელიც უზბეკეთის რესპუბლიკის სავაჭრო-სამრეწველო პალატის მხარდაჭერით გაიმართა, არაერთი სტუმარი ესწრებოდა. თეგეტა მოტორსმა აუდიტორიას მობილის შესახებ ინფორმაცია გაუზიარა, ამასთან უზბეკეთის ბაზარზე კომპანიის გეგმები გააცნო. ერთ-ერთი მთავარი გეგმა 2023 წლის შედეგების გაუმჯობესებაა. კომპანიაში მოლოდინი აქვთ, რომ 2024 წელს უზბეკეთში 1,5 მილიონი ლიტრი საცხებ-საპოხი პროდუქტი გაყიდონ. „თეგეტა მოტორსსა“ და Mobil-ს შორის თანამშრომლობის პირველი ხელშეკრულება 2019 წელს გაფორმდა და კომპანია ბრენდის ოფიციალური იმპორტიორი გახდა ქვეყანაში. სულ რამდენიმე წელიწადში კი Mobil-ის გაყიდვებმა 1 მილიონ ლიტრს გადააჭარბა. #ახალიამბები #BusinessMediaGeorgia