საქართველოს დადგენილება ნომერი 101, მიხედვით ბაზრებს, ბაზრობებს, სავაჭრო ცენტრებს, აზარტული თამაშობების ადგილებს, მომგებიანი თამაშობების ადგილებს, აფთიაქებს, მიკროსაფინანსო ორგანიზაციებს, ვალუტის გადამცვლელ პუნქტებს, სესხის გამცემ სუბიექტებს, სკოლებს და ა.შ. მოუწევთ 2023 წლის 1 ივნისამდე უზრუნველყონ ფოტო-ვიდეოტექნიკის განთავსება/დამონტაჟება და ამ დადგენილებით დამტკიცებულ მოთხოვნებთან შესაბამისობა. მთავარი მოთხოვნაა, რომ ფოტო-ვიდეოტექნიკამ მაღალი გარჩევადობა უზრუნველყოს, რასაც სჭირდება, განათება და სხვა ტექნიკური მახასიათებლები. ვიდეოკამერა უნდა იყოს ქსელური, უნდა ფარავდეს 20-მეტრინ რადიუსს, დღე-ღამის რეჟიმში განხორციელებული ჩანაწერი უნდა იძლეოდეს ადამიანის (ობიექტის) ზუსტი იდენტიფიკაციის საშუალებას და ასევე, უნდა ჰქონდეს ISO სერთიფიკატი. სხვათაშორის, დადგენილებაში მითითებულია, რომ კამერის გარჩევადობა უნდა იყოს არანაკლებ 3 მეგაპიქსელისა. სტუმარი: მირანდა მაჯგალაძე - რითეილ ასოციაციის ხელმძღვანელი; #ახალიამბები #BusinessMediaGeorgia
რას უნდა ველოდოთ მონეტარული პოლიტიკის კომიტეტის სხდომისგან, რომელიც სულ რაღაც 5 დღეში უნდა გაიმართოს - გაიზრდება თუ არა განაკვეთი, რა ტიპის გადაწყვეტილების საფუძველს იძლევა ამ დროისთვის ინფლაცია - ჩვენმა ჟურნალისტმა ანუკა ჯოხაძემ დღეს სებ-ის პრეზიდენტი კობა გვენეტაძე ჩაწერა და საფინანსო სექტორის ხმასაც მოგვასმენინებს: შევძლებთ გავიგოთ, რა მოლოდინები აქვს ამ დროისთვის სექტორს.#ახალიამბები #BusinessMediaGeorgia
საქართველო არ უნდა გახდეს ბიზნესის შავი ხვრელი - ეს ფრაზა საფრანგეთის ელჩმა თქვა და მისი კონტექსტი საერთაშორისო სანქციების მიმართ საქართველოს ერთგულებაა. არა მხოლოდ გარე თვალი ამჩნევს ამ საფრთხეებს - ბიზნესმენმა რევაზ ვაშაკიძემ ჩვენს ეთერში კომისიის შექმნა მოითხოვა, რომელიც ქართველი, უკრაინელი, ამერიკელი და ევროკავშირის წარმომადგენლებით დაკომპლექტდება და საერთაშორისო სანქციების შესრულებას მონიტორინგს გაუწევს. ამერიკის ელჩისგან კი პირდაპირი გზავნილი მოვისმინეთ, რომ დღეს საქართველო არაფერს არღვევს, მაგრამ თუ ეს მოხდება, პასუხსაც მიიღებს. ამის პარალელურად, რუსეთის ფედერალური საბჭოს საერთაშორისო ურთიერთობების საკითხების კომიტეტის თავმჯდომარემ, გრეგორი კარასინმა პარლამენტარებთან ერთად დასავლეთის მიერ რუსეთის წინააღმდეგ დაწესებულ სანქციებზე საქართველოს რეაქციას "გაწონასწორებული" უწოდა და აღნიშნა, რომ ეს რუსეთის მხრიდან "შეუმჩნეველი არ დარჩება". რეალურად, ამ ყველაფრის საფუძვლად მმართველი გუნდის წარმომადგენლების მხრიდან არაერთხელ გამეორებული ფრაზა შეგვიძლია მივიჩნიოთ - ჩვენ არ ვუერთდებით სანქციებს - რაც ძალიან ძნელი გასაგებია, კონკრეტულად რას ნიშნავს, რადგან რაიმე გამორჩეული ტიპის სანქციების დაწესებას რუსეთისთვის საქართველოს, ცხადია, არავინ თხოვს. სტუმარი: ბექა ლილუაშვილი „საქართველოსთვის“ წევრი#ახალიამბები #BusinessMediaGeorgia
საქართველოში საფრანგეთის ელჩი დიეგო კოლასი პარლამენტის საგარეო ურთიერთობათა და ევროპასთან ინტეგრაციის კომიტეტების ერთობლივ სხდომაზე სიტყვით გამოვიდა და ასეთი რამ თქვა: იმედი მაქვს, საქართველო ამ რთულ ვითარებაში სწორ ნაბიჯებს გადადგამს და ბიზნესის კეთებისთვის “შავ ხვრელად” არ იქცევა. ამის პარალელურად, ამერიკის ელჩისგან კელი დეგნანისგან მოვისმინეთ, რომ საერთაშორისო საზოგადოებას აქვს მოლოდინი, რომ საქართველო პირნათლად შეასრულებს საერთაშორისო სანქციებს, რომლებიც რუსეთს უკრაინაში შეჭრის გამო დაეკისრა. ელჩის განმარტებით, საქართველო იცავს საერთაშორისო სანქციების მოთხოვნებს, ხოლო თუკი სანქციების მოთხოვნებს დაარღვევს, ამისთვის შესაბამის პასუხსაც მიიღებს. ამასთან, კელი დეგნანი განმარტავს, რომ უშუალოდ ორმხრივი სანქციების დაწესება საქართველოს მთავრობის გადასაწყვეტია. მანამდეBMG-ის ეთერში ბიზნესმენმა რევაზ ვაშაკიძემ საქართველოს მთავრობას რუსეთის წინააღმდეგ მოქმედი საერთაშორისო სანქციების აღსრულების კოორდინაციისთვის სპეციალური კომისიის შექმნისკენ მოუწოდა - იმ მომეტებული რისკების გადასაზღვევად, რომელიც რუსეთის და რუსული ბიზნესების მხრიდან საქართველოს სანქციების გვერდის ავლისთვის გამოყენებამ წარმოშვა. საუბარია როგორც პირდაპირ ფინანსურ და სავაჭრო ურთიერთობაზე, ასევე სატრანზიტო ტვირთებზე, რომლებიც რუსეთის მიმართულებით კვეთენ საქართველოს. რამდენად რეალურია ეს რისკები და რა უნდა იყოს საქართველოს პასუხი ამ რისკებზე? რატომ წამოვიდა საერთოდ ამ თემაზე განცხადებები? სტუმარი: ირაკლი კოვზანაძე - პარლამენტის საფინანსო-საბიუჯეტო კომიტეტის თავმჯდომარე; #ახალიამბები #BusinessMediaGeorgia
გაძვირების ტალღა, რაც ყველა პროგნოზში პირველი რისკია, რაზეც ყველა კვლევითი ორგანიზაცია თუ საინვესტიციო ბანკი თანხმდება, როგორც ჩანს საქართველოშიც ძალას იკრებს. თვითღირებულების ზრდაზე საუბრობს პრაქტიკულად ყველა სექტორი, რომელიც გარკვეული ხარისხით რუსეთის ბაზართანაა დაკავშირებული. მაგალითად, მეფრინველეობის ასოციაცია ამბობს, რომ კვერცხის და ფრინველის ხორცის თვითღრებულება უახლოეს მომავალში 30-35%-ით გაიზრდება, რაც ფასების შენარჩუნებას შეუძლებელს გახდის. იგივე ეხება რძესაც. დღეს საქმიანი დილა-ს ეთერში ბიზნესმენმა ლაშა პაპაშვილმა თქვა, რომ გასულ წელთან შედარებით, დღეს რძის პროდუქტების ფასი 15%-ით არის გაზრდილი, თუმცა შექმნილი მდგომარეობიდან გამომდინარე მომდევნო 3-4 თვის განმავლობაში ფასი კვლავ მოიმატებს. ასევე, მაგალითად, შპს "ჯი არ სი" (GRC)-მ გვითხრა, რომ ლითონის რულონები და შავი ლითონის სხვადასხვა მზა ნაწარმიც გაძვირდება, რადგან კომპანია ამ შემთხვევაში უკრაინის ბაზარზეა დამოკიდებული და პუტინის ომის გამო, ლოგისტიკური ჯაჭვები მორღვეულია. კიდევ ერთი სექტორი ავეჯის სექტორია - აქაც 20-30%-იანი ზრდაა მოსალოდნელი და აქ მთავარი მიზეზი ხე-ტყის ექსპორტზე რუსეთის მხრიდან დაწესებული შეზღუდვებია, რომლებიც საქართველოს მაინც შეეხო - მიუხედავად იმისა, რომ თავის არამეგობრული ქვეყნების შავ სიაში ჩვენი ქვეყანა არ შეიყვანა.#ახალიამბები #BusinessMediaGeorgia
საქართველო ეკონომიკის ციფრული ტრანსფორმაციის საბჭოს აფუძნებს- შესაბამისი შეხვედრა ბიზნესთან ეკონომიკის მინისტრს უკვე ჰქონდა. უწყების ცნობით, იწყება მუშაობა, რომ საქართველოს ეკონომიკის ციფრული ტრანსფორმაცია მოხდეს. პროცესში კი შექმნილი საბჭოს ფორმატში საჯარო სექტორთან ერთად კერძო სექტორიც იქნება. რას გულისხმობს ეკონომიკის მინისტრის ახალი ინიციტივა და რა მიმართულებით იმუშავებს სამუშაო ჯგუფი, რომელიც ქვეყნის ეკონომიკის გაციფრულების მიზნით შეიქმნა?#ახალიამბები #BusinessMediaGeorgia
ავეჯი შესაძლოა გაძვირდეს. ამის ინდიკაციას, როგორც ბიზნესი ამბობს, ნედლეულის დეფიციტი იძლევა. საქმე ის არის, რომ იმ ორასამდე დასახელების პროდუქტს შორის, რომლის ექსპორტზეც რუსეთმა აკრძალვები დააწესა, მოხვდა ხე-ტყის მასალაც. 2021 წელს ჯამში რუსეთიდან საქართველოში 11 მლნ დოლარის ხე-ტყის მასალა შემოვიდა. ხე-ტყის მასალა ექსპორტზე საქართველოდანაც გადის, ძირითადი საექსპორტო ბაზარი ირანია. ინდუსტრია ნედლეულის ექსპორტზე კვოტების დაწესებას ითხოვს. სტუმარი: ბესიკ ვერძეული - ქართული ავეჯის კლასტერის გამგეობის თავმჯდომარე ; #ახალიამბები #BusinessMediaGeorgia
პირდაპირი უცხოური ინვესტიციები ჯერ კიდევ ვერ ეწევა პანდემიამდელ დონეს, რაც ისედაც არ იყო მაღალი ქვეყნის პოტენციალთან შედარებით. წინასწარი მონაცემები აჩვენებს, რომ შარშან საქართველოში მილიარდ 153 მილიონი ამერიკული დოლარი ჩაიდო, რაც 2020 წელთან შედარებით ორჯერ მეტია. საქსტატის განმარტებით, ზრდა განპირობებულია პირდაპირი უცხოური ინვესტიციების სამივე კომპონენტის - სააქციო კაპიტალის, რეინვესტიციისა და სავალო ვალდებულებების მაჩვენებლის გაზრდით. ამასთან, FDI-ის 66% არა ახალ ინვესტიციებზე, არამედ რეინვესტირებაზე მოდის#ახალიამბები #BusinessMediaGeorgia
112-ის საფასური, რომელიც 2020 წლამდე 8 წლის განმავლობაში ავტომატურად ეჭრებოდა ლევან ალაფიშვილს, თბილისის საქალაქო სასამართლოს გადაწყვეტილებით, მას უკანვე უნდა დაუბრუნდეს. “მთავრობა კონსტიტუციისა და კანონის ფარგლებში დავაბრუნე” - ასე დაწერა ლევან ალაფიშვილმა საკუთარ ფეისბუქ გვერდზე, როდესაც სასამართლოს გადაწყვეტილება ცნობილი გახდა. როგორ აისახება ეს პრეცედენტი თითოეულ ჩვენგანზე, ვინც ამიერიდან ჩათვლის, რომ უკანონოდ იხდის მოსაკრებელს 2012 წლიდან? სტუმარი: ლევან ალაფიშვილი იურისტი#ახალიამბები #BusinessMediaGeorgia
სამშენებლო სექტორი BMG-ის ყურადღების ცენტრში ბოლო პერიოდში არმატურის უპრეცედენტო გაძვირების კვალდაკვალ მოექცა. შეიძლება ითქვას, რომ ინფრასტრუქტურული კომპანიები გაკოტრდნენ, - ამის შესახებ საქართველოს ბიზნესასოციაციის აღმასრულებელმა დირექტორმა, ლევან ვეფხვაძემ საქმიანი დილა-ს ეთერში განაცხადა. ორი მთავარი ფაქტორი სახელდება: ფასების მატება მსოფლიო ბაზარზე და სავალუტო კურსის რყევა საქართველოში. სტუმარი: ანა საბახტარაშვილი - ინფრასტრუქტურის მშენებელთა ასოციაციის ხელმძღვანელი; #ახალიამბები #BusinessMediaGeorgia
წინასწარი მონაცემებით, 2021 წელს საქართველოში მილიარდ 153 მილიონი ამერიკული დოლარის პირდაპირი უცხოური ინვესტიცია შემოვიდა. რაც ორჯერ მეტია 2020 წლის დაზუსტებულ მონაცემებზე. გაზრდილია პირდაპირი უცხოური ინვესტიციების სამივე კომპონენტი: სააქციო კაპიტალი, რეინვესტიცია და სავალო ვალდებულებები. #ახალიამბები #BusinessMediaGeorgia
მას შემდეგ, რაც ვითიბი ბანკ საქართველო იმ რუსულ ბანკებს შორის მოხვდა, რომლებიც სანქციებს დაექვემდებარა, ვითიბი ბანკმა საქართველოში ფიზიკური და იურიდიული პირების პორტფელი გაასხვისა. გარიგების შედეგად, საცალო პორტფელი ბაზის ბანკმა, მცირე და საშუალო ბიზნესის კი ლიბერთიმ გადაიბარა. ჯერ კიდევ გრძელდება ვითიბის მოხმარებელთა პორტირება ბანკებში. რა იცვლება ვითიბის მომხმარებლისთვის, და მათი თანამშრომლებისთვის, ელენე გოგბერაშვილი ესაუბრა მათი ახალი მომსახურე ბანკების წარმომადგენელბს,#ახალიამბები #BusinessMediaGeorgia
რუსეთის სამხედრო ძალების მიერ ზაპოროჟიეს ატომური ელექტროსადგურისთვის შექმნილი საფრთხის გამო, უკრაინის პრეზიდენტმა, ვოლოდიმირ ზელენსკიმ ევროპას მოუწოდა, გაიღვიძოს. უკრაინის პრეზიდენტის განცხადებით, არასდროს არცერთ ქვეყანას არ უსვრია ატომური ენერგობლოკებისთვის და ეს კაცობრიობის ისტორიაში პირველად გააკეთა ტერორისტმა სახელმწიფომ. ზელენსკიმ რუსეთი ბირთვულ ტერორში დაადანაშაულა. უკრაინის პრეზიდენტი ამბობს, რომ რუსი სამხედროების შეჩერება შესაძლებელია მხოლოდ ევროპის დაუყოვნებლივი მოქმედებით. ზელენსკის თქმით, უკრაინა ეს არის 15 ბირთვული ბლოკი და თუ აფეთქება მოხდება, ყველას დასასრული იქნება, ევროპის დასასრულიც. რამდენად რეალისტურია საფრთხე, რომლის შესახებაც უკრაინის პრეზიდენტი ევროპას აფრთხილებს? - ენერგეტიკოსი გია არაბიძე აგვიხსნის მეტს.#ახალიამბები #BusinessMediaGeorgia
კერძო სექტორი, რუსეთთან უვიზო რეჟიმის გაუქმებას ითხოვს. დღის წესრიგში დამდგარ შესაძლო რისკებზე შუა დღეს საბა კიკნაძესთან ერთად ვისაუბრეთ. ჩვენმა ჟურნალისტმა ანუკა ჯოხაძემ მეტი ბიზნესის ხმა და არგუმენტები შეკრიბა.#ახალიამბები #BusinessMediaGeorgia
რუსი მოქალეები საქართველოში - ბიზნესის მოთხოვნები #ახალიამბები #BusinessMediaGeorgia
ლექსო ალექსიშვილი PMCG კვლევითი ცენტრის ხელმძღვანელი#ახალიამბები #BusinessMediaGeorgia
თიბისი ბანკის აქციონერი იან მალქოლმ ჰოქი თიბისის ხელმძღვანელობას მიმართავს და აქციონერების, მამუკა ხაზარაძისა და ბადრი ჯაფარიძის მიერ ბანკისთვის მიყენებული 40 მილიონი დოლარის ზარალის ანაზღაურებას ითხოვს. დღეს ამ თემაზე პრესკონფერენცია გამართა იან მალქოლმ ჰოქის ადვოკატმა დიმიტრი ტორაძემ. მანამდე თავად იან მალქოლმ ჰოქის მიერ გავრცელებულ განცხადებაში მოთხოვნილია აქციონერ მამუკა ხაზარაძისა და აქციონერ ბადრი ჯაფარიძის მიერ ბანკიდან უკანონოდ წაღებული ფულის უკან დაბრუნება და მათი არალეგალური სქემებიდან ბანკისთვის და მისი აქციონერებისთვის მიყენებული ზარალის სრულად ანაზღაურება. დღეს გამართულ თითქმის ერთ საათიან პრესკონფერენციაზე მედიამ ვერ მიიღო პასუხი ერთ ძალიან მარტივ კითხვაზე - როდიდან არის იან მალქოლმ ჰოქი თიბისის აქციონერი? დიმიტრი ტორაძე ამტკიცებს, რომ ეს საკითხი არ არის მნიშვნელოვანი და ამიტომ, თავად ამ თარიღით არც კი დაინტერესებულა. “ძველი და ახალი აქციონერი არ არსებობს. ნუ ეძებთ შავ კატას ბნელ ოთახში” - ამბობს დიმიტრი ტორაძე და ხაზს უსვამს, რომ თიბისის აქციები იან მალქოლმ ჰოქმა ლონდონის ბირჟაზე შეიძინა. 2008 წელს თიბისი აიპიოზე გასული არ ყოფილა. რატომ ფიქრობს იან მალქოლმ ჰოქი რომ დაზარალდა, როცა 2008 წელს ბანკს IPOც არ ქონდა გაკეთებული და ბირჟაზე მხოლოდ 5 წლის მერე გავიდა? სტუმარი: დიმიტრი ტორაძე - ადვოკატი; #ახალიამბები #BusinessMediaGeorgia
ხანდაზმული მოქალაქეებისთვის, რომლებიც პენსიით უზრუნველყოფილ სამომხმარებლო სესხებს იღებენ, კრედიტის განაკვეთი მაქსიმუმ 26% შეიძლება იყოს. შესაბამისი გადაწყვეტილება ვიცე-პრემიერის ხელმძღვანელობით გამართულმა უწყებათშორისმა კომისიამ მიიღო. სხდომას ოპოზიციის წევრები, სებ-ის და არასამთავრობო ორგანიზაციების წარმომადგენლები ესწრებოდნენ.#ახალიამბები #BusinessMediaGeorgia
საპენსიო სააგენტო, საინვესტიციო პოლიტიკის დოკუმენტის შესაბამისად, საინვესტიციო შედეგების ყოველთვიური ანგარიშის გამოქვეყნებას იწყებს. ანგარიში, რომელიც სააგენტოს ოფიციალურ ვებ გვერდზე რეგულარულად განთავსდება, მოიცავს ინფორმაციას საინვესტიციო ამონაგების, აქტივების განაწილებისა და პორტფელის რისკის პარამეტრების შესახებ. 2022 წლის იანვრის ანგარიშის მიხედვით, საპენსიო ფონდის აქტივების წმინდა ღირებულება 2 მილიარდ 63 მილიონ ლარს შეადგენს. ფონდის წმინდა ამონაგები 2019 წლიდან 2022 წლის იანვრის ჩათვლით 32.37%-ია, ხოლო რეალურმა ამონაგებმა (ინფლაციის გათვალისწინებით) იმავე პერიოდში 4.84% შეადგინა. გოგა მელიქიძე საპენსიო სააგენტო; უფროსი საინვესტიციო ოფიცერი#ახალიამბები #BusinessMediaGeorgia
ხანდაზმული მოქალაქეებისთვის, რომლებიც პენსიით უზრუნველყოფილ სამომხმარებლო სესხებს იღებენ, კრედიტის განაკვეთი მაქსიმუმ 26% შეიძლება იყოს. შესაბამისი გადაწყვეტილება ვიცე-პრემიერის ხელმძღვანელობით გამართულმა უწყებათშორისმა კომისიამ მიიღო. სხდომას ოპოზიციის წევრები, სებ-ის და არასამთავრობო ორგანიზაციების წარმომადგენლები ესწრებოდნენ.#ახალიამბები #BusinessMediaGeorgia
დღეს Bloomberg-ის სისტემაში ვაჭრობა ლარის გამყარებით დაიწყო. კურსი 2.99-ზე გაიხსნა და ბოლო რამდენიმე საათში ის 2.5 თეთრით გამყარდა, რის შედეგადაც ამჟამად სისტემაში ერთი დოლარი 2 ლარად და 97 თეთრად ივაჭრება. ეს გამყარება ოფიციალურ კურსშიც აისახა. 4 თებერვლის ვაჭრობის შედეგად, საქართველოს ეროვნული ვალუტა ამერიკულ დოლართან მიმართებით 3.12 თეთრით გამყარდა, შედეგად ერთი დოლარის ოფიციალური ღირებულება 2 ლარი და 99 თეთრს შეადგენს. ლარი დოლართან მიმართებით ასეთი მყარი ბოლოს 2020 წლის ივნისში იყო. სებ-ის ინფორმაციითვე, ეროვნული ვალუტა ევროსთან მიმართებით 2.06 თეთრით გაუფასურდა, შედეგად ერთი ევროს ოფიციალური ღირებულება 3 ლარი და 42 თეთრი გახდა. ევროსთან მიმართებით ლარი ასეთი მყარი ბოლოს 2020 წლის მარტში იყო. რა ამყარებს ლარს - გიორგი აბაშიშვილია დღეს ჩემი სტუმარი.#ახალიამბები #BusinessMediaGeorgia
„სარგებლის განაწილების ფონდი“ - ასე ერქმევა, სავარაუდოდ, ფონდებს მუნიციპალიტეტებში, სადაც განახლებადი ენერგიების ინვესტორების მიერ - იქნება ეს ჰიდრო, მზე თუ ქარი - გადახდილი ქონების გადასახადიდან გარკვეული ნაწილი მოიყრის თავს და ე.წ. ზეგავლენის არეალში მცხოვრები ადგილობრივი მოსახლეობისთვის მნიშვნელოვანი პროექტების განხორციელებას მოხმარდება. ინიციატივა საქართველოს განახლებადი ენერგიების განვითარების ასოციაციას ეკუთვნის და მთავარი მიზანია, მოსახლეობაში გენერაციის ობიექტების მისამართით არსებული ნეგატიური განწყობების შეცვლა და ასევე, იმ სარგებლის გაზიარება და მიღება, რომელიც ენერგეტიკაში ინვესტიციებს მოაქვს. უფრო მეტს ჩვენი ჟურნალისტი თელარა გელანტია მოგვიყვება, ის ესაუბრა ასოციაციის ხელმძღვანელს გიორგი აბრამიშვილს და ასევე ენერგეტიკის სამართლის ცენტრის ხელმძღვანელ მაკა ფარცვანიას.#ახალიამბები #BusinessMediaGeorgia
17 იანვარს ტურიზმის ეროვნულმა ადმინისტრაციამ გამარტივებული შესყიდვის მოთხოვნით შესყიდვების სააგენტოს მიმართა. მიზანი ადმინისტრაციის მხრიდან მთელი წლის განმავლობაში დაგეგმილი მარკეტინგული აქტივობების შესყიდვა იყო. შესყიდვის ჯამური ღირებულება 12 მილიონი ლარია, საიდანაც 5 მილიონი ლარი მიზნობრივ ქვეყნებში წარმომადგენლობითი ოფისების გახსნაზე უნდა დაიხარჯოს. მთავრობის განკარგულების ამ პუნქტმა ბევრი კითხვა წარმოშვა, რომლის გარკვევასაც დღეს კიდევ ერთხელ შევეცადეთ. საბოლოოდ აღმოჩნდა, რომ ტურიზმის ეროვნული ადმინისტრაცია სხვადასხვა ქვეყნებში წარმომადგენლობითი ოფისების გახსნას სულაც არ გულისხმობდა - მეტიც, პროექტის განხორციელებაზე ჯერ გადაწყვეტილებაც არ არის მიღებული.#ახალიამბები #BusinessMediaGeorgia
საწვავი შესაძლოა 20-25 თეთრით გაძვირდეს ვასილ ხორავა - „ვისოლ ჯგუფის“ გენერალური დირექტორი #ახალიამბები #BusinessMediaGeorgia
ნონა გაფრინდაშვილის საქმეზე მოსამართლე ვირჯინია ფილიპსმა Netflix-ის შუამდგომლობა საქმის წარმოების შეწყვეტის შესახებ არ დააკმაყოფილა. ნონა გაფრინდაშვილის სარჩელი Netflix-ის წინააღმდეგ კალიფორნიის სასამართლოში 2021 წლის 16 სექტემბერს შევიდა. სარჩელი Netflix-ის მიერ სერიალ The Queen’s Gambit-ის კულმინაციურ ეპიზოდში ნონა გაფრინდაშვილის ლეგენდარული კარიერული მიღწევების შესახებ "მიზანმიმართულად გავრცელებულ" მცდარ ცნობებს ეხება. ფილმში ნონა გაფრინდაშვილი რუსი ეროვნების ქალად არის მოხსენიებული და ერთ-ერთ ეპიზოდში კომენტატორი ამბობს, რომ გაფრინდაშვილი არასდროს შეხვედრია კაც მოთამაშეებს. გაფრინდაშვილი Netflix-ს სექსიზმში ადანაშაულებს. თავად დიდოსტატი მოჭადრაკე ამბობს, რომ 1968 წელს, რომელ პერიოდშიც სადავო ეპიზოდი თამაშდება, მას უკვე ჰქონდა ჩატარებული საჭადრაკო პარტიები 60-მდე კაცთან. ამასვე ადასტურებს "ნიუ-იორკ თაიმსის" სტატიაც, რომელიც 1968 წელს დაიბეჭდა შემდეგი სათაურით - „ქალბატონი გაფრინდაშვილი დაძაბულ ბრძოლაში 7 კაცს ამარცხებს“. ამ ეტაპზე, რაც ჩვენთვის არის ცნობილი: პროცესის მიმდინარეობისას დაიკითხა სერიალის სცენარისტი და პროდიუსერი სკოტ ფრენკი. ის იძულებული გახდა ეღიარებინა, რომ იცოდა სიმართლე ლეგენდარული მოჭადრაკის კარიერული მიღწევების შესახებ - ამ აღიარებამ პრაქტიკულად დაადასტურა Netflix-ის მიერ მცდარი ფაქტების მიზანმიმართულად გავრცელება. რას ნიშნავს ნონა გაფრინდაშვილის საქმისთვის მოსამართლე ვირჯინია ფილიპსის გადაწყვეტილება?#ახალიამბები #BusinessMediaGeorgia
ანა ბერიშვილი “წყალი მარგებელი” მარკეტინგის დეპარტამენტის ხელმძღვანელი ზურაბ გოზალიშვილი “აქვა გეო” გენერალური დირექტორი#ახალიამბები #BusinessMediaGeorgia
ბოლო პერიოდია უკრაინაში რუსეთის შესაძლო შეჭრასთან დაკავშირებული შიშები უფრო და უფრო ღრმავდება. რა გავლენა შეიძლება ჰქონდეს რუსეთ-უკრაინას შორის არსებული დაძაბული ვითარების სამხედრო კონფლიქტში გადაზრდას საქართველოს ეკონომიკაზე - ამ თემას გავაგრძელებთ დღეს ანალიტიკა-ში. ჩვენს ვებგვერდზე ბიემ.ჯი შეგიძლიათ წაიკითხოთ თიბისის მთავარი ეკონომისტის ანალიზი. ოთარ ნადარაია ხაზს უსვამს იმ ფაქტს, რომ საქართველოს მთლიანი სავალუტო შემოსავლების, დაახლოებით, 8% მოდის უკრაინაზე, ხოლო დაახლოებით, 14% - რუსეთზე. როგორც თიბისის მთავარი ეკონომისტი ამბობს, არსებული სტრესსცენაროთ რასაც თიბისი იყენებს, მოსალოდნელია წმინდა სავალუტო შემოსავლების, დაახლოებით, 240 მილიონი აშშ დოლარით შემცირება იმ დონესთან შედარებით, რაც ომის სცენარის გარეშე 2022 წლისათვის ჰქონდათ როგორც საპროგნოზო მაჩვენებელი. კიდევ ერთი საგულისხმო მომენტი, რაც ამ დროისთვის გამოვკვეთეთ ის არის, რომ "თიბისი კაპიტალი" მონეტარული პოლიტიკის განაკვეთის შემცირებას მე-2 კვარტლიდან პროგნოზირებს. მეტიც, მათი პროგნოზით, 2022 წლის ბოლოსთვის განაკვეთი 8.5%-მდე უნდა შემცირდეს. თუმცა აქაც თიბისის მთავარი ეკონომისტი ოთარ ნადარაია საბაზისო პროგნოზის ერთ-ერთ რისკფაქტორად უკრაინაში მიმდინარე პროცესებს ასახელებს. საქართველო-უკრაინის ურთიერთობებს რიცხვებში რომ დავაკვირდეთ, ასეთ სურათს მივიღებთ: 2021 წლის განმავლობაში საქართველოდან უკრაინაში ექსპორტი 41%-ით გაიზარდა და $307 მილიონი დოლარი გახდა, რაც ამ ქვეყანაში ექსპორტის მაქსიმალური მაჩვენებელია. ასევე 15.6%-ით გაიზარდა იმპორტი და ის 451 მილიონი დოლარი გახდა. უკრაინიდან იმპორტი მაქსიმალური 2013 წელს იყო და $600 მილიონს შეადგენდა. მთლიანობაში უკრაინა საქართველოს რიგით მეექვსე უმსხვილესი სავაჭრო პარტნიორია. 2021 წელს უკრაინაში საქართველოსTOP-საექსპორტო საქონელის სამეული იყო: მსუბუქი ავტომობილები - $88 მილიონ დოლარზე ოდნავ მეტი; სპირტიანი სასმელები - დაახლოებით $43 მილიონი დოლარი და სასუქები მინერალური ან ქიმიური, აზოტოვანი - დაახლოებით $38 მილიონი დოლარი. ამავე პერიოდში უკრაინიდან საქართველოში TOP-საიმპორტო საქონელის სამეული იყო: თამბაქოს ნაწარმი - $78 მილიო#ახალიამბები #BusinessMediaGeorgia
ფასები ძვირდება, როგორც აქ, საქართველოში ისე მთელ მსოფლიოში. გამონაკლისი არც მინერალური და მტკნარი წყლის ინდუსტრიაა. მიმდინარე წლის იანვრიდან აქაც ფასების ზრდის ტენდენციას ვაკვირდებით. სხვადასხვა კომპანიის შემთხვევაში მატება 10-12%-ის ფარგლებში მერყეობს. თუმცა, მწარმოებლების ნაწილმა ფასის შენარჩუნება მაინც შეძლო. რის ხარჯზე? #ახალიამბები #BusinessMediaGeorgia
საჯარო სექტორში - სოციალური მომსახურების სააგენტოს თანამშრომლებმა განაცხადეს, რომ 17 იანვრიდან გაფიცვას გეგმავენ. თანამშრომლების ნაწილი დღეს ჯანდაცვის სამინისტროში მივიდა და როგორც სააგენტოს, ისე მინისტრ ზურაბ აზარაშვილის სახელზე გაფიცვის დაწყების შესახებ ოფიციალური განცხადება ჩააბარეს. სოციალური მომსახურების სააგენტოს თანამშრომლები ხელფასების მომატებას და ადეკვატური სამუშაო პირობების შექმნას ითხოვენ. ეს იმ ფონზე, როცა ერთ წელიწადში საარსებო შემწეობის მიმღებთა რაოდენობა 22,6%-ით - 643 ათას 167-მდე გაიზარდა. ამასთან, ამ ერთი წლის განმავლობაში გაიზარდა იმ ადამიანების რიცხვიც, ვინც თვლის, რომ ღარიბია და ფულად დახმარებას საჭიროებს. თუ 2020 წლის დეკემბერში მიზნობრივი სოციალური დახმარების პროგრამაში რეგისტრირებული იყო დაახლოებით მილიონ 11 ათასი ადამიანი - 2021 წლის დეკემბერში ეს მაჩვენებელი მილიონ 91 ათასამდე გაიზარდა. აქ მატება თითქმის 8%-ია. ჯანდაცვის სამინისტრო ამ დრომდე დუმილს ამჯობინებს. კერძო სექტორში - უკვე მესამეა დღეა მაგთიკომის თანამშრომლები პროტესტს არ წყვეტენ. საპროტესტო აქციის 300-მდე მონაწილე კომპანიას ვადას 17 იანვრამდე აძლევს და თუ მათ პროტესტს არანაირი გამოხმაურება არ ექნება, პროფკავშირებთან ერთად, სამართლებრივი პროცესების დაწყებაზეც იმსჯელებენ. ანუკა ჯოხაძე განაგრძობს თემას და იმასაც გვეტყვის, თუ რა გავლენა შეიძლება იქონიოს ამ პროტესტმა მაგთის ინტერნეტის 500 ათასამდე მომხმარებელზე.#ახალიამბები #BusinessMediaGeorgia
ხორბალთან და ფქვილთან დაკავშირებულ პრობლემებზე გავამახვილებთ თქვენს ყურადღებას. რუსეთის მიერ ხორბლის იმპორტზე ბაჟის გაზრდის გამო, დღეს ფქვილის იმპორტმა ხორბლის იმპორტს საგრძნობლად გაუსწრო. ამის გამო, ქვეყნის მარაგები კრიტიკულ ნიშნულამდე შემცირდა, ადგილობრივი წარმოება შეფერხებულია და ბიზნესს ამ ნაწილში სერიოზული პრობლემები აქვს. ბიზნესი ამბობს, რომ ხორბლის მარაგებზე პასუხისმგებლობას ვეღარ აიღებს და სოფლის მეურნეობის სამინისტროს მემორანდუმის გამოწვევის თაობაზე მიმართავს. მეხორბლეები პრემიერთან და ეკონომიკური პროფილის მინისტრებთან შეხვედრას ითხოვენ. ელენე გოგბერაშვილმა იმუშავა თემაზე ანალიტიკა-სთვის.#ახალიამბები #BusinessMediaGeorgia
"როცა მომხმარებელი ინფორმირებული არაა, მას ხშირად ბრენდირებული, პოპულარული მედიკამენტი ენიშნება" სტუმარი: პაატა ლომაძე - "ჯიპიაი ჰოლდინგის" გენერალური დირექტორი; #ახალიამბები #BusinessMediaGeorgia
მაშინ, როცა საწვავზე ფასი ისტორიულ მაქსიმუმზეა და დიდი ხანია 1 ლიტრი ბენზინის ღირებულება გასცდა 3 ლარიან ნიშნულს, ამ პირობებში მნიშვნელოვანია მომხმარებელს ჰქონდეს არჩევანის შესაძლებლობა მის მიერ საწვავზე გაწეული ხარჯი შეამციროს. ინდუსტრიამ ამისთვის ე.წ სელფ სერვის ავტოგასამართი სადგურების მიმართულებით გააქტიურება დაიწყო. ამ ტიპის სადგურზე მომხმარებელი თავად ასხამს საწვავს, სანაცვლოდ კი ერთ ლიტრ პროდუქტს მნიშვნელოვნად შემცირებული ფასით ყიდულობს. თვითმომსახურების სადგურები მსოფლიოში კარგად გამოცდილი პრაქტიკაა. ამ მხრივ ვისოლი პირველი იყო, რომელმაც მსგავსი ფორმატის სადგური თბილისში 2019 წლის თებერვალში გახსნა. ახალ წელს კომპანია უკვე თვითმომსახურების 10 სადგურით ხვდება - თბილისსა და რეგიონებში. როგორ შეგიძლიათ გამოიყენოთ ე.წ სელფ სერვის სადგურები და დაზოგოთ თანხა#ახალიამბები #BusinessMediaGeorgia
სამშენებლო კომპანია „ჯი დი ჯგუფს“ ჯანდაცვის სამინისტროსთვის, კერძოდ, დევნილთა სააგენტოსთვის თბილისის საქალაქო სასამართლომ 11 მლნ ლარის გადახდა დააკისრა. ეს ბიემჯისთვის ექსკლუზიურად გახდა ცნობილი - როგორც ირკვევა, საქმე ეხება დევნილებისთვის საცხოვრებელი სახლების აშენებას - ვალდებულება კომპანიამ ვერ შეასრულა. მეტის გარკვევას დღეს თელარა გელანტია ცდილობდა და ახლა პირდაპირ ეთერში გვიერთდება. თელარა გისმენთ - მსგავსი ფაქტები ხშირი არაა, ძირითადად, სახელმწიფო უწყებებს უწევთ ხოლმე ფიზიკური თუ იურიდიული პირებისთვის ფულადი კომპენსაციის გადახდა - რასთან გვაქვს საქმე?#ახალიამბები #BusinessMediaGeorgia
✅1 ტონა საწვავი საჩუქრად Jeep-ის მყიდველებს ➡ლევან ასანიშვილი „Jeep“-ის ცენტრი; გენერალური დირექტორის მოადგილე#ახალიამბები #BusinessMediaGeorgia
თბილისის მერია მზადაა ავტოსადგურების მოსაწყობად დაიხარჯოს - ეს გვითხრა დღეს ვიცე-მერმა ირაკლი ხმალაძემ. თბილისის მერია დედაქალაქში არსებული საქალაქთაშორისო ავტოსადგურების მოსაწყობად ტენდერის გამოცხადებას აპირებს. გეგმა ასეთია: ავტოსადგურებისთვის საერთო განვითარების კონცეფცია უნდა მომზადდეს. მოგვარდება თუ არა მოუწესრიგებელი ავტოსადგურების პრობლემა და რას შეცვლის ეს როგორც თავად ავტოსადგურებისთვის, ისე მგზავრთა გამყვანი ოპერატორებისთვის#ახალიამბები #BusinessMediaGeorgia
თვითმმართველობის არჩევნებამდე ერთი თვით ადრე, სექტემბრის დასაწყისში, მთავრობამ მოსახლეობას მორიგი სუბსიდია შესთავაზა- იპოთეკური სესხის თანადაფინანსება ოჯახებისთვის. ეკონომიკის მინისტრი ნათია თურნავა ამბობს, რომ ეს კარგი მოტივაციაა მოქალაქეებისთვის, შეიძინონ უძრავი ქონება, რაც ამ ბიზნესის გააქტიურებასაც ეხმარება. თუმცა, გალტ ენდ თაგარტში მიაჩნიათ, რომ პროგრამა უფრო სოციალირი ხასიათისაა და ნაკლებად ემსახურება ბიზნესის ხელშეწყობას.#ახალიამბები #BusinessMediaGeorgia
გეტყვით, რომ 2013-2020 წლებში „ქართული ოცნების“ ხელისუფლებაში ყოფნის პერიოდში სახელმწიფო უწყებებში პიარ-სამსახურებში დასაქმებული თანამშრომლების ანაზღაურებისთვის ბიუჯეტიდან 140.5 მლნ ლარი დაიხარჯა, - შესაბამის ინფორმაციას „საერთაშორისო გამჭვირვალობა - საქართველო“ აქვეყნებს. ყველაზე დიდი მოცულობის თანხა პიარ სამსახურებში დასაქმებულებს 2016 წელს გადაუხადეს და ამ წელს ამ მიმართულებით გაწეულმა ხარჯებმა თითქმის 20 მილიონი ლარი შეადგინა. პიარმენეჯერების ერთ-ერთი ყველაზე მსხვილი მხარჯველიც და დამსაქმებელიც თბილისის მერიაა, სადაც მხოლოდ 2020 წელს პიარ სამსახურებში დასაქმებულ კადრებს თითქმის ორ მილიონ ლარამდე გადაუხადეს. რა პასუხი აქვს თბილისის მერს და რით ხსნის ის თავისის უწყების პიარსამსახურებში დასაქმებული ადამიანების ანაზღაურების მოცულობას.#ახალიამბები #BusinessMediaGeorgia
რომ ფასების ზრდაზე ყველაზე დიდი გავლენა იქონია სურსათის ფასების ზრდამ, წლიურ ჭრილში სასურსათო პროდუქტების ფასები 17%-ით არის გაზრდილი. გაძვირებული საწვავის გამო ტრანსპორტის სექტორში ფასების 20.2%-იანი ზრდაა... რა უნდა გააკეთოს მთავრობამ და სებმა, რომ მაქსიმალურად სწრაფად მოითოკოს ინფლაცია და ასევე, რა პროგნოზებს აკეთებენ ანალიტიკოსები - როდიდან გაიაფდება ჩვენი ცხოვრება? თელარა გელანტაიმ მოისმინა ფინანსისტ ლევან სურგულაძის და ეკონომისტ კაკო ცომაიას მოსაზრებები და შეფასებები.#ახალიამბები #BusinessMediaGeorgia
ქვეყანაში ისევ რეკორდული ინფლაციაა. ფასების დონე 2021 წლისთვის განსაზღვრულ მიზნობრივი ინფლაციის მაჩვენებელს ოთხჯერ აღემატება - საქსტატის მიერ გამოქვეყნებული ანგარიშის მიხედვით, ნოემბერში საქართველოში ფასები წლიურად 12.5%-ით გაიზარდა. ელენე გოგბერაშვილი მსოფლიო კონკუნრეციის დღესთან დაკავშირებულ ღონისძიებას ესწრება და მან ანალიტიკა-სთვის ეროვნული ბანკის პრეზიდენტი კობა გვენეტაძე ჩაწერა.#ახალიამბები #BusinessMediaGeorgia
„საქართველოში კვების ობიექტების 70% ჰასპის სტანდარტზე გადასვლისთვის მზად არ არის... ზოგმა არც კი იცის, რა არის ჰასპი“ - ეს სიტყვები გასტრონომიის ასოციაციის ხელმძღვანელს ეკუთვნის და ეს ხდება მაშინ, როცა ახალ სტანდარტებზე გადასვლის ვალდებულება საშეღავათო პერიოდის ამოწურვის შემდეგ, უკვე კვების დაწესებულებებს იანვრიდან წარმოეშობა. თავად მაკონტროლებელი უწყება, სურსათის ეროვნული სააგენტო ანონსებს რომ იანვრიდან კვების დაწესებულებების აქტიურ კონტროლს დაიწყებს. რა მიდგომა ექნება მთავარ მაკონტროლებელს და რამდენად მზად დახვდება ინდუსტრია ცვლილებებს, ელენე გოგბერაშვილმა მოიკითხა კერძო სექტორი და ბიზნესთან ერთად რეგულაციის აღმასრულებელი რგოლის პოზიციასაც მოგვასმენინებს.#ახალიამბები #BusinessMediaGeorgia
3 მლნ ლარამდე ინვესტიციით შექმნილი ერთი საშუალო ზომის საწარმო - კარების მწარმოებელ კომპანია „მეგადორსი“ ბაზარზე 2017 წელს გამოჩნდა. მეგადორსი სამთავრობო პროგრამის - „აწარმოე საქართველოში“ მხარდაჭერით შეიქმნა. მაშინ “მეგადორსს” ქონების ეროვნული სააგენტოსგან თბილისში 5 184 კვ.მ მიწის ნაკვეთი სიმბოლურ 1 ლარად გადაეცა. საწარმოს სხვადასხვა დროს სხვადასხვა მინისტრები სტუმრობდნენ - ერთ-ერთი პირველი დიმიტრი ქუმსიშვილი იყო, ერთ-ერთი ბოლო კი - ნათია თურნავა - შარშან სექტემბერში. ვიზიტის მიზეზი მეგადორსის გეგმები იყო - კომპანიამ გაფართოება გადაწყვიტა და ისევ აწარმოე საქართველოში - პროგრამის ფარგლებში 4 მილიონ 800 ათას ლარამდე სესხი აიღო. ჯამში, ბიზნესში 6 მლნ ლარამდე ინვესტიცია უნდა ჩაედო, მაგრამ 1 წელი გავიდა და გეგმა ფაქტობრივად გეგმად რჩება. თუ რატომ - ამაზე უფრო დეტალურად თელარა გელანტიას სიუჟეტით გეტყვით, თუმცა მანამდე ისიც ვთქვათ, რომ კომენტარისთვის, ცხადია, მივმართეთ აწარმოე საქართველოში სააგენტოს მენეჯმენტს. ბენეფიციარის წერილი, სააგენტომ როგორც ჩანს მიიღო და გვითხრეს, რომ მაქსიმალურად დაუჭერენ მხარს. რა თქმა უნდა, თბილისის მერიასთანაც გადავამოწმეთ მეგადორსის პრეტენზიები და ვიკითხეთ, რატომ დაუხარვეზა პროექტი. მერიიდან ასე მოგვწერეს - “ამ კომპანიას თბილისის მერიის გარემოს დაცვის სამსახურმა დაუდგინა რიგი ხარვეზები, რომლის გამოსწორებაც არის სავალდებულო. კერძოდ, გარემოს დაცვის სამსახური ითხოვს მოსაჭრელი ხეების ფერად ფოტომასალას, სადაც მთლიანად გამოჩდება ხის ვარჯი და ღერო. ასევე, გამწვანების პროექტის საინფორმაციო ბანერზე უნდა დაიტანონ ფოტომონტაჟის სახით გამოსახული გამწვანების ესკიზი (საპროექტო შენობის და ხეების განთავსებით). აღნიშნული მოთხოვნების დაკმაყოფილების შემთხვევაში გაიცემა სამშენებლო ნებართვა”. ამ დროისთვის სიტუაცია ასეთია - მერიამ უნდა დაადასტუროს, რომ კომპანიამ მართლაც დააკმაყოფილა მისი მოთხოვნები. თუმცა, თუ სამწლიანი სუბსიდირების ათვლა უშუალოდ მერიის მიერ სამშენებლო ნებართვის გაცემიდან არ დაიწყება, მეგადორსის მფლობელს მოუწევს, დაახლოებით 3 მილიონიან ინვესტიციაზე უარი თქვას.#ახალიამბები #BusinessMediaGeorgia
„მაკდონალდს საქართველომ“ და კომპანია „ჰავი ლოგისტიკმა“, რომელიც მაკდონალდსის კორპორაციას უკვე 45 წელია ლოგისტიკურ სერვისს უწევს, თბილისში ლილოში მდებარე საწყობზე მზის ელექტროპანელების სისტემა დაამონტაჟეს, პროექტის ჯამური ინვესტიცია 300 000 აშშ დოლარია.შენობის სახურავზე 1000 ცალი მზის პანელი განთავსდა, რომელიც წლიურად საშუალოდ 538 853 კილოვატ საათ ენერგიას გამოიმუშავებს. პროექტი კომპანია „ინსტამ“ განახორციელა. Როგორც „მაკდონალდს საქართველოს“ გენერალური დირექტორი თენგიზ კაპანაძე ბიემჯისთან აცხადებს, სამომავლოდ კომპანია ნარჩენების გადამუშავებასაც დაიწყებს და მზის პანელები მაკდონალდსის რესტორნებშიც დამონტაჟდება.#ახალიამბები #BusinessMediaGeorgia
საით მიდის საქართველო? "როგორ შეიძლება საზოგადოება ორ ნაწილად იყოფოდეს, როდესაც საქმე ადამიანის სიცოცხლეს ეხება" "ეს ცუდად მოქმედებს ქვეყნის იმიჯსა და თითოეულ ჩვენს მოქალაქეზე" სტუმარი: თემურ ჭყონია - ბიზნესმენი; #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ანუკა ჯოხაძე უნდა შემომიერთდეს პირდაპირ ეთერში. ის დღეს დარგობრივი ეკონომიკისა და ეკონომიკური პოლიტიკის კომიტეტის შეხვედრას ესწრებოდა, სადაც განიხილეს მოკვლევა, რომელიც მცირე და საშუალო ბიზნესის საჭიროებების შეფასებას ისახავს მიზნად პანდემიურ და პოსტ-პანდემიურ ჭრილში. ანუკა, საღამო მშვიდობის. ისეთი სხდომა იყო, საინტერესო აქცენტებით დატვირთული, მაგრამ გვიწევს, მოკლედ შევაჯამოთ ძირითად აქცენტები, რაც ამ სხდომაზე დაისვა - სად არის მთავარი გამოწვევები მცირე და საშუალო ბიზნესისთვის დღეს და რა პასუხები შეიძლება არსებობდეს ამ გამოწვევებთან მიმართებით?#ახალიამბები #BusinessMediaGeorgia
სტუმარი: მიხეილ კუკავა PMCG-ის ეკონომისტი 2022 წლის სახელმწიფო ბიუჯეტის გადამუშავებულ ვერსიას განვიხილავ დღეს ამ ეთერში ჩემს სტუმართან ერთად. პირველ ვერსიასთან შედარებით ბიუჯეტის ხარჯები გაზრდილია. თვალში მოსახვედრია ძირითადად საჯარო სექტორში ხელფასების ზრდა, ახალი ვალის აღება - მათ შორის, არსებული ძველი ვალის დასაფარავადაც და ფსონი, რომელიც უფრო მეტი მოცულობის გადასახადების ამოღებაზე იდება - კერძოს, 13 მილიარდ 300 მილიონ ლარს ელოდება მთავრობა ბიზნესისა და გადასახადების გადამხდელებისგან. ამასთან, სახელმწიფო აუდიტის სამსახური ამბობს, რომ სახელმწიფო ბიუჯეტის პროექტს, პანდემიის პირობებში, არ ახლავს ინფორმაცია პესიმისტური და ოპტიმისტური ეკონომიკური სცენარების რეალიზების შემთხვევაში ფისკალური პოლიტიკის შესაბამისი პასუხების შესახებ.#ახალიამბები #BusinessMediaGeorgia
დაიწყეს თუ არა ინვესტორებმა საქართველოში მიმდინარე პროცესებზე კითხვების დასმა - ამით დავინტერესდებით დღეს. ანალიტიკა არ არის პოლიტიკური გადაცემა - თუმცა, ძალიან კარგად ვაცნობიერებთ, რომ პოლიტიკის და ეკონომიკის ერთმანეთისგან გამიჯვნა არ გამოდის და სავარაუდოდ, ქვეყანაში დღეს მიმდინარე მოვლენები ინვესტორთა განწყობებზეც აუცილებლად სათანადოდ აისახება. ეს კი საქართველოსთვის უმძიმესი დარტყმა იქნება, რადგან მათ შორის, რეკორდულად გაზრდილი ინფლაციის დაბალანსება ამ ქვეყანაში ისეთი გარემოს უზრუნველყოფითაა მხოლოდ შესაძლებელი, სადაც ინვესტიციები შემოდის, სადაც ახალი სამუშაო ადგილები კერძო სექტორში იქმნება და სადაც უკვე დასაქმებულ ადამიანებს შემოსავლების ზრდის პერსპექტივა არ უკვდებათ. ლოგიკური და მარტივია სათქმელად, მაგრამ ბოლო წლების ინვესტიციების სტატისტიკაც აჩვენებს, რომ საერთოდ არ არის ადვილი მისაღწევად - მაშინაც, როცა ევროპასთან ღრმა და ყოვლისმომცველი ხელშეკრულებაც გავაფორმეთ და ნელ-ნელა ეს ექსპორტის ზრდასაც ეტყობა. დგება თუ არა ისედაც მყიფე განვითარება დღეს კიდევ ერთი მძიმე დარტყმის ქვეშ - კიდევ რა შეიძლება გადაყვეს უკიდურესად პოლარიზებულ პოლიტიკურ ველს? სტუმარი: ზვიად ჭუმბურიძე - “ევროკავშირი-საქართველოს ბიზნეს საბჭო ს” გენერალური მდივანი #ახალიამბები #BusinessMediaGeorgia
იაპონიაში სადაც ბოლო წლების განმავლობაში ტაიფუნების რაოდენობა მნიშვნელოვნად იზრდება ფიქრობენ, რომ ტაიფუნის როგორც ენერგიის წყაროდ გამოყენება შესაძლებელია. ამისთვის ახალი სტარტაპიც დაიწყო.#ახალიამბები #BusinessMediaGeorgia
პრივატიზაციის თემით განვაგრძობთ გადაცემას - 3 ნოემბრის მდგომარეობით, წელს, სახელმწიფო ქონების ეროვნულმა სააგენტომ აუქციონზე დაახლოებით 487 მილიონი ლარის საწყისი ღირებულების ქონება გამოიტანა, აქედან აუქციონი წარმატებით დასრულდა 198 მილიონი ლარის ქონებაზე, ვაჭრობის შედეგად კი, საპრივატიზებო თანხა 282 მილიონ ლარამდე იყო... უფრო რომ დავკონკრეტდეთ - რა გვაქვს დღეს ბიუჯეტში - ფინანსთა სამინისტროს ინფორმაციით, 2021 წლის 9 თვეში პრივატიზაციიდან სახელმწიფო ბიუჯეტში 162 მლნ ლარი შევიდა, რაც ცხრა თვის საპროგნოზო მოცულობის 100.3%-ია.#ახალიამბები #BusinessMediaGeorgia
არიკ ჯგუფი საქართველოში უკვე მეშვიდე წელია აგროკულტურების განვითარებაზე მუშაობს. ირანელ და ქართველ ინვესტორებს კახეთში, სოფელ იორმუღანლოში ფისტას, ნუშის და კაკლის ბაღებთან ერთად, ვენახებიც აქვს. მოსავლის გადამუშავებისთვის კი ამ საინვესტიციო ჯგუფს საწარმოს მშენებლობა სურს, თუმცა საგარეჯოში, იმ ტერიტორიაზე, სადაც სამუშაოები უკვე უნდა დაეწყო, საწარმოო ხაზების განთავსება აღარ გამოდის. ინვესტორი ადგილობრივი და ცენტრალური ხელისუფლებისგან, ადგილმონაცვლეობას ითხოვს.#ახალიამბები #BusinessMediaGeorgia
რატომ ხვდება საქართველოში შემოსული ტვირთები რისკის ე.წ. ყვითელ დერეფნებში? ბიზნესის ნაწილი წუხს, რომ საზღვარზე შეფერხებები გახშირებულია. ყვითელ დერეფანში მოხვედრისას საჭიროა, რომ ტვირთის მფლობელმა დღგ წინასწარ გადაიხადოს. ჩნდება ეჭვი, რომ რიგ შემთხვევაში ასეთი შემოწმებები ხელისუფლებას ბიუჯეტის შესავსებად სჭირდება. #ახალიამბები #BusinessMediaGeorgia