თბილისის საერთაშორისო აეროპორტი მორიგ წარმატებას აღნიშნავს. აეროპორტების საერთაშორისო საბჭომ შოთა რუსთაველის სახელობის თბილისის საერთაშორისო აეროპორტი ევროპის მასშტაბით 5 კატეგორიაში დააჯილდოვა. მომხმარებელთა გამოცდილების კვლევის მიხედვით, თბილისის აეროპორტი დასახელდა საუკეთესოდ მომხმარებელზე ორიენტირებული პერსონალის, მოგზაურობის სიმარტივის, მგზავრებისთვის სასიამოვნო გამოცილების, გამგზავრების სერვისების საუკეთესო შეთავაზებისა და სისუფთავის კატეგორიებში. ეს ჯილდოები თბილისის საერთაშორისო აეროპორტს 5 მილიონამდე მგზავრთნაკადის მქონე აეროპორტებს შორის მიენიჭა. აეროპორტების საერთაშორისო საბჭო მომხმარებელთა გამოცდილების ჯილდოებს ყოველწლიურად გასცემს. ეს არის შედარებითი ანალიზის ერთადერთი გლობალური პროგრამა, რომელიც მგზავრთა კმაყოფილებას ზომავს მაშინ, როდესაც ისინი უშუალოდ აეროპორტში იმყოფებიან. ეს მეთოდი უზრუნველყოფს ყველაზე ზუსტ სურათს მგზავრობის თითოეულ ეტაპზე. ყოველწლიურად მომხმარებლის გამოცდილების ჯილდოებს იღებენ მსოფლიოს ის აეროპორტები, რომლებსაც სხვადასხვა კომპონენტში მგზავრები ყველაზე დადებითად აფასებენ. 2025 წელს საბჭომ საუკეთესო შედეგის მქონე აეროპორტები 6 კატეგორიაში დაასახელა, თბილისის აეროპორტმა კი ამ 6-იდან 5-ში მოიპოვა აღიარება. ანალიზისთვის საჭირო ინფორმაციას ACI ორი წლის განმავლობაში აგროვებდა. #ახალიამბები #BusinessMediaGeorgia
#საქმიანიდილა - 25 თებერვალი - პროლოგი #ახალიამბები #BusinessMediaGeorgia
გუშინ უკრაინაში რუსეთის სრულმასშტაბიანი შეჭრიდან ზუსტად 4 წელი შესრულდა - დრო, რომელმაც მთელ მსოფლიოს თავისუფლების უმძიმესი ფასი და რუსული ტერორის პირისპირ უკრაინელი ხალხის ზეადამიანური გამძლეობა ნათლად დაანახა. დანგრეული ქალაქების, მილიონობით დევნილისა და ყოველდღიური ტრაგედიების მიღმა, ეს არის უთანასწორო ბრძოლა, სადაც ახლა მთელი ცივილიზებული სამყაროს უსაფრთხოების მთავარი ფრონტი გადის. იმ ფონზე, როცა ევროპა საკუთარი მომავლის გადარჩენას ცდილობს, ხოლო მოლაპარაკებების მაგიდასთან თავსმოხვეული დათმობებისა და საეჭვო ზავის საფრთხეები ჩნდება, ერთი რამ უცვლელია - აგრესორის რეალური მიზნები და უკრაინის უფლება, თავად გადაწყვიტოს საკუთარი ბედი. #ახალიამბები #BusinessMediaGeorgia
გრიპი აღარ არის დომინანტური - მოიმატა რესპირატორულმა ვირუსმა - როგორია ეპიდემიოლოგიური სურათი ქვეყანაში? სტუმარი: ივანე ჩხაიძე - იაშვილის სახელობის ბავშვთა ცენტრალური საავადმყოფოს სამედიცინო დირექტორი, თსსუ-ს პროფესორი #ახალიამბები #BusinessMediaGeorgia
პროკრედიტ ბანკი საქართველო, მცირე და საშუალო ბიზნესზე ორიენტირებული ფინანსური ინსტიტუტია და ხშირად საუბრობს რეგიონულ შესაძლებლობებზე, როგორც ზრდის ერთ-ერთ მთავარ წყაროზე. რამდენად შეიძლება რეგიონი აღვიქვათ ერთიან ეკონომიკურ სივრცედ, სადაც ბიზნესები უკვე დაკავშირებულია ერთმანეთთან ვაჭრობით, ინვესტიციებით და მიწოდების ჯაჭვებით და როგორ შეიძლება ეს კავშირები პრაქტიკულ შესაძლებლობებად იქცეს კომპანიებისთვის. ამ პროცესში საინტერესოა ახალი პლატფორმებიც, მათ შორის ProConnect, რომელიც ბიზნესებს რეგიონში პარტნიორების პოვნასა და გაფართოებაში ეხმარება. სტუმრები: გიორგი ბაქრაძე - პროკრედიტ ბანკის დირექტორთა საბჭოს მრჩეველი ეკონომიკურ საკითხებში; ზურაბ მურაკაშვილი - საშუალო ბიზნესის განვითარების განყოფილების წარმომადგენელი, ProConnect-ის პროექტის მენეჯერი #ახალიამბები #BusinessMediaGeorgia
ჯანმრთელობის დაზღვევა, როგორც ბენეფიტი სტუმრები: ნინო ნოღაიდელი - სადაზღვევო კომპანია ბენეფიტსის სამედიცინო დირექტორი; ლიკა ჩიგოგიძე - სადაზღვევო კომპანია ბენეფიტსის კომერციული დირექტორის მოადგილე; მარიამ ჩოგოვაძე - “ეფეს საქართველოს” ადამიანური რესურსების მართვის დირექტორი #ახალიამბები #BusinessMediaGeorgia
2025 წელს დასაქმების ყველაზე მაღალი მაჩვენებელი ევროპაში და ოესიდის მასშტაბით ისლანდიაში ფიქსირდება - შრომისუნარიანი მოსახლეობის 86% დასაქმებულია, რასაც ტურიზმის ბუმი, მწვანე ენერგეტიკის განვითარება და მიგრაციული ზრდა განაპირობებს; მას მოსდევს ნიდერლანდები 82%-ით, სადაც მოქნილი შრომის ბაზარი და ევროპის „კარიბჭის“ ფუნქცია ათასობით სამუშაო ადგილს ქმნის. 81%-იანი მაჩვენებლით ერთ-ერთი ყველაზე სწრაფად მზარდი ბაზარია მალტა, ფინანსური და ციფრული სექტორების ხარჯზე; 79%-ს აჭარბებს დასაქმება შვეიცარიაში, სადაც მაღალტექნოლოგიური ინდუსტრიები და განათლება-ბიზნესის კავშირი უმუშევრობას ამცირებს; ხუთეულს კი 77%-ით კვიპროსი ასრულებს, სადაც ეკონომიკური აღდგენა, ტურიზმი და უცხოური ინვესტიციები შრომის ბაზარს ამყარებს. #ახალიამბები #BusinessMediaGeorgia
მსხვილი კაპიტალი ევროპისკენ მიედინება! გლობალური ინსტიტუციური ინვესტორების მოლოდინები ევროპული ეკონომიკის მიმართ ისტორიულ მაქსიმუმზეა. პარალელურად, უოლ-სტრიტზე შეერთებული შტატების ეკონომიკის მიმართ სკეპტიციზმი იზრდება, რის ფონზეც კაპიტალის მმართველები უპირატესობას ევროპულ აქტივებს ანიჭებენ.Bank of America-ს უახლესი კვლევა აჩვენებს, რომ გერმანიის მასშტაბური ფისკალური სტიმულირება და ევროპის თავდაცვის ბიუჯეტის უპრეცედენტო ზრდა ბაზარზე თამაშის წესებს ცვლის. თუ რომელ სექტორებს ირჩევს ახლა ე.წ. ჭკვიანი ფული და რატომ იქცა ბერლინი საინვესტიციო მიზიდულობის მთავარ ცენტრად? #ახალიამბები #BusinessMediaGeorgia
გლობალური ბაზრები - Galt & Taggart-ის ყოველკვირეული მიმოხილვა სტუმარი: ნიკა მაზანაშვილი - Galt & Taggart-ის საბროკერო მიმართულების გაყიდვების დეპარტამენტის ხელმძღვანელი #ახალიამბები #BusinessMediaGeorgia
საქართველოს ეკონომიკა - Galt & Taggart-ის ყოველკვირეული მიმოხილვა სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
2026 წლის თებერვალში მსოფლიოში რესპირატორული ვირუსების პიკური მაჩვენებლები ფიქსირდება. World Health Organization-ის მონაცემებით, დომინირებს გრიპის AH3N2 ქვეტიპი - განსაკუთრებით მისი ახალი, აგრესიული ვარიანტი, რომელიც გართულებების გაზრდილ რისკს ქმნის. ინფიცირების მაღალი მაჩვენებლები ევროპაში, აღმოსავლეთ აზიასა და ჩრდილოეთ აფრიკაში ფიქსირდება, რაც ჰოსპიტალურ სექტორზე მნიშვნელოვან ზეწოლას ზრდის. სეზონური გრიპის დინამიკა და რისკები - რა გამოწვევების წინაშეა ჯანდაცვის სისტემა პიკური სეზონის პირობებში? #ახალიამბები #BusinessMediaGeorgia
გაციება & სეზონური ვირუსები - როგორ ვუმკურნალოთ? რუბრიკის წამყვანი: ლალი ბრეგვაძე - "ავერსის" საზოგადოებასთან ურთიერთობის სამსახურის ხელმძღვანელი; სტუმარი: ნინო ლობჟანიძე - "ავერსის კლინიკის" თერაპევტი, ოჯახის ექიმი #ახალიამბები #BusinessMediaGeorgia
საერთაშორისო ფარმაცევტულმა კომპანია GM PHARMA-მ კიდევ ერთი სამეცნიერო კონფერენცია გამართა, რომელიც ანტიკოაგულაციური თერაპიის თანამედროვე ტენდენციებსა და ინოვაციური, ახალი თაობის პრეპარატების მნიშვნელობას მიეძღვნა, თრომბოემბოლიური დაავადებების მართვაში. კონფერენციის მთავარ მიზანს კი სამედიცინო სფეროს წარმომადგენლებისთვის ახალი თაობის პერორალური ანტიკოაგულანტის გაცნობა წარმოადგენდა. #ახალიამბები #BusinessMediaGeorgia
თანამედროვე გლობალურ ეკონომიკაში შრომითი მიგრაცია ერთ-ერთი მნიშვნელოვანი ფაქტორია, რომელიც პირდაპირ გავლენას ახდენს ქვეყნის განვითარებაზე. სახელმწიფოები ამ საკითხს განსხვავებული სტრატეგიებით უდგებიან: ნაწილი უცხოელი მუშახელის მოზიდვას ეკონომიკური ზრდის სტიმულად მიიჩნევს და რეგულაციებს ამარტივებს, ნაწილი კი შიდა შრომითი ბაზრის დასაცავად მკაცრ შეზღუდვებს აწესებს. რა ეკონომიკური შედეგები მოაქვს თითოეულ მიდგომას და როგორ აისახება ეს ბიზნესზე, ფასებზე და დასაქმებაზე? #ახალიამბები #BusinessMediaGeorgia
რამდენიმე დღის წინ დაასრულა მუშაობა დონალდ ტრამპის მიერ შექმნილმა სპეციალურმა მშვიდობის საბჭომ, ბოარდ ოფ ფის, რომელმაც მსოფლიოს ერთდროულად რამდენიმე ქვეყანა, ორგანიზაცია და ბიზნესმენი გააერთიანა. რაში მდგომარეობს ტრამპის მშვიდობის საბჭოს თუ ბორდის იდეა, ვინ შეუერთდა, და რა კაპიტალს მოუყარა თავის ამ საბჭომ, და საბოლოოდ, თუ ეს მილიარდები რეალურად დაიდება, რა პროექტების დაფინანსებას მოხმარდება? #ახალიამბები #BusinessMediaGeorgia
ლათინურ ამერიკაში, სადაც მექსიკის შეიარაღებულმა ძალებმა ქვეყნის ყველაზე გავლენიანი კრიმინალური სინდიკატის, CJNG-ს ლიდერი ნემესიო ოსეგერა სერვანტესი, იგივე „ელ მენჩო“ მოკლეს. საუბარია ადამიანზე, რომლის ორგანიზაციაც ამერიკის შეერთებულ შტატებში ფენტანილის მიწოდების მთავარ მონოპოლისტად მიიჩნეოდა. სწორედ ვაშინგტონიდან მომდინარე მზარდ გეოპოლიტიკურ წნეხს უკავშირდება სინდიკატის ლიდერის ლიკვიდაცია. CJNG-ს ლიდერის მკვლელობას კარტელის შეიარაღებული ფრთის მხრიდან საპასუხო იერიშები მოჰყვა. კერძოდ, არეულობა დაიწყო მექსიკის 8 შტატში. კრიმინალური სინდიკატის წევრებმა გადაკეტეს გზები და ცეცხლი წაუკიდეს მანქანებს, ასევე შეიჭრნენ აეროპორტში და გახსნეს ცეცხლი. რაც შეეხება მოკლულ „ელ მენჩოს“, მის თავზე შტატებს 15 მილიონი დოლარის ჯილდო ჰქონდა დაწესებული. რა ვითარება შეიქმნა მექსიკაში ბოლო 2 დღის მანძილზე? #ახალიამბები #BusinessMediaGeorgia
ინოვაცია, რისკი, მარცხი და ტრიუმფი - ვინ იყო სტივ ჯობსი? #ახალიამბები #BusinessMediaGeorgia
#საქმიანიდილა - 24 თებერვალი - პროლოგი #ახალიამბები #BusinessMediaGeorgia
X-ს კრიპტოაქტივებით და აქციებით ვაჭრობის ფუნქციონალი დაემატება #ახალიამბები #BusinessMediaGeorgia
ილიას სახელმწიფო უნივერსიტეტის სტუდენტებისა და ახალგაზრდული მოძრაობების პროტესტი გრძელდება. საპროტესტო მარში გუშინ ილიაუნის A კორპუსთან დაიწყო, სადაც სტუდენტური მანიფესტის შესახებ გახდა ცნობილი. რას გეგმავენ ილიას სტუდენტები, იმ ფონზე როცა ოცნების მთავრობის გადაწყვეტილებით, ე,წ, რეფორმით მათ მისაღები კვოტა 14-ჯერ შეუმცირდათ. სტუმრები: სალომე საზანიშვილი - ილიას სახელმწიფო უნივერსიტეტი, სტუდენტი, მოძრაობის წევრი; ხალიბეგ მაგამედოვი - ილიას სახელმწიფო უნივერსიტეტი, სტუდენტი, მოძრაობის წევრი; #ახალიამბები #BusinessMediaGeorgia
თუ ახალგაზრდა ლიდერი ხარ და გინდა შენი პოტენციალი საერთაშორისო დონეზე გამოიყენო, ვფიქრობ, ჩვენი შემდეგი ბლოკის თემა დაგაინტერესებთ -უნდა მოგიყვეთ ცენტრალური ევრაზიის ლიდერობის ალიანსზე, სელაზე, რომელიც უკვე 24 წელია აერთიანებს რეგიონის ყველაზე მოტივირებულ და ამბიციურ ახალგაზრდებს. ორგანიზაციას დღეს 700-ზე მეტი წევრი ჰყავს ცენტრალური აზიისა და სამხრეთ კავკასიის ქვეყნებიდან. ის ოთხ პარტნიორ ორგანიზაციასთან ერთად ქმნის ლიდერთა გლობალურ ქსელს, რომელიც მსოფლიოს 33 ქვეყანას მოიცავს და 1500-ზე მეტ წევრს აერთიანებს. წევრობა იწყება ათდღიანი ინტენსიური ლიდერობის აკადემიით. აკადემიის დასრულების შემდეგ კურსდამთავრებულები ხდებიან გლობალური ქსელის ნაწილი და იღებენ წვდომას საერთაშორისო კონტაქტებზე, სხვადასხვა ქვეყნის ბაზრებზე, საინტერესო სპიკერებთან და მსოფლიო ლიდერებთან შეხვედრებზე, ასევე შესაძლებლობას – განავითარონ და გააფართოონ საკუთარი ბიზნესი თუ პროფესიული საქმიანობა. აპლიკაციების მიღება უკვე დაწყებულია და ის 1 მარტს სრულდება. სტუმრები: ეკატერინე გრიგალავა - SELA აღმასრულებელი დირექტორი; სალომე შელია - SELA საქართველოს დირექტორი; #ახალიამბები #BusinessMediaGeorgia
ადგილობრივი მეწარმეების შემდეგ, მიმდინარე კვირიდან, კანონმდებლები საპარლამენტო კომისიის ფორმატში, იმპორტიორებსა და დისტრიბუტორებს მოუსმენენ. რა განაპირობებს საქართველოში სამომხმარებლო ფასების სიძვირეს და რამდენად შესაძლებელია პროდუქტების ღირებულების შემცირება - დროებითი კომისიის წარმომადგენლები შეხვედრებს აგრძელებენ და აცხადებენ, რომ შესწავლილი იქნება როგორც კომპანიების საოპერაციო ხარჯები, ასევე - მათი ფინანსური სტაბილურობა. ფარსი თუ შესაძლებლობა - რა იწვევს მაღალ ფასებს და რისი შეცვლა შეუძლია ხელისუფლებას? #ახალიამბები #BusinessMediaGeorgia
ჯანდაცვის სამინისტრო სოციალურად დაუცველი ოჯახების ბაზის გადამოწმებას იწყებს. 13 წლიანი მმართველობის შემდეგ, ოცნების მთავრობამ აღმოაჩინა, რომ ეკონომიკური ზრდის ფონზე, შემცირების ნაცვლად შემწეობის მიმღებთა გაზრდილი რაოდენობა მათ პოლიტიკურ რიტორიკაში არ ჯდება და "ანომალიურია." ჯანდაცვის მინისტრ მიხეილ სარჯველაძის განცხადებით, მართალია, სოცდაუცველთა ბაზაში რეგისტრირებულია 710 000-მდე ადამიანი, თუმცა მათ შორის არიან ისეთებიც, ვინც 2025 წელს გამოშვებულ ავტომობილებს ყიდულობს ან ათეულობით ათასი ლარის შემოსავალი აქვს. ეს ფაქტი კი მისივე ახსნით კოვიდპანდემიის შემდეგ გამოცხადებული მორატორიუმით და ბაზების გაუკონტროლებით იხსნება. რატომ გადაწყვიტა ოცნების ხელისუფლებამ დღეს კონტროლის გამკაცრება და ვინ არის პასუხისმგებელი წლების განმავლობაში საბიუჯეტო სახსრების არამიზნობრივ ხარჯვაზე? სტუმარი: გიგა ბედინეიშვილი - ფინანსისტი #ახალიამბები #BusinessMediaGeorgia
საქართველოს შესაფუთი მასალების ნარჩენების მწარმოებელთა გაერთიანება „ჯორჯია ფლასმა” ნარჩენების მართვის თემაზე სამუშაო შეხვედრა გამართა. შეხვედრაზე მწარმოებლებს და მუნიციპალიტეტების წარმომადგენლებს უმასპინძლეს. ადგილზე ჯორჯია ფლასმა სოფლის მეურნეობისა და გარემოს დაცვის სამინისტროსთან ერთად ნარჩენების მართვის რეფორმის ფარგლებში გადადგმულ ნაბიჯებზე იმსჯელა და ასევე ბაზელის კონვენციის ფარგლებში განხორციელებული პროექტის ფარგლებში გამოკვეთილი რეკომენდაციები განიხილა. როგორ მიმდინარეობს საქართველოში ნარჩენების მართვის რეფორმა, რა გაკეთდა ამ დრომდე და რა მიმართულებით გვჭირდება ნაბიჯების გადადგმა? #ახალიამბები #BusinessMediaGeorgia
#ავიაციისსიახლეები ✈ აეროპორტების გაერთიანებამ 2.5 მლნ ლარის გამარტივებულ შესყიდვებზე თანხმობა მიიღო; ✈ T’way Air-ი სეულსა და თბილისს შორის სეზონურ ჩარტერულ ფრენებს შეასრულებს; ✈ TAV Georgia-მ მარიამ ქვრივიშვილს ბათუმის აეროპორტის გაფართოების გეგმა წარუდგინა; ✈ საფრანგეთი და ინდოეთი ვერტმფრენების ერთობლივ ქარხანას ხსნიან კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #ახალიამბები #BusinessMediaGeorgia
ინტერიერი დეტალებში სტუმარი: სალომე დადუნაშვილი - “ინტერიერი სალომე დადუნაშვილთან ერთად”, ავტორი&წამყვანი #ახალიამბები #BusinessMediaGeorgia
უბერი თავის საკვების მიტანის სერვისს ევროპის შვიდ ქვეყანაში ნერგავს. ამის შესახებ ცნობილი კომპანიის განცხადებიდან გახდა და როგორც მათ აღნიშნეს, ამ ნაბიჯის გადადგმა მაღალმა მოთხოვნამ გადააწყვეტინათ. არ უნდა გამოგვრჩეს, რომ უბერმა საკვების მიტანის მიმართულება 2014 წლიდან აამოქმედა, თავდაპირველად მხოლოდ შტატების რამდენიმე ქალაქში ოპერირებდა, თუმცა მალევე ამ მიმართულების გლობალურ ლიდერად ჩამოყალიბდა. როგორ ავითარებს უბერი თავის შვილობილ კომპანია? #ახალიამბები #BusinessMediaGeorgia
Zeekr Center Tegeta-მ ახალი ავტომობილის, Zeekr 9X-ის პრეზენტაცია გამართა. ღონისძიებას მედიის წარმომადგენლები, ბრენდის პარტნიორები და ავტომოყვარულები დაესწრნენ და ახალი მოდელის შესაძლებლობებს სპეციალურად მოწყობილ გარემოში, „ღვინის ქარხანაში“ გაეცნენ. Zeekr 9X არის ავტომობილი, რომელიც უსაფრთხოებას, კომფორტს, ინოვაციასა და მიმზიდველ დიზაინს აერთიანებს. სრული ზომის SUV ბრენდის ისტორიაში პირველი Plug-in Hybrid-ია. 9X საქართველოში უკვე ხელმისაწვდომია - მომხმარებელს Zeekr Center Tegeta-ში როგორც მისი წინასწარი შეკვეთა, ისე ტესტდრაივის დაჯავშნა შეუძლია. #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
ათწლეულების განმავლობაში სიტყვა „სიმსივნე“ განაჩენთან ასოცირდებოდა, ბრძოლა კი – ტოქსიკურ ქიმიოთერაპიასა და რადიკალურ ქირურგიასთან. თუმცა, დღეს, 2026 წელს, მედიცინამ მთავარ კითხვას – „როგორ გადავრჩეთ?“ – ახალი პასუხი გასცა: „გადავრჩეთ ისე, რომ შევინარჩუნოთ ცხოვრების ხარისხი“.მეცნიერები ცდილობენ მიაგნონ ისეთ მეთოდებსა თუ მედიკამენტებს, რომლებიც ორგანიზმის გაძლიერებისკენ და კიბოს დამარცხებისკენ იქნება მიმართული. როგორია FDA-ს ბოლო მონაცემები და კლინიკური კვლევების შედეგები და რომელია ის 5 რევოლუციური მედიკამენტი, რომელმაც 2026 წელს ონკოლოგიური პაციენტების რეალობა სრულად უნდა შეცვალოს. #ახალიამბები #BusinessMediaGeorgia
22 თებერვალს საქართველოს ბანკისა და კომაროვის STEM ოლიმპიადის პირველი ტური გაიმართა, რომელშიც ონლაინ ეტაპზე საუკეთესო შედეგის მქონე 63 სკოლის გუნდი მონაწილეობდა. თითოეული გუნდი ხუთი მოსწავლისგან იყო დაკომპლექტებული - მათგან სამმა მათემატიკის, ხოლო ორმა ფიზიკის ტესტი შეასრულა.პირველი ტურის შედეგების საფუძველზე 10 საუკეთესო სკოლა გამოვლინდება, რომლებიც ფინალურ ეტაპზე გადავლენ. ფინალში მოსწავლეები გუნდურად შეეჯიბრებიან ერთმანეთს, შეასრულებენ პრაქტიკულ დავალებებს და იმუშავებენ საკუთარ STEM პროექტებზე. #ახალიამბები #BusinessMediaGeorgia
სადაზღვევო კომპანია არდი და ილიკო სუხიშვილისა და ნინო რამიშვილის სახელობის ქართული ნაციონალური ბალეტი „სუხიშვილები“ თანამშრომლობის ახალ ეტაპს იწყებენ - პარტნიორობას, რომელიც პროფესიული ტალანტის დაზღვევას გულისხმობს და საქართველოში დღემდე ყველაზე ინოვაციურ დაზღვევის სახეობას განეკუთვნება. წლების წინ ქართული ნაციონალური ბალეტის ყველა წევრი სადაზღვევო კომპანია ”არდიმ” ერთ მილიონ ლარად დააზღვია და დაუშვა ტალანტის დაზღვევის პირველი პრეტენდენტი ჩვენს ქვეყანაში. ეს ურთიერთობა 2026 წელს ახალ საფეხურზე გადავიდა. დაზღვევა სრულად მოიცავს ანსამბლის ყველა წევრს - როგორც მოცეკვავეებს, ისე მუსიკოსებს და ვრცელდება როგორც საქართველოში, ისე საერთაშორისო გასტროლების დროს მსოფლიოს ნებისმიერ ქვეყანაში. #ახალიამბები #BusinessMediaGeorgia
100%-ით ნატურალურ ენერგეტიკულ სასმელს ENERGIA BY BORJOMI, ანუ „ენერგია ბორჯომისგან“ ჰქვია. ეს არის კომპანიისგან პირველი ენერგეტიკული სასმელი, რომელიც როგორც ბორჯომში განმარტავენ, შექმნილია „ბორჯომის“ მინერალური წყლისა და ბუნებრივი ინგრედიენტების საფუძველზე და მისი მთავარი იდეა სწორედ ის გზავნილია, რაც ამ დღეებში ყველგან გვხვდებოდა — ბუნების ძალა. რაც მოვიკითხეთ კომპანიისგან, ანუ შემადგენლობა: „ენერგია ბორჯომისგან“ შეიცავს ნატურალურ კოფეინს სწრაფი ენერგიისთვის და ნატურალურ ადაპტოგენს — შიზანდრას, რომელიც ენერგიის ეფექტს ახანგრძლივებს. ახალი სასმლის შემქმნელები ამბობენ, რომ „ბორჯომის“ მინერალური წყალი ავსებს ორგანიზმს აუცილებელი ელექტროლიტებით და ხელს უწყოს ენერგიის შენარჩუნებას. პროდუქტი არ შეიცავს დამატებულ შაქარს და კალორიები მხოლოდ ხილის წვენიდან მიიღება. მათივე განმარტებით, ფორმულა სამეცნიერო კვლევებზეა დაფუძნებული და მიუხედავად იმისა, რომ 100%-ით ნატურალურია, როგორც ამბობენ იმ მოლოდინს ამართლებს რასაც ზოგადად ენერგეტიკული სასმლის მოყვარულები ენერგეტიკული სასმლისგან ელიან და ამაში იგულისხმება სწრაფი ენერგია, მხნეობა და განწყობა. #ახალიამბები #BusinessMediaGeorgia
ჰოლივუდის ტრადიციული ბიზნესმოდელი უპრეცედენტო საფრთხის წინაშეა. ჩინურმა ტექნოლოგიურმა გიგანტმა, ByteDance-მა, ხელოვნური ინტელექტის ახალი მოდელი წარადგინა, რომელიც კინემატოგრაფიული ხარისხის სცენებს მარტივი ტექსტური ბრძანებით, წამებში ქმნის. სანამ გლობალური კორპორაციები საავტორო უფლებების დასაცავად მილიარდიან კონტრაქტებს აფორმებენ და სასამართლო დავებისთვის ემზადებიან, მცირე სტუდიებისთვის ეს ინოვაცია კოლოსალური ფინანსური დანაზოგის გაკეთების შანსად იქცა. როგორ გადაიზარდა ამერიკა-ჩინეთის ტექნოლოგიური ომი კინოინდუსტრიაში და რას ცვლის ახალი პროგრამა ბაზარზე? #ახალიამბები #BusinessMediaGeorgia
შვედეთის ტურისტულმა ორგანიზაციამ უპრეცედენტო კამპანია წამოიწყო, რომელიც ფუფუნების ტრადიციულ სტანდარტებს სრულად ცვლის. Visit Sweden თავგადასავლების მაძიებლებს აძლევს შანსს, ერთი წლის განმავლობაში, სრულიად უსასყიდლოდ, ქვეყნის მასშტაბით არსებული ხუთი კერძო კუნძულიდან ერთ-ერთის ოფიციალური მცველები გახდნენ. თუმცა, კამპანიას ერთი უჩვეულო შეზღუდვა აქვს - კონკურსში მონაწილეობა მილიარდერებისთვის მკაცრად აკრძალულია. რა პრაქტიკული ვალდებულებები ახლავს ამ ექსკლუზიურ შეთავაზებას და როგორ შეგიძლიათ გააკეთოთ განაცხადი? #ახალიამბები #BusinessMediaGeorgia
#საქმიანიდილა - 23 თებერვალი - პროლოგი #ახალიამბები #BusinessMediaGeorgia
პრემიუმ კლასის მულტიბრენდული სივრცე „ბოიგარსი“ (Boygar’s) თბილისის გულში, რუსთაველის გამზირზე მდებარე კონცეპტუალური მაღაზიაა, რომელიც ავსაჯანიშვილების ოჯახის მრავალწლიანი ბიზნეს-გამოცდილებით 2024 წელს შეიქმნა, ქართულ ბაზარზე შოპინგის სრულიად ახალ, საერთაშორისო სტანდარტს ამკვიდრებს. „ბოიგარსი“ ერთ სივრცეში აერთიანებს მაღალი მოდის წამყვან სახელებს და მომხმარებელს უახლეს კოლექციებს ზუსტად ევროპული საფასო პოლიტიკით სთავაზობს. ბრენდს გლობალური ამბიცია და მომსახურების უმაღლესი სტანდარტი აქვს, ეს ყველაფერი ერთად ემსახურება მთავარ მისიას - საქართველოში შეიქმნას ლუქს-ბრენდებთან ურთიერთობის უნიკალური, ექსკლუზიური გამოცდილება და ჩვენმა ქვეყანამ გლობალური მოდის რუკაზე მყარად დაიმკვიდროს თავი. სტუმარი: თაკო სიხარულიძე - BOYGAR’S, PR-ისა და მარკეტინგის მიმართულების ხელმძღვანელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
#ბრენდისხმა: როგორ იბადება ბრენდი?! - "ფრიქსი" ირაკლი ქურდაძე - “ფრიქსის” კომერციული დირექტორი ავტორები: ბექა ბაციკაძე, რატი კაციტაძე, რევაზ ნასიძე #BrandVoice #ახალიამბები #BusinessMediaGeorgia
ფასები, განათლება, უცხოელების დასაქმება, დემოგრაფია, მიგრაცია – ეს იმ საკვანძო სიტყვების მხოლოდ ნაწილის ჩამონათვალია, რაც საგაზაფხულო სესიის დაწყების შემდეგ გვესმის. ვიცით, რომ მთავრობა 248–ე განკარგულების მიხედვით, ჯამში 59 კანონპროექტის ინიციირებას აპირებს. მათ შორის, ახალი კანონპროექტებიც იქნება. ექსპერტების და ანალიტიკოსების ნაწილის შეფასებით, ცვლილებების უმრავლესობა მთავრობის როლის და კონტროლის ზრდას ემსახურება, რაც რიგ შემთხვევებში, შესაძლოა, კერძო სექტორისთვის, ბიზნესისთვის, დამატებითი წნეხი აღმოჩნდეს ისე, რომ არც ე.წ. ბაზრის ჩავარდნების გასწორებას მოემსახუროს. სტუმარი: შალვა კერესელიძე - “გახარია საქართველოსთვის” პარტიის საპარლამენტო გუნდის ლიდერი, ფრაქციის თავმჯდომარე #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
BMG & FIAT Georgia წარმოგიდგენთ #BMGDRIVE-ს: ✔️ ჟურნალისტიკიდან გასტრონომიის სფეროში
საქართველოს კერძო კომპანიებს, რომლებიც 2022 წლის 1 იანვრამდე არიან რეგისტრირებული, მეწარმეთა შესახებ კანონის მოთხოვნების შესაბამისად, ამონაწერის განახლებისთვის ვადა 2026 წლის 31 მარიტამდე აქვთ. თუკი კომპანიები სარეგისტრაციო მონაცემებს კანონის შესაბამისად არ განაახლებენ, 2026 წლის 1 აპრილიდან მათი რეგისტრაცია შეჩერდება, რაც კომპანიების ოპერირების შეჩერებას გამოიწვევს. ეს შეეხება საწარმოების მიერ ხელფასების გადახდას, გადასახადების გადახდას, ოპერაციების განხორციელებას, ქონების განკარგვას და ფაქტობრივად ყველა სხვა ოპერაციას, რომელსაც კომპანიები ყოველდღიურად ახორციელებენ. მეწარმეთა შესახებ კანონის შესაბამისად, ბიზნესების რეგისტრაციის ვადა ერთხელ უკვე გადავადდა - წინა ჯერზე ის 2025 წლის 1 აპრილს უნდა ამოქმედებულიყო და ვადამ ერთი წლით გახანგრძლივდა. ჯერჯერობით უცნობია გადაავადებს თუ არა მთავრობა კანონის მოთხოვნებს კიდევ ერთხელ, რადგანაც ათასობით ბიზნესისთვის რეგისტრაციის შეჩერებამ სახელმწიფოს საგადასახადო შემოსავლებზეც ნეგატიური გავლენა მოახდინოს. სტუმარი: ლანა პაიჭაძე - Loialte Legal-ის ხელმძღვანელი #ახალიამბები #BusinessMediaGeorgia
მონაცემთა ცენტრები, რომელსაც დატა ცენტრების სახელითაც მოვიხსენიებთ ხოლმე, მთელს მსოფლიოში სულ უფრო მოთხოვნადი და საინტერესო ხდება, რადგან რეალურად, მონაცემთა ცენტრებს სარგებლის მოტანა არამხოლოდ ბიზნესისთვის, არამედ იმ ქვეყნებისთვისაც შეუძლია, სადაც ის ფუნქციონირებს. შესაბამისად, დატა ცენტრების რაოდენობა მსოფლიოში სულ უფრო იზრდება, ამ მხრივ ლიდერი შეერთებული შტატებია, თუმცა საკმაოდ მსხვილი ჰაბია ევროპაც. მონაცემთა ცენტრების გახსნის საჭიროება სულ უფრო აქტუალური ხდება საქართველოშიც, ამ ეტაპზე ჩვენს ქვეყანაში რამდენიმე მცირე ზომის დატა ცენტრი უკვე არსებობს, რომელიც კერძო კომპანიების საკუთრებას წარმოადგენს, თუმცა გეგმები უფრო მასშტაბურია, პოტენციალიც არსებობს. როგორ გამოიყურება მონაცემთა ცენტრების გლობალური განვითარება და სად არის საქართველო? #ახალიამბები #BusinessMediaGeorgia
ბიზნესის დაწყება ერთ-ერთი ყველაზე მნიშვნელოვანი გადაწყვეტილებაა, რომელსაც ადამიანთა უმეტესობა ცხოვრების სხვადასხვა ეტაპზე იღებს. თუმცა, მეწარმეობის გზაზე პირველი ნაბიჯის გადადგმა ბევრს აშინებს. ადამიანები ხშირად ფიქრობენ, რომ ბიზნესის რეგისტრაცია ხანგრძლივ, ბიუროკრატიულ პროცესებს უკავშირდება. თუმცა, ეს ასე აღარაა. საქმიან დილას სტუმრობს თორნიკე კუპრაშვილი, საქართველოს ბანკის მცირე და საშუალო ბიზნესის მიმართულების ხელმძღვანელი. თორნიკეს იცნობს საქმიანი საზოგადოება. ის მრავალწლიანი გამოცდილებით საქართველოს ბანკში ხელმძღვანელობს პროექტებს, რომლებიც მცირე და საშუალო ბიზნესს ფინანსური სერვისებით უზრუნველყოფს, ყოველდღიური ბანკინგის გამარტივებასთან ერთად. მისი ხელმძღვანელობით ბანკმა ბოლო წლებში აქტიურად დანერგა ინოვაციური ინსტრუმენტები, რომლებიც ბიზნესს საშუალებას აძლევს სწრაფად და მარტივად მართონ ფინანსები, ჩაერთონ სახელმწიფო პროექტებსა და ტენდერებში, ასევე გაზარდონ ოპერაციული ეფექტურობა ინვოისებისა და გადარიცხვების მართვის თანამედროვე საშუალებებით. სტუმარი: თორნიკე კუპრაშვილი - საქართველოს ბანკის მცირე და საშუალო ბიზნესის მიმართულების ხელმძღვანელი #ახალიამბები #BusinessMediaGeorgia
როგორ დგინდება სურსათის ფასი? სტუმარი: გურამ სუხაშვილი - “ჟოლის“ დამფუძნებელი #ახალიამბები #BusinessMediaGeorgia
კოკა-კოლა, როგორც გლობალური ბრენდი, კულტურის მხარდაჭერას აგრძელებს. ევგენი მიქელაძის სახელობის საქართველოს ეროვნული სიმფონიური ორკესტრის 100 წლის საიუბილეო სეზონიც გრძელდება, რომლის მთავარი მხარდამჭერი და წარმდგენიც 2026 წელსაც კომპანია "კოკა-კოლა ბოთლერს ჯორჯიაა" და ამ ერთობლივი თანამშრომლობის მთავარი მიზანი ქართული კულტურის, ტრადიციებისა და მემკვიდრეობის დაცვაა. საიუბილეო სეზონის ფარგლებში კიდევ ერთი კონცერტი გუშინ გაიმართა, რომელიც ორკესტრის ყოფილი მთავარი დირიჟორის, ვახტანგ მაჭავარიანის ხსოვნას მიეძღვნა. #ახალიამბები #BusinessMediaGeorgia
ერთ-ერთმა კვლევამ აჩვენა, პირდაპირი კავშირი სიგარეტის მოხმარებასა და დეპრესიის გაზრდის რისკს შორის. ჟურნალ BMC Public Health-ში გამოქვეყნებული ნაშრომი გერმანიის ისტორიაში ერთ-ერთ ყველაზე მასშტაბურ სამეცნიერო კვლევას წარმოადგენს, რომლის ფარგლებშიც მეცნიერებმა 173,890 ადამიანის მონაცემები შეისწავლეს. აი მეორე კვლევა უფრო პოზიტიური და საიმედოა. გაიტესტა და გაიარა უკვე რამდენიმე ფაზა, ფსიქოდელიურ ნივთიერება DMT-მ, იგივე დიმეთილტრიპტამინი, რომელსაც ფსიქოთერაპიასთან კომბინაციაში, დეპრესიის მძიმე ფორმების მქონე პაციენტებში მდგომარეობის სწრაფი და ხანგრძლივი გაუმჯობესება შეუძლია. #ახალიამბები #BusinessMediaGeorgia
რუსეთის საჰაერო თავდასხმების შედეგად, უკრაინის ენერგოგენერაციის და დისტრიბუციის 80% მდე ფაქტობრივად განადგურდა, რაც იმთავითვე მოასწავებდა რომ წლევანდელი ზამთარი იქნებოდა უმძიმესი. ასეც მოხდა, მითუმეტეს, რუსეთის არმია არც ზამთრის პერიოდში აკლებდა თავდასხმებს უკრაინაზე რომელიც ყველანაირი რესურსით ცდილობს თავდაცვას და ეპიზოდურ თავდასხმებსაც მტერზე.უკრაინის თავდაცვის ძალებმა ბოლო ხუთ დღეში რუსეთის ჯარებისგან 201 კვადრატული კილომეტრის ტერიტორია გაათავისუფლეს, რაც ბოლო ორ-ნახევარი წლის განმავლობაში მათი ყველაზე სწრაფი სამხედრო წინსვლაა. ამჟამად, მთავარი კონტრშეტევა ზაპოროჟიედან აღმოსავლეთით 80 კილომეტრში აქტიურად მიმდინარეობს. #ახალიამბები #BusinessMediaGeorgia
#საქმიანიდილა - 20 თებერვალი - პროლოგი #ახალიამბები #BusinessMediaGeorgia
2025 წელს მშენებლობის პროცესში მყოფი ბინების რაოდენობამ ისტორიულ მაქსიმუმს მიაღწია და 87,218 ბინა შეადგინა. ამავე პერიოდში დასრულდა დაახლოებით 20,000 ბინა, რაც 2019 წლის შემდეგ ყველაზე დიდი გაფართოებაა. კოლიერს ჯორჯიას წლიური შეჯამების მიხედვით, მიუხედავად მასშტაბური მიწოდებისა, ახალი პროექტების დაწყების ტემპი შემცირდა. სექტორის შეფასებით, ეს ძირითადად საკრედიტო ბაზრის გამკაცრებას უკავშირდება — როგორც მოგეხსენებათ, ბანკებმა დეველოპერულ პროექტებზე სესხების გაცემა შეამცირეს. ბაზარი ზრდის ფაზაში რჩება. ტრანზაქციების რაოდენობა 2025 წელს 3%-ით გაიზარდა, ხოლო ბაზრის მოცულობამ 15%-იანი ზრდა აჩვენა და დაახლოებით 3.3 მილიარდ დოლარს მიაღწია. ვინ ქმნიდა მოთხოვნას და როგორია ვითარება თბილისსა და ბათუმში? სტუმარი: ლეო ჩიქავა - "კოლიერს ჯორჯიას" კვლევებისა და მონაცემთა სერვისების ხელმძღვანელი; #ახალიამბები #BusinessMediaGeorgia
თბილისმა სტუმარმასპინძლობის გლობალურ ღონისძიებას - Hospitality Investment Forum 2026-ს უმასპინძლა. ფორუმს სტუმარმასპინძლობის სექტორის წამყვანი მოთამაშეები, ადგილობრივი და საერთაშორისო დეველოპერები, ინვესტორები, ფინანსური ინსტიტუტები და ტურიზმის ინდუსტრიის ექსპერტები ესწრებოდნენ. ღონისძიების წარმდგენი იყო სამშენებლო დეველოპერული კომპანია “ალიანს ჯგუფი.” სპიკერებმა მონაწილეებს გლობალური ბაზრის ტენდენციები, საერთაშორისო გამოცდილება, ოპერაციული მართვის თანამედროვე მოდელები და წარმატებული პროექტების პრაქტიკული მაგალითები გაუზიარეს. განსაკუთრებული ყურადღება დაეთმო სწრაფად მზარდი ბაზრების შესაძლებლობებს, საინვესტიციო რისკების მართვასა და რეგიონული პარტნიორობების გაძლიერებას. ღონისძიება ახალი სასტუმრო პროექტების განვითარებაზე, კურორტებისა და მრავალფუნქციური უძრავი ქონების მიმართულებებზე, სტრატეგიული ინვესტიციების მოზიდვასა და მდგრადი სტანდარტების დანერგვაზე იყო ფოკუსირებული. მნიშვნელოვანი, რომ ფორუმი ექვს ქვეყანაში ტარდება, ეს არის საქართველო, სომხეთი, ყაზახეთი, უზბეკეთი, კვიპროსი და ალბანეთი. Hospitality Investment Forum-ის დამფუძნებელია საერთაშორისო დეველოპერული კომპანია stone development, რომელიც საინვესტიციო პროექტებს ახორციელებს უძრავი ქონებისა და სტუმარმასპინძლობის სექტორში. როგორ ჩაიარა შეხვედრამ და რა გვჭირდება რეგიონში პოზიციონირებისთვის? სტუმრები: ვალერი ჩეხერია - საკონსულტაციო კომპანია Salt Projects-ი დამფუძნებელი და გენერალური დირექტორი; ლევან ბერულავა - საკონსულტაციო კომპანია Salt Projects-ი დამფუძნებელი და გენერალური დირექტორი; სოსო ბერიძე - LSG Solutions, დამფუძნებელი, CEO; შალვა ალავერდაშვილი - სასტუმროების ფედერაცია, დამფუძნებელი; #ახალიამბები #BusinessMediaGeorgia