რამდენიმე წლის წინ იმ დროისთვის ხელოვანებისათვის უფრო კარგად ნაცნობ და ახლობელ სივრცეში, გარიყულაში ქართული ცქრიალა ღვინის შაბიდონის წარმოება დაიწყო. მაშინ ამ ამბავს ბევრმა ალბათ სკეპტიკურადაც შეხედა, თუმცა შაბიდონი გარიყულადან წელს საერთაშორისო ღვინის გამოფენაზე პროფესიონალი შემფასებლებისგანაც და უბრალოდ მოყვარულებისგანაც პოზიტიურ შეფასებებს არ უჩიოდა. მალე ქართული ბიო შამპანურიც იქნება და ღვინოც, ამასაც თავისი ახლადჩაყრილი ვაზით და ვენახით უზრუნველყოფენ. იქამდე და უფრო მალე შაბათ კვირას თბილისთან ახლოს ბუნებაში, არაჩვეულებრივი ხედით და ადგილობრივი ღვინით მასპინძლობის შესაძლებლობა და ინფრასტრუქტურაც მოეწყობა. ჯაბა მუჯირი - „შაბიდონის" დამფუძნებელი ანნა ლაპიაშვილი - “საქმიანი დილას” წამყვანი #ახალიამბები #BusinessMediaGeorgia
მაისის სამომხმარებლო ფასების ინდექსის ჯამური დინამიკა პროგნოზთან სრულ შესაბამისობაშია, თუმცა, მომსახურების სფეროში ფასების ყოველთვიური მატება შედარებით მაღალია, რაც მაინც უფრო ერთჯერადი ფაქტორებით უნდა იყოს გამოწვეული. "თიბისი კაპიტალის" განახლებული ანგარიშით ვალუტების მიხედვით დეპოზიტების ყოველდღიური ინდიკატორების დინამიკა ლარის კურსის მიმართ სენტიმენტების ცვლილებაზე მიუთითებს, რაც უცხოური ვალუტის დეპოზიტების გაძლიერებულ ზრდაში გამოიხატება. სტუმარი: ოთარ ნადარაია - "თიბისის" მთავარი ეკონომისტი #ახალიამბები #BusinessMediaGeorgia
ამერიკულმა Forbes-მა 2023 წლის მსოფლიოს უდიდესი 2000 კომპანიის რეიტინგი – Global 2000 გამოაქვეყნა. ყოველწლიურ რეიტინგში შემავალი კომპანიები ოთხ ძირითად კომპონენტზე დაყრდნობით შეფასდა: შემოსავალი, მოგება, აქტივების რაოდენობა და საბაზრო კაპიტალიზაცია. მიმდინარე წლის სიაში შესული კომპანიების ჯამურმა შემოსავალმა 50.8 ტრილიონი, მოგებამ 4.4 ტრილიონი, აქტივების მოცულობამ 231 ტრილიონი, ხოლო საბაზრო ღირებულებამ 74 ტრილიონი დოლარი შეადგინა. რეიტინგს 611 წარმომადგენლით ამერიკის შეერთებული შტატები ლიდერობს, რომელსაც მეორე ადგილზე, Global 2000-ის 346 კომპანიით, ჩინეთი მოჰყვება. Forbes-ი სასტუმრო, სარესტორნო და დასასვენებელი ინდუსტრიის უდიდესი კომპანიების რეიტინგს ცალკე გამოყოფს. რომელი კომპანიები ხვდებიან ამ ინდუსტრიებიდან Global 2000-ის სიაში და რომელი მათგანი იკავებს ლიდერის პოზიციას? #ახალიამბები #BusinessMediaGeorgia
კომპანიამ ნუტრიმაქსი რიგით მეორე მაღალტექნოლოგიური საწარმო გახსნა, რომელიც ძაღლების, კატებისა და აკვაკულტურისათვის მშრალი საკვების წარმოებაზეა სპეციალიზებული. პროექტი მსოფლიოში წამყვანი კომპანიების სპეციალისტთა აქტიური ჩართულობითა და პარტნიორობით განხორციელდა. “ნუტრიმაქსი” 2021 წლიდან საქართველოს ბიზნეს ასოციაციის წევრი კომპანიაა. ახალი საწარმო პროგრამა „ აწარმოე საქართველოს“ მხარდაჭერით გაიხსნა. საწარმო, რომელიც ძაღლის, კატისა და აკვაკულტურის მშრალი საკვების წარმოებაზე იმუშავებს ,25 000 ტონა ექსტრუდირებული საკვების წარმოებაზეა გათვლილი. #ახალიამბები #BusinessMediaGeorgia
#საქმიანიდილა - 16 ივნისი - პროლოგი #ახალიამბები #BusinessMediaGeorgia
"ეროვნული ბანკის შესახებ“ ორგანულ კანონში განხორციელებული ცვლილებების პროექტზე პრეზიდენტის ვეტო დაძლეულია. კანონპროექტს ეროვნული ბანკის შესახებ პრეზიდენტმა ვეტო 23 თებერვალს დაადო. სალომე ზურაბიშვილი განმარტავდა, რომ "ეროვნული ბანკის შესახებ" ორგანულ კანონში ცვლილებები არც საჭირო, არც საჩქარო და არც არგუმენტირებული არ იყო. ვეტოს დაძლევით კი პარლამენტმა მხარი დაუჭირა ეროვნული ბანკის შესახებ ორგანულ კანონში ცვლილებების შეტანას. ამ ცვლილებით, სებ-ში გაჩნდება პირველი ვიცე-პრეზიდენტის პოსტი, რომელიც სებ-ის პრეზიდენტის არყოფნის პერიოდში მის მოვალეობას შეასრულებს. ამასთან, იქამდე სანამ ერთ-ერთ ვიცე-პრეზიდენტს არ გაუვა უფლებამოსილების ვადა, დროებით შემოდის დათქმა, რომ ვიცე-პრეზიდენტების რაოდენობა სამის ნაცვლად, იქნება ოთხი და მათ შორის ერთი პირველი ვიცე-პრეზიდენტი იქნება. კანონში არსებული ეს ჩანაწერი პირდაპირ მიემართება სებ-ის ვიცე-პრეზიდენტ არჩილ მესტვირიშვილს, რომელიც ამჟამად სებ-ის პრეზიდენტის მოვალეობის შემსრულებელია. მას უფლებამოსილების ვადა დეკემბერში ეწურება. ამდენად, უნდა ვივარაუდოთ, რომ სანამ არჩილ მესტვირიშვილს სებ-ის საბჭოში გაუვა ვადა, ეროვნული ბანკის საბჭო კიდევ ერთ ვიცე-პრეზიდენტს დანიშნავს. სალომე ზურაბიშვილის განცხადებით, ეს კანონპროექტი არასაჭირო იყო და ის ეროვნულ ბანკზე ხელისუფლების მიერ კონტროლის მოპოვებას ემსახურებოდა. ანალოგიურად მკაცრი შეფასება ჰქონდა კანონპროექტთან დაკავშირებით საერთაშორისო სავალუტო ფონდის მისიასაც. სტუმარი: გიორგი კეპულაძე - „საზოგადოება და ბანკების“ გამგეობის თავმჯდომარე #ახალიამბები #BusinessMediaGeorgia
16 ივნისს USAID ორგანიზებით განახლებადი ენერგიის საინვესტიციო კონფერენცია გაიმართება. კონფერენციის მიზანს ენერგეტიკის სექტორში ჩართულ უმთავრეს უწყებებს შორის განახლებადი ენერგიის განვითარების შესაძლებლობების შესახებ ცნობიერების ამაღლება და გამოცდილების გაზიარება წარმოადგენს. ამ გზით, USAID კერძო სექტორთან ახალი თანამშრომლობების დამყარების შესაძლებლობას ქმნის, რათა თანამედროვე გადაწყვეტილებების გზით მოხდეს განახლებადი ენერგიის სოციალური და ეკონომიკური სარგებლის მიღება. ღონისძიებას ვიცე-პრემიერ მინისტრი და ეკონომიკისა და მდგრადი განვითარების მინისტრი, ლევან დავითაშვილი და USAID-ის მისიის დირექტორი, ჯონ პენელი გახსნიან. სტუმრები: ანი სტიდი - აშშ-საერთაშორისო სააგენტოს ეკონომიკური ოფისის დირექტორის მოადგილე; ივანე პირველი - USAID-ის საქართველოს ენერგეტიკული მომავლის უზრუნველყოფის პროგრამის ხელმძღვანელი. #ახალიამბები #BusinessMediaGeorgia
„მონოლით გრინ სითი“ - ასე ჰქვია ახალ უბანს ძველ თბილისში, რომელსაც ორთაჭალაში, მონოლით ჯგუფი აშენებს. კომპლექსი 1.5 კმ-მდე მანძილითაა დაშორებული ისეთ ტურისტულ ადგილებს, როგორიცაა აბანოთუბანი, მეტეხის ხიდი, ნარიყალას ციხე, ბოტანიკური ბაღი და რიყის მოედანი. კომპლექსი 12 ჰექტარზეა გადაჭიმული და 21 საცხოვრებელ ბლოკს მოიცავს. მშენებლობა სამ ეტაპად განხორციელდება, პირველი ეტაპის სამუშაოები უკვე დასრულებულია, მეორე ეტაპი 2023 წლის დეკემბერში, ხოლო მესამე 2024 წლის დეკემბერში დასრულდება. ამ ეტაპზე კომპანია მომხმარებელს საზაფხულო აქციას სთავაზობს, რა შეთავაზებით ისარგებლებენ დაინტერესებული პირები? სტუმარი: თამუნა როსტიაშვილი - „მონოლოთ ჯგუფის“ მარკეტინგისა და გაყიდვების დირექტორი; #ახალიამბები #BusinessMediaGeorgia
მწვანე ენერგია და ენერგოეფექტური ტექნოლოგიები - არასამთავრობო ორგანიზაციამ Georgian Environmental Outlook (GEO) სასტუმროებისათვის გზამკვლევი პროექტის „მწვანე ენერგიის ტექნოლოგიების გავრცელების დაჩქარება ტურიზმის სექტორში“ ფარგლებში შეიმუშავა, რომელიც ინფორმაციას მცირე და საშუალო ზომის სასტუმროებისათვის გამოყენებადი ენერგოეფექტური ტექნოლოგიების შესახებ მოიცავს და თავის მხრივ სექტორში ბაზრის კვლევას ეყრდნობა. რისთვის არის ეს კატალოგი, რა ინფორმაციას უყრის ჯამში თავს და როგორ მოხდება ადრესატებამდე საჭირო ინფორმაციის მიტანა? სტუმრები: ნინო მალაშხია - პროექტის „მწვანე ენერგიის ტექნოლოგიების გავრცელების დაჩქარება ტურიზმის სექტორში“ მენეჯერი; ირაკლი ყიფიანი - ენერგოეფექტურობის საკითხების ექსპერტი #ახალიამბები #BusinessMediaGeorgia
Galt&Taggart;-ის პლატფორმა, რომელიც მომხმარებელს წვდომას 35,000-ზე მეტ საინვესტიციო ინსტრუმენტზე, 45-ზე მეტ საერთაშორისო ბირჟასა და რეგიონულ, ძნელად მისაწვდომ ფინანსურ ბაზარზე აძლევს, G&T Trader-ის აპლიკაციას სთავაზობს. სიახლით პლატფორმა მომხმარებლისთვის უფრო კომფორტული და უფრო მოქნილი უნდა იყოს და აპლიკაციაზე წვდომა შესაძლებელია როგორც სახის ამოცნობის სისტემის, ასევე თითის ანაბეჭდის სენსორის გამოყენებით. საინვესტიციო ბანკი განმარტავს, რომ მომხმარებლის ინდივიდუალურ სურვილებზე მორგებული გამოცდილების შესაქმნელად კი აპლიკაციას აქვს როგორც მუქი თემის (Dark Mode), ასევე თეთრი თემის (White Mode) ფუნქციაც. სტუმარი: დავით ნიშნიანიძე - "გალტ & თაგარტის" საბროკერო მიმართულების ხელმძღვანელი; ლიკა აფანასევა - "გალტ & თაგარტის" უფროსი ასოცირებული ბროკერი; #ახალიამბები #BusinessMediaGeorgia
#საქმიანები: გერმანელი მწერალი ქართული წარმომავლობით და გერმანულენოვანი ქართველი მწერალი - ნინო ხარატიშვილი ნინო ხარატიშვილი - მწერალი, რეჟისორი; ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
“მეტავერსის” მიმართ ანუ ონლაინ სამყაროს მიმართ, სადაც ადამიანებს ვირტუალურ გარემოში შეუძლიათ თამაში, მუშაობა, კომუნიკაცია და არამარტო - ინტერესი მუდმივად მზარდია. ამას ადასტურებს ისიც, რომ ყოველწლიურად სულ უფრო მეტი კომპანია ახდენს მეტავერსში ინვესტირებას. რომელი ინდუსტრიები ლიდერობენ მეტავერსში ინვესტირების მიმართულებით და რატომ არის ეს ბიზნესისთვის კარგი გადაწყვეტილებას? #ახალიამბები #BusinessMediaGeorgia
„m2 მთაწმინდის პარკთან“ მშენებლობას იწყებს, სახელიც შესაბამისია, ოქროყანაში, პარკის მიმდებარედ „m2 მთაწმინდის პარკთან“ 20 ჰექტარზე განთავსებული, 175 სახლისაგან შემდგარი კომპლექსი იქნება, რომელიც 6 ცალკე მდგომ, 5-სართულიან ენერგოეფექტურ შენობას გააერთიანებს. როგორია პროექტის კონცეფცია, როდიდან იწყება გაყიდვები და რა ვადაში მიიღებენ მომავალი მფლობელები დასრულებულ პროექტში ცხოვრების შესაძლებლობას? სტუმარი: სალომე ლაზიშვილი - m²-ის გაყიდვების ხელმძღვანელი #ახალიამბები #BusinessMediaGeorgia
ლიბერთიმ ევექსთან განახლებული მემორანდუმი გააფორმა და სიახლეებიც დააანონსა. მემორანდუმის ფარგლებში, გრძელდება პროექტი, რომლითაც ლიბერთის სოციალური ბარათის მფლობელები, ევექსის 34 კლინიკაში მთელი საქართველოს მასშტაბით, სპეციალური პირობებით სარგებლობენ. მიმდინარე პროექტს, განახლებული მემორანდუმის ფარგლებში, უახლოეს მომავალში ახალი შეთავაზება დაემატება. ასაკით პენსიონერები, ყველა ის ადამიანი, რომელიც სახელმწიფო პენსიის მიმღები პირი გახდება, ლიბერთის სოციალურ ბარათთან ერთად საჩუქრად, ევექსის 150 ლარიან ვაუჩერს მიიღებს და ევექსის ნებისმიერ ფილიალში, ერთჯერადი ვიზიტის დროს, წინასწარ შერჩეული 3 სახის სამედიცინო მომსახურებით ისარგებლებს. ევექსის სასაჩუქრე ვაუჩერით სარგებლობა შესაძლებელი იქნება მისი მიღებიდან 2 თვის განმავლობაში. #ახალიამბები #BusinessMediaGeorgia
სულ რამდენიმე დღის წინ მესტიაში ზაფხულის ტურისტული სეზონი ოფიციალურად გაიხსნა. ვიზიტორების მისაღებად მზადაა ასევე ჰაწვალისა და ზურულდის საბაგიროები, რომლებიც დამსვენებლებს უკვე ყოველდღე, 11-დან 17 საათამდე იღებს. BMG დაინტერესდა, თუ როგორ ხვდება სეზონის დაწყებას მესტიის სტუმარ მასპინძლობის სექტორი, რა მოლოდინები აქვთ და ასევე, რა პრობლემების წინაშე დგანან? #ახალიამბები #BusinessMediaGeorgia
საქართველოში Starring Georgia-ს ფარგლებში დაგეგმილი კონცერტები სტარტს სულ მალე აიღებს. კამპანიის ფარგლებში ქვეყანაში რამდენიმე საერთაშორისო არტისტი კონცერტს გამართავს. კონცერტების ბილეთების საფასურმა საზოგადოებაში აზრთა სხვადასხვაობა გამოიწვია, ამიტომ გადავწყვიტეთ, საქართველოში არსებული ფასები სხვა ქვეყნებში, ამავე არტისტების კონცერტების ბილეთების საფასურთან შეგვედარებინა. #ახალიამბები #BusinessMediaGeorgia
,,ევექსი“-ს ქსელს ახალი პოლიკლინიკა თბილისში, საბურთალოს რაიონში შეემატა. ცინცაძის 24 ნომერში მდებარე ახლად გახსნილი პოლიკლინიკა ახალი სამედიცინო აპარატურითაა აღჭურვილი და მაღალი კვალიფიკაციის მქონე ექიმებითა არის დაკომპლექტებული. თანამედროვე ინფრასტრუქტურის მქონე კლინიკაში, მომხმარებლებს შესაძლებლობა აქვთ სრული ამბულატორიული მომსახურება მიღონ, რაც ოჯახის ექიმის, პედიატრის, ექიმ-სპეციალისტების კონსულტაციებსა და ლაბორატორიული და ინსტრუმენტული გამოკვლევების სრული სპექტრის ჩატარებას გულისხმობს. აღსანიშნავია ისიც, რომ პოლიკლინიკაში მომხმარებლები სხვადასხვა სამედიცინო სერვისებზე 100%-მდე დაფინანსებით ისარგებლებენ და ასევე, საჩუქრად 150 ლარიან ვაუჩერს მიიღებენ. უფრო მეტს, რას სთავაზობს ევექსის ახალი პოლიკლინიკა მომხმარებელს? #ახალიამბები #BusinessMediaGeorgia
#საქმიანიდილა - 15 ივნისი - პროლოგი #ახალიამბები #BusinessMediaGeorgia
ჰაერის ხარისხის გაუმჯობესების მიზნით, მთავრობის გადაწყვეტილებით საქართველოდან კატალიზატორების ექსპორტი აიკრძალება. შეზღუდვა მომდევნო დღეებში ამოქმედდება, როდესაც შესაბამის დადგენილებას ხელი მოეწერება. მთავრობის განცხადებით, შეზღუდვა სამი წლით იმოქმედებს. პრემიერის თქმით, ჰაერის დაბინძურების მიმართულებით ქვეყანაში კატალიზატორების გარეშე მოძრავი ავტომობილები მთავარ პრობლემას ქმნიან. კატალიზური კონვერტერის დანიშნულება შიგა წვის პროცესის მიერ გამოყოფილი გამონაბოლქვი აირების განეიტრალებაა, ამით ავტომობილის ემისიების და გარემოს დაბინძურების შემცირება ხდება. შემოსავლების სამსახურის ინფორმაციით, ყოველწლიურად ქვეყნიდან 15 მილიონ დოლარზე მეტი ღირებულების კატალიზატორების ექსპორტი ხორციელდებოდა. ბოლო 9 წლის განმავლობაში საქართველოდან უცხოეთში 98 მილიონი დოლარის კატალიზატორები გავიდა ექსპორტზე. შემოსავლების სამსახურის ინფორმაციით, წლების მიხედვით, საქართველოდან ყველაზე მეტი კატალიზატორი 2021 წელს გავიდა, რამაც 31 მილიონი დოლარი შეადგინა, მეორე ადგილზეა 2020 წელი - 16.9 მილიონი დოლარის ექსპორტით. კატალიზატორების ძირითადი წყარო ქვეყანაში შემოსული მეორადი ავტომობილებია, რომლებსაც მეპატრონეები/რეალიზატორები დამატებითი შემოსავლების მისაღებად კატალიზატორებს ხსნიან. კატალიზური კონვერტერების ღირებულებას მასში შემავალი ფერადი ლითონები განაპირობებს. რას შეცვლის კატალიზატორების ექსპორტის შეზღუდვა? სტუმარი: გიორგი ჯაფარიძე - მოძრაობა "ჩემი ქალაქი მკლავს" დამფუძნებელი. #ახალიამბები #BusinessMediaGeorgia
ჯანდაცვის შესახებ კანონში ცვლილებებზე ვისაუბრებთ და ამჯერად კლინიკების პოზიციას მოვისმენთ. როგორც იცით, პარლამენტმა უკვე დაიწყო განხილვა “ჯანმრთელობის დაცვის შესახებ” კანონპროექტის, რომლის მიხედვითაც ჯანდაცვის სამინისტროს რეგულირების სააგენტოს ენიჭება როგორც კლინიკების, ისე ფარმაცევტული კომპანიების ნებისმიერ დროს, სასამართლოს გადაწყვეტილების გარეშე შესვლის უფლებამოსილება. იზრდება საჯარიმო სანქციებიც, რაც დაუყოვნებლივ აღსრულებას დაექვემდებარება. რეგულირების სააგენტოს ინსპექტორებს ასევე შეეძლებათ დაწესებულების გაჩერების გადაწყვეტილებაც მიიღონ, თუმცა პარლამენტში საკომიტეტო განხილვისას სამინისტროს წარმომადგენლებმა დააზუსტეს, რომ ამ გადაწყვეტილების აღსრულებას სასამართლოს დადასტურება დასჭირდება. ჯანდაცვის სამინისტრო ცვლილებების მიღების საჭიროებას პაციენტების ინტერესების დაცვით ხსნის. რატომ არის კლინიკებისთვის მიუღებელი ის ცვლილებები, რომელსაც კანონპროექტი ითვალისწინებს? სტუმარი: ნიკოლოზ ფრუიძე - "კონსილიუმ მედულას" დირექტორი #ახალიამბები #BusinessMediaGeorgia
მთავრობა კიდევ ერთ კანონპროექტს ამზადებს. კერძოდ, მედიცინის დახმარებით რეპროდუქცია, როგორც სუროგაციის გზით, ისე ინვიტრო განაყოფიერებით, მხოლოდ საქართველოს მოქალაქეებისთვის იქნება დასაშვები. ჯანდაცვის მინისტრის განცხადებით, გამომდინარე იქიდან, რომ დაურეგულირებელი იყო სფერო, არ არსებობდა მიდევნების საშუალება, სად მიდიოდნენ სუროგაციის გზით გაჩენილი ბავშვები, იკვეთებოდა ტრეფიკინგის რისკებიც. აღნიშნული გადაწყვეტილებით კი, ხდება ყველა შესაძლო დანაშაულის გადაზღვევა, რაც შესაძლოა პროცესს თან ახლდეს. ჯანდაცვის მინისტრის თქმითვე, განისაზღვრება სამედიცინო დაწესებულების არაკეთილსინდისიერი, არაეთიკური თუ უკანონო საქმიანობის კონტროლის მექანიზმებიც. „არსებობს ინფორმაციები, შეიძლება ერთსქესიან წყვილებს გაჰყავთ აქ დაბადებული ბავშვები და უამრავი პრობლემა შეიძლება იყოს“- ასე ახსნა პრემიერმა სფეროს რეგულირების საჭიროება. ჯანდაცვის მინისტრის ინფორმაციით, 5 წლის წინ თუ სუროგაციის და დონორობის გზით დაბადებული 1000 შემთხვევა ფიქსირდებოდა, დღეს წლიურად უკვე 2000-ზე მეტი შემთხვევაა, საიდანაც უმრავლესობა უცხოელები არიან. რას შეცვლის დარგში უცხო ქვეყნის მოქალაქეებისთვის სუროგაციისა და ინ ვიტრო განაყოფიერების სერვისების შეზღუდვა? სტუმარი: ნინო მუსერიძე - ქართულ-გერმანული რეპროდუქციული ცენტრის (GGRC) დამფუძნებელი და კლინიკური დირექტორი; #ახალიამბები #BusinessMediaGeorgia
კანონპროექტი, რომელიც 2020 წელს, საკმაოდ ხმაურიანი განხილვების შემდეგ კენჭისყრიდან ჩაიხსნა, პარლამენტის დღის წესრიგს 3 წლის შემდეგ დაუბრუნდა. “ჯანმრთელობის დაცვის შესახებ” კანონპროექტით, ჯანდაცვის სამინისტროს რეგულირების სააგენტოს ენიჭება სახელმწიფო კონტროლს დაქვემდებარებულ ობიექტებზე ნებისმიერ დროს, სასამართლოს გადაწყვეტილების გარეშე შესვლის უფლებამოსილება. იზრდება საჯარიმო სანქციებიც, რაც დაუყოვნებლივ აღსრულებას დაექვემდებარება. ამჯერად, სააგენტოს სასამართლოს ნებართვის გარეშე არამხოლოდ კლინიკების, არამედ ფარმაცევტული კომპანიების შემოწმების უფლებაც ექნება. სამინისტროს მესვეურებმა განმარტეს, რომ საქმე ეხება რეფერენტულ ფასებთან დაკავშირებული შემოწმების შესაძლებლობას კომპანიების წინასწარი გაფრთხილების გარეშე. როგორც 2020 წელს, ამჯერადაც ჯანდაცვის სამინისტრო ცვლილებების დაჩქარებული წესით განხილვას ითხოვდა, თუმცა პარლამენტის ადამიანის უფლებების დაცვის კომიტეტზე მიღებული გადაწყვეტილებით, კანონპროექტის განხილვა სტანდარტული წესით გაგრძელდება. როგორც კლინიკები, ისე ფარმაცევტული კომპანიები არ ეთანხმებიან რეგულირების სააგენტოსთვის სასამართლო სისტემის უგულებელყოფის გზით უფლებამოსილების გაზრდას. სექტორს მიაჩნია, რომ მეწარმე დარჩება მხოლოდ მაკონტროლებელი ორგანოს პირისპირ და დამოკიდებული იქნება მხოლოდ მის კეთილსინდისიერებასა და კეთილგანწყობაზე. სტუმარი: ილონა კოკიაშვილი - "ფარმაცევტული კომპანიების ასოციაციის" აღმასრულებელი დირექტორი. #ახალიამბები #BusinessMediaGeorgia
ორბი ჯგუფის და ბლოკის 300 მლნ აშშ დოლარის ღირებულების სამშენებლო პროექტს „ცენტრალ პარკ თაუერს“ რისკების მართვისა და სადაზღვევო კომპანია "გლობალ ბენეფიტს ჯორჯია" დააზღვევს. "გლობალ ბენეფიტს ჯორჯიას" სადაზღვევო პაკეტის ჯამური პრემია 1 მლნ ლარია და ის მსხვილი სამშენებლო რისკების დაზღვევას მოიცავს. დაზღვეულია მშენებლობის პროცესის სრული ციკლი ყველა დამდგარი რისკისგან, რომელიც მოიაზრებს, როგორც მშენებლობის პროცესში, ასევე მშენებლობის დასრულების შემდგომ არსებული ხარვეზების გამოვლენას და მის ანაზღაურებას მშენებლობის დასრულებიდან შემდგომი 2 წლის განმავლობაში. სტუმრები: ნინა კობახიძე - სადაზღვევო კომპანია „გლობალ ბენეფიტს ჯორჯია“ - სამეთვალყურეო საბჭოს თავმჯდომარის მოადგილე; ირაკლი კვერღელიძე - "ორბი ჯგუფის" გენერალური დირექტორი; #ახალიამბები #BusinessMediaGeorgia
2011 წელს დაფუძნებული ციტადელი ფართოვდება. წლების განმავლობაში კომპანიისა და საერთაშორისო თანამშრომლობის ზრდასთან ერთად მნიშვნელოვნად გაიზარდა და გაფართოვდა პროდუქციის ჩამონათვალი რომელიც თბილისში, ქუთაისსა და ბათუმში 6 სავაჭრო სივრცეშია ხელმისაწვდომი ფართოვდება. კომპანიის პირველი საქმიანობა B2B მიმართულება იყო, თუმცა 2020 წლიდან Retail-ის განვითარება აქტიურად დაიწყეს შემდეგი გაჩერება ბათუმში განახლებული მაღაზიის გახსნა იქნება. სტუმარი: ლევან გახელაძე - "ციტადელის" კომერციული დირექტორი. #ახალიამბები #BusinessMediaGeorgia
საყოფაცხოვრებო ნარჩენების მართვის ინოვაციური სტარტაპი ციფრული ტექნოლოგიების დახმარებით, ადამიანებს დროის დაზოგვასა და კომფორტს ჰპირდება და Pickup-ის აპლიკაციით მომხმარებელს საშუალება ეძლევა, სახლიდან გაუსვლელად, თავიდან აირიდოს ნარჩენების გატანასთან დაკავშირებული უსიამოვნებები. არადა ნარჩენების სწორად მართვა თანამედროვეობაში მნიშვნელოვანი და აუცილებლად გადასაჭრელი პრობლემაა. მსოფლიო ბანკის მონაცემებით, თუ არსებული ტენდენციები შენარჩუნდება, 2050 წლისთვის დედამიწაზე ნარჩენების რაოდენობა 70%-ით გაიზრდება და 3.4 მილიარდ ტონას მიაღწევს. ეს კი გარემოზე, ადამიანების ჯანმრთელობასა და კეთილდღეობაზე განსაკუთრებულად მავნე ზემოქმედებას მოახდენს. სტუმარი: ამირან ანანიაშვილი - Pickup-ის დამფუძნებელი #ახალიამბები #BusinessMediaGeorgia
„ჯანმრთელობის დაცვის შესახებ“ კანონში დაგეგმილ ცვლილებებს პარლამენტი დაჩქარებული წესით აღარ განიხილავს. ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის მიხეილ სარჯველაძის ინფორმაციით, პროექტის განხილვა სტანდარტული წესით გაგრძელდება, მისივე განმარტებით ამის მიზეზი რიგი საკითხების სიღრმისეულად გაანალიზების საჭიროებაა. რაც შეეხება კანონში ცვლილებებს, რომლის განხილვის ვადებიც შეიცვალა, ეს უკავშირდება მთავრობის საკანონმდებლო პაკეტის საფუძველზე სამედიცინო და ფარმაცევტული საქმიანობის რეგულირების სააგენტოს უფლებამოსილებების გაზრდას და ფუნქციების გაძლიერებას. "ჯანმრთელობის დაცვის შესახებ“ კანონში დაგეგმილი ცვლილებების მიხედვით, მაკონტროლებელ ორგანოს სახელმწიფო კონტროლს დაქვემდებარებულ ობიექტებზე თავისუფლად, წინასწარი შეტყობინების გარეშე, ნებისმიერ დროს შესვლის, მასალის, ნივთის და ა.შ. გამოთხოვის შესაძლებლობა, ასევე საზედამხედველო ობიექტის დათვალიერების, ხელშეუხებლობის მოთხოვნის, დალუქვის და ამოღების უფლებამოსილებები ენიჭება. ასევე, ადმინისტრაციულ სამართალდარღვევების საქმეების წარმოების მოდერნიზაციის მიზნით, მაკონტროლებელ ორგანოს ეძლევა უფლებამოსილება, გამოიყენოს ელექტრონული საჯარიმო ქვითარი. ცვლილებების შემთხვევაში რეგულირების სააგენტოს შეეძლება შეუჩეროს საქმიანობის უფლება მაღალი რისკის შემცველი სამედიცინო საქმიანობის მიმწოდებელს. მოქმედი კანონმდებლობით კი, ამის გაკეთება რეგულირების სააგენტოს სასამართლოს გადაწყვეტილების გარეშე არ შეუძლია. ჯანდაცვის მინისტრის განმარტებით, კლინიკის საქმიანობის შეჩერების შესახებ გადაწყვეტილებას იღებს სასამართლო, მიმართვიდან 72 საათის ვადაში. „ლიცენზიებისა და ნებართვების“ შესახებ კანონში ცვლილებების პროექტშია აღნიშნულია, რომ ცვლილებებით, უფრო მოქნილი და ეფექტიანი გახდება სამედიცინო დაწესებულებების კონტროლის მექანიზმი. რა აქვს საქართველოს პარლამენტს დასაზუსტებელი და რას ელის სექტორი? სტუმარი: ლევან გოგიბერიძე - საქართველოს ფარმაცევტთა ასოციაციის პრეზიდენტი; #ახალიამბები #BusinessMediaGeorgia
ანგარიშსწორების საერთაშორისო ბანკის უახლესი მონაცემების მიხედვით, საცხოვრებელი ბინების ფასები ბოლო 3 წელია, ყოველწლიურად საშუალოდ 6%-ით იზრდება. 2022 წლის მეოთხე კვარტლის მონაცემებით, საცხოვრებლის ფასები 57 ქვეყანაში შეიცვალა და ქვეყნების უმეტეს ნაწილში ეს ცვლილება ფასების ზრდითაა გამოხატული. მსოფლიოს მასშტაბით, სად გაძვირდა ყველაზე მეტად საცხოვრებელი უძრავი ქონება? ლიკა მეგუთნიშვილი - BMG-ის რეპორტიორი; #ახალიამბები #BusinessMediaGeorgia
თამარ გაბუნიას ამერიკული ბიზნეს-გეგმები თამარ გაბუნია - „მედვიზიტ გლობალის“ დამფუძნებელი; ავტორები: ნინი ლონგურაშვილი, ლაშა-გიორგი მახარაძე, რევაზ ნასიძე #ახალიამბები #BusinessMediaGeorgia
საქართველოში ელექტრომობილების იმპორტი ისტორიულ მაქსიმუმზეა. 2023 წლის 4 თვეში, ქვეყანაში 15.9 მილიონი დოლარის ღირებულების 545 ერთეული ელექტრო ძრავაზე მომუშავე ავტომობილი შემოვიდა, რაც წელიწადის ამ დროისთვის დაფიქსირებული ისტორიული მაქსიმუმია. საიმპორტო ღირებულება წინა წლის მაჩვენებელს, 4.97 მილიონ დოლარს, 220%-ით აღემატება. რაოდენობა კი 2022 წლის 177 ერთეულიდან 208%-ითაა გაზრდილი. როგორც ვნახეთ, ამ ეტაპზე ინფრასტრუქტურის ნაწილი ამ ეტაპზე კომპანიებისთვისაც და ელექტრომობილების მფლობელებისთვისაც, მთავარ პრობლემად რჩება. ელექტრომობილების მძღოლებს დამტენი სადგურების არარსებობის შემთხვევაში განსაკუთრებით რეგიონის მასშტაბით ტრანსპორტის დამუხტვა უჭირთ. #ახალიამბები #BusinessMediaGeorgia
თბილისის ზოოპარკი ვერეს წყალდიდობიდან 9 წლის შემდეგ #ახალიამბები #BusinessMediaGeorgia
#საქმიანიდილა - 14 ივნისი - პროლოგი #ახალიამბები #BusinessMediaGeorgia
14 ივნისის კალენდარი: 14 ივნისი - კომუნისტური რეჟიმის მსხვერპლის დღე ბალტიის ქვეყნებში; 14 ივნისი - საემიგრაციო სამსახურის მუშაკის დღე რუსეთში; 14 ივნისი - მშვიდობის დღე პარაგვაიში; 14 ივნისი - დროშის დღე აშშ-ში; 14 ივნისი - მულტფილმის “ბემბი” პრემიერის დღე; 14 ივნისი - პირველი კომპიუტერის „UNIVAC 1“-ის სადებიუტო გაყიდვები; 14 ივნისი - გერმანიის ფაშისტური რეჟიმის ჯარის მიერ პარიზის აღების დღე; 14 ივნისი - „შენგენის ხელშეკრულების“ გაფორმების დღე; 14 ივნისი - ირანში კერძო ბანკის გახსნის დღე; ვინ დაიბადა 14 ივნისს? #ახალიამბები #BusinessMediaGeorgia
ყველაზე პატიოსანი ტაქსისტი მსოფლიოში #ახალიამბები #BusinessMediaGeorgia
როგორი ზაფხული გველოდება 2023-ში? ეს ის პერიოდია, როცა უნდა დავიწყოთ ფიქრი, რა მიმართულებით გვირჩევნია დასვენება. სტუმარი: ნიკა გოგოლაძე - Turebi.ge-ის დამფუძნებელი. #ახალიამბები #BusinessMediaGeorgia
10 ქართული სტარტაპი და 25 მდე საექსპორტო პროდუქტი ერთ საგამოფენო სივრცეში Globalize-ის გუნდის დახმარებით მსოფლიოს დედაქალაქში კიდევ ერთი შანსის გამოყენებისთვის შეიკრიბა. სილიკონის ველი, პარიზი, ლონდონი და ახლა უკვე ნიუ იორკი - დიდი ხმაურიანი ქალაქები Globalize-ის ხმაურიანი იდეების რეალობად ქცევისთვის ბაზარზე დაკვირვების კარგი შესაძლებლობა და მომავალში კიდევ უფრო ამბიციური მიზნების მისაღწევად კარგი სამუშაო მასალა აღმოჩნდა. ტრადიციულად, Globalize-ის მიზნებს და იდეებს BMG-იც აქტიურად მიყვება და ჩვენი იქ ყოფნაც, თქვენთვის კარგი ამბების გაზიარების შესაძლებლობად გვექცა. როგორი იყო ამერიკული კონფერენცია? სტუმრები: სალომე კუკავა - Globalize-ის დამფუძნებელი; ქეთი მგელიაშვილი - Globalize-ის ექსპორტის მიმართულების ხელმძღვანელი. #ახალიამბები #BusinessMediaGeorgia
2024 წლის პირველი იანვრიდან საქართველოში 2013 წლამდე გამოშვებული ავტომობილების იმპორტი აიკრძალება, - ამის შესახებ საქართველოს პრემიერ-მინისტრმა, ირაკლი ღარიბაშვილმა განაცხადა. პრემიერმა მთავრობის ეს გადაწყვეტილება მათ შორის ჰაერის დაბინძურების მაღალი ხარისხით ახსნა. პრემიერის განმარტებით, აღნიშნული თარიღებიდან ქვეყანაში ვეღარ დარეგისტრირდება ევრო 5-ის სტანდარტზე ნაკლები ავტომობილი. ეს რეგულაცია მსუბუქი ავტომობილებისთვის 2024 წლის პირველი იანვრიდან შედის, ხოლო ავტობუსების და სატვირთო ავტომანქანებისთვის 2025 წლის პირველი იანვრიდან. სტუმარი: ალექსი ნონიაძე - “საქართველოს ავტოიმპორტიორთა ასოციაციის” დამფუძნებელი. #ახალიამბები #BusinessMediaGeorgia
საავტორო უფლებების ასოციაციამ გუშინ ბრიფინგი გამართა, სადაც კომპანია "გერას" რუსული გავლენების შესახებ ისაუბრეს. როგორც გიგა კობალაძე ამბობს, "გერა" არის კომპანია, რომელიც რუსეთის ფედერაციას სანქციებისგან თავის არიდებაში ეხმარება. საუბარია, რომ საავტორო და მომიჯნავე უფლებების შესახებ კანონში შესაძლოა ცვლილებები შევიდეს. ახალი რეგულაციის მიხედვით კი, კანონი საქართველოს საავტორო ბაზარზე ახალი კომპანიის, "გერას" ფუნქციონირებას დაუშვებს, რომელსაც საქართველოს საავტორო საზოგადოება რუსეთთან მჭიდრო კავშირებში ადანაშაულებს. ასევე საავტორო უფლებების დასრულების შემდეგ, გუშინვე, პარლამენტის კულტურის კომიტეტმა პირველი მოსმენით განიხილა და მხარი დაუჭირა „საავტორო და მომიჯნავე უფლებების შესახებ“ კანონში შესატან ცვლილებებს. ცვლილებებთან მიმართებით ქართველი ავტორ/შემსრულებლების მოსაზრებები გაყოფილია. Მათი ნაწილი ბაზრის რეგულაციის აუცილებლობაზე საუბრობს, ამბობენ, რომ მესამე პირების მიერ საავტორო უფლებების გამოყენებისთვის გადახდილი თანხებიდან საკმარისი ოდენობის ჰონორარს ვერ იღებენ. ეს კანონპროექტი კი, ბაზარზე არსებული გამოწვევებს გამოასწორებს. სტუმარი: გიგა კობალაძე - საქართველოს საავტორო უფლებათა ასოციაციის ხელმძღვანელი; #ახალიამბები #BusinessMediaGeorgia
ხელოვნური ინტელექტი როგორც ინტერნეტი ეპოქის გადატრიალების მსგავსი ახალი ეტაპი თანამედროვეობაში - ერთი მხრივ სამუშაო ძალის, პროცესების დაჩქარების, მეტი შესაძლებლობის და კიდევ უფრო მეტი ცოდნის სწრაფად მართვის შესაძლებლობა გარდა თანამედროვეობის ცვლილებისა რეალურად ცვლის საერთაშორისო ბაზრებსაც. სინამდვილეში ტერმინი ხელოვნური ინტელექტი 5 ათწლეულზე მეტია არსებობს, მხოლოდ 2 ათწლეულია, რაც მსოფლიომ დაიწყო მისი უზარმაზარი პოტენციალის რეალიზება. ხელოვნურ ინტელექტს აქვს უამრავი აპლიკაცია ისეთ სფეროებში, როგორიცაა ბუნებრივი ენის დამუშავება, სიმულაციები, რობოტიკა და მეტყველების ამოცნობა და რაც უფრო აქტიურად გამოვიყენებთ მას მით მეტად ჭკვიანდება და მით მეტად იზრდება მოთხოვნაც. მოთხოვნას მიწოდება მოჰყვება და სულ უფრო მეტი კომპანია ჩნდება ბზარზე, ზოგ შემთხვევაში ვიწრო პროფილური, ზოგ შემთხვევაში უფრო მასშტაბური. სტუმარი: გიგი ცქიტიშვილი - Galt&Taggart;-ის კაპიტალის ბაზრების ანალიტიკოსი; #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით ნიკა მაზანაშვილი სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი #ახალიამბები #BusinessMediaGeorgia
წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2023 წლის I კვარტალში $496.6 მლნ. შეადგინა, რაც 2022 წლის I კვარტალის წინასწარ მონაცემებზე 13.7 %-ით ნაკლებია, ხოლო 2022 წლის IV კვარტალის მონაცემებს 53.3 %-ით აღემატება. გასულ კვირაში განახლებული საქსტატის მონაცემებით, მაისში სამომხმარებლო ფასების ჰარმონიზებულმა ინდექსმა, წინა წლის იმავე პერიოდთან შედარებით, 1.3% შეადგინა. სტუმარი: ლაშა ქავთარაძე - Galt&Taggart;-ის ეკონომისტი #ახალიამბები #BusinessMediaGeorgia
იაპონური ბრენდის ახალი განაცხადი - Mazda CX60 საქართველოშია ნოდარ ჭირაქაძე - „მაზდა ცენტრი თეგეტას“ ბრენდ დირექტორი #ახალიამბები #BusinessMediaGeorgia
რა პროექტებს ახორციელებს "ტოპლაინი”? სტუმარი: ვასილ თამაზაშვილი - "ტოპლაინის" დირექტორი. #ახალიამბები #BusinessMediaGeorgia
„თეგეტა ჰოლდინგის“ შვილობილმა კომპანია „თეგეტა აკადემიამ“ მძიმე ტექნიკის ოპერატორების გადამზადების პროგრამის ძირითადი ეტაპის პრეზენტაცია გამართა. კურსის მთავარი სიახლე უმაღლესი ხარისხისა და ფუნქციონალის მქონე სპეცტექნიკის სიმულატორი იქნება, რომელიც „თეგეტა აკადემიამ“ USAID-ის პროგრამის ფარგლებში შეიძინა. ღონისძიებაზე USAID-ის წარმომადგენლებს საშუალება ჰქონდათ ადგილზე ენახათ სპეციალური დანიშნულების ტექნიკის სიმულატორი, თავად გამოეცადათ მისი შესაძლებლობები და ფუნქციები. მძიმე ტექნიკის ოპერატორების გადამზადების პროგრამა ივლისში დაიწყება და თეორიული სწავლების პროცესში მსმენელები დაეუფლებიან აღჭურვილობების საბაზისო სტრუქტურას, მოვლისა და ექსპლუატაციის წესებს, ჯანდაცვისა და უსაფრთხოების სტანდარტებს. „თეგეტა აკადემიის“ მიერ შეძენილი მძიმე ტექნიკის სიმულატორის საშუალებით კი მსმენელები სრულყოფილ და სიღრმისეულ კომპეტენციას შეიძენენ. მძიმე ტექნიკის ოპერატორების მომზადება/გადამზადების პროგრამის შემუშავება „თეგეტა აკადემიამ“ 2022 წელს დაიწყო. პროექტი აშშ-ს საერთაშორისო განვითარების სააგენტოს (USAID) ხუთწლიანი პროგრამის - „დამსაქმებლები პროფესიული განათლებისთვის“ ($24 მილიონი აშშ დოლარი) ფარგლებში ხორციელდება. „თეგეტა აკადემიაში“ მძიმე ტექნიკის ოპერატორების გადამზადების პროგრამის ფარგლებში, ჯამში, 165 პირი გადამზადდება. #ახალიამბები #BusinessMediaGeorgia
USAID-ის სოფლის მეურნეობის პროგრამა, სააგენტოს "აწარმოე საქართველოში და სოფლის განვითარების სააგენტოსთან ერთად, ქართული აგრობიზნესების ხელშეწყობის მიზნით სხვადასხვა ღონისძიებებს კვლავ აქტიურად ატარებს. პროექტის ფარგლებში, ამჯერად მათ საქართველოში საერთაშორისო წამყვანი მედიასაშუალებების ჟურნალისტები ჩამოიყვანეს, რომლებიც რამდენიმე დღის განმავლობაში ქვეყნის მასშტაბით სხვადასხვა საწარმოს ესტუმრებიან და ქართულ პროდუქციას გაეცნობიან. რა მიზანს ემსახურება ჟურნალისტების საქართველოში ვიზიტი და ზოგადად, როგორ მიმდინარეობს ექსპორტის საბაზრო კავშირების გენერირების პროგრამა? ლიკა მეგუთნიშვილი - #BMG-ის რეპორტიორი #ახალიამბები #BusinessMediaGeorgia
პლატფორმა სიმილარვები იმ საიტების რეიტინგს აქვეყნებს, რომლებსაც ყველაზე მეტი მომხმარებელი ჰყავს. რეიტინგი 2023 წლის აპრილის თვის მონაცემებს მოიცავს. სიაში ლიდერობს ვებსაიტი google-ი, რომელსაც მიმდინარე წელს 83 მილიარდზე მეტი მომხმარებელი ჰყავდა. გარდა ვებსაიტებისა 2023 წელს openai-ს მომხმარებელთა რიცხვიც საგრძნობლად გაიზარდა და 1 მილიარდს გადააჭარბა. #ახალიამბები #BusinessMediaGeorgia
ღია საცურაო აუზების უმრავლესობამ ზაფხულის სეზონი უკვე დაიწყო და მომხმარებლებსაც აქტიურად მასპინძლობს. “საქმიან დილასთან” საუბრისას აუზების მენეჯერები სეზონის დასაწყისს წარმატებულად აფასებენ. ზოგიერთ საცურაო აუზზე ინფლაციის და გაძვირებული აუზის და წყლის მოვლის იმპორტირებული საშუალებების ფონზე, ფასების კორექტირება მოუხდათ, მაგალითად, თუ ერთთვიანი ულიმიტო აბონიმენტი ამ დრომდე 350 ლარი ღირდა, ახლა 420 ლარი ღირს. 12 ვიზიტიანი აბონიმენტის ფასი 300 ლარის ნაცვლად 370 ლარია. აუზების მენეჯერებს ცხელ სეზონზე, აგვისტოში, ვიზიტორების ზრდის უფრო დიდი მოლოდინი აქვთ და მათი მასპინძლობისთვისაც აქტიურად ემზადებიან. #ახალიამბები #BusinessMediaGeorgia
#საქმიანიდილა - 13 ივნისი - პროლოგი #ახალიამბები #BusinessMediaGeorgia
საქართველოს კერძო სექტორის მოწყვლად ნაწილს, რომელიც მცირე და საშუალო საწარმოებისგან შედგება, თანამედროვე ტექნოლოგიებზე წვდომა შეზღუდული აქვს. ასეთი კი საწარმოების 99,7%-ია სადაც დასაქმებულთა რაოდენობა 59.3%-ია. ხოლო იმის გათვალისწინებით, რომ აღნიშნული საწარმოების წილი ეკონომიკური ზრდის მაჩვენებელში 2020 წელს 58%-ს შეადგენდა მონაცემები საკმაოდ შემაშფოთებლად გამოიყურება. მცირე და საშუალო საწარმოებში ციფრული ტექნოლოგიების დანერგვას მნიშვნელოვნად განაპირობებს ეკონომიკაში ციფრული უნარები. საქართველოს მოსახლეობაში ციფრული უნარების დონე კი ცხადყოფს, რომ ზოგადი სურათი არც თუ ისე სახარბიელოა. 2019 წელს საქართველოში ბიზნეს ლიდერების მიერ ციფრული უნარების მაჩვენებელი 1-დან 7-მდე სკალაზე 3,66 ქულით შეფასდა. საქართველოში მცირე და საშუალო საწარმოების გაციფრულებაზე მიმოხილვა ISET-მა მოამზადა. სტუმარი: გიორგი პაპავა - ISET-ის წამყვანი ეკონომისტი; #ახალიამბები #BusinessMediaGeorgia
საქართველოში ბოლო წლებში გაშენებული მაყვლის ბაღების 80% გაჩეხეს ან მიატოვეს. კენკრის მწარმოებელთა ასოციაციაში ამბობენ, რომ ბაღების გაჩეხის ძირითადი მიზეზი ფერმერების მხრიდან გაკეთებული არასწორი გათვლები იყო, მოლოდინი გასაყიდ ფასსა და მოვლის ხარჯებთან მიმართებით არარეალური აღმოჩნდა, რამაც ბაღების მასობრივი გაჩეხვა გამოიწვია. როგორია წლევანდელი მოსავალი და გასაღების ბაზრები? სტუმარი: იზოლდა ქიტესაშვილი - კენკრის მწარმოებელთა ასოციაციის თავმჯდომარე. #ახალიამბები #BusinessMediaGeorgia
პარლამენტი, დაჩქარებული წესით დღეიდან დაიწყებს მთავრობის საკანონმდებლო პაკეტის განხილვას, რომლის საფუძველზეც სამედიცინო და ფარმაცევტული საქმიანობის რეგულირების სააგენტოს უფლებამოსილებების გაზრდა და ფუნქციების გაძლიერება იგეგმება. "ჯანმრთელობის დაცვის შესახებ“ კანონში დაგეგმილი ცვლილებების მიხედვით, მაკონტროლებელ ორგანოს სახელმწიფო კონტროლს დაქვემდებარებულ ობიექტებზე წინასწარი შეტყობინების გარეშე, ნებისმიერ დროს შესვლის, მასალის, ნივთის და ა.შ. გამოთხოვის შესაძლებლობა, ასევე საზედამხედველო ობიექტის დათვალიერების, ხელშეუხებლობის მოთხოვნის, დალუქვის და ამოღების უფლებამოსილებები ენიჭება. მაკონტროლებელ ორგანოს უფლებამოსილება ეძლევა, ელექტრონული საჯარიმო ქვითარი გამოიყენოს, რომლის ფორმას, შევსებისა და წარდგენის წესს ჯანდაცვის მინისტრი დაამტკიცებს. სამედიცინო და ფარმაცევტული საქმიანობის რეგულირების სააგენტოს შეეძლება მაღალი რისკის შემცველი სამედიცინო საქმიანობის მიმწოდებელს საქმიანობის უფლება შეუჩეროს. კანონის პროექტის თანახმად, სამედიცინო და ფარმაცევტული საქმიანობის სფეროში სახელმწიფო კონტროლისა და ზედამხედველობის ეტაპზე სამინისტროს შესაბამისი კომპეტენტური ორგანოს მიერ მიღებული გადაწყვეტილება დაუყოვნებლივ აღსასრულებლად მიექცევა და მათ აღსრულებას გასაჩივრება არ გააჩერებს, თუ სასამართლომ სხვაგვარად არ დაადგინა. ამავე პროექტით, სამედიცინო და ფარმაცევტულ სფეროში მოქმედი საჯარიმო სანქციები იზრდება. სანქციების ზრდის გარდა, ცვლილების მიხედვით, სამედიცინო და ფარმაცევტული საქმიანობის რეგულირების სააგენტოს, სასამართლოსთან ერთად, მოცემულ სამართალდარღვევის საქმეებზე როგორც ოქმის შედგენის, ისე საქმის განხილვის შესაძლებლობა ენიჭება. ასევე, სააგენტოს მიერ ადმინისტრაციულ სამართალდარღვევის საქმეების განხილვისას ელექტრონული დაჯარიმების შესაძლებლობა შემოდის. რას შეცვლის რეგულირების სააგენტოსთვის უფლებების გაზრდა და როგორია სექტორის პოზიცია ჯანდაცვის სამინისტროს მიერ მომზადებულ კანონის პროექტზე? სტუმარი: მაია მახარაშვილი - “სიმონ ხეჩინაშვილის სახელობის საუნივერსიტეტო კლინიკის” დირექტორი #ახალიამბები #BusinessMediaGeorgia