წელს თაფლის მწარმოებლები ექსპორტზე 2022 წელთან შედარებით პროდუქციის შემცირებულ რაოდენობას გაიტანენ, მიზეზი უამინდობაა. შედეგად, თაფლის მწარმოებლები ექსპორტირებულ პროდუქციაზე ფასის მატებასაც ვარაუდობენ, თუმცა რამდენით, ამას ამ ეტაპზე ვერ ასახელებენ. კომპანიების ძირითადი სამიზნე ბაზრები წელს აშშ, ევროპა და გალფის ქვეყნები იქნება. #ახალიამბები #BusinessMediaGeorgia
ბოლო წლებში სასურსათო კვერცხის იმპორტი საგრძნობლად გაზრდილია, ეს ზრდა განსაკუთრებით მკვეთრად მიმდინარე წლის პირველ კვარტალში შეინიშნება. აღნიშნული მოვლენა მნიშვნელოვანი გამოწვევაა ადგილობრივი მწარმოებლებისთვის და კონკრეტულად რა კუთხით აფერხებს ეს ქართული პროდუქციის რეალიზაციას და რამ განაპირობა კვერცხის იმპორტის ზრდა? #ახალიამბები #BusinessMediaGeorgia
2022 წელს აშშ-ს მოსახლეობამ 333 მილიონი შეადგინა. აქედან, დაახლოებით 60% სხვადასხვა სექტორშია დასაქმებული. აშშ-ის შრომის სტატისტიკის ბიუროს მიერ გამოქვეყნებული, დასაქმებისა და ხელფასების 2022 წლის მონაცემებზე დაყრდნობით, ის სექტორები დადგინდა, სადაც ყველაზე მეტი ადამიანია დასაქმებული ამერიკაში. რომელ სექტორშია ყველაზე მეტი ამერიკელი დასაქმებული და როგორია მათი ანაზღაურება? #ახალიამბები #BusinessMediaGeorgia
#საქმიანიდილა - 18 მაისი - პროლოგი #ახალიამბები #BusinessMediaGeorgia
მიმდინარე წლის 1 ივნისიდან სურსათის მწარმოებელი ყველა ობიექტისთვის საფრთხის ანალიზისა და კრიტიკული საკონტროლო წერტილების სისტემის, ჰასპის დანერგვის ვალდებულება ამოქმედდება. ბიზნესოპერატორებს მოუწევთ წინასწარ განისაზღვრონ და გააკონტროლონ სურსათის წარმოება-რეალიზაციის პროცესში არსებული პოტენციური საფრთხეები და, შესაბამისად, მომხმარებელს უვნებელი სურსათი მიაწოდონ. რეგულაცია ვრცელდება მათ შორის პურ-ფუნთუშეულის, საკონდიტრო წარმოებებსა და წისქვილკომბინატებზე. რა პროცესის გავლენა უწევთ ბიზნესებს ჰასპის სტანდარტების დასაკმაყოფილებლად, რამდენად დიდ ადამიანურ და ფინანსურ ხარჯებს მოითხოვს ეს მათგან და რა იცვლება ამით მომხმარებლებისთვის? სტუმარი: ეკა გიგაური - სურსათის უვნებლობის ექსპერტი; #ახალიამბები #BusinessMediaGeorgia
საქართველოს ავიაციის სააგენტოსგან 15 მაისს ნებართვა უკვე მიიღო აზიმუტ ეარლაინსმა, რომელიც მოსკოვი - თბილისი - მოსკოვის საჰაერო ხაზზე დღეიდან კვირაში შვიდი სიხშირით იფრენს. ერთია ის, რომ ქართული ცა მხოლოდ იმ თვითმფრინავებისთვის გაიხსნება, რომლებიც არ ხვდებიან სანქცირებულთა სიაში, თუმცა ლეგიტიმური კითხვები არსებობს რამდენად უსაფრთხოა რუსული ავიაკომპანიების სერვისი. ევროკომისიის საგარეო ქმედებათა სამსახურის პრესსპიკერ პიტერ სტანო აცხადებს, რომ რუსეთთან ფრენების აღდგენა შეშფოთებას იწვევს საქართველოს ევროპულ გზასთან დაკავშირებით. ამასთან, სტანო მოუწოდებს საქართველოს ხელისუფლებას უსაფრთხოების მნიშვნელოვანი პრობლემების ფონზე, არ დაუშვას სახიფათო რუსული თვითმფრინავები თავის ტერიტორიაზე. მისი განცხადებით, სანქციების გამო რუსული თვითმფრინავების პარკის 95%-ს არ შეუძლია თვითმფრინავების განახლება, რაც აუცილებელია საერთაშორისო ტექნიკური და უსაფრთხოების სტანდარტების შესანარჩუნებლად. რამდენად უსაფრთხოა რუსული ავიაკომპანიების თვითმფრინავები? სტუმარი: გიორგი კოდუა - „ეარ ჯორჯიას“ დამფუძნებელი #ახალიამბები #BusinessMediaGeorgia
აღსრულების ეროვნული ბიურო ახალ ინიციატივაზე მუშაობს, რომელმაც მესაკუთრეები უძრავ ქონებასთან დაკავშირებულ ფინანსურ ოპერაციებში სახელშეკრულებო რისკებისგან უნდა დაიცვას. იდეა, რომელიც იუსტიციის სამინისტროს ეკუთვნის, იურიდიულ და ფიზიკურ პირებს აღსრულების ეროვნულ ბიუროში სასყიდლიანი ხელშეკრულების, მათ შორის იჯარისა და ქირავნობის ხელშეკრულების რეგისტრაციის შესაძლებლობას მისცემს. მაგალითად, მხარეებს შეუძლიათ ქირავნობის ხელშეკრულებაში ჩაწერონ, რომ მესაკუთრეს საშუალება ექნება, დამქირავებლის მიერ პირობების დარღვევის შემთხვევაში მიმართოს აღსრულების ბიუროს და მისგან დაჩქარებული წესით მიიღოს აღსრულების სერვისი. როგორც ცნობილია, საკუთრებიდან საპოლიციო გამოსახლება 2015 წლიდან აღარ არსებობს, რაც იმას ნიშნავს, რომ იმ შემთხვევაში თუ პირმა, რომელმაც ბინა იქირავა და თანხას ვერ ან არ იხდის, გამქირავებელმა პოლიციის ნაცვლად სასამართლოს უნდა მიმართოს. რა პრობლემა შექმნა საპოლიციო გამოსახლების გაუქმებამ და რას შეცვლის იუსტიციის სამინისტროს ახალი ინიციატივა? სტუმარი: გია ფოლადიშვილი - იურისტი; #ახალიამბები #BusinessMediaGeorgia
თბილისისთვის 18-მეტრიანი ავტობუსების შესაძენად გამოცხადებულ ტენდერზე ვისაუბრებთ გადაცემის ამ ნაწილში. სახელმწიფო შესყიდვების სააგენტომ 11 მაისს 160 ერთეული 18-მეტრიანი სი ენ ჯი ტიპის ავტობუსის შესაძენად გამოაცხადა ტენდერი. სატენდერო პირობების მიხედვით, ერთი ავტობუსის ფლობის და შესყიდვის სავარაუდო ღირებულება მილიონ 620 ათას ლარს შეადგენს, შესაბამისად მთლიანად ახალი ავტობუსების შესყიდვა 259 მლნ 276 ათასი ლარი დაჯდება. მნიშვნელოვანი გარემოებაა, რომ ტენდერი შემჭიდროებულ ვადებში ტარდება, ის 11 მაისს სამუშაო დღის დასრულების შემდეგ გამოცხადდა, ხოლო მასში წინადადებების შეტანა მხოლოდ ორი დღის - 18-19 მაისის პერიოდში იქნება შესაძლებელი. სურვილის შემთხვევაში კომპანიებს შეეძლებათ მერიისგან 40 მილიონი ლარის ავანსი მოითხოვონ. მნიშვნელოვანია ის ფაქტი, რომ მერია ავტობუსებს კონსოლიდირებული ტენდერის გზით შეიძენს, კონტრაქტი ფასის დაკლების გარეშე გაფორმდება. რა კითხვებს აჩენს ერთი შემსყიდველისთვის კონსოლიდირებული ტენდერის გამოცხადება? სტუმარი: ირაკლი აბესაძე, თბილისის საკრებულოს ყოფილი წევრი; #ახალიამბები #BusinessMediaGeorgia
ქუჩის კვება - ე.წ street food მსოფლიოს სხვადასხვა ქვეყნის დამახასიათებელი ნაწილია. მეტიც, ტურისტები ხშირად სპეციალურად სტუმრობენ ამა თუ იმ ქვეყანას და მათ ქუჩის საკვებს ეცნობიან. Tripadvisor-მა მაგალითად საუკეთესო სთრით ფუდის მქონე ქალაქებს შორის პირველი ადგილი პარიზს მიანიჭა. რაც შეეხება საქართველოს და თბილისის ქუჩის კვება, ეს მიმართულება აქ დაახლოებით 5 წელია რაც ვითარდება და როგორც კვების ობიექტების წარმომადგენლები ამბობენ, არც თუ ისე ნელი ტემპით. როგორ ვითარდება ქართული ქუჩის კვება? #ახალიამბები #BusinessMediaGeorgia
პირველ ივნისამდე სულ უფრო ცოტა დრო რჩება, ამ დროში ბიზნესოპერატორებმა საფრთხის ანალიზისა და კრიტიკული საკონტროლო წერტილების სისტემა უნდა დანერგოს. თავის მხრივ HACCP-ის სისტემა არის გარანტია იმის, რომ რესტორანში (კვების ობიექტში) იწარმოება უვნებელი პროდუქტი და არის სურსათის უვნებლობის მაღალი მაჩვენებელი. HACCP-ის სისტემა თავისი არსით არის სურსათის უვნებლობის მართვის სისტემა. თუკი, აქამდე ბიზნესი სურსათის უვნებლობას საკუთარ ობიექტებზე ახორციელებდა კანონმდებლობით, რა თქმა უნდა, განაგრძობს ამ რეგულაციების შესრულებას, ვისაც სტანდარტზე ,მორგება სჭირდება მათთვის შედეგის მისაღებად 2 კვირაა დარჩენილი. სტუმარი: გიორგი მიქაძე - შპს „გ. ნათაძის სახელობის სანიტარიის, ჰიგიენისა და სამედიცინო ეკოლოგიის სამეცნიერო-კვლევითი ინსტიტუტის" სურსათის უვნებლობისა და ნუტრიციოლოგიის დეპარტამენტის უფროსი; #ახალიამბები #BusinessMediaGeorgia
"აგროჰაბმა" ახალი მარკეტი საბურთალოზე და 3000 კვ.მ. ფართობზე განთავსებული „აგროჰაბის“ ცენტრალიზებული საწარმო გახსნა. "საქართველოს ბანკის" მხარდაჭერით ამუშავებული საწარმოს პროექტის ჯამური ღირებულება 9 მილიონი ლარია. ბანკის ინვესტიცია კი 8.5 მილიონ ლარს შეადგენს. ფინანსური რესურსი სრულად მოხმარდა სამშენებლო, ინფრასტრუქტურულ და საწარმო დანადგარებს. ნატურალური პროდუქტების ჰიპერმარკეტი „აგროჰაბი“ ცენტრალიზებული საწარმო პროცესით წარმოების მოცულობასა და პროდუქტების სახეობებს ზრდის, თუმცა ლოკალური წარმოებები ფილიალებშიც რჩება. სტუმრები: ირაკლი კიკალიშვილი - "საქართველოს ბანკის" კორპორაციული გაყიდვების სექტორის უფროსის მოვალეობის შემსრულებელი; ლაშა გოცირიძე - "აგროჰაბის" გენერალური დირექტორი. #ახალიამბები #BusinessMediaGeorgia
მაიაის ბოლოს ბათუმში თიბისისთან პარტნიორობით დიდი ამბებია დაგეგმილი. მათთვის ვისაც სტარტაპ ექსპერტებთან, სილიკონ ველიდან ინვესტორების და საინტერესო სტარტაპების უკეთ გაცნობა და მოსმენა უნდა დიდი ტექნოლოგიური ღონისძიება ელოდებათ. საქართველოს სტარტაპ სამიტი მნიშვნელოვანი საგანმანათლებლო და ნეთვორქინგის გამოცდილებაა ადგილობრივი ინვესტორებისთვის, სადაც მათ შესაძლებლობა ექნებათ ისაუბრონ მსოფლიოს ყველაზე გამოცდილ ანგელოზ და ვენჩურული კაპიტალის ინვესტორებთან და გაეცნონ რჩეულ ქართულ სტარტაპებს. თარგმანს უზრუნველყოფს NG GEORGIA. სტუმრები: კოლინ დონოჰიუ - Startup Connect-ის დირექტორი; ოთარ კონჯარია - გაეროს განვითარების პროგრამისა და ევროკავშირის პროექტის "მერები ეკონომიკური ზრდისთვის" კოორდინატორი. #ახალიამბები #BusinessMediaGeorgia
საერთაშორისო სარეიტინგო სააგენტომ Fitch Ratings ლიბერთი ბანკის გრძელვადიანი საკრედიტო რეიტინგის პროგნოზი სტაბილურიდან პოზიტიურზე გააუმჯობესა. ამასთანავე იგივე ნიშნულზეა შენარჩუნებული როგორც თავად გრძელვადიანი საკრედიტო რეიტინგი „B+“, ასევე მდგრადობის რეიტინგიც “b+“.სარეიტინგო სააგენტოს განცხადებით, ლიბერთი ბანკის გრძელვადიანი საკრედიტო რეიტინგის პროგნოზის გაუმჯობესება ბანკის კარგი ფინანსური მაჩვენებლებით არის განპირობებული, კერძოდ: აქტივების მაღალი ხარისხით, მომგებიანობით, ადეკვატური კაპიტალიზაციითა და ფინანსური რესურსის ჯანსაღი ბაზით. ვატო ბაბუნაშვილი - ლიბერთის გენერალური დირექტორის მოადგილე, ფინანსური დირექტორი #ახალიამბები #BusinessMediaGeorgia
საფინანსო სექტორის რისკების მართვის ჩარჩოს გაუმჯობესება და შედეგებზე პროაქტიული რეაგირება; საფინანსო სექტორში კონკურენციის ხელშეწყობა; ფინანსური ინოვაციების წახალისება და საზედამხედველო ტექნოლოგიების განვითარება; საერთაშორისო სტანდარტებთან დაახლოება; ეროვნული ბანკის საზედამხედველო ფუნქციის გაძლიერება და გამჭვირვალობის ზრდა - ეს არის ის ძირითადი პრიორიტეტები რაც ეროვნულ ბანკს საზედამხედველო სტრატეგიაში ძირითად ამოცანებად 2023-2025 წლების საზედამხედველო სტრატეგიაში აქვს განსაზღვრული და რეკომენდაციებისათვის ღიაობა თითქმის ერთი თვის განმავლობაში ყველა დაინტერესებული პირისთვის იყო საჯაროდ შეთავაზებული. წინადადებების მიღება 12 მაისს დასრულდა. სტუმრები: ალექსანდრე ძნელაძე - საქართველოს საბანკო ასოციაციის პრეზიდენტი; პაპუნა ლეჟავა - საქართველოს ეროვნული ბანკის ვიცე-პრეზიდენტი. #ახალიამბები #BusinessMediaGeorgia
პირველად საქართველოში ავერსის პარტნიორი ბრენდი “აჰავა” დისტრიბუტორთა საერთაშორისო კონფერენციას მართავს. აჰავა კანის მოვლის საშუალებათა ბრენდია, რომელიც შემუშავებულია მკვდარი ზღვის ლაბორატორიის მიერ და საერთაშორისო დონეზეა აღიარებული. 30 წელზე მეტია, აჰავას პროდუქცია წარმატებით იყიდება მსოფლიოს მრავალ ქვეყანაში. #ახალიამბები #BusinessMediaGeorgia
საქართველომ პირველ კვარტალში რეკორდული მოცულობის საზამთრო იყიდა. საქსტატის მონაცემებით, 2023 წლის პირველ კვარტალში ქვეყანამ 250%-ით მეტი საზამთრო შემოიტანა ვიდრე 2022 წლის პირველ კვარტალში. ირკვევა, რომ მიმდინარე წლის იანვარ-მარტში საქართველოში 17.30 ათასი დოლარის ღირებულების 39.76 ტონა საზამთროს იმპორტი განხორციელდა, მაშინ როდესაც 2022 წლის სამ თვეში ქვეყანამ 7.97 ათასი დოლარის 11.36 ტონა საზამთრო იყიდა. საქართველოს ხილისა და ბოსტნეულის ექსპორტიორთა ასოციაციის პრეზიდენტი აღნიშნავს, რომ ადგილობრივ ბაზარზე არასეზონურად წარმოებული საზამთროს რაოდენობა მცირეა, რადგან ქვეყანაში სასათბურე მეურნეობები განვითარებული არ არის, რაც ადგილობრივ ბაზარზე იმპორტირებული პროდუქციის მიმართ ქართულის კონკურენტუნარიანობას ამცირებს. #ახალიამბები #BusinessMediaGeorgia
ღვინის სამშობლოდან 6 მარნის ღვინოები ლონდონში გამოფენაზე იღებს მონაწილეობას. მრავალწლიანი ტრადიციის კიდევ უფრო ფართო მასშტაბით წარსადგენად, ევროკავშირის, შვედეთის და ავსტრიის ხელშეწყობით, საქართველოს მაღალმთიანი რეგიონის ღვინოები ლონდონში, მსოფლიოში ყველაზე ინტელექტუალურ გამოფენაზე London Wine Fair -ზე იღებენ მონაწილეობას. #ახალიამბები #BusinessMediaGeorgia
#საქმიანიდილა - 17 მაისი - პროლოგი #ახალიამბები #BusinessMediaGeorgia
რამზეს იახტს-მა 2020 წლიდან საქართველოში ჯამში 19 მცურავი ობიექტი, მათ შორის იახტა და კატერი გაყიდა. როგორც “რამზეს იახტსის” დამფუძნებელი გიორგი ჩიკვაიძე BMG-სთვის მიცემულ ინტერვიუში აღნიშნავს, იახტების ეს რაოდენობა მხოლოდ საქართველოს მოქალაქეებზე გაიყიდა. მცურავ ობიექტებზე ფასები შესაძლოა 130 000 დოლარიდან იწყებოდეს, 1 850 000 ევროს აჭარბებდეს და რამდენიმე მილიონამდე ადიოდეს. რა სიახლეები აქვს კომპანიას და რას გეგმავს სამომავლოდ? გიორგი ჩიკვაიძე - “რამზეს იახტს”-ის დამფუძნებელი #ახალიამბები #BusinessMediaGeorgia
2023 წლის აპრილში თბილისში ბინების გაყიდვები წლიურად 27%-ით შემცირდა. Colliers Georgia-ს უძრავი ქონების ვებგვერდზე განახლებული ინფორმაციით, აპრილში დედაქალაქში სულ 2 537 საცხოვრებელი ბინა გაიყიდა. ბაზრის ზომა კი 22%-ით, 141 მილიონ დოლარამდე შემცირდა. რაც შეეხება ბათუმს, აპრილში ბათუმში სულ 1 133 საცხოვრებელი ბინა გაიყიდა, რაც გასული წლის აპრილთან შედარებით 20%-ით ნაკლებია. ბაზრის ზომა 15%-ით 50 მილიონ დოლარამდეა შემცირებული. სტუმარი: ლეო ჩიქავა - „ქოლიერს ჯორჯიას“ კვლევებისა და მონაცემთა სერვისების ხელმძღვანელი; #ახალიამბები #BusinessMediaGeorgia
ქართული მთის ღვინო მსოფლიოში ყველაზე ინტელექტუალურ გამოფენაზეა წარმოდგენილი. მრავალწლიანი ტრადიციის კიდევ უფრო ფართო მასშტაბით წარსადგენად, ევროკავშირის, შვედეთის და ავსტრიის ხელშეწყობით, საქართველოს მაღალმთიანი რეგიონის ღვინოები ლონდონში, London Wine Fair -ზე იღებენ მონაწილეობას. ეს მოვლენა აერთიანებს ღვინის მწარმოებლებს, ექსპერტებს, დისტრიბუტორებს, იმპორტიორებს და მყიდველებს მთელი მსოფლიოდან, განსაკუთრებული ტიპის ღვინოების წარდგენა-გაცნობისთვის და ახალი ბიზნეს პარტნიორული კავშირების დამყარებისთვის. პასუხისმგებლობით შერჩეული ქართული საამაყო მცირე მეღვინეობები, საერთაშორისო ვიზიტორებს ქართული ენდემური ღვინოების გაცნობას, მის ისტორიასა და მრავალფეროვნებაში მოგზაურობას ჰპირდებიან. სტუმარი: თამაზ ომანაძე - “ხომლის მარნის” დამფუძნებელი. #ახალიამბები #BusinessMediaGeorgia
ზაფხულის საფესტივალო გეგმებით ვაგრძელებთ საქმიან დილას. თიბისის მხარდაჭერით, რეგიონში ყველაზე დიდი მუსიკალური ფესტივალი 23, 24 და 25 ივნისს ლისის საოცრებათა ქვეყანაში ბრუნდება. ფესტივალი 2009 წელს Altervision Group-ის ინიციატივით დაარსდა და მას შემდეგ კავკასიის რეგიონში ყველაზე მასშტაბური მუსიკალური ღონისძიებაა. ამ პერიოდის განმავლობაში, Tbilisi Open Air-მა 1000 მდე მუსიკოსს უმასპინძლა. რა ელოდებათ მსმენელებს ზაფხულის დღეებში ლისი ვონდერლანდში და როგორ ვითარდება ზოგადად საფესტივალო ბაზარი ქვეყანაში? სტუმარი: სოფო ებრალიძე - Tbilisi Open Air / AlterVision-ის კომუნიკაციების მენეჯერი. #ახალიამბები #BusinessMediaGeorgia
სოციალური მეწარმეები საკანონმდებლო ბაზის დახვეწას ითხოვენ. საქართველოში სოციალური მეწარმის სტატუსი საკანონმდებლო დონეზე კვლავ მოუწესრიგებელია. ამ ფონზე, 150-მდე სოციალური საწარმო გამოწვევების წინაშეა, რადგან მათი ბუნდოვანი სტატუსი ფინანსებზე წვდომას კიდევ უფრო ართულებს. გარდა ამისა, სახელმწიფო სტრუქტურების მხრიდან სოციალური საწარმოებით დაინტერესება და მხარდაჭერა საკმაოდ ფრაგმენტულია. როგორც სექტორში განმარტავენ, სოციალური მეწარმეები აღიარებულებიც კი არ არიან, შესაბამისად როდესაც საქმიანობას იწყებენ და ბიზნეს ოპერატორები ხდებიან რეგისტრირდებიან როგორც შპს, ააიპი ან ინდ. მეწარმე. შპს-ს სტატუსის შემთხვევაში, სოციალურ საწარმოებს კიდევ უფრო უმცირდებათ გრანტებზე წვდომა, რაც ხშირად მათი ფუნქციონირების ერთადერთი გარანტია. ხოლო როდესაც ააიპებს - ანუ არა კომერციულ იურიდიულ პირებს წარმოადგენენ, მოგებაზე ორიენტირებული ბიზნესი ვერ ხდებიან. როგორ ვითარდება საქართველოში სოციალური მეწარმეობა? სტუმარი: სალომე კუსიანი - სოციალურ საწარმოთა ალიანსის დირექტორი; #ახალიამბები #BusinessMediaGeorgia
საქართველოს ეკონომიკის დამოკიდებულებაა რუსეთზე - უკრაინაში ომის დაწყებიდან ერთი წლის თავზე, არასამთავრობო ორგანიზაცია "საერთაშორისო გამჭვირვალობა - საქართველომ" გამოაქვეყნა კვლევა, რომლის მიხედვითაც, 2022 წელს საქართველოს ექსპორტი რუსეთში 6.8%-ით გაიზარდა და 652 მლნ აშშ დოლარი შეადგინა. ომის დაწყების შემდეგ, მარტ-დეკემბერში კი ექსპორტი 3.2%-ით არის გაზრდილი. 2022 წელს რუსეთიდან იმპორტი 79%-ით გაიზარდა და 1.8 მლრდ აშშ დოლარი შეადგინა. რუსეთიდან იმპორტის წილი საქართველოს ჯამურ იმპორტში 13.1% იყო, რაც ბოლო 16 წლის მაქსიმუმია. სტუმრები: ირინა გურგენაშვილი - Gnomon Wise-ის აღმასრულებელი დირექტორი, საერთაშორისო ურთიერთობების სპეციალისტი; ბესო ნამჩავაძე - საერთაშორისო გამჭვირვალობა-საქართველოს მთავარი ეკონომისტი. #ახალიამბები #BusinessMediaGeorgia
ბოლო პერიოდში ავია მიმოსვლა საკმაოდ ძვირადღირებული სიამოვნება გახდა, ამას ემატება ისიც, რომ თვითმფრინავით მგზავრობა საკმაოდ საზიანოა გარემოსთვის, 21-ე საუკუნეში კი განვითარებული მსოფლიო მაქსიმალურად ცდილობს გარემოს დაბინძურება შეამციროს და სწორედ ამიტომ, ევროპის ქვეყნებში ახალი ალტერნატივა, მატარებლით მგზავრობა იწყებს განვითარებას. კონკრეტულად სად და როგორ ვითარდება ეს ტრანსპორტი და რომელ ქვეყნებს ემატება ახალი სარკინიგზო ხაზები? თიკო ნატმელაძე - BMG-ის რეპორტიორი; #ახალიამბები #BusinessMediaGeorgia
რამდენიმე კვირის ახალი ციფრული პლატფორმა - Pirveli.com გაეშვა, სადაც ერთ სივრცეში ყველა ის პროდუქტი და მომსახურებაა თავმოყრილი, რაც მომხმარებელს ყოველდღიურად შეიძლება დასჭირდეს. ციფრული ეკოსისტემა ონლაინ მაღაზიას, ფასდაკლებების ვაუჩერებს და სამედიცინო მიმართულებას აერთიანებს. რას სთავაზობს პლატფორმა მომხმარებელს და რა სიახლით გადაწყდა მრავალფეროვან ბაზარზე კონკურენტული უპირატესობა ეპოვათ? სტუმარი: გიორგი ქვლივიძე - PIrveli.com-ის პროექტის ხელმძღვანელი; #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით ნიკა მაზანაშვილი სტუმარი: ნიკა მაზანაშვილი - Galt & Taggart-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
ერთი წლის თავზე გასულ კვირაში სებმა მონეტარული პოლიტიკის განაკვეთი შეამცირა და 10.5% ზე ჩამოვიდა. მარტში, დეკემბერთან შედარებით, საკრედიტო პორტფელის წლიური ზრდის ტემპი 1.7 %პ-ით გაიზარდა და გაცვლითი კურსის ეფექტის გამორიცხვით, 13.8% შეადგინა. სებ-ის მპ-ის მაისის ანგარიშით, აღნიშნულ პერიოდში, ფიზიკურ პირებზე გაცემული სესხების ზრდის ტემპმა მცირედით მოიკლო და 15.8% შეადგინა, ხოლო იურიდიულ პირებზე გაცემული სესხების ზრდის ტემპი კი 3.6 %პ-ით გაიზარდა, 11.6%-მდე. სტუმარი: ლაშა ქავთარაძე - Galt&Taggart;-ის ეკონომისტი; #ახალიამბები #BusinessMediaGeorgia
Forbes Georgia & BMG და Tegeta Holding-ი წარმოგიდგენთ: #ForbesAuto-ს
საკმაოდ მრავალფეროვანი ბიზნესჯგუფი ასევე საკმაოდ მრავალფეროვან და გაჯერებულ დეველოპერულ ბაზარზე ახალი ბრენდით აქტიურდება. “ბიოგჰრაფი” ვისოლ ჯგუფის ბრენდია, რომლითაც კომპანია ურბანულ განახლებასა და საქართველოს დეველოპერულ ბაზარზე მშენებლობის ახალი სტანდარტების დანერგვას აანონსებს. გამოცდილება ვისოლ ჯგუფს არც ამ მიმართულებით აკლია, უძრავი ქონების ბაზარზე 15-წლიანი გამოცდილების მიუხედავად სრულად ახალი კონცეფციით და მეტი საჯაროობით სფეროში შემოსვლა ერთდროულად რამდენიმე საინტერესო პროექტით მოხდა. სტუმარი: ლევან ფხაკაძე - "ბიოგრაფის" თანადამფუძნებელი #ახალიამბები #BusinessMediaGeorgia
მოგზაურობისა და ტურიზმის მსოფლიო საბჭოს უახლეს კვლევას აქვეყნებს და იმ ქალაქებს გვაცნობს, სადაც 2022 წელს მოგზაურებმა ყველაზე მეტი თანხა დახარჯეს. ამ ქვეყნებში როგორც ტრადიციულ ტურისტულ მიმართულებებს, ასევე მოგზაურებისთვის საყვარელ ახალ ადგილებსაც აღმოაჩენთ. რომელ ქალაქებში ხარჯავენ საერთაშორისო ვიზიტორები ყველაზე მეტ თანხას და რა იზიდავთ მათ ამ ქალაქებში? #ახალიამბები #BusinessMediaGeorgia
ეროვნული ბანკის 2022 წლის ანგარიშის თანახმად, გასულ წელს მიმოქცევაში ნაღდი ფულის მოცულობა 452 მლნ ლარით, ანუ 9.8 პროცენტით გაიზარდა. ამავე ანგარიშის მიხედვით, ქვეყანაში ყველაზე გავრცელებული კუპიურა 100-ლარიანია, რომელზეც მიმოქცევაში არსებული ბანკნოტების 32% მოდის. როგორ გამოიყურება ყველაზე გავრცელებული ბანკნოტების რეიტინგი? #ახალიამბები #BusinessMediaGeorgia
გუშინ საქსტატმა ქვეყანაში სადაც აპრილში საარსებო მინიმუმი წინა თვესთან შედარებით 4.2 ლარით შემცირდა და 251.8 ლარი შეადგინა. უმუშევრობის მაჩვენებლებიც განაახლა. საქსტატის მაჩვენებლებით, 2022 წელს საქართველოში უმუშევრობის დონე 2021 წელთან შედარებით 3.4 პროცენტული პუნქტით შემცირდა და 17.3 პროცენტი შეადგინა. უწყებამ 2022 წლის მაჩვენებლები გამოაქვეყნა, რომელშიც აღნიშნულია, რომ სამუშაო ძალის მონაწილეობის დონე წინა წელთან შედარებით 1.0 პროცენტული პუნქტით გაიზარდა და 51.9 პროცენტით განისაზღვრა. ამასთან სამუშაო ძალის მონაწილეობის დონე, ქალაქის ტიპის დასახლებებში 0.1 პროცენტული პუნქტითაა შემცირებული, ხოლო სოფლის ტიპის დასახლებებში გაზრდილია 2.4 პროცენტული პუნქტით. რამ გამოიწვი უმუშევრობის დონის შემცირება და რა ხდება შრომის ბაზარზე? #ახალიამბები #BusinessMediaGeorgia
მარწყვის ადგილობრივი მწარმოებლები ქვეყანაში აგროპროდუქტის იმპორტის ზრდის ტენდენციაზე საუბრობენ და ამბობენ, რომ თურქული მარწყვის შემოტანამ ქართული - გააიაფა. როგორია ქვეყანაში სეზონზე მარწყვის იმპორტის და ექსპორტის მაჩვენებელი და სად ვყიდულობთ პროდუქტს? #ახალიამბები #BusinessMediaGeorgia
#საქმიანიდილა - 16 მაისი - პროლოგი #ახალიამბები #BusinessMediaGeorgia
ტყიბულის მუნიციპალიტეტის სოფელ სამტრედიაში 55 ჰექტარზე გაშენებული ჩაის პლანტაციებიდან მიღებული ნედლეულით კომპანია „ოკრიბამ“ იქვე მდებარე ჩაის გადამამუშავებელ საწარმოში მაღალხარისხიანი ჩაის წარმოება 2019 წლიდან დაიწყო. დღეისთვის კომპანია ბუეთის ბრენდის სახელით 6 სახეობის ჩაის აწარმოებს, რომელიც ქვეყნის სხვადასხვა ქსელურ მარკეტშია წარმოდგენილი. გარდა ამისა, კომპანიამ, უკვე ერთ წელზე მეტია, რაც საექსპორტო მიმართულებით აქტიური მუშაობა დაიწყო. ოკრიბას საწარმოში დამზადებული ჩაი ექსპორტზე უკვე გერმანიაში გადის და ასევე მოლაპარაკებები როგორც ევროპის, ასევე გალფის ქვეყნებთან მიმდინარეობს. რაც შეეხება ტრადიციულ ბაზრებს, კომპანიის წარმომადგენლების თქმით, იქ პროდუქციის გატანა არასოდეს უფიქრიათ, რადგან მიზანი თავიდანვე მკაფიო ჰქონდათ, ქართული ჩაი ისეთ ბაზრებს უნდა გააცნონ, სადაც მას სათანადოდ დააფასებენ. მინდია ძნელაძე - „ოკრიბას“ მენეჯერი; #ახალიამბები #BusinessMediaGeorgia
ადგილობრივი ფერმერების მიერ მოყვანილი პროდუქციის იმპორტი მეზობელ ქვეყნებში არსებულ პოლიტიკაზეა დამოკიდებული. როგორც არასამთავრობო ორგანიზაცია "მომავლის ფერმერის" ხელმძღვანელი რუსუდან გიგაშვილი აცხადებს, ადგილობრივ ბაზარზე მოყვანილი ხილის და ბოსტნეულის რეალიზაციას პრობლემები თურქეთიდან განხორციელებული ექსპორტის გამო ექმნება. რატომ ვერ ვახერხებთ კონკურენციის გაწევას როგორც ხარისხობრივ, ისე ფასის ნაწილში? სტუმარი: რუსუდან გიგაშვილი - არასამთავრობო ორგანიზაცია "მომავლის ფერმერის" ხელმძღვანელი. #ახალიამბები #BusinessMediaGeorgia
გიდების პროტესტი ტურიზმის ეროვნულ ადმინისტრაციასთან. სექტორის წარმომადგენლების მოთხოვნაა, საქართველოში ოპერატორ გიდებს საქართველოს მოქალაქეობა ჰქონდეთ და სახელმწიფო ენა B2 დონეზე იცოდნენ. გამყვანი ტურიზმის ასოციაციის თანადამფუძნებელი, მამუკა კილაურიძე აცხადებს, რომ ბოლო ერთი წლის განმავლობაში, მიგრაციის ზრდასთან ერთად, მომრავლდნენ უცხო ქვეყნის მოქალაქეები, რომლებიც ტურიზმის სექტორში თვითნებურად საქმდებიან და უცხოელ ტურისტებს ემსახურებიან. ტუროპერატორის განცხადებით, რუსეთის მოქალაქეებთან ერთად, გამოწვევაა სხვა ქვეყნებიდან ჩამოსული გიდების არსებობაც რომლებიც დამთვალიერებლებს არაკვალიფიციურად ემსახურებიან. რას ითხოვენ ქართველი გიდები? სტუმარი: ნატა ანდრონიკაშვილი - გიდი; #ახალიამბები #BusinessMediaGeorgia
„ფრენები, მითუმეტეს არასანქცირებული თვითმფრინავებით, არის სავაჭრო-ეკონომიკური ურთიერთობების შემადგენელი ნაწილი“ - ეს განცხადება საქართველოს პრემიერ მინისტრს, ირაკლი ღარიბაშვილს ეკუთვნის, რომელიც ამბობს, რომ რუსეთის ფედერაციის მხრიდან 2019 წლიდან შეჩერებული პირდაპირი ავიამიმოსვლის აღდგენა და საქართველოს მოქალაქეებისთვის სავიზო რეჟიმის გაუქმება ამ დრომდე მოგზაურობისას არსებულ დისკომფორტს აღმოფხვრის და ამას გარდა მოქალაქეებს ხარჯებსაც შეუმცირებს. ქვეყნის მოქმედი პრემიერი რუსეთთან არსებული სავაჭრო-ეკონომიკური ურთიერთობების აღდგენითაც იწონებს თავს და ამბობს, რომ წინა ხელისუფლებისგან განსხვავებით, სწორედ ოცნების მთავრობამ მოახერხა ამ კავშირების აღდგენა. 10 მაისს რუსეთის პრეზიდენტის მიერ მიღებულ გადაწყვეტილებას გამოეხმაურნენ საქართველოს საგარეო საქმეთა სამინისტროშიც, სადაც თვლიან, რომ გადაწყვეტილება ნებისმიერი პასუხისმგებლიანი მთავრობისთვის მისასალმებელია და არსებული აჟიოტაჟი იმის შესახებ, რომ ქვეყანაში რუსი ვიზიტორების მეტი რაოდენობა შემოვა- გაუგებარია. რა გავლენას იქონიებს რუსეთთან გაღრმავებული სავაჭრო კავშირების შემდეგ ფრენების დამატება? სტუმარი: ირინა გურული - "ეკონომიკური პოლიტიკის კვლევის ცენტრის" დირექტორის მოადგილე; #ახალიამბები #BusinessMediaGeorgia
#ავიაციისსიახლეები: რუსეთმა ავიაემბარგო გააუქმა; საქართველოს აეროპორტებში კომპანიები სანქციების რისკის ქვეშ იქნებიან - სახდეპი; EU: "საქართველომ რუსული, საფრთხის შემცველი თვითმფრინავები არ უნდა დაუშვას"; Georgian Airways რუსეთის მიმართულებით პირდაპირ რეისებს განიხილავს; Georgian Airways ახალ მიმართულებებს ამატებს; ფინანსთა მინისტრი: ახალი აეროპორტის მშენებლობა განხილვაშია; ქუთაისის აეროპორტში მგზავრთნაკადი 2019 წელთან შედარებით 81%-ით გაიზარდა; Wizz Air ხელოვნურ ინტელექტს გამოიყენებს; IATA: სამგზავრო გადაზიდვები გაიზარდა; მაისიდან Uzbekistan Airways ბათუმიდან დაიწყებს ფრენებს; SkyUp Airlines-მა EU-ში სრულფასოვანი ავიაკომპანია დააფუძნა; რომელი მიმართულებებით დაიწყება ფრენები თბილისის აეროპორტში ზაფხულის სეზონზე? კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #საქმიანიდილა #ბიზნესმედია #საქმიანები
რა იწვევს წონის არაჯანსაღ მატებას, რა ძირითადი მიზეზი აქვს მას და რა რისკები მოჰყვება ამ პროცესს - მედიკოსები ამ თემაზე 21-ე საუკუნეში სულ უფრო და მეტს საუბრობენ. საკვების მიუღებლობა, არაჯანსაღი მიწოდება საკვების ორგანიზმისთვის, რაც შეიძლება იყოს როგორც ჭარბი, ისე არასაკმარისი ასევე არასრულფასოვანი - ადამიანები, რომელთაც გარკვეული საკვები პროდუქტების მიმართ აუტანლობა აქვთ, რასაც საკვებისადმი ინტოლერანტობა ანუ საკვებისადმი აუტანლობა ეწოდება. სწორედ ასეთი შემთხვევები რაციონის სწორად შერჩევას საჭიროებს და ინტოლერანტობის გამომწვევი საკვები პროდუქტების რაციონიდან ამოღებას, რის შედეგადაც პაციენტი წონაში იკლებს და სასურველი შედეგი მიიღწევა. სტუმარი: თამარ ჩადუნელი - კლინიკა "ენმედიცის" ექიმი-ენდოკრინოლოგი, ნუტრიციოლოგი; #ახალიამბები #BusinessMediaGeorgia
სამშენებლო, დეველოპერული კომპანია „თი ისთეითის" მიმდინარე პროექტებზე უნდა გავაახლოთ ინფორმაცია. კომპანია, რომელიც ბაზარზე 2015 წელს გამოჩნდა თბილისში ერთდროულად რამდენიმე უბანში მშენებარე პროექტით არის წარმოდგენილი. ერთმანეთის განსხვავებული და ამავე დროს მრავალფეროვანი არჩევანით, როგორია მიმდინარე შემოთავაზებები კომპანიისგან? სტუმარი: თამარ კანთელაძე - "თი ისთეითის" გაყიდვების სამსახურის ხელმძღვანელი; #ახალიამბები #BusinessMediaGeorgia
ეკოლოგიურად სუფთა, ევროპული სამშენებლო მასალების მწარმოებელმა კომპანია კასტამ, 10 წლის იუბილესთან ერთად ახლად გახსნილ შოურუმში ქართველ დიზაინერებსა და არქიტექტორებს უმასპინძლა, თავისი პროდუქციის შესახებ პრეზენტაცია გამართა და ამ სექტორის წარმომადგენლებს მისი უპირატესობა გააცნო.როგორ ჩაიარა ღონისძიებამ და რა გეგმებით აგრძელებს ოპერირებას კომპანია? #ახალიამბები #BusinessMediaGeorgia
საქართველოს გაეროს ასოციაცია (UNA-Georgia) USAID-ის პროგრამის „ერთიანობა მრავალფეროვნებაშია“ ფარგლებში იწყებს სამოქალაქო და ეკონომიკური ინტეგრაციის საგრანტო პროგრამას, რომლის მიზანია ეროვნულ და ადგილობრივ დონეზე ეთნიკური და რელიგიური უმცირესობების საზოგადოებრივ ცხოვრებაში მეტი ჩართულობის ხელშეწყობა და ურთიერთსასარგებლო სოციალური, სამოქალაქო და ეკონომიკური კავშირების გაძლიერება. საგრანტო კონკურსი ორი ნაწილისგან შედგება და ეკონომიკური გრანტების ნაწილში მიზანია, რომ ეთნიკური და რელიგიური უმცირესობების მეწარმეობისა და ბიზნესის განვითარების მხარდაჭერა, საჯარო ფინანსებზე/სერვისებზე ხელმისაწვდომობის ზრდა და ეთნიკურ და რელიგიური უმცირესობებით დასახლებულ რეგიონებში სოციალურ-ეკონომიკური ეკოსისტემის გაუმჯობესება. სტუმრები: ნინო მეტრეველი - PMCG, USAID პროგრამა ერთიანობა მრავალფეროვნებაშია; ანო კვერნაძე - USAID „ერთიანობა მრავალფეროვნებაშია" პროგრამის სექტორთაშორის ურთიერთობების მენეჯერი. #ახალიამბები #BusinessMediaGeorgia
ქართველი სომელიეები და მეღვინეები ქართული ღვინის პოტენციალზე საუბრისას აღნიშნავენ, რომ ბოლო 5 წელში გაუმჯობესებულია როგორც ღვინის ხარისხი, ასევე მისი გემური თვისებები, თუმცა მომდევნო 5 წელში კომპანიებს კვლავ ბევრი სამუშაო აქვთ. საქართველოს სომელიეთა ასოციაციის წევრები მიიჩნევენ, რომ ქართველი მეღვინეებს დღეს უკვე პრეტენზია მთელი მსოფლიოს საექსპორტო ბაზრებზე შესაძლოა ჰქონდეთ, თუმცა რიგი საკითხები მოვლენების ამგვარად განვითარებას მაინც აფერხებს. მაგალითად, როგორიცაა ხარისხიანი ღვინის დიდი რაოდენობით წარმოება, რადგან სხვა ქვეყნებს ეს პრობლემა არ უდგათ და ისინი საერთაშორისო ბაზრებზე ქართული ღვინის პირდაპირი კონკურენტები არიან. #ახალიამბები #BusinessMediaGeorgia
სამედიცინო სფეროში ექთნის როლის დაფასების მიზნით, „ევექსი ჰოსპიტლებმა“ 12 მაისს, ექთნის საერთაშორისო დღეს ღონისძიება გამართა და ქსელში დასაქმებულ 3000-მდე ექთანს პროფესიული დღე საზეიმო ვითარებაში მიულოცა. ღონისძიება ლისი ივენთ ჰოლში, ნაცნობი მუსიკოსებისა და მომღერლების მიერ შესრულებული კომპოზიციების თანხლებით აღინიშნა. საზეიმო საღამოს დასკვნით ნაწილში, დაჯილდოების ცერემონია გაიმართა. სხვადასხვა ნომინაციაში გამარჯვებულ ექთნებს საჩუქრად სიმბოლური პრიზები გადაეცათ. როგორ აღნიშნა "ევექსი ჰოსპიტლებმა" ექთნის საერთაშორისო დღე და ზოგადად, რა ღონისძიებებსა და პროექტს ახორციელებს კომპანია ამ პროფესიის აღიარებისა და დაფასებისთვის? #ახალიამბები #BusinessMediaGeorgia
#საქმიანიდილა - 15 მაისი - პროლოგი #ახალიამბები #BusinessMediaGeorgia
5-წლის შემდეგ, წლის მთავარი ტექნოლოგიური ღონისძიება, Spotlight-ი დაბრუნდა. 14 მაისს, სასტუმრო Raddison Blu Iveria-ში სპიკერების მოსასმენად 600-ზე მეტი სტუმარი შეიკრიბა. წლევანდელი Spotlight-ის თემა ავერსისთვის გამორჩეულად მნიშვნელოვანი იყო, ამიტომ, წელს კომპანია ღონისძიების ოქროს სპონსორი იყო. მარკეტინგული ღონისძიება Spotlight-ი, მიზნად ისახავს სტარტაპების, ინოვაციების მხარდაჭერას, წახალისებას, პოპულარიზაციას. ამ მიმართულებით თანამშრომლობა ავერსისთვის განსაკუთრებით საინტერესო აღმოჩნდა. #ახალიამბები #BusinessMediaGeorgia
Art Basel-ისა და USB Global-ის მიერ გამოქვეყნებული ახალი ანგარიშის მიხედვით, ხელოვნების ბაზარზე გაყიდვებმა 2022 წელს პირველად, პანდემიამდელ ნიშნულს გადააჭარბა. გასულ წელს ამ ბაზარზე გაყიდვები 3%-ით გაიზარდა და ჯამურად 67.8 მილიარდი დოლარი შეადგინა. თუმცა, საგულისხმოა ისიც, რომ ზრდა ხელოვნების ბაზრის ყველა სფეროში არ ფიქსირდება და ზოგიერთ მათგანში პირიქით, კლების ტენდენციაა გამოხატული. რა შედეგებით დახურა გასული წელი ხელოვნების გლობალურმა ბაზარმა? #ახალიამბები #BusinessMediaGeorgia
თბილისში მცირე და საშუალო ზომის ბიზნესის მხარდასაჭერად B2B ფორუმი გაიმართა, რომელიც საქართველოს ბანკის, USAID-ის ეკონომიკური უსაფრთხოების პროგრამის, ჯეპრას და Kudos Georgia-ს ერთობლივი მხარდაჭერით მოეწყო. ფორუმში 60 მეწარმე და ტურიზმის, მსუბუქი მრეწველობის, ინტელექტუალური მომსახურების, კრეატიული ინდუსტრიებისა და მყარი ნარჩენების მართვის სექტორის დამკვეთი კომპანიები მონაწილეობდნენ. სტუმარი: დავით ჩხენკელი - საპროექტო საკონსტრუქტორო ტექნოლოგიური ინსტიტუტი "ინოსისტემსის“ დირექტორი; #ახალიამბები #BusinessMediaGeorgia