ბათუმში საქართველოს სტარტაპ სამიტი და სტარტაპების მსოფლიო თასის ეროვნული შეჯიბრი გაიმართა. ამ ამბავს გიორგი არონია არაფრით გამოაკლდებოდა და შაბათიც და კვირაც სამიტზე გაატარა. ბათუმში წარმატებულები საერთაშორისო თასისთვის ბრძოლაში ებმებიან, საპრიზო ფონდისთვის ერთი მილიონი დოლარი. საქართველოსთან ერთად 50 ზე მეტი რეგიონული შეჯიბრებიდან წარმატებული კონკურსანტები ერთვებიან ბრძოლაში და ჭკვიანი თავების შეკრება იწყება. #ახალიამბები #BusinessMediaGeorgia
საქართველოში კენიური ავოკადოს პირველ ლოგისტიკურ ცენტრი გორში, სამაცივრე მეურნეობა Tiriphoni Fruits-ის ბაზაზე გაიხსნა, რომელსაც კომპანია, Eximcrop მართავს. Eximcrop-მა კენიური ავოკადოს პირველი პარტია სუპერმარკეტების ქსელ „ნიკორაში“ უკვე შეიტანა. ლოგისტიკური ცენტრის მიზანია, საქართველოში მოქმედი სამაცივრე საწყობები 100%-ით დატვირთოს და ადგილობრივი ბიზნესისთვის დამატებითი შემოსავალი მიიღოს. კომპანიამ საქართველოში „პუერტეს“ ჯიშის ავოკადო როგორც ადგილობრივი ბაზრისთვის, ისე დაგეგმილი რეექსპორტისთვის ჩამოიტანა. პირველი საპილოტე კონტეინერის მოცულობამ 24 ტონა შეადგინა, თუმცა იმპორტი გაგრძელდება. სტუმარი: ვახტანგ გოგალაძე - Eximcrop-ის თანადამფუძნებელი; #ახალიამბები #BusinessMediaGeorgia
ყაზახეთის რესპუბლიკის 8 ქალაქიდან ბათუმის მიმართულებით პირდაპირი ფრენები იწყება. 10 ივნისიდან, მთელი სეზონის განმავლობაში, კვირაში 2-ჯერ ასტანა-ბათუმის ფრენებს ავიაკომპანია SCAT-ი შეასრულებს. ინფორმაციას აჭარის ფინანსთა და ეკონომიკის სამინისტრო ავრცელებს. უწყების ცნობით, ავიაკომპანიის მიმართულებების დეპარტამენტის ხელმძღვანელი ანდრეი ბიბერი აჭარის ფინანსთა და ეკონომიკის მინისტრს, ჯაბა ფუტკარაძეს შეხვდა, რომელმაც SCAT-ის წარმომადგენელს აჭარაში „ტურიზმის აღდგენის მზარდი დინამიკა, ვიზიტორთა ზრდის სტატისტიკა და სექტორში დაგეგმილი პროექტები გააცნო“.ასტანა-ბათუმის ავიარეისზე ბილეთის ფასი ივნისში 800-მდე ლარია. როგორია აქტიურობა საზღვაო კურორტებზე და რომელი ქვეყნებიდან? სტუმარი: ირაკლი თავართქილაძე - ტურისტული კომპანია „აჭარა ტურის“ დამფუძნებელი, რესტორანი "აკროპოლეს" დამფუძნებელი; #ახალიამბები #BusinessMediaGeorgia
ზაფხულის ტურისტული სეზონის მოახლოების კვალდაკვალ საქართველოს კურორტებზე სამზადისი დაწყებულია. სტუმრების მისაღებად ელოდებიან რაჭაში, კერძოდ, ამბროლაურში მდებარე სასტუმრო „გარემოში“, რომელიც განსხვავებული ტიპის კოტეჯებს აერთიანებს, სადაც ჯამურად 8 პერსონის განთავსებაა შესაძლებელი. როგორც „გარემოში“ ამბობენ, მიმდინარე სეზონისთვის უცხოელი სტუმრების მხრიდან ინტერესი უკვე არსებობს. ვინ ჯავშნის და როგორ ხვდება ზოგადად კურორტი ზაფხულის სეზონს? სტუმარი: მირანდუხტ დავითულიანი - "გარემოს" დამფუძნებელი; #ახალიამბები #BusinessMediaGeorgia
#ავიაციისსიახლეები: Georgian Airways-ს თბილისი-მოსკოვის რეისის ტრანზიტული ფრენებისთვის გამოყენება სურს - RTVI; საქართველოს აეროპორტში არსებული კომპანიები სანქციების რისკის ქვეშ არიან - სახდეპი; Wizz Air Abu Dhabi ქუთაისიდან ფრენის სიხშირეს ზრდის; ყაზახეთის 8 ქალაქიდან ბათუმის მიმართულებით ფრენები იწყება - აჭარის მთავრობა; Uzbekistan Airways-მა ტაშკენტი-ბათუმის მიმართულებით ფრენა დაიწყო; ახალი აეროპორტის საჭიროებას ბევრი დაკვირვება არ სჭირდება... საკითხზე კვლევა მიმდინარეობს - ქარქაშაძე; საქართველოში თურქულ-გერმანულმა ავიაკომპანია SunExpress-მა დაიწყო ოპერირება. კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით; #ავიაცია #ავიამიმოსვლა #საქმიანიდილა #ბიზნესმედია #საქმიანები
ფარისებრი ჯირკვლის დაავადებათა რიცხვი საკმაოდ მაღალია, თუმცა ბოლო მონაცემებით, ყველაზე გავრცელებულს შორის შეგვიძლია გამოვყოთ: ენდემური - იოდის დეფიციტით გამოწვეული ფარისებრი ჯირკვლის გადიდება, რომელიც ძირითადად იმ რეგიონებშია გავრცელებული, სადაც წყალში, ნიადაგსა და საკვებში იოდის ნაკლებობაა. დიფუზური - ამ დროს ფარისებრი ჯირკვალი ერთგვაროვნად არის გადიდებული და თუ პაციენტს არ აღენიშნება ჰორმონული დარღვევები, როგორც წესი, მკურნალობას არ საჭიროებს; კვანძოვანი - როცა ფარისებრი ჯირკვალი გადიდებულია მასში კვანძების გაჩენის გამო. კვანძი სიმსივნური წარმონაქმნია, რომელიც შეიძლება იყოს როგორც კეთილთვისებიანი, ისევე ავთვისებიანი. თითოეულს განსხვავებული მიმდინარეობა და საჭიროება ახასიათებს.ხშირ შემთხვევაში ოპერაციის აუცილებლობაც განიხილება და ამ მხრივ სხვათა შორის საქართველოდან პაციენტები ქვეყნის ფარგლებს გარეთ ხარჯებს ხშირად სწევენ. თუმცა ეს ნამდვილად არ ნიშნავს ერთმნიშვნელოვნად, რომ ლოკალურად მაღალი ხარისხის მიღება ყოველთვის შეუძლებელია. 2018 წლიდან კლინიკა ენმედიცში ფარისებრი ჯირკვალზე ოპერაცია კანზე კვეთის გარეშე ტარდება. როგორ ხდება ეს რა უპირატესობა აქვს ამ მეთოდით მკურნალობის ამ ეტაპს და პაციენტებისთვის მითუმეტეს? სტუმარი: ნათია ქათამაძე - "ენმედიცის" ენდოკრინოლოგი; #ახალიამბები #BusinessMediaGeorgia
საქართველოს მთავრობა, იმპორტირებულ ფქვილზე, დროებით, 5 თვის ვადით, საიმპორტო საფასურის დაწესებას გეგმავს, რომელიც ძალაში, სავარაუდოდ, 10 ივნისიდან შევა. ბიზნესსექტორის წარმომადგენლებმა ხაზი გაუსვეს, რომ მიღებული გადაწყვეტილება შეჯერებული პოზიციაა და არსებულ ვითარებას ისე დაარეგულირებს, რომ პურის ფასი არ გაიზრდება. #ახალიამბები #BusinessMediaGeorgia
თხილის მწარმოებელთა ასოციაციაში 2023 წელს, 2022 წელთან შედარებით, თხილის მოსავლიანობის გაზრდას ელოდებიან. როგორც BM.GE-ს თხილის მწარმოებელთა ასოციაციის აღმასრულებელი საბჭოს თავმჯდომარემ მერაბ ჭითანავამ განუცხადა, მიმდინარე წლის თხილის მოსავალი გასულ წელთან შედარებით 5 000 ტონით მეტი იქნება. მისივე განმარტებით, მიმდინარე წლის მოლოდინები დადებითია. კარგი მოსავლის მოლოდინია ნუშის და კაკლის მწარმოებელთა ასოციაციის მხრიდანაც. წინასწარი პროგნოზით, 2023 წლის კაკლის სავარაუდო მოსავალი დაახლოებით 8600 ტონას შეადგენს. აქედან 3000 ტონას მარტო კაკლის ახალი ბაღებიდან ელოდებიან. რა განსაზღვრავს ოპტიმისტურ მოლოდინებს, ბაღების გაზრდილი რაოდენობა, გაუმჯობესებული ამინდი თუ კულტურის მოვლის უნარები? სტუმარი: თორნიკე ლათათია - ნუშის და კაკლის მწარმოებელთა ასოციაციის დირექტორი; #ახალიამბები #BusinessMediaGeorgia
მთაწმინდის პარკში კოკა-კოლას და მთაწმინდის პარკის დამეგობრების აღსანიშნავი ღონისძიება გაიმართა. წლების შემდეგ პირველად, მსურველებს პარკის ნებისმიერ ლოკაციაზე კოკა-კოლას ბრენდის ყველა პროდუქტის დაგემოვნების შესაძლებლობა ექნებათ. ღონისძიებაზე პროგრამა ყველა თაობის ადამიანისთვის იყო შედგენილი. სტუმრების განწყობაზე ქუჩის თეატრის შოუმ, ჯგუფმა ძაბვამ, 4D Monsters Lobsters-მა და DJ Kipo-მ იზრუნეს. ადგილზე Coca-Cola MIX-ის ბარი იყო მოწყობილი, სადაც მომხმარებელს კოკა-კოლას პროდუქტებისგან დამზადებული კოქტეილების სერია შესთავაზეს. #ახალიამბები #BusinessMediaGeorgia
სან დიეგოს სახელმწიფო უნივერსიტეტსა და ილიას სახელმწიფო უნივერსიტეტს შორის დღეს ტექნოლოგიის კორპუსში მდებარე მაღალტექნოლოგიური ლაბორატორიების გადმოცემისა და უნივერსიტეტებს შორის ურთიერთთანამშრომლობის განახლებული მემორანდუმი გაფორმდება. ამ მემორანდუმის ფარგლებში უნივერსიტეტებმა ერთობლივი პროგრამები უნდა განახორციელონ. სტუმრები: ნინო დობორჯგინიძე - ილიაუნის რექტორი, დოქტორი; ადელა დე ლა ტორე, სან დიეგოს სახელმწიფო უნივერსიტეტის პრეზიდენტი, დოქტორი #ახალიამბები #BusinessMediaGeorgia
სამშენებლო და დეველოპერულმა კომპანია „მაქრო ქონსთრაქშენმა“ გასული კვირის მიწურულს ახალი სერიის, „პრესტიჟი“ და ამ სერიის პირველი პროექტის, „პრესტიჟი კოსტავაზე“, პრეზენტაცია გამართა. „პრესტიჟი“ კომპანიის კიდევ ერთი ახალი მიმართულებაა, რომელიც ქალაქის ცენტრში ელიტარულ და ბუტიკ პროექტებს მოიცავს. #ახალიამბები #BusinessMediaGeorgia
TOP 10 ინვესტორი ქვეყანა საქართველოში - FDI 2022; რომელ დარგებში დებენ ინვესტიციებს საქართველოში? #ახალიამბები #BusinessMediaGeorgia
2021 წლის აპრილში საქართველოში გადახდისუუნარობის ახალი კანონმდებლობა ამოქმედდა, რასაც როგორც ბიზნესი ასევე საერთაშორისო პარტნიორები წლების განმავლობაში ითხოვდნენ. მისი მეშვეობით რთულ ფინანსურ მდგომარეობაში მყოფი ბიზნესების რეაბილიტაციის ახალი წესი ამოქმედდა. სწორედ ამ საკითხებზე თბილისში usaid ის მხარდაჭერით კონფერენცია გაიმართა. #ახალიამბები #BusinessMediaGeorgia
#საქმიანიდილა - 29 მაისი - პროლოგი #ახალიამბები #BusinessMediaGeorgia
ქალაქ ბერნში, საქართველოს საელჩომ შვეიცარიის კონფედერაციაში საქართველოს დამოუკიდებლობის დღისადმი მიძღვნილ ღონისძიებას უმასპინძლა. საელჩოს ინიციატივით საღამოზე წარმოდგენილი იყო სხვადასხვა ღვინის კომპანიები და ქართული კულინარია. კომპანია არემჯის კორპორაციული პასუხისმგებლობის ფარგლებში, რომელიც გაერთიანება ღვინო ბოლნისში შემავალი მეღვინეობების პროდუქციის ქვეყნის გარეთ პოპულარიზაციას და მათი სხვადასხვა ევროპულ ბაზრებზე წარდგენას ითვალისწინებს, სპეციალურად ღონისძიებისთვის 14 მცირე ბოლნისური მარნის საუკეთესო ღვინო შეირჩა. საკუთარი კუთხის ღვინოები გაერთიანება ღვინო ბოლნისმა შვეიცარიელ სტუმრებს პირველად წარუდგინა. საღამო შვეიცარიაში მცხოვრები ცნობილი ქართველი პიანისტის, თამარ ბერაიას კლასიკური მუსიკის კონცერტით გაიხსნა, რომელსაც აკომპანემენტი “SOS Talents”-ის ორმა ახალგაზრდა შემსრულებელმა ლიზა მეგრელიშვილმა და ბარბარა თათარაძემ გაუწიეს. საგამოფენო სივრცეში კი შვეიცარიაში მცხოვრები ქართველო ხელოვანების - მაკა დადიანისა და ნინა გამსახურდიას ნამუშევრების გამოფენა-გაყიდვა მოეწყო. #ახალიამბები #BusinessMediaGeorgia
ილონ მასკის სტარტაპმა Neuralink-მა 25 მაისს განაცხადა, რომ მიიღო აშშ-ს მარეგულირებლების თანხმობა ადამიანებში მისი ტვინის იმპლანტების გამოსაცდელად. Neuralink-ის განცხადებით, აშშ-ს სურსათისა და წამლების ადმინისტრაციის (FDA) მხრიდან მისი პირველი ადამიანური კლინიკური კვლევისთვის ნებართვა არის "მნიშვნელოვანი პირველი ნაბიჯი" მისი ტექნოლოგიისთვის, რომელიც შექმნილია იმისთვის, რომ ტვინს პირდაპირ კომპიუტერებთან ურთიერთობის საშუალება მიეცეს „მოხარული ვართ განვაცხადოთ, რომ მივიღეთ FDA-ს ნებართვა, რომ დავიწყოთ ჩვენი პირველი კლინიკური ცდა ადამიანებზე. ეს არის Neuralink გუნდის წარმოუდგენელი მუშაობის შედეგი FDA-სთან მჭიდრო თანამშრომლობით,"- ნათქვამია Neuralink-ის განცხადებაში. 2019 წლის ივლისში ილონ მასკმა გამოაცხადა, რომ Neuralink-ს შეეძლება 2020 წელს ჩაატაროს თავისი პირველი ტესტები ადამიანებზე. Neuralink-ის თანახმად, კლინიკური ცდისთვის მოხალისეების აყვანა ჯერ არ არის გამოცხადებული. #ახალიამბები #BusinessMediaGeorgia
საქართველოს დამოუკიდებლობის გაკვეთილები სტუმარი: გია ხუხაშვილი - ექსპერტი, პოლიტოლოგი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
ევროინტეგრაცია და საქართველოს დამოუკიდებლობა სტუმარი: კახა გოგოლაშვილი - "რონდელის ფონდის" ევროპული კვლევების ცენტრის დირექტორი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
"მიჰაუსი" 26-28 მაისს მომხმარებლებს 50-% მდე ფასდაკლებას სთავაზობს თორნიკე ქინქლაძე - "მიჰაუსის” მარკეტინგის დეპარტამენტის ხელმძღვანელი #ახალიამბები #BusinessMediaGeorgia
პირველ კვარტალში საქართველოში რეგისტრირებული ავიაკომპანიები 42.2 ათას მგზავრს მოემსახურნენ, რაც წლიურად 53.5%-ით გაზრდილი მაჩვენებელია. საქსტატის ოფიციალური მონაცემების მიხედვით სატვირთო გადაზიდვების მხრივ სტატისტიკა ასეთივე პოზიტიური არ არის. რიცხვები აჩვენებს, რომ პირველ კვარტალში გადატანილი ტვირთების მოცულობა შემცირებულია. წლის პირველ 4თვეში ტვირთბრუნვის მოცულობა 208 მილიონ სამასი ათასი ტონა-კილომეტრი იყო. ამავე პერიოდში როგორც გადატანილი ტვირთის, ასევე ტვირთბრუნვის მოცულობა წინა წლის შესაბამის პერიოდთან შედარებით, 36.2%-ით შემცირდა. დანარჩენ მონაცემებსაც რომ ჩავხედოთ, მიმდინარე წლის I კვარტალში საქართველოს აეროპორტებში 0.3 ათასი სატვირთო რეისი განხორციელდა, რაც 25%-ით ნაკლებია გასული წლის შესაბამისი პერიოდის მაჩვენებელზე. 2023 წლის I კვარტალში საქართველოს აეროპორტები 1 048.3 ათას მგზავრს მოემსახურა, რაც 49.9%-ით აღემატება წინა წლის შესაბამისი პერიოდის მაჩვენებელს. მგზავრთნაკადის 97.2% რეგულარულ ფრენებზე მოდის. სტუმარი: გიორგი სეთურიძე - CAMEX Airlines-ის საინვესტიციო პროექტის ხელმძღვანელი #ახალიამბები #BusinessMediaGeorgia
რას ნიშნავს „ღია ბანკინგი“? BMGDRIVE-ის მგზავრი: დავით კიკვიძე - “ფინტექ ასოციაციის” თავმჯდომარე; ავტორები: ბექა ბაციკაძე, გურამ ხუნდაძე, რევაზ ნასიძე #ახალიამბები #BusinessMediaGeorgia
“ერი, დაბადებული გამარჯვებისთვის” - ფილმი უკრაინაზე სტუმარი: ალექსი პეტრიაშვილი - რონდელის ფონდის უფროსი მკვლევარი; #ახალიამბები #BusinessMediaGeorgia
#საქართველოს დამოუკიდებლობის დღე - რა დაგხვდებათ რუსთაველის გამზირზე? მარიამ იზორია - #BMG-ის რეპორტიორი #ახალიამბები #BusinessMediaGeorgia
ეროვნული ბანკი სავალუტო რეზერვების შევსებას აგრძელებს. სებ-მა აპრილში, Bmatch-პლატფორმის მეშვეობით, სავალუტო ბაზრიდან $322.4 მილიონი შეისყიდა, რაც რეკორდულად დიდი მოცულობის სავალუტო ინტერვენციაა. მთლიანად წლის პირველ 4 თვეში სებ-ის მიერ ბაზრიდან სავალუტო შესყიდვების ზომა 782.9 მილიონი დოლარი იყო. სებ-ის მიერ Bmatch პლატფორმით განხორციელებული შესყიდვები ერთ-ერთი მიზეზია, რის გამოც საქართველოს სავალუტო რეზერვებმა - 5.2 მილიარდ დოლარს გადააჭარბა. ზუსტ მონაცემებს, თუ რა ზომისაა ამჟამად რეზერვები სებ-ი 7 ივნისს გამოაქვეყნებს . სტუმარი: ოთარ ნადარაია - თიბისის მთავარი ეკონომისტი; #ახალიამბები #BusinessMediaGeorgia
როგორ აღნიშნავენ დამოუკიდებლობის დღეს მსოფლიოში? თიკო ნატმელაძე - BMG-ის რეპორტიორი; #ახალიამბები #BusinessMediaGeorgia
რა ღონისძიებები იგეგმება დღეს დამოუკიდებლობის დღის აღსანიშნავად? - დეტალებით თათია ჩაფიჩაძე #ახალიამბები #BusinessMediaGeorgia
USAID-ი საქართველოში პროფესიული განათლების ხელშეწყობას კვლავ აქტიურად განაგრძობს და ამჯერად, თავისუფალ და აგრარულ უნივერსიტეტებთან თანამშრომლობით, შრომის ბაზრის საჭიროებებზე მორგებულ 5 პროფესიულ პროგრამას განახორციელებს, მათ შორის, რესტორნის მენეჯმენტის, კულინარიისა თუ, ვეტერინარიის მიმართულებით. გარდა ამისა, კახა ბენდუქიძის კამპუსში სასწავლო ინფრასტრუქტურის შემდგომი მასშტაბური განვითარება იგეგმება. პროექტის ჯამური ინვესტიცია 1 მილიონ დოლარს შეადგენს. უფრო მეტს, რას გულისხმობს USAID-ის, თავისუფალი და აგრარული უნივერსიტეტების პარტნიორობა და რა პროექტების განხორციელებას უნდა ველოდოთ სამომავლოდ? #ახალიამბები #BusinessMediaGeorgia
გუშინდელი ვაჭრობის შედეგად ქართული ეროვნული ვალუტა აშშ დოლართან მიმართებაში გაუფასურდა. დოლარის მიმართ კურსის ცვლილებამ 3.09 თეთრი შეადგინა, რის შემდეგაც დოლარის ოფიციალური ღირებულება 2.5879 ლარი გახდა. საქართველოს ეროვნული ბანკის ინფორმაციით, ეროვნული ვალუტა ევროსთან მიმართებაში 2.66 თეთრით გაუფასურდა, რის შედეგადაც ერთი ევროს ოფიციალური ღირებულება 2.7825 ლარი გახდა. 3.46 თეთრით გაუფასურდა ლარი გირვანქა სტერლინგთან (GBP), რომლის ფასი 3.2020 ლარი გახდა.თურქული ლირას კურსმა 13.01 თეთრი შეადგინა. რა ახდენს კურსზე გავლენას და როგორია მიმდინარე ტურისტული სეზონისთვის მოლოდინები, სტუმარი: აკაკი ცომაია - ეკონომისტი; #ახალიამბები #BusinessMediaGeorgia
ბოლო 5 წლის ფონზე წელს საქართველოში ჩუტყვავილას შემთხვევების რეკორდულად მაღალი მაჩვენებელია მოსალოდნელი. წლის პირველ ოთხ თვეში უკვე 3 118 შემთხვევაა დადასტურებული. როგორც იმუნიზაციის ტექნიკურ მრჩეველთა ჯგუფის ხელმძღვანელი ივანე ჩხაიძის აცხადებს თუ ეს ტენდენცია შენარჩუნდა, წლის ბოლოს 10 ათასამდე შემთხვევა იქნება დაფიქსირებული. ინფორმაციისთვის, ჩუტყვავილას შემთხვევაში 100 000 ინფიცირებულზე გარდაცვალების ერთი შემთხვევა ფიქსირდება, წითელას შემთხვევაში კი 3000 ინფიცირებულს შორის ერთი იღუპება. რას უკავშირდება შემთხვევების ზრდა და როგორია ვაქცინაციის მიმართულებით არსებული სურათი? სტუმარი: ივანე ჩხაიძე - იმუნიზაციის ტექნიკურ მრჩეველთა ჯგუფის ხელმძღვანელი; #ახალიამბები #BusinessMediaGeorgia
ნარჩენების მართვა მსოფლიოს ბევრი ქვეყნის მსგავსად საქართველოსთვისაც გამოწვევაა. გარემოს დაბინძურების თავიდან არიდებისთვის იქმნება სეპარირებული ნაგვის ურნები ქუჩებში, სხვადასხვა კამპანიები, შენდება ნარჩენების გადამამუშავებელი საწარმოები თუმცა, პრობლემა ამით არ სრულდება. მთავარი გამოსავალი ერთი მხრივ საზოგადოების ცნობიერების, მეორე მხრივ კი ბიზნესების სოციალური პასუხისმგებლობის ამაღლებაა. საკითხი ბიზნესის თითქმის ყველა მიმართულებაში პრობლემატურია, განსაკუთრებული ჩართულობა კი ჰორეკა სექტორისგანაა საჭირო. „ბიო დიზელ ჯორჯია“ ნარჩენების მართვის სექტორში მეშვიდე წელია ჩართულია. კომპანია ქვეყნის მასშტაბით არსებული ჰორეკა სექტორიდან მეორეულ საკვებს შემდგომი გადამუშავების მიზნით აგროვებენ. სტუმარი: მურმან პატარაია - "ბიო დიზელ ჯორჯიაs“ დირექტორი #ახალიამბები #BusinessMediaGeorgia
რუსეთის მოქალაქეების მიერ რეგისტრირებულ ბიზნესსა და საცხოვრებელ ბინებზე ვისაუბრებთ გადაცემის ამ ნაწილში. როგორც საჯარო რეესტრის ეროვნული სააგენტო პარლამენტის დეპუტატის თამარ კორძაიას კითხვის პასუხად აცხადებს, 2022 წლის 13 ოქტომბრიდან 26 აპრილამდე ინდივიდუალურ მეწარმედ რუსეთის ფედერაციის 8872 მოქალაქე დარეგისტრირდა; წილის მესაკუთრის ან/და დამფუძნებლის სახით რუსეთის ფედერაციის 889 მოქალაქის მონაწილეობა დარეგისტრირდა 646 იურიდიულ პირში. რაც შეეხება მონაცემებს საცხოვრის შეძენასთან დაკავშირებით, ბოლო 6 თვეში რუსეთის 4 ათასამდე მოქალაქემ იყიდა ბინა. კერძოდ, უძრავ ნივთებზე უფლებათა რეესტრის მონაცემებით, რუსეთის ფედერაციის 3 878 მოქალაქის საკუთრების უფლება დარეგისტრირდა 4 745 საცხოვრებელ ბინა/ერთეულზე. 886 მიწის ნაკვეთზე, რომელზეც განთავსებულია შენობა-ნაგებობა, დარეგისტრირდა რუსეთის ფედერაციის 829 მოქალაქის საკუთრების უფლება. მიწის ნაკვეთების ჯამური ფართობი შეადგენს 118.213 კვ.მ-ს. ამასთან, 2022 წლის 1-ლი მარტიდან 2023 წლის 26 აპრილამდე პერიოდისთვის, რუსეთის ფედერაციის მოქალაქეთა საკუთრებაში რეგისტრირებული შენობა-ნაგებობის გარეშე მიწის ნაკვეთების ჯამური ფართობია 265.049 კვ.მ; ამავე პერიოდისთვის შენობა-ნაგებობებიანი მიწის ნაკვეთების ჯამური ფართობია 209.600 კვ.მ; ხოლო საცხოვრებელი ბინა/ერთეულების ჯამური ფართობი - 424 449.823 კვ.მეტრი,“ - აღნიშნულია ინფორმაციაში. სტუმარი: თამარ კორძაია - პარლამენტის დეპუტატი; #ახალიამბები #BusinessMediaGeorgia
21-წლამდე ნაკრებთა, ევროპის საფეხბურთო ჩემპიონატი ახლოვდება, სამზადისისთვის სულ უფრო ცოტა დრო რჩება და ამასობაში საორგანიზაციო საკითხების ნაწილს უკვე როგორც შესრულებულს და ჩაბარებულს ვადევნებთ თვალს. ჩემპიონატის მასპინძლობისთვის რეაბილიტაცია ჩაუტარდა თბილისის მიხეილ მესხის სახელობისა და ბორის პაიჭაძის სახელობის სტადიონებს, ქუთაისის რამაზ შენგელიას სახელობის სტადიონს და თბილისის საწვრთნელ-სათადარიგო სტადიონებს. ოთხი ახალი, უეფას მე-4 კატეგორიის, საწვრთნელი და სათადარიგო სტადიონი აშენდა წყალტუბოში, ქობულეთში და ბათუმში. ვიდრე დარჩენილ დღეებს ბილეთების შესაძენად გულშემატკივარი გამოიყენებდეს კიდევ ერთხელ შეხსენებისთვის უეფას 21-წლამდე ევროპის ჩემპიონატი საქართველოსა და რუმინეთში 21 ივნისიდან 8 ივლისის ჩათვლით, საქართველოს სამ ქალაქში - თბილისში, ქუთაისსა და ბათუმში გაიმართება. სტუმარი: დავით მუჯირი - საქართველოს ფეხბურთის ფედერაციის გენერალური მდივანი #ახალიამბები #BusinessMediaGeorgia
#საქმიანები: მაქმანებიანი "ნეკრესის მამული" - სასტუმრო მარანში ოთარ ტაბატაძე - სასტუმრო “ნეკრესის მამულის” მეპატრონე; თემო ნინოშვილი - სასტუმრო “ნეკრესის მამულის” მეპატრონე; ავტორები: მანანა მანჯგალაძე, ედგარ ყაზახაშვილი, ლადო ცხადაია; #ახალიამბები #BusinessMediaGeorgia
რამდენიმე დღეში ევროკავშირისა და კონრად ადენაუერის ფონდის მხარდაჭერით, ‘საქართველოს სტრატეგიული კვლევებისა და განვითარების ცენტრის ორგანიზებით, ‘საქართველოს პასუხისმგებელი ბიზნესის კონკურსის Meliora 2022’-ის რიგით მეოთხე დაჯილდოების ცერემონია გაიმართება. კონკურსი, რომლის მიზანიც არის საქართველოში კორპორაციული პასუხისმგებლობის განვითარება და საზოგადოებაში მისი პოპულარიზაცია, ბიზნეს კომპანიებს მათ მიერ განხორციელებული საუკეთესო პროექტებისა და ინიციატივებისათვის აჯილდოებს კორპორაციული პასუხისმგებლობისა მდგრადი განვითარების სფეროში. სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; ლელა ხოფერია - საქართველოს სტრატეგიული კვლევების და განვითარების ცენტრის СSR პროგრამის ხელმძღვანელი. #ახალიამბები #BusinessMediaGeorgia
მეფუტკრეობა საკმაოდ მზარდი სექტორია, რომელსაც მსოფლიოსთვის დიდი შემოსავლების მოტანაც შეუძლია, თუმცა ისევე როგორც ყველა სფეროში, აქაც ბევრი გამოწვევა არსებობს. საინტერესოა, როგორ ვითარდება მეფუტკრეობა ევროკავშირში, რომელ ქვეყნებს ჰყავთ ყველაზე მეტი ფუტკრის ფერმები და რა გამოწვევებს აწყდება ეს სექტორი? #ახალიამბები #BusinessMediaGeorgia
ულტრა მდიდარი ადამიანების რაოდენობა გლობალურად მცირდება. Welth Report-ის უახლესი ანგარიშის თანახმად გასულ წელს, იმ ადამიანების რიცხვი, ვინც 30 მილიონ დოლარზე მეტ აქტივებს ფლობს, 4%-ით შემცირდა. მართალია, ეს ტენდენცია მთელს მსოფლიოზე ვრცელდება, თუმცა, აღსანიშნავია, რომ ულტრამდიდარი ადამიანების რაოდენობის კლება ყველაზე მკვეთრად ევროპის კონტინენტზე შეინიშნება. რატომ მცირდება მაღალშემოსავლიანი პირების რაოდენობა მსოფლიოში, რა არის ამ ყველაფრის მიზეზი და როგორია სამომავლო პერსპექტივები? #ახალიამბები #BusinessMediaGeorgia
კომპანია ფერმერებს აგროსერვისების სრულ სპექტრს სთავაზობს. ბრენდი საქართველოს რეგიონებში მომსახურე ცენტრებითა და მაღაზიათა ქსელით არის წარმოდგენილი და ფერმერებს უხვმოსავლიანობასა და ბიზნესის განვითარებაში ეხმარება. ამ დროისთვის კომპანია ბაზარზე 5 ფილიალით არის წარმოდგენილი. სტუმარი: სერგი მაღლაფერიძე - "ბარაქას" კომერციული დირექტორი #ახალიამბები #BusinessMediaGeorgia
გლობალურად ყავის ფასი იზრდება. მსოფლიოში რობუსტას მარცვლებზე დეფიციტია. შედეგად, ყავის საბითუმო ფასებმა ბოლო თორმეტი წლის მაქსიმუმს მიაღწია. როგორია პროგნოზები და რამდენ პროცენტიან ზრდას ვარაუდობენ? #ახალიამბები #BusinessMediaGeorgia
ასობით მილიონი დოლარის ღირებულების კერძო კუნძულის შეძენის შესაძლებლობა მსოფლიოში არც ისე ბევრ ადამიანს აქვს, თუმცა მათი დროებით ქირაობა უამრავი ადამიანისთვის ხელმისაწვდომია. რა ღირს მსოფლიოს სხვადასხვა კუთხეში, ძვირადღირებული კუნძულებს დაქირავება და რას სთავაზობენ ყველაზე მდიდარი მასპინძლები სტუმრებს? ამ კითხვაზე პასუხს ამერიკული ფორბსი გვთავაზობს, რომელიც იმ საუკეთესო კერძო კუნძულებს გვაცნობს, რომელთა დაქირავებაც 2023 წელს არის შესაძლებელი. #ახალიამბები #BusinessMediaGeorgia
ვიწრო ჩიხები, ჭრელი დახლები, ქაოსი - მოგზაურობა შარმ-ელ-შეიხის ძველ ბაზარში #ახალიამბები #BusinessMediaGeorgia
საქართველოში სატაცურის მოსავლიანობამ იკლო, რასაც ფერმერები უამინდობას უკავშირებენ. მათივე თქმით, პროდუქციაზე შემცირებულია ფასიც, ეს კი ბაზარზე ახალი ფერმერების გამოჩენით შექმნილმა კონკურენციამ განაპირობა. მაგალითად, ერთ-ერთი კომპანიის "ქართული სატაცურის" თანადამფუძნებელი აღნიშნავს, რომ გასულ წელს კომპანიაში სეზონი 1 კგ სატაცურზე 30 ლარით დაიწყეს და 13 ლარით დაასრულეს, ხოლო წელს მაშინ როდესაც ჯერ სეზონი არ დასრულებულა ჩასაბარებელი სატაცური 1 კგ 11 ლარი ღირს. სწორედ უამინდობის გამო, კომპანიაში მოსავლიანობა წელს 20%-ით შეუმცირდათ. #ახალიამბები #BusinessMediaGeorgia
#საქმიანიდილა - 25 მაისი - პროლოგი #ახალიამბები #BusinessMediaGeorgia
ELMA-ს თავის მოვლის ორგანული საშუალებები - მაკო მახარობლიძე ქალების ნარატივში სტუმარი: მაკო მახარობლიძე - ELMA- ს დამფუძნებელი; #ქალებისნარატივი გვანცა ლაღიძესთან ერთად; #ახალიამბები #BusinessMediaGeorgia
საქართველოს წიგნის გამომცემელთა და გამავრცელებელთა ასოციაციის ორგანიზებით, 25 მაისიდან 28 მაისის ჩათვლით თბილისის წიგნის საიუბილეო, 25-ე საერთაშორისო ფესტივალი იმართება. ფესტივალი მკითხველებს ტრადიციული მასშტაბითა და ფორმატით, ექსპო ჯორჯიას პავილიონებში უმასპინძლებს. მე-11 პავილიონში წარმოდგენილი იქნება, როგორც ქართველი, ისე უცხოელი გამომცემლებისა და სხვადასხვა ორგანიზაციების მთავარი სტენდები, ხოლო მე-6 და მე-5 პავილიონებში თავმოყრილი იქნება საბავშვო წიგნები და მათთან დაკავშირებული საბავშვო აქსესუარები. ფესტივალის ფარგლებში მოეწყობა, როგორც მთავარი სცენა ლიტერატურული ღონისძიებებისთვის, ასევე საბავშვო შემეცნებით-გასართობი კუთხე ფესტივალის პატარა დამთვალიერებლებისთვის. სტუმრები: თინათინ ბერიაშვილი - საქართველოს წიგნის გამომცემელთა და გამავრცელებელთა ასოციაციის დირექტორი; მაია ალუდაური - “გამომცემლობა პალიტრა L-ის" მთავარი რედაქტორი #ახალიამბები #BusinessMediaGeorgia
„ჯიპიაი ჰოლდინგი“ სადაზღვევო ბაზარზე პირველობას მეექვსე წელია ინარჩუნებს. საქართველოს დაზღვევის ზედამხედველობის სამსახურმა 2022 წლის შედეგები გამოაქვეყნა, რომლის მიხედვითაც “ჯიპიაის” სადაზღვევო ინდუსტრიაში ყველაზე დიდი წილი - 18,5 % უჭირავს. ელექტრონული არხების გაუმჯობესებასთან ერთად, ჯიპიაიმ ბაზარზე უნიკალური კონცეფციებიც შექმნა - მაგალითად ავტოდაზღვევის ახალი ბრენდი - ავტო აქტივი და ავტო ფიქსი - პროდუქტი ყველა კატეგორიის მომხმარებელზეა მორგებული. ავტო ფიქსი ავტოდაზღვევის უნიკალური პროდუქტია, რომელიც თვეში მხოლოდ 48 ლარად ყველა რისკს 90%-ით ფარავს. რატომ არის ეს პროდუქტი განსაკუთრებული და ვისთვის არის ავტო ფიქსი ხელსაყრელი? სტუმარი: კონსტანტინე მანჯგალაძე - “ჯიპიაი ჰოლდინგის“ NLI ბაზარზე განვითარების დირექტორის მოადგილე; #ახალიამბები #BusinessMediaGeorgia
შვეიცარული აგრარული სკოლა გაფართოვდა. “კავკასიამ” მეორე ფერმაც დმანისში გახსნა და უახლოეს მომავალში ეტაპობრივად სხვა და სხვა ჯიშის ძროხების რაოდენობაც გაიზრდება. დმანისის მუნიციპალიტეტში, სოფელ სარკინეთში უკვე ორი წელია, ქართულ ბაზარზე „შვეიცარიული აგრარული სკოლა კავკასია“ ოპერირებს, რომლის ბაზაზე ამოქმედებულ საწარმოში ყველის წარმოება აქტიურად მიმდინარეობს და გასული წლის შედეგებით სარეალიზაციო ქსელებს უკვე 5 სახეობის ყველს ყიდიან. რამდენიმე კვირის წინ მიხეილ სვიმონიშვილმა bmg-სთან 2024-25 წლების გეგმების დაანონსებისას თქვა, რომ სამიზნე დღიურად 2 ტონამდე რძის გადამუშავებაა და წარმოებული პროდუქტის გაყიდვაა. რა ეტაპზეა “”კავკასია”? სტუმარი: თინათინ მახარაძე - "შვეიცარიული აგრარული სკოლა კავკასიის” დირექტორი. #ახალიამბები #BusinessMediaGeorgia
BMG-სა და Gnomon Wise-ის ერთობლივი რუბრიკა - კვლევა & განვითარება; განათლების ექსპორტი - სექტორული განვითარება სტუმრები: ირინა გურგენაშვილი -Gnomon Wise-ის აღმასრულებელი დირექტორი, საერთაშორისო ურთიერთობების სპეციალისტი; კონსტანტინე თოფურია - საქართველოს უნივერსიტეტის რექტორი. #ახალიამბები #BusinessMediaGeorgia
პანდემიის შემდეგ ხშირად სულ უფრო ხშირად გვესმის იმის შესახებ, რომ ისეთი უმსხვილესი ქსელური კომპანიები, როგორიცაა: walmart, nordstrom, თუ sturbucks, აშშ-ის დიდ ქალაქებში სულ უფრო მეტ მაღაზიას ხურავენ. მაგალითად, Walmart-მა 2021 წლიდან მოყოლებული 40-მდე მაღაზია დახურა და დამატებით 20 ფილიალის გაუქმებას წელს აანონსებს, CVS-ის სამწლიან გეგმაში კი, შეერთებული შტატების მასშტაბით 900 ფილიალის დახურვა შედის. რატომ ხურავენ უმსხვილესი კომპანიები ფილიალებს და ზოგადად, როგორ შემცირდა ბოლო წლების განმავლობაში საცალო ვაჭრობა? #ახალიამბები #BusinessMediaGeorgia
სწრაფი კვების ინდუსტრია მსოფლიოში მნიშვნელოვნად დიდი და საკმაოდ განვითარებული სფეროა. საქართველოს ბაზარზე სწრაფი კვების ობიექტების ჩამონათვალი რაოდენობრივად დიდი ნამდვილად არ არის, თუმცა საერთაშორისო ბრენდებთან ერთად ბოლო წლებში აქტიურად გამოჩნდა რესტორნები "მაკშაურმას" სახელით. "მაკშაურმა" ფართოვდება. კომპანია ახალ საწარმოსთან ერთად 4 რესტორანს ამატებს და თბილისში 5 და ბათუმში მომუშავე 2 რესტორნის ჩათვლით გეგმის განხორციელების შემდეგ პორტფელში 11 რესტორანი ექნებათ. „მაკშაურმა“ ბაზარზე 2009 წელიდან ოპერირებს და ამ დროისთვის 350 ადამიანს ასაქმებს. სტუმრები: რამაზ ხარებავა - "მაკშაურმას" დამფუძნებელი და დირექტორი; კლაუს შლოფერი - VIANOVA-ს დამფუძნებელი. #ახალიამბები #BusinessMediaGeorgia