დეველოპერულ კომპანია „მეტროპოლსა“ და ჰოსპიტლების ქსელ „ვიანს“ შორის ურთიერთთანამშრომლობის მემორანდუმს მოეწერა ხელი. შეთანხმების ფარგლებში „მეტროპოლი“ „ვიანის“ შემადგენლობაში შემავალ ბათუმის მურმან იაშვილის სახელობის დედათა და ბავშვთა ცენტრალურ ჰოსპიტალსა და თბილისის ივანე ბოკერიას სახელობის საუნივერსიტეტო კლინიკაში დაბადებულ ყველა ახალშობილს 100-ლარიან დეპოზიტს გაუხსნის. დეველოპერულ კომპანია „მეტროპოლსა“ და ჰოსპიტლების ქსელ „ვიანს“ შორის თანამშრომლობის მემორანდუმის გაფორმების შემდეგ ეს პირველი ერთობლივი კამპანიაა. პროექტის ფარგლებში, „მეტროპოლი“ „ვიანის“ ქსელში შემავალ სამედიცინო დაწესებულებებში სახელმწიფო სუბსიდირების პროგრამის შესახებ საინფორმაციო სტენდებსაც განათავსებს. ცნობისთვის, სახელმწიფო პროექტის ფარგლებში, ყველა ოჯახს, რომელთაც ჰყავთ 1 წლამდე ასაკის შვილი, შეუძლიათ ისარგებლონ სუბსიდირების პროგრამით იპოთეკურ სესხებზე. პირობების თანახმად, უძრავი ქონების შეძენისა და სახლის აშენების შემთხვევაში, სახელმწიფო ასეთ ოჯახებს სესხის მნიშვნელოვან პროცენტს უფინანსებს. ინფორმაციისთვის, დეველოპერული კომპანია „მეტროპოლი“ საქართველოში 2022 წელს დაფუძნდა. კომპანია ქვეყნის მასშტაბით ოთხ პროექტს ახორციელებს. თბილისში ორი საცხოვრებელი კომპლექსის „მეტროპოლ ბაგებისა“ და „მეტროპოლ ქავთარაძის“ მშენებლობა მიმდინარეობს. ბათუმში კი „მეტროპოლ კუბი“ და „მეტროპოლ ოვალი“ შენდება, სადაც ფრანგულ კომპანიასთან, Louvre Hotels Group-თან თანამშრომლობით 5-ვარსკვლავიანი სასტუმრო Royal Tulip განთავსდება. #ახალიამბები #BusinessMediaGeorgia
#საქმიანიდილა - 6 მარტი - პროლოგი #ახალიამბები #BusinessMediaGeorgia
მოგზაურების მხრიდან ახალი ინტერესები ჩნდება, მათ შორის სულ უფრო პოპულარული ხდება ეგზოტიკური დასვენება, რომელიც ბუნებასთან სიახლოვეს გულისხმობს. Მათ შორის ტურისტები ხშირად არჩევანს ისეთ სასტუმროებზე აკეთებენ, სადაც ადამიანს დასვენების პროცესში ცხოველთა სამყაროსთან აქვს კონტაქტი. ამერიკული ფორბსი იმ სასტუმროების ჩამონათვალს აქვეყნებს, სადაც ეგზოტიკური დასვენებისთვის ყველანაირი პირობაა შექმნილი, იქნება ეს საუზმე ჟირაფებთან თუ ცხენით ტყეში გასეირნება. რომელი სასტუმროები მოხვდნენ ამერიკული გამოცემის რჩეულთა სიაში? #ახალიამბები #BusinessMediaGeorgia
განათლების, მეცნიერებისა და ახალგაზრდობის მინისტრის გიორგი ამილახვარის გადაწყვეტილებით, უმაღლეს საგანმანათლებლო დაწესებულებებს, უკვე არსებულ პროგრამებთან ერთად, ბიზნესის ადმინისტრირების მიმართულებით ბაკალავრიატის არანაკლებ 180-კრედიტიანი საგანმანათლებლო პროგრამების განხორციელების შესაძლებლობა მიეცათ. უწყების ცნობით, უახლოეს მომავალში მიღებული იქნება შესაბამისი საკანონმდებლო რეგულაციები, რომლებიც უნივერსიტეტებს მისცემს საშუალებას, განახორციელონ 1-წლიანი (60-კრედიტიანი) სამაგისტრო პროგრამებიც. განათლების სამინისტროს ინფორმაციით, ბაკალავრიატის არანაკლებ 180-კრედიტიანი საგანმანათლებლო პროგრამების განხორციელების შესაძლებლობა ბიზნესის ადმინისტრირების გარდა, ეტაპობრივად სხვა პროგრამებსაც მიეცემათ და ამაზე მუშაობა მიმდინარეობს. სიახლეს პოზიტიურად აფასებს კერძო სექტორი. უნივერსიტეტების წარმომადგენლები აცხადებენ, რომ 3 წლიან პროგრამებზე გადასვლა მათ საშუალებას მისცემს უფრო მეტი ევროპელი ტურისტი მოიზიდონ. რა გავლენა ექნება ცვლილებებს უმაღლესი განათლების სისტემაზე? სტუმარი: შალვა ტაბატაძე - სამოქალაქო ინტეგრაციისა და ეროვნებათშორისი ურთიერთობების ცენტრის ხელმძღვანელი, განათლების მკვლევარი; #ახალიამბები #BusinessMediaGeorgia
1 მარტიდან საქართველოს მასშტაბით მდებარე ავტოსადგურებსა და მგზავრთგადამყვან ოპერატორებს ახალი რეგულაციების დაკმაყოფილება უწევთ. „საავტომობილო ტრანსპორტის შესახებ“ კანონში შესული ცვლილების მიხედვით, ავტოსადგურებს სერტიფიცირება, მგზავრების გადასაყვანად კი შესაბამისი ნებართვის აღება სჭირდებათ. ამასთან მნიშვნელოვანია, რომ აღნიშნული საქმიანობის უნებართვო განხორციელება დასჯადი ხდება. კერძოდ: საავტომობილო სამგზავრო გადაყვანის ან საერთაშორისო საავტომობილო სატვირთო გადაზიდვის საქმიანობის უნებართვოდ განხორციელება, გამოიწვევს დაჯარიმებას 1 000 ლარით. ხოლო ერთი წლის განმავლობაში დარღვევის განმეორებით გამოვლენაზე ჯარიმა - 2 000S ლარი იქნება; ავტოსადგურის მიერ ავტოსადგურის ფუნქციონირებასთან დაკავშირებული ტექნიკური რეგლამენტის დარღვევა, გამოიწვევს დაჯარიმებას 5 000 ლარამდე. ამოქმედდა თუ არა რეალობაში ყველა მგზავრთგადამყვანისთვის საერთო თამაშის წესები, დეტალებზე სასაუბროდ პირდაპირ ეთერში ნესტორ მიქატაძე - „დიდუბის ავტოსადგურის“ დირექტორი შემოგვიერთდება. სტუმარი: ნესტორ მიქატაძე - „დიდუბის ავტოსადგურის“ დირექტორი; #ახალიამბები #BusinessMediaGeorgia
ატმოსფერულ ჰაერში მავნე ნივთიერებების გაფრქვევების თვითმონიტორინგის სისტემა ბიზნესის ნაწილს 2021 წელს ამოქმედებული კანონის მიუხედავად, ჯერ კიდევ არ აქვს. გარემოსდაცვითი ზედამხედველობის დეპარტამენტის მიერ BMG-სთვის მოწოდებული მონაცემებით, ამ ეტაპზე, თვითმონიტორინგის სისტემის დამონტაჟების ვალდებულება 51 აქტიურ საწარმოს აქვს, თუმცა 2023 წელს, შესაბამისი მოთხოვნა მხოლოდ 31-მა დააკმაყოფილა. ვალდებულების შეუსრულებლობის გამო, გარემოსდაცვითი ზედამხედველობის დეპარტამენტმა, გასულ წელს, 15 საწარმოს მიმართ შეადგინა ადმინისტრაციული სამართალდარღვევის ოქმი, მათგან 13-ს გამოეწერა ჯარიმა, 2-ს კი შენიშვნა მიეცა. 13-მა კომპანია ჯამურად 240 ათასი ლარით დაჯარიმდა. ამ კომპანიების ჩამონათვალი ასე გამოიყურება: შპს რუსთავი სთილ კორპ. კომპანი, ქიმინვესტი, ანტკელი, შპს ეკოგაჯი, შპს დენმარკ ( 40 000 ლარი;) შპს გეგმეტი, აგროქემიკალს ჯორჯია, ; შპს ველი ( 20 000 ლარი;) შპს ჰოლდინგი - 40 000 ლარი; შპს ჯერმან ცემენტ ლტდ, ჯეო ცემენტი - 40 000 ლარი; პრემიუმ ჰოლდინგი , რუსთავის ფოლადი. 2021-2022 წლებში ვალდებულებების შეუსრულებლობისთვის 600 ათასი ლარის ჯარიმა გამოიწერა. როგორ მუშაობს ჯარიმები და რა გვჭირდება ეკოლოგიური მდგომარეობის გაუმჯობესებისთვის? სტუმარი: გიორგი ჯაფარიძე - არასამთავრობო ორგანიზაცია „ჩემი ქალაქი მკლავს“ დამფუძნებელი; #ახალიამბები #BusinessMediaGeorgia
აპლიკაციით დასაქმებული ტაქსის მძღოლები Yandex-სა და Bolt-თან შრომითი ხელშეკრულებების გაფორმებას მოითხოვენ. მათ თბილისის საქალაქო სასამართლოში კომპანიების წინააღმდეგ სარჩელი შეიტანეს. მანამდე კი პროფკავშირების გაერთიანებასთან ერთად რესპუბლიკის მოედანზე აქცია გამართეს. დასაქმებულების განცხადებით, აუცილებელია, მათი შრომა აღიარებული იყოს და გადასახადების გადამხდელებად ჩაითვალონ. სტუმარი: ლავრენტი ალანია - ტრანსპორტისა და გზების მუშაკთა პროფკავშირების თავმჯდომარე; #ახალიამბები #BusinessMediaGeorgia
კომპანია ჩირინამ კიდევ ერთი მიმართულება დაიმატა. ამჯერად ჩირინას მესვეურებმა გადაწყვიტეს მზესუმზირის ზეთი აწარმოონ, რისთვისაც ქარხანა უკვე აშენებულია და მეტიც, ფერმერებისგან გეგმავენ მზესუმზირის შეძენას, რათა წარმოებისთვის გაწერილი გეგმა., რომ წელიწადში 6 000 ტონა ზეთი იწარმოოს, ამისთვის ნედლეული საკმარისად ჰქონდეთ. 6 000 ტონა ზეთის წარმოება არ არის სახუმარო ამბავი და დროა ფერმერებმა მზესუმზირის მოყვანა დაიწყონ ან ვისაც აქვს, მეტად გააფართოოს. სტუმარი: რევაზ ვაშაკიძე - "ჩირინას" დამფუძნებელი #ახალიამბები #BusinessMediaGeorgia
გასული კვირის ბოლოს, საქართველოს ბიზნეს ასოციაციის ორგანიზებით კონფერენცია ჩატარდა, სადაც მაკროეკონომიკური და სექტორული პერსპექტივები მიმოიხილეს. კონფერენციაზე, რომელშიც 400-ზე მეტმა ადამიანმა მიიღო მონაწილეობა, ბიზნეს ასოციაციის პრეზიდენტმა BAG ინდექსის ფარგლებში 2019-2023 წლების კვლევის შედეგები წარადგინა, სადაც მან აუდიტორიას, კვლევის შედეგებიდან გამომდინარე სხვა საინტერესო მიგნებებთან ერთად, გააცნო ის პოზიტიური და დადებითი განწყობები და მოლოდინები, რომლებიც ბიზნესში ბოლო წლებში ჩამოყალიბდა. კონფერენციის ფარგლებში Galt & Taggart-ის მკვლევრებმა მაკროეკონომიკურ მდგომარეობაზე და პერსპექტივებზე და ეკონომიკის ექვს, სწრაფად მზარდ სექტორებზე გააკეთეს პრეზენტაცია. პრეზენტაციების შემდგომ, შედგა ორი პანელური დისკუსია მთავრობის წევრებისა და ბიზნეს სექტორის წარმომადგენლების მონაწილეობით. სტუმრები: ევა ბოჭორიშვილი - Galt & Taggart-ის კვლევების დეპარტამენტის ხელმძღვანელი; ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; #ახალიამბები #BusinessMediaGeorgia
Galt & Taggart: გლობალური ბაზრების ყოველკვირეული მიმოხილვა / Global Markets Weekly Update სტუმარი: ნიკა მაზანაშვილი - Galt & Taggart-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
BMG და Tegeta Holding-ი წარმოგიდგენთ #BMGAuto-ს:
#Way2SUSTAINABILITY - ქალები სამეთვალყურეო საბჭოებში სტუმრები: სალომე ზურაბიშვილი - გაეროს გლობალური შეთანხმების საქართველოს ქსელის აღმასრულებელი დირექტორი; ნინო სუქნიძე - თიბისი ბანკის სამეთვალყურეო საბჭოს დამოუკიდებელი წევრი; მაგდა მაღრაძე - ლიბერთი ბანკის სამეთვალყურეო საბჭოს დამოუკიდებელი წევრი. #ახალიამბები #BusinessMediaGeorgia
რომელ ენაზე საუბრობს ყველაზე მეტი ადამიანი მსოფლიოში? #ახალიამბები #BusinessMediaGeorgia
მსოფლიოში რიგით მეთერთმეტე ყველაზე მდიდარი ადამიანის, მუკეშ ამბანის შვილი, ანანტ ამბანი ქორწინდება. თუმცა, მანამ, სანამ ივლისში დაგეგმილი ქორწილი მოახლოვდება, აზიის უმდიდრესმა ოჯახმა გასული კვირის მიწურულს სამი დღის განმავლობაში წინა საქორწინო წვეულებაზე მსოფლიოს ცნობილ ადამიანებს უმასპინძლა და პომპეზური ცერემონიალისთვის რამდენიმე ასეული მილიონი დოლარიც დახარჯა. კონკრეტულად რა მოცულობის თანხა დაუჯდა ოჯახს წინა საქორწინო წვეულება და ვინ ესწრებოდა მას? #ახალიამბები #BusinessMediaGeorgia
ლიბერთისა და განათლების კოალიციას შორის სტრატეგიული პარტნიორობის შეთანხმება გაფორმდა, რომლის თანახმად ლიბერთი, მასწავლებლის ეროვნული ჯილდოს პრემიის „ჩვენი ვეფხისტყაოსანი“ ექსკლუზიური მხარდამჭერი გახდა. პრემია „ჩვენი ვეფხისტყაოსანი“ მასწავლებლის ეროვნული ჯილდოს მიერ ინიცირებული კამპანიაა, რომლის მიზანია ვეფხისტყაოსნის, როგორც ჩვენი საზოგადოების გამორჩეული საგანძურის, პოპულარიზება და სკოლებში მისი სწავლების შემდგომი განვითარების ხელშეწყობა. ამ მიზნით 2024 წელს მასწავლებლის ჯილდო გამოავლენს და საზოგადოებას წარუდგენს „ვეფხისტყაოსნის“ სწავლების გამორჩეული პრაქტიკის მქონე ლიტერატურის მასწავლებლებს, რომლებიც აქტიურად ჩართავენ მოსწავლეებს სწავლების პროცესში, შეაყვარებენ მათ ამ ნაწარმოებს და მის გააზრებაში დაეხმარებიან. #ახალიამბები #BusinessMediaGeorgia
#საქმიანიდილა - 5 მარტი - პროლოგი #ახალიამბები #BusinessMediaGeorgia
სამედიცინო ჟურნალ ლანცეტში (Lancet-ში) გამოქვეყნებული უახლესი კვლევის თანახმად, 2022 წლის მონაცემებით, ჭარბი წონა ჩვენს პლანეტაზე მცხოვრებ მილიარდზე მეტ ადამიანს აწუხებს, ანუ ყოველი რვა ადამიანიდან ერთი - ჭარბწონიანია. თან, საგანგაშო ის არის, რომ 1990 წლის შემდეგ, ეს მაჩვენებელი გაორმაგდა, ხოლო ბავშვებსა და მოზარდებში, ანუ 5-დან 19 წლამდე ასაკის ადამიანებში, ეს მაჩვენებელი, საერთოდაც - გაოთხმაგდა. ამ კვლევიდან ვიგებთ იმასაც, რომ ჭარბწონიანობა პლანეტაზე მცხოვრები სრულწლოვნების 43%-ს აწუხებს. #ახალიამბები #BusinessMediaGeorgia
2023 წელს პროფესიული საგანმანათლებლო დაწესებულებებში სტუდენტების მიღების მაჩვენებელი 9.9%-ით გაიზარდა. გასულ წელს პროფესიულ საგანმანათლებლო დაწესებულებებში 15.5 ათასი სტუდენტი ჩაირიცხა, რომელთაგან 47.9 პროცენტი ქალია, 52.1 პროცენტი კი შესაბამისად - კაცი რეგიონების მიხედვით, ჩარიცხული სტუდენტების რიცხოვნობით ლიდერობს ქ. თბილისი (38.1%), რომელსაც მოსდევს აჭარა (17.2%), იმერეთი (10.4%), სამეგრელო-ზემო სვანეთი (9.7%), კახეთი (4.8%) და ქვემო ქართლი (7.8%). 2023 წელს, კურსდამთავრებულთა რიცხოვნობამ 8.1 ათასი შეადგინა, რომელთაგან 48.3 პროცენტი ქალია, ხოლო 51.7 პროცენტი კაცი. კურსდამთავრებულთა უმეტესობა მოდის ინჟინერიის, წარმოების და მშენებლობის (26.4%), მომსახურებების (19.2%), ბიზნესის, ადმინისტრირების და სამართლის (13.1%) პროგრამებზე. ქვემოთ მოცემულ დიაგრამაზე წარმოდგენილია კურსდამთავრებულთა განაწილება პროფესიული საგანმანათლებლო პროგრამების მიხედვით, 2023 წელს. 2023 წლის ბოლოსთვის, საქართველოში 96 პროფესიული საგანმანათლებლო დაწესებულება ფუნქციონირებდა, მათ შორის 54 საჯარო, ხოლო 42 კერძო. სტუმარი: თამარ ზაქარაშვილი - კონსტრუქტ2-ის დირექტორი; #ახალიამბები #BusinessMediaGeorgia
სვანეთი ტურიზმის ეროვნული ადმინისტრაციის ახალ პროექტს „გიზ-გიზს“ მასპინძლობს. გუდაურის შემდეგ ფესტივალი მესტიაში ტარდება. ადგილობრივებსა და სვანეთის სტუმრებს ფესტივალზე სხვადასხვა სანახაობა ელოდებათ. დასწრება კი თავისუფალია. „გიზ-გიზის“ ფარგლებში გაიმართა კონცერტები, ფესტივალის მუსიკალურ გაფორმებაზე ბენდებმა და დიჯეებმა იზრუნეს, მოეწყო სამეწარმეო ბაზარი, კვების სივრცეები, პერფორმანსები, თამაშები და გასართობი აქტივობები. ფესტივალის მიზანია ზამთრის კურორტების პოპულარიზაცია და მეტი შიდა და უცხოელი ტურისტის მოზიდვა. მესტიის შემდეგ ფესტივალი ბაკურიანში გაიმართება. გიზ-გიზამდე სვანეთი გემო ფესტსაც მასპინძლობდა, თუმცა ადგილობრივი ბიზნესის წარმომადგენლები ამბობენ, რომ დასავლეთ საქართველოში მდებარე ზამთრის კურორტებზე წელს სეზონი ჩავარდა. როგორია ამ დროისთვის მდგომარეობა მესტიაში? სტუმარი: ირაკლი გურჩიანი - "გისტოლას" დამფუძნებელი; #ახალიამბები #BusinessMediaGeorgia
2024 წლის I კვარტლისთვის ბიზნესის განწყობის ინდექსი (BCI) 0.4 პუნქტით შემცირდა და 17.7-ს გაუტოლდა. ბიზნესის განწყობის ყველაზე დიდი გაუარესება 15,1%-ით ვაჭრობის სექტორში დაფიქსირდა. ISET-ის ბიზნესის განწყობის კვლევის მიხედვით განწყობის უარყოფითი ცვლილება გაუარესებულმა მიმდინარე მდგომარეობამ და ნაკლებად პოზიტიურმა მოლოდინებმა განაპირობა. როგორც სექტორის წარმომადგენლები აცხადებენ, მიმდინარე წლის 2 თვის განმავლობაში ვაჭრობის სექტორში გაყიდვების მაჩვენებელი მნიშვნელოვნად შემცირდა რაც სეზონურობასთან ერთად, ქვეყნიდან მიგრანტების გასვლასაც უკავშირდება. სტუმარი: ივა ჭყონია - საქართველოს დისტრიბუტორთა ბიზნესასოციაციის ხელმძღვანელი; #ახალიამბები #BusinessMediaGeorgia
რას ფიქრობენ საჯარო სექტორში ადამიანის უფლებებსა და გენდერულ თანასწორობაზე? - კვლევა ✅ საჯარო მოხელე კაცების 58% და ქალების 44% ფიქრობს, რომ გენდერული თანასწორობა მიღწეულია - UNDP; ✅ 41% ეთანხმება მოსაზრებას, რომ „საქართველოში შშმ პირთა დისკრიმინაცია გავრცელებული პრობლემაა“ - UNDP; ✅ 21%-ის აზრით, სახელმწიფო სათანადოდ არ რეაგირებს ლგბტქ+ თემის მიმართ ძალადობის ფაქტებზე; #ახალიამბები #BusinessMediaGeorgia
#ავიაციისსიახლეები: ✈️ "საქართველოს მოქალაქეები ჩინეთში უვიზოდ ჩასვლას შეძლებენ" - ირაკლი კობახიძე; ✈️ საქართველოში ფრენების დაწყების შესახებ შეხვედრები მსხვილ აზიურ ავიაკომპანიებთან გაიმართა - TAV Georgia; ✈️ ვაწარმოებთ მოლაპარაკებებს ახალ, ჩინურ ავიაკომპანიებთან - ქვრივიშვილი; ✈️ "ვამზადებთ სატენდერო პირობებს" - როდის გამოცხადდება შიდა ავიარეისებზე ტენდერი? ✈️ Georgian Wings-მა თბილისი - კიშინაუს მიმართულებით საინაუგურაციო ფრენა შეასრულა; ✈️ Wizz Air-ი ავიარეისების რაოდენობას ამცირებს; ✈️ თელავის აეროპორტის პროექტს დიდი მნიშვნელობა აქვს - ლევან დავითაშვილი; ✈️ ავიატრანსპორტით გადაზიდული ტვირთების რაოდენობა 2023 წელს 66.4%-ით შემცირდა კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ახალიამბები #BusinessMediaGeorgia
რატომ უნდა წავიდეთ საკრუიზო მოგზაურობაში? სტუმრები: ანა კირკიტაძე - "კრუიზერის" თანადამფუძნებელი; გიორგი მოსიძე - ტელეწამყვანი; #ახალიამბები #BusinessMediaGeorgia
პლასტიკური ქირურგიის, როგორც ბიზნესისთვის, 2023 წელი საკმაოდ წარმატებული აღმოჩნდა, გაიზარდა როგორც ინდუსტრიის წლიური ბრუნვა, ისე კლინიკებში ადგილობრივი თუ უცხოელი პაციენტების რაოდენობა. მოთხოვნასთან ერთად, გაიზარდა ფასებიც, რაც ძირითადად საერთაშორისო ბაზარზე არსებულ მდგომარეობასა და იმპორტირებული პროდუქციის გაძვირებას უკავშირდება. როგორ ვითარდება მედიცინის ეს მიმართულება საქართველოში, რა ადგილი უკავია სამედიცინო ტურიზმში და რა უპირატესობა გვაქვს მსოფლიოს წამყვან ქვეყნებთან შედარებით? #ახალიამბები #BusinessMediaGeorgia
რას გვთავაზობს Bliss Yoga Studio? სტუმრები: ნინჩო ჯიბლაძე - Bliss Yoga Studio-ს თანადამფუძნებელი; შორენა ალიბეგაშვილი - სახის იოგას სპეციალისტი; ნიკა ჩიტიძე - იოგას სპეციალისტი; #ახალიამბები #BusinessMediaGeorgia
საქართველოს ყველაზე ტიტულოვანი ქალთა საფეხბურთო კლუბ "ლანჩხუთის" გენერალური სპონსორი დასუფთავების ტექნიკის მწარმოებელი კომპანია "კერხერი" გახდა. მხარეებს შორის გაფორმებული მემორანდუმის ფარგლებში "კერხერი" მთელი წლის განმავლობაში კლუბის ფინანსურ მხარდაჭერასა და წარმატებული სეზონისთვის ყველა საჭირო პირობის შექმნას უზრუნველყოფს. #ახალიამბები #BusinessMediaGeorgia
გლობალური ეკონომიკური პერსპექტივები ძირითადად ინფლაციურ პროცესებზეა დამოკიდებული. მიუხედავად იმისა, რომ ინფლაციის ტემპი ეტაპობრივად ნელდება, ფასების ზეწოლის მეორე ტალღის რისკი კვლავ რჩება, რაც გეოპოლიტიკური კონფლიქტებით და წითელ ზღვაში მიწოდების შეფერხებითაა განპირობებული. თიკო ნატმელაძე - #BMG-ის რეპორტიორი; #ახალიამბები #BusinessMediaGeorgia
ბათუმში, 2024 წლის მასწავლებლის ეროვნული ჯილდოს გახსნითი ღონისძიება გაიმართა. ლიბერთის მხარდაჭერით, განათლების კოალიციის ინიციატივითა და ორგანიზებით, კონკურსი წელს მერვედ ჩატარდა და მიზნად ისახავს წარმატებული მასწავლებლების გამოვლენას, საზოგადოებისთვის გაცნობას და ამ გზით პროფესიის პრესტიჟის ზრდას. აღნიშნულ შეხვედრაზე გაჟღერდა ახალი ინიციატივა, ლიბერთის თანადგომით დაწესდა მასწავლებლის ეროვნული ჯილდოს პრემია „ჩვენი ვეფხისტყაოსანი“. #ახალიამბები #BusinessMediaGeorgia
სამშენებლო-დეველოპერულმა კომპანია "ალიანს ჯგუფმა" სასტუმრო რედისონში თბილისში მიმდინარე პროექტის "ალიანს ჰაილაინის" პრეზენტაცია გამართა. პრეზენტაციის ფარგლებში კომპანიის კომერციულმა დირექტორმა თემო ბიწაძემ იმ თანამშრომლობაზე ისაუბრა, რომელიც Wyndham Hotels & Resorts-სა და Aimbridge Hospitality EMEA-ს შორის სულ ცოტა ხნის წინ გაფორმდა. თანამშრომლობის ფარგლებშიც ალიანს ჰაილაინის მესამე, C თაუერში გაუმჯობესებული ბრენდითა და დააფგრეიდებული სტატუსით თბილისში პირველი Wyndham Grand Residence-ის ნიშური საინვესტიციო აპარტამენტები განთავსდება, რომელსაც მენეჯმენტს მსოფლიოში ყველაზე მსხვილი მმართველი კომპანია - Aimbridge Hospitality EMEA გაუწევს. მემორანდუმის ფარგლებში, მრავალწლიან გამოცდილებასა და ცოდნაზე დაყრდნობით, პარტნიორი მხარეები ხელს შეუწყობენ როგორც საქართველოს, ასევე რეგიონის უძრავი ქონების სექტორის განვითარებას და სრულიად ახალ, ექსკლუზიურ საინვესტიციო რეალობას შექმნიან თითოეული ინვესტორისთვის, რომელთაც პირველად თბილისში Wyndham Grand Residence-ის აპარტამენტის შეძენა, სწორედ ალიანს ჰაილაინში შეეძლებათ. აღსანიშნია, რომ ლენდმარკ კომპლექსის C თაუერში პროექტირების მიმართულებით სამუშაო პროცესები უკვე დაწყებულია, რომლის ფარგლებშიც დაგეგმილი ცვლილებების იმპლემენტაცია აქტიურად მიმდინარეობს. #ახალიამბები #BusinessMediaGeorgia
„თეგეტა გრინ პლანეტსა“ და „საქართველოს დებატებისა და განათლების ინსტიტუტს“ შორის ურთიერთთანამშრომლობის მემორანდუმი გაფორმდა. თანამშრომლობის შედეგად გარემოს დაცვის თემაზე დებატების ეროვნული ტურნირი მთელი საქართველოს მასშტაბით ხუთი თვის განმავლობაში გაიმართება, რომლის მხარდამჭერი, „თეგეტა გრინ პლანეტთან“ ერთად, გაეროს განვითარების გლობალური ინიციატივა „კლიმატური დაპირებაა“. მასშტაბური ტურნირის მიზანია, დებატების ტექნიკის გამოყენებით, გარემოსდაცვითი თემის პოპულარიზაცია, ახალგაზრდებში ცნობიერების ამაღლება და ცოდნის გაღრმავება. შესაბამისად, კომპანიის მხრიდან მნიშვნელოვანია გაეროს მდგრადი განვითარების ისეთი მიზნების შესრულების ხელშეწყობა, როგორიცაა ხარისხიანი განათლება, მდგრადი მოხმარება და წარმოება, კლიმატის ცვლილების საწინააღმდეგო ქმედებები და სხვ. „თეგეტა ჰოლდინგისთვის“, რომელიც საერთაშორისო სტანდარტების შესაბამისი CSR სტრატეგიით ხელმძღვანელობს, პრიორიტეტული მიმართულებები სწორედ გარემოსა და განათლებაზე ზრუნვაა. პროექტი მარტიდან დაიწყება, რომელშიც ჩაერთვებიან მთელი საქართველოს მასშტაბით 30 სკოლის 30 მასწავლებელი, 30 დირექტორი, 350-ზე მეტი მოსწავლე და სტუდენტი სხვადასხვა უნივერსიტეტიდან. ტურნირი მოიცავს საქართველოს თითქმის ყველა რეგიონში არსებული დებატების კლუბების ბაზაზე მოსწავლეების მომზადებას დებატებისთვის, რაც ითვალისწინებს შემდეგი ტიპის აქტივობებს: თითოეულ კლუბში მოსწავლეების დებატების ტექნიკის მიმართულებით მომზადებას, მოდებატე გუნდების დაკომპლექტებას; გარემოსდაცვით თემატიკებზე ექსპერტებთან შეხვედრებს როგორც პირისპირ, ისე ონლაინ. მათ შორის „თეგეტას“ წარმომადგენლებთან, UNDP-ის EU4-ის კლიმატის ცვლილების ეროვნულ ხელმძღვანელთან და სხვა. დაგეგმილია 60 თამაში, რომლის შედეგადაც გამოვლინდებიან საუკეთესო მოდებატეები. პროექტის ბოლოს კი შემაჯამებელი ღონისძიება მოეწყობა. #ახალიამბები #BusinessMediaGeorgia
#საქმიანიდილა - 4 მარტი - პროლოგი #ახალიამბები #BusinessMediaGeorgia
კიოტოს უნივერსიტეტის იაპონელმა მეცნიერებმა მსოფლიოში პირველი ხის კოსმოსური თანამგზავრი ლიგნოსატ შექმნეს, რომელიც მაგნოლიის ხისგან დაამზადეს და სხვათაშორის ამ თანამგზავრმა უკვე აჩვენა კარგი შედეგი სტაბილურობის და ბზარებისადმი გამძლეობის თვალსაზრისით. ხის თანამგზავრმა საერთაშორისო კოსმოსური სადგურის ბორტზე ერთწლიანი ტესტირება გაიარა და გამძლეობასთან დაკავშრებით დასტურიც იქიდან არის. #ახალიამბები #BusinessMediaGeorgia
2024 წლის იანვრის მონაცემებით, ქართულ ბანკებს ეკონომიკის სხვადასხვა დარგზე 52.8 მილიარდი ლარის სესხები აქვთ გაცემული, ამ თანხიდან 924 მილიონი ლარის კრედიტები ბანკებისთვის 90 დღეზე მეტად არის ვადაგადაცილებული, რაც მთლიანი პორტფელის 1.7%-ია. ეროვნული ბანკის მიერ გამოქვეყნებული ანგარიშის თანახმად, ბიზნეს სექტორში ყველაზე მეტი ვადაგადაცილებული სესხი რესტორნებისა და სწრაფი კვების სეგმენტშია, სადაც მთლიანი პორტფელი 723 მილიონი ლარი, ვადაგადაცილება კი 4.4%-ია. მეორე ადგილზეა სამშენებლო კომპანიების სექტორი, სადაც გაცემული 851 მილიონი ლარის პორტფელიდან 4.2% ვადაგადაცილებულია. მესამე პოზიციას კი საწვავის იმპორტის სფერო იკავებს, სადაც 318 მილიონი ლარის კრედიტებიდან 3.6% ვადაგადაცილებულია. შედარებით დაბალი ვადაგადაცილებით ხასიათდება ენერგეტიკის, ავტომობილების დილერების, ფარმაციისა და ტელეკომუნიკაციების სექტორები. ასევე დაბალია ვადაგადაცილება უძრავი ქონების დეველოპმენტის სექტორშიც. სტუმარი: ნინო გაბუნია - რესტორანი "დელირიას" მფლობელი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
2023 წელს უმუშევრობის დონე, წინა წელთან შედარებით, 0.9 პროცენტული პუნქტით შემცირდა და 16.4% შეადგინა. ფაქტ–მეტრმა ქვეყანაში უმუშევრობის დონის სწორად შესაფასებლად სამუშაო ძალის და დასაქმების პარამეტრებიც გააანალიზა. კვლევაში ასევე გათვალისწინებულია სოციალური მომსახურების სააგენტოს სტატისტიკაც, რომლის თანახმადაც, ამ დროისთვის პროგრამაში 46,055 ოჯახის ერთი წარმომადგენელი მაინცაა ჩართული. სრული სურათის დასანახად, ასევე გასათვალისწინებელია ის ფაქტიც, რომ ქვეყანაში 15+ მოსახლეობის მხოლოდ 44.5% არის დასაქმებული, რაც საკმაოდ დაბალი მაჩვენებელია; სამუშაო ძალის მონაწილეობის დონე კი 53.3%-ია, რაც ასევე დაბალ მაჩვენებლად მიიჩნევა. სტუმრები: თეონა აბსანძე - Factcheck-ის ანალიტიკოსი; დავით კეშელავა - ISET-ის კვლევითი ინსტიტუტის უფროსი მკვლევარი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
სარეკლამო შეტყობინებები წინასწარი თანხმობის გარეშე აღარ გამოიგზავნება; ნებისმიერი საჯარო დაწესებულება და ასევე კერძო კომპანიათა ნაწილი ვალდებული იქნება ჰყავდეს პერსონალურ მონაცემთა დაცვის ოფიცერი; განისაზღვრება საჯარო ან კერძო სივრცეში აუდიოჩაწერის წესი და პირობები; დადგინდა მონაცემების უსაფრთხოების დარღვევისას ინსპექტორისათვის შეტყობინების ვალდებულება; იზრდება იმ პირის უფლებები, ვისი მონაცემებიც მუშავდება. ყველა ამ ცვლილებას ითვალისწინებს პერსონალური მონაცემთა დაცვის შესახებ კანონი, რომელიც დღეიდან ამოქმედდა. კიდევ რას შეცვლის ეს კანონი და რა გავლენა ექნება მას ჩვენი, საქართველოს მოქალაქეების ცხოვრებაზე და ასევე რას შეცვლის ის ბიზნესისთვის? სტუმარი: დათო კესარელი - საქართველოს დამსაქმებელთა ასოციაციის იურიდიული სამსახურის ხელმძღვანელი; #ახალიამბები #BusinessMediaGeorgia
1 დღეში 16%-იანი ზრდის შემდეგ, Nvidia-ამ ისტორიულად ყველაზე მაღალ ნიშნულს მიაღწია. რა დგას ამგვარი ზრდის უკან და როგორი დამოკიდებულება აქვთ ინვესტორებს ხელოვნური ინტელექტის თემატიკის მიმართ. ჩინური აქციების ფასის ზრდა დაიწყო, თუმცა მსოფლიოს ნომერ მეორე ეკონომიკა მაინც გამოწვევის წინაშეა, რა მდგომარეობაა ჩინეთის ბაზარზე და რას შეიძლება ველოდოთ? სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი #ახალიამბები #BusinessMediaGeorgia
15-წლიანი პარტნიორობა - საქართველოს ბანკი & სამშენებლო ჰიპერმარკეტი "მოდუსი" სტუმრები: თამარ სიხარულიძე - "მოდუსის" ფინანსური მენეჯერი; ნინო გერგედავა - "საქართველოს ბანკის" კორპორაციული გაყიდვების სექტორის უფროსი; #ახალიამბები #BusinessMediaGeorgia
4500 კვადრატულ მეტრზე განთავსებული საწარმო, რომელიც მცხეთის მუნიციპალიტეტში, ნატახტარში მდებარეობს და თავისუფალი გადინების მილებს, სასმელი წყლის და სახანძრო ავზებს, სამრეწველო და წვიმის წყლის ჩამდინარე წყლების გამწმენდ საშუალებებს აწარმოებს. კიდევ რას სთავაზობს ბაზარს პოლიმერ ჯგუფი, რომელიც ბაზარზე ბიოტოპის სავაჭრო ნიშნით ოპერირებს. სტუმარი: ზურაბ ფხაკაძე - POLYMER GROUP-ის კომერციული დირექტორი; #ახალიამბები #BusinessMediaGeorgia
ქართული პარფიუმერული ბრენდი 33 წლიანი ისტორიით. როგორ განვითარდა "ვულე ვუ" საქართველოს ბაზარზე, რა სპეციფიკა აქვს პარფიუმერულ ბიზნესში სამიანობს და რა არის ბრენდის მთავარი ღირებულებები, "ვულე ვუს" ბრენდის ხმა კომპანიის საზოგადოებასთან ურთიერთობის მენეჯერი ნინო (ზუზუ) ნოდია იყო. ნინო ნოდია - "ვულე ვუს" საზოგადოებასთან ურთიერთობის მენეჯერი; #BrandVoice #ბრენდისხმა #ახალიამბები #BusinessMediaGeorgia
საზოგადოებრივი კოლეჯი, რომლის ისტორია სათავეს მე 19 საუკუნის სამოცდაათიანი წლებიდან იღებს, იმ პერიოდში მას ოლღას საბებიო სკოლა ერქვა, ხოლო დღეს საზოგადოებისთვის ცნობილია როგორც საზოგადოებრივი კოლეჯი პანაცეა. 140 წლის ისტორიის მქონე საზოგადოებრივი კოლეჯის, პანაცეას და მისი თანადამფუძნებლის მაია ჩიხლაძეს შესახებ, რომელიც 30 წელზე მეტია კოლეჯს უდგას სათავეში და მის განვითარებას ყოველდღიურ ფუნქციონირებას საკუთარ რუტინულ პასუხისმგებლობად აქცევს. მაია ჩიხლაძე - საზოგადოებრივი კოლეჯი „პანაცეას" თანადამფუძნებელი & დირექტორის მოადგილე; #ახალიამბები #BusinessMediaGeorgia
TKT.GE-ს აფიშა (1-3 მარტი) რაგბი საქართველო-რუმინეთი; ფეხბურთი დინამო თბილისი - სამგურალი წყალტუბო; ფეხბურთი ტორპედო ქუთაისი - სამტრედია; GFC 26 სპორტის სასახლეში; თინა შალიკაშვილის მაკიაჟის მასტერკლასი; #ახალიამბები #BusinessMediaGeorgia
სტრიმინგ სერვისების უმსხვილესი პლატფორმა ნეტფლიქსი მსოფლიოს190 ქვეყანაშია წარმოდგენილი, მისი გამომწერთა რაოდენობა კი 260 მილიონს უტოლდება. აღსანიშნავია, რომ ნეტფლიქსის ერთთვიანი აბონემენტის ღირებულება ქვეყნების მიხედვით ერთმანეთისგან განსხვავებულია, რასაც სხვადასხვა ფაქტორი, მათ შორის მოსახლეობის მსყიდველობითი უნარი და ლიცენზირების გადასახადის ოდენობა განაპირობებს. რომელ ქვეყნებშია, ნეტფლიქსის გამოწერის ღირებულება ყველაზე მაღალი, ასევე სად გვხვდება განსაკუთრებით დაბალი ფასი და რა ჯდება ამ სერვისის მიღება საქართველოში? #ახალიამბები #BusinessMediaGeorgia
გასული წლის მაისში ევროპაში ღამის ახალი სამგზავრო მატარებელი - european sleeper გამოჩნდა. სტარტაპის სახით დაწყებულ საქმიანობას საკმაოდ საინტერესო ისტორია აქვს - ის მისმა დამფუძნებლებმა ხალხის მიერ დონაციით მიღებული ფინანსებით აამოქმედეს. ამჟამად მისი მარშრუტი ბრიუსელს, ამსტერდამსა და ბერლინს მოიცავს და მატარებლის მთავარი უპირატესობა ნახშირბადის მინიმალური გამონაბოლქვია. როგორ ვითარდება დონაციით დაწყებული სტარტაპ საქმიანობა და რა გეგმები აქვთ დამფუძნებლებს? #ახალიამბები #BusinessMediaGeorgia
საქართველოში, შესაძლოა, 30 მეგავატის დადგმული სიმძლავრის ქარის ელექტროსადგური აშენდეს - სწორედ ამას ითვალისწინებს პროექტი, რომლის ტექნიკურ-ეკონომიკური მიზანშეწონილობის კვლევა დანიურმა GDA DanRe-მ საქართველოს მთავრობასთან შეათანხმა. #ახალიამბები #BusinessMediaGeorgia
პრემიუმ კლასის საცხოვრებელი კომპლექსი "ნამაი ვაკე" საქართველოში პირველი საცხოვრებელი ფართი გახდა, რომელმაც ევროპის განვითარებისა და რეკონსტრუქციის ბანკის მიერ GEFF-ის A კლასის ხარისხი მოიპოვა. EBRD-მა პროექტის დაკვირვება 2018 წლიდან დაიწყო და ამ პროცესში გამოიკვეთა, რომ ის ბანკის მიერ დადგენილ სტანდარტებს სრულად აკმაყოფილებდა, რაც იმას ნიშნავს, რომ შენობა სრულად ენერგოეფექტურია. კონკრეტულად რას მოიაზრებს ეს ენერგოეფექტურობა და რატოა ეს ფაქტი მნიშვნელოვანი? #ახალიამბები #BusinessMediaGeorgia
აეროპორტების გაერთიანების გენერალური დირექტორის, ირაკლი ქარქაშაძის განცხადებით, თელავის აეროპორტის ახალი ტერმინალის კონცეპტ-დიზაინის კონკურსზე შერჩევის პროცესი დასრულებულია და მალე მშენებლობა დაიწყება. გაერთიანების მიერ გამოცხადებულ თელავის აეროპორტის პროექტირების კონკურსში გამარჯვებულად შპს "ხმალაძე არქიტექტორები“გამოცხადდა, რომელიც საკონკურსო კომისიამ 10 ბალიანი სისტემით შეაფასა. კომპანია "ხმალაძე არქიტექტორებმა" თელავის აეროპორტის კონცეპტუალური და სქემატური დიზაინი წარმოადგინეს. რა სარგებელს მოუტანს კახეთს აეროპორტის არსებობა და როგორ შეცვლის მას? #ახალიამბები #BusinessMediaGeorgia
#საქმიანიდილა - 1-ელი მარტი, პროლოგი #ახალიამბები #BusinessMediaGeorgia
„Bayraktar #AKINCI ცაში ახალი სიმძლავრით აფრინდა!“ – აცხადებს კომპანია X-ის ანგარიშზე. და ეს უკვე მოხდა, დრონების მწარმოებელი თურქული სამხედრო-სამრეწველო კომპანიის, Baykar-ის უახლესმა საბრძოლო დრონმა, Bayraktar Akinci-მ პირველი სატესტო ფრენა წარმატებით განახორციელა. კომპანიის მიერ გავრცელებული განცხადებით, დამრტყმელი დრონის ეს ვერსია უფრო ახალი და გამძლე ძრავებითაა აღჭურვილი. Baykar-ის განმარტებით, Akinci ორი, 850-ცხენისძალიანი ძრავითაა აღჭურვილი.თურქული სამხედრო კონტრაქტორის განცხადებით, სატესტო ფრენისას ინჟინრებმა წარმატებით გამოცადეს საფრენი აპარატის აეროდინამიკის პარამეტრებიც. #ახალიამბები #BusinessMediaGeorgia
იანვარში თბილისში 3,151 საცხოვრებელი ბინა გაიყიდა, რაც წინა წლის იანვართან შედარებით 5%-ით გაზრდილი მაჩვენებელია. კოლიერს ჯორჯიას მიერ გამოქვეყნებული საცხოვრებელი უძრავი ქონების განახლებული მიმოხილვის მიხედვით, დედაქალაქში ბინების ბაზრის ზომა 11%-ით, 197 მილიონ დოლარამდე გაიზარდა. წლის პირველ თვეში ახალ პროექტებში ტრანზაქციების რაოდენობა 12%-ით გაიზარდა, ძველ პროექტებში კი 2023 წლის იანვართან შედარებით მაჩვენებელი 12%-ით შემცირდა. რაც შეეხება ბათუმს, გასულ თვეში ბინების გაყიდვების კლების პარალელურად, საცხოვრებელი უძრავი ქონების საშუალო ფასი გაიზარდა. სტუმარი: ლეო ჩიქავა - „კოლიერს ჯორჯიას“ კვლევებისა და მონაცემთა სერვისების ხელმძღვანელი; #ახალიამბები #BusinessMediaGeorgia