ეროვნული ბანკმა, ფინანსური განათლების პორტალმა ფინედუმ, საქართველოს განათლების, მეცნიერებისა და ახალგაზრდობის სამინისტრომ და საქართველოს დაზღვევის სახელმწიფო ზედამხედველობის სამსახურმა მასწავლებლებისათვის ორგანიზებული კონკურსის „ფინანსური განათლება სკოლაში“ გამარჯვებული მასწავლებლები გამოავლინეს. მასწავლებელთა კონკურსი შარშან ივნისში გამოცხადდა. კონკურსის პირობების მიხედვით, დაინტერესებულ მასწავლებლებს ეროვნული სასწავლო გეგმით გათვალისწინებული ფინანსური წიგნიერების საკითხების შესასწავლად საინტერესო სასწავლო აქტივობები უნდა შეექმნათ. კონკურსის მიზანი იყო მოსწავლეებში ფინანსური განათლების საკითხებით დაინტერესების გაზრდა, ეროვნული სასწავლო გეგმით გათვალისწინებულ ფინანსური წიგნიერების საკითხებზე დამხმარე სასწავლო მასალების შექმნა და საბოლოოდ მოსწავლეებში ამ საკითხების ეფექტურად სწავლების მხარდაჭერა. კონკურსში მასწავლებლები საქართველოს ყველა კუთხიდან ჩაერთნენ. კერძო და საჯარო სკოლების სხვადასხვა სკოლის 65 მასწავლებლიდან ფინალურ ეტაპზე 20 მასწავლებელი გადავიდა. საბოლოოდ, ჟიურიმ, რომელიც კონკურსის პარტნიორი ორგანიზაციების წარმომადგენლებისგან შედგებოდა, 5 სპეციალური პრიზის, ორი – მეორე ადგილის და სამი – პირველი ადგილის მფლობელი გამოავლინა. სტუმარი: ქეთი ახალკაცი - სებ-ის ფინანსური განათლებისა და სტრატეგიული განვითარების დეპარტამენტის უფროსი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
დღეს გავიგებთ, გამოასახლებენ თუ არა კიდევ ერთ ოჯახს სესხის დაუბრუნებლობის გამო. კეკელიძის პირველი ნომრის ეფექტი უკვე იყო ის, რომ კიდევ ერთი დაგეგმილი გამოსახლება უკვე გადაიდო. როგორ შეიძლება ამ პრობლემის სისტემურად მოგვარება – და არსებობს თუ არა მოკლევადიანი გამოსავალი? სტუმარი: გია ფოლადიშვილი - ადვოკატი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
საქართველოს ეროვნული ბანკი გეგმავს, რომ კომერციულ ბანკებს, მომხმარებელთან გაფორმებულ სასესხო ხელშეკრულებებში შეაცვლევინოს მუხლები, რომლითაც კრედიტები რეფინანსირების განაკვეთზე არის მიბმული. სებ-ში შესაბამისი განხილვები უკვე დაწყებულია და იგეგმება, რომ ცვლადგანაკვეთიანი სესხები რეფინანსირების განაკვეთის ნაცვლად თბილისის ბანკთაშორის საპროცენტო განაკვეთს (TIBR-ის ინდექსს) მიებას. ეროვნულ ბანკში აღნიშნავენ, რომ TIBR ინდექსი მეტად საბაზრო და სამართლიანი ინსტრუმენტია, ის უფრო სწორი მექანიზმია, მობილურია და ზუსტად ასახავს ბაზრის დინამიკას. ახალ ინდექსზე გადასვლის პროცესი 2023 წლიდან დაიწყო და ის 2024 წელსაც გაგრძელდება. ფულადი ბაზრის ინდექსები გამოიყენება ისეთი ფინანსური ინსტრუმენტის ფასწარმოქმნისას, როგორიცაა მცურავგანაკვეთიანი ობლიგაციები და საბანკო სესხები, ასევე დერივატივები. ფულადი ბაზრის ინდექსები უზრუნველყოფს ფინანსური ინსტრუმენტების ფასწარმოქმნის გამჭვირვალობას, ბაზრის მონაწილეთა შორის რისკების გადანაწილებას და საპროცენტო განაკვეთის რისკის მართვას. სტუმარი: ოთარ ნადარაია - თიბისის მთავარი ეკონომისტი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
ლიბერთი, სხვა პარტნიორებთან და დონორებთან ერთად, პროექტის, „ახალგაზრდული მეწარმეობა სოფლის განვითარებისთვის“ მხარდამჭერია. 2 დღის წინ ამ პროექტის ფინალისტთა დაჯილდოების ცერემონიალი გაიმართა. პროექტი RDYE-ის მეორე ციკლის 22 ფინალისტმა საკუთარი საწარმოს შექმნისა და გაფართოების მიზნით, ჯამში ნახევარ მილიონ ლარზე მეტ დაფინანსება მიიღო. სტუმრები: ირაკლი აბაშიძე - ლიბერთის მცირე და საშუალო ბიზნესის მიმართულების დირექტორის მოადგილე; უჩა ვარამაშვილი - RDYE პროექტის კოორდინატორი #ახალიამბები #BusinessMediaGeorgia
თიბისის ბიზნესდაჯილდოების 2 ფინალისტი უნდა გაგაცნოთ. ეს ორი ბიზნესი, სხვებთან ერთად 400 მონაწილე კომპანიას შორის არიან არჩეული, ხოლო საბოლოო გამარჯვებულები კი თებერვალში გამოვლინდებიან. ახლა გაგაცნობთ KLIPY-ის თანადამფუძნებელს გივი ბერიძეს, რომლის ბიზნესი ნომინაციაზე საუკეთესო ინოვაციური სტარტაპისთვის არის წარდგენილი და ასევე სტოქტონის დამფუძნებელს, კოკა გოგოხიას. კოკას სტოქტონი, ნომინაციაში -საუკეთესო პროდუქტის შექმნისთვის - გამარჯვებისთვის იბრძოლებს. სტუმრები: გივი ბერიძე - KLIPY-ის თანადამფუძნებელი; კოკა გოგოხია - სტოქტონის დამფუძნებელი; #ახალიამბები #BusinessMediaGeorgia
გუშინ, თიბისისა და ჰოლანდიის განვითარების ბანკს შორის 80 მილიონი ევროს ოდენობის სასესხო ხელშეკრულება გაფორმდა. მიღებული სესხი, მიზნად ისახავს თიბისი კაპიტალის სტრუქტურის გაძლიერებას და მისი გრძელვადიანი მდგრადობის ზრდას უზრუნველყოფს. ამ შეთანხმების თანახმად, თიბისის ფინანსურ რესურს 6 ევროპული ორგანიზაცია გამოუყოფს. ესენი არიან ფინური ფონდი ინდუსტრიული თანამშრომლობისთვის, დანიის საინვესტიციო ფონდი განვითარებადი ქვეყნებისთვის და განვითარებადი ბაზრების დაკრედიტებაზე ორიენტირებული ILX Fund-ი. აღსანიშნავია, რომ ღონისძიებას, ჰოლანდიის ელჩი საქართველოში და ფინეთის საელჩოების წარმომადგენლებიც ესწრებოდნენ. #ახალიამბები #BusinessMediaGeorgia
2023 წლის დეკემბერში თბილისში უძრავი ქონების გაყიდვის ტრანზაქციები 4%-ით შემცირდა, ხოლო კვადრატული მეტრი უძრავი ქონების საშუალო გასაყიდი ფასი კი 12%-ით გაიზარდა. 1%-თ გაიყიდა საიჯარო ფასი. კიდევ რა ტენდენციები დაინახა საქართველოს ერთ-ერთმა წამყვანმა საინვესტიციო ბანკმა თბილისის უძრავი ქონების ბაზარზე შარშანდელ დეკემბერში?
ტექნოლოგიურ განვითარებასთან ერთად მუდმივ გამოწვევად კიბერუსაფრთხოება რჩება. კიბერ და ინფორმაციული უსაფრთხოების საფუძვლების ცოდნა კი სამომხმარებლო დონეზეც მნიშვნელოვან საკითხად ყალიბდა, აღარაფერს ვამბობ ბიზნესზე, რომლისთვისაც ინფორმაციის დაცვა და შენახვა ერთ-ერთი უმთავრესი პრიორიტეტი უნდა იყოს. BMGDRIVE ის სტუმარი გიორგი იაშვილი იყო, კიბერუსაფრთხოების სპეციალისტი და კომპანია "CYBER TRUST"-ის დამფუძნებელი, რომელსაც მაყურებლის ნაწილი ინტელექტკლუბიდან, რა? სად? როდის? იცნობს. #BMGDrive-ის მგზავრი: გიორგი იაშვილი - Cyber trust-ის დამფუძნებელი ავტორები: ბექა ბაციკაძე, კაკი პაიჭაძე; #ახალიამბები #BusinessMediaGeorgia
"რაიმონდ რეზიდენსი" - პირველი სკანდინავიური პროექტია ბაკურიანში. პროექტის მშენებლობა უკვე დასრულებულია და ახლა შიდა სამუშაოები მიმდინარეობს. სტუმარი: შალვა გოგოლაძე - “რაიმონდ რეზიდენსის” დირექტორი; #ახალიამბები #BusinessMediaGeorgia
ქართული ბრენდი, რომელიც ერთ-ერთ ყველაზე მნიშვნელოვან, კულტურულ და ისტორიულ პროდუქტს, ღვინოს ყიდის და მის პოპულარიზაციაზე ზრუნავს. ბრენდი, რომელიც დასაწყისშივე გლობალური განვითარების მისიით შეიქმნა და გეგმის შესრულება 8 წლის თავზე შეუდგა. 8000 მოსავლის და შესაბამისად 100 ობით მეღვინეს პირველი გაჩერება ბერლინია, მაგრამ არა ბოლო. როგორ შეიქმნა ბრენდი, რა არის მისი მთავარი ღირებულებები და განვითარების რა გეგმები აქვთ მის დამფუძნებლებს? ირაკლი ჩხაიძე - 8000 მოსავალი, თანადამფუძნებელი/დირექტორი; #BrandVoice #ბრენდისხმა #ახალიამბები #BusinessMediaGeorgia
#პროფესიონალი მენეჯერი & ექიმი - ნინო გამყრელიძე
VR Holding-მა არქიტექტორულ კომპანია - NS Studio-სთან თანამშრომლობის ხელშეკრულება გააფორმა. აღნიშნული პარტნიორობა VR holding-ის კიდევ ერთ მასშტაბურ დეველოპერულ პროექტს VR Vake Skyview Tower-ს უკავშირდება. ვიარ ჰოლდინგი ეძებდა კომპანიას, რომელიც მრავალფუნქციური კომპლექსის - საპროექტო დოკუმენტაციას მოამზადებდა. ამისთვის კონკურსი გამოცხადდა, რომელშიც დიდი გამოცდილების მქონე - NS Studio-მ გაიმარჯვა. VR Vake Skyview Tower მასშტაბური პროექტია, რომელიც ვაკეში, ჭავჭავაძის ქუჩაზე აშენდება. ის უამრავ სივრცესთან, მათ შორის სარეკრეაციო ზონებთან ერთად Marriott Executive Apartments-ის 5-ვარსკვლავიან აპარტამენტებს გააერთიანებს. ლილე ყიფიანი - VR Holding-ის მარკეტინგის მენეჯერი; #ახალიამბები #BusinessMediaGeorgia
She’s Next Empowered by Visa-ს მე-4 ტალღის ფარგლებში, ქალებისთვის გამოცხადებული ბიზნეს იდეების კონკურსი გუშინ, საზეიმო ვითარებაში სამი გამარჯვებულის გამოვლენით დასრულდა. თითოეულმა მათგანმა 10 000 ლარის ოდენობის ფულადი პრიზი მიიღო და ამასთან, აღსანიშნავია ისიც, რომ გამარჯვებულებს მათ ინტერესებზე მორგებული მენტორული სესიაც ჩაუტარდებათ. კამპანია - She’s Next Empowered by Visa - USAID-ის ეკონომიკური უსაფრთხოების პროგრამისა და ბიზნესფედერაცა "ქალები მომავლისთვის" მხარდაჭერით წელს უკვე მეოთხედ ჩატარდა. მისი მიზანი ქალი მეწარმეების გაძლიერება და მათი ხელშეწყობაა, სხვადასხვა რესურსის, მათ შორის დაფინანსების შესაძლებლობის შეთავაზების გზით. #ახალიამბები #BusinessMediaGeorgia
საქართველოს ბანკის სტუდენტების დასაქმების ყოველწლიური პროგრამა - ლიდერატორი იწყება. აღნიშნული პროგრამის განხორციელება ბანკმა 2017 წელს დაიწყო, მისი მთავარი მიზანი სტუდენტებისთვის დასაქმების ხელშეწყობა და სასურველი პროფესიის არჩევის პროცესის გამარტივებაა. ამ დრომდე მან 400 მონაწილე გააერთიანა, რომელთა 85% უკვე დასაქმებულია. #ახალიამბები #BusinessMediaGeorgia
ბოლო ერთი წელია ხელოვნური ინტელექტი განსაკუთრებული პოპულარობით სარგებლობს, მაიკროსოფტის საბაზრო კაპიტალიზაციის 3 ტრლს ასვლაც ამის დასტურია.თანაც არამხოლოდ ტექნოლოგიურ სექტორში, AI ხელსაწყოებს უკვე ყველა დარგში აქტიურად იყენებენ. მოთხოვნამ და ინტერესმა, ცხადია, ამ პლატფორმების რაოდენობაც გაზარდა და მათ შორის კონკურენციაც. #ახალიამბები #BusinessMediaGeorgia
#საქმიანიდილა - 26 იანვარი - პროლოგი #ახალიამბები #BusinessMediaGeorgia
ალკოჰოლური სასმელების პირველი მაღაზია საუდის არაბეთში #ახალიამბები #BusinessMediaGeorgia
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2023 წლის 1 იანვრიდან 31 დეკემბრის ჩათვლით 12 772 გარემოსდაცვითი სამართალდარღვევა გამოავლინეს. მათგან 535 ფაქტი სისხლის სამართლის დანაშაულის ნიშნებს შეიცავს და მასალები, შემდგომი რეაგირების მიზნით, საგამოძიებო ორგანოებს გადაეგზავნა. ყველაზე მეტი - 3 111 ფაქტი, უკანონო ტყით სარგებლობას ეხება. მათგან 1 465 ტყის კანონმდებლობის დარღვევის ფაქტია, 922 - ხე-ტყის უკანონო ტრანსპორტირების წესის დარღვევა, 724 კი - სახერხი საამქროების მიერ ტექნიკური რეგლამენტის დარღვევის ფაქტია. აღსანიშნავია, რომ გასულ წელს, უკანონო ტყით სარგებლობასთან ბრძოლის ფარგლებში, ქვეყნის მასშტაბით გამოვლენილია 75 უკანონო სახერხი საამქრო. 12 თვის განმავლობაში დეპარტამენტის თანამშრომლებმა ასევე გამოავლინეს ნარჩენების მართვის კოდექსის დარღვევის 2 595, ატმოსფერული ჰაერის კანონმდებლობის დარღვევის 2 097, თევზჭერისა და ნადირობის წესების დარღვევის - 1 477, წყლის კანონმდებლობის დარღვევის - 775, მიწის კანონმდებლობის დარღვევის - 706, წიაღის უკანონო მოპოვების - 686, ნებართვის პირობების დარღვევის/უნებართვო საქმიანობის - 454 ფაქტი. ამავე პერიოდში, სხვა გარემოსდაცვითი სამართალდარღვევის 871 ფაქტია გამოვლენილი. რეგიონების ჭრილში თუ შევხედავთ მონაცემებს, ვნახავთ, რომ დარღვევების ყველაზე მეტი - 2 621 ფაქტი გამოავლინეს კახეთში, 2 180 სამართალდარღვევაა აღკვეთილი დასავლეთის რეგიონული სამმართველოს სამოქმედო ტერიტორიაზე, 1 867 - აჭარისა და გურიის რეგიონული სამმართველოს სამოქმედო ტერიტორიაზე, 1 648 - სამეგრელო-ზემო სვანეთში, 1053 - მცხეთა-მთიანეთში, 883 - შიდა ქართლში, 836 - ქვემო ქართლში, 786 კი - სამცხე-ჯავახეთში. რაც შეეხება დედაქალაქს, გარემოსდაცვითი ზედამხედველობის დეპარტამენტის თანამშრომლების მიერ, 2023 წლის 1 იანვრიდან 31 დეკემბრის ჩათვლით, თბილისში 833 გარემოსდაცვითი სამართალდარღვევაა გამოვლენილი. მათგან 21 ფაქტი სისხლის სამართლის დანაშაულის ნიშნებს შეიცავს და მასალები გადაიგზავნა შესაბამის უწყებებში. რა ტიპის ზედამხედველობას ვახორციელებთ და რამდენად ახლოსაა მონაცემები #ახალიამბები #BusinessMediaGeorgia
საქართველოს კონკურენციისა და მომხმარებლის დაცვის სააგენტომ თხევადი და ბუნებრივი აირის ბაზრის მონიტორინგი დაასრულა. სააგენტომ კონკურენტული გარემო ბუნებრივი გაზის საცალო, თხევადი გაზის იმპორტის და საცალო სარეალიზაციო დონეზე შეაფასა. ასევე, დეტალურად შეისწავლა საცალო ბაზარზე მოქმედი კომპანიების ფასწარმოქმნა და პროდუქტის თვითღირებულება. მონიტორინგის შედეგების მიხედვით კი დადგინდა, რომ 2019-2022 წლებში, როგორც თხევადი ასევე ბუნებრივი გაზის საცალო ბაზარზე ფასის ცვლილება განპირობებული იყო საბაზრო ფაქტორებით და საცალო ფასის ცვლილება კორელაციაშია მასზე მოქმედ ძირითად ფაქტორთან. სტუმარი: ირაკლი ლექვინაძე - საქართველოს კონკურენციისა და მომხმარებლის დაცვის სააგენტოს ხელმძღვანელი #ახალიამბები #BusinessMediaGeorgia
თბილისის მერია აღმაშენებლის ხეივანზე ავტობუსის ზოლების მოწყობას გეგმავს. როგორც გუშინ გამართულ მთავრობის სხდომაზე მერმა კახა კალაძემ განაცხადა დიდი დიღმიდან გამოსვლა ჭირს, ამიტომაც საჭიროა, გარკვეული ღონისძიებები. შესაბამისი დავალება კალაძემ ვიცე-მერ ირაკლი ხმალაძეს და ტრანსპორტისა და ურბანული განვითარების სააგენტოს ხელმძღვანელს, ვიქტორ წილოსანს მისცა, რათა დაიწყონ მუშაობა სამოქმედო გეგმაზე, გაწერონ რეკომენდებულ ღონისძიებებზე მუშაობის დაწყების თარიღები, ხოლო შედეგები საზოგადოებას წარუდგინონ. თბილისის სატრანსპორტო განვითარების გეგმის მიხედვით, დიდი დიღომი, შესაძლოა, ქალაქის ცენტრს ტრამვაით დაუკავშირდეს. 80-გვერდიან დოკუმენტში საუბარია იმ ნაბიჯების შესახებ, რაც ურბანული მობილობის გაუმჯობესებისთვის საჭიროა. დოკუმენტი ტრანსპორტისა და ურბანული განვითარების სააგენტოსთვის მოამზადა დანიურმა საკონსულტაციო კომპანია "რამბოლმა", აზიის განვითარების ბანკის ფინანსური მხარდაჭერით. დოკუმენტში საუბარია რამდენიმე ალტერნატიულ სცენარზე, რომლითაც დიდი დიღმის ცენტრალურ უბნებთან დაკავშირების გეგმები არსებობს. კვლევის მიხედვით, ამ მიმართულებით სატრანსპორტო კვანძების განვითარება აუცილებელია, რადგანაც მოსალოდნელია, რომ 2042 წლამდე დიდი დიღმის მოსახლეობა 54.6%-ით გაიზრდება. რამდენად განტვირთავს მოძრაობას გელოვანისა და აღმაშენებლის გამზირებზე ბასლეინების მოწყობა? სტუმარი: მევლუდ მელაძე - "საავტომობილო ფედერაციის" ვიცე-პრეზიდენტი; #საქმიანიდილა #ბიზნესმედია #საქმიანები #BMG
რესპუბლიკური საავადმყოფოს ექიმები ხვალ 3 საათზე ჯანდაცვის სამინისტროსთან მინისტრთან შეხვედრის მოთხოვნით, საპროტესტო აქციას გამართავენ. გუშინ გამართულ აქციაზე კი ექიმები ამბობდნენ, რომ მთავრობამ კლინიკის დაანონსებული დანგრევის გადაწყვეტილება ექსპერტიზის დასკვნისა და მათი ჩართულობის გარეშე მიიღო. მედპერსონალი აცხადებს, რომ ადგილი აქვს ექიმების გაყრას და დასაქმებულთა მიმართ ფინანსურ შანტაჟს. საუბარია ჯანდაცვის სამინისტროს შეთავაზებაზე, რომლის მიხედვითაც ნებისმიერი თანამშრომელი, რომელიც მხოლოდ რესპუბლიკურ საავადმყოფოშია დასაქმებული, კომპენსაციის სახით, ერთჯერადად, 12 თვის ხელფასით იქნება უზრუნველყოფილი. თუ კლინიკის თანამშრომელი სხვა დაწესებულებაშიც მუშაობს კომპენსაციის სახით, 4 თვის ხელფასს მიიღებს. სამედიცინო პერსონალი, რომელიც 12-თვიან კომპენსაციაზე უარს განაცხადებს, ჯანდაცვის სამინისტრო, სხვა სამედიცინო კლინიკაში, იგივე პოზიციაზე დასაქმებასა და 4 თვის ხელფასის ოდენობით კომპენსაციას შესთავაზებს. სამედიცინო პერსონალი, რომელიც არ მუშაობს სხვა დაწესებულებაში და სამინისტრო, ალტერნატიულ სამსახურს ვერ შესთავაზებს, უწყება, 3 წლის განმავლობაში, დასაქმებამდე, ყოველთვიურ სახელფასო ანაზღაურებას გადაუხდის. აღნიშნულ შეთავაზებაზე 650-მდე დასაქმებულმა გადაწყვეტილება ნაცვლად დაანონსებული 90 დღისა, 2 კვირის ვადაში, 5 თებერვლამდე უნდა მიიღოს. რას ითხოვენ ექიმები? სტუმარი: ნინო ოთარიშვილი - რესპუბლიკური საავადმყოფოს კარდიოლოგიური განყოფილების ხელმძღვანელი; #ახალიამბები #BusinessMediaGeorgia
#ფინტექისაქართველოში: ფინანსური ტექნოლოგიების ეკოსისტემის განვითარების ტენდენციები სტუმრები: დავითი დუდაშვილი - სებ-ის ფინანსური და საზედამხედველო ტექნოლოგიების დეპარტამენტის წარმომადგენელი; ნიკა ხიდურელი - სტენფორდის ბიზნეს სკოლის კურსდამთავრებული და პირველი ქართული სტარტაპ სტუდიის, NGT პარტნერსის მმართველი პარტნიორი #ახალიამბები #BusinessMediaGeorgia
2024-ის დასაწყისს ფროდაქშენ სააგენტო მეტრო შესანიშნავი სიახლით შეხვდა – Metro Production საერთაშორისო გლობალური ფროდაქშენების გაერთიანება Supercluster-ს შეუერთდა. Supercluster-ში მოხვედრა თითო ქვეყნიდან მხოლოდ 1 კომპანიას შეუძლია. შემოქმედებით პლატფორმებთან ერთ კომუნაში მოხვედრა სრულიად ახალ შესაძლებლობებს ხსნის სააგენტოსთვისაც და ქართული შემოქმედებითი ინდუსტრიისთვისაც. რას ნიშნავს Supercluster-ის წევრობა და როგორია განვითარების სამომავლო გეგმა და გზა სტუმრები: მაია გურაბანიძე - Metro Production-ის თანადამფუძნებელი; სანდრო გაბილაია - Metro Production-ის თანადამფუძნებელი; #ახალიამბები #BusinessMediaGeorgia
ექიმად უნდა დაიბადო - არჩილ ჩხოტუა არჩილ ჩხოტუა - ექიმი, ტრანსპლანტოლოგი, უროლოგი; ავტორები: მანანა მანჯგალაძე, გურამ ხუნდაძე, ლადო ცხადაია #ახალიამბები #BusinessMediaGeorgia
"ჰერბიას” 2023 წელი და 2024-ის გეგმები ზურაბ ჯანელიძე - "ჰერბიას“ დამფუძნებელი; #ახალიამბები #BusinessMediaGeorgia
გუშინ, 24 იანვარს, გამოსახლების პროცესი იყო დაგეგმილი დადიანის N259-ში, სადაც 48 წლის მარიამ კაკიაშვილი ორ არასრულწლოვან შვილთან ერთად ცხოვრობს. თუმცა, სოციალურად დაუცველი ოჯახის გამოსახლების პროცესი გადაიდო. დადიანის ქუჩაზე განვითარებულ მოვლენებს, ადვოკატი, მარიკა არევაძე, სოციალურ ქსელში გამოეხმაურა და ბოლო წლებში გახშირებულ ნასყიდობა-გამოსყიდვაზე წერს და განმარტავს, რა განსხვავებაა სესხის ხელშეკრულებასა და ნასყიდობა-გამოსყიდვის ხელშეკრულებას შორის. როგორც მარიკა არევაძე აღნიშნავს, ამ ორ ხელშეკრულებას ორი განსხვავებული იურიდიული შედეგი აქვს. სტუმარი: მარიკა არევაძე - ადვოკატი, უფლებადამცველი #ახალიამბები #BusinessMediaGeorgia
Trading Economics-ის ცნობით, იანვარში ურანის ფასი ზრდას განაგრძობს და მისმა ღირებულებამ 1 ფუნტზე 92 დოლარს მიაღწია, რაც 2007 წლის შემდეგ უმაღლესი მაჩვენებელია. ფასების ზრდა ძირითადად ურანზე მოთხოვნის ზრდის ნიშნებითა და ამავდროულად მიწოდების შესახებ გაზრდილი რისკებით არის განპირობებული. ენერგოკომპანიებმა 2023 წელს 72 600 ტონა ურანის მიწოდებაზე გააფორმეს კონტრაქტები, რაც 2012 წლის შემდეგ, ყველაზე დიდი ოდენობაა. წიაღისეული საწვავის ფასების ცვალებადობამ და დეკარბონიზაციის ამბიციურმა მიზნებმა აიძულა შეერთებული შტატები და 20 სხვა ქვეყანა, გამოაცხადონ გეგმები 2050 წლისთვის ბირთვული სიმძლავრის გასასამმაგებლად. ამ მოცემულობიდან გამომდინარე, გადავწყვიტეთ მსოფლიოში ურანის უმსხვილესი მომპოვებლების სიისთვის გადაგვეხედა, რომლებმაც 1945-2022 წლებში ყველაზე დიდი ოდენობით ურანი მოიპოვეს. #ახალიამბები #BusinessMediaGeorgia
ალტაში სამსუნგის Samsung Galaxy S24 სერიის სმარტფონების პრეზენტაცია მოეწყო, სადაც სტუმრები Samsung Galaxy S24 სერიის ულიმიტო შესაძლებლობებს, სიახლეებს და უმნიშვნელოვანეს ფუნქციებს გაეცნენ. Samsung Galaxy S24 გაყიდვების პირველივე დღეს ვინც შენაძენი გააკეთა ალტასგან, არამარტო სამსუნგის სპეციალური აქსესუარებით, Galaxy Watch ან Buds2 Pro-თი დასაჩუქრდნენ, არამედ დამატებით ალტას 500 ლარიანი ვაუჩერებიც მიიღეს. Galaxy S24 Ultra, Galaxy S24+ და Galaxy S24- - პირველი Galaxy სმარტფონებია, რომლებიც მხარდაჭერილია ხელოვნური ინტელექტით. #ახალიამბები #BusinessMediaGeorgia
გუშინ ლიბერთის მხარდაჭერით პროექტის "ახალგაზრდული მეწარმეობა სოფლის განვითარებისთვის", გამარჯვებულების დაჯილდოება გაიმართა. 22-მა გამარჯვებულმა ჯამურად 500 000 ლარის ოდენობის გრანტი მიიღო, რომელიც სრულად მათი ბიზნეს იდეისა თუ უკვე არსებული საქმიანობის გაფართოებასა და განვითარებას მოხმარდება. ლიბერთი ამ პროექტის განხორციელების პროცესში აქტიურად იყო ჩართული და მათი მხრიდან მეწარმეების ფინანსური განათლების სამ ეტაპიანი პროგრამაც კი ჩაეშვა. #ახალიამბები #BusinessMediaGeorgia
Index | Wealth Management-ი არის 15-წლიანი გამოცდილების მქონე პროფესიონალებისგან დაკომპლექტებული უძრავი ქონების დეველოპერული და საკონსულტაციო კომპანია, რომელიც მართალია ქართულ ბაზარზე არც თუ ისე დიდი ხნის წინ გამოჩნდა თუმცა, გამორჩეული ხედვითა და სტრატეგიით, ქართული დეველოპერული ბაზრის ერთ-ერთ თვალსაჩინო წარმომადგენლად ჩამოყალიბდა. კომპანია ამჟამად თბილისის სხვადასხვა უბანში ჯამურად 100 მილიონი დოლარის საინვესტიციო პროექტებს ახორციელებს და როგორც ამბობენ ეს მხოლოდ დასაწყისია, გეგმები და მიზნები კი კიდევ უფრო მასშტაბური და ამბიციური აქვთ. ნინო ჩხიკვაძე - Index | Wealth Management-ის გაყიდვების ხელმძღვანელი; #ახალიამბები #BusinessMediaGeorgia
#საქმიანიდილა - 25 იანვარი - პროლოგი #ახალიამბები #BusinessMediaGeorgia
ნახევარ წელზე მეტია ფოთსა და კონსტანცას შორის საბორნე მიმოსვლა დაიწყო. ამ მარშრუტით ცენტრალური აზიიდან მომავალი ტვირთები საქართველოს გავლით უმოკლესი გზით უკავშირდება ევროპას. ბორანს სატვირთო ავტომობილებისა და კონტეინერების გადაზიდვის გარდა, მსუბუქი ავტომობილებისა და მგზავრთა გადაყვანის შესაძლებლობაც აქვს. მენეჯმენტ კომპანია აცხადებს, რომ მოთხოვნა ამ მარშრუტზე დიდია, თუმცა გამოიკვეთა გამოწვევებიც. ძირითადი პრობლემები ტვირთის გაფორმების დროს ფიქსირდებოდა, რაც ბორნის დატვირთვას აჭიანურებს. მოგვარდა თუ არა საბაჟო პროცედურებთან დაკავშირებული პრობლემები და რამდენად დიდია მოთხოვნა საბორნე მარშრუტზე? სტუმარი: ნათია გოზალიშვილი - ITMC-ის დირექტორი #ახალიამბები #BusinessMediaGeorgia
2023 წელი რეკორდული გამოდგა სადაზღვევო ინდუსტრიისთვის. სექტორის ზედამხედველი გასული წლის 11 თვის მონაცემებზე დაყრდნობით აცხადებს, რომ 2023 წელს სადაზღვევო კომპანიები დაახლოებით 70 მილიონი ლარის წმინდა მიგებით დაასრულებენ, რაც წლიურად 79%-იან ზრდას წარმოადგენს. ბოლო 5 წლის განმავლობაში გაორმაგებულია მოზიდული პრემიის მოცულობა და ის პირველად გადააჭარბებს 1 მილიარდ ლარს. კერძოდ, გასულ წელს ინდუსტრიის მიერ მოზიდული პრემია დაახლოებით მილიარდ 50 მილიონ ლარს მიაღწევს, რაც 15%-იან ზრდას წარმოადგენს. ბაზრის ზრდასთან ერთად გაზრდილია ანაზღაურებული ზარალების მოცულობაც. სადაზღვევო კომპანიებმა გასულ წელს დაახლოებით 630 მილიონი ლარის ზარალები აანაზღაურეს, 27%-ით მეტი, ვიდრე 2022 წელს. სექტორის მარეგულირებელი აცხადებს, რომ სადაზღვევო ბაზრის ზრდა სამედიცინო დაზღვევის, ავტოდაზღვევისა და სიცოცხლის დაზღვევის სახეობებში მოზიდული პრემიის მნიშვნელოვანი ზრდით არის განპირობებული. მოლოდინია, რომ თუ მესამე პირის მიმართ პასუხისმგებლობის სავალდებულო დაზღვევა ამოქმედდება, ბაზარი დამატებით 30%-ი გაიზრდება. სტუმარი: ლაშა ნიკოლაძე - დაზღვევის კავშირის აღმასრულებელი მდივანი; #ახალიამბები #BusinessMediaGeorgia
საქმეთა გაჭიანურება სასამართლო სისტემაში კვლავ გადაუჭრელ პრობლემად რჩება. დემოკრატიის ინდექსი - საქართველოს უახლესი კვლევით გამოიკვეთა, რომ მოსამართლეთა ნაკლებობა არ არის საქმეთა გაჭიანურების ერთადერთი ან გადამწყვეტი მიზეზი. პროფესიული წრეების გამოკითხვით დასტურდება, რომ გასულ წლებში სასამართლოს მენეჯმენტის ერთიანი სისტემის შექმნამ საქმეთა გაჭიანურების პრობლემის დაძლევის მიმართულებით წინსვლა ვერ გამოიწვია. ქვეყანას დღემდე არ აქვს საკანონმდებლო სამართლებრივი დაცვის საშუალება მოქალაქეებისთვის იმ შემთხვევაში, თუ საქმის განხილვის გაჭიანურება ხდება. კვლევას თუ დავეყრდნობით, სასამართლოში საქმეთა განხილვის გაჭიანურების მასშტაბურობა ძირითადად განპირობებულია ადმინისტრაციულ და სამოქალაქო საქმეთა გაჭიანურებით პირველი ინსტანციის სასამართლოებში. განხილვის სავარაუდო საშუალო ხანგრძლივობა კი წლების განმავლობაში ზრდადია , 2018-დან 2020 წლამდე 2 ჯერ გაიზარდა და 400 დღეს გადააჭარბა. განხილვის პროცესი ვერ დააჩქარა კომერციული დავების ვიწრო სპეციალიზაციის შექმნამაც. როგორც ცნობილია, თბილისის საქალაქო სასამართლოს სამოქალაქო კოლეგიაში კომერციული დავების განმხილველი სპეციალური მიმართულება 2017 წელს შეიქმნა. ვიწრო სპეციალიზაცია 500 ათას ლარს ზევით დავის საგნის მქონე საინვესტიციო და კომერციულ დავებს განიხილავს. „ე.წ. კომერციული კოლეგიებისა და პალატების შექმნით არაფერი შეცვლილა. არანაირი განსხვავება არაა 500 000-ის ზემოთ არის საქმე თუ ქვემოთ. როცა ინტერესია სწრაფად იხილავენ, როცა ინტერესია აჭიანურებენ”.- ეს არის ერთ- ერთი იურისტის კომენტარი, რომელიც დემოკრატიის ინდექსის უახლოეს კვლევაში მოხვდა. რა იწვევს სასამართლოების გადატვირთულობას, როგორ არის შესაძლებელი საქმეთა განხილვის დაჩქარება და რა სისტემური ცვლილებებია საჭირო საერთო სასამართლოებში? სტუმარი: ზვიად კორძაძე - “ზვიად კორძაძის საადვოკატო ბიუროს” მმართველი პარტნიორი; #ახალიამბები #BusinessMediaGeorgia
ფეროშენადნობების სექტორი ისევ კრიზისშია. გასულ წელს ექსპორტი 180,6 მილიონ დოლარამდე შემცირდა, რაც წლიურად 60%-იანი კლებაა. ფეროშენადნობები წლების განმავლობაში საქართველოს ერთ-ერთი წამყვანი საექსპორტო საქონელი იყო და უმსხვილესი საექსპორტო საქონლის ათეულში დღესაც შედის, თუმცა 2023 წლიდან სექტორი კრიზისშია. გლობალურ ბაზარზე ფასის ვარდნის გამო საქართველოში უმსხვილესმა ქარხნებმა საწარმოო სიმძლავრეები მინიმუმამდე შეამცირეს და ამ რეჟიმში ოპერირება დღემდე შენარჩუნებულია. 2022 წელს საქართველოდან ფეროშენადნობების ექსპორტმა 460 მილიონი დოლარი შეადგინა, რაც გასულ წელს 180, 6 მილიონ დოლარამდე შემცირდა. ასეთი მკვეთრი ვარდნა ამ საქონლის ექსპორტში სხვა წლების განმავლობაში არ დაფიქსირებულა. მთავარი საექსპორტო ბაზარი ამერიკის შეერთებული შტატებია, სადაც გასულ წელს 69 მილიონი დოლარის ღირებულების ექსპორტი განხორციელდა. მიუხედავად მაღალი საბაჟო მოსაკრებლის დაწესებისა, საქართველოდან ფეროშენადნობები მაინც გადის რუსეთში. ის საექსპორტო ხუთეულში, მეორე ადგილზეა, მესამეზეა თურქეთი. როგორ ოპერირებს ეს სექტორი კრიზისულ პერიოდში და რამდენად დამაიმედებელია საერთაშორისო ბაზარზე მიმდინარე ტენდენციები? სტუმარი: ნუგზარ კევლიშვილი - ფეროშენადნობთა ასოციაციის ხელმძღვანელი; #ახალიამბები #BusinessMediaGeorgia
მათთვის, ვისაც საფონდო ბირჟაზე არსებული ტენდენციები აინტერესებს და სურს გაიგოს, რა შესაძლებლობები არსებობს გლობალურ ბაზარზე ინვესტირების მიმართულებით, Galt&Taggart; დღეს 19:00 საათზე ონლაინ შეხვედრას გამართავს. შეხვედრა დაეთმობა ისეთ საკითხებს, როგორიცაა, ინვესტირების ძირითადი პრინციპები, 2023 წელს საფონდო ბირჟაზე გამოკვეთილი ტენდენციები და 2024 წლის მოლოდინები. სტუმრები: დავით ნიშნიანიძე - Galt&Taggart;-ის საბროკერო დეპარტამენტის უფროსი; ნიკა მაზანაშვილი - Galt&Taggart;-ის ასოცირებული ბროკერი. #ახალიამბები #BusinessMediaGeorgia
თიბისი ბიზნესისთვის პროექტის მთავარი მესიჯია - ერთად ქვეყნის მამოძრავებელი ძალა ვართ - ამ სიტყვებს კი სტატისტიკა ადასტურებს, რომლის მიხედვითაც, თიბისის წილი MSME სეგმენტში 35%-ია და ამით ბაზრის ლიდერია. რუბრიკის პირველი გადაცემის სტუმრები "ვაინ ნოთის" თანადამფუძნებლები არიან. "ვაინ ნოთი" ღვინის ბარს და რესტორანს აერთიანებს, რომელიც 2019 წელს გაიხსნა და დღეს უკვე 2 ფილიალით არის წარმოდგენილი. სტუმრები: ნინო აბულაძე - "ვაინ ნოთის" თანადამფუძნებელი; ნინო ჭყოიძე - "ვაინ ნოთის" თანადამფუძნებელი #ახალიამბები #BusinessMediaGeorgia
თიბისის ბიზნეს დაჯილდოების ფინალისტები 5 ნომინაციაში 400-ზე მეტი კომპანიიდან შეირჩა, რომლებიც წლევანდელ დაჯილდოებაში მონაწილეობდნენ. ბიზნეს დაჯილდოება თიბისის ბიზნესის მხარდაჭერის პროექტია, რომელიც უკვე მეშვიდედ იმართება და მასში მონაწილეობა 3000-ზე მეტმა კომპანიამ მიიღო. გამარჯვებულებს ჟიური თებერვალში გამოავლენს. საუკეთესო ინოვაციური სტარტაპის ნომინაციაში - Roommate.ge შეირჩა. სტარტაპი ერთი წლის წინ შეიქმნა პლატფორმა, სტუდენტებს ეხმარება ინტერესების მიხედვით იპოვონ ერთმანეთი და გახდნენ ოთახის მეზობლები ბინის ქირის ხარჯის გაყოფის მიზნით. სტუმარი: მარიკა ხანთაძე - Roommate.ge-ის თანადამფუძნებელი; #ახალიამბები #BusinessMediaGeorgia
მომდევნო კვირას, ეროვნული ბანკი მონეტარულ განაკვეთთან დაკავშირებით გადაწყვეტილებას გამოაცხადებს, კომიტეტის სხდომის შედეგს და განმარტებებს, თუ რა არგუმენტით მიიღეს წევრებმა შესაბამისი გადაწყვეტილება ამასაც მოვისმენთ, წინასწარი პროგნოზით, საინვესტიციო ბანკები 0,25%-იან კლებას ელოდებიან. სტუმარი: ალექსანდრე ძნელაძე - საქართველოს საბანკო ასოციაციის პრეზიდენტი; #ახალიამბები #BusinessMediaGeorgia
ტურისტების მოზიდვის გარდა, ზოგიერთი ქალაქი ახალ მოსახლეებს ეძებს და ამისთვის არაერთ ინიციატივას ახორციელებს. ასეთ ქალაქებს შორის არის ხორვატიის ჩრდილოეთ მხარეში მდებარე პატარა ქალაქი - ლეგრადი. ქალაქში ამ დროისთვის სულ რაღაც 2000 ადამიანი ცხოვრობს. ახალი მაცხოვრებლების მოზიდვის მიზნით, ქალაქის მთავრობა ლეგრადში მდებარე ძველ, მიტოვებულ სახლებს 13 ცენტად ყიდის. ვის შეუძლია ხორვატიის ქალაქში დასახლება და რა პირობები წაუყენეს ახალ მოსახლეებს? #ახალიამბები #BusinessMediaGeorgia
2024 წელიც მოგზაურობებით დატვირთული იქნება. ამას ადასტურებს ამერიკული ფორბსის სტატიაც. გამოცემამ იმ მიმართულებების სია შეადგინა, რომელიც 2024 წელს ტოპ სამოგზაურო ლოკაციებად ჩამოყალიბდება. რომელ ქვეყნებში გვირჩევს ფორბსი მოგზაურობას? #ახალიამბები #BusinessMediaGeorgia
ადამიანები ყოველდღიურად ეკრანის წინ საშუალოდ შვიდ საათს ვატარებთ, იქნება ეს სამუშაო, გასართობი თუ კომუნიკაციის მიზნით. ეს მოცემულობა კი, ხაზს უსვამს იმას, თუ რამდენად ციფრული გახდა ჩვენი ცხოვრება. როგორც ფიზიკური კეთილდღეობის დონე განსხვავდება სხვადასხვა ქვეყანაში , ასევეა ციფრული კეთილდღეობაც. რომელ ქვეყნებშია ციფრული ცხოვრების ხარისხის ინდექსი ყველაზე მაღალი და რა შედეგი აქვს საქართველოს? ლიკა მეგუთნიშვილი - #BMG-ის რეპორტიორი; #ახალიამბები #BusinessMediaGeorgia
#საქმიანიდილა - 24 იანვარი - პროლოგი #ახალიამბები #BusinessMediaGeorgia
წყალი „ნაბეღლავი“ და ერთ-ერთი გამორჩეული ქართველი სპორტსმენი მერაბ დვალიშვილი, პარტნიორები გახდნენ. „ნაბეღლავი სპორტისთვის“ კამპანიის ფარგლებში UFC-ის ათლეტი ნაბეღლავთან ითანამშრომლებს და ქართული მინერალური წყლის სახელს საერთაშორისო სპორტულ ასპარეზზე გაიტანს. გარდა ამისა, აღსანიშნავია ისიც, რომ პარტნიორობის ფარგლებში ნაბეღლავი დვალიშვილის გულშემატკივრებს არაერთ საინტერესო აქტივობასაც შესთავაზებს. #ახალიამბები #BusinessMediaGeorgia
BMG და Tegeta Holding-ი წარმოგიდგენთ #BMGAuto-ს:
საქსტატის მონაცემებით, 2023 წელს საქართველოში საქონლით საგარეო სავაჭრო ბრუნვამ 21,5 მლრდ დოლარი შეადგინა, რაც წინა წელთან შედარებით 12.5%-ით მეტია. აქედან 6,090 მლრდ აშშ დოლარი ექსპორტზე (ზრდა 9.1%), ხოლო 15,4 მლრდ დოლარი იმპორტზე (ზრდა 14.0%) მოდის. ბრუნვის მიხედვით, მთავარი სავაჭრო პარტნიორი 2.9 მლრდ დოლარით თურქეთია. ქვეყნების თითქმის 3 მილიარდიან სავაჭრო ბრუნვაში, ძირითადი წილი იმპორტს უკავია. საიმპორტო ქვეყნების რეიტინგშიც თურქეთმა პირველი ადგილი დაიკავა. გასული წლის განმავლობაში საქართველომ მთავარი სავაჭრო პარტნიორიდან 2,570 მლრდ დოლარის ღირებულების საქონელი შეიძინა, რაც 2022 წლის მაჩვენებელს 13.8%-ით აღემატება. საქსტატის მიერ გამოქვეყნებული საგარეო ვაჭრობის წინასწარი მონაცემებით, ექსპორტში ადგილობრივი ექსპორტს 45.8%-იანი წილი უკავია და აღნიშნული მაჩვენებელი წინა წელთან შედარებით 24.4%-ით, 2 მილიარდ 791 მილიონ დოლარამდეა შემცირებული. წლის განმავლობაში ადგილობრივმა ექსპორტმა შემცირება თებერვლიდან დაიწყო და ყოველთვიურად უარყოფით ტენდენციას აჩვენებდა. 2023 წელს ადგილობრივი ექსპორტის ათეულში პირველ ადგილზე სპილენძის მადნები და კონცენტრატები, მეორე ადგილზეა ყურძნის ნატურალური ღვინოები, მესამეზე კი ადგილს ფეროშენადნობები იკავებს. უმსხვილესი საექსპორტო ქვეყნების ჭრილში კი ადგილობრივი საქონლის გაყიდვები 8 ქვეყანაში შემცირდა. 2023 წელს ათი უმსხვილესი ქვეყნის წილმა საქართველოს მთლიან ადგილობრივ ექსპორტში 73.1% შეადგინა. ამ მხრივ, უმსხვილესია საექსპორტო პარტნიორები რუსეთი, თურქეთი და ჩინეთი არიან. სტუმარი: დავით კეშელავა - ISET-ის კვლევითი ცენტრის მაკროეკონომიკის მიმართულების ხელმძღვანელი; #ახალიამბები #BusinessMediaGeorgia
"თიბისი კაპიტალის" 2023 წლის ელექტროენერგიის ბაზრის მიმოხილვის მიხედვით, ელექტროენერგიის იმპორტის 98% აფხაზეთის მოხმარების დასაკმაყოფილებლად განხორციელდა. დოკუმენტის ავტორები აღნიშნავენ, რომ გასულ წელს ელექტროენერგიის გამომუშავება წლიურად 1.1%-ით გაიზარდა, რაშიც 75.5% წილი ჰიდროსადგურების გამომუშავებას ეკავა. ამავე პერიოდში თბოსადგურებმა მთლიან გამომუშავებაში 23.9% დაიკავეს, ხოლო ქარის სადგურმა - 0.6%. რა ტენდენციები იკვეთება ბაზარზე? სტუმარი: ანდრო თვალიაშვილი - „თიბისი კაპიტალის“ უფროსი ასოცირებული მკვლევარი; #ახალიამბები #BusinessMediaGeorgia
თბილისის რესპუბლიკური საავადმყოფოს ბაზაზე ახალი სახელმწიფო კლინიკა აშენდება - გასულ წელს დაანონსებულ სიახლეზე საბოლოო გადაწყვეტილება გუშინდელი მთავრობის სხდომაზე იქნა მიღებული. როგორც პრემიერმა ღარიბაშვილმა აღნიშნა, სპეციალისტების დასკვნით, იმისთვის, რომ კლინიკამ საერთაშორისო სტანდარტები დააკმაყოფილოს, შენობის რეკონსტრუქცია ძირითად შემთხვევაში შეუძლებელი და არარენტაბელურია, შესაბამისად, იგეგმება ძველი შენობის დემონტაჟი და მის ბაზაზე აშენდება მრავალპროფილური, მაღალტექნოლოგიური სამედიცინო დაწესებულება, ახალი რესპუბლიკური საავადმყოფო, რომელიც ყველა ძირითად სამედიცინო მიმართულებას დაფარავს. ჯანდაცვის სამინისტრო შენობის სადემონტაჟო პროექტისა და კლინიკის საპროექტო სამუშაოების შესყიდვის პროცედურებს იწყებს. საპროექტო სამუშაოების შესყიდვები მსოფლიო ბანკის პროცედურების სრული დაცვით განხორციელდება, რაც საერთაშორისო კომპანიებს პროცესში მონაწილეობის შესაძლებლობას მისცემს. მთავრობის ადმინისტრაციის ცნობით, ახალი რესპუბლიკური საავადმყოფო მულტიფუნქციური, საერთაშორისო სტანდარტების სახელმწიფო კლინიკა 500-ზე მეტ საწოლზე იქნება გათვლილი. ამასთან, მოეწყობა ამბულატორია და 100-ზე მეტ საწოლზე გათვლილი დღის სტაციონარი. კლინიკაში განთავსდება ბავშვთა ონკო-ჰემატოლოგიური ცენტრი; გაიხსნება თანამედროვე სტანდარტების ცენტრალური სისხლის ბანკი; ტერიტორიაზე მოეწყობა GDP სტანდარტის აფთიაქი, სასწავლო სივრცეები, სამედიცინო ბიბლიოთეკა, ტელემედიცინის სივრცეები და სხვა. ასევე რესპუბლიკური საავადმყოფო შეინარჩუნებს საუნივერსიტეტო კლინიკის სტატუსს, რაც კლინიკურ აქტივობებში მომავალი მედიკოსების სრულ ინტეგრაციასა და შესაბამისი ინფრასტრუქტურის უზრუნველყოფას გულისხმობს. ახალი კლინიკის აშენების ჯამური ბიუჯეტი 200 მლნ ლარი იქნება, რომელსაც სრულად სახელმწიფო დაფარავს. ამ ეტაპზე ჯანდაცვის მინისტრი აცხადებს, რომ დონორების ჩართვის საჭიროება არ არსებობს. რას მოუტანს ქვეყნის ჯანდაცვის სისტემას ახალი რესპუბლიკური საავადმყოფოს მშენებლობა? სტუმარი: სანდრო ურუშაძე - ჯანდაცვის ყოფილი მინისტრი; #ახალიამბები #BusinessMediaGeorgia
მსოფლიოს წამყვანი ეკონომიკების ცენტრალური ბანკები ათასობით ტონა ოქროს რეზერვებს ფლობენ. ოქროს გლობალური საბჭოს სტატისტიკის თანახმად, ცენტრალური ბანკების საკუთრებაშია 31,900 ტონა ოქრო, რომლის ჯამური ღირებულებაც მიმდინარე ფასებში 1.9 ტრილიონი დოლარია. რომელი ქვეყანა ფლობს დღეს ოქროს ყველაზე დიდი მოცულობის რეზერვს? ლიკა მეგუთნიშვილი - #BMG-ის რეპორტიორი #ახალიამბები #BusinessMediaGeorgia
2023 წლის განმავლობაში წინა წელთან შედარებით, აზარტული თამაშებიდან მოსაკრებლის სახით ბიუჯეტში შესული თანხა 23,4%-ით არის გაზრდილი. როგორც საქართველოს ნაერთი ბიუჯეტის შემოსულობებში ვკითხულობთ, სათამაშო ბიზნესის მოსაკრებელი გასულ წელს 141 171 147 ლარს, 2022 წლის განმავლობაში კი - 114 392 795 ლარს შეადგენდა. შეგახსენებთ, გასულ წელს, საქართველოს მთავრობამ აზარტული თამაშების სექტორის დაბეგვრის განაკვეთის გაზრდის გადაწყვეტილება მიიღო, თუკი აქამდე სექტორის მოგების გადასახადის განაკვეთი 10%-ს შეადგენდა, ის 15%-მდე გაიზარდა, მოქალაქეთა მიერ მოგებული თანხის გატანა კი 2%-იანი საშემოსავლო გადასახადის ნაცვლად 5%-ით იბეგრება. როგორ ჩახურა 2023 სათამაშო ბიზნესმა და რა პროგნოზებს აკეთებენ მიმდინარე წელთან მიმართებით? სტუმარი: გიორგი მამულაიშვილი - სათამაშო ბიზნეს ასოციაციის ადმინისტრაციის ხელმძღვანელი; #ახალიამბები #BusinessMediaGeorgia