საქსტატმა უცხოელ ვიზიტორთა სამწლიანი მოკვლევის შედეგები გამოქვეყნა, რომელიც მსოფლიო ტურიზმის საერთაშორისო ორგანიზაციის მეთოდოლოგიით, 2014 წლის მესამე კვარტლიდან ტარდებოდა. კვლევის ფარგლებში ჯამში, სასაზღვრო გამშვებ პუნქტებზე დაახლოებით 12 ათასი ვიზიტორი გამოიკითხა. კვლევამ პასუხი გასცა ისეთ კითხვებს, როგორიცააა - რამდენად კმაყოფილები არიან ვიზიტორები საქართველოში მოგზაურობით, რამდენი ღამე რჩებიან ქვეყანაში, რამდენს ხარჯავენ საშუალოდ და რა მიზნით ჩამოდიან საქართველოში.
წელს დადგემილი ინფრასტრუქტურული პროექტებისთვის 5 მილიარდ 3 მილიონი ლარი დაიხარჯება
თბილისი საერთაშორისო ბიზნეს ფორუმს მასპინძლობს დასახელებით „საქართველო - შესაძლებლობების ქვეყანა“. ორგანიზატორია ბია, ანუ ბიზნეს ინფორმაციის კატალოგი. ფორუმის მიზანია რეგიონში საქართველოს ფინანსურ და ბიზნეს ცენტრად პოზიციონირების ხელშეწყობა, ქვეყნის ეკონომიკური და საინვესტიციო პოტენციალის მიმოხილვა და მეწარმეებისთვის ფინანსირების იაფი წყაროების გაცნობა.
"ხონელიძის კლინიკის" დამფუძნებლები, მათ შორის ექიმი ირაკლი მერკვილაძე, რომელიც ამჟამად ციხეში იხდის სასჯელს, ამჟამინდელ დირექტორს, დავით ხონელიძეს 5 წელია ედავებიან იმაზე, რომ იგი უკანონოდ ითვისებს და ფლანგავს კლინიკის ფინანსებს". ასევე ირაკლი მერკვილაძე დავით ხონელიძეს მის წინააღმდეგ სისხლის სამართლებრივი სამართალწამროების შემკვეთად მოიხსენიებს იმ საქმეზე, რომელიც მერკვილაძის წინააღმდეგ 2012 წელს აღიძრა ერთერთი მისი პაციენტის გარდაცვალების შემდეგ და რის გამოც 2018 წლის იანვარში დააპატიმრეს ქუთასის საქალაქო სასამართლოს გადაწყვეტილების საფუძველზე. სტუმრები: ზაზა ხაჟალია - ირაკლი მერკვილაძის ადვოკატი; დავით შველიძე - დავით ხონელიძის ადვოკატი
“სადაზღვევო სექტორს ისევ ბანკები ავიწროვებენ” - ეს შეფასება უნისონის გენერალურ დირექტორს, ვასილ ახრახაძეს ეკუთვნის. რომელიც ფიქრობს რომ სექტორში დესტრუქციულმა ჩარევამ პიკს მიაღწია, რაც ნეგატიურ გავლენას, როგორ არსებულ ბაზრის მოთამაშეებზე, ასევე მის საინვეტიციო მიმზიდველობაზე ახდენს. სტუმარი: ვასილ ახრახაძე - კომპანია უნისონი; დირექტორი
ეროვნული ბანკის რეგულაციების შემდეგ ტექნიკისა და ონლაინ მაღაზიების რეალიზაცია საგრძნობლად შემცირდა. ასეთია რეგულაციის გავლენის პირველადი შედეგი, რაზეც სექტორის წარმომადგენლები საქმის კურსთან საუბრობენ. როგორც იცით, ბანკები საზედამხედველო კაპიტალის 25%-ს მიღმა, სესხებს შემოსავლების დადასტურების გარეშე ვეღარ გასცემენ. გარკვეული პროფესიების წარმომადგენლებისთვის კი, მაგალითად, როგორიც არის რეპეტიტორი, ან ხელოსანი, სესხებზე ლიმიტებია დაწესებული.
„აწარმოე საქართველოში“ დირექტორი მიხეილ ხიდურელი იქნება. BM.ge-ის აღნიშნული ინფორმაცია თავად ხიდურელმა დაუდასტურა და თქვა, რომ სამოქმედო გეგმასა და სააგენტოს ახალ სტრატეგიაზე ვრცლად პრეზენტაციაზე ისაუბრებს.
საკმაოდ მრავალფეროვანი დღის წესრიგი ჰქონდა დღეს პარლამენტის დარგობრივი ეკონომიკისა და ეკონომიკური პოლიტიკის კომიტეტს. ერთ-ერთი მთავარი საკითხი, რაც ოპოზიციამ წამოჭრა, ეხება საქართველოში მიმდინარე მოვლენების საინვესტიციო გარემოზე ასახვას - დაწყებული, მარტში ნენსკრა ჰესის სამშენებლო სამუშაოების ტერიტორიაზე შეიარაღებული პირის შეჭრით, დამთავრებული გასულ პარასკევს ღამის კლუბებში განხორციელებული სპეცოპერაციით.
საქართველოდან პროდუქტები ევროპულ და ამერიკულ ბაზრებზე AMAZON.COM-ის სისტემით გაიყიდება. მათ კი ვინც ელექტრონური კომერციით არის დაინტერესებული, ამაზონის ელექტრონულ არხებში გზას საქართველოში დაფუძნებული ახალი კომპანია Amazon export hub-ი გაუკვალავს. სტუმარი: ლევან მოლაშვილი - Amazon export hub
საგარანტიო ფონდი, რომელიც კომერციული ბანკებისთვის, მცირე და საშუალო ბიზნესის მიერ აღებული სესხების უკან დაბრუნების გარანტორად გამოდის - მთავრობა ახალ რეფორმას იწყებს. რა ეტაპზეა ამ ფონდის ჩამოყალიბება და როგორ აფასებენ ამ პირველად ინფორმაციას პარლამენტის და არასამთავრობო სექტორის პროფესიულ წრეებში?
თბილისში თვითმფრინავის კომპოზიტური ნაწილების მაღალტექნოლოგიური ქარხნა ოფიციალურად გაიხსნა. ღონისძიებას საქართველოს მთავრობის წევრები და დიპლომატიური კორპუსის წარმოამდგენლები ეწრებოდნენ. პროექტის სრული საინვესტიციო მოცულობა 93 მლნ აშშ დოლარია. ქარხანამ 300 ადგილობრივი მუშახელი უნდა დაასაქმოს, რომლებიც გადამზადდებიან ავიაციის წარმოების ბაზარზე წამყვანი სპეციალისტების მიერ. სტუმარი: დავით საგანელიძე - საპარტნიორო ფონდი; დირქტორი
რამდენიმე დღეში პარლამენტი ეკონომიკის სამინისტროსგან ენერგეტიკის სექტორში 2017 წლის ნამუშევარს ჩაიბარებს. კერძოდ, საუბარია ევროკავშირთან ასოცირების შეთანხმებისა და ასოცირების დღის წესრიგის სამოქმედო გეგმის შესრულებაზე, ასევე ევროპის ენერგეტიკულ თანამეგობრობაში გაერთიანების ხელშეკრულების მოთხოვნების შესრულების შესახებ. ჯერ ადრეა საუბარი იმაზე, როდის შევიძენთ ჩვენ, რიგითი მომხმარებლები ელექტროენერგიას ბაზარზე, დისტრიბუტორების შუამავლობის გარეშე, ან როდის გვექნება ჭკვიანი მრიცხველები, რომ საათობრივად დათვალოთ ჩვენი ხარჯი. სტუმარი: გიორგი ჩიქოვანი ეკონომიკის მინისტრის მოადგილე
ავტომანქანებისა და უძრავი ქონების დალომბარდება აიკრძალება, - ამის შესახებ ფინანსთა მინისტრმა მამუკა ბახტაძემ განაცხადა. მისი თქმით, ლომბარდები საქართველოში ჭარბვალიანობის ერთ-ერთ პრობლემად გადაიქცა. რას ფიქრობს ბიზნესი მინისტრის ინიციატივაზე და როგორ აფასებს მას მოსახლეობის ნაწილი
პროფესიული კავშირების გაერთიანება მომეტებული საფრთხის მქონე მძიმე, მავნე და საშიშპირობებიანი სამუშაოს მთავრობის მიერ წარმოდგენილ ნუსხაში რიგი სექტორების დამატებას ითხოვს. მათ შორის არის ხორცის, რძის, მცენარეული ზეთის, მაკარონის და სხვა პროდუქტების წარმოება. ასევე, პროფკავშირები ითხოვენ ნუსხას დაემატოს კომუნალური მეურნეობა და საყოფაცხოვრებო მომსახურება. შეგახსენებთ, რომ შრომის უსაფრთხოების ახალი კანონის ამოქმედებიდან 3 თვეში საქართველოს მთავრობამ აღნიშნული ნუსხა უნდა დაამტკიცოს. დედლაინამდე კი დაახლოებით თვენახევარი დარჩა. სტუმარი: გიგა ბექაური - პროფკავშირები
რამ შეიძლება გააერთიანოს სახელმწიფო ენისა და ბიზნესის ინტერესები? - ეს საკითხი განსაკუთრებით აქტუალურია მას შემდეგ, რაც რეკლამის შესახებ კანონში ცვლილებები შევიდა და ბრენდების უცხოური დასახელების ტრანსლიტერაციის გარეშე განთავსებისთვის ჯარიმები გაიზარდა. ამ რეგულაციით შეწუხებულმა ბიზნესმა სახელმწიფო ენის დეპარტამენტსაც მიმართა. რით შეუძლია ამ უწყებას კერძო სექტორის დახმარება? სტუმარი: გიორგი ალიბეგაშვილი - "სახელმწიფო ენის დეპარტამენტი" თავმჯდომარე
ფინანსთა მინისტრის ინიციატივების სესახებ ჩვენი მაყურებელი ინფორმირებულია. მათ შორის უახლესებია, ავტომობილების და უძრავი ქონების დალომბარდების აკრძალვა, ასე 50% იანი ჭერი ეფექტური საპროცნტო განაკვეთისათვის. ბაზრის მოთამაშეები მოლოდინის რეჟიმში არიან, ზოგიერთი კი ალბათ სტრატეგიის და საქმიანობის შეცვლაზეც ფიქრობს, მიუხედავად იმისა რომ ეს მხოლოდ ინიციატივებია. სტუმარი: გივი კორინთელი - არასაბანკო ფინანსურ დაწესებულებათა ასოციაციის დამფუძნებელი
მარეგულირებელი კომისიების ხელმძღვანელებს ხელფასები, შესაძლოა, 3-ჯერ შეუმცირდეთ. შესაბამისი კანონპროექტი პარლამენტის უმცირესობის წევრს რომან გოცირიძეს აქვს შემუშავებული. საუბარია კომუნიკაციის ეროვნული კომისიისა და საქართველოს ენერგეტიკისა და წყალმომარაგების მარეგულირებელი ეროვნული კომისიის ხელმძღვანელ პირებზე. კანონპროექტი ზოგადი პრინციპების დონეზე მიმდინარე კვირაში განიხილა დარგობრივი ეკონომიკისა და ეკონომიკური პოლიტიკის კომიტეტმა და დეპუტატებმა კანონპროექტის ძირითადი არსი გაიზიარეს. რატომ ითხოვს რომან გოცირიძე ხელფასების შემცირებას და რა რისკები შეიძლება ახლდეს ამ ნაბიჯს?
ლიზინგის პოპულარიზაციაზე ზრუნვა სახელმწიფომაც დაიწყო და შეღავათიანი აგროკრეტიტის პროექტს, აგრო ლიზინგი დაამატა. სტუმარი: გაგა გოგუა - TBC ლიზინგი; გენერალური დირექტორი
მომეტებული საფრთხის მქონე რომელ სამუშაოებზე უნდა გავრცელდეს შრომის უსაფრთხოების შესახებ კანონი? ეს საკითხი არაერთი შეხვედრის საგანია კერძო სექტორსა და მთავრობას შორის. დღეს კი ამ თემაზე საქართველოს დამსაქმებელთა ასოციაციაში იმსჯელეს. როგორც იცით, ახალი კანონის ძალაში შესვლიდან სამ თვეში საქართველოს მთავრობის მიერ უნდა დამტკიცდეს მომეტებული საფრთხის მქონე მძიმე, მავნე და საშიშპირობებიანი სამუშაოების ჩამონათვალი ბიზნესთან და პროფკავშირებთან შეთანხმებით. სტუმარი: მიხეილ კორძახია - დამსაქმებელთა ასოციაცია ; პრეზიდენტი
კრიპტოვალუტები და ბლოკჩეინი - ასეთი სათაურით ევროპისა და ცენტრალური აზიის რეგიონის ეკონომიკური ანგარიშის პრეზენტაცია გაიმართა, რომელიც ეხება ტრანსფორმაციული ტექნოლოგიების ახალ ტალღას და მათ ურთიერთობას მსოფლიოს სხვადასხვა ეკონომიკებთან, გლობალურ და ადგილობრივ დონეზე. ტექნოპარკში მიწვეულ სტუმრებს ანგარიში მსოფლიო ბანკის ამ რეგიონის მთავარმა ეკონომისტმა ჰანს ტიმერმა გააცნო. ღონისძიებას ეროვნული ბანკის პრეზიენტი და ფინანსთა მინისტრის მოადგილეც ესწრებოდნენ.
თამბაქოს მოხმარებაზე დაწესებული შეზღუდვების პირველი დღეების ეფექტი - საქმის კურსისთვის ცნობილი გახდა, რომ ე.წ სიგარაბარებისთვის კანონის მიხედვით გაწერილ ლიცენზიებს გაურკვეველი პირები კაფე-ბარებისა და რესტორნების მფლობელებსაც სთავაზობენ. კონკრეტულად რა სახის ლიცენზიებს ითვალისწინებს თამბაქოს კონტროლის შესახებ კანონი და რამდენად მაღალია შანსი, რომ ვინმემ კანონის გვერდის ავლით იმოქმედოს?
პენსიონერებმა და შეზღუდული შესაძლებლობების მქონე პირებმა მედიკამენტები ნახევარ ფასად უნდა შეიძინონ - ასეთი მიზანი აქვს იმ არაკომერციულ ორგანიზაციას, რომელიც მთავრობის გადაწყვეტილებით იქმნება, დასახელებით პარტნიორობა ხელმისაწვდომი ჯანდაცვისთვის. პარტნიორებად კი ჯანდაცვის სამინისტრო როგორც ადგილობრივ, ისე საერთაშორისო ფარმა მწარმოებლებს მოიაზრებს. ამ ეტაპზე სამინისტრო განმარტებებისგან თავს იკავებს.
კომპანიები ,,არდი’’ და ,,სარაჯიშვილი’’ მაიკროსოფტის ქართული წარმომადგენლობის წინააღმდეგ. საკმაოდ მაღალი საჯარიმო სანქციები ბიზნესს არალიცენზირებული პროგრამების გამოყენებისთვის და კერძო სექტორი, რომელიც ამობს, რომ სქემას რომლითაც კომპანიებიდან თანხებს იღებენ, მაიკროსიფტის კორპორაციასთან კავშირი არ აქვს. რა არგუმენტები აქვს ქართულ ბიზნესს და რა პასუხი აქვს ბრალდებებზე მაიკროსოფტ საქართველოს.
შეშის ალტერნატივა - თხილის ნაჭუჭისგან დამზადებული საწვავის ბიზნესი სამეგრელოში - კომპანია „ეკოლაინ ჯორჯია“ უკვე 2 წელია ზუგდიდში თხილის ნაჭუჭისგან საწვავ შეშას ამზადებს და ადგილობრივ ბაზარზე ყიდის. კომპანია ქართულ-უკრაინული ინვესტიციით შეიქმნა და ამ დროისთვის, 200 000 დოლარის ინვესტიცია აქვთ განხორციელებული. სტუმარი: თამაზ ლომიძე - “ეკოლაინ ჯორჯია” ; დირექტორი
ფინანსთა მინისტრი მამუკა ბახტაძე აცხადებს, რომ ე. წ. ეფექტურ საპროცენტო განაკვეთზე ჭერი 100%-დან 50%-მდე შემცირდება. მისი თქმით, მასიური ხასიათი ჰქონდა იმას, რომ სასესხო კონტრაქტში ჩაწერილი პროცენტი რეალობას არ შეესაბამებოდა. სტუმარი: ვასილ რევიშვილი - ფინანსისტი
მას შემდეგ, რაც ფინანსთა მინისტრმა მამუკა ბახტაძემ პარლამენტში მისვლის სურვილი გამოთქვა, ორ კვირაზე მეტი გავიდა. ჯერ-ჯერობით კანონმდებლებსა და მინისტრს შორის შეხვედრა ვერ მოხერხდა. მამუკა ბახტაძეს დეპუტატებთან საბანკო სექტორზე, სასტარტო კაპიტალის რეფორმაზე და სხვა ეკონომიკურ თემებზე სურს საუბარი. სტუმარი: რომან კაკულია - დარგობრივი ეკონომიკისა და ეკონომიკური პოლიტიკის კომიტეტი; თავმჯდომარე
ფინანსთა სამინისტრო ორ მილიონამდე ლარად 40 ლურჯი ფერის მანქანის შეძენას გეგმავს. შესაბამისი ტენდერი უკვე გამოცხადებულია. შავი ფერის ავტომობილების შეძენა მთავრობამ დადგენილებით აკრძალა, თუმცა ახლა სატენდერო მოთხოვნებს ლურჯი ფერი დაემატა, რაც საზოგადოების ერთი ნაწლისთვის პარტია „ქართული ოცნების“ ფერთან ასოცირდება. რითი ხსნის ფინანსთა სამინისტროს საგამოძიებო სამსახური ტენდერში მანქანის ფერის მითითებას და რაში სჭირდება უწყებას 2018 წლის ავტომობილები? არის თუ არა სატნედერო დოკუმენტაციის მოთხოვნების გამო კონკურენციის შეზღუდვის რისკი?
“პარტნიორობა ხელმისაწვდომი ჯანდაცვისთვის” - მთავრობა ახალ აიპ-ს ქმნის. ასევე დღევანდელ მთავრობის სხდომაზე გაცხადდა, რომ პროფესიულ განათლებაში გერმანიაში, ავსტრიაში, შვეიცარიაში აპრობირებული მოდელების დანერგვა იგეგმება.
თიბისი ბანკსა და გუდვილს შორის დავა იქამდე მივიდა, რომ ჰიპერმარკეტი დასახმარებლად ეროვნულ ბანკს მიმართავს. კერძოდ, გუდვილი ცენტრალურ ბანკს სთხოვს, დაეხმაროს, რომ თიბისიმ რეაბილიტაციის გეგმის შესრულებას ხელი არ შეუშალოს. რა არის ამ კერძო სამართლებრივი ურთიერთობების გამწვავების მიზეზი და აპირებს თუ არა რომელიმე მხარე კომპრომისზე წასვლას.
Facebook-მა გაცნობის აპლიკაცია დაანონსა
2019 წლის პირველი იანვრიდან მაღაზიაში ხურდის სახით 1 თეთრიანს ვეღარ დაგიბრუნებენ - ამის მიზეზი ეროვნული ბანკის გადაწყვეტილებაა, რომ ამოიღოს მიმოქცევიდან ყველაზე დაბალი ნომინალის მონეტები: 1 და 2 თეთრიანები. ამასთან, 2019 წლის იანვრიდან პროდუქციის შეძენისას ფასის დამრგვალება სავალდებულო ხდება. მაგალითად თუ პროდუქტი ღირს 99 თეთრი, მომხმარებელმა ერთი ლარი უნდა გადაიხადოს. როგორ აისახება ცვლილებები ბაზარზე და იყენებს თუ არა მომხმარებელი ერთ და 2-თეთრიანებს.
ბიზნესსახლის ტენდერი კიდევ ერთხელ შეწყდა. პროექტის მშენებლობა, რომელმაც 600-ზე მეტი მომსახურება ერთ სივრცეში უნდა გააერთიანოს, ჯერ არ დაწყებულა. შესყიდვა ჯერ ერთმა უწყებამ დაიწყო, შემდეგ კი მეორემ გააგრძელა. რატომ ვერ დაიწყო ამ დრომდე პროექტის მშენებლობა, რომელიც მთავრობის 4-პუნქტიანი გეგმის ნაწილია?
7 მაისიდან საფინანსო ინსტიტუტებს შემოსავლების დადასტურების გარეშე სესხების გაცემა ეკრძალებათ. ბანკების ნაწილი ფიქრობს რომ რეგულაცია უნდა გადავადდეს. სტუმრები: გიორგი ნასყიდაშვილი - ქართული კრედიტი; ხელმძღვანელი; ნიკოლოზ ფერიაშვილი - მიკროსაფინანსო კომპანია okey; მართველი პარტნიორი
საქართველოს ეროვნული ბანკის მონეტარული პოლიტიკის კომიტეტმა რეფინანსირების განაკვეთი უცვლელად, 7.25 პროცენტის დონეზე დატოვა, რაც იმას ნიშნავს, რომ იმ სესხებზე, რომელიც ლარში რეფინანსირების განაკვეთზეა მიბმული, საპროცენტო განაკვეთი არ შეიცვლება. კომიტეტმა ეს გადაწყვეტილება დღეს, გასვლით სხდომაზე მიიღო, რომელიც ზუგდიდში გაიმართა.
წელს საქართველო გალფის ქვეყნებიდან ახალ პირდაპირ რეისებს ელოდება. გარდა თბილისის აეროპორტისა, რეისები ქუთასის მიმართულებითაც შესრულდება. საქართველოს პოზიციონირებისთვის ტურისტულმა კომპანიებმა დუბაის საერთაშორისო ტურისტული გამოფენაც გამოიყენეს და თანამშრომლობის კონკრეტული გეგმები დასახეს. სტუმარი: მარიამ ქვრივიშვილი - Flydubai გენერალური დისტრიბუტორი; Voyager ; გენერალური დირექტორი
დუბაიში საინვესტიციო ფორუმი გაიმართა. საქართველოდან ღონისძიებას ბიზნეს საკონსულტაციო კომპანია “სავის” პარტნიორი მიხეილ ხიდურელი ესწრებოდა. სტუმარი: მიხეილ ხიდურელი - ბიზნეს-საკონსულტაციო კომპანია Savvy-ის პარტნიორი
საქართველოში არადეკლარირებული თამბაქოსა და ალკოჰოლური სასმელების შემოტანა გაორმაგებულია. შემოსავლების სამსახურის მიერ bm.ge-სთვის მიწოდებული ოფიციალური ინფორმაციის მიხედვით, 2016 წელს საქართველოში სიგარეტის 2 მილიონამდე ღერი შემოვიდა, 2017 წელს კი ამ მაჩვენებელმა 4,5 მილიონ ღერს მიაღწია. თამბაქოს უკანონოდ შემოტანის ზრდას შემოსავლების სამსახური აქციზის მატებას უკავშირებს. Bm.ge-ს უწყებაში განუცხადეს, რომ არადეკლარირებული თამბაქოს შემოტანის ზრდის მთავარი მიზეზი სწორედ აქციზის გადასახადის ზრდაა. სტუმარი: ლაშა გოცირიძე - ეკონომისტი
საქართველოდან ჩინეთში ექსპორტი შემცირდა. სტატისტიკის სამსახურის მიერ bm.ge-სთვის მოწოდებული ინფორმაციის თანახმად, 2018 წლის პირველ სამ თვეში ჩინეთში ექსპორტმა 20.4 მლნ დოლარი შეადგინა, რაც 2017 წლის ანალოგიურ მაჩვენებელს თითქმის 29 მილიონით ჩამოუვარდება. ეს იმ ფონზე, როცა ჩინეთთან თავისუფალი ვაჭრობის შესახებ შეთანხმება 1-ლი იანვრიდან ამოქმედდა და ქართული პროდუქციის 94% გათავისუფლდა ნებისმიერი საბაჟო გადასახადისგან. ჩინეთში საქართველოდან ყველაზე დიდი მოცულობით, მადნები და სპილენძის კონცენტრატები გადის, მეორე ადგილს იკავებს ღვინო, მესამეს კი - ხელსაწყოები და მოწყობილობები, რომელიც მედიცინაში ან ვეტერინარიაში გამოიყენება. სტუმარი: მარიამ გაბუნია - ეკონომიკის სამინისტრო; საგარეო ვაჭრობის პოლიტიკის დეპარტამენტი უფროსი
მოსახლეობის უმრავლესობა თავს კვლავ დაუსაქმებლად მიიჩნევს - ეროვნულ -დემოკრატიულმა ინსტიტუტმა კვლევის შედეგბი დღეს გამოქვეყნა. ბოლო კვლევა განსხვავებული იყო იმ კუთხით, რომ ორგზანიაციამ ერთობლივად გამოაქვეყნა საზოგადოებრივი აზრის კვლევის შედეგები პოლიტიკური და სოციალური მიმართულებით. აღინიშნულიდან გამომდინარე ნაკლები ყურადღება ეთმობა ეკონომიკურ ნაწილს. NDI-მ წელს მოსახლეობას ჰკითხა, ხელისუფლებაში კორუფციის შესახებაც.
დღეს ინტელექტუალური საკუთრების საერთაშორისო დღეა. ინტელექტუალური საკუთრების მსოფლიო ორგანიზაციის გადაწყვეტილებით, 2018 წლის 26 აპრილის სლოგანად დასახელდა: ,,ცვლილებების მამოძრავებელი ძალა: ქალები ინოვაციისა და შემოქმედების სფეროში“. ზოგადად რას ნიშნავს ინტელექტუალური საკუთრება, მისი დაცვის აუცილებლობა, როგორია საერთაშორისო პრაქტიკა და ქართული გამოცდილება? სტუმრები: გიგა კობალაძე - საავტორო უფლებათა ასოციაციის თავმჯდომარე; ეკა ეგუტია - TBC ბანკი
იმერეთში 200 მეგავატი სიმძლავრის ქარის სადგურის მშენებლობა იგეგმება. პროექტი კომპანია Infinite Energy-ს ეკუთვნის. ამ ეტაპზე კონკრეტული ლოკაციების შესწავლა მიმდინარეობს. იმ შემთხვევაში, თუ პროექტი სამშენებლო ეტაპზე გადავა, ახალი ქარის სადგურისთვის დაახლოებით 250 მილიონი დოლარი დაიხარჯება. სტუმარი: თორნიკე ბახტურიძე - Infinite Energy ხელმძღვანელი
დღეიდან 15 ივნისამდე საზოგადოებრივ ტრანსპორტში შეიძლება, ინტერვიუერები შეგხვდეთ. მათ კომპანია “სპექტრუმის” მიერ კითხვარი აქვთ მომზადებული, რომლის შევსებაც ქალაქის მერიას მგზავრთნაკადის შესახებ ინფორმაციის მიღებაში და საბოლოოდ, განახლებული მარშრუტების დაგეგმვისას დაეხმარება. გარდა ამისა, დედაქალაქის მთავრობამ საზოგადოებრივი ტრანსპორტის ქსელის განახლებისთვის კომპანია სისტრას გეგმის დამუშავება დაუკვეთა. სტუმარი: მამუკა მუმლაძე - მერიის ტრანსპორტის საქალაქო სამსახური; უფროსი
ახალი ინიციატივა, რომელიც ევროპასა და საქართველოს შორის ენერგო ხაზის დამონტაჟებას გულისხმობს. როგორც ევროკავშირი-საქართველოს ბიზნესსაბჭოში აცხადებენ, ეს იქნება საზღვაო ელექტრო ხაზი, რომელიც ევროპას საქართველოსთან დააკავშირებს. იდეის ავტორები ამბობენ, რომ ეს საქართველოში გამომუშავებულ ენერგიას ევროპის ბაზარზე ექსპორტის საშუალებას მისცემს, რაც ახალ ინვესტორებს ჩვენს ქვეყანაში შემოსვლისკენ უბიძგებს, რადგანაც ელექტროენერგიის გაყიდვის ბაზარი დივერსიფიცირებული გახდება. სტუმრები: ირაკლი ტყებუჩავა - gross energy groupgross energy group ; ფინანსური დირექტორი ზვიად ჭუმბურიძე - "ევროკავშირი-საქართველოს ბიზნეს საბჭო" გენერალური მდივანი