კომპანია გალფი და ბასფ-ი დღეს პარტნიორობას ოფიციალურად აფორმებენ. ეს ნიშნავს, რომ ხელი ეწერება ხელშეკრულებას, რომლის საფუძველზეც კომპანია გალფს ექნება შესაძლებლობა მომხმარებელს პროდუქტები უფრო ფართო მასშტაბით შესთავაზოს და საერთაშორისო კომპანიის სტანდარტები და გამოცდილება ადგილობრივ ბაზარზე სრულად გადმოიტანოს. AdBlue® by BASF წარმოადგენს უმაღლესი ხარისხის პროდუქტს, რომლის მიზანიცაა შეამციროს ავტომობილიდან მავნე ნივთიერებების გამოყოფა ატმოსფეროში. რა სისტემაზეა საუბარი და რა იცვლება როგორც ნავთობპროდუქტების მომხმარებლებისათვის ისე მათთვისაც ვინც საერთოდაც არ მოიხმარს მაგალითად კერძო ავტომობილს? სტუმრები: გია ტალახაძე - "გალფის" არა საწვავ პროდუქტების განვითარების მენეჯერი; მილანი მარკო - AdBlue® by BASF-ის სენიორ ექსპორტ მენეჯერი. #ახალიამბები #BusinessMediaGeorgia
ბავშვთა დაცვის საერთაშორისო დღე “ჯიპიაი ჰოლდინგმა” UNICEF-თან ერთად “პოზიტიური მშობლობის კვირეულით” აღნიშნა, პირველი სესია უკვე მოეწყო, ხოლო დღეს მეორე სესია გაიმართება. "პოზიტიური მშობლობის კვირეულის” შეხვედრების ფარგლებში UNICEF-ის ექსპერტ-ფსიქოლოგები საინტერესო საკითხების შესახებ საკუთარ ცოდნას ჯიპიაი ჰოლდინგის თანამშრომლებს უზიარებენ. ისინი ტრენინგზე საუბრობენ, შვილებთან კომუნიკაციის ფორმებზე, პოზიტიური აღზრდის მეთოდებსა და ჯანსაღი ურთიერთობების ჩამოყალიბების გზებზე. ტრენინგი მოიცავს როგორც თეორიულ, ისე პრაქტიკულ ნაწილს. სემინარები 2, 5 და 9 ივნისს იმართება. სტუმრები: თინა სტამბოლიშვილი - "ჯიპიაი ჰოლდინგის" კომუნიკაციების დირექტორი; მაია ქურციკიძე - "UNICEF საქართველოს" კომუნიკაციების ხელმძღვანელი. #ახალიამბები #BusinessMediaGeorgia
Wine Expo-ს გამოფენაზე მისულ სტუმრებს, სამი დღის განმავლობაში, შესაძლებლობა ჰქონდათ, გასცნობოდნენ სხვადასხვა ქვეყნის 200-მდე კომპანიის როგორც ალკოჰოლურ სასმელებს, ასევე, ინფორმაციას ღვინის ინდუსტრიაში არსებულ ტექნოლოგიებისა თუ სერვისების შესახებ. გამოფენის ფარგლებში, ტრადიციულად საერთაშორისო კონკურსი Georgian International Wine Award გაიმართა. კონკურსზე გამარჯვებული ღვინოები 8 კატეგორიაში გამოვლინდნენ, რომელთაც ოქროს, ვერცხლის და ბრინჯაოს მედლები გადაეცათ. #ახალიამბები #BusinessMediaGeorgia
ალდაგი ბიზნესის მხარდაჭერით თბილისის ღვინისა და ალკოჰოლური სასმელების მე-15 საერთაშორისო გამოფენა, winexpo ჩატარდა. 2-დან 4 ივნისის ჩათვლით გამართულ მასშტაბურ გამოფენას ექსპო-ჯორჯიას პავილიონებმა და ღია საგამოფენო სივრცემ უმასპინძლა. გამოფენაზე 200-მდე ღვინის მწარმოებელი კომპანია, როგორც ოჯახური მარნები, ასევე საშუალო და მსხვილი საწარმოები იყო წარმოდგენილი. გამოფენის პარალელურად ექსპოჯორჯიაში ღვინის საერთაშორისო კონკურსიც ჩატარდა, სადაც 8 კატეგორიაში გამარჯვებულები გამოვლინდნენ, რომლებსაც ალდაგისგან დაწესებული სპეციალური პრიზები გადაეცათ. #ახალიამბები #BusinessMediaGeorgia
მერიის ურბანული განვითარების სააგენტომ ყოფილი აბრეშუმის ფაბრიკის ტერიტორიაზე, "ლაგუნა ვერესთან" დაგეგმილი მრავალფუნქციური პროექტის განახლებული ვერსიის განხილვა დაიწყო, რომელიც როგორც მოსალოდნელი იყო, პირველადი პროექტისგან ბევრით არაფრით განსხვავდება თუ არ ჩავთვლით იმას, რომ სართულები 13-ით 65-დან 52-მდე შემცირდა, პროექტის მოცულობა კი ისევ 155 599მ2-ია. ამჯერად წარდგენილი დოკუმენტის მიხედვით, "ქართუს" კომპანია შპს "კოსტავა 69" მშენებლობის ნებართვას 52 და 40 სართულიანი ორი ცათამბჯენისთვის ითხოვს, რომელშიც კვლავ 1000-1000 საცხოვრებელი ბინა და მიწისქვეშა ავტოსადგომია გათვალისწინებული. საუბარია ტერიტორიაზე რომელზეც დღეს რამდენიმე კომერციული ფართი, მის მიმდებარედ კი - ავტოსამრეცხაოები, ავტო და ბენზინგასამართი სადგურებია თავმოყრილი. პროექტის მიხედვით, 1000-ადგილიანი მიწისქვეშა ავტოსადგომი და კომერციული სივრცეები ვიზიტორებისა და მცხოვრებლებისთვის გაკეთდება. ტერიტორიაზე მოსახვედრად კი 3 სამანქანო გზის მოწყობა იგეგმება, აქედან ორი გმირთა მოედნის მხრიდან, ხოლო ერთი კოსტავას ქუჩიდან. პროექტში წერია, რომ ტერიტორიის ჩრდილოეთით "ამ ადგილისთვის შეუსაბამო" ავტოგასამართი სადგურებია, რომლებიც აფერხებენ "მანქანების თავისუფალ გადაადგილებას" ამიტომაც სავალი გზის განაპირა ობიექტები უნდა დაიშალოს და საავტომობილო ტრასა 4,5 მეტრით გაგანიერდეს. #ახალიამბები #BusinessMediaGeorgia
#საქმიანიდილა - 5 ივნისი - პროლოგი #ახალიამბები #BusinessMediaGeorgia
2 ივნისს Coca-Cola Bottlers Georgia-სა და საქართველოს პარლამენტის ეროვნულ ბიბლიოთეკას შორის ურთიერთ თანამშრომლობის მემორანდუმი გაფორმდა. შეთანხმების მიზანი ეროვნული ბიბლიოთეკის ერთ-ერთი ყველაზე მასშტაბური პროექტის, „ციფრული ფოტომატიანის“ მხარდაჭერა იყო, რომელიც მიზნად ისახავს გასული ორი საუკუნის და ამ საუკუნის დასაწყისის ვიზუალური ისტორიის შექმნას. #ახალიამბები #BusinessMediaGeorgia
„მსოფლიო თამბაქოს გარეშე“ – ამ დღის აღნიშვნაზე საქართველოს პარლამენტმა რეფორმის 5 წელი შეაჯამა და ასეთი დასკვნა დადო. თამბაქოს მოხმარების შემცირებაზე აქცენტი დაავადებათა კონტროლის ცენტრის ყოფილმა ხელმძღვანელმა ამირან გამყრელიძემაც დასვა ‘ანალიტიკა’–ში სტუმრობის დროს, დაახლოებით 2 კვირის წინ, როცა თამბაქოს მოხმარება არაგადამდებ დაავადებათა ერთ–ერთ საერთო რისკ–ფაქტორად დაასახელა. მედალს ყოველთვის ორი მხარე აქვს. ამ კანონის მთავარი თანმდევი რისკი, რომელიც 2019 წლის შემდეგ მნიშვნელოვნად გაიზარდა, მათ შორის, კონკრეტულ რიცხვებშიც – კონტრაბანდის მასშტაბების ზრდაა, რადგან თამბაქოს საწინააღმდეგო კანონმდებლობის გამო, ქვეყანაში სიგარეტისა და თამბაქოს ფასები მკვეთრად გაიზარდა. ამ ფაქტორის გაანალიზებას ჯანდაცვის სამინისტრო თავს არიდებს და ამბობს, რომ ეს მისი საქმე არ არის. სტუმარი: ზვიად სხვიტარიძე - ექსპერტი ეკონომიკის და სამართლებრივ საკითხებში; #ახალიამბები #BusinessMediaGeorgia
რუსულმა ავიაკომპანია Red Wings-მა საქართველოს სამოქალაქო ავიაციისგან ქვეყანაში ფრენების ნებართვა მიიღო. შესაბამისად, Red Wings-ი სოჭი-თბილისი-სოჭი და მოსკოვი-ქუთაისი-მოსკოვის მიმართულებით ოპერირებას უკვე ივნისიდან უნდა დაიწყოს. ქართული უწყების ცნობით, ყველა მიმართულებით ოთხი ფრენა კვირაში სამჯერ ორშაბათობით, ოთხშაბათობითა და პარასკევობით შესრულდება. საჰაერო ტრანსპორტის სააგენტოების ასოციაციის თავმჯდომარე დიმიტრი გორინი Forbes-ის რუსულ რედაქციასთან საუბრისას აღნიშნავს, რომ ქუთაისში რეისები სწორედ იმიტომაა საინტერესო, რომ იქიდან რეისებს ევროპული ლოუკოსტერები ახორციელებენ – მათ შორის, ისეთი ავიაკომპანია, როგორიცაა Wizz Air–ი, რომელიც ევროპაში ვარშავის, ლარნაკას, ბარსელონას, რომის, პარიზის და სხვა ქალაქების მიმართულებით დაფრინავს. ფორბსის რუსული რედაქციის მიხედვით, ქუთაისიდან ფრენების გამო, საქართველო შეძლებს რუსი ტურისტებისთვის კონკურენცია სტამბულს და ერევანს გაუწიოს. ამის ძირითად მიზეზად კი – ზოგიერთი მიმართულების შედარებით სიიაფე და ფრენებისთვის საჭირო ნაკლები დრო სახელდება. სტუმარი: გიორგი მოლოდინაშვილი - საავიაციო საკონსულტაციო ჯგუფის მმართველი პარტნიორი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
ჩვენი დღევანდელი სტუმარი, პროფესიით ბიოლოგია, თბილისის სახელმწიფო უნივერსიტეტის დასრულების შემდეგ, სადაც მისი კურსელი კახა ბენდუქიძე იყო, საკანდიდატო და სადოქტორო მოსკოვში დაიცვა, და შემდგომ ამავე ინსტიტუტში გააგრძელა შრომა გენური ინჟინერიის მიმართულებით. “ბიოლოგი ვიყავი და ინგლისური ვიცოდი. ეს უპირატესობა მქონდა”, – იხსენებს ის ელენე კვანჭილაშვილის სტატიაში "დომინოს ეფექტი". როგორც თავად ამბობს, რუსეთშიც წარმატებას იმიტომ მიაღწია, რომ ბიზნესის წარმოებისთვის ის სფერო აარჩია, რომელიც მეტ-ნაკლებად დაცული იყო კრიმინალისა და კორუფციისგან. “კორუფცია და კრიმინალი ყველაზე მეტად ნავთობისა და ნავთობპროდუქტების ბიზნესს შეეხო – დიპლომით ბიოქიმიკოსი ვარ. ამით დავიცავი საკუთარი თავი. ქიმია იმ დროისთვის არც ერთმა ბანდიტმა არ იცოდა”. სტუმარი: რევაზ ვაშაკიძე - "ჩირინას" დამფუძნებელი #ახალიამბები #BusinessMediaGeorgia
BMG & Jeep Georgia წარმოგიდგენთ: #BMGDRIVE-ს როგორ შევცვალოთ სისტემა ან საკუთარი პერსონა? „ხელისუფლებამ არ იცის რა უნდა ჰკითხოს მოქალაქეს, მოქალაქეებს კი არასწორი მოლოდინები ექმნებათ“ #BMGDRIVE-ის მგზავრი: ლიზა სოფრომაძე - ადგილობრივი განვითარების და უნარების ამაღლების კონსულტანტი; ავტორები: ბექა ბაციკაძე, რევაზ ნასიძე #Jeep #JeepGeorgia #ბიზნესმედია #საქმიანები
აპრილში გასული წლიურ ჭრილში თბილისში გასაყიდი საცხოვრებელი უძრავი ქონების ფასი 32%-ით გაიზარდა. გასაქირავებელ უძრავ ქონებაზე ამავე პერიოდში თიბისი კაპიტალის განახლებული ანგარიშის მიხედვით 52% ით არის გაზრდილი. ამავე დროს კვლევის ავტორები მიუთითებენ, რომ უძრავი ქონების ბაზარზე აქტივობა მნიშვნელოვნად შემცირდა. რაში გამოიხატება ეს ცვლილება და რამდენად მასშტაბურია? სტუმარი: ირინა კვახაძე - "თიბისი კაპიტალის" კვლევების სამსახურის უფროსი #ახალიამბები #BusinessMediaGeorgia
საქართველოს ბიზნეს ასოციაციიდან წარმომადგენლები წევრ კომპანიებში ვიზიტების სერიას აგრძელებენ. მორიგი ვიზიტი გენეტიკური კვლევის ცენტრს, მედ დიაგნოსტიკაში იყო. ლაბორატორიული ცენტრი საქართველოში 2020 წლიდან ოპერირებს და საერთაშორისო სტანდარტის მოლეკულურ-გენეტიკურ მეთოდზე დაფუძნებულ კვლევებს ატარებს. მედ დიაგნოსტიკაში ამჟამად სხვადასხვა მიმართულებით, 800-მდე ანალიზის კეთდება და თითოეული მათგანი ექიმებს პაციენტის სწორ დიაგნოზირებასა და შემდგომი მკურნალობის დაგეგმვაში ეხმარება. რას სთავაზობს მედ დიაგნოსტიკა პაციენტებს და როგორია მათი სამომავლო გეგმები? #ახალიამბები #BusinessMediaGeorgia
საერთაშორისო ფარმაცევტული კომპანია GM Pharma ბავშვთა დაცვის საერთაშორისო დღის აღნიშვნას საინტერესო აქტივობებით შეუერთდა. კომპანიამ მთაწმინდის პარკში მისულ პატარებს ფერადი, კუთხე მოუწყო. კომპანია ბავშვთა დაცვის დღესთან დაკავშირებით პირველ ივნისს არ ასრულებს წლევანდელ პროგრამას და 11 ივნისის ჩათვლით მომხმარებლებისათვის საბავშვო პროდუქტებზე სპეციალური შეთავაზება აქვთ. #ახალიამბები #BusinessMediaGeorgia
ციფრული და ტექნოლოგიური პროდუქტების სფეროთი დაინტერესებულთათვის საინტერესო ამბებს გიყვებით საქმიანი დილას ამ ნაწილში. რამდენიმე თვის წინ ქართული Community-შეიქმნა, რომლის ორგანიზატორებმაც მიზნად დაისახეს Product Management-თან დაკავშირებით ცნობადობა გაზარდონ და დღეს ამ სფეროში დასაქმებული პროფესიონალები ერთმანეთთან დააკავშიროს. ამ შანსის გამოყენება ნებისმიერ მსურველს შეუძლია, თუმცა რა არგუმენტით უნდა გაჩნდეს ასეთი სურვილები და რა შედეგებს ელოდებიან ამ გაერთიანების იდეის ავტორები? სტუმარი: გიორგი ლომიძე - ProdAct-ის თანადამფუძნებელი და აღმასრულებელი დირექტორი; #ახალიამბები #BusinessMediaGeorgia
ბავშვებს 1-ლი ივნისი იაშვილის კლინიკაშიც მიულოცეს. სადაც, სწორედ ამ დღესთან დაკავშირებით, პატარების განწყობაზე მთელი დღის განმავლობაში ანიმატორები და ზღაპრის გმირები ზრუნავდნენ. გარდა გასართობი ღონისძიებებისა, ბავშვებზე ზრუნვის მიზნით, პირველ ივნისს მთელი დღის განმავლობაში იაშვილის ყველა პედიატრთან კონსულტაცია უფასო იყო. ასევე, პირველი ივნისიდან იაშვილის კლინიკაში ახალი სერვისი - ბავშვთა და მოზრდილთა სტომატოლოგია ამოქმედდა. იაშვილის კლინიკა განახლებული ინფრასტრუქტურითა და გაძლიერებული სამედიცინო სერვისებით უკვე მე-3 თვეა, პატარა პაციენტებს სრული დატვირთვით ემსახურება. #ახალიამბები #BusinessMediaGeorgia
აუტიზმის ეროვნული ცენტრის ტერიტორიაზე კიდევ ერთი კოტეჯის მშენებლობა დასრულდა. 2023 წლის პირველ ივნისს, ბავშვთა დაცვის დღეს, აუტიზმის ეროვნულ ცენტრს, კომპანია „რეფორმამ“ სრულიად უსასყიდლოდ გადასცა კოტეჯი, რომელიც 15 წლის ზემოთ, აუტიზმის მქონე მოზარდებს მოემსახურება. სამშენებლო კომპანია, წლების განმავლობაში, დიდ ყურადღებას უთმობს კორპორატიულ სოციალურ პასუხისმგებლობას, რაც მის მიერ განხორციელებულ სხვადასხვა პროექტში აისახება. #ახალიამბები #BusinessMediaGeorgia
გუშინ, VR holding-მა თანამშრომლებისა და მობინადრეების ბავშვებისთვის გასართობი ღონისძიება მოაწყო, რისი მიზანიც მათთვის კომფორტული გარემოს შექმნა და დასამახსოვრებელი მომენტების მოწყობა იყო. #ახალიამბები #BusinessMediaGeorgia
#საქმიანიდილა - 2 ივნისი - პროლოგი #ახალიამბები #BusinessMediaGeorgia
ბავშვთა დაცვის საერთაშორისო დღესთან დაკავშირებით „ავერსმა“, რამდენიმე ღონისძიება გამართა. თბილისსა და რეგიონებში, „ავერსის“ რამდენიმე აფთიაქის მიმდებარედ, ბავშვებს საყვარელი ანიმაციური პერსონაჟები დახვდნენ, რომლებმაც მათთვის სანახაობრივი შოუ გამართეს და დაასაჩუქრეს, რათა დღესასწაული კიდევ უფრო გაემრავალფეროვნებინათ. #ახალიამბები #BusinessMediaGeorgia
განათლებისა და მეცნიერების მინისტრის მონაწილეობით პროფესიული უნარების სააგენტოს სამეთვალყურეო საბჭოს სხდომა გაიმართა. შეხვედრაში ბიზნეს სექტორიც იღებდა მონაწილეობას. შეხვედრა საბჭოს წევრების გაცნობას და მათთან სამომავლო თანამშრომლობის პერსპექტივის განხილვას ისახავდა მიზნად. სხდომის ფარგლებში, პროფესიული უნარების განვითარების ხელმძღვანელმა თამარ ქიტიაშვილმა შეფასების ანგარიშის ძირითად მიგნებებზე ისაუბრა, ხოლო საქართველოს ეკონომიკისა და მდგრადი განვითარების სამინისტროს ეკონომიკური პოლიტიკის დეპარტამენტის უფროსმა, ცისნამი საბაძემ შრომის ბაზრის პროგნოზირების მექანიზმები წარადგინა, რის შემდეგაც, საბჭოს წევრებს შორის დისკუსია გაიმართა. დისკუსია პროფესიულ განათლებაში არსებული გამოწვევების გადაჭრის გზებს და ამ პროცესში კერძო სექტორის როლს ეხებოდა. სტუმრები: თამარ ქიტიაშვილი - პროფესიული უნარების განვითარების სააგენტოს დირექტორი; ლევან ვეფხვაძე - საქართველოს ბიზნეს ასოციაციის აღმასრულებელი დირექტორი. #ახალიამბები #BusinessMediaGeorgia
“ყველა არსებული მოლოდინი გვიჩვენებს, რომ წელს გვექნება უპრეცედენტოდ წარმატებული საზღვაო ტურისტული სეზონი, “-ამის შესახებ აჭარის მთავრობის თავმჯდომარემ თორნიკე რიჟვაძემ მთავრობის სხდომაზე განაცხადა. მისივე თქმით, 2023 წლის პირველ კვარტალთან შედარებით საერთაშორისო ვიზიტორების რაოდენობა აჭარაში გაორმაგებულია. შესაბამისად ტურიზმიდან და მოგზაურობიდან მიღებული შემოსავლები 102%-იამ ზრდას აჩვენებს. როგორ უნდა გაიზარდოს რეგიონის შემოსავლები და დამსვენებელთა რიცხვი, რა როლს ასრულებს ამ პროცესში ტურიზმის კანონი? სტუმარი: მამუკა ბერძენიშვილი - ტურიზმის ინსტიტუტი, აღმასრულებელი დირექტორი. #ახალიამბები #BusinessMediaGeorgia
2022 წლიდან მიწის სპორადული რეგისტრაცია ფასიანი გახდა. მიწის სისტემური რეგისტრაცია კი უფასოა. სისტემური რეგისტრაციის ინიციატორია საჯარო რეესტრის ეროვნული სააგენტოა. ამ შემთხვევაში რეგისტრაცია გეგმა–გრაფიკით მიმდინარეობს, საამზომველო სამუშაოებს საჯარო რეესტრის ეროვნული სააგენტო აწარმოებს. სპორადული რეგისტრაცია კი მოქალაქის მიმართვის საფუძველზე იწყება. საამზომველო სამუშაოებსაც მოქალაქე აწარმოებს. ის ფასიანია და 300 ლარი ჯდება. მიწის სისტემური რეგისტრაციის პროგრამა სამ წლიანი პროექტია, რომელიც1 200 000 ჰექტრის აზომვასა და რეგისტრაციას გულისხმობს. საჯარო რეესტრის ეროვნული სააგენტოს მონაცემით, ბოლო 6 წელიწადში წარმატებით დარეგისტრირდა 738 483 განაცხადი, რაც დამოუკიდებლობის აღდგენიდან 2016 წლამდე დარეგისტრირებულ ფართობზე სამჯერ მეტია. სწორედ ამიტომ აქამდე მოქმედი მიწის რეგისტრაციის გამარტივებული წესი გახდება ზოგადი წესი და იმოქმედებს უვადოდ. როგორც სააგენტოში განმარტავენ, დღეს არსებული მდგომარეობით, ქვეყანაში მიწების 1/3 დაურეგისტრირებელია. საჯარო რეესტრის ეროვნული სააგენტო 2024 წლის ბოლომდე ეტაპობრივად უზრუნველყოფს ყველა მუნიციპალიტეტის ტერიტორიაზე სისტემურ რეგისტრაციას. როგორ მიმდინარეობს პროცესი? სტუმარი: თამთა კახიძე - "საერთაშორისო გამჭვირვალობა -საქართველოს" მთავარი იურისტი; #ახალიამბები #BusinessMediaGeorgia
საერთაშორისო ბირჟაზე საწვავი ძვირდება. ბოლო ერთ კვირიან ჭრილში ბაზარზე ფასები 1.5%ით გაძვირდა. გლობალურ ბაზარზე ნავთობის ფასის ზრდის პარალელურად, საქართველოში საწვავის ღირებულებაც გასული კვირის შემდეგ ზრდის ტენდენციით ხასიათდება. ბრენდირებული გასამართი სადგურების მიერ კომპანიის ვებგვერდებზე გამოქვეყნებული ფასების არქივს თუ შევხედავთ, მაგალითისთვის: Wissol-ის გასამართი სადგურების ქსელში საწვავის ფასები ბოლოს 23 მაისს შეიცვალა და 1 ლიტრის ევრორეგულარის ღირებულება 2.35-დან 2.39 ლარამდე გაიზარდა. Gulf-ის ქსელში საწვავი საშუალოდ 6 თეთრით გაძვირდა. რა მოლოდინებია საწვავის ბაზარზე? სტუმარი: ვახტანგ იობაშვილი - ნავთობპროდუქტების იმპორტიორთა კავშირის ხელმძღვანელი; #ახალიამბები #BusinessMediaGeorgia
ევროკავშირისა და კონრად ადენაუერის ფონდის მხარდაჭერით, საქართველოს სტრატეგიული კვლევებისა და განვითარების ცენტრის (CSRDG) ორგანიზებით, ‘საქართველოს პასუხისმგებელი ბიზნესის კონკურსის Meliora 2022’-ის დაჯილდოებაზე გამარჯვებულების ვინაობა გაირკვა. კონკურსი, რომლის მიზანიც ქვეყანაში კორპორაციული სოციალური პასუხისმგებლობის განვითარება და საზოგადოებაში მისი პოპულარიზაციაა წელს მეოთხედ შედგა. წლევანდელ ღონისძიებაზე, დიპლომატიური კორპუსის წარმომადგენლებმა და სფეროს საერთაშორისო ექსპერტებმა კონკურსის სხვადასხვა კატეგორიაში გამარჯვებული კომპანიები დააჯილდოვეს. სტუმრები: სალომე თოფურიძე - CSRDG-ის კომუნიკაციების მენეჯერი; გვანცა ფაცაცია - MBC-ის კორპორაციული პასუხისმგებლობის და კომუნიკაციების მენეჯერი. #ახალიამბები #BusinessMediaGeorgia
#საქმიანები: ნატახტრიდან დოჰამდე - "ვილა მოსავალი" გიორგი შეყრილაძე - "ვილა მოსავალის" თანადამფუძნებელი; ლაშა შეყრილაძე - "ვილა მოსავალის" თანადამფუძნებელი; ნიკა შეყრილაძე - "ვილა მოსავალის" თანადამფუძნებელი; ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
2022 წლის 1 იანვრიდან „მეწარმეთა შესახებ“ ახალი კანონი ამოქმედდა, რომელშიც მნიშვნელოვანი სიახლეები განხორციელდა, მათ შორის უკვე რეგისტრირებულ ყველა საწარმოს გაუჩნდა ვალდებულება, სარეგისტრაციო მონაცემები შესაბამისობაში მოიყვანოს ამავე კანონის მოთხოვნებთან მისი ძალაში შესვლიდან 2 წლის ვადაში, ანუ 2023 წლის ბოლომდე. ვადის ამოწურვამდე ნახევარი წელია დარჩენილი. სტუმარი: ლაშა ნოდია - “ნოდია, ურუმაშვილი და პარტნიორების” მმართველი პარტნიორი; #ახალიამბები #BusinessMediaGeorgia
ბრიტანული სასწავლო უნივერსიტეტი საქართველოში 2020 წელს დაარსდა. ეს არის უნივერსიტეტი რომელიც სტუდენტებს გაცვლით პროგრამებში ჩართვის არაერთ შესაძლებლობას აძლევს. ამას გარდა, მნიშვნელოვანია, რომ ბრიტანულ სასწავლო უნივერსიტეტს ხელშეკრულება აქვს გაფორმებული ბუკინგემის უნივერსიტეტთან. შედეგად, საქართველოს ბრიტანულ უნივერსიტეტში კურსდამთავრებულებს დიპლომთან ერთად აძლევენ ბუკინგემის უნივერსიტეტის ხარისხსაც. ეს არის საერთაშორისო დონეზე აღიარებული ხარისხი. მაღალი ხარისხის განათლებასთან ერთად, ბრიტანულ სასწავლო უნივერსიტეტს ინფრასტრუქტურაც გამოარჩევს. ბუკინგების უნივერსიტეტი, აქტიურად თანამშრომლობს ჩვენთან, რის საფუძველზეც ჩვენ გავცემთ ვალიდაციის დიპლომს, რაც გულისხმობს შემდეგს: ჩვენს მიერ გაცემულ დიპლომს იგივე წონა აქვს, რაც ბუკინგემის მიერ გაცემულს, შესაბამისად, ნებისმიერი უნივერსიტეტი აღიარებს მას და ტოლფასია იმის რომ ბუკინგემში გესწავლათ და დაგემთავრებინათ უნივერსიტეტი. ჩამოსვლის მიზანი არის ხოლმე სამომავლო გეგმები, მათი პროგრამები გვაქვს ზუსტად შესაბამისად ფაკულტეტების დამატებასთან, სამომავლო გეგმებთან, სხვა პარტნიორობებთან გაცვლითი პროგრამების კუთხით და ა.შ. სტუმრები: ფიონა ფოქოქი - ბრიტანული უნივერსიტეტის საქართველოში მრჩეველთა საბჭოს წევრი; კრის მასკელი - ბუკინგემის უნივერსიტეტის საერთაშორისო თანამშრომლობის მენეჯერი. საუბარს სინქრონულად თარგმნის კომპანია NG GEORGIA; #ახალიამბები #BusinessMediaGeorgia
ღვინის ინდუსტრია მთელს მსოფლიოში სულ უფრო მზარდია, ყოველწლიურად იცვლება ტექნოლოგიები, მიდგომები და საერთო ჯამში, იხვეწება წარმოებისა და რეალიზაციის პროცესიც. რომელი ქვეყნები აწარმოებენ ყველაზე დიდი რაოდენობის ღვინოს და რით არის მათი წარმოება გამორჩეული? #ახალიამბები #BusinessMediaGeorgia
#საქმიანიდილა - 1-ელი ივნისი - პროლოგი #ახალიამბები #BusinessMediaGeorgia
საქართველოში მოცვის მოსავლის აღება ივნისიდან იწყება და მოცვის მწარმოებლებიც სეზონისთვის აქტიურად ემზადებიან. ბიზნესები პროდუქტს ექსპორტზე სხვადასხვა ქვეყანაშიც გაიტანენ. თუმცა, როგორც გასულ წლებში ძირითად საექსპორტო ბაზრად მალფუჭებადი პროდუქციის ფონზე გეოგრაფიული სიახლოვიდან გამომდინარე, კვლავ რუსეთი რჩება. ბაზრების დივერსიფიკაციაზე საუბრისას ევროპაში საჰაერო გადაზიდვებზე არსებული მაღალი გადასახადის პრობლემაც დგება, რაც სიტუაციას კიდევ უფრო ართულებს. რაც შეეხება ადგილობრივ და საექსპორტო ლურჯი მოცვის ფასებს, კომპანიებს ამ ეტაპზე წინასწარი პროგნოზების გაკეთება უჭირთ და ზუსტი პასუხის გაცემას მოსავლის აღების შემდგომ შეძლებენ. #ახალიამბები #BusinessMediaGeorgia
საქართველო მწვანე წყალბადის განვითარებისთვის საპილოტე პროექტს იწყებს, რაც ქვეყანაში საპილოტე საწარმოს და ასევე მისი სრული ღირებულებითი ჯაჭვის აწყობას გულისხმობს. საპილოტე პროექტში ჩართულია „გერმანიის რეკონსტრუქციის საკრედიტო ბანკი“ , რომელიც შესაბამისი ტექნიკურ-ეკონომიკურ და სხვა საჭირო კვლევებს დააფინანსებს. როგორც ირკვევა, პირველ ეტაპზე, წყალბადის გამოყენება ბათუმის მუნიციპალურ ტრანსპორტში განიხილება, თუმცა სამომავლოდ არც მისი უფრო ფართოდ დანერგვა და ექსპორტი გამოირიცხება. აღსანიშნია, რომ მწვანე წყალბადი მიიღება ელექტროლიზის საშუალებით. მის მისაღებად კი განახლებადი ენერგიის წყაროები ქარი, მზე და ჰიდრო ენერგეტიკა გამოიყენება. მწვანე წყალბადის წარმოების და ექსპორტის რა პოტენციალი აქვს საქართველოს? სტუმარი: მურმან მარგველაშვილი - “მსოფლიო გამოცდილება საქართველოსთვის” დამფუძნებელი; #ახალიამბები #BusinessMediaGeorgia
საქართველოს მიერ ქვეყანაში ფქვილის იმპორტზე მოსაკრებლის დაწესების თემას გავშლით გადაცემის ამ ბლოკში. როგორც ორშაბათს გახდა ცნობილი, 10 ივნისიდან საქართველოს მთავრობა იმპორტირებულ ფქვილზე დროებით გადასახადს დააწესებს. მარცვლეულის ადგილობრივი მწარმოებლების პროტესტი გახდა მთავარი საფუძველი იმისთვის, რომ მთავრობა ბიზნესს ფქვილის იმპორტის შემზღუდავი მექანიზმის შემოღებას დათანხმდა, რადგან სოფლის მეურნეობის მინისტრმა თქვა, რომ მანამდე მთავრობამ მსგავსი მექანიზმის შემოღების საჭიროება ვერ დაინახა. არადა დარგი იმპორტირებულ ფქვილზე გადასახადის დაწესებას 2021 წლის შემდეგ ითხოვს. საკითხი ეხება ძირითადად რუსეთიდან განხორციელებულ იმპორტს, რადგან სწორედ რუსეთია საქართველოსთვის როგორც ხორბლის, ისე ფქვილის მთავარი მომწოდებელი. ბოლო 2 წელია ადგილობრივი წისქვილების 80%-ზე მეტმა საქმიანობა სრულად ან ნაწილობრივ შეაჩერა, რადგან აზრი დაეკარგა ხორბლის ადგილზე გადამუშავებას და ფქვილის წარმოებას, რადგან ნულოვანი ბაჟის პირობებში იმპორტირებული ფქვილი გაცილებით დაბალ ფასად ხვდებოდა ქართულ ბაზარზე. იმპორტირებულ ფქვილზე მოსაკრებლის დაწესების გადაწყვეტილება მიღებულია, თუმცა ამის პარალელურად გარკვეული ვალდებულებები აქვთ ადგილობრივ წისქვილებს. მათ მოუწევთ კონკრეტულ ფასად შეისყიდონ ქართული ხორბალი ადგილობრივი ფერმერებისგან და პურის მწარმოებლებს ისეთი პირობებით მიაწოდონ პირველი ხარისხის ფქვილი, რომ ამან პურის გაძვირება არ გამოიწვიოს. რას შეცვლის ფქვილის იმპორტზე მოსაკრებლის დაწესება წისქვილებისთვის და მარცვლეულის ადგილობრივი მწარმოებლებისთვის? სტუმრები: ლევან ჯანაშია - "აგროექსპორტის" დამფუძნებელი; ნიკოლოზ ბენიაიძე - მარცვლეულის მწარმოებელთა ასოციაციის ხელმძღვანელი. #ახალიამბები #BusinessMediaGeorgia
2022 წლის მონაცემებით ინდექსი, ჯამურად, სრული და არასრული დემოკრატიის ქვეყნებისკენ არის გადახრილი და – 56,9.%-ს შეადგენს. - ასეთი შედეგი ინდექსისა რომლის პრეზენტაციაც გუშინ შედგა. როგორია საქართველოს ეკონომიკური დამოკიდებულება როგორც ცალკეულ ქვეყნებზე, ასევე “დემოკრატიული”, “ავტორიტარული”, “ჰიბრიდული” და “ნახევრად დემოკრატიული” რეჟიმების მქონე ქვეყნების ჯგუფებზე - ეკონომიკური კვლევის ცენტრმა usaid -ის დახმარებით ახალი ინდექსი წარადგინა. ინდექსის გასაზომად გამოყენებულია ისეთი ინდიკატორები, როგორიცაა: პირდაპირი უცხოური ინვესტიციები; საქონლის ექსპორტი; საქონლის იმპორტი; საგარეო ვალი; ქვეყანაში შემომავალი ფულადი გზავნილები. როგორია წლების განმავლობაში დინამიკა და რაზე დაყრდნობით? სტუმრები: ირინა გურული - EPRC-ის დირექტორის მოადგილე; გიორგი გიორგობიანი - USAID-ის ეკონომიკური მმართველობის პროგრამის კომპონენტის ხელმძღვანელი; #ახალიამბები #BusinessMediaGeorgia
წელს უკვე მეექვსედ Touch Platform-ის ორგანიზებით, საქართველოში კიდევე ერთი საერთაშორისო ტექ კონფერენცია იმართება, რომელსაც Touch.point-ს ატარებს. თავის მხრივ Touch.point განკუთვნილია მარკეტინგისა და ტექნოლოგიების სფეროში მომუშავე პროფესიონალებისთვის და მისი მიზანია ადგილობრივ ბაზარზე მარკეტინგული ტექნოლოგიების მიმართ ცოდნა აამაღლოს და არსებული ტექნოლოგიური გადაწყვეტების პრაქტიკაში ეფექტურ დანერგვას ხელი შეუწყოს. სტუმარი: ბექა ქვარცხავა - Touch Platform-ის დამფუძნებელი; ნათია გოგია - Touch Platform-ის აღმასრულებელი დირექტორი. #ახალიამბები #BusinessMediaGeorgia
ტექნოლოგიური კომპანია, Elven Technologies-ი ლითიუმის ბატარეების ცეცხლგამძლე შესაფუთ მასალაზე მუშაობას აგრძელებს. გასულ უქმეებზე ბათუმში მიმდინარე სტარტაპების მსოფლიო თასზე BMG-ის ჟურნალისტთან გიორგი არონიასთან შეხვედრისას გაახლებული ინფორმაციით, რამდენიმე დღეში, ერთ-ერთ ესტონურ კომპანიასთან თანამშრომლობით, Elven Technologies-ი პირველ საპილოტე პროექტის დაწყებას გეგმავს რაც წინაპირობა უნდა გახდეს მსხვილ ავტოკონცერნებთან Tesla-სთან და General Motors-თან პარტნიორობის. სტუმარი: ვამეხ ხერხეულიძე - Elven Technologies-ის დამფუძნებელი; #ახალიამბები #BusinessMediaGeorgia
OneApp უზბეკეთში დაფუძნებული სტარტაპია, რომელიც ცოტა ხნის წინ საქართველოს ბანკის, საქართველოს ინოვაციების და ტექნოლოგიების სააგენტოს და 500 Global-ის პარტნიორობით, საქართველოში გამართულ 500 Georgia-ს აქსელერაციის პროგრამას შეუერთდა. OneApp-ის მიზანია, სამუშაოს მაძიებლებს მარტივი და ეფექტური პლატფორმის მეშვეობით სამსახურის სწრაფად მოძიებაში დაეხმაროს. შერზოდ ხოშიმოვი - OneApp-ის თანადამფუძნებელი; #ახალიამბები #BusinessMediaGeorgia
მიმდინარე კვირის მიწურულს ექსპო ჯორჯიაში ღვინის და ალკოჰოლური სასმელების მე-15 საერთაშორისო გამოფენაა დაგეგმილი. 2 ივნისს 12 საათიდან წერეთლის გამზირზე 200 მდე ღვინის მწარმოებელ კომპანიას ელოდებიან და ეს შეკრება წელსაც არა მხოლოდ მწარმოებლებისთვის და ბიზნესში ჩართული სფეროს წარმომადგენლებისთვის არის. დიდი ამბებია ექსპოში დაგეგმილი და მათ შორის წელს 250 მდე ღვინოს 5 ქვეყნიდან 7 ცნობილი ღვინის მაგისტრი, სომელიე და ჟურნალისტი შეაფასებს. სტუმარი: ნინო გამრეკელი - WinExpo Georgia-ს პროექტის მენეჯერი #ახალიამბები #BusinessMediaGeorgia
ცენტრალურ მაგისტრალზე მე-100 Gulf Store-ი გაიხსნა #ახალიამბები #BusinessMediaGeorgia
საოჯახო ბიზნესი BARTHOLET-ი საქართველოში შემოვიდა. ანტონ ბარტოლეტის დაფუძნებული შვეიცარიული 60 წლის საბაგირო სისტემების მწარმოებელი შვეიცარიული კომპანიის გონდოლების დიზაინს პორშე ქმნის და დღეს მისი მართვა დამფუძნებლის შვილს როლანდ ბართოლეტის აქვს ჩაბარებული. სწორედ მისი ხელმძღვანელობისას გახდა კომპანია საერთაშორისო და ამ დროისთვის 32 ქვეყანაში 312 პროექტი აქვს შესრულებული. ბართოლეტის პორტფელში უკვე საქართველოც არის, რომელიც როგორც აღმოჩნდა როლანდ ბართოლეტისთვის შვეიცარიასთან მსგავსებზე განწყობებსაც შესაბამისს ქმნის. #ახალიამბები #BusinessMediaGeorgia
ამერიკის ყველაზე მდიდარი ოჯახები #ახალიამბები #BusinessMediaGeorgia
რა გავლენა ექნება არჩევნების შედეგს თურქეთის ეკონომიკაზე? თიკო ნატმელაძე - BMG-ის რეპორტიორი #ახალიამბები #BusinessMediaGeorgia
თხილის მწარმოებელთა ასოციაციაში 2023 წელს, 2022 წელთან შედარებით, თხილის მოსავლიანობის 11%-ით ზრდას ელოდებიან. როგორც BM.GE-ს თხილის მწარმოებელთა ასოციაციის აღმასრულებელი საბჭოს თავმჯდომარემ მერაბ ჭითანავამ განუცხადა, მიმდინარე წლის თხილის მოსავალი გასულ წელთან შედარებით 5 000 ტონით მეტი იქნება. თხილის მწარმოებელი და გადამამუშავებელი კომპანიები 2023 წელს პოზიტიურად აფასებენ, თუმცა მიაჩნიათ, რომ ხარისხის გაუმჯობესების პარალელურად მეტი შემოსავლიანობის მისაღებად, ფერმერებმა ერთ ჰექტარზე მოსავლიანობა უნდა გაზარდონ. #ახალიამბები #BusinessMediaGeorgia
#საქმიანიდილა - 31 მაისი - პროლოგი #ახალიამბები #BusinessMediaGeorgia
1997 წელს დაფუძნებული კომპანია ამჟამად 2 საწარმოს ფლობს, სადაც ველური სამკურნალო მცენარეების, ტყის ხმელი კენკრის, დაფნის ფოთლისა და სანელებლების გადამუშავება მიმდინარეობს. სანელებლების დიდი ნაწილი ადგილობრივ ბაზარზე იყიდება სამკურნალო მცენარეები კი სრულად ექსპორტზე გადის. ფარკონი პროდუქციას ამერიკის შეერთებულ შტატებში, ევროპის ქვეყნებში და სხვადასხვა არატრადიციულ ბაზარზე ყიდის, მათ შორის უკრაინაში გერმანიასა და ავსტრიაშიც. ამ პროცესში 30 სახის მშრალი სამედიცინო ბალახის და ტყის კენკრის მწარმოებლის მთავარი მხარდამჭერი, USAID-ის სოფლის მეურნეობის პროგრამაა, რომელიც კომპანიას საექსპორტო ბაზრების დივერსიფიკაციასა და პოტენციურ მყიდველებთან დაკავშირებაში ეხმარება. როგორ ვითარდება კომპანია ფარკონი და რა გეგმები აქვთ სამომავლოდ? #ახალიამბები #BusinessMediaGeorgia
საქართველოში, Fiabci Georgia-ს და Property Georgia-ს ინიციატივით, უძრავი ქონების საერთაშორისო აკადემია დაარსდა. როგორც Fiabci Georgia-ს და Property Georgia-ში განმარტავენ ასოციაცია 70-მდე ქვეყანაშია წარმოდგენილი და მთავარ ფოკუსს მშენებლობაში ინოვაციური, ახალი მწვანე მიდგომების დანერგვა წარმოადგენს. ამ მიზნის მიღწევის გზაზე დაარსდა სწორედ აკადემია, რომლის მიზანიც, სექტორისთვის უძრავი ქონების მიმართულებით უწყვეტი პროფესიული საგანმანათლებლო პროგრამების შეთავაზებაა, როგორც ადგილობრივი ექსპერტების, ასევე საერთაშორისო ექსპერტების მონაწილეობით. კურსების აქტიურად ჩატარების მიზნით, აკადემია სხვადასხვა უნივერსიტეტებთან და საგანმანათლებლო დაწესებულებებთან თანამშრომლობას განიხილავს. სტუმარი: ლიკა ქარდავა - Fiabci Georgia-ს და Property Georgia-ს დამფუძნებელი; #ახალიამბები #BusinessMediaGeorgia
საქსტატის მიერ გამოქვეყნებული სიღარიბის მაჩვენებლის მიხედვით, 2022 წელს საქართველოში სიღარიბის აბსოლუტურ ზღვარს ქვევით მყოფი მოსახლეობის წილი წინა წლის შესაბამის პერიოდთან შედარებით 1.9 პროცენტული პუნქტით შემცირდა და 15.6% შეადგინა. ამასთან, ქალაქისა და სოფლის დასახლებების მიხედვით, აბსოლუტური სიღარიბის მაჩვენებელი ქალაქის ტიპის დასახლებებში 2.7 პროცენტული პუნქტით იყო შემცირებული და 12.3% შეადგენდა, ხოლო სოფლის ტიპის დასახლებებში 0.7 პროცენტული პუნქტით შემცირდა და 20.6%-ს გაუტოლდა. 2022 წელს, სიღარიბის აბსოლუტური მაჩვენებელი წინა წელთან შედარებით შემცირებულია მოსახლეობის ყველა ასაკობრივ ჯგუფში. კერძოდ, 18 წლამდე ასაკობრივ ჯგუფში მაჩვენებელმა 20.4% შეადგინა (-2.3 პროცენტული პუნქტი), 18-64 წლის ასაკობრივ ჯგუფში - 15.3% (-2.0 პროცენტული პუნქტი), ხოლო 65 წლის და უფროს ასაკობრივ ჯგუფში - 10.5% (-1.4 პროცენტული პუნქტი). აბსოლუტური სიღარიბის მაჩვენებელი ქალებისათვის შემცირებულია 1.8 პროცენტული პუნქტით და 15.3%-ს შეადგენს, ხოლო კაცებისათვის მაჩვენებელი შემცირებულია 2.1 პროცენტული პუნქტით და 15.8%-ს შეადგენს. სიღარიბის მაჩვენებლის შემცირების მიუხედავად, 2022 წელს მზარდი იყო საარსებო შემწეობის მიმღებთა რიცხვი. კერძოდ, 2018-2022 წლებში საარსებო შემწეობის მიმღები მოსახლეობის რაოდენობა 48%-ით 648 ათასამდე გაიზარდა. შემწეობის მიმღები მოსახლეობის წილი კი 12%-დან 18%-მდეა გაზრდილი. სოციალური პროგრამების ხარჯების ზრდასთან ერთად, ასევე გაიზარდა საარსებო შემწეობის ხარჯებიც 251 მილიონი ლარიდან 609 მილიონ ლარამდე. სოციალური მომსახურების სააგენტოს ინფორმაციით, 2023 წლის აპრილში საარსებო შემწეობა 660 746 ადამიანმა მიიღო, მარტთან შედარებით მიმღებთა რაოდენობა 2.3%-იან კლებას აჩვენებს. აპრილის მდგომარეობით, ამ პროგრამაში უშუალოდ 33 924 ადამიანია ჩართული. რის ხარჯზე მცირდება ქვეყანაში სიღარიბის მაჩვენებლები? სტუმრები: თენგო კირთაძე - “ევროპული საქართველოს” წევრი; თაზო დათუნაშვილი - „ლელოს“ პოლიტსაბჭოს წევრი. #ახალიამბები #BusinessMediaGeorgia
კომერციულ მედიაცია დავის მოგვარების საკმაოდ სწრაფ და ხარჯეფექტურ ალტერნატივას წარმოადგენს. კომერციული მედიაცია ზოგავს პირველ რიგში დროს და სასამართლო ხარჯებს როგორც მოქალაქეებისთვის, ისე კომპანიებისთვის. დასავლეთის პრაქტიკა აჩვენებს, რომ ისეთ ქვეყნებში სადაც დავის გადაწყვეტის ალტერნატიული საშუალებებია განვითარებული, ინვესტორებისთვის ბაზარზე შემოსვლის დამატებით სტიმულს ქმნის. სტუმრები: ირინა გურგენაშვილი - Gnomon Wise-ის აღმასრულებელი დირექტორი, საერთაშორისო ურთიერთობების სპეციალისტი; ანა ხურციძე - საქართველოს მედიაციის ასოციაციის აღმასრულებელი საბჭოს წევრი, საქართველოს უნივერსიტეტის სამართლის სკოლის დირექტორი #ახალიამბები #BusinessMediaGeorgia
Paybox-ის სწრაფი გადახდის აპარატით კრიპტოვალუტის შეძენაა შესაძლებელი სტუმარი: ხვიჩა კოპინაძე - Cryptal-ის დირექტორი; #ახალიამბები #BusinessMediaGeorgia
ონლაინ სავაჭრო პლატფორმა - Automoby-ge ქართულ ბაზარზე უკვე წლებია ოპერირებს და მომხმარებელს მსოფლიოს ნებისმიერ წერტილში ავტომობილის შეძენის ან მისი გაყიდვის შესაძლებლობას აძლევს. ინტერნეტ მაღაზია ერთ სივრცეში ახალი და მეორადი ავტომობილების მომწოდებელი კომპანიების ავტო აუქციონებსა და ავტო სტოკებს აერთიანებს. ყველა დაინტერესებულ პირს შესაძლებლობა აქვს, პლატფორმაზე განთავსებული 500 000-ზე მეტი ავტომობილიდან მისთვის სასურველი მოდელი შეარჩიოს, დაჯავშნოს ან შეიძინოს. როგორც კომპანიის წარმომადგენლები ამბობენ, მათი მთავარი უპირატესობა მომხმარებლისთვის სწრაფი, მარტივი და ეფექტიანი სერვისის შეთავაზებაა. სტუმარი: ნინო ჩანადირი - Automoby.ge-ის მმართველი პარტნიორი; automoby.ge; 032 2 115522 #ახალიამბები #BusinessMediaGeorgia