ოპოზიცია, მმართველი ძალის უდიდესი ნაწილი, საერთაშორისო ორგანიზაციები , საქართველოს უშუალო სტრატეგიული პარტნიორები , საზოგადოება - დღეს ყველასთვის თემა ერთია და ეს ის პროცესებია რაც ქუჩაში ხდება - ბურნებივია ვერ ჩვენ ვერ ავუვლით დღევანდელ პროცესებს გვერდს. მით უფრო როდესაც ინვესტორისთვის მთავარი პიროება ყოველთვის რისკების განჭვრეტადობა და გრძელვადიანი დაგეგმვის შესაძლებლობა იყო, რაც ამ პირობებში პრაქტიკულად შეუძლებელი ხდება. სტუმარი: სანდრო ჭუმბურიძე- ევროკავშირი-საქართველოს ბიზნესსაბჭოს გენერალური მდივანი
ფინანსთა მინისტრი ვანო მაჭავარიანი 2020 წლის ბიუჯეტის პროექტთან დაკავშირებით დეპუტატების კითხვებს პასუხობს. დღესვე, პარლამენტმა პლენარულ სესიაზე მომავალი წლის ბიუჯეტს მეორე მოსმენით კენჭი უნდა უყაროს. აღსანიშნავია, რომ ბიუჯეტი შინაარსობრივად მეორე წარდგენისთვის უცვლელია და ის მესამე ჯერზე ინიცირებისთვის განახლდება. ამ ეტაპზე არსებული დოკუმენტის მიხედვით, იმის გათვალისწინებით, რომ 2019 წლის ბიუჯეტში ცვლილებები უკვე აისახა, მომავალი წლის ბიუჯეტის ხარჯვითი ნაწილი თითქმის 900 მილიონი ლარით იზრდება. რა საკითხები დაისვა საბიუჯეტო განსხილვის პროცესში?
საქართველოს ნავსადგურებში „ერთი ფანჯრის პრინციპით“ მომსახურება დაინერგება. სიახლე საქართველოს სატრანზიტო პოტენციალის განვითარებას ემსახურება. ასევე, მისი მიზანია საპორტო სექტორში ციფრული სამთავრობო სერვისების შეთავაზება, გემის გათავისუფლება ბიუროკრატიული ბარიერებისა და არასაჭირო დოკუმენტაციის დამუშავების პროცესისგან. აღნიშნული პროექტის პრეზენტაცია საქართველოს ეკონომიკისა და მდგრადი განვითარების სამინისტროში გაიმართა. სტუმარი: თამარ იოსელიანი - საქართველოს საზღვაო ტრანსპორტის სააგენტოს დირექტორი
შრომის კოდექსში დაგეგნილ ცვლილებებზე პროფკავშირები და დამსაქმებელთა ასოციაცია მსჯელობს.შეხვედრის მოაწილეებს სურთ იმ საკითხების განხილვა, რომლებზე შეთანხმებაც ორივე მხარეს შეუძლია. შრომის კოდექსში ცვლილებების პროექტი დეპუტატმა დიმიტრი ცქიტიშვილმა შეიმუშავა, რომელიც ახალ წესებს ბევრი მინართულებით მოიცავს. სანამ ინიციატივა პარლამენტში შევა, მანამდე დოკუმენტზე სხვადასხცა დაინტერესებული მხარე მსჯელობს.
ახალი ვალდებულება ელექტროტექნიკის გამყიდველებისთვის - პარლამენტი კანონპროექტის განხილვებს იწყებს. მთავრობის მიერ საკანონმდებლო ინიციატივის წესით წარმოდგენილ კანონპროექტს, რომელიც „ენერგო ეტიკეტირების შესახებ“ და „სახელმწიფო შესყიდვების შესახებ“ კანონში ცვლილების შეტანას გულისხმობს, დარგობრივი ეკონომიკის და ეკონომიკური პოლიტიკის კომიტეტი განიხილავს. პროექტის მიხედვით, ელექტროტექნიკაზე ენერგიის წვის მაჩვენებლების მითითება სავალდებულო გახდება. როგორც დოკუმენტშია აღნიშნული, მოქმედი კანონმდებლობით, საქართველოს ბაზარზე განთავსებული ენერგომომხმარებელი პროდუქტის მიერ ენერგიისა და სხვა რესურსების მოხმარებისა და პროდუქტის შესახებ სტანდარტული ინფორმაციის მითითების აუცილებლობა არ არის გათვალისწინებული. სტუმარი: სალომე ვარდიაშვილი - ენრგოომბუდსმენი
8, 9, 10 ნოემბერს საქართველომ, რეგიონში ყველაზე მასშტაბურ ტექნოლოგიურ კონფერენციას “სტარტაპ-გრაინდს” უმასპინძლა, რომელსაც სტარტაპერები და ტექნოლოგიურ სფეროში მოღვაწე პერსონები ესწრებოდნენ, რომლებმაც თავიანთ გამოცდილებაზე ისაუბრეს. ღონისძეიების მხარდამჭრია საქართველოს ბანკის სტრატეგიული მიმართულება bog ფინტეკი. ღონისძიებას ბი ემ ჯის გადამღები ჯგუფიც ესწრებოდა. რა არის სტარტაპ გრაინდი და რა შესაძლებლობას აძლევს ღონისძიება სტარტაპერებს?
ტურიზმის ეროვნული ადმინისტრაციის ინფორმაციით, წინასწარი მონაცემებით, 2019 წლის იანვარ-ოქტომბრში საქართველოში საერთაშორისო მოგზაურობიდან შემოსავალმა 2.8 მილიარდი დოლარი შეადგინა, რაც 25 მილიონით მეტია წინა წლის ანალოგიურ მაჩვენებელზე. შესაბამისად, ზრდა +0.9%-ია. წინასწარი მონაცემებით, ოქტომბერში საქართველომ საერთაშორისო ტურიზმიდან 267 მილიონი დოლარის შემოსავალი მიიღო , რაც 13 მილიონით მეტია წინა წლის ანალოგიურ მაჩვენებელზე. სტუმარი: მარიამ ქვრივიშვილი - ტურიზმის ეროვნული ადმინისტრაცია; ხელმძღვანელი
EBRD-იმ საქართველოს ეკონომიკური ზრდის განახლებული პროგნოზები გამოაქვეყნა. როგორც სულ რამდენიმე საათის წინ გავრცელებულ დოკუმენტშია აღნიშნული საქართველოს ეკონომიკა მიმდინარე და მომავალ წელს ერთი და იგივე ნიშნულით - კერძოდ, 4.5%-ით გაიზრდება. სტუმარი: ევა ბოჭორიშვილი - Galt & Taggart- კვლევების დეპარტამენტი; ხელმძღვანელი
პირველი აპრილიდან სააგენტო „აწარმოე საქართველოს“ ფარგლებში, საკრედიტო–საგარანტიო სქემა მუშაობს, თუმცა ამ პროგრამის მიერ მხარდაჭერილი ბიზნესის შესახებ ინფორმაცია ჯერ არ გვაქვს. საგარანტიო სქემის მიზანი კერძო სექტორის იმ წარმომადგენლების დახმარებაა, რომელთაც ბანკებიდან კრედიტის აღებაში გარანტიები სჭირდება. პროგრამის ფარგლებში, გარანტიები გაიცემა მხოლოდ ლარში აღებულ სესხებზე. მეწარმეს 50 ათასიდან 2 მილიონ ლარამდე მოცულობის სესხის აღება, სახელმწიფოს გარანტიებით შეუძლია, რომლის ზუსტი სქემაც კანონშია გაწერილი. პროექტში საქართველოში მოქმედი კომერციული ბანკები უკვე ჩაერთნენ. საკრედიტო-საგარანტიო მექანიზმისთვის სახელმწიფო ბიუჯეტიდან წელს 20 მილიონი ლარია გამოყოფილი, თუმცა როგორც ჩანს, თანხის გახარჯვა ვერ ხერხდება და სწორედ ეს საკითხი დეპუტატ ლევან კობერიძის კრიტიკის საგანი გახდა. სტუმარი: ლევან კობერიძე - დეპუტატი
განათლების, მეცნიერების, კულტურისა და სპორტის მინისტრმა თანამდებობა დატოვა. მიხელ ბატიაშვილმა გადადგომის შესახებ განცხადებისას აღნიშნა, რომ მან ამ სფეროში ძირეული გარდატეხა შეძლო, თუმცა როგორც ჩანს, ეს ფაქტი მისთვის მინისტრის თანამდებობაზე მუშაობის გასაგრძელებლად მოტივაცია აღარ იყო. სხვათაშორის, ერთი დეტალიც უნდა აღინიშნოს – მთავრობის სხდომის დასაწყისში, პრემიერმა ტრადიციული განცხადებები გააკეთა და თემების თანმიმდევრობას თუ მივყვებით, რაზეც გიორგი გახარიამ ისაუბრა, მისი პირველი რიგის ყურადღების საგანი ჯერ მიწის რეგისტრაცის მიმართულებით მთავრობის გეგმები იყო, შემდეგ კი მიხეილ ბატიაშვილის სურვილი – დატოვოს თანამდებობა პირადი განცხადების საფუძველზე.
სვანეთში მოსახლეობა ელექტროენერგიის ტარიფს არ იხდის-სადაა გამოსავალი? სტუმარი: ნუგზარ ბერიძე - სემეკის ელექტროენერგეტიკის დეპარტამენტი; დირექტორი
„ანაკლიის კონსორციუმს“ ახალი ინვესტორი, ჯერჯერობით, არ წარუდგენია, თუმცა საქართელოს მთავრობასა და ანაკლიის პორტის განმახორციელებელ კომპანიას შორის კომუნიკაცია გრძელდება. ამის შესახებ რეგიონული განვითარებისა და ინფრასტრუქტურის მინისტრი აცხადებს. მაია ცქიტიშვილმა ასევე განმარტა, აპირებს თუ არა სახელმწიფო ანაკლიის პორტის მშენებლობისთვის საჭირო სესხის გარანტორად გამოსვლას. როგორც იცით, ანაკლიის განვითარების კონსორციუმის ხელმძღვანელობამ გასულ კვირას პარლამენტში განაცხადა, რომ ეს საკითხი ჯერ კიდევ ღიაა. რა შეიცვალა მას შემდეგ?
პარლამენტმა უკვე ორი მოსმენით უყარა კენჭი კანონპროექტს, რომლის მიხედვით, არასწორი პარკირების საფასური 10–დან 50 ლარამდე უნდა გაიზარდოს. დოკუმენტის მესამე მოსმენით კენჭისყრა კი დეპუტატებმა გადაიფიქრეს. ამის მიზეზად პარლამენტის წევრებმა ქალაქში საზოგადოებრივი ტრანსპორტის მოწესრიგების კუთხით დაგეგმილი სამუშაოები დაასახელეს. მათი აზრით, ჯერ ტრანსპორტის განახლება უნდა დასრულდეს. სტუმარი: მაია ბითაძე - თბილისის მერის მოადგილე
შრომის კოდექსში შესატანი ცვლილებების შესახებ კანონპროექტის ავტორები, მომზადებული რეგულაციების დაინტერესებულ პირებთან განხილვას აგრძელებენ. როგორც იცით, დოკუმენტი სრულიად განსხვავებულ მიდგომებს გვთავაზობს – რამდენიმე ორგანიზაციაში ერთდროულად მუშაობა იზღუდება, ზეგანაკვეთური სამუშაო საათები წესდება და ა.შ.
განვითარებადი ეკონომიკის ქვეყნებში კორუფციული რისკები ყურადღების საგანია, მათ შორის სახელმწიფო შესყიდვების სფეროში. ამ პრობლემაზე პასუხს საქართველო საკანონმდებლო ცვლილებებით, ასევე, ევროკავშირის ქვეყნების გამოცდილების გაზიარებით ცდილობს. სწორედ საჯარო შესყიდვების სფეროში კორუფციული რისკების შემცირებასთან დაკავშირებით, ევროკავშირის ტვინინგის პროექტის ფარგლებში შეხვედრა გაიმართა. რა გამოწვევები გვაქვს ამ კუთხით საქართველოში და რა ნაბიჯებს დგამს საქართველოს სახელმწიფო შესყიდვების სააგენტო? სტუმარი: ზაზა ნანობაშვილი - საქართველოს სახელმწიფო შესყიდვების სააგენტო თავმჯდომარის მოადგილე
სურსათი გაძვირდა. საქსტატის მონაცემებით, ოქტომბერში, წლიური ინფლაციის დონემ 6.9 პროცენტი შეადგინა, რაც იმას ნიშნავს, რომ გასული წლის ანალოგიურ პერიოდთან შედარებით, მთელ რიგ პროდუქტებზე ფასები გაიზარდა. განსაკუთრებით უნდა გამოვყოთ ხილი და ყურძენი, რაზეც ფასები თითქმის 27%–ით არის მომატებული, ამის შემდეგ რძე, ყველი და კვერცხი მოდის, რაც გასული წლის ოქტომბერთან შედარებით, 16%–ით გაძვირდა. გარდა ამისა, გაზრდილი ფასებით გამოირჩევა თევზეული, ხორცი და ხორცის პროდუქტები, შაქარი, ტკბილეული, ბოსტნეული, ასევე პური და პურპროდუქტები. საერთო ჯამში, ამ ჯგუფის ფასები 13.5%–ით გაიზარდა ალკოჰოლური სასმელები და თამბაქო კი 13.8 პროცენტით გაგვიძვირდა. რას უნდა ველოდოთ წლის ბოლომდე, ამის შესახებ ახალი, არცთუ სახარბიელო პროგნოზი დღეს საერთაშორისო სავალუტო ფონდის მისიის ხელმძღვანელმა გაგვაცნო, როცა საქართველოსთან მიმდინარე პროგრამის მეხუთე მიმოხილვის დასრულებაზე პრესკონფერენცია გამართა.
ბიზნესი მოგების გარეშე – ასეთი ფორმულა აქვს საქართველოში საქმიანობისთვის ბიძინა ივანიშვილს, რაზეც ბიზნესმენი გამოცემა ანტრეპრენერთან ინტერვიუში გადმოგვცემს. მილიარდერთან საუბრისას ჟურნალისტის ძირითადი ინტერესის საგანი ბიძინა ივანიშვილის პროექტების სოციალური გავლენა იყო – ქართულ ეკონომიკაზე, ბიზნესგარემოზე და ქვეყნის მომავალზე. ამ ექსკლუზიური ინტერვიუდან ჩვენს ყურადღებას წყალტუბოში ივანიშვილის გეგმები, ქართუ ბანკის გაყიდვის მცდელობები და ასევე, მილიარდერის ქველმოქმედების ხასიათი იქცევს
5.2 პროცენტი - ეს რიცხვი 2019 წლის სექტემბერშის მთლიანი შიდა პროსდუქტის ზრდას გამოსახავს წინა წლის შესაბამის პერიოდთან შედარებით. 2019 წლის III კვარტლის რეალური ზრდა, წინა წლის შესაბამის პერიოდთან შედარებით კი 5.7 პროცენტით განისაზღვრა. ამასთან, 2019 წლის პირველი ცხრა თვის საშუალო რეალური ზრდა 5.0 პროცენტს შეადგენს. ასეთია მშრალი რიცხვები, რომელიც დღეს სტატისტიკის ეროვნულმა სამსახურმა გამოაქვეყნა.
ქონების დეკლარაციის წარგენის ვადა, ფიზიკური პირებისთვის, 2 დღეში იწურება. თუ თქვენი შემოსავალი 40 000 ლარს აჭარბებს, 1 ნოემბრამდე დეკლარაციის შევსების და 15 ნოემბრამდე გადასახადის გადახდის ვალდებულება გაქვთ. როგორ დავთვალოთ, რამდენად ეფექტურად მუშაობს შემოსავლების სამსახურის წინასწარი შეტყობინების სისტემა? სტუმარი: ლევან დგებუაძე - შემოსავლების სამსახურის მომსახურების დეპარტამენტის უფროსის მოადგილე
„თუ მოხდა ისე, რომ მთავრობამ ხელშეკრულება გაგვიწყვიტა და თავის სცენარს მიჰყვა, ამ შემთხვევაში ჩვენ იძულებულები გავხდებით, რომ საერთაშორისო არბიტრაჟში წავიდეთ,“ - ამის შესახებ „ანაკლიის განვითარების კონსორციუმის“ გენერალურმა დირექტორმა ლევან ახვლედიანმა ანაკლიის ღრმაწყლოვანი პორტის პროექტის შესახებ პარლამენტში საჯარო ფორმატში გამოსვლისას განაცხადა.როგორც ახვლედიანი განმარტავს, კონსორციუმს საერთაშორისო არბიტრაჟში წასვლის მკაფიო საფუძველი აქვს
“ერთადერთ იმედს მაძლევს ამერიკული ფონდი, რომელსაც დარჩენილი აქვს ინვესტირების სურვილი” - განცხადება ლევან ახვლედიანმა საკოანონმდებლო ორგანოში გამოსვლისას გააკეთა. ანაკლიის განვითარების კონსორციუმის ხელმძღვანელი დეპუტატების კითხვებს რმდენიმე საათის განმავლობაში პასუხობს
„თელასმა“ ტაშკენტისა და მიმდებარე ქუჩებზე საჰაერო ელექტროგადამცემი ხაზები საკაბელოთი შეცვალა. გასულ კვირას ტაშკენტის ქუჩაზე 35 კილოვოლტიან ანძებზე გიყვებოდით. გავიხსენეთ თბილისის მერის, კახა კალაძის განცხადებაც, რომელიც ტაშკენტის ქუჩაზე ამ ანძების დემონტაჟს გეგმავდა. მოვისმინეთ ამ დარგის ექსპერტების აზრიც, მას შემდეგ დაახლოებით ერთი კვირა გავიდა, დღეს კი ანძების დემონტაჟი უკვე დაიწყო.
სანატორიუმები წყალტუბოში - ლაშა ბერეკაშვილი საქმის კურსში სტუმარი: ლაშა ბერეკაშვილი - საქართველოს ახალგაზრდა გიდების ასოციაციის თავმჯდომარე
ბოლო ინიციატივა, რომელიც მთავრობამ დაამტკიცა, მცირე ჰესებისთვის შეღავათების დაწესებას გულისხმობს. კერძოდ მცირე ჰესები და მათი ინვესტორები, ვინც სახელმწიფოსგან გარანტირებული შესყიდვის ხელშეკრულებებს და გარანტირებულ ტარიფებს არ მოითხოვს, შეღავათებით ისარგებლებენ. სტუმარი: დავით თვალაბეიშვილი - ეკონომიკის მინისტრის მოადგილე
პროკრედიტ ბანკმა დღეს ვაკეში ახალი ფილიალი გახსნა, რომელიც როგორც ფიზიკურ პირებს ისე ბიზნესებს მოემსახურება. რა მომსახურებებით სარგებლობას შეძლებენ ბანკის კლიენტები ახალ ფილიალში?
კერძო სექტორი ელექტროენერგიის მაღალი ფასის გამო, საწარმოო პროცესისთვის შექმნილ პრობლემებზე საუბრობს. ეს საკითხი დღეს პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე რუსთავის მეტალურგიული ქარხნის იურისტმა წამოჭრა. მისი განმარტებით, მას შემდეგ, რაც ქარხანამ ელექტროენერგიის თავისუფალ ბაზარზე შეძენა დაიწყო და შესაბამისად, რეგულირებული სექტორი დატოვა, ხარჯები გაიზარდა. ეს პრობლემები კომიტეტზე ეკონომიკის მინისტრის მოადგილემ მოისმინა, რომელიც პარლამენტში ენერგეტიკის სექტორში დაგეგმილ საკანონმდებლო რეფორმაზე სასაუბროდ მივიდა.
ბექა: მთავრობა საყოველთაო ჯანდაცვაში ჩართული კლინიკებისთვის ტარიფების გათანაბრებას აანონსებს. განცხადება ჯანდაცვის მინისტრმა დღეს გააკეთა. ეკატერინე ტიკარაძის თქმით, დაფინანსების ახალ სისტემაზე გადასვლა, რომელიც ითვალისწინებს ყველა კლინიკისთვის საყოველთაო ჯანდაცვის პროგრამის ფარგლებში ტარიფების გათანაბრებას, არის ფასწარმოქმნის მსოფლიოში აპრობირებული სისტემა. მინისტრმა დღეს ასევე, მედიკამენტების ფასების რეგულაციაებზე ისაუბრა. ტიკარაძის თქმით, ფასების დარეგულირებასა და მედიკამენტების ჭარბად დანიშვნის კონტროლზე მუშაობენ, მაგრამ მას დეტალები არც - პრეზენტაციაზე და არც შემდეგ - ჟურნალისტებთან დაუკონკრეტებია. სტუმარი: თამარ გაბუნია - ჯანდაცვის მინისტრის მოადგილე
კლინიკებისთვის ტარიფები გათანაბრდება - ეს ინფორმაცია დღეს ჯანდაცვის მინისტრმა გააჟღერა. საუბარია საყოველთაო ჯანდაცვის პროგრამაში ჩართულ სამედიცინო დაწესებულებებზე, რომლებიც ერთსა და იმავე სამედიცინო მომსახურებას სხვადახვა ფასად ვერ გაყიდიან და სახელწიფოს მიერ დადგენილ ზღვრულ ფასში იმოქმედებენ. ეკეტერინე ტიკარაძემ, ეს კონკრეტული ცვლილება ჯანდაცვის ხარისხის გაუმჯობესების, ხარჯების ოპტიმიზაციის და პაციენტზე ორიენტირებული მომსახურების მიზეზებით ახსნა.
მსოფლიო ბანკის Doing Business-ის რეიტინგში საქართველო ერთი პოზიციით ჩამოქვეითდა და მე-6-დან მე-7 ადგილზე გადაინაცვლა. ჩამოქვეითების მიუხედავად საქართველო 190 ქვეყანას შორის კვლავ პირველ ათეულში რჩება. აღსანიშნავია, რომ რეიტინგში წელს ქვეყნის ქულა - 83.7-ია, რაც გასული წლის მონაცემს აღემატება(83.28). უფრო ვრცლად რომ გავშალოთ, 10 ძირითადი კრიტერიუმიდან, რომელსაც მსოფლიო ბანკი ზომავს, ხუთ კრიტერიუმში საქართველოს პოზიცია გაუმჯობესდა, ხუთში კი უცვლელი დარჩა. 1. ბიზნესის დაწყება - მსოფლიოში მეორე ადგილი, 99.6 ქულა, გაუმჯობესება წინა წელთან 0.3 ქულა; 2. მშენებლობის ნებართვის მიღება - მსოფლიოში 21-ე ადგილი, 81.0 ქულა, გაუმჯობესდა წელთან 1.7 ქულა; 3. გადასახადების გადახდა - მსოფლიოში 14-ე ადგილი, 89.2 ქულა, გაუმჯობესება წინა წელთან 0.2 ქულა; 4. საგარეო ვაჭრობა - მსოფლიოში 45-ე ადგილი, 90.1 ქულა, გაუმჯობესება წინა წელთან 0.1 ქულა; 5. გადახდისუუნარობის საქმეების გადაწყვეტა - მსოფლიოში 64-ე ადგილი, 56.2 ქულა, გაუმჯობესება წინა წელთან 0.2 ქულა. 1. ელექტროენერგიის მიღება (ქსელზე მიერთება, ელექტროენერგიასთან წვდომა) - მსოფლიოში 42-ე ადგილი, 84.4 ქულა, (უცვლელია); 2. საკუთრების რეგისტრაცია - მსოფლიოში 5-ე ადგილი, 92.9 ქულა, (უცვლელია); 3. კრედიტის მიღება - მსოფლიოში 15-ე ადგილი, 85.0 ქულა, (უცვლელია); 4. მინორიტარი აქციონერების უფლებების დაცვა - მსოფლიოში 7-ე ადგილი, 84.0 ქულა, (უცვლელია); 5. კონტრაქტების აღსრულება - მსოფლიოში 12-ე ადგილი, 75.0 ქულა, (უცვლელია); სტუმარი: ნიკოლოზ გაგუა - ფინანსთა მინისტრის მოადგილე
Doing Business-ის რეიტინგში საქართველო ჩამოქვეითდა - გია ჩქოფოია საქმის კურსი სტუმარი: გია ჩქოფოია - ქართულ-ამერიკული უნივერსიტეტის ბიზნეს ანალიტიკოსი
მსოფლიო ბანკის Doing Business-ის რეიტინგში საქართველო ერთი პოზიციით ჩამოქვეითდა და მე-6-დან მე-7 ადგილზე გადაინაცვლა. ანგარიშის თანახმად, ჩვენი ქვეყნის ქულა - 83.7-ია, რაც გასული წლის მონაცემს აღემატება (83.28). მსოფლიო ბანკის რეიტინგის სათავეში ახალი ზელანდიაა. მას მოსდევს სინგაპური და ჰონკონგი. მე7 პოზიციაზე გადანაცვლებული საქართველოს ადგილი კი, აშშ-მა დაიკავა. მთავრობის დღევანდელ სხდომაზე პრემიერ-მინისტრს ამ თემაზე კომენტარი არ გაუკეთებია, სხდომის შემდეგ კი ეკონომიკური ბლოკიდან ჟურნალისტებს მხოლოდ ეკონომიკის მინისტრმა უპასუხა.
რატომ გაამკაცრა მონეტარული პოლიტიკა სებ–მა? - გიორგი ხიშტოვანი საქმის კურსი სტუმარი: გიორგი ხიშტოვანი - PMC კვლევითი მიმართულების დირექტორი
102700 მომხმარებელს რეფინანსირების განაკვეთზე მიბმულ სესხებზე საპროცენტო განაკვეთი 1%-ით გაეზრდება. საზოგადოება და ბანკებმა ცვლად საპროცენტო განაკვეთზე მიბმული სესხები მიმოიხილა. 2019 წლის 1 სექტემბრის მდგომარეობით ასეთი, 102700 სესხია გაცემული. შესაბამისად, მსესხებლებს საპროცენტო განაკვეთი 1 პროცენტული პუნქტით 8.5 პროცენტამდე გაეზარდათ. დღესდღეობით ცვლად საპროცენტო განაკვეთზე მიბმული 5 მილიარდ 310 მლნ ლარის მოცულობის სესხია გაცემული. 1 აგვისტოდან 1 სექტემბრამდე გაცემული სესხების რაოდენობა გაიზარდა 4400-ით, ხოლო მთლიანი პორტფელი - 5 მილიარდ 45 მილიონიდან 5 მილიარდ 310 მილიონ ლარამდე. რაოდენობრივად პირველ ადგილზეა უძრავი ქონებით უზრუნველყოფილი სესხები. რეფინანსირების განაკვეთზე 1 სექტემბრის მონაცემებით 37500 სესხია მიბმული, საშუალოდ 9.09%-ში. 33100 ხელშეკრულებაა გაფორმებული ბიზნეს სესხების გასაცემად, საომხმარებლო ნაწილი კი 28300 ხელშეკრულებას მოცავს. ყველაზე მცირე რაოდენობით გაცემულია რეფინანსირების განაკვეთზე მიბმული ავტოსესხი. ამ სატისტიკის და სტატიის საჭიროება დღეს, ეროვნული ბანკის მონეტარული პოლიტიკის კომიტეტმა გააჩინა, რომელმაც, როგორც მოგეხსენებატ, რეფინანსირების განაკვეთი 1 პროცენტული პუნქტით, 8.5 % მდეგაზარდა და ცხადია გადაწყვეტილებას განარტებებიც მოაყოლა.
„ნენსკრა ჰესი“ – ერთ–ერთი მსხვილი საფუძველია ჩვენი ენერგოდამოუკიდებლობის. იქაც მშვიდად მიმდინარეობს პროცესები-ამის შესახებ განცხადება ეკონომიკის მინისტრმა ნათია თურნავამ გააკეთა. მისი თქმით, ჭუბერში სამუშაოები გრძელდება დამხმარე ინფრასტრუქტურის მშენებლობის თვალსაზრისით. ამასთან, ნათია თურნავამ აღნიშნა, რომ ენერგეტიკა კვლავ ერთ–ერთ ყველაზე მიმზიდველ საინვესტიციო დარგად რჩება. შეგახსენებთ, რომ "ნენსკრა ჰესის" პროექტი სვანეთში, ჭუბერში ხორციელდება. მისი დადგმული სიმძლავრე 280 მგვტ–ია, საინვესტიციო ღირებულება კი – $1 მილიარდი. "ნამახვანი ჰესების კასკადი" კი, ცაგერის მუნიციპალიტეტში უნდა აშენდეს. პროექტის დადგმული სიმძლავრე 433 მგვტ–ია, ინვესტიცია კი – $750 მილიონი.
საქართველოს პრემიერ-მინისტრმა აბრეშუმის გზის ფორუმის გახსნაზე განაცხადა, რომ მთავრობა ინდოეთთან და ისრალეთან თავისუფალი ვაჭრობის ხელშეკრულების გაფორმებაზე მუშაობს. “საქართველოს მიერ გაფორმებული სავაჭრო ხელშეკრულებები 2.3-მილიარდიან სამომხმარებლო ბაზრებზე წვდომას გაძლევთ. ამ სამომხმარებლო ბაზარის ძირითადი ინფრასტრუქტურა იქმნება იმ თავისუფალი ვაჭრობის შეთანხმებებით, რომლებიც დღეს საქართველოს უკვე აქვს გაფორმებული. ასევე უნდა ავღნიშნო ის მოლაპარაკებებიც, რომლებიც დღეს მიმდინარეობს ინდოეთთან და ისრაელთან,”- ამბობს გახარია. საქართველომ ინდოეთთან თავისუფალი ვაჭრობის ხელშეკრულებაზე მუშაობა ჯერ კიდევ 2017 წელს დაიწყო. მაშინ საქართველოს მთავრობის დავალებით აღნიშნული საკითხის შესახებ ეკონომიკური მიზანშეწონილობის კვლევაც ჩატარადა. თუმცა, უშუალოდ შეთანხმების მიღწევა ამ პერიოდის განმავლობაში ვერ მოხდა. სანამ ამ თემას, ეკონომიკის მინისტრის მოადგილესთან, გენადი არველაძესთან მოვიკითხავთ, როელიც უშალოდ იყო ცართული პროცესში, იქამდე მოკლედ გეტყვით, ინდოეთთან და ისრაელთან რა სავაჭრო ურთიერთობები აქვს საქართველოს: 2018 წლის მონაცემებით, საქართველოს სავაჭრო ბრუნვა ინდოეთის რესპუბლიკასთან 2017 წლის მაჩვენებელთან შედარებით 16%-ით არის შემცირებული და ის $48 მილიონს შეადგენს, აქედან საქართველოს ექსპორტი $5.6 მილიონი დოლარია. 2017 წელთან შედარებით, ინდოეთში საქართველოს ექსპორტი 36%-ით არის შემცირებული. ისრაელთან საქართველოს სავაჭრო ბრუნვა კი, გასულ წელს $30 მილიონი იყო, რაც 2017 წელთან მიმართებით 47%-ით მეტია. აქედან საქართველოს ექსპორტი $9.3 მილიონ დოლარს შეადგენდა. სტუმარი: გენადი არველაძე - ეკონომიკის მინისტრის მოადგილე
რა ეტაპზეა "ნამახვანისა" და "ნენსკრა ჰესის" პროექტები? რამდენიმე წუთის წინ დიდ ჰესებთან დაკავშირებით განცხადება ეკონომიკის მინიტრმა კომენტარი გააკეთა.
ხელოვნური ინტელექტი საქართველოში - თბილისის აბრეშუმის გზის ფორუმი სტუმარი: ირაკლი ბერიძე - გაეროს ხელოვნური ინტელექტის და რობოტიკის ცენტრის ხელმძღვანელი
თურნავა ანაკლიის პორტზე:“ზედმეტად დაგვიანდა... იმედია, მომავალი წლიდან პროექტს დავძრავთ”
სს ნიკორამ თიბისი კაპიტალის მეშვეობით 28 მილიონი ლარის ოდენობის ობლიგაციები განათავსა. ობლიგაციების ლისტინგი საქართველოს საფონდო ბირჟაზე მოხდება. აღსანიშნავია, რომ ეს არის პირველი ობლიგაცია ქართულ ბაზარზე, რომელიც თბილისის ბანკთაშორის საპროცენტო განაკვეთზე იქნება მიბმული, რაც რეფორმირებული ფულადი ბაზრის პოპულარიზაციას და მის ქართული კაპიტალის ბაზარზე დამკვიდრებას ისახავს მიზნად.
ნებსით თუ უნებლიედ, ვიცე-პრემიერმა შეცდომაში შეგვიყვანა, ჩვენ და აბრეშუმის გზის ფორუმის დამსწრე დელეგატები. საქმე იმაშია, რომ მაია ცქიტიშვილმა განაცხადა, 2018 წელს საქართველოში ერთ-ერთი ყველაზე დიდი მოცულობის პირდაპირი უცხოური ინვესტიციების ნაკადი შემოვიდაო. მინისტრის განცხადება შესაძლოა, შეცდომაში შემყვანი იყოს, რადგანაც საქსტატის მონაცემებით, 2018 წელს პირდაპირი უცხოური ინვესტიციები არათუ გაიზარდა, არამედ 35%-ით შემცირდა. “ჩვენ ამასთანავე გვაქვს ზრდა პირდაპირ უცხოურ ინვესტიციებში. გასული წელი ამ მხრივ ერთ-ერთი საუკეთესო იყო და მთლიანობაში პირდაპირმა უცხოურმა ინვესტიციებმა $1.3 მილიარდი დოლარი შეადგინა,”- განაცხადა მინისტრმა. საქსტატის მონაცემებით, 2018 წელს საქართველოში $1.265 მილიარდი დოლარის მოცულობის პირდაპირი უცხოური ინვესტიცია შემოვიდა, რაც 2017 წელთან შედარებით 35%-ით ნაკლები იყო.
საქსტატმა დღეს 2019 წლის 9 თვის საგარეო ვაჭრობის ამსახველი ანგარიში გამოაქვეყნა. დოკუმენტის მიხედვით, მთლიანმა სავაჭრო ბრუნვამ $9.2 მილიარდი დოლარი შეადგინა, რაც 2018 წლის ანალოგიურ პერიოდთან შედარებით 0.5%-ით მეტია. აქედან ექსპორტი $2.7 მილიარდი იყო, ხოლო იმპორტი კი $6.5 მილიარდი. ექსპორტმა ევროკავშირში $620 მილიონი შეადგინა, რაც წინა წელთან შედარებით 16.3%-ით მეტია. დსთ-ში კი ექსპორტი $1.43 მილიარდი დოლარი იყო, 23%-ით მეტი, 2018 წელთან შედარებით.
"დარჩენილ ორ თვეში ყველაფერს გავაკეთებთ, რომ ბიზნესს კომფორტული პირობები შევუქმნათ" - ეს განცხადება საქართველოს პრემიერმინისტრმა 40-ზე მეტი ბიზნეს ასოციაციის წარმომადგენელთან შეხვედრის შემდეგ ჟურნალისტებთან გააკეთა.
"ჩვენი დღევანდელი შეხვედრის მიზანი არის ის, რომ სწრაფი გადაწყვეტილების მიღების და სწრაფად პრობლემების გადაჭრის მექანიზმი აღვადგინოთ” - ამის შესახებ პრემიერმა გიორგი გახარიამ ბიზნესმენებთან დახურული შეხვედრის დაწყებამდე განაცხადა. გახარიას თქმით, ყველა ის საკითხი, რომელიც მოკლევადიან, სწრაფ და ეფექტურ რეჟიმში შეიძლება გადაწყდეს, მთავრობის მხრიდან ასეც იქნება, ხოლო იქ სადაც სისტემური პრობლემებია, ბიზნესის ჩართულობით შედეგი ერთობლივად უნდა იქნას მიღწეული.
პრემიერ მინისტრი მთავრობის 2018 წლის ანგარიშის პრეზენტაციას მართავს. ქვეყნის ეკონომიკური და საგარეო პოლიტიკური მიღწევები, სიღარიბის დაძლევისკენ გადადგმული ნაბიჯები, ეს არის გზავნილების ნაწილი, რომელიც მამუკა ბახტაძემ გააჟღერა. 20.12.2018
ქართველი ელჩების მასშტაბური შეხვედრა ბიზნესთან. საქართველოს დიპლომატიური კორპუსის წარმომადგენლები კერძო სექტორს შეხვდნენ და ინფორმაცია გაცვალეს. ბიზნესმენებმა მათ წინაშე არსებული პრობლემების შესახებ ისაუბრეს და დიპლომატებს კავშრების დამყარებაში დახმარება სთხოვეს. შეხვედრა სასტუმრო ქორთარდ მერიოტში გაიმართა 20.12.2018
საქართველო საერთაშორისო სავალუტო ფონდისგან, დაახლოებით 41.6 მილიონი აშშ დოლარს მიიღებს - საერთაშორისო სავალუტო ფონდის აღმასრულებელ დირექტორთა საბჭომ "გაფართოებული დაფინანსების მექანიზმით მხარდაჭერილი" საქართველოს პროგრამის მესამე მიმოხილვა დაასრულა. IMF-ის მიერ გავრცელებულ პრესრელიზში ნათქვამია, რომ ქვეყნის ხელისუფლების პროგრამა, რომელსაც სავალუტო ფონდი მხარს უჭერს ხორციელდება შეუფერხებლად, რაც თავის მხრივ, გონივრული მაკრო-ფინანსური პოლიტიკის და ჯანსაღი რეფორმების განხორციელების შედეგია. თუმცა სავალუტო ფონდს რიგი მიმართულებებით აქვს რეკომენდაციები. 20.12.2018
ევროკავშირის მიერ დაფინანსებული პროექტი, რომელიც ტექნიკური და სამშენებლო ზედამხედველობის სააგენტოს შესაძლებლობების გაზრდას ემსახურება 1.5 მილიონი ევროს ფინანსურ მხარდაჭერას გულისხმობს. აღნიშნულ პროექტში ევროკავშირის მხრიდან ორი ქვეყანაა ჩართული - დიდი ბრიტანეთი და ლიეტუვა, ხოლო საქართველოში ექსპერტი 2 წლის განმავლობაში იმუშავებს. ანდრის ბუკავსი - პროექტის მუდმივი მრჩეველი საქართველოში 19.12.2018
2018 წელს ევროკავშირმა ქართული თხილის 7 პარტია “დაბლოკა”, - ამის შესახებ ოფიციალური ინფორმაცია ec.europa.eu -ზეა განთავსებული. ძირითადი მიზეზი კი, რის გამოც ქართული თხილი ევროკავშირის ბაზარზე ვერ მოხვდა, აფლატოქსინია, რომელიც სოკოვანი დაავადების ნაირსახეობაა.
პარლამენტი არქიტექტორთა საქმიანობის რეგულირებაზე მუშაობას იწყებს. დღეს დარგობრივი ეკონომიკისა და ეკონომიკური პოლიტიკის კომიტეტზე თბილისის მერის მოადგილე მივიდა. ირაკლი ხმალაძე დეპუტატებს პრეზენტაციას სთავაზობს, თუ რა ხედვები აქვს დედაქალაქის მთავრობას არქიტექტორებთან დაკავშირებით. საკითხის განხილვას პროფესიული კავშირის თავმჯდოამრეც ესწრება. 18.12.2018