„თეგეტა მოტორსი“ - საავტომობილო პროდუქტების ყველაზე დიდი არჩევანი საქართველოში სტუმრები: კონსტანტინე ფაცაცია - „თეგეტას“ კომერციული იმპორტების სათადარიგო ნაწილების მიმართულების ხელმძღვანელი; თენგიზ ლელუჩაშვილი - "თეგეტა მოტორსის" პროდუქტების მართვის მიმართულების ხელმძღვანელი. #ახალიამბები #BusinessMediaGeorgia
საქართველოს სტრატეგიული კვლევებისა და განვითარების ცენტრმა (CSRDG) სურსათის უვნებლობასთან დაკავშირებით საქართველოს მოსახლეობის ცნობადობის შესახებ ეისითის კვლევა გამოაქვეყნა. როგორც კვლევაშია აღნიშნული, გამოკითხული რესპოდენტები სურსათის უვნებლობასთან დაკავშირებულ საკითხებზე ინფორმაციის ძირითადად ორი წყაროდან იღებენ - ინტერნეტი/სოციალური ქსელები - 47% და ტელევიზია - 44%. რამდენად მაღალია ამ საკითხში მოსახლეობის ცოდნა და რეაგირებენ თუ არა ისინი დარღვევებზე? #ახალიამბები #BusinessMediaGeorgia
TravelSupermarket-ის მონაცემების მიხედვით ევროპის ყველაზე პოპულარულ საზაფხულო კურორტებზე სამოგზაურო პაკეტების ფასი წინა წელთან შედარებით გაზრდილია. საუბარია, all inclusive ტიპის პაკეტებზე, რომელიც ფრენას, სასტუმროში განთავსებასა და კვებას მოიცავს. უფრო კონკრეტულად, სად, რა მაჩვენებლით გაიზარდა ფასები? ლიკა მეგუთნიშვილი - BMG-ის რეპორტიორი #ახალიამბები #BusinessMediaGeorgia
კახოვკის ჰიდროელექტროსადგურის კაშხლის აფეთქების შემდეგ შავი ზღვის უსაფრთხოების თემა აქტუალობას არ კარგავს. მიუხედავად სპეციალისტების მიერ გაკეთებული განცხადებებისა, რომლის მიხედვითაც საქართველო ამ ეტაპზე რისკ ზონაში არ არის, საქართველოში შავი ზღვის დაბინძურებაზე მოსახლეობის ნაწილში კითხვები მაინც რჩება. ბიზნესის ნაწილი აცხადებს, რომ ჯავშნები აჭარის მიმართულებით მასობრივად უქმდება, ხოლო ნაწილი კი აღნიშნავს, რომ მათთან ვითარება სტაბილურია. რაც შეეხება სამომავლო პროგნოზებს კომპანიების წარმომადგენლებს უჭირთ იმის თქმა, თუ რა იქნება მიმდინარე წლის ივლისში, აგვისტოში და სექტემბერში, რადგან შექმნილი ვითარება ჯავშნებზე წინასწარი პროგნოზების გაკეთებას ართულებს. #ახალიამბები #BusinessMediaGeorgia
ზაფხულის სეზონი აქტიურ ფაზაშია. ზღვისპირეთში მდებარე სასტუმროები ქართველ და საერთაშორისო ვიზიტორებს მასპინძლობენ. ტურისტების ყველაზე დიდ ნაკადს ტრადიციულად ბათუმი მასპინძლობს, თუმცა დამსვენებლის მიღება დაიწყეს ანაკლიაში მდებარე სასტუმროებმაც. ანაკლიაში სხვა კურორტებთან შედარებით, დამსვენებლის ნაკლებობაა და ამაზე აქტიურად საუბრობენ ჰოტელიერებიც. აღსანიშნავია ისიც, რომ ანაკლია-განმუხურის ტერიტორიაზე სულ რამდენიმე სასტუმრო ოპერირებს. საინტერესოა რა ხდება წელს და როგორია ანაკლიაში დამსვენებლის აქტივობა? #ახალიამბები #BusinessMediaGeorgia
მკვლევრების პროგნოზით ხელოვნური ინტელექტი ადამიანებს, მართალია, ბაზრის გარკვეულ სეგმენტებზე სამუშაო ადგილებს წაართმევს, თუმცა შეშფოთების მიზეზი მაინც არ არსებობს, რადგან სამეცნიერო-ტექნოლოგიური რევოლუცია ზოგიერთი პროფესიის წარმომადგენელს ახალ შესაძლებლობებსაც გაუჩენს. ResumeBuilder-ის ინფორმაციით, გარკვეულ პროფესიებში სულ უფრო დიდი მოთხოვნა ისეთ კადრებზე ჩნდება, რომლებსაც სამუშაო პროცესში ხელოვნური ინტელექტის გამოყენება სრულფასოვნად შეუძლიათ. ცხადია, კომპანიები მათ შესაბამის ანაზღაურებასაც სთავაზობენ. რომელ სფეროში ეძებენ დღეს ყველაზე მეტად ხელოვნური ინტელექტის მცოდნე პროფესიონალების და რა ანაზღაურებას ჰპირდებიან მათ? #ახალიამბები #BusinessMediaGeorgia
ეფეს საქართველომ საზოგადოებას ახალი ლუდი - Efes Special - წარუდგინა. Efes Special სწორედ ის პროდუქტია, რომლითაც ეფესი საქართველოს ტყეზე ზრუნვის მოხალისეობრივი პლატფორმის „ტყის მეგობრის“ პირველი პარტნიორი გახდა. კომპანია „ტყის მეგობრის“ პროექტის ფარგლებში იზრუნებს თიანეთის სატყეო უბნის სიმონიანთხევის კვარტალში მდებარე 12,1 ჰექტარი ტყის განახლებაზე, რის შედეგადაც აღდგება ეკოსისტემა და გაუმჯობესდება ეკოლოგიური მდგომარეობა, ასევე გაიხარებს 36 000 ხე და გაჩნდება დამატებითი შესაძლებლობები ადგილობრივებისთვის. #ახალიამბები #BusinessMediaGeorgia
#საქმიანიდილა - 4 ივლისი - პროლოგი #ახალიამბები #BusinessMediaGeorgia
თურქმენეთში ყოფილი პრეზიდენტის, ყურბანგული ბერდიმუჰამედოვისადმი მიძღვნილი ფუტურისტული „ჭკვიანი“ ქალაქი გაიხსნა. ქალაქის სახელწოდება არკადაგი, რაც მცველს ნიშნავს, ქვეყნის ყოფილი ლიდერის არაოფიციალური ტიტულია, რომლითაც 66 წლის ექსპრეზიდენტს თურქმენული მედია ხშირად მოიხსენიებდა - თურქმენეთის მთავრობასთან დაახლოებულ წყაროებზე დაყრდნობით, ახალი ქალაქი 73,000 მოსახლეზეა გათვლილი, მისი მშენებლობა კი დაახლოებით $3.3 მილიარდი დაჯდა. არკადაგში ყველა შენობა თეთრია, კორპუსები კი შვიდსართულიანია, რადგან ეს ციფრი ქვეყანაში იღბლის მომტანად მიიჩნევა. თურქმენეთის „ჭკვიან“ ქალაქში მხოლოდ ელექტრომობილებით გადაადგილებაა დაშვებული. არკადაგში, რომელიც ყოფილი ლიდერის მშობლიური სოფლის სიახლოვეს აშენდა, აღიმართა თურქმენული ახალთეკეს ჯიშის ცხენისა და თავად ბერდიმუჰამედოვისადმი მიძღვნილი ძეგლები. ქალაქის გახსნის ცერემონიას ყურბანგულის ვაჟი და თურქმენეთის ამჟამინდელი პრეზიდენტი, 41 წლის სერდარ ბერდიმუჰამედოვი ხელმძღვანელობდნენ. ღონისძიებას ესწრებოდნენ უცხოელი ოფიციალური პირებიც, მაგალითად, თურქეთის პრეზიდენტმა რეჯეფ თაიფ ერდოღანმა ქალაქი ელექტრომობილითაც კი დაასაჩუქრა. #ახალიამბები #BusinessMediaGeorgia
რუსი სპორტული კომენტატორი ფეხბურთელთა საქართველოს ნაკრებზე; 5 აგვისტოს ლონდონში Game4Ukraine გაიმართება; საქართველოს 21 წლამდელთა ნაკრების თამაში ხვალ გაიმართება; #ახალიამბები #BusinessMediaGeorgia
გუშინ მოლაშქრეთა მასშტაბური ღონისძიების HIGHLANDER- ის 2023 წლის ოფიციალური წარდგენა მოხდა. პრესკონფერენციაზე, რომელსაც ორბეთმა უმასპინძლა ჰაილენდერის გუნდი და ფესტივალით დაინტერესებული პირები გააერთიანა. ხაზი გაესვა მდგრადი სამთო ტურიზმის განვითარების მნიშვნელობას და ადგილზე მოხდა 2023 წლის მონაწილეების რეგისტრაცია. რას უნდა ველოდოთ 2023 წლის ყველაზე მასშტაბური სალაშქრო ფესტივალისგან, რომელიც საქართველოში უკვე მეორედ ტარდება, რა მარშრუტები შეარჩიეს წელს ორგანიზატორებმა და რა რაოდენობის უცხოელ ვიზიტორი ჩაერთვება ჰაილენდერის 2023 წლის თავგადასავალში? #ახალიამბები #BusinessMediaGeorgia
დღეიდან დაიწყო და 26 ივლისის ჩათვლით გაგრძელდება ქვეყანაში ერთიანი ეროვნული გამოცდები. საგამოცდო პროცესი მთელი საქართველოს მასშტაბით სულ 24 საგამოცდო ცენტრი გაიხსნა. ცენტრები იფუნქციონირებს თბილისში, ბათუმში, ზუგდიდში, ქუთაისში, ფოთში, ახალციხეში, გორში, ოზურგეთში, რუსთავში, თელავსა და ხულოში. წელს პირველად საგამოცდო ცენტრი გაიხსნა ამბროლაურშიც. 2023 წლის ერთიანი ეროვნული გამოცდებისათვის, სტუდენტთა საგრანტო კონკურსისათვის, საერთო სამაგისტრო გამოცდისათვის, ასევე მასწავლებლის საგნის გამოცდისა და უფროსი სპეციალური მასწავლებლის გამოცდისათვის სულ 75 000-ზე მეტი მსურველი დარეგისტრირდა, მათ შორის 45 000-ზე მეტი აბიტურიენტია. სტუმარი: შალვა ტაბატაძე - სამოქალაქო ინტეგრაციისა და ეროვნებათშორისი ურთიერთობების ცენტრის ხელმძღვანელი, განათლების მკვლევარი; #ახალიამბები #BusinessMediaGeorgia
5 ივლისს ღვინის მარკეტინგისა და ტურიზმის სატრენინგო-საკონსულტაციო პროგრამა იწყება, რომელსაც კალიფორნიული სააგენტოს Balzac Communications and Marketing-ის სპეციალისტები ჩაატარებენ. პროგრამა განათლების საერთაშორისო ცენტრის კურსდამთავრებულთა ასოციაციის საგრანტო პროგრამის ფარგლებში პირველად ტარდება და მოიცავს ისეთ თემებს, როგორიც არის მაგ. ღვინის მარკეტინგის საერთაშორისო ტენდენციები და სტანდარტები. სტუმარი: ეთერ გორგილაძე - ღვინის მარკეტინგისა და ტურიზმის სპეციალისტი, Balzac Communications and Marketing; #ახალიამბები #BusinessMediaGeorgia
1-ლი ივლისიდან მიკრობანკების ლიცენზიების აღების წესი ძალაში შევიდა, რომლის მიხედვითაც მიკრობანკის ლიცენზიის აღება მსურველებს ეროვნულ ბანკში შეუძლიათ, თუმცა მისი გაცემა განუსაზღვრელი ვადით არ ხდება. ასევე აკრძალულია ლიცენზიის სხვისთვის გადაცემა. მიკრობანკების ლიცენზირების წესი განსაზღვრავს საქართველოს ეროვნული ბანკის მიერ მიკრობანკების ლიცენზირების საკითხებს, ასევე უცხოური სანდო ბანკის შვილობილ კომპანიაზე, უცხოური კომერციული ბანკის/მიკრობანკის ფილიალსა და შვილობილ მიკრობანკზე ლიცენზიის გაცემის წესს. მიკრო ბანკის სახით შეიქმნება ისეთი სახის ფინანსური ინსტიტუტი, რომელიც სამეწარმეო საქმიანობისა და რეალური ეკონომიკის დარგების დაკრედიტებას განახორციელებს იმ სექტორში, სადაც მაღალი საოპერაციო ხარჯების გამო კომერციული ბანკების ინტერესი შედარებით დაბალია. ამ დროისთვის მიკრო ბანკად ჩამოყალიბების სურვილი 3 მიკროსაფინანსო ორგანიზაციას აქვს, ეს არის „კრისტალი“, „ემბისისი“ და „ლაზიკა კაპიტალი“. რა წერია საბოლოო რედაქციაში? სტუმარი: გია პეტრიაშვილი - მიკროსაფინანსო ორგანიზაცია „ემ-ბი-სის“ დამფუძნებელი; #ახალიამბები #BusinessMediaGeorgia
#ავიაციისსიახლეები: უკრაინამ Georgian Airways-ს და მის დამფუძნებელს სანქციები დაუწესა; "Georgian Airways-ის ოპერირებაზე სანქციებს არანაირი გავლენა არ ექნება"; რუსული Red Wings -ი თბილისსა და ქუთაისში ფრენას იწყებს; არსებული აეროპორტის გაფართოების ვარიანტს უფრო მეტი "მინუსი" აქვს - ღარიბაშვილი; ახალი აეროპორტი სახელმწიფოს საკუთრებაში იქნება - პრემიერი; “იზი ჩარტერმა” 2022 წელს 66 მილიონი ლარის შემოსავალი მიიღო. კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით; #ავიაცია #ავიამიმოსვლა #საქმიანიდილა #ბიზნესმედია #საქმიანები
ცხელი სეზონი აქტიურ ფაზაშია, შესაბამისად, ღია საცურაო აუზებმაც ზაფხულის სეზონი უკვე დაიწყეს და მომხმარებლებსაც აქტიურად მასპინძლობენ. ჯინო ფერედაისის საცურაო აუზებზე ვიზიტორების რაოდენობა გასული წლის იგივე პერიოდთან შედარებით 30%-ით გაიზარდა და კომპანიაში სეზონის დასრულებამდე ამ რიცხვის ზრდის მოლოდინი კიდევ აქვთ. ჯინო ფერედაისში გვეუბნებიან იმასაც, რომ მიმდინარე წელს მათ საცურაო აუზებზე, სხვადასხვა სივრცეში მისულ სტუმრებს, ტრადიციულად სრული პაკეტით მომსახურებას შესთავაზებენ. კომპანიის მარკეტინგის დეპარტამენტის ხელმძღვანელი აღნიშნავს, რომ მიმდინარე წელს ჯინო ჰოლდინგს ბევრი სიახლე აქვს. “საქმიანი დილის” გადამღები ჯგუფი “ჯინო ფერედაისს” ესტუმრა და შეეცადა თქვენთვის მოკლედ ეჩვენებინა ის თუ რა დაგხვდებათ სივრცეში სტუმრობის შემთხვევაში. სტუმარი: ქეთევან მაჭავარიანი - "ჯინო აკვაპარკის" მარკეტინგის დეპარტამენტის ხელმძღვანელი; #ახალიამბები #BusinessMediaGeorgia
Tegeta Construcion Equipment- მა კავკასიის რეგიონში JCB-ის მასშტაბური სადილერო ცენტრი სომხეთის დედაქალაქში გახსნა. ახალი მასშტაბური სადილერო ცენტრი „თეგეტას“ და JCB-ის სტანდარტების სრული დაცვით აშენდა და მასში მილიონ დოლარზე მეტის ინვესტიცია ჩაიდო. #ახალიამბები #BusinessMediaGeorgia
ფუფუნების საქონლის ინდუსტრიას კარგი წელი ჰქონდა. 2023 წლის 12 ივნისის მდგომარეობით, STOXX Europe Luxury 10-ის ინდექსი გაიზარდა 22,81%-ით, მას შემდეგ რაც აპრილში გაყიდვებმა ისტორიულ მაქსიმუმს მიაღწია. ზრდა მეტწილად ჩინეთში კოვიდერულაციების შემსუბუქებამ და ქვეყანაში ეკონომიკის აღდგენამ განაპირობა. გამოცემა Luxe Digital-მა Deloitte-ის ფუფუნების საუკეთესო ბრენდების სიასა და Forbes-ის ყველაზე ძვირადღირებული ბრენდების რეიტინგზე დაყრდნობით, ონლაინ სივრცეში ყველაზე პოპულარული ფუფუნების ბრენდების რეიტინგი შეადგინა. რომელმა ბრენდებმა დაიკავეს წამყვანი პოზიციები ამ რეიტინგში? #ახალიამბები #BusinessMediaGeorgia
ევროკავშირის მხარდაჭერით, საქართველომ, გავლენაზე ორიენტირებული ინვესტიციების, პირველ საერთაშორისო კონფერენციას უმასპინძლა. პროექტის პროექტის „თანამშრომლობა დადებითი ცვლილებებისთვის“ ფარგლებში, საქართველოში პირველად, გავლენაზე ორიენტირებული ინვესტიციების საერთაშორისო კონფერენცია „Impact in the Neighborhood“ გაიმართა. ღონისძიებას ვენჩურული ფილანთროპიის ევროპულ ასოციაციასთან (EVPA) პარტნიორობით, საქართველოს სტრატეგიული კვლევებისა და განვითარების ცენტრმა (CSRDG) გავლენის ფონდ "აქციო“-სა და სამოქალაქო საზოგადოების ინსტიტუტთან (CSI) ერთად, შერატონ გრანდ თბილისი მეტეხი პალასში უმასპინძლა. ორდღიანი კონფერენცია მიზნად ისახავდა გავლენაზე ორიენტირებული ინვესტირების ფართოდ გავრცელებული, საერთაშორისო მიდგომების წარმოჩენას, პოპულარიზაციასა და გამოცდილების გაზიარებას სოციალური მეწარმეობის მდგრადი განვითარების ხელშეწყობისათვის. ღონისძიების სტუმრებს შესაძლებლობა ჰქონდათ, კონფერენციის სხვადასხვა ფორმატში დასწრებოდნენ თემატურ სესიებსა და პანელურ დისკუსიებს. სტუმრები: ქრისტინე კანდელაკი - გავლენის ფონდი "აქციოს", მენეჯერი; სალომე კუსიანი - სოციალურ საწარმოთა ალიანსის აღმასრულებელი დირექტორი #ახალიამბები #BusinessMediaGeorgia
გასულ კვირაში დედაქალაქმა ამ წლის ციფრული ტრანსფორმაციის 4 დღიან ფორუმს უმასპინძლა. 26 ივნისს გახსნილი ღონისძიება საქართველოს აისიტი კლასტერის ორგანიზებით, USAID-ის ეკონომიკური უსაფრთხოების პროგრამის მხარდაჭერით გაიმართა და მიზნად უახლესი ტექნოლოგიური გამოწვევების და საქართველოს ეკონომიკის ციფრული ტრანსფორმაციის შესაძლებლობისთვის ისეთი პლატფორმის შექმნა იყო, რომელზეც განსხვავებული მხარეები როგორც კერძო ისე საჯარო სექტორიდან ერთიანდებიან ხოლმე. განსახილველ მიმართულებებში იყო საქართველოს ეკონომიკისა და IT სექტორის პერსპექტივები, ისევე როგორც ქვეყნის პოზიციონირება გლობალურ ეკონომიკაში და ფორუმმა მოიცვა დარგობრივი უნარების ორგანიზაციების განვითარებისთვის მიმართულ პროფესიული შესაძლებლობების გაზრდისთვის დაგეგმილი ის ღონისძიებები, რომელიც პროფესიული უნარების სააგენტოს მიერ ჩატარდება. სტუმრები: დავით წიკლაური - კერძო სექტორის განვითარების უფროსი მრჩეველი და კონკურენტუნარიანობის ჯგუფის ხელმძღვანელი, USAID Georgia; დავით კიზირია - საქართველოს ციფრული ტრანსფორმაციის კონსორციუმის თანადამფუძნებელი. #ახალიამბები #BusinessMediaGeorgia
საინჟინრო კომპანია იმპოსტ მეპს შვეიცარიის სარეიტინგო ასოციაციისა და ნაციონალური ბიზნეს რეიტინგების კავშირის საერთაშორისო დაჯილდოების პრესტიჟული ჯილდო - წლის ლიდერი კომპანია - გადაეცა. აღსანიშნავია, რომ ეს კომპანიისთვის რიგით მეორე საერთაშორისო ჯილდოა. ამავე დაჯილდოებაზე ჯამში 35 ლიდერი ქართული და უცხოური კომპანია გამოვლინდა. #ახალიამბები #BusinessMediaGeorgia
მეწყერის გამო შეწყვეტილი სარკინიგზო მიმოსვლა; #ახალიამბები #BusinessMediaGeorgia
ევროპის ზოგიერთი ქალაქი და სოფელი მოსახლეების დეფიციტს განიცდის. ზოგიერთ მათგანში 2000-ზე ნაკლები ადამიანიც კი ცხოვრობს. ასეთი სოფლები სათანადო განვითარებას ვერ ახერხებენ, სწორედ ამ დეფიციტის შესავსებად ადგილობრივი მთავრობები ადამიანებს აქ დასასახლებლად თანხას უხდიან. რომელ ქალაქებსა თუ სოფლებზეა საუბარი და რა თანხას სთავაზობს მთავრობა ახალ მოსახლეებს? #ახალიამბები #BusinessMediaGeorgia
შვეიცარიის სარეიტინგო ასოციაციისა და ნაციონალური ბიზნეს რეიტინგების კავშირის საერთაშორისო დაჯილდოების რიგით მეთექვსმეტე ცერემონია გაიმართა. შერატონ გრანდ თბილისი მეტეხი პალასში 100-მდე წარმატებული ბიზნესი შეიკრიბა და წარმატებული ოპერირებისთვის, ნაციონალური ბიზნეს რეიტინგების კავშირისა და შვეიცარიის სარეიტინგო ასოციაციის ერთობლივი საერთაშორისო ჯილდო "Leader of the Year" გადაეცათ. #ახალიამბები #BusinessMediaGeorgia
#საქმიანიდილა - 3 ივლისი - პროლოგი #ახალიამბები #BusinessMediaGeorgia
ბიზნეს ქეისების კონკურსი დასრულებულია, გამარჯვებულების ვინაობაც ცნობილია და ჯამში 20 ათას ლარიანი საპრიზო ფონდი განაწილებული. უკვე მეოთხედ გამართული კონკურსი წელს „საქართველოს ბანკი“ და TBSC კონსალტინგის ერთობლივი ორგანიზებით შედგა. წელს საქართველოს 12 სხვადასხვა უნივერსიტეტის 400-მდე სტუდენტმა მიიღო მონაწილეობა. პირველ ეტაპზე 38 გუნდიდან ნახევარფინალში 22 გუნდი გადავიდა და მათგან უკვე 8 საუკეთესო ეჯიბრებოდა ერთმანეთს. რჩეულებში გამორჩეულები საბჭოს ანუ ჟიურის წევრების მხრიდან კონკრეტული კრიტერიუმებით შეფასების შედეგად შეირჩნენ და როგორც აღმოჩნდა კონკურენციამ და შეთავაზებულმა გადაწყვეტებმა ჟიურის წევრებს წესები სულ ბოლო წუთებზე შეაცვლევინა. 3 გამარჯვებულის ნაცვლად ლიდერებში მეოთხე გუნდიც დასახელდა. #ახალიამბები #BusinessMediaGeorgia
საქართველოში ენერგეტიკული ბაზრის გახსნის ფარგლებში ენერგეტიკული ბირჟის ამოქმედება მეექვსედ 1 წლით გადავადდა. აღნიშნულის შესახებ დღეს ეკონომიკის მინისტრის მოადგილემ რომეო მიქაუტაძემ BM.GE-ს განუცხადა. ენერგეტიკის სექტორი და ზოგადად ქვეყანა მის ამოქმედებას ბოლო გადაწყვეტილების მიხედვით 1 ივლისს ელოდა, თუმცა მთავრობის გადაწყვეტილებით თარიღი კვლავ შეიცვალა. რატომ გადავადდა ენერგეტიკული ბირჟის ამოქმედება ერთი წლით - ჟურნალისტების ამ კითხვას ლევან დავითაშვილმა უპასუხა, თუმცა კონკრეტული მიზეზი, რის გამოც აღნიშნული გადაწყვეტილება მიიღეს, არ დაუკონკრეტებია. მისი თქმით, ამგვარად, რეგიონსა და ქვეყანაში შექმნილი ვითარებიდან გამომდინარე, რისკები, რომელიც ენერგობაზრის გახსნას უკავშირდებოდა, თავიდან იქნა აცილებული. სტუმარი: მერაბ ლომინაძე - "თრეიდინგ სოლუშენის" მმართველი პარტნიორი; #ახალიამბები #BusinessMediaGeorgia
2019 წელს საბაჟო კოდექსში გარკვეული ცვლილებები შევიდა, რომლის მიხედვით, კანონში ავტორიზებული ეკონომიკური ოპერატორების სტატუსის ცნება შემოვიდა. AEO „ოქროს სიის“ ანალოგია, რომელიც საქართველოს მთავრობამ რამდენიმე წლის წინ გააუქმა. 4 წლის შემდეგ, ავტორიზებული ეკონომიკური ოპერატორების სტატუსი მაისში ამოქმედდა. საქართველოსა და ევროკავშირს შორის გაფორმებული ასოცირების შესახებ შეთანხმებით, საქართველომ აიღო სამართლებრივი ვალდებულება, ეტაპობრივად მოახდინოს საბაჟო პროცედურების ევროპულ რეგულაციებთან დაახლოება. აღნიშნული რეგულაციები ავტორიზებული ეკონომიკური ოპერატორის კონცეფციის იმპლემენტაციასაც გულისხმობს და ის საბაჟო სისტემასა და ბიზნესს შორის პარტნიორულ ურთიერთობას ეფუძნება. ახალი სტატუსი კომპანიებს ახალ გამარტივებულ საბაჟო შესაძლებლობებს სთავაზობს. ავტორიზებული ეკონომიკური ოპერატორი შეუძლია გახდეს ნებისმიერი პირი, რომელიც ჩართულია საერთაშორისო მიწოდების ჯაჭვში და მისი საქმიანობა დაკავშირებულია საბაჟო ფორმალობებთან. ამ დროისთვის სტატუსი 7 კომპანიას აქვს მიღებული. რა გამოწვევები და შესაძლებლობები ახლავს თან ამ რეფორმას? სტუმრები: ნინო ჩოხელი - USAID -საქართველოს ეკონომიკური მმართველობის პროგრამის ხელმძღვანელის მოადგილე; გიორგი კაჭარავა - EUGBC-ის აღმასრულებელი დირექტორი. #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
„Artisio - აუქციონების ბიზნესების ძრავა“ #BMGDRIVE-ის მგზავრი: ბერდია ყამარაული - ტექნოლოგიური სტარტაპი Artisio-ს თანადამფუძნებელი და აღმასრულებელი დირექტორი; ავტორები: ბექა ბაციკაძე, ედგარ ყაზახაშვილი, კაკი პაიჭაძე #ახალიამბები #BusinessMediaGeorgia
კიდევ ერთი ახალი უბანი ჩუღურეთში. კომპანია „ალფა ფროფერთი“ დაბალი განაშენიანების 8 საცხოვრებელი კომპლექსის და 1 სასტუმროს ტიპის ბლოკისგან შემდგარი პროექტის სამშენებლო სამუშაოებს ახორციელებს. პროექტის უმნიშვნელოვანესს ელემენტს რეკრეაციული და მწვანე სივრცეები წარმოადგენს. ბუნებრივად გამწვანებული ტერიტორიის გარდა, ახალ უბანში 4 სეზონზე გათვლილი მარადმწვანე ეზო და მოსასვენებელი სივრცეები მოეწყობა. რას სთავაზობს პროექტი მომხმარებელს სტუმრები: სალომე მდინარაძე - "გარდენ ჰილსის" გაყიდვების მენეჯერი; ანა მდინარაძე - "გარდენ ჰილსის" პროექტის მენეჯერი #ახალიამბები #BusinessMediaGeorgia
ფერმერთა ასოციაციის თავმჯდომარის მოადგილის თქმით, სოფლის მეურნეობის სექტორში მუშახელის დეფიციტის პრობლემა წელს განსაკუთრებით გამწვავებულია. როგორც რატი კოჭლამაზაშვილი განმარტავს, აგრარული მიმართულების ყველა დარგში კადრების დეფიციტია. მისი თქმით, თუ ადრე საუბარი პროფესიული კადრების დეფიციტზე იყო, ახლა ემიგრაციის ფონზე, დარგში ზოგადი მუშახელის სერიოზული ნაკლებობაა. მისივე თქმით, პროფესიულ კადრებს აგრარულ სექტორში ანაზღაურება მაღალი აქვთ. #ახალიამბები #BusinessMediaGeorgia
კორპორაციული მდგრადობის ჯილდოს კონკურსზე განაცხადების მიღება დაიწყო, რომელიც საქართველოში მეექვსედ გაეროს გლობალური შეთანხმების საქართველოს ქსელის ინიციატივით, შვედეთის მთავრობისა და USAID-ის სამოქალაქო საზოგადოების ჩართულობის პროგრამის მხარდაჭერით, ოქტომბერში გაიმართება. სტუმარი: ქეთი ბოჭორიშვილი - გაეროს გლობალური შეთანხმების ინიციატივების კოორდინატორი #ახალიამბები #BusinessMediaGeorgia
გასულ კვირაში, სებ-მა რეფინანსირების განაკვეთი უცვლელად დატოვა. ჩვენი აზრით, მომდევნო კომიტეტის სხდომაზე, რომელიც 2 აგვისტოს გაიმართება, განაკვეთის შემცირების ალბათობა საკმაოდ მაღალია. სხვა გამოქვეყნებული მაკროეკონომიკური მაჩვენებლების მხრივ, აღსანიშნავია, რომ მაისში, წინა თვეებისაგან განსხვავებით, ლარის სესხების ზრდა პრევალირებდა, ხოლო დეპოზიტების მხარეს, მართალია მატება ასევე ლარში მეტი იყო, თუმცა ვალუტის კომპონენტის მნიშვნელოვანი გაუმჯობესებით. თიბისი ბანკში მიაჩნიათ, რომ ლარის ბოლოდროინდელი სისუსტესთან დაკავშირებით იმას ხსნის, რომ ცვლილება სენტიმენტებმა განაპირობა. თიბისის მთავარი ეკონომისტის შეფასებით, მიუხედავად ძლიერი სავალუტო შემოდინებებისა, დაბალი ინფლაციისა და ძირითადი სავაჭრო ეკონომიკური პარტნიორების მიმართ ლარის საშუალო გაცვლითი კურსის გათვალისწინებით, სამომავლოდ ლარის გაუფასურების მიმართულებით გარკვეული შესწორება, როგორც ჩანს, სწორედ რომ უფრო მეტად ალბათურია. სტუმარი: ოთარ ნადარაია - "თიბისის" მთავარი ეკონომისტი #ახალიამბები #BusinessMediaGeorgia
ახალ დიღომში ინ ჯგუფის კიდევ ერთი და საქმიანი საზოგადოებისთვის კარგად ნაცნობი ინ დეველოპმენტის მიმდინარე პროექტის ადგილზე გადამოწმება გადაწყდა. 14 000 კვადრატულ მეტრზე გაშლილი „დიდი დიღომი ინნ“-ის პროექტის საინვესტიციო ღირებულება 13 მლნ ევროა და ის საცხოვრებელ ბინებთან ერთად კომერციულ ფართებსაც მოიცავს. როგორ მიდის სამშენებლო პროცესი და რას ნიშნავს საქართველოს ბანკთან პარტნიორობით მშენებლობა ამ ამბებზე მოგვიყვებიან სამშენებლო ობიექტზე მისულ BMG-ის გადამღებ ჯგუფს თამარ კანთელაძე - "ინნ დეველოპმენტის" გაყიდვების დეპარტამენტის ხელმძღვანელი და ერეკლე ვაშაყმაძე, რომელიც საქართველოს ბანკის კორპორაციული კლიენტების მომსახურების დეპარტამენტის კორპორაციული გაყიდვების სექტორის უფროსია. თამარ კანთელაძე - "ინნ დეველოპმენტის" გაყიდვების დეპარტამენტის ხელმძღვანელი; ერეკლე ვაშაყმაძე - საქართველოს ბანკის კორპორაციული კლიენტების მომსახურების დეპარტამენტის კორპორაციული გაყიდვების სექტორის უფროსი. #ახალიამბები #BusinessMediaGeorgia
სამშენებლო და სარემონტო მასალების იმპორტიორი და ადგილობრივი კომპანიები მოვიკითხეთ და მათთან ერთად ბიზნესის განვითარების ტენდენციებიც მიმოვიხილეთ. აღმოჩნდა, რომ დღეს სამშენებლო და სარემონტო მასალების ბაზარზე მდგომარეობა როგორც იმპორტირებული პროდუქციის მოწოდების, ასევე მისი საფასო პოლიტიკის თვალსაზრისით სტაბილურია. სამშენებლო და სარემონტო მასალების იმპორტიორი კომპანიები აღნიშნავენ, რომ ბაზარზე ოპერირების დროს მნიშვნელოვანია ერთგული ფინანსური პარტნიორის ყოლა, რაც საჭიროების შემთხვევაში კომპანიისთვის დიდი მხარდაჭერაა. საქართველოს ბანკის კორპორატიულ დეპარტამენტში განმარტავენ, რომ მათთვის სამშენებლო და სარემონტო მასალების ბაზარი პრიორიტეტულია და მის განვითარებას თვალს აქტიურად ადევნებენ. #ახალიამბები #BusinessMediaGeorgia
ევროპის ქვეყნებში გაფიცულთა რაოდენობა იზრდება. საფრანგეთში, გერმანიაში, იტალიასა და არა მარტო ადამიანები ქუჩებში საპროტესტო აქციებს მართავენ. ზოგიერთი მათგანი დამსაქმებლის მხრიდან ხელფასის მატებას ითხოვს, მოსახლეობის ნაწილი კი მთავრობის კონკრეტულ გადაწყვეტილებას აპროტესტებს. ფაქტია, რომ გაფიცვები გავლენას ახდენს ქვეყნის ცხოვრების ტემპზე, მათ შორის ფერხდება ტრანსპორტი. გამომდინარე იქიდან, რომ ზაფხულის სეზონის გააქტიურებასთან ერთად ევროპაში ტურისტების რაოდენობაც იზრდება, გაფიცვებისგან გამოწვეული შეფერხებები მათ მოგზაურობაზეც ახდენს გავლენას. ეურონიუს თრაველი იმ ქვეყნების ჩამონათვალს აქვეყნებს, სადაც წელს ზაფხულის განმავლობაში საპროტესტო აქციები იგეგმება. გამოცემა ტურისტებს ურჩევს აღნიშნულ ქვეყნებში კონკრეტულ თარიღებში მოგზაურობას თავი აარიდონ. #ახალიამბები #BusinessMediaGeorgia
#საქმიანიდილა - 30 ივნისი - პროლოგი #ახალიამბები #BusinessMediaGeorgia
დედაენის ბაღზე უნდა მოგიყვეთ, თბილისის ისტორიულ ადგილზე, რომელიც ჯერ კიდევ 2021 წელს სამშენებლო კომპანია რეფორმამ სრულად განაახლა და დღეს ახალგაზრდების თავშეყრის ადგილს წარმოადგენს…თანამედროვე სკეიტპარკი, მოსასვენებელი ადგილები, მოდერნიზებული ინფრასტრუქტურა, ყველაფერი რაც ადამიანს, მითუმეტეს თბილისის მშენებლობების პირობებში, გარდაუვალად სჭირდებათ. როგორია ახალგაზრდების შეფასებები დედაენის ბაღზე? #ახალიამბები #BusinessMediaGeorgia
პარლამენტმა სამივე მოსმენით მხარი დაუჭირა “ადმინისტრაციულ სამართალდარღვევათა კოდექსში“ დაგეგმილ ცვლილებებს, რომლის საფუძველზეც ძაღლის ღია სივრცეში - მათ შორის ბულვარში, პარკებსა და სკვერებში საბელის ან ალიკაპის გარეშე ყოლაზე პასუხისმგებლობა მკაცრდება. შესაბამისი საკანონმდებლო ცვლილებები, რომელიც “ქართული ოცნების“ დეპუტატებმა მოამზადეს, 76-ხმით, ერთხმად მესამე მოსმენით დაამტკიცეს. მიღებული ცვლილებების თანახმად, ძაღლის საბელის ან ალიკაპის გარეშე ქალაქის ბულვარში, პარკში ან სკვერში ყოლა გაფრთხილების ან 20-ლარიანი ჯარიმის ნაცვლად, გამოიწვევს დაჯარიმებას 150 ლარის ოდენობით, ხოლო იგივე ქმედება ჩადენილი განმეორებით წლის განმავლობაში, გამოიწვევს მოქალაქის დაჯარიმებას 300 ლარის ოდენობით. რა შენიშვნები არსებობს ცხოველების შესახებ კანონში, რომელიც სავარაუდოდ შემოდგომაზე დამტკიცდება? სტუმარი: ივანე ნორაკიძე - იურისტი; #ახალიამბები #BusinessMediaGeorgia
ეიპიემ ტერმინალს ფოთმა წარმატებით 150 წლის 1850 მეტრის სიგრძის ტალღმჭრელი მოლოს რეკონსტრუქცია დაასრულა. ტალღმჭრელი მოლო ბარიერია, რომელიც პორტს იცავს ტალღების, დინების ზემოქმედებისგან და ქმნის უსაფრთხო და მშვიდ გარემოს ნავსაყუდელში. სარეაბილიტაციო სამუშაოები 2021 წლის აპრილში დაიწყო და 2 წელი გაგრძელდა. ობიექტი დაპროექტდა და აშენდა მთის კლდოვანი მასებისა და საქართველოში წარმოებული 7200 ბეტონის ბლოკისგან. ტალღმჭრელი მოლოს რეაბილიტაცია ნაწილია იმ დიდი ინვესტიციისა, რომელსაც კომპანია პორტის ინფრასტრუქტურის განვითარებაში დებს. პროექტის ღირებულება 25 მილიონი აშშ დოლარია. სტუმარი: ზვიად ჩხარტიშვილი - “ეიპიემ ტერმინალს ფოთის” კომერციული ურთიერთობების დირექტორი; #ახალიამბები #BusinessMediaGeorgia
ყველა რეკორდს ხსნის ლირა, რომელიც გაუფასურების ისტორიულ მაქსიმუმზეა. ერთწლიან პერიოდში თურქული ვალუტა თითქმის 30%-ითაა გაუფასურებული, ხუთ წელიწადში კი ვარდნის მაჩვენებელი 80%-ს აღწევს. ვალუტის კურსის მიხედვით, მსოფლიოს უმსხვილეს ეკონომიკებს შორის, თურქეთს ყველაზე ცუდი შედეგი აქვს, რაც რიგი ფაქტორებითაა განპირობებული, მათ შორის ყველაზე მნიშვნელოვანი არჩევნებში პრეზიდენტ რეჯეპ ტაიპ ერდოღანის გამარჯვებაა. გასულ კვირას თურქეთის ცენტრალურმა ბანკმა უპრეცედენტო გადაწყვეტილება მიიღო და რეფინანსირების განაკვეთი 8.5%-დან 15%-მდე გაიზარდა. ოფიციალური მონაცემებით, წლიური ინფლაციის დონე თურქეთში ამჟამად 40%-ს შეადგენს, თუმცა დამოუკიდებელი ექსპერტების შეფასებით, რეალური ინფლაციის დონე 200%-ის ფარგლებშია ასეთ ფონზე, საქართველოსთვის მათი პროდუქცია იაფდება, თურქეთისა და რუსეთისთვის კი ქართული საქონელი ძვირდება, რამაც ექსპორტ-იმპორტის ნაწილში ცვლილებები უკვე მოიტანა. სიიაფიდან გამომდინარე კი, არაა გამორიცხული, რომ ამ ორი ქვეყნის პროდუქცია ქართულ ნაწარმთან კონკურენციაში შევიდეს. რა ხდება ბაზარზე და რა გავლენა ექნება კურსის ცვლილებას ქართულ ეკონომიკაზე? სტუმრები: სალომე გელაშვილი - ISET-ის კვლევითი ინსტიტუტის წამყვანი ეკონომისტი; ვახტანგ ბეჟიტაშვილი - საქართველოს ხილისა და ბოსტნეულის ექსპორტიორთა ასოციაციის ხელმძღვანელი; #ახალიამბები #BusinessMediaGeorgia
გაეროს სურსათისა და სოფლის მეურნეობის ორგანიზაცია პროგნოზირებს, რომ წელს სურსათის იმპორტის გლობალური ხარჯები ახალ რეკორდს მიაღწევს, თუმცა შარშანდელზე ბევრად უფრო ნელი ტემპით გაიზრდება. ამის შესახებ FAO-ს მიერ გამოქვეყნებულ ანგარიშშია ნათქვამი. FAO-ს შეფასებით, წელს სურსათის იმპორტის გლობალური ხარჯები 1,98 ტრლნ დოლარამდე გაიზრდება, რაც, 2022 წელთან შედარებით, 1,5%-ით მეტია. 2022 წელს ხარჯი 11%-ით, ხოლო 2021 წელს 18%-ით გაიზარდა. ორგანიზაციის პროგნოზით, ამ მაჩვენებლების მიუხედავად, ნაკლებად განვითარებულ ქვეყნებში სურსათის იმპორტი შემცირდება, ზრდა კი მხოლოდ განვითარებული ქვეყნების ხარჯზე ხდება. იმპორტის კლების მიზეზად ორგანიზაცია მსოფლიო ფასების ზრდის შედეგად მოთხოვნის შემცირებას ასახელებს, რასაც ხილზე, ბოსტნეულზე, შაქარსა და რძის პროდუქტებზე კოტირების ზრდა იწვევს. ასეთი გავლენა ყველაზე მეტად ეკონომიკურად დაუცველ ქვეყნებზე აისახება. მაშინ, როცა მოწინავე ეკონომიკების ქვეყნებში სურსათის იმპორტის ზრდა გრძელდება, ყველაზე ნაკლებად განვითარებული ქვეყნების ჯგუფის იმპორტის ხარჯები წელს 1,5%-ით შემცირდება. მთელ რიგ ძირითად საკვებ პროდუქტზე გლობალური ფასების შემცირებას შიდა საცალო ვაჭრობის დონეზე ფასთა სრული კლება არ გამოუწვევია, რის საფუძველზეც ორგანიზაცია პროგნოზირებს, რომ წელს შესაძლოა, ცხოვრების გაძვირების ზრდა შენარჩუნდეს. FAO-ს ანგარიშში მითითებულია წარმოების სავარაუდო ზრდა უმეტეს კატეგორიაში, როგორიც არის ბრინჯი, ფურაჟული მარცვლეული, ზეთოვანი კულტურები, რძე, შაქარი, ხორცი, თევზი და თევზის პროდუქტები. თუმცა ხორბლის გლობალური წარმოება, გასული სეზონის რეკორდულ მაჩვენებელთან შედარებით, შესაძლოა, შემცირდეს. სტუმარი: ჯუბა მარუაშვილი - FAO-ს პოლიტიკის მრჩეველი #ახალიამბები #BusinessMediaGeorgia
სატრანსპორტო კომპანია “ITMC”, რომელიც ბაზარზე 2015 წლიდან ოპერირებს, საქართველოს ბიზნეს ასოციაციის წევრთა რიგებს შეუერთდა. სიახლეები აქვთ კომპანიაშიც, სადაც 27 ივნისიდან ITMC-ის სერვისებს რეგულარული საბორნე გადაზიდვები ფოთი-კონსტანცა-ფოთის მიმართულებით დაემატა, რომელიც ხელს შეუწყობს ტრანსკასპიური შუა დერეფნის განვითარებას. გემზე „ვილნიუსი“, ITMC მომხმარებელს უზრუნველყოფს 50 ადგილით, თითოეულ შესრულებულ რეისზე. სტუმრები: აკაკი საღირაშვილი - "საქართველოს ბიზნეს ასოციაციის" აღმასრულებელი დირექტორის პირველი მოადგილე; ნიკოლოზ ფერიაშვილი - ITMC-ის სამეთვალყურეო საბჭოს თავმჯდომარე და თანადამფუძნებელი; ნათია გოზალიშვილი - ITMC-ის დირექტორი #ახალიამბები #BusinessMediaGeorgia
Spend 4 Seasons in Georgia გრძელდება ნინი ნოღაშვილი - Spend 4 Seasons in Georgia-ს თანადამფუძნებელი; მარიამ გუჯაბიძე - Spend 4 Seasons in Georgia-ს თანადამფუძნებელი; მარიამ ჯობავა - Spend 4 Seasons in Georgia-ს თანადამფუძნებელი; ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
მეხორბლეების პრობლემა ისევ ვერ გვარდება. მთავრობის ჩარევის შედეგად ხორბლის დარჩენილი მარაგიდან მხოლოდ 10% გაიყიდა, ხოლო გაუყიდავ რაოდენობას ახალი მოსავალიც ემატება, რომლის ხარჯი, შარშანდელ სეზონთან შედარებით, 10-15%-ით არის გაზრდილი.რა მოაგვარა მთავრობის ჩარევამ და რა დარჩა გადაუწყვეტელი? სტუმარი: ზურა ხიზანიშვილი - ფერმერი #ახალიამბები #BusinessMediaGeorgia
ეროვნულმა ბანკმა ვირტუალური აქტივის მომსახურების პროვაიდერის რეგისტრაციის წესი დაამტკიცა, რომლის მთავარ მიზანს, უწყების თქმით, საქართველოში მოქმედი ვირტუალური აქტივის მომსახურების პროვაიდერების, ფულის გათეთრებისა და ტერორიზმის დაფინანსების აღკვეთის ხელშეწყობის მიზნით რეგულირება წარმოადგენს. წესი ითვალისწინებს, როგორც ვირტუალური აქტივის მომსახურების სარეგისტრაციო მოთხოვნებს და ადმინისტრაციულ და მესაკუთრეობასთან დაკავშირებულ კრიტერიუმებს, ასევე რეგისტრაციის შემდგომ ვალდებულებებს. სებ-ის მიერ შემუშავებული წესი 2023 წლის 1 ივლისიდან ამოქმედდება. დოკუმენტის თანახმად, ვირტუალური აქტივის მომსახურების პროვაიდერებს ფიზიკურ პირებზე სესხების გაცემა აეკრძალათ. როგორც ეროვნული ბანკის საგადახდო მომსახურების პროვაიდერების ზედამხედველობის და ვირტუალური აქტივის მომსახურების პროვაიდერების რეგისტრაციის განყოფილების უფროსი, ნიკოლოზ კანდელაკი BMG-სთან საუბრისას ამბობს, წესის ეს ნაწილი პირდაპირ გულისხმობს ფიზიკურ პირებზე ვირტუალური აქტივის სესხის გაცემის აკრძალვას. რას მოიცავს ჯამში ეს აკრძალვა, როგორ იცვლება რეგულირებით ცალკეული სუბიექტების თუ კომპანიების პოზიციები? სტუმრები: ზურაბ ახალაძე - გრანთ თორნთონ საქართველოს უფროსი იურისტი; ბექა ქემერტელიძე - City Pay-ის დამფუძნებელი. #ახალიამბები #BusinessMediaGeorgia
ექსპო ჯორჯიაში მეღვინეობა-მევენახეობის სექტორის წარმომადგენლებისთვის გერმანული ბრენდის კერხერის პროდუქციის გამოფენა გაიმართა. კომპანია კერხერმა დამსწრეებს ყველა ის ტექნიკა, ქიმია თუ აქსესუარი წარუდგინა, რომლებიც მეღვინეებს ხარისხიან წარმოებაში დაეხმარება. ღონისძიებაზე პრეზენტაციაც გაიმართა, სადაც კერხერის წარმომადგენლებმა მეღვინეებს პროდუქცია უკეთ გააცნეს. კომპანია მსგავსი ტიპის გამოფენებს სხვა სექტორებისთვის, მათ შორის სამშენებლო, ჰორეკა სექტორებისთვისაც აწყობს. #ახალიამბები #BusinessMediaGeorgia
ბაზარზე ახალი სალიზინგო კომპანია გამოჩნდა. საუბარია ტერაბანკისა და ბიზონ.ჯის ერთობლივ პროდუქტზე - ტერა ლიზინგზე, რომელიც მომხმარებლებს, ბიზნესებს მანქანა-დანადგარებისა და მძიმე ტექნიკის ლიზინგით შეძენას სთავაზობს. ტერა ლიზინგი სხვა სალიზინგო კომპანიებისგან ჰიბრიდული მოდელით გამოირჩევა. რას ნიშნავს ეს და რა გეგმები აქვს კომპანიას - ამაზე მარიამ იზორია სიუჟეტში მოგიყვებათ, რომელიც სასტუმრო სტამბაში ტერა ლიზინგის წარდგენის ღონისძიებაზე იმყოფებოდა. #ახალიამბები #BusinessMediaGeorgia
ქართული კომპანია "ნუგბარი" 2015 წლიდან ქართული ტრადიციული მეთოდებით დამზადებულ სხვადასხვა სახეობის ჩურჩხელას აწარმოებს. ნუგბარის საწარმოს წლიური წარმადობა ამჟამად 300 000-მდე ჩურჩხელაა, საიდანაც ნახევარი ადგილობრივ ბაზარზე, სხვადასხვა ქსელურ სუპერმარკეტში იყიდება, მეორე ნახევარი კი ექსპორტზე 20-ზე მეტ ქვეყანაში გადის. ნუგბარი პროდუქციას როგორც აშშ-ში, ისე ევროპის, აზიისა და გალფის ქვეყნები ყიდის. ამ პროცესში კი, მათი მთავარი მხარდამჭერი USAID-ის სოფლის მეურნეობის პროგრამაა, რომელიც კომპანიას საერთაშორისო მასშტაბით გამართულ გამოფენებში მონაწილეობასა და პოტენციურ მყიდველებთან დაკავშირებაში ეხმარება. ეკა ბოქოლიშვილი - „ნუგბარის" თანადამფუძნებელი; #ახალიამბები #BusinessMediaGeorgia
ბოლო წლებში საქართველოში საკმაოდ ბევრი მოცვის ბაღი გაშენდა, ამის პარალელურად იზრდება მოცვის ექსპორტიც, თუმცა მთავარ საექსპორტო ბაზრად მაინც რუსეთი რჩება და ფერმერები ბაზრების დივერსიფიცირებას ვერ ახდენენ. ბოლო ერთ კვირაში მოცვის ფასმა საგრძნობლად დაიკლო, რისი ერთ-ერთი მიზეზიც სწორედ რუსეთში არსებული არასტაბილური მდგომარეობაა. კონკრეტულად რამ განაპირობა მოცვის ფასის კლება და რა პოზიცია აქვთ მწარმოებლებს? #ახალიამბები #BusinessMediaGeorgia