BMG & Jeep Georgia წარმოგიდგენთ #BMGDRIVE-ს:
ქართველი დიზაინერების სამოსის ფასის ზრდას ნედლეულის უცხოეთში ყიდვა იწვევს. ქართველი დიზაინერები ფიქრობენ, რომ სექტორმა ტექსტილის და სხვა აქსესუარების წარმოება ადგილზე უნდა დაიწყოს, რაც ერთი მხრივ სწორი მარჟის დაჭერის, მეორე მხრივ კი მდგრადი გაყიდვების შესაძლებლობას მისცემთ. მაღალი ფასის კიდევ ერთ მიზეზად მოდის დარგის ექსპერტები ბიზნესმენების ნაწილში ცოდნის დაბალ დონეს ასახელებენ. როგორ ვითარდებიან ქართული ბრენდები ადგილობრივ და საერთაშორისო ბაზარზე? სტუმარი: ნინელი ჩხაიძე - დიზაინერი; Ninellie, დამფუძნებელი #ახალიამბები #BusinessMediaGeorgia
ვენახების კადასტრის პროგრამა დასრულდა. ღვინის ეროვნული სააგენტოს ინფორმაციით, დღევანდელი მდგომარეობით, მთელი ქვეყნის მასშტაბით, ვენახები სრულად აღწერილია, შეკრებილია ინფორმაცია 48 642 ჰა ვენახის, 47 091 მევენახის და 170 174 ნაკვეთის შესახებ. სექტორი მოელის, რომ ვენახების აღწერის პროცესი საქართველოში ყურძნისა და ღვინის ფალსიფიცირების შემთხვევების მინიმუმამდე შეამცირებს და ამასთან გაიზრდება საერთაშორისო ბაზრებზე ქართული ღვინის კონკურენტუნარიანობაც. სტუმარი: შალვა ხეცურიანი - სომელიეთა ასოციაციის პრეზიდენტი & “მარანი ხეცურიანის“ მფლობელი; #ახალიამბები #BusinessMediaGeorgia
საქართველოდან ევროკავშირში ექსპორტის ხელშეწყობის მიზნით, მიმდინარე წელს, სახელმწიფო ბიუჯეტიდან ჯამში 61 590 000 ლარი დაიხარჯება. ამის შესახებ ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) განხორციელების 2024 წლის სამოქმედო გეგმაშია აღნიშნული. შესაბამის პროექტებზე პასუხისმგებელი უწყება სააგენტო "აწარმოე საქართველოშია". ევროკავშირის ტერიტორიაზე ექსპორტის ხელშეწყობისთვის დაგეგმილია საერთაშორისო ღონისძიებებში, გამოფენებსა და სავაჭრო მისიებში ქართული კომპანიების მონაწილეობის ხელშეწყობის დაფინანსების ზრდა, ბიუჯეტი კი 1 მლნ-ით - 2 მლნ 500 ათასი ლარამდე იზრდება. ამასთან, წელს მცირე და საშუალო მეწარმეობის მხარდასაჭერად, სესხის/ლიზინგის პროცენტის თანადაფინანსების პროგრამის ფარგლებში 58 500 000 ლარი დაიხარჯება. პროგრამის ბიუჯეტი 2023 წელთან შედარებით შემცირებულია, ვინაიდან გასულ წელს პროგრამისთვის 108 000 000 ლარი იყო გათვალისწინებული. შესრულების ანგარიშის მიხედვით, პროგრამის ფარგლებში 560 კომპანიის 655 სესხის/ლიზინგის თანადაფინანსება დამტკიცდა, რომელთა ჯამური მოცულობა 519.6 მილიონი ლარია. დოკუმენტში ასევე აღნიშნულია, რომ ამ პროექტების ფარგლებში დაგეგმილია 898.1 მილიონი ლარის მოცულობის ინვესტიციის განხორციელება და 5 700‐ზე მეტი სამუშაო ადგილის შექმნა. მცირე და საშუალო ბიზნესების ექსპორტის მენეჯერების გადამზადებისთვის მიმდინარე წელს 90 000 ლარია გამოყოფილი, 2023 წელს ბიუჯეტი 75 000 ლარი იყო. გასულ წელს 60 მენეჯერი გადამზადდა. ექსპორტის სტიმულირების ტექნიკური დახმარების პროგრამისთვის წელს 500 000 ლარია გამოყოფილი. დაფინანსება ამ შემთხვევაშიც გაზრდილია, ვინაიდან გასულ წელს თავდაპირველი ბიუჯეტი 350 000 ლარი იყო. რა სჭირდება ევროკავშირში ექსპორტის ზრდას? სტუმარი: რატი ღოლიჯაშვილი - „ბიოქიმფარმის“ გენერალური მენეჯერი; #ახალიამბები #BusinessMediaGeorgia
ეროვნული ბანკის მონეტარული პოლიტიკის კომიტეტის გადაწყვეტილებით, რეფინანსირების განაკვეთი 0.75 პროცენტული პუნქტით, 8.25%-მდე შემცირდა. ეს 2009 წლის შემდეგ რეფინანსირების განაკვეთის შემცირების ყველაზე მკვეთრი ბიჯია, რადგანაც გასული წლების განმავლობაში ეროვნული ბანკი რეფინანსირების განაკვეთს ძირითადად 0.25-0.5 პროცენტული პუნქტის შუალედში ამცირებდა. რაც შეეხება თავად განაკვეთის მოცულობას, ის 2021 წლის თებერვლის შემდეგ ასეთი მცირე მოცულობის არ ყოფილა. სებ-ის განმარტებით, ქვეყანაში არსებული დაბალი ინფლაციური მოლოდინების გათვალისწინებით, ამ ეტაპზე მიზანშეწონილია რეფინანსირების განაკვეთის შემცირება. რამდენად მიზანშეწონილია განაკვეთის ამდენად თამამად შერბილება? სტუმარი: აკაკი ცომაია - ეკონომისტი; #ახალიამბები #BusinessMediaGeorgia
ეროვნული ბანკი მონეტარული პოლიტიკის შერბილებას აგრძელებს და გუშინდელ სხდომაზე რეფინანსირების განაკვეთი დამატებით 0.75 პროცენტული პუნქტით, 8.25%-მდე შეამცირა. ეს კი 2021 წლის თებერვლის შემდეგ ყველაზე დაბალი მაჩვენებელია. სებ-ის განმარტებით, ქვეყანაში არსებული დაბალი ინფლაციური მოლოდინების ფონზე, რეფინანსირების განაკვეთის შემცირება მიზანშეწონილია. თუმცა მარეგულირებელი იმასაც განმარტავს, რომ ინფლაციური რისკები კვლავ არსებობს, მათ შორის ერთ-ერთ მთავარ რისკად ტრანსპორტირების გაძვირება სახელდება. ეკონომისტების შეფასებით, მაკროეკონომიკური გარემო მონეტარული პოლიტიკის შერბილების საშუალებას იძლევა, თუმცა ისინი მიმდინარე წელს განაკვეთის მკვეთრად შემცირებას აღარ ელიან. როგორ აისახება ეროვნული ბანკის გადაწყვეტილება ბაზარზე და როგორია მოლოდინები? #ახალიამბები #BusinessMediaGeorgia
ერთიანი ეროვნული გამოცდები 2024 - რეგისტრაცია დაიწყო #ახალიამბები #BusinessMediaGeorgia
გალთ & თაგარტმა ნედლეულის გლობალური ბაზრების მიმოხილვა მოამზადა, რომელშიც თებერვალში დაფიქსირებული ტენდენციებია გაანალიზებული. დოკუმენტში ფასების დინამიკაა ასახული, რომელიც მოიცავს, ნავთობს, ბუნებრივ აირს, ოქროს, ამონიუმის ნიტრატს, ხორბალს, სპილენძის მადნებს და კონცენტრატებს და ფეროსილიკონს. სტუმრები: კახა სამყურაშვილი - Galt & Taggart-ის სექტორული კვლევების უფროსი; სერგი ყურაშვილი - Galt & Taggart-ის უფროსი ანალიტიკოსი #ახალიამბები #BusinessMediaGeorgia
პრემიერის განკარგულებით, შიდა ფრენების ხელშეკრულება კიდევ ერთხელ, ამჯერად 3 თვით გახანგრძლივდა. 1 მარტს გამოცემული განკარგულების მიხედვით, კომპანიებს, რომლებიც შიდა ფრენებს ახორციელებენ უფლება 31 მაისის ჩათვლით ექნებათ. სახელმწიფოს სუბსიდირების მიუხედავად, კომპანია "აკეარ ჯორჯია", რომელიც ქვეყანაში შიდა ფრენებს ახორციელებს, ზარალზე მუშაობს. სტუმარი: ირინა მღებრიშვილი - “აკეარ ჯორჯიას” ფინანსური და ადმინისტრაციული მენეჯერი; #ახალიამბები #BusinessMediaGeorgia
"კაპიტალის ბაზრის საერთაშორისო კონფერენცია" - ორგანიზატორი TBC Capital გიორგი არონია - "საქმიანი საღამოს" & TECH INFORM-ის ავტორი და წამყვანი; მერი ჩაჩანიძე - “თიბისი კაპიტალის” მმართველი დირექტორი; #ახალიამბები #BusinessMediaGeorgia
2 კვირა გავიდა, რაც ძალაში პერსონალურ მონაცემთა დაცვის შესახებ ახალი კანონი შევიდა, რომელმაც მომხმარებლის ნებართვის გარეშე, როგორც მობილურ ტელეფონზე გაგზავნილი სარეკლამო SMS-ები, ასევე ელექტრონულ ფოსტაზე შეტყობინებების გაგზავნა აკრძალა. განსხვავებული პოზიციები ჰქონდათ ბიზნესის წარმომადგენლებს რეგულაციასთან მიმართულებით, თუმცა, როგორც BMG-ისთან SMS მარკეტინგში ჩართული კომპანიების წარმომადგენლები ამბობენ, რეფორმამ ყველაზე მეტად ბიზნესის ის ნაწილი დააზარალა, რომლებიც სატელეფონო ბაზების შეგროვებით და შემდეგ გაყიდვით იყვნენ დაკავებულები. არასრულ ორ კვირაში, კანონის ამოქმედებიდან ბიზნესისთვის გაჩნდა ახალი პროდუქტი, რომლის დახმარებითაც მომხმარებლებთან წვდომა ისევ შესაძლებელს ხდის. ლევან მესხიშვილი, GoSms.ge -ის დირექტორი გაგვარკვევს ვისთვის არის ეს პროდუქტი და რა შესაძლებლობაა ბიზნესებისთვის. სტუმარი: ლევან მესხიშვილი - GoSms.ge-ის დირექტორი #ახალიამბები #BusinessMediaGeorgia
საქართველოს ეროვნულმა ბანკმა 2019 წელს მდგრადი დაფინანსების გზამკვლევი გამოაქვეყნა. დოკუმენტის მთავარი მიზანი ბაზრის მდგრად დაფინანსებაზე გადასვლისთვის მომზადება იყო. 2022 წლის აგვისტოს თვეში ეროვნულმა ბანკმა მდგრადი დაფინანსების ტაქსონომია და ტაქსონომიის მიხედვით სესხების კლასიფიცირებისა და ანგარიშგების წესი დაამტკიცა, რაც 2023 წლის იანვრის თვიდან ამოქმედდა საქართველოში. ტაქსონომიის შემუშავება ევროკომისიის რეკომენდაციის საფუძველზე მოხდა და მოიცავს როგორც გარემოსდაცვით ისე სოციალურ ასპექტს. როგორ უწყობს ხელს ეროვნული ბანკის მიერ შემუშავებული რეგულაციები ქალთა ეკონომიკურ გაძლიერებას საქართველოში და როგორ მიმდინარეობს რეგულაციების აღსრულების პროცესი? სტუმრები: სალომე ზურაბიშვილი - გაეროს გლობალური შეთანხმების საქართველოს ქსელის აღმასრულებელი დირექტორი; სალომე თვალოძე - საქართველოს ეროვნული ბანკის მდგრადი დაფინანსების განყოფილების უფროსი; ალექსანდრე ჯაშიაშვილი - პროკრედიტ ბანკი საქართველოს გარემოსდაცვითი განყოფილების უფროსი #ახალიამბები #BusinessMediaGeorgia
საქართველოს ბიზნეს ასოციაცია მიმდინარე კვირას კიდევ ერთ წევრ კომპანიას ესტუმრა. BAG-ის წარმომადგენლები ამჯერად სუპერმარკეტების ქსელ "გუდვილში" იმყოფებოდნენ, სადაც კომპანიის მიმდინარე სიახლეებსა და სამომავლო გეგმებს გაეცნენ. აღსანიშნავია, რომ 15 წლის წინ, როდესაც ბიზნეს ასოციაცია შეიქმნა, სწორედ "გუდვილი" იყო ერთ-ერთი პირველი კომპანია, რომელიც მისი წევრი გახდა. როგორც გუდვილის წარმომადგენლები განმარტავენ, ეს მრავალწლიანი, ნდობაზე დაფუძნებული ურთიერთობა მათთვის ბარიერების გადალახვისა და მეტად განვითარების გარანტია. #ახალიამბები #BusinessMediaGeorgia
"ქართული ლუდის კომპანიამ" გერმანულ Krombacher-თან თანამშრომლობის ხელშეკრულება გააფორმა. შედეგად, ზედაზენი გერმანული ბრენდის ოფიციალური წარმომადგენელია. ამასთან არამარტო საქართველოში, არამედ აზერბაიჯანში. თანამშრომლობასთან დაკავშირებით ღონისძიება გუშინ, თბილისში, სასტუმრო პარაგრაფში გაიმართა. #ახალიამბები #BusinessMediaGeorgia
რა ეტაპზეა საინვესტიციო კანონმდებლობა, რომელიც მთავრობას პარლამენტში ჯერ კიდევ გასული წლის შემოდგომაზე უნდა წარედგინა? მთავრობის ივნისის მოხსენებაში აღინიშნა, რომ კანონმდებლობაზე მუშაობა კერძო და საჯარო სექტორთან ერთად მიმდინარეობს. ახალი კანონით, არსებული საინვესტიციო პოლიტიკა უნდა გადაიხედოს, ინვესტორთა უფლებების დაცვის არეალი კი გაიზარდოს. კერძო სექტორში აცხადებენ, რომ მთავრობასთან პროექტზე კომუნიკაცია არ ჰქონიათ. მსხვილი ბიზნესი მზადაა, ხელისუფლებას თავისი ხედვა გააცნოს. რა ხედვა აქვს კერძო სექტორს და რა ეტაპზეა დოკუმენტი? #ახალიამბები #BusinessMediaGeorgia
#საქმიანიდილა - 14 მარტი - პროლოგი #ახალიამბები #BusinessMediaGeorgia
შოკოლადის გიგანტური შადრევნის პროექტი ტასმანიაზე - “ვილი ვონკას მოტივები” არჩევნების წინ; #ახალიამბები #BusinessMediaGeorgia
გუშინ USAID-ის ეკონომიკური უსაფრთხოების 5-წლიანი პროგრამის შემაჯამებელი ღონისძიება გაიმართა. ამ პროგრამამ მხარი დაუჭირა საქართველოში მნიშვნელოვანი ეკონომიკური ცვლილებების შექმნას, მათ შორის გაყიდვების 65 მილიონი დოლარით ზრდას, 5000-მდე ახალი სამუშაო ადგილის შექმნას, 5000 მუშაკისთვის პროფესიული უნარების ტრენინგის ჩატარებას და 35 სტრატეგიული პარტნიორობის ხელშეწყობას. პროგრამის ფარგლებში მოზიდული ინვესტიცია 34 მილიონ დოლარს შეადგენს. ბოლო რამდენიმე წლის განმავლობაში USAID-ის ეკონომიკური უსაფრთხოების პროგრამამ მრავალი ინიციატივა განახორციელა პრიორიტეტული სექტორების გაძლიერების მიზნით, მათ შორისაა გაზიარებული ინტელექტუალური სერვისები, მსუბუქი მრეწველობა, ნარჩენების მართვა, ტურიზმი თუ სხვა. სტუმარი: დავით წიკლაური - USAID-საქართველოს კერძო სექტორის განვითარების უფროსი მრჩეველი; #ახალიამბები #BusinessMediaGeorgia
ის, რაც მოქმედმა პრემიერმა ყოფილ ჯანდაცვის მინისტრს დაუწუნა კომუნიკაციის და მართვის ხარისხია. ახალი მინისტრი ამბობს, რომ მაქსიმალური გახსნილობა და გადაწყვეტილებების მიღების პროცესში სამედიცინო საზოგადოების ჩართულობა არის მთავარი ინსტრუქცია, რაც მან პრემიერისგან მიიღო. რა სისტემური ხარვეზები ხვდება მიხეილ სარჯველაძეს ჯანდაცვის სისტემაში, რამდენად სწორი მიმართულებით მიდის დაწყებული რეფორმები, როგორი არის და უნდა იყოს მთავრობის ჯანდაცვის პოლიტიკა? სტუმარი: ზურაბ ჭიაბერაშვილი - ჯანდაცვის ყოფილი მინისტრი; #ახალიამბები #BusinessMediaGeorgia
ჯანდაცვის სამინისტროს ახალი ხელმძღვანელი ჰყავს. კვირის პირველ სამუშაო დღეს პრემიერ მინისტრმა ირაკლი კობახიძემ მინისტრის პოსტზე ადამიანის უფლებების დაცვის საპარლამენტო კომიტეტის თავმჯდომარე მიხეილ სარჯველაძე წარადგინა. ახალმა მინისტრმა თქვა, რომ მთავარი ინსტრუქცია, რაც მთავრობის მეთაურისგან მიიღო, გადაწყვეტილებების მიღების პროცესში სამედიცინო საზოგადოების მეტი ჩართულობაა. მაქსიმალური გახსნილობა - როგორც სარჯველაძე ამბობს, ეს იქნება ჯანდაცვის უწყების მუშაობის მთავარი მახასიათებელი. ახალი მინისტრი ღიაობის პირობას დებს, თუმცა ჯერ საზოგადოებისთვის უცნობია მისი ხედვა, თუ როგორ წარმოუდგენია მისი წინამორბედის დროს დაწყებული რეფორმების გაგრძელება. მედიის მიერ დასმულ კონკრეტულ კითხვებზე ის მხოლოდ იმას პასუხობს, რომ არსებული მდგომარეობის გასაცნობად გარკვეული დრო დასჭირდება და უახლოეს მომავალში შეძლებს ისაუბროს, როგორია ცალკეული პრობლემების გადაჭრის მისი სამოქმედო გეგმა. კლინიკების დაფინანსების DRG მოდელთან დაკავშირებით, რომლის ფარგლებში დადგენილი ტარიფები გარკვეული მიმართულებით ყველაზე კრიტიკულია დღეს სამედიცინო სექტორისთვის, ახალი მინისტრი ამბობს, რომ აუცილებელია დარგთან და სამედიცინო საზოგადოებასთან კონსულტაცია, მათი მოსაზრებების მოსმენა და საუკეთესო მოდელის შერჩევა, რომელიც ქვეყანას და თითოეულ პაციენტს წაადგება. რა გზავნილია ახალი მინისტრის განცხადებები სამედიცინო საზოგადოებისთვის, რა გამოწვევები ხვდება მიხეილ სარჯველაძეს დარგში და რა აწუხებს ყველაზე მეტად დღეს ჯანდაცვის სექტორს? სტუმარი: არჩილ მორჩილაძე - სამედიცინო ასოციაციების გაერთიანების აღმასრულებელი მდივანი; #ახალიამბები #BusinessMediaGeorgia
სამუშაოზე ხელმისაწვდომობისა თუ კარიერული წინსვლის თვალსაზრისით გენდერული უთანასწორობა ევროპის ქვეყნებში კვლავ მნიშვნელოვან გამოწვევად რჩება, თუმცა ზოგადი სტატისტიკის მიღმა შეგვიძლია გამოვყოთ ისეთი ქვეყნები, რომლებიც სხვებთან შედარებით ქალებს უკეთეს კარიერულ შესაძლებლობებს სთავაზობენ. რომელი სახელმწიფოები გამოირჩევა ამ მხრივ და როგორ პოზიციონირებს მათ შორის საქართველო? ლიკა მეგუთნიშვილი - BMG-ის რეპორტიორი; #ახალიამბები #BusinessMediaGeorgia
ქალთა ეკონომიკური გაძლიერებისა და გენდერული თანასწორობის ხელშეწყობის მიზნით, საქართველოს ბანკი, გაეროს განვითარების პროგრამასთან თანამშრომლობითა და შვედეთის მთავრობის მხარდაჭერით, მეწარმე ქალთა განვითარების პროგრამის მეშვიდე ნაკადზე მიღებას აცხადებს. პროგრამა ქალ ლიდერებს, რომლებიც მცირე და საშუალო ზომის ბიზნესებსა და საწარმოებს წარმოადგენენ, 360°-იან მხარდაჭერას სთავაზობს. სტუმრები: რუსუდან ბარათაშვილი - საქართველოს ბანკის მცირე და საშუალო ბიზნესის დამატებითი ღირებულების სერვისების განვითარების დეპარტამენტის დირექტორი; ანა ჩხეიძე - გაეროს ერთობლივი პროგრამა გენდერული თანასწორობისთვის პროექტის კოორდინატორი #ახალიამბები #BusinessMediaGeorgia
რეგიონში პირველი ონლაინ ნეო უნივერსიტეტის, Skillwill-ის ინიციატივით, რეზო თურნავას სახელობის ციფრული განათლების ფონდი დაფუძნდა. დღეს, 13 მარტს, სასტუმრო პულმანში, ოფიციალურად დაანონსდება ფონდის დაფუძნება, რომელშიც კერძო სექტორის წარმომადგენლები, ბაზრის მსხვილი დამსაქმებელი კომპანიები გაწევრიანდებიან. კომპანიები ხელმოწერით დაადასტურებენ ფონდში გაწევრიანებას და თავიანთ წვლილს ამ საქმეში. რას გულისხმობს ფონდის საქმიანობა და როგორია ფონდში გაწევრიანებული მსხვილი კომპანიების მაჩვენებელი? სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; ლანა ჩხარტიშვილი - „Skillwill საქართველოს“ დირექტორი. #ახალიამბები #BusinessMediaGeorgia
თიბისიმ ბიზნესის მხარდაჭერის პროექტში ბიზნეს დაჯილდოება 2023-ი გამარჯვებული კომპანიები გამოავლინა. ჟიურიმ გამარჯვებულები 5 ნომინაციაში დაჯილდოებაში მონაწილე 400-ზე მეტი კომპანიიდან შეარჩია. „გამორჩეული სამომხმარებლო გამოცდილების შექმნისთვის“ დაჯილდოვდა ბუღალტრული და ფინანსური სერვისების კომპანია „ენთები“, რომელიც ყოველდღიურად 500-ზე მეტ კლიენტ კომპანიას ემსახურება. ხოლო ნომინაციაში, „გამორჩეული სოციალური პასუხისმგებლობისთვის“ კომპანია „ბაბალემ“ გაიმარჯვა, თავისი გამორჩეული საქმიანობისთვის, რაც საქართველოში მცხოვრები შეზღუდული შესაძლებლობის მქონე ადამიანების დასაქმებას გულისხმობს. სტუმრები: ლია ტაბატაძე - "ბაბალეს" დამფუძნებელი; მარიამ კახიძე - “ენთების” კომერციული დირექტორი; #ახალიამბები #BusinessMediaGeorgia
საქართველოს საბანკო ასოციაციამ საერთაშორისო საფინანსო კორპორაციასთან და მოქმედ მდგრად საბანკო და საფინანსო ქსელთან ერთად, სხვადასხვა ქვეყნის საბანკო ასოციაციებს უმასპინძლა. შეხვედრა მდგრადი დაფინანსებისა და გარემოსდაცვით, სოციალურ და მმართველობის, იგივე ESG თემას მიეძღვნა. უკვე წლებია საერთაშორისო თანამეგობრობამ ერთხმად აღიარა მდგრადი განვითარების მიზნებისა და კლიმატის ცვლილებაზე პარიზის შეთანხმების მნიშვნელობა და კერძო სექტორის გადამწყვეტი როლი მათ მიღწევაში. სტუმრები: ლევან გოგოლაძე - საქართველოს საბანკო ასოციაციის ESG მიმართულების კოორდინატორი; ალექსანდრე ჯაშიაშვილი - პროკრედიტ ბანკი საქართველოს გარემოსდაცვითი მართვის განყოფილების უფროსი; ანა ოსაძე - საქართველოს ბანკის მდგრადობის და ESG მიმართულების ხელმძღვანელი; #ახალიამბები #BusinessMediaGeorgia
"დიჯითალ ინსტიტუტში" სიახლეებია. ყველა სასწავლო ციფრულ პროგრამაზე 50%იანი ფასდაკლება, უცხოელი წამყვანი ტექ პროფესიონალები და ახალი სასწავლო პროგრამები. ამ და სხვა სიახლეების შესახებ "დიჯითალ ინსტიტუტმა" ღონისძიებაც გამართა, სადაც თავისი არსებული და სამომავლო პროგრამების შესახებ სიახლეები სტუდენტებს გაუზიარა. #ახალიამბები #BusinessMediaGeorgia
უძრავი ქონების ღირებულება მსოფლიოს მასშტაბით ზრდის ტემპით ხასიათდება. კონკრეტული ქვეყნის ჭრილში, მიზეზები სხვადასხვაა. ბოლო მონაცემებით უძრავი ქონების კუთხით, ფასის ყველაზე მაღალ ზრდას თურქეთი აჩვენებს. თურქეთში საცხოვრებლის ფასის მატების მთავარი მიზეზი ინფლაცია, ეროვნული ვალუტის მერყეობა და მათ შორის მიწისძვრებია, რომელმაც მოსახლეობაში მდგრად, ძვირიან უძრავ ქონებაზე მოთხოვნა გაზარდა. ფასზე გავლენას უცხოელი შემსყიდველებიც ახდენენ. თურქეთის შემთხვევაში, უცხოელ მყიდველებს შორის რუსები ჭარბობენ და ეს ტენდენცია განსაკუთრებით რუსეთ-უკრაინის ომის შემდეგ შეიმჩნევა. რამდენი პროცენტით გაიზარდა თურქეთში უძრავი ქონების ღირებულება და რა არის ის ძირითადი მიზეზები რასაც ექსპერტები გამოყოფენ? #ახალიამბები #BusinessMediaGeorgia
WHO: ევროპაში თუთიყუშის ცხელების აფეთქებაა #ახალიამბები #BusinessMediaGeorgia
გორი მოლში "ევრობრენდის" რიგით მეათე ფილიალი გაიხსნა, რაც იმას ნიშნავს, რომ "ევრობრენდში" წარმოდგენილი ბრენდული და ამავდროულად ხელმისაწვდომი ფასის მქონე პროდუქცია ახლა უკვე გორის მოსახლეობისთვისაც ხელმისაწვდომია. მეათე ფილიალის გახსნასთან ერთად კომპანია უახლოეს მომავალში თბილისში კიდევ ერთი ობიექტის გახსნასაც აანონსებს. ირაკლი ყიფშიძე - "ევრობრენდის" კომერციული დირექტორი #ახალიამბები #BusinessMediaGeorgia
რომელ ქვეყნებშია ყველაზე დაბალი საშუალო ანაზღაურება და სად აქვთ დასაქმებულებს წლიურად ყველაზე მაღალი ხელფასი - ამ კითხვებზე საპასუხოდ შრომის საერთაშორისო ორგანიზაცია უახლეს კვლევას აქვეყნებს, Numbeo-ს მონაცემებზე დაყრდნობით 42 ქვეყანა არის შეფასებული, განხილულია თითოეულ მათგანში როგორც ინფლაციის მაჩვენებელი, ასევე ზოგადი ეკონომიკური მდგომარეობა. რა თანხით განისაზღვრება სხვადასხვა სახელმწიფოში საშუალო წლიური ანაზღაურება? #ახალიამბები #BusinessMediaGeorgia
იქნება თუ არა გლობალური ეკონომიკა 2024 წელს უფრო მდგრადი, ვიდრე გასულ წელს? - ეს არის თემა, რომელზეც ვიზუალ კაპიტალისტი ინფორმაციას აქვეყნებს. ვიზუალიზაცია Ipsos-ის მიერ 2023 წლის 20 ოქტომბრიდან 3 ნოემბრის ჩათვლით, მსოფლიოს სხვადასხვა ქვეყნის მოსახლეობის გამოკითხვის მონაცემებს იყენებს . 2024 წლიდან დასაწყისიდან, გამოკითხულთა საშუალოდ 50% დარწმუნებული იყო, რომ გლობალური ეკონომიკა უფრო ძლიერი იქნებოდა, ვიდრე 2023 წელს. რომელი ქვეყნების მოქალაქეები არიან ყველაზე მეტად გლობალური ეკონომიკის მდგრადობაში დარწმუნებული? #ახალიამბები #BusinessMediaGeorgia
არსებული მდგომარეობით, მოსახლეობის საპენსიო დანაზოგების 99%, ანუ 4.57 მილიარდი ლარი დაბალრისკიან საინვესტიციო პორტფელში არის განთავსებული. აღნიშნული პორტფელის 80% ქართულ საინვესტიციო აქტივებში არის ინვესტირებული, 20% კი უცხოურ ვალუტაშია ნომინირებული და მისი მეშვეობით საერთაშორისო საფონდო ბირჟაზე არის ინვესტიციები განხორციელებული. #ახალიამბები #BusinessMediaGeorgia
#საქმიანიდილა - 13 მარტი - პროლოგი #ახალიამბები #BusinessMediaGeorgia
The Financial Times-ის სტატია საქართველოს ტურიზმზე #ახალიამბები #BusinessMediaGeorgia
ყველაფერი ოსკარების 96-ე დაჯილდოების შესახებ #ახალიამბები #BusinessMediaGeorgia
თბილისის ზღვის მიმდებარე ტერიტორიაზე ახალი ზოოპარკის მშენებლობა გრძელდება. 48 ჰექტარ მიწის ფართობზე განთავსებულ ზოოლოგიურ პარკში ამ დროისთვის რამდენიმე ინფრასტრუქტურული პროექტი განხორციელდა. ამჟამად ორი მთავარი ზამთრის ვოლიერის მშენებლობა მიმდინარეობს, რომლის დასრულებაც წლის ბოლომდე იგეგმება. ახალი ზოოპარკი ბიო-გეოგრაფიული ოლქების მიხედვით დაიყოფა, სადაც ორი მთავარი მიმართულება კავკასიური და აფრიკული სავანა იქნება. დაგეგმილია კოლექციის განახლება და გადაშენების პირას მყოფი ცხოველების გამრავლება. ახალი ზოოპარკი საკუთარი ინიციატივით არალეგალური ტყვეობიდან გათავისუფლებული ცხოველების რეაბილიტაციის ფუნქციასაც შეითავსებს.
წელს პირველად აჭარის ტურისტულ შესაძლებლობებს ინდოეთის ტურისტულ გამოფენაზე გაეცნენ. რეგიონის და ზოგადად, საქართველოს, როგორც მრავალ ფეროვანი და ინდოეთისთვის ახალი ტურისტული მიმართულების პოპულარიზაციას, აჭარის ტურიზმის დეპარტამენტი ტურიზმის ეროვნულ ადმინისტრაციასთან და ტურისტულ კომპანიებთან ერთად განახორციელა. გამოფენის ფარგლებში მნიშვნელოვანი შეხვედრები გაიმართა ინდოეთის ტურიზმის სამინისტროს, მსხვილი ტურისტული ასოციაციებისა და მედიის წარმომადგენლებთან. ინდოეთის ტურიზმის სამინისტროს დეპარტამენტის ხელმძღვანელთან და ინდოეთის ტურიზმის გაერთიანებულ მდივანთან შეხვედრისას მხარეებმა ორმხრივი თანამშრომლობის საკითხები განიხილეს. რა მოსალოდნელი ეფექტი შეიძლება ჰქონდეს ინდოეთის ბაზარზე აჭარის მარკეტინგულ აქტივობებს და რა ხდება ბათუმში გაზაფხულისთვის? სტუმარი: ირაკლი თავართქილაძე - „აჭარა ტურის“ დამფუძნებელი, რესტორანი „აკროპოლეს“ დამფუძნებელი; #ახალიამბები #BusinessMediaGeorgia
საქართველოს ახალი ჯანდაცვის მინისტრი პარლამენტის მოქმედი წევრი მიხეილ სარჯველაძე გახდა. პროფესიით სამართალმცოდნე მიხეილ სარჯველაძე ქართული ოცნება - დემოკრატიული საქართველოს“ პარტიული სიით საქართველოს მეათე მოწვევის პარლამენტის მოქმედი დეპუტატია. ის ადამიანის უფლებათა დაცვის და სამოქალაქო ინტეგრაციის კომიტეტს ხელმძღვანელობდა. „ჩემთვის პატივია, რომ შესაძლებლობა მექნება, ირაკლი კობახიძის მხარდაჭერით, მის გუნდში ქვეყნის სამსახური გავწიო და ჩვენი ქვეყნის მოსახლეობისთვის სასარგებლო ვიყო. პასუხისმგებლობას მაკისრებს ჩემი განსაკუთრებული პატივისცემა სამედიცინო საზოგადოებისადმი, რომელიც ვთვლი, რომ ამ ქვეყნის უზარმაზარი პოტენციალის მქონე ინტელექტუალური საზოგადოებაა, რომელთან თანამშრომლობითაც შესაძლებელი იქნება დასახული მიზნის მიღწევა და ნებისმიერი ამოცანის გადაჭრა: იქნება ეს სამართლიანი სოციალური პოლიტიკის გატარება თუ თითოეული პაციენტის უფლებების სადარაჯოზე დგომა.“ - ასეთი იყო მინისტრის რანგში გაკეთებული მისი პირველი კომენტარი. სტუმარი: ირაკლი მარგველაშვილი - საერთაშორისო ფარმაცევტული კომპანიების წარმომადგენელთა ასოციაციის დირექტორი; #ახალიამბები #BusinessMediaGeorgia
Winglet-ის პროექტი - #გამომყევიევროპაში #გამომყევიევროპაში - პორტო, პორტუგალია სტუმრები: ანა კირკიტაძე - „ვინგლეთის“ დამფუძნებელი; რატი ამაღლობელი - პოეტი, პორტოს გიდი; #ახალიამბები #BusinessMediaGeorgia
დეველოპერული კომპანია „ლისი დეველოპმენტმა“ 2024 წელი გაძლიერებული მმართველი გუნდით და განახლებული სტრატეგიით დაიწყო. კომპანია უძრავი ქონების ბაზარზე 13 წელია ოპერირებს და ამ დროის განმავლობაში თბილისს არაერთი გამორჩეული პროექტი შესთავაზა. ჯამში ლისი დეველოპმენტს 70 მლნ დოლარზე მეტი აქვს ინვესტირებული, საიდანაც 10 მლნ-ზე მეტი მხოლოდ მწვანე საფარზე და დამატებით ინფრასტრუქტურაზე მოდის. როგორია კომპანიის ხედვა და გეგმები მიმდინარე წელთან დაკავშირებით? სტუმარი: აკაკი ჩხიკვაძე - “ლისი დეველოპმენტის” ბიზნესის განვითარების დირექტორი #ახალიამბები #BusinessMediaGeorgia
კარგი დროა ახლა, საგაზაფხულო შეთავაზებებზე სასაუბროდ, განსაკუთრებით მათთვის ვინც აგრობიზნესშია ჩართული და ემზადება სამუშაოების დასაწყებად. ამბავი კი ის გახლავთ, რომ ლიბერთი აგრძელებს მომხმარებელზე ორიენტირებული პირობების შეთავაზებას ბიზნეს და აგროპროდუქტებზე. ახალი საგაზაფხულო შეთავაზება, სხვადასხვა საბანკო პროდუქტზე ხელმისაწვდომობას ითვალისწინებს და ნებისმიერ მომხმარებელს საკუთარი ბიზნესის გაზრდის შესაძლებლობას აძლევს. კამპანიის ფარგლებში - "გაზარდე შენი ბიზნესი“ ლიბერთის ბიზნეს და აგრომომხმარებლებს აქციის ფარგლებში აღებული სესხის თანხაზე 2%-მდე ქეშბექით სარგებლობა შეეძლებათ. სტუმარი: ირაკლი აბაშიძე - "ლიბერთის" მცირე და საშუალო ბიზნესის მიმართულების დირექტორის მოადგილე; #ახალიამბები #BusinessMediaGeorgia
Galt & Taggart - გალტ & თაგარტი: გლობალური ბაზრების ყოველკვირეული მიმოხილვა / Global Markets Weekly Update სტუმარი: თაკო ჯინჭარაძე - Galt&Taggart;-ის ტრეიდერების ჯგუფის უფროსი; #ახალიამბები #BusinessMediaGeorgia
Galt & Taggart - გალტ & თაგარტი: საქართველოს ეკონომიკის მიმოხილვით ლაშა ქავთარაძე სტუმარი: ლაშა ქავთარაძე - Galt & Taggart-ის ეკონომისტი; #ახალიამბები #BusinessMediaGeorgia
მშენებლობა ქვეყნის ინფრასტრუქტურასთან ერთად საცხოვრებელი და სხვა დანიშნულების ნაგებობების შენებას მოიცავს. მშენებლობის სექტორში წინსვლას შეუძლია, ქვეყნის ეკონომიკური ბუმი გამოიწვიოს და პირიქით, როდესაც ქვეყანაში სწრაფი ეკონომიკური ზრდაა, მშენებლობის სექტორიც სწრაფად იზრდება. სამშენებლო სექტორში ქალები წარმოადგენენ მზარდ ძალას, რომლებსაც შეაქვთ საკმაო კონტრიბუცია, მრავალფეროვნება და ინოვაცია ინდუსტრიაში, სადაც ტრადიციულად დომინირებენ მამაკაცები. ქალები სამშენებლო სექტორში ისტორიულად ნაკლებად იყვნენ წარმოდგენილი, თუმცა მათი ჩართულობა სტაბილურად მზარდია, რაც მნიშვნელოვანი ცვლილებაა ინდუსტრიის ლანდშაფტში. ბევრ ქვეყანაში ქალები შეადგენენ სამშენებლო სამუშაო ძალის დაახლოებით 9% - 11%-. პროექტების მენეჯმენტიდან დაწყებული ინჟინერიითა და სხვადასხვა სამშენებლო პროფესიებში ჩართულობით, ქალები არღვევენ ბარიერებს და შეაქვთ ეფექტური წვლილი სექტორის განვითარებაში. მიუხედავად ისეთი გამოწვევებისა, როგორიცაა სტერეოტიპები და ჩართულობის ნაკლებობა, მათი უნარები, მონდომება და გამოცდილება ცვლის სამშენებლო სექტორს. ბევრ დადებით ფაქტორთან ერთად მნიშვნელოვანია რომ ქალთა ჩართულობა აღნიშნულ სექტორში ეხმარება კომპანიებს მომხმარებლებს მათზე მორგებული მომსახურება და სერვისიც შესთავაზონ. სტუმრები: რატი ზაუტაშვილი - გაეროს გლობალური შეთანხმების საქართველოს ქსელის ბიზნესთან ურთიერთობის მიმართულების ხელმძღვანელი; ელენე კვანტრიშვილი - “დომუსის” ადამიანური კაპიტალის მართვის სამსახურის უფროსი; თათა ქაფიანიძე - ინფრასტრუქტურის მშენებელთა ასოციაციის კომუნიკაციების მენეჯერი; #ახალიამბები #BusinessMediaGeorgia
ყველაზე მეტი ავიაკატასტროფის მქონე ავია კომპანიების რეიტინგი გამოქვეყნდა. ამ კვლევაში წარმოდგენილი არიან ის ავიახაზები, რომლებმაც თავიანთი არსებობის ისტორიაში ყველაზე მეტი ავიაკატასტროფა გამოცადეს. #ახალიამბები #BusinessMediaGeorgia
ავტომობილის შესყიდვის დამღლელი და დროში გაწელილი პროცესის გასამარტივებლად კომპანია კავკასიის ავტომარკეტი მომხმარებელს კომფორტულ სამომხმარებლო გამოცდილებას სთავაზობს. რუსთავში, წითელი ხიდის გზატკეცილთან მდებარე კავკასიის ავტომარკეტის სივრცეში ყველა იმ სერვისს მიიღებთ რაც ავტომობილის შესყიდვას უკავშირდება. კომპანიის პროფესიონალი გუნდის დახმარებით, ადგილზევე შეარჩევთ სასურველ შემოწმებულ მოდელს, ჩაუტარებთ დიაგნოსტიკას, გადაიფორმებთ და ასე შემდეგ. კომპანიის მთავარი მიზანი სწორედ ეს არის, მომხმარებელს დაეხმაროს ინფორმირებული გადაწყვეტილების მიღებაში და მაქსიმალურად გაუმარტივოს ავტომობილის შესყიდვა. რა არის ის უპირატესობები, რომელიც კავკასიის ავტომარკეტს გამოარჩევს? ირაკლი ალექსიშვილი - „კავკასიის ავტომარკეტის“ კომერციული დირექტორი; #ახალიამბები #BusinessMediaGeorgia
#საქმიანიდილა - 12 მარტი - პროლოგი #ახალიამბები #BusinessMediaGeorgia
92 წლის რუპერტ მერდოკი მეხუთედ ქორწინდება #ახალიამბები #BusinessMediaGeorgia
იანვარში თბილისში გასაქირავებელი ბინის საშუალო ფასი კვ-ზე 12 დოლარი იყო, რაც 2023 წლის იანვართან შედარებით 4%-ით ნაკლებია. თიბისი კაპიტალის განახლებული მონაცემების მიხედვით, სავარაუდოდა, რომ ქირაზე ფასი მთელი წლის განმავლობაში კლებას გააგრძელებს. რაც შეეხება გაყიდვებს, იანვარში დეკემბერთან შედარებით დედაქალაქში ბინების გაყიდვები თითქმის 20%-ით შემცირდა და 3 ათას მიაღწია. ფასები კი უცვლელი დარჩა. სტუმარი: სალომე დეისაძე - „თიბისი კაპიტალის“ უფროსი ასოცირებული მკვლევარი; #ახალიამბები #BusinessMediaGeorgia
ჩინური ტურისტული კომპანიების მხრიდან გამყვანი ტურიზმის მიმართულებით აქტივობები უკვე დაიწყო - ამის შესახებ საქართველოს ტურიზმის ასოციაციაში საუბრობენ. სექტორი მოელის, რომ ჩინეთთან უვიზო მიმოსვლა მგზავრთნაკადს ქვეყნებს შორის მნიშვნელოვნად გაზრდის რა ეს ორმხრივი ურთიერთობის განვითარებას შეუწყობს ხელს. რა კატეგორიისთვის იქნება საქართველოს საინტერესო და ვისი მხრიდან ფიქსირდება ამ დროისთვის ინტერესი? სტუმარი: ნატა კვაჭანტირაძე - საქართველოს ტურიზმის ასოციაციის ხელმძღვანელი #ახალიამბები #BusinessMediaGeorgia