#ბიზნესსიახლეები bm.ge-სგან / 20.11.2023 ოთარ შამუგია შაქრის იმპორტის გადასახადის დაწესების მიზეზებს განმარტავს; "ჩვენთვის თანამშრომელი სტუმარზე პრიორიტეტულია" - “უინდემ გრანდ თბილისი"; სვანეთმა მაღალი პასუხისმგებლობის მქონე სტუმარი დაკარგა - სასტუმრო მესტიაში; „ტიფლისტექსი“ 2024 წელს წარმოების გაორმაგებას და ევროკავშირში ექსპორტის ზრდას გეგმავს; „ქირა 25-30%-ით, ზოგ უბნებში 50%-იც შემცირდა“ - მებაღიშვილი; „ლორუკა“ 2024 წლისთვის წარმადობის გაორმაგებას და ასორტიმენტის გაზრდას გეგმავს; #ახალიამბები #BusinessMediaGeorgia
წინასაარჩევნოდ მთავრობა, მოქალაქეებს, რომლებსაც საკუთარი სახლი უკანონოდ აქვთ აშენებული, აპატიებს. მთავრობის ადმინისტრაციის ინფორმაციით, მთავრობის სხდომაზე ირაკლი ღარიბაშვილმა იუსტიციის მინისტრს სამშენებლო ამნისტიის პროექტზე მუშაობა დაავალა, რომელიც ფიზიკურ პირთა საკუთრებაში არსებულ მიწის ნაკვეთზე სამშენებლო დოკუმენტაციის გარეშე აშენებულ ინდივიდუალურ საცხოვრებელ სახლებს შეეხება. ამნისტია მილიონამდე მოქალაქეზე გავრცელდება. ხელისუფლება გვარწმუნებს, რომ გადაწყვეტილებით, მომავალში უკანონო სახლების მშენებლობის პრაქტიკა აღმოიფხვრება. #ახალიამბები #BusinessMediaGeorgia
„ფოსტის შესახებ“ კანონპროექტი, რომელზეც მთავრობა 2013 წლიდან მუშაობს დღის წესრიგში ბრუნდება - გასული კვირის ბოლოს კანონპროექტზე ევროკავშირის ექსპერტის ალესანდრა ფრატინის მონაწილეობით ეკონომიკის სამინისტროში იმსჯელეს. უწყების მიერ გავრცელებულ პრესრელიზს მიხედვით, ევროკავშირის ექსპერტი ამბობს, რომ კანონპროექტი ეკონომიკის სამინისტრომ მოამზადა და ის ევროკავშირის კანონთან შესაბამისობაშია. შეხვედრას კერძო სექტორი ესწრებოდა, თუმცა მათთვის პროექტი არ წარუდგენიათ. რას ითხოვს ბიზნესი, რომელსაც თავის დროზე ფოსტის კანონპროექტში არაერთი შენიშვნა ჰქონდა და რა სჭირდება სფეროს საქმიანობის კონკრეტული გარემოს შესაქმნელად? სტუმარი: ნათია კუტივაძე - GIPA-ს პროფესორი, Fedex -ის მრჩეველი #ახალიამბები #BusinessMediaGeorgia
მესამე კვარტალში სარკინიგზო ტრანსპორტით გადატანილი ტვირთის მოცულობა წლიურად შემცირდა, შემცირებულია საქართველოს პორტებისა და ტერმინალების მიერ გადამუშავებული ტვირთის მოცულობაც. გასულ სამ თვეში კლებაა დაფიქსირდა საჰაერო ტრანსპორტით გადატანილი როგორც ტვირთის მოცულობის, ასევე ტვირთბრუნვის მიმართულებითაც. ინფორმაციას სტატისტიკის ეროვნული სამსახური აქვეყნებს. როგორია სტატისტიკა? #ახალიამბები #BusinessMediaGeorgia
ტურიზმის შესახებ კანონზე დარგობრივ ეკონომიკაზე მეორედ იმსჯელეს და მას მხარი დაუჭირეს. განხილვას კერძო სექტორის წარმომადგენლებიც ესწრებოდნენ, თუმცა სხდომის დროს მათ არცერთი კითხვა არ დაუსვამთ. ბიზნესი კანონპროექტის რიგ მუხლებზე მწვავე შენიშვნები აქვს. რას ითხოვს კერძო სექტორის და რას პასუხობენ პროექტის ავტორები? რატომ არ დასვეს ტურისტული ბიზნესის წარმომადგენლებმა კითხვები და რა მოთხოვნები აქვთ მათ? #ახალიამბები #BusinessMediaGeorgia
#ბიზნესსიახლეები bm.ge-სგან / 17.11.2023 რას მოიაზრებს Subway-ის ექსკლუზიური მასტერ ფრენჩაიზი, რომელიც “ვისოლ ჯგუფმა” შეიძინა? „რუსთაველის რეაბილიტაციის დროს არსებულ კომერციულ ფართებზე ფასები შემცირდება“ - Sakura Properties; ჩინეთში მეორე რუსეთს ვაკეთებთ... ქართული ღვინო ბაზარზე დაბალი ფასით შევიდა - „ფაფრის ველი“; საქართველოში შესაფუთი მასალების წარმოება იზრდება - ექსპორტმა $16,3 მილიონს გადააჭარბა; მსხვილფეხა რქოსანი პირუტყვის სულადობა შემცირდა - საქსტატი; #ახალიამბები #BusinessMediaGeorgia
მცირე და საშუალო ბიზნესის მთავარი გამოწვევა კვლავ ფინანსებზე ხელმისაწვდომობაა. ბიზნესს უჭირს, საკუთარი წარმოება განავითაროს, რათა პროდუქცია ექსპორტზე გაიტანოს. აისეტის კვლევითი ინსტიტუტის ეკონომისტის გიორგი პაპავას განცხადებით, თუ მსხვილი ბიზნესებისთვის გამოწვევა ძირითადად მუშა ხელზე ხელმისაწვდომობაა, მცირე და საშუალო ბიზნესისთვის მთავარ გამოწვევად ფინანსებზე ხელმისაწვდომობა და მოთხოვნის დაბალი დონე რჩება. როგორც სმედაში ამბობენ, რომ მიუხედავად არაერთი პროგრამისა, ფინანსებზე ხელმისაწვდომობის მხრივ განსაკუთრებული შედეგები არ ჩანს. გიგა ფაიქიძე აღნიშნავს, რომ ამ მხრივ ნაბიჯები როგორც ხელისუფლებაში, ისე კერძო სექტორშიც უნდა გადადგან. ეკონომიკისა და მდგრადი განვითარების სამინისტროში კი აცხადებენ, რომ მცირე და საშუალო ბიზნესის გასავითარებლად მთავრობა არაერთ პროგრამას ახორციელებს როგორც აწარმოე საქართველოში, ისე სოფლის განვითარებისა და ინოვაციების სააგენტოს მიმართულებით. #ახალიამბები #BusinessMediaGeorgia
თბილისში კონფერენცია სახელწოდებით ბიოფარმა 2023 ჩატარდა, რომელმაც ბიომედიკამენტების მწარმოებლები გააერთიანა. ბიოფარმაციის სფეროს განვითარების მიზნით, კონფერენცია მიზნად ისახავს, პროდუქტის მწარმოებლებს, კვლევით ინსტიტუტებს, სამთავრობო უწყებებსა და დაინტერესებულ მხარეებს შორის დისკუსიის, ჩართულობისა და დიალოგის ხელშეწყობას. კონფერენციაზე ძირითადი აქცენტი ისეთ მიმართულებებზე გაკეთდა როგორებიცაა ევროკავშირისა და UNIDO-ს დახმარება საქართველოს ბიოფარმაცევტული კლასტერისთვის, ბიოფარმაცევტიკა და ანტი-მიკრობული რეზისტენტობა, და ბუნებრივი მედიკამენტების წარმოება. ასევე პროექტის ფარგლებში GMP სტანდარტების მიმართულებით განხორციელებული აქტივობებისა და შედეგების შესახებაც წარიმართა მსჯელობა #ახალიამბები #BusinessMediaGeorgia
სამშენებლო სექტორი სახელმწიფო ტენდერებში ფასთა ინდექსაციის გათვალისწინებას და ევროპული გამოცდილების გათვალისწინებას ითხოვს. შესაბამისი კვლევის პრეზენტაცია, რომელმაც ამ მიმართულებით ევროპის სხვადასხვა ქვეყნებში არსებული გამოცდილება გააერთიანა, USAID-ისა და ინფრასტრუქტურის მშენებელთა ასოციაციის მხარდაჭერით დარგის წარმომადგენლებს გააცნეს. რა გამოწვევებს აწყდება დღეს სამშენებლო სექტორი. გრძელვადიან პროექტებში ინდექსაციის მექანიზმის არ არსებობის გამო, როგორია ამ კუთხით ევროპული პრაქტიკა და როგორ შეიძლება ამ გამოცდილების საქართველოს რეალობაში გადმოტანა? #ახალიამბები #BusinessMediaGeorgia
ბიზნესი ტურიზმის შესახებ კანონპროექტს იწუნებს - ტურიზმის სექტორში მომუშავე პირები მიიჩნევენ, რომ მიუხედავად უამრავი შენიშვნისა და აბსოლიტურად უარყოფითი დამოკიდებულებისა, კანონპროექტში დარჩა ბევრი ისეთი მუხლი, რომლებიც შეუსაბამოა ამ სფეროში დასაქმებულთა ინტერესებთან. ისინი შიშობენ რომ კანონპროექტის ამ ფორმით მიღება მათ დისკრიმინაციულ მდგომარეობაში ჩააყენებს. რა მოსწონს და რას იწუნებს ბიზნესი მარეგულირებელ ჩარჩოში, რომლის განხილვას პარლამენტი მომავალ კვირას უნდა დაუბრუნდეს. სტუმარი: გიორგი თეთრაძე - "საქართველოს ტურიზმის სფეროში დასაქმებულთა პროფესიული კავშირის" თავმჯდომარე #ახალიამბები #BusinessMediaGeorgia
მცირე და საშუალო ბიზნესის მთავარი გამოწვევა კვლავ ფინანსებზე ხელმისაწვდომობაა. ბიზნესს უჭირს, საკუთარი წარმოება განავითაროს, რათა პროდუქცია ექსპორტზე გაიტანოს. მცირე და საშუალო მეწარმეობის განვითარების სტრატეგიის შესრულებას Iset-ის კვლევითი ინსტიტუტი ამ წუთებში წარადგენს. კვლევით ინსტიტუტში აცხადებენ, რომ დაგეგმილი რეფორმების 50% უკვე შესრულებულია, ბიზნესის გასავითარებლად კი მთავრობასა და კერძო სექტორს მეტი მუშაობა სჭირდებათ. რა პრობლემების წინაშეა მცირე და საშუალო ბიზნესი, რას აკეთებს ხელისუფლება მათი განვითარების ხელშესაწყობად? #ახალიამბები #BusinessMediaGeorgia
#ბიზნესსიახლეები bm.ge-სგან / 16.11.2023 “სახელმწიფოს გაცილებით მეტი ძალისხმევის ჩადება სჭირდება” - ხანიშვილი კოოპერატივების შექმნაზე; „უძრავ ქონებაზე ფასების დაკორექტირება ბუნებრივად ვერ მოხდება“ - წულაია; „მუზარადისთვის“ ძალიან საინტერესოა ჩინეთის ბაზარი.“ - ქეთევან ხერხეულიძე; საქართველოს ბანკის მხარდაჭერით „იდეა დეველოპმენტი“ ახალ მულტიფუნქციურ საცხოვრებელ კომპლექსს აშენებს; #ახალიამბები #BusinessMediaGeorgia
ახალგაზრდებში სპორტისა და ჯანსაღი ცხოვრების წესის პოპულარიზაციის მიზნით, საქართველოს ბანკი არა ერთ პროექტს ახორციელებს და უჭერს მხარს. სწორედ ამ მიზნით, ფინანსურმა ინსტიტუტმა სასკოლო ლიგასთან თანამშრომლობის მემორანდუმი გააფორმა. ინიციატივის ფარგლებში, საქართველოს რეგიონებში სპორტის შვიდ სახეობაში - მინი ფეხბურთში, კალათბურთში, თაგ რაგბიში (ე.წ. უკონტაქტო რაგბი), ჭადრაკში, მაგიდის ჩოგბურთში, ფარიკაობაში, მშვილდოსნობაში - ტურნირები ჩატარდება, რაც შესაძლებლობას მისცემს მოსწავლეებს, გამოავლინონ საკუთარი პოტენციალი, აღმოაჩინონ ახალი უნარები და მიაღწიონ წარმატებას სპორტში. სასკოლო ლიგის შეხვედრები სხვადასხვა რეგიონში - აჭარაში, იმერეთში, ქუთაისში, კახეთში, ქვემო ქართლსა და თბილისში გაიმართება. შედეგად, მასში მონაწილეობას საქართველოს მასშტაბით 14 000-ზე მეტი სკოლის მოსწავლე მიიღებს. #ახალიამბები #BusinessMediaGeorgia
თბილისის მეტროსთვის ახალი 212 ვაგონის შესყიდვაზე ცენტრალურ ბიუჯეტს 475 მილიონი ევრო. პროექტის ფარგლებში ახალ ვაგონებს თბილისის მეტრო მომდევნო 15 წლის განმავლობაში ეტაპობრივად მიიღებს. გადაწყვეტილება პრემიერ მინისტრმა თბილისის მერთან და ფინანსთა მინისტრთა შეხვედრისას მიიღო. როდის მოხდება დედაქალაქში ახალი ვაგონების შესყიდვა და რა გეგმა აქვს მერიას მეტრო ქსელის განვითარების კუთხით? როდის უნდა დაიწყოს მეტროსადგურების მოდერნიზაცია, რომელზეც დაპირება წლებია ისმის. #ახალიამბები #BusinessMediaGeorgia
როგორი იყო ფოთის პორტის ტვირთბრუნვა? საკონტეინერო ტვირთები მკვეთრად გაზრდილია. APM ტერმინალს ფოთის მონაცემებით 2023 წლის 10 თვეში ნახევარ მილიონზე მეტი 20 ფუტიანი კონტეინერი გადამუშავდა, რაც 77%-ით მეტი 2022 წლის მაჩვენებელთან შედარებით. წელს ფოთის ნავსადგურმა 284 საკონტეინერო გემის მიიღო, მაშინ როდესაც გასული წლის ამავე პერიოდში 173 გემი იყო შემოსული, რაც შეეხება გადამუშავებულ ავტომობილებს, პორტი 69 ათასზე მეტ ავტომობილს მოემსახურა. ამ ტენდენციის პარალელურად, საქართველოს უმსხვილეს პორტში გენერალური, ანუ ნაყარი ტვირთის მოცულობა შემცირებულია - 10 თვეში 282 886 ტონა ნაყარი ტვირთი გადამუშავდა, რაც წლიურად 51% -იანი კლებაა. რა ტენდენციაა სატვირთო გადაზიდვების კუთხით და რატომ აკეთებს ფოთის პორტი აქცენტი საკონტეინერო ტვირთის მომსახურებაზე და რა ეტაპზეა გაფართოების პროექტი, რომლის აუცილებლობაზეც გაზრდილი ტვირთბრუნვის ფონზე თავად პორტშიც საუბრობენ? სტუმარი: ზვიად ჩხარტიშვილი - „ეიპიემ ტერმინალს ფოთის“ კომერციული ურთიერთობის დირექტორი; #ახალიამბები #BusinessMediaGeorgia
მერიამ საკრებულოს თბილისის 2024 წლის ბიუჯეტი წარუდგინა, რომლის მიხედვითაც ბიუჯეტი მომდევნო წელს 1.7 მილიარდ ლარს მიაღწევს. ეს თანხა 137 მილიონი ლარით უფრო ნაკლებია 2023 წლის ბიუჯეტზე, რადგანაც წელს მერია 1.83 მილიარდ ლარს ხარჯავს, თუმცა იქიდან გამომდინარე რომ ეს ბიუჯეტის პირველადი ვერსიაა, შესაძლოა მისი მოცულობა კიდევ დაკორექტირდეს. რაზე გაკეთდა აქცენტი 2024 წლის თბილისის ბიუჯეტის ფორმირებისას, სად გვაქვს ზრდა და კლება? #ახალიამბები #BusinessMediaGeorgia
#ბიზნესსიახლეები bm.ge-სგან / 15.11.2023 რა შემოსავალი აქვს შაქრის ერთადერთ მწარმოებელს საქართველოში? არქი უნივერსი - ახალი პრემიუმ კლასის საცხოვრებელი კომპლექსი საბურთალოზე; “მიმდინარეობს ფერმერის სტატუსის შემოღებაზე მუშაობა”- ნინო ზამბახიძე; „მეწარმეთა შესახებ“ ახალი კანონის ამოქმედებიდან ერთი წელი გავიდა - რა აჩვენა პრაქტიკამ? „წვეთი“ ექსპორტზე გადის; #ახალიამბები #BusinessMediaGeorgia
თბილისის მერია 1,5 თვეში რუსთაველის გამზირის რეაბილიტაციას იწყებს- ჯამური ბიუჯეტი 90 მილიონი ლარია. ამის შესახებ განცხადება თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე გააკეთა. როგორც კალაძე ამბობს, მოხდება როგორც შენობების გარე ფასადების განახლება ისე საგზაო ინფრასტრუქტურის რეაბილიტაცია. რა გეგმა აქვს თბილისის მერიას დედაქალაქის ცენტრალური გამზირის განახლებასთან დაკავშირებით, და რა ვადებში უნდა დასრულდეს პროექტი. #ახალიამბები #BusinessMediaGeorgia
ევროკავშირის და გაეროს 5 წლიანი, 5 მილიონიანი პროგრამა დასრულდა, რომლის შემდეგაც პროგრამის ფარგლებში შექმნილმა ბიზნეს კლასტერებმა საქმიანობა დამოუკიდებლად უნდა გააგრძელონ. მაგალითად, 2018 წელს, როცა შემფუთველთა კლასტერი შეიქმნა ქვეყნის ადგილობრივი წარმოებისა და ნეტ იმპორტის წილი თითქმის თანაბარი იყო სექტორში. 2022 წლის მდგომარეობით კი ადგილობრივი წარმოების წილი 78%-მდეა გაზრდილი და 2018 წლიდან 113%-იან ზრდას აჩვენებს. ამავდროულად, წმინდა იმპორტი ადგილობრივი წარმოების ზრდის პარალელურად შემცირდა. როგორ მუშაობს საქართველოში შესაფუთი მასალების ბიზნესი და რამდენად არის მზად ბიზნეს კლასტერი დონორების დახმარების გარეშე ოპერირება გააგრძელოს? სტუმარი: სალომე ქარელი - საქართველოს შემფუთველთა კლასტერის საბჭოს წევრი; #ახალიამბები #BusinessMediaGeorgia
2022 წელს საქართველოში 52086 იყო აქტიური, რაც 10 წლის განმავლობაში რეკორდული მაჩვენებელია. ყველაზე მეტი რაოდენობა თბილისში, აჭარასა და იმერეთში ფიქსირდება. აქტიურ საწარმოებს შორის 29961-ის საქმიანობა უცნობია. სტატისტიკის ეროვნული სამსახურის ინფორმაციით, 6263 საწარმო საბითუმო და საცალო ვაჭრობაში იყო აქტიური, 4163 კი ინფორმაციის და კომუნიკაციის სექტორში. როგორია მონაცემები და როგორ შეიცვალა ვითარება წლების მიხედვით? #ახალიამბები #BusinessMediaGeorgia
თბილისის მერია 2 თვეში რუსთაველის გამზირის რეაბილიტაციას იწყებს - ჯამური ბიუჯეტი 90 მილიონი ლარია. ამის შესახებ განცხადება თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე გააკეთა. როგორც კალაძე ამბობს, მოხდება როგორც შენობების გარე ფასადების განახლება ისე საგზაო ინფრასტრუქტურის რეაბილიტაცია. რა გეგმა აქვს თბილისის მერიას დედაქალაქის ცენტრალური გამზირის განახლებასთან დაკავშირებით, რა ვადებში უნდა დასრულდეს პროექტი? #ახალიამბები #BusinessMediaGeorgia
#ბიზნესსიახლეები bm.ge-სგან / 14.11.2023 საქართველოში კვერცხის იმპორტი გასამმაგდა; Setanta Sports და Netflix 13 ქვეყანაში ექსკლუზიურ პარტნიორობას იწყებენ; „ტურიზმის კანონპროექტის განხილვა უნდა გააჩერონ“ – „იმერული ტურიზმის კლუბი"; რას სთავაზობს „ფალიანი ტური“ სვანეთის მცხოვრებლებს? “ბაზარზე ჩირზე მოთხოვნა მზარდია” - “სკიჯის” პროდუქციის რეალიზების თავისებურებებზე; #ახალიამბები #BusinessMediaGeorgia
არღვევენ თუ არა ბანკები საკრედიტო პროდუქტების რეალიზაციის დროს სადაზღვევო პროდუქტების შეთავაზებისას კონკურენციის პირობებს - კონკურენციის სააგენტომ ბაზრის მოკვლევა დაასრულა და ბაზარზე დომინანტური მდგომარეობაზე განაცხადა. უწყების შეფასებით, 2020-2022 წლებში 10 კომერციული ბანკი აწოდებდა სადაზღვევო პროდუქტებსაც, მათ შორის 1 ეკონომიკური აგენტის შემთხვევაში საბაზრო წილი აღემატება 40%-ს და შესაბამისად, მარეგულირებლის შეფასებით, სახეზეა დომინანტური მდგომარეობა, ხოლო დამატებით 1 ეკონომიკური აგენტის საბაზრო წილი გადის დომინანტური მდგომარეობის ზღვარზე. ამასთან, სააგენტოს პოზიციით - კომერციულ ბანკებს და სადაზღვევო კომპანიებს შორის არსებულ სტრუქტურული კავშირების შედეგად შესაძლოა სახეზე იყო ინტერესთა კონფლიქტიც. #ახალიამბები #BusinessMediaGeorgia
კონკურენციის სააგენტომ კომერციული ბანკების მიერ საკრედიტო პროდუქტების რეალიზაციის დროს სადაზღვევო პროდუქტების შეთავაზება/რეალიზაციის ბაზრის მონიტორინგი დაასრულა. მონიტორინგი „დაზღვევის კავშირის“ მიმართვისა და საქართველოს ეროვნული ბანკის 2022 წლის ფინანსური სტაბილურობის ანგარიშის საფუძველზე გასული წლის ბოლოს დაიწყო. გაიცა 6 სავალდებულო წესით შესასრულებელი რეკომენდაციაც. ირღვევა თუ არა კონკურენციის პირობები ბანკების მიერ სადაზღვევო პროდუქტების შეთავაზების დროს და რას ცვლის სააგენტოს დასკვნა სადაზღვევო ბაზრისთვის. #ახალიამბები #BusinessMediaGeorgia
17 ნოემბერს, 19:00 სთ-ზე, საქართველოს ფერმერთა ასოციაციისა და საქართველოს გარემოს დაცვისა და სოფლის მეურნეობის სამინისტროს ერთობლივი ინიციატივით, „ფერმერის დღე“ გაიმართება. ღონისძიების ოფიციალურ ნაწილს, სადაც სხვადასხვა ნომინაციებში ცხრა წარმატებული ფერმერი დაჯილდოვდება, 200-ზე მეტი სტუმარი მთავრობის, საკანონმდებლო ორგანოს, დიპლომატიური კორპუსის, არასამთავრობო, დონორი ორგანიზაციების, სექტორული ასოციაციებისა და სხვადასხვა სექტორის წარმომადგენელი ფერმერები დაესწრებიან. როგორი იყო 2023 წელი ფერმერებისთვის, რა შედეგები აქვთ მიმდინარე წელს და რა ძირითად გამოწვევები აქვთ ფერმერებს დღეს? სტუმარი: ნინო ზამბახიძე - „საქართველოს ფერმერთა ასოციაციის“ თავმჯდომარე; #ახალიამბები #BusinessMediaGeorgia
Call of Duty - შუთერი, რომელმაც წარუშლელი კვალი დატოვა #ახალიამბები #BusinessMediaGeorgia
ევროკავშირმა და გაერთიანებული ერების ორგანიზაციამ 5 მილიონი ევროს ღირებულების ხუთწლიანი პროგრამა „ევროკავშირის ინოვაციური პროექტი კერძო სექტორის კონკურენტუნარიანობისთვის საქართველოში“ შეაჯამეს. ორგანიზაციების ინფორმაციით, პროგრამამ 2019-2023 წლებში ხელი შეუწყო ისეთი საკვანძო მიმართულებების წახალისებას, როგორებიცაა ცირკულარული ეკონომიკა, ბიზნეს კლასტერები, ხელშემწყობი საკანონმდებლო გარემო და საქართველოს მეწარმეების დამკვიდრება ევროპულ ბაზრებზე. მცირე და საშუალო ბიზნესის წარმომადგენლები აცხადებენ, რომ ევროკავშირი მათ მნიშვნელოვნად დაეხმარა, თუმცა ევროპულ ბაზარზე მოხვედრა ქართველი მეწარმეებისთვის კვლავ გამოწვევაა. რა პრობლემებს აწყდებიან ბიზნესები ქართული პროდუქციის ევროკავშირში ექსპორტზე გატანისას? #ახალიამბები #BusinessMediaGeorgia
2024 წელს აზარტული თამაშების ბიზნესიდან მოგებისა და საშემოსავლო გადასახადების მობილიზაცია 400 მილიონი ლარით გაიზრდება. პარლამენტში აზარტული თამაშების სექტორისთვის გადასახადების ზრდის კანონპროექტის განხილვები უკვე დაიწყო. წარმოდგენილი ცვლილებებით, სისტემურ-ელექტრონული ფორმით აზარტული თამაშობის მომწყობ პირთათვის საშემოსავლო და მოგების გადასახადის განაკვეთი 10%-დან 15%-მდე იზრდება, ასევე მომხმარებლის მიერ თანხის გატანისას საშემოსავლო გადასახადის განაკვეთი 2%-დან 5% გახდება. აზარტული თამაშების სექტორი დღეს რამდენიმე ძირითადი გადასახადით იბეგრება. სექტორის ყველაზე დიდი წილი ელექტრონული თამაშების ოპერატორებზე მოდის, მათთვის 2022 წლიდან მოგების 10%-იანი გადასახადი მოქმედებს. ინდუსტრია ამბობს, რომ ასეთი საგადასახადო წნეხის პირობებში ბევრი ბიზნესი დაიხურება. მათი თქმით, ეს ასევე ხელს შეუწყობს ქართველი მომხმარებლების მიგრაციას უცხოურ საიტებზე. ბიზნესი ითხოვს პასუხს, თუ სად გადის ზღვარი, სადამდეც შეიძლება ამ სექტორისთვის გადასახადები გაიზარდოს. კერძო სექტორის განცხადებით, საგადასახადო წნეხის გაზრდა ბიზნესისთვის ნიშნავს, რომ ეს ბიზნესი საერთაშორისო კომპანიებისთვის ინვესტირების თვალსაზრისით საინტერესო აღარ იქნება. მათი შეფასებით, ეს იმოქმედებს ასევე ტურიზმზეც, რადგან მათი თქმით, ძალიან ბევრი ტურისტი საქართველოში სწორედ თამაშის მიზნით ჩამოდის. #ახალიამბები #BusinessMediaGeorgia
#ბიზნესსიახლეები bm.ge-სგან / 13.11.2023 რამდენი მილიონი ლარის შემოსავალი აქვს "რუსთავის ფოლადს"? უჩუმბეგაშვილი კვერცხის იმპორტზე დროებითი გადასახადის დაწესების ინიციატივით გამოდის; "სამწუხაროდ კონკურენტები არ გვყავს" - Ramses Yachts; “პროდუქციის გაძვირება 15%-ით მოგვიწია” - “სკიჯი”; რას სთავაზობს “კარიერის აკადემია” ახალგაზრდებს? მესტიაში სათემო ორგანიზაცია "თანამშრომლობა რეგიონის მდგრადი განვითარებისთვის" ამოქმედდა; #ახალიამბები #BusinessMediaGeorgia
ახალგაზრდობის სააგენტო კულტურისა და სპორტის სამინისტროს ნაცვლად, განათლებისა და მეცნიერების სამინისტროს დაემატება. გადაწყვეტილება მთავრობამ დღევანდელ სხდომაზე მიიღო. როგორც სხდომის შემდეგ ჟურნალისტებს გიორგი ამილახვარმა განუცხადა, სავარაუდოდ, შემდეგი წლიდან ახალ უწყებას განათლების, მეცნიერების და ახალგაზრდობის სამინისტრო ერქმევა. არც მთავრობის სხდომამდე და არც სხდომის შემდეგ, დღეს პრემიერ-მინისტრ ირაკლი ღარიბაშვილს განცხადება არ გაუკეთებია. სხდომის დღის წესრიგში სულ 10 საკითხი იყო შეტანილი, რვაზე მომხსენებელი - ეკონომიკის მინისტრი ლევან დავითაშვილი იყო. თემების უმრავლესობა სახელმწიფო საკუთრებაში არსებული უძრავი ნივთების პირდაპირი მიყიდვის ფორმით პრივატიზებას შეეხებოდა, მაგრამ სხდომის შემდეგ მინისტრი მედიასთან არ გამოჩენილა და არც მთავრობის პრესსამსახურს გაუვრცელებია პრესრელიზი. #ახალიამბები #BusinessMediaGeorgia
რა პრობლემების წინაშე არიან ოკუპირებულ ტერიტორიებზე მცხოვრები მოქალაქეები? რა სჭირდებათ მათ და როგორი უნდა იყოს სახელმწიფოს პოლიტიკა საოკუპაციო ხაზს მიღმა მცხოვრები მოსახლეობის მიმართ? ➡ სტუმარი: დაჩი ახვლედიანი - ჰუმანიტარული ცენტრის “აფხაზეთი” ნდობის აღდგენისა და მშვიდობის მშენებლობის პროგრამის მენეჯერი; #ახალიამბები #BusinessMediaGeorgia
2024 წელს აზარტული თამაშების ბიზნესიდან მოგებისა და საშემოსავლო გადასახადების მობილიზაცია 400 მილიონი ლარით გაიზრდება. პარლამენტში აზარტული თამაშების სექტორისთვის გადასახადების ზრდის კანონპროექტის განხილვები უკვე დაიწყო. სათამაშო ბიზნესის ამბობს, რომ გადასახადების გაზრდით ინდუსტრიაში ინვესტირებას აზრი ეკარგება, მომხმარებელს კი უბიძგებს უცხოურ ბაზარზე ითამაშოს. რა იცვლება უმრავლესობის დეპუტატების ინიცირებული კანონპროექტით? #ახალიამბები #BusinessMediaGeorgia
ხშირად კვლევები აზრს კარგავს, რადგან მისი გამოყენება ქვეყანაში პოლიტიკის განმახორციელებლების მხრიდან არ ხდება - კვლევითი ორგანიზაციები ქვეყანაში ამ მიმართულებით არსებულ პრობლემებზე საუბრობენ. შესაბამისი პანელური დისკუსია ჯიპას ინიციატივით გაიმართა, რომელსაც როგორც კერძო ისე საჯარო სექტორის წარმომადგენლები ესწრებოდნენ, რომლებიც ამბობენ, რომ როგორც კერძო ისე საჯარო სექტორში ინფორმაციის ღიაობის თვალსაზრისით მნიშვნელოვანი გამოწვევებია. #ახალიამბები #BusinessMediaGeorgia
კერძო სექტორის ნაწილის შრომის უსაფრთხოების სპეციალისტების კვალიფიკაციას აკრიტიკებს. კომპანიებში აცხადებენ, რომ სპეციალისტების გადამზადების რამდენიმე თვიანი პერიოდი საკმარისი არ არის. მსხვილ ბიზნეს ასოციაციების წარმომადგენლები აღნიშნავენ, რომ არის შემთხვევები, როდესაც სპეციფიკურ სამუშაო ადგილებზე დაქირავებულმა სპეციალისტებმა წესები არ იციან ან მათი თეორიული ცოდნა პრაქტიკულს არ შეესაბამება. კერძო სექტორში ამბობენ, რომ გამოწვევა დაბალრისკიან კომპანიებში ნაკლებად დგას, თუმცა ისეთ სექტორებში, როგორებიცაა: სამთო მოპოვებითი მრეწველობა, მშენებლობა, მეტალურგიული წარმოება, ქიმიური წარმოება, მაღალი კვალიფიკაციის სპეციალისტების დეფიციტია. ბიემჯიმ ჯანდაცვის მინისტრის მოადგილეს, თამარ ბარკალაიას ჰკითხა როგორ მიმდინარეობს სპეციალისტების გადამზადების პროცესი და ზოგადად, როგორ სრულდება შრომის უსაფრთხოების წესები. ბარკალაიას თქმით, რამდენიმე წლის წინ მიღებულმა შრომის ახალმა კოდექსმა ქვეყანას კარგი შედეგები მოუტანა. #ახალიამბები #BusinessMediaGeorgia
ეროვნული ბანკი საბანკო სექტორს ახალ მოთხოვნას უწესებს. პარლამენტში უკვე ინიცირებულია „ეროვნული ბანკის“ შესახებ ორგანულ კანონში ცვლილებები, რომლის მიხედვითაც ბანკებს შესაძლო ფინანსური კრიზის დაზღვევის მიზნით სარეზოლუციო ფონდში თანხების წინსწრებით მობილიზება მოუწევთ. ფინანსთა სამინისტროსა და ეროვნული ბანკის მიერ მომზადებული კანონპროექტის მიხედვით, ფონდის შექმნა რეზოლუციის ჩარჩოს ნაწილია, რომელიც ბანკის ფინანსური სირთულეების ადრეული იდენტიფიკაციისთვის, საერთაშორისო სავალუტო ფონდისა და მსოფლიო ბანკის რეკომენდაციებით შემუშავდა. სარეზოლუციო ფონდში აკუმულირებულმა თანხებმა მიზნობრივ ოდენობას უნდა მიაღწიოს, რომელიც კანონპროექტით განისაზღვრა, რომ დაზღვეული დეპოზიტების მთლიანი მოცულობის 3%-ს უნდა შეადგენდეს. ამ მოცულობით ფონდის შევსებამდე ბანკებს დრო 2025 წლიდან 2033 წლამდე აქვთ განსაზღვრული. ეროვნულ ბანკში არ ელიან, რომ ბანკებისთვის ახალი რეგულაცია წნეხი იქნება. ეროვნული ბანკის ყოფილ პრეზიდენტს, მოქმედ დეპუტატ რომან გოცირიძეს კი მოლოდინი აქვს რომ ახალი ვალდებულების გაჩენა გავლენას იქონიებს საპროცენტო განაკვეთებზე. ანალოგიური კითხვა ჰქონდა საფინანსო-საბიუჯეტო კომიტეტის თავმჯდომარესაც. #ახალიამბები #BusinessMediaGeorgia
#ბიზნესსიახლეები bm.ge-სგან / 10.11.2023
ეროვნული ბანკი საბანკო სექტორს ახალ მოთხოვნას უწესებს. პარლამენტის საფინანსო-საბიუჯეტო კომიტეტმა დღეს განიხილა „ეროვნული ბანკის“ შესახებ ორგანულ კანონში ცვლილებები, რომლის მიხედვითაც ბანკებს შესაძლო ფინანსური კრიზის დაზღვევის მიზნით სარეზოლუციო ფონდში თანხების წინსწრებით მობილიზება მოუწევთ. ფინანსთა სამინისტროსა და ეროვნული ბანკის მიერ მომზადებული ცვლილებები ეხება ყველა ბანკს, როგორც საქართველოში მოქმედ კომერციულ ბანკებს, ისე უცხოური ბანკების ფილიალებს. წარმოდგენილი კანონპროექტით მათ ახალი ბუფერის შექმნა და სარეზოლუციო ფონდში გარკვეული ფინანსური სახსრების წინსწრებით აკუმულირების ვალდებულება უჩნდებათ. #ახალიამბები #BusinessMediaGeorgia
საქართველომ შესაძლოა თავისუფალი ვაჭრობის არეალი გააფართოოს. ახალი სამიზნე სამხრეთ კორეაა, რომელთანაც თავისუფალი ვაჭრობის შეთანხმებებზე მოლაპარაკებების დაწყება იგეგმება. ეს გეგმა მთავრობას წლების წინაც ჰქონდა, თუმცა მხოლოდ ახლა დაიგეგმა მოლაპარაკებების პირველი რაუნდი, რომელიც 2024 წლის პირველ კვარტალში შედგება. სამხრეთ კორეას და საქართველოს შორის ვაჭრობა არც ისე მოცულობითია და იმპორტი სჭარბობს. 9 თვეში ამ ქვეყნიდან 84 მლნ დოლარის იმპორტი განხორციელდა. რაც შეეხება ექსპორტს, საექსპორტო კალათის ღირებულება მხოლოდ 4 მლნ აღწევდა და წლების განმავლობაში 8,9 მლნ დოლარზე მეტი არ ყოფილა. ამ ქვეყანაში საქართველოდან გადის სპილენძს ნარჩენები, ავტონაწილები, ვაქცინები, პლასტმასის ნარჩენები და ღვინო. რას შეცვლის ექსპორტიორებისთვის თავისუფალი ვაჭრობის ხელშეკრულება და რა რეალური ბენეფიტები აქვს მსგავს ხელშეკრულებებს? სტუმარი: გვანცა მელაძე - ექსპორტის განვითარების ასოციაციის სამეთვალყურეო საბჭოს წევრი; #ახალიამბები #BusinessMediaGeorgia
კერძო სექტორის ნაწილის შრომის უსაფრთხოების სპეციალისტების კვალიფიკაციას აკრიტიკებს. კომპანიებში აცხადებენ, რომ სპეციალისტების გადამზადების რამდენიმე თვიანი პერიოდი საკმარისი არ არის. როგორც მსხვილ ბიზნეს ასოციაციებში აღნიშნავენ, არის შემთხვევები, როდესაც სპეციფიკურ სამუშაო ადგილებზე დაქირავებულმა სპეციალისტებმა წესები არ იციან ან მათი თეორიული ცოდნა პრაქტიკულს არ შეესაბამება. კერძო სექტორი სისტემის შეცვლას ითხოვს. რა გამოწვევებია შრომის უსაფრთხოების სპეციალისტების გადამზადების პროცესში და როგორია ჯანდაცვის სამინისტროს შეფასება? #ახალიამბები #BusinessMediaGeorgia
რას მოუტანს საქართველოს სტატუსი და EU-სთან მოლაპარაკებების გახსნა? ევროკომისიის დადებითი რეკომენდაციის შემდეგ წინ ევროსაბჭოს სხდომა და წევრი 27 სახელმწიფოს გადაწყვეტილებაა. რონდელის ფონდის მკვლევარს კახა გოგოლაშვილს მოლოდინი აქვს, რომ კანდიდატის სტატუსის მიღებიდან მყისიერად უნდა ველოდოთ, რომ ქვეყნის საკრედიტო რეიტინგი აიწევს, მეტად დაინტერესდებიან ინვესტორები საქართველოთი და ამის ხარჯზე მოხდება დასაქმების ზრდა და ეკონომიკური განვითარება. გარდა იმისა, რომ სტატუსის მიღების შემდეგ ქვეყანას ეხსნება მეტი შესაძლებლობა ინვესტიციების მოსაზიდად, ამასთან საქართველოს ევროკავშირისგან მეტი ფინანსური დახმარების მიღება შეეძლება. ეს არსებული გათვლებით წლის განმავლობაში დაახლოებით 300 მილიონი ევროა, რომელსაც ქვეყანა გრანტების სახით მიიღებს. საერთაშორისო გამჭვირვალობა-საქართველოს მთავარი ეკონომისტის ბესო ნამჩავაძის განცხადებით, სტატუსი ნიშნავს, რომ საქართველო ახლოსაა ევროკავშირში გაწევრიანებასთან და ეხსნება წვდომა დაფინანსებაზე, თუმცა რა მოცულობის თანხებს მიიღებს საქართველო ევროკავშირისგან, მისი შეფასებით ეს დამოკიდებული იქნება რეფორმების ტემპზე. #ახალიამბები #BusinessMediaGeorgia
“ბათუმში საპილოტე რეჟიმში ტურიზმის გადასახადი შესაძლოა 2025 წლიდან ამოქმედდეს”- USAID-ის ეკონომიკური მმართველობის ფარგლებში საკითხის მოკვლევა მიდის და სხვადასხვა სცენარები განიხილება. როგორც ტურისტული ფესტივალი "ტურისტერის" ორგანიზატორი მამუკა ბერძენიშვილი ამბობს, თავდაპირველად ბათუმში ტურისტული გადასახადის მოცულობა 1 ღამეში 1 ლარი იქნება, თუმცა პერიოდულად ის გაიზრდება. წინასწარ ჩატარებული მოკვლევის საფუძველზე აღნიშნული გადასახადიდან ქალაქს შეუძლია პირველ ეტაპზე 5-6 მილიონი ლარის შემოსავლის მიღება, რომელიც სხვადასხვა მიმართულებებზე დაიხარჯება. ინიციატივის ავტორები, ვარაუდობენ, რომ თუ პროცესები შეფერხების გარეშე წარიმართება ბათუმი გახდება პირველი ქალაქი საქართველოში, სადაც ტურისტული გადასახადი იმოქმედებს. ტურიზმის ინდუსტრიის წარმომადგენლების ნაწილი ინიციატივას დადებითად აფასებს და ამბობს, რომ ამ გადასახადს ტურისტები არაერთ ევროპულ ქალაქში იხდიან და ის მუნიციპალიტეტების დონეზე ადგილობრივი ინფრასტრუქტურის გამართვას, თუ მარკეტინგული აქტივობების განხორციელებას ხმარდება. მათი თქმით, ეს ტურისტულ მომსახურებას გააძვირებს, მაგრამ არა იმდენით, რომ ამან ვიზიტორებს მნიშვნელოვნად გაუზარდოს ხარჯი. #ახალიამბები #BusinessMediaGeorgia
სვანეთი ზამთრის სეზონს ძველი პრობლემებით ხვდება - "ელექტროენერგიის წყვეტა უკვე დაწყებულია - ამის შესახებ ბიემჯის სასტუმრო „ფალიანის“ დამფუძნებელმა ეკა გველესიანმა განუცხადა. მისი თქმით, არსებული ვითარება სეზონთან დაკავშირებით დადებით მოლოდინებს ვერ გააჩენს. ტურისტული ბიზნესის წარმომადგენელი ამბობს, რომ ელექტროენერგიის სტაბილური მიწოდების და პრობლემების აღმოფხვრის გარეშე, სეზონი შარშანდელივით ჩავარდება. ის, რომ სვანეთში მაინინგის მოხმარება კვლავ გამოწვევაა, ადასტურებენ ენერგეტიკისა და წყალმომარაგების ეროვნულ კომისიაში. როგორც სემეკის თავმჯდომარემ დავით ნარმანიამ ბიემჯისთან აღნიშნა, მომზადებულია დოკუმენტი, რომელშიც სამოქმედო გეგმაა შემუშავებული. დოკუმენტის მიხედვით, ქსელის საიმედოობა უნდა გაიზარდოს, გამრიცხველიანება მასშტაბური გახდეს და სამთავრობო უწყებებმა, დარღვევის შემთხვევაში, შესაბამისი ზომები მიიღონ. მისი ინფორმაციით, დოკუმენტი მთავრობას უკვე გადაეგზავნა. #ახალიამბები #BusinessMediaGeorgia
#ბიზნესსიახლეები bm.ge-სგან / 09.11.2023 „ვისოლ ჯგუფი“ „საბვეისთან“ მასტერ ფრენჩაიზის ხელშეკრულების საფუძველზე საქართველოში 80 რესტორანს გახსნის; თბილისის რომელ უბანში იყიდება ყველაზე მეტი ბინა? - კვლევა; როგორ ვითარდება გასტროტურიზმი საქართველოში? მარწყვის სასათბურე მეურნეობა "აგროსფეისი" იყიდება; ბაზარზე ხელნაკეთი კანფეტების ახალი ბრენდი Handy Candy გამოჩნდა; #BMG #ბიზნესმედია #საქმიანები #ახალიამბები #BusinessMediaGeorgia
რას მოუტანს საქართველოს სტატუსი და EU-სთან მოლაპარაკებების გახსნა? ევროკომისიის დადებითი რეკომენდაციის შემდეგ წინ ევროსაბჭოს სხდომა და წევრი 27 სახელმწიფოს გადაწყვეტილებაა. სწორედ ევროკავშირის წევრი კანდიდატი ქვეყნის სტატუსის მიღების შემდეგ შეეძლება საქართველოს ევროკავშირთან წევრობაზე მოლაპარაკებები გახსნას. რა ფასი აქვს სტატუსს და რა სარგებლის მიღების შესაძლებლობა უჩნდება ამით ქვეყანას, ეს არის ის, რაც საქართველოს ძალიან ბევრ მოქალაქეს აინტერესებს. #ახალიამბები #BusinessMediaGeorgia
“ბათუმში საპილოტე რეჟიმში ტურიზმის გადასახადი შესაძლოა 2025 წლიდან ამოქმედდეს”- USAID-ის ეკონომიკური მმართველობის ფარგლებში საკითხის მოკვლევა მიდის და სხვადასხვა სცენარები განიხილება. როგორც ტურისტული ფესტივალი "ტურისტერის" ორგანიზატორი მამუკა ბერძენიშვილი ამბობს, თავდაპირველად ბათუმში ტურისტული გადასახადის მოცულობა 1 ღამეში 1 ლარი იქნება, თუმცა პერიოდულად ის გაიზრდება. წინასწარ ჩატარებული მოკვლევის საფუძველზე აღნიშნული გადასახადიდან ქალაქს შეუძლია პირველ ეტაპზე 5-6 მილიონი ლარის შემოსავლის მიღება, რომელიც სხვადასხვა მიმართულებებზე დაიხარჯება. როგორც აფასებს ბიზნესი ქვეყანაში ტურიზმის გადასახადის შესაძლო დანერგვას და როგორია ამ მიმართულებით პრაქტიკა ევროპულ ქალაქებში? #ახალიამბები #BusinessMediaGeorgia
დაგროვებითი პენსიის კანონში ცვლილებები 3 იანვრიდან ამოქმედდება. საპენსიო სააგენტოს ინფორმაციით, 2024 წლის 3 იანვრიდან საქართველოს პარლამენტის მიერ "დაგროვებითი პენსიის შესახებ" საქართველოს კანონში განხორციელებული ცვლილების თანახმად პორტფელების განაწილების პროცესი ამოქმედდება. კერძოდ, 3 იანვრიდან ყველა ის პირი, ვისაც 2023 წლის 6 აგვისტოდან 6 სექტემბრამდე არ მიუღია გადაწყვეტილება, კვლავ დაბრუნდება კონსერვატიულ ანუ ნაკლებადრისკიან პორტფელში. აღნიშნული ცვლილების შემდეგ, სქემის ყველა მონაწილეს ექნება საინვესტიციო პორტფელის ყოველ 12 თვეში ერთხელ შეცვლის უფლება. საპენსიო დანაზოგებმა ამ ეტაპზე უკვე 4 მილიარდ ლარს გადააჭარბა. ამ დროისათვის ფონდში 4 მილიარდ 76 მლნ ლარზე მეტია აკუმულირებული, რომელიც ამჟამად, სამი ტიპის პორტფელში გადანაწილებული - ნაკლებრისკიანში, საშუალო და მაღალრისკიან ანუ დინამიურ პორტფელში - რა გეგმა აქვს მომდევნო წლებში საპენსიო სააგენტოს, სად იქნება დაბანდებული ჩვენი დანაზოგები და ამ ვითარებაში რამდენად არის შესაძლებელი საპენსიო ფონდის მთავარი მიზნის მიღწევა, რომ საპენსიო ასაკში ღირსეული პენსია მივიღოთ? სტუმარი: გოგა მელიქიძე - „საპენსიო სააგენტოს“ უფროსი საინვესტიციო ოფიცერი; #ახალიამბები #BusinessMediaGeorgia
სვანეთი ზამთრის სეზონს ძველი პრობლემებით ხვდება - "ელექტროენერგიის წყვეტა უკვე დაწყებულია - ამის შესახებ BMG-ის სასტუმრო „ფალიანის“ დამფუძნებელმა ეკა გველესიანმა განუცხადა. მისი თქმით, არსებული ვითარება სეზონთან დაკავშირებით დადებით მოლოდინებს ვერ გააჩენს. პრობლემებმა, რაც ათწლეულებია სვანეთში ადრესატამდე ჯერ ვერ მიაღწია. ტურისტული ბიზნესის წარმომადგენელი ამბობს, ელექტროენერგიის სტაბილური მიწოდების და პრობლემების აღმოფხვრის გარეშე, სეზონი შარშანდელივით ჩავარდება. რამდენად მასშტაბურია პრობლემა წელს და რა გეგმა აქვს ხელისუფლებას სვანეთის ელექტრომომარაგება მოაწესრიგოს. რას ამბობს ბიზნესი და რა ინიციატივა აქვს სემეკს? #ახალიამბები #BusinessMediaGeorgia
#ბიზნესსიახლეები bm.ge-სგან / 08.11.2023 განსაკუთრებული შეთავაზება VR Shekvetili Forest Beach-ისგან, რომლითაც ახალ წლამდე ისარგებლებთ; როგორ განვითარდება ველნეს კურორტი "ბიოლი"? "ლაბორატორია ამბროლაურში გავხსენით, უახლოეს მომავალში მესტიაშიც ვგეგმავთ" - "მედიქალ ვორლდი"; ქართული, მეტალოპლასტმასის კარ-ფანჯარა კანადაში გაიყიდება; "გუდაურმა კურორტისთვის ერთ-ერთი ყველაზე დიდი ბაზარი - ისრაელი დაკარგა" - ჰოტელიერი; „საქართველოში ძალიან რთულია, პროდუქტის შესაქმნელად, ხარისხიანი ნედლეული იყიდო“ - სოფო ჩიქოვანი; #ახალიამბები #BusinessMediaGeorgia
ევროკომისიის პრეზიდენტის ურსულა ფონ დერ ლაიენის განცხადებით, ევროკავშირი მხარს უჭერს საქართველოსთვის ევროკავშირის კანდიდატის სტატუსის მინიჭებას, ამასთან განსაზღვრავს დათქმებს, რომელთან ერთადაც ამ რეკომენდაციას გასცემს. დათქმები, რომლებშიც განსაზღვრულია ცხრა პრიორიტეტული მიმართულება, რომელთა შესახებაც საქართველომ პროგრესი უნდა აჩვენოს, რეკომენდაციებს შორისაა ქვეყნისთვის მნიშვნელოვანი ინსტიტუტების დამოუკიდებლობის, მათ შორის ეროვნული ბანკის დამოუკიდებლობის უზრუნველყოფაც. "საპარლამენტო ზედამხედველობის შემდგომი გაუმჯობესება, განსაკუთრებით უსაფრთხოების სამსახურებზე. საკვანძო ინსტიტუტების, განსაკუთრებით საარჩევნო ადმინისტრაციის, ეროვნული ბანკისა და კომუნიკაციების მარეგულირებელი კომისიის ინსტიტუციური დამოუკიდებლობისა და მიუკერძოებლობის უზრუნველყოფა,"- წერია ევროკომისიის მიერ მომზადებულ გაფართოების ანგარიშში. ეკონომიკური პოლიტიკის თვალსაზრისით, ევროკავშირი ხაზს უსვამს დეოლიგარქიზაციის მნიშვნელობას. დოკუმენტში ასევე საუბარია ანტიკორუფციული ბიუროს დამოუკიდებლობის უზრუნველყოფაზეც. #ახალიამბები #BusinessMediaGeorgia
ევროკომისია რეკომენდაციას იძლევა, საქართველო გახდეს EU-ს წევრობის კანდიდატი- ამის შესახებ დღეს ევროკომისიის პრეზიდენტი ურსულა ფონ დერ ლაიენმა განაცხადა. მისივე თქმით, ეს ხაზს უსვამს იმ შთამბეჭდავ და ძალიან ცალსახა პოზიციას საქართველოს მოსახლეობის უმრავლესობისა, რომ იქცნენ ევროკავშირის წევრებად. #ახალიამბები #BusinessMediaGeorgia