#საქმიანიდილა - 10 ივნისი - პროლოგი #ახალიამბები #BusinessMediaGeorgia
სპეციალური ფასები და განვადების პირობები ჯიპის ცენტრისგან. 0%- დან თანამონაწილეობით მომხმარებელს შეუძლია ცენტრიდან სასურველი ავტომობილი გაიყვანოს და გადახდა 6 თვის შემდეგ დაიწყოს. რა სამოდელო რიგს გვთავაზობს ჯიპი, რა დამატებითი საჩუქრებია მომხმარებლებისთვის? ლევან ასანიშვილი - Jeep Georgia-ს გენერალური დირექტორის მოადგილე; #ახალიამბები #BusinessMediaGeorgia
მრავალწლიან ტრადიციას ბილ გეიტსმა არც წელს უღალატა და საკუთარ ბლოგში იმ ხუთი წიგნის შესახებ დაწერა, რომელთა წაკითხვას მის გამომწერებს ამ ზაფხულს ურჩევს. გეიტსის რჩეული წიგნების უმრავლესობა არამხატვრული ჟანრისაა – თემატურად ისინი შეეხება როგორც კლიმატის ცვლილებების შედეგებს, ასევე გენდერულ სიძლიერეს და ამერიკის შეერთებულ შტატებში არსებული პოლარიზაციის მიზეზებს. თუმცა Microsoft-ის დამფუძნებელს არც მხატვრული ლიტერატურა დაავიწყდა – სიაში თანამედროვე ავტორების სამი რომანი მოხვდა. #ახალიამბები #BusinessMediaGeorgia
ქოლიერს ჯორჯიას მონაცემებით მიმდინარე წლის 4 თვეში, თბილისში უძრავი ქონების ფასის 9%-იანი ზრდა შეინიშნებოდა, რაც ერთი მხრივ სამშენებლო მასალების ფასის ზრდით და მეორე მხრივ არარეზიდენტების მხრიდან გაზრდილმა მოთხოვნამ განაპირობა. აპრილში მაგ. ბათუმში ტრანზაქციების რაოდენობა ეკონომ და მედიუმ სეგმენტში 37% ით გაიზარდა. პრემიუმში კი 10%-ით შემცირდა. როგორია განახლებული 5 თვის მონაცემები? სტუმარი: ეთუნა მუნჯიშვილი - "ქოლიერს ჯორჯიას" დეველოპმენტ კონსალტინგის ხელმძღვანელი; #ახალიამბები #BusinessMediaGeorgia
თბილისის მერია 18-დან 29 წლამდე ახალგაზრდებისთვის, მასშტაბურ საზაფხულო პროგრამას იწყებს. პროგრამის ფარგლებში თბილისში მცხოვრებ ახალგაზრდებს სხვადასხვა ახალგაზრდულ სერვისს, მათ შორის, ლაშქრობებს, საველე-ბანაკებს, საჯომარდო ტურებს, ველოტურებს, კარტინგს, მინი გოლფს, სასროლეთს, მუნიციპალურ საცურაო აუზს შესთავაზებენ. მერის განმარტებით, პირველ ეტაპზე, პროგრამაში 5 000-მდე ახალგაზრდა ჩაერთვება და მონაწილეთა რაოდენობა, მოთხოვნის შესაბამისად, ეტაპობრივად გაიზრდება. პროექტის ბიუჯეტი, დააახლოებით, 250 000 ლარია. სტუმარი: ირაკლი გვილავა - თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის ხელმძღვანელი; #ახალიამბები #BusinessMediaGeorgia
უფასო კვება სკოლებში - ეს დაპირება ქართულმა ოცნებამ წინასაარჩევნოდ მას შემდეგ გასცა, რაც იგივე შინაარსის ბანერი „ნაციონალური მოძრაობის“ ლიდერებმაც გააჟღერეს. შესაბამის უწყებაში მაშინ აცხადებდნენ, რომ სასკოლო კვების პროგრამაზე შეიქმნა სპეციალური უწყებათაშორისი სამუშაო ჯგუფი და გაეროს ბავშვთა ფონდთან თანამშრომლობით რამდენიმე მოდელიდან ერთ-ერთის არჩევა მოხდებოდა. იმ პერიოდში თემაზე მუშაობა მართლაც დაიწყო, თუმცა შეხვედრებს განგრძობითი ხასაითი არ ჰქონია და ამ ეტაპზე არც საზოგადოებამ, არც მედიამ და არც სამუშაო ჯგუფში ჩართულმა მხარემ - იუნისეფმა არ იცის დაინერგება თუ არა სკოლებში პროგრამა, რომელიც წესით 2022-2023 სასწავლო წლისთვის იყო დაგეგმილი. საკითხი აქტუალური გახდა მას შემდეგ რაც გასაჯაროვდა კვლევა, რომლის თანახმადაც, მოსწავლეთა 77% ამბობს, რომ სკოლაში მისვლისას ხანდახან (42%) ან ყოველთვის (35%) შია. საქართველოს საჯარო სკოლებში კი დაახლოებით 549 ათასი მოსწავლე სწავლობს. რა იციან იუნისეფში თემაზე, რა მიმართულებით იმუშავა ორგანიზაციამ და რომელ მოდელებს შორის ხდებოდა არჩევანი? სტუმარი: თამარ უგულავა - გაეროს ბავშვთა ფონდის ჯანდაცვის სპეციალისტი; #ახალიამბები #BusinessMediaGeorgia
საწარმოო პროცესთან და ინდუსტრიასთან დაკავშირებული პროფესიები ყოველთვის მოთხოვნადი იყო ბაზარზე, ხოლო სპეციალისტები, რომლებმაც მიაღწიეს მაღალ დონეს ამ სფეროებში, ყოველთვის დეფიციტურ პროფესიას მიეკუთხვენოდა. ერთ-ერთი ასეთი საწარმოო ინჟინერია. რას გულისხმობს უფრო კონკრეტულად საწარმოო ინჟინერის პროფესია და რა ტიპის პასუხისმგებლობას იღებენ ყოველდღიურად? #ახალიამბები #BusinessMediaGeorgia
საქართველოს ბიზნეს ასოციაციას კიდევ ერთი კომპანია შეემატა. ვიქტორია სექიურითი, რომელსაც დაცვა-უსაფრთხოების მომსახურეობის გაწევის თითქმის 20 წლიანი გამოცდილება აქვს. აღსანიშნავია, რომ კომპანიას მინიჭებული აქვს საერთაშორისო სტანდარტების ხარისხი, პირველი და ერთადერთი ბიზნეს ოპერატორია საქართველოში, რომელიც ფლობს ISO 9001:2015 უსაფრთხოების კომპლექსურ სერთიფიკატს. კომპანია შ.პ.ს. „ვიქტორია სექიურითი“ საქართველოს მთელ ტერიტორიაზე ახორციელებს, თანამედროვე დაცვითი ელექტრონული სიგნალიზაციის, ვიდეო-სამეთვალყურეო, დაშვების კონტროლისა და ხანძარმაქრი სისტემების საპროექტო-სამონტაჟო სამუშაოებს, მაღალკვალიფიციური ტექნიკური ჯგუფების მეშვეობით. სტუმრები: ლევან ვეფხვაძე - "საქართველოს ბიზნეს ასოციაცია", აღმასრულებელი დირექტორი; გიორგი გუგეშაშვილი - "ვიქტორია სექიურითი", გენერალური დირექტორი; ნიკა გუგეშაშვილი - "ვიქტორია სექიურითი", მრჩეველი საერთაშორისო საკითხებში. #ახალიამბები #BusinessMediaGeorgia
დღევანდელი საქმიანების გმირის მთავარი საქმის, ვარდის მეურნეობის მთავარ გმირს, ვარდს, ძველ საბერძნეთში თუ სიმღერას უძღვნიდნენ და კოსმოსიდან ყვავილების დედოფლობის რჩეულობას აწრდნენ დღეს საკმაოდ საინტერესო ბიზნესის ნედლეულია. ვარდის სილამაზე და სუნი ერთია და მეორე ის თვისებები რაც მაგალითად მის ზეთს მოჰყვება, რომელიც 370-მდე მიკრობიოლოგიურ ელემენტს შეიცავს და კანის გაახალგაზრდავების, ანთების საწინააღმდეგო, ანტიდეპრესანტისა და ჰორმონალური დისბალანსის მოწესრიგების უნარიც კი გააჩნია. სასარგებლო თვისებების გამო ვარდის ზეთი საკმაოდ ძვირია: 1 კგ-ს ღირებულება, ადგილწარმოშობის მიხედვით, 7 000-10 000 დოლარს აღწევს, განსაკუთრებულად ფასობს, თუ ის ბიოლოგიურად სუფთა პროდუქტია. #ახალიამბები #BusinessMediaGeorgia
“თიბისი სტარტაპერის” პარტნიორი - სასტუმრო “ფიჭვის ძირში” სტუმარი: გიორგი სუჯაშვილი - სასტუმრო "ფიჭვის ძირში", დამფუძნებელი; #ახალიამბები #BusinessMediaGeorgia
სააგენტო TREND ბელარუსის საელჩოზე დაყრდნობით წერს, რომ მძღოლებს ურჩევენ, აზერბაიჯანში გაემგზავრონ და იქიდან გადავიდნენ რუსეთის ტერიტორიაზე. აღინიშნება, რომ სატვირთო ავტომობილების რიგი დაახლოებით 100 კმ–ზეა გაშლილი. ლოდინის პერიოდი კი 3–4 კვირას, ან უფრო მეტს შეადგენს. ბელარუსის საელჩო ასევე აცხადებს, რომ აზერბაიჯანის მიმართულება 1000 კილომეტრით უფრო გრძელია, ზემო ლარსის მიმართულებასთან შედარებით სტუმარი: ალექსანდრე დავითიძე - "საქართველოს ექსპედიტორთა ასოციაცია", პრეზიდენტი #ახალიამბები #BusinessMediaGeorgia
უკრაინელი მილიარდერი ვიქტორ პინჩუკი Christie's-ის აუქციონზე მხატვარ ჯეფ კუნსის სკულპტურას Balloon Monkey-ს გაყიდის - შემოსული თანხით კი, უკრაინას დაეხმარება. ლოტის სავარაუდო ღირებულება - 10 მილიონი ფუნტი სტერლინგია და როგორც თავად მხატვარი ამბობს, მისთვის დიდი პატივია, ნამუშევრის ამ მიზნით გამოყენება. ინფორმაციისთვის, უკრაინის რიგით მეორე პრეზიდენტის ლეონიდა კუჩმის სიძის, ვიქტორ პინჩუკის ქონება ომის დაწყების შემდეგ დაახლოებით, 2.5 მილიარდით შემცირდა და ეს რაოდენობა მუდმივად მზარდია. ასევე მართალია კონკრეტული თანხა, რომელიც ბიზნესმენმა უკრაინელების დასახმარებლად გამოყო ცნობილი არაა, თუმცა ნჩუკების ოჯახი, თითქმის მთელ თავის დროს, უკრაინის მხარდასაჭერად იყენებენ, რომ როგორმე ომი უკრაინის სასარგებლოდ, თან რაც შეიძლება მალე დასრულდეს. #ახალიამბები #BusinessMediaGeorgia
რუსეთის ნავთობის მოპოვებას 2023 წლისთვის 18%-ით შემცირებას ვარაუდობენ. რადგან ევროკავშირი რუსული საზღვაო ნავთობის იმპორტის აკრძალვას გეგმავს. რუსეთი დღეში დაახლოებით 7 მილიონი ბარელი ნედლი ნავთობის ექსპორტს ახორციელებს და ამ რაოდენობის დაახლოებით ნახევარი ევროკავშირში გააქვს. როგორია პროგნოზები და რას გამოიწვევს გაძვირებული ნავთობის ფასი? #ახალიამბები #BusinessMediaGeorgia
თიბისი ჯგუფის ეკოსისტემას ახალი შვილობილი კომპანია დაემატა. “თიბისი - აქტივების მართვა” - აქტივების მართვის ერთერთი პირველი კომპანიაა, რომელიც საქართველოს ეროვნული ბანკის მიერაა ლიცენზირებული და რეგულირებადი. ამ ეტაპზე, ის მართავს ფონდს - დივერსიფიცირებულ საკრედიტო პორტფელს, რომელიც ასევე საქართველოს ეროვნული ბანკის მიერ რეგულირდება. როგორც ღონისძიებაზე გახდა ცნობილი, მაისში ფონდის პირველი, 5 აშშ მილიონ დოლარიანი ტრანზაქცია დაიხურა. თანხის მოზიდვა მოხდა 17 ინვესტორისგან, საიდანაც 88% ფიზიკური პირია, 70% კი - უცხოელი ინვესტორი. პირველი ტრანზაქციის დახურვის პარალელურად, ფონდი გეგმავს, პერიოდულად გამოაცხადოს თანხის მოზიდვის შემდგომი რაუნდები, რაც სამომავლოდ ფონდის ზომის ზრდას განაპირობებს. საინვესტიციო ფონდში ინვესტირება ქართულ ბაზარზე შედარებითი სიახლეა, თუმცა ინვესტორებისთვის დივერსიფიცირებულ საკრედიტო პორტფელში ინვესტირება 2 მიზეზით გახდა მიმზიდველი: ფონდისგან პოტენციურად მისაღები შემოსავალი აჭარბებს ქართული კომერციული ბანკების შემოთავაზებულ სადეპოზიტო სარგებელს, ასევე უზრუნველყოფილ სასესხო პორტფელში მონაწილეობა შედარებით ნაკლებრისკიანია, რადგან რისკი დივერსიფიცირებულია როგორც სექტორებს, ასევე კომპანიებს შორის. დივერსიფიცირებული საკრედიტო პორტფელის გარდა, აქტივების მართვის კომპანია მომავალში დამატებით სხვა ტიპის საინვესტიციო ფონდების შექმნასაც გეგმავს, რაც ფასიანი ქაღალდების ბაზრის კიდევ უფრო გააქტიურებას შეუწყობს ხელს. #ახალიამბები #BusinessMediaGeorgia
ბიზნესი გრძელვადიან ანტიკრიზისულ გეგმას ითხოვს #ახალიამბები #BusinessMediaGeorgia
#მეცნიერებისსიახლეები: სიახლე სიმსივნის მკურნალობაში #ახალიამბები #BusinessMediaGeorgia
არტიშოკის და ჯანჯაფილის წარმოება კახეთში #ახალიამბები #BusinessMediaGeorgia
ეგვიპტური ინვესტიციით საქართველოში ჰოლივუდ სითი შენდება და ლოკაციად კასპი შეირჩა. კასპში, სოფელ წინარეხთან, მულტიფუნქციური კომპლექსის პროექტს საინვესტიციო დეველოპერული კომპანია „სვიფ ლენდ გრუპი“ ახორციელებს. ბიზნესრეესტრის თანახმად, შპს „სვიფ ლენდი“ 2021 წელსაა რეგისტრირებული და კომპანიის 100%-იანი წილის მფლობელი და დირექტორი ეგვიპტის მოქალაქე მაჰმოუდ სამი ბადავი მოჰამედია. „ჰოლივუდ სითის“ პროექტის მთლიანი ფართობი 14 ჰა-ზე მეტია, თუმცა მშენებლობა მხოლოდ მესამედზე განხორციელდება, დანარჩენი ტერიტორია კი ბუნებრივი ლანდშაპტი იქნება. კომპლექსი გასართობ და სპორტულ სივრცეებს, კომერციულ ფართებს, სასტუმროს, საცხოვრებელ ვილებს და კინოინდუსტრიის განვითარების მიზნით კინოს შემსწავლელ ცენტრს გააერთიანებს. რატომ შეირჩა კომპლექსის ლოკაციად კასპი? სტუმარი: ირმა ელბაქიძე - კომპანია „სვიფ ლენდ გრუპის“ საზოგადოებასთან ურთიერთობისა და ბრენდინგის დეპარტამენტის ხელმძღვანელი; #ახალიამბები #BusinessMediaGeorgia
ამერიკის შეერთებულ შტატებში მომუშავე ქართველი სტარტაპერებისთვის საემიგრაციო პრაქტიკა ორიენტირებულია ეფექტური და გრძელვადიანი იურიდიული სტრატეგიების შემუშავებაზე, სწორედ იმ გამორჩეული მიღწევების მქონე ადამიანებისთვის, ასევე ბიზნესმენებისთვის, რომელთაც ამერიკის ბაზარზე გაფართოება სურთ. მათთვის ხელმისაწვდომია როგორც არასაემიგრაციო ანუ ვადიანი ვიზები, ასევე მუდმივი ბინადრობის უფლება, ე.წ. გრინ კარტა. ამერიკული იურიდიული კომპანია ბრატერი, ქართულ და არამარტო ქართულ სტარტაპებს ეხმარება გააფართოვონ მათი ბიზნესი ამერიკაში. ამერიკის საემიგრაციო სამართალი და პოლიტიკა ორიენტირებულია ტალანტის მოზიდვაზე და იმ ადამიანებისთის შესაძლებლობების მიცემაზე ვისი საქმიანობაც ამერიკის ეკონომიკაზე დადებითად აისახება. სწორი საემიგრაციო სტრატეგია კი აუცილებელია სტარტაპების როგორც ამერიკის ბაზარზე შესვლისთვის და მათი დამფუძნებლების ლეგალურად საქმიანობისთვის, ასევე ამ კომპანიების შემდგომ ეტაპებზე გადასვლისას მომავალი განვითარებისთვის და დამატებითი უცხოელი ან ქართველი კადრების დასაქმებისთვის. ამერიკის იურიდიული კომპანიის, ბრატერის უფროსი მმართველი ადვოკატი ქართველი ანა ქამხაძეა, რომელიც სტარტაპებს საემიგრაციო საკითხებში სრულ იურიდიულ მხარდაჭერაში ეხმარება. ამას გარდა ქართველი ადვოკატი ეფექტურად ითვალისწინებს საქართველოს კანონმდებლობით გათვალისწინებულ რეგულაციებს და სრულად ფლობს ინფორმაციას საქართველოში არსებული კონკრეტული ორგანიზიების თუ მედიის შესახებ, რაც ეხმარება მას ამერიკის საემიგრაციო სამსახურის მიერ მოთხოვნილი დოკუმენტაცია ქართული სტარტაპების და დამფუძნებლების შესახებ მაქსიმალურად ეფექტურად შეგროვდეს. სტუმარი: ანა ქამხაძე - Bratter, იურიდიული ოპერაციების და სტრატეგიების დირექტორი და უფროსი მმართველი ადვოკატი. #ახალიამბები #BusinessMediaGeorgia
2021 წელს საქართველომ 118 მლნ აშშ დოლარის ღირებულების 25 ათასი ტონა თხილი გაიტანა ექსპორტზე. თხილის გადამმუშავებელთა და ექსპორტიორთა ასოციაციაში ამბობენ, რომ წელს დაახლოებით 60 000 ტონა გაუტეხავ თხილს ელოდებიან. რაც გასულ წელთან შედარებით მოსავალი 5-10%-ით ნაკლები იქნება, თუმცა ამის მიუხედავად, სეზონი ჩავლას დადებითად პროგნოზირებენ. გასულ კვირას, გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი, სურსათის ეროვნული სააგენტოს უფროს ზურაბ ჩეკურაშვილთან ერთად, გურიისა და სამეგრელოს რეგიონებში იმყოფებოდა. რეგიონების სახელმწიფო რწმუნებულებთან და მუნიციპალიტეტების მერებთან შეხვედრებზე, თხილის სექტორში არსებული ვითარება და გამოწვევები განიხილეს, შეხვდნენ მეთხილე ფერმერებს და თხილის ბაღები დაათვალიერეს. გიორგი ხანიშვილი ვარაუდობს, რომ წლევანდელი მოსავალი მაღალი ხარისხის და უხვ მოსავლიანი იქნება. რა არის ის მთავარი გამოწვევა, რომელიც თხილის მწარმოებლებს აქვთ და როგორია მათი პროგნოზები სეზონთან დაკავშრებით? სტუმარი: ლევან ქარდავა - თხილის გადამამუშავებელთა და ექსპორტიორთა ასოციაციის ხელმძღვანელი; #ახალიამბები #BusinessMediaGeorgia
ავტოდაზღვევა ჯანმრთელობის დაზღვევის შემდეგ, ერთ-ერთი ყველაზე აქტუალური პროდუქტია ბიზნესისთვის. კომპანიები სულ უფრო მეტად აცნობიერებენ ავტომობილებთან დაკავშირებულ რისკებს. სტუმარი: თამარ ძნელაძე - "ალდაგის" მცირე და საშუალო ბიზნესის დაზღვევის განყოფილების უფროსი; #ახალიამბები #BusinessMediaGeorgia
საჯარო სექტორი ქვეყნის ერთ-ერთი მსხვილი დამსაქმებელია და საერთო დასაქმებულთა 35%-ს მოიცავს. სოციალური, ეკონომიკური, ტექნოლოგიური თუ სხვა გარემო ფაქტორებით განპირობებული გამოწვევების პირობებში, საჯარო მმართველობის წინაშე მდგარი ამოცანების შესრულებისთვის მნიშვნელოვანია პროფესიონალი, მუდმივ განვითარებაზე ორიენტირებული ადამიანური რესურსების არსებობა და მათი ეფექტიანი მართვა. იმის დასადგენად, რამდენად იღებენ საჯარო სექტორში დასაქმებულები ხარისხიან და მიზნობრივ პროფესიულ განვითარებას, სახელმწიფო აუდიტის სამსახურმა ეფექტიანობის აუდიტი ჩაატარა. საჯარო აუდიტის ინსტიტუტი სახელმწიფო აუდიტის სამსახურთან არსებული ორგანიზაციაა და საჯარო სექტორის პროფესიული განვითარების მიმართულებით მუშაობს. ინსტიტუტის ფუნქციაა როგორც სახელმწიფო აუდიტის სამსახურის თანამშრომელთა პროფესიული განვითარება და ამასთანავე ჩატარებული აუდიტებიდან გამომდინარე, საჯარო სექტორისთვის საჭირო და აუცილებელი ტრენინგების ორგანიზება. სტუმრები: გელა წიკლაური - საჯარო აუდიტის ინსტიტუტის დირექტორი; თინათინ სიყმაშვილი - საჯარო აუდიტის ინსტიტუტი სერტიფიცირების და ტრენინგების სამსახურის უფროსი; #ახალიამბები #BusinessMediaGeorgia
საქართველოს ბანკი ბიზნესის მხარდაჭერის მიზნით ახალ მასშტაბურ კამპანიას იწყებს. “Made in Georgia” ქართული კომპანიების მხარდაჭერასა და მეტი შესაძლებლობის გაზიარებას ისახავს მიზნად. რას გულისხმობს საქართველოს ბანკის ახალი კამპანია? #ახალიამბები #BusinessMediaGeorgia
ეკონომიკის ზრდა და ტურიზმი - ალექსანდრე ძნელაძე საქმიან დილაში სტუმარი: ალექსანდრე ძნელაძე - "საქართველოს საბანკო ასოციაციის" პრეზიდენტი #ახალიამბები #BusinessMediaGeorgia
Deutsche Bank-ს ასობით IT თანამშრომელი რუსეთიდან გერმანიაში, ბერლინში გადაჰყავს. გერმანული ბანკი რუსეთში ტექნოლოგიური ცენტრის პოტენციური დახურვისთვის ემზადება. Bloomberg-ის ინფორმაციით, ბანკმა მოსკოვიდან და სანქტ-პეტერბურგიდან გადაყვანა 1 500 თანამშრომელს შესთავაზა. #ახალიამბები #BusinessMediaGeorgia
ელექტროსკუტერებზე მოთხოვნა ტურისტული სეზონის დადგომის პარარელურად როგორც თბილისში, ასევე ზღვისპირა ქალაქებში იზრდება. ბოლო 5 წელია რაც ეს ბიზნესი საქართველოს ბაზარზე საკმაოდ წარმატებულად ვითარდება და ახალი მოთამაშეებიც შემოდიან. თუმცა მათ პრობლემების დაძლევაც უხდებათ. მაგალითად, ზოგიერთ კომპანიას ელექტროსკუტერების შესაძენად საჭირო ნედლეული 30-40%-ით გაუძვირდა, თუმცა კომპანიაში ფასს ჯერ არ ზრდიან, რადგან მომხმარებლების შენარჩუნება მაღალი კონკურენციის პირობებში მათთვის მნიშვნელოვანია. #ახალიამბები #BusinessMediaGeorgia
#საქმიანიდილა - 8 ივნისი - პროლოგი #ახალიამბები #BusinessMediaGeorgia
რუსული მიგრაციის ტალღამ ისრაელში 24 თებერვლის შემდეგ ისრაელის ბანკებს უკვე მოუტანა მილიარდი შეკელი (330 მილიონი დოლარი), წერს ისრაელის ეკონომიკური გამოცემა Calcalist. მაგრამ ეს არაფერია, ზღვაში წვეთია იმასთან შედარებით, რასაც დამწყები კომპანიები, მიგრირებული რუსეთიდან აპირებენ და ცდილობენ მოძებნონ კომფრტული სამუშაო სივრცე აღქმულ მიწაზე. რიგში არიანო, წერს გამოცემა, მსხვილი ვენჩურული ფონდები, რომელთაც ინვესტუირებ ისრაელის საინვესტციო ფონდებში და მეცნიერებაში სურთ. წინასწარი მონაცემებით, რუსეთის ფედერაციიდან ამ ერთგვარი მიგრაციული აბსორბციით ისრაელი დამატებით 3 მლლირადზე მეტის სემოასვლებს ელის ბანკებში ბრუნვის სახით. ცხადია, ეს არ არის პირდაპირი შემოსავლი, თუმცა ის არის რაც ისრაელელმა ანალიტიკოსებმა, წინასწარ დათვალეს. დაახლოებით 20-წლიანი კვლევისა და ექსპერიმენტების შემდეგ, ისრაელის თავდაცვის ოფიციალური პირების განცხადებით, მათ უკვე აქვთ მძლავრი ლაზერული იარაღის სამუშაო პროტოტიპი, რომელსაც ჰაერიდან მომავალი რაკეტების, ჭურვების, დრონებისა და ტანკსაწინააღმდეგო რაკეტების განადგურება შეეძლება.ოფიციალური პირების განცხადებით, სისტემამ ისრაელის სამხრეთ უდაბნოში საცეცხლე გამოცდა წარმატებით გაიარა. ტესტირების შედეგად ლაზერული იარაღის სამუშაო პროტოტიპმა რაკეტა, ჭურვი და დრონი წარმატებით გაანადგურა. #ახალიამბები #BusinessMediaGeorgia
„დღეს სამყაროში ძალიან ბევრი რამ ხდება, რაც მნიშვნელოვან გავლენას ახდენს WizzAir-ის ბიუჯეტური ბილეთის ღირებულებაზე”, - ასე უპასუხა ავიაკომპანია WizzAir-ის კორპორაციული კომუნიკაციების ხელმძღვანელმა BMG-ის კითხვას - თუ რატომ გაძვირდა WizzAir-ის ბილეთები. ჟაჟა ტრუბეკის განმარტებით, ავიაკომპანიის პოლიტიკა, რომ მომხმარებელს ავიაბილეთები მაქსიმალურად ხელმისაწვდომ ფასად შესთავაზონ და რაც შეიძლება მეტ ადამიანს მიეცეს ბიუჯეტურად მოგზაურობის საშუალება, არ შეცვლილა, მაგრამ ბილეთის ღირებულებაზე ყველაფერს აქვს გავლენა - დაწყებული საავიაციო საწვავის ფასებით და დასრულებული რუსეთ-უკრაინის ომით. ასე რომ, თუკი საწვავის ღირებულება კიდევ გაიზრდება, ბილეთების ფასებიც შესაბამისად მოიმატებს, რადგან სხვანაირად ოპერირება შეუძლებელი ხდება. ინტერვიუ ჟაჟა ტრუბეკთან - WizzAir-ის კორპორაციული კომუნიკაციების ხელმძღვანელთან; #ახალიამბები #BusinessMediaGeorgia
რამდენად მზად ხდება აჭარა ზაფხულის ტურისტულ სეზონს?! ბათუმში ადგილობრივები მოუწესრიგებელი ინფრასტრუქტურისა და ქალაქის პარალიზების შესახებ ალაპარაკდნენ. პრობლემებია სანაპირო ზოლზეც და გზებზეც. საინტერესოა ასევე სად არის დაპირებული ინფრასტრუქტურა, რომელიც დაახლოებით ექვსი თვის წინ უნდა მოწესრიგებულიყო?! ფაქტია, რომ ტურისტული სეზონის წინ ბათუმი გადათხრილია. რა ხდება ამ წუთებში და როგორია მოლოდინები და პროგნოზები? სტუმარი: თემურ დიასამიძე - ექსპერტი ტურიზმის საკითხებში. #ახალიამბები #BusinessMediaGeorgia
ბიზნესსაკონსულტაციო კომპანია SavvY ახალ მოდელზე გადავიდა, შესაბამისად, ძირითადი გუნდის გარდა, ახლა მათ 50-ზე მეტი პარტნიორი კონსულტანტი ჰყავთ, რომლებიც კომპეტენციიდან და გამოცდილებიდან გამომდინარე, ყველა პროექტში ჩაერთვებიან. ცვლილების აუცილებლობა პანდემიის დროს შექმნილი რეალობიდან გამომდინარე დაინახეს, რადგან ბიზნეს სექტორში დამატებითი საჭიროებები გაჩნდა. აქვე შეგახსენებთ, რომ SavvY 5 წლის წინ შეიქმნა, თუმცა მანამდე, დამფუძნებლებს ხშირი შეხება ჰქონდათ საკონსულტაციო ბიზნესთან და კომპანიებთან. სტუმარი: მარიამ ქოიავა - SavvY-ს მმართველი პარტნიორი; #ახალიამბები #BusinessMediaGeorgia
მსოფლიოში მოწინავე FinTech კომპანია Klarna-ს, რომელიც 147-დ მილიონ მომხმარებელს გამარტივებულ ფინანსურ და სავაჭრო სერვისებს სთავაზობს და კორპორატიული კულტურითა, თუ სამუშაო პროცესების მრავალფეროვნებით არის გამორჩეული, მარიამ გაგუა შეუერთდა და პროდუქტების მენეჯერის პოზიცია დაიკავა. პირველად ფინანსურ ტექნოლოგიებთან შეხება, მარიამს, საქართველოს ბანკში, მობილური აპლიკაციის პროდუქტის მენეჯერის პოზიციაზე მუშაობისას ჰქონდა. ხოლო მულტიკულტურული გამოცდილება ამერიკაში, San Diego State University-ში, ბაკალავრზე სწავლისას მიიღო. Klarna-ში მოსახვედრად კი გასაუბრების 3 ეტაპი გაიარა: პირველი იყო რეკრუტერთან ინტერვიუ და IQ ტესტი, შემდეგ პროდუქტის მენეჯერის ტექნიკური და არატექნიკური ინტერვიუ, რომელსაც მოჰყვა Case study-ის ინტერვიუ, სადაც klarna-ს სამომავლო პროდუქტზე ბაზრის ანალიზი მოამზადა და წარმოადგინა, თუ როგორი უნდა ყოფილიყო მობილურ აპლიკაციაში მომხმარებლის გამოცდილება, რა რისკები ახლდა პროდუქტის გაშვებას და როგორ უნდა დაეზღვიათ ისინი. დაბოლოს, შედგა გუნდის წევრებთან შეხვედრა, სადაც მენეჯერებმა გააცნეს ის სამი მიზეზი, რის გამოც არჩევანი სწორედ მასზე შეჩერდა. საინტერესოა ისიც, რომ Klarna-ში 100-მდე ეროვნების 7 ათასი ადამიანია დასაქმებული და ამიერიდან ამ გუნდში საპატიო ადგილს ქართველი მარიამ გაგუაც დაიკავებს, რომელი. ლონდონიდან გვიერთდება და თუ როგორ დავიწყოთ მუშაობა საერთაშორისო და წარმატებულ კომპანიაში, რა ეტაპებია გასავლელი და რას ექცევა უპირატესობა? სტუმარი: მარიამ გაგუა - FinTech კომპანია Klarna-ს, Product manager. #ახალიამბები #BusinessMediaGeorgia
გასული უქმეები მოვაჭრეებისთვის და ბაზარში მისული მყიდველებისთვის უჩვეულო გამოდგა. ადგილზე მისულებს, შაბათის დილას, 10:00 საათზე გირლანდებით მორთული Tesla დახვდათ. ერთი შეხედვით უჩვეულო გარემო, გამვლელების ყურადღებას მარტივად იქცევდა. მანქანა აგროპროდუქტებითა იყო დატვირთული და მათ, ვისაც ქართული, ნატურალური პროდუქტის შეძენას აპირებდა, პირდაპირ ტესლას საბარგულიდან შეეძლოთ ყიდვა. დახმარებას კი ფერმერი უწევდა. ამ არასტანდარტული სანახაობის ინიციატორი აგროსფეროა, კომპანია, რომელიც ქართველ ფერმერებს სასოფლო-სამეურნეო ინოვაციური ტექნიკითა და მეურნეობისთვის საჭირო სხვა პროდუქტებით უზრუნველყოფს. ცენტრალურ ბაზარში დატრიალებული ამბები კი გრძლევადიანი კამპანიის მხოლოდ დასაწყისია, რომელიც აგროსფერომ ლივინგსტონის გუნდთან ერთად დაგეგმა. სტუმრები: აკაკი ტოროტაძე - "აგროსფერო"-ს მარკეტინგის ხელმძღვანელი; იოსებ ძმანაშვილი - "აგროსფერო"-ს პროდუქტების მართვის განყოფილების დირექტორი. #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით ნიკა მაზანაშვილი სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
ინფლაცია კიდევ გაიზარდა. მაისში სამომხმარებლო ფასების წლიური ინფლაცია 13.3%-იყო. სამიზნე მაჩვენებელი ანუ 3%იანი ნიშნული კიდევ ერთი წელი ძალიან შორეული პერსპექტივა ჩანს. Galt&Taggart;-ში ამბობენ, რომ მაისის ინფლაციის დამატებითი ზრდა ბინის ქირის ზრდამ გამოიწვია, რაზეც მიგრანტების (რუსეთი, ბელარუსი, უკრაინა) მოთხოვნამ იმოქმედა. სტუმარი: ევა ბოჭორიშვილი - Galt & Taggart-ის კვლევების დეპარტამენტის უფროსი; #ახალიამბები #BusinessMediaGeorgia
როგორი იქნება მომავლის მფრინავი ავტომობილი, რა მიმართულებით დებენ მილიარდობით დოლარის ინვესტიციას ავტოინდუსტრიის გიგანტები?! #ახალიამბები #BusinessMediaGeorgia
საქართველოს ბანკი, როგორც ბიზნესის მხარდამჭერი ბანკი მიკრო, მცირე და საშუალო ბიზნესების გასაძლიერებლად ახალ პროექტს იწყებს. იმისთვის რომ ფინანსური ხელმისაწვდომობა კიდევ უფრო სწრაფი და მარტივი გახდეს ბიზნესებისთვის, ბანკი მათ აძლევს შესაძლებლობას, სწრაფად და მინიმალური დანახარჯებით გააციფრულონ და მოაწესრიგონ საბუღალტრო აღრიცხვის პროცესი. რაც მათ მისცემს მეტ შესაძლებლობას, ნაკლებ დროში, მარტივად დაიმტკიცონ ახალი ლიმიტი, დანარჩენი დრო კი საკუთარი ბიზნესის განვითარებას მოახმარონ. სწორედ ამ იდეით და მიზნისთვის საქართველოს ბანკმა ბიზნესებისთვის ბუღალტერიის განვითარების პროგრამა შეიმუშავა, რომელიც 3 მიმართულებას − ბუღალტერიის გაციფრულებას, სრულ ბუღალტრულ სერვისსა და ფინანსური ინფორმაციის სწრაფ მიმოცვლას მოიცავს. როგორ შეუძლია ამ რესურსით ბიზნესს ისარგებლოს და რა შესაძლებლობაა კერძო სექტორისთვის? სტუმრები: ზურაბ მასურაშვილი - "საქართველოს ბანკი"-ს მცირე და საშუალო ბიზნესის მიმართულების ხელმძღვანელი; გელა მღებრიშვილი - Nexia TA-ს მმართველი პარტნიორი. #ახალიამბები #BusinessMediaGeorgia
რადგანაც გლობალურად, Google-ი ინტერნეტ ძიებების 90%-ს მაინც მოიცავს, მისი გამოყენების შესწავლა ერთ-ერთი საუკეთესო რესურსია თანამედროვე სოციალური კვლევისთვის. სწორედ ამიტომ, Google Trends-ის საძიებო მონაცემები საუკეთესო წყაროა იმისთვის, რომ 2004-დან 2022 წლამდე მსოფლიოს ყველაზე ხშირად “დაგუგლულ”, ანუ პოპულარულ ქვეყნებს ვიცნობდეთ. რომელია Google-ის ყველაზე პოპულარული ქვეყნები? #ახალიამბები #BusinessMediaGeorgia
"აწარმოე საქართველოს" პროგრამების ეფექტიანობის შეფასება სტუმარი: ეკატერინე ციმაკურიძე - "დემოკრატიის ინდექსი-საქართველო", ხელმძღვანელი; #ახალიამბები #BusinessMediaGeorgia
თბილისთან ახლოს აგარაკების დაქირავებაზე ღირებულება გაორმაგდა. თუ საშუალოდ წელს სახლის ქირაობა ერთი თვით $ 3 500 ღირს, გასულ წელს ფასი 1 500$-ს შეადგენდა. წყნეთი, წავკისი ტაბახმელა და კიკეთი ქალაქგარეთ ტოპ მოთხოვნად ადგილებს შორის წლებია პოზიციებს არ თმობს, ასეა წელსაც. კომპანიების წარმომადგენლები აღნიშნავენ, რომ მოთხოვნის მატება ახლა დაიწყება და ის ზაფხულის სეზონის ბოლომდე გაგრძელდება. #ახალიამბები #BusinessMediaGeorgia
#საქმიანიდილა - 7 ივნისი - პროლოგი #ახალიამბები #BusinessMediaGeorgia
Tesla Inc. შესაძლოა, რამდენიმე თვეში გამოუშვას პირველი Optimus ჰუმანოიდი რობოტი, განაცხადა აღმასრულებელმა დირექტორმა ელონ მასკმა Twitter-ზე და ამ მიზეზით გადადო კომპანიის მეორე „AI Day“ 30 სექტემბრამდე. პირველად 2021 წლის აგვისტოში, ტესლას პირველი AI ანუ ხელოვნური ინტელექტის პრიდუქტების პრეზენტაციის, წარმოდგენის დროს თუ დღის განმავლობაში გამოქვეყნებული, Optimus არის ადამიანის ზომის რობოტი, რომელსაც მასკის აზრით, შეუძლია შეასრულოს ყოველდღიური დავალებები. Optimus-ს ექნება სიმაღლე 173 სანტიმეტრი, წონა დაახლოებით 57 კგ და ტვირთამწეობა 20 კგ. მას გააკონტროლებს იგივე ხელოვნური ინტელექტის სისტემები, რომლებსაც Tesla ავითარებს თავის ელექტრო მანქანებში გამოსაყენებლად. მასკს სჯერა, რომ ჰუმანოიდი რობოტი Optimus ერთ მშვენიერ დღეს „დროთა განმავლობაში უფრო მნიშვნელოვანი გახდება, ვიდრე Tesla-ს მანქანების ბიზნესი“. #ახალიამბები #BusinessMediaGeorgia
JP Morgan-ის ბიბლიოთეკა “მეტავერსში” / ცათამბჯენები, როგორც ბატარეები #ახალიამბები #BusinessMediaGeorgia
სამშენებლო და სარემონტო მასალების კომპანია ნოვა გაფართოებას განაგრძობს. ამჯერად კომპანიამ მეექვსე ფილიალი მარნეულში გახსნა, უახლოეს 2 თვეში კი ქსელი ხაშურშიც იქნება წარმოდგენილი. ახალ ფილიალში 400-ზე მეტი დასახელების პროდუქციაა წარმოდგენილი, ჯამური ინვესტიცია ნახევარ მილიონს ლარს, დასაქმებულების რიცხვი კი 30-ს აღწევს. გახსნასთან დაკავშირებით შოურუმში მოსულ მომხმარებელს ტრადიციულად უამრავი საჩუქარი, სურპრიზი და ფასდაკლება დახვდათ. სამშენებლო მასალების იმპორტი, წარმოება და ექსპორტი - ნოვა არის კომპანია, რომელიც საქართველოს რეგიონებში ფართოვდება და სულ მალე კიდევ ერთი ქალაქის – ხაშურის დამატებასაც აპირებს საკუთარ პორტფელში. რამდენად განსხვავებულია კომპანიის მიდგომები თბილისსა და რეგიონებში, რა გამოწვევებს აწყდებიან საქმიანობისას და როგორ აპირებენ ბიზნესის განვითარებას? სტუმარი: ედიშერ ხიმშიაშვილი - „ნოვა“-ს გენერალური დირექტორი; #ახალიამბები #BusinessMediaGeorgia
ეკონომიკური უთანაბრობა საქართველოს დედაქალაქსა და რეგიონებს შორის ძალიან მაღალია. თბილისი ქვეყნის მთლიანი ეკონომიკის 50%-ს ქმნის. მეორე ყველაზე მსხვილი რეგიონი 2020 წლის მონაცემებით, აჭარა იყო, რომელიც საქართველოს მთლიანი შიდა პროდუქტის მხოლოდ 9%-ს აგენერირებს. ბოლო ადგილზე რაჭა-ლეჩხუმი ქვემო სვანეთია, სადაც მშპ-ს მხოლოდ 0.6% იწარმოება. რეგიონებში დაბალი ეკონომიკური აქტივობის პარალელურად რათქმაუნდა მაღალია უმუშევრობის დონეც. რადგან 2020 წლის მაჩვენებლებს ვაჯამებთ, სწორი სურათისთვის უმუშევრობის მაჩვენებლებიც 2020 წლიდან უნდა ავიღოთ. მაგალითად 2020 წელს უმუშევრობის დონე საქართველოში 18.5% იყო, თბილისში ეს რიცხვი 20%-ს აჭარბებდა. რეგიონების უმეტესობაში უმუშევართა ოფიციალური სტატისტიკა სწორედ ამ ფარგლებშია, თუმცა რაჭა ლეჩხუმი აქაც ყველაზე მაღალ ნიშნულზეა. აქ უმუშევრობის მაჩვენებელი 2020 წელს 32% იყო. თუ უმუშევრობის მაჩვენებლებში ძალიან მკაფიო განსხვავებები არ ჩანს, ხელფასები თბილისსა და რეგიონებს შორის თვალნათელ უთანაბრობას აჩვენებს. თუ თბილისში საშუალო ხელფასი 2020 წელს 1350 ლარი იყო, აჭარაში, რომელიც ეკონომიკურად მეორე ყველაზე აქტიური რეგიონია, საშუალო ხელფასი 350 ლარით ნაკლებია და 995 ლარს შეადგენს. რაჭა-ლეჩხუმში კი საშუალო ხელფასი თბილისზე თითქმის ორჯერ ნაკლებია და 738 ლარს შეადგენს. ეკონომიკურად პასიურ რეგიონებში სიღარიბეც მაღალია. სოციალური მომსახურების სააგენტოს მაჩვენებლებს თუ გადავხედავთ, დავინახავთ, რომ ყველაზე მეტ სოციალურ შემწეობას სახელმწიფოსგან რაჭა-ლეჩხუმისა და ქვემო სვანეთის რეგიონი იღებს, სადაც მშპ-ს ყველაზე დაბალი მაჩვენებელი იქმნება. აქ მოსახლეობის 43% სოციალურ შემწეობას იღებს. თბილისში კი შემწობის მიმღებთა წილი მთლიან მოსახლეობაში ერთ-ერთი ყველაზე დაბალია. სტუმრები: ირინა გურული - ეკონომიკური პოლიტიკის კვლევის ცენტრის დირექტორი; თენგიზ შერგელაშვილი - საქართველოს განვითარების პლატფორმა თავმჯდომარე; #ახალიამბები #BusinessMediaGeorgia
#საუბრებიავიაციაზე: AK Air Georgia და ადგილობრივი ფრენების ტენდენციები სტუმრები: გიორგი მოლოდინაშვილი - “Geo Sky”-ის ვიცე-პრეზიდენტი ბიზნესის განვითარების დარგში; ირინა მღებრიშვილი - ავიაკომპანია "აკეარ ჯორჯია"-ს ფინანსური და ადმინისტრაციული მენეჯერი; #ახალიამბები #BusinessMediaGeorgia
Eurocontrol-ის განახლებული პროგნოზით, უკრაინაში ომისა და ეკონომიკური გამოწვევების მიუხედავად, ავიაცია პრეპანდემიურ პერიოდს 2024 წლისთვის დაუბრუნდება. ორგანიზაციის შეფასებით, 2022 წელს ევროპის ავიაცია 9.5 მლნ ფრენით 2019 წლის მაჩვენებლის 85%-ს მიაღწევს. ოპტიმისტური სცენარით, ფრენების აღდგენის დონე 91% უნდა იყოს 10 მლნ-ზე მეტი ფრენით. ნეგატიური სცენარით კი - 2019 წელს 8.6 მლნ ფრენით აღდგენის მაჩვენებელი 77% იქნება. ორგანიზაციის ცნობითვე, წლის დასაწყისში ფრენების ოდენობა 2019 წელთან შედარებით 78%-ზე იყო, რისი მიზეზიც კორონავირუსის ახალი შტამი ომიკრონი იყო, თუმცა ამ ეტაპზე აღდგენის მაჩვენებელი 86%-ს შეადგენს. #ახალიამბები #BusinessMediaGeorgia
Andersen Global რეგიონში ორგანიზაციის წარმომადგენლობას კიდევ უფრო აფართოებს. „პრაიმ ტექსთან“ ერთად კომპანიაში ამჯერად „ემ ჯი იურიდიული ოფისი“ გაერთიანდა. ორი წევრი ფირმა ერთად უზრუნველყოფენ ინტეგრირებული საგადასახადო, ბუღალტრული აღრიცხვის, ბიზნეს საკონსულტაციო და იურიდიული საშუალებების სრულ კომპლექტს როგორც საქართველოში ისე მის ფარგლებს გარეთ. Andersen Global საერთაშორისო ასოციაციაა, რომელიც მსოფლიოს მასშტაბით სამართლებრივად განცალკევებული, დამოუკიდებელი წევრი ფირმებისა და მათი საგადასახადო და იურიდიული მრჩეველებისგან შედგება. მას დღეს მსოფლიოში 6,000-ზე მეტი პროფესიონალი ჰყავს და კოლაბორაციული ფირმებისა და წევრების სახით მსოფლიოს 221-ზე მეტ ადგილას არის წარმოდგენილი. რას მოიცავს თანამშრომლობა? სტუმრები: ზურაბ ნიკვაშვილი - "პრაიმ ტექსის" დირექტორი და მმართველი პარტნიორი; გიორგი სვანაძე - "პრაიმ ტექსის" დირექტორი და მმართველი პარტნიორი, ემ ჯი იურიდიული ოფისის პარტნიორი; #ახალიამბები #BusinessMediaGeorgia
პანევროპული Executive MBA პროგრამის ფარგლებში, სასტუმრო ბილთმორში პანელური დისკუსია გაიმართა, რომელსაც პან-ევროპული Executive MBA პროგრამის აკადემიური დირექტორი დოქტორი ლესლი უძღვებოდა. დისკუსიის თემას “გაიცანი აღმასრულებელი დირექტორი: რას ეძებს საუკეთესო” წარმოადგენდა. სემინარზე პროგრამის კურსდამთავრებულმა მაღალლი დონის აღიარებულმა ექსპერტებმა აუდიტორიას, ის ცოდნა და კარიერული გამოცდილება გაუზიარეს, რომელიც პროგრამისგან და ზოგადად პროფესიული საქმიანობისგან მიიღეს. #ახალიამბები #BusinessMediaGeorgia
რუსეთ-უკრაინის ომის დაწყების შემდეგ საქართველოში რუსეთის და ბელარუსიის მოქალაქეები ბიზნესებს აქტიურად არეგისტრირებენ. რა გამოწვევები არსებობს საბანკო მომსახურების მიღებასთან დაკავშირებით და შესაძლოა თუ არა ეს ბიზნესები საქნციებისგან თავის არიდების მიზნებისთვის იყოს გამოყენებული? სტუმრები: დავით კლდიაშვილი - იურისტი; გოჩა ოყრეშიძე - იურისტი #ახალიამბები #BusinessMediaGeorgia