მსოფლიოს უმსხვილესი, ორი ავიამწარმოებლის Boeing-ის, და Airbus-ის ინციდენტების რაოდენობამ, 2023 წელს ათწლეულის მაქსიმუმს მიაღწია. ბოლო პერიოდში ხშირად არაერთი გახმაურებული ავიაინციდიენტიც ვიხილეთ. ამ ფონზე მარეგულირებლები ცდილობენ ავიაკომპანიებს ავიახომალდების შემოწმების ვალდებულება დააკისრონ. სპორტის უსაფრთხოების ეროვნული საბჭოს მონაცემებზე დაყრდნობით ქვეყნდება ინფორმაცია, თუ რომელ მწარმოებელს, საუბარია Boeing-ზე, და Airbus-ზე, აქვე უფრო მეტი ავიაინციდენტი ბოლო 10 წლის განმავლობაში? #ახალიამბები #BusinessMediaGeorgia
#საქმიანიდილა - 22 აპრილი - პროლოგი #ახალიამბები #BusinessMediaGeorgia
თბილისის საერთაშორისო აეროპორტში დაბალბიუჯეტურმა ჰოლანდიურმა ავიაკომპანია Transavia-მ დაიწყო ოპერირება. ნიდერლანდების სამეფოს ავიახაზებმა ამსტერდამი-თბილისის მიმართულებით პირველი ფრენა შეასრულა, თბილისში 187 მგზავრი ჩამოფრინდა, ხოლო ამსტერდამში 185 გაემგზავრა. ზაფხულის სანავიგაციო სეზონზე, ავიაკომპანია ამსტერდამი-თბილისის მიმართულებით რეისებს კვირაში ორჯერ, ყოველ ოთხშაბათსა და შაბათს, Boeing 737-8 ტიპის საჰაერო ხომალდით შეასრულებს. თბილისის საერთაშორისო აეროპორტში ოფიციალური ღონისძიება გაიმართა, რომელსაც თბილისისა და ბათუმის საერთაშორისო აეროპორტების გენერალური მენეჯერი - თეა ზაქარაძე, ნიდერლანდების სამეფოს ელჩი საქართველოში - მელინე არაკელიანი, Transavia-ს აღმასრულებელი დირექტორი მარსელ დე ნოიერი და საქართველოს საავიაციო ხელისუფლების წარმომადგენლები ესწრებოდნენ. Transavia ნიდერლანდების სამეფოს ნომერ პირველი ბიუჯეტური და სიდიდით მეორე ავიაგადამზიდავია. Air France - KLM ჯგუფის წევრი ავიაკომპანია, 50 წელია ნიდერლანდებიდან 20 -ზე მეტი ქვეყნის 100 - ზე მეტი მიმართულებით დაფრინავს და ყოველწლიურად 9 მილიონი მგზავრი გადაჰყავს. Transavia-ს 7 ბაზა აქვს. ავიაკომპანიის ხომალდები ბაზირებულია ნიდერლანდების სამეფოს, საფრანგეთისა და გერმანიის აეროპორტებში. #ახალიამბები #BusinessMediaGeorgia
პარლამენტმა 81 ხმით თუთუნზე აქციზის განახევრების კანონპროექტს მხარი პირველი მოსმენით დაუჭირა. არსებული მდგომარეობით, კგ თუთუნი 60 ლარით იბეგრება და ის 30 ლარამდე შემცირდება. კანონპროექტის ერთ-ერთი ინიციატორის, დარგობრივი ეკონომიკისა და ეკონომიკური პოლიტიკის კომიტეტის თავმჯდომარის დავით სონღულაშვილის განმარტებით, კანონპროექტის მიზანია ადგილობრივი წარმოების დაცვა, არალეგალური სიგარეტის იმპორტის შემცირება, სექტორში კონკურენტუნარიანობის ზრდა და ადგილობრივი გადამმუშავებელი ინდუსტრიის განვითარების სტიმულირება. კანონპროექტის განმარტებითი ბარათის თანახმად, მისი მიღების შემთხვევაში სახელმწიფო ბიუჯეტის შემოსავალი აქციზიდან დაახლოებით 25 მილიონი ლარით შემცირდება. თუთუნზე აქციზის განახევრებას ეწინააღმდეგება ჯანდაცვის მსოფლიო ორგანიზაცია. WHO-ს არაგადამდებ დაავადებათა პროგრამების კოორდინატორის, კახა ღვინიანიძის განცხადებით, პარლამენტში წარმოდგენილი ინიციატივა ევროკავშირთან ასოცირების შეთანხმებას ეწინააღმდეგება. კანონპროექტთან დაკავშირებით განცხადება გაავრცელა საქართველოში გაეროს წარმომადგენლობამაც, რომელიც ინიციატივას შემაშფოთებელს უწოდებს და პარლამენტს მოუწოდებს, რომ ცვლილებების მიღება არ მოხდეს. სტუმარი: ზვიად სხვიტარიძე - ექსპერტი ეკონომიკურ და სამართლებრივ საკითხებში; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
#ახალიამბები #BusinessMediaGeorgia
სამართლის დოქტორი, პროფესორი და სამოქალაქო განათლების ლექტორთა ასოციაციის დამფუძნებელი კახა ურიადმყოფელი Facebook-ის პირად გვერდზე პოსტს აქვეყნებს, რომელშიც განმარტავს, რატომ არის „უცხოური გავლენის გამჭვირვალობის შესახებ“ კანონპროექტი რუსული და რატომ არ აქვს მას არაფერი საერთო განვითარებულ სამყაროსთან. ის აცხადებს, რომ ნებისმიერი საკითხი, რომელიც კავშირში იქნება დემოკრატიის შენებასთან, კორუფციასთან ბრძოლასთან, არჩევნებზე დაკვირვებასთან თუ ა.შ. და დაფინანსდება დონორების მხრიდან, ქართულ საქმედ არ ჩაითვლება. სტუმარი: კახა ურიადმყოფელი - სამართლის დოქტორი, პროფესორი და სამოქალაქო განათლების ლექტორთა ასოციაციის დამფუძნებელი; #ახალიამბები #BusinessMediaGeorgia
საქართველო & ევროინტეგრაცია - ინტერვიუ ნაჩო სანჩეს ამორთან / #საუბრები ბიზნესსა და ევროკავშირზე ინტერვიუერი: სალომე ზურაბიშვილი - გაეროს გლობალური შეთანხმების საქართველოს ქსელის აღმასრულებელი დირექტორი; სტუმარი: ნაჩო სანჩეს ამორი - ევროპარლამენტის წევრი; #ახალიამბები #BusinessMediaGeorgia
TKT.GE-ის აფიშა - 19-20 აპრილის ღონისძიებები #ახალიამბები #BusinessMediaGeorgia
#პროფესიონალი - თეა ადუაშვილი - ქალი, არაორდინალური იდეებით თეა ადუაშვილი - საქართველოს ქალ აუდიტორთა და იურისტთა ასოციაციის დამფუძნებელი; #ახალიამბები #BusinessMediaGeorgia
გასული წლის ივლისში, საბერძნეთის კუნძული როდოსი, ტყის ხანძრებმა მნიშვნელოვნად დააზარალა. ქვეყნის მთავრობა იძულებული გახდა ათასობით ტურისტი ტერიტორიიდან გაეყვანა. სწორედ ამ ინციდენტის გამო, ქვეყნის მთავრობამ მიიღო გადაწყვეტილება ტურიზმი წაახალისოს და ევაკუირებულ ტურისტებს უფასო დასვენება შესთავაზოს. როგორ უნდა ისარგებლონ ტურისტებმა ამ შეთავაზებით? #ახალიამბები #BusinessMediaGeorgia
აპრილის თვის დასაწყისში მსოფლიოს ყველაზე მდიდარი ბიზნეს ოჯახების რეიტინგი გამოქვეყნდა, სადაც პირველ ადგილს საცალო ვაჭრობის გიგანტის "ვოლმარტის" მფლობელი, უოლტონების ოჯახი იკავებენ. უოლტონებს "ერმესების", "მარსების", "კოხების" და "ამბანების" ოჯახები მოჰყვებიან. თითოეული მათგანი რამდენიმე ათეულ წლიანი ისტორიის მქონე კომპანიებს ფლობენ , ხოლო მათი შემოსავალი ასობით მილიარდ დოლარს ითვლის. #ახალიამბები #BusinessMediaGeorgia
#საქმიანიდილა - 19 აპრილი - პროლოგი #ახალიამბები #BusinessMediaGeorgia
ბრიტანეთის სექს-მუშაკების პროტესტი - პეტიცია პარლამენტშია წარდგენილი; #ახალიამბები #BusinessMediaGeorgia
ნორვეგიის ჩრდ.ნაწილი 26-საათიან დღე-ღამეს ითხოვს - მიმართვა ევროკომისიაში გაგზავნილია; #ახალიამბები #BusinessMediaGeorgia
უარგუმენტო განცხადებები ვერ გახდება ჩვენი გადაწყვეტილების გადასინჯვის საფუძველი, - ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა. ყველაფრის მიუხედავად კობახიძე ფიქრობს, რომ დიპლომატები და პოლიტიკოსები განცხადებებს არგუმენტების გარეშე, ცალმხრივად აკეთებენ. პრემიერი ირწმუნება, რომ მიზანი გამჭვირვალეობაა და ის ვერ იქნება ვერავის წინააღმდეგ მიმართული. მეტიც, კობახიძე აცხადებს, რომ ე.წ. რუსული კანონი დონორებსაც დააზღვევს. „არასამთავრობოებს აქვთ ცდუნება, მიღებული თანხები არამიზნობრივად გამოიყენოს და კანონის მიღების შემდეგ სწორედ ამისგან იქნებიან დაზღვეული დონორები“ - განაცხადა ირაკლი კობახიძემ. სტუმარი: კახა გოგოლაშვილი - რონდელის ფონდის ევროპული კვლევების ცენტრის დირექტორი; #ახალიამბები #BusinessMediaGeorgia
მოვუწოდებთ პარლამენტს, გულდასმით აწონოს „უცხოური გავლენის გამჭვირვალობის შესახებ“ კანონპროექტის მიღებით გამოწვეული შედეგები და თავი შეიკავოს იმგვარი ქმედებებისგან, რაც კიდევ უფრო გაზრდის პოლარიზებას ჩვენს საზოგადოებაში და დააზიანებს საქართველოს ევროკავშირში ინტეგრაციის პერსპექტივას, - ამის შესახებ 7 ბიზნეს ასოციაციის ერთობლივ განცხადებაშია აღნიშნული. როგორც განცხადებაშია აღნიშნული, ბიზნეს ასოციაციები იზიარებს შეშფოთებას, რომ აღნიშნული კანონი, ძალაში შესვლის შემდგომ, გააღვივებს ეჭვსა და უნდობლობას ამ ორგანიზაციების მიმართ და მათ სტიგმატიზებას მოახდენს, რაც მათ საქმიანობას შეაფერხებს. განცხადება გაკეთდა შემდეგი ორგანიზაციების სახელით: ევროკავშირი-საქართველოს ბიზნეს საბჭო (EUGBC); ამერიკის სავაჭრო პალატა საქართველოში (AmCham); გერმანიის ეკონომიკური გაერთიანება | DWV; საფრანგეთი-საქართველოს სავაჭრო და სამრეწველო პალატა (CCIFG); საქართველოს დისტრიბუტორთა ბიზნეს ასოციაცია; საქართველოს მწარმოებელთა ფედერაცია და საქართველოს გადამხდელთა კავშირი. რა ხდება იმ დროს როცა ხელისუფლების რიტორიკა არცერთ სექტორზე არ ჭრის და ამას აჩვენებს როგორც განცხადებები, ისე პროტესტი ქუჩაში, რა იქნება ამ ყველაფრის ფასი? სტუმარი: სოსო ბერიკაშვილი - კავკასიის უნივერსიტეტის ეკონომიკის სკოლის დეკანი; #ახალიამბები #BusinessMediaGeorgia
"არა - რუსულ კანონს! არა - მოღალატე ხელისუფლებას!" - ამ სახელწოდებით მეღვინეებმა რუსული კანონის წინააღმდეგ ერთობლივი განცხადება რამდენიმე დღის წინ გაავრცელეს. განცხადებაში, რომელსაც ხელს 50-ზე მეტი მეღვინე აწერს, ისინი გმობენ ხელისუფლების მიერ ინიცირებულ და აწ უკვე პირველი მოსმენით მიღებულ რუსულ კანონს და ხელისუფლებას გადადგომისკენ მოუწოდებენ. სექტორის წარმომადგენლები მიმართავენ ყველას, კანონზე მკაფიო პოზიცია დააფიქსირონ. სტუმარი: ალეკო სარდანაშვილი - “სარდანაშვილის მეღვინეობის” დამფუძნებელი; #ახალიამბები #BusinessMediaGeorgia
მიღმა რუსული კანონის გარშემო მიმდინარე პროცესებისა, ერთ-ერთი მნიშვნელოვანი თემა, რაც გუშინ გაჟღერდა, საგადასახადო კოდექსში მოსალოდნელ ცვლილებებს უკავშირდება. კერძოდ, ოფშორული ტერიტორიიდან საქართველოში კომპანიის ან საკუთრების გადმოტანა შესაძლოა აღარ დაიბეგროს. ცვლილებების ავტორების აზრით, კანონპროექტის მიზანია, შეღავათიანი დაბეგვრის მქონე ქვეყანაში რეგისტრირებული უცხოური საწარმოდან აქტივების საქართველოში გადმოტანის პროცესის წახალისება, ამ ოპერაციებზე დროებითი საგადასახადო შეღავათების დადგენის გზით. მომზადებულ ცვლილებებს გუშინ გამოეხმაურნენ ოპოზიციის წევრები. პარლამენტის დეპუტატი, პარტია „გირჩის“ წევრი ალექსანდრე რაქვიაშვილი, ფიქრობს, რომ ოფშორული ტერიტორიიდან საქართველოში კომპანიის ან საკუთრების გადმოტანა დაბეგვრის გარეშე შესაძლოა ნიშნავდეს იმას, რომ ოცნება სანქციებისთვის ემზადება. სტუმარი: ალექსანდრე რაქვიაშვილი - პარლამენტის დეპუტატი, პარტია „გირჩის“ წევრი; #ახალიამბები #BusinessMediaGeorgia
2024 წელს ტექნიკის ფასის 3-7%-მდე ფასის ზრდას ველოდებით- ეს განცხადება ელიტ მოტორსის ბრენდ მენეჯერი ლაშა ვაჩეიშვილი აცხადებს. მისი თქმით, ეს პროცესი საერთაშორისო ბაზარზე მიმდინარე პროცესებიდან გამომდინარე გარდაუვალია. ვაჩეიშვილი გამოწვევებს შორის ასახელებს კვალიფიციური კადრების დეფიციტს და წითელი ზღვის კრიზისს, რაც ბიზნეს პროცესებს ართულებს. ლაშა ვაჩეიშვილი - "ელიტ მოტორსის" ბრენდ მენეჯერი; ანუკა ჯოხაძე - #BMG-ის რეპორტიორი; #ახალიამბები #BusinessMediaGeorgia
#ფინტექისაქართველოში: პლატფორმა საკრედიტო ინფორმაციისთვის სტუმრები: დავით დუდაშვილი - სებ-ის ფინანსური და საზედამხედველო ტექნოლოგიების დეპარტამენტის წარმომადგენელი; ზურაბ კახიძე - Ranko-ს თანადამფუძნებელი და აღმასრულებელი დირექტორი; #ახალიამბები #BusinessMediaGeorgia
რამდენად გამჭვირვალეა არასამთავრობო ორგანიზაციების ფინანსები? სტუმარი: ნათია სხვიტარიძე - FAS GROUP-ის მმართველი პარტნიორი #ახალიამბები #BusinessMediaGeorgia
#საუბრები ბიზნესსა და ევროკავშირზე: ნარჩენების მართვის მნიშვნელობა - “პოლივიმის” გამოცდილება სტუმრები: სალომე ზურაბიშვილი - გაეროს გლობალური შეთანხმების საქართველოს ქსელის აღმასრულებელი დირექტორი; შივა ფარიზადი - “პოლივიმის” მარკეტინგის მენეჯერი; ბექა ფონჯავიძე - “პოლივიმის” კომერციული მენეჯერი; #ახალიამბები #BusinessMediaGeorgia
„სოკარ ჯორჯია პეტროლეუმსა“ და „მეწარმე ქალთა ასოციაცია - ავე“-ს შორის ურთიერთთანამშრომლობის მემორანდუმი გაფორმდა. მემორანდუმს ხელი მოაწერეს „სოკარ ჯორჯია პეტროლეუმის“ დირექტორმა - ნოდარ ყანჩაველმა და „მეწარმე ქალთა ასოციაცია - ავეს“ პრეზიდენტმა - მარიამ ჩიკოპაიძემ. მემორენდუმის მიზანია, მხარეების ერთობლივი ძალისხმევით, ხელი შეეწყოს მეწარმე ქალების გაძლიერებას და მხარდაჭერას. ქალთა გაძლიერება - “სოკარის“ გრძელვადიანი CSR სტრატეგიის განუყოფელი ნაწილია, რომლის ფარგლებშიც არაერთი მნიშვნელოვანი პროექტი აქვს განხორციელებული. #ახალიამბები #BusinessMediaGeorgia
თიბისიმ და ევროპის რეკონსტრუქციისა და განვითარების ბანკმა - EBRD, “ლოპოტა სპა რეზორტის” ახალი პროექტები 9 400 000 ევროთი დააფინანსეს, რომლის ფარგლებშიც, ივნისში ახალი ობიექტები გაიხსნება: აკვა პარკი - Green Aqua, პრემიუმ კლასის 80-ნომრიანი კორპუსი, ახალი აუზი, ჯაზ-კლუბი და საკონფერენციო სივრცეები. 2000 კვ. მ-ის აკვა პარკი - Green Aqua ერთდროულად 300-ზე მეტ სტუმარს უმასპინძლებს. პროექტის ფარგლებში ასევე მოეწყო 9 სხვადასხვა ატრაქცია, ბუნგალო და მოსასვენებელი სივრცეები, სადაც ადგილობრივი ჯიშის ხე-მცენარეების ტყე გაშენდა. ახალი, 4-სართულიანი პრემიუმ კლასის საცხოვრებელი კორპუსის მშენებლობა ენერგოეფექტური მასალებით მიმდინარეობს. კორპუსი 80 ნომერს, 3 საკონფერენციო დარბაზს და სახურავზე ბარს აერთიანებს. ახალი კოპრუსი რეზორტის ოთახების რაოდენობას 232-იდან 312-მდე გაზრდის. ახალ სასტუმრო კორპუსთან ასევე მოეწყო 35-მეტრიანი აუზი და ბუნგალო. “ლოპოტა სპა რეზორტი” გამოირჩევა აუზების სიმრავლით და ყველა საცხოვრებელ კორპუსთან აუზის სიახლოვით. რეზორტს ემატება 250 სტუმარზე გათვლილი 3 ახალი საკონფერენციო სივრცეც. შედეგად, “ლოპოტა სპა რეზორტზე” საკონფერენციო დარბაზების რაოდენობა 6-დან 9-მდე გაიზრდება. #ახალიამბები #BusinessMediaGeorgia
#საქმიანიდილა - 18 აპრილი - პროლოგი #ახალიამბები #BusinessMediaGeorgia
რას წერს საერთაშორისო მედია საქართველოზე და "რუსულ კანონზე"? #ახალიამბები #BusinessMediaGeorgia
საპროტესტო აქცია - "არა რუსულ კანონს" #ახალიამბები #BusinessMediaGeorgia
საქართველოს რეგიონებში აგროიდეების პრე-აქსელერაციის პროგრამა AgroDeck დაიწყო. კერძოდ, პროგრამა იმერეთის, სამეგრელოსა და აჭარის რეგიონებისთვის აგრო მიმართულებით არსებული ბიზნესის ხელშეწყობასა და განვითარებაზეა ორიენტირებული, რომელიც მიზნად ისახავს აღმოაჩინოს და წაახალისოს საინტერესო, პრაქტიკული და ინოვაციური იდეები, იმისთვის, რომ ხელი შეუწყოს აგროსფეროს განვითარებას, ახალგაზრდებისთვის ახალი შესაძლებლობების გაჩენას, წარმატებული ბიზნეს იდეების განვითარებასა და რეგიონის ეკონომიკურ გაძლიერებას. შერჩეული აპლიკანტები რამდენიმე თვის განმავლობაში მიიღებენ თეორიულ ცოდნასა და პრაქტიკულ გამოცდილებას, იმისათვის, რომ თავიანთი იდეა გარდაქმნან სტარტაპად და წარადგინონ პოტენციური ინვესტორების წინაშე. კონკრეტულად აგრომიმართულებით რა ტიპის სტარტაპებზე ფოკუსირდება პროგრამა და როგორ შეუძლია დაინტერესებულ პირებს მასში ჩართვა? სტუმარი: ანი მიხანაშვილი - ბიზნეს საკონსულტაციო კომპანია Fireflies-ის დამფუძნებელი; #ახალიამბები #BusinessMediaGeorgia
არასამთავრობო ორგანიზაციების მიერ, საერთაშორისო მხარდაჭერით განხორციელებული მიმდინარე და დაგეგმილი პროგრამები მოიცავს თითქმის ყველა სფეროს და პირდაპირი სარგებელი მოაქვს ასი ათასობით მოქალაქისთვის. „უცხოური გავლენის გამჭვირვალობის შესახებ“ კანონის მიღების შემდეგ ასეთ ორგანიზაციებს ქვეყანა უცხოური ძალის ინტერესების გამტარებლის იარლიყს დაასვამს, რადგან ყველა ამ ორგანიზაციას უცხოური ძალის ინტერესების გამტარებელ ორგანიზაციად რეგისტრაციის ვალდებულება ექნებათ. არის თუ არა წარმოდგენილი კანონპროექტის მიზანი სამოქალაქო სექტორის გამჭვირვალობა, როგორც მუშაობენ ქვეყანაში არასამთავრობო ორგანიზაციები და რატომ ეხება „ოცნების“ მიერ ინიცირებული კანონი არამხოლოდ მესამე სექტორს, არამედ საქართველოს თითქმის ყველა მოქალაქეს? სტუმარი: მურმან მარგველაშვილი - ორგანიზაცია „მსოფლიო გამოცდილება საქართველოსთვის" ხელმძღვანელი; #ახალიამბები #BusinessMediaGeorgia
გამჭვირვალობის სახელით „ოცნების“ ინიცირებული ე.წ რუსული კანონი, მისი რეალური მიზანი და გავლენა მედია და არასამთავრობო სექტორზე. მიუხედავად იმისა, რომ ყველა ცივილური ქვეყნის საელჩო თუ წარმომადგენლობა მოგვიწოდებს ამ კანონპროექტის არმიღებისკენ. მიუხედავად საზოგადოების აღშფოთებისა, საერთაშორისო პარტნიორების კრიტიკისა, საქართველოს პარლამენტი აგრძელებს ე.წ. “რუსულ” კანონზე მსჯელობას. ბოლო დღეების მოვლენებმა კარგად დაგვანახა, რომ „ქართული ოცნებისთვის“ ჩვენი დასავლელი პარტნიორების კრიტიკა, არგუმენტი არ არის. რუსეთში მოქმედი კანონის იდენტურ პროექტზე მმართველი ძალა გვიმტკიცებს, რომ ის ევროპულია და ხელს არ უშლის ქვეყნის სვლას ევროკავშირისკენ და მისი მიღების რეალური მიზანი მესამე სექტორის და მედია ორგანიზაციების გამჭვირვალობაა, „უცხოური ძალის ინტერესების გამტარებელი ორგანიზაცია“ ამ იარლიყს დაასვამს კანონი ყველას, ვინც 20%-ზე მეტ დაფინანსებას უცხოელი დონორებისგან იღებს. კანონპროექტი არ განსაზღვრავს საქმიანობის სფეროებს, რომლებსაც ის შეიძლება შეეხოს. ამგვარად აიძულებს ყველა არასამთავრობო ორგანიზაციას შესაბამის რეესტრში უცხოური ძალის ინტერესების გამტარებელ ორგანიზაციად დარეგისტრირდეს. ასეთი გაუმჭვირვალეა თუ არა ქვეყანაში მედია და არასამთავრობო სექტორი, როგორადაც ამას მმართველი პარტია წარმოაჩენს და რა არის რეალური მიზანი -გამჭვირვალობა თუ სტიგმატიზაცია სტუმრები: ლიკა საჯაია - საერთაშორისო გამჭვირვალობა-საქართველოს საპარლამენტო მდივანი; ზურაბ ვარდიაშვილი - “პუბლიკას” დირექტორი #ახალიამბები #BusinessMediaGeorgia
რა უშველის გაჭედილ თბილისს? საცობებისგან განტვირთვის ალტერნატივაზე ვისაუბრებთ, მორიგი 10 წუთის განმავლობაში. როგორც არსებობს ე.წ. შავი წერტილები გზებზე, სადაც ყველაზე ხშირად ხდება ავარიები, ასეთივე წერტილები არსებობს საცობებისკენ მიდრეკილ თბილისში. ამგვარი ადგილების ჩამონათვალში გამოკითხული 50 თბილისელიდან 42-მა მოწინავე ადგილი დიდი დიღმის შესასვლელ-გასასვლელს მიაკუთვნა. სტუმარი: გიორგი ბაბუნაშვილი - არასამთავრობო ორგანიზაცია "ურბანული ლაბორატორიის" ხელმძღვანელი; #ახალიამბები #BusinessMediaGeorgia
"ფუსფუსი" ალბათ გაგიგიათ და შესაძლოა დაგიგემოვნებიათ კიდეც, მოფუსფუსე კონდიტრების რეცეპტით შექმნილი ნამცხვრები, ახლა სწორედ ამ ბიზნესის შექმნის ისტორიას მოვისმენთ, როგორ მივიდა ნათია ყურშუბაძე თვითნასწავლი ნამცხვრებით წარმატებულ ბიზნესამდე და რა ადგილი უჭირავს ბიზნეს ისტორიაში საქართველოს ბანკს. სტუმარი: ნათია ყურშუბაძე - "ფუსფუსის" დამფუძნებელი #ახალიამბები #BusinessMediaGeorgia
თბილისში 27-28 აპრილის ჩათვლით აბრეშუმის ქარხანაში ვორქშოფების ყველაზე მასშტაბური ფესტივალი იმართება. ფესტივალზე 50-ზე მეტი სხვადასხვა ორგანიზაციის ვორქშოფი საათში ერთხელ პარალელურად ჩატარდება და ჯამში 2 დღის მანძილზე 5000-ზე მეტ ადამიანს ექნება საშუალება ჩაერთოს 700-მდე ინტერაქციულ ვორქშოფში. სტუმრები: ირინა ეგაძე - Workshop Fest-ის ორგანიზატორი; რეზი პეტრიაშვილი - Workshop Fest-ის ორგანიზატორი #ახალიამბები #BusinessMediaGeorgia
დოლარიზაცია, როგორც პროცესი & მისი პერსპექტივები სტუმარი: დავით რუსია - საქართველოს საბანკო ასოციაციის ანალიტიკური დირექტორი #ახალიამბები #BusinessMediaGeorgia
უცხოური გრანტების მნიშვნელობა ბიზნესებისთვის - რა საფრთხეებს აჩენს „რუსული კანონი”? მარიამ იზორია - #BMG-ის რეპორტიორი; #ახალიამბები #BusinessMediaGeorgia
რა გავლენა ექნება "რუსულ კანონს" ტურისტულ სექტორზე? თიკო ნატმელაძე - #BMG-ის რეპორტიორი; #ახალიამბები #BusinessMediaGeorgia
#საქმიანიდილა - 17 აპრილი - პროლოგი #ახალიამბები #BusinessMediaGeorgia
საქართველოს საგარეო ვაჭრობა შემცირდა. 2024 წლის პირველ კვარტალში საქონლით საგარეო სავაჭრო ბრუნვამ 4.699 მლრდ. აშშ დოლარი შეადგინა, კლება 6.5% იყო, სტატისტიკის ეროვნული სამსახურის ცნობით, აქედან, ექსპორტი 9.3 პროცენტით, ხოლო იმპორტი 5.3 პროცენტით შემცირდა. ამასთან, „საქსტატის“ ცნობით, უარყოფითმა სავაჭრო ბალანსმა 2024 წლის იანვარ-მარტში 2.047 მლრდ. აშშ დოლარი შეადგინა, რაც საგარეო სავაჭრო ბრუნვის 43.6 პროცენტია. სტუმარი: ვახტანგ ბეჟიტაშვილი - „ხილ-ბოსტნეულის ექსპორტიორთა ასოციაციის“ პრეზიდენტი; #ახალიამბები #BusinessMediaGeorgia
საქართველოში მოქმედი კანონმდებლობა მედიის, არასამთავრობო სექტორის და ყველა იმ პირის თუ ორგანიზაციის, ვინც უცხოური ორგანიზაციების გრანტიორია, ფინანსური ანგარიშგების გამჭვირვალობას ისედაც ითვალისწინებს. კონკრეტულად, ამ საკითხს არეგულირებს "საგადასახადო კოდექსი", "გრანტების შესახებ" კანონი, "ბუღალტრული აღრიცხვის, ანგარიშგებისა და აუდიტის შესახებ" კანონი და გამომდინარე სამართლებრივი აქტები, სადაც გაწერილია, თუ რა ვალდებულება აკისრიათ გრანტიორებს. მაშინ, როცა ოცამდე კანონი, ან კანონქვემდებარე აქტია, რომელიც არასამთავრობო სექტორს და მათ ფინანსებს არეგულირებს, რატომ გახდა საჭირო მათთვის უცხოური გავლენის გამტარის დარქმევა და რატომ არ შევიდა ცვლილება ერთ-ერთში მეტი გამჭვირვალობის უზრუნველსაყოფად? - ამ კითხვით მიმართა გუშინ ახალგაზრდა იურისტთა ასოციაციის თავმჯდომარემ, ნინო ქურდოვანიძემ მამუკა მდინარაძეს. რა არის არგუმენტი და მთავრობის რელაური ინტერესი? სტუმარი: ნინო ქურდოვანიძე - საია-ს თავმჯდომარე; #ახალიამბები #BusinessMediaGeorgia
რა გავლენა ექნება “რუსულ კანონს” განათლებაზე? გადაეწყვნენ თუ არა უნივერსიტეტები 3-წლიან საბაკალავრო პროგრამებზე? სტუმარი: კოკა თოფურია - "საქართველოს უნივერსიტეტის" რექტორი #ახალიამბები #BusinessMediaGeorgia
ვის სჭირდება და რას მოგვიტანს „უცხოური გავლენის გამჭვირვალობის შესახებ კანონპროექტი“? სტუმარი: თამაზ დაუშვილი - კომპანია „დიოს“ თანადამფუძნებელი & აღმასრულებელი დირექტორი; #ახალიამბები #BusinessMediaGeorgia
“რუსული კანონის” განხილვა პარლამენტში - რას ფიქრობს ბიზნესი? #ახალიამბები #BusinessMediaGeorgia
ჯიპიაი ჰოლდინგი 27 აპრილს მორიგ დასაქმების ფორუმს გამართავს. ფორუმის მიზანი, ისევე როგორც ყოველ წელს, კომპანიის ზრდა და განვითარებაა. კონკრეტულად, სადაზღვევო კომპანია გაყიდვების გუნდს აფართოებს და ახალი კადრების მიღებასაც, სწორედ ამ ჯგუფში გეგმავს. კონკრეტულად რა უპირატესობა აქვს აქ მუშაობას, რა დახვდებათ დამწყებ დასაქმებულებს და რა შესაძლებლობებს მისცემს მათ კომპანია? სტუმრები: თამთა ყიფიანი - "ჯიპიაი ჰოლდინგის" მარკეტინგული კომუნიკაციების მენეჯერი; გიორგი ხეჩინაშვილი - "ჯიპიაი ჰოლდინგის" თბილისის გაყიდვების უფროსი; #ახალიამბები #BusinessMediaGeorgia
KIABI საქართველოშია, წამყვანი ფრანგული მოდის ბრენდის პირველი მაღაზია East Point-ში ვიზიტორებს 20 აპრილიდან ელის. მაღაზია განთავსებულია 1160მ²-ზე და წარმოდგენილია ქალის, მამაკაცისა და ბავშვის ტანსაცმლის, აქსესუარების, შიდა თეთრეულისა და ფეხსაცმლის უახლესი კოლექციით. 20 აპრილიდან, ქართველ მომხმარებელს შესაძლებლობა ექნება აღმოაჩინოს და შეიძინოს თანამედროვე კოლექცია მთელი ოჯახისთვის, სხეულის ყველა ფორმისთვის და სტილისთვის, ხელმისაწვდომ ფასად. KIABI-ის საქართველოში ოპერირებას უწევს კომპანია GTEX, რომელიც საქართველოში წარმოადგენს 7 საერთაშორისო მოდისა და ავეჯის ინდუსტრიის ბრენდს და მართავს 30-ზე მეტ მაღაზიას 2007 წლიდან. სტუმარი: ვერი ტაბიძე - Gtex-ის აღმასრულებელი დირექტორი; #ახალიამბები #BusinessMediaGeorgia
ხელოვნური ინტელექტის, მოწინავე რობოტიკისა თუ სხვა ტექნოლოგიური მიღწევების დამსახურებით არაერთ ქვეყანაში პროდუქტიულობის მაჩვენებელი მნიშვნელოვნად გაუმჯობესდა, თუმცა არიან ისეთი ქვეყნებიც სადაც ამ მიმართულებით ზრდა, ცალსახად შენელდა. შრომის საერთაშორისო ორგანიზაციის უახლესი მონაცემების თანახმად, მსოფლიოში რომელია დღეს ყველაზე მეტად და ასევე ნაკლებად პროდუქტიული ქვეყნები? #ახალიამბები #BusinessMediaGeorgia
Galt & Taggart - გალტ & თაგარტი: გლობალური ბაზრების ყოველკვირეული მიმოხილვა / Global Markets Weekly Update სტუმარი: თაკო ჯინჭარაძე - Galt&Taggart;-ის ტრეიდერების ჯგუფის უფროსი; #ახალიამბები #BusinessMediaGeorgia
მდგრადი სოფლის მეურნეობის პრაქტიკა - რა გამოწვევები და შესაძლებლობები გვხვდება საქართველოში აღნიშნული მიმართულებით. სოფლის მეურნეობა მსოფლიოს უდიდესი ინდუსტრიაა. სფეროში ერთ მილიარდზე მეტი ადამიანია დასაქმებული და მთლიანი წარმოების ღირებულება სოფლის მეურნეობის ბაზარზე 2024 წელს 3.9 ტრილიონ დოლარს მიაღწევს. საქართველოში სოფლის მეურნეობის სექტორის რეალური ზომა მუდმივ ფასებში 2023 წელს 3.8 მილიარდი ლარით განისაზღვრა. აღსანიშნავი ფაქტია ისიც რომ ქვეყნის მთლიანი ფართობის 43.4% სასოფლო-სამეურნეოდ ვარგისია და აგრარული მრავალფეროვნებითა და ბუნებრივი რესურსების დიდი მარაგით გამოირჩევა, თუმცა, ინოვაციებისა და მდგრადი მიდგომების ნაკლებობის გამო დარგი ქვეყნის ნაკლებად კონკურენტუნარიან სექტორად მიიჩნევა. ამასთან ერთად აღსანიშნავია ის ზეგავლენა გარემოზე, რომელიც ამ სექტორიდან გამომდინარეობს. მდგრადი სოფლის მეურნეობა მიზნად ისახავს საკვების უსაფრთხოებას, ნიადაგის ნაყოფიერებას, ბიომრავალფეროვნების დაცვას, მწვანე პრინციპების დანერგვას წარმოებაში, არაგანახლებადი რესურსების შემცირებასა და საზოგადოების ცნობიერების ამაღლებას პასუხისმგებლიანი წარმოების შესახებ. სტუმრები: რატი ზაუტაშვილი - გაეროს გლობალური შეთანხმების საქართველოს ქსელის ბიზნესთან ურთიერთობის მიმართულების ხელმძღვანელი; ჯუბა მარუაშვილი - FAO-საქართველოს პოლიტიკის უფროსი მრჩეველი; იოსებ ძმანაშვილი - „აგროსფეროს“ პროდუქტების მართვის განყოფილების უფროსი; #ახალიამბები #BusinessMediaGeorgia
მსოფლიოში ყველაზე მდიდარი ბავშვის სტატუსი, ბრიტანეთის სამეფო ოჯახის წევრს ეკუთვნის. ის არც ტახტის მემკვიდრეა და არც პრინცი. საუბარია - პრინცესა შარლოტა ელისაბედ დაიანა უინძორზე. 8 წლის შარლოტას ქონება უკვე ოფიციალურად სცდება 3 მილიარდ დოლარს. მედიაში არაერთი ვარაუდია, თუ როგორ უნდა დაეგროვებინა მცირეწლოვან პრინცესას მის ტახტის მემკვიდრე ძმაზე დიდი ქონება. პასუხი ის გავლენაა, რომელიც პრინცესას დიდი ბრიტანეთის, და არამარტო ბრიტანეთის საზოგადოებაზე აქვს. მას შემდეგ რაც შარლოტა პირველად გამოჩნდა საზოგადოების წინაშე, მისი თანატოლები ცდილობენ მისი მსგავსი ტანისამოსი თუ აქსესუარი ატარონ. როგორ მოახერხა პრინცესა შარლოტამ ყველაზე მდიდარ ბავშვებს შორის, დამსახურებული პირველი ადგილის დაკავება? #ახალიამბები #BusinessMediaGeorgia
თიბისი, საქართველოში ამერიკის შეერთებული შტატების საელჩოსთან ერთად, კორპორატიულ ბიზნესებსა და პარტნიორებს, შესაძლებლობას აძლევს ამერიკაში მონაწილეობა მიიღონ საინვესტიციო სამიტზე - SelectUSA. სამიტი SelectUSA აშშ-ის ერთ-ერთი ყველაზე მასშტაბური ღონისძიებაა პირდაპირი უცხოური ინვესტიციების ხელშეწყობისთვის. ასევე, ინვესტორების, კომპანიების, ეკონომიკური განვითარების ორგანიზაციებისა და ინდუსტრიის ექსპერტების დასაკავშირებლად. ყოველწლიური პლატფორმა, ამერიკაში ბიზნესის დაწყებითა თუ გაფართოებით დაინტერესებული მონაწილეებისთვის, ღირებული ინფორმაციისა და კონტაქტების მიმოცვლის, ასევე, ინვესტიციების მოზიდვის შესაძლებლობას ქმნის. თიბისიმ ამერიკის ბაზრით დაინტერესებულ პარტნიორ ბიზნესებს, აშშ-ის საელჩოს დახმარებით, სამიტის შესახებ ინფორმაცია და სამიტზე მონაწილეობასთან დაკავშირებული შესაძლებლობები გაუზიარა. საინფორმაციო შეხვედრას საქართველოში ამერიკის შეერთებული შტატების საგანგებო და სრულუფლებიანი ელჩი - რობინ ლ. დანიგანი დაესწრო. წელს, SelectUSA-ს რიგით მეათე სამიტი 23-26 ივნისს, მერილენდის შტატში ჩატარდება. #ახალიამბები #BusinessMediaGeorgia
#საქმიანიდილა - 16 აპრილი - პროლოგი #ახალიამბები #BusinessMediaGeorgia