ბრიტანულ საგარეო დაზვერვის სამსახურს პირველი ქალი უფროსი ჰყავს. პრემიერ მინისტრმა კირ სტარმერმა ამ პოსტზე ბლეიზ მეტრეველი წარადგინა, რომელმაც წინა ხელმძღვანელი სერ რიჩარდ მური შეცვალა. მეტრეველი იქამდე, MI6-ის ტექნოლოგიების დეპარტამენტს ხელმძღვანელობდა. ბლეიზ მეტრეველის ბიოგრაფიის თანახმად, ის 47 წლის არის, MI6-ს 1999 წელს შეუერთდა და ასრულებდა სხვადასხვა საოპერაციო როლს ახლო აღმოსავლეთსა და ევროპაში. 2024 წელს ბლეიზ მეტრეველმა გაწეული დამსახურებისთვის CMG-ის ორდენი, ანუ წმინდა მიქაელისა და წმინდა გიორგის ორდენი მიიღო. მას ანთროპოლოგიის განხრით კემბრიჯის უნივერსიტეტი აქვს დამთავრებული. მისი ბიოგრაფიის შესახებ სხვა დეტალები ჯერჯერობით საჯაროდ ცნობილი არაა. ბლეიზ მეტრეველის მამის კონსტანტინე მეტრეველის შესახებ ცნობილია, რომ ის იყო ბრიტანეთის არმიის სამედიცინო დანაყოფის რადიოლოგისტად, გამოცემული აქვს მრავალი სამეცნიერო ნაშრომი რადიოლოგიის შესახებ, ხოლო 1986-2001 წლებში იკავებდა სამედიცინო გამოსახულებისა და ინტერვენციული რადიოლოგიის დეპარტამენტის ფაკულტეტის ხელმძღვანელის პოსტს ჰონგ-კონგის სამედიცინო უნივერსიტეტში. #ახალიამბები #BusinessMediaGeorgia
#საქმიანიდილა - 17 ივნისი - პროლოგი #ახალიამბები #BusinessMediaGeorgia
გუანჯოუში, წყლის საერთაშორისო ფორუმზე გამართულ კონკურსში „წყალი მთის“ 3 საუკეთესო ბრენდს შორის მოხვდა. ჩინეთში სამი დღის განმავლობაში მიმდინარე საერთაშორისო ფორუმი აზიაში პრემიუმ წყლების ერთ-ერთ მნიშვნელოვან გამოფენად ითვლება. მასზე წარმოდგენილნი იყვნენ ჩინეთისა და მსოფლიოს სხვა ქვეყნებიდან წყლის წამყვანი მწარმოებლები. ღონისძიების ყურადღების ცენტრში კი ბრმა დეგუსტაციის კონკურსი იყო, რომელშიც მონაწილეობა 100-ზე მეტმა ბრენდმა მიიღო. დეგუსტაცია სხვადასხვა ქვეყნებიდან მიწვეული 5 ჟიურის მიერ ჩატარდა. ბრმა ტესტირების ფორმატში ჟიურის წევრებს ბრენდების შესახებ ინფორმაცია არ ჰქონდათ, რამაც ობიექტურობა და მიუკერძოებლობა უზრუნველყო. კონკურსის შედეგად, „წყალი მთის“ 3 საუკეთესო ბრენდს შორის მოხვდა, რაც საერთაშორისო აღიარების მნიშვნელოვან ნიშნულად ითვლება. როგორც „წყალი მთის“ ქარხნის წარმომადგენლები აღნიშნავენ, ქართული წყლის ბრენდი „წყალი მთის“ ჩინეთში, გუანჯოუში წყლის მე-13 საერთაშორისო გამოფენაში მონაწილეობის მიზანი ჩინეთის ბაზრის შესწავლა, ტექნოლოგიური განვითარების დონის დადგენა და პარტნიორებთან თანამშრომლობის პერსპექტივები იყო. #ახალიამბები #BusinessMediaGeorgia
სად არის ყველაზე მეტი Data-ცენტრი? #ახალიამბები #BusinessMediaGeorgia
სახელმწიფოს მეფუტკრეობიდან დაახლოებით 100 მლნ ლარის შემოსავალი აქვს, დარგის განვითარებისთვის კი მნიშვნელოვანია შენატანების მცირე ნაწილი სექტოს მოხმარდეს - ამის შესახებ მეფუტკრეთა გაერთიანებაში აცხადებენ. როგორც სექტორული ასოციაციის ხელმძღვანელი ბმჯთან ამბობს, დღეს მთავარ პრობლემას შორის ფუტკრის დაავადება ტროპილელაფსიზია, რომელმაც შესაძლოა წარმოების მაჩვენებლებზე მოახდინოს გავლენა. რამდენად მასშტაბურია პრობლემა და როგორია სახელმწიფოს რეგაირება? სტუმარი: ალეკო პაპავა - მეფუტკრეთა გაერთიანების ხელმძღვანელი; #ახალიამბები #BusinessMediaGeorgia
დაზუსტებული საშემოსავლო დეკლარაციის ჯარიმების კანონპროექტი პარლამენტში ინიცირებულია. როგორც Kreston Georgia-ს მმართველი პარტნიორი დავით პაპიაშვილი განმარტავს, საპენსიო სააგენტომ პარლამენტში უკვე შეიტანა კანონპროექტი, რომელიც დაზუსტებული დეკლარაციის წარდგენისას ჯარიმის გაუქმებას გულისხმობს. თუმცა კანონს უკუძალა არ ექნება, ამიტომ კომპანიებს მოუწოდებენ, ივნისის დეკლარაცია ისე წარადგინონ, რომ დაზუსტება არ გახდეს საჭირო, და 4%-იანი საპენსიო შენატანიც დროულად აისახოს ბალანსზე. მნიშვნელოვანია, რომ დეკლარაციის დაზუსტება კანონპროექტის დამტკიცებამდე შესაძლოა ჯარიმას დაექვემდებაროს. სტუმარი: დავით პაპიაშვილი - Kreston Georgia-ს მმართველი პარტნიორი; #ახალიამბები #BusinessMediaGeorgia
ისრაელსა და ირანს შორის მიმდინარე დაპირისპირების ფონზე, გასული დღეების განმავლობაში თბილისის და ბათუმის აეროპორტებიდან რეისების ნაწილი გაუქმდა. როგორც BM.GE-ს TAV Georgia-ში განუცხადეს, გასულ უქმეებზე ჯამში 19 რეისზე იყო საუბარი, თბილისიდან ეს გახლავთ აბუ-დაბი, შარჟა, ერბილი, დელი, დუბაი და თელ-ავივი. ხოლო ბათუმის აეროპორტიდან გაუქმებული იყო 4 რეისი: ორი ისრაელის, ერთი ირანის და ერთი საამიროების მიმართულებით. უსაფრთხოებიდან გამომდინარე 16 და 17 ივნისს თბილისი-თელ-ავივი-თბილისის მიმართულებით დაგეგმილი რეისები გააუქმა „ჯორჯიან ეარვეისმაც“. როგორ ხდება დაგეგმილი ტურისტული ვიზიტების კომპენსირება კომპანიების მხრიდან? სტუმარი: ნინო ხატიაშვილი - travelfy-ს გაყიდვების დირექტორის მოადგილე #ახალიამბები #BusinessMediaGeorgia
ისრაელსა და ირანს შორის მიმდინარე საომარი მოქმედებების გათვალისწინებით დღეს იმ ეკონომიკური კავშირებისა და შესაძლო დანაკარგების შესახებ ვისაუბრებთ, რაც საქართველოსთან მიმართებით შეიძლება დადგეს. როგორც მოგეხსენებათ ისრაელს საქართველოსთან საკმაოდ მჭიდრო ეკონომიკური კავშირები გააჩნია, რომელიც გამოიხატება როგორც პირდაპირ უცხოურ ინვესტიციებში, ისე ტურიზმსა და ვაჭრობაში. 2024 წელს ეფ დი აის მოცულობა 37$ მლნ იყო, 248,5$ მლნ კი ისრაელიდან საქართველოში ფულადი გზავნილების სახით გადმორიცხა. ვაჭრობის ნაწილში, მაჩვენებლები გასულ წელს 79%-ით გაიზარდა, თუმცა ჯამურ თანხაში საქართველომ ისრაელში საქონლის გაყიდვით სულ $37 მილიონის შემოსავალი მიიღო. რაც შეეხება იმპორტს, 2024 წელს ისრაელიდან საქონლის შეძენის მაჩვენებელი 38%-ით 22.3 მლნ დოლარამდე ზრდას აჩვენებდა. ეკონომიკურ მაჩვენებლებში საქართველოსთვის კიდევ ერთი მნიშვნელოვანი თემაა ტურიზმი, - ისრაელიდან საქართველოში კი ვიზიტები მზარდია. 2024 წელს საქართველოში ტურისტული ვიზიტების მიხედვით ქვეყნების რეიტინგში ისრაელი მეოთხე ადგილს იკავებს. მას მხოლოდ რუსეთი, თურქეთი და სომხეთი უსწრებენ. გასულ წელს ისრაელიდან საქართველოში 310 982 ვიზიტი შესრულდა, რაც 2023 წლის მაჩვენებელს 43.3%-ით აღემატება. ბოლო პერიოდში მნიშვნელოვნად იზრდება მათი მხრიდან მოთხოვნა უძრავ ქონებაზე, თუკი გასულ წლებში ინტერესი მხოლოდ ბათუმის ბაზარზე შეინიშნებოდა, 2024 წლიდან დღემდე ეს მაჩვენებლები გაიზარდა თბილისის შემთხვევაშიც. შეიძლება ითქვას, რომ მსხვილი დეველოპერების ერთ-ერთი სამიზნე ბაზარი, რუსი მიგრანტების გასვლის შემდეგ სწორედ ისრაელი იყო. ისრაელელ ტურისტებზე კეთდებოდა აქცენტი წლევანდელ ზაფხულის სეზონზე აჭარაშიც, ამიტომ მიმდინარე მოვლენები შეიძლება ითქვას, რომ ეკონომიკურ ნაწილში მნიშვნელოვანწილად შეგვეხება. რა გავლენა შეიძლება ჰქონდეს მიმდინარე ომს საქართველოზე? სტუმარი: ირინა კვახაძე - თიბისი კაპიტალი, კვლევების უფროსი #ახალიამბები #BusinessMediaGeorgia
საქართველოში „მამების დღე“ უკვე მეათედ აღინიშნება. ამ დღის დაწესების მიზანი ბავშვის აღზრდის პროცესში მამების ჩართულობის გაზრდა და ამ კუთხით ცნობიერების ამაღლებაა. ვიდეო, რომელიც რამდენიმე წამის წინ ვნახეთ, „თეგეტა ჰოლდინგმა“ გაეროს მოსახლეობის ფონდის საქართველოს ოფისთან ერთად მოამზადა. მასში ჰოლდინგში დასაქმებული მამები და მათი შვილები მონაწილეობენ. გენდერულ საკითხებზე ზრუნვა, სწორედ „თეგეტა ჰოლდინგის“ კორპორაციული მდგრადობის მნიშვნელოვანი საკითხია. კომპანიამ გაეროს მოსახლეობის ფონდის (UNFPA) საქართველოს ოფისთან მემორანდუმიც განაახლა, რომელიც სამუშაო ადგილზე ოჯახზე ორიენტირებული და გენდერულად სენსიტიური პოლიტიკის დასანერგად პარტნიორობას გულისხმობს. რამდენად მნიშვნელოვანია მამების ჩართვა ბავშვის აღზრდის პროცესში, რა ვითარება გვაქვს საქართველოში და როგორია „თეგეტა ჰოლდინგის“ სტრატეგია? სტუმრები: თათია ხორბალაძე - „თეგეტა ჰოლდინგის“ სტრატეგიული კომუნიკაციების დეპარტამენტის ხელმძღვანელი; ეთერ ნოღაიდელი - გაეროს მოსახლეობის ფონდის (UNFPA) გენდერის სპეციალისტი #ახალიამბები #BusinessMediaGeorgia
13-15 ივნისს თბილისში ამბის თხრობის საერთაშორისო ფესტივალი - ZEG გაიმართა, რომელიც უკვე ექვსი წელია ადგილობრივ თუ უცხოელ სპეციალისტების ყველა სფეროდან აერთიანებს, სხვადასხვა სივრცეებში კი ყველა ადამიანისთვის საინტერესო, მრავალფეროვანი თემები განიხილება. ფესტივალის ტრადიციული მხარდამჭერი თიბისი კონცეპტი იყო. #ახალიამბები #BusinessMediaGeorgia
გასულ კვირას, BMG -იმ სტამბოლში იმოგზაურა, ჩვენი მეზობელ ქვეყანაში ყოფნის მიზეზი კი სამი ბრენდის - თიბისის, ვიზას და Turkish airlines-ის თანამშრომლობაა, რომლის ფარგლებში ინოვაციური, საქართველოში უპრეცედენტო სამოგზაურო ბარათი იქმნება. მეტალის პრემიუმ მასალისგან დამზადებული ბარათი სამივე კომპანიის ბენეფიტებს გააერთიანებს და მომხმარებელს მოგზაურობის პროცესს კომფორტულ გამოცდილებად უქცევს. სწორედ აღნიშნული კოლაბორაცია გაფორმდა თურქეთში ოფიციალურად. ღონისძიებას, რომელიც სტამბოლში, ულამაზეს სასტუმრო four seson-ში შედგა - თიბისი კონცეპტის, ვიზას და Turkish Airlines-ის თანამშრომლები ესწრებოდნენ. #ახალიამბები #BusinessMediaGeorgia
"თიბისი კაპიტალის" სმარტ პორტფელი - როგორ ეხმარება პლატფორმა ინვესტორებს? სტუმრები: რატი კალანდარიშვილი - თიბისი კაპიტალის გლობალური ბაზრების კვლევების გუნდის უფროსი; ბაქარ მარუაშვილი - თიბისი კაპიტალის საბროკერო მიმართულების ვიცე პრეზიდენტი #ახალიამბები #BusinessMediaGeorgia
14 ივნისს, სასტუმრო Pullman Tbilisi Axis Towers -ში, Golden Brand-ის რიგით მე-20 საიუბილეო დაჯილდოების ცერემონიალი გაიმართა. Golden Brand წლებია ბიზნესებს მათი განხორციელებული პროექტებისა და საქმიანობისთვის აჯილდოებს. #ახალიამბები #BusinessMediaGeorgia
საწვავის შემცირებული ხარჯი, დაზიანების ნაკლები ალბათობა, მაღალი გამძლეობა და ტექნიკის ცვეთის დაბალი მაჩვენებელი - ეს არის პარამეტრები, რომელიც ჯამში ტექნიკის ფლობის საერთო ღირებულებას უფრო ეკონომიურს და ეფექტურს ხდის. სხვაობა ფლობის ღირებულებაში კი თვალსაჩინოა, როდესაც ერთმანეთს გერმანული man-ის სატვირთო ტექნიკასა და ბიუჯეტურ ბრენდებს შევადარებთ. განსხვავებული თვითღირებულების მიუხედავად, man-ის სატვირთო ტექნიკის ხანგრძლივი ექსპლუატაციის პირობებში, ფლობის მთლიანი ღირებულების ანუ Total Cost of Ownership-ს ყოველწლიური დანაზოგი € 6,711 შეადგენს. რა განაპირობებს ფლობის ღირებულების მნიშვნელოვან შემცირებას? სტუმარი: ბექა ბერიძე - „თეგეტა ჰოლდინგის“ სატვირთო, კომერციული და ავტობუსების მიმართულების ხელმძღვანელი #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
გასულ უქმეებზე, ნატო ვაჩნაძის ფონდის პირველი პროექტის დაჯილდოება გაიმართა, რომელიც წელს უკვე მეორედ ჩატარდა. წელსაც, გასული წლის მსგავსად დაჯილდოების პარტნიორი იყო კოკა-კოლა და როგორც ბრენდს შეეფერება ყველაფერმა სწორედ ისე ჩაიარა. ნატო ვაჩნაძის სახლ მუზეუმში გამართული დაჯილდოების ცერემონიაზე ქართულ კინოში გამორჩეული ნამუშევრებისთვის სხვადასხვა ნომინაციაში რჩეული მსახიობები დაჯილდოვდნენ. წელს, „ელისო“ 6 ნომინაციაში გაიცა, საუკეთესო ფილმი, საუკეთესო რეჟისორი, საუკეთესო მსახიობი, საუკეთესო ოპერატორი, საუკეთესო მონტაჟი, საუკეთესო მხატვრული გაფორმება. #ახალიამბები #BusinessMediaGeorgia
14 ივნისს, თბილისში, კახეთის გზატკეცილზე, შინაგან საქმეთა სამინისტროს მიმდებარედ, „მაქრო დეველოპმენტის“ ერთ-ერთი ყველაზე მასშტაბური პროექტის, „მაქრო სითი თბილისის“ ოფიციალური პრეზენტაცია გაიმართება. ღონისძიების ფარგლებში, სტუმრებს კომპანიის წარმომადგენლებმა პროექტის დეტალები და განვითარების პერსპექტივები გააცნეს. #ახალიამბები #BusinessMediaGeorgia
Coca-Cola Bottlers Georgia ZEG ფესტივალის კიდევ ერთი მხარდამჭერი იყო და ამ პარტნიორობის ფარგლებში კომპანიამ ფესტივალის ტერიტორიაზე თავისი პროდუქციის განთავსებასთან ერთად, ღია მიკროფონის სივრცე შექმნა, სადაც ყველა მსურველს შეეძლო, რომ საკუთარი ამბავი მოეყოლა, სხვადასხვა თემაზე ემსჯელა და თავისი ხმა ყველასთვის გააგებინათ. #ახალიამბები #BusinessMediaGeorgia
#საქმიანიდილა - 16 ივნისი - პროლოგი #ახალიამბები #BusinessMediaGeorgia
პროკრედიტი და UN Women Georgia ქალთა ეკონომიკური გაძლიერებისთვის ინტერვიუ: ზეინაბ ლომაშვილი - "პროკრედიტ ბანკის" დირექტორი; კაორი იშიკავა - გაეროს ქალთა ორგანიზაციის წარმომადგენელი საქართველოსა და სამხრეთ კავკასიაში; ბერგლიოტ ჰოვლანდი - ნორვეგიის ელჩი საქართველოსა და სომხეთში #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
2025 წლის 20 მაისს არაკომერციული იურიდიული პირის „რუსთაველიდან თავისუფლებამდე“ იუსტიციის სახლში რეგისტრაციისთვის დარეგისტრირების განაცხადი შეიტანა. რეგისტრაციის სავარაუდო ვადად დადგენილი იყო ერთი დღე. თუმცა, 22 დღის განმავლობაში განაცხადი არ დარეგისტრირებულა. 30 მაისს ორგანიზაციამ ოფიციალური წერილით მიმართა იუსტიციის სახლს რეგისტრაციის დაყოვნების მიზეზების გასარკვევად, თუმცა პასუხი არ მიუღიათ და არც წარმოების მიღებაზე და არც განაცხადის ხარვეზზე. სტუმარი: ნიკოლოზ შურღაია - ბიზნესის მრჩეველი #ახალიამბები #BusinessMediaGeorgia
#ბრენდისხმა - Satibe • სათიბე ირაკლი გაფრინდაშვილი - დურგალი #BrandVoice #ბრენდისხმა #BMG #BMGTV #ახალიამბები
ფაბრიკა, CENN-ისა და GIZ-ის მხარდაჭერით, ცირკულარული გადაწყვეტის დანერგვაზე მუშაობს. გარემოზე განსაკუთრებული ნეგატიური გავლენის მქონე ნარჩენების შესამცირებლად, ფაბრიკას სივრცეში ერთჯერადი გამოყენების პლასტმასის ჭიქებს მრავალჯერადი გამოყენების ჭიქები ჩაანაცვლებს. სტუმრები: მარიამ ჩხეიძე - GIZ-ის პროექტის მრჩეველი; სალომე კუპრაშვილი - „ფაბრიკას“ მარკეტინგის ხელმძღვანელი #ახალიამბები #BusinessMediaGeorgia
ევროკავშირის მხრიდან საქართველოსთვის უვიზო მიმოსვლის შესაძლო შეჩერებაზე საუბართან ერთად გადავწყვიტეთ, რომ ინფორმაცია მოგვეძიებინა იმის შესახებ, თუ რამდენ ქვეყანასთან აქვს ევროკავშირის უვიზო მიმოსვლა, რა პრინციპით ირჩევს ის ამ ქვეყნებს, არსებობს თუ არა უვიზო რეჟიმის შეჩერების პრეცედენტები და მსოფლიოს რომელ ქვეყნებს აქვთ ყველაზე ძლიერი პასპორტები? #ახალიამბები #BusinessMediaGeorgia
"სტუდია 9"-ის მიერ დაპროექტებული „აგროჰაბის" მულტიფუნქციური ობიექტი, ერთ-ერთი ყველაზე პრესტიჟული საერთაშორისო კონკურსის, Architizer A+Awards 2025-ის გამარჯვებული გახდა. პროექტმა ერთდროულად ორი უმაღლესი ჯილდო მიიღო, როგორც ხალხის, ისე ჟიურის რჩეულის კატეგორიებში. რამ განაპირობა ამ მასშტაბის საერთაშორისო აღიარება და რა გამორჩეული მახასიათებლები აქვს სანაპიროზე მდებარე, სტუდია 9-ის მიერ დაპროექტებულ აგროჰაბის ფილიალს? #ახალიამბები #BusinessMediaGeorgia
მსოფლიოში ფინანსური ცენტრების რაოდენობა მუდმივად იზრდება და ის კონკრეტული ქალაქების ტექნოლოგიური განვითარებით, ინოვაციურობითა და აქ მცხოვრები მილიონერებისა თუ მილიარდერების რაოდენობით ისაზღვრება. რომელია ამჟამად მსოფლიოს ყველაზე სწრაფად მზარდი ფინანსური ცენტრები? #ახალიამბები #BusinessMediaGeorgia
#საქმიანიდილა - 13 ივნისი - პროლოგი #ახალიამბები #BusinessMediaGeorgia
NVIDIA სომხეთში $500-მილიონიან AI-ქარხანას ააშენებს - გავლენა რეგიონსა და საქართველოზე
"გრანტების შესახებ" კანონში შეტანილი ცვლილებების ფასი სტუმრები: ლევან ნატროშვილი - "სამართლიან არჩევნები“ დირექტორი; ლია ჩახუნაშვილი - ჟურნალისტური ეთიკის ქარტიის აღმასრულებელი დირექტორი; გიორგი დავითური - IDFI-ის კანონის უზენაესობისა და მედიის თავისუფლების მიმართულების ხელმძღვანელი; #ახალიამბები #BusinessMediaGeorgia
ახლახან გამოქვეყნებული მონაცემების მიხედვით, ევროპაში კურკოვანი ხილის წარმოება გასულ წელთან შედარებით 7%-ით შემცირდა. განსაკუთრებულად საბერძნეთი დაზიანდა, სადაც ყვავილობის პერიოდში ძლიერი ყინვები დაიწყო. იმოქმედებს თუ არა ეს ყველაფერი ევროკავშირის ბაზარზე ხილის ფასზე და რამდენად მძიმეა ვითარება? #ახალიამბები #BusinessMediaGeorgia
რატომ გაძვირდა ხილი საქართველოში? სტუმარი: დავით ჭუბაბრია - Cherry.ge-ის თანადამფუძნებელი; #ახალიამბები #BusinessMediaGeorgia
საქართველოში სეზონური ხილის ფასი საგრძნობლადაა გაზრდილი. ამის გამომწვევ მიზეზად სექტორის წარმომადგენლები პირველ რიგში გაზაფხულის განმავლობაში უამინდობას, მოსავლის დაზიანებას და შემდეგ უკვე, ინფლაციის გავლენას ასახელებენ. რატომ გაძვირდა ხილი და უნდა ველოდოთ თუ არა ამ ღირებულების დასტაბილურებას? #ახალიამბები #BusinessMediaGeorgia
აგენტებზე გადაღებულ ფილმებს მაყურებელი ყოველთვის დიდი ინტერესით ხვდება, ამას განაპირობებს ის ჟანრული კლიშეები, რომელსაც მძაფრსიუჟეტიან დეტექტიურ ფილმებში ვხვდებით. ამ ჟანრის ერთ-ერთი თვალსაჩინო წარმომადგენელი შეუსრულებელი მისიაა, რომელშიც უკვე მესამე დეკადაა ტომ კრუზი საოცარი თავდადებით ასრულებს მთავარი აგენტის ეთან ჰანტის როლს. ახლახან ფრენჩაიზის მერვე ნაწილი გამოვიდა შესაბამისად გვინდა გავიხსენოთ ყველაფერი ის რის გამოც უყვარს მაყურებელს ჟანრის ეს კლასიკა. რისი შთაგონებით შეიქმნა შეუსრულებელი მისია და რა განაპირობებს მის ასეთ პოპულარობას? #ახალიამბები #BusinessMediaGeorgia
2025 წლის თებერვალში ოფიციალურად დარეგისტრირდა იტალია-საქართველოს სავაჭრო პალატა, კერძო სექტორის ინიციატივით შექმნილი ორგანიზაცია, რომლის მიზანია ბიზნესებს ორივე მხარეს შორის კომუნიკაციის გამარტივება, პრობლემების გადაჭრაში დახმარება, საინფორმაციო პლატფორმების შექმნა და ორმხრივი ეკონომიკური ურთიერთობების გაღრმავება. პალატა უკვე გეგმავს პირველ ოფიციალურ შეხვედრას, რომელიც 19 ივნისს გაიმართება. ღონისძიება წარმოადგენს შესაძლებლობას წევრებისთვის, უკეთ გაეცნონ ერთმანეთს, განიხილონ სამომავლო ხედვები და ერთობლივი პროექტების მიმართულებები. სტუმრები: მარტა იმანეო - იტალია-საქართველოს სავაჭრო პალატის თანადამფუძნებელი; კოტე გაბრიჩიძე - იტალია-საქართველოს სავაჭრო პალატის თანადამფუძნებელი #ახალიამბები #BusinessMediaGeorgia
წყალი 21-ე საუკუნეში ახალ მნიშვნელობას იძენს და მხოლოდ ბუნებრივი რესურსის სტატუსს სცილდება. მეტიც, ის გლობალურ ეკონომიკურ, პოლიტიკურ და სოციალურ გამოწვევადაც იქცა. მზარდი მოსახლეობა, კლიმატური ცვლილებები და სუფთა წყლის არათანაბარი განაწილება მას სულ უფრო დეფიციტურ და დაპირისპირების საგნად ხდის. ამის პარალელურად, წყალი უკვე ფინანსურ ბაზრებზეც გამოჩნდა როგორც „ლურჯი ოქრო“ - მომავლის აქტივი, რომელიც გავლენას მოახდენს ეკონომიკურ სტაბილურობასა და გლობალურ უსაფრთხოებაზე. როგორ ცვლის წყალი თამაშის წესებს და რეალურად, რამდენად მნიშვნელოვან ეკონომიკურ აქტივთან გვაქვს საქმე? #ახალიამბები #BusinessMediaGeorgia
წყალი "მთის" მენეჯმენტი გუანჯოუში წყლის მეცამეტე გამოფენაზე იმყოფება. მათი ვიზიტის მიზანია გაარკვიონ რამდენად გაჯერებულია ჩინეთის ბაზარი წყლის მწარმოებელი კომპანიებით და ტექნოლოგიურად რა დონეზეა მათი წარმოება. გარდა ამისა, ბევრი პოტენციური პარტნიორის გაცნობას ახერხებენ და არკვევენ მათი ტექნოლოგიური განვითარების დონეს. გამოფენის როგორც ვიცი ფარგლებში ასევე, წყლის ტურნირია დაგეგმილი, სადაც წყლის სომელიეები შეამოწმებენ ხარისხს. განიხილავენ წყალი მთის ექსპორტის შესაძლებლობებსაც. სტუმრები: გიორგი სიგუა - წყალი “მთის" მომარაგების მენეჯერი; ლაშა ჯვართავა - წყალი “მთის" ბრენდ მენეჯერი; ზურა შარაშენიძე - წყალი “მთის" ქარხნის წარმოების მენეჯერი. #ახალიამბები #BusinessMediaGeorgia
პარაგვაი მსოფლიოში მწვანე ენერგიის ყველაზე დიდი წმინდა ექსპორტიორია. ქვეყნის 99.9% ჰიდროენერგიაზე მოდის.ჯამში, პარაგვაი წლიურად 110 მილიარდ კვტ/სთ-ზე მეტ სუფთა ენერგიას აწარმოებს, საიდანაც 80%-ზე მეტი ექსპორტზე გადის. მასობრივად დაბალ ფასად ხელმისაწვდომმა ენერგიამ უკვე მიიპყრო გლობალური ტექნოლოგიური გიგანტების ყურადღება. ტექკომპანიები ინვესტიციების თაობაზე მოლაპარაკებებს უკვე აქტიურად აწარმოებენ. თუ ქვეყანა შეძლებს რესურსებისა და დემოგრაფიის სწორად მობილიზებას, პარაგვაის აქვს პოტენციალი, სამხრეთ ამერიკის სილიკონის ველად იქცეს. რა აქცევს სამხრეთ ამერიკის ქვეყანას ტექკომპანიებისთვის მიმზიდველად? #ახალიამბები #BusinessMediaGeorgia
საქართველოს ბიზნეს ასოციაცია კვლავ აგრძელებს წევრ კომპანიებთან ვიზიტს. BAG-ის წარმომადგენლები ამჯერად კომპანია UGT-ს ესტუმრნენ, ადგილზე სამუშაო პროცესს გაეცნენ და ბრენდის მიღწეული შედეგებისა და სამომავლო გეგმების შესახებ ამბებს დეტალურად გაეცნენ. BAG-სა და UGT-ის პარტნიორობა უკვე მრავალ წელს ითვლის და ამის მიღმა, აღსანიშნავია ისიც, რომ 2023 წელს, მათი ერთობლივი ძალისხმევით, ბიზნეს ასოციაციაში IT კომიტეტი შეიქმნა, რომლის მიზანიც ბიზნეს სექტორში ინკლუზიური ციფრული ტრანსფორმაციის ხელშეწყობა, ინოვაციებისა და ტექნოლოგიური სიახლეების ინიცირება და მათი დანერგვა. ამ თანამშრომლობის შესახებ კიდევ უფრო მეტ დეტალს, ისევე როგორც UGT-ს 28-წლიან ისტორიაზე. #ახალიამბები #BusinessMediaGeorgia
რეგიონის ქვეყნების ეკონომიკების მიმოხილვა:
დღეს ჩვენს ყოველდღიურ ცხოვრებაში რობოტების ჩართულობაზე ვსაუბრობთ, მაგრამ იყო დრო, როცა ბენჯამინ ფრანკლინმა 1742 წლის 11 ივნისს, გათბობის ქურა გამოიგონა. აღსანიშნავია, რომ ფრანკლინმა პატენტი ამ გამოგონებაზე არ აიღო — მან ღიად გაუზიარა საზოგადოებას ეს იდეა, რადგან სჯეროდა, რომ ცოდნა და პროგრესი საერთო სარგებლისთვის უნდა გამოეყენებინათ. #ახალიამბები #BusinessMediaGeorgia
#საქმიანიდილა - 12 ივნისი - პროლოგი ✔️ თანამდებობის პირების ქონებრივი დეკლარაციების საიტი ამუშავდა - რა იყო 6-თვიანი შეფერხების მიზეზი? ✔️ რა ქონებას ფლობს ირაკლი კობახიძე? ✔️ რა ქონებას ფლობს კახა კალაძე? ✔️ რა ქონებას ფლობს ლევან დავითაშვილი? ✔️ რა ქონებას ფლობს ნათია თურნავა? ✔️ ფინანსური დანაშაულის ჩამდენებისგან ქონების ამოღება მარტივდება - ცვლილებები კანონში; ✔️ ტრამპი: ჩინეთთან შეთანხმება მიღწეულია - რაზე შეთანხმდნენ? ✔️ WB-მა ქვეყნების 70%-ს ეკონომიკური ზრდის პროგნოზი შეუმცირა - საქართველოს პროგნოზი: -0.5 პ.პ. #ახალიამბები #BusinessMediaGeorgia
როგორც ყველგან, ისე ევროპაშიც, სხვადასხვა სექტორებისა და პოზიციების მიხედვით დასაქმებულების ანაზღაურება საკმაოდ ფართო დიაპაზონში იცვლება. განსაკუთრებულად მაღალ შემოსავლიანი პოზიციები უფრო მეტად მედიცინის, ტექნოლოგიებისა და საფინანსო სექტორებს უკავშირდება. რომელია ყველაზე მაღალ ანაზღაურებადი პოზიციები ევროპაში? #ახალიამბები #BusinessMediaGeorgia
ქართული ტურიზმის სექტორი აზიურ ბაზრებზე გადაწყობის პროცესშია. წელს ტურიზმის სექტორში ისრაელის შემდეგ სწორედ ინდოელი, ჩინელი და არაბული ქვეყნებიდან ვიზიტორები დომინირებენ. აზიური ბაზრებიდან ტურისტების ნაკადი რაოდენობრივად დიდი არ არის, თუმცა წლიურ ჭრილში პირველ კვარტალში 40%-ზე მეტად არის გაზრდილი ტურისტების ნაკადი ჩინეთიდან, ინდოეთიდან კი ზრდა 28%-ია. პირველი კვარტლის მდგომარეობით საქართველოში ტურისტების დიდი ნაკადი ისრაელიდან ჩამოდის. წლის პირველ სამ თვეში ისრაელიდან 80,896 ვიზიტი განხორციელდა, რაც წლიურად 72.9%-იანი ზრდაა. როგორ მიმდინარეობს ტურისტული სეზონი ზღვისპირეთში და ვინ არის სტუმრების ძირითადი კონტინგენტი? სტუმარი: თემურ დიასამიძე - ტურიზმისა & უძრავის ქონების ექსპერტი, საინვესტიციო მრჩეველი #ახალიამბები #BusinessMediaGeorgia
ოფიციალური სტატისტიკით, 2025 წლის პირველ კვარტალში საქართველოს ენერგეტიკის სექტორში $70,2 მილიონის პირდაპირი უცხოური ინვესტიცია განხორციელდა. ეკონომიკის სექტორებს შორის ენერგეტიკა მოწინავეა, სადაც წლის პირველ სამ თვეში ყველაზე მეტი FDI ჩაიდო, თუმცა 2024 წლის პირველ კვარტალთან შედარებით ენერგეტიკის სექტორში პირდაპირი უცხოური ინვესტიციები 8,5 მილიონი დოლარით არის შემცირებული. განახლებადი ენერგიების განვითარების ასოციაციის აღმასრულებელი დირექტორის განცხადებით, სექტორში ინვესტიციები ძირითადად გამანაწილებელი კომპანიების მხრიდან იდება და გენერაციის მხარე ამ ზრდაში წამყვანი არ არის. ენერგეტიკა, ეს არის სექტორი, რომელსაც ძალიან დიდი საინვესტიციო პოტენციალი გააჩნია. რა დაბუსტავს კიდევ უფრო ამ სექტორს, რა სჭირდება უფრო მეტი ინვესტიციების განხორციელებას განსაკუთრებით გენერაციის მიმართულებით? სტუმარი: პაატა ცინცაძე - საქართველოს ენერგეტიკის აკადემიის პრეზიდენტი #ახალიამბები #BusinessMediaGeorgia
საქართველოში FDI-ს მოცულობა 2025 წლის I კვარტალში 7,7%-ით, 179.4 მლნ დოლარამდე შემცირდა. ინვესტიციების შემცირებაზე გავლენა მოახდინა ინვესტორთა მიმართ სავალო ვალდებულებების მომსახურებამ, რამაც 33 მილიონი დოლარი შეადგინა, ინვესტიციების შემომავალი ნაკადები კი 150 მილიონი დოლარი იყო რეინვესტიციების სახით და 62 მილიონი დოლარი კომპანიების მფლობელთა მხრიდან სააქციო კაპიტალის შევსებით. შესაბამისად, მთლიანობაში საინვესტიციო ნაკადებმა 179 მილიონი დოლარი შეადგინა. ენერგეტიკა, ინფორმაცია და კომუნიკაცია და დამამუშავებელი მრეწველობა- ასე გამოიყურება ის ძირითადი სექტორები, სადაც პირველი კვარტლის მდგომარეობით ყველაზე მეტი FDI ჩაიდო. უფრო კონკრეტულად, ენერგეტიკაში 70 მილიონი დოლარის ინვესტიცია განხორციელდა, 8,5 მილიონი დოლარით ნაკლები, ვიდრე წინა წლის ანალოგიურ პერიოდში. 2,8-ჯერ არის გაზრდილი ინვესტიციები ინფორმაციისა და კომუნიკაციის სექტორში. თუ გასულ წელს ამ სექტორში 18,1 მილიონი დოლარის ინვესტიცია ჩაიდო, წელს პირველ კვარტალში ეს მაჩვენებელი 52,3 მილიონ დოლარამდე გაიზარდა. ინვესტიციები გაზრდილია მშენებლობის სექტორშიც, რამაც პირველ კვარტალში 20,5 მილიონი დოლარი შეადგინა. მნიშვნელოვანი კლებაა უძრავი ქონების სექტორში. თუ გასული წლის პირველ კვარტალში სექტორში 19,3 მილიონი დოლარის FDI ჩაიდო, წელს პირველ კვარტალში ეს მაჩვენებელი 5,9 მილიონ დოლარამდეა შემცირებული. სტუმრები: ნატო ბოჭორიშვილი - საქართველოს უძრავი ქონების ეროვნული ასოციაციის პრეზიდენტი; ბესო ორთოიძე - "არსის" გენერალური დირექტორი; დავით კიზირია - ციფრული ტრანსფორმაციის კონსორციუმის კოორდინატორი. #ახალიამბები #BusinessMediaGeorgia
„მზიური ანექსი“ „მზიური დეველოპმენტის“ ახალი, რიგით მესამე პრემიუმ კლასის საცხოვრებელი და საინვესტიციო პროექტია, რომელიც მახინჯაურში, ბათუმიდან სულ რაღაც 6 კილომეტრში ვითარდება, იქ, სადაც ზღვა და მთა ჰარმონიულად ერწყმის ერთმანეთს. ლოკაცია გამოირჩევა სუბტროპიკული კლიმატით, ზღვისა და მთის საოცარი სინთეზით, უხვი მწვანე საფარით, უნიკალური ფლორა–ფაუნით და იშვიათი მცენარეებით, რაც მთელ რეგიონს განსაკუთრებულ ხიბლს სძენს. მზიური დეველოპმენტი მახინჯაურში ინვესტირება რამდენიმე წლის წინ დაიწყო და ერთი პროექტი "მზიური გარდენსი" დასრულებულია, მეორე პროექტის მზიური ველნესის მშენებლობა კი აქტიურად მიმდინარეობს. თეონა გიორგაძე - "მზიური დეველოპმენტი” კომერციული დირექტორი #ახალიამბები #BusinessMediaGeorgia
საქართველოში საფრანგეთის საელჩოსა და იაშვილის საავადმყოფოს შორის ურთიერთთანამშრომლობის მემორანდუმი გაფორმდა, რომელიც მიზნად ისახავს საქართველოში პედიატრიული სერვისების განვითარებას. აღნიშნული მემორანდუმის ფარგლებში იაშვილის საავადმყოფოში რთული კლინიკური შემთხვევების განხილვასა და მკურნალობაში ჩაერთვებიან უცხოელი კოლეგები საფრანგეთის ჰოსპიტლიდან AP-HP, პარიზის ნეკერის ბავშვთა ჰოსპიტლიდან, რომელიც წარმოადგენს წამყვან პედიატრიულ და სპეციალიზებულ სამედიცინო ცენტრს არა მხოლოდ საფრანგეთში, არამედ მთელს ევროპაში. ასევე, აღნიშნული მემორანდუმის ფარგლებში ჩართულია იაშვილის საავადმყოფოს მრავალწლიანი პარტნიორი ქართულ ინტერნაციონალური სამედიცინო და საზოგადოებრივი ჯანდაცვის ასოციაცია (GIMPHA). მათთან თანამშრომლობით შეიქმნება ციფრული პლატფორმა, რომელიც რთული სამედიცინო შემთხვევების განხილვაში ქართველი და საზღვარგარეთ მოღვაწე ექიმების ერთობლივ ჩართულობას უზრუნველყოფს. მემორანდუმი ასევე ითვალისწინებს ონკოლოგიით დაავადებული პაციენტებისა და მშობლების მხარდაჭერას ბერი ანდრიას ფონდის ჩართულობით. სტუმრები: თამარ ვახტანგაძე - მ. იაშვილის სახ. თბილისის ცენტრალური ბავშვთა საავადმყოფოს დირექტორი; ნინო სოლომონია - იაშვილის ჩვილ ბავშვთა და ახალშობილთა კრიტიკული მედიცინის განყოფილების უფროსი #ახალიამბები #BusinessMediaGeorgia