მთავრობა 2021 -2024 წლების სამთავრობო პროგრამა წარადგინა. ბუნებრივია დღეს საქმის კურსი მხოლოდ ეკონომიკურ მიმართულებაზე გაამახვილებს ყურადღებას და ვეცდებით მთელი ამ დროის განმავლობაში დეტალურად მოგაწოდოთ ინფორმაცია იმაზე თუ რას გეგმავს ოცნების მთავრობა და რა პროგრამა აქვს მას. ცხადაია ყველას აინტერესებს დასაქმება და რა წერია ამ დოკუმენტში ამ მიმართულებით, როგორც ირკვევა მომდევნო 4 წლის განმავლობაში ხელისუფლება საზღვარგარეთ დროებითი ლეგალური დასაქმების შესაძლებლობების გაფართოების პირობას დებს. გარდა ამისა, პროგრამაში ვკითხულობთ, რომ იგეგმება არსებული სახელმწიფო პროგრამების განვითრება და დახვეწვა, გაგრძელდება შრომის ბაზრის დეტალური კვლევა, სამუშაოს მაძიებელთა ინფორმაციული დახმარება და სამუშაოს მაძიებელთა და დამსაქმებელთა მჭიდრო კოორდინაცია. რაც შეეხება ინვესტიცებს ამ მიმართულებით მთვრობა აგერსიულ კამპანიას აანონსებს, თუმცა კონკრეტულად რა იგულისხმება აგერსიულ კამპანიაში, პროგრამაში დაკონკრეტული არაა. გარდა ამისა, მთავრობა გეგმავს ახალი პლათფორმის შექმნას კერძოდ tradewithgeorgia.com, რაც ექსპორტიორი კომპანიებისთვის სხვადასხვა სერვისის „ერთი ფანჯრის პრინციპით“ მიწოდებას ითვალისწინებს. კერძოდ, კომპანიებს შესაძლებლობა მიეცემათ, ერთ სივრცეში შექმნან კომპანიის პროფილი, გაიარონ ექსპორტის მზაობის ტესტი, დარეგისტრირდნენ საერთაშორისო ღონისძიებაზე, ხელი მოაწერონ ელექტრონულ ხელშეკრულებას და ა.შ., კიდევ ერთი პლათფორმა რომელზეც პროგრამაშია საუბარია, ესაა ახალგაზრდული შესაძლებლობების ონლაინ პლატფორმა. დაგეგმილია საკონსულტაციო ცენტრების − ე.წ. ბიზნესჰაბების ამოქმედება. #ახალიამბები #BusinessMediaGeorgia
გაიხსნება თუ არა 24 დეკემბერს მოლები და მაღაზიები, ეს კითხვა ბოლო რამდენიმე დღეა დღის წესირგში დგას - პასუხს ბიზნესი ხელსიუფლებისგან დღეს ელოდება. სტუმარი: ლევან მესხელი - „სითი მოლი“ დირექტროი #ახალიამბები #BusinessMediaGeorgia
რეგიონული განვითარებისა და ინფრასტრუქტურის მინისტრმა მაია ცქიტიშვილმა სამინისტროს საქმიანობის 2020 წლის ანგარიში წარადგინა. მიმდინარე წლის მთავარ მიღწევებად მინისტრმა სხვადასხვა მიმართულება და პროექტი დაასახელა, მათ შორის: სრულდება 70 კმ ჩქაროსნული მაგისტრალის მშენებლობა და რეაბილიტირდა 580 კმ გზა; ქუთაისი, ზუგდიდი და ჭიათურა პირველად გადავიდა 24-საათიან წყალმომარაგებაზე. დასრულდა აბასთუმნის 18 ისტორიული სახლის, ობსერვატორიის, საბაგირო გზის რეაბილიტაცია. აშენდა 20 ახალი სკოლა 1530 ბავშვისთვის, 17 საბავშვო ბაღი 1000-მდე ბავშვისთვის და სხვა. მაია ცქიტიშვის ინფორმაციით, სოფლის მხარდაჭერის პროგრამიდან 40 მილიონი ლარით, 3140 სოფელში დაფინანსდა მოსახლეობის მიერ შერჩეული 4250 პროექტი. ასევე, პანდემიით გამოწვეული კრიზისის მიუხედავად გადაჭარბებით სრულდება 2020 წლის ბიუჯეტი, რაც 166 მილიონი ლარით აღემატება წინა წლის შესაბამის მაჩვენებელს. #ახალიამბები #BusinessMediaGeorgia
ვინ ამოწმებს საქართველოში პირბადეების ხარისხს და რამდენად გვიცავს ბაზარზე არსებული პირბადეები ვირუსული ინფექციებისგან? ჯანდაცვის მინისტრის მოვალეობის შემსრულებელი ეკატერინე ტიკარაძე ირწმუნება, რომ იმპორტირებული და ადგილზე წარმოებული პირბადეები გაყიდვაში ჩაშვებამდე გარკვეულ კონტროლს გადის. #ახალიამბები #BusinessMediaGeorgia
520-ე დადგენილება: აღიარებს თუ არა ეკატერინე ტიკარაძე შეცდომას? #ახალიამბები #BusinessMediaGeorgia
გაძვირდება თუ არა თბილისში კომერციული სექტორისთვის ბუნებრივი აირი 24 თეთრით მომავალი წლის 3 იანვრიდან? - დღემდე ვიცოდით, რომ ძვირდებოდა, რადგან ამის შესაახებ ბიზნესი 1 თვით ადრე თავად თბილისი ენერჯიმ საჯაროდ გააფრთხილა, მაგრამ კითხვა მას შემდეგ გაჩნდა, რაც დღეს ეკონომიკის და მდგრადი განვითარების მინისტრის მოვალეობის შემსრულებელმა ნათია თურნავამ განაცხადა, რომ "თბილისი ენერჯისთან" კონსულტაციის შედეგად, მომავალი წლიდან კომერციული სექტორისთვის ბუნებრივი აირი არ გაძვირდება და ისევ 86 თეთრი დარჩება, თუმცა თბილისი ენერჯიში ნათია თურნავას ინფორმაციას არ ადასტურებენ. #ახალიამბები #BusinessMediaGeorgia
საერთაშორისო სავალუტო ფონდის აღმასრულებელ დირექტორთა საბჭომ საქართველოს ეკონომიკური რეფორმის პროგრამის მეშვიდე მიმოხილვა დაასრულა. IMF-ის მიერ მიღებული გადაწყვეტილების შედეგად, საქართველოსთვის ხელმისაწვდომი ხდება $113.9 მილიონი დოლარის რესურსი. ფონდის მიერ გავრცელებულ განცხადებაში აღნიშნულია, რომ ეს რესურსი საქართველოს დაეხმარება COVID-19 პანდემიის გამო გაუარესებული საგადასახდელო ბალანსის გაუმჯობესებაში, ასევე ჯანდაცვისა და სოციალური დახმარების ხარჯების დაფინანსებაში. მიმოხილვის დასრულებას გამოეხმაურა პრემიერ-მინისტრობის კანდიდატი გიორგი გახარია მთავრობის დღევანდელ სხდომაზე, მისი თქმით, საერთაშორისო სავალუტო ფონდის მე-7 მიმოხილვის ფარგლებში კიდევ ერთხელ დადასტურდა საქართველოს მიღწევები ეკონომიკური თვალსაზრისით, განსაკუთრებით, ეკონომიკური კრიზისის საპასუხოდ ბიზნესის მხარდაჭერის კონკრეტული გეგმის კუთხით.
წელს სახელმწიფოს ხელშეწყობით, 16 ახალი საწარმო შეიქმნა. გარემოს დაცვისა და სოფლის მეურნეობის მინისტრის მოვალეობის შემსრულებელმა, ლევან დავითაშვილმა 2020 წლის საქმიანობის ანაგარიშის პრეზენტაცია გამართა. მისი თქმით, მიმდინარე წელს, გადამამუშავებელი და შემნახველი საწარმოების თანადაფინანსების პროექტის ფარგლებში დაფინანსდა 6 გადამამუშავებელი და 10 შემნახველი საწარმო, რომელთა ჯამური საინვესტიციო ღირებულება 19 მლნ ლარს აჭარბებს. გარდა ამისა, დღეს ასევე ითქვა, რომ ჯამში სულ 1 025 კოოპერატივია რეგისტრირებული. #ახალიამბები #BusinessMediaGeorgia
"გაჭირვება ყველას გამოგვიცდია, თუმცა ეს არ ნიშნავს იმას, რომ რაღაცა უნდა მოვიპაროთ", - ამის შესახებ თბილისის მერმა კახა კალაძემ მთავრობის სხდომის დაწყებისას განაცხადა და გამოეხმაურა გუშინ აფრიკის დასახლებაში რამდენიმე მშენებარე შენობა-ნაგებობის დემონტაჟის პროცესს, რომელიც მოქალაქეების და სამართალდამცვების დაპირისპირების ფონზე მიმდინარეობდა. გუშინდელი დაპირისპირების შემდეგ დღეს უკვე აქციაც გაგრძელდა. აფრიკის დასახლების მაცხოვრებლები ფართების დაკანონებას და დემონტაჟის პროცესის შეჩერებას ითხოვენ. რა მოხდა რეალურად აფრიკის დასახლეაში გუშინ, რისი უფლება ჰქონდა სახელმწიფოს და სამართლებრივად როგორ რეგულირდება უკანონოდ მიტაცებული მიწების საკითხი. #ახალიამბები #BusinessMediaGeorgia
სიღარიბე 100%-ით არ დაგვიძლევია, მაგრამ ჩვენ ძალიან დიდი პროგრესი გვაქვს და თუ ამ თანმიმდევრულ პოლიტიკას გავაგრძელებთ, მერწმუნეთ, რამდენიმე წელში, როგორც თვითუზრუნველყოფას, ისე თითოეული მოქალაქის კეთილდღეობის მიღწევას მოვახერხებთ- ამის შესახებ დღეს გარემოს დაცვისა და სოფლის მეურნეობის მინისტრის მოვალეობის შემსრულებელმა ლევან დავითაშვილმა სამინისტროს 2020 წლის ანგარიშის წარდგენისას განაცხადა. #ახალიამბები #BusinessMediaGeorgia
მომავალ კვირას თბილისის მერია ბიზნესის მხარდაჭერის პაკეტს წარადგენს, ამის შესახებ კახა კალაძისგან დავალება ვიცე მერმა ირაკლი ხმალაძემ მუნიციპალიტეტის მთავრობის სხდომაზე უკვე მიიღო. როგორც კალაძე ამბობს, პირველი ლოქდაუნის დროს მუნიციპალიტეტმა მეწარმეები საიჯარო ქირისგან გაათავისუფლა, მოხდა გარკვეული სანქციების გაუქმებაც, თუმცა მისი განარტებით შეღავათები კიდევ იქნება. #ახალიამბები #BusinessMediaGeorgia
საქართველომ კოვიდ ვაქცინაციისთვის სპეციალური სამუშაო ჯგუფი უკვე დააკომპლექტა. სწორედ ამ სამუშაო ჯგუფმა უნდა მოამზადოს ქვეყანა როგორც ლოჯისტიკურად, ისე ინფრასტრუქტურულად ვაქცინაციისთვის. მიუხედავად განცხადებებისა, რომ შესაძლებელია ვაქცინა სამიზნე ჯგუფებს უკვე მომავალი წლის მარტ-აპრილში ჩაუტარდეს, ჯერ წინ ვაქცინის შერჩევის პროცესია. როგორც ემზადება ქვეყანა ვაქცინაციისთვის და ვართ თუ არა მზად დამტკიცებული ვაქცინების მისაღებად? #ახალიამბები #BusinessMediaGeorgia
საქართველოს ფინანსთა მინისტრის მოვალეოობის შემსრულებლის ივანე მაჭავარიანის განცხადებით, საქართველო პირველ ადგილზეა პანდემიური დახმარებების ერთ სულ მოსახლეზე გადაანგარიშებებით, რომელსაც ქვეყანა დონორი საერთაშორისო ორგანიზაციებიდან იღებს. ფინანსთა სამინისტროს 2020 წლის საქმიანობის ანგარიშის პრეზენტაცია დღეს შედგა. #ახალიამბები #BusinessMediaGeorgia
რა დათმობაზე წავიდა მთავრობა და რა ტიპის შეთანხმება შედგა რესტორნებთან? ეკონომიკის სამინისტროსთან შექმნილია სამუშაო ჯგუფი და პირველი მნიშვნელოვანი გადაწყვეტილება რესტორნების სესხის პროცენტის სუბსიდირება იყო. დღესდღეობით კი კომუნიკაციის საკითხია მიტანის სერვისის მქონე რესტორნების პერსონალისთვის საშვების გაცემა, რაზეც დადებითი გადაწყვეტილებაა მიღებული. სტუმარი: კოტე გაბრიჩიძე - რესტორატორთა ასოციაციის დამფუძნებელი #ახალიამბები #BusinessMediaGeorgia
მთავრობის საკოორდინაციო საბჭო მოქმედი შეზღუდვების 24 დეკემბრიდან შემსუბუქების გადაწყვეტილებას, მიმდინარე კვირის ბოლოს მიიღებს. დაავადებათა კონტროლის ეროვნული ცენტრის ხელმძღვანელი ამბობს, რომ ეკონომიკის გახსნის გადაწყვეტილება მიმდინარე კვირაში ქვეყანაში არსებულ ეპიდვითარებაზე იქნება დამოკიდებული. თუმცა ამირან გამყრელიძემ ისიც თქვა, რომ ბოლო დღეების განმავლობაში ინიციფირების შემთხვევების შემცირება დამშვიდების საფუძველს არ გვაძლევს. ურჩევენ თუ არა ჯანდაცვის სპეციალისტები მთავრობას შეზღუდვების მოხსნას? #ახალიამბები #BusinessMediaGeorgia
ოთხ-პუნქტიანი მოთხოვნა მთავრობას. ღამის კლუბები, რომლებიც 10 თვეა დახურულები არიან, კრისიდან გამოსავლის გზებზე საუბრობენ და დახმარებას ითხოვენ. სექტორის წამომადგენლებმა დღეს ბრიფინგიც გამართეს და კონკრეტულ საჭიროებებზე ისაუბრეს. რაში ხედავენ ისინი გადარჩენის გზას? #ახალიამბები #BusinessMediaGeorgia
ცოტა ხნის წინ დასრულდა პრეკონფერენცია, სადაც კერძო სექტორმა კონკრეტულად კი ღამის კულუბებმა დაწესებული შეზღუდვები შედეგად მიღებულ ზარალზე და ფინანსურ პრობლემებზე ისაუბრეს. #ახალიამბები #BusinessMediaGeorgia
საქართველოში მოქმედი შვიდი ბიზნეს ასოციაციაცია გაზის ტარიფის ზრდასთან დაკავშირებით განცხადებას ავრცელებს. ბიზნესასოციაციები ეხმაურებიან „თბილისი ენერჯის“ გადაწყვეტილებას, რომლის მიხედვითაც გაზის კომერციული ტარიფი 0.24 ლარით გაიზარდა. #ახალიამბები #BusinessMediaGeorgia
„24 დეკემბერს რომ მივუახლოვდებით, მაშინ მივიღებთ გადაწყვეტილებას" - ასე უპასუხა დღეს დაავადებათა კონტროლის ეროვნული ცენტრის ხელმძღვანელმა კითხვას, რომელიც ე.წ. წერტილოვანი შეზღუდვების შერბილებისთვის საჭირო პირობებს შეეხებოდა. უფრო მეტს თელარა გელანტია მოგვიყვება. თელარა გისმენთ - რას ამბობს ქვეყნის მთავარი ინფექციონისტი რაზეა დამოკიდებული შეზღუდვების შერბილება ან რა შემთხვევაში შეიძლება უარი თქვას მთავრობამ საახალწლოდ აკრძალვების მოხსნაზე? #ახალიამბები #BusinessMediaGeorgia
როდიდან და რა მიმარულებით დასაქმდებიან ქართველები ისრაელში ლეგალურად - ამ საკითხზე საქართველოსა და ისრაელის მხარეებს შორის შეთანხმება უკვე გაფორმდა. დროებითი დასაქმების შესახებ შეთანხმება 3 წლის ვადით არის მიღებული და მისი ამოწურვის შემდგომ 1 წლიანი პერიოდულობით მის გაგრძელებას ითვალისწინებს. როგორია ამ ხელშეკრულებების წინაპირობები და რომელი პროფესიის ადამიანები სჭირდება დღეს ყველაზე მეტად ისრაელს? #ახალიამბები #BusinessMediaGeorgia
"მაინტერესებს, რატომ იწვევს საქართველო აქ ჩინურ კომპანიებს გზების მშენებლობისთვის. ჩვენ ისეთი გვირაბების მშენებლობა შეგვიძლია, რომლებიც ჩინურზე უკეთესია," - ამის შესახებ პოლონეთის ელჩმა საქართველოში მარიუშ მაშკიევიჩმა BMG-ისა და Forbes Georgia-სთან ინტერვიუში განაცხადა. მისი თქმით, პოლონეთს მაგისტრალებისა და გზების მშენებლობის კუთხით ძალიან დიდი გამოცდილება აქვს. ამ განცხადებას რამდენიმე დრის წინ გამოეხმაურა, საქართველოს ინფრასტრუქტურისა და რეგიონული განვითარების სამინისტრო, მატი განმარტებით, ევროკავშირის ქვეყნების კომპანიებიდან ინტერესი არის, მაგრამ საერთაშორისო ტენდერებში ისინი უმეტესად ვერ ახერხებენ მსხვილი ჩინური კომპანიებისთვის კონკურენციის გაწევას კვალიფიკაციისა და ფასის ნაწილში. პროექტებში ქართული კომპანიების მცირე ჩართულობაზე წუხს ადგილობრივი ბიზნესის ნაწილიც. სტუმარი: პაატა ტრაპაიძე - „კავკასუს როუდ პროჯექტი“ დამფუძნებელი #ახალიამბები #BusinessMediaGeorgia
საქართველოში მოქმედი შვიდი ბიზნეს ასოციაცია გაზის ტარიფის ზრდასთან დაკავშირებით განცხადებას ავრცელებს. ბიზნესასოციაციები ეხმაურებიან „თბილისი ენერჯის“ გადაწყვეტილებას, რომლის მიხედვითაც გაზის კომერციული ტარიფი 0.24 ლარით გაიზარდა. #ახალიამბები #BusinessMediaGeorgia
რამდენად გამჭვირვალედ დაიხარჯა 410 მილიონი ლარი, რაც მთავრობამ კორონავირუსის პანდემიის პირობებში სასტუმროების, საკარანტინე სივრცეების თუ სამედიცინო აღჭრუვილობაში გადაიხადა. კოვიდ-19-ის პერიოდში განხორციელებულ სახელმწიფო შესყიდვებზე ინფორმაციის თავისუფლების განვითარების ინსიტუტუმა კვლევა მოამზადა, რომელიც 21 მარტიდან 15 ნოემბრამდე განხორციელებულ შესყიდვებსა და მთავრობის მიერ დახარჯულ თანხებს მოიცავს. რა ხარვეზები იკვეთება შესყიდვების პროცესში და ვინ არიან “ქართული ოცნების” შემომწირველი კომპანიები, რომლებთანაც პანდემიის პირობებში ხელშეკრულებები უტენდეროდ, პირდაპირ გაფორმდა. #ახალიამბები #BusinessMediaGeorgia
2020 წლის მესამე კვარტალში საქართველოში შემოსული პირდაპირი უცხოური ინვესტიციების მოცულობა 23.6%-ით შემცირდა და მან $302.6 მილიონი დოლარი შეადგინა. ჯამურად, წლის 9 თვეში კი FDI $719 მილიონი დოლარი იყო, რაც 2019 წელთან შედარებით 24%-ით ანუ $228 მილიონი დოლარით ნაკლებია. საქსტატის მონაცემებით, მესამე კვარტალში ინვესტიციების შემცირება ეკონომიკის სექტორების უმეტესობაში შეიმჩნევა, გარდა საფინანსო სექტორისა, რაც სავარაუდოდ, ბანკების მიერ წლის განმავლობაში მოზიდულ სესხებს უკავშირდება. მეორე ადგილზე იმყოფება ენერგეტიკის სექტორი - 37.1 მლნ. აშშ დოლარით, ხოლო მესამეზე - დამამუშავებელი მრეწველობის სექტორი 36.6 მლნ. აშშ დოლარით. სტუმრები: ქეთი ბოჭორიშვილი - ეკონომიკის მინისტრის ყოფილი მოადგილე კახა შარაბიძე - იურიდიული ფირმა BLB-ის მმართველი პარტნიორი #ახალიამბები #BusinessMediaGeorgia
ეროვნულმა ბანკმა მონეტარული პოლიტიკის განაკვეთი უცვლელად 8%-ზე დატოვა. სების განმარტებით, ბოლო თვეებში წლიური ინფლაცია 3.8 პროცენტის დონეზეა. არსებული პროგნოზით, სხვა თანაბარ პირობებში, ინფლაციის მაჩვენებელი 2021 წლის პირველ ნახევარში მიზნობრივ დონესთან ახლოს იმოძრავებს. მონეტარული პოლიტიკის კომიტეტმა ასევე გაითვალისწინა მიწოდების მხარეს არსებული ფაქტორები, როგორიცაა, მაგალითად, პანდემიის ფონზე დამატებითი შეზღუდვებით გამოწვეული წარმოების ხარჯების ზრდა. კომიტეტმა გადაწყვეტილების მიღებისას ასევე მხედველობაში მიიღო ის გაურკვევლობა, რომელიც გახანგრძლივებულ პანდემიასთან და გლობალურად მოქმედ შეზღუდვებთან არის დაკავშირებული. ამასთან, ეკონომიკის ჯერ კიდევ მაღალი დოლარიზაციის გამო მონეტარული პოლიტიკის შერბილების შესაძლებლობა ლიმიტირებულია. #ახალიამბები #BusinessMediaGeorgia
III კვარტალში საქართველოში 23.6%-ით ნაკლები უცხოური ინვესტიცია ჩაიდო. საქსტატის ანგარიში რამდენიმე საათის წინ გამოქვეყნდა და ის აჩვენებს, რომ ქვეყანაში მესამე კვარტალში $302.6 მილიონი დოლარის FDI შემოვიდა. რეინვესტიციებმა წლის მესამე კვარტალში $133 მილიონი დოლარი შეადგინა, კომპანიების მხრიდან საგარეო საკრედიტო ვალდებულებების აღება კი $71.7 მილიონი იყო. #ახალიამბები #BusinessMediaGeorgia
წიგნის გამომცემლები საშემოსავლო გადასახადისგან გათავისუფლებას და მაქსიმალურად დაჩქარებულ რეჟიმში წიგნის მაღაზიების გახსნას ითხოვენ. ღია წერილით სექტორმა მთავრობას უკვე მიმართა და შესაბამისი ნაბიჯების გადადგმისკენ მოუწოდა. #ახალიამბები #BusinessMediaGeorgia
რაზე შეთანხმდნენ რესტორატორები ეკონომიკის მინისტრთან? #ახალიამბები #BusinessMediaGeorgia
სად და როგორ შეძლებთ ანტიგენის ტესტის უფასოდ გაკეთებას? #ახალიამბები #BusinessMediaGeorgia
კომერციულ ფართებზე მოთხოვნა შემცირდა. განსაკუთრებით რთული ვითარებაა ცენტრალურ ქუჩებზე, სადაც მოიჯარეები დაქირავებულ ფართებს ყოველდღიურად ტოვებენ. სტუმარი: მარიამ ასათიანი - „რემაქს კაპიტალი“ დამფუძნებელი #ახალიამბები #BusinessMediaGeorgia
პრობლემები ანტიგენის ტესტებზე - მას შემდეგ რაც ქვეყნის მთავარმა ინფექციონისტმა უფასო ანტიგენის ტესტები დაანონსა და კლინიკების ჩამონთვალი გამოქვეყნა, bmg-იმ გადაწყვიტა ეს კლინიკები მოეკითხა, თუმცა აღმოჩნა, რომ მათი ნაწილი უფასო ტესტების შესახებ ან ინფორმირებული არ არის, ან მხოლოდ თავის პაციენტზე აქვთ გათვალა. #ახალიამბები #BusinessMediaGeorgia
ტექინსპექტირების ცენტრებში მიმართვიანობა მკვეთრად შემცირებულია. პერიოდული ტექნიკური დათვალიერების ცენტრები აცხადებენ, რომ შემცირებული მოთხოვნჯს გამო თანამშრომლების შემცირებაც მოუწიათ. რატომ არღვევენ კანონს მძღოლები და რატომ არ გადიან ტექინსპეტირებას, რომელიც 2019 წლიდან ყველა სატრანსპორტო საშუალებისთვის სავალდებულოა. #ახალიამბები #BusinessMediaGeorgia
#Covid19-ის მართვაში ჩართული ოჯახის ექიმების რაოდენობა სადაზღვევო კომპანია „გლობალ ბენეფიტს ჯორჯიამ“ 30-მდე გაზარდა. როგორც ნინა კობახიძემ განაცხადა, ეს გადაწყევტილება ინფიცირების შემთხვევების ზრდის გამო მიიღეს. მისი განმარტებით, ადაპტირებულია პროგრამული უზრუნველყოფა 112-თან და ამბულატორიული კვლევების საჭიროების განსაზღვრა ხდება. როგორია დატვირთულობა, რა რესურსი აქვს დამატებით კერძო სადაზღვევო სექტორს? სტუმარი: ნინა კობახიძე - „გლობალ ბენეფიტს ჯორჯია” ხელმძღვანელი #ახალიამბები #BusinessMediaGeorgia
ტუროპერატორები და ავიაკომპანიები სახელმწიფოს დახმარებას სთხოვენ. ერთის მხრივ ხელისუფლებას უკვე გაცხადებული აქვს ტურიზმის სექტორის მხარდაჭერა, რაც სასტუმროებისა და რესტორებისთვის სესხის პროცენტრის სუბსიდირებას გულისხმობს, თუმცა ტუროპერატორები ამ ჩამონათვალში ვერ ხვებიან, ისევე როგორც ავიაკომპანიები -ანუკა ჯოხაძე გვიერთდება პირდაპირ ეთერში, ანუკა რა კონკრეტული მოთხოვნები აქვს ამ ორ სექტორს? #ახალიამბები #BusinessMediaGeorgia
პურის ფასის შესანარჩუნებლად საქართველოს მთავრობა სუბსიდირების პროგრამას იწყებს. შესაბამისი დადგენილება გამოქვეყნებულია. დოკუმენტის თანახმად, ქვეყანაში პურის ფასის სტაბილურობისთვის ყოველთვიურად 10,000 ტონამდე ხორბლის სუბსიდირება მოხდება, რაზეც თვეში 2 მილიონ ლარამდე დაიხარჯება. დადგენილება ხორბლის ფქვილის იმპორტიორებსა და მწარმოებლებს განუსაზღვრავს სუბსიდიის ფასს, რაც 50 კილოგრამ ფქვილზე 10 ლარს შეადგენს. მთავრობის მიერ განსაზღვრული პირობების თანახმად, თუკი პროგრამის რომელიმე ბენეფიციარი დაარღვევს ერთი ტომარა ფქვილის მაქსიმუმ 53 ლარად რეალიზაციის ვალდებულებას, მაშინ მას მინიმუმ 50,000 ლარის ჯარიმა დაეკისრება. სტუმარი: გვანცა ქიმაძე - გლობალი; დირექტორი #ახალიამბები #BusinessMediaGeorgia
რატომ ძვირდება კომერციული ტარიფი 24 თეთრით? - ედიშერ ხორავა საქმის კურსში სტუმარი: ედიშერ ხორავა - "თბილისი ენერჯი", დირექტორი კომერციული და ტექნოლოგიური უზრუნველყოფის საკითხებში #ახალიამბები #BusinessMediaGeorgia
პურის საცხობების გარდა, თბილისში კომერციული სექტორისთვის 2021 წლის 3 იანვრიდან ბუნებრივი აირის ღირებულება ერთ კუბურ მეტრზე 24 თეთრით 1.10 ლარამდე იზრდება. კომპანია აღნიშნულს რამდენიმე მიზეზით ხსნის. მათ შორისაა ვალუტის კურსის მკვეთრი ვარდნა, ინფრასტრუქტურა, რომელიც რეაბილიტაციას საჭიროებს და მესამე - არ შეექმნას საფრთხე თბილისის მოსახლეობის უწყვეტ გაზმომარაგებას. თბილისი ენერჯის გადაწყვეტილებას ბუნებრივია ნეგატიური შეფასებები მოჰყვა კერძო სექტორისგან. რას ამბობენ ბიზნესში? #ახალიამბები #BusinessMediaGeorgia
ზარალი მილიარდიანი იქნება - სავაჭრო ცენტრების მიმართვას, რომელიც გასულ კვირას მთავრობის ეკონომიკური გუნდის მისამართით გავრცელდა რითეილ სექტორიც შეუერთდა. ბიზნესი მთავრობას კომუნიკაციის ხარისხს უწუნებს და ამბობს, რომ სექტორთან შეხვედრა ამ დრომდე ვერ მოხერხდა. რას ითხოვენ მოლები და საცალო სავაჭრო ქსელები წარმომადგენლები და რა ელის სექტორს იმ შემთხვევაში თუ მათი მოთხოვნების დაკმყოფილება არ მოხდება? #ახალიამბები #BusinessMediaGeorgia
საქართველოს პრემიერ-მინისტრმა გიორგი გახარიამ შინაგან საქმეთა სამინისტროს მთავრობის მიერ დადგენილი წესების აღსრულების მკაცრი გაკონტროლება სთხოვა. ამ თხოვნით გიორგი გახარიამ მთავრობის სხდომის დაწყებამდე შს მინისტრს ვახტანგ გომელაურს მიმართა. გიორგი გახარიამ 2021 წლის ბიუჯეტის პროექტზეც ისაუბრა, მისი თქმით, ბიუჯეტი დაბალანსებულია და ემსახურება კოვიდთან ბრძოლას, მოსახლეობისა და ბიზნესის მხარდაჭერას და ეკონომიკის აღდგენის ღონისძიებებს. მთავრობის სხდომის დასრულების შემდეგ ჟურნალისტების კითხვებს მინისტრებმა უპასუხეს… #ახალიამბები #BusinessMediaGeorgia
სახელმწიფოს მიერ შემდგომი ორი თვის განმავლობაში ინდუსტრიაში დასაქმებულთა ხელფასის 50%-ით კომპენსაცია; სტუმარ-მასპინძლობის ინდუსტრიისთვის, ერთი წლის განმავლობაში, შემსუბუქდეს დღგ-ს განაკვეთი; ეს არის მოთხოვნების ნაწილი, რომელიც 35 - მა რესტორნის და კვების ობიექტის წარმომადგენელმა მთავრობის კანცელარიასთან გააჟღერა და შესაბამისი წერილი პრემიერ-მინისტრის სახელზე შეიტანა. #ახალიამბები #BusinessMediaGeorgia
ჯანდაცვის მინისტრის ეკატერინე ტიკარაძის განცხადებით, თუ ბიზნეს სექტორს, რაიმე დამატებით კითხვები აქვთ, ჯანდაცვის სამინისტრო ეკონომიკურ გუნდთან ერთად მათ შეხვდება, თუმცა, შეზღუდვების გადახედვა არ მოხდება. აღნიშნულის შესახებ ტიკარაძემ მთავრობის ადმინისტრაციაში ჟურნალისტებს განუცხადა, რითაც, ბიზნეს სექტორის მოთხოვნებს გამოეხმაურა. რამდენად ადექვატურია მთავრობის გადაწყვეტილებები და შეზღუდვები რომელიც ეკონომიკურ ფონს კიდევ უფრო ამძიმებს? სტუმარი: გიორგი ქობულია - ეკონომიკის ყოფილი მინისტრი #ახალიამბები #BusinessMediaGeorgia
"80% მუშაობის განახლებას ვერ შეძლებს" - მერიკო გუბელაძე საქმის კურსში სტუმარი: მერიკო გუბელაძე - რესტორანი “შავი ლომი”დამფუძნელი #ახალიამბები #BusinessMediaGeorgia
სახელმწიფოს მიერ შემდგომი ორი თვის განმავლობაში ინდუსტრიაში დასაქმებულთა ხელფასის 50%-ით კომპენსაცია; სტუმარ-მასპინძლობის ინდუსტრიისთვის, ერთი წლის განმავლობაში, შემსუბუქდეს დღგ-ს განაკვეთი; ეს არის მოთხოვნების ნაწილი, რომელიც 35 - მა რესტორნის და კვების ობიექტის წარმომადგენელმა მთავრობის კანცელარიასთან გააჟღერა და შესაბამისი წერილი პრემიერ-მინისტრის სახელზე შეიტანა. #ახალიამბები #BusinessMediaGeorgia
რამდენი ლაბორატორია ფუნქციონირებს ქვეყნის მასშტაბით, ვინ აძლევს მათ მუშაობის ნებართვას და რა პროცედურას გადიან ისინი ლიცენზიის მისაღებად? ეს ის კითხვებია, რომელიც კოვიდ-რეალობაში განსაუთრებით მნიშნელოვანი გახდა, რამდენად ხარისხიანია მათი მომსახურება და როგორ იზომება მათი სანდოობის ხარისხი? #ახალიამბები #BusinessMediaGeorgia
მთავრობის მიერ გაცხადებული ახალი შეზღუდების პარალელურად, ხელსუფლებამ მიიღო გადაწყვეტილება საბანკო სესხების სუბსიდირება გააგრძელოს სასტუმრობის შემთხვევაში, რესტორნები კი, როგორც ერთ-ერთი ყველაზე დაზარალებული სექტორი, ამ პროგრამაში ჩართოს. ყველაფერთან ერთად, კომერციული ბანკები მზად არიან სესხი გადაუვადოს იმ მოქალაქეებს, რომლებიც დაწესებული შეზღუდვების გამო სამუშაო ადგილს კარგავენ - რა პროცედურებია გასავლელი ამ ყველაფრისთვის და რა პრობლემები რჩება ბიზნესისთვის დღის წესრიგში? #ახალიამბები #BusinessMediaGeorgia
2021 წლიდან კომერციული სექტორისთვის ბუნებრივი გაზი ძვირდება, გამონაკლისი პურის საწარმოებია. ინფორმაცია, რამდენიმე საათის წინ თბილისი ენერჯიმ გაავრცელა. კომპანია ერთ-ერთ მიზეზად ვალუტის კურსს ასახელებს, რაც შეეხება ფასს ის 2021 წლის 3 იანვრიდან შეიცვლება და არასაყოფაცხოვრებო მომხმარებლებლისათვის გაზის ფასი ერთ კუბურ მეტრზე 1.10 ლარი იქნება, დამატებული ღირებულების გადასახადის ჩათვლით. მე შეგახსენებთ, რომ აქამდე კომპანიები ერთ კუბურ მეტრზე 86 თეთრს იხდიდნენ. სტუმარი: ლევან ვეფხვაძე - ბიზნესასოციაცია; აღამასრულებელი დირექტორი #ახალიამბები #BusinessMediaGeorgia
2021 წლის 1 იანვრიდან პენსიები იზრდება. 2021 წლის ბიუჯეტის პროექტში, რომელიც საქართველოს პარლამენტში უკვე წარდგენილია, გათვალისწინებულია პენსიების მატება მომავალი წლის 1 იანვრიდან. ფინანსთა სამინისტროს ინფორმაციით, ჯამში საპენსიო უზრუნველყოფაზე მიმართულია 2.6 მლნ ლარი, რაც გამოწვეულია სახელმწიფო პენსიის ზრდის ინდექსაციის წესის შემოღებით; კანონის პროექტით, 2021 წლის პირველი იანვრიდან გათვალისწინებულია 70 წლამდე ასაკის პენსიონერებისთვის პენსიის ზრდა 20 ლარით და პენსია განისაზღვრება 240 ლარით, ხოლო 70 წლის ან მეტი ასაკის პენსიონერებისთვის პენსია იზრდება 25 ლარით და ის განისაზღვრება 275 ლარის ოდენობით. შეგახსენებთ: საქართველოს ფინანსთა სამინისტრომ კანონით დადგენილ ვადაში, 30 ნოემბერს პარლამენტს წარუდგინა 2021 წლის ბიუჯეტის გადამუშავებული ვერსია. სტუმარი: ზურაბ ჭიაბერაშვილი - ევროპული-საქართველო; წევრი #ახალიამბები #BusinessMediaGeorgia
საქართველოს მეწარმეთა კავშირის განცხადებით მცირე და საშუალო მეწარმეები 50% კრიტიკულ ზღვარზეა და გაკოტრების პირასაა. არსებული რეალობის გათვალისწინებით მათ კონკრეტული ინიციატივებით უკვე მიმართეს პრემიერ მინისტრს გიორგი გახარიას. რა კონკრეტული შეთავაზებები აქვთ მცირე და საშუალო მეწარმეებს მთავრობისთვის და რა ნაბიჯები უნდა გადაიდგას იმისთვის, რომ მათ არსებობა არ შეწყვიტონ? #ახალიამბები #BusinessMediaGeorgia
უკვე მესამე დღეა საქართველოში შეზღუდვები მოქმედებს, დახურულია რესტორნები, სასტუმროები, სავაჭრო ცენტრები. ყველა დაწესებულებას შეუძლია ონლაინ ივაჭროს და მომხმარებელს პროდუქცია მიტანის სერვისით მიაწოდოს, თუმცა, პრობლემებმა აქაც იჩინა თავი და არამარტო საქართველოში. #ახალიამბები #BusinessMediaGeorgia
“მხოლოდ მარტში 120-მა არაქსელურმა მარკეტმა შეაჩერა მუშაობა” - ინფორმაციას მაღაზიათა ასოციაცია ავრცელებს. ქართულ მაღაზიათა ასოციაციის დამფუძნებელი ლუკა ჭელიძე ამბობს, რომ ხშირად, როდესაც როგორც ქსელური, ისე არაქსელური მარკეტები კოტრდებიან, ფინანსური ვალდებულებები რჩებათ როგორც მცირე მეწარმეების, ისე სადისტრიბუციო კომპანიები მიმართ. მისი თქმით, მსგავსი მავნე პრაქტიკა უკვე წლებია არსებობს და იმ კომპანიებს, რომელთა მიმართაც გაკოტრებულ სუპერმარკეტებს ვალდებულებები რჩებათ, კანონი არ იცავს. სტუმარი: ლუკა ჭელიძე - ქართულ მაღაზიათა ასოციაციის დამფუძნებელი #ახალიამბები #BusinessMediaGeorgia