რას ცვლის მეწარმეებისთვის საგადასახადო შეღავათები აგროტურიზმში? სტუმარი: მარიამ ჯორჯაძე - ბიოლოგიურ მეურნეობათა ასოციაციის “Elkana” დირექტორი. #ახალიამბები #BusinessMediaGeorgia
საქართველოში პირველი ბიოსერტიფიცირებული სასათბურე მეურნეობა ბოსტანი გახდა. წარმოების 3 წლის თავზე კომპანიას ბიოსერტიფიკატი ოფიციალურად მიენიჭა, რაც ნიშნავს, რომ მის მიერ წარმოებული პროდუქცია 100%-ით ნატურალური და უსაფრთხოა. რაც შეეხება მასერტიფიცირებელ ორგანოს, CAUCASCERT-ია, რომელიც საქართველოში ბიოსერტიფიცირების ერთადერთი ადგილობრივი კომპანიაა. ის აკრედიტებულია გერმანიის აკრედიტაციის ცენტრის (DakkS) მიერ და შესულია ევროკომისიის მესამე ქვეყნების ბიოსერტიფიცირების ეკვივალენტური კომპანიების სიაში. შპს „კავკასსერტი“ გასცემს ბიოსერტიფიკატს, რომელსაც იურიდიული ძალა აქვს როგორც საქართველოში, ისე ევროკავშირის ყველა ქვეყანაში. რა გზა გაიარეს ბოსტნის დამფუძნებლებმა ბიოსერტფიკატის მინიჭებისთვის და რა პროგნოზებს აკეთებენ ახლა, როცა ერთადერთი ბიოსერტიფიცირებული სასათბურე მეურნეობაა საქართველოში. სტუმარი: ბექა ბარჯაძე - ბიო „ბოსტანის" დამფუძნებელი #ახალიამბები #BusinessMediaGeorgia
იუჯითი რამდენიმე წელია არ შემოიფარგლება მხოლოდ IT სერვისების და გადაწყვეტების მიწოდებით კომპანიებისთვის და ავითარებს სხვადასხვა ტექნოლოგიურ მიმართულებებს. მათ შორის, უკვე 5 წელია, რაც ელექტრობის და შენობის მართვის სისტემების მიმართულება ვითარდება იუჯითიში. სტუმრები: დავით ხასია - "იუჯითის" ელექტრობის და შენობის მართვის სისტემების ტექნიკური დირექტორი; თეონა სუარიძე - "იუჯითის" ელექტრობის და შენობის მართვის სისტემების ბიზნეს კონსულტანტი #ახალიამბები #BusinessMediaGeorgia
ევროკავშირმა რუსეთის წინააღმდეგ სანქციების მე-11 პაკეტი დაამტკიცა. სანქციების ბოლო პაკეტი ახალ შეზღუდვებსა და აკრძალვებს სავაჭრო, სატრანსპორტო, ენერგორესურსებისა და სხვა რამდენიმე მნიშვნელოვანი მიმართულებით აწესებს. მათ შორის საქართველოსთვის განსაკუთრებით საყურადღებო და პრინციპში არა მხოლოდ საქართველოსთვის ის არის რომ იკრძალება მოწინავე ტექნოლოგიისა და ავიაციასთან დაკავშირებული მასალების ტრანზიტი, რაც გულისხმობს, რომ ევროკავშირიდან მესამე ქვეყნებისთვის საექსპორტოდ განკუთვნილი პროდუქტების რუსეთის გავლით გატანა ვერ მოხდება. იკრძალება ევროკავშირიდან რუსეთში ძვირადღირებული მანქანების ექსპორტი. მათ შორისაა ყველა ახალი და მეორეული მანქანა, რომელთაც 1900 სმ³-ზე მეტი ძრავა აქვთ, ყველა ელექტრო და ჰიბრიდული მანქანა. იკრძალება რუსეთისთვის ინტელექტუალური საკუთრების უფლების, ლიცენზიების მიყიდვა და გადაცემა. საქმე ისაა, რომ რამდენიმე კომპანია, რომელმაც სანქციების გამო პროდუქცია ვერ გაყიდა რუსეთში, მოსკოვს მათი წარმოების უფლებას გადასცემდა. ახალი სანქციები აღნიშნული სქემით მუშაობასაც შეზღუდავს. ასევე Politico წერს, რომ ევროკავშირმა გადაწყვიტა, იმ ქვეყნების მიმართ, რომლებიც რუსეთს სანქციებისგან თავის არიდებაში ეხმარებიან სანქციები გაამკაცროს. ექსპერტები კი ვარაუდობენ, რომ გამკაცრებული სანქციები ამ პროცესების შეფერხებას გამოიწვევს. თუ გარკვეული ქვეყნები დასავლეთის სანქციებს ვერ შეასრულებენ ან ვერ ახსნიან აკრძალული საქონლით რუსეთთან ვაჭრობის უეცარ ზრდას, მათ, შესაძლოა, ევროკავშირის მიერ დასანქცირება დაემუქროთ. სტუმარი: გიგი გიგიაძე - EPRC-ის უფროსი მკვლევარი; #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით რატი მესხიშვილი სტუმარი: რატი მესხიშვილი - Galt & Taggart-ის უფროსი ასოცირებული ბროკერი; #ახალიამბები #BusinessMediaGeorgia
5-მა კომპანიამ შპს „დემასი“, შპს ,,გოსელინ მობილითი ჯორჯია”, შპს ,,შარმ ტრეიდინგი”, შპს ,,ქართული ღვინისა და ალკოჰოლური სასმელების კომპანია”, სს „შატო მუხრანი“ - ავტორიზებული ეკონომიკური ოპერატორის (AEO) სტატუსის დამადასტურებელი სერტიფიკატები მიიღეს. ფინანსთა სამინისტროს შემოსავლების სამსახურის გადაწყვეტილებით ახლა უკვე ამ სტატუსს შპს ,,ქართული სადისტრიბუციო-მარკეტინგული კომპანიისა“ და შპს ,,ჰავი ლოჯისტიკსის“ ერთად უკვე 7 კომპანია ფლობს. საქართველოსა და ევროკავშირს შორის გაფორმებული ასოცირების შესახებ შეთანხმებით, საქართველომ აიღო სამართლებრივი ვალდებულება, ეტაპობრივად მოახდინოს საბაჟო პროცედურების ევროპულ რეგულაციებთან დაახლოება. აღნიშნული რეგულაციები ავტორიზებული ეკონომიკური ოპერატორის კონცეფციის იმპლემენტაციასაც გულისხმობს და ის საბაჟო სისტემასა და ბიზნესს შორის პარტნიორულ ურთიერთობას ეფუძნება. ახალი სტატუსი კომპანიებს ახალ გამარტივებულ საბაჟო შესაძლებლობებს სთავაზობს. რაში და როგორ გამოიყენებს შატო მუხრანი ამ სტატუსს? სტუმრები: თეონა ტაბატაძე - "შატო მუხრანის" ბრენდ მენეჯერი; ბორის ვაშაკიძე - "შატო მუხრანის" ლოჯისტიკის მენეჯერი. #ახალიამბები #BusinessMediaGeorgia
გუშინ პროფესიულმა კავშირებმა ხელფასის მინიმალური ზღვრის გაზრდასთან დაკავშირებით კანონპროექტი წარადგინეს, სადაც შრომის საერთაშორისო ორგანიზაციის ექსპერტები, დამსაქმებელთა ასოციაციისა და ხელისუფლების წარმომადგენლები ესწრებოდნენ. კონკრეტულად რას გულისხმობს ეს კანონპროექტი, რას ითხოვენ პროფესიული კავშირები და როგორ გააუმჯობესებს აღნიშნული ცვლილება ცხოვრების დონეს? #ახალიამბები #BusinessMediaGeorgia
მზის პანელების საპროექტო და სამონტაჟო კომპანია Green Energy-იმ საინფორმაციო ღონისძიებას სახელწოდებით - მომავალი განახლებად ენერგიაშია უმასპინძლა. ღონისძიების მთავარ მიზანს განახლებადი ენერგიების მიმართულებით ცნობიერების ამაღლება წარმოადგენდა. ღონისძიებას ესწრებოდა ენერგეტიკის სექტორი. რა სიახლეებია განახლებადი ენერგიის სექტორში და რა პოტენციალი აქვს საქართველოს? #ახალიამბები #BusinessMediaGeorgia
სამშენებლო-სარემონტო მასალებზე ფასები შემცირდა -კომპანიების წარმომადგენლები აცხადებენ, რომ კლება პროდუქციის უმრავლესობას შეეხო, მასალის ნაწილზე კი სტაბილური ფასი ნარჩუნდება. რა ახდენს ფასებზე გავლენას და როგორია ბაზარზე მოლოდინები? #ახალიამბები #BusinessMediaGeorgia
#საქმიანიდილა - 27 ივნისი - პროლოგი #ახალიამბები #BusinessMediaGeorgia
მიმდინარე წლის 1 ივლისიდან ქვეყანაში ახალი რეგულაცია შევა ძალაში. საუბარია კერძო და საჯარო სექტორისთვის შენობების ენერგოეფექტიანობის შესახებ კანონზე, რომლის მიხედვითაც, განურჩევლად საკუთრების ფორმისა, ყველა ახალმა შენობამ ენერგო ეფექტიანობის მინიმალური მოთხოვნები უნდა დააკმაყოფილოს. კანონქვემდებარე აქტმა უნდა განსაზღვროს, როგორი უნდა იყოს მაგალითად, შენობის სახურავი, კედლები და იატაკი. კანონის მოქმედება გავრცელდება უკვე არსებულ შენობებზეც, რომელიც რეკონსტრუქციას საჭიროებს. BMG-სთან საუბრისას სამშენებლო კომპანიების წარმომადგენლები აღნიშნავენ, რომ ახალმა რეგულაციამ მშენებლობები უკვე გააძვირა. #ახალიამბები #BusinessMediaGeorgia
დედოფლისწყაროს მუნიციპალიტეტში, კომპანიის „ეკოსპარტანელი“ პლასტმასის გადამმუშავებელი საწარმო ამოქმედდა. საწარმოს მოსაწყობად ინვესტიციის მოცულობამ 209,000 ლარზე მეტი შეადგინა, მათ შორის, სოფლის განვითარების პროგრამის თანადაფინანსება 145,000 ლარია. საწარმოს ამოქოქვით, ქალბატონებო და ბატონებო, უკვე შესაძლებელია 100 ტონამდე პლასტმასისა და მაკულატურის გადამუშავება. კომპანია ადგილობრივი მოსახლეობისგან იბარებს მაკულატურას და პლასტმასის მეორად ბოთლებს. აღსანიშნავია, რომ რეგიონში ეს პირველი საწარმოა, ამ მიმართულებით და საწარმოში 10-მდე ადამიანია დასაქმებული“. ბარაქა და წარმატება თქვენ ყველას. გარდა იმისა, რომ ასეთი საწარმოები იქოქება, აქ მნიშვნელოვანია, რომ ასეთი საწამოები სერიოზულად შეუწყობენ ხელს გარემოზე უარყოფითი შედეგების შემცირებას. და საქმეში „სოფლის განვითარების პროგრამა“ სოფლის განვითარების სააგენტომ, ევროკავშირისა (EU) და გაეროს განვითარების პროგრამის (UNDP) მხარდაჭერით, „სოფლისა და სოფლის მეურნეობის განვითარების ევროპის სამეზობლო პროგრამის” (ENPARD) ფარგლებში განახორციელა. #ახალიამბები #BusinessMediaGeorgia
დედოფლისწყაროს მუნიციპალიტეტში, კომპანიის „ეკოსპარტანელი“ პლასტმასის გადამმუშავებელი საწარმო ამოქმედდა. საწარმოს მოსაწყობად ინვესტიციის მოცულობამ 209,000 ლარზე მეტი შეადგინა, მათ შორის, სოფლის განვითარების პროგრამის თანადაფინანსება 145,000 ლარია. საწარმოში 100 ტონამდე პლასტმასისა და მაკულატურის გადამუშავებაა შესაძლებელი. სტუმარი: თამარ შაფათავა - კომპანია " ეკოსპარტანელის" წარმომადგენელი; #ახალიამბები #BusinessMediaGeorgia
„კერძო სკოლებში სწავლის წლიური ფასი საშუალოდ 6, 500 ლარია, ფასები მომდევნო წლებში კი სავარაუდოდ 10-15%-ით კიდევ გაიზრდება“ - ამის შესახებ „თიბისი კაპიტალის“ კვლევაშია აღნიშნული, რომლის ანალიტიკაზე დაყრდნობით, საშუალოდ ქართული ოჯახი 2023 წელს, კერძო სკოლის გადასახადში თავისი შემოსავლის დაახლოებით 37%-ს ხარჯავს. 2022/2023 სასწავლო წელს ქვეყანაში სულ 2,086 საჯარო და 216 კერძო სკოლა ფუნქციონირებდა. საჯარო სკოლების რაოდენობა თითქმის უცვლელია, ხოლო კერძო სკოლების რაოდენობა ბოლო წლების განმავლობაში კლებულობს. პანდემიის მიერ შექმნილი გამოწვევების, მაღალი ფიქსირებული ხარჯებისა და მაღალი კონკურენციის პირობებში, ზოგიერთმა კერძო სკოლამ ბაზარი დატოვა ან შეუერთდა სხვა სკოლას, რამაც საერთო ჯამში კერძო სკოლების რაოდენობის შემცირება გამოიწვია. 2018 წლიდან 2021 წლის ჩათვლით, კერძო სკოლების წილი სკოლების ჯამურ რაოდენობაში სტაბილურად 10%-ს შეადგენდა, ხოლო 2022 წელს 9%-მდე შემცირდა. საჯარო სკოლებთან შედარებით მოთხოვნა კერძო სკოლებზე ბოლო წლების განმავლობაში მზარდია. გამონაკლისი იყო პანდემიური წელი, როდესაც ლარის სწრაფად გაუფასურებამ ზოგიერთი კერძო სკოლის ინდექსირებული სწავლის საფასური მკვეთრად გაზარდა, მეორე მხრივ კი, მოსახლეობის შემოსავლების შემცირებამ მოსწავლეთა საჯარო სექტორში დენადობას შეუწყო ხელი. პანდემიური წლის შემდეგ კერძო სკოლებში მოსწავლეთა რაოდენობის აღდგენა შეინიშნება. რაც შეეხება კერძო სკოლების ფინანსური ანგარიშგებებს, მათი შემოსავლები მნიშვნელოვნად იზრდებოდა 2018-2021 წლებში. 2021 წლის ბოლოსთვის, ჯამურმა წლიურმა შემოსავალმა 176 მილიონ ლარს მიაღწია. კერძო სკოლების წმინდა მოგების მარჟა 2020 წელს 13%-დან 10%-მდე შემცირდა, 2021 წელს კი 18%-ს დაუბრუნდა. სტუმარი: გიორგი მელაძე - სკოლა „ნიუტონი“ ხელმძღვანელი; #ახალიამბები #BusinessMediaGeorgia
კახოვკის კაშხლის აფეთქების შემდეგ შავი ზღვის უსაფრთხოების თემა აქტუალობას არ კარგავს. მიუხედავად სპეციალისტების მიერ გაკეთებული განცხადებებისა, რომ საქართველოს ამ ეტაპზე რისკ ზონაში არ არის, მოსახლეობის ნაწილში პანიკა გრძელდება. ბიზნესის წარმომადგენლები აცხადებენ, რომ ჯავშნები აჭარის მიმართულებით მასიურად უქმდება. ეჭვები გაამძაფრა გასული კვირის ბოლოს გონიოში გამორიყულმა მკვდარმა დელფინმაც. გარემოს ეროვნული სააგენტოს ინფორმაციით, ათეულობით მსგავსი ფაქტი ზაფხულის სეზონზე ყოველწლიურად ხდება, გამომწვევი მიზეზი კი სხვადასხვაა. გარემოს ეროვნული სააგენტო და აჭარის მთავრობა მონიტორინგის შედეგებზე დაყრდნობით წერს, რომ შავი ზღვის წყლის ხარისხი მთელ პერიმეტრზე ნორმის ფარგლებშია. კვლევები მარილიანობის ჩათვლით ძირითადი ფიზიკურ-ქიმიური პარამეტრებზე ტარდება. როგორ მიმდინარეობს რეგიონში სეზონი? სტუმარი: ვახტანგ ქართველიშვილი - „თრეველ ჯორჯია ვან“ ბიზნეს დეველოპერი; #ახალიამბები #BusinessMediaGeorgia
#ავიაციისსიახლეები: მთავრობამ ვაზიანში ახალი აეროპორტის ასაშენებლად ტექნიკური კვლევები დაიწყო; რუსულ Red Wings-ს საქართველოში ფრენების დაწყება არ შეუძლია - მედია; საქართველოს მიმართულებით ოპერირებას ახალი ავიაკომპანია იწყებს; ყაზახეთის პრემიერი ქართულ ავიაკომპანიებს ყაზახეთში რეგულარული ფრენების დაწყებისკენ მოუწოდებს; Air Malta საქართველოს ავიაბაზარზე ჩარტერული რეისებით ბრუნდება; flydubai ზაფხულში თვეში 9500 რეისს შეასრულებს; Georgian Airways-მა მილანის მიმართულებით ავიარეისების შესრულება დაიწყო. კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით; #ავიაცია #ავიამიმოსვლა #საქმიანიდილა #ბიზნესმედია #საქმიანები
მოგზაურობა პარიზის საჰაერო შოუზე TAV-თან და ADP-სთან ერთად გიორგი მოლოდინაშვილი - #საუბრებიავიაციაზე წამყვანი; სერქან კაპტანი - TAV Airports Holding-ის პრეზიდენტი; ფრენკ მერეიდე - TAV Airports Holding-ის ვიცე - პრეზიდენტი; თეა ზაქარაძე - Tav Georgia-ს გენერალური მენეჯერი. #ახალიამბები #BusinessMediaGeorgia
Galt&Taggart;-მა ხორცის და ხორცპროდუქტების მოხმარების შესახებ კვლევის მიხედვით, 2016 წლიდან ფრინველის ხორცის მოხმარებამ პირველ ადგილზე გადაინაცვლა და ღორის ხორცის მოხმარება ჩამოიტოვა. განვითარებადი ქვეყნების შემთხვევაში ფრინველის ხორცზე მოთხოვნის ზრდა მის ხელმისაწვდომ ფასთანაა დაკავშირებული, ხოლო განვითარებული ქვეყნების შემთხვევაში ჯანმრთელობაზე გავლენასა და მომზადების სიმარტივესთან. 2019 წლიდან 2021 წლამდე პერიოდში მსოფლიოში 327 მილიონი ტონა ხორცი მოიხმარეს, საიდანაც 40% ფრინველის იყო, 34% ღორის, 21% საქონლის და დარჩენილი 5% ცხვრის ან თხის. რაც შეეხება ხორცის ერთ სულ მოსახლეზე მოხმარების მაჩვენებელს - მაგალითად საქართველო ერთ სულ მოსახლეზე 38 კგ ხორცს მოიხმარს და ახლოსაა მსოფლიოს საშუალო მაჩვენებელთან, რომელიც 34 კილოგრამს შეადგენს, თუმცა საგრძნობლად ჩამორჩება ევროპას და ამერიკას: ევროპაში ეს რიცხვი 63 კილოგრამს აღწევს, ხოლო ამერიკაში 99 კილოგრამს. რაც შეეხება აფრიკის და აზიის ქვეყნებს, აქ საკმაოდ დაბალი მაჩვენებელი ფიქსირდება - აფრიკაში ერთ სულ მოსახლეზე 13 კილოგრამ ხორცს მოიხმარენ, ხოლო აზიაში - 26 კილოგრამს. კვლევის მიხედვით, განსხვავების ძირითადი მიზეზი კულტურული და კლიმატური თავისებურებები, ტურიზმის განვითარების დონე და ზოგადი ეკონომიკური მდგომარეობაა. სტუმარი: მარიამ ჩახვაშვილი - Galt&Taggart;-ის უფროსი ანალიტიკოსი; #ახალიამბები #BusinessMediaGeorgia
სად მოგზაურობენ უცხოელი ვიზიტორები საქართველოში? თიკო ნატმელაძე - #BMG-ის რეპორტიორი. #ახალიამბები #BusinessMediaGeorgia
დაჩქარებული ცხოვრების ტემპის და სამუშაო პროცესების ფონზე მეტი მოქნილობისა და ეფექტურობისათვის შექმნილი მიდგომის კიდევ უფრო პოპულარიზაციისთვის და მეტი ინფორმირებისთვის ივლისის დასაწყისში პირველი ფიზიკური Agile სამიტი იმართება, რომელიც ახალი თანამედროვე მიდგომებით პროცესების მართვის გამოცდილების მქონეებს და მათთვის ვისთვისაც ჯერ ისევ ახალი ეს მიმართულება საინტერესო შეთავაზებებს ამზადებს. რას ველით 4 ივლისს ტექნოპარკში? სტუმარი: მარია ღლონტი - AgileMentor-ის დამფუძნებელი; #ახალიამბები #BusinessMediaGeorgia
2022 წელს, 2021 წელთან შედარებით, საქართველოდან საქონლის ექსპორტი 32 პროცენტით გაიზარდა და 5.6 მილიარდი დოლარი შეადგინა. 10 უმსხვილეს სასაქონლო ჯგუფს ადგილობრივი ექსპორტის 50%-მდე უჭირავს. საინტერესოა, აღნიშნული 10 უმსხვილესი სასაქონლო ჯგუფის პროდუქცია რომელ ქვეყნებში გადის და როგორი ტენდენციაა ბოლო წლებში. #ახალიამბები #BusinessMediaGeorgia
ზოგადი განათლების ბაზრის ღირებულება 1.5 მლრდ ლარს აღემატება - თიბისი კაპიტალის კვლევა; კერძო სკოლების რაოდენობა შემცირდა - თიბისი კაპიტალის კვლევა; კერძო სკოლების მოსწავლეების რაოდენობა გაიზარდა - თიბისი კაპიტალის კვლევა; მოსწავლეების რაოდენობა 633 300-ია - თიბისი კაპიტალის კვლევა; #ახალიამბები #BusinessMediaGeorgia
გასულ უქმეებზე GOLDEN BRAND-ის დაჯილდოება გაიმართა, რომელზეც ჯილდო მეორედ საერთაშორისო კომპანია Herbalife-მა მოიპოვა. დაჯილდოების ცერემონია საქართველოში ყოველწლიურად იმართება. GOLDEN BRAND სხვადასხვა კატეგორიაში გამარჯვებულ 50-მდე ბრენდს ასახელებს. გამარჯვებულები წინასწარი კვლევის შედეგად ვლინდება და კვლევაში მონაწილეობას 100-მდე ექსპერტი იღებს. Herbalife საერთაშორისო კომპანიაა, რომელიც 1980 წლიდან ცვლის ადამიანის ცხოვრებას, აწვდის მათ შესანიშნავ საკვებ პროდუქტებს და აძლევს ბიზნეს შესაძლებლობასაც. კომპანიის მიერ შექმნილი პროდუქტები 90-ზე მეტ ქვეყანაშია ხელმისაწვდომი და მათ შორის საქართველოში 2011 წლიდან. ირაკლი ჩაჩანიძე - Herbalife-ის ბიზნესის განვითარების უფროსი მენეჯერი კავკასიაში; #ახალიამბები #BusinessMediaGeorgia
#საქმიანიდილა - 26 ივნისი - პროლოგი #ახალიამბები #BusinessMediaGeorgia
სამშენებლო სექტორის განვითარებაში შეტანილი წვლილისთვის „ელემენტ ჰოლდინგი“ დაჯილდოვდა. საპატიო ტიტული კომპანიას „გოლდენ ბრენდის“ ცერემონიაზე გადაეცა. „ელემენტ ჰოლდინგი“ 16 წელია ოპერირებს და 10-ზე მეტ შვილობილ კომპანიას აერთიანებს. მათ შორისაა, „ელემენტ კონსტრაქშენი“, რომელმაც გამარჯვება N1 ინდუსტრიული სამშენებლო კომპანიის კატეგორიაში მოიპოვა. #ახალიამბები #BusinessMediaGeorgia
რიკოთზე მიმდინარე პროცესები კვლავ საზოგადოების ყურადღების ცენტრშია. გუშინ საერთაშორისო მნიშვნელობის თბილისი-სენაკი-ლესელიძის საავტომობილო გზის 169 კმ-ზე, რამდენიმე ადგილზე ჩამოსულმა მიწის შვავმა საავტომობილო მოძრაობა დროებით კიდევ ერთხელ შეზღუდა. ტერიტორიაზე მოძრაობა დაახლოებით 2 სთ-ში აღდგა, თუმცა კითხვები, რომელიც ჩქაროსნული ავტომაგისტრალის მშენებლობის უსაფრთხოების მიმართულებით არსებობს, კიდევ უფრო გაიზარდა. რა იწვევს რიკოთზე მიმდინარე პროცესებს, რას აცხადებენ სპეციალისტები და შესაბამისი უწყებების წარმომადგენლები? #ახალიამბები #BusinessMediaGeorgia
აგროინდუსტრიის განვითარება საქართველოში ერთდროულად რამდენიმე მნიშვნელოვან წინააღმდეგობას, წინაღობას თუ გამოწვევას აწყდება. ერთია, პროფესიონალი კადრების დეფიციტი, მეორე გლობალურად ტექნოლოგიების სწრაფი განვითარების კვალდაკვალ, ლოკალურად ამ ტემპისთვის ფეხის აწყობის შესაძლებლობა და მესამეა – აგროინდუსტრიის სწორი ხედვა – როგორც ეკონომიკური განვითარებისთვის არა ერთადერთი ინდუსტრიის, არამედ ერთ–ერთი ინდუსტრიის, რომელიც ასევე უნდა გადაეწყოს ევროპულ, დასავლურ, თანამედროვე რელსებზე. როგორ შევიტანოთ ცოდნა უნივერსიტეტებში და რა ტიპის ტექნოლოგიებზე შეგვიძლია დავდოთ უკვე დღეს ფსონი? სტუმარი: ირაკლი ერაძე - Cvig Agro-ს მმართველი პარტნიორი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
Reform-Talks: ევროკოდები სტუმარი: ირაკლი ურუშაძე - ეკონომიკის და მდგრადი განვითარების სამინისტროს ევროკოდებთან დაკავშირებული პროექტის კონსულტანტი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
ამ კვირაში ქართული ოცნების თავმჯდომარისგან ირაკლი კობახიძისგან გავიგეთ, რომ საქართველოს პრემიერ-მინისტრს, ირაკლი ღარიბაშვილს, ბრიუსელში ვიზიტისას ევროპული საბჭოს პრეზიდენტმა შარლ მიშელმა სთხოვა, არ მიეღოთ კანონი დეოლიგარქიზაციის შესახებ. კობახიძემ აღნიშნა, რომ მმართველი ძალა ანგარიშს უწევს ამ თხოვნას და კანონს არ მიიღებს დეკემბრამდე. “ჩვენ დაველოდებით ყველა შემთხვევაში დეკემბერში ევროკომისიის და ევროპული საბჭოს მიერ გამოხატულ პოზიციას. ამ თემასთან დაკავშირებით ჩვენ გვაინტერესებს, მოიხსნება თუ არა დეოლიგარქიზაციის საკითხი, რაც თავის თავში გულისხმობს პერსონალიზებულ მიდგომას. მანამდე ჩვენ არ ვაპირებთ, რომ მივუბრუნდეთ ამ კანონპროექტის განხილვას” – უთხრა კობახიძემ მედიას. დეოლიგარქიზაცია ერთ-ერთია ევროკომისიის იმ 12 პრიორიტეტიდან, რომლებიც საქართველომ უნდა შეასრულოს ევროკავშირის წევრობის კანდიდატის სტატუსის მისაღებად. მასში საუბარი არ არის პერსონალიზებულ მიდგომაზე ან შესაბამისი კანონპროექტის შემუშავებაზე, არამედ მიზნად განსაზღვრულია ეკონომიკურ, პოლიტიკურ და საჯარო ცხოვრებაზე კერძო ინტერესების მომეტებული ზეგავლენის აღმოფხვრა. მმართველმა ძალამ კანონპროექტი შეიმუშავა და 13 ივნისს საქართველოს პარლამენტმა მეორე მოსმენით მიიღო კანონპროექტი „დეოლიგარქიზაციის შესახებ". საკითხის განხილვას წინ უძღოდა ევროსაბჭოს ვენეციის კომისიის დასკვნა ამ კანონპროექტზე. 12 ივნისს გამოქვეყნებული დასკვნის მიხედვით, ევროსაბჭოს ვენეციის კომისია საქართველოს ხელისუფლებას ურჩევს, უარი თქვას დეოლიგარქიზაციის კანონპროექტის გადამუშავებულ ვარიანტზე და ქვეყანაში ოლიგარქიულ გავლენასთან საბრძოლველად ჩაატაროს არსებული სისტემური ზომების ღრმა და ყოვლისმომცველი ანალიზი სტრუქტურული ხარვეზების, უფლებამოსილებების და კოორდინაციის თვალსაზრისით. ვენეციის კომისიის დასკვნას გამოეხმაურა ევროკავშირის წარმომადგენლობაც. მათ განცხადებაში წერია, რომ ევროკავშირი ეთანხმება და მხარს უჭერს ვენეციის კომისიას, რომლის რეკომენდაციაა, საქართველომ უარი თქვას "დეოლიგარქიზაციის კანონზე". როგორ ხსნის მმართველი გუნდის მოქმედებებს ოპოზიცია და რა არის შექმნილ ვითარებაში მათი სამოქმედო გეგმა? სტუმარი: #ახალიამბები #BusinessMediaGeorgia
BMG & Jeep Georgia წარმოგიდგენთ #BMGDRIVE-ს რა არის Wempler • ვემპლერი? #BMGDRIVE-ის მგზავრი: სანდრო თავხელიძე - Wempler-ის დამფუძნებელი; ავტორები:ბექა ბაციკაძე, საბა ხუციაშვილი, რევაზ ნასიძე #ახალიამბები #BusinessMediaGeorgia
„ვისოლ ჯგუფი“ ავტომომსახურების ბაზარზე 13 წლიანი მოღვაწეობის შემდგომ ოპერირებას „ვინტოს“ ბრენდით აგრძელებს და 12 მომსახურების ცენტრის საშუალებით მომხმარებელს ახალ გამოცდილებას ჰპირდება. მიმდინარე წლის ბოლომდე ზუგდიდსა და ბათუმში „ვინტოს“ კიდევ 2 ახალი ფილიალი დაემატება. „ვინტო“ „ვისოლ ჯგუფის“ ლოიალობის სისტემაშიცაა ჩართული და ერთგულ მომხმარებლებს კონკრეტულ შეთავაზებებს უკეთებს. სტუმრები: ვასილ ხორავა - "ვისოლის" გენერალური დირექტორი; ნიკა ხოდელი - "ვინტოს" აღმასრულებელი დირექტორი. #ახალიამბები #BusinessMediaGeorgia
CNN-მა მსოფლიოს 50 საუკეთესო რესტორნის სია გამოაქვეყნა, ამ ჩამონათვალში კი ძირითადად პერუსა და ესპანეთის რესტორნები ლიდერობენ. ღონისძიება, რომელიც გლობალური სამზარეულოს ოსკარად ითვლება, სამშაბათ საღამოს, ესპანეთის სამხრეთით, ქალაქ ვალენსიაში გაიმართა. რომელი რესტორნები მოხვდნენ მსოფლიოს საუკეთესოთა სიაში და რა კრიტერიუმებით გამოირჩნენ ისინი? თიკო ნატმელაძე - #BMG-ის რეპორტიორი #ახალიამბები #BusinessMediaGeorgia
ინფლაციური მაჩვენებლების გამოქვეყნების შემდეგ გასულ კვირაში ფედმა განაკვეთი უცვლელი დატოვა. განაკვეთის ზრდა ევროპის ცენტრალური ბანკის შემთხვევაში გაგრძელდა და 22 წლიან მაქსიმუმ გავიდა. საყურადღებო იყო ასევე ფედერალური რეზერვის წარმომადგენლების საჯარო გამოსვლა. რა მაკროეკონომიკურ მოლოდინებზე ისაუბრეს მათ, და რას ელიან ინვესტორები? სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი; #ახალიამბები #BusinessMediaGeorgia
ეფეს საქართველომ ახალი ქართული პრემიუმ კრაფტ ლუდი - „ტაატი“ ამჯერად მედიის წარმომადგენლებისთვის კიდევ ერთხელ წარადგინა. ლუდის ბაზარზე კიდევ ერთი სიახლეა. ახალი ქართული კრაფტ ლუდი სამი სახის უმაღლესი ხარისხის ალაოსა და სამი რჩეული არომატის მქონე სვიის გამოყენებით მზადდება. ხარშვის განსაკუთრებული მეთოდი ლუდს განუმეორებელ თვისებებს ანიჭებს. სტუმარი: ნიკოლოზ ხუნძაკიშვილი - „ეფეს საქართველოს“ კოპორაციულ საქმეთა დირექტორი; #ახალიამბები #BusinessMediaGeorgia
საქართველოში ავტომობილების იმპორტის სტატისტიკა მზარდ ტენდენციას ინარჩუნებს და ქვეყანა ფაქტობრივად მეორადი ავტომობილების ვაჭრობისა და რეექსპორტის ჰაბად იქცა. ამ ყველაფრის პარალელურად, ბაზარზე ავტოიმპორტიორ კომპანიათა რაოდენობაც მზარდია. დღეს თქვენი ყურადღება სწორედ ერთ-ერთ მათგანზე, ინდიგო ქარს-ზე მინდა შევაჩერო. ამერიკულმა კომპანიამ, რომელსაც ავტოინდუსტრიაში 25 წლიანი გამოცდილება აქვს, 2019 წელს ოპერირება საქართველოშიც დაიწყო და მომხმარებელს აშშ-ს აუქციონებიდან ავტომობილებისა და ავტონაწილების ჩამოტანის სერვისს სთავაზობს. აღსანიშნავია, რომ ინდიგო ქარს-ი შტატებში საკუთარ სასაწყობე ტერიტორიებს ფლობს და საქმიანობისათვის საჭირო ლიცენზიების მქონე ავტორიზებული დილერია. რაც ცხადია, მომხმარებლებისათვის დამატებით შესაძლებლობებს აჩენს. კიდევ რა უპირატესობები გამოარჩევს კომპანიას და რას სთავაზობს ის მომხმარებელს? რევაზ ჭოჭუა -„ინდიგო ქარსის" გაყიდვების ხელმძღვანელი #ახალიამბები #BusinessMediaGeorgia
საქართველოს ბიზნეს ასოციაცია კიდევ ერთ წევრ კომპანიას, ამჯერად ქართული დეველოპერული ბაზრის ერთ-ერთ უმსხვილეს კომპანია - არქის ესტუმრა. BAG-ი კომპანიის სათავო ოფისში მათ სამუშაო პროცესს გაეცნო და ამასთან, ასოციაციის წევრებმა არქის მიმდინარე მშენებარე პროექტებიც მოინახულეს. დეველოპერული კომპანია ბიზნეს ასოციაციის წევრ კომპანიათა რიგებში უკვე მრავალი წელია ირიცხება და როგორც არქის წარმომადგენლები ამბობენ, BAG-ი მათთვის ის სანდო პარტნიორია, რომელიც მუდმივად მათი ბიზნეს ინტერესების დაცვას უზრუნველყოფს. #ახალიამბები #BusinessMediaGeorgia
ჯიპისი შოპინგ დღესასწაულს აწყობს და მომხმარებელს სხვა და სხვა პროდუქტზე განსხვავებულ ფასდაკლებებს შესთავაზებს. შეთავაზებებს შორის ასევე იქნება ოპტიკის ზონაც, სადაც მსოფლიოში ცნობილ ბრენდებზე იქნება ფასდაკლება. თეა ჯავახიშვილი - “ჯიპისი” მარკეტინგის მენეჯერი; #ახალიამბები #BusinessMediaGeorgia
საქართველოს ბანკი საგანმანათლებლო პროექტების მხარდაჭერას განაგრძობს. ბანკი პროგრამა fullbright-ის მხარდამჭერია. fullbright-ის მონაწილე ახალგაზრდებს საშუალება აქვთ მაგისტრატურაზე სწავლა ამერიკის შეერთებულ შტატებში, წამყვან უნივერსიტეტებში განაგრძონ, საქართველოს ბანკი კი ყოველწლიურად მის რჩეულ ერთ სტუდენტს სრულად აფინანსებ და სტიპენდიასაც უნიშნავს. წელს ბანკმა რჩეულების რაოდენობა გაზარდა და ჯამში სამი სტუდენტი დააფინანსა. რაც შეეხება 2024 წლის პროგრამას, კონკურსის განაცხადების მიღება უკვე დაიწყო. აღსანიშნავია რომ fullbright-ის პროგრამის ფარგლებში ამერიკაში ჯამში 12 სტუდენტი მიემგზავრება. #ახალიამბები #BusinessMediaGeorgia
58 კილოგრამი კოკაინი პერუდან ბელგიაში #ახალიამბები #BusinessMediaGeorgia
#საქმიანიდილა - 23 ივნისი - პროლოგი #ახალიამბები #BusinessMediaGeorgia
მასკი და ცუკერბერგი ერთმანეთს რინგზე იწვევენ #ახალიამბები #BusinessMediaGeorgia
19 ივნისს თბილისში, ყაზბეგის ქუჩაზე ორი ავტობუსი ერთმანეთს შეეჯახა. შეჯახების შედეგად სამი მგზავრი დაშავდა, მათგან ერთის მდგომარეობა კი განსაკუთრებით მძიმე იყო. შინაგან საქმეთა სამინისტრომ მომხდარზე სისხლის სამართლის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. მძღოლი, რომელიც წინა ავტობუსს შეეჯახა, აცხადებს, რომ მიზეზი გადაღლილობა იყო, ავარიის გამომწვევი მიზეზი კი გაზის და მუხრუჭის სატერფულის არევა გახდა. რამდენ სთ-იანი რეჟიმით მუშაობენ საზოგადოებრივი ტრანსპორტის მძღოლები და როგორია საერთაშორისო პრაქტიკა? სტუმარი: ლავრენტი ალანია - ტრანსპორტისა და გზების მუშაკთა პროფკავშირების თავმჯდომარე #ახალიამბები #BusinessMediaGeorgia
კოვიდ პანდემიით გამოწვეული ლოკდაუნისა და იზოლაციის შედეგად მსოფლიოს მასშტაბით მენტალური და ფიზიკური ჯანმრთელობის გაუარესების შემთხვევებმა იმატა, რამაც თავის მხრივ ველნეს ტურიზმზე მოთხოვნა გაზარდა. გლობალური ველნესი ტურიზმის კონგრესზე (GWTC) გამოქვეყნებული ანგარიშის თანახმად, ინდუსტრიის წლიური შემოსავალი $1.3 ტრილიონი შეადგენს, რაც ჯამური მაჩვენებლის 14%-ია. კონგრესის პროგნოზზე დაყრდნობით, 5-10 წლის პერიოდში, სტატისტიკა 16%-მდე გაიზრდება. აღსანიშნავია, რომ დასვენებასა და ჯანმრთელობის გაუმჯობესებაზე ორიენტირებული უცხოელი ტურისტები, როგორც წესი, მაღალშემოსავლიანი მოგზაურები არიან და ისინი სხვა ტიპის ტურისტებთან შედარებით 130%-ით მეტს ხარჯავენ, ლოკალური ველნეს ტურისტები, კი სხვა ადგილობრივ ტურისტზე 177%-ით. რა პოტენციალი აქვს საქართველოს ველნეს ტურიზმის განვითარების თვალსაზრისით? სტუმარი: ირმა დაუშვილი - კურორტ ნუნისის დირექტორი და დამფუძნებელი; #ახალიამბები #BusinessMediaGeorgia
3 მაისს, ეკონომიკის სამინისტრომ გამოაქვეყნა 24 ენერგეტიკული პროექტის ჩამონათვალი, ასევე ფასის დაზღვევის CFD ტარიფები, რომლებიც თითოეული პროექტისთვის კილოვატზე 5.9 ცენტიდან 6.85 ცენტამდე მერყეობს. ამ პროექტების ჯამური დადგმული სიმძლავრე 300 მეგავატს შეადგენს. CFD სქემით, მთავრობა მომდევნო სამი წლის განმავლობაში ჯამში1 500 მგვტ სიმძლავრის სადგურების მშენებლობის ხელშეწყობას გეგმავს. გადაწყვეტილება დადებითად შეფასდა საქართველოში საერთაშორისო სავალუტო ფონდის მისიის ხელმძღვანელის ჯეიმს ჯონის მიერ, რომელიც აცხადებს, რომ მიუხედავად იმისა, რომ CFD მექანიზმი საქართველოს მიერ დანერგვის ადრეულ ეტაპზეა, მაინც არსებობს მოლოდინი რომ ის ხელისუფლებას შესაძლებლობას მისცემს ენერგეტიკის სფერო ნაკლები ფისკალური რისკებით დააფინანსოს. რას შეცვლის CFD მექანიზმის დანერგვა და როგორ დასრულდა პირველი აუქციონი? სტუმარი: გიორგი აბრამიშვილი - "საქართველოს განახლებადი ენერგიის განვითარების ასოციაციის" სამეთვალყურეო საბჭოს თავმჯდომარე; #ახალიამბები #BusinessMediaGeorgia
რიკოთზე მოძრაობა დროებით შეზღუდულია. ინფორმაცია საგზაო დეპარტამენტმა რამდენიმე წუთის წინ გაავრცელა. “ძლიერი წვიმის შედეგად, რიკოთზე ჩამოსულმა მიწის შვავმა მოძრაობის შეზღუდვა გამოიწვია. საერთაშორისო მნიშვნელობის თბილისი-სენაკი-ლესელიძის საავტომობილო გზის 169 კმ-ზე ძლიერი წვიმის შედეგად რამდენიმე ადგილზე ჩამოსულმა მიწის შვავმა შეაფერხა საავტომობილო მიმოსვლა ამ დროისათვის მიმდინარეობს აქტიური გაწმენდითი სამუშაოები , რათა უმოკლეს ვადებში სრულად აღდგეს საავტომობილო მოძრაობა.-“ ნათქვამია განცხადებაში. მანამდე 2 დღის წინ სოციალური ქსელი კიდევ ერთხელ მოიცვა კადრებმა, რომელიც რიკოთზეა გადაღებული. კადრებში ჩანს, რომ გზაზე უხვი ნალექის შედეგად ჩამოჭრილი ფერდობები ჩამოირეცხა და გზებზე საკმაოდ რთული ვითარებაა.საგზაო დეპარტამენტში მაშინაც აცხადებდა რომ პრობლემა ისევ და ისევ ძლიერმა წვიმებმა შექმნა. ჯერ მთის ფერდი ჩამოშლის, შემდეგ კი ზედიზედ ორჯერ, ქვათა ცვენისა და მეწყრის გამო რიკოთზე მიმდინარე პროცესები საზოგადოების ყურადღების ცენტრშია მარტიდან მოყოლებული. მიუხედავად იმისა, რომ გზა რამდენჯერმე ჩაიკეტა, ხელისუფლება ყველა ჯერზე ირწმუნება, რომ საშიში არაფერია, გააქტიურებული მეწყრული პროცესი ხშირი წვიმების ბრალია და არა რიკოთზე მიმდინარე აღმოსავლეთ-დასავლეთის ჩქაროსნული მაგისტრალის მშენებლობის. ჯერ კიდევ მარტის შუა რიცხვებში, როდესაც უბისა-შორაპნის მონაკვეთზე, მეწყრული ფერდის ერთ-ერთი უბნის დროებით მოპირკეთებული ბეტონის ზედაპირი ჩამოიშალა და ამის ამსახველი ფოტოები გავრცელდა, სპეციალისტებმა აქტიური საუბრები დაიწყეს იმაზე რომ პროცესები მოსალოდნელი იყო და ამაზე 2019 წელს ჩინური კომპანიის მიერ დაკვეთილ ანგარიშში პირდაპირ ეწერა. გარდა იმისა, რომ საზოგადოება სრულად ჩვეულებრივად, ყოველგვარი პროტესტის გარეშე ვუყურებთ იმ ამბავს, რომ თვეებია უკვე გზაზე დაწესებული შეზღუდვით გადავადგილდებით, მეორე და უმთავრესია ის რისკები, რაც შესაძლოა ამ პროცეს ახლდეს თან. სტუმარი: თეა გოდოლაძე - სეისმური მონიტორინგის ცენტრის დირექტორი; #ახალიამბები #BusinessMediaGeorgia
ჭიათურის მაღაროში დასაქმებულმა 4-მა მაღაროელმა საქართველოს პარლამენტის შენობის წინ უვადო შიმშილობა დაიწყო, ამბობენ, რომ შიმშილობა იქამდე გაგრძელდება ვიდრე მოთხოვნები არ დაკმაყოფილდება. "ჯორჯიან მანგანეზში" აცხადებენ, რომ სამთო მოპოვება ჭიათურაში სოციალურ პროექტს წარმოადგენს და არარენტაბელური ბიზნესია, რაც მადნის მოპოვების მაღალ ხარჯებს უკავშირდება. ფეროშენადნობები საქართველოს ერთ-ერთი წამყვანი საექსპორტო საქონელია. 2017 წლიდან მოყოლებული მისი წლიური ექსპორტი 240 მილიონ დოლარზე მეტი იყო. უფრო დეტალურად, სექტორის შემოსავლები ასე ნაწილდებოდა: 2017 წელი - 306 მილიონი დოლარი; 2018 წელი - 353 მილიონი დოლარი; 2019 წელი - 303 მილიონი დოლარი; 2020 წელი - 247 მილიონი დოლარი; 2021 წელი - 477 მილიონი დოლარი; 2022 წელი - 460 მილიონი დოლარი; 2023 წელი (5 თვე) - 86 მილიონი დოლარი. გაფიცულები მიიჩნევენ, რომ კომპანიის მმართველმა რგოლმა, პირველ რიგში უნდა შეამციროს ხარჯები და შემდეგ მოითხოვოს დასაქმებულებისგან ახალ სამუშაო პირობებზე დათანხმება. სტუმარი: ლაშა თუთბერიძე - "ჯორჯიან მანგანეზის” გენერალური დირექტორ #ახალიამბები #BusinessMediaGeorgia
„როგორ მოვამზადოთ მანქანა ზაფხულისთვის, საზაფხულო აქციები და რჩევები ამბოლისგან" ილია ლოლაძე - "ამბოლის" ბრენდ-მენეჯერი. #ახალიამბები #BusinessMediaGeorgia
საქართველოში სილამაზის ფესტივალი იხსნება. ექსპო ჯორჯიაში 23,24 და 25 ივნისს PSP Beauty Fair გაიმართება, რომელზეც მსურველებს PSP-ს პარტნიორი ბრენდების, დერმო კოსმეტიკის, ვიზაჟის, თმის და პირის ღრუს მოვლის სივრცეები, ახალი ბრენდების წარდგენას გეგმავს. დაგეგმილია საბავშვო, გასართობი და კვების სივრცეების მოწყობაც. სტუმარი: ნათია ხაბეიშვილი - PSP-ს საზოგადოებასთან ურთიერთობის მენეჯერი; #ახალიამბები #BusinessMediaGeorgia
“თითქოს, თავისთავად ჩამოყალიბდა ჩვენი ხედვა. კონკრეტულად ერთი ნაგებობის პროექტს კი არ ვქმნიდით, გლობალურად ვუყურებდით და ქალაქგეგმარებითი კუთხიდან ვაფასებდით. “ - ასე იხსნებს 3 ათეულზე მეტი წლის არსის ბიოგრაფიას გია აბულაძე ერთ ერთი პროექტის ფარგლებში რომლის ნაწილის გახსნებაც როგორც აღმოჩნდა დიდად არ უყვარს. მას კი არა 90 იანი წლების ბნელეთის, გაკოტრებების და დაკარგული ანაბრების გახსენება არავისთვის არის სასიამოვნო თუმცა იშვიათს შეუძლია ყველასთვის ნაცნობ არასასიამოვნო მოგონებებთან ერთად ისეთი წარმატების და ისეთი ენთუზიაზმის შესახებ მოყვეს ან სულაც იმ გამოცდილებიტა და პორტფელით დაიკვეხნოს როგორსაც მანანა მანჯგალაძის დღევანდელი საქმიანების გმირის ისტორიის გაზაირებისას უბრალოდ ვერ ავცდებოდით. გია აბულაძე - არქიტექტორი, “არსის” დამფუძნებელი; ავტორები: მანანა მანჯგალაძე, ედგარ ყაზახაშვილი, ლადო ცხადაია. #საქმიანიდილა #ბიზნესმედია #BMG #ახალიამბები #BusinessMediaGeorgia
გუშინ, USAID-ის ეკონომიკური უსაფრთხოების პროგრამის მიერ ინიცირებული, OCAP-ის, ანუ ორგანიზაციაზე მორგებული მხარდაჭერის პროგრამის შემაჯამებელი ღონისძიება გაიმართა. ღონისძიებას ესწრებოდნენ OCAP – ის პროგრამის მონაწილე ბიზნეს მხარდამჭერი ორგანიზაციები, საერთაშორისო დონორთა საზოგადოება, ტურიზმის, საერთო ინტელექტუალური სერვისების, SWM, მსუბუქი წარმოების, კრეატიული მრეწველობისა და სხვა სექტორების წარმომადგენლები. #ახალიამბები #BusinessMediaGeorgia