ბიზნესის ზრდასთან ერთად იზრდება არა მხოლოდ გაყიდვები, არამედ ლოგისტიკური პროცესების მართვის საჭიროებაც. სად შეინახო მარაგი, როგორ აკონტროლო მისი მოძრაობა, როგორ დაამუშავო შეკვეთები და როგორ მიაწოდო პროდუქტი მომხმარებელს დროულად. სწორედ ამ პროცესების აუთსორსინგს სთავაზობს ბიზნესს APB Logistics, კომპანია, რომელიც 3PL მოდელით სრულ სასაწყობე და ლოგისტიკურ მომსახურებას აერთიანებს. 3PL მოდელის მთავარი უპირატესობა ის არის, რომ კომპანიას აღარ უწევს საკუთარი საწყობის, შესაბამისი ინფრასტრუქტურისა და ოპერაციული პროცესების დამოუკიდებლად მართვა. ბიზნესს შეუძლია გამოიყენოს უკვე არსებული ლოგისტიკური ინფრასტრუქტურა, მოქნილად შეცვალოს სასაწყობე მოცულობა მოთხოვნის მიხედვით და რესურსი საკუთარ ძირითად საქმიანობაზე გადაიტანოს. სტუმარი: ნინო მენთეშაშვილი - APB Logistics-ის დირექტორი #ახალიამბები #BusinessMediaGeorgia
ევროპის ქვეყნებში მოქალაქეების მიერ გადახდილი გადასახადების ყველაზე დიდი ნაწილი სოციალური დაცვის სისტემის დაფინანსებაზე იხარჯება, თუმცა მეორე პრიორიტეტი ქვეყნებს შორის განსხვავებულია. სად მიდის სახელმწიფო ბიუჯეტის თანხები, რამდენს ხარჯავენ ევროპული ქვეყნები ჯანდაცვაზე, განათლებასა და თავდაცვაზე და რა მიმართულებებს ანიჭებენ ისინი ყველაზე დიდ მნიშვნელობას? #ახალიამბები #BusinessMediaGeorgia
„მანჩესტერ სიტის“ წინააღმდეგ წლების განმავლობაში მიმდინარე ფინანსურმა გამოძიებამ ახალი დეტალები გამოამჟღავნა. პრემიერ ლიგის მიერ კლუბისთვის წაყენებული 115 ბრალდებიდან დამოუკიდებელმა კომისიამ „სიტი“ 114 ეპიზოდში დამნაშავედ ცნო. საქმე 2009-დან 2018 წლამდე პერიოდს ეხება და მოიცავს დარღვევებს ფინანსური ინფორმაციის წარდგენის, ფეხბურთელებისა და მწვრთნელების ანაზღაურების, მოგებისა და მდგრადობის წესების, უეფას ფინანსური ფეარ-პლეისა და თავად გამოძიებასთან თანამშრომლობის მიმართულებით. როგორ დაიწყო ერთ-ერთი ყველაზე მასშტაბური ფინანსური საქმე ინგლისურ ფეხბურთში, კონკრეტულად რას ედავებიან „მანჩესტერ სიტის“ და რა შეიძლება მოჰყვეს კომისიის გადაწყვეტილებას? #ახალიამბები #BusinessMediaGeorgia
#საქმიანიდილა - 1-ელი ოქტომბერი - პროლოგი #ახალიამბები #BusinessMediaGeorgia
საუკეთესო ავიაკომპანიების რეიტინგი ვინ/რატომ გამოარჩიეს? #ახალიამბები #BusinessMediaGeorgia
ავტომობილზე ზრუნვა მხოლოდ ავარიის ან ზარალის დროს არ იწყება — ავტოდაზღვევა ყოველდღიურ საჭიროებებსაც შეიძლება უკავშირდებოდეს. „ჯიპიაი ჰოლდინგი“ ავტოდაზღვევის ახალ საკომუნიკაციო კამპანიას იწყებს, რომლის მთავარი გზავნილია, „ავტომობილზე ზრუნვა იწყება ჯიპიაის დაზღვევით“. რას სთავაზობს კომპანია მომხმარებლებს და როგორ შეიძლება ავტოდაზღვევამ ავტომობილის მოვლა უფრო მარტივი და კომფორტული გახადოს? სტუმარი: თამარ ცორიკიშვილი - "ჯიპიაი ჰოლდინგის" მომხმარებელთა გამოცდილებისა და მომსახურების განვითარების მენეჯერი #ახალიამბები #BusinessMediaGeorgia
„ამბასადორი აილენდ ბათუმის“ გუნდი LIVEX Abu Dhabi 2026-ზე იმყოფება, სადაც საემიროების წამყვან დეველოპერულ კომპანია „ONE Development“-თან საერთაშორისო პარტნიორობის შეთანხმება გააფორმა. რას წარმოადგენს ეს მსხვილი საინვესტიციო შეთანხმება და რას გულისხმობს ასეთ გიგანტურ ჯგუფთან თანამშრომლობა? სტუმარი: გოჩა კამკია - „ამბასადორი აილენდ ბათუმის“ გენერალური დირექტორი #ახალიამბები #BusinessMediaGeorgia
დეველოპერულმა კომპანია „მონოლით ჯგუფმა“ გოცირიძის მეტროს მიმდებარედ მრავალფუნქციური საცხოვრებელი კომპლექსის, "მონოლით ნიუ დეპოს" მშენებლობა დაიწყო. 8 ბლოკისგან შემდგარი პროექტის ოფიციალური პრეზენტაცია სექტორის წარმომადგენლებისა და ბროკერებისთვის „ექსპო ჯორჯიაში“ გაიმართა, სადაც ბაზრის ანალიტიკა Galt & Taggart-მაც წარადგინა. რა ინფრასტრუქტურას აერთიანებს ახალი დეველოპმენტი და როგორია პროექტის საინვესტიციო პოტენციალი? სტუმრები: დავით კაკიაშვილი - "მონოლითი ჯგუფი"-ს მარკეტინგის დეპარტამენტის უფროსი ნუკი პაიჭაძე - "მონოლითი ჯგუფი"-ს გაყიდვების დეპარტამენტის უფროსი #ახალიამბები #BusinessMediaGeorgia
საქართველოს ბიზნეს ასოციაცია წევრ კომპანიებში ვიზიტებს კვლავ აქტიურად განაგრძობს. BAG-ის წარმომადგენლები ამჯერად უძრავი ქონების ბაზრის უმსხვილეს მოთამაშეს, „ორბი ჯგუფს“ ესტუმრნენ და ადგილზე მათ მიმდინარე მეგა-პროექტებს გაეცნენ. როგორ იმართება მილიარდობით დოლარის საინვესტიციო პორტფელი და რა როლი აქვს კომპანიის სამომავლო გლობალურ განვითარებაში ბიზნეს ასოციაციასთან თანამშრომლობას? #ახალიამბები #BusinessMediaGeorgia
ხელოვნური ინტელექტის გამოყენება ბავშვებისთვის ყოველდღიურ პრაქტიკად იქცა, ინფორმაციის მოძიებიდან და დავალებების შესრულებიდან, ტექსტების შექმნასა და რთული საკითხების ახსნამდე ამ პირობებში მთავარი საკითხი ტექნოლოგიის გამოყენება აღარ არის, ალბათ უფრო სწორია დავსვათ კითხვა, როგორ უნდა გამოვიყენოთ AI ისე, რომ მან სწავლის ხარისხი გააუმჯობესოს და ბავშვის დამოუკიდებელი აზროვნება არ ჩაანაცვლოს. კვლევები აჩვენებს, რომ AI-ის დახმარებით შესრულებული უკეთესი დავალება ყოველთვის არ ნიშნავს უკეთესად ათვისებულ მასალას. ამასთან, ხელოვნური ინტელექტის სრულად აკრძალვა გრძელვადიან გამოსავლადაც რთულად განიხილება. სტუმარი: თამარ კერძაია - განათლების ტრანსფორმაციის ექსპერტი და ასოცირებული პროფესორი #ახალიამბები #BusinessMediaGeorgia
„თეგეტა მოტორსი“, რომელსაც 30-წლიან გამოცდილებას ითვლის, საავტომობილო ბაზარზე ხშირად არის პრეცედენტების ავტორი. ფაქტია, კომპანია ტრადიციას აგრძელებს - ამჯერად საბურავების trade-in-ს აანონსებს, შეთავაზებას, რომელსაც ამიერკავკასიაში ანალოგი არ აქვს. „თეგეტა მოტორსი“ მომხმარებელს არაერთ სიახლეს სთავაზობს, როგორც პროდუქტების, ისე სერვისის თვალსაზრისით. მათ შორის არის service maintenance, ანუ მომხმარებელს გეგმიური სერვისების შესახებ შეხსენება მიუვა რაც ავტომობილის მფლობელს აზღვევს მოულოდნელი გართულებებისგან; კომპანია ასევე მუშაობს ახალ პროდუქტზე, რომელიც გახანგრძლივებულ გარანტიას გულისხმობს. სტუმარი: პეტრე წაქაძე - "თეგეტა ჰოლდინგის" მსუბუქი ავტომობილების და სერვისების მთავარი ოფიცერი #ახალიამბები #BusinessMediaGeorgia
რა ხდება მაშინ, როდესაც ყოფილი ინდუსტრიული სივრცე ქალაქის ახალი მიზიდულობის ცენტრის შექმნის შესაძლებლობად იქცევა? როგორ შეიძლება სწორად დაგეგმილმა ურბანულმა განვითარებამ ქალაქის ეს ნაწილი ახალ არტერიად აქციოს, რა აძლევს მას სიცოცხლეს და როგორ ყალიბდება ადგილი, სადაც არქიტექტურა, გასტრონომია და თანამედროვე ცხოვრების სტილი ერთიანდება? ამ და სხვა შეფასებებს Archi Grand Avenue-ს პროექტზე არქის პოდკასტის მესამე ეპიზოდში მოისმენთ. როგორ გარდაიქმნება ყოფილი ინდუსტრიული ზონა მიზიდულობის ცენტრად? ➡️ კონსტანტინე თედელური - კონცეპტუალური შეფი ➡️ ანი ჩირაძე - მსახიობი ➡️ გიორგი ისაკაძე - BMG, გენერალური პროდიუსერი #ახალიამბები #BusinessMediaGeorgia
BYD-ის ახალი მოდელი Shark, უკვე საქართველოს ბაზარზეა. „სოლარ ავტომ“ პიკაპი 27 სექტემბერს, „ბიოლში“ გამართულ დახურულ ღონისძიებაზე წარადგინა. რა შესაძლებლობებს აერთიანებს ახალი მოდელი და როგორია მისი პოზიციონირება ქართულ ბაზარზე? #ახალიამბები #BusinessMediaGeorgia
საქართველოს ბანკმა და ევროპის რეკონსტრუქციისა და განვითარების ბანკმა საშუალო ბიზნესის მხარდაჭერის ახალი პროექტი დაიწყო. ინიციატივის ფარგლებში, საქართველოს ბანკის ოთხ საშუალო ბიზნეს მომხმარებელს შესაძლებლობა აქვს, ფინანსური აღრიცხვის საკონსულტაციო მომსახურება 90%-იანი დაფინანსებით მიიღოს. პროექტის ფარგლებში შერჩეული ოთხი კომპანია სამი თვის განმავლობაში ფინანსურ საკონსულტაციო კომპანია „ვილსბისთან“ ითანამშრომლებს. კონსულტანტები კომპანიებს ფინანსური აღრიცხვის სისტემების გაუმჯობესებაში, ფინანსური პროცესების მოწესრიგებასა და მართვის პრაქტიკის დახვეწაში გაუწევენ დახმარებას. აღსანიშნავია, რომ პროექტის გახსნითი ღონისძიება 29 სექტემბერს, საქართველოს ბანკის 4B სივრცეში გაიმართა. შეხვედრას პროექტში ჩართული კომპანიების წარმომადგენლები და პარტნიორები ესწრებოდნენ. პროექტი შვეიცარიის ეკონომიკურ საქმეთა სახელმწიფო სამდივნოს ფინანსური მხარდაჭერით ხორციელდება. #ახალიამბები #BusinessMediaGeorgia
დიზელის გლობალური გაძვირება უკვე მხოლოდ ენერგეტიკის ბაზრის პრობლემა აღარ არის - ის პირდაპირ აისახება სოფლის მეურნეობის ხარჯებზე და საბოლოოდ, საკვების ფასზეც. როგორ გაზარდა საწვავის ფასის მკვეთრმა მატებამ ფერმერების ხარჯები აშშ-ში, ბრაზილიასა და ევროპის ქვეყნებში, რა მასშტაბის ფინანსურ ზეწოლაზეა საუბარი და როგორ ცდილობენ სახელმწიფოები აგროსექტორის მხარდაჭერას #ახალიამბები #BusinessMediaGeorgia
მსოფლიო ძვირი ნავთობის პირობებში / საქართველო ძვირი საწვავის პირობებში #ახალიამბები #BusinessMediaGeorgia
ჯადოსნური ღამე პარიზის პლას ჟოფრეზე #ახალიამბები #BusinessMediaGeorgia
როგორ ცვლის ხელოვნური ინტელექტი ცოდნაზე დაფუძნებულ ეკონომიკას, რა ცვლილებებს იწვევს დეველოპმენტში, პროდუქტების შექმნასა და ბიზნესპროცესებში. ამ საკითხებზე დღეს უფრო დეტალურად ვისაუბრებთ, 3 ოქტომბერს დაგეგმილ საერთაშორისო AI კონფერენცია Crossroads AI-ზე, რომელსაც საქართველოს ხელოვნური ინტელექტის ასოციაცია ატარებს. სტუმარი: გიგი გიორგაძე - საქართველოს ხელოვნური ინტელექტის ასოციაციის დირექტორი #ახალიამბები #BusinessMediaGeorgia
7 ნოემბერს, პარიზში, GIMPHA-ს ევროპის კონფერენცია გაიმართება, ორგანიზაციის წევრებისა და პარტნიორების ყოველწლიური სამუშაო შეხვედრა. კონფერენციაზე, ტრადიციულად, შეჯამდება ორგანიზაციის საქმიანობა, განიხილება სამომავლო გეგმები და ახალი პროექტები. შეხვედრის ერთ-ერთი მნიშვნელოვანი საკითხი იქნება ასევე საქართველოში GIMPHA-ს საქმიანობის გაგრძელება და საერთაშორისო სამედიცინო თანამშრომლობის გაძლიერება. GIMPHA საქართველოს საერთაშორისო სამედიცინო და საზოგადოებრივი ჯანდაცვის ასოციაციაა, რომელიც სხვადასხვა ქვეყანაში მოღვაწე ქართველ ექიმებს და ჯანდაცვის სფეროს პროფესიონალებს აერთიანებს. ორგანიზაციის საქმიანობის ერთ-ერთი მთავარი მიმართულება საერთაშორისო გამოცდილების გაზიარება და საქართველოს ჯანდაცვის სფეროს წარმომადგენლებთან თანამშრომლობაა. სტუმრები: ალექსი ბაიდოშვილი - GIMPHA-ს პრეზიდენტი; ნარგიზ ზიბზიბაძე - GIMPHA-ს გენერალური მდივანი #ახალიამბები #BusinessMediaGeorgia
დეველოპერული კომპანია m², რომელიც უკვე 18 წელია უძრავი ქონების ბაზარზე ინარჩუნებს ლიდერის პოზიციას და სექტორში მაღალი სტანდარტების დანერგვას უწყობს ხელს. m²-ის გამოჩენამ ქართულ ბაზარზე სრულიად შეცვალა საცხოვრებელი გარემოს აღქმა, ხოლო BAG-ის რიგებში მისი გაწევრიანება კიდევ ერთი წინ გადადგმული ნაბიჯია ბიზნესსექტორის გაძლიერებისა და ქვეყნის ეკონომიკური განვითარებისთვის. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; დიმიტრი ადამია - m²-ის გენერალური დირექტორი და პარტნიორი #ახალიამბები #BusinessMediaGeorgia
გულ-სისხლძარღვთა დაავადებების მკურნალობაში მედიკამენტური თერაპიის სწორად შესრულებას განსაკუთრებული მნიშვნელობა აქვს. სწორედ პაციენტის მკურნალობისადმი დამყოლობის გაზრდას მიეძღვნა ინოვაციური მასტერკლასი, რომელსაც საქართველოს კარდიოლოგთა საზოგადოებისა და ჯანდაცვის მარკეტინგის საკონსულტაციო ჯგუფის ორგანიზებით გაიმართა და რომელსაც GM PHARMA-მ მხარი დაუჭირა. ღონისძიების ფარგლებში ქართველი კარდიოლოგები საერთაშორისო გამოცდილებას გაეცნენ და იმ პრაქტიკულ მეთოდებზე იმსჯელეს, რომლებიც პაციენტებთან კომუნიკაციისა და მკურნალობის შედეგების გაუმჯობესებას ემსახურება. მასტერკლასზე განიხილეს ევროპის კარდიოლოგთა საზოგადოების უახლესი რეკომენდაციები და მოტივაციური გასაუბრების მეთოდი - მიდგომა, რომელიც ექიმს პაციენტთან ეფექტური კომუნიკაციისა და მკურნალობის პროცესში მისი ჩართულობის გაზრდაში ეხმარება. რატომ არის მნიშვნელოვანი მკურნალობისადმი პაციენტის დამყოლობა, რა გამოწვევების წინაშე დგას თანამედროვე კარდიოლოგია და რა როლი აქვს ამ მიმართულებით სამედიცინო განათლებასა და ცნობიერების ამაღლებას? #ახალიამბები #BusinessMediaGeorgia
გლობალური ბაზრები: Galt & Taggart-ის მიმოხილვა სტუმარი: მარიამ ნატროშვილი - Galt & Taggart, კაპიტალის ბაზრების ანალიტიკოსი #ახალიამბები #BusinessMediaGeorgia
“ავერსის” რუბრიკა “საქმიან დილაში” - როგორ ვმართოთ თმის ცვენის პრობლემა?
თბილისში ბავშვთა გადაუდებელი მედიცინის საერთაშორისო კონფერენცია მიმდინარეობს. ღონისძიების ფარგლებში ქართველი ექიმები ბავშვთა გადაუდებელი და კრიტიკული მედიცინის მიმართულებით მომუშავე ამერიკელ სპეციალისტებს ხვდებიან. კონფერენციის დაწყებამდე მონაწილეებმა წუთიერი დუმილით პატივი მიაგეს მათი კოლეგის, ნინო ბუცხრიკიძის ხსოვნას. მას საქართველოში გადაუდებელი მედიცინის განვითარების პროცესში მნიშვნელოვანი წვლილი მიუძღვის. ნინო ბუცხრიკიძე წლების განმავლობაში აქტიურად მუშაობდა როგორც სფეროს განვითარებაზე, ისე პროფესიული გარემოს გაძლიერებაზე. იაშვილის სახელობის ბავშვთა ცენტრალური საავადმყოფოს ორგანიზებით მიმდინარე ორდღიან კონფერენციას თბილისის სახელმწიფო სამედიცინო უნივერსიტეტი მასპინძლობს. ღონისძიებაში პედიატრიული გადაუდებელი მედიცინისა და კრიტიკული დახმარების მიმართულებით მომუშავე ხუთი ამერიკელი ექსპერტი მონაწილეობს ჯორჯიის, ტეხასისა და ინდიანას შტატებიდან. კონფერენციის პროგრამა თეორიულ და პრაქტიკულ კომპონენტებს აერთიანებს. პირველი დღე ლექციებსა და თეორიულ სესიებს ეთმობა, მეორე დღეს კი მონაწილეები მცირე ჯგუფებში პრაქტიკულ სამუშაოებს გაივლიან. იაშვილის საავადმყოფო საერთაშორისო კონფერენციებისა და უცხოელ ექსპერტებთან პროფესიული თანამშრომლობის მიმართულებას აგრძელებს. მიზანი საქართველოში პედიატრიული გადაუდებელი და კრიტიკული მედიცინის თანამედროვე მიდგომების გაზიარება და მათი პრაქტიკაში დანერგვის ხელშეწყობაა. #ახალიამბები #BusinessMediaGeorgia
პირველად საქართველოში და მთლიანად ამიერკავკასიაში, ავტომოყვარულებისთვის სრულიად ახალი შესაძლებლობა, საბურავების Trade-in იწყება. „თეგეტა მოტორსის“ ახალი კამპანიის მთავარი გზავნილია, რომ ძველი საბურავიც ფასობს, თუმცა კომპანია დეტალების გაჟღერებას მხოლოდ 15 ოქტომბრიდან გეგმავს. რას მოიცავს ინოვაციური ინიციატივა და რას უნდა ელოდნენ მძღოლები ოქტომბრის შუა რიცხვებიდან? #ახალიამბები #BusinessMediaGeorgia
#საქმიანიდილა - 29 სექტემბერი - პროლოგი #ახალიამბები #BusinessMediaGeorgia
ქართული ნატურალური თაფლის საექსპორტო ბაზარზე მკვეთრი გამოცოცხლებაა — წელს, 8 თვეში ექსპორტი სამჯერ გაიზარდა და 67 ათას დოლარს გადააჭარბა. პარალელურად, თითქმის იდენტური ტემპით გაიზარდა იმპორტიც, რამაც ადგილობრივ ბაზარზე საკმაოდ საინტერესო დინამიკა შექმნა. ოფიციალური სტატისტიკით, იანვარ-აგვისტოში საქართველოდან უცხოურ ბაზრებზე 5.4 ტონა ნატურალური თაფლი გავიდა. ექსპორტის ღირებულება 211%-ით, ხოლო მოცულობა 260%-ით არის გაზრდილი. ჩვენი თაფლი სულ 6 ქვეყანაში გაიყიდა, საიდანაც მთავარი საექსპორტო პარტნიორი ერაყი გახდა - მთლიანი ექსპორტის 59% სწორედ ამ ქვეყანაზე მოდის. საექსპორტო რუკაზე ასევე ვხვდებით არაბთა გაერთიანებულ საამიროებს, ჰონკონგს, სომხეთს, ამერიკის შეერთებულ შტატებსა და რუსეთს. საინტერესოა, რომ ექსპორტის პარალელურად, 187%-ით გაიზარდა თაფლის იმპორტიც — ქვეყანაში 66.9 ათასი დოლარის 6.5 ტონა თაფლი შემოვიდა. აქაც მთავარი პარტნიორი ერაყია, საიდანაც თითქმის 4 ტონა თაფლი შემოვიყვანეთ, სამეულში კი ბელარუსი და საფრანგეთიც შედიან. რამ განაპირობა თაფლის საგარეო ვაჭრობის ასეთი მკვეთრი ზრდა და რატომ აღმოჩნდა ერაყი საქართველოსთვის როგორც მთავარი საექსპორტო, ისე საიმპორტო ბაზარი? სტუმარი: ერეკლე ჩიკვაიძე - საქართველოს მეფუტკრეთა გაერთიანების ექსპორტის კომიტეტის ხელმძღვანელი #ახალიამბები #BusinessMediaGeorgia
საქართველოში ელექტრო და ჰიბრიდულ ავტომობილებზე მოთხოვნა რეკორდულად იზრდება, ქვეყანაში ნამდვილი ავტო-ბუმია, თუმცა ბაზრის სტრუქტურა და მომხმარებლის ქცევა მკვეთრად იცვლება. ოფიციალური სტატისტიკით, წელს, 8 თვეში საქართველომ 135 მილიონ დოლარზე მეტი ღირებულების 9 417 ელექტრომობილი შეიძინა, რაც გასული წლის ამავე პერიოდთან შედარებით 47.6%-ით მეტია. თითქმის 75%-იანი ზრდით მთავარ მომწოდებლად კვლავ ამერიკის შეერთებული შტატები რჩება, საიდანაც 99 მილიონ დოლარამდე ღირებულების ავტომობილები შემოვიყვანეთ. ხუთეულში ასევე შედიან ჩინეთი, გერმანია, იაპონია და კანადა. თუმცა, რეალურ გარდატეხას ავტობაზარზე მკაცრი საკანონმდებლო ცვლილებები ქმნის. ძველი მეორადი ავტომობილების იმპორტის გაძვირებასთან ერთად, ამოქმედდა ე.წ. „მაყუჩების კანონიც“ — გადაკეთებულ, ხმაურიან და გაუმართავ გამონაბოლქვიან ავტომობილებზე გამკაცრებულმა სანქციებმა მძღოლები აიძულა, არჩევანი ეკოლოგიურ და თანამედროვე ტრანსპორტზე გააკეთონ. შედეგად, იმავე ბიუჯეტში ძველი ამერიკული თუ ევროპული მანქანის სანაცვლოდ, სულ უფრო მეტი მომხმარებელი ახალ ჩინურ ელექტრო ან ჰიბრიდულ ავტომობილს ირჩევს. სფეროს ექსპერტები და დილერები აცხადებენ, რომ ზაფხულიდან შემოსული განაცხადების 70% სწორედ ჩინურ მოდელებზე მოდის. ამ ტენდენციას ხელს უწყობს მისაღები ფასი, ავტონაწილების ხელმისაწვდომობა და სერვისცენტრების სწრაფი განვითარება. როგორ იცვლება ავტოინდუსტრია საქართველოში? სტუმარი: ალექსი ნონიაძე - ავტოიმპორტიორთა და ავტომფლობელთა ასოციაციის ხელმძღვანელი #ახალიამბები #BusinessMediaGeorgia
სურსათის ეროვნული სააგენტო საბავშვო ბაგა-ბაღებში სურსათის უვნებლობის მონიტორინგს განაგრძობს. შემოწმებების ტალღა თბილისის საბავშვო ბაღებში აღსაზრდელებს შორის ნოროვირუსით გამოწვეული გასტროენტერიტის შემთხვევების დაფიქსირებას მოჰყვა. ინფექციის გავრცელების წყაროს დადგენისა და პრევენციის მიზნით, უწყებამ მოკვლევა მყისიერად დაიწყო. ინსპექტირების ჯგუფებმა 70-მდე ობიექტი - მათ შორის საჯარო ბაღები, ხორცის საწარმოები და რძის პროდუქტების საწყობები შეამოწმეს. ჯამში აღებულია სურსათისა და სასმელი წყლის 694 ნიმუში, რომელთა კვლევის შედეგებიც ეტაპობრივად ხდება ცნობილი. ამ ეტაპზე უკვე გამოკვლეულია ცხოველური და არაცხოველური სურსათის 129 ნიმუში - მათ შორის ხილ-ბოსტნეული, რძის ნაწარმი, ხორცი და მარცვლეული. ლაბორატორიულმა შემოწმებამ, რომელიც მძიმე მეტალებს, ნიტრატებსა და ისეთ საშიშ პათოგენებს ამოწმებდა, როგორებიცაა სალმონელა, შიგელა და სტაფილოკოკი, აჩვენა, რომ ყველა გამოკვლეული ნიმუში სრულად აკმაყოფილებს უვნებლობის ნორმებს და დარღვევა არცერთ შემთხვევაში არ გამოვლენილა. რა გავიგეთ ბაღებში არსებულ ეპიდაფეთქებაზე? სტუმარი: გიორგი კამკამიძე - კლინიკა ნეოლაბი-ს დირექტორი, ალერგოლოგ-იმუნოლოგი; #ახალიამბები #BusinessMediaGeorgia
ვითარდება კომპანია პოლიმერ ჯგუფი, რომელიც ბაზარზე ბრენდ ბიოტოპით არის წარმოდგენილი. კომპანია განვითარების ახალ ეტაპზე გადადის და რიგითი მწარმოებლიდან სრული საინჟინრო მომსახურების მიმწოდებლად გარდაიქმნება. ქართული საწარმო, რომლის მთავარი პრიორიტეტი ეკოლოგია და სრულად უნარჩენო ციკლია, ბაზარს სასმელი წყლისა თუ სახანძრო ავზებს, ასევე ჩამდინარე წყლების ბიოლოგიურ გამწმენდ ნაგებობებს სთავაზობს. ამასთან, მრავალწლიანი გადამზადების შემდეგ, „ბიოტოპმა“ ახლახან ამერიკული Xylem-ის ოფიციალური დისტრიბუტორის სტატუსიც მოიპოვა. პროექტირებიდან - ექსპლუატაციამდე, ანუ რას მოიცავს ახალი, სრული საინჟინრო ციკლი და როგორ აისახება მასშტაბების ზრდა დასაქმებულთა რაოდენობაზე? სტუმარი: ზურაბ ფხაკაძე - “ბიოტოპის” კომერციული დირექტორი მარიამ იზორია - #მხოლოდქართული, ავტორი&წამყვანი; #ახალიამბები #BusinessMediaGeorgia
მსოფლიო ეკონომიკაში ფულის მოძრაობის ტრადიციული სურათი შეიცვალა. თუ აქამდე ყველაზე მსხვილ უცხოურ ინვესტიციებს ნავთობკომპანიები ან ფინანსური ინსტიტუტები ახორციელებდნენ, ახლა ეს პოზიციები ტექნოლოგიურმა გიგანტებმა დაიკავეს. მხოლოდ გასულ წელს საზღვარგარეთ ტრილიონ დოლარზე მეტი ჩაიდო და ამ კოლოსალური თანხის მთავარი სამიზნე აღარც წიაღისეულია და აღარც კლასიკური უძრავი ქონება. ფული ახლა მონაცემთა ცენტრებსა და ჩიპების ქარხნებში მიედინება. ვინ არიან მსოფლიოს ყველაზე მსხვილი ინვესტორები, რომლებმაც ბაზარი სრულად გადააწყვეს და სად მიდის მათი მილიარდები? #ახალიამბები #BusinessMediaGeorgia
საქართველოში ელექტრომობილებზე მოთხოვნა იზრდება, თუმცა პოტენციური მყიდველისთვის კვლავ ორ მთავარ გამოწვევად რჩება ხელმისაწვდომი დაფინანსება და ყოველდღიური დამუხტვის ინფრასტრუქტურა. სწორედ ამ საკითხების კომპლექსურად მოსაგვარებლად, პროკრედიტ ბანკმა და კომპანია დატენემ სტრატეგიული თანამშრომლობა დაიწყეს. პარტნიორობის ფარგლებში, პროკრედიტი მომხმარებელს ახალი და მეორადი ელექტრომობილების შეძენას სპეციალური ფინანსური პირობებით სთავაზობს, ხოლო დატენესგან მძღოლები საჩუქრად 200 კილოვატ-საათის დამუხტვას იღებენ. რა ცვლილებებია ელექტრომობილების ბაზარზე, რატომ გახდა ამ ტიპის ტრანსპორტი ეკონომიკურად უფრო მომგებიანი და რას სთავაზობს ეს პარტნიორობა მომხმარებელს? სტუმრები: ალექსანდრე ჯაშიაშვილი - პროკრედიტ ბანკის მდგრადი განვითარების განყოფილების ხელმძღვანელი; მარიამ ბოკერია - კომპანია “და-ტენეს” კომუნიკაციების ხელმძღვანელი #ახალიამბები #BusinessMediaGeorgia
ეკოლოგიურად სუფთა და ხარჯთეფექტური ავტოპარკი ქართული ბიზნესისთვის სულ უფრო მოთხოვნადი ხდება. ბაზარზე არსებული მოთხოვნის საპასუხოდ, საქართველოში სრულად ელექტრული კომერციული ტრანსპორტის პირველი ოფიციალური დილერი - „ფარიზონ ცენტრ თეგეტა“ გაყიდვების შემდგომი მომსახურების მიმართულებას აძლიერებს. სწორედ ამ მიზნით, თეგეტას გეზის ფილიალმა საერთაშორისო ტრენინგს უმასპინძლა. როგორ ნერგავენ ელექტრომობილების სერვისის საერთაშორისო სტანდარტებს ჩინეთიდან მოწვეული სპეციალისტები და რა სრულყოფილ მომსახურებას სთავაზობს „თეგეტა“ კორპორატიულ მომხმარებელს? #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
შვეიცარიული პრემიუმ ბრენდი CURAPROX საქართველოში განვითარების ახალ ეტაპზე გადავიდა. ბრენდმა ქვეყანაში საკუთარი შვილობილი კომპანიისა და ოფიციალური წარმომადგენლობის გახსნა აღნიშნა. ღონისძიებამ სტომატოლოგიური სფეროს წარმომადგენლებს, პროფესიულ ასოციაციებს, უნივერსიტეტებს, პარტნიორებსა და საერთაშორისო სტუმრებს მოუყარა თავი. CURAPROX-ის საქართველოში გაფართოება მხოლოდ კომერციულ საქმიანობას არ უკავშირდება, ბრენდის მთავარი აქცენტები პრევენციული სტომატოლოგიის განვითარება, პირის ღრუს ჯანმრთელობის შესახებ ცნობიერების ამაღლება და პროფესიული განათლების მხარდაჭერაა. რას გულისხმობს CURAPROX-ის ახალი ეტაპი საქართველოში, რა მნიშვნელობა აქვს პირის ღრუს ჯანმრთელობას ადამიანის საერთო კეთილდღეობისთვის და როგორია ბრენდის საგანმანათლებლო ხედვა? #ახალიამბები #BusinessMediaGeorgia
ცვლილებებთან გამკლავება, სიახლეების შიშის დაძლევა და შინაგანი რესურსის შენარჩუნება — სწორედ ამ თემებს დაეთმო „ავერსი ფარმასა“ და „აზროვნების აკადემიის“ ერთობლივი პროექტის ფარგლებში მორიგი შეხვედრა. ლექციას უნივერსიტეტ „ალტერბრიჯის“ რექტორი და კომუნიკაციების ექსპერტი ნათია გოცაძე უძღვებოდა. პროექტი უკვე ორი წელია, სხვადასხვა სფეროსა და თემაზე მსჯელობისთვის ადამიანებს აერთიანებს და მონაწილეებს ცოდნისა და ახალი გამოცდილების მიღების შესაძლებლობას აძლევს. #ახალიამბები #BusinessMediaGeorgia
25 სექტემბერს ავერსიმ ფარმაცევტთა საერთაშორისო დღე იზეიმა. კომპანიამ დასაქმებულ ფარმაცევტებს პროფესიული დღე მიულოცა. ღონისძიებაზე ავერსის ფარმაცევტები შეიკრიბნენ და ეს დღე ასორტის მიერ სპეციალურად მათთვის შექმნილი ტორტით აღნიშნეს. ავერსი არც წელს არღვევს ტრადიციას და იმ თანამშრომლებს რომლებიც კომპანიაში უკვე მრავალი წელია მუშაობენ - კრუიზით დაუვიწყარ მოგზაურობას ჰპირდება. #ახალიამბები #BusinessMediaGeorgia
მთაწმინდის პარკმა ქართველი მეწარმეების მასშტაბურ ექსპოს უმასპინძლა. ღონისძიებაზე 60-მა მეწარმემ საკუთარი პროდუქცია წარადგინა და ბიზნესსექტორის წარმომადგენლებთან ახალი კავშირების დამყარების შესაძლებლობა მიიღო. როგორ ჩაიარა ექსპომ და რა შესაძლებლობები შექმნა მან მონაწილეებისთვის? #ახალიამბები #BusinessMediaGeorgia
ერთი დღით ილიაუნის კამპუსი იმ ადგილად იქცა, სადაც მეცნიერების აღმოჩენა მხოლოდ მოსმენითა და დაკვირვებით არ შემოიფარგლებოდა, სტუმრებს ექსპერიმენტებში ჩართვა, ახალი გამოცდილების მიღება და სხვადასხვა ინტერაქტივში მონაწილეობა შეეძლოთ. სამეცნიერო პიკნიკი, რომელიც უკვე 14 წელია მეცნიერებას საზოგადოებასთან აახლოებს, წელსაც ათასობით ადამიანს მოუყარა თავი. ღონისძიების ერთ-ერთი მხარდამჭერი კოკა-კოლა ბოთლერს ჯორჯიაც იყო, კომპანიამ ახალგაზრდებისთვის პიკნიკის ფარგლებში სპეციალური აქტივობები და გასართობი პროგრამა შემოიტანა. როგორ ჩაიარა სამეცნიერო პიკნიკმა? #ახალიამბები #BusinessMediaGeorgia
ერთი კორპუსის მცხოვრებლებს ყოველდღიურად არაერთი საერთო საკითხის გადაწყვეტა უწევთ, დაწყებული საერთო სივრცეებიდან, დასრულებული შენობის მოვლა-პატრონობითა და მეზობლებს შორის შეთანხმებით. რამდენად მნიშვნელოვანია ამ პროცესში კომუნიკაცია და გამოცდილების გაზიარება და როგორ შეიძლება საერთო საკითხებზე გადაწყვეტილებების მიღება უფრო ორგანიზებული გახდეს, სითიქომმა მეზობლობის დღე განსხვავებული ფორმატით აღნიშნა. რა ხდებოდა „ყველაზე დიდ სამეზობლოს კრებაზე“? #ახალიამბები #BusinessMediaGeorgia
ციფრული კომფორტის უზრუნველსაყოფად ტექნოლოგიურ კორპორაციებს დღეს იმდენი დენი სჭირდებათ, რამდენიც მულტიმილიონიან მეგაპოლისებს ყოფნის. წარმოიდგინეთ, რომ მხოლოდ ერთი კონკრეტული ობიექტი ნიუ-იორკის ტოლფას ენერგიას მოიხმარს, რაც უკვე სამომავლო თეორია კი არა, დღევანდელი მოცემულობაა. რა უჯდება პლანეტას ეს ტექნოლოგიური პროგრესი და როგორ ცვლიან მსხვილი კორპორაციები ამერიკის ენერგეტიკულ რუკას? #ახალიამბები #BusinessMediaGeorgia
#საქმიანიდილა - 28 სექტემბერი - პროლოგი #ახალიამბები #BusinessMediaGeorgia
სექტემბრის მეორე ნახევრიდან ქვეყანაში რესპირაციული ვირუსების გავრცელება გააქტიურდა. პირველადი ჯანდაცვის რგოლში პაციენტების მიმართვიანობამ მოიმატა, რაც სწავლებისა და შვებულებების შემდეგ მოსახლეობის დახურულ სივრცეებში დაბრუნებას უკავშირდება. დაავადებათა კონტროლის ეროვნული ცენტრის სტატისტიკის თანახმად, ამ ეტაპზე წამყვანი პოზიცია რინოვირუსს უკავია, რომელიც ლაბორატორიულად დადასტურებული შემთხვევების 69%-ს შეადგენს. შემთხვევათა 13%-ით მეორე ადგილზე კორონავირუსია, პარალელურად კი ფიქსირდება A ტიპის გრიპის პირველი, ადრეული შემთხვევებიც. სპეციალისტების განმარტებით, გრიპის ვირუსის ასეთ ადრეულ ეტაპზე გამოჩენა უჩვეულოა, თუმცა ეს გრიპის სეზონის ოფიციალურ დაწყებას არ ნიშნავს- შემთხვევების მასობრივ მატებას ოქტომბრის ბოლოდან და ნოემბრის დასაწყისიდან ელოდებიან. სტუმარი: მაია ჩხაიძე - ციციშვილის სახელობის ბავშვთა კლინიკის სამედიცინო დირექტორი #ახალიამბები #BusinessMediaGeorgia
საქართველოს ბიზნეს ასოციაციის რიგებს ახალი წევრი შეემატა, დეველოპერული კომპანია TEMPO ასოციაციის გაერთიანების ნაწილი გახდა. ეს ნაბიჯი კიდევ ერთხელ უსვამს ხაზს კომპანიის სწრაფ განვითარებას, მაღალ პასუხისმგებლობასა და მისწრაფებას, წვლილი შეიტანოს ქვეყნის ეკონომიკისა და დეველოპერული სექტორის გაძლიერებაში. 2023 წლიდან TEMPO ქართულ ბაზარზე უძრავი ქონების განვითარების ახალ სტანდარტს ამკვიდრებს, კომპანიის მთავარი ფილოსოფია კი ადამიანის ყველაზე ძვირფასი რესურსის, დროის დაზოგვასა და მისთვის კომფორტული გარემოს შექმნას ეფუძნება. BAG-ში გაწევრიანება ორივე მხარისთვის ახალი შესაძლებლობაა, მჭიდრო თანამშრომლობითა და გამოცდილების გაზიარებით ხელი შეუწყონ ქვეყანაში ბიზნესგარემოს გაუმჯობესებასა და სექტორის მდგრად განვითარებას. სტუმრები: ⤵️
„თეგეტა მოტორსისთვის“ მომხმარებელზე ზრუნვა პრიორიტეტია და სწორედ ამიტომ კომპანია რეგულარულად ნერგავს ახალ სერვისებსა და შეთავაზებებს. ამჯერად „თეგეტა მოტორსი“ „გალფთან“ პარტნიორობას იწყებს - მოლაპარაკებები დასრულებულია და შეთანხმება მალე ოფიციალურად გაფორმდება. თანამშრომლობის პირველი ბენეფიტი მომხმარებლისთვის უკვე ხელმისაწვდომია: ვინც Bridgestone-ის 10 ან მეტ სატვირთო საბურავს შეიძენს, საჩუქრად საწვავს მიიღებს. Bridgestone საბურავების ერთ-ერთი წამყვანი გლობალური მწარმოებელია, რომლისთვისაც ხარისხი, უსაფრთხოება, მდგრადი განვითარება და ინოვაციები პრიორიტეტულია. სწორედ ეს ღირებულებები განაპირობებს „თეგეტა მოტორსისა“ და Bridgestone-ის ხანგრძლივ თანამშრომლობას. კომპანიებს შორის პირველი ხელშეკრულება 1998 წელს გაფორმდა და დღეს „თეგეტა მოტორსი“ ამ წამყვან ბრენდს რეგიონში ექსკლუზიურად წარმოადგენს. სტუმარი: მიხეილ ვაშაკიძე - „თეგეტა მოტორსის“ გაყიდვების მთავარი ოფიცერი #ახალიამბები #BusinessMediaGeorgia
შერატონ მეტეხი პალასში სამედიცინო კონფერენცია Infertility 35+ გაიმართა. მეშვიდე საერთაშორისო კონფერენციის დასახელება ამ შეკრების თემატიკას სრულად გადმოსცემს. შაბათ კვირას ასეულობით ექიმმა 35 წლის შემდეგ ორსულობის დაგეგმვაზე მასთან დაკავშირებულ გამოწვევებზე ისაუბრა. ჯანდაცვის სამინისტროს მხარდაჭერით, საქართველოს ონკოფერტილობის ასოციაციისა და ქართულ-გერმანული რეპროდუქციული მედიცინის ცენტრის ორგანიზებულ შეხვედრაზე მკურნალობის თანამედროვე მეთოდები განიხილეს. სამეცნიერო ფორუმზე მსოფლიო დონის ექსპერტები და საერთაშორისო დელეგატები იყვნენ ჩართული, რომლებთან ერთადაც ქართულ გერმანული კლინიკის დამფუძნებელმა უახლესი ემბრიონოლოგიური ტექნოლოგიები განიხილეს. სტუმრები: ➡️ნინო მუსერიძე -GGRC, დამფუძნებელი და კლინიკური დირექტორი; ➡️მარინა გვახარია - “პალო ალტოს სამედიცინო ფონდი”, რეპროდუქციული ლაბორატორიების დირექტორი #ახალიამბები #BusinessMediaGeorgia
23 სექტემბერს, საერთაშორისო თეატრალური ფესტივალი „თბილისური ბროწეულები“ მესამედ გაიხსნა და მაყურებელს 27 სექტემბრის ჩათვლით უმასპინძლებს. 2024 წელს დაფუძნებული ფესტივალი სერგო ფარაჯანოვის შემოქმედებით მემკვიდრეობას ეძღვნება და მისი მთავარი მხარდამჭერი და მასპინძელი სანდრო ახმეტელის სახელობის სახელმწიფო დრამატული თეატრია. ფესტივალის პარტნიორი დაარსების დღიდან კომპანია „კოკა-კოლა ბოთლერს ჯორჯიაა“. ხუთი დღის განმავლობაში ფესტივალი ქართველი და უცხოელი რეჟისორების ნამუშევრებს გააერთიანებს და მაყურებელს მრავალფეროვან, ექსპერიმენტულ და საერთაშორისო თეატრალურ პროგრამას შესთავაზებს. #ახალიამბები #BusinessMediaGeorgia
23 სექტემბერს საქართველოს უნივერსიტეტში, New Economic School-Georgia-სა და საქართველოს უნივერსიტეტის პარტნიორობით საჯარო დისკუსია „ცივილიზებულად ყოფნის გააზრება” გაიმართა. დისკუსიის ფარგლებში განიხილეს ცივილიზაციის საფუძვლად ქცეული იდეებისა და ღირებულებების წარმოშობა, განვითარება და თანამედროვე მნიშვნელობა. ღონისძიების ასევე გაიმართა საინტერესო მსჯელობა რომელიც დაეთმო საგარეო პოლიტიკასა და კონკრეტულად ახლო აღმოსავლეთის რეგიონს. მომხსენებლებმა განიხილეს რეგიონალური გამოწვევები და თემები, რომლებიც პირდაპირ დაკავშირებულია თავისუფალი საზოგადოების პრინციპების დაცვასთან. #ახალიამბები #BusinessMediaGeorgia
საქართველო-უზბეკეთის ბიზნესკავშირები გაღრმავების ახალ ეტაპზე გადადის. „საქართველოს ბანკის“ მხარდაჭერითა და „გაყიდვების ასოციაციის“ ორგანიზებით, ტაშკენტში დაგეგმილი მასშტაბური ბიზნესგამოფენის წინ, საინფორმაციო შეხვედრა გაიმართა. ქართულმა კომპანიებმა უზბეკეთის ბაზრის შესაძლებლობებზე, ახალ საქმიან კავშირებსა და გამოფენის ფორმატზე დეტალური ინფორმაცია მიიღეს. შეხვედრაში ტექნოლოგიური, სამშენებლო-დეველოპერული, არქიტექტურული, სამედიცინო და საავტომობილო სექტორების წარმომადგენლები მონაწილეობდნენ.რაც შეეხება უშუალოდ ღონისძიებას - საერთაშორისო ბიზნესგამოფენა, სახელწოდებით „საქართველო-უზბეკეთი: აბრეშუმის გზა“, 7 და 8 ოქტომბერს ტაშკენტში გაიმართება. ღონისძიებაზე, რომელსაც Marriott Tashkent-ი უმასპინძლებს, კორპორაციული სექტორის 2 000-მდე წარმომადგენელს ელოდებიან. საქართველოდან კი, უზბეკეთის ბაზრის პოტენციალის ასათვისებლად, 50-მდე სხვადასხვა ინდუსტრიის კომპანია მიემგზავრება.და ბოლოს, გეტყვით იმასაც, რომ მთავარ ორგანიზატორ „გაყიდვების ასოციაციასთან“ ერთად, გამოფენის ადგილობრივი პარტნიორები - ევროპა-უზბეკეთის ეკონომიკური თანამშრომლობის ასოციაცია და უზბეკეთის სავაჭრო-სამრეწველო პალატა არიან. #ახალიამბები #BusinessMediaGeorgia