„აი დი ეს ბორჯომმა“ რეორგანიზაციის შედეგად ორივე ქარხნის 685 დასაქმებულიდან 49 ადამიანი გაათავისუფლა. საწარმოს გაჩერების შემდეგ დაწყებული რეორგანიზაციის გამო “აი დი ეს ბორჯომი საქართველოში” დასაქმებულებსა და დამსაქმებელს შორის მედიაციის პროცესის დაწყებასთან დაკავშირებით პროფკავშირის თავმჯდომარემ, ჯანდაცვის სამინისტროში განცხადება შეიტანა. პროფკავშირების ინფორმაციით, კომპანიაში დასაქმებულ პირებს დამსაქმებლის მიერ შეთავაზებულ ხელშეკრულებაზე ხელმოწერის ვადად 3 მაისი ჰქონდათ, ახალ პირობებზე ხელშეკრულების არმოწერის შემთხვევაში კი კომპანია რეორგანიზაციას დაიწყებდა. რამდენი ადამიანი დათანხმდა კომპანიასთან ახალი პირობებით თანამშრომლობას და ხომ არ დაიწყო კომპანიაში რეორგანიზაციის პროცესი? სტუმარი: გიორგი დიასამიძე - აგრარული მეურნეობის, ვაჭრობისა და მრეწველობის პროფკავშირის თავმჯდომარე; #ახალიამბები #BusinessMediaGeorgia
სუპერმატკეტების ქსელი „მაგნიტი“, რომელიც ქვეყნის მასშტაბით ყველა რეგიონშია წარმოდგენილი, ახალი პროექტი „მაგნიტის წარმოება“ დაიწყო. 2000 კვადრატულ მეტრზე განთავსებულ საწარმოში ჯანსაღი და ეკოლოგიურად სუფთა პროდუქცია მზადდება და რამდენიმე ხაზს აერთიანებს.საწარმო საქართველოში სიდიდით ერთ-ერთი პირველია და 500-მდე დასაქმებულს აერთიანებს. სტუმარი: ია ნადირაშვილი - „მაგნიტის“ აღმასრულებელი დირექტორი #ახალიამბები #BusinessMediaGeorgia
#partnerships4SUSTAINABILITY: სექტორთაშორის თანამშრომლობა ექსპორტის წახალისების მხარდასაჭერად სტუმრები: სალომე ზურაბიშვილი - გლობალური შეთანხმების საქართველოს ქსელის აღმასრულებელი დირექტორი; ნიკა მამუკელაშვილი - "აწარმოე საქართველოს" ექსპორტის დეპარტამენტის ხელმძღვანელი; გიგი გაჩეჩილაძე - კომპანია "მკისას" აღმასრულებელი დირექტორი; #ახალიამბები #BusinessMediaGeorgia
უძრავ ქონებაზე ფასები იზრდება, მათ კი ვინც საბურთალოზე ბინის შეძენით არის დაინტერესებული, კომპანია „არკონ დეველოპმენტი“ უნივერსიტეტის ქუჩაზე მდებარე პროექტში განსაკუთრებულ პირობას სთავაზობს. 18 მაისამდე დიდი ფართის ბინების შეძენის შემთხვევაში 18 ათასს ლარამდე ფასდაკლება მოქმედებს. ასევე მაისის ბოლომდე ყველა დარჩენილ ბინაზე იმოქმედებს წინასწარი გაყიდვების ფასიც. გაძვირებული მშენებლობა და მოლოდინი რომ ეს პროცესი მომავალშიც გაგრძელდება რეალობაა რა არის ახლა საუკეთესო არჩევანი უძრავი ქონების პოტენციური მყიდველისთვის? რამდენად საინტერესოა ამ მიმართულებით ინვესტირება და რა მოლოდინი შეიძლება გვქონდეს ბაზართან დაკავშირებით? სტუმარი: თამარ მაშავა - "არეა ჯგუფი"-ს პარტნიორი, დირექტორი; #ახალიამბები #BusinessMediaGeorgia
BMG & Jeep Georgia წარმოგიდგენთ: #BMGDRIVE-ს ✔„სტარტაპების საწყის ეტაპზე ქართველი ინვესტორების ნდობა გაჩნდა“ ✔რა მიმართულებით იქმნება ყველაზე ინოვაციური იდეები? ✔26 მლნ ლარი პირდაპირი დაფინანსება სტარტაპებს - როგორ ზომავს “#GITA” ეფექტიანობას?! ✔„ფული ყველაზე ნაკლები პრობლემაა, რაც ქართულ სტარტაპ ეკოსისტემას აქვს“ ✔„საინტერესო სტარტაპ პროექტები, #GOOGLE-ში დასერჩვით არ იწყება“ BMGDRIVE-ის მგზავრი: ავთანდილ კასრაძე - GITA-ს თავჯდომარე; ავტორები: ბექა ბაციკაძე; რატი კაციტაძე; რევაზ ნასიძე; #სტარტაპი #სტარტაპერი #Jeep
"თიბისი კაპიტალმა" რეგიონში ობლიგაციების ბაზრის პირველი ინდექსი გამოსცა, რომელიც ბაზრის შედეგიანობას ასახავს. სუვერენული ობლიგაციების ინდექსი რეგიონის 10 ქვეყნის მიერ გამოშვებულ 26 სუვერენულ ევროობლიგაციას ფარავს. 2022 წელს თიბისი კაპიტალის ინდექსის მომგებიანობა შემცირებულია, როგორც რეგიონში არსებული გეოპოლიტიკური მდგომარეობის, ასევე დოლარში საპროცენტო განაკვეთების ზრდის მოლოდინის გამო. ამავე მიზეზების გამო, ინდექსის მომგებიანობა ჩამოუვარდება მსოფლიოში ობლიგაციების ბაზრის სხვა ინდექსების მომგებიანობას. ინდექსების მომგებიანობას თიბისი კაპიტალი ყოველკვირეულად დაინაგარიშებს და 2 კვირაში ერთხელ, რეგიონული ობლიგაციების ბაზრის განახლებული რეპორტის საშუალებით გამოაქვეყნებს. თიბისი კაპიტალის რეგიონული ობლიგაციების ბაზრის უახლეს რეპორტს გაეცანით ბმულზე. სტუმარი: თორნიკე მჭედლიშვილი - თიბისი კაპიტალის საბროკერო მიმართულების ვიცე-პრეზიდენტი; #ახალიამბები #BusinessMediaGeorgia
#ახალიამბები #BusinessMediaGeorgia
#საქმიანიდილა - 6 მაისი - პროლოგი #ახალიამბები #BusinessMediaGeorgia
“საქართველოს ავტოიმპორტიორთა ასოციაციის” ინფორმაციით, 2021 წელს ქვეყანამ უკრაინიდან რეექსპორტირებული ავტომობილებით ჯამში 88 მლნ დოლარის შემოსავალი მიიღო. ასოციაციის დამფუძნებლის თქმით, წელს უკრაინის ბაზარი დაკარგულად ითვლება, ხოლო რუსეთ-უკრაინის ომის გამო ახლა ბაზრების ხელახლა გადალაგების პროცესი მიმდინარეობს. თუ ადრე ავტმობილების რეექსპორტში მეორე ადგილს უკრაინის ბაზარი იკავებდა, ახლა მას შუა აზიის ქვეყნები ანაცვლებს. #ახალიამბები #BusinessMediaGeorgia
მაისური, რომელიც ლეგენდარულ არგენტინელ ფეხბურთელს, დიეგო მარადონას 1986 წელს მსოფლიო ჩემპიონატის მეოთხედფინალში ინგლისის წინააღმდეგ მატჩის დროს ეცვა, Sotheby’s-ის აუქციონზე რეკორდულ ფასად, $9.3 მილიონად გაიყიდა. აღსანიშნავია, რომ სწორედ ამ შეხვედრაში გაიტანა მარადონამ საკამათო გოლი, რომელსაც „ღმერთის ხელი“ შეარქვეს. Sotheby’s-ის ცნობით, მაისურისთვის უმაღლესი შეთავაზება დაახლოებით 8.9 მილიონი აშშ დოლარი იყო, რომელიც საკომისიოების გათვალისწინებით $9.3 მილიონამდე გაიზარდა. ეს არის ყველაზე მაღალი ფასი, რაც კი აუქციონზე სპორტულ სამახსოვრო ნივთში ოდესმე გადაუხდიათ. აქვე გეტყვით, რომ მარადონას 10-ნომრიანი მაისურის გაყიდვას სააუქციონო სახლი მინიმუმ $5.2 მილიონად იმედოვნებდა. აუქციონზე მაისური ინგლისის საფეხბურთო ნაკრების ყოფილმა ნახევარმცველმა, სტივ ჰოჯმა გამოიტანა. მან 1986 წლის მსოფლიო ჩემპიონატის მეოთხედფინალური შეხვედრის დასრულების შემდეგ, ფეხბურთში არსებული ტრადიციის შესაბამისად, საკუთარი მაისური არგენტინელ ლეგენდას გაუცვალა. შეგახსენებთ, რომ მატჩი სამხრეთამერიკელების გამარჯვებით, 2:1 დასრულდა. შედეგად, არგენტინა მსოფლიო ჩემპიონატის ფინალში გავიდა, სადაც მან გერმანია დაამარცხა. #ახალიამბები #BusinessMediaGeorgia
2022 წლის იანვარ-მარტში წინა წლის ანალოგიურ პერიოდთან შედარებით, ბინებზე ფასი 4.5%-ით, ხოლო კერძო სახლებზე 1%-ით გაიზარდა. საქსტატის ინფორმაციით, 2022 წლის პირველ კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.2 პროცენტით მეტია, ხოლო ინდექსის წლიურმა ზრდამ 3.4 პროცენტი შეადგინა. ინდექსის დაფარვა შემოიფარგლება თბილისით და მოიცავს მხოლოდ ახალი საცხოვრებელი უძრავი ქონების ბაზარს, როგორც მრავალსართულიანი სახლების (ბინების), ისე კერძო სახლების სეგმენტებს. უძრავ ქონებაზე ფასების 10-15%-იან ზრდაზე დეველოპერული სექტორი ჯერ კიდევ წლის დასაწყისში საუბრობდა თუმცა მას შემდეგ რაც ომი დაიწყო, ვითარება კიდევ შეიცვალა. იმის გამო, რომ ძირითადი სამშენებლო მასალა უკრაინიდან შემოდიოდა და ომის გამო იმპორტი შეფერხდა, ფასები მაგალითად არმატურაზე 20%-მდე გაიზარდა, 15%-მდე გაძვირდა ბეტონი და სხვადასხვა სამშენებლო მასალა, 20%-ით მოიმატა მუშახელის ფასმაც, რამაც ჯამურად უძრავი ქონების თვითღირებულება გაზარდა. სტუმრები: ბესო ორთოიძე - კომპანია "არსის" გენერალური დირექტორი; ეთუნა მუნჯიშვილი - "ქოლიერს ინთერნეიშენალის" დეველოპმენტ კონსალტინგის ხელმძღვანელი. #ახალიამბები #BusinessMediaGeorgia
კორონავირუსის პანდემიის პერიოდში სკოლების დახურვის გამო, შესაძლებელია, 12-წლიანი სწავლება ხარისხით 7,4-წლიან სწავლებას გაუტოლდეს - ეს განცხადება სამხრეთ კავკასიაში მსოფლიო ბანკის რეგიონული დირექტორს, სებასტიან მოლინეუსს ეკუთვნის, რომელიც აცხადებს, რომ სკოლების დახურვამ შესაძლოა PISA-ს საერთაშორისო შეფასებებში საქართველოს შედეგის 8 ქულით შემცირება გამოიწვიოს. იმისთვის რომ ვიცოდეთ რა უნდა გავაკეთოთ პირველ რიგში მნიშვნელოვანია მიყენებული ზარალის ზუსტი შეფასება, შემდეგ კი სასწავლო პროგრამების დროული მორგება თანამედროვე გამოწვევებზე. სად ვართ და რა გადაწყვეტები უნდა იქნას მიღებული? სტუმარი: გიორგი მელაძე - "სკოლა ნიუტონის" დირექტორი; #ახალიამბები #BusinessMediaGeorgia
რითეილ ასოციაციის წევრმა კომპანიებმა გაეროს გლობალური შეთანხმების საქართველოს ქსელის მიერ დაარსებული 60 საათიანი სასერთიფიკატო კურსი მდგრადობის აკადემიაში წარმატებით დაასრულეს და შესაბამისი სერტიფიკატები მიიღეს. თითოეული მოდული, რომელიც მონაწილეებმა გაიარეს, გათვლილია კორპორაციული მდგრადობის პრინციპების დანერგვასა და განვითარებაზე, სრულ თანხვედრაშია გაეროს გლობალური შეთანხმების ათ პრინციპთან და საერთაშორისო დონეზე აღიარებულ სხვა სახელმძღვანელო სტანდარტებთან. კურსი მორგებულია საქართველოში მოქმედი ბიზნესის, საჯარო და არასამთავრობო სექტორის საჭიროებებზე. სექტორი მიღებული გამოცდილებისა და ცოდნის რეალიზაციას, მომავალში სხვადასხვა ერთობლივი თუ ინდივიდუალური პროექტებით გეგმავს. სტუმრები: ქრისტინა ბარამიძე - კომპანია "ზღაპარის" მარკეტინგისა და საზოგადოებასთან ურთიერთობის დეპარტამენტის ხელმძღვანელი; ნინო ჭკუასელი - კომპანია ფუდმარტის (სპარის) პროექტებისა და კომუნიკაციის მენეჯერი. #ახალიამბები #BusinessMediaGeorgia
USAID-ის პროგრამის დამსაქმებლები პროფესიული განათლებისთვის დაფინანსებით, საქართველოს ბიზნეს ასოციაცია ფინური პროფესიული განათლების საუკეთესო პრაქტიკის დანერგვას საქართველოში ინოვაციური პარტნიორული მოდელის პილოტირების გზით გეგმავს, რისთვისაც მხარეებმა საგრანტო ხელშეკრულება გააფორმეს და მიზნად საერთაშორისო პარტნიორის დახმარებით სამეწარმეო უნარების განვითარების ახალი მოდელის შექმნას ისახავენ, რაც ასოციაციას გადაჭრას წევრი კომპანიებისათვის პროფესიული უნარების მქონე კადრების დეფიციტის პრობლემის გადაჭრას მოემსახურება. რაში მდგომარეობს ახლებური მიდგომა და როგორ ითანამშრომლებენ BAG და USAID სტუმრებთან ერთად მოგიყვებით. სტუმრები: ლევან ვეფხვაძე - "საქართველოს ბიზნეს ასოციაცია", აღმასრულებელი დირექტორი; ირინა წეროძე - USAID-ის პროგრამა დამსაქმებლები პროფესიული განათლებისთვის, კერძო სექტორის ჩართულობის კომპონენტის ხელმძღვანელი; #ახალიამბები #BusinessMediaGeorgia
11 მაისს მონეტარული პოლიტიკის კომიტეტის სხდომაა ჩანიშნული უნდა ველოდოთ თუ არა რეფინანსირების განაკვეთის კიდევ ზრდას, რაც ამ დროისთვის 11% ზეა, ეროვნული ბანკის პრეზიდენტი ამბობს რომ მონეტარული პოლიტიკა გამკაცრდება იქამდე, ვიდრე არ დავინახავთ ნიშნებს, რომ ინფლაციის მოლოდინები არის მოთოკილი. ინფლაცია მხოლოდ საქართველოს პრობლემა არ არის, ეროვნული ბანკის პრეზიდენტი ამბობს, რომ ინფლაციაზე გავლენა ორმა შოკმა მოახდინა, პირველი ეს იყო პანდემია, შემდეგ კი რუსეთის უკრაინაში შეჭრა. მან აღნიშნა, რომ ეს გლობალური პრობლემაა. სტუმრები: ოთარ ნადარაია - "თიბისი", მთავარი ეკონომისტი; ირაკლი მაკალათია - BMG-ის ანალიტიკოსი, ეკონომიკის დოქტორი; #ახალიამბები #BusinessMediaGeorgia
#საქმიანები: პროფესიონალი “მეჩურჩხელე” - “ბადაგის” ჩურჩხელების საწარმო ვახტანგ ყაჯრიშვილი - " ბადაგის" დამფუძნებელი; ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
“ანტიკორუფციული მოძრაობა“ საავტომობილო გადაზიდვების ნებართვების გაძვირებასთან დაკავშირებით საქართველოს პარლამენტს მიმართავს, რომ ეკონომიკის მინისტრის და სახმელეთო ტრანსპორტის სააგენტოს ხელმძღვანელის პარლამენტში დაბარება და რეგულაციის ძალაში შესვლის შეჩერება მოხდეს სტუმრები: ვასილ ურუშაძე - "ანტიკორუფციული მოძრაობის" წევრი; ლაშა ფარულავა - "ანტიკორუფციული მოძრაობის" წევრი. #ახალიამბები #BusinessMediaGeorgia
საქართველოში მოქმედი თამბაქოს რეალიზატორი კომპანიები ალტერნატიული ბაზრების მოძიების პროცესში არიან. ისინი თამბაქოს იმპორტისთვის ევროკავშირის წევრ და მეზობელ ქვეყნებს განიხილავენ. აღნიშნავენ, რომ ამ ეტაპზე თამბაქოს მარაგები აქვთ, რაც ბაზარზე პროდუქტის დეფიციტის შექმნის საფრთხეს გამორიცხავს, თუმცა მარაგების ამოწურვის შემდეგ ახალ ბაზრებზე გადაერთვებიან. ზოგიერთი ექსპერტი დაახლოებით ორ თვეში კი თამბაქოზე ფასის 20%-ით ზრდასაც არ გამორიცხავს. #ახალიამბები #BusinessMediaGeorgia
აშშ-ის კალიფორნიის შტატში დაფუძნებული კომპანია Orbital Assembly Corporation-ი, რომელიც NASA-ს ვეტერანების მიერ იმართება, აანონსებს, რომ 2025 წელს კოსმოსში ტურისტებისთვის სასტუმრო გაიხსება, სადაც სტუმრები სრული კომფორტით ისარგებლებენ, როგორიცაა: აბაზანები, სპორტული დარბაზები, თემატური რესტორნები, დედამიწის კოსმოსიდან დასათვარიელებლად განკუთვნილი ლაუნჯები, ბარები და კონცერტებიც კი. კომპანია გვამცნობს, რომ მათ საშუალება ექნებათ 400 სტუმარი მიიღონ. პარალელურად მეორე პროექტზეც მიმდინარეობს მუშაობა, სადაც საოფისე ფართები კეთდება და დასრულების შემდეგ გაქირავდება, თუმცა აბობენ რომ ეს ყველაფერი მხოლოდ მდიდრების პრეროგატივა არ იქნება და კოსმოსში მოგზაურობა ხელმისაწვდომი გახდება ყველასთვის. რა გეგმა აქვთ და როდის ან რანაირად შევძლებთ მოგზაურობას დედამიწის ფარგლებს გარეთ? #ახალიამბები #BusinessMediaGeorgia
გუშინ, 4 მაისს, სასტუმრო “ბილტმორში” სან დიეგოს სახელმწიფო უნივერსიტეტი საქართველოს ორგანიზებით, დასაქმების გამოფენა მოეწყო, რომელშიც არაერთი კერძო და საჯარო ორგანიზაცია მონაწილეობდა. გამოფენის მიზანი კომპანიების და წარმატებული სტუდენტების ერთმანეთთან დაკავშირებაა. რა შესაძლებლობები მიეცათ გამოფენაზე სტუდენტებსა და მათ პოტენციურ დამსაქმებლებს? #ახალიამბები #BusinessMediaGeorgia
#საქმიანიდილა - 5 მაისი - პროლოგი #ახალიამბები #BusinessMediaGeorgia
მაკდონალდს საქართველო უკვე 22 წელია საქართველოში მომსახურების სფეროსა და ბიზნესსექტორში ახალ სტანდარტებს აწესებს. ჯანსაღი სამუშაო გარემოსა და ადამიანებზე ორიენტირებული მიდგომების წყალობით კი იგი მუდმივად იღებს პრესტიჟულ გლობალურ ჯილდოებსა და აღიარებას. მაკდონალდსმა მსოფლიო ექსპერტებთან ერთად ჩაატარა მასშტაბური კვლევა და შეიმუშავა ბრენდის სტანდარტები, რომლებიც მას უსაფრთხოების შენარჩუნებასა და ადამიანებზე ორიენტირებული მიდგომების გაძლიერებაში ეხმარება. აღნიშნული სტანდარტები მსოფლიოს გარშემო მაკდონალდსის რესტორნებში ინერგება, მაკდონალდს საქართველო კი, ამ სტანდარტების დანერგვის სისწრაფის თვალსაზრისით, მოწინავე ადგილს იკავებს. კომპანიის მიერ დანერგილი ჯანსაღი, ადამიანებზე ორიენტირებული სამუშაო გარემოს შედეგია კიდევ ერთი გლობალური აღიარება, რომელიც მაკდონალდს საქართველომ მოიპოვა. ეს რეი კროკის სახელობის პრესტიჟული ჯილდოა. იგი მაკდონალდსის რესტორნების იმ მენეჯერების წვლილის აღიარებაა, რომლებიც რესტორნის საუკეთესო ფუნქციონირებას, იქ მომუშავე გუნდის ეფექტურ და მომხმარებლის კმაყოფილებაზე ორიენტირებულ მუშაობას უზრუნველყოფენ, ასევე ზრუნავენ დასაქმებული ადამიანებისთვის საუკეთესო სამუშაო ატმოსფეროს შექმნაზე. #ახალიამბები #BusinessMediaGeorgia
უნიკალური ოპერაცია ისრაელში - 12 საათი საოპერაციო მაგიდაზე ცალკე იყო განთავსებული პაციენტის თავი და ტანი #ახალიამბები #BusinessMediaGeorgia
საქართველოში ციფრული ლარის საპილოტე პროგრამის გაშვება 2022 წლის ბოლომდე იგეგმება. ციფრული ვალუტისა და დეცენტერალიზებული ფინანსების საკითხებზე დღეს გამართულ კონფერენციაზე ისაუბრეს, რომელიც საქართველოს ეროვნული ბანკის, USAID-ის ეკონომიკური უსაფრთხოების პროგრამისა და მსოფლიო ბანკის მონაწილეობით გაიმართა. საკითხის აქტუალურობიდან გამომდინარე აღნიშნულ საკითხზე დიალოგის წამოწევა საერთაშორისო აქტორების ჩართულობით, ხელს უწყობს ყველა დაინტერესებული მხარის გათვითცნობიერებას ციფრული და ტექნოლოგიური ფინანსების შესახებ და განაპირობებს ციფრული ვალუტის უპირატესობების წარმოჩენას. რა არის ციფრული ვალუტა და რა შესაძლებლობებს ხსნის ის ქვეყნისთვის? #ახალიამბები #BusinessMediaGeorgia
საქსტატის მონაცემებით 2022 წლის აპრილში საქართველოში წლიური ინფლაციის დონემ 12,8% შეადგინა. პროდუქტები, რომლებზეც ყველაზე მეტად გაიზარდა ფასები 2022 წლის აპრილში, წინა წლის შესაბამის თვესთან შედარებით, ასე გამოიყურება. 1. კომბოსტო - ფასი გაიზარდა 289,8%-ით; 2. ბადრიჯანი - 119,9%-ით; 3. ქლიავი - 56,7%-ით; 4. მარგარინი - 54,2%-ით; 5. კარტოფილი -53,9%-ით; 6. დიზელის საწვავი – 53,5%-ით; 7. კიტრი - 44,1%-ით; 8. ელექტროყავადანი - 42,6%-ით; 9. ბენზინი - 41,4%-ით; 10. წიწიბურა - 39,4%-ით; სტუმარი: ვახტანგ ბეჟიტაშვილი - საქართველოს ხილისა და ბოსტნეულის ექსპორტიორთა ასოციაცია; #ახალიამბები #BusinessMediaGeorgia
2 წლიანი პაუზის შემდეგ ამიერკავკასიის ყველაზე დიდი მუსიკალური ფესტივალი, Tbilisi Open Air ბრუნდება. წლევანდელი ფესტივალი სრულ მხარდაჭერას უცხადებს უკრაინას. ფესტივალზე გაყიდული ბილეთებიდან შემოსული თანხის ნაწილი გადაირიცხება უკრაინის დასახმარებლად შექმნილ ფონდში, ასევე შეიქმნება სპეციალური პროდუქტი უკრაინის თემატიკაზე, საიდანაც შემოსული თანხა მთლიანად გადაირიცხება იმავე ფონდში. სტუმარი: სოფო ებრალიძე - "თბილისი ოპენ აირ", კომუნიკაციების მენეჯერი; #ახალიამბები #BusinessMediaGeorgia
ქართული ჩაი ადგილობრივი ბაზრის დაახლოებით 25%-ს ავსებს. მეჩაიეთა ასოციაციაში ამბობენ, რომ ქართულ ჩაის აქვს პოტენციალი რომ 90%-მდეც ავიდეს, რაშიც ადგილობრივ მეწარმეებს, დაბალ ფასად იმპორტირებული პროდუქცია უშლის ხელს. მეჩაიეებს ანტიდემპინგური კანონის მიღების იმედი აქვთ, რამაც ქართულ ჩაის შესაძლოა გარკვეული პრეფერენციები მიანიჭოს. გასულ წელს საქართველომ 2 439 ტონა ჩაის ექსპორტით 4.7 მლნ დოლარის შემოსავალი მიიღო. ოფიციალური სტატისტიკიდან ჩანს, რომ 2021 წელს ექსპორტის ღირებულება 8.2%-ით შემცირდა, ხოლო რეალიზებული პროდუქტის მოცულობა 2.7%-ით გაიზარდა. რაც შეეხება საექსპორტო ქვეყნებს, მოცულობის მიხედვით ამ პერიოდში ყველაზე დიდი რაოდენობით ჩაი მონღოლეთში გავიდა, ხოლო ექსპორტის ღირებულების მიხედვით მთავარი საექსპორტო ბაზარი საქართველოსთვის აზერბაიჯანია. გარდა ამისა ჩაი მცირე მოცულობებით ექსპორტზე ჩეხეთში, გერმანიაში, ტაივანში, ტაჯიკეთში, კანადაში, ისრაელში, საფრანგეთში, სომხეთში, მოლდოვაში, პოლონეთში, აშშ-სა და სხვა ქვეყნებში გავიდა. აღსანიშნია, რომ ისევე როგორც ექსპორტის შემთხვევაში, საქართველოსთვის ჩაის მთავარი საიმპორტო ბაზარი აზერბაიჯანია. შემდეგ მოდის რუსეთი და ტოპ ათეულში მესამე ადგილს შრი ლანკა იკავებს. რუსეთ-უკრაინის ომის გამო „ბახვის ჩაის“ უკრაინის ბაზარზე ვეღარ გავა. როგორც ფერმერი გაბრიელ თენიეშვილი Bm.ge -სთან აღნიშნავს, ჩაის პლანტაციები გურიაში 6 ჰექტარზე აქვს გაშენებული, საიდანაც თითქმის 1.5 ტონა პროდუქცია უკრაინის ბაზარზე გაჰქონდათ. მისი თქმით, ჩაის აღნიშნული რაოდენობა 50 000 ლარის ღირებულებისაა. სტუმარი: შოთა ბითაძე - "საქართველოს ორგანული ჩაის მწარმოებელთა ასოციაციის" დამფუძნებელი. #ახალიამბები #BusinessMediaGeorgia
#ალდაგი: ტურისტული ინდუსტრიის დაზღვევა - ბიზნესის დაზღვევა თამარ ძნელაძესთან ერთად - რუბრიკა IV სტუმარი: თამარ ძნელაძე - "ალდაგის" მცირე და საშუალო ბიზნესის დაზღვევის განყოფილების უფროსი; #ახალიამბები #BusinessMediaGeorgia
თეთრეულის მწარმოებელი ქართული კომპანია ზე-ზეწარი გაჩნდა მას შემდეგ, რაც ქართულ ბაზარზე მეგობრისთვის ხარისხიანი, სასაჩუქრე თეთრეული ვერ იპოვნეს. სწორედ ასე გადაწყდა თავად შეექმნათ ის, რასაც ეძებდნენ და გამოუვიდათ კიდეც, იდეიდან 1 წლის თავზე ზე-ზეწარი უმაღლესი ხარისხის თეთრეულის მრავალფეროვან არჩევანს გვთავაზობს. სტუმარი: მარიკელა ახვლედიანი - „ზეზეწარი“-ს დამფუძნებელი; #ახალიამბები #BusinessMediaGeorgia
პანდემიაში დაბადებული კომპანია ბოტანისტი რომელიც ჯერ ადგილობრივ ბაზარზე გამოჩნდა და ექსპორტისათვის თავიდანვე ემზადებოდა გამაგრილებელი სასმელების მომხმარებლებს პროდუქტს 2 წელია სთავაზობს. 7 მლნ ლარის ინვესტიციით დაწყებული საქმე პირველ ეტაპზე მისი დამფუძნებლის გეგმებით კიდევ 10 მლნს ინვესტირებას მოითხოვდა და ზრდა გაფართოვების გეგმებიც საინტერესოდ გაწერეს, რა ეტაპზეა დღეს ბოტანისტი და რა აქვთ გეგმაში? სტუმარი: ნინო ბაკურაძე - „ბოტანისტი“-ს სტარტეგიული განვითარების მენეჯერი; #ახალიამბები #BusinessMediaGeorgia
რას წარმოადგენს ფინანსური სექტორის უნარების განვითარების პლატფორმა? სტუმრები: ალექსანდრე ძნელაძე - "საქართველოს საბანკო ასოციაციის პრეზიდენტი; საბა სარიშვილი - USAID-ის პროგრამა "დამსაქმებლები პროფესიული განათლებისთვის" ხელმძღვანელის მოადგილე; სალომე მაკარიძე - "საქართველოს საბანკო ასოციაციის" ფინანსური სექტორის უნარების განვითარების პლატფორმა, პროექტის მენეჯერი; #ახალიამბები #BusinessMediaGeorgia
ფილიპ მორის ინთერნეიშენალი ახალგაზრდებისთვის ინოვაციური საერთაშორისო პროექტს იწყებს. disrupt camp პროექტში ჩართულ ახალგაზრდებს ექნებათ შესაძლებლობა გახდნენ ფილიპ მორისის გლობალური ქსელის წევრები და მიიღონ საერთაშორისო დონის პროფესიონალებთან ერთად მუშაობის გამოცდილება. #ახალიამბები #BusinessMediaGeorgia
#საქმიანიდილა - 4 მაისი - პროლოგი #ახალიამბები #BusinessMediaGeorgia
კოვიდშეზღუდვების მოხსნასთან და ინფიცირების სტატისტიკის გაუმჯობესებასთან ერთად ვითარება უკეთესობისკენ იცვლება ბიზნეს სექტორშიც, განსაკუთრებით ეს სამომხმარებლო ბაზარს, კონკრეტულად კი საყოფაცხოვრებო და ტექსინიკის მაღაზიებს დაეტყო. თუმცა ონლაინ ვაჭრობიდან ფიზიკურზე გადმოსვლა, ელექტრონულ კომერციას დარტყმას ვერ აყენებს. მიზეზი მარტივია, ქართველი მომხმარებლები ონლაინ ვაჭრობას მიეჩვივნენ და მათი ქცევაც ბოლო ორ წელშიც შეცვლილია. #ახალიამბები #BusinessMediaGeorgia
ტურიზმის სექტორის წარმომადგენლები, BM.GE-სთან საუბრისას ამბობენ, რომ მიმდინარე ომის გამო ევროპელი ტურისტების 70%-მა საქართველოში ჯავშნები გააუქმა. მათი თქმით, რუსეთიდან ტურისტული ნაკადები დიდი არ არის და ქვეყანაში მხოლოდ ისინი შემოდიან ვისაც საკუთარი ბინა აქვს, ან ბინის დაქირავებას ამჯობინებენ, რაც ტურისტულ ნაკადში ვერ ჩაითვლება. ასე რომ 2022 წლის აქტიურ ტურისტულ სეზონზე პოსტსაბჭოთა ქვეყნებიდან ტურისტული ვიზიტების დაგეგმვას არ ელიან. ასევე არის მოსაზრება, რომ რუსეთიდან ძალიან ბევრი ტურისტი შემოვა, რადგან სხვაგან წასასვლელი არ აქვთ. ამ ეტაპზე ვინც შემოვიდა რუსეთიდან ყველამ ბინები დაიქირავა, მეორე - ამბობენ, რომ ბათუმი სავსეა ტურისტებით, სინამდვილეში ესენი არიან ადამიანები, რომლებიც თავის სახლებში ჩამოდიან და იქ ცხოვრობენ. მათი რაოდენობა 30 000 ასცდა, ეს ქვეყნისთვის ვიზიტორად ითვლება, თუმცა ტურისტული ნაკადი სხვა არის. გარდა ამისა, წელს ყველაზე დიდ ტურისტულ ნაკადებს ისრაელიდან და გალფის ქვეყნებიდან ელიან. სტუმარი: თამუნა კურტანიძე - "ჯორჯიან თრეველ გრუფი" შემომყვანი ტურიზმის დეპარტამენტის უფროსი. #ახალიამბები #BusinessMediaGeorgia
ზაფხულის ტურისტული სეზონის მოახლოებასთან ერთად განთავსების ობიექტებზე მოთხოვნა იზრდება. განსაკუთრებული აქტივობა კი აპარტამენტებსა და მცირე ზომის სასტუმროებზე შეინიშნება. რა ფასად შეგვეძლება წელს ქვეყნის შიგნით დასვენება და რა მოლოდინები აქვს სექტორს ზაფხულის ტურისტულ სეზონთან მიმართებით? #ახალიამბები #BusinessMediaGeorgia
XE - მსოფლიოში კორონავირუსის ახალი შტამი გავრცელდა #ახალიამბები #BusinessMediaGeorgia
მიმდინარე წლის მარტიდან მოყოლებული, ბლოკჩეინის, კრიპტოვალუტებისა და ტოკენების მოყვარულთა საზოგადოება აქტიურად ადევნებს თვალს ციფრულ ბოტასებს, რომელთა მფლობელებს შესაძლებლობა აქვთ სუფთა ჰაერზე სეირნობით, ძუნძულითა და სირბილით, საკმაოდ სოლიდური თანხა გამოიმუშაონ. საუბარია ბლოკჩეინ Solana-ზე აგებულ აპლიკაცია - STEPN-ზე, რომელმაც მსოფლიოში და უკვე საქართველოშიც, განსაკუთრებული პოპულარობის მოპოვება მოახერხა. ტექნოლოგიურ ინდუსტრიაში გავლენის მქონე ექსპერტების აზრი ამ აპლიკაციასთან დაკავშირებით ორად გაიყო. ზოგი მას ჯანსაღი ცხოვრების წესის პოპულარიზაციის საშუალებად მიიჩნევს, ხოლო ზოგისთვის STEPN ფინანსური პირამიდის მორიგი სახეობაა. STEPN-ში თამაშის დასაწყებად, მომხმარებელს თავდაპირველად უწევს NFT-ბოტასების შეძენა. შემდეგ კი მომხმარებელი, გარკვეული თანხის სანაცვლოდ იღებს NFT-ტოკენს − ბოტასს, რის შემდეგაც სეირნობით ან სირბილით შეუძლია სათამაშო კრიპტოვალუტა გამოიმუშაოს, რომელსაც რეალურ თანხად გადაცვლის. რა უნდა ვიცოდეთ ციფრული ბოტასების შესახებ? როგორია საქართველოში NFT-ისა და Web 3-ის მიმართ დაინტერესება და როგორ გამოვიმუშაოთ ფული ბაზარზე. იმისათვის, რომ შექმნილ ბუნდოვანებას ნათელი მოვფინოთ “საქმიანი დილის“ სტუდიაში, ნიკოლოზ გელაშვილს - Chapter 25-ის მთავარი პროდუქტების მენეჯერს ვმასპინძლობთ. სტუმარი: ნიკოლოზ გელაშვილი - Chapter 25-ის მთავარი პროდუქტების მენეჯერი; #ახალიამბები #BusinessMediaGeorgia
„ჩვენ გვაქვს ქალაქში პარკირებასთან დაკავშირებული პრობლემები: ავტომანქანების გაჩერება ისეთ ადგილებში, სადაც ეს აკრძალულია; შშმ პირებისთვის გამოყოფილი ადგილების დაკავება; A კატეგორიის ტაქსებისთვის განკუთვნილი პარკირების ადგილების დაკავება და ა.შ. გვინდა ეს ყველაფერი იყოს მოწესრიგებული. ამის შესახებ დედაქალაქის მერმა, კახა კალაძემ თბილისის მთავრობის სხდომაზე განაცხადა. მისი თქმით, ჯარიმები არავის უხარია, მაგრამ როგორც ჩანს, ეს აუცილებელია იმისთვის, რომ ქალაქში წესრიგი იყოს. ასე რომ, პარკირების წესების დარღვევისთვის ჯარიმები იზრდება. ასევე მან საზოგადოებრივი ტრანსპორტის მოძრაობასა და ამ მიმართულებით არსებულ ხარვეზებზეც ისაუბრა. კალაძის თქმით, დღეის მდგომარეობით, დაჯარიმებულია 200-ზე მეტი მიკროავტობუსის მძღოლი და მისივე თქმით, არის შემთხვევები, როდესაც მიკროავტობუსების მძღოლები თვითნებურად იქცევიან. "ბოლო პერიოდში მგზავრთა ნაწილის მხრიდან გვესმის პრეტენზიები მიკროავტობუსის მძღოლებთან მიმართებით, რომ მათი მოთხოვნის საფუძველზე მიკროავტობუსების მძღოლი არ აჩერებს სატრანსპორტო საშუალებას და არ აძლევს გადაადგილების შესაძლებლობას. პირველ რიგში, უნდა გითხრათ, რომ ეს შესაძლოა, გამოწვეული იყოს სატრანსპორტო საშუალებაში თავისუფალი ადგილის არარსებობით და ამიტომ არ აჩერებდეს მძღოლი, თუმცა, არ უარვყოფთ, რომ თვითნებობის შემთხვევებიც ფიქსირდება,“ - განაცხადა დედაქალაქის მერმა. რა შედეგებს მოიტანს რეგულაცია? სტუმარი: ირაკლი იზორია - ფონდ „პარტნიორობა საგზაო უსაფრთხოებისთვის“ დირექტორი; #ახალიამბები #BusinessMediaGeorgia
როგორ არიან დაცული მინორიტარი პარტნიორები? სტუმრები: თამთა მარგველაშვილი - „ნოდია, ურუმაშვილი და პარტნიორები“, იურისტი; ქეთი ქოქრაშვილი - სამართლის დოქტორი, შავი ზღვის საერთაშორისო უნივერსიტეტის სამართლის ფაკულტეტის დეკანი; #ახალიამბები #BusinessMediaGeorgia
რა წერია დასაქმების პოლიტიკის ანგარიშში? სტუმარი: ეკატერინე ციმაკურიძე - "დემოკრატიის ინდექსი - საქართველო", ხელმძღვანელი; #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით ნიკა მაზანაშვილი სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი #ახალიამბები #BusinessMediaGeorgia
ბათუმში გასული კვირის განმავლობაში სასტუმრო „ლეგენდას“ მიმდებარე ტერიტორიაზე არაერთი საპროტესტო აქცია გაიმართა, რომლის მონაწილეებიც - 1000-მდე დასაქმებული, კუთვნილი სახელფასო დავალიანების ანაზღაურებას მოითხოვდა. ცნობისთვის, სასტუმრო „ლეგენდა“ „მეტრო ჰოლდინგში“ შემავალი ერთი-ერთი კომპანიის საკუთრებას წარმოადგენს, შესაბამისად „მეტრო ჰოლდინგს“ აღნიშნულთან დაკავშირებით გამოვკითხეთ. ჰოლდინგის განმარტებით, სასტუმრო „ლეგენდა“ შპს „დიბო ჯგუფს“ იჯარის უფლებით აქვს გადაცემული. თავის მხრივ „დიბო ჯგუფი“ დუბაიდან ჩამოსულმა ინვესტორმა/ინვესტორთა ჯგუფმა ქართველ პარტნიორთან ერთად დააფუძნა, რის შემდეგაც მრავალწლიანი იჯარის ხელშეკრულება გააფორმა „მეტრო ჰოლდინგთან“ სასტუმრო „ლეგენდასთან“ დაკავშირებით. როგორც ჰოლდინგში განმარტავენ, მოგვიანებით დაიგეგმა მათთვის ბათუმში მდებარე სასტუმრო „ეიფორიის“ გადაცემაც. „რამდენიმეთვიანი პარტნიორობის შედეგად აღმოჩნდა, რომ ამავე კომპანიის დირექტორი ნადავ საპირი კომპანიის რეალურ ინვესტორს (ინვესტორთა ჯგუფს) უქმნიდა არასწორს წარმოდგენას საქართველოში არსებული ბიზნეს გარემოს შესახებ და საკუთარი „კავშირების“ დემონსტრირებით, გარკვეული პერიოდის განმავლობაში დაკავებული იყო ინვესტორთა მოტყუებითა და გამოყოფილი ინვესტიციების არასათანადო განკარგვით. აღნიშნულის შედეგად, „მეტრო ჰოლდინგი“ იძულებული გახდა უარი ეთქვა შპს „დიბო ჯგუფთან“ პარტნიორობაზე, კომპანიამ დაუყონებლივ შეწყვიტა მოქმედი კონტრაქტი და მიმართა სასამართლოს დარღვეული უფლებების დაცვისა და მიყენებული ზიანის ანაზღაურების მოთხოვნით. ნოდარ საპირი - “დინო ჯგუფის” დირექტორი, ექიმი, ბიზნესმენი; #ახალიამბები #BusinessMediaGeorgia
Forbes Georgia & BMG და Tegeta Motors წარმოგიდგენთ: #ForbesAuto-ს #Volkswagen-ი და #BP-ი ელექტრომობილების დამტენებს მოაწყობენ; Volvo Cars უსადენო დამუხტვის ახალ ტექნოლოგიას ცდის; სერბეთმა Stellantis-თან ელექტრომობილების წარმოების შეთანხმება გააფორმა; GM-ი აღმასრულებელი რგოლის კომპენსაციას ელექტრომობილების გაყიდვებს მიაბამს; Ford-მა მოთხოვნასთან გასამკლავებლად F-150 ელექტროპიკაპის წარმოების მოცულობა გაზარდა; საუდის არაბეთი Lucid -ისგან 100 000 ავტომობილს შეიძენს; ახალი პორშე ,,911 სპორტ კლასიკი’’: უკან მომავალში. #ახალიამბები #BusinessMediaGeorgia
რამდენიმე კვირის წინ პრემიერ მინისტრმა ენერგეტიკული პროექტების განხორციელების დაჩქარება დაანონსა. გასულ უქმეებზე კი საკითხზე კიდევ ერთხელ საუბრისას თქვა, რომ ქვეყანაში დიდ ჰესებს სახელმწიფო/მთავრობა უნდა აშენებდეს. ეს განცხადება ირაკლი ღარიბაშილმა ქუთაისში გააკეთა, იქ სადაც რამდეიმე თვის წინ „ნამახვანსესის“ საწინააღმდეგო მასობრივი საპროტესტო აქციები იმართებოდა. პრემიერი აღიარებს რომ მზარდი იმპორტი ელექტროენერგიაზე პრობლემაა და იმასაც ამბობს რომ კერძო ინვესტორებს მაქსიმალურად შეეწყობათ ხელი თუმცა იქვე ამბობს რომ მათთვის ანუ ინვესტორებისათვის მცირე ჰესების მშენებლობაა უფრო მისაღები. ღარიბაშილმა ეკონომიკური გუნდისგან ამ საკითხზე უახლოეს დღეებში სტრატეგიის წარდგენაც დაანონსა. რა შეიძლება ამ სტრატეგიაში მოხვდეს ან როგორ შეიძლება გავიგოთ პრემიერის განცხადება ? ზოგადად რამდენად არის ქვეყანაშ ჰესების შენებლობის პრობლემები მასშტაბებზე დამოკიდებული და როგორ აღიქვამს სექტორი ამ გზავნილებს? სტუმარი: გიორგი მარგებაძე - მცირე და საშუალო ჰესების ასოციაციის ხელმძღვანელი; #ახალიამბები #BusinessMediaGeorgia
2022 წლის პირველ სამ თვეში საქართველომ 8 ქვეყანაში 1.6 მლნ დოლარის ღირებულების 1 630 ტონა მწვანილი გაყიდა. გასული წლის ანალოგიურ პერიოდთან შედარებით მწვანილის ექსპორტის ღირებულება 27%-ით შემცირდა, ექსპორტიორები შემცირების მიზეზად რუსეთ-უკრაინის ომს ასახელებენ. ღსანიშნია, რომ ქვეყნიდან ყველაზე დიდი რაოდენობით მწვანილი რუსეთსა და უკრაინაში იყიდება. რა გამოწვევების წინაშე დგას სექტორი დღეს და როგორია ქართულ მწვანილზე მოთხოვნა მსოფლიო ბაზრებზე? #ახალიამბები #BusinessMediaGeorgia
#საქმიანიდილა - 3 მაისი - პროლოგი / “ჰეკლერ კოხის” ახალი იარაღი #ახალიამბები #BusinessMediaGeorgia
USAID-ის პროგრამის დამსაქმებლები პროფესიული განათლებისთვის და საქართველოს ბიზნეს ასოციაციასა და მის წევრ კომპანიებს შორის ხელშეკრულებას მოეწერა ხელი. USAID-ის პროგრამის დამსაქმებლები პროფესიული განათლებისთვის დაფინანსებით, საქართველოს ბიზნეს ასოციაცია გეგმავს ფინური პროფესიული განათლების საუკეთესო პრაქტიკის დანერგვას საქართველოში ინოვაციური პარტნიორული მოდელის პილოტირების გზით. აღნიშნული აქტივობის მიზანია საერთაშორისო პარტნიორის დახმარებით შეიქმნას სამეწარმეო უნარების განვითარების ახალი მოდელი, რაც დაეხმარება ასოციაციას გადაჭრას წევრი კომპანიების წინაშე არსებული გამოწვევა, კერძოდ, პროფესიული უნარების მქონე კადრების დეფიციტი. #ახალიამბები #BusinessMediaGeorgia
2 მაისს დაზღვევის დღე აღინიშნება. ეს სექტორი საქართველოში ორ ათეულ წელზე მეტია ვითარდება და წინ კიდევ დიდი გზა აქვს გასავლელი. ბაზარზე დღეისათვის 18 სადაზღვევო კომპანიაა წარმოდგენილი, 326 მილიონიანი კაპიტალით. გასულ წელს სადაზღვევო ბაზარი 16%-ით გაიზარდა და კომპანიების მიერ პრემიის სახით მოზიდულმა თანხამ 773 მილიონი ლარი შეადგინა. გაზრდილი შემოსავლების მიუხედავად, სადაზღვევო ბაზრისთვის 2021 წელი მოგების მხრივ არც ისე წარმატებული აღმოჩნდა. კომპანიების წმინდა მოგება 40 მლნ ლარს შეადგენდა. წლიურ ჭრილში კლება თითქმის 8 მილიონი იყო. ყველაზე მოთხოვნადი დაზღვევა ჯანმრთელობის დაზღვევაა, თუმცა საქართველოს მოსახლეობის მხოლოდ 17% სარგებლობს ამ პროდუქტით, რაც უკვე იძლევა დასკვნების საფუძველს. როგორ იცვლება და ვითარდება სადაზღვევო სექტორი საქართველოში? სტუმარი: დავით ონოფრიშვილი - დაზღვევის სახელმწიფო ზედამხედველობის სამსახურის ხელმძღვანელი; #ახალიამბები #BusinessMediaGeorgia
უკრაინაში მიმდინარე ომის პარალელურად შავ ზღვაში უკრაინის პორტები პრაქტიკულად გაჩერებულია, რუსეთის პორტები კი შეფერხებით მუშაობენ. რამდენიმე კვირაა რაც რუსეთის ერთ-ერთი უმსხვილესი პორტი, ნოვოროსისკი, ყაზახური ნავთობის გატარებაზე უარს აცხადებს, მიზეზად ერთი თვის წინ, შტურმის გამო დაზიანებული ინფრასტრუქტურა სახელდება. სწორედ ამ ავარიის გამო “კასპიის მილსადენის კონსორციუმმა” ყაზახური ნავთობის ტრანსპორტირება შეაჩერა. მილსადენის გამტარობა დღეში 1.1 მილიონი ბარელი, წელიწადში კი თითქმის 61 მილიონი ტონა იყო, აქედან უდიდესი ნაწილი - 53 მილიონი ტონა - ყაზახურ ნავთობზე მოდიოდა. სწორედ ეს იყო მთავარი სატრანსპორტო დერეფანი ყაზახური ნავთობისთვის. ნოვოროსისკის პორტში ავარიიდან ძალიან მალევე ყაზახურმა მხარემ ალტერნატიული გზების ძებნა დაიწყო. სხვათა შორის არსებობს ეჭვები, რომ რუსეთმა ავარიის შესახებ მოიტყუა, რათა ყაზახური ნავთობი ევროპაში არ გაეტარებინა. რუსული პორტის შეფერხებიდან ერთი კვირის თავზე საქართველოს, აზერბაიჯანს, თურქეთსა და ყაზახეთს შორის ხელი მოეწერა „ტრანსკასპიური აღმოსავლეთ-დასავლეთ შუა დერეფნის“ შესახებ ოთხმხრივ დეკლარაციას. მხარეები თანხმდებიან, რომ უნდა იზრუნონ ბაქო-თბილისი-ყარსის სარკინიგზო ხაზის გამტარუნარიანობის გაუმჯობესებაზე, ხაზი გაესვა სამშენებლო სამუშაოების დასრულების მნიშვნელობასაც. ოდნავ მოგვინებით, აპრილის დასაწყისშივე ცნობილი გახდა, რომ საქართველოში 3 მილიონამდე ტონა ყაზახური ნავთობის გატარებაა დაგეგმილი. ამ მოცულობის ნავთობმა ჩვენი ქვეყნის ტერიტორიაზე 2022-2023 წლებში უნდა გაიაროს, შემდეგ კი მოცულობები გაიზრდება. ასევე მიმდინარეობს მუშაობა ამ დერეფანში მშრალი და საკონტეინერო ტვირთის გადმომისამართებაზე. სტუმარი: ლევან სულაბერიძე - ყაზახურ-ქართული ეკონომიკური გაერთიანების ტრანსპორტისა და ლოგისტიკის კომიტეტის თავმჯდომარე; #ახალიამბები #BusinessMediaGeorgia