საქართველოს ეროვნული ბანკმა მოიპოვა წვდომა ჩინეთის ბანკთაშორის ობლიგაციების ბაზარზე, რაც საშუალებას აძლევს სებ-ს განახორიცელოს ინვესტიციები ჩინურ ფასიან ქაღალდებში. ეროვნული ბანკის განცხადებით, ეს ნაბიჯი დაეხმარება სავალუტო რეზერვების რისკების დივერსიფიცირებას, ოპერაციების ეფექტიანობას და ხელს შეუწყობს ფართო ინსტრუმენტებზე წვდომას. დღეს ამ საკითხზე ვიმსჯელებთ სპეციალისტთან ერთად, რამდენად სასარგებლო იქნება ეს ინვესტიციები სებ-ისთვის, რა სავალუტო, საბაზრო და საკრედიტო რისკებს შეიცავს? სტუმარი: არჩილ იაკობაშვილი - საერთაშორისო ფინანსების სპეციალისტი, ეკონომიკის პროფესორი #ახალიამბები #BusinessMediaGeorgia
საქართველოს ბანკი, როგორც ბიზნესის მთავარი პარტნიორი, მათ მხარდაჭერას აგრძელებს. სწორედ ამ მიზნით, ბანკის ინიციატივით, კორპორაციული ბიზნესებისთვის 16-17 თებერვალს, მაკკინზის და კოკრეას ორდღიანი ვორქშოფი გაიმართა. ვორქშოფის ფარგლებში საქართველოს ბანკის პარტნიორი ბიზნესების წარმომადგენლები საერთაშორისო გამოცდილებას გაეცნენ და მიიღეს ის პრაქტიკული ცოდნა, რაც მათ თანამედროვე ბიზნეს გარემოში გამოწვევების ეფექტიანად მართვაში დაეხმარებათ. აქვე გეტყვით, რომ მაკკინზი საერთაშორისო საკონსულტაციო კომპანიაა, რომელიც ბიზნესებს სტრატეგიული გადაწყვეტილებების მიღებაში, ზრდასა და ტრანსფორმაციის პროცესების ეფექტიან მართვაში ეხმარება, ხოლო კოკრეა ორგანიზაციული ტრანსფორმაციის, ლიდერობის განვითარების და co-creative კულტურის დანერგვაზე სპეციალიზდება. ორ დღიანი ვორქშოფის პარალელურად ბიემჯის გუნდს ჰქონდა შესაძლებლობა, კოკრეას დამფუძნებელთან და აღმასრულებელ დირექტორთან ორგანიზაციულ კულტურაზე, ლიდერობასა თუ სხვა საჭირო საკითხებზე მეტი ესაუბრა. რა მთავარ დეტალებზე გაამახვილა კოკრეას დამფუძნებელმა ყურადღება? რობერტო დე ბაკო - “კოკრეას” დამფუძნებელი და აღმასრულებელი დირექტორი #ახალიამბები #BusinessMediaGeorgia
კრისტალს მიკრობანკის ლიცენზიის მიღებიდან ერთი წელი შესრულდა. ლიცენზიის მიღებიდან ოთხ თვეში კრისტალმა სრულფასოვანი საბანკო მომსახურება და ახალი სტატუსით ოპერირება დაიწყო, რაც უპრეცედენტო სისწრაფეს და ეფექტურობას წარმოადგენს. ამ წარმატების მიღწევას წინ უძღოდა კომპლექსური სისტემური ტრანსფორმაცია. 95 სხვადასხვა მასშტაბის და სირთულის პროექტის პარალელურად განხორციელება, ტექნოლოგიური ინოვაციების დანერგვა, რისკების მართვა და რეგულაციების შესაბამისობის უზრუნველყოფა, რაც უზრუნველყოფს საბანკო ტრანზაქციების ეფექტიანობას, მომხმარებელთა დაცულობას და საერთაშორისო სტანდარტებთან შესაბამისობას. სტუმარი: ილია რევია - მიკრობანკი "კრისტალი", გენერალური დირექტორი #ახალიამბები #BusinessMediaGeorgia
ტრენდული სახლის შესახებ უნდა მოგიყვეთ - ბრენდის, რომელიც მომხმარებლებს საოჯახო ტექნიკას, ჭურჭელს, აქსესუარებს, ტექსტილს და საბავშვო ნივთებს სთავაზობს. ტრენდული სახლი თბილისში უკვე ორი ფილიალითაა წარმოდგენილი, თუმცა სამომავლოდ დიდი გეგმები აქვთ - ამ წლის ბოლომდე დედაქალაქის მასშტაბით ორი ობიექტის დამატებას გეგმავენ, მომდევნო წლიდან კი უკვე რეგიონების ბაზარზეც შევლენ. როგორია ტრენდული სახლის კონცეფცია, რას სთავაზობს ის მომხმარებლებს და როგორ გამოიყურება მისი 5 წლიანი ისტორია? #ახალიამბები #BusinessMediaGeorgia
JF Georgia უკვე 11 წელია ბაზარზეა და ლიდერობს სილამაზის სფეროში, აერთიანებს 50-მდე საერთაშორისო ბრენდს თმის მოვლის, პროფესიონალური ტექნიკისა და სალონური ავეჯის მიმართულებით. სულ ახლახან JF Georgia კიდევ ერთი ნაბიჯი გადადგა, შექმნა JF Artistic, ახალი ქართული წარმოება, რომელიც ფოკუსირებულია ფრჩხილის მოვლის პროფესიონალურ პროდუქტებზე. ეს ინიციატივა ხაზს უსვამს ადგილობრივი წარმოების მხარდაჭერას და აერთიანებს საერთაშორისო სტანდარტებსა და ხარისხს, რაც საშუალებას აძლევს ქართულ ბრენდს კონკურენციაში ჩაერთოს როგორც ადგილობრივ, ისე საერთაშორისო ბაზარზე. სტუმრები: შოთა ნოზაძე - JF Georgia-ს დირექტორი; ნინა ხუციშვილი - JF Artistic-ის წარმოების მიმართულების ხელმძღვანელი და თანადამფუძნებელი #ახალიამბები #BusinessMediaGeorgia
საქმიან დილას მერაბ ვასაძე, შპს ვასაძის პურის დამფუძნებელი და გენერალური დირექტორი სტუმრობს. კომპანია აერთიანებს ცნობილ ბრენდ სანდომს და წარმოადგენს ქართულ საკონდიტრო და პურ-ფუნთუშეულის წარმოების ერთ-ერთ გამორჩეულ მოთამაშეს ბაზარზე. ბოლო წლების განმავლობაში კომპანიამ განახორციელა მასშტაბური ინვესტიციები, მათ შორის შეიძინა თანამედროვე ევროპული დანადგარები, განავითარა ვაფლისა და კრეკერის საწარმოო ხაზები და შექმნა პროდუქცია, რომელიც ხარისხითა და ფასით კონკურენციას უწევს იმპორტირებულ ანალოგებს. თუმცა, მიუხედავად განვითარებისა და ინვესტიციებისა, ქართულ მწარმოებლებს სერიოზული გამოწვევები აქვთ ქსელურ მარკეტებთან თანამშრომლობის პროცესში. მაღალი ქეშბექი, შესვლის გადასახადი, დამატებითი აქტივობის ხარჯები, ფრანჩაიზის პირობები და ექსკლუზიური შეთანხმებები, რომლებიც ადგილობრივ კომპანიებს რეალიზაციის შესაძლებლობებს უზღუდავს. სტუმარი: მერაბ ვასაძე - საკონდიტრო კომპანია "სანდომი" გენერალური დირექტორი #ახალიამბები #BusinessMediaGeorgia
მეტროსადგურ სახელმწიფო უნივერსიტეტის მიმდებარედ "ზიგმა საბურთალოს" პრემიუმ კლასის, მულტიფუნქციური კომპლექსი შენდება. კონკრეტულად ამ პროექტის მთავარი გამორჩეული მახასიათებელი ის სამშენებლო მასალებია, რომელსაც პროცესში იყენებენ - პროექტი სრულად საერთაშორისო სტანდარტებს ერგება, მდგრადობასა და გარემოს დაცვაზე ორიენტირდება, ამიტომ ყველა დეტალში უმაღლესი ხარისხის მასალებს იყენებენ. როგორ გამოიყურება ზიგმა საბურთალო და რას შესთავაზებს ის მაცხოვრებლებს? #ახალიამბები #BusinessMediaGeorgia
ოქროს ფასის ზრდის ფონზე, სხვადასხვა ქვეყნის ცენტრალურმა ბანკებმა ოქროს შესყიდვის შეიძლება ითქვას, რომ უპრეცედენტო ზრდა დააფიქსირეს. თუმცა მსოფლიო ოქროს საბჭოს მონაცემები ცხადყოფს, რომ მიუხედავად საერთო ტენდენციისა, ქვეყნების მიდგომები რადიკალურად განსხვავდება. სახელმწიფოთა ნაწილი მარაგებს აგრესიულად ზრდის, ნაწილი კი ლიკვიდურობის მოსაპოვებლად არსებულ რეზერვებს ამცირებს. რომელმა ქვეყნებმა შეიძინეს და მეორე მხრივ გაყიდეს ყველაზე მეტი ოქრო 2020 წლიდან 2025 წლამდე? #ახალიამბები #BusinessMediaGeorgia
ვისაც სჭირდება თანხის კონვერტაცია, განსაკუთრებით საქმიანი მიზნებისთვის, ბაზარზე გაჩნდა დამატებითი შესაძლებლობა. Kursi.ge-მ ვაკეში, აბაშიძის 21ა ნომერში ახალი ფილიალი გახსნა. სივრცე გათვლილია როგორც ბიზნეს მომხმარებლებზე, ისე ფიზიკურ პირებზე, რომლებსაც სურთ კურსის შეთანხმება, კონვერტაციის პროცესში მხარდაჭერის მიღება და ოპერაციის ადგილზე განხორციელება. ფილიალში შესაძლებელია როგორც ონლაინ კონვერტაციის პროცესის ადგილზე გავლა და კონსულტაციის მიღება, ისე თანხის ქეშად დაკონვერტირება. მომხმარებლებს ადგილზე ხვდებათ ექაუნთ მენეჯერების გუნდი, რაც განსაკუთრებით მნიშვნელოვანია მაშინ, როცა საუბარია მოცულობით ოპერაციებზე ან ინდივიდუალურ პირობებზე. კომპანიაში აღნიშნავენ, რომ ონლაინ მიმართულება კვლავ რჩება ძირითად ფოკუსად, თუმცა ფილიალის გახსნით სერვისს დაემატა ფიზიკური სივრცე, უფრო სწრაფი, გამჭვირვალე და ბიზნესზე მორგებული მომსახურებით. #ახალიამბები #BusinessMediaGeorgia
ნიკო კვარაცხელიას მკვლელობა გახსნილია - აცხადებს 5 წლის თავზე საქართველოს გენერალური პროკურატურა. დასახელებულია კონკრეტული პირები, ვისი ჩართულობაც ამ მკვლელობაში საზოგადოებისთვის იყო ცნობილი, თუმცა - მტკიცებით ფორმაში ამაზე ვერავინ საუბრობდა, რადგან არ არსებობდა მთავარი მბრალმდებლის ანუ გენერალური პროკურატურის საბოლოო პოზიცია. ეს ყველაფერი მას შემდეგ გახდა ცხადი, ანუ გენერალური პროკურატურის პოზიცია, როცა 5 წლის თავზე, დახვრეტილი ნიკო კვარაცხელიას დედამ იზა ომაძემ კიდევ ერთხელ შეახსენა სამართალდამცავებს გაუხსნელი დანაშაული და მკვლელობის დამკვეთების გამოაშკარავება, რაც ნიკოს ოჯახის ინფორმაციით, სრულად არის ასახული როგორც მოწმეების ასევე სხვა მტკიცებულებებით წარმოდგენილი მკვლელობის საქმეში. გენერალური პროკურატურის პოზიციას დანაშაული მოტივზე არ იზიარებს ნიკო კვარაცხელიას დედა. გენერალური პროკურატურის პოზიცია ასევე მიუღებელი კიდევ ერთი ბრალდებული ოჯახისთვის, ყოფილი პრემიერ მინისტრის ქვრივი და ბრალდებული ბესარიონ ჟვანიას დედა აცხადებს რომ გამორიცხავს მკვლელობას დაგეგმვა სცოდნოდა არათუ მონაწილეობა მიეღო მის ვაჟს. შეგახსენებთ რომ პროკურატურის თქმით ბესარიონ (ბუსა) ჟვანიაზე კანონით დადგენილი წესით გამოცხადდება. 5 წლიანი კრიმინალური საგას გამოძიების ერთი ეტაპი სრულდება. კვარაცხელიების ოჯახი გამორიცხავს ოფიციალურად დასახელებულ მოტივს და მომავლის ბიჭის მკვლელობის განსხვავებული მოტივის წარმოდგენისთვის მტკიცებულებების შეგროვებას იწყებს, მანამდე ვნახოთ სახელმწიფოს პოზიცია - და მათი გამოძიების შედეგები რომლის მიხედვითაც ნიკო კვარაცხელიას მკვლელობა გახსნილად გამოცხადდა. #ახალიამბები #BusinessMediaGeorgia
რა გავლენა ექნება ავტომობილების ასაკობრივ შეზღუდვას ეკოლოგიაზე? #ახალიამბები #BusinessMediaGeorgia
#საქმიანიდილა - 18 თებერვალი - პროლოგი #ახალიამბები #BusinessMediaGeorgia
„ევროპაში „თხევადი ოქრო“ იაფდება. ოთხწლიანი შეუჩერებელი ზრდისა და რეკორდული ინფლაციის შემდეგ, ზეითუნის ზეთის ფასებმა მკვეთრი ვარდნა დაიწყო. კლიმატურმა კრიზისმა და ხმელთაშუა ზღვისპირეთში არსებულმა გვალვებმა ინდუსტრია კრიზისში ჩააგდო, თუმცა 2025 წელი გარდამტეხი აღმოჩნდა. რატომ იკლებს ფასები ყველაზე სწრაფად მწარმოებელ ქვეყნებში და ნიშნავს თუ არა უხვი მოსავალი ბაზრის საბოლოო დასტაბილურებას? #ახალიამბები #BusinessMediaGeorgia
კომპანია აგრო პრო 2024 ხილით, ბოსტნეულითა და ბურღულეულით ამარაგებს ჰორეკა სექტორს და ყოველდღიურად 50-70 რესტორანს, ბარს, კერძო ბაღსა და კაფეს ემსახურება. კომპანიას აქვს საკუთარი ავტოპარკი, სასაწყობე და სამაცივრე მეურნეობა, რაც მათ საშუალებას აძლევს პროდუქციის მიწოდება უზრუნველყონ სწრაფად და ხარისხის სრული კონტროლით. პროდუქციას ძირითადად ადგილობრივ ბაზარზე ყიდულობენ, საჭიროების შემთხვევაში კი იმპორტსაც ახორციელებენ, რაც ასორტიმენტის სტაბილურობასა და კონკურენტულ ფასებს უზრუნველყოფს. კომპანია აქტიურად მუშაობს ონლაინ-ვაჭრობის მიმართულებითაც. დღეს პლატფორმა იურიდიულ პირებს ემსახურება, თუმცა დაგეგმილია საიტის მოდიფიკაცია, რათა მომსახურება ფიზიკური პირებისთვისაც ხელმისაწვდომი გახდეს. სტუმარი: გიგა ხავთასი - "აგრო პრო 2024", მმართველი პარტნიორი #ახალიამბები #BusinessMediaGeorgia
სტატისტიკები გვიჩვენებს, ეს სარესტორნო ბაზარი მთელი მსოფლიოს მასშტაბით წლიდან წლამდე იზრდება, რაც რამდენიმე ფაქტორითაა განპირობებული - მათ შორის მოსახლეობის ხელმისაწვდომობის ზრდა და მისი ქცევის ცვლილებაა. რის ხარჯზე იზრდება სარესტორნო და საკვები ინდუსტრია, როგორი ტენდენციები იკვეთება ამ სექტორში და რა რჩება ჯერ კიდევ მნიშვნელოვან გამოწვევებად? #ახალიამბები #BusinessMediaGeorgia
#მხოლოდქართული-ს რუბრიკის გმირი ქართული რესტორანი კნეინაა და ეს არის სივრცე, რომელიც მართლაც სრულად მხოლოდ ქართული კონცეფციით, იდეითა და შინაარსითაა მოწყობილი. რამდენიმე წლის წინ, დამფუძნებლებმა იმ სახლში, სადაც თავად გაიზარდნენ, გადაწყვიტეს, რომ საკვები და ტურისტული ობიექტი გაეკეთებინათ. ლოკაციაც ხელს უწყობდათ, გუდიაშვილის მოედნის მიმდებარედ და ასე, შექმნეს რესტორანი, რომელიც თავიდან ბოლომდე საკუთარი ხელით მოაწყვეს, ძველი ქართული ნივთებით და აქსესუარებით გააფორმეს, თბილისის ისტორიებიც ჩააქსოვეს და რაც მთავარია, სამზარეულოც სრულად ქართულ ტრადიციებს მოარგეს. როგორია კნეინას შექმნის ისტორია და კონცეფცია? სტუმარი: ლაშა მამაგეიშვილი - "კნეინას" დამფუძნებელი თიკო ნატმელაძე - #მხოლოდქართული, ავტორი; #ახალიამბები #BusinessMediaGeorgia
ყველაზე საიმედო საავტომობილო ბრენდები მსოფლიოში/2026-ის რეიტინგი #ახალიამბები #BusinessMediaGeorgia
წამყვანი ანალიტიკური პლატფორმების კვლევებზე დაყრდნობით, უძრავი ქონების მომსახურებისა და ოპერაციების გლობალური ბაზრის მოცულობა 2025 წელს დაახლოებით 4.34 ტრილიონ აშშ დოლარად შეფასდა. პროგნოზები კიდევ უფრო მასშტაბურია. პროგნოზირებულია რომ მსოფლიო უძრავი ქონების ზომა 2034 წლისთვის 7 ტრილიონ აშშ დოლარამდე გაფართოვდება, რაც საშუალო წლიური 5.5%-იანი ზრდის ტემპით არის განპირობებული. #ახალიამბები #BusinessMediaGeorgia
ინვესტორები უკვე არა დაპირებებს, არამედ რეალურ შედეგებს ითხოვენ, რამაც პროგრამული უზრუნველყოფის სექტორი სერიოზული დარტყმის ქვეშ დააყენა. სანამ აპარატურული მიმართულება ძლიერდება, სოფტვეარ-ინდუსტრია ეგზისტენციალური საფრთხის წინაშეა, რაც რიცხვებშიც ისახება. სფეროს წამყვანი ფონდები 20%-ით შემცირდა, ბაზარი კი ორად გაიყო, სადაც პროგრამული გიგანტები ხელოვნური ინტელექტის ეპოქაში გადარჩენისთვის იბრძვიან. #ახალიამბები #BusinessMediaGeorgia
გასული კვირის განმავლობაში საქმიანი დილა და BMG-ის გუნდი აქტიურად აშუქებდა უძრავი ქონების საერთაშორისო ფორუმს, რომელსაც თბილისმა უმასპინძლა. ეს იყო პლატფორმა, სადაც გაერთიანდნენ დეველოპერები, ინვესტორები, საფინანსო სექტორის წარმომადგენლები და საჯარო უწყებები. განიხილეს სექტორის ტენდენციები, კაპიტალის მოზიდვის შესაძლებლობები და საქართველოს, როგორც საინვესტიციო მიმართულების, პოზიციონირება რეგიონში. ფორუმმა განსაკუთრებული ყურადღება გაამახვილა საერთაშორისო პარტნიორობებზე და იმაზე, თუ როგორ შეიძლება გაძლიერდეს ქვეყნის როლი გლობალურ უძრავი ქონების ბაზარზე. დღეს ამ თემას კიდევ ერთხელ ვუბრუნდებით და უკვე შედეგებზე ვისაუბრებთ. საქმიანი დილის სტუმარია არქის გენერალური დირექტორი, შიო ხეცურიანი. ის გვეტყვის, რა შედეგებით დასრულდა ფორუმი, რა ტიპის ინტერესები გამოიკვეთა და რა მოლოდინებია კოლაბორაციების ფარგლებში. შეგახსენებთ, რომ ფორუმი გაიმართა არქის, Next Group-ის, Biograph Living-ის, Invest in Georgia-სა და საქართველოს ბიზნეს ასოციაციას თანაორგანიზებით და საქართველოს მთავრობის მხარდაჭერით. მოვისმინოთ, რამდენად იქცა ეს ინიციატივა საინტერესო პრეცედენტად და რა შეიძლება იყოს მისი გრძელვადიანი გავლენა როგორც დეველოპერულ სექტორზე, ისე მთლიანად საინვესტიციო გარემოზე. სტუმარი: შიო ხეცურიანი - “არქი”, გენერალური დირექტორი #ახალიამბები #BusinessMediaGeorgia
საერთაშორისო ბაზრები&ინდექსები - Galt & Taggart-ის ყოველკვირეული მიმოხილვა სტუმარი: მარიამ ზურაბაშვილი - Galt & Taggart-ის პორტფოლიო მენეჯერი #ახალიამბები #BusinessMediaGeorgia
საქართველოს ეკონომიკა - Galt & Taggart-ის ყოველკვირეული მიმოხილვა სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
მსოფლიოს ყველაზე ძვირად ღირებული ქვეყნები - სად არის საქართველო? #ახალიამბები #BusinessMediaGeorgia
მსოფლიოში ჯანმრთელობის სადაზღვევო პაკეტების ფასები ძალიან განსხვავდება: ყველაზე ძვირია აშშ‑ში, ჰონგ-კონგსა და სინგაპურში, სადაც ერთი წლის საფასური რამდენიმე ათას დოლარს აღწევს და ძირითად სერვისებს, ჰოსპიტალიზაციას, ექიმის კონსულტაციას, მედიკამენტებსა და პროფილაქტიკას მოიცავს. ევროპაში, განსაკუთრებით პოლონეთში, რუმინეთსა და სლოვაკეთში, სადაზღვევო პაკეტები ბევრად ხელმისაწვდომია, ძირითადად ამბულატორიულ ვიზიტებსა და საავადმყოფოს მომსახურებას ფარავს. საქართველოში, კერძო დაზღვევა მოსახლეობის მცირე ნაწილს აქვს, თუმცა ფასები შედარებით დაბალია და პოლისები ძირითადად ექიმთან ვიზიტებს, ამბულატორიულ მომსახურებას, ქირურგიას, სტომატოლოგიას და მედიკამენტების ნაწილობრივ ანაზღაურებას მოიცავს. #ახალიამბები #BusinessMediaGeorgia
რა აჩენს პიგმენტურ ლაქებს და როგორია მათი პრევენციისა და მართვის თანამედროვე მიდგომები? რუბრიკის წამყვანი: ლალი ბრეგვაძე - "ავერსის" საზოგადოებასთან ურთიერთობის სამსახურის ხელმძღვანელი; სტუმარი: ვერიკო აბრალავა - დერმატოლოგი #ახალიამბები #BusinessMediaGeorgia
სამედიცინო სფეროში კონკურენცია მხოლოდ ტექნოლოგიებსა და კლინიკურ შედეგებზე აღარ არის დამოკიდებული - დღეს მნიშვნელოვან როლს ასრულებს ბრენდის ძალა, საერთაშორისო რეპუტაცია და პაციენტთა ნდობა. გლობალური კვლევები ყოველწლიურად ავლენს იმ ჰოსპიტალურ ქსელებსა და სამედიცინო ცენტრებს, რომლებიც გამოირჩევიან ხარისხით, ინოვაციებითა და პროფესიული ავტორიტეტით #ახალიამბები #BusinessMediaGeorgia
მსოფლიო ეკონომიკურმა ფორუმმა 2026 წლის გლობალური რისკების ანგარიში გამოაქვეყნა, რომელიც 1300-ზე მეტი ექსპერტის პროგნოზს ეყრდნობა. თუ გასულ წლებში ეკონომიკური დაპირისპირება რეიტინგის ბოლოში იყო, დღეს ის ნომერ პირველი საფრთხეა. სავაჭრო ომები, სანქციები და ზესახელმწიფოების ჭიდილი უახლოესი ორი წლის მთავარი გამოწვევა ხდება. თუმცა, სანამ ლიდერები გავლენების გაყოფით არიან დაკავებულნი, ჩრდილში ექცევა ისეთი გრძელვადიანი და გარდაუვალი კატასტროფა, როგორიც კლიმატური ცვლილებაა. 2026 წლის გლობალური რისკების ანგარიშის შესახებ? #ახალიამბები #BusinessMediaGeorgia
#საქმიანიდილა - 17 თებერვალი - პროლოგი #ახალიამბები #BusinessMediaGeorgia
წარმოგიდგენთ BeWise Georgia-ს თანადამფუძნებელს, საერთაშორისო სერტიფიცირებულ ბიზნეს ანალიტიკოსსა და ციფრული ტრანსფორმაციების ექსპერტს — მარიკა კლდიაშვილს. მარიკა, რომელიც თავის დროზე პირველი ქალი პროგრამისტი იყო თავის გარემოცვაში და ამსხვრევდა სტერეოტიპებს, დღეს უკვე UNESCO-ს AI Readiness Assessment-ის სამეთვალყურეო საბჭოს წევრი და ცვლილებების არქიტექტორია. მისი მრავალწლიანი გამოცდილება მოიცავს წამყვან ბანკებსა და საერთაშორისო კომპანიებში მენეჯერულ პოზიციებს, სადაც მისი ხელმძღვანელობით დაინერგა პირველი ინტერნეტბანკი და შეიქმნა პროექტების მართვის ოფისები. გარდა პრაქტიკული საქმიანობისა, მარიკა არის ბიზნესის ადმინისტრირების დოქტორი და MIT-ის მიერ გადამზადებული ტრენერი, რომელიც აქტიურად მუშაობს ახალგაზრდა მეწარმეების განვითარებაზე, ხოლო 2026 წლიდან, BeWise-ის ფარგლებში, AI-ზე დაფუძნებულ სადიაგნოსტიკო პლატფორმებსა და ლიდერთა ოპერაციული სრულყოფის პროგრამებს უძღვება. სტუმარი: მარიკა კლდიაშვილი - BeWise Georgia-ს თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
რას სთავაზობს "იაგანი" ბიზნესს და ფრილანსერებს? სტუმარი: ელისო დავლიანიძე - “იაგანი”, თანადამფუძნებელი #ახალიამბები #BusinessMediaGeorgia
ქართული ოცნების მთავრობამ მორიგი გენიალური დადგენილება გამოსცა, რომელიც 6 წელზე მეტი წლოვანების ასაკის ავტომობილების იმპორტს კრძალავს. დოკუმენტის თანახმად, დადგენილება 2026 წლის 1 აპრილიდან ამოქმედდება. მთავრობის მიერ დასახელებული მიზნებია: ავტოპარკის განახლება, ჰაერის ხარისხის გაუმჯობესება, მოსახლეობის ჯანმრთელობის დაცვა და საცობების შემცირება. თუმცა კრიტიკოსების შეფასებით, გადაწყვეტილებამ შესაძლოა ვერც ამ მიზნებს უპასუხოს და მეორე მხრივ კრიტიკულად დამაზიანებელი აღმოჩნდეს ეკონომიკური თუ სოციალური მიმართულებით. კერძოდ, ავტოიმპორტის სექტორი, რომელიც საქართველოში ერთ-ერთი მსხვილი ეკონომიკური მიმართულებაა და ასიათასობით ადამიანს ასაქმებს, მნიშვნელოვნად დაზარალდება. შემცირდება 2020 წლამდე გამოშვებული ავტომობილების იმპორტი, რაც ბაზრის ბრუნვის დიდ ნაწილს შეადგენს. გაიზრდება როგორც ახალი, ასევე მეორადი ავტომობილების ფასები ადგილობრივ ბაზარზე. მომხმარებლების ნაწილს მოუწევს ძველი ავტომობილების უფრო ხანგრძლივი ექსპლუატაცია. გავლენა შეეხება დაკავშირებულ სექტორებსაც: ტრანსპორტირებას, საბანკო სფეროს, საბაჟო ინფრასტრუქტურას, ავტოსერვისებსა და ნაწილების ბაზარს, რომელიც არცთუ ისე მცირეა. ასევე აღინიშნება, რომ მხოლოდ ავტომობილის ასაკზე დაფუძნებული შეზღუდვა არ იძლევა ეკოლოგიური სტანდარტების გაუმჯობესების ავტომატურ გარანტიას, რადგან გამონაბოლქვი და ეკოლოგიური ეფექტი დამოკიდებულია ტექნიკურ მდგომარეობასა და კონკრეტულ სტანდარტებზე, ასე მაგალითად შესაძლოა ევროსტანდარტებით აწყობილ მოდელს უფრო მეტი მოთხოვნა ჰქონდეს, ვიდრე მაგ. ჩინეთში აწყობილ ახალ მოდელს. რაც შეეხება საცობებისგან ქალაქის განტვირთვას, ეს რომ მანქანის წლოვანებასთან კავშირში არ არის ალბათ ყველას კარგად გვესმის და არც იმის ილუზია აქვს ვინმეს, რომ არსებული ავტოპარკით შევწყვეტთ სიარულს. რა მიზანი აქვს მთავრობას და რა პერსპექტივები იკვეთება მისი ამოქმედების შემთხვევაში? სტუმრები: ალექსი ნონიაძე - ავტოიმპორტიორთა ასოციაციის ხელმძღვანელი; გიორგი ჯაფარიძე - "ჩემი ქალაქი მკლავს“ დამფუძნებელი; ალექსანდრე ვეკუა - Caucasus Auto Import-ის გაყიდვების დეპარტამენტის უფროსი; #ახალიამბები #BusinessMediaGeorgia
უზბეკეთის მოსახლეობა 37 მლნ-ს აჭარბებს და წლიურად 800 ათასიდან 1 მლნ-მდე იზრდება, რაც იმას ნიშნავს, რომ მოთხოვნა როგორც საცხოვრებელ, ისე საჯარო ინფრასტრუქტურაზე მნიშვნელოვნად გაიზრდება. ისლამ ქარიმოვის 27 წლიანი ავტორიტარული მმართველობის შემდეგ, როცა უზბეკეთს დახურული პოლიტიკა და კონტროლირებული ეკონომიკა ჰქონდა, ქვეყნის მეორე პრეზიდენტმა შავკატ მილიიოევმა ეს მიდგომები 2016 წლიდან ეტაპობრივად შეცვალა და კარი გაიხსნა საერთაშორისო კომპანიებისთვისაც. ქართული ბიზნესის გამოცდილება კი თითქმის 3 ათეული წლიანი ჩაკეტვის შემდეგ, ცხადია მათთვის მნიშვნელოვანია, ისინი ღიად გამოხატავენ მზადყოფნას და ინტერესს ჩვენთან თანამშრომლობისთვის და სწორედ ეს იყო გადამწყვეტი ფაქტორი იმისა, რომ წელს უზბილდს საქართველოდან 20-მდე კომპანიის წარმომადგენელი ესწრებოდა. მათ შორის იყო „ინფინიტი ვენჩერს ჰოლდინგი“, რომელიც ტაშკენტში მათ ქვეშ არსებული ყველა ოფიციალური ბრენდით წარსდგა და განსაკუთრებული ინტერესიც დაიმსახურა. კომპანია უახლოეს პერიოდში ტაშკენტში წარმომადგენლობის გახსნას და ამ ბაზარზე აქტიურ განვითარებას აპირებს. #ახალიამბები #BusinessMediaGeorgia
გასული კვირაში ტაშკენტმა ცენტრალური აზიის ერთ-ერთ ყველაზე მსხვილ გამოფენას უმასპინძლა. UzBuild 2026 თავისი არსებობის 27 წლიანი ისტორიის განმავლობაში ყველაზე მასშტაბური გამოდგა, სადაც მონაწილეობას 450-ზე მეტი კომპანია იღებდა. გაზრდილი იყო ქვეყნების ჩამონათვალიც, რომელსაც „ლოიალტე უზბეკეთის“ ორგანიზებით წელს პირველად საქართველოც შეემატა. ჩვენი ქვეყნიდან უზბეკეთში 20-მდე კომპანიის წარმომადგენელი იმყოფებოდა, რომლებმაც ადგილობრივი სექტორის წარმომადგენლებთან B2B შეხვედრები და პრეზენტაციები გამართეს. რა შედეგებით დასრულდა უზბილდი და რამდენად დიდია ამ ბაზარზე განვითარების პოტენციალი მათ შორის ქართული ბიზნესებისთვის? #ახალიამბები #BusinessMediaGeorgia
#ავიაციისსიახლეები: ✈ იანვარში, აეროპორტებში მგზავრთნაკადი 16%-ით გაიზარდა - ეკონომიკის სამინისტრო ✈ რა ეტაპზეა თელავის აეროპორტის პროექტი? ✈ ევროკავშირი ავიაკომპანიებს მოუწოდებს, 31 მარტამდე ირანის საჰაერო სივრცე არ გამოიყენონ ✈ ინდოეთში ნავი-მუმბაის აეროპორტი ამოქმედდა კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ახალიამბები #BusinessMediaGeorgia
ინტერიერი დეტალებში სტუმარი: სალომე დადუნაშვილი - “ინტერიერი სალომე დადუნაშვილთან ერთად” ავტორი & წამყვანი #ახალიამბები #BusinessMediaGeorgia
მე-20 და 21-ე საუკუნეების ტექნოლოგიური რევოლუციის ეპიცენტრი ამერიკის შეერთებული შტატები. ქვეყანა, სადაც იდეა ხშირად იწყება ავტოფარეხში და სრულდება გლობალური ცვლილებით. ერთი სიტყვით დღეს გვსურს გავიხსენოთ აშშ-ის ხუთი ყველაზე დიდ ინოვატორი, ადამიანები, რომლებმაც შეცვალეს არა მხოლოდ ამერიკა, არამედ მთელი მსოფლიო. ხუთი განსხვავებული პიროვნება, ხუთი განსხვავებული ეპოქა, მაგრამ ერთი საერთო იდეა – გაბედული აზროვნება და მზადყოფნა შეცვალო სამყარო. ეს არის აშშ-ის ინოვატორთა ისტორია – ისტორია, რომელიც ჯერ კიდევ იწერება. #ახალიამბები #BusinessMediaGeorgia
ტექნოლოგიებზე ვსაუბრობთ, რომლებიც ბიზნესს პროცესების გამარტივებასა და ეფექტიანობის გაზრდაში ეხმარება. დღევანდელ გამოშვებაში გაგაცნობთ სამ ქართულ ციფრულ გადაწყვეტას, რომლებიც სხვადასხვა სფეროში უკვე რეალურ შედეგებს აჩვენებს. პირველი არის LegalGuard AI. ქართული AI-ზე დაფუძნებული იურიდიული ასისტენტი, რომელიც ამარტივებს იურიდიულ დოკუმენტებზე მუშაობას.მეორე გადაწყვეტა არის GPS საწვავის მონიტორინგის სისტემა, რომელიც კომპანიაში უკვე არსებულ GPS-ებსა და საწვავის ტრეკერებს ებმის. და მესამეა Social Genius პლატფორმა, რომელიც ბრენდის იდენტობის სრული დაცვით აგენერირებს, გეგმავს და აქვეყნებს ვიზუალურ თუ ტექსტურ მასალას. რა შესაძლებლობებს ქმნის ეს გადაწყვეტილებები ქართული ბიზნესისთვის და როგორ მუშაობს თითოეული მათგანი პრაქტიკაში? სტუმარი: ნატალია პატარიძე - Nebula AI Hub-ის დირექტორი #ახალიამბები #BusinessMediaGeorgia
საქართველო პირველად მასპინძლობდა Volvo Cars EMEA-ს ყოველწლიურ ბიზნესკონფერენციას. 150 დელეგატი მსოფლიოს 40-მდე ქვეყნიდან შვედური ბრენდის სტრატეგიულ მიმართულებებსა და რეგიონულ წარმატებებს თბილისში განიხილავდა. რატომ გახდა ჩვენი ქვეყანა შვედური გიგანტისთვის სტრატეგიული წერტილი და რა შედეგებით დაასრულა წელი „ვოლვო ქარ კავკასიამ“? #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
დეველოპერული კომპანია „ზიონი“ მოთხილამურე არქიტექტორთა ტრადიციული საერთაშორისო ღონისძიების - SKIA 2026-ის მთავარი მხარდამჭერია. ღონისძიებამ სტარტი გუშინ თბილისიდან აიღო, ხოლო ძირითადი ნაწილი მესტიაში გაიმართება. მსოფლიოს სხვადასხვა ქვეყნიდან ჩამოსული არქიტექტორები საქართველოში წელს ქართულ-ებრაული კომპანიის მხარდაჭერით ჩამოვლენ და ტრადიციულად თანამედროვე არქიტექტურის ტენდენციებსა და სექტორში არსებულ გამოწვევებზე იმსჯელებენ. #ახალიამბები #BusinessMediaGeorgia
თანამშრომლებზე ზრუნვის, წახალისებისა და მოტივაციის ზრდის მიზნით, კომპანია „კოკა-კოლა ბოთლერს ჯორჯიამ“ კიდევ ერთი მნიშვნელოვანი პროექტი ტრადიციად აქცია. 13 თებერვალს, ქობულეთში, სასტუმრო „ჯორჯია პალასმა“ დაჯილდოების ცერემონიას „წლის რეგიონი“ უმასპინძლა, სადაც კომპანიამ რეგიონებში მოქმედი პარტნიორები დააჯილდოვა. „წლის რეგიონი“- ეს არის კომპანია „კოკა-კოლა ბოთლერს ჯორჯიას“ მიერ რეგიონებში მომუშავე პარტნიორებისთვის შექმნილი დაჯილდოება, რომლის მთავარი მიზანი თანამშრომლების წახალისება და დასახული გეგმების გუნდურად შესრულების ხელშეწყობაა. #ახალიამბები #BusinessMediaGeorgia
#საქმიანიდილა - 16 თებერვალი - პროლოგი #ახალიამბები #BusinessMediaGeorgia
გასულ წელს ყვავილების იმპორტი მნიშვნელოვნად გაიზარდა. საქსტატის მონაცემებით, ქვეყანაში 2025 წელს, ჯამურად $18.5 მლნ-ის ღირებულების 2 662 ტონა პროდუქცია შემოვიდა, რაც წინა წლის ანალოგიურ პერიოდთან შედარებით ღირებულებით 62.4%-იან, ხოლო მოცულობით 40%-იან ზრდას ნიშნავს. შედარებისთვის, 2024 წლის იანვარ-დეკემბერში საქართველოში იმპორტირებული იყო $11.4 მლნ-ის ღირებულების 1 901 ტონა ყვავილი და კოკრები. გასულ წელს საქართველომ ყვავილები ყველაზე დიდი რაოდენობით ეკვადორიდან შეიძინა - ამ ქვეყნიდან იმპორტმა 881 ტონა შეადგინა, რაშიც საქართველომ $7.5 მლნ გადაიხადა. იმპორტის ზრდის პარალელურად, რა ვითარებაა მოთხოვნის ჭრილში, რამდენად იზრდება ყვავილების გაყიდვები ადგილობრივ ბაზარზე და როგორია ვალენტინობის დღის მოლოდინი? სტუმარი: ბელა ზაქაიძე - BELISIMO FLOWERS-ის დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ბიზნესის ქცევა & ასოციაციის როლი - EBA-ს მაგალითი სტუმრები: მარიამ ქუჩულორია - EBA-ის მმართველი დირექტორი; პაატა შურღაია - საერთაშორისო აუდიტორული და ბიზნეს საკონსულტაციო კომპანია - გრანთ თორნთონი, მმართველი პარტნიორი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ექსკლუზიური ინტერვიუ ენდრიუ ჯუელთან, IMF სტუმარი: ენდრიუ ჯუელი - IMF-ის მუდმივი წარმომადგენელი საქართველოში #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
BMG & Changan Georgia წარმოგიდგენთ #BMGDRIVE-ს:
ყვავილების გაყიდვებიც იზრდება. თებერვლიდან-მარტის ბოლომდე პერიოდი ამ სექტორისთვის ყველაზე აქტიური და დატვირთულია. მომხმარებლები ყვავილების სასაჩუქრედ შეძენას ზუსტად წლის ამ მონაკვეთში ზრდიან, თუმცა მხოლოდ ესეც არაა, საქსტატის ოფიციალური მონაცემები გვიჩვენებს, რომ საქართველოში ყვავილებზე მოთხოვნა ყოველწლიურად იზრდება - მაგალითად, გასულ 2025 წელს ყვავილების იმპორტის მაჩვენებელი წინა წლის ანალოგიურ პერიოდთან შედარებით, ღირებულებით 62.4%-ით, ხოლო მოცულობით 40%-ით გაიზარდა. როგორ ვითარდება ეს სექტორი, რა განაპირობებს მოთხოვნის ზრდას და როგორია პროდუქციის ღირებულება? #ახალიამბები #BusinessMediaGeorgia
გლობალური ტენდენციები აჩვენებს რომ ტრადიციული ბიზნესები და სექტორები, ისეთები როგორიც მაგალითად აგროკულტურა, კვების ინდუსტრია და რითეილი - პროცესებში ხელოვნური ინტელექტის დანერგვას აქტიურად იწყებენ. სოფლის მეურნეობის გიგანტის John Deere-ს მაგალითი, რომელმაც AI-ს დახმარებით ქიმიკატების ხარჯი თითქმის 77%-ით შეამცირა, ადასტურებს, რომ ხელოვნური ინტელექტი მხოლოდ ტექგიგანტებისთვის არ არის.. როგორც ცვლის AI ტრადიციულ, არატექნოლოგიურ ბიზნესებს? #ახალიამბები #BusinessMediaGeorgia
თანამედროვეობაში ხელოვნური ინტელექტის რესურსების ამოუწურავი შესაძლებლობების გათვალისწინებით "დემე" უნდა გავიცნოთ. "დემე"- AI მრჩეველია და ამბოლის ვებ გვერდს ცოტა ხნის წინ დაემატა და მისი ფუნქცია მომხმარებლებისათვის გადაწყვეტილების მიღებაში დახმარების გაწევაა- ვინ არის დემე, რა ფუნქცია აქვს მას და რა ტიპის პრობლემის გადაჭრაში შეიძლება ამბოლის მომხმარებლებს დაეხმაროს? სტუმარი: დევი ციხისელი - "ამბოლი", E-commerce მიმართულების ხელმძღვანელი #ახალიამბები #BusinessMediaGeorgia