საქართველოს საბანკო სექტორი იანვარში - როგორ დაიწყო წელი? სტუმარი: ალექსანდრე ძნელაძე - საქართველოს საბანკო ასოციაციის პრეზიდენტი; #ახალიამბები #BusinessMediaGeorgia
კერძო სკოლებში გადასახადი იზრდება. ამის მთავარ მიზეზად წარმომადგენლები ინფლაციურ პროცესებს, დასაქმებულებისთვის ხელფასების ზრდასა და ინფრასტრუქტურული ცვლილებების საჭიროებებს ასახელებენ. კონკრეტულად, რომელი სკოლა რა მოცულობით ზრდის გადასახადს, რას ხმარდება ეს დაკორექტირებული თანხა და როგორია უკუკავშირი მომხმარებლების მხრიდან? #ახალიამბები #BusinessMediaGeorgia
გლობალურ მონაცემთა ბაზამ Numbeo, რომელიც ყოველწლიურად მსოფლიოს ქალაქებში ცხოვრების ხარჯების ინდექსს აანალიზებს, ამჟამად 389 ქალაქის მონაცემები შეისწავლა და 2024 წლის ცხოვრების ხარჯების ინდექსი ისეთი ინდიკატორების საფუძველზე დათვალა, როგორიცაა: სამომხმარებლო საქონლის, ბინის ქირის, კვების, კაფეებისა და რესტორნებში ვიზიტების, ასევე სატრანსპორტო მომსახურების ხარჯები. აღსანიშნავია, რომ მსოფლიოში ყველაზე ძვირადღირებულ ქალაქებს შორის თბილისი და ბათუმიც მოხვდა. რა შედეგები გვაქვს მეზობელ ქვეყნებთან შედარებით და რა ზოგად რომელ ქვეყნებშია ცხოვრების ხარჯების ინდექსი ყველაზე მაღალი? ლიკა მეგუთნიშვილი - #BMG-ის რეპორტიორი; #ახალიამბები #BusinessMediaGeorgia
მსოფლიოში შესაძლოა კაკაოს დეფიციტი შეიქმნას. ეს არის საკითხი, რომელიც ბოლო რამდენიმე კვირაა საერთაშორისო ბაზარზე აქტიურად განიხილება. შოკოლადისა და ტკბილეულის ბაზარზე არსებული მოთხოვნა გაცილებით უფრო სწრაფად იზრდება, ვიდრე მიწოდება, რის გამოც, მწარმოებლები შიშობენ. პანიკა, მყისიერად აისახება სასაქონლო ბირჟაზე, სადაც ერთი ტონა კაკაო, ამჟამად, $6,560-ად ივაჭრება - ასე ძვირად, კაკაო არასდროს გაყიდულა. ერთი წლის წინ, ტონა კაკაო $2,705 ღირდა, ანუ ერთ წელიწადში, ეს საქონელი 142%-ით გაძვირდა. კაკაოს დეფიციტის მიზეზი დასავლეთ აფრიკაში უნდა ვეძებოთ - რეგიონში, რომელიც კაკაოს გლობალური მიწოდების 70%-ის წარმოებაზე არის პასუხისმგებელი. სინოპტიკოსები, დასავლეთ აფრიკაში ამინდის მკვეთრ გაუარესებას ვარაუდობენ, რაც პირდაპირ აისახება მოსავალზე. ყველაზე დიდ დარტყმას, სავარაუდოდ, კოტ-დ'ივუარი და განა მიიღებენ, სადაც წლევანდელ სეზონზე კაკაოს მოსავლის 14-წლიან მინიმუმის მიღებას ვარაუდობენ. #ახალიამბები #BusinessMediaGeorgia
რომელია მსოფლიოში ყველაზე იაფი და ასევე ყველაზე ძვირადღირებული ვალუტა? - ამ კითხვაზე საპასუხოდ ფორბსი განახლებულ კვლევას აქვეყნებს, სადაც გაეროს მიერ ლეგალური გადახდის საშუალებად აღიარებული 180 ვალუტაა მიმოხილული და თითოეული მათგანის ღირებულება ამერიკულ დოლართან მიმართებით არის განხილული. როგორ გამოიყურება რეიტინგი, როგორ ყველაზე ძვირი, ისე იაფფასიანი ვალუტები? #ახალიამბები #BusinessMediaGeorgia
#საქმიანიდილა - 28 თებერვალი - პროლოგი #ახალიამბები #BusinessMediaGeorgia
ელექტრომობილების მწარმოებელმა უმსხვილესმა ჩინურმა კომპანიამ, BYD-მ საზოგადოებას ახალი თაობის ელექტრონული სუპერქარი წარუდგინა. მისი ფასი 235,000 დოლარიდან იწყება და მან კონკურენცია Ferrari-ს, Lamborghini-ს და McLaren-ის სუპერქარებს უნდა გაუწიოს. ამ ექსტრავაგანტური ავტომობილის სახელწოდებაა Yangwang U9 და ის ჩინური ინჟინერიის პიკია. 0-დან 100 კმ/სთ-მდე ასაჩქარებლად U9-ს 2 წამზე ნაკლები დრო დასჭირდება და მისი მაქსიმალური სიჩქარე 310 კმ/სთ-ს მიაღწევს. შედარებისთვის, მსგავსი შესაძლებლობების მქონე Ferrari დაახლოებით 3-ჯერ უფრო ძვირი ღირს, თუმცა, ცხადია, ამ ორი ბრენდის ერთმანეთთან შედარება აზრს მოკლებულია.როგორც ცნობილია, U9-ს ჯამური სიმძლავრე 1,306 ცხენის ძალას აღემატება და ის 1,680 ნიუტონ/მეტრ გაწევას გამოიმუშავებს. გარდა ამისა, ელექტრომობილი აღჭურვილია 800-ვოლტიანი არქიტექტურით, რაც მის სწრაფ დამუხტვას უზრუნველყოფს. თუკი BYD-ს დავუჯერებთ, სუპერქარს ერთი დამუხტვით 450 კილომეტრის გავლა შეეძლება, თანაც საკმაოდ მაღალი სიჩქარით. U9-სთან დაკავშირებით ყველაზე უცნაური თვისება მის დაკიდების სისტემას, DiSus-X-ს უკავშირდება, რომელიც ელექტრომობილს ახტომის, ცეკვის და მოსახვევში დაწოლის საშუალებას აძლევს. რამდენად ეფექტიანი იქნება ეს სისტემა Nürburgring-ზე, Spa-ზე ან Silverstone-ზე, ამას მხოლოდ დრო გვიჩვენებს. #ახალიამბები #BusinessMediaGeorgia
12 სთ-ზე იანდექსის ტაქსის მძღოლები საპროტესტო აქცია-მსველობას იწყებენ. მიზეზი ტარიფების ხშირი ცვლა და ბაზარზე გაურკვეველი ვითარებაა. სტუმარი: ლავრენტი ალანია - ტრანსპორტისა და გზების მუშაკთა პროფკავშირების თავმჯდომარე; #ახალიამბები #BusinessMediaGeorgia
„ორბი ჯგუფი“ თბილისში, ბახმაროს მრავალფუნქციური სასტუმრო კომპლექსის პროექტთან დაკავშირებით, სასტუმრო „შერატონ გრანდ თბილისი მეტეხი პალასში“ პრესკონფერენციას მართავს. პრესკონფერენციას „ორბი ჯგუფის“ გენერალური დირექტორი ირაკლი კვერღელიძე უძღვება, რომელიც ჟურნალისტებსა და საზოგადოებას, „ორბი ბახმაროს“ პროექტთან დაკავშირებით ინფორმაციას მიაწვდის. მასთან ერთად მედიის კითხვებს ბახმაროს პროექტის ავტორი, არქიტექტურული კომპანია WilkinsonEyre-ის პარტნიორი და დირექტორი სემ ვრაითი პასუხობს. ირაკლი კვერღელიძე - „ორბი ჯგუფის“ გენერალური დირექტორი; ბექა ბაციკაძე - #BMG-ის ჟურნალისტი; #ახალიამბები #BusinessMediaGeorgia
თანამედროვე სამყაროში მოთხოვნადი პროფესიების ჩამონათვალი იცვლება. განსაკუთრებით შესამჩნევი კი ტრადიციული პროფესიებიდან გადახრა და ახალ-ახალი მიმართულებების სულ უფრო დიდი პოპულარობა ხდება. სტუმარი: გიორგი ოდიშაშვილი - ილიას სახელმწიფო უნივერსიტეტის სასწავლო პროცესის მენეჯერი; #ახალიამბები #BusinessMediaGeorgia
საყოველთაო ჯანდაცვის სისტემით საქართველოს მოსახლეობის 94. 7 % -ია მოცული - ამის შესახებ ჯანმრთელობის ეროვნული სააგენტოს მიერ 2023 წლის ანგარიშშია საუბარი. დოკუმენტის თანახმად, გასულ წელს 1.3 მლრდ ლარით 2 823 000 სამედიცინო შემთხვევა მილიონამდე ადამიანს დაუფინანსდა. უწყების შეფასებით, გასულ წელს დაინერგა სამედიცინო დაწესებულებების დიაგნოზთან შეჭიდული ჯგუფებით დაფინანსების (DRG) სამართლიანი მოდელი, რომლისთვისაც ბიუჯეტიდან ბიუჯეტი - 749 758 137 ლარი გამოიყო. შედეგად, 488 615 სამედიცინო შემთხვევა დაფინანსდა, მომსახურება კი357 000 პირს გაეწია. DRG სისტემის დანერგვის შედეგად პაციენტების თანაგადახდა 27%-დან 10%-მდე შემცირდა. მნიშვნელოვანია, რომ სისტემის დანერგვის შემდეგ, ბენეფიციარის მიერ გადასახდელი თანხა 62%-ით შემცირდა. სტუმარი: ნინო მირზიკაშვილი - ილიას უნივერსიტეტის ასოცირებული პროფესორი, ჯანდაცვის ექსპერტი; #ახალიამბები #BusinessMediaGeorgia
საქართველოს მოქალაქეები ჩინეთში უვიზოდ ჩასვლას შეძლებენ - ამის შესახებ საქართველოს პრემიერ-მინისტრმა ირაკლი კობახიძემ გუშინდელი მთავრობის სხდომაზე განაცხადა. გადაწყვეტილება საქართველოსა და ჩინეთს შორის გასულ წელს ხელმოწერილი სტრატეგიული პარტნიორობის შეთანხმების მორიგი უმნიშვნელოვანეს პრაქტიკულ შედეგად შეფასდა. კონკრეტულად როდის შეძლებენ საქართველოს მოქალაქეების 30დღით ჩინეთში უვიზოდ გაჩერებას ჯერ არ კონკრეტდება, თუმცა მოლოდინია, რომ ეს ასახვას სავაჭრო-ეკონომიკური კუთხით იქონიებს, რადგან ჩინეთი საქართველოს მნიშვნელოვანი სავაჭრო-ეკონომიკური პარტნიორია. ჩინეთის მიმართულებით რეისების რაოდენობის ზრდას ელოდებიან ტურისტული კომპანიები, რომლებიც გადაწყვეტილების ეფექტზე საუბრისას განმარტავენ, რომ ავიარეისების დამატების პირობებში. მოსალოდნელია ბილეთებზე ფასების შემცირებაც. ჩინეთის მოქალაქეებისთვის უვიზო რეჟიმი 2023 წლის 11 სექტემბრიდან ამოქმედდა. ამასთან, საქართველო-ჩინეთს შორის სტრატეგიული პარტნიორობის შესახებ ხელშეკრულება 2023 წლის ივნისში გაფორმდა. რა ასახვა ექნება ტურისტული მიმართულებით გადაწყვეტილებას? სტუმარი: გიორგი დოლიძე - სასტუმრო ბიზნესის კონსულტანტი; #ახალიამბები #BusinessMediaGeorgia
AdWise ჯგუფში სულ რამდენიმე დღის წინ დაისტარტა, ეტიკეტების ბეჭდვის სრულიად ახლებური მიმართულება. Konica Minolta-სთან ერთად, AdWise-ის გუნდმა, საქართველოს ბაზარს შესთავაზა ახალი და უნიკალური, ეტიკეტის ბეჭდვისა და შემდგომი დამუშავების ტექნოლოგია, რომელიც სიახლეა როგორც ქართული ბაზრისთვის, ასევე სრულიად რეგიონისთვის. რას გულისხმობს ახალი ტექნოლოგია სარეკლამო ბიზნესისთვის და რა უპირატესობაა აქვს ციფრულ ტექნოლოგიას? სტუმრები: რევაზ ჯამაგიძე - „Konica Minolta საქართველოს“ რეგიონალური დირექტორი; ბექა ბუბუტეიშვილი - „AdWise ჯგუფის“ თანადამფუძნებელი; გიორგი გალუაშვილი - „Konica Minolta საქართველოს“ სერვისისა და IPP მიმართულების ხელმძღვანელი; ანუკი ბუბუტეიშვილი- „AdWise ჯგუფის“ დირექტორი; #ახალიამბები #BusinessMediaGeorgia
Galt & Taggart - გალტ & თაგარტი: გლობალური ბაზრების ყოველკვირეული მიმოხილვა / Global Markets Weekly Update სტუმარი: თაკო ჯინჭარაძე - Galt&Taggart;-ის ტრეიდერების ჯგუფის უფროსი; #ახალიამბები #BusinessMediaGeorgia
Galt & Taggart-ი: საქართველოს ეკონომიკის მიმოხილვით ლაშა ქავთარაძე სტუმარი: ლაშა ქავთარაძე - Galt & Taggart-ის ეკონომისტი; #ახალიამბები #BusinessMediaGeorgia
„თეგეტა ჰოლდინგის“ შვილობილმა კომპანიამ Europcar-მა გასული წელი წარმატებით დაასრულა და შემოსავლების ნაწილში 30%-იანი ზრდა აჩვენა. Europcar Georgia „თეგეტა ჰოლდინგში“ შემავალი კომპანიაა, რომელიც 2020 წლიდან ბრენდის ექსკლუზიური წარმომადგენელია საქართველოში. კომპანია მომხმარებლებს სთავაზობს როგორც ავტომობილების დღიურ გაქირავებას, ისე საოპერაციო ლიზინგსა, სატრანსპორტო მომსახურებას და ავტო საბსქრიფშენ სერვისს.Europcar Georgia ორიენტირებულია არამხოლოდ ქართული, არამედ უცხოური ბაზრების ათვისებაზე, რადგან რეგიონული გაფართოება სტრატეგიის მნიშვნელოვანი ნაწილია. სტუმარი: სანდრო საყვარელიძე - Europcar-ის დირექტორი #ახალიამბები #BusinessMediaGeorgia
BMG და Tegeta Holding-ი წარმოგიდგენთ #BMGAuto-ს:
კომპანია "ქაფრინა" ქართულ ბაზარზე 2018 წლიდან ოპერირებს, რომელიც საერთაშორისო ჰოლდინგის ნაწილია. აღნიშნული ჰოლდინგი სამუშაოებს აწარმოებს ისეთ ქვეყნებში, როგორიცაა კანადა, ლუქსემბურგი, ჩინეთი, ირანი, ომანი და მათ რიგებშია საქართველოც. კომპანია მუდმივად მზარდია და ამბიციური გეგმებია საქართველოსთან მიმართებითაც. თბილისში უკვე 2 დასრულებული საცხოვრებელი კორპუსია. ახლა მიმდინარეობს 1 კორპუსის მშენებლობა და რიგით მესამე პროექტს კი ქაფრინა 3 თვეში დაიწყებს. სტუმარი: გვანცა ჟორჟოლიანი - კომპანია "ქაფრინას" საქართველოს ოფისის აღმასრულებელი დირექტორი, სამეთვალყურეო საბჭოს წევრი; #ახალიამბები #BusinessMediaGeorgia
"აჭარისწყალი ჯორჯიას" სოციალური პროექტები #ახალიამბები #BusinessMediaGeorgia
სოფლის განვითარების სააგენტო თხილის წარმოების ხელშეწყობის პროგრამის ფარგლებში აგროქულების მიზნობრივ ხარჯვას გაუწევს მონიტორინგს - ინფორმაციას სააგენტო ავრცელებს. აქვე გეტყვით, რომ თხილის წარმოების ხელშეწყობის სახელმწიფო პროგრამა თხილის მოვლა-მოყვანისთვის საჭირო აგროქიმიკატებისა და პესტიციდების ღირებულების სუბსიდირებას ითვალისწინებს. პროგრამა გასულ წელს ამოქმედდა. სწორედ 2023 წლის პრაქტიკამ აჩვენა ხარვეზები, რომელთა აღმოსაფხვრელად კონტროლის მექანიზმის საჭიროება დადგა. როგორ აფასებენ სექტორის წარმომადგენლები ინიციატივას და როგორ გაკონტროლდება სუბსიდირების მიზნობრიობა? მარიამ იზორია - #BMG-ის ჟურნალისტი; #ახალიამბები #BusinessMediaGeorgia
ბიზნეს ასოციაცია წევრ კომპანიებში ვიზიტს განაგრძობს. BAG-ის წარმომადგენლები ამჯერად კომპანია LSG Solutions-ში იმყოფებოდნენ, სადაც კომპანიის წარმომადგენლებისგან მიმდინარე სიახლეებისა თუ სამომავლო გაფართოების შესახებ დეტალური ინფორმაცია მიიღეს. LSG Solutions ეს არის სამშენებლო პროექტების მართვის მრავალწლიანი გამოცდილებისა და კომპეტენციის მქონე პროფესიონალების დაკომპლექტებული კომპანია, რომელიც ბაზარზე 2020 წლიდან გამოჩნდა. კომპანია დამკვეთს, პროექტირებას და მშენებლობის მენეჯმენტის სრულს სერვისს სთავაზობს და ამასთან პროცესში არაერთ ინოვაციურ ტექნოლოგიას იყენებს. ერთ-ერთი ასეთი BIM ანუ Building Information Modeling ტექნოლოგიაა, რომელიც საშუალებას იძლევა სამშენებლო პროექტის განხორციელების ყველა ეტაპზე მშენებლობაში ჩართულმა მხარეებმა პროექტი 3D ფორმატში იხილონ. აღნიშნული ტექნოლოგიის გამოყენება, სამშენებლო პროცესის გამარტივებასთან ერთად, LSG Solution-ის დამკვეთებს მნიშვნელოვნად უზოგავს როგორც დროით ისე ფინანსურ რესურსს. #ახალიამბები #BusinessMediaGeorgia
#საქმიანიდილა - 27 თებერვალი - პროლოგი #ახალიამბები #BusinessMediaGeorgia
საქართველოში მცირე მეურნეობები არანაირი ტიპის კონტროლს არ ექვემდებარება რაც ბაზარზე პესტიციდებით გაჯერებული პროდუქციის სიმრავლეს იწვევს. სტრატეგიული კვლევებისა და განვითარების ცენტრში აცხადებენ, რომ იმპორტირებულთან შედარებით ამ მხრივ მდგომარეობა უფრო მძიმე ადგილობრივ ნაწარმშია. საქართველოში არსებული ნორმების მოთხოვნები, ევროკავშირში არსებულ მოთხოვნას პესტიციდების შემცველობასთან დაკავშირებით ჯერ კიდევ მნიშვნელოვნად ჩამორჩება, რისი მიზეზიც ვეტერინარული პრეპარატების გამოყენებასთან მიმართებით ცნობიერების დაბალი დონეა. სტუმარი: ვახტანგ კობალაძე - სტრატეგიული კვლევების და განვითარების ცენტრის მომხმარებლის უფლებების დაცვის პროგრამის ხელმძღვანელი; #ახალიამბები #BusinessMediaGeorgia
IT აკადემია STEP-მა უკვე მეორე წელია რაც Adobe-ის მსოფლიო ჩემპიონატში გრაფიკულ დიზაინში მონაწილეობის მიღების უფლება მიიღო. Adobe Certified Professional World Championship - გლობალური შეჯიბრია, რომელიც ყოველწლიურად აშშ-ში იმართება. გასული წლის ჩემპიონატში, მსოფლიოს 47 ქვეყანასთან ერთად, საქართველო პირველად მონაწილეობდა და საუკეთესო ხუთეულშიც მოვხვდით.მსოფლიო ჩემპიონატში მონაწილეობისთვის, საწყის ეტაპზე საჭიროა რეგიონული ჩემპიონატის ჩატარება. ყველას ვინც არის 14-23 წლის შუალედში და მუშაობს ფოტოშოპში ან/და ილუსტრატორში, შეუძლია მიიღოს მონაწილეობა, ჩააბაროს Adobe-ს საერთაშორისო სასერტიფიკატო გამოცდა, მაღალი ქულების მიღების შემთხვევაში ჩაერთოს რეგიონალურ ჩემპიონატში და მოიპოვოს გამარჯვება. რეგიონული ჩემპიონატიდან 3 საუკეთესო ნამუშევრის შემოქმედი მიიღებს საერთაშორისო ჩემპიონატში მონაწილეობის უფლებას და გაემგზავრებიან აშშ-ში საქართველოს სახელით და იბრძოლებენ გამარჯვებისთვის. სტუმრები: გვანცა კილასონია - PR მენეჯერი, IT აკადემია STEP; ლაშა ცაგარეიშვილი - შემოქმედებითი ხელმძღვანელი, IT აკადემია STEP; #ახალიამბები #BusinessMediaGeorgia
"ჩვენი მხრიდან არსებობს მაქსიმალური სურვილი, გაღრმავდეს სტრატეგიული პარტნიორობა, როგორც აშშ-სთან, ისე ჩინეთთან"- ამის შესახებ საქართველოს პრემიერ-მინისტრმა ირაკლი კობახიძემ გასული კვირის ბოლოს მთავრობის ადმინისტრაციაში გამართულ ბრიფინგზე განაცხადა. ბრიუსელიდან დაბრუნებული მთავრობის მეთაური ამბობს, რომ ორივე ზე სახელმწიფოსთან აუცილებელია როგორც პოლიტიკური, ისე ეკონომიკური ურთიერთობების გაღრმავება. მისივე თქმით, აშშ-სთან ურთიერთობის კუთხით, წლების განმავლობაში გარკვეული სისუსტეები შეინიშნებოდა. წლებია აშშ-სა და საქართველოს შორის უმაღლესი დონის ვიზიტები არ შემდგარა, ამასთან, სისუსტე იყო პროტოკოლურ საკითხებში. პრობლემაა ისიც, რომ ამ ორ ქვეყანას შორის არ არის პირდაპირი ფრენები და უვიზო მიმოსვლა, რაც გასაუმჯობესებელია. საკითხთან მიმართებით შეხვედრა უკვე შედგა აშშ-ს ელჩთანაც. „აშშ, როგორც ჩვენი მთავარი სტრატეგიული პარტნიორი, ყოველთვის მხარს უჭერდა საქართველოს მრავალი მიმართულებით. ევროკავშირში ინტეგრაციის პროცესი ასევე ხელს შეუწყობს ამერიკის ბიზნესსა და საქართველოს შორის თანამშრომლობას და მეგობრულ ურთიერთობებს“, - ამ შინაარსის განაცხადა პირველმა ვიცე-პრემიერმა, ეკონომიკისა და მდგრადი განვითარების მინისტრმა საქართველოში ამერიკის სავაჭრო პალატის წევრებთან გამართულ შეხვედრაზე სიტყვით გამოსვლისას გააკეთა. მისი თქმით, ხელისუფლება მზად არის აშშ-სთან არსებული პარტნიორობა ხარისხობრივად ახალ დონეზე ავიდეს. სტუმარი: გიგი გიგიაძე - ეკონომიკური პოლიტიკის კვლევის ცენტრის (EPRC) უფროსი მკვლევარი, საგარეო საქმეთა მინისტრის ყოფილი მოადგილე; #ახალიამბები #BusinessMediaGeorgia
#ავიაციისსიახლეები: თელავის აეროპორტის დიზაინის კონკურსში არქიტექტორმა გიორგი ხმალაძემ გაიმარჯვა; თბილისის აეროპორტში მორიგი ინფრასტრუქტურული პროექტი დასრულდა; ივნისიდან Jazeera Airways-ი ელ-ქუვეითიდან ბათუმის მიმართულებით იფრენს; იანვარში Airbus-ის შეკვეთები 26-ჯერ შემცირდა; ჩინეთი Boeing-ისა და Airbus-ის კონკურენტი თვითმფრინავის წარსადგენად ემზადება; იტალიაში ახალი აეროპორტი გაიხსნება კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ახალიამბები #BusinessMediaGeorgia
თემაზე, რომელიც ბოლო წლებში მსოფლიოში და მათ შორის საქართველოშიც, მზარდი ტენდენციით გამოირჩევა. საუბარია ენდოკრინოლოგიურ დაავადებებზე. შაქრიანი დიაბეტი, ფარისებრი ჯირკვლის პათოლოგიები, მეტაბოლური სინდრომი, რეპროდუქციული სისტემის სხვადასხვა დარღვევა, სიმსუქნე - ეს იმ დაავადებათა არასრული ჩამონათვალია, რომელიც ენდოკრინოლოგს მის ყოველდღიურ პრაქტიკაში ხვდება. სწორედ ამიტომ მნიშვნელოვანია პერიოდული ვიზიტი ექიმთან და მის მიერ დანიშნული სადიაგნოსტიკო პროცედურების ჩატარება. კლინიკა „ენმედიცს“, ფარისებრი ჯირკვლის დაავადებებთან ბრძოლის მრავალწლიანი გამოცდილება აქვს. სტუმარი: ნათია ქათამაძე - "ენმედიცის" ენდოკრინოლოგი; #ახალიამბები #BusinessMediaGeorgia
ბუღალტრული და ფინანსური მომსახურების კომპანია ენთებმა ახალი საოფისე სივრცე გახსნა. კომპანიამ თავის საჭიროებებზე მორგებული, ახალი ტექნოლოგიებით აღჭურვილი ოფისი უფრო მეტი კლიენტისთვის სრულყოფილი მომსახურების გაწევის მიზნით აამოქმედა და როგორც ამბობენ, ის ოთხასამდე კლიენტ კომპანიის მოემსახურება, თუმცა მისი გამტარუნარიანობა ბევრად მეტ კლიენტზეა გათვლილი. სივრცე როგორც სამუშაო ისე გასართობი სივრცეებითაა აღჭურვილი. სტუმარი: მარიამ კახიძე - “ენთების” კომერციული დირექტორი; #ახალიამბები #BusinessMediaGeorgia
სამშენებლო კომპანია - ანაგს, არქიტექტურულ კომპანია - არტსტუდიო პროექტსა და სამშენებლო პროექტების მართვის კომპანია - სიემსის შორის ურთიერთთანამშრომლობის მემორანდუმი გაფორმდა. ერთობლივი შეთანხმებით, კომპანიებმა დააანონსეს სამომავლო პროექტი, რომლის მართვას, პროექტირებას და მშენებლობას ერთობლივად, BIM-ის გამოყენებით გეგმავენ. სტუმრები: თორნიკე კუჭავა - "ანაგის" საინვესტიციო დირექტორი; ნინო მესაბლიშვილი - CMC, ბიზნესისა და ორგანიზაციული განვითარების დირექტორი; გიორგი სულაბერიძე - ARTSTUDIO-ს დამფუძნებელი; #ახალიამბები #BusinessMediaGeorgia
ლონდონში BAFTA 2024 ცერემონია უკვე ჩატარდა და გამარჯვებული ფილმები, მსახიობები, თუ რეჟისორები გახდა ცნობილი. BAFTA 2024 რიგით 77-ე ცერემონია იყო და ამ სეზონისთვის გამორჩეული კინო დაჯილდოების ბოლოს წინა გაჩერება, რადგან ტრადიციაა, რომ ოქროს გლობუსის დაჯილდოების შემდეგ, ტარდება BAFTA-ს ცერემონია და მესამე და დამაგვირგვინებელი ფინალი ოსკარის დაჯილდოებაა, რომელიც წელს 10 მარტს შედგება. #ახალიამბები #BusinessMediaGeorgia
TKT.GE-ის აფიშა: საქართველო-რუმინეთის ნახევარფინალი; DJ karaba რესტორან Queen-ის გახსნაზე; TO-ს 12 აპრილის ბილეთების გაყიდვა დაიწყო; Mono Hall Lucky Love-ს უმასპინძლებს; სპექტაკლი ვასო აბაშიძის თეატრში; #ახალიამბები #BusinessMediaGeorgia
გასული უქმეები, მნიშვნელოვანი თარიღი იყო, ბუნებრივი ღვინის მწარმოებლებისთვის, რადგან, 23-დან 25 თებერვლის ჩათვლით, პორტუგალიის ქალაქ პორტოში, ბუნებრივი ღვინოების საერთაშორისო გამოფენა Simplesmente Vinho გაიმართა, სადაც ქვევრის ღვინის მწარმოებელი მარნებმა პროდუქცია პორტუგალიაში პირველად წარადგინეს. გამოფენაზე, საქართველო, სპეციალური სტატუსით - ღვინის სამშობლო ქვეყანა! - ასე იყო წარმოდგენილი და ჯამში, 11-მა კომპანიამ მიიღო მონაწილეობა. გასული უქმე დღეები თუ ქართული ღვინის მწარმოებლებმა ევროპაში გაატარეს, ამ მხრივ არც საქართველოს დაუკარგავს დრო და ამჯერად, მეღვინეობამ იაგოს ღვინომ - ამერიკელ იმპორტიორებს, რითეილერებს, დისტრიბუტორებსა და სომელიეებს უმასპინძლა. USAID-ის მხარდაჭერით, ამერიკელები ქართულ, ბუნებრივ ღვინოს გაეცნენ. დეგუსტაციაზე ბუნებრივი ღვინის ასოციაციის წევრი მწარმოებლები იყვნენ წარმოდგენილები. ღონისძიების მთავარი მიზანი ქართული ღვინის ისეთ ბაზრებზე გატანაა, როგორიც ამერიკის შეერთებული შტატებია. როგორ ჩაიარა ღონისძიებამ და რა არის შემდეგი ნაბიჯები - ამერიკის ბაზრამდე? #ახალიამბები #BusinessMediaGeorgia
თიბისი კაპიტალმა, 2024 წლის მაკროეკონომიკური მოლოდინები და 5 მთავარი თემა, ქართულენოვანი აუდიტორიის შემდეგ, საერთაშორისო პარტნიორებს წარუდგინა. ღონისძიება სასტუმროში Swissotel Tbilisi ჩატარდა, რომელიც, თიბისის მხარდაჭერით, რამდენიმე დღის წინ, ქალაქის ისტორიულ ნაწილში გაიხსნა და რომლისთვისაც პირველი ღონისძიება სწორედ თიბისი კაპიტალის საერთაშორისო პარტნიორებთან შეხვედრა იყო. ღონისძიებას ესწრებოდნენ დიპლომატიური კორპუსის, საერთაშორისო საფინანსო ინსტიტუტების, საერთაშორისო არასამთავრობო ორგანიზაციებისა და მსხვილი საერთაშორისო კომპანიების წარმომადგენლები. ღონისძიებაზე ის მოვლენები მიმოიხილეს, რომლებიც 2024 წელს საქართველოს ბიზნესკლიმატს განსაზღვრავს: რთული გეოპოლიტიკური გარემო; არჩევნების ციებ-ცხელება მსოფლიოში; საქართველოში მიგრაციული ნაკადების ცვლილება და სამუშაო ძალის დეფიციტი; საპროცენტო განაკვეთები და ინფლაცია. დისკუსიის ფორმატში, თიბისი ჯგუფის მთავარ ეკონომისტთან ერთად, აქტუალურ საკითხებზე ისაუბრეს შემდეგი კომპანიების წარმომადგენლებმა: Silk Road Group, Cosco Shipping და m². 2024 წელს, თიბისი კაპიტალი, კვლევების მიმართულებით, ახალ ეტაპზე გადადის და სექტორების ზოგად მიმოხილვასთან ერთად, ბიზნესის მხრიდან დასახელებულ კონკრეტულ კითხვებს სცემს პასუხს. #ახალიამბები #BusinessMediaGeorgia
#საქმიანიდილა - 26 თებერვალი - პროლოგი #ახალიამბები #BusinessMediaGeorgia
TOP-10 უნივერსიტეტი საქართველოში #ახალიამბები #BusinessMediaGeorgia
ალ კაპონეს ბრონირებული მწვანე კადილაკი £792.000-ად #ახალიამბები #BusinessMediaGeorgia
მსოფლიოს ყველაზე დიდი გველის ახალი სახეობა - მწვანე ანაკონდა ამაზონის ჯუნგლებში #ახალიამბები #BusinessMediaGeorgia
„უმნიშვნელოდ გაუარესებული განწყობები“ - ასეთია ISET-ის კვლევითი ინსტიტუტის მიერ დღეს გამოქვეყნებული ბიზნესის განწყობის ინდექსის შეფასება. დოკუმენტში ბიზნესის მოლოდინების ინდექსიცაა წარმოდგენილი, რომელიც გვიჩვენებს, რამდენად ოპტიმისტურად არის განწყობილი ბიზნესსექტორი მომავლის მიმართ, აღნიშნული 34.8 პუნქტამდე შემცირდა. 2024 წლის I კვარტალისთვის მოლოდინების საგრძნობლად ვაჭრობის (-23.8) და მრეწველობის (-8.2) სექტორებში შემცირდა. გასაყიდი ფასების მოლოდინების ინდექსი მცირედით, 0.8-ით გაიზარდა და 18.4 პუნქტს მიაღწია. „ეს მაჩვენებელი გვიჩვენებს, რომ ბიზნესების წილი, რომელიც მომდევნო სამ თვეში ვარაუდობს ფასის მატებას საკუთარ პროდუქტზე, მცირედით გაიზარდა“, - ნათქვამია ISET-ის მიმოხილვაში. ISET-ის მიხედვით, 2024 წლის I კვარტალისთვის, მსხვილი ბიზნესებისთვის მთავარ გამოწვევას კვალიფიციური სამუშაო ძალის სიმცირე და ფინანსებზე ხელმისაწვდომობა წარმოადგენს. რაც შეეხება მცირე და საშუალო კომპანიებს, მათთვის საქმიანობის მთავარი შემზღუდველი ფაქტორები ფინანსებზე ხელმისაწვდომობა და მოთხოვნის სიმცირეა. სტუმარი: გიორგი პაპავა - ISET-ის კვლევითი ინსტიტუტის წამყვანი ეკონომისტი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
საქართველოს სტრატეგიული ანალიზის ცენტრი ანალიტიკურ ორგანიზაცია “ჯეოქეისთან” ერთად აგრძელებს „ეროვნული თანხმობის აკადემიური პლატფორმის“ მეორე ფაზას. პროექტის მიზანია ხელი შეუწყოს ქართულ საზოგადოებაში პოლარიზაციისა და რადიკალიზაციის შემცირებას. ეს გახლავთ პრეცედენტი თანამშრომლობის, რომელიც ცხადყოფს, რომ განსხვავებული შეხედულებების მქონე ორ მხარეს შეუძლია გამოწვევების წინაშე საერთო ხედვის შემუშავება და თანამშრომლობა. პროექტის II ეტაპი მიზნად ისახავს აკადემიური და სამოქალაქო საზოგადოების წევრების ჩართულობის გაზრდას, ასევე საზოგადოების სხვადასხვა წარმომადგენლების შემდგომ ჩართულობას დეპოლარიზაციისა და რადიკალიზაციის შემცირების პროცესში. პროექტის ფარგლებში იგეგმება შემდეგი აქტივობები: თემატური დისკუსიები სამოქალაქო საზოგადოების წარმომადგენლებსა და აკადემიურ წრეებთან ევროინტეგრაციისა და დემოკრატიის შესახებ. შეხვედრები ჩატარდება საქართველოს 9 ქალაქში: თბილისი, ქუთაისი, ბათუმი, ზუგდიდი,თელავი, ახალქალაქი, ახალციხე, გორი, მარნეული; შეხვედრები გაიმართა-ახალქალაქში და ზუგდიდში. მარტის განმავლობაში გაგრძელდება შეხვედრები დარჩენილ ქალაქებში. პროექტის ფარგლებში გაიმართება დისკუსიები მედია მენეჯერებთან ; ჩატარდება ტრენინგები ჟურნალისტებისთვის პოლარიზაციის მნიშვნელობაზე; პროექტი ხორციელდება ამერიკის შეერთებული შტატების საელჩოს ფინანსური მხარდაჭერით. სტუმრები: თორნიკე შარაშენიძე - GSAC-ის თანადამფუძნებელი, დოქტორი; გიორგი ანთაძე - "ჯეოქეისის" თავდაცვის და უსაფრთხოების მიმართულების მკვლევარი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
მსოფლიოში რეგისტრირებული ავტომობილების ყველაზე დიდი წილი 18%-ი ამერიკის შეერთებულ შტატებზე მოდის. ამ ბაზარზე ჯამში 200 მილიონზე მეტი ავტომობილია რეგისტრირებული. თუმცა რეიტინგი განსხვავებულია მაშინ, როცა სია ერთ სულ მოსახლეზე ავტომობილთა მფლობელების რაოდენობას ეხება. საავტომობილო მანქანების მწარმოებელთა საერთაშორისო ორგანიზაციის (OICA) მონაცემებზე დაყრდნობით, ერთ სულ მოსახლეზე ყველაზე მეტი ავტომობილი ახალ ზელანდიაშია რეგისტრირებული. კიდევ რომელი ქვეყანა ამ მიმართულებით ლიდერ პოზიციაზე და რას ამბობს მანქანების მწარმოებელთა საერთაშორისო ორგანიზაციის მონაცემები? #ახალიამბები #BusinessMediaGeorgia
საქართველოში მსუბუქი ავტომობილების იმპორტი 48.1%-ით შემცირდა. შემცირებულია ექსპორტის ზრდის ტემპიც და 2024 წლის იანვარში 7.4% შეადგინა. მიუხედავად იმისა, რომ ავტომობილები კვლავ ექსპორტ-იმპორტის სიის სათავეშია, კლების ტენდენცია პანდემიის შემდეგ პირველად დაფიქსირდა. სტატისტიკის სამსახურის მიერ გამოქვეყნებული მონაცემების თანახმად, საქართველოში იანვრის 1 მილიარდიან იმპორტში ავტომობილების წილი 10.1% იყო. ჯამში ქვეყანაში 101.4 მლნ აშშ დოლარის ავტომობილები შემოვიდა. რაც შეეხება ექსპორტს, რომელიც იანვარში $338 მილიონზე მეტი იყო, საიდანაც 112 მლნ დოლარის ღირებულების ავტომობილები იყო. ავტომობილების ექსპორტი გასული წლის იანვრის მაჩვენებელს 7.4%-ით აღემატება. ამგვარად საექსპორტო საქონლის ჩამონათვალში ავტომობილების რეექსპორტრმა 33.1%-ით პირველი ადგილი დაიკავა. საექსპორტო ქვეყნების რეიტინგი კი ასეთია: ყირგიზეთ; ყაზახეთი; აზერბაიჯანი; სომხეთი; ტაჯიკეთი. შარშან სექტემბერში, საქართველო შეუერთდა სანქციებს, რომლის მიხედვითაც, რუსეთში მსუბუქი ავტომობილების რეექსპორტი აიკრძალა. გასულ წელის იანვარში კი, საქართველოდან რუსეთში რეექსპორტზე 7 მლნ-ს ავტომობილები გადაიყიდა. ამასთან, იაპონიიდან შემცირებული იმპორტის მიზეზი შესაძლოა, წითელი ზღვის კრიზისიც იყოს, რომლის გამოც, აზიიდან ევროპაში საქონლის მიწოდების დრო საშუალოდ 15 დღით, ხოლო ტარიფები 400%-ით გაიზარდა. რუსეთის მთავრობა ქვეყანაში ავტომობილების „რუხი“ იმპორტის გაზრდილი მაჩვენებლის შემცირებას და ადგილობრივი ბაზრის დაცვას ცდილობს. ახალი წესების მთავარი არსი ევრაზიული კავშირიდან განბაჟებული ავტომობილების შემყვანებსა და იმ იმპორტიორებს შორის თანაბარი პირობების შექმნაა, რომლებიც ავტომობილებს რუსეთში ანბაჟებენ. სტუმარი: ალექსანდრე ვეკუა - "კავკასიის ავტოიმპორტის" კომერციული დირექტორი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
BMG & Jeep Georgia წარმოგიდგენთ #BMGDRIVE-ს: „ტურისტული ბიზნესი ძალიან სპონტანური გახდა“; „2023 წელს მარნეულში გაცილებით მეტი ტურისტული ვიზიტი დაფიქსირდა, ვიდრე ქუთაისში“; მეტეხის ისტორია; #BMGDrive-ის მგზავრი: ალექსანდრე გიორგიძე - ტურისტული კომპანია AG TRAVEL & ADVENTUR-ის დამფუძნებელი; ავტორები: ბექა ბაციკაძე, ედგარ ყაზახაშვილი, კაკი პაიჭაძე #ახალიამბები #BusinessMediaGeorgia
გუშინ საღამოს „ეფეს საქართველო“ ახალი კრაფტ ლუდის „ტაატი NEIPA“ პრეზენტაცია გამართა, რაც იმას ნიშნავს, რომ პრემიუმ კრაფტ ლუდის „ტაატის“ ბრენდს დაემატა ახალი სახეობა „ტაატი NEIPA”, შედეგად ბრენდის პორტფელში შედის 2 სახეობა: კარგად ნაცნობი „ტაატი NEW ZEALAND PILS” და „ტაატი NEIPA”. ლუდი მზადდება შეზღუდული რაოდენობით, სპეციალურ დანადგარებში. შესაბამისად, მისი ხელმისაწვდომობაც შეზღუდულია. „ტაატი NEIPA” ხელმისაწვდომია 0.5 შუშის ბოთლში და გაიყიდება ქსელურ ობიექტებში. სტუმარი: ნიკოლოზ ხუნძაკიშვილი - „ეფეს საქართველოს“ კორპორაციულ საქმეთა დირექტორი; #ახალიამბები #BusinessMediaGeorgia
მომხმარებლად კლასიფიცირდება ის ადამიანი, რომელიც დღის განმავლობაში მინიმუმ 12 დოლარს ხარჯავს. მსოფლიოში ამჟამად მომხმარებელთა კლასში დაახლოებით 4 მილიარდი ადამიანი ერთიანდება, თუმცა, უახლესი კვლევების თანახმად, მომდევნო რამდენიმე წელში შესაძლოა სურათი საკმაოდ შეიცვალოს და გარკვეულ ქვეყნებში, მომხმარებელთა რიცხვი მნიშვნელოვნად შემცირდეს. რა მიზეზებს განიხილავენ ანალიტიკოსები? #ახალიამბები #BusinessMediaGeorgia
საქართველოს მთავრობა ახალ კანონპროექტზე მუშაობს, რომელიც საწვავის იმპორტიორებს ნავთობისა და ნავთობპროდუქტების სავალდებულო საგანგებო მარაგების შენახვას ავალდებულებს. აღნიშნული მიზნით, კანონპროექტის შესაბამისად დაწესდება შესაბამისი სუბიექტების უფლება/მოვალეობები და დადგინდება შესაბამისი პროცედურები. რა იცის ბიზნესმა ახალ ვალდებულებაზე? #ახალიამბები #BusinessMediaGeorgia
მიმდინარე კვირაში თიბისი კაპიტალმა ბიზნესპარტნიორებს 2024 წლის მაკროეკონომიკურ მოლოდინებთან ერთად 5 მთავარი თემა წარუდგინა. ეს ის მოვლენებია, რაც მათი შეფასებით, 2024 წელს საქართველოს ბიზნესკლიმატს განსაზღვრავს.5 ფაქტორი რაც მაკროეკონომიკურ პარამეტრებზე გავლენას ახდენს კაპიტალის პროგნოზებზე ასახული და გათვალისწინებულია. ამ დროისთვის თიბისი კაპიტალის პროგნოზით წელს ეკონომიკური ზრდა 5.6% და მომავალ წელს 5.4% ია ნავარაუდები. თიბისის პროგნოზებში რეფინანსირების განაკვეთი 8.25% - 8.5%-ია წლის ბოლომდე და მომავალი წლისთვის კიდევ 1 პროცენტული პუნქტით კლებას ვარაუდობენ. დოლართან მიმართებით ლარის კურსი საშუალოდ 2.75-ია პროგნოზში მითითებული. სტუმარი: ოთარ ნადარაია - თიბისის მთავარი ეკონომისტი; #ახალიამბები #BusinessMediaGeorgia
ტურისტულად პოპულარული ქალაქები ჭარბი ტურიზმის პრობლემის გადასაჭრელად ტურისტული გადასახადების შემოღების გზას მიმართავენ. ასეთი ქვეყნების სია მუდმივად მზარდია და 2024 წლის განმავლობაში კიდევ გაიზრდება. ტურისტული გადასახადებით ბიუჯეტი საკმაოდ დიდ სარგებელს ხედავს. თუმცა მნიშვნელოვანია თუ რა მიმართულებით ხდება ამ ფინანსების მიმართვა. რაში იხარჯება ტურისტებისგან მობილიზებული თანხები სხვადასხვა ქვეყანაში? #ახალიამბები #BusinessMediaGeorgia
თბილისში, ფრანგული, პრემიუმ ხარისხის ალკოჰოლური სასმელების მაღაზია Cavavin უკვე ოფიციალურად გაიხსნა. ეს არის სივრცე, რომელიც მომხმარებელს მთელი მსოფლიოდან 400 სახეობის ღვინის და ასევე სხვა ალკოჰოლური სასმელების ფართო არჩევანს სთავაზობს. კავივინ ჯორჯიეს კონცეფცია მხოლოდ მაღაზიას არ მოიცავს, მის სივრცეში ერთიანდება ბარიც, სადაც მომხმარებლებს მუდმივად საინტერესო კულტურულ, საგანმანათლებლო თუ შემეცნებითი ღონისძიებებით უმასპინძლებენ. ჭავჭავაძეზე კავავინ ჯორჯიეს პირველი მაღაზია უკვე გაიხსნა, ადგილზე მისულ სტუმრებს რა და როგორ დახვდებათ? სტუმრები: ნათია გელაშვილი - "ალკორიუსის" მარკეტინგის დეპარტამენტის ხელმძღვანელი; კლემენტ დევიდი - Cavavin-ის ექსპორტის და საერთაშორისო განვითარების მენეჯერი; საუბარს სინქრონულად თარგმნის NG Georgia #ახალიამბები #BusinessMediaGeorgia
ბრენდის ხმა - TIME ქეთი გაბიტაშვილი - TIME-ის გენერალური მენეჯერი; #BrandVoice #ბრენდისხმა #ახალიამბები #BusinessMediaGeorgia
სოფიო მაჭარაშვილის წლების უკან დაწყებული პროფესიული კარიერა დღემდე განათლების სფეროს უკავშირდება. პროფესიით ექიმ-პედიატრი უნივერსიტეტის დასრულებისთანავე სამუშაოდ, მამის მიერ 1992 წელს დაფუძნებულ, პროფესიულ კოლეჯში წავიდა და ოჯახურ ბიზნესს განვითარების მეტი საშუალება მისცა. 2014 წლიდან კი დამოუკიდებლად საქმიანობის გაგრძელება გადაწყვიტა და დღეს ბიზნესისა და ტექნოლოგიების აკადემიის დამფუძნებლის რანგში გვევლინება. როგორია სოფიო მაჭარაშვილის დამოუკიდებლად გაგრძელებული ოჯახური ბიზნესის ისტორია, რომელიც არ წასულა, დარჩა განათლებაში და დღეს თანამედროვე სტანდარტებს ამკვიდრებს. სოფიო მაჭარაშვილი - ბიზნესის და ტექნოლოგიების აკადემიის დამფუძნებელი; ბიზნესის ადმინისტრირების დოქტორი; #ახალიამბები #BusinessMediaGeorgia