პრეზიდენტი ტრამპი აცხადებს რომ პარაცეტამოლი ბავშვებში აუტიზმს იწვევს. მიუხედავად იმისა, რომ აშშ-ის სურსათისა და წამლის ადმინისტრაციამ (FDA) პარაცეტამოლის ეტიკეტებზე „შესაძლო კავშირის“ შესახებ გაფრთხილება დაამატა, სააგენტომ ხაზგასმით აღნიშნა, რომ ორსულობისას მის გამოყენებასა და აუტიზმს შორის კავშირი დადგენილი არ არის. გარდა ამისა, შვედეთსა და იაპონიაში ჩატარებულმა მასშტაბურმა კვლევებმა, რომლებიც მილიონობით ბავშვს მოიცავდა, არ გამოავლინა აუტიზმის რისკის კლინიკურად მნიშვნელოვანი ზრდა, რომელიც მშობიარობის წინა პერიოდში პარაცეტამოლის გამოყენებას უკავშირდება. პრეზიდენტ ტრამპის განცხადებები, რომლებიც თეთრ სახლში აუტისტური სპექტრის აშლილობისადმი მიძღვნილ ღონისძიებაზე გაკეთდა, უმნიშვნელო კოროლაციის გაზვიადებად შეფასდა. აღნიშნულ ღონისძიებაზე ტრამპმა არაერთხელ გააფრთხილა მომავალი მშობლები, რომ „ჯოჯოხეთივით ებრძოლონ” პარაცეტამოლის მიღებას, და მიუთითა დაუდასტურებელ კავშირზე ამ პრეპარატსა და აუტისტური სპექტრის აშლილობას შორის. „მოდი, ვთქვათ ნათლად, რომ პარაცეტამოლის მიღება კარგი არ არის, მისი მიღება მხოლოდ უკიდურესად მაღალი ტემპერატურის დროს არის გამართლებული“, — განაცხადა პრეზიდენტმა. რა ვითარებაა და მოქმედებაა პრეზიდენტ დონალდ ტრამპის ირგვლივ ამ თემაზე, და საერთოდ, რა ხდება მედიკამენტების თემაზე მსოფლიოში ყველაზე განვითარებული ფარმაცევტიკის ქვეყანაში, რა ხედვას ავითარებს პრეზიდენტი ტრამპი და რა შუაშია ამ ამბავთან ამერიკის ჯანდაცვის მინისტრი ჯონ კენედი უმცროსი? #ახალიამბები #BusinessMediaGeorgia
ჩინური ავიაკომპანია China Eastern Airlines მსოფლიო რეკორდს ხსნის და ყველაზე გრძელ პირდაპირ მარშრუტზე, შანხაი - ბუენოს-აირესი, ფრენებს 2025 წლის 4 დეკემბრიდან იწყებს. ფრენა 19 635 კმ-მდე მანძილს დაფარავს და 29 საათს გაგრძელდება, 2.5-საათიანი შესვენება კი ქალაქ ოკლენდში იქნება, თუმცა, რადგან მგზავრები თვითმფრინავს არ ტოვებენ, რეისი მაინც პირდაპირ ფრენად ითვლება. შანხაიდან ბუენოს-აირესამდე მგზავრობა 26 საათს გრძელდება, უკანა გზის დასაფარად კი თვითმფრინავს 29 საათი სჭირდება, რითაც ყველა არსებულ სამგზავრო მარშრუტს აღემატება. ავიაბილეთები უკვე იყიდება და ღირებულება $1740-1900-დან იწყება. #ახალიამბები #BusinessMediaGeorgia
საქართველოში ყოველწლიურად 612.5 მილიონი ერთეული ერთჯერადი გამოყენების პლასტმასის პროდუქტი გამოიყენება, რაც 3 900-დან 5 900 ტონამდე მოცულობას შეადგენს. პლასტმასის ჭარბი მოხმარება საქართველოში ერთ-ერთ მნიშვნელოვან გარემოსდაცვით გამოწვევად რჩება, რაც გავლენას ახდენს როგორც ეკოსისტემაზე, ისე ადამიანებისა და ცხოველების ჯანმრთელობაზე. არსებული სტატისტიკის გათვალისწინებით მთავრობა რეგულაციების შემოღებაზე მუშაობს, რომლის მიხედვითაც მისი მოხმარება ქვეყანაში 2026 წლის 1 იანვრიდან უნდა აიკრძალოს. რამდენად რეალისტურია პლასტიკის ჩანაცვლება ბიოდეგრადირებადი მასალით, რა გავლენას იქონიებს ეს ფასზე და როგორია ბიზნესის მზაობა? #ახალიამბები #BusinessMediaGeorgia
თიბისი გახდა პირველი კომპანია საქართველოში, რომელმაც მიიღო აზიის განვითარების ბანკის (ADB) „ვაჭრობისა და მიწოდების ჯაჭვის მე-11 დაჯილდოების“ ჯილდო ნომინაციაში „ჩემპიონი შშმ პირთა ჩართულობის მხარდაჭერაში“. საერთაშორისო აღიარება ხაზს უსვამს თიბისის სტრატეგიულ ხედვას, რომელიც აერთიანებს მრავალფეროვნების, თანასწორობისა და ჩართულობის პოლიტიკას, ადამიანის უფლებების პოლიტიკას და შესაბამის პრაქტიკულ ნაბიჯებს. სტუმარი: მაკა ბოჭორიშვილი - თიბისის გარემოს დაცვის, სოციალური და მმართველობის საკითხების კოორდინატორი #ახალიამბები #BusinessMediaGeorgia
გლობალური ელექტრონული კომერცია ახალი სისწრაფით ვითარდება – ბაზარზე ჩნდებიან მოთამაშეები, რომლებიც არაპროგნოზირებად ტემპში იპარავენ მომხმარებელთა ყურადღებას. ერთ-ერთი ასეთი კომპანიაა ჩინური TEMU, რომელმაც თავის საოცრად დაბალი ფასებით, აგრესიული მარკეტინგით და გართობაზე ორიენტირებული შოპინგის სტრატეგიით მსოფლიო ბაზარი სწრაფად მოიცვა. სულ რაღაც სამ წელიწადში, TEMU ერთ-ერთი ყველაზე გადმოწერადი აპლიკაცია გახდა ევროპის წამყვან ქვეყნებში და საქართველოშიც ფართო პოპულარობა მოიპოვა. მაგრამ რა დგას ამ წარმატების მიღმა და რა გამოწვევების წინაშე დგას პლატფორმა დღეს? #ახალიამბები #BusinessMediaGeorgia
როგორ ცდილობს საერთაშორისო პლატფორმა Bybit საქართველოში ეკოსისტემის გაძლიერებას და მომხმარებლისთვის დამატებითი ღირებულების შექმნას. ერთ-ერთი მნიშვნელოვანი სიახლეა პარტნიორობა Setanta Sports-თან, ასევე ვისაუბრებთ კომპანიის სტრატეგიულ ხედვაზე ქართულ ბაზარზე, როგორ გეგმავს Bybit მომხმარებლის ცნობიერების ამაღლებას, ახალი პროდუქტების დანერგვას და რეგულარული საგანმანათლებლო აქტივობების შემოტანას. სტუმარი: თეკლა იაშაღაშვილი - Bybit Georgia-ს რეგიონული მენეჯერი #ახალიამბები #BusinessMediaGeorgia
სრულიად საქართველომ და არამარტო, მსოფლიომ იცის, რომ ცნობილი იტალიელი მოდის დიზაინერი ჯორჯო არმანი გარდაიცვალა. არმანი კომპანია Armani Group-ის ერთადერთი მეწილე იყო და იგი აქტიურად იღებდა ბრენდის მართვაში მონაწილეობას, ბოლო პერიოდში მუშაობდა არაერთ პროექტზე, მათ შორის მილანის მოდის კვირეულისთვის დაგეგმილ ღონისძიებაზე, რომელიც ბრენდის 50 წლის იუბილეს აღნიშნავდა. არმანის მიერ შექმნილი ბრენდი დღეს 10.5 მილიარდ აშშ დოლარად არის შეფასებული და იგი აერთიანებს ავეჯის, პარფიუმერიის მიმართულებას, ბარებს, რესტორნებს, სასტუმროებს და კალათბურთის კლუბ “ოლიმპია მილანოს”. იტალიის მოდის ისტორიაში უდავოდ ყველაზე წარმატებული დიზაინერი, ჯორჯო არმანი, გარკვეული დროის განმავლობაში ავადმყოფობდა და მის კარიერაში პირველად მიმდინარე წლის ივნისში იძულებული გახდა მილანში ჩატარებულ მამაკაცების მოდის ჩვენებაზე არ გამოსულიყო პუბლიკის წინაშე. ერთ-ერთი ყველაზე ცნობილი და გავლენიანი ბრენდი არმანი - წლიურად საშუალოდ ორ მილიარდზე მეტ შემოსავალს აფიქსირებს, მსოფლიოს მასშტაბით კი 8000 თანამშრომელს აერთიანებს. #ახალიამბები #BusinessMediaGeorgia
მიკროსაფინანსო ორგანიზაცია, „სვის კაპიტალი“, რომელიც წელს დაარსებიდან 15 წლის იუბილეს აღნიშნავს, საქმიანობას „სკაპის“ სახელით აგრძელებს. რებრენდინგის მიზანი უფრო მოქნილი, სწრაფი და ციფრულ სერვისებზე ხელმისაწვდომობაზე ხაზგასმა იყო. მიკროსაფინანსო ორგანიზაცია იგივე გუნდით, იგივე საქმიანობას აგრძელებს, თუმცა განსხვავებული სახელით. როგორ შეიცვალა სვის კაპიტალი და როგორ გახდა “სკაპი”? სტუმარი: გია კერესელიძე - „სკაპის“ აღმასრულებელი დირექტორი #ახალიამბები #BusinessMediaGeorgia
გლობალური ბირჟები - Galt & Taggart-ის მიმოხილვა / Global Markets Weekly Update სტუმარი: ნიკა მაზანაშვილი - Galt & Taggart-ის საბროკერო მიმართულების გაყიდვების დეპარტამენტის ხელმძღვანელი #ახალიამბები #BusinessMediaGeorgia
საქართველოს ჯანდაცვის ჯგუფმა ქართული კაპიტალის ბაზრის ისტორიაში ლარში დენომინირებული ყველაზე მსხვილი ადგილობრივი ემისია განახორციელა და 350 მილიონი ლარის ობლიგაციები განათავსა. ტრანზაქცია თიბისი კაპიტალისა და გალტ&თაგარტის მხარდაჭერით განხორციელდა. ობლიგაციების საპრტოცენტო განაკვეთი დღიური არაკუმულაციური რთული TIBR+3.75%-ით, ხოლო ვადა 5 წლით განისაზღვრა. ფასიანი ქაღალდების დაშვება საქართველოს საფონდო ბირჟაზე იგეგმება. ემისიას სოპციალური ობლიგაციების სტატუსი აქვს მინიჭებული, შესაბამისად, მოზიდულ თანხებს კომპანია სოციალური პროექტების დაფინანსებისა და არსებული სესხების რეფინანსირებისთვის გამოიყენებს. #ახალიამბები #BusinessMediaGeorgia
მდგრადი ტურიზმის მნიშვნელობა - ინტერვიუ გლენ მანძიუკთან ➡️ გლენ მანძიუკი - World Sustainable Hospitality Alliance, აღმასრულებელი დირექტორი ➡️ მარიამ იზორია - BMG, რეპორტიორი #ახალიამბები #BusinessMediaGeorgia
საქართველოს ბანკი მრავალი წელია, სტუმარ-მასპინძლობის სექტორის მხარდამჭერია. ახლახან, ბანკსა და საქართველოს ტურიზმისასოციაციას შორის თანამშრომლობის მემორანდუმიგაფორმდა. ამ თანამშრომლობის ფარგლებში, 22 სექტემბერს, თბილისში მე-7 საერთაშორისოკონფერენცია - სტანდარტები ტურიზმში გაიმართა. ღონისძიებაზე სპიკერებმა ისეთ თემებზე ისაუბრეს, როგორიცაა: დანიშნულების ადგილებისგანვითარება, მისი გაძლიერება და მენეჯმენტი, მდგრადი ტურიზმი, კერძო სექტორის როლიდანიშნულების ადგილის განვითარებაში, სასტუმროინდუსტრიაში გაციფრულების მნიშვნელობა, სასტუმროს შეფასების, აუდიტირების, ვარსკვლავისსერტიფიკატის გადაცემის პროცესი და სხვამნიშვნელოვანი საკითხები. მონაწილეებს შესაძლებლობა ჰქონდათ ისეთისპიკერებისთვის მოესმინათ, როგორიცაა: გლენ მანძიუკი, World Sustainable Hospitality Alliance - ის დირექტორი. „საქართველოს ბანკისთვის ქვეყანაში სტუმარ-მასპინძლობის გაძლიერება ერთ-ერთიპრიორიტეტული მიმართულებაა. #ახალიამბები #BusinessMediaGeorgia
საქართველოს ბანკის შეთავაზებები ბიზნეს მომხმარებლებისთვის. სიახლეებია, როგორც ციფრული მომსახურებების კუთხით, ისე სამეწარმეო საქმიანობის დაწყების ხელშეწყობის მიმართულებით. არ აქვს მნიშვნელობა, უკვე მოქმედი კომპანია გაქვთ თუ ახლა იწყებთ საქმიანობას, სიახლეები მოიცავს ბევრ მომართულებას და მიმართულია ყველასთვის: მათთვის, ვინც ეძებს სწრაფ და მარტივ გზას გარანტიების მისაღებად, მათთვისაც, ვისაც თანამშრომლების მართვა სურს უფრო მოქნილად, და მათთვისაც, ვინც ბიზნესის დაწყებას გეგმავს და ფიქრობს, საიდან დაიწყოს. სტუმრები: გიორგი კოკაია - საქართველოს ბანკი, SME ბიზნეს და პროდუქტების განვითარების ხელმძღვანელი; ანი ქობალია - საქართველოს ბანკი, Digital Product Owner, ციფრული საბანკო მომსახურების დეპარტამენტი #ახალიამბები #BusinessMediaGeorgia
დეველოპერული კომპანიის “არქი” ისტორიაში ყველაზე მასშტაბური პროექტის “გრანდ ავენიუს” პრეზენტაციამ რეკორდული შედეგი აჩვენა. უფრო კონკრეტულად, სულ რაღაც ხუთ საათში 644 ბინა გაიყიდა. უნდა აღინიშნოს, რომ ერთ დღეში გაყიდული ბინების ასეთი რაოდენობა არც ერთი კომპანიის მხრიდან საქართველოში ჩვენ რასაც თვამს ვადევნებ და მემგონი, არც არაფერი გვეპარება, ნამდვიალდ არ დაფიქსირებულა. ღონისძიება ცოტნე დადიანის ქუჩაზე, კომპანიის ახალი კომპლექსის ტერიტორიაზე გაიმართა, სადაც დამსწრეებს შესაძლებლობა მიეცათ, ბინები სპეციალურ ფასად შეეძინათ - მხოლოდ ერთი დღის განმავლობაში. #ახალიამბები #BusinessMediaGeorgia
კომპანია RMG აგრძელებს გაეროს მდგრადი განვითარების მეოთხე მიზნის ფარგლებში ხარისხიანი განათლების მხარდაჭერას. წლების მანძილზე, ახალგაზრდებისთვის სხვადასხვა არაფორმალური განათლების პროექტებისა და სტუდენტური პროგრამების შეთავაზების პარალელურად, კომპანიამ წლის დასაწყისში ახალი პროექტი წარადგინა, რომელიც სამთო-გეოლოგიურ დარგში მოღვაწე ახალგაზრდა მეცნიერთა მხარდაჭერას ითვალისწინებს. ბოლო თვეების განმავლობაში BMG-ის მაყურებელს, RMG-ის ახალგაზრდა მეცნიერთა მხარდაჭერის რამდენიმე მონაწილე უკვე გავაცანით. ახლა კი ალექსანდრე ჯანელიძის სახელობის გეოლოგიის ინსტიტუტის ორი თანამშრომელი, ნინო კობახიძე და რეზო ვეკუა უნდა გაგაცნოთ. #ახალიამბები #BusinessMediaGeorgia
20-21 სექტემბერს, რუსთავის საერთაშორისო ავტოდრომზე GT Motors-ისა და BMW-ს ჯგუფის ორგანიზებით ჩატარებულმა BMW M Experience 2025-მა სტუმრებს დაუვიწყარი უქმეები აჩუქა! დამსწრეებს შეეძლოთ სხვადასხვა სიტუაციებში BMW-ს მარკის ავტომობილების გამოცდა.სლალომის ტესტზე წარმოდგენილი იყო X5, X6, X3M და MINI JCW-სი (ჯონ კუპერ ვორქსი), ხოლო სრულ ავტოდრომზე 727 ცხენისძალიანი ახალი G90-ი M5 და M5 ტურინგის გამოცდა ელოდა სტუმრებს. ასევე მაქსიმალური ადრენალინის მისაღებად სტუმრებს შეეძლოთ ტაქსი დრაივინგით სარგებლობა პროფესიონალ BMW-ის პილოტებთან ერთად! #ახალიამბები #BusinessMediaGeorgia
ამასობაში,აშშ-ის პრეზიდენტმა დონალდ ტრამპმა ხელი მოაწერა აღმასრულებელ ბრძანებას, რომლითაც კვალიფიციური უცხოელი კადრებისთვის, H-1B სამუშაო ვიზის პროგრამის კანდიდატებისთვის, წლიური გადასახადი $100 000 აშშ დოლარამდე გაიზარდა. ტრამპის ბრძანებაში საუბარია პროგრამით ბოროტად სარგებლობაზე და იკრძალება უცხოელთა ქვეყანაში შესვლა, ვიდრე ისინი გადასახადს არ გადაიხდიან. როგორ აისახება ეს გადაწყვეტილება ემიგრანტებზე და მათ შორის, საქართველოდან წასულ ემიგრანტებზე? #ახალიამბები #BusinessMediaGeorgia
#საქმიანიდილა - 23 სექტემბერი - პროლოგი #ახალიამბები #BusinessMediaGeorgia
საქკაბელი ხარისხიანი ელექტრო სისტემის გარანტი ინტერიერში ნუცა სამხარაძე - საქკაბელი, მარკეტინგის ხელმძღვანელი #ახალიამბები #BusinessMediaGeorgia
დასავლეთ საქართველოში თხილის პლანტაციებს ახალი, ბოლომდე დაუდგენელი ბაქტერიული დაავადება ახმობს. ფერმერებს ბრძოლისთვის ჰექტარზე 1300-1500 ლარის აგროქიმიკატი სჭირდებათ, სახელმწიფოს სუბსიდია კი ამისთვის არასაკმარისია. რა სჭირს თხილის პლანტაციებს და როგორია წლის მოსავალი და ფასები? სტუმარი: მერაბ ჭითანავა - თხილის მწარმოებელთა ასოციაციის აღმასრულებელი საბჭოს თავმჯდომარე #ახალიამბები #BusinessMediaGeorgia
თბილისი, ქალაქი, რომელსაც ყოველთვის აქვს მოსაყოლი ისტორია, 2025 წელს არქიტექტურულ დიალოგს ახალი ძალით ხსნის. თბილისის არქიტექტურის ფორუმი 27 სექტემბერს, „ექსპო ჯორჯიას“ სივრცეში, საერთაშორისო პლატფორმას შექმნის, სადაც არქიტექტორები, ურბანისტები, დიზაინერები და სხვადასხვა დარგის პროფესიონალები ერთად იმსჯელებენ თემაზე: „მეხუთე განზომილება: არქიტექტურა როგორც ადამიანური გამოცდილება“. ფორუმის მიზანია გააფართოოს არქიტექტურის ტრადიციული გაგება და ყურადღება გაამახვილოს იმ ასპექტებზე, რომლებიც ქალაქებსა და შენობებს განსაკუთრებულ მნიშვნელობას სძენს — ემოციაზე, მეხსიერებაზე, კულტურულ ნარატივებსა და მდგრად პრაქტიკებზე. ფორუმის სპიკერები მსოფლიო და ადგილობრივი არქიტექტურული სცენის გამორჩეული წარმომადგენლები იქნებიან. სტუმარი: ნათია გოგია - თბილისის არქიტექტურული ფორუმის დამფუძნებელი; #ახალიამბები #BusinessMediaGeorgia
აღმოსავლეთ ევროპის ისტორიაში პირველად, საქართველომ ადამიანის რეპროდუქციის მე-20 საიუბილეო მსოფლიო კონგრესს უმასპინძლა. ღონისძიება 18-დან 21 სექტემბრის ჩათვლით მიმდინარეობდა და ამ პერიოდის განმავლობაში, უცხოელმა საერთაშორისო სპიკერებმა,ასევე, ქართველმა ექიმებმა რეპროდუქტოლოგიის, გინეკოლოგიის, ანდროლოგია-უროლოგიისა და ენდოკრინოლოგიის ყველა საკვანძო და აქტუალური საკითხი განიხილეს. ჯამში, კონგრესმა 1000-ზე მეტი დელეგატი გააერთიანა, მათ შორის, წამყვანი მეცნიერები, კვლევითი თუ სამედიცინო ცენტრების დამფუძნებლები, კლინიკური პრაქტიკოსები, ასევე ახალგაზრდა პროფესიონალები. ჩვენი რეპორტიორი, ლიკა მეგუთნიშვილი ესწრებოდა კონგრესს, სადაც შესაძლებლობა ჰქონდა, სფეროს როგორც ადგილობრივ ისე უცხოელ წამყვან სპეციალისტებს გასაუბრებოდა. მიღებულ ინფორმაციაზე დაყრდნობით, მან ვიდეო ისტორია მოამზადა, სადაც, რეპროდუქციულ მედიცინას დეტალურად მიმოიხილავს, როგორც მსოფლიოს, ისე საქართველოს მაგალითზე. #ახალიამბები #BusinessMediaGeorgia
გარემოს ეროვნული სააგენტოს პროგნოზით, ბოლო დღეებში არსებულმა ნალექებმა შესაძლოა დასავლეთ საქართველოს მდინარეებზე წყლის დონის მკვეთრი მატება გამოიწვიოს. პატარა მდინარეებზე – წყალმოვარდნები, ხოლო მთიან ზონებში – მეწყრულ-ღვარცოფული პროცესების გააქტიურება. ძლიერი წვიმის და ქარის გამო ზღვაზე კვლავ შტორმია მოსალოდნელი. სააგენტო საფრთხის დონეს როგორც მაღალს ისე აფასებს და მოსახლეობას სიფრთხილისკენ მოუწოდებს. შტორმის შედეგებზე სოციალურ ქსელში განცხადებას აქვეყნებს იქთიოლოგი არჩილ გუჩმანიძე. მისი თქმით, შავ ზღვაში, წყლის სიმღვრივე რეკორდულ ნიშნულამდე გაიზარდა. სპეციალისტის განცხადებით, „სანაპიროს ბიომრავალფეროვნებისთვის ზიანი კატასტროფულია“. გუჩმანიძე ხაზს უსვამს, რომ პრობლემა მხოლოდ ნალექსა და შტორმს არ უკავშირდება – მთავარი მიზეზი, მისი თქმით, ზღვის მკვებავი მდინარეებიდან ქვიშა-ხრეშის უკონტროლო მოპოვებაა. „სანამ დროა, ეს უნდა გაჩერდეს,“ – ამბობს იგი და ამატებს, რომ ზღვის ეკოსისტემა სერიოზულ საფრთხეშია და დაუყოვნებლივ რეაგირებაა საჭირო. სტუმარი: არჩილ გუჩმანიძე - ზღვის ბიოლოგი, იქთიოლოგი; #ახალიამბები #BusinessMediaGeorgia
#ავიაციისსიახლეები: ✈ 8 თვეში ქუთაისის აეროპორტი 1.2 მლნ მგზავრს მოემსახურა, რაც 11%-ით გაზრდილი მაჩვენებელია - ქვრივიშვილი; ✈ წელს ბათუმის აეროპორტში მგზავრების რაოდენობა 32%-ით გაიზარდა; ✈ Wizz air-ი სომხეთის ქალაქ გიუმრიდან ლარნაკას მიმართულებით ფრენას იწყებს; ✈ სახელმწიფომ უნდა იმოქმედოს და Wizzair-ის დანაკლისები სხვა ავიაკომპანიებით შეავსოს - ლაშა ბერეკაშვილი; ✈ "აზიმუტი" თბილისის მიმართულებით ფრენას კრასნოდარიდანაც ამატებს; კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #საქმიანიდილა #ბიზნესმედია #საქმიანები
“ინტერიერი დეტალებში” სტუმარი: სალომე დადუნაშვილი - გადაცემა “ ინტერიერი სალომე დადუნაშვილთან ერთად”, ავტორი&წამყვანი #ახალიამბები #BusinessMediaGeorgia
გუშინ, მანგლისში ოფიციალურად SABADO Leadership Academy გაიხსნა - დავით ბეჟუაშვილის განათლების ფონდის ახალი ინიციატივა, რომელიც მოზარდებში ლიდერობისა და რბილი უნარების განვითარებას ემსახურება. აკადემია ტრადიციულ სწავლებას სცდება და 14-დან 18 წლამდე ასაკის მოზარდებს გამოცდილებაზე დაფუძნებული, ინტერაქციული სწავლების უნიკალურ პლატფორმას სთავაზობს. როგორია აკადემიის გეგმები და რა შესაძლებლობებს იძლევა ის მოზარდებისთვის? #ახალიამბები #BusinessMediaGeorgia
ავტო იმპორტში კომპანია ტრანსატლანტიკური ავტო ალიანსი დაარსდა 2025 წელს. მიუხედავად ავტო იმპორტის სფეროში არსებული მაღალი კონკურენციისა, ალიანსის გუნდმა მიზნად დაისახა ბაზარზე მყარი პოზიციის დამკვიდრება და მომხმარებლებისთვის გამორჩეული პირობების შეთავაზება. სტუმარი: ტატო ასანიძე - „ტრანსატლანტიკური ავტო ალიანსი“, დამფუძნებელი და დირექტორი #ახალიამბები #BusinessMediaGeorgia
„შექმნილია შენთვის — ოძეკის სტანდარტებით“ — ასე ჰქვია „მაზდა ცენტრი თეგეტას“ ახალ მასშტაბურ კამპანიას. Mazda CX-60 დამუხტვადი ჰიბრიდი, რომელიც იაპონურ სიზუსტესა და ქართულ მრავალფეროვნებას აერთიანებს, უკვე ხელმისაწვდომია საქართველოში. კამპანიის მთავარი სახეა ლევან გორგაძე — ტოჩინოშინი, ქართველი ოძეკი, რომელიც იაპონელ ინჟინრებს პირადად უზიარებს ქართველი მძღოლების საჭიროებებს. CX-60 ერთდროულად ეკომეგობრული და მძლავრი SUV-ია: ქალაქში სრულად ელექტრო რეჟიმში მუშაობს, ხოლო გრძელ გზაზე ჰიბრიდულ სისტემაზე გადადის. 327 ცხენის ძალა, უსაფრთხოება, ელეგანტური დიზაინი და თანამედროვე ტექნოლოგიები — ეს არის მოდელის მთავარი უპირატესობები. „მაზდა ცენტრი თეგეტას“ კამპანია კი ტექნიკურ მონაცემებს სცდება და მაზდას ბრენდის ქართულ პოზიციონირებას უსვამს ხაზს — მრავალფეროვნება, ინოვაცია და იაპონური ფესვები, რომლებიც იდეალურად ერწყმის ქართულ ყოველდღიურობას. მაკა სახვაძე - „მაზდა ცენტრი თეგეტას“ აღმასრულებელი დირექტორი #ახალიამბები #BusinessMediaGeorgia
განახლებული Volvo XC90 და სრულად ელექტრული EX90 ქართული ბაზრისთვის უკვე ხელმისაწვდომია. შვედური ბრენდის უახლესი მოდელების პრეზენტაცია პარასკევს რიტუალების სასახლეში გაიმართა. ვოლვო ქარ საქართველომ შთამბეჭდავი სანახაობა შექმნა. ავტომობილების პრეზენტაციასთან ერთად, სტუმრებმა ქართული ბრენდის „სიტუაციონისტის“ ახალი კოლექცია იხილეს. სპეციალურად პერფორმანსისთვის შეიქმნა მუსიკაც... „თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია ,,ვოლვო ქარ კავკასია“ 2019 წლიდან ოპერირებს ბაზარზე და შვედური ბრენდის „ვოლვოს“ ოფიციალური იმპორტიორია სამხრეთ კავკასიასა და შუა აზიაში. კომპანია პრემიუმ კლასის ავტომობილების ექსკლუზიური მომწოდებელია საქართველოში, უზბეკეთში, სომხეთსა და აზერბაიჯანში. #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
20 და 21 სექტემბერს დედაენის ბაღმა უკვე მეორედ ოქტობერფესტს უმასპინძლა, ხოლო გერმანული ფესტივალის განწყობა წელსაც ტრადიციულად „ლოვენბრაუმ“ შექმნა. ორ დღიან ღონისძიებაზე სტუმრებს ლუდთან ერთად ცოცხალი მუსიკა და მრავალფეროვანი გასტრონომიული სივრცე დახვდათ. ფესტივალის ოფიციალური გახსნა 20 სექტემბერს, 17:00 საათზე გაიმართა - საზეიმო კასრის გახსნაში მონაწილეობა კი, კომპანიის ხელმძღვანელებმა მიიღეს. #ახალიამბები #BusinessMediaGeorgia
"ქებული კლიმატი" ქართულ ბაზარზე უკვე ოცი წელია წარმატებულად ოპერირებს. ამ წლების განმავლობაში კომპანიის მთავარი პრიორიტეტი მომხმარებლისთვის სანდო, ხარისხიანი პროდუქციის მიწოდება და მათთვის მოქნილი პირობების შეთავაზება იყო. ამ ტენდენციას დღემდე მიყვებიან და ოცი წლის იუბილესთან დაკავშირებით სპეციალური ფასდაკლებებიც აამოქმედეს. #ახალიამბები #BusinessMediaGeorgia
კომპანია გალფი კალათბურთის მხარდაჭერასა და პოპულარიზაციას განაგრძობს. გასული კვირის მიწურულს გალფის და ბათუმის მერიის ერთობლივი პროექტის ფარგლებში, ქალაქ ბათუმში გალფის ზაზა ფაჩულიას სახელობის რიგით მეექვსე კალათბურთის მოედანი გაიხსნა. კომპანია აქ გაჩერებას არ აპირებს და უახლოეს მომავალში, ქვეყნის მასშტაბით, სულ 20 საკალათბურთო კორტი გაიხსნება. #ახალიამბები #BusinessMediaGeorgia
საქართველოს ბანკი, როგორც ბიზნესის სანდო პარტნიორი, აქტიურად უწყობს ხელს ტექნოლოგიური, ტურიზმის, განათლებისა და სხვა სფეროების განვითარებას. ამჯერად, ბანკის მხარდაჭერითა და საქართველოს ტურიზმის სამიტის „ტურისტერის” თანაორგანიზებით, ერთ-ერთი ყველაზე მნიშვნელოვან მიმართულებაზე – ზამთრისა და სამთო-სათხილამურო ტურიზმზე კონფერენცია ჩატარდა. ღონისძიება 2025 წლის 19 სექტემბერს გაიმართა და მან ყურადღება საქართველოს ზამთრის კურორტების პოტენციალზე, მათ კონკურენტულ უპირატესობებსა და განვითარების პერსპექტივებზე გაამახვილა. ღონისძიებაზე განიხილეს: პირდაპირი ჯავშნების ზრდა; ციფრული მარკეტინგის გამოყენება ადგილობრივი ტურისტების მოსაზიდად; კურორტების ოთხივე სეზონზე ვიზიტორების ზრდის სტრატეგიები; საერთაშორისო ტურისტების მოზიდვა რეგიონული კონკურენციის პირობებში და ახალი ტურიზმის კანონის გავლენა სექტორზე. მონაწილეებს ჰქონდათ შესაძლებლობა, გასცნობოდნენ უახლეს ტენდენციებს, ტექნოლოგიურ გადაწყვეტილებებსა და საკანონმდებლო სიახლეებს, რაც მათ ბიზნესის მოდერნიზაციასა და კონკურენტუნარიანობის ზრდაში დაეხმარება. #ახალიამბები #BusinessMediaGeorgia
#საქმიანიდილა - 22 სექტემბერი - პროლოგი #ახალიამბები #BusinessMediaGeorgia
თიბისი კაპიტალმა კორპორატიულ პარტნიორებს საქართველოს ლოგისტიკის სექტორის შესახებ ახალი კვლევა წარუდგინა. ბოლო წლებში ქვეყანაში ტრანსპორტირებასა და დასაწყობებაზე გაზრდილი მოთხოვნის შესაბამისად სექტორისადმი ინტერესი გაიზარდა - ამ ტენდენციის საპასუხოდ, თიბისი კაპიტალმა მოამზადა პუბლიკაცია, რომელიც ადგილობრივი და გლობალური ტენდენციებით შექმნილ შესაძლებლობებსა და გამოწვევებს აანალიზებს. კვლევაში განხილულია საქართველოს სატრანზიტო ფუნქცია და შუა დერეფნის, საქართველოს გავლით ევროპისა და ცენტრალური აზიის ბაზრების დამაკავშირებელი სატრანსპორტო მარშრუტის, კონკურენტუნარიანობა და პოტენციალი. სტუმარი: ირინა კვახაძე - "თიბისი კაპიტალი", უფროსი ვიცე პრეზიდენტი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
27 სექტემბერს სამხრეთ კავკასიის ტერიტორიაზე პირველად ჩატარდება ამერიკული ავტოაუქციონი და მას საქართველო უმასპინძლებს. აუქციონზე რეგისტრაციისთვის საჭირო იქნება 500 ლარი, რაც მომხმარებლებს შესაძლებლობას მისცემს ჩაერთონ აუქციონში და სცადონ ბედი – შეიძინონ ავტომობილები მათ საბაზრო ფასზე 2–3–ჯერ იაფად. სტუმრები: ალექსანდრე წულუკიანი - საქართველოს ბანკი, კორპორაციული გაყიდვების სექტორის უფროსი; ბესო გოჩალეიშვილი - "ლაიონ აუქციონის" გენერალური მენეჯერი; ანი ლომია - “ლაიონ გრუპის” გლობალური ბიზნესის განვითარების მენეჯერი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
თიბისის ბიზნესდაჯილდოვების გამარჯვებულების წარდგენას განვაგრძობთ საქმიანი დილას ეთერში და დღეს სტუდიაში Awork-ის და Tasteit-ის წარმომადგენლებს ვმასპინძლობთ, რომლებიც თიბისი ბიზნეს დაჯილდოების საუკეთესო ინოვაციური სტარტაპების კატეგორიაში დასახელდნენ რჩეულთა შორის. ორივე ციფრული სერვისის მომწოდებელი კომპანიაა ეს უკანასკნელი სულ რამდენიმე კვირის წინ ამავე დროს TechCrunch-ის მიერ შერჩეულ 200 ყველაზე პერსპექტიულ სტარტაპს შორის მოხვდა. და თუ ვინმესთვის ჯერ კიდევ უცნობია, Tasteit არის სოციალური ქსელი, რომელიც ადამიანებს გასტრონომიული გემოვნების მიხედვით აკავშირებს. რაც შეეხება საქმიანი ადამიანებისთვის ასევე არანაკლებად საჭირო და უკვე კარგად ნაცნობ Awork-ს თავის დროზე HR-ტექნოლოგიების ბაზარზე, სამსახურის მაძიებლებისა და კომპანიების დაკავშირებისათვის შექმნილი აპლიკაცია ახლა სმარტფონის აპლიკაციასთან ერთად, კომპანიებს პროგრამულ უზრუნველყოფას სთავაზობს, რომლითაც კანდიდატების შერჩევის პროცესის ყველა ნაბიჯის გაციფრულება არის შესაძლებელი. სტუმრები: გიორგი ურუშაძე - Tasteit-ის დამფუძნებელი; გიორგი რაზმაძე - Awork-ის აღმასრულებელი დირექტორი #ახალიამბები #BusinessMediaGeorgia
საქართველოს ბიზნეს ასოციაციამ შრომითი დავების ალტერნატიული გადაწყვეტის შესახებ კონფერენციას სახელწოდებით, „ინდივიდუალური შრომითი დავების ალტერნატიული გადაწყვეტა - საერთაშორისო და ქართული პერსპექტივა“ უმასპინძლა. ორდღიანი კონფერენციისას, რომელიც ბი ეი ჯისა და DANSK Industri-მ ერთობლივი პროექტის ფარგლებში შედგა, შეკრების მიზნად განსაზღვრული იყო,პრაქტიკოსი იურისტების, იურიდიული ფირმების, მედიატორების, არბიტრების, ადვოკატების,აკადემიური წრეების, ბიზნეს გაერთიანებების წარმომადგენლების და სხვა დაინტერესებული პირების მონაწილეობით ინდივიდუალური შრომითი დავების განხილვის ალტერნატიული მექანიზმების განვითარების შესახებ სისტემური დიალოგის დაწყებაა, მექანიზმების ანალიზს, სოციალურ პარტნიორების პოზიციების დაახლოებას და საცდელი/საპილოტე მოდელის შემუშავება. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; ნიკა ნანუაშვილი - საქართველოს ბიზნეს ასოციაცია, იურიდიული დირექტორი #ახალიამბები #BusinessMediaGeorgia
„მაზდა ცენტრი თეგეტამ” საქართველოს ახალი ავტომობილი - Mazda CX-60 დამუხტვადი ჰიბრიდი მასშტაბური კამპანიით წარადგინა. კამპანიის მთავარი გმირი ქართველი, ლეგენდარული სპორტსმენი, სუმოისტი - ლევან გორგაძე, იგივე ტოჩინოშინია. კამპანიის ვიდეორგოლში ტოჩინოშინი იაპონელ ინჟინრებს უშუალოდ უზიარებს ქართველების საჭიროებებს და მათთვის შესაფერისი ავტომობილის მოთხოვნებს. Mazda CX-60-ის ტექნიკური უპირატესობების მიუხედავად, კამპანიის მთავარი მესიჯი ტექნიკურ მონაცემებს სცდება. #ახალიამბები #BusinessMediaGeorgia
60 დაფინანსებული საწარმო,1600-მდე მონაწილე 219 დასაქმებული ადამიანი-ლიბერთის სტრატეგიული პარტნიორობით და ავსტრიის განვითარების თანამშრომლობის (ADC) დაფინანსებით პროექტი „ახალგაზრდული მეწარმეობა სოფლის განვითარებისთვის“ (RDYE) რომელიც 3 წლის მანძილზე მიმდინარეობდა დასრულდა. საქართველოში მერსი ქორფსის წარმომადგენლობა (Mercy Corps Georgia) პროექტს „ახალგაზრდული მეწარმეობა სოფლის განვითარებისთვის“ (RDYE) 46 თვის მანძილზე ავსტრიის განვითარების თანამშრომლობის (ADC) დაფინანსებით ახორციელებდა და პროექტის სტრატეგიული პარტნიორი ლიბერთი ბანკი და მხარდამჭერი სპორტის, ტურიზმისა და ახალგაზრდობის საერთაშორისო ფონდია. სტუმრები: თამარ ზაქარიაძე - ლიბერთის კორპორაციული პასუხისმგებლობის მიმართულების ხელმძღვანელი; გიგა სარუხანიშვილი - პროექტის ,,ახალგაზრდული მეწარმეობა სოფლის განვითარებისთვის” დირექტორი #ახალიამბები #BusinessMediaGeorgia
აშშ-ის ფედერალურმა რეზერვმა წლის ყველაზე მნიშვნელოვანი გადაწყვეტილება მიიღო და რეფინანსირების განაკვეთი 25 საბაზისო პუნქტით შეამცირა, რაც სრულ შესაბამისობაშია ანალიტიკოსების პროგნოზთან. ცვლილების შედეგად, ქვეყნის ცენტრალური ბანკის მიერ განსაზღვრული მონეტარული პოლიტიკის განაკვეთი 4.0-4.25%-ის დიაპაზონში განისაზღვრა. რას ნიშნავს აღნიშნული გადაწყვეტილება ამ ფორმით და შინაარსით, შეერთებული შტატების და მსოფლიოს ეკონომიკისთვის? #ახალიამბები #BusinessMediaGeorgia
23-24 სექტემბერს სომხეთში საბანკო ფორუმი თემაზე „ბანკინგის მომავალი: ინოვაციები, მდგრადობა და პერსპექტივები“ იმართება, სადაც წინასწარი ინფორმაციით აქცენტი გაციფრულებასა და მდგრადობაზე კეთდება. ფორუმს სომხეთის საბანკო ასოციაცია, ცენტრალური ბანკი და ცენტრალური და აღმოსავლეთ ევროპის საბანკო ასოციაცია მასპინძლობენ. ცხადია საქართველოდან საბანკო ასოციაციაც იქნება ადგილზე წარმოდგენილი და საქართველოს საბანკო სექტორის, როგორც რეგიონის ფინანსური ინოვაციების და მდგრადობის ცენტრის გამოცდილებას თუ ინოვაციურ მიდგომებს გააზიარებს. სტუმრები: ლევან გოგოლაძე - საქართველოს საბანკო ასოციაცია, ESG მიმართულების კოორდინატორი; ინგა ქარჩავა - საქართველოს საბანკო ასოციაცია, კიბერუსაფრთხოების მიმართულების კოორდინატორი #ახალიამბები #BusinessMediaGeorgia
ევროკომისიას რუსეთის წინააღმდეგ სანქციების მე-19 პაკეტი 17 სექტემბერს უნდა გამოექვეყნებინა, მაგრამ აშშ-ის პრეზიდენტის დონალდ ტრამპის ზეწოლის ფონზე, რომ ევროკავშირმა რუსულ ნავთობზე დამოკიდებულება შეამციროს, ამან ბრიუსელი ჩიხში შეიყვანა, რამაც პროცესი გაართულა. ამის პარალელურად, გუშინ POLITICO-მ გაავრცელა ინფორმაცია, რომ ევროკავშირმა სანქციების პაკეტი შესაძლოა დღეს ან ორშაბათს წარადგინო. რას მოიცავს ეს პაკეტი და რა ემუქრება რუსეთს მისი ამოქმედებით? #ახალიამბები #BusinessMediaGeorgia
დღეს თბილისში, ექსპო ჯორჯიაში, ჭკვიანი ტექნიკის გამოფენა აიღებს სტარტს, რომელიც 21 სექტემბრის ჩათვლით გაგრძელდება. ჭკვიანი ტექნიკის გამოფენა 70-ზე მეტ ჩინურ კომპანიას გააერთიანებს,რომლებიც თავიანთი პროდუქციით, იქნება ეს საყოფაცხოვრებო, სამშენებლო თუ სამეწარმეო ნივთები, იქნებიან წარმოდგენილები. გამოფენის მთავარი მიზანი კი ქართულ და ჩინურ კომპანიებს შორის სავაჭრო და საქმიანი ურთიერთობების გაღრმავებაა. #ახალიამბები #BusinessMediaGeorgia
სასწრაფო გადაუდებელი შემთხვევის დროს, ხშირად სწორედ პირველ წუთებს აქვს გადამწყვეტი მნიშვნელობა. მარტივმა მოქმედებამ – შეიძლება ადამიანების სიცოცხლე იხსნას. ყოველწლიურად, სექტემბრის მეორე შაბათს, მსოფლიო პირველადი დახმარების დღეს აღნიშნავს. ეს თარიღი გვახსენებს, თუ რამდენად მნიშვნელოვანია კრიტიკულ მომენტში სწრაფად და სწორად მოქმედება. როგორ და რატომ აღინიშნება პირველადი დახმარების მსოფლიო დღე, რა ისტორიას ატარებს იგი და რატომ არის ეს თემა დღესაც აქტუალური? #ახალიამბები #BusinessMediaGeorgia
გიორგი ისაკაძის საავტორო პროლოგი #ახალიამბები #BusinessMediaGeorgia
#საქმიანიდილა - 19 სექტემბერი - პროლოგი #ახალიამბები #BusinessMediaGeorgia