ქართველი სომელიეები და მეღვინეები ქართული ღვინის პოტენციალზე საუბრისას აღნიშნავენ, რომ ბოლო 5 წელში გაუმჯობესებულია როგორც ღვინის ხარისხი, ასევე მისი გემური თვისებები, თუმცა მომდევნო 5 წელში კომპანიებს კვლავ ბევრი სამუშაო აქვთ. საქართველოს სომელიეთა ასოციაციის წევრები მიიჩნევენ, რომ ქართველი მეღვინეებს დღეს უკვე პრეტენზია მთელი მსოფლიოს საექსპორტო ბაზრებზე შესაძლოა ჰქონდეთ, თუმცა რიგი საკითხები მოვლენების ამგვარად განვითარებას მაინც აფერხებს. მაგალითად, როგორიცაა ხარისხიანი ღვინის დიდი რაოდენობით წარმოება, რადგან სხვა ქვეყნებს ეს პრობლემა არ უდგათ და ისინი საერთაშორისო ბაზრებზე ქართული ღვინის პირდაპირი კონკურენტები არიან. #ახალიამბები #BusinessMediaGeorgia
სამედიცინო სფეროში ექთნის როლის დაფასების მიზნით, „ევექსი ჰოსპიტლებმა“ 12 მაისს, ექთნის საერთაშორისო დღეს ღონისძიება გამართა და ქსელში დასაქმებულ 3000-მდე ექთანს პროფესიული დღე საზეიმო ვითარებაში მიულოცა. ღონისძიება ლისი ივენთ ჰოლში, ნაცნობი მუსიკოსებისა და მომღერლების მიერ შესრულებული კომპოზიციების თანხლებით აღინიშნა. საზეიმო საღამოს დასკვნით ნაწილში, დაჯილდოების ცერემონია გაიმართა. სხვადასხვა ნომინაციაში გამარჯვებულ ექთნებს საჩუქრად სიმბოლური პრიზები გადაეცათ. როგორ აღნიშნა "ევექსი ჰოსპიტლებმა" ექთნის საერთაშორისო დღე და ზოგადად, რა ღონისძიებებსა და პროექტს ახორციელებს კომპანია ამ პროფესიის აღიარებისა და დაფასებისთვის? #ახალიამბები #BusinessMediaGeorgia
#საქმიანიდილა - 15 მაისი - პროლოგი #ახალიამბები #BusinessMediaGeorgia
5-წლის შემდეგ, წლის მთავარი ტექნოლოგიური ღონისძიება, Spotlight-ი დაბრუნდა. 14 მაისს, სასტუმრო Raddison Blu Iveria-ში სპიკერების მოსასმენად 600-ზე მეტი სტუმარი შეიკრიბა. წლევანდელი Spotlight-ის თემა ავერსისთვის გამორჩეულად მნიშვნელოვანი იყო, ამიტომ, წელს კომპანია ღონისძიების ოქროს სპონსორი იყო. მარკეტინგული ღონისძიება Spotlight-ი, მიზნად ისახავს სტარტაპების, ინოვაციების მხარდაჭერას, წახალისებას, პოპულარიზაციას. ამ მიმართულებით თანამშრომლობა ავერსისთვის განსაკუთრებით საინტერესო აღმოჩნდა. #ახალიამბები #BusinessMediaGeorgia
Art Basel-ისა და USB Global-ის მიერ გამოქვეყნებული ახალი ანგარიშის მიხედვით, ხელოვნების ბაზარზე გაყიდვებმა 2022 წელს პირველად, პანდემიამდელ ნიშნულს გადააჭარბა. გასულ წელს ამ ბაზარზე გაყიდვები 3%-ით გაიზარდა და ჯამურად 67.8 მილიარდი დოლარი შეადგინა. თუმცა, საგულისხმოა ისიც, რომ ზრდა ხელოვნების ბაზრის ყველა სფეროში არ ფიქსირდება და ზოგიერთ მათგანში პირიქით, კლების ტენდენციაა გამოხატული. რა შედეგებით დახურა გასული წელი ხელოვნების გლობალურმა ბაზარმა? #ახალიამბები #BusinessMediaGeorgia
თბილისში მცირე და საშუალო ზომის ბიზნესის მხარდასაჭერად B2B ფორუმი გაიმართა, რომელიც საქართველოს ბანკის, USAID-ის ეკონომიკური უსაფრთხოების პროგრამის, ჯეპრას და Kudos Georgia-ს ერთობლივი მხარდაჭერით მოეწყო. ფორუმში 60 მეწარმე და ტურიზმის, მსუბუქი მრეწველობის, ინტელექტუალური მომსახურების, კრეატიული ინდუსტრიებისა და მყარი ნარჩენების მართვის სექტორის დამკვეთი კომპანიები მონაწილეობდნენ. სტუმარი: დავით ჩხენკელი - საპროექტო საკონსტრუქტორო ტექნოლოგიური ინსტიტუტი "ინოსისტემსის“ დირექტორი; #ახალიამბები #BusinessMediaGeorgia
კლინიკები საერთაშორისო აკრედიტაციის გავლისთვის ემზადებიან. მთავრობის გადაწყვეტილებით, საყოველთაო ჯანდაცვის პროგრამაში ჩართული ყველა კლინიკა ვალდებული იქნება მსოფლიოში მოქმედი სტანდარტები დააკმაყოფილოს და საერთაშორისო აკრედიტაციის ორგანოს აღიარება მოიპოვოს. ვადაც განსაზღვრულია და პირობების დაკმაყოფილებისთვის, ანუ 2025 წლის პირველ იანვრამდე დრო ბევრი დარჩენილი არ არის. აკრედიტაციის მისაღებად კლინიკებმა საკმაოდ ვრცელი პროცედურა უნდა გაიარონ. სტუმარი: ლალი ყიფშიძე - Kaizen Institute Georgia-ს დამფუძნებელი და TEMOS-ის რეგიონალური წარმომადგენლობის დირექტორი; #ახალიამბები #BusinessMediaGeorgia
ბოლო პერიოდში, განსაკუთრებით მას შემდეგ, რაც რუსეთმა უკრაინაში ომი დაიწყო, მსოფლიოში ეგრეთ წოდებული "ოქროს ვიზების" სქემა საკმაოდ სახიფათო გახდა და ევროკავშირის ბევრმა ქვეყანამ მასზე უარიც კი თქვა. კონკრეტულად რას გულისხმობს "ოქროს ვიზები" , ვის შეუძლია მისი მიღება, რომელმა ქვეყნებმა გააუქმეს აღნიშნული პროგრამა და სად ფუნქციონირებს ჯერ კიდევ? თინათინ ნატმელაძე - BMG-ის რეპორტიორი. #ახალიამბები #BusinessMediaGeorgia
ჯო ბაიდენი ობლიგაციებზე დეფოლტს გამორიცხავს - შტატების პრეზიდენტის თქმით ამას ხელისუფლება არავითარ შემთხვევაში არ დაუშვებს. ბაიდენის ეს განცხადება კონგრესში მიმდინარე პოლიტიკურ დაპირისპირებას უკავშირდება, რომლის ფონზე ქვეყნის ვალის ლიმიტის გაზრდის გადაწყვეტილებაზე კონსენსუსი ჯერაც არ არის მიღწეული, დროის ამოწურვამდე კი 20 დღე რჩება. 31 ტრილიონ 400 მილიარდი დოლარი - ეს ამერიკის შეერთებული შტატების ფედერალური ბიუჯეტით განსაზღვრული ვალის ჭერია, რომელსაც ქვეყანამ იანვარში უკვე გადააჭარბა. ეს კი იმას ნიშნავს, რომ სავალო ზღვარი გადალახულია, ანუ ამერიკის მთავრობას დამატებითი ვალის აღების უფლება არ აქვს, ამის გარეშე კი ვალდებულებების გასტუმრება შეუძლებელი იქნება და სუპერსახელმწიფოს თავისი არსებობის ისტორიაში პირველად მოუწევს ობლიგაციებზე დეფოლტის გამოცხადება. სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი #ახალიამბები #BusinessMediaGeorgia
იუსტიციის სამინისტროს ინიციატივით მუშავდება საკანონმდებლო ინიციატივა, რომლის მიხედვითაც ცალკეული ხელშეკრულების რეგისტრაციისა და მისგან გამომდინარე შეუსრულებელ ვალდებულებაზე ბრძანების გამოცემის გამარტივება მოხდება. და აღსრულების ეროვნულ ბიუროში შესაძლებელი გახდება სასყიდლიანი ხელშეკრულების, მათ შორის, იჯარის/ქირავნობის ხელშეკრულების რეგისტრაცია. მისი სავალდებულო პირობა იქნება მხარეთა შეთანხმება, რომ ვალდებულების დარღვევის შემთხვევაში, აღსრულების ეროვნული ბიურო, სასამართლოს გარეშე, გამოსცემს აქტებს შეუსრულებელი ფულადი ვალდებულების გადახდევინებისა და უძრავი ნივთის გამოთხოვის შესახებ. სტუმარი: ნიკა ნანუაშვილი - BAG-ის იურიდიული დირექტორი #ახალიამბები #BusinessMediaGeorgia
საქართველოს სომელიეთა ასოციაციამ ქართული ღვინის პოპულარიზაციის მიზნით საერთაშორისო სასწავლო პროგრამა შექმნა. პროექტი ღვინის ეროვნული სააგენტოს მხარდაჭერით ხორციელდება. საერთაშორისო სასწავლო პროგრამა ქართულ ღვინოზე შექმნილია სპეციალურად ქართველი თუ უცხოელი ღვინის პროფესიონალებისა და მოყვარულებისთვის, რათა მათ ქართული ღვინის შესწავლა საფუძვლიანად შეძლონ, რომ შემდგომ ქართული ღვინის პოპულარიზაცია საერთაშორისო და შიდა ბაზრებზე წარმატებულად უზრუნველყონ. პროგრამა მოიცავს ყველა იმ აუცილებელ ცოდნას, რაც საჭიროა მომხმარებელთათვის ქართული ღვინის უკეთ გასაცნობად როგორც საქართველოში, ისე, განსაკუთრებით - სამიზნე საექსპორტო ბაზრებზე. სასწავლო პროგრამა ასევე ითვალისწინებს ცოდნის ამაღლებას ქართული კულტურის, ისტორიის და ეთნოგრაფიის შესახებ. პროგრამა სრულდება გამოცდით და გააჩნია ორი საკვალიფიკაციო დონე: - ქართული ღვინის ენთუზიასტი და ქართული ღვინის დესპანი. საქართველოს სომელიეთა ასოციაცია 2003 წელს არის შექმნილი, 2008 წლიდან ის არის საერთაშორისო სომელიეთა ასოციაციის წევრი, რომელიც აერთიანებს 63 ქვეყანას. #ახალიამბები #BusinessMediaGeorgia
საქართველოს დაზღვევის ზედამხედველობის სამსახურის ორგანიზებით და სადაზღვევო კომპანიების მხარდაჭერით, საქართველოში საერთაშორისო სადაზღვევო კონფერენცია ჩატარდა. კონფერენციის მიზანი დაზღვევის სფეროში არსებული მიღწევებისა და გამოწვევების, დაზღვევის სავალდებულო სახეობის შემოღების წინაპირობებისა და მოლოდინების განხილვა იყო. კონფერენციას ესწრებოდა ევროკომისიის დაზღვევის ევროპელი ექსპერტი და ლუვენის უნივერსიტეტის პროფესორი, კარელ ვან ჰულე, რომელთანაც “საქმიანი საღამოს” წამყვანმა, გიორგი არონიამ ინტერვიუ ჩაწერა. როგორ აფასებს ევროპელი ექსპერტი ავტომფლობელთა მესამე პირისადმი პასუხისმგებლობის დაზღვევის შემოღებას და რას ამბობს ის ქართულ სადაზღვევო ბაზარზე? გიორგი არონია - “საქმიანი საღამოს” წამყვანი; კარელ ვან ჰულე - KU Leuven-ის პროფესორი, დაზღვევის ექსპერტი. #ახალიამბები #BusinessMediaGeorgia
#საქმიანიდილა - 12 მაისი - პროლოგი #ახალიამბები #BusinessMediaGeorgia
პროგრამის „აწარმოე საქართველოში“ პარტნიორობით თბილისში, საავეჯე და სამშენებლო ეკო მასალების ყველაზე მსხვილი საწარმო, „კასტა“ გაიხსნა, რომელიც ევროპის მიმართულებით ექსპორტს გეგმავს. „კასტა“ ქართულ-ამერიკული სამშენებლო საწარმოს, „GACC”-ის ექსკლუზიური პარტნიორია, რაც იმას ნიშნავს, რომ თბილისში დამზადებული პროდუქცია ამერიკულ ბაზარზე უკვე გადის. რამდენია ინვესტიციის მოცულობა და რა გეგმები აქვს კომპანიას სამომავლოდ? #ახალიამბები #BusinessMediaGeorgia
სებ-ი მომხმარებლებს აფრთხილებს. როგორც ეროვნული ბანკის მიერ გავრცელებულ განცხადებაშია აღნიშნული, პერიოდულად სხვადასხვა სოციალურ ქსელებში ფიქსირდება შემთხვევები, როდესაც მომხმარებლებს სხვადასხვა ვებგვერდზე მათი პირადი ინფორმაციის შევსების სანაცვლოდ, გარკვეული ფულადი თუ სხვა პრიზების მოგების დაპირებით, გათამაშებაში მონაწილეობის მიღებას სთავაზობენ. ამასთან, რამდენიმე შემთხვევაში, გათამაშების შესახებ ინფორმაცია საქართველოს ეროვნული ბანკის სახელითაც გავრცელდა. მათ შორის, მომხმარებლებს ამ შეთავაზებების სხვა პირებთან გავრცელებისკენ უბიძგებდნენ. სტუმარი: ლაშა გზირიშვილი - ეროვნული ბანკის მომხმარებელთა უფლებების დაცვის და ფინანსური განათლების დეპარტამენტის უფროსი; #ახალიამბები #BusinessMediaGeorgia
HR პროფესიონალთა ასოციაცია HR პროფესიული ჩარჩოსა და კომპეტენციების მოდელის შექმნის პროცესს უხელმძღვანელებს. პროცესი ბიზნესის, საჯარო და არასამთავრობო სექტორების ჩართულობით წარიმართება, რათა მოხდეს მათი HR-თან დაკავშირებული აღქმების, დამოკიდებულებებისა და მოლოდინების გამოკვლევა და მათთვის ჩარჩო დოკუმენტის გაცნობა. საქართველოს რეალობაზე მორგებული HR პროფესიული ჩარჩოსა და კომპეტენციის მოდელის შექმნის მიზანია: HR პროფესიონალებს შექმნან განვითარების გზამკვლევი; ბიზნეს ორგანიზაციებს სწორად განსაზღვრონ HR-ის როლი და ფუნქციები ორგანიზაციის სტრატეგიული მიზნების მიღწევის პროცესში; საგანმანათლებლო დაწესებულებებს ჰქონდეთ ჩარჩო დოკუმენტი HR კურსების დიზაინის შექმნის პროცესში. სტუმრები: სალომე ღაჭავა - HR პროფესიონალთა ასოციაციის აღმასრულებელი დირექტორი; ლელა სალაყაია - სელფი მობაილის პერსონალთან მუშაობისა და ადმინისტრაციულ საკითხთა დირექტორი #ახალიამბები #BusinessMediaGeorgia
ბათუმის მერის მიერ გენგეგმის მომზადებისთვის გამოცხადებულ კონკურსში კომპანია „სითი ინსტიტუტმა“ 2021 წლის ივლისში გაიმარჯვა. პირველადი გეგმის მიხედვით ქალაქს განაშენიანების გეგმა 1,5 წელში უნდა ჰქონოდა. პირველ ეტაპზე კომპანიამ გაცემული სამშენებლო ნებართვების შესახებ შეაგროვა ინფორმაცია, პირველადი მოკვლევის შედეგად კი უშუალოდ განაშენიანების ხედვა და კონცეფცია უნდა შექმნილიყო. რა ხდება ხელშეკრულების გაფორმებიდან 1, 9 წლის თავზე? სტუმარი: მამუკა სალუქვაძე - „სითი ინსტიტუტის“ დირექტორი. #ახალიამბები #BusinessMediaGeorgia
ბათუმში უძრავი ქონება გაძვირებას განაგრძობს. „ქოლიერს ჯორჯიას“ მარტის მონაცემებით, ახალი ბინები 20%-ით, ხოლო ძველი 12%-ით გაძვირდა. ახალაშენებულ ბინებში საშუალო შეწონილი ფასი 909$ აშშ დოლარია, ძველი ბინების შემთხვევაში კი კვ/მ-ზე ფასი 702$-ით განისაზღვრება. 2023 წლის მარტში, ბათუმში საცხოვრებელი ბინების ტრანზაქციების რაოდენობა გასული წლის მარტთან შედარებით 16%-ით, 1 399 ერთეულამდე გაიზარდა, ბაზრის ზომა კი 32%-ით გაიზარდა და 63 მილიონი აშშ დოლარი შეადგინა.მარტში, ახალაშენებული ბინების ტრანზაქციების რაოდენობა 17%-ით გაიზარდა, ძველი ბინების შემთხვევაში კი 12%-იანი ზრდა დაფიქსირდა. სტუმარი: ლეო ჩიქავა - „ქოლიერს ჯორჯიას“ კვლევებისა და მონაცემთა სერვისების ხელმძღვანელი; #ახალიამბები #BusinessMediaGeorgia
რა პოტენციალი აქვს საცხენოსნო ტურიზმს? #ახალიამბები #BusinessMediaGeorgia
„ერისთავი ესთეითსი“ - BAG-ის ახალი წევრი სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; ზურაბ ერისთავი, „ერისთავი ესთეითსის“ დამფუძნებელი #ახალიამბები #BusinessMediaGeorgia
უამინდობის ფონზე ნაყინის სეზონი შედარებით გვიან, მაისში დაიწყო და ბიზნესებმა კონკრეტული ფინანსური შედეგების დათვლაც სწორედ ახლა დაიწყეს. მათი მთავარი მოლოდინი მაინც ცხელ, ზაფხულის სეზონზეა მიმართული. 2023 წლის ზაფხულში ისინი გასული წლის იგივე პერიოდთან შედარებით უკეთეს შედეგებზე გასვლას ვარაუდობენ. #ახალიამბები #BusinessMediaGeorgia
ახალი პრემიუმ კლასის, მრავალფუნქციური კომპლექსი არქი რივერთაუნი დიღომი 8-ში მდებარეობს და ძალიან საინტერესო კონცეფციის საცხოვრებელ გარემოს სთავაზობენ მომავალ არქელებს. ღია აუზი და სპა რელაქსაციისთვის, ფიტნეს დარბაზი და სპორტული მოედანი ჯანსაღი ცხოვრებისთვის, ლაუნჯი და დასასვენებელი სივრცეები განტვირთვისთვის, 5 000 კვ.მ. გამწვანებული ეზო- და არა მარტო. სტუმრები: ელენე ბარათაშვილი - "არქის" მარკეტინგის დირექტორი; ლევან თითბერიძე, "არქის" მარკეტინგის დირექტორის მოადგილე. #ახალიამბები #BusinessMediaGeorgia
გადაუდებელი სამსახური - ექიმ ბახტაძის საქმიანი პორტრეტი გოგა ბახტაძე - ქირურგი, "ჯეო ჰოსპიტალსის" ბავშვთა ქირურგიული დეპარტამენტის უფროსი; ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
კონტეინერების დამუშავებისა და ტვირთბრუნვის თვალსაზრისით, „ეიპიემ ტერმინალს ფოთისთვის“ 2023 წლის აპრილი რეკორდული თვე იყო, 53,626 TEU კონტეინერი გადამუშავდა, რაც 91,3%-ით მაღალი მაჩვენებელია 2022 წლის აპრილთან შედარებით. გარდა ამისა, ბოლო ოთხი წლის განმავლობაში, პირველ ოთხ თვეში ყველაზე მეტი - 25 239 ავტომობილი დამუშავდა, რაც გასული წლის ანალოგიურ პერიოდთან შედარებით 59,7%-ით გაზრდილი მაჩვენებელია. ამავე დროს, წლის დასაწყისიდან ეიპიემ ტერმინალს ფოთმა გასულ წელთან შედარებით მიიღო 74.6%-ით მეტი - 103 საკონტეინერო გემი. ზრდა არის რკინიგზით შემოტანილი კონტეინერების რაოდენობაშიც. რა მიმართულების ტვირთებია ტერმინალში და რა ტიპის დაინტერესებაა საქართველოს გავლით გადაზიდვებზე? სტუმარი: ზვიად ჩხარტიშვილი - "ეიპიემ ტერმინალს ფოთის" კომერციული ურთიერთობების დირექტორი; #ახალიამბები #BusinessMediaGeorgia
დემოკრატიული ინსტიტუტების განვითარება, უმცირესობების ხელშეწყობა, ენერგოუსაფრთხოების უზრუნველყოფა და ეკონომიკური განვითარებაა, რომლის ერთ-ერთი ქვე-სექტორიც სოფლის მეურნეობაა-ამ მიმართულებების განვითარებაში USAID-ის მიერ ყოველწლიურად 80 მილიონი დოლარი იხარჯება, ხოლო სოფლის მეურნეობის მიმართულებით 20 მილიონ დოლარზე მეტი, აქედან 7 მილიონი დოლარი თანამონაწილეობის საგრანტო პროექტებზეა გათვალისწინებული. USAID საქართველოში 35 პროგრამის დაფინანსებაში მონაწილეობს. USAID საქართველოში მუშაობს 1992 წლიდან. ამ დღიდან ამერიკელმა ხალხმა USAID-ის საშუალებით 1,8 მილიარდი დოლარის დახმარება გაუწია საქართველოს. წარმატებული პარტნიორობის პირობებში აშშ-ს მთავრობა ყოველწლიურად დაახლოებით 50 მილიონ დოლარს გამოყოფს 55 სხვადასხვა პროგრამისთვის. ეს პროგრამები მხარს უჭერს საქართველოს დემოკრატიულ, თავისუფალ საბაზრო ეკონომიკაზე და დასავლეთზე ორიენტირებულ განვითარებას. USAID-ის პროგრამები ხელს უწყობს ეკონომიკის ზრდას, დემოკრატიული ინსტიტუტების განვითარებას, ენერგო უსაფრთხოების გაძლიერებას, კლიმატური ცვლილებების შემცირებას, განათლების სისტემის გაუმჯობესებას, უმცირესობების და ხელმოკლე მოსახლეობის, მათ შორის ეთნიკურ და გეოგრაფიულ საზღვრებთან მცხოვრებ პირთა საზოგადოებაში ინტეგრაციას. ცალკე პროგრამა მოქმედებს სოფლის მეურნეობის მიმართულებით და უკვე რამდენიმე თვეა, USAID-ის სოფლის მეურნეობის პროგრამა, აწარმოე საქართველოსა და სოფლის განვითარების სააგენტოსთან ერთად, ქართული აგრობიზნესებითვის ექსპორტის საბაზრო კავშირების გენერირების პროგრამას ახორციელებს. რისი მიზანიც, ქართველი მწარმოებლების პოტენციურ მყიდველებთან დაკავშირებაა. პროექტის ფარგლებში, მიმდინარე კვირის განმავლობაში, გერმანიისა და გალფის ქვეყნების წარმომადგენლებმა დასავლეთ საქართველოში არსებული საწარმოები მოინახულეს და მათ წარმომადგენლებთან სამომავლო პოტენციური თანამშრომლობის შესახებ მოლაპარაკებები გამართეს. პროგრამაში მონაწილეობისთვის, საერთო ჯამში მთელი ქვეყნის მასშტაბით 60-მდე ექსპორტზე ორიენტირებული ლურჯი მოცვის, კაკლოვანი კულტურების მწარმოებელი და სურსათის გადამამუშავებელი საწარმოა შერჩეული. #ახალიამბები #BusinessMediaGeorgia
რუსული ემბარგოს ქრონოლოგია #ახალიამბები #BusinessMediaGeorgia
#საქმიანიდილა - 11 მაისი - პროლოგი #ახალიამბები #BusinessMediaGeorgia
რამდენი ქართველი ცხოვრობს რუსეთის ფედერაციაში? - გიორგი ისაკაძის შესავალი #ახალიამბები #BusinessMediaGeorgia
საქართველოს სომელიეთა ასოციაციამ ქართული ღვინის პოპულარიზაციის მიზნით საერთაშორისო სასწავლო პროგრამა შექმნა. სამიზნე აუდიტორია ქართველი თუ უცხოელი ღვინის პროფესიონალები და მოყვარულები არიან, რათა მათ საფუძვლიანად შეძლონ ქართული ღვინის შესწავლა, რომ შემდგომ წარმატებულად უზრუნველყონ ქართული ღვინის პოპულარიზაცია საერთაშორისო და შიდა ბაზრებზე. რა აუცილებელი ცოდნაა საჭირო, რომ როგორც საქართველოში, ისე სამიზნე საექსპორტო ბაზრებზე ქართული ღვინის პოპულარიზაცია განხორციელდეს და როგორ მუშაობს ის მარკეტინგული პროგრამები, რომელზეც მილიონობით ლარის საბიუჯეტო სახსრები იხარჯება? სტუმარი: შალვა ხეცურიანი - საქართველოს სომელიეთა ასოციაციის პრეზიდენტი; #ახალიამბები #BusinessMediaGeorgia
პარლამენტში საკომიტეტო განხილვებს გადის უმრავლესობის დეპუტატების მიერ მომზადებული საკანონმდებლო ცვლილებების პროექტი, რომელიც სურსათის ნარჩენებს, მის დანაკარგებს და შეწირულობას შეეხება. კანონპროექტით, ბიზნესებს საკვების არა ჩამოწერის და გადაყრის, არამედ დონაციის საშუალება მიეცემათ, რაც წახალისებული იქნება შესაბამისი საგადასახადო შეღავათებით. კერძოდ, საქველმოქმედო ორგანიზაციისთვის სურსათის უსასყიდლოდ მიწოდება გათავისუფლდება როგორც მოგების, ისე დამატებითი ღირებულების გადასახადისაგან. თუ სურსათს ეტიკეტზე მითითებული ვადა გასდის, მოქმედი კანონი მისი მოხმარებისთვის გამოყენებას კრძალავს და ბიზნესს მისი ჩამოწერის ვალდებულება აქვს, წარმოდგენილი ცვლილებებით კი ეტიკეტზე მითითებული ვადის გასვლის შემდეგ დაბალი რისკის პროდუქციის მოხმარება, რომელიც უვნებელია ადამიანის ჯანმრთელობისთვის, დაშვებული გახდება. ეს კი მისცემს ბიზნეს სექტორს იმის საშუალებას, რომ აღნიშნული პროდუქტი არ გაანადგუროს და გადასცეს საქველმოქმედო ორგანიზაციებს და სურსათის ბანკებს. სურსათის ბანკის ცნება ახალია კანონმდებლობაში, ამ სტატუსის მიღება არსებულ ან ახალ საქველმოქმედო ორგანიზაციებს შეეძლებათ, რომლებიც ავტორიზაციას გაივლიან სურსათის ეროვნულ სააგენტოში და ამავდროულად დააკმაყოფილებენ ჰასპთან გათანაბრებულ სტანდარტებს. შესაბამის საკანონმდებლო ჩარჩოს შექმნაზე პარლამენტის აგრარულ საკითხთა კომიტეტი გაეროს სოფლის მეურნეობისა და სურსათის ორგანიზაციასთან ერთად მუშაობს. როგორ იმუშავებს პრაქტიკაში სურსათის შეწირულობის შესახებ კანონი? სტუმარი: ჯუბა მარუაშვილი - "FAO საქართველოს" პოლიტიკის უფროსი მრჩეველი; #ახალიამბები #BusinessMediaGeorgia
კლინიკებისთვის მიმდინარე წლის 1 სექტემბრიდან ახალი რეგულაციები შედის ძალაში. გასული წლის ნოემბერში დამტკიცდა რეანიმაციული მომსახურების სანებართვო პირობები, რომლის თანახმადაც რეანიმაციული სერვისის ყველა მიმწოდებელი ვალდებულია, ჯანდაცვის სამინისტროს მიერ წარმოდგენილი რეანიმაციული მომსახურების სანებართვო პირობები მიმდინარე წლის 1 სექტემბრამდე დააკმაყოფილოს. სტანდარტი აწესებს შესაბამის პირობებს რეანიმაციული განყოფილების ინფრასტრუქტურული მოწყობის, აღჭურვილობის, ლაბორატორიული და დიაგნოსტიკური კვლევების, სამედიცინო პერსონალის რაოდენობისა და განათლების ვალდებულების კუთხით. სანებართვო პირობების გარეშე, კლინიკას რეანიმაციული მომსახურების მიწოდების უფლება არ ექნება. ძალაში შედის ქირურგიის სტანდარტებიც. ჯანდაცვის ასოციაცია ითხოვს, რეანიმაციისა და ქირურგიის ახალი სტანდარტების ძალაში შესვლა გადავადდეს. ამ საკითხზე შეხვედრა რამდენიმე დღის წინ ჯანდაცვის სამინისტროში გაიმართა და მას ჯანდაცვის ასოციაციის წევრი კლინიკების წარმომადგენლები ესწრებოდნენ. რა არგუმენტები აქვს კერძო სექტორს, რის გამოც საჭიროა რეგულაციების გადავადება? სტუმრები: ნინო კიკნაძე - ჯანდაცვის ასოციაციის პრეზიდენტი; გიორგი ამბროლიანი - ევექსის რაიონული კლინიკების დეპარტამენტის ხელმძღვანელი. #ახალიამბები #BusinessMediaGeorgia
საქართველოს მთავრობამ დაამტკიცა პარაპლანით ფრენის ახალი წესები და უსაფრთხოების სტანდარტები. სპორტისა და ახალგაზრდობის მინისტრის, თეა წულუკიანის თქმით, რამდენიმე დღეში გამოიცემა შესაბამისი აქტი, რის შემდეგაც ერთი თვის ვადაში ამოქმედდება ახალი წესები, რომლის მიხედვითაც მსურველებისთვის შესაძლებელი იქნება შესაბამისი გამოცდის ჩაბარება და სერტიფიკატის აღება.რა დრო დასჭირდება ახალ რეგლამენტზე მორგებას და რას შეცვლის ამ მხრივ ახალი წესები სპორტის ამ სახეობით დაინტერესებულებისთვის და ტურისტულ ატრაქციად შემთავაზებელთათვის? სტუმარი: ირაკლი კაპანაძე - საქართველოს პარაგლაიდინგის ფედერაციის გამგეობის თავმჯდომარე; #ახალიამბები #BusinessMediaGeorgia
შინაგან საქმეთა სამინისტროს ინფორმაციით, იანვარ-მარტში გასული წლის ანალოგიურ პერიოდთან შედარებით, კომპიუტერული დანაშაული 4.9%-ით, ანუ 12 შემთხვევით არის გაზრდილი. წლის პირველ კვარტალში კომპიუტერული დანაშაულის 257 ფაქტი დაფიქსირდა. აქედან, გაიხსნა 109 შემთხვევა და შესაბამისად, გახსნის მაჩვენებელი 42.41%-ია. გასული წლის იმავე პერიოდში რეგისტრირებული იყო 245 შემთხვევა, აქედან, გახსნილია 84 საქმე და გახსნის მაჩვენებელი შესაბამისად, 34.29% იყო. ამავე დროს შს სამინისტროს მონაცემებით, 2023 წლის 1-ელ კვარტალში 46.43%-ით შემცირდა კომპიუტერულ სისტემაში უნებართვო შეღწევის ფაქტები; 100%-ით -კომპიუტერული მონაცემის ან/და კომპიუტერული სისტემის უკანონოდ გამოყენების შემთხვევები. კომპიუტერულ დანაშაულებს შორის გაზრდილია მხოლოდ ფინანსური სარგებლის მიღების მიზნით, კომპიუტერული მონაცემის ან/და კომპიუტერული სისტემის ხელყოფის ფაქტები. წლიურად ზრდა 12.21%-ია. ერთია დინამიკა და აღწერილი სტატისტიკა და მეორე პრობლემა - რა მასშტაბის გამოწვევას წარმოადგენს ნებისმიერი და თითოეული ელექტრომოწყობილობის მომხმარებლისთვის კიბერდანაშაული? სტუმარი: ანზორ მეხრიშვილი - BDO Digital-ის კიბერ და ინფორმაციული უსაფრთხოების ხელმძღვანელი. #ახალიამბები #BusinessMediaGeorgia
საქართველოს მთავრობამ „ტვირთის ხელით აწევისას უსაფრთხოებისა და ჯანმრთელობის დაცვის მინიმალური მოთხოვნების შესახებ“ ტექნიკური რეგლამენტი დაამტკიცა. ახალი რეგლამენტის მიხედვით: „დამსაქმებელი ვალდებულია მიიღოს სათანადო ორგანიზაციული ზომები ან გამოიყენოს შესაბამისი საშუალებები, განსაკუთრებით მექანიკური მოწყობილობები, რათა თავიდან აიცილოს დასაქმებულთა და სამუშაო სივრცეში მყოფ სხვა პირთა მიერ ტვირთის ხელით აწევის აუცილებლობა“. რეგლამენტი გავრცელდება „შრომის უსაფრთხოების შესახებ“ საქართველოს ორგანული კანონით გათვალისწინებულ სამუშაო სივრცეზე. ამასთან, „დამსაქმებელს შეუძლია, სამუშაოს სპეციფიკიდან გამომდინარე, მისი დაწესებულების რისკის დონის გათვალისწინებით, შეიმუშაოს წინამდებარე რეგლამენტზე უფრო მაღალი სტანდარტი დასაქმებულის ჯანმრთელობისა და უსაფრთხოების დაცვის გაუმჯობესების მიზნით“. სტუმარი: ზურაბ ჩხეიძე - დამსაქმებელთა ასოციაციის შრომის უსაფრთხოების კომიტეტის თავმჯდომარე #ახალიამბები #BusinessMediaGeorgia
თურქეთში ევროპის მასშტაბით უმსხვილესი, მზის ელექტროსადგური იხსნება. თურქეთში მზის ენერგიის დადგმული სიმძლავრე 20 პროცენტით გაიზრდება. პროექტს აქტიურ ფინანსურ მხარდაჭერას უწევდა ბრიტანეთის მთავრობა. მისი ჯამური ღირებულება კი მილიარდი დოლარია. #ახალიამბები #BusinessMediaGeorgia
4 თვეში, საქართველოს 4 დაცულ ტერიტორიას თითქმის 50 000 ვიზიტორი ეწვია. დაცული ტერიტორიების სააგენტოს ინფორმაციით, ეს რიცხვი 2019 წლის მონაცემებთან შედარებით, 34%-ით არის გაზრდილი. დაცული ტერიტორიების გარდა, გასულ წელთან შედარებით, ტურიზმის გამოცოცხლებას გრძნობენ სხვადასხვა ტურისტულ ობიექტებზე მათ შორის, ახალციხის ციხეში, წალკის კანიონზე და საქმიან დილასთან საუბრისას აღნიშნავენ, რომ წელს ტურისტების რაოდენობა გასული წლისას ბევრად გადააჭარბებს. ასევე, როგორც დაცულ ტერიტორიებზე, ასევე სხვა ტურისტულ ობიექტებზე ფასები შენარჩუნებულია და ამ ეტაპზე ზრდა არ იგეგმება. სტუმარი: ეთი ბეკურაშვილი - “კასს ლენდ დაიმონდ რეზორტის” საზოგადოებასთან ურთიერთობის მენეჯერი #ახალიამბები #BusinessMediaGeorgia
25 წლიანი ისტორია სამშენებლო და დეველოპერულ სექტორში - ეს კომპანია „გუმბათი ჯგუფია,“ რომლის ბალანსზეც ამ დროისთვის 600 000 კვადრატულ მეტრზე მეტი კომერციული და საცხოვრებელი კომპლექსებია აშენებული, ჯამურად კი კომპანიას 500$ მლნ-ზე მეტი ინვესტიცია აქვთ განხორციელებული. „გუმბათი ჯგუფი“ დეველოპერულ საქმიანობას უმეტესად აჭარის რეგიონში ახორციელებს, თუმცა გეგმები და მიზნები გაცილებით მასშტაბური აქვთ. #ახალიამბები #BusinessMediaGeorgia
სოფლის მეურნეობაში ხელოვნური ინტელექტი ვითარდება. სოფლის მეურნეობაში გამოსაყენებელი დრონების ერთ-ერთი ცნობილი მწარმოებელი კომპანია Hylio-ა. კომპანიის დაახლოებით 700 დრონი ყოველწლიურად 700 000 ჰექტარ მიწას ამუშავებს. დრონების გამოყენების ზრდამ შესაძლოა საფრთხე შეუქმნას ტრაქტორების ინდუსტრიას სოფლის მეურნეობაში. მიუხედავად ამისა, აგროდრონების განვითარება დიდი წინგადადგმული ნაბიჯია პლანეტისთვის. #ახალიამბები #BusinessMediaGeorgia
რამდენიმე დღეა ჰოლივუდის სცენარისტები გაფიცულები არიან, მათი მთავარი მოთხოვნა ანაზღაურების გაზრდა და უკეთესი საკონტრაქტო პირობებია, ამასთან ერთად საინტერესოა, ვინ არიან ჰოლივუდის ყველაზე მაღალ ანაზღაურებადი სცენარისტები და რამდენია მათი შემოსავალი? #ახალიამბები #BusinessMediaGeorgia
#საქმიანიდილა - 10 მაისი - პროლოგი #ახალიამბები #BusinessMediaGeorgia
ავტორთა და კომპოზიტორთა საზოგადოებების საერთაშორისო კონფედერაციის (CISAC) ევროპის კომიტეტმა, აზერბაიჯანის, სომხეთის, საქართველოს, მოლდოვას და ყაზახეთის მხარდამჭერი რეზოლუცია ერთხმად მიიღო. რეზოლუციაში წერია, რომ ავტორთა და კომპოზიტორთა საზოგადოებების საერთაშორისო კონფედერაცია, შეშფოთებულია ამ ქვეყნებში რუსეთის ქმედებების გამო და დაჟინებით მოუწოდებს RAO-ს და რუსეთის სხვა კოლექტიური მართვის ორგანიზაციებს, თავი შეიკავონ და შეწყვიტონ ნებისმიერი ქმედება, რაც ძირს უთხრის CISAC-ის სხვა წევრების სუვერენიტეტს და ლეგიტიმურ ფუნქციონირებას, და რამაც, შესაძლოა, ამ ქვეყნებში უფლებების კოლექტიურად მართვის დესტაბილიზაცია გამოიწვიოს. ასევე, ამ პრობლემის დაძლევის მიზნით, გადაუდებელ აუცილებლობად მიიჩნევს, ამ ქვეყნებში, ერთი ფანჯრის პრინციპით ლიცენზირების ძლიერი სისტემის შენარჩუნებას და შემდგომ განვითარებას, საუკეთესო საერთაშორისო და ევროპული პრაქტიკის შესაბამისად. სტუმარი: გიგა კობალაძე - საქართველოს საავტორო უფლებათა ასოციაციის ხელმძღვანელი. #ახალიამბები #BusinessMediaGeorgia
ევროპის დღე თბილისში დიდი სახალხო ღონისძიებით აღინიშნა. საქართველოში ევროკავშირის წარმომადგენლობამ სადღესასწაულო ღონისძიებები, 6 მაისს, ექსპო ჯორჯიაში გამართა. ევროპის დღე ჩვენს ქვეყანაში 1993 წლიდან აღინიშნება. 30 წელზე მეტია, რაც ევროკავშირი საქართველოში სხვადასხვა პროგრამებსა და პროექტებს აფინანსებს. DCFTA-ის ამოქმედების შემდეგ საქართველოსა და ევროკავშირს შორის ორმხრივი ვაჭრობის მთლიანი მოცულობა 15%-ით გაიზარდა. მას შემდეგ ევროკავშირი საქართველოსთვის მნიშვნელოვანი სავაჭრო პარტნიორია, ევროკავშირის მიერ საქართველოსთვის 2021-2024 წლებისთვის განკუთვნილი გრანტების მოცულობა 340 მილიონ ევროს შეადგენს. ყოველწლიურად კი საქართველოს ამბიციური რეფორმების მხარდასაჭერად გრანტის სახით 100 მილიონი ევრო გამოიყოფა. საქართველოში დღეს ბევრი ბიზნესია, რომელთა წარმატება და განვითარებაც ევროკავშირის დახმარებით მოხდა. ერთ-ერთი გამორჩეული სექტორი სოფლის მეურნეობაა და განსაკუთრებული წვლილია თხილის ბიზნესში. სტუმარი: ბაია სალუქვაძე - შპს "ჯორჯიან პროდაქტს რენესანსის", შპს " აგრითრეიდის" თანადამფუძნებელი. #ახალიამბები #BusinessMediaGeorgia
საქართველოში 223 კერძო სკოლაა რეგისტრირებული. საქართველოში არსებული კერძო სკოლების წლიური გადასახადი 5000 ლარიდან - 25 000 დოლარამდე მერყეობს. კერძო სკოლების მიმართ მომხმარებლების და ინვესტორების დაინტერესებაზე, ბევრი გარემოება მეტყველებს, ამიტომ გადავწყვიტეთ თქვენთვის შედარებით დეტალურად მოვიკითხოთ ამ ბიზნესის განწყობები და შეფასებები. ვიდრე სტუმართან ერთად გავშლით თემას, გასულ კვირას, საქართველოს განათლებისა და მეცნიერების მინისტრი გიორგი ამილახვარი კერძო სკოლების დირექტორებს და ასოციაციების წარმომადგენლებს შეხვდა, რომლის ფარგლებშიც ზოგადსაგანმანათლებლო დაწესებულებებში არსებულ გამოწვევებსა და მათი გადაჭრის გზებზე იმსჯელეს. საუბრისას გიორგი ამილახვარმა აღნიშნა, რომ განათლების ნებისმიერ საფეხურზე, იქნება ეს საჯარო, თუ კერძო საგანმანათლებლო დაწესებულება, ხარისხის გაუმჯობესებაზე ზრუნვა სამინისტროსთვის უმთავრეს პრიორიტეტსა და პასუხისმგებლობას წარმოადგენს. როგორი მოლოდინები აქვთ სექტორში? სტუმარი: ბაკურ სულაკაური - "მწვანე სკოლის" დამფუძნებელი. #ახალიამბები #BusinessMediaGeorgia
2022 წელს სექტორის მთლიანმა გამოშვებამ 7.1 მლრდ ლარი შეადგინა, მშპ-ში შექმნილმა სიმდიდრემ კი 4.4 მლრდ ლარი. აღნიშნული, ქვეყნის მშპ-ის 7% იყო. ეკონომიკაში აგრარული სექტორის წილი მნიშვნელოვან ინფორმაციას იძლევა იმაზე, თუ განვითარების რა ეტაპზეა ქვეყანა. სტუმრები: ირინა გურგენაშვილი - Gnomon Wise-ის აღმასრულებელი დირექტორი, საერთაშორისო ურთიერთობების სპეციალისტი; ზვიად ხორგუაშვილი - Gnomon Wise-ის მკვლევარი #ახალიამბები #BusinessMediaGeorgia
მთავრობა საქალაქთაშორისო მგზავრთა გადაყვანის რეფორმას გეგმავს, რომელიც რამდენიმე ეტაპად განხორციელდება. დოკუმენტს პარლამენტი სავარაუდოდ საშემოდგომო სესიაზე დაამტკიცებს და სწორედ ამ პერიოდიდან შეიქმნება საჭიროება, რომ აღირიცხოს ყველა ის ოპერატორი და ავტოსადგური, რომელიც ბაზარზეა. #ახალიამბები #BusinessMediaGeorgia
საქართველოს კონკურენციის ეროვნულმა სააგენტომ ბოლო კვირებში რამდენიმე კომპანიის მისამართით მომხმარებლების სარჩელების განხილვის შედეგად პირობითი ვალდებულების ხელშეკრულებები გააფორმა. მცირე დეტალები შესაძლოა განსხვავებულია, თუმცა „მომხმარებლის უფლებების დაცვის შესახებ“ საქართველოს კანონის სავარაუდო დარღვევის ფაქტების დადასტურების შემდეგ გაიწერა კონკრეტული ვალდებულებები, რაც კომპანიებმა უნდა შეასრულონ. რა ტიპის დარღვევებზე დადგინდა კონკურენციის სააგენტოს მხრიდან კანონის დარღვევა და რა შეთანხმებები გაფორმდა სხვა და სხვა კომპანიებთან მიმართებით? სტუმარი: მარიამ შაიშმელაშვილი - "კონკურენციის სააგენტოს" მომხმარებლის უფლებების დაცვის დეპარტამენტის უფროსის მოადგილე; #ახალიამბები #BusinessMediaGeorgia
მიმდინარე კვირის პირველ სავაჭრო სესიაზე ენერგეტიკულ ბირჟაზე აღმასვლის ტენდენცია ფიქსირდება, ბირჟის გახსნიდან რამდენიმე საათში ბარელი Brent-ის მარკის ნავთობის ფასი 1.5%-ითაა გაზრდილი და ამჟამად 76 დოლარს აღწევს; WTI Crude-ის ღირებულებამაც 1.5%-ით მოიმატა და ის 72 დოლარს შეადგენს. რაც შეეხება რუსულ ნავთობს, ბირჟაზე ბარელი Urals-ის ფასი 56 დოლარს აჭარბებს, რაც ერთ დღეში თითქმის 4.5%-ით გაზრდილი მაჩვენებელია. მიუხედავად ამისა, უნდა აღინიშნოს, რომ ერთწლიან პერიოდში ბირჟაზე რუსული ნავთობი თითქმის 34%-ითაა გაიაფებული; Brent-ის ვარდნის მაჩვენებელი კი 27%-ს შეადგენს. ნავთობის ფასების ზრდა პირდაპირ კავშირშია ჩინეთის მასშტაბით კოვიდრეგულაციების სრულად გაუქმებასთან და ეკონომიკური აქტივობის აღდგენასთან. გარდა ამისა, აშშ-ში წლიური ინფლაციის დონე 6%-იან ნიშნულამდე შემცირდა. ინფლაციის შენელება ფედერალურ რეზერვს, სავარაუდოდ, მონეტარული პოლიტიკის შერბილებისკენ უბიძგებს, რასაც ინვესტორები და ტრეიდერები პოზიტიურ სიახლედ იღებენ, რადგან ის ხელს შეუწყობს ეკონომიკური აქტივობის აღდგენას და საწვავზე მაღალი მოთხოვნის შენარჩუნებას. აქვე უნდა აღინიშნოს ისიც, რომ FED-ის ხელმძღვანელობის განცხადებით, ივნისში დაგეგმილ შეხვედრაზე რეფინანსირების განაკვეთის დამატებით ზრდა აღარ არის დაგეგმილი. სტუმარი: რატი მესხიშვილი - Galt&Taggart;-ის უფროსი ასოცირებული ბროკერი #ახალიამბები #BusinessMediaGeorgia
როგორ უნდა გამოვიყენოთ სადაზღვევო პოლისი მოგზაურობისას და რამდენად მარტივია სერვისის მიღება რომელიც შეძენილი გაქვთ. კომპანია „ჯეოასისტანსი“ მსოფლიოს სხვადასხვა წერტილში წასულ საქართველოს მოქალაქეს ქართულ სადაზღვევო მომსახურებას სთავაზობს და რატომ არის მათი მომსახურება საჭირო? სტუმარი: კონსტანტინე გრძელიძე - „ჯეოასისტანსის“ დამფუძნებელი; #ახალიამბები #BusinessMediaGeorgia
Forbes Georgia & BMG და Tegeta Holding-ი წარმოგიდგენთ: #ForbesAuto-ს
თიბისი კაპიტალმა გასული კვირის მიწურულს ძალიან საინტერესო კვლევა წარადგინა, რომლის მიხედვითაც 2022 წელს ჯამური FMCG ბაზრის მოცულობა მოსალოდნელზე მეტად, წლიური 37%-ით გაიზარდა, რაც გაუთვალისწინებელი ფაქტორებით იყო გამოწვეული. ზრდა განპირობებული იყო მოსახლეობის დანახარჯების მატებით, მაღალი ინფლაციით, ტურიზმის სწრაფი აღდგენით და მიგრანტების დანახარჯებით. შარშან ორგანიზებული FMCG ბაზარი, ჯამური ბაზრის მსგავსად წლიური 37%-ით გაიზარდა და 5.9 მილიარდი ლარი შეადგინა. ამავე შედეგებით, დედაქალაქის ბაზარი საკმაოდ გაჯერებულია ორგანიზებული საცალო მოვაჭრეებით, ხოლო რეგიონული ბაზარი საკმაოდ დაბალი პენეტრაციით ხასიათდება. 2022 წელს ორგანიზებულ FMCG ბაზარზე უპირატესობა მცირე ფორმატის მაღაზიების გახსნას ენიჭებოდა. დანახარჯების მოცულობის მიხედვით ახალგაზრდა მომხმარებლების წილის ზრდა განსაკუთრებით მნიშვნელოვანია ელ-კომერციის ზრდის პოტენციალისთვის. სტუმარი: ია ნადირაშვილი - Store Next Georgia-ს გენერალური მენეჯერი, რიტეილ კონსულტანტი #ახალიამბები #BusinessMediaGeorgia