ევროპაში ბოლო წლების განმავლობაში თხილის ყველაზე ცუდი მოსავალი დაფიქსირდა. ამის შესახებ AgroExpert წერს. მათი ცნობით, იტალიის ზოგიერთ რეგიონებში მოსავლის ნახევარი დაზიანდა, რის გამოც ჩილემ იტალიას თხილის წარმოებით წელს პირველად გადაასწრო. საშუალო მოსავლიანობა აქვს წელს ბაზრის ლიდერს თურქეთს, თურქი ექსპერტების შეფასებით, 2025/26 წლების სეზონზე წარმოება 22%-ით შემცირდა, მოსავალი კი 609 000 ტონას შეადგენს. წარმოების შემცირების მიზეზად აპრილში შავი ზღვის რეგიონში დამდგარი ყინვები და მავნებლების მიერ გამოწვეული ზიანი სახელდება. ამ ფონზე ადგილობრივ ბაზარზე გაჩნდა მოლოდინი, რომ ქართული თხილის ფასი კიდევ მოიმატებს, რამდენად რეალისტურია მოლოდინები და როგორია დღეს ფასები? სტუმარი: ლევან ქარდავა - თხილის გადამმუშავებელთა და ექსპორტიორთა ასოციაციის აღმასრულებელი დირექტორი #ახალიამბები #BusinessMediaGeorgia
საგზაო მოძრაობის წესების რიგ დარღვევაზე ჯარიმები ორმაგდება - მათ შორის, სიჩქარის გადაჭარბებასა და მობილურის გამოყენებაზე - ამის შესახებ შსს-ოს მიერ შემუშავებულ საკანონდებლო ცვლილებათა პაკეტშია საუბარი, რომლის მიხედვითაც მიზანი საგზაო უსაფრთხოების მხრივ არსებული გამოწვევევების შემცირებაა. უფრო კონკრეტულად 100 ლარამდე იზრდება ჯარიმა სატრანსპორტო საშუალების გზაზე მანევრირების წესების დარღვევისთვის. ამავდროულად, ქულთა რაოდენობა შეგიმცირდებათ 20 ქულით. 50-დან 100 ლარამდე იზრდება სანქცია 15 კმ/სთ-ზე მეტი, მაგრამ არაუმეტეს 40 კმ/სთ-ის სიჩქარის გადაჭარბებისთვის; 50 ლარამდე იზრდება სანქცია ავტომობილით მოძრაობისას მძღოლის ან მგზავრის მიერ უსაფრთხოების ღვედის გამოუყენებლობისთვის, ასეთ შემთხვევაში ქულათა რაოდენობა კი 10 ერთეულით შეგიმცირდებათ. 50 ლარამდე იზრდება სანქცია ავტომობილის მართვის დროს მძღოლის მიერ მობილურით სარგებლობისთვის; დგომა-გაჩერების წესების დარღვევისთვის თბილისის მსგავსად, 50 ლარამდე იზრდება ჯარიმის ოდენობა ქუთაისის, ბათუმის, მცხეთის, რუსთავის, გორის, თელავის, ფოთის, ზუგდიდის მუნიციპალიტეტებში და საქართველოს კურორტებზე. დამატებით პასუხისმგებლობა დგინდება „BUS LANE“-ზე სამარშრუტო სატრანსპორტო საშუალების გარდა, სხვა სატრანსპორტო საშუალების მოძრაობის საპირისპირო მიმართულებით მოძრაობისთვის, რაც გამოიწვევს დაჯარიმებას 200 ლარის ოდენობით. ასევე, ახალ სამართალდარღვევად განისაზღვრება სატრანსპორტო საშუალების ტროტუარზე ან ქვეითთა გადასასვლელზე დგომა-გაჩერება, რაც გამოიწვევს დაჯარიმებას 100 ლარის ოდენობით. ამავდროულად, ამ სამართალდარღვევის ჩადენის შემთხვევაში, კანონით განსაზღვრული პირობების არსებობისას, სატრანსპორტო საშუალება დაექვემდებარება სპეციალურ დაცულ სადგომზე გადაყვანას. აღნიშნული საკანონმდებლო ცვლილებათა პაკეტი საქართველოს პარლამენტს უკვე წარედგინა. იქამდე კი გამოქვეყნდა 2025 წლის პირველ 9 თვეში ავტოსაგზაო შემთხვევევების მაჩვენებლები, რომელიც კვლავ საგანგაშოდ მაღალია. 9 თვეში საქართველოში 4 480 ავტოსაგზაო შემთხვევა აღირიცხა. ავტოავარიებს კი იანვრიდან სექტემბრამდე 345 ადამიანი ემსხვერპლა, 6 041 კი დაშავდა. #ახალიამბები #BusinessMediaGeorgia
ბრენდული მაღაზიების რაოდენობით რეგიონებმა თბილისს გადაუსწრეს, - ამის შესახებ galt & Taggart-ის FMCG ბაზრის კვლევაშია აღნიშნული. მონაცემების მიხედვით, 2025 წლის 9 თვეში რეგიონებში 2,137 ბრენდული ქსელების მაღაზია ოპერირებდა, რაც წინა წელთან შედარებით 76 ერთეულით მეტია. რაც შეეხება თბილისს აქ ჯამური რაოდენობა 2 055-ია, ზრდა მხოლოდ 9 ერთეული. რეგიონებში ბრენდული ქსელების შემოსავლები 2025 წლის 9 თვეში წლიურად 16.6%-ით გაიზარდა, ხოლო თბილისში ზრდამ 7.9% შეადგინა. Galt & Taggart-ის თანახმად, სწრაფად ბრუნვადი სამომხმარებლო საქონლის (FMCG) ბაზარი საქართველოში სტაბილურად მზარდია. როგორც კვლევიდან ირკვევა, 2025 წლის 9 თვეში FMCG ბაზარი წლიურად 10%-ით 17.9 მილიარდ ლარამდე გაიზარდა. აქედან, ბრენდული ქსელების შემოსავალმა 7.5 მილიარდი ლარი შეადგინა, რაც წლიურად 11.6%-იანი ზრდაა. ეს ზრდა ძირითადად არსებული მაღაზიების გაყიდვების ზრდით იყო განპირობებული და არა რეგიონალური ექსპანსიით. ამასთან, სხვა სავაჭრო ფორმატების შემოსავლები წლიურად 8.9%-ით გაიზარდა. ბაზრის უპირობო ლიდერად დეილი ჯგუფი რჩება. მისი წილი ბრენდული ქსელების შემოსავლებში განსაკუთრებით მაღალია რეგიონებში, ხოლო თბილისში მცირედით უსწრებს ძირითად კონკურენტებს. დეილი ჯგუფის წილი შეადგენს ჯამური ბაზრის 29.1%-ს (რეგიონებში - 41.4%, თბილისში - 19.3%). ბაზრის მეორე პოზიციაზე გადავიდა ორი ნაბიჯი ბრენდული ბაზარის 18.1%-იანი წილით (თბილისში - 19.3%, რეგიონებში - 16.6%), მესამე ადგილზეა ნიკორა ჯგუფი 16.3%-იანი წილით (თბილისში - 19%, რეგიონებში - 13%). კარფური და აგროჰაბი მეოთხე და მეხუთე ადგილებს იკავებენ, შესაბამისად. საერთო ჯამში, წლის 9 თვეში ტოპ-5 კომპანიის წილი ბრენდული ქსელების შემოსავლებში 76%-ს შეადგენდა. საინტერესოა ონლაინ გაყიდვების წილიც, რომელმაც 9 თვეში 124 მლნ ლარს მიაღწია, თუმცა ეს FMCG ბაზრის შემოსავლების მხოლოდ 1.7%-ია. მიუხედავად იმისა, რომ ელექტორნული კომეფრცია იზრდევა ის ევროპის წილს მნიშვნელოვნად ჩამოუვარდება. Galt & Taggart-ის მოლოდინით, ონლაინ FMCG გაყიდვების წილი 2030 წლისთვის ბრენდული ქსელების შემოსავლის 4%-ს მიუახლოვდება. სტუმარი: მირანდა მანჯგალაძე - რითეილ ექსპ #ახალიამბები #BusinessMediaGeorgia
#ავიაციისსიახლეები: ✈ Air China თბილისსა და პეკინს შორის რეგულარულ ფრენებს იწყებს ✈ სიღნაღში მომხდარი ავიაკატასტროფის შედეგად დაღუპული ოცივე თურქი სამხედრო ნაპოვნია ✈ Boeing-ის სისხლის სამართლის საქმე შეწყდა - $1.1 მლრდ ჯარიმა 346 მსხვერპლის სანაცვლოდ ✈ Air India ისრაელის მიმართულებით ფრენებს იწყებს ✈ Wizz Air-მა Airbus-ის თვითმფრინავების მიწოდება 2033 წლამდე გადადო კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ახალიამბები #BusinessMediaGeorgia
"მეტროპოლ ორთაჭალა" ახალი პროექტი თბილისის გულში მარიამ წიკლაური - გაყიდვების მრჩეველი #ახალიამბები #BusinessMediaGeorgia
ინტერიერი დეტალებში სტუმარი: სალომე დადუნაშვილი - "ინტერიერი სალომე დადუნაშვილთან ერთად", ავტორი&წამყვანი #ახალიამბები #BusinessMediaGeorgia
#ედWIZER - რისკების მართვა კულინარიაში, ირაკლი ასათიანი - "სილქ ჰოსფითალითი"-ბრენდ შეფი სტუმარი: ირაკლი ასათიანი - Silk Hospitality, ბრენდ შეფი; რუბრიკის წამყვანები: სოფიო ლებანიძე - "ვაიზერი • Wizer", სამეთვალყურეო საბჭოს თავმჯდომარე; გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
ზამთარი ახლოვდება და ტემპერატურაც ნელ-ნელა იკლებს. ამ ფონზე გზაზე უსაფრთხო გადაადგილება კიდევ უფრო დიდ მნიშვნელობას იძენს. სწორედ ამ პერიოდში განსაკუთრებით მნიშვნელოვანია ავტომობილის ზამთრის სეზონისთვის მომზადება. სწორედ ამიტომ, „თეგეტა მოტორსი“ მომხმარებლის უსაფრთხოებაზე ზრუნვას აგრძელებს და მათ ავტომობილის ფლობის გამარტივების მიზნით, განსაკუთრებულ შეთავაზებებს უმზადებს. სტუმარი: ელენკა კოხრეიძე - „თეგეტა ჰოლდინგს“ მარკეტინგის მთავარი ოფიცერი #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
სასტუმრო „ბილტმორში“ „ავერსის კლინიკის“ მიერ ორგანიზებული საერთაშორისო სამეცნიერო კონფერენცია „რადიოქირურგია გამანაიფი კავკასიაში“ გაიმართა. კონფერენციის მიზანი იყო მსმენელებისთვის თავის ტვინის დაავადებებისა და კეთილთვისებიანი და ავთვისებიანი სიმსივნეების მკურნალობის რადიოქირურგიული მეთოდის — გამანაიფის გაცნობა, რომელიც თავის ტვინის ქირურგიას განაკვეთის გარეშე უზრუნველყოფს. ღონისძიებაზე წარმოდგენილი იყვნენ ქართველი და უცხოელი ექსპერტები, ხოლო კონფერენცია გათვლილი იყო ნეიროქირურგებზე, ონკოლოგებზე, ნევროლოგებზე და რადიოლოგებზე. #ახალიამბები #BusinessMediaGeorgia
„ავერსის კლინიკა“ იუბილარია - ცენტრალური ფილიალის 17 წლის იუბილე, კომპანიაში ტრადიციულად სამედიცინო კონფერენციით აღნიშნეს. 16 ნოემბერს, იუბილისადმი მიძღვნილ კონფერენციაზე, სხვადასხვა მიმართულების ექიმებმა, სამედიცინო საზოგადოებას იმ სიახლეების, მიღწევებისა და ცვლილებების შესახებ მოუყვნენ, რომლებიც კლინიკამ ბოლო 1 წლის განმავლობაში დანერგა და უკვე პაციენტებისთვისაც ხელმისაწვდომია. #ახალიამბები #BusinessMediaGeorgia
#ჯანდაცვისსტანდარტი - 16.11.2025 ტელეგადაცემა (მოკლე ვერსია)
რუსთავში, კერძოდ იაკობ ცურტაველის №5-ში, გერმანული ლუდის პაბი Löwenbräu ოფიციალურად გაიხსნა. ადგილზე მისულ სტუმრებს კი შესაძლებლობა ჰქონდათ, აღმოეჩინათ ავთენტური გერმანული ატმოსფერო და ამავდროულად გერმანული ლუდი დაეგემოვნებინათ. აღსანიშნავია ისიც, რომ პაბი მომხმარებლებს ქართულ-გერმანულ მენიუს სთავაზობს. უშუალოდ ადგილზე კი ჩვენი გადამღები ჯგუფი ირაკლი მოდებაძესთან ერთად იმყოფებოდა, რომელმაც სიუჟეტზე იმუშავა. #ახალიამბები #BusinessMediaGeorgia
ეროვნული სიმფონიური ორკესტრის 100 წლის იუბილისადმი მიძღვნილი ღონისძიებების სერია გრძელდება და ის დეკემბრის ბოლომდე გასტანს. პარასკევს, 14 ნოემბერს, რიგით მეორე ღონისძიება გაიმართა, სადაც ორკესტრს მაესტრო გოგი ჭიჭინაძემ უდირიჟორა და გამორჩეული მუსიკალური ნაწარმოებებიც შესრულდა. სეზონის წარმდგენი და მთავარი პარტნიორი კი კოკა კოლა ბოთლერს ჯორჯიაა - კომპანია,რომელიც ხელოვნებისა და მუსიკის სფეროს ტრადიციული და ერთგული მხარდამჭერია. #ახალიამბები #BusinessMediaGeorgia
თბილისში ვიზიტით არაბთა გაერთიანებული საამიროების ბიზნეს დელეგაცია იმყოფებოდა, რომელთა მონაწილეობითაც ბილტმორში ღონისძიება „Invest Georgia არაბთა გაერთიანებული საამიროები” გაიმართა. მინდა იცოდეთ, რომ გარდა იმისა რომ ეს ჯგუფი, ვგულისხმობ კომპანია ინვესტ ჯორჯიას დუბაიში, უამრავ საქმე აკეთებს ინვესტორთა დასაინტერესებლად, იგლ ჰილსის და პირადად, ბატონი ალაბარის ბიზნესჯგუფის დაინტერესება საქართველოთი ცხადია ბევრ სხვას უღვივებს ინტერესს საქართველოს მიმართ და ეს ბუნებრივია.დელეგაციის შემადგენლობაში 50-ზე მეტი სტუმარი იყო, რომელთა შორისაც გახლდათ ინვესტორები,უძრავი ქონების საბროკერო კომპანიების აღმასრულებელი დირექტორები და უძრავი ქონების სპეციალისტები საამიროებიდან. ღონისძიების ფარგლებში გაიმართა პრეზენტაციები საქართველოში უკვე არსებულ ინვესტიციებსა და კომპანიებზე არაბთა გაერთიანებული საამიროებიდან. ასევე პრეზენტაციები გამართეს ქართული დეველოპერული კომპანიების წარმომადგენლებმა. #ახალიამბები #BusinessMediaGeorgia
არაბული ინვესტიციები საქართველოში - რა შედეგებს მოუტანს ეკონომიკას Eagle Hills-ის ინვესტიციები რატომ შეექმნა პრობლემა Eagle Hills-ის ინვესტიციებს? - გიორგი ისაკაძის საავტორო პროლოგი #ახალიამბები #BusinessMediaGeorgia
თორნიკე შენგელია, ეროვნული ნაკრების კაპიტანი არქის „გრანდ ავენიუს” ინვესტორი გახდა ✔️ თორნიკე შენგელია კლუბ „ბარსელონაში“ ✔️ თორნიკე შენგელიას საკალათბურთო კარიერა ✔️ კალათბურთი & ბიზნესი ✔️ თორნიკე შენგელია არქის „გრანდ ავენიუს“ ინვესტორია ✔️ რატომ „გრანდ ავენიუ არქი“? ✔️როგორ ვითარდება პროექტი „გრანდ ავენიუ არქი“? ✔️ ვინ ყიდულობს უძრავ ქონებას „გრანდ ავენიუ არქიში“? ➡️ გიორგი ისაკაძე - BMG, ავტორი&წამყვანი თორნიკე შენგელია - კალათბურთელი/”არქი გრანდ ავენიუ”-ს ინვესტორი შიო ხეცურიანი - “არქი”, გენერალური დირექტორი #ახალიამბები #BusinessMediaGeorgia
რა ხდება, როცა ნაცნობ თემებს ახალ ჩარჩოს მოარგებ? – ეს იყო მთავარი კითხვა, რამაც მსოფლიოს მასშტაბით სხვადასხვა კულტურის და სულ სხვადასხვა მიმდინარეობის 20 დიზაინერი გააერთიანა, ერთ – ფილიპ მორისის მიერ მხარდაჭერილ პროექტში – სენსორიუმ უორლდზ – ნამუშევრების შესაქმნელად არც მეტი არც ნაკლები ცნობილი თანამედროვე იტალიელი დიზაინერის სტეფანო სელეტის მენტორობით, პირელის ლეგენდარულ საგამოფენო ცენტრში, სადაც 4000–ზე მეტმა დამსწრემ ერთდროულად მოიყარა თავი და სადაც დიზაინის ჯადოქრობის სრულად შეგრძნება გახდა შესაძლებელი. ცნობისმოყვარეობა მთელი ამ საღამოს თანმდევი იყო – მთავარი შთაგონების წყარო, რამაც ქართველი არტისტი მუსია ქებურიაც ჩართო პროცესში და ფილიპ მორისის მხარდაჭერით შანსი გაუჩინა, თავისი სიტყვა ეთქვა უზარმაზარ კედლებზე, სადაც პროექცია თვალისმომჭრელ ეფექტს ტოვებდა ყველაზე, ვისაც გვქონდა ბედნიერება ის საღამო პირელის ცენტრში გაგვეტარებინა. როგორ იკვეთება ცნობისმოყვარეობა, ბიზნესი, ხელოვნება, ინოვაციები და ახალი ჩარჩოს შიშის დაძლევა ერთმანეთთან და რა შეიძლება დარჩეს ასეთი თანამშრომლობის შედეგად? – მუსია ქებურიას მაგალითზე მოგიყვებით ამბავს, რომელმაც მილანში გვამოგზაურა. მუსია ქებურია - ქუჩის არტისტი, დიზაინერი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
უფროსის თანხმობა, როგორც ბერკეტი - ინტერვიუ ნონა ქურდოვანიძესთან ➡️ სტუმარი: ნონა ქურდოვანიძე - საია-ს თავმჯდომარე ➡️ ინტერვიუერი: ელენე კვანჭილაშვილი - ანალიტიკა, ავტორი&წამყვანი #ახალიამბები #BusinessMediaGeorgia
ლარის მომენტალური გადარიცხვის ფუნქცია - შესაძლებლობა, რომელიც განსაკუთრებით მნიშვნელოვანია ჩვენს სწრაფ, გლობალიზებულ და ცვალებად სამყაროში. როგორია პაშა ბანკისა და Keepz-ის კოლაბორაციის შედეგად მიღებული ახალი სერვისი? სტუმრები: ანზორ მანწკავა - "პაშა ბანკის" საოპერაციო დირექტორი; ბექა ტაბატაძე - Keepz-ის კომერციული დირექტორი #ახალიამბები #BusinessMediaGeorgia
Kimberly-Clark-ი Tylenol-ის მწარმოებელ Kenvue-ს თითქმის $50 მილიარდად შეისყიდის - ეს არის გასული კვირის და ბოლო პერიოდის ერთ-ერთი ყველაზე მსხვილი M&A გარიგების ამბავი გლობალური ფარმაცევტული სფეროდან. მხარეებმა შეთანხმებას, ფაქტობრივად უკვე მიაღწიეს, თუმცა, როგორც ირკვევა, გარიგება ოფიციალურად უკვე 2026 წელს გაფორმდება. #ახალიამბები #BusinessMediaGeorgia
ფარმაცევტული კომპანია „ავერსი“ მიმდინარე წლის 14 ნოემბერს 31 წლის იუბილეს აღნიშნავს. 1994 წელს დაფუძნებული მედიკამენტების იმპორტიორი კომპანია, წლების განმავლობაში, თანაბარზომიერი განვითარებით, სამედიცინო სფეროში არამხოლოდ მედიკამენტების იმპორტისა და დისტრიბუციის მიმართულებით, არამედ ადგილობრივად ჯენერიკული დასახელების მედიკამენტების მწარმოებელ და სამედიცინო სერვისების მიმწოდებელ ერთ-ერთ მსხვილ ჯგუფად იქცა. დაარსებიდან 30 წლის შემდეგ კომპანია 10 000-ზე მეტი დასაქმებულით და ბიუჯეტში შეტანილი მილიონობით, თუ არა მილიარდი ლარის გადასახადებით ამაყობს. „ავერსის“ დამფუძნებელი დღესაც ფიქრობს, რომ კომპანიის შექმნა მოთხოვნამ განაპირობა და თავის დროზე არც ეგონა, რომ ბიზნესი ასეთ მასშტაბებს მიაღწევდა. პაატა კურტანიძე სამი ათწლეულის განმავლობაში გამოვლილ სირთულეებს იხსენებს და აღნიშნავს, რომ ამ პერიოდის განმავლობაში საქმეს ყოველთვის კანონის მკაცრი დაცვით აწარმოებდა. ბიზნესმენ პაატა კურტანიძეს კომპანიის განვითარების ყველა ეტაპზე სჯეროდა, რომ წარმატების და განვითარების საწინდარი მხოლოდ სუფთად გაკეთებული საქმე იყო. როგორია 70 დოლარით დაწყებულ ბიზნესზე, რომელიც რეგიონში უმსხვილეს სამედიცინო ჰოლდინგად იქცა? ლევან კურტანიძე - "ავერსი-ფარმა" მმართველი საბჭოს წევრი #ახალიამბები #BusinessMediaGeorgia
დღევანდელ დღეს უკავშირდება თუმცა მე 19 საუკუნეში-1896 წელი — ისტორიული თარიღი, როცა ნიაგარას ჩანჩქერის გრგვინვა პირველად იქცა ელექტროენერგიად. სწორედ ამ წელს ამუშავდა მსოფლიოში პირველი დიდი ჰიდროელექტროსადგური, რომელმაც ბუნების ძალა ადამიანთა სამსახურში ჩააყენა. ნიკოლა ტესლასა და ჯორჯ ვესტინგჰაუზის გენიალურმა იდეამ შესაძლებელი გახადა, რომ ჩანჩქერის უზარმაზარი ენერგია ბუფალოს ქალაქამდე მიეყვანათ და ელექტრიფიკაციის ახალი ეპოქა დაეწყო. ნიაგარას სადგური გახდა სიმბოლო იმისა, როგორ შეიძლება ინოვაციამ შეცვალოს სამყარო — იქ, სადაც ოდესღაც მხოლოდ წყლის ხმაური ისმოდა, კაცობრიობამ ტექნოლოგიური პროგრესის ხმა მოაყოლა. #ახალიამბები #BusinessMediaGeorgia
ზამთარი ახლოვდება და ტემპერატურის ვარდნასთან ერთად გზებზე მოცურების რისკიც იზრდება. უსაფრთხო გადაადგილებისთვის კი მთავარი წინაპირობა სწორად შერჩეული საბურავებია — სწორედ ამიტომ სპეციალისტები გვირჩევენ, როცა ჰაერის ტემპერატურა 7 გრადუსს ჩამოსცდება, ზაფხულის საბურავები ზამთრის საბურავებით შევცვალოთ. საზოგადოების ცნობიერების ამაღლებაზე ამ მიმართულებით აქტიურად ზრუნავს ავტოინდუსტრიის ლიდერი კომპანია — „თეგეტა მოტორსი“, რომელიც მომხმარებლებს ზამთრის საბურავებზე განსაკუთრებულ პირობებს სთავაზობს. განსაკუთრებული შეთავაზებები მხოლოდ საბურავებზე არ ვრცელდება. #ახალიამბები #BusinessMediaGeorgia
დღეს 14 ნოემბერია და გიყვებით კომპანიაზე რომელიც იუბილეს აღნიშნავს, კომპანია მონოლით ჯგუფი 12 წლის გახდა, კომპანია, რომელიც ბაზარზე 2013 წელს შემოვიდა და სამშენებლო, სარეკონსტრუქციო, სარესტავრაციო და სარემონტო სამუშაოების სრულ პაკეტს ასრულებს. მონოლით ჯგუფი დღემდე სამშენებლო სექტორში მოწინავე პოზიციებს იკავებს, როგორც სანდო და მომხმარებლის მოთხოვნებზე ორიენტირებული სამშენებლო-დეველოპერული კომპანია. მას დასრულებული აქვს 9 საცხოვრებელი სახლი, ხოლო უახლოეს მომავალში კიდევ რამდენიმე ახალი კომპლექსის მშენებლობას გეგმავს. კომპანიის პორტფელში ერთმანეთისგან განსხვავებული პროექტები და ძალიან საინტერესო გეგმებია სტუმრები: დავით კაკიაშვილი - "მონოლით ჯგუფი", მარკეტინგის დეპარტამენტის ხელმძღვანელი; ნუკი პაიჭაძე - "მონოლით ჯგუფი", გაყიდვების დეპარტამენტის ხელმძღვანელი #ახალიამბები #BusinessMediaGeorgia
პროკრედიტ ბანკმა პარტნიორ ბიზნესებს ახალი რეგიონული ციფრული პლატფორმა - პროქონექთი წარუდგინა. ბიზნეს შეხვედრა ტელეგრაფში გაიმართა და მას ბანკის 100 მდე მცირე და საშუალო ბიზნესის წარმომადგენელი ესწრებოდა. რას მოიცავს პროკრედიტ ჯგუფის ინოვაციური ბიზნეს ჰაბი? #ახალიამბები #BusinessMediaGeorgia
ივენთ კომპანია „ივენტორიქსმა” მასშტაბური ღონისძიება გამართა. ივენტორიქსმა სასტუმრო wyndham grand tbilis-ში 100 მდე კომპანიის წარმომადგენელს უმასპინძლა. კომპანიამ, სტუმრებისთვის გამორჩეულად ლამაზი სივრცე შექმნა და მათ არაერთი სიურპრიზიც დაახვედრა. ადგილზე საქმიანი ვახშამი გაიმართა. ვახშამზე კონკრეტულ კომპანიებს საკუთარი ბრენდის, საქმიანობის, პროდუქციისა თუ მომსახურების წარდგენის შესაძლებლობაც მიეცათ. ივენტორიქსი 2020 წელს დაარსდა და კომპანიამ ამ დროის მანძილზე საქართველოს მასშტაბით 500-ზე მეტ ღონისძიებაზე, ასეულობით ინდივიდუალურ პირთან და კომპანიასთან იმუშავა. საქმიანობის ხუთი წლის თავზე კი, „ივენტორიქსი“ განვითარების ახალ ეტაპზე გადასვლას აანონსებს. კომპანია ბიზნეს სექტორსა და ინდივიდუალურ პირებს, ღონისძიების დაგეგმვისა და განხორციელების ნაწილში, ლოკაციის მოძიების, დიზაინის, დეკორაციების და სხვა ყველა საჭირო მომსახურების გათვალისწინებით, სრულმასშტაბიანი სერვისების მიწოდებას ჰპირდება. #ახალიამბები #BusinessMediaGeorgia
14 ნოემბერი - დიაბეტის მსოფლიო დღე მთელი პროგრესული კაცობრიობისათვის მნიშვნელოვანი შეხსენებაა იმის შესახებ, რომ შაქრიანი დიაბეტი საზოგადოებრივი ჯანდაცვის მნიშვნელოვანი პრობლემაა და მისმა გავრცელების ზრდამ უკვე სტაბილური ხასიათი მიიღო.საქართველოს უნივერსიტეტი ჯანმრთელობის მეცნიერებების სკოლის ხელმძღვანელობით, დიაბეტის მსოფლიო დღის აღნიშვნას უერთდება და 13 ნოემბერს, მრგვალი მაგიდის ფორმატში შეხვედრა-დისკუსიას გამართავს. ღონისძიებაში მონაწილეობას მიიღებენ პროფესორები, დარგის სპეციალისტები და მკვლევარები, რომლებიც მოხსენებებს წარადგენენ. პარალელურად, გაიმართება სკრინინგი - სისხლში შაქრის დონის განსაზღვრა - როგორც შეხვედრაში მონაწილეების, ასევე ლექტორებისა და სტუდენტებისთვის. 2024-2026 წლების დიაბეტის მსოფლიო დღის თემაა „დიაბეტი და კეთილდღეობა“. 2025 წლის კამპანია უზრუნველყოფს გლობალურ პლატფორმას შაქრიანი დიაბეტის მქონე ადამიანებისთვის, ენდოკრინოლოგებისთვის, ჯანდაცვის პროფესიონალებისთვის, მედიისთვის, საზოგადოებისა და სამთავრობო ორგანიზაციებისთვის, რათა გაზარდონ დიაბეტის შესახებ ცნობიერება და გააუმჯობესონ დიაბეტის მქონე ადამიანების ცხოვრება. #ახალიამბები #BusinessMediaGeorgia
საქართველოს რობოტიკის ეროვნულმა ნაკრებმა First Global-ის ოლიმპიადაზე მონაწილეობა მიიღო და მსოფლიოდან ჩასულ 190 ქვეყანას შორის, კეთრინ ჯონსონის ვერცხლის ჯილდოც მოიპოვა - ინჟინრული დოკუმენტაციისთვის, რაც გამორჩეული აღიარება იყო ქართული გუნდის ინოვაციური მიდგომის, შრომისა და გუნდურობისთვის. ამ პრესტიჟული ჯილდოს მოსაპოვებლად გუნდებს დეტალური ინჟინრული დოკუმენტი უნდა ეჩვენებინათ, სადაც პროტოტიპიდან საბოლოო დიზაინამდე მთელი პროცესი ასახული იქნებოდა. საქართველოს ნაკრების მიერ შექმნილი რობოტი გარდა იმისა, რომ ყველა დავალებას ასრულებდა, რაც კონკურსით გაწერილი იყო, ჟიურიმ განსაკუთრებულად დოკუმენტაციის ხარისხი, ანალიზის სიღრმე და სტრატეგიული მიდგომა შეაფასა. #ახალიამბები #BusinessMediaGeorgia
გლობალური ბრენდების ღირებულება რეკორდულ ნიშნულზეა და საერთო ჯამში, თითქმის 100 ტრილიონ დოლარს უტოლდება, თუ ზოგმა კომპანიამ საკუთარი ბრენდის იმიჯი კიდევ უფრო გააძლიერა, სხვებმა - მნიშვნელოვანი დანაკარგები განიცადეს. წელს ისეთი კომპანიების ღირებულება როგორიცაა Starbucks, Tesla და Mercedes-Benz, ათეულობით მილიარდი დოლარით გაიაფდა. მიზეზები განსხვავებულია - შემცირებული მოთხოვნა, რეგულაციები, პოლიტიკური სკანდალები და ეკონომიკური არასტაბილურობა. რომელმა კომპანიებმა დაკარგეს ყველაზე მეტი? #ახალიამბები #BusinessMediaGeorgia
#საქმიანიდილა - 14 ნოემბერი - პროლოგი #ახალიამბები #BusinessMediaGeorgia
ადრეული და სკოლამდელი აღზრდისა და განათლების დაწესებულებებისთვის ავტორიზაციის ვადა 4-დან 6 წლამდე იზრდება - ამის შესახებ განათლების სამინისტროს მიერ ინიცირებული კანონპროექტში წერია. განმარტებითი ბარათის მიხედვით, კანონპროექტის ერთ-ერთი მიზანი დაწესებულებების ადმინისტრაციული დატვირთვის შემცირებაა. ამასთან ეროვნული ცენტრის რესურსების მაქსიმალური კონცენტრაცია მიმდინარე რეფორმის მიზნებზე, რაც სახელმწიფო ბიუჯეტისთვის მინიმუმ 6 მილიონი ლარის გადანაწილებას გულისხმობს. დოკუმენტის მიხედვითვე, ცვლილება პირდაპირ კავშირშია ადრეული და სკოლამდელი განათლების სისტემის მიმდინარე რეფორმასთან. რეფორმის ფარგლებში, 2029 წლის ბოლომდე საქართველოში ავტორიზაციის პროცესი არსებულმა 2050-მა დაწესებულებამ უნდა გაიაროს. სტუმარი: გიგი სისვაძე - კერძო საბავშვო-ბაღების ასოციაცია “მნათი”, დამფუძნებელი #ახალიამბები #BusinessMediaGeorgia
ფულისადმი დაუკმაყოფილებელი ჟინი და სწრაფი გამდიდრების მადა ხშირად ყველაზე მასშტაბური თაღლითობების მიზეზად იქცეოდა. ისტორიის განმავლობაში უამრავი თაღლითი არსებობდა, თუმცა მათ შორის არიან ისეთებიც, რომლებმაც საუკუნო კვალი დატოვეს - მათმა სქემებმა კი ათასობით და ზოგჯერ მილიონობით ადამიანი გააკოტრა და მსოფლიო ფინანსურ სისტემას სახე სამუდამოდ შეუცვალა. ბერნარდ მეიდოფი, ჩარლზ პონცი, რუსული MMM - ეს იმ სახელების მცირე ჩამონათვალია, რომელიც სამუდამოდ იქცა თაღლითობის სიმბოლოდ. #ახალიამბები #BusinessMediaGeorgia
2025 წლის პირველ 9 თვეში საქართველოში 4 480 ავტოსაგზაო შემთხვევა მოხდა. ავტოავარიებში იანვრიდან სექტემბრამდე 345 ადამიანი დაიღუპა , 6 041 კი დაშავდა. შინაგან საქმეთა სამინისტროს ოფიციალური სტატისტიკის მიხედვით, დაღუპულთაგან 112 ქვეითად მოსიარულე, 35 - ბავშვი იყო. ოფიციალური მონაცემები ამბობს, რომ ავტოსაგზაო შემთხვევების 26%, ანუ 1990 შემთხვევა, თბილისში დაფიქსირდა. დედაქალაქში ავარიების მსხვერპლთა რიცხვი 73-ია. რეგიონებიდან ყველაზე მეტი ავტოსაგზაო შემთხვევა იყო აჭარაში, სადაც 499 ავარიას 46 ადამიანის სიცოცხლე ემსხვერპლა. სად არის გამოსავალი? სტუმარი: ეკა ლალიაშვილი - "საქართველოს ალიანსი უსაფრთხო გზებისთვის“, თავმჯდომარე; #ახალიამბები #BusinessMediaGeorgia
საფინანსო სექტორში ვადაგადაცილებული სესხების წილი მცირედ ზრდას აჩვენებს, თუმცა როგორც კრედიტინფო საქართველოში განმარტავენ ზრდის მიზეზი ზოგადი პორტფელის ზრდაა რომელიც როგორც სამომხმარებლო, ისე ბიზნეს ნაწილში ფიქსირდება. რა ზომისაა საქართველოში ვადაგადაცილებული სესხების წილი და როგორ უნდა მოიქცეს მომხმარებელი, თუკი საკრედიტო ინფორმაციის გაუმჯობესება სურს? სტუმარი: ლაშა ბაღათურია - “კრედიტინფო საქართველო” ბიზნესის განვითარების ხელმძღვანელი #ახალიამბები #BusinessMediaGeorgia
BOMAG და LIEBHERR – „თეგეტა ჰოლდინგის“ სპეციალური დანიშნულების ტექნიკის მიმართულება მცირე და საშუალო ბიზნესს პრემიუმ ბრენდების ფართო ასორტიმენტს სთავაზობს. კომპანია, წლებია ბაზარზე ინოვაციური და ტექნოლოგიური სიახლეების დანერგვაზეა ორიენტირებული. გამონაკლისი არც მიმდინარე წელია. „თეგეტა ჰოლდინგის“ სპეციალური დანიშნულების ტექნიკის მიმართულებამ საგზაო ტექნიკის სრულიად ახალი სეგმენტი აითვისა - მომხმარებელს გერმანული ბრენდის BOMAG -ის „გრუნტის სატკეპნები“ შესთავაზა, სპეციალურ ფასად. ეს ერთადერთი სიახლე არ არის - მომხმარებელს სამშენებლო და სამთო-მომპოვებელი ტექნიკის მიმართულებითაც ფართო ასორტიმენტს სთავაზობს. სტუმარი: ნიკა აბესაძე - „ქონსთრაქშენ მეშინერი ჯორჯია“, კომერციული დირექტორი #ახალიამბები #BusinessMediaGeorgia
მწვანე ბარათის გათამაშება, რომელზეც რეგისტრაცია მიმდინარე წლის ოქტომბრიდან უნდა დაწყებულიყო, გადადებულია. აქამდე ითვლებოდა, რომ აშშ-ის სახელმწიფო დეპარტამენტმა 2027 წლის საიმიგრაციო ვიზის გათამაშებაზე რეგისტრაცია მთავრობის ე.წ. შათდაუნის გამო არ გახსნა, თუმცა სახელმწიფო დეპარტამენტმა დაადასტურა, რომ მიზეზი პროგრამაში მონაწილეობის წესების ცვლილებაა. რა ცვლილებებზეა საუბარი და როდის გამოცხადდება რეგისტრაცია #ახალიამბები #BusinessMediaGeorgia
რიგითი ბიზნესმენის პასუხისმგებლობა - რესან ქიქავა / #საქმიანები მანანა მანჯგალაძესთან ერთად რესან ქიქავა - ბიზნესმენი ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
1994 წლის 13 ნოემბერს შვედეთმა ისტორიული გადაწყვეტილება მიიღო - ქვეყანა ევროკავშირის წევრი გახდა. მაშინ ქვეყნის ეკონომიკა კრიზისს განიცდიდა, უმუშევრობა რეკორდულ დონეს აღწევდა და სახელმწიფო ვალი იზრდებოდა. ევროკავშირში გაწევრიანებამ შვედეთს ახალი შესაძლებლობები გაუხსნა - გაიზარდა ექსპორტი, ინვესტიციები და კონკურენტუნარიანობა. სამი ათწლეულის შემდეგ, ვხედავთ რომ კრიზისული ეკონომიკიდან შვედეთი იქცა ინოვაციებზე, ტექნოლოგიებსა და ცოდნაზე დაფუძნებულ ერთ-ერთ ყველაზე მდგრად სახელმწიფოდ ევროპაში. #ახალიამბები #BusinessMediaGeorgia
მდგრადი დაფინანსება - #საუბრები ბიზნესსა და ევროკავშირზე რუბრიკის წამყვანი: გიორგი ბერეჩიკიძე - გაეროს გლობალური შეთანხმების საქართველოს ქსელის გარემოს დაცვის მენეჯერი; სტუმრები: მარიამ მხეიძე - თიბისი ლიზინგი, კაპიტალის ბაზრებისა და ინვესტორებთან ურთიერთობის მართვის უფროსი; დავით ციცქიშვილი - VDC, სტრატეგიული დირექტორი #ახალიამბები #BusinessMediaGeorgia
WWW - ანუ, ვები - იდეა, რომელმაც სამუდამოდ შეცვალა კაცობრიობის კომუნიკაციის გზა. 1980-იანების მიწურულს, როცა მეცნიერებს ერთმანეთთან ინფორმაციის გაზიარება უჭირდათ, CERN-ში მომუშავე ბრიტანელმა ფიზიკოსმა ტიმ ბერნერს-ლიმ შექმნა სისტემა, რომელმაც მსოფლიო ერთ დიდ ქსელად აქცია — სწორედ მაშინ დაიბადა „ვორლდ ვაიდ ვები“, ანუ WWW. დღეს კი ეს აღმოჩენა ჩვენი ყოველდღიური ციფრული სამყაროს საძირკველია. როგორ შეიქმნა ვები და რა ისტორიას უკავშირდება მისი შექმნა? #ახალიამბები #BusinessMediaGeorgia
საქართველოში იზრდება ინტერესი მონაცემთა ცენტრების განვითარების მიმართულებით. ქვეყანამ უკვე დაიწყო ინვესტიციების მოზიდვაზე მუშაობა, რისი მიზანიცაა ციფრული ინფრასტრუქტურის გაძლიერება. რადგან საქართველოშიც ერთ-ერთ პრიორიტეტულ მიმართულებად მონაცემების შენახვა იქცა. არსებობს მოლოდინი, რომ უახლოეს მომავალში, შესაძლოა, სხვადასხვა სექტორებში მონაცემთა შენახვის ვალდებულება გაჩნდეს, სწორედ ამიტომ ამ თემაზე საუბარი და მუშაობა მნიშვნელოვან საკითხად იქცა. ეს განსაკუთრებულად საჭირო საქართველოს მოქალაქეების უსაფრთხოების დაცვისთვისაა. მოსახლეობის ცნობიერების ამაღლების მიზნით, გუშინ თბილისში ფარფლ ქლაუდისა და იურიდიული კომპანია ემქადეს ორგანიზებით, ღონისძიება ჩატარდა , რომელიც დატა ცენტრებს შეეხება. #ახალიამბები #BusinessMediaGeorgia
დღეს ზუსტად 11 წელი გავიდა კახა ბენდუქიძის გარდაცვალებიდან. კაცის, რომელმაც წარუშლელი და ფასდაუდებელი კვალი დატოვა არამხოლოდ საქართველოს ეკონომიკის, განათლებისა და მეცნიერების, არამედ თანამედროვე ქართული სახელმწიფოს ისტორიაშიც. 2004 წლიდან მის მიერ განხორციელებულმა რეფორმებმა ქვეყანა კორუფციისგან გათავისუფლებული, ეკონომიკურად გამჭვირვალე და სწრაფად მზარდ სახელმწიფოდ აქცია. გაუქმდა ათეულობით ლიცენზია, შემცირდა ბიუროკრატია, დაიწია გადასახადები და საქართველო იქცა რეგიონში თავისუფალი ბაზრის მოდელად. პოლიტიკიდან წასვლის შემდეგ ბენდუქიძემ ენერგია განათლებას მიუძღვნა. დააფუძნა ცოდნის ფონდი, თბილისის თავისუფალი უნივერსიტეტი და აგრარული უნივერსიტეტი -ის სივრცეები, სადაც იზრდებიან და ვითარდებიან თავისუფალი, პროგრესულად მოაზროვნე პროფესიონალები და უპირველესად მოქალაქეები… #ახალიამბები #BusinessMediaGeorgia
ორმაგი სტანდარტი სამართლის აღსრულებაში - გიორგი ისაკაძის საავტორო პროლოგი #ახალიამბები #BusinessMediaGeorgia
#საქმიანიდილა - 13 ნოემბერი - პროლოგი #ახალიამბები #BusinessMediaGeorgia
უკვე უამრავი ვიდეო პოდკასტი არსებობს სხვადასხვა სფეროში, სხვადასხვა თემაზე. და დღეს ეს ფორმატი ინფორმაციის მიღებისა და გამოცდილების გაზიარების ერთ-ერთ ყველაზე პოპულარულ გზად იქცა. ამ ტენდენციას მიყვება საქართველოში ეჯაილის მიმართულებაც და აგერ უკვე დაიბადა ეჯაილ პოდკასტი, ეჯაილ პრაქტიკის შესახებ. პოდკასტის შემქმნელებს და ეჯაილ ჩეინჯის გუნდს მიაჩნიათ, რომ ეს ფორმატი კიდევ უფრო მრავალფეროვანი შესაძლებლობები იქნება საქართველოში Agile ბიზნეს ქეისების გასაცნობად. სტუმარი: მარია ღლონტი - AgileXchange-ის დამფუძნებელი #ახალიამბები #BusinessMediaGeorgia
ბუნებრივი საფრთხეებიდან გამომდინარე, საშიში გეოდინამიკური პროცესების რუკაც კი შევიმუშავეთ, სადაც საშუალო, მაღალი და დაბალი რისკის ტერიტორიები შევაფასეთ. ეს რუკა ქალაქისთვის სახელმძღვანელო უნდა იყოს, - ამის შესახებ თბილისის მიწათსარგებლობის გენერალურ გეგმაზე მომუშავე სითი ინსტიტუტ საქართველოს ხელმძღვანელმა მამუკა სალუქვაძემ განაცხადა. რამდენად საჭიროებს დედაქალაქის გენერალური გეგმა, რომელიც 2019 წელს დამტკიცდა, გადახედვას ან არსებულ რეალობაზე დაყრდნობით თავიდან გადაწერას. სტუმარი: მამუკა სალუქვაძე - „სითი ინსტიტუტ საქართველოს“ ხელმძღვანელი #ახალიამბები #BusinessMediaGeorgia
"რას გვიყვება დრო" იოსებ ელიგულაშვილის უნიკალურ ისტორიას გიზიარებთ, რომელიც ისტორიაში როგორც ქართველი შინდლერი, ისე შევიდა. ადამიანი, რომელმაც პოლიტიკური და ეკონომიკური კარიერა დამოუკიდებელი საქართველოს პირველ რესპუბლიკაში დაიწყო, მოგვიანებით კი ნაცისტების ოკუპირებულ საფრანგეთში საკუთარი სიცოცხლის ფასად ათასობით ებრაელი გადაარჩინა. მისი ინტელექტითა და ქმედებებით შექმნილი „მეცნიერული მემორანდუმი“ გახდა დოკუმენტი, რომელმაც სიკვდილის ბანაკებიდან ასობით ადამიანი გადაარჩინა - ისტორიაში კი დარჩა როგორც ქართველი, რომელმაც კაცობრიობის წინაშე უდიდესი ჰუმანური მისია შეასრულა. #ახალიამბები #BusinessMediaGeorgia
საფინანსო-საბიუჯეტო კომიტეტის მიერ პირველი მოსმენით, დაჩქარებული წესით მიღებულ ცვლილებებს საქართველოს საგადასახადო კოდექსში, კანონპროექტის რომელიც დაინიცირდა მოიცავს, ცალკეული საგადასახადო შეღავათების მოქმედების ვადის 2028 წლის 1 იანვრამდე გაგრძელებას, ასევე ბაზრობის ორგანიზებისა და ბაზრობის ტერიტორიაზე მოვაჭრეთა სპეციალური დაბეგვრის რეჟიმის გაუქმებას. რას ნიშნავს ეს ცვლილებები გადასახადის გადამხდელებისთვის, როგორ აისახება ბიზნეს საქმიანობაზე და რა პრაქტიკული ნაბიჯებია საჭირო ახალი რეგულაციების შესაბამისად? სტუმარი: დავით პაპიაშვილი - Kreston Georgia-ს მმართველი პარტნიორი #ახალიამბები #BusinessMediaGeorgia