კომპანია გალფი კალათბურთის მხარდაჭერასა და პოპულარიზაციას განაგრძობს. გასული კვირის მიწურულს გალფის და ბათუმის მერიის ერთობლივი პროექტის ფარგლებში, ქალაქ ბათუმში გალფის ზაზა ფაჩულიას სახელობის რიგით მეექვსე კალათბურთის მოედანი გაიხსნა. კომპანია აქ გაჩერებას არ აპირებს და უახლოეს მომავალში, ქვეყნის მასშტაბით, სულ 20 საკალათბურთო კორტი გაიხსნება. #ახალიამბები #BusinessMediaGeorgia
საქართველოს ბანკი, როგორც ბიზნესის სანდო პარტნიორი, აქტიურად უწყობს ხელს ტექნოლოგიური, ტურიზმის, განათლებისა და სხვა სფეროების განვითარებას. ამჯერად, ბანკის მხარდაჭერითა და საქართველოს ტურიზმის სამიტის „ტურისტერის” თანაორგანიზებით, ერთ-ერთი ყველაზე მნიშვნელოვან მიმართულებაზე – ზამთრისა და სამთო-სათხილამურო ტურიზმზე კონფერენცია ჩატარდა. ღონისძიება 2025 წლის 19 სექტემბერს გაიმართა და მან ყურადღება საქართველოს ზამთრის კურორტების პოტენციალზე, მათ კონკურენტულ უპირატესობებსა და განვითარების პერსპექტივებზე გაამახვილა. ღონისძიებაზე განიხილეს: პირდაპირი ჯავშნების ზრდა; ციფრული მარკეტინგის გამოყენება ადგილობრივი ტურისტების მოსაზიდად; კურორტების ოთხივე სეზონზე ვიზიტორების ზრდის სტრატეგიები; საერთაშორისო ტურისტების მოზიდვა რეგიონული კონკურენციის პირობებში და ახალი ტურიზმის კანონის გავლენა სექტორზე. მონაწილეებს ჰქონდათ შესაძლებლობა, გასცნობოდნენ უახლეს ტენდენციებს, ტექნოლოგიურ გადაწყვეტილებებსა და საკანონმდებლო სიახლეებს, რაც მათ ბიზნესის მოდერნიზაციასა და კონკურენტუნარიანობის ზრდაში დაეხმარება. #ახალიამბები #BusinessMediaGeorgia
#საქმიანიდილა - 22 სექტემბერი - პროლოგი #ახალიამბები #BusinessMediaGeorgia
თიბისი კაპიტალმა კორპორატიულ პარტნიორებს საქართველოს ლოგისტიკის სექტორის შესახებ ახალი კვლევა წარუდგინა. ბოლო წლებში ქვეყანაში ტრანსპორტირებასა და დასაწყობებაზე გაზრდილი მოთხოვნის შესაბამისად სექტორისადმი ინტერესი გაიზარდა - ამ ტენდენციის საპასუხოდ, თიბისი კაპიტალმა მოამზადა პუბლიკაცია, რომელიც ადგილობრივი და გლობალური ტენდენციებით შექმნილ შესაძლებლობებსა და გამოწვევებს აანალიზებს. კვლევაში განხილულია საქართველოს სატრანზიტო ფუნქცია და შუა დერეფნის, საქართველოს გავლით ევროპისა და ცენტრალური აზიის ბაზრების დამაკავშირებელი სატრანსპორტო მარშრუტის, კონკურენტუნარიანობა და პოტენციალი. სტუმარი: ირინა კვახაძე - "თიბისი კაპიტალი", უფროსი ვიცე პრეზიდენტი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
27 სექტემბერს სამხრეთ კავკასიის ტერიტორიაზე პირველად ჩატარდება ამერიკული ავტოაუქციონი და მას საქართველო უმასპინძლებს. აუქციონზე რეგისტრაციისთვის საჭირო იქნება 500 ლარი, რაც მომხმარებლებს შესაძლებლობას მისცემს ჩაერთონ აუქციონში და სცადონ ბედი – შეიძინონ ავტომობილები მათ საბაზრო ფასზე 2–3–ჯერ იაფად. სტუმრები: ალექსანდრე წულუკიანი - საქართველოს ბანკი, კორპორაციული გაყიდვების სექტორის უფროსი; ბესო გოჩალეიშვილი - "ლაიონ აუქციონის" გენერალური მენეჯერი; ანი ლომია - “ლაიონ გრუპის” გლობალური ბიზნესის განვითარების მენეჯერი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
თიბისის ბიზნესდაჯილდოვების გამარჯვებულების წარდგენას განვაგრძობთ საქმიანი დილას ეთერში და დღეს სტუდიაში Awork-ის და Tasteit-ის წარმომადგენლებს ვმასპინძლობთ, რომლებიც თიბისი ბიზნეს დაჯილდოების საუკეთესო ინოვაციური სტარტაპების კატეგორიაში დასახელდნენ რჩეულთა შორის. ორივე ციფრული სერვისის მომწოდებელი კომპანიაა ეს უკანასკნელი სულ რამდენიმე კვირის წინ ამავე დროს TechCrunch-ის მიერ შერჩეულ 200 ყველაზე პერსპექტიულ სტარტაპს შორის მოხვდა. და თუ ვინმესთვის ჯერ კიდევ უცნობია, Tasteit არის სოციალური ქსელი, რომელიც ადამიანებს გასტრონომიული გემოვნების მიხედვით აკავშირებს. რაც შეეხება საქმიანი ადამიანებისთვის ასევე არანაკლებად საჭირო და უკვე კარგად ნაცნობ Awork-ს თავის დროზე HR-ტექნოლოგიების ბაზარზე, სამსახურის მაძიებლებისა და კომპანიების დაკავშირებისათვის შექმნილი აპლიკაცია ახლა სმარტფონის აპლიკაციასთან ერთად, კომპანიებს პროგრამულ უზრუნველყოფას სთავაზობს, რომლითაც კანდიდატების შერჩევის პროცესის ყველა ნაბიჯის გაციფრულება არის შესაძლებელი. სტუმრები: გიორგი ურუშაძე - Tasteit-ის დამფუძნებელი; გიორგი რაზმაძე - Awork-ის აღმასრულებელი დირექტორი #ახალიამბები #BusinessMediaGeorgia
საქართველოს ბიზნეს ასოციაციამ შრომითი დავების ალტერნატიული გადაწყვეტის შესახებ კონფერენციას სახელწოდებით, „ინდივიდუალური შრომითი დავების ალტერნატიული გადაწყვეტა - საერთაშორისო და ქართული პერსპექტივა“ უმასპინძლა. ორდღიანი კონფერენციისას, რომელიც ბი ეი ჯისა და DANSK Industri-მ ერთობლივი პროექტის ფარგლებში შედგა, შეკრების მიზნად განსაზღვრული იყო,პრაქტიკოსი იურისტების, იურიდიული ფირმების, მედიატორების, არბიტრების, ადვოკატების,აკადემიური წრეების, ბიზნეს გაერთიანებების წარმომადგენლების და სხვა დაინტერესებული პირების მონაწილეობით ინდივიდუალური შრომითი დავების განხილვის ალტერნატიული მექანიზმების განვითარების შესახებ სისტემური დიალოგის დაწყებაა, მექანიზმების ანალიზს, სოციალურ პარტნიორების პოზიციების დაახლოებას და საცდელი/საპილოტე მოდელის შემუშავება. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; ნიკა ნანუაშვილი - საქართველოს ბიზნეს ასოციაცია, იურიდიული დირექტორი #ახალიამბები #BusinessMediaGeorgia
„მაზდა ცენტრი თეგეტამ” საქართველოს ახალი ავტომობილი - Mazda CX-60 დამუხტვადი ჰიბრიდი მასშტაბური კამპანიით წარადგინა. კამპანიის მთავარი გმირი ქართველი, ლეგენდარული სპორტსმენი, სუმოისტი - ლევან გორგაძე, იგივე ტოჩინოშინია. კამპანიის ვიდეორგოლში ტოჩინოშინი იაპონელ ინჟინრებს უშუალოდ უზიარებს ქართველების საჭიროებებს და მათთვის შესაფერისი ავტომობილის მოთხოვნებს. Mazda CX-60-ის ტექნიკური უპირატესობების მიუხედავად, კამპანიის მთავარი მესიჯი ტექნიკურ მონაცემებს სცდება. #ახალიამბები #BusinessMediaGeorgia
60 დაფინანსებული საწარმო,1600-მდე მონაწილე 219 დასაქმებული ადამიანი-ლიბერთის სტრატეგიული პარტნიორობით და ავსტრიის განვითარების თანამშრომლობის (ADC) დაფინანსებით პროექტი „ახალგაზრდული მეწარმეობა სოფლის განვითარებისთვის“ (RDYE) რომელიც 3 წლის მანძილზე მიმდინარეობდა დასრულდა. საქართველოში მერსი ქორფსის წარმომადგენლობა (Mercy Corps Georgia) პროექტს „ახალგაზრდული მეწარმეობა სოფლის განვითარებისთვის“ (RDYE) 46 თვის მანძილზე ავსტრიის განვითარების თანამშრომლობის (ADC) დაფინანსებით ახორციელებდა და პროექტის სტრატეგიული პარტნიორი ლიბერთი ბანკი და მხარდამჭერი სპორტის, ტურიზმისა და ახალგაზრდობის საერთაშორისო ფონდია. სტუმრები: თამარ ზაქარიაძე - ლიბერთის კორპორაციული პასუხისმგებლობის მიმართულების ხელმძღვანელი; გიგა სარუხანიშვილი - პროექტის ,,ახალგაზრდული მეწარმეობა სოფლის განვითარებისთვის” დირექტორი #ახალიამბები #BusinessMediaGeorgia
აშშ-ის ფედერალურმა რეზერვმა წლის ყველაზე მნიშვნელოვანი გადაწყვეტილება მიიღო და რეფინანსირების განაკვეთი 25 საბაზისო პუნქტით შეამცირა, რაც სრულ შესაბამისობაშია ანალიტიკოსების პროგნოზთან. ცვლილების შედეგად, ქვეყნის ცენტრალური ბანკის მიერ განსაზღვრული მონეტარული პოლიტიკის განაკვეთი 4.0-4.25%-ის დიაპაზონში განისაზღვრა. რას ნიშნავს აღნიშნული გადაწყვეტილება ამ ფორმით და შინაარსით, შეერთებული შტატების და მსოფლიოს ეკონომიკისთვის? #ახალიამბები #BusinessMediaGeorgia
23-24 სექტემბერს სომხეთში საბანკო ფორუმი თემაზე „ბანკინგის მომავალი: ინოვაციები, მდგრადობა და პერსპექტივები“ იმართება, სადაც წინასწარი ინფორმაციით აქცენტი გაციფრულებასა და მდგრადობაზე კეთდება. ფორუმს სომხეთის საბანკო ასოციაცია, ცენტრალური ბანკი და ცენტრალური და აღმოსავლეთ ევროპის საბანკო ასოციაცია მასპინძლობენ. ცხადია საქართველოდან საბანკო ასოციაციაც იქნება ადგილზე წარმოდგენილი და საქართველოს საბანკო სექტორის, როგორც რეგიონის ფინანსური ინოვაციების და მდგრადობის ცენტრის გამოცდილებას თუ ინოვაციურ მიდგომებს გააზიარებს. სტუმრები: ლევან გოგოლაძე - საქართველოს საბანკო ასოციაცია, ESG მიმართულების კოორდინატორი; ინგა ქარჩავა - საქართველოს საბანკო ასოციაცია, კიბერუსაფრთხოების მიმართულების კოორდინატორი #ახალიამბები #BusinessMediaGeorgia
ევროკომისიას რუსეთის წინააღმდეგ სანქციების მე-19 პაკეტი 17 სექტემბერს უნდა გამოექვეყნებინა, მაგრამ აშშ-ის პრეზიდენტის დონალდ ტრამპის ზეწოლის ფონზე, რომ ევროკავშირმა რუსულ ნავთობზე დამოკიდებულება შეამციროს, ამან ბრიუსელი ჩიხში შეიყვანა, რამაც პროცესი გაართულა. ამის პარალელურად, გუშინ POLITICO-მ გაავრცელა ინფორმაცია, რომ ევროკავშირმა სანქციების პაკეტი შესაძლოა დღეს ან ორშაბათს წარადგინო. რას მოიცავს ეს პაკეტი და რა ემუქრება რუსეთს მისი ამოქმედებით? #ახალიამბები #BusinessMediaGeorgia
დღეს თბილისში, ექსპო ჯორჯიაში, ჭკვიანი ტექნიკის გამოფენა აიღებს სტარტს, რომელიც 21 სექტემბრის ჩათვლით გაგრძელდება. ჭკვიანი ტექნიკის გამოფენა 70-ზე მეტ ჩინურ კომპანიას გააერთიანებს,რომლებიც თავიანთი პროდუქციით, იქნება ეს საყოფაცხოვრებო, სამშენებლო თუ სამეწარმეო ნივთები, იქნებიან წარმოდგენილები. გამოფენის მთავარი მიზანი კი ქართულ და ჩინურ კომპანიებს შორის სავაჭრო და საქმიანი ურთიერთობების გაღრმავებაა. #ახალიამბები #BusinessMediaGeorgia
სასწრაფო გადაუდებელი შემთხვევის დროს, ხშირად სწორედ პირველ წუთებს აქვს გადამწყვეტი მნიშვნელობა. მარტივმა მოქმედებამ – შეიძლება ადამიანების სიცოცხლე იხსნას. ყოველწლიურად, სექტემბრის მეორე შაბათს, მსოფლიო პირველადი დახმარების დღეს აღნიშნავს. ეს თარიღი გვახსენებს, თუ რამდენად მნიშვნელოვანია კრიტიკულ მომენტში სწრაფად და სწორად მოქმედება. როგორ და რატომ აღინიშნება პირველადი დახმარების მსოფლიო დღე, რა ისტორიას ატარებს იგი და რატომ არის ეს თემა დღესაც აქტუალური? #ახალიამბები #BusinessMediaGeorgia
გიორგი ისაკაძის საავტორო პროლოგი #ახალიამბები #BusinessMediaGeorgia
#საქმიანიდილა - 19 სექტემბერი - პროლოგი #ახალიამბები #BusinessMediaGeorgia
ჩინური რეგულატორი NVIDIA-ს მონოპოლიაში ადანაშაულებს; #ახალიამბები #BusinessMediaGeorgia
ახალ სასწავლო წელს საქართველოს განათლების სისტემა კვლავ ძველი პრობლემით შეხვდა, მრავალი სკოლა დღემდე სხვა სკოლაშია შესახლებული და მოსწავლეებს სახლებიდან მოშორებით, მეორე და მესამე ცვლაში სიარული უწევთ. ახალი სასწავლო წლის პირველ დღეს ცარიელი სკოლის წინ საპროტესტო აქციაზე შეიკრიბნენ თბილისის 157-ე სკოლის მოსწავლეები და მშობლები. პროტესტის მიზეზი გაჭიანურებული რეაბილიტაცია რის გამოც ათასზე მეტი ბავშვი მიმდებარე სკოლებში არიან გადანაწილებულები. რატომ გადაიქცა სკოლების მშენებლობა-რეაბილიტაცია ბოლო წლების მოუგვარებელ საკითხად? სტუმარი: ნიკა ჩერქეზიშვილი - “ლელოს” წევრი/ მშობელი; #ახალიამბები #BusinessMediaGeorgia
სასურსათო პროდუქტებზე ფასების ზრდა მსოფლიო მასშტაბით ბოლო წლებში ერთ-ერთ ყველაზე მწვავე და ხშირად განხილულ ეკონომიკურ პრობლემად იქცა. ეს ტენდენცია მრავალი ფაქტორის კომბინაციით აიხსნება, რომელთა შორის არის კლიმატური ცვლილებები, გლობალური მიწოდების ჯაჭვების დარღვევა, ენერგორესურსების გაძვირება, გეოპოლიტიკური კონფლიქტები და ეკონომიკური არასტაბილურობა. FAO-ს სურსათის ფასების ინდექსის მონაცემებით, 2015–2025 პერიოდში ფასები ყველაზე მეტად მცენარეული ზეთების და ცილოვანი პროდუქტების კატეგორიებში გაიზარდა. ბოლო ათ წელიწადში მცენარეული ზეთების კატეგორიამ დაახლოებით 70%-მდე ზრდა დააფიქსირა. რძის პროდუქტები დაახლოებით 55%-ით არის გაძვირებული, ხორცის ფასის მატებამ კი 30%-იან ნიშნულს მიაღწია. მარცვლეული 10%-იან ზრდას აფიქსირებს. შაქრის შემთხვევაში კი ზრდა 5%-ის ფარგლებშია. რა ტენდენციებია მიმდინარე პერიოდისთვის? სტუმარი: ჯუბა მარუაშვილი - „FAO საქართველოს“ პოლიტიკის უფროსი; #ახალიამბები #BusinessMediaGeorgia
ორიოდე კვირის წინ თბილისში, მუხიანში, თხევადი აირის გადამზიდი მანქანა აფეთქდა. შემთხვევის შედეგად, საბედნიეროდ არავინ დაშავებულა, თუმცა სექტორის წარმომადგენლები ამ მხრივ ქვეყანაში არსებულ უკონტროლო ვითარებაზე საუბრობენ. „ნავთობპროდუქტების იმპორტიორთა კავშირში“ აცხადებენ, რომ ზრდადი მოხმარების პარალელურად არ მოწმდება არც აირმზიდები, არც ტრანზიტული ტრანსპორტი და არც შიდა მოხმარება, რაც უდიდეს საფრთხეს წარმოადგენს. ვინ აკონტროლებს ქვეყანაში თხევადი აირის შიდა მოხმარებას და ტრანზიტს? სტუმარი: ვახტანგ იობაშვილი - „ნავთობპროდუქტების იმპორტიორთა კავშირის“ თავმჯდომარე #ახალიამბები #BusinessMediaGeorgia
საქართველოს ეროვნული ბანკი უკანონო შემოსავლების ლეგალიზაციის სავარაუდო ფაქტზე მიმდინარე გამოძიებას ეხმაურება და აცხადებს, რომ მაღალი საზოგადოებრივი ინტერესიდან გამომდინარე, ორგანიზაცია აქტიურად თანამშრომლობს შესაბამის უწყებებთან. სებ-ი ასევე წერს, რომ განაგრძობს ვალუტის გადამცვლელი პუნქტების ზედამხედველობას, რაც მოიცავს როგორც ფულის გათეთრებისა და ტერორიზმის დაფინანსების წინააღმდეგ ბრძოლის, ისე საერთაშორისო სანქციების მოთხოვნათა შესრულების მონიტორინგს. საქმე ის არის, რომ საქართველოს პროკურატურამ სახელმწიფო უსაფრთხოების სამსახურთან ერთობლივად ჩატარებული ღონისძიების ფარგლებში, 2022-2024 წლებში განხორციელებული, უპრეცედენტო ოდენობის - 624 მილიონი აშშ დოლარის და 35 მილიონი ევროს ოდენობით უკანონო შემოსავლის ლეგალიზაციის ფაქტი გამოავლინა. ფულის გათეთრების ბრალდებით კი ერთი პირი დააკავა. დღეის მდგომარეობით, საქართველოში სულ 717 რეგისტრირებული ვალუტის გადამცვლელი პუნქტია აქედან, ფულის გათეთრებისა და ტერორიზმის დაფინანსების წესების დარღვევისთვის სებ-მა 7 პუნქტი დააჯარიმა. როგორ რეგულირდებიან სავალუტო ჯიხურები ეროვნული ბანკის მიერ და რა რეპუტაციული ზიანი მიადგა ქვეყანას? სტუმრები: გიორგი კეპულაძე - „საზოგადოება და ბანკები“, გამგეობის თავმჯდომარე; შოთა ტყეშელაშვილი - BMG-ის მთავარი რედაქტორის მოადგილე; #ახალიამბები #BusinessMediaGeorgia
ბევრმა არ იცის, რომ საქართველოში ფრანგული საკონდიტროების არსებობას საკმაოდ დიდი ისტორია აქვს. პირველი ასეთი საკონდიტრო თბილისში მეცხრამეტე საუკუნეში გაჩნდა და მისი სახელი ლაბიელის ოჯახს უკავშირდება. რას გვიყვება დრო... #ახალიამბები #BusinessMediaGeorgia
იურიდიული ფირმა BLC Law ოფიციალურად უზბეკეთის ბაზარზე შევიდა. უზბეკეთში გასვლის გადაწყვეტილება მრავალწლიან ანალიზსა და ბაზრის მონიტორინგს დაეფუძნა. BLC წლებია აკვირდებოდა რამდენიმე ბაზარს, მათ შორის აღმოსავლეთ ევროპისა და შუა აზიის ქვეყნებს, თუმცა საბოლოო არჩევანი უზბეკეთზე გაკეთდა.გარდა უზბეკეთის ბაზარზე შესვლისა, კომპანიის ინფორმაციით, ამჟამად მიმდინარეობს სამი განსხვავებული ბაზრის შეფასება ოფისების გახსნის მიზნით, მათ შორის აღმოსავლეთ ევროპის ერთ-ერთ ქვეყანაში. და კიდევ მეორე ამბავი, საფრანგეთი-საქართველოს სავაჭრო-სამრეწველო პალატის გუნდი საფრანგეთის ახლად დანიშნულ ელჩს საქართველოში,ბატონ ოლივიე კურტოს და საელჩოს ეკონომიკური დეპარტამენტის ხელმძღვანელს უგო დებრუზეს შეხვდნენ. პალატის პრეზიდენტთან, ანტუან ბარდონთან, ვიცე-პრეზიდენტთან ალექსანდრე ბოლქვაძესთან და დირექტორთან, ქალბატონ ნათია ჯავახიშვილთან ერთად, ისაუბრეს თანამშრომლობის შესაძლებლობებსა და სამომავლო ინიციატივებზე, რომელთა მიზანია საფრანგეთსა და საქართველოს შორის ეკონომიკური და სავაჭრო ურთიერთობების კიდევ უფრო გაძლიერება. სტუმარი: ალექსანდრე ბოლქვაძე - „ბიელსი“-ს მმართველი პარტნიორი #ახალიამბები #BusinessMediaGeorgia
თეგეტა ერთწლიანი ანგარიშით წარსდგა ავტოინდუსტრიის და საზოგადოების სხვადასხვა წარმომადგენლების წინაშე თეგეტა ჰოლდინგის მთავარი აღმასრულებელი ოფიცერი, ეკა ქავთარაძე. ანგარიშთან ერთად ცხადია მისი პრეზენტაციის ნაწილი იყო დასახული გეგმები და უახლოესი მიზნები რომელსაც იუბილარი თეგეტა ჰოლდინგი ისახავს შესასრულებლად უახლოესს პერიოდში. შეგახსენებთ, წელს საქართველოს და რეგიონის უმსხვილესს ავტოკომპანიას დაარსებიდან 30 წელი უსრულდება. #ახალიამბები #BusinessMediaGeorgia
170 წელზე მეტი გავიდა მას შემდეგ რაც The New-York Time-სის პირველი გაზეთი გამოვიდა. მაშინ კომპანიას The New-York Daily Times ერქვა.თავდაპირველად The New York Times-ის ტირაჟი მცირე იყო, მაგრამ 1860-იანი წლების სამოქალაქო ომის გაშუქებით მისი პოპულარობა გაიზარდა. გაზეთი ამჟღავნებდა კორუფციულ სქემებს, რაც მის მიმართ სანდოობას ზრდიდა. როგორ განვითარდა დღეს უკვე ერთ-ერთი ყველაზე ავტორიტეტული მედია? #ახალიამბები #BusinessMediaGeorgia
დღეს გაგაცნობთ კაზუნიონ ტუროპერატორი რუსტარ ჯგუფს, საერთაშორისო ტუროპერატორს, რომლის მისიაა, მოგზაურობა დაუვიწყარ და ყველასთვის ხელმისაწვდომ გამოცდილებად აქციოს. სწორედ ამ ხედვიდან გამომდინარე, ქართულ ბაზარზე ჩარტერული რეისები კატარის მიმართულებით დამატეს, რომელიც 15 ოქტომბრიდან დაიწყება, რათა ქართველ მოგზაურებს მაღალი ხარისხის, კომფორტული და ალტერნატიული გზები შესთავაზონ ახალი მიმართულებების აღმოსაჩენად. სტუმრები: დავით გაბადაძე - კაზუნიონ ტუროპერატორი რუსტარ ჯგუფისგან, გენერალური დირექტორი; თეონა მარტიაშვილი - კაზუნიონ ტუროპერატორი რუსტარ ჯგუფისგან, გაყიდვების დეპარტამენტის ხელმძღვანელი #ახალიამბები #BusinessMediaGeorgia
რითეილ ასოციაციასა და საკონსულტაციო ბიზნეს კომპანია Bewise Georgia-ს შორის ურთიერთ თანამშრომლობის მემორანდუმი გაფორმდა, რომელიც Bewise Georgia-ს მხრიდან რითეილ ასოციაციისთვის საგანმანათლებლო საკითხებსა და გაციფრულების პროცესში დახმარებას ითვალისწინებს. აღნიშნულ ორ ორგანიზაციას ერთად არაერთი პროექტი უკვე განუხორციელებია, თუმცა წინ კიდევ ბევრი გეგმა აქვთ. რას მოიცავს ეს პარტნიორობა? #ახალიამბები #BusinessMediaGeorgia
ლიბერთის სტრატეგიული პარტნიორობით და ავსტრიის განვითარების თანამშრომლობის (ADC) დაფინანსებით 3 წლის მანძილზე მიმდინარეობდა პროექტი „ახალგაზრდული მეწარმეობა სოფლის განვითარებისთვის“ საქართველოში მერსი ქორფსის წარმომადგენლობა პროექტს „ახალგაზრდული მეწარმეობა სოფლის განვითარებისთვის“ 46 თვის მანძილზე ავსტრიის განვითარების თანამშრომლობის დაფინანსებით ახორციელებდა. პროექტის სტრატეგიული პარტნიორი გახლდათ ლიბერთი ბანკი, მხარდამჭერი კი სპორტის, ტურიზმისა და ახალგაზრდობის საერთაშორისო ფონდი. 60 დაფინანსებული საწარმო, 1600-მდე მონაწილე 219 დასაქმებული ადამიანი - პროექტი “ახალგაზრდული მეწარმეობა სოფლის განვითარებისთვის” წარმატებით დასრულდა. #ახალიამბები #BusinessMediaGeorgia
საქმიანი დასასვენებელი, გასართობი და საყველაფრო სივრცე სახელად ტელეგრაფი, რომელიც სილქ როუდ ჯგუფის დეველოპმენტ და სასტუმრო მიმართულების ბოლო, მაგრამ მერწმუნეთ, არა უკანასკნელი შესრულებული პროექტია. ტელეგრაფზე რომელიც რუსთაველის გამზირზე ფოსტის და კავშირგაბმულობის ყოფილ შენობაში განთავსდა, თავმოყრილია ყველაფერი, და ბოლო თვეებში არაერთხელ მომიყოლია თქვენთვის ეს ტელეგრაფის სივრცე ეს არის ნამდვილი პატარა ქალაქი, ერთ დიდ სივრცეში რასაც ტელეგრაფი ჰქვია, თავისი სასტუმროთი საკონფერენციო და საქმიანი სივრცეებით, ბიბლიოთეკით, უამრავი და მრავალფეროვანი ბარ-რესტორნებით, მათ შორის არის ჯაზ კლუბი თათუზა, ჩვენი უსაყვარლესი ჯაზმენის თამაზ ყურაშვილის სახელის უკვდავსაყოფად და ასევე, რითაც დავიწყე როლინგ სტოუნზის სპეციალური სივრცე. #ახალიამბები #BusinessMediaGeorgia
#საქმიანიდილა - 18 სექტემბერი - პროლოგი #ახალიამბები #BusinessMediaGeorgia
საქართველოს მიმდინარე წლის 7 თვეში ხილისა და ბოსტნეულის წვენების ექსპორტით შემოსავალი გაეზარდა. ადგილობრივი წარმოების ნატურალური წვენების მცირე ექსპორტის მიუხედავად, გაყიდვების დინამიკა მზარდია. იანვარ-ივლისში მსოფლიოს სხვადასხვა მიმართულებით 14.2 მლნ დოლარის ღირებულების 8 739 ტონა ქართული ნატურალური წვენები გავიდა, რაც ადგილობრივი ექსპორტის ისტორიაში რეკორდული მაჩვენებელია. ხილისა და ბოსტნეულის წვენები 2025 წლის პირველ 7 თვეში დაახლოებით 39 ქვეყანაში გაიყიდა. მთავარი საექსპორტო ქვეყნები კი გერმანია და აშშ-ია. ოფიციალური სტატისტიკიდან ჩანს, რომ ქართული ნატურალური წვენები ყველაზე ძვირად იაპონიასა და გერმანიაში იყიდება. როგორია მოთხოვნა ქართულ ნატურალურ წვენებზე და როგორია საექსპორტო ბაზარი? სტუმარი: გიორგი გუდაბანძე - “მაისი”, კომერციული დირექტორი #ახალიამბები #BusinessMediaGeorgia
სასტუმრო ბიზნესი ზაფხულის სეზონს აჯამებს - კრიზისული პერიოდის შემდეგ სექტორმა ზრდის დინამიკა დაიბრუნა, თუმცა გამოწვევებად რჩება ტურისტული ბაზრების ცვლა, ფასების ზრდის შეზღუდული შესაძლებლობა და არასეზონზე მოთხოვნის სტიმულირების საჭიროება. უფრო კონკრეტულად, რა შეფასებები ისმის ინდუსტრიიდან ტურისტულად ყველაზე აქტიური პერიოდის მონაგარზე, ისევე როგორ სფეროში არსებულ პრობლემატურ საკითხებზე? #ახალიამბები #BusinessMediaGeorgia
საქართველოს ბანკისა და საქართველოს ტურიზმის სამიტის - ტურისტერის თანაორგანიზებით, 19 სექტემბერს ბანკის ზამთრისა და სამთო-სათხილამურო ტურიზმის კონფერენცია გაიმართება. ზამთრისა და სამთო-სათხილამურო ტურიზმი საქართველოში მზარდი სექტორია, რომელიც, როგორც სწორ სტრატეგიულ დაგეგმვას, ისე კერძო და საჯარო სექტორის აქტიურ მონაწილეობას მოითხოვს. სტუმარი: მამუკა ბერძენიშვილი - ტურიზმის ინსტიტუტის აღმასრულებელი დირექტორი; #ახალიამბები #BusinessMediaGeorgia
განსაკუთრებული სამზადისია წამყვან დეველოპერულ კომპანია არქიში 20 სექტემბრისთვის ემზადება. ამ დღეს კომპანიის ახალი და ყველაზე მასშტაბური პროექტის გრანდ ავენიუ არქისგან პრეზენტაცია და გაყიდვების გრანდიოზული ღონისძიება გაიმართება, უკვე არა ფილარმონიაში, არამედ უშუალოდ კომპლექსის ტერიტორიაზე, ცოტნე დადიანის #32-ში. ეს არის ერთ-ერთი ყველაზე ამბიციური ინიციატივა ქვეყანაში, რომლის საინვესტიციო ღირებულება მილიარდ დოლარს აჭარბებს. პროექტი პასუხობს ქალაქი ქალაქში კონცეფციას და აერთიანებს საცხოვრებელ, სამუშაო, რეკრეაციულ და კომერციულ სივრცეებს. აღსანიშნავია, რომ ტერიტორიის 75% გამწვანებასა და ღია ზონებს დაეთმობა. პროექტის დაგეგმარებაში ჩართული არიან მსოფლიოში აღიარებული არქიტექტორები და ლანდშაფტის დიზაინერები, რომლებიც ეტაპზე საქართველოში იმყოფებიან. სტუმრები: შიო ხეცურიანი - არქის გენერალური დირექტორი; ბობ ერლი -„OCULUS“-ის დამფუძნებელი და გრანდ ავენიუ არქისგან ლანდჩაფტის დიზაინერი თარგმანს უზრუნველყოფს სათარჯიმნო კომპანია Translation Company NG Georgia #ახალიამბები #BusinessMediaGeorgia
ქვეყნები, სადაც მანქანების ყველაზე მეტი დასამუხტი ინფრასტრუქტურაა #ახალიამბები #BusinessMediaGeorgia
ელექტრომობილების მიმართულება სულ უფრო აქტუალური ხდება და შესაბამისად, მათი ინფრასტრუქტურის განვითარებაც უკვე აუცილებლობად იქცა. ზუსტად ამ პროგრესის გაგრძელებაა ახალი პროექტი, რომელიც ითვალისწინებს 130-ზე მეტი ახალი სწრაფი და სუპერ სწრაფი ელექტროდამტენის დამატებას თბილისში. დამტენების მონტაჟს განახორციელებს კომპანია მარტEVი, პროექტის ფინანსური პარტნიორი კი თიბისი ბანკია. სტუმრები: დავით კონცელიძე - თიბისის ვიცე-პრეზიდენტი ჰორეკას, კომერციული უძრავი ქონების, ტრანსპორტისა და ლოგისტიკის მიმართულებით; გიგი ხოჯევანიშვილი - მარტEV-ის დირექტორი #ახალიამბები #BusinessMediaGeorgia
საქართველოში ელექტრომობილების იმპორტი თითქმის ყოველ წელს ზრდას აჩვენებს, შესაბამისად ელექტრომობილებისთვის საჭირო ინფრასტრუქტურის განვითარება მთავარი გამოწვევაა. დასამუხტი ინფრასტრუქტურის კუთხით მსოფლიო ლიდერი ჩინეთია, ქვეყანა სადაც მილიონობით ელექტროდამტენია განთავსებული. რა ვითარებაა საქართველოში და როგორ ვითარდება ავტომობილების დასამუხტი ინფრასტრუქტურა? #ახალიამბები #BusinessMediaGeorgia
3-წლიანი პაუზის შემდეგ საქართველოს საფონდო ბირჟას გენერალური დირექტორი ჰყავს. ეს პოსტი 2025 წლის ივლისიდან გიორგი ამზაშვილმა დაიკავა. მანამდე, 2022 წლის სექტემბრიდან, გიორგი ფარესიშვილის გადადგომის შემდეგ, საფონდო ბირჟის დირექტორის მოვალეობას ნინო ქურდიანი ასრულებდა. ამზაშვილი ფინანსური და კაპიტალის ბაზრების ექსპერტია, რომელსაც აქვს 25 წელზე მეტი მრავალმხრივი გამოცდილება კორპორაციული ფინანსების, სტრუქტურირებული ფინანსების, კაპიტალის ბაზრების განვითარების და სტრატეგიული კონსულტაციის სფეროში, როგორც განვითარებად, ისე განვითარებულ ეკონომიკებში. როგორია მისი ხედვები საქართველოს საფონდო ბირჟის განვითარებაზე და რა ძირითადად ასპექტებზე ამახვილებს ყურადღებას? გიორგი ამზაშვილი - საქართველოს საფონდო ბირჟის გენერალური დირექტორი #ახალიამბები #BusinessMediaGeorgia
საინვესტიციო კომპანია გალტ & თაგარტი პარტნიორი ბიზნესების მხარდაჭერას განაგრძობს. ამჯერად, საინვესტიციო ბანკის ჩართულობით, აი ჯი დეველოფმენტ ჯორჯიამ მწვანე შენობების გლობალური სერტიფიკატი მიიღო. EDGE მსოფლიო ბანკის ჯგუფის წევრი კომპანია International Finance Corporation-ის მიერ შემუშავებული სასერტიფიკაციო სისტემაა, რომელიც მსოფლიო მასშტაბით აღიარებული სტანდარტია მწვანე მშენებლობის სფეროში. ეს სტატუსი კი ნიშნავს, რომ შენობების ენერგომოხმარება 40%-ზე მეტით არის შემცირებული სტანდარტულ მაჩვენებლებთან შედარებით. აი ჯი დეველოფმენტ ჯორჯია პირველი კომპანიაა საქართველოში, რომელიც კორპორაციული და უძრავი ქონების სექტორებში EDGE Advanced სერტიფიკატით დაჯილდოვდა. სერტიფიკაცია მიენიჭა კომპანიის ისეთ მსხვილ ობიექტებს, როგორებიცაა გლდანისა და საბურთალოს სითი მოლები, ასევე საბურთალოს ბიზნეს ცენტრი, სითი თაუერსი. სტუმრები: ლაშა კახიშვილი - "IG დეველოფმენტ ჯორჯიას" ფინანსური დირექტორი; ვანო კიკვილაშვილი - "გალტ & თაგარტის" კაპიტალის ბაზრების სამსახურის უფროსი #ახალიამბები #BusinessMediaGeorgia
ისტორიაში პირველი პოპკონცერტი ვატიკანში #ახალიამბები #BusinessMediaGeorgia
რუსეთი დღგ-ს 22%-მდე გაზრდას აპირებს? #ახალიამბები #BusinessMediaGeorgia
#საქმიანიდილა - 17 სექტემბერი - პროლოგი #ახალიამბები #BusinessMediaGeorgia
$624მლნ-ისა და 35მლნ ევროს გათეთრების ბრალდებით პირია დაკავებულია - პროკურატურა #ახალიამბები #BusinessMediaGeorgia
საქართველოში FedEx-ის წარმომადგენლობა ამერიკის შეერთებული შტატების საერთაშორისო განვითარების საფინანსო კორპორაციის ინვესტიციით ლოგისტიკურ ცენტრს აშენებს.ამ მიზნით, საქართველოში საერთაშორისო გადამზიდავი კომპანია FedEx-ის ლიცენზიანტმა აშშ-ს საერთაშორისო განვითარების საფინანსო კორპორაციისგან 12 მილიონი ლარის გრძელვადიანი სესხი აიღო, რომელიც 10 წლის განმავლობაში უნდა დაფაროს.ხელშეკრულებას ხელი 2022 წლის 25 ოქტომბერს მოეწერა. პროექტი ქართული მხარის თანადაფინანსებით აშენდა და სრული ინვესტიცია 18 მილიონი ლარია. სტუმარი: ნინო მენთეშაშვილი - FedEx საქართველო, დირექტორი #ახალიამბები #BusinessMediaGeorgia
ახალი სასწავლო წლის დაწყებასთან ერთად სწავლა განახლდა თიბისი ტექსკოლაშიც. ხუთი წარმატებული სემესტრის შემდეგ, რომელსაც ჯამში 3200-ზე მეტი მონაწილე ჰყავს,ახლა უკვე შემოდგომის სემესტრზე დაიწყო უფროსკლასელების რეგისტრაცია. თიბისი ტექსკოლა ქმნის უნიკალურ შესაძლებლობას 9-12 კლასის მოსწავლეებისთვის, დაეუფლონ ტექნოლოგიებს და ამ დარგში არსებული მრავალფეროვანი ინოვაციები, საქართველოს ნებისმიერი წერტილიდან, სრულიად უფასოდ შეისწავლონ. რეგისტრაცია 16 სექტემბერს დაიწყო და 28 სექტემბრის ჩათვლით გაგრძელდება.რა შესაძლებლობებს აჩენს თიბისის ტექსკოლა და რას ისწავლიან უფროსკლასელები? სტუმრები: ალექსანდრე მაყაშვილი - თიბისის სტრატეგიული პროექტების ხელმძღვანელი; ანა კვაჭანტირაძე - თიბისის ტექსკოლის კურსდამთავრებული #ახალიამბები #BusinessMediaGeorgia
Super Mario 40 წლის გახდა. ნინტენდოს თილისმა მისი შექმნის დღიდან 200-ზე მეტ ვიდეო თამაშში გამოჩნდა. მარიომ პირველი ნაბიჯები ელექტრონული სამყაროს სცენაზე 1985 წელს შედგა. მაშინ არავინ იცოდა, რომ ეს მხიარული, წითელქუდიანი პერსონაჟი მთელ პლანეტას შეუყვარდებოდა. არც თვითონ მარიო წარმოიდგენდა, რომ ერთხელაც ლეგენდად იქცეოდა. პირველი შეხვედრა ბევრი ჩვენგანისთვის ტელევიზორის წინ, პატარა ჯოისტიკით ხელში მოხდა. მწვანე მილი, უცნაური სოკოები, დროში გაყინული მუსიკა და მუდმივი მისია, გადაარჩინე პრინცესა. მაშინაც კი, როცა არ გვესმოდა, რატომ იმალებოდა პრინცესა ყოველ ჯერზე სხვა ციხესიმაგრეში, მაინც ვაგრძელებდით თამაშს, თითქოს თავად ვიყავით ამ თავგადასავლის ნაწილი. #ახალიამბები #BusinessMediaGeorgia
რა შედეგები აქვთ ქართულ კომპანიებს ლონდონის საფონდო ბირჟაზე? გიორგი თოლორდავა - BMG-ს ანალიტიკოსი #ახალიამბები #BusinessMediaGeorgia
გლობალური ბირჟები - Galt & Taggart-ის მიმოხილვა / Global Markets Weekly Update სტუმარი: ნიკა მაზანაშვილი - Galt & Taggart-ის საბროკერო მიმართულების გაყიდვების დეპარტამენტის ხელმძღვანელი #ახალიამბები #BusinessMediaGeorgia