„საქართველოს უნივერსიტეტის“ კულინარიის აკადემია „არს გუსტოში“ სწავლის მსურველთა რაოდენობა წლიდან-წლამდე იზრდება. აკადემია შრომის ბაზარს წლიურად 100-მდე კვალიფიციურ კადრს სთავაზობს, თუმცა მოთხოვნა გაცილებით მეტია. როგორც კულინარიის აკადემიაში აცხადებენ, აკადემიაში სწავლების შესაძლებლობა აქვთ როგორც საქართველოში, ასევე საზღვარგარეთ მცხოვრებ უცხოელებს, რომლებიც კულინარიის ხელოვნებით არიან დაინტერესებულები. ასევე ამის შესაძლებლობა აქვთ მოყვარულ და გასტრონომიის სფეროში დასაქმებულ მოქალაქეებსაც. სტუმარი: ეკატერინე ნადაშვილი - "არს გუსტოს“ აღმასრულებელი დირექტორი #ახალიამბები #BusinessMediaGeorgia
„კრედიტინფოს“ 2023 წლის მარტის სტატისტიკის მიხედვით, 30 დღიდან 3 წლამდე ვადაგადაცილება, 226 359 მსესხებელს აქვს, კონტრაქტების რაოდენობა კი 461 704 -ს შეადგენს. მარტის მდგომარეობით საქართველოში საფინანსო სექტორის ვალი 1 929 780 ადამიანს აქვს, საერთო თანხის მოცულობა კი 40 302 428 024 ლარია. აღსანიშნავია, რომ მსესხებლების 83.6% საბანკო სექტორზე მოდის, კერძოდ, მარტის მდგომარეობით, ბანკებიდან 36 789 518 921 ლარის მოცულობის კრედიტი სულ 1 614 433 მსესხებელს აქვს აღებული. როგორია მიმდინარე წლის პირველი კვარტლის მდგომარეობით მონაცემები? სტუმარი: მირიან ჯობავა - “კრედიტინფო საქართველოს” ბიზნეს ანალიტიკოსი #ახალიამბები #BusinessMediaGeorgia
2024 წლიდან მთელი ქვეყნის მასშტაბით სამშენებლო ნებართვისთვის გამწვანების კომპონენტი სავალდებულო გახდება. კანონპროექტი 2024 წლის პირველი იანვრიდან ამოქმედდება, იქამდე კი მუნიციპალიტეტებმა უნდა დაადგინონ მათ ადმინისტრაციულ საზღვრებში გასაშენებელი მწვანე ნარგავების სახეობები, აგრეთვე, მწვანე ნარგავების გაშენების, ჭრის ნებართვის გაცემისა და მათი საკომპენსაციო რგვის განხორციელების წესი და პირობები.კანონპროექტით გათვალისწინებულია გამწვანების პროექტის დეფინიციის, შეთანხმების წესის და პირობების ჩამოყალიბება. სტუმარი: მაია ბითაძე - გარემოს დაცვისა და ბუნებრივი რესურსების კომიტეტის თავმჯდომარე; #ახალიამბები #BusinessMediaGeorgia
#ავიაციისსიახლეები: ქართულ ავიაბაზარზე ოპერირებას ახალი მოთამაშე Gryphon AIR CARGO იწყებს; Jordan Aviation-მა საქართველოს საჰაერო ხაზზე ოპერირება განაახლა; Flynas-მა ბათუმის მიმართულებით ფრენები განაახლა; Wizz air-ის და Turkish Airlines-ის წილი საავიაციო ბაზარზე 31%-მდე გაიზარდა; Airbus-ის საბაზრო კაპიტალიზაცია პრეპანდემიურ 100 მილიარდ ევროს დაუბრუნდა; ყველაზე ძვირადღირებული ავიაკომპანიების რეიტინგი. #ახალიამბები #BusinessMediaGeorgia
ლიბერთი ბიზნეს და აგროსესხებზე საგაზაფხულო აქციას აგრძელებს სტუმარი: ირაკლი აბაშიძე - ლიბერთის მცირე და საშუალო ბიზნესის მიმართულების დირექტორის მოადგილე; #ახალიამბები #BusinessMediaGeorgia
2023 წლის პირველ სამ თვეში საქართველოს მასშტაბით კერძო სახლებისა და მიწის ნაკვეთების შეძენაზე მოთხოვნა მნიშვნელოვნად გაიზარდა. მიწის ნაკვეთებზე საშუალოდ ზრდა 66%-ია, ხოლო კერძო სახლებზე 70%. ss.ge-ს ინფორმაციით 3 თვეში საიტზე კერძო სახლის შეძენით საშუალოდ 1 მილიონ ადამიანამდე ინტერესდებოდა, ხოლო მიწის ნაკვეთით 550 000. უძრავი ქონების ეროვნული ასოციაციის მმართველი საბჭოს წევრი განმარტავს, რომ თბილისის შემოგარენში სახლის, ან მიწის ყიდვაზე მოთხოვნა აპრილის ბოლოდან კიდევ უფრო გააქტიურდება. კომპანიების წარმომადგენლების თქმით კი, თბილისის შემოგარენში მოთხოვნის ზრდის შედეგად უძრავ ქონებაზე ფასებიც მომატებულია. სტუმარი: ლიკა ქარდავა - “ფროფერთი ჯორჯიას” მმართველი პარტნიორი; #ახალიამბები #BusinessMediaGeorgia
კერამიკის მწარმოებელ კომპანიებს იმპორტირებული ნედლეული გაუძვირდათ. ზოგიერთი ბიზნესის შემთხვევაში კი გაძვირებული ნედლეულის ფონზე, ფასების კორექტირებაც მიუხდათ. კერამიკის სახელოსნოებს ძირითადად ქართველი მომხმარებლები ჰყავთ. მათი თქმით, ქვეყანაში კერამიკის ნაწარმის მიმართ ინტერესმა ბოლო წლებში საგრძნობლად მოიმატა. #ახალიამბები #BusinessMediaGeorgia
შრომით ურთიერთობებთან დაკავშირებული რეგულაციები და შრომის ინსპექციის მონიტორინგი სტუმრები: გიგა ფაიქიძე - SMEDA-ს აღმასრულებელი დირექტორი და დამფუძნებელი; მარიამ მეტონიძე - HRM სააგენტო Hiro-ს ხელმძღვანელი #ახალიამბები #BusinessMediaGeorgia
#ახალიამბები #BusinessMediaGeorgia
#საქმიანიდილა - 24 აპრილი - პროლოგი #ახალიამბები #BusinessMediaGeorgia
„The Power of No” - Forbes Woman Georgia-ს სამიტი შედგა #ახალიამბები #BusinessMediaGeorgia
Zephalto-ს კომერციული ფრენები კოსმოსში #ახალიამბები #BusinessMediaGeorgia
რა უპირატესობები აქვს დანაზოგის საინვესტიციო ფონდში ინვესტირებას? ირაკლი გურგენიძე - Foresight investment group-ის რისკების მართვის უფროსი ოფიცერი #ახალიამბები #BusinessMediaGeorgia
საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) ინიციატივითა და ევროკავშირის დაფინანსებით სემეკში მიმდინარე თვინინგის პროექტის მხარდაჭერით დაფუძნებულ ენერგეტიკული კლუბის ფარგლებში შეხვედრა გაიმართა. მონაწილეებმა საქართველოს ენერგეტიკული სექტორის ევროპულ მომავალზე ისაუბრეს. Შავი ზღვის კაბელის პროექტი იყო ერთი მთავარი აქცენტი. სტუმარი: დავით ნარმანია - სემეკ-ის თავმჯდომარე; #ახალიამბები #BusinessMediaGeorgia
სტატუსმეტრი: EU-ს 12 წინაპირობა სტუმარი: ნაზი ჯანეზაშვილი - "სასამართლოს გუშაგის" დირექტორი #ახალიამბები #BusinessMediaGeorgia
ცხრა ორგანიზაციამ შეფასების დოკუმენტი - სტატუსმეტრი მოამზადა, რომელიც ხელისუფლების მიერ 31 მარტამდე პერიოდში ამ მიმართულებით მიღწეულ პროგრესსა და არსებულ მდგომარეობას აფასებს. საუბარია ევროკომისიის რეკომენდაციებზე, რის საფუძველზე ქვეყანამ ევროკავშირის კანდიდატი ქვეყნის სტატუსი უნდა მიიღოს. საზოგადოებრივი ორგანიზაციების შეფასებით, მოცემულ ეტაპზე სრულად არის შესრულებული ერთი პირობა, დიდწილად შესრულებულია ორი პირობა, ნაწილობრივ შესრულებულია ოთხი პირობა და შესასრულებელია ევროკავშირის ხუთი პირობა. შეუსრულებელი პირობებია - დეპოლარიზაცია, დეოლიგარქიზაცია, დამოუკიდებელი სასამართლო; მედიის თავისუფლება; სამოქალაქო საზოგადოების ჩართულობა. ნაწილობრივ შესრულებული პირობებია - ანტი-კორუფციული ზომები; საარჩევნო და ინსტიტუციური რეფორმები; დამოუკიდებელი სახალხო დამცველი; მოწყვლადი ჯგუფების დაცვა. მეტწილად შესრულებული პირობებია - ორგანიზებული დანაშაულის წინააღმდეგ ბრძოლა; გენდერული თანასწორობა. სრულად შესრულებული პირობაა - ECHIR-ის გადაწყვეტილებების გათვალისწინება. სტატუსმეტრი ევროკავშირის ინსტიტუტების, წევრი ქვეყნების, სამოქალაქო საზოგადოებისა და პოლიტიკური ჯგუფების მოლოდინებს აერთიანებს. თითოეული პირობის ირგვლივ ამჟამად არსებული მდგომარეობის აღწერასთან ერთად, დოკუმენტი დარჩენილი გამოწვევებისა და პრობლემების ჩამონათვალსაც მოიცავს. ამ ორგანიზაციების შეფასებით, არ გატარებულა რეფორმები საარჩევნო ბარიერთან და ძალაუფლების განაწილებასთან დაკავშირებით ; ისევ პრობლემად რჩება სააკაშვილისა და გვარამიას საქმეები; გრძელდება პოლიტიზებული მართლმსაჯულება; საზოგადოებრივი ორგანიზაციებისა და მედიის საქმიანობისთვის ხელის შემშლელი კანონების მიღება პოლარიზაციას უფრო გააღრმავებს; პოლიტიკური პროცესები 2024 წლის არჩევნების წინ მკვეთრად პოლარიზებული რჩება; 19 აპრილის შარლ მიშელის შეთანხმების სულისკვეთება არ არის გათვალისწინებული. Რა მოლოდინი უნდა გვქონდეს და საკმარისია თუ არა ოქტომბრამდე დარჩენილი დრო უკეთესი სურათის მისაღებად? სტუმარი: თამარ ხიდაშელი - დემოკრატიის კვლევის ინსტიტუტის დირექტორი; #ახალიამბები #BusinessMediaGeorgia
2020 წლის იანვარში, „რეგულირების ზეგავლენის შეფასების მეთოდოლოგიის დამტკიცების შესახებ“ საქართველოს მთავრობის დადგენილების დამტკიცების შემდეგ, საქართველოში RIA- ინსტიტუციონალიზებულია. ამ დადგენილებამ რეგულირების ზეგავლენის შეფასება სავალდებულო გახადა გარკვეულ შემთხვევებში, როცა დადგენილებით განსაზღვრულ საკანონმდებლო აქტებში ცვლილებების პროექტი ინიცირებულია საქართველოს მთავრობის მიერ. გამონაკლისს წარმოადგენს სახელმწიფო უსაფრთხოების, თავდაცვის, პენიტენციურ, არასაპატიმრო სასჯელთა აღსრულებისა და პრობაციის საკითხები. რეგულირების ზეგავლენის შეფასება რამდენიმე მნიშვნელოვან კითხვას სცემს პასუხს, მაგალითად: რა რეგულირდება? რატომ არის რეგულირება მნიშვნელოვანი? რეგულირების რა ალტერნატივები არსებობს და როგორ პასუხობს შემოთავაზებული ცვლილება ამ ალტერნატივებს? ძნელი არ არის იმის მიხვედრა, თუ რას ემსახურება ერთი მხრივ ამ კითხვების დასმა და მეორე მხრივ - მათზე პასუხების მოძებნა კონკრეტული რეგულაციის შემოღებამდე. თუმცა, Რაც ანალიტიკა-ს ყველაზე მეტად აინტერესებს ამ შემთხვევაში - ეს საქართველოში მტკიცებულებებზე დაფუძნებული პოლიტიკის შემუშავებაა, რაც ჩვენი მხრიდან ზრდის ანგარიშვალდებულებას და ეფექტის ზუსტად შეწონვას. ამასთან, ამა თუ იმ რეფორმასთან დაკავშირებული რისკების თუ გამოწვევების წინასწარ შეფასება - მათზე საქმიანი და საგნობრივი დისკუსიის შესაძლებლობას ქმნის, რაც მათი პრევენციისკენ ან წინასწარ გათვალისწინებისკენ გადადგმული ერთი ნაბიჯია. ეს კი ზრდის რეგულირების ეფექტიანობას. სტუმრები: მაია გუნცაძე - USAID-ის ეკონომიკური მმართველობის პროგრამის მრჩეველი RIA-ს, მონიტორინგისა და შეფასების საკითხებში; მაკა ჭითანავა - RIA-ს ექსპერტი. #ახალიამბები #BusinessMediaGeorgia
როგორ ავირჩიოთ პროფესია? „ხელოვნური ინტელექტი, მონაცემთა ანალიზი - მეხუთე ინდუსტრიული რევოლუციისკენ მივდივართ“; „აბიტურიენტებს სჭირდებათ მაქსიმალური თავისუფლება“; #BMGDRIVE-ის მგზავრი: ნინო ენუქიძე - „ბიზნესის და ტექნოლოგიების უნივერსიტეტის“ რექტორი. ავტორები:ბექა ბაციკაძე, საბა ხუციაშვილი, რევაზ ნასიძე #ახალიამბები #BusinessMediaGeorgia
USAID-ის ეკონომიკური უსაფრთხოების პროგრამის მნიშვნელოვანი მხარდაჭერით განვითარებული და გაზრდილი Griffin-ი. პროგრამა თანამშრომლობს და მხარს უჭერს ისეთ სტარტაპებს, რომლებიც ქმნიან ისეთ სერვისებს მცირე და საშუალო ბიზნესისთვის ისარგებლონ ელექტრონული კომერციისა და ლოგისტიკის მართვის უახლესი ტექნოლოგიური მიდგომებით. Griffin-მა, ადგილობრივ ქართულ კომპანიასთან ერთად შექმნა B2C.ge - ონლაინ პლატფორმა, რომლის გამოყენებითაც მცირე მოვაჭრეებს შეუძლიათ თავიანთი ონლაინ მაღაზიები მარტივად და სწრაფად მართონ. პლატფორმაზე, USAID -ის ეკონომიკური უსაფრთხოების პროგრამის მხარდაჭერით, შეიქმნა პროდუქტის მიწოდების ავტომატიზაციის მოდული, რომლითაც პირველ წელს 50-ზე მეტმა მერჩანტმა ისარგებლა. სულ ამ მოდულის საშუალებით განხორციელდა 17 ათასამდე მიწოდება. აღსანიშნავია, რომ ახალი მოდული მომხმარებლებს საშუალებას აძლევს თვალი ადევნონ პროდუქტის მოწოდების პროცესს და კურიერების გადაადგილებას. სტუმარი: ქეთევან ვაჩიბერიძე - B2C.GE-ის თანადამფუძნებელი; პაატა სირბილაძე - USAID-ის ეკონომიკური უსაფრთხოების პროგრამის წარმომადგენელი #ახალიამბები #BusinessMediaGeorgia
რას სთავაზობს საქართველოს ბაზარს ATTIRANCE? სტუმარი: თამარ ვაჩნაძე - ATTIRANCE-ის მარკეტინგის მენეჯერი; #ახალიამბები #BusinessMediaGeorgia
გლობალური ბაზრების მიმოხილვა “თიბისი კაპიტალისგან” სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი; #ახალიამბები #BusinessMediaGeorgia
განახლებადი ენერგიის პროექტებისთვის საერთაშორისო ფინანსური ინსტიტუტების დაფინანსების მოსაზიდად, GREDA-მ თიბისის მხარდაჭერით კონფერენცია გამართა კონფერენცია მიზნად ისახავდა განახლებადი ენერგიის დარგის კერძო კომპანიების ინფორმირებას საერთაშორისო ფინანსურ ინსტიტუტებთან თანამშრომლობის შესახებ, დარგში დაფინანსების ხელმისაწვდომობის ხელშეწყობასა და ფინანსური ინსტიტუტებისთვის საქართველოს ენერგეტიკაში მიმდინარე სიახლეების გაცნობას. ღონისძიებას, ენერგეტიკის დარგში დასაქმებული კერძო და საჯარო სექტორის, ასევე საერთაშორისო და ადგილობრივი ფინანსური ინსტიტუტების წარმომადგენლები დაესწრნენ. ინფორმაციისთვის: ბოლო 10 წელში, ჯამში 37 ჰიდროელექტროსადგურია დაფინანსებული - ჯამური დადგმული სიმძლავრით 514 მგვტ, საიდანაც 31 უკვე ოპერირებს, 6 კი მშენებლობის პროცესშია. #ახალიამბები #BusinessMediaGeorgia
თიბისი დაზღვევა მომხმარებლებისათვის ცხოვრების კიდევ უფრო გამარტივებისათვის მომხმარებლებს რამდენიმე სიახლეს სთავაზობს. - მათ შორის ერთ ერთი ასეთი შესაძლებლობა მედიკამენტებზე მიმართვის მიღების შესაძლებლობაა ოჯახის ექიმის გარეშე. რა სიახლეები აქვს თიბისი დაზღვევას? სტუმარი: სერგო საყვარელიძე - "თიბისი დაზღვევის" სამედიცინო დაზღვევის დეპარტამენტის დირექტორი #ახალიამბები #BusinessMediaGeorgia
ცნობილი ადამიანების უმეტესობა ცხოვრების ექსტრავაგანტურ წესს იზიარებს, ისინი არც ფინანსურ რესურს ზოგავენ იმისთვის, რომ ისეთ ფუფუნებაში იცხოვრონ, სადაც მათი კომფორტისთვის ყველა პირობა იქნება შექმნილი. მსოფლიოს ვარსკვლავები ძვირად ღირებული სახლების შესაძენად მილიონობით დოლარს ხარჯავენ. რომელია ყველაზე ძვირადღირებული სახლები მსოფლიოში, რომლებსაც ვარსკვლავები ფლობენ? #ახალიამბები #BusinessMediaGeorgia
რამდენიმე თვის წინ ბოსტონის უნივერსიტეტის სტუდენტმა კობა ჟღენტმა აპლიკაცია „ბორბალო“ შექმნა, რომლის მთავარი მიზანიც მანქანის მძღოლებისთვის ყოველდღიური რუტინის გამარტივებაა. აპლიკაციის ფუნქციონირებაში სხვადასხვა ქვეყანაში მცხოვრები 10 დეველოპერია ჩართული, რომლებიც ცდილობენ, რომ მომხმარებლებს მუდმივად სიახლეები შესთავაზონ და რაც შეიძლება მეტი დაბრკოლება გაუმარტივონ. საიდან გაჩნდა „ბორბალოს“ შექმნის იდეა, როგორ ვითარდება და რა არის მათი სამომავლო გეგმები? კობა ჟღენტი - “ბორბალოს” დამფუძნებელი. #ახალიამბები #BusinessMediaGeorgia
საქართველოს საბანკო ასოციაციამ საბანკო სექტორის განვითარების ხელშეწყობის ინდექსი 2023 წარადგინა, რომელიც გასულ წელთან შედარებით მცირედ ზრდას ჩვენებს და 0,677-ს აჩვენებს. გამოკითხულთა 65%-ს მიაჩნია, რომ საბანკო სექტორი ხელს უწყობს ბიზნესის განვითარებას, 53% კი თვლის, რომ სექტორი ხელს უწყობს ცხოვრების დონის ამაღლებას. #ახალიამბები #BusinessMediaGeorgia
2024 წლიდან ევროპაში უვიზო მიმოსვლით მოსარგებლე 59 ქვეყნის, მათ შორის საქართველოს მოქალაქეებისთვის, სავალდებულო გახდება მგზავრობის წინასწარი დასტურის მიღება ,,ინფორმაციისა და ავტორიზაციის სისტემიდან“. ETIAS-ის სისტემა 2023 წლიდან უნდა ამოქმედებულიყო, თუმცა მარტის დასაწყისში გავრცელდა ინფორმაცია, რომ 2024 წლამდე გადავადდა. სისტემა ჯერ არ ფუნქციონირებს. მისი ამოქმედების შემდეგ, განაცხადის ფორმა ხელმისაწვდომი იქნება ოფიციალურ ვებგვერდზე. რას გულისხმობს მოგზაურობის წინასწარი ანკეტის შევსება და რამდენ ხანში ერთხელ არის სავალდებულო სისტემაში დავფიქსირდეთ? #ახალიამბები #BusinessMediaGeorgia
#საქმიანიდილა - 21 აპრილი - პროლოგი #ახალიამბები #BusinessMediaGeorgia
Xiaomi-ს ახალი სმარტფონი Leica-ს კამერით; “ჭკვიანი” წყლის პისტოლეტი #ახალიამბები #BusinessMediaGeorgia
პურის წარმოებაში კადრების სიმცირეა, მიზეზი კი მოსახლეობის გადინებას უკავშირდება. მწარმოებლებს ჩანაცვლება ნაკლებად კვალიფიციური კადრით ან სულაც უცხო ქვეყნის მოქალაქეებით ხდება. როგორც „პურის მწარმოებელთა კავშირის" თავმჯდომარე მალხაზ დოლიძე აცხადებს, სექტორმა თანამშრომლების დაახლოებით 25% დაკარგა. რაც შეეხება ფასებს, ამ დროისთვის პურზე ფასი დაახლოებით 10 თეთრით შემცირდა და ეს საკითხი ამ ეტაპზე გადახედვას აღარ ექვემდებარება. სტუმარი: მალხაზ დოლიძე - „პურის მწარმოებელთა კავშირის" თავმჯდომარე. #ახალიამბები #BusinessMediaGeorgia
საქსტატის მიერ გაეროს ბავშვთა ფონდის მხარდაჭერით ჩატარებული ბავშვთა კეთილდღეობის კვლევის თანახმად, საქართველოში ბავშვების 38% მატერიალურ და სოციალურ დანაკლისს განიცდის. მიუხედავად ბოლო წლებში საქართველოს მთავრობის მიერ გაფართოებული ბავშვის დახმარების პროგრამებისა ის 2022 წელს საქართველოში მაცხოვრებელი 16 წლამდე ასაკის ყველა ბავშვის მხოლოდ 29%_ს ფარავს. თუმცა, მატერიალური და სოციალური დანაკლისის მქონე ბავშვების თითქმის ნახევარი (47%) არ იღებს დახმარებებს პროგრამიდან, სავარაუდოდ იმ მიზეზით, რომ მათი ოჯახები არ აკმაყოფილებენ ბავშვის მიზნობრივი დახმარების პროგრამის კრიტერიუმებს. კვლევის მიზანი საქართველოში მაცხოვრებელ ბავშვთა კეთილდღეობის რამდენიმე საკვანძო ასპექტის გაზომვა იყო რომელთა შორისაცაა: განათლების, ჯანდაცვის სერვისებისა და სოციალური დახმარების ხელმისაწვდომობა; სასკოლო კვება; უსაფრთხოება სახლში; მატერიალური და სოციალური დანაკლისი; ფუნქციური სირთულეები და შეზღუდულ შესაძლებლობასთან ასოცირებული სტიგმა. სტუმარი: ქეთევან მელიქაძე - UNICEF-ის სოციალური პოლიტიკის და ეკონომიკის სპეციალისტი; #ახალიამბები #BusinessMediaGeorgia
„ფასების კონტროლი ხშირად იწვევს საქონლისა თუ მომსახურების დეფიციტს, რადგან ფასი ხელოვნურად ეცემა საბაზრო წონასწორობის წერტილს ქვემოთ, რაც ქმნის ჭარბ მოთხოვნას,“ – ამის შესახებ აღნიშნულია კვლევაში, რომელიც კვლევითმა ორგანიზაცია ISET-მა გასულ თვეში გამოაქვეყნა. კვლევის მიხედვით, ფასების მაქსიმალური ზღვრის დაწესებამ შეიძლება გამოიწვიოს საქონლის ან მომსახურების ხარისხის შემცირება, რადგან მწარმოებლებმა შესაძლოა დაიწყონ ხარჯების შემცირების გზების ძიება. გამყიდველებს შეუძლიათ ფასის გაზრდის ნაცვლად კანონს თავი ხარისხის შემცირებით აარიდონ. რა გავლენა შეიძლება ჰქონდეს ფასების რეგულირებას პროდუქტებზე და რა სიახლეები ამ მხრივ ადგილობრივ ბაზარზე? სტუმრები: სალომე გელაშვილი - ISET-ის კვლევითი ინსტიტუტის წამყვანი ეკონომისტი; სოფიო ქაშაკაშვილი - რითეილ ასოციაციის გამგეობის თავმჯდომარე #ახალიამბები #BusinessMediaGeorgia
დღეიდან წერეთლის გამზირის რეაბილიტაცია დაიწყო. პირველ ეტაპზე სამუშაოები წერეთლის გამზირისა და შოთა შალიკაშვილის სახელობის ხიდზე დაიწყება. აღნიშნულის გათვალისწინებით, გუშინ 23:00 საათიდან ნაწილობრივ შეიზღუდა საავტომობილო გადაადგილება. რეაბილიტაციის პერიოდში, ავტომობილებისა და საზოგადოებრივი ტრანსპორტის გადაადგილებისთვის წერეთლის გამზირზე მოძრაობა დარჩება ორმხრივი, თითო მიმართულებისთვის კი გამოყოფილი იქნება მხოლოდ ერთი სამოძრაო ზოლი. სტუმარი: გიორგი აბუთიძე - თბილისის მერიის ინფრასტრუქტურის განვითარების საქალაქო სამსახურის უფროსი #ახალიამბები #BusinessMediaGeorgia
საქართველოს ბიზნეს ასოციაციის წევრთა რიგებს კომპანია „ელპლუსი“ შემოუერთდა, რომელიც 2005 წელს დაფუძნდა და დივერსიფიცირებული პორტფელით ბოლო 18 წლის განმავლობაში უამრავი პროექტი განახორციელა. კომპანია „ელპლუსი“ მუშაობს როგორც დეველოპმენტის, წარმოების, ჰოსფითალითის, ენერგეტიკისა და ჯანდაცვის მიმართულებით. კომპანიას განხორციელებული აქვს არაერთი სახელმწიფო, თუ სტრატეგიული პროექტი ქვეყნის მასშტაბით. სტუმარი: აკაკი საღირაშვილი - "საქართველოს ბიზნეს ასოციაცის" აღმასრულებელი დირექტორის პირველი მოადგილე; პაატა ჭუმბურიძე - "ელპლუსის" დამფუძნებელი; #ახალიამბები #BusinessMediaGeorgia
"მარილისის" სამკაულის სახლის დიასახლისი ნათია გოცირიძე - ქართული საიუველირო სახლი "მარილისის" დამფუძნებელი; ავტორები: მანანა მანჯგალაძე; ედგარ ყაზახაშვილი; ლადო ცხადაია. #ახალიამბები #BusinessMediaGeorgia
22 აპრილის სტამბაში თიბისისა და Forbes Woman-ის თანამშრომლობით სამიტი იმართება. რა ძალა აქვს არას? საქმიან წრეებში და ნებისმიერი ადამიანისათვის ვისაც რამე გაუკეთებია, ვისაც რამე ჩაუფიქრებია სკოლაშიც, ალბათ ბაღშიც, უმაღლესშიც და საქმეში მითუმეტეს ბევრია - არა. და ეს ბევრი კიდევ უფრო მნიშვნელოვანს ხდის მას თან მოყოლილ დიახ, რომელიც აუცილებლად დგება და საქმე რომელიც ყველა არას შემდეგ კონტექსტს უცვლის ძალას. სწორედ ასეთი გამოცდილების მქონე ადამიანებისთვის საინტერესო შეხვედრაა დაგეგმილი შაბათს სტამბაში. ანუ ყველასთვის პრინციპში. სტუმრები: მარიამ სპარსიაშვილი, Forbes Woman-ის აღმასრულებელი რედაქტორი; ქეთა ლომიძე, Forbes Woman-ის კრეატიული დირექტორი; თამთა კუპრაძე, "თიბისის" სტრატეგიული კომუნიკაციების ლიდერი. #ახალიამბები #BusinessMediaGeorgia
პანდემიურმა წლებმა განსაკუთრებული ზარალი ავიაკომპანიებს მოუტანა. სხვადასხვა შეზღუდვის ფონზე ავიამიმოსვლა შეფერხებულად ხორციელდებოდა. ამის მიუხედავად კომპანიები ზრდას მაინც განაგრძობენ. გააქტიურებული ფრენების ფონზე მატულობს ავიაკომპანიების ღირებულებაც. Visual capitalist-მა BRAND finance-ს მონაცემებზე დაყრდნობით ყველაზე ძვირადღირებული ავიაკომპანიების რეიტინგი გამოაქვეყნა. რომელი კომპანიები მოხვდნენ ამ ათეულში? #ახალიამბები #BusinessMediaGeorgia
ამბროლაურის “ძველი” და “ახალი” ცხოვრება #ახალიამბები #BusinessMediaGeorgia
ადამიანური რესურსების მართვა, როგორც ბიზნესის წარმოების განუყოფელი და უმნიშვნელოვანესი ნაწილი, ბოლო წლებია სულ უფრო აქტუალური ხდება, რაც თავის მხრივ გამოწვეულია შრომის ბაზარზე შექმნილი მოცემულობით, ასევე, ბიზნესის მართვის და ადმინისტრირების დახვეწითა და განვითარებით. HR საკითხების აქტუალობის ზრდასთან ერთად გაიზარდა HRM სააგენტოების მომსახურებაზე მოთხოვნა. HRM სააგენტო Hiro აუდიტორული და საკონსულტაციო კომპანია Loialte-ს შვილობილი ბრენდია. კომპანია ბაზარზე 3 წელია არსებობს და ამ ხნის განმავლობაში საკმაოდ საინტერესო გამოცდილება და მოზრდილ პორტფელიც დააგროვა. სტუმარი: მარიამ მეტონიძე - HRM სააგენტო Hiro-ს ხელმძღვანელი; #ახალიამბები #BusinessMediaGeorgia
ხელოვნური ინტელექტის მქონე ახალმა ჩეთბოტმა, ChatGPT-მ, მთელი ინტერნეტ-საზოგადოება აალაპარაკა. ადამიანები მას კითხვებს უსვამენ, ესაუბრებიან და ეს პროცესი იმდენად ბუნებრივი და საინტერესოა, რომ მომხმარებლებს ადამიანთან კომუნიკაციის განცდა უჩნდებათ. თუმცა, ეს ყველაფერი არ არის. ბოლო პერიოდში ChatGpt-ის გამოყენება წყვილებმა, საქორწინო ფიცის დასადებად აქტიურად დაიწყეს. სწორედ ამიტომ, ChatGPT-იმ Writer’s Block Assistant-ის ხელსაწყო დაამატა, რომელიც მომხმარებლებს საქორწინო ფიცის, მეჯვარეების სიტყვით გამოსვლის ტექსტების, სამადლობელი ბარათებისა და საქორწინო ვებგვერდისთვის About Us გვერდის შედგენაში ეხმარება. როგორ იგეგმება CHATGPT-ის დახმარებით საქორწინო ცერემონიები? #ახალიამბები #BusinessMediaGeorgia
წერეთლის გამზირის რეაბილიტაცია - სავაჭრო ობიექტების მოლოდინები #ახალიამბები #BusinessMediaGeorgia
ორბი ჯგუფსა და საერთაშორისო სასტუმრო ოპერატორ - რედისონ ბლუს შორის საპარტნიორო ხელშეკრულება გაფორმდა, რომლის ფარგლებშიც, თბილისში, ყაზბეგის გამზირზე, ინოვაციური ჰოტელ ჰაბი - ცენტრალ პარკ თაუერსი აშენდება. ცენტრალ პარკ თაუერსი, 1500 ნომრიანი 25 ხუთ ვარსკვლავიანი სასტუმროების ჰაბია, სადაც 150 ნომერზე ოპერირებას რედისონ ბლუ განახორციელებს. კომპლექსში ძვირადღირებულ პენტჰაუზებთან ერთად, პრემიუმ კლასის სპა და საოფისე სივრცეები, პრემიუმ კლასის რესტორნები, ძვირადღირებული ბრენდების სავაჭრო ცენტრი და სამორინე იქნება წარმოდგენილი. ინფრასტრუქტურის მართვაში კი, მსოფლიოში წამყვანი კომპანიები ჩაერთვებიან. ცენტრალ პარკ თაუერსის ჯამური საინვესტიციო ღირებულება კი, 300 მილიონ დოლარს შეადგენს. პროექტის სამშენებლო სამუშაოები 2 წლის განმავლობაში გაგრძელდება და ჰოტელ ჰაბი ოფიციალურად 2025 წელს მაისში გაიხსნება. #ახალიამბები #BusinessMediaGeorgia
ჯიპისის ქსელში, მომხმარებლებს უკვე შესაძლებლობა აქვთ განახლებული კალათის პირობით ისარგებლონ და მუდმივი მოხმარების მედიკამენტები უკეთეს ფასად შეიძინონ. უკეთესი კალათა უკეთესი ფასებით - ეს არის ჯიპისის განახლებული პროექტი, რომლის ფარგლებში მომხმარებლებს შესაძლებლობა აქვთ ყოველდღიურად 30% -იანი და მეტი ფასდაკლებით ქრონიკული მოხმარების მედიკამენტების შეძენისას ისარგებლონ. ჯიპისი ბაზარზე 26 წელია ოპერირებს. სააფთიაქო ქსელი, მუდმივი ინოვაციებითა და საინტერესო პროექტებით, ცდილობს მომხმარებელს დაუმტკიცოს, რომ არის აფთიაქი და მეტი. თეა ჯავახიშვილი - GPC-ის მარკეტინგის მენეჯერი; #ახალიამბები #BusinessMediaGeorgia
ავტომფლობელთა პასუხისმგებლობის სავალდებულო დაზღვევა, სავარაუდოდ, 2024 წლიდან ამოქმედდება. დაზღვევის განახლებულ პროექტზე ეკონომიკის სამინისტროსთან ერთად მიმდინარეობს მუშაობა. როგორ აფასებს სადაზღვევო სექტორი კანონპროექტს და რას ამბობენ მოქალაქეები სავალდებულო დაზღვევის შესახებ? #ახალიამბები #BusinessMediaGeorgia
#საქმიანიდილა - 20 აპრილი - პროლოგი #ახალიამბები #BusinessMediaGeorgia
ხვიჩა კვარაცხელიას მიმართვა გულშემატკივრებისადმი; Goal.com-მა „ოქროს ბურთის“ პრეტენდენტთა რეიტინგი განაახლა; #ახალიამბები #BusinessMediaGeorgia
აქვს კონკურენციის სააგენტოს ახალი მანდატის აღსრულებიდან 5 თვის თავზე. როგორც ცნობილია, 2022 წლის 1 ნოემბრიდან, „მომხმარებელთა უფლებების დაცვის შესახებ“ კანონის აღსრულებას სწორედ კონკურენციის სააგენტო უზრუნველყოფს. კანონის თანახმად, თითოეული მოვაჭრე, როგორც ფიზიკურ, ასევე ონლაინ სივრცეში ვალდებულია მომხმარებელს სრული ინსტრუქცია მიაწოდოს ქართულ ენაზე, სადაც პროდუქტზე ნაკლის აღმოჩენის შემთხვევაში დაბრუნების პირობები და სხვა დეტალები იქნება გაწერილი. ასევე, კანონის თანახმად ონლაინ ვაჭრობის შემთხვევაში მაღაზია ვალდებულია გაყიდული პროდუქცია 14 დღის ვადაში უპირობოდ დაიბრუნოს. რა შედეგები აქვს მომხმარებლის უფლებების დაცვის შესახებ კანონის ძალაში შესვლიდან 5 თვის თავზე სააგენტოს, ძირითადად რა ტიპის უფლებების დარღვევისთვის მიმართავენ და რამდენი მიმდინარე საქმე აქვს უწყებას? სტუმარი: მარიამ შაიშმელაშვილი - "კონკურენციის სააგენტოს" მომხმარებლის უფლებების დაცვის დეპარტამენტის უფროსის მოადგილე; #ახალიამბები #BusinessMediaGeorgia
მიმდინარე წლის 1 ივლისიდან ქვეყანაში ახალი რეგულაცია შევა ძალაში. საუბარია კერძო და საჯარო სექტორისთვის შენობების ენერგოეფექტიანობის შესახებ კანონზე, რომლის მიხედვითაც, განურჩევლად საკუთრების ფორმისა, ყველა ახალმა შენობამ ენერგო ეფექტიანობის მინიმალური მოთხოვნები უნდა დააკმაყოფილოს. კანონქვემდებარე აქტმა უნდა განსაზღვროს, როგორი უნდა იყოს მაგალითად, შენობის სახურავი, კედლები და იატაკი. კანონის მოქმედება გავრცელდება უკვე არსებულ შენობებზეც, რომელიც რეკონსტრუქციას საჭიროებს. ენერგოეფექტიანობის შესახებ კანონი ჯერ კიდევ გასული წლის ივნისიდან უნდა შესულიყო ძალაში, თუმცა მშენებლობის ნებართვის გამცემ რგოლში პანდემიის გამო შესაბამისი კადრების მომზადება ვერ მოესწრო და ცვლილებების ამოქმედება ერთი წლით გადავადდა, რამდენად მზად არის დღეს მთავრობა და ბიზნესი რეგულაციის აღსრულებისთვის? სტუმარი: ვახტანგ ბეგაშვილი - ინტეკის უფროსი მრჩეველი; #ახალიამბები #BusinessMediaGeorgia
რა გავლენა აქვს რუსულ მიგრაციას საქართველოს ეკონომიკაზე? რუსეთის მიერ უკრაინაში დაწყებული საომარი მოქმედებების შემდეგ, გასულ წელს საქართველოს საზღვარი 1,4 მილიონმა რუსეთის მოქალაქემ გადმოკვეთა. თიბისი კაპიტალის ინფორმაციით, 2022 წლის მსგავსად, 2023-შიც საქართველოში რუსეთის 115 000 მოქალაქე იმყოფება. სტუმრები: დავით კეშელავა - ISET-ის კვლევითი ინსტიტუტის უფროსი მკვლევარი; მიხეილ კუკავა - IDFI-ის ეკონომიკური და სოციალური პოლიტიკის მიმართულების ხელმძღვანელი; #ახალიამბები #BusinessMediaGeorgia
საქართველოში ნატურალური წვენების ბიზნესი წლიდან წლამდე ვითარდება და როგორც წარმოების, ექსპორტის მაჩვენებელიც იზრდება. 2022 წელი კომპანიებისთვის საექსპორტო მიმართულების თვალსაზრისით საკმაოდ წარმატებული იყო და ბაზრების დივერსიფიკაციისთვის საკმაოდ ქმედითი ნაბიჯებიც გადადგეს, თუმცა, როგორც ადგილობრივი მწარმოებლები ამბობენ, ეს საკმარისი არ არის. ინდუსტრიას საკმაოდ დიდი საექსპორტო პოტენციალი აქვს, რისი სრულად ათვისებაც ჯერ-ჯერობით ვერ ხერხდება. რა გამოწვევები აფერხებს ექსპორტს და რა სჭირდება ინდუსტრიას მეტად განვითარებისთვის? #ახალიამბები #BusinessMediaGeorgia