წელს 9 თვეში საქართველოს 4 მლნ 300 ათასზე მეტი საერთაშორისო ტურისტი სტუმრობდა, რაც წლიურად 7.9%-იანი ზრდაა. უშუალოდ 2025 წლის III კვარტალში საქართველოში ჩამოსულმა ტურისტების რაოდენობამ კი 2 მილიონს გადააჭარბა, რაც 2024 წელთან შედარებით 9%-ით გაზრდილი მაჩვენებელია. ტოპ 15 ქვეყანას შორის მოწინავე ადგილებზე კვლავ ისეთია ქვეყნებია როგორიცაა რუსეთი, თურქეთი, სომხეთი, ამ ჩამონათვალშია ასევე აზიური ბაზრები მათ შორის ჩინეთი და ინდოეთი. 9 თვეში ვიზიტების რაოდენობა გაზრდილია ევროკავშირის ქვეყნებიდანაც, კერძოდ, ევროკავშირიდან ვიზიტების რაოდენობამ 394,496 შეადგინა, რაც წლიურად 13.3%-იანი ზრდაა. რამდენად უზრუნველყოფს ტურისტების რაოდენობის ამ ტემპით ზრდა სასტუმროების და განთავსების ობიექტების დატვირთულობას და რომელი ბაზრებიდან სტუმრობენ საქართველოს? სტუმარი: მაია წერეთელი - სასტუმროების მმართველი კომპანია McInerney Hospitality International-ის ვიცე-პრეზიდენტი #ახალიამბები #BusinessMediaGeorgia
შემოსავლების სამსახურმა საგადასახადო შემოწმებით დარიცხული ჯარიმის 50%-ის გაუქმების წესი დაამტკიცა. საუბარია კომპანიებისთვის საგადასახადო შემოწმებების შედეგად დაკისრებული ჯარიმების 50%-ის გაუქმების წესზე, რაც სავარაუდოდ, საგადასახადო დავალიანებების ნებაყოფლობით გადახდის წახალისებას ისახავს მიზნად. აღსანიშნია, რომ საგადასახადო კოდექსში მსგავსი ჩანაწერი აქამდეც არსებობდა. რამდენად იყენებდა ბიზნესი ამ მექანიზმს და რატომ გახდა საჭირო საგადასახადო კოდექსში მიღებული ცვლილებებიდან 7 წლის თავზე მსგავსი მეთოდური მითითების გამოცემა? #ახალიამბები #BusinessMediaGeorgia
ჯერ ისევ ვიზალიბერალიზაციის და ძველი სამოგზაურო წესების მიხედვით სკანდინავიაში მივლინებით წასული გიორგი ისაკაძე ნობელის პრემიის ლაურეატების ამბებს ვერ გამოაკლდა და ვიდრე ოსლოდან ამ ვიზიტის მიზეზებზე მოგიყვებით თვალი გადავავლოთ 5 სხვადასხვა ნომინაციაში გამორჩეულ მეცნიერებსა თუ მსოფლიო დონის მოღვაწეებს და რა თქმა უნდა ჩვენი ინტერესი იყო ეკონომიკის დარგში ნობელის პრემიის ლაურეატების ვინაობაც, - ნობელის პრემიის ამბებით სკანდინავიიდან საქმის კურსის შემაჯამებელ გამოშვებაში გიორგი ისაკაძე გვიერთდება. #ახალიამბები #BusinessMediaGeorgia
სოფლის მეურნეობის სამინისტროს ცნობით, 13 ოქტომბრის მონაცემებით, კახეთის რეგიონში ღვინის საწარმოებმა დაახლოებით 283 ათასი ტონა ყურძენი გადაამუშავეს. ამ ეტაპზე, კახეთსა და რაჭაში მოსავალი 20 ათასამდე მევენახე-ფერმერმა დააბინავა, ხოლო რთველის პროცესში 521 ღვინის საწარმო მონაწილეობს. რაჭაში რთველი გამოწვევების ფონზე მიმდინარეობს- მევენახეები ჩასაბარებელ პუნქტებთან არსებული რიგების გამო ყურძნის ჩაბარებას ვერ ახერხებენ. ადგილობრივი მარნების წარმომადგენლების ნაწილი ამბობს, რომ რთველი წელს არაორგანიზებული იყო, ჩასაბარებელი პუნქტები კი მაღალ დატვირთვას ვერ გაუმკლავდა. მათივე ინფორმაციით, ადგილზე მარნები ყურძენს ვერ იბარებენ, რადგან ცისტერნები სავსე აქვთ, შესაბამისად, მევენახეებს ყურძენი უფუჭდებათ. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 13.10.2025
რაჭაში რთველი გამოწვევების ფონზე მიმდინარეობს- მევენახეები ჩასაბარებელ პუნქტებთან არსებული რიგების გამო ყურძნის ჩაბარებას ვერ ახერხებენ. შესაბამისი ინფორმაცია აქტიურად ვრცელდება სოციალურ ქსელში. ადგილობრივი მარნების წარმომადგენლების ნაწილი ამბობს, რომ რთველი წელს არაორგანიზებული იყო, ჩასაბარებელი პუნქტები კი მაღალ დატვირთვას ვერ გაუმკლავდა. მათივე ინფორმაციით, ადგილზე მარნები ყურძენს ვერ იბარებენ, რადგან ცისტერნები სავსე აქვთ, შესაბამისად, მევენახეებს ყურძენი უფუჭდებათ. #ახალიამბები #BusinessMediaGeorgia
2024 წელს ბიუჯეტმა საგადასახადო შეღავათების გამო 6.4 მილიარდი ლარი ვერ მიიღო. ფინანსთა სამინისტროს მომზადებული საგადასახადო დანახარჯების ანალიზის თანახმად, თუკი 2023 წელს საგადასახადო შეღავათების ჯამური ეფექტი 5.9 მილიარდ ლარს შეადგენდა, 2024 წელს ის 6.4 მილიარდ ლარამდე გაიზარდა, თუმცა უშუალოდ მშპ-სთან მიმართებით საშემოსავლო დანახარჯები 7.3%-დან, 7%-მდე შემცირდა. ყველაზე მეტი საგადასახადო შეღავათი დამატებული ღირებულების გადასახადს უკავშირდება 2024 წელს დღგ-ს საგადასახადო დანახარჯებმა მთლიანი დანახარჯების 94% შეადგინა. დღგ-ს დანახარჯები ძირითადად მოდის განათლების, ჯანდაცვის, სოფლის მეურნეობისა და ფარმაცევტული სექტორებიდან, რომლებიც დაბეგვრისგან ნაწილობრივ ან სრულად თავისუფლდებიან. ჯანდაცვის სექტორში დღგ-ს დანახარჯმა 2024 წელს 845 მილიონი ლარი შეადგინა, განათლებაში - 808 მილიონი ლარი, სოფლის მეურნეობაში - 617 მილიონი ლარი, ხოლო ფარმაცევტულ სფეროში - 598 მილიონი ლარი. რაც შეეხება სხვა შეღავათებს - მოგებისა და საშემოსავლო გადასახადების დანახარჯების საერთო მოცულობამ 2024 წელს 405 მილიონი ლარი შეადგინა, მათ შორის საშემოსავლო გადასახადის შეღავათით ეკონომიკაში 216 მლნ ლარი დარჩა. ფინანსთა სამინისტროს განმარტებით, საგადასახადო დანახარჯები მთავრობის მიზანმიმართული პოლიტიკის შედეგია, რომლის მიზანია გარკვეული სოციალური მიზნების მიღწევა და ეკონომიკური აქტივობის მხარდაჭერა. თუმცა მეორეს მხრივ, შეღავათების გაზრდა საბიუჯეტო შემოსავლების დაკარგვას ნიშნავს. რამდენად ეფექტიანია საგადასახადო შეღავათები და რა ნაწილში საჭიროებს გადახედვას? სტუმარი: ზურაბ ძნელაშვილი - Tax & Legal Solutions-ის დამფუძნებელი #ახალიამბები #BusinessMediaGeorgia
მთის კურორტებზე ზამთრის სეზონისთვის სამზადისი არ დაწყებულა, კურორტები სეზონს მოუმზადებელი ხვდება- ასეთი შეფასებები კეთდება ბიზნესის მხრიდან, რომლებიც ბაკურიანში, გუდაურსა და მესტიაში ტურისტულ ობიექტებს ფლობენ. კერძო სექტორში ამბობენ, რომ შესაბამისი უწყებები პრობლემების საქმის კურსში არიან, თუმცა რეაგირება არ აქვთ. რა ხდება ზამთრის კურორტებზე, რა გამოწვევები აქვს კერძო სექტორს? #ახალიამბები #BusinessMediaGeorgia
ბიზნესი კადრებს ეძებს. კერძო სექტორი ამბობს, რომ მზად არის ახალი თანამშრომლები აიყვანოს, თუმცა შრომის ბაზარზე საჭირო კადრს ისევ ვერ პოულობს. ეს სურვილი გამოჩნდა BAG ინდექსის დასაქმების ბარომეტრშიც, კერძოდ, მიმდინარე წლის III კვარტალში დასაქმების ბარომეტრის მაჩვენებელი ყველა სექტორში დადებითია, გარდა სამშენებლო სექტორისა. მიუხედავად იმისა, რომ გაზრდილია ანაზღაურებაც, კერძო სექტორის შესაბამისი კადრის მოძიება მაინც უჭირს. #ახალიამბები #BusinessMediaGeorgia
მთის კურორტებზე ზამთრის სეზონისთვის სამზადისი არ დაწყებულა, კურორტები სეზონს მოუმზადებელი ხვდება- ასეთი შეფასებები კეთდება ბიზნესის მხრიდან, რომლებიც ბაკურიანში, გუდაურსა და მესტიაში ტურისტულ ობიექტებს ფლობენ. კერძო სექტორში ამბობენ, რომ შესაბამისი უწყებები პრობლემების საქმის კურსში არიან, თუმცა რეაგირება არ აქვთ. რა ხდება ზამთრის კურორტებზე, რა გამოწვევები აქვს კერძო სექტორს და როგორია მოლოდინები სეზონთან მიმართებით? #ახალიამბები #BusinessMediaGeorgia
საკომისიოს ზედა ზღვარი სავაჭრო ობიექტებში ბარათით გადახდისას - ბანკების და საგადახდო მომსახურების პროვაიდერების ნაწილი შესაძლოა, ახალი რეგულაციის ქვეშ მოექცეს. საუბარია სისტემური მნიშვნელობის კომერციულ ბანკებს ანდა ასეთი ბანკის ჯგუფში შემავალ საგადახდო მომსახურების პროვაიდერებზე. “ქართულმა ოცნებამ” უკვე დაარეგისტრირა საკანონმდებლო ცვლილება, რომლის მიხედვით, თუკი სავაჭრო ობიექტში ბარათით გადახდას ასეთი სუბიექტები ემსახურებიან, საკომისიოს ზედა ზღვარი თითოეული გადახდის ოპერაციისას თანხის არაუმეტეს 0,5 % იქნება, ამ დროისათვის კი საკომისიოს მოცულობა განსაზღვრული არ არის. ასეთი განაკვეთი კი სისტემურად და გამორჩეულად მნიშვნელოვან სუბიექტებზე გავრცელდება. სტატუსი კი იმ პირს მიენიჭება, რომელიც რამდენიმე კრიტერიუმს აკმაყოფილებს. მათ შორის, სისტემურად მნიშვნელოვანი შეიძლება იყოს საგადახდო სისტემა, რომლის დღიური საშუალო ბრუნვა 200 მლნ ლარს აღემატება, გამორჩეულად მნიშვნელოვანი კი არის პირი, თუ მის მიერ წლის განმავლობაში განხორციელებული ტრანზაქციების საშუალო დღიური ბრუნვა აღემატება სებ-ის რეალურ რეჟიმში ანგარიშსწორების სისტემის შესაბამისი მაჩვენებლის 10%-ს; რატომ გახდა ცვლილებები აუცილებელი ჯერ არც ეროვნულ ბანკში საუბრობენ, არც საბანკო ასოციაციაში და არც პარლამენტში. კანონპროექტის განმარტებით ბარათში კი წერია, დღეს არსებული ვითარება არაპროგნოზირებად საფასო გარემოს ქმნის მცირე და საშუალო ბიზნესისთვის. როგორია დღეს სავაჭრო ობიექტებში ბარათით გადახდისას საკომისიოს პრაქტიკა და რა შეიძლება შეიცვალოს? სტუმარი: მირანდა მანჯგალაძე - რითეილ ექსპერტი #ახალიამბები #BusinessMediaGeorgia
ბიზნესი კადრებს ეძებს. კერძო სექტორი ამბობს, რომ მზად არის ახალი თანამშრომლები აიყვანოს, თუმცა შრომის ბაზარზე საჭირო კადრს ისევ ვერ პოულობს. ეს სურვილი გამოჩნდა BAG ინდექსის დასაქმების ბარომეტრშიც, კერძოდ, მიმდინარე წლის III კვარტალში დასაქმების ბარომეტრის მაჩვენებელი ყველა სექტორში დადებითია, გარდა სამშენებლო სექტორისა. მიუხედავად იმისა, რომ გაზრდილია ანაზღაურებაც, კერძო სექტორის შესაბამისი კადრის მოძიება მაინც უჭირს. რა ტენდენციებია შრომის ბაზარზე და რა ტიპის კადრებს ეძებს დღეს ბიზნესი? #ახალიამბები #BusinessMediaGeorgia
საქართველოში საქონლის ხორცი გაძვირდა. პროგნოზი ახალ წლამდე ფასის კიდევ უფრო მატებაზე მიანიშნებს. ბაზრის მოთხოვნას ადგილობრივი წარმოება სანახევროდაც ვერ აკმაყოფილებს და მზარდია იმპორტი - რატომ ვახერხებთ ხორცის ადგილობრივი წარმოების ზრდას და რა ზრდის ფასს? #ახალიამბები #BusinessMediaGeorgia
ნეტო აღრიცხვიდან ნეტო დარიცხვამდე - 1 ოქტომბრიდან 100 კვტ-მდე დადგმული სიმძლავრის მიკროსიმძლავრის ელექტროსადგურების ნეტო დარიცხვის სქემაში ჩართვა უკვე შესაძლებელია. ახალი სქემით, ნეტო დარიცხვის სქემაში, მიკროსიმძლავრის ელექტროსადგურის მფლობელი, ქსელში მიწოდებული კილოვატ საათების მოხმარებულ ელექტროენერგიასთან გაქვითვის ნაცვლად, მიწოდებულ თითოეულ კილოვატზე მიიღებს შესაბამის საფასურს, ხოლო ქსელიდან მოხმარებულ ელექტროენერგიაზე გადაიხდის როგორც ელექტროენერგიის მიწოდების მომსახურების, ისე ბაზრის ოპერირების მომსახურების საფასურს. #ახალიამბები #BusinessMediaGeorgia
ნეტო აღრიცხვიდან ნეტო დარიცხვამდე - 1 ოქტომბრიდან 100 კვტ-მდე დადგმული სიმძლავრის მიკროსიმძლავრის ელექტროსადგურების ნეტო დარიცხვის სქემაში ჩართვა უკვე შესაძლებელია. ახალი სქემით, მიკროსიმძლავრის ელექტროსადგურის მფლობელს ქსელში მიწოდებული თითოეულ კილოვატზე შესაბამის საფასურს გადაუხდიან, რომელიც საშუალო შეწონილ ფასს შეადგენს, ხოლო თავად ქსელიდან მოხმარებულ ელექტროენერგიაზე ელექტროენერგიის მიწოდების, ასევე ბაზრის ოპერირების საფასურს გადაიხდის. რა ფასად მოხდება მცირე სადგურებიდან ელექტროენერგიის შეძენა და ტოვებს თუ არა ახალი წესები მიმზიდველს მიკროსიმძლავრის სადგურების განვითარებას? #ახალიამბები #BusinessMediaGeorgia
ევროკავშირში უვიზო მიმოსვლის შეჩერება-გაუქმების კანონმდებლობა იცვლება - მექანიზმი, რომელიც ევროპარლამენტმა უკვე დაამტკიცა და ახლა ევროსაბჭოს დამტკიცების მოლოდინშია, შესაძლებლობას აძლევს ევროკომისიას, ხელახლა დაუწესოს სავიზო მოთხოვნები ცალკეულ ქვეყანას. უვიზო მიმოსვლის შეჩერებისა და გაუქმების საფუძველთა ჩამონათვალშია უსაფრთხოების საკითხები, ჰიბრიდული საფრთხეები, საერთაშორისო სამართლის დარღვევა და ასევე საერთაშორისო სასამართლოს გადაწყვეტილებების შეუსრულებლობა. ევროპარლამენტის ოფიციალური ინფორმაციით, განახლებული კანონი ევროკავშირს ანიჭებს მეტ მოქნილობას მთავრობის იმ ჩინოსნებისთვის ვიზების შეჩერებაში, რომლებიც შესაძლოა პასუხისმგებელნი იყვნენ მთავრობის მიერ ადამიანის უფლებებისა და სხვა სახის დარღვევებზე. რას ნიშნავს ახალი წესები იმ 61 ქვეყნისთვის, მათ შორის საქართველოსთვის, ვინც ევროპასთან უვიზო მიმოსვლით სარგებლობს და რა შემთხვევაში შეიძლება ამოქმედდეს მექანიზმი საქართველოსთან დაკავშირებით? სტუმარი: დიმიტრი ცქიტიშვილი - პოლიტიკოსი, პარლამენტის ყოფილი წევრი #ახალიამბები #BusinessMediaGeorgia
საქართველოში საქონლის ხორცი გაძვირდა, ფერმერები ბაზარზე ადგილობრივი პროდუქციის დეფიციტზე საუბრობენ და ახალ წლამდე პროდუქციის მნიშვნელოვან ზრდას პროგნოზირებენ. ბაზარზე არსებული დეფიციტის შესავსებად იზრდება საქონლის ხორცის იმპორტიც. წელს 8 თვეში ხორცის იმპორტი თითქმის 45%-ით არის გაზრდილი. რატომ ვერ ახერხებს ქვეყანა ხორცის წარმოების გაზრდას, რა ქმნის ბაზარზე ადგილობრივი პროდუქციის დეფიციტს და როგორი შეიძლება დაკორექტირდეს ფასები? #ახალიამბები #BusinessMediaGeorgia
ივნისიდან ფასი 15 თეთრზე მეტად გაიზარდა - კონკურენციის სააგენტო საწვავის ბაზრის მონიტორინგის შუალედურ ანგარიშს აქვეყნებს. ანგარიშში წერია, რომ მიმდინარე წლის იანვრიდან სექტემბრის ჩათვლით, ფასების როგორც შემცირება, ასევე ზრდა თანხვედრაში იყო საერთაშორისო ბაზარზე განვითარებულ მოვლენებთან და იმპორტირებული საწვავის ფაქტობრივ ღირებულებასთან - კომპანიების მარაგების და ლარის გაცვლითი კურსის გათვალისწინებით. მათი თქმით, იანვრიდან სექტემბრამდე პერიოდში შეიცვალა ნავთობის იმპორტიორები ქვეყნების გეოგრაფიაც და მნიშვნელოვნად შემცირდა რუსეთის წილი. რა ტენდენციებია საწვავის ბაზარზე, ვინ არიან ძირითადი მომწოდებლები და უნდა ველოდოთ თუ არა საქართველოში ბენზინის გაიაფებას? #ახალიამბები #BusinessMediaGeorgia
ეროვნული ბანკის შეფასებით, 2025 წლის პირველ ნახევარში უძრავი ქონების ბაზრის აქტივობა, წინა წლის შესაბამის პერიოდთან შედარებით, მცირედით შენელებულია, თუმცა ბაზარი კვლავ მდგრადობას ინარჩუნებს. ფინანსური სტაბილურობის ანგარიშში სები წერს, რომ სახლის ფასებისა და საპროცენტო განაკვეთების ზრდა უძრავი ქონების ხელმისაწვდომობაზე აისახა და 2024 წლის შესაბამის მაჩვენებელთან შედარებით უძრავი ქონების ხელმისაწვდომობის ინდექსი მცირედით გაუარესდა. უძრავი ქონების ბაზრის მნიშვნელობისა და მაკროეკონომიკური შოკების მიმართ მისი მოწყვლადობის გათვალისწინებით, სებს მიაჩნია, რომ გაურკვევლობის ზრდისა და რისკიანობის ფონზე, უძრავი ქონების სექტორი მუდმივ მონიტორინგს საჭიროებს. ზომიერი რისკ სცენარის შემთხვევაში ეროვნული ბანკი აცხადებს, რომ საცხოვრებელ უძრავ ქონებაზე მოთხოვნის მკვეთრმა შემცირებამ შესაძლოა ბანკების უძრავ ქონებასთან დაკავშირებული პორტფელის ხარისხი გააუარესოს და სისტემური რისკების დაგროვებას შეუწყოს ხელი. უფრო კონკრეტულად, როგორ აფასებს ეროვნული ბანკი დღეს უძრავი ქონების ბაზარს, რა ტენდენციებია სექტორში და არსებობს თუ არა რისკები? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 08.10.2025 2026 წელს, გაზაფხულზე, მანჰეტენზე ახალი ქართულ-კოშერული რესტორანი გაიხსნება 1 თვეში სუბსიდირებული ვაშლის ჩაბარებით ფერმერებმა ₾2 მილიონზე მეტის შემოსავალი მიიღეს - სამინისტრო "მკისა" მომავალ წელს მოცვის მოსავლის გაორმაგებას ელოდება - კომპანიის CFO გეგმებზე "ვფიქრობ, წელს რაჭაში ყურძნის მოსავალი 2000 ტონასაც გადასცდება" - "ხვანჭკარის ღვინის მარანი" საქართველოში საქონლის ხორცის დეფიციტი და ფასების ზრდა პროგნოზირებადი იყო - ბექა გონაშვილი #ახალიამბები #BusinessMediaGeorgia
დღეს უზბეკეთში, ტაშკენტში ბიზნესგამოფენა - „საქართველო-უზბეკეთი აბრეშუმის გზა“ გაიხსნა, რომელშიც მონაწილეობას ქართული ბიზნესები იღებენ. ღონისძიება ორი დღის განმავლობაში გრძელდება და მას 4000-ზე მეტი სტუმარი, მათ შორის საქართველოდან 50-მდე კომპანიის წარმომადგენელი ესწრება. ბიზნესგამოფენა გაყიდვების ასოციაციის ორგანიზებით და თიბისი ბიზნესისთვის მხარდაჭერით იმართება. კონფერენციის მონაწილეებს შესაძლებლობა აქვთ, უკეთესად გაიცნონ უზბეკეთის ბაზარი, ასევე, შეხვდნენ ინვესტორებსა და სხვადასხვა საერთაშორისო კომპანიის წარმომადგენლებს. #ახალიამბები #BusinessMediaGeorgia
მოლდოვა ერთიანი ევროგადახდების სივრცის (SEPA) სრულუფლებიანი წევრი გახდა. შედეგად, მოქალაქეებისთვის და კომპანიებისთვის ევროში უფრო სწრაფი და იაფი საბანკო გადარიცხვები გახდა ხელმისაწვდომი. მოლდოვას ეროვნული ბანკის ხელმძღვანელმა, ანკა დრაგუმ SEPA-ში გაწევრიანებას „ევროპისკენ მიმავალ გზაზე ისტორიული ნაბიჯი“ უწოდა. აღსანიშნავია, რომ SEPA-ში გაწევრიანების სურვილი აქვს საქართველოსაც. განაცხადი საქართველოს ეროვნულმა ბანკმა ჯერ კიდევ 2022 წელს შეიტანა, თუმცა ამ დრომდე უცნობია, რა ეტაპზეა ეს პროცესი საქართველოსთან დაკავშირებით. აქვს თუ არა ეროვნულ ბანკს პასუხი ამაზე, რაც ნიშნავს ქვეყნისთვის ერთიანი ევროგადახდების სივრცეში გაერთიანება და რა შეიძლება უშლიდეს ხელს საქართველოსთან მიმართებით დროული გადაწყვეტილების მიღებას? #ახალიამბები #BusinessMediaGeorgia
ეკონომიკა იზრდება და ჩრდილოვანი ეკონომიკის წილის შემცირება პროპორციულად ვერ ხდება. მიუხედავად იმისა რომ დაუკვირვებადი ეკონომიკა საქსტატის შეფასებით, 2025 წლის მეორე კვარტალის მდგომარეობით ეკონომიკის 13.6%-ს შეადგენს, რაც წინა წლის ანალოგიურ პერიოდთან შედარებით 0.1 პროცენტული პუნქტით ნაკლებია ეკონომისტების შეფასებით პროგრესი საკმარისი არ არის. საქსტატის თანახმად, 2010 წელს დაუკვირვებადი ეკონომიკა მშპ-ის 23.1% იყო, 2015 წელს ის 13.6%-მდე შემცირდა, რის შემდეგაც ის 12%-13%-ის ფარგლებში მერყეობს. რომელ სექტორებშია აღურიცხავი ეკონომიკის წილი ყველაზე მაღალი, სად გვაქვს მთავარი პრობლემა და რატომ არიდებენ თავს ეკონომიკური საქმიანობის განმახორციელებელი პირები გადასახადების გადახდას? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 07.10.2025 ✔️2024 წელს სავაჭრო ცენტრ "გალერიას" შემოსავალი ₾40 მილიონამდე გაიზარდა; ✔️რა შემოსავალი აქვთ ყავის ბრენდებს Nescafe-ს, Jacobs-ის და Carte Noire-ს საქართველოში; ✔️6 თვე საქმიანობაში და 40 წარმატებული პროექტი - ბათუმის პრემიუმ ავეჯის საწარმო „მობილია ბათუმი“ შედეგებს აჯამებს; ✔️"მსოფლიო ბაზარზე ფეროშენადნობებზე ფასები კვლავ დაბალია" - რა ვითარებაა სექტორში? #ახალიამბები #BusinessMediaGeorgia
მოლდოვა ერთიანი ევროგადახდების სივრცის (SEPA) სრულუფლებიანი წევრი გახდა. შედეგად, მოქალაქეებისთვის და კომპანიებისთვის ევროში უფრო სწრაფი და იაფი საბანკო გადარიცხვები გახდა ხელმისაწვდომი. მოლდოვას ეროვნული ბანკის ხელმძღვანელმა, ანკა დრაგუმ SEPA-ში გაწევრიანებას „ევროპისკენ მიმავალ გზაზე ისტორიული ნაბიჯი“ უწოდა. აღსანიშნავია, რომ SEPA-ში გაწევრიანების სურვილი აქვს საქართველოსაც. გაწევრიანებაზე განაცხადი საქართველოს ეროვნულმა ბანკმა ჯერ კიდევ 2022 წელს შეიტანა, თუმცა ამ დრომდე უცნობია, რა ეტაპზეა პროცესი. რას ამბობს ეროვნულ ბანკი, რას ნიშნავს ქვეყნისთვის ერთიანი ევროგადახდების სივრცეში გაერთიანება და რა შეიძლება უშლიდეს ხელს საქართველოსთან მიმართებით დროული გადაწყვეტილების მიღებას? #ახალიამბები #BusinessMediaGeorgia
რუსეთი ქართული ღვინისთვის ნომერ 1 საექსპორტო ბაზრად რჩება. წელს 8 თვეში საქართველოდან ექსპორტზე სულ 165.5 მლნ დოლარის ღირებულების ღვინო გავიდა, საიდანაც 103 მლნ დოლარი ანუ 62 % რუსეთზე მოდიოდა. გასულ წელს აქციზის ზრდის ფონზე წელს რუსეთში საქართველოდან ღვინის ექსპორტი 24%-ით არის შემცირებული, რამაც ღვინის საექსპორტო კალათაში ჯამში 16%-იანი კლება განაპირობა. არასახარბიელოა ის ტენდენცია, რომ ღვინის ექსპორტის რეიტინგში მეორე ადგილზე მყოფ პოლონეთში გაყიდული ღვინიდან მიღებული შემოსავალი თითქმის 9-ჯერ ნაკლებია რუსეთის მაჩვენებელზე. კიდევ უფრო მეტია სხვაობა რუსეთსა და 10-ულში მყოფ სხვა ქვეყნებს შორის. მთლიანობაში რუსეთში იმაზე 1.6-ჯერ მეტი ქართული ღვინო იყიდება, ვიდრე სხვა ყველა ბაზარზე ერთად აღებული რა გავლენა შეიძლება ჰქონდეს რუსეთში გადასახადების ზრდას ღვინის ქართველ მწარმოებლებზე? სტუმარი: ირაკლი უგლავა - “ასკანელის” დირექტორი #ახალიამბები #BusinessMediaGeorgia
წლევანდელი 4 ოქტომბრის არჩევნები თვითმმართველობის არჩევნების ისტორიაში ყველაზე ძვირად ღირებული გამოდგა. გაზრდილია როგორც ცესკოს დაფინანსება, ისე უშუალოდ არჩევნების ადმინისტრირებისთვის გამოყოფილი ბიუჯეტი. წელს არჩევნების ჩატარება ცესკოს 2021 წლის არჩევნებთან შედარებით, გეგმის მიხედვით 26,5 მილიონი ლარით მეტი დაუჯდება. ამისთვის, საარჩევნო ადმინისტრაციის 129,1 მილიონი ლარის ბიუჯეტიდან 80,7 მილიონი ლარია გათვალისწინებული. #ახალიამბები #BusinessMediaGeorgia
„ქართველ საავტომობილო გადამზიდველზე გაცემული ნებართვის ღირებულება რეგიონში ყველაზე მაღალია“- ამის შესახებ „სატრანსპორტო დერეფნის კვლევის ცენტრი“-ის კვლევაში იკითხება. კვლევის ავტორების შეფასებით, რიგ შემთხვევაში რეგიონში მდებარე ქვეყნებში მესამე ქვეყანაში გადაზიდვისთვის საჭირო ნებართვები რიგ შემთხვევაში 4-ჯერ, 13-ჯერ და ზოგიერთ ქვეყანაში 31-ჯერ იაფიც კი ღირს. რამდენად არის დღეს გადამზიდავი კომპანიებისთვის და მძღოლებისთვის 2022 წელს აღნიშნულ ნებართვაზე დაწესებული გადასახადი პრობლემური და რა გავლენა აქვს აღნიშნულ ფაქტორს ბიზნესზე? #ახალიამბები #BusinessMediaGeorgia
„ქართველ საავტომობილო გადამზიდველზე გაცემული ნებართვის ღირებულება რეგიონში ყველაზე მაღალია“- ამის შესახებ „სატრანსპორტო დერეფნის კვლევის ცენტრი“-ის კვლევაში იკითხება. კვლევის ავტორების შეფასებით, რიგ შემთხვევაში რეგიონში მდებარე ქვეყნებში მესამე ქვეყანაში გადაზიდვისთვის საჭირო ნებართვები რიგ შემთხვევაში 4-ჯერ, 13-ჯერ და ზოგიერთ ქვეყანაში 31-ჯერ იაფიც კი ღირს. რამდენად არის დღეს გადამზიდავი კომპანიებისთვის და მძღოლებისთვის 2022 წელს აღნიშნულ ნებართვაზე დაწესებული გადასახადი პრობლემური და რა გავლენა აქვს აღნიშნულ ფაქტორს ბიზნესზე? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 06.10.2025 ✔️საცხოვრებელი უძრავი ქონების ბაზარი სტაბილურ ფაზაში შედის - TBC Capital; ✔️"ჯეოსთილს" შემოსავალი გაეზარდა, წმინდა მოგება შემცირებულია; ✔️„იდეა ივენთ ჯგუფმა“ საბავშვო ღონისძიებების ორგანიზების სერვისი დაამატა; ✔️ბოლო ორ თვეში საქონლის ხორცი დაახლოებით 15%-ით გაძვირდა - "წერტი" მიზეზებზე; ✔️"ნაკლები პროდუქცია ნიშნავს მაღალ ფასს" - რატომ გაძვირდა ხილი და ბოსტნეული საქართველოში? #ახალიამბები #BusinessMediaGeorgia
უამინდობამ წელს ნუშის მოსავლის აღება შეაფერხა. სექტორში ელიან, რომ ნუშის მოსავალი დაახლოებით 3000 -3500 ტონას მიღწევს, რაც გასული წლის მაჩვენებელთან ახლოსაა. დღეისათვის საქართველოში ნუშის ბაღები 5000 ჰექტარზეა გაშენებული, თუმცა მოსავლიანობა დაბალია. ირიგაციის სისტემების ნაკლებობა, ცოდნის დეფიციტი და არასაკმარისი ინვესტიციები კვლავინდებურად გამოწვევად რჩება, თუმცა ამ კულტურის მიმართ ინტერესი მზარდია. როგორ ვითარდება საქართველოში ნუშის წარმოება, როგორია წელს 1 კგ -ის ჩასაბარებელი ფასი და როგორ უნდა მოხდეს წარმოება/ რეალიზაციის ჯაჭვის იმგვარად აწყობა რომ ნუშის მოყვანა მომგებიანი ბიზნესი იყოს და არა სუბსიდირებული დარგი? სტუმარი: ნიკო ნიკოლაძე - “ფარმინგ ქონსთრაქშენის” დამფუძნებელი #ახალიამბები #BusinessMediaGeorgia
გასული კვირის მნიშვნელოვანი ეკონომიკური მოვლენები - შოთა ტყეშელაშვილის ანალიზი; შოთა ტყეშელაშვილი - BMG-ის ანალიტიკოსი; #ახალიამბები #BusinessMediaGeorgia
მეტალურგიის სექტორის წარმომადგენლების ნაწილი კვლავ გამოწვევების წინაშეა. ოფიციალური სტატისტიკა აჩვენებს, რომ ქვეყნის ერთ-ერთი მთავარი საექსპორტო პროდუქციის, ფეროშენადნობების დარგში კლების ტენდენცია ნარჩუნდება. მიმდინარე წლის 8 თვეში საქართველოდან 137 მლნ დოლარის ღირებულების პროდუქცია გავიდა ექსპორტზე, რაც წლიურად თითქმის 38%-იანი კლებაა. ფეროშენადნობთა ასოციაციაში ამბობენ, რომ კლების მიზეზი კვლავ გლობალურ ბაზრებზე არსებული რთული ვითარება და დაბალი ფასებია, რის გამოც საწარმოების დიდი ნაწილი კვლავ გაჩერებულია. ფეროშენადნობებისგან განსხვავებით, ზრდას აჩვენებს ისეთი სამრეწველო პროდუქციის ექსპორტი როგორიცაა აზოტოვანი სასუქები, თუმცა სექტორის წარმომადგენლები ამბობენ, რომ ამჟამად საექსპორტო ბაზრებზე საუკეთესო პერიოდი არაა. რა ტენდენციებია მეტალურგიისა და მრეწველობის დარგებში და როგორია ექსპორტის მაჩვენებლები? #ახალიამბები #BusinessMediaGeorgia
„ამბასადორი აილენდ ბათუმის“ საინვესტიციო ტურის ფარგლებში, სპარსეთის ყურის ქვეყნების თანამშრომლობის საბჭოს წევრი ქვეყნების წამყვანი დეველოპერული და საინვესტიციო კომპანიების წარმომადგენლები საქართველოს ესტუმრნენ. ინვესტორები საქართველოს სხვადასხვა კუთხეს ეწვივნენ, სადაც წამყვანი დეველოპერული პროექტები მოინახულეს, დეტალურად გაეცნენ საქართველოს საინვესტიციო პოტენციალსა და ადგილობრივ კულტურულ აქტივობებშიც მიიღეს მონაწილეობა. აღნიშნული ტურის ფარგლებში, რომელსაც „ამბასადორი აილენდ ბათუმის“ გუნდი მასპინძლობდა არაერთი მნიშვნელოვანი შეხვედრა გაიმართა. მათ შორის, მაღალი რანგის შეხვედრა შედგა აჭარის მთავრობის ხელმძღვანელთან. სტუმრები Welcome to Georgia-ს ტურიზმის ეროვნული დაჯილდოების საზეიმო ცერემონიასაც დაესწრნენ, სადაც ამბასადორი აილენდს სტუმარმასპინძლობისა და უძრავი ქონების მიმართულებით, წლის საუკეთესო პროექტის ჯილდო გადაეცა. #ახალიამბები #BusinessMediaGeorgia
სექტემბერში ინფლაცია 4.8%-მდე გაიზარდა. ფასების აღნიშნული დონე 2023 წლის აპრილის შემდეგ ქვეყანაში დაფიქსირებული ყველაზე მაჩვენებელია. საქსტატის თანახმად, ფასების ზრდა ძირითადად სურსათის ჯგუფის გაძვირებას უკავშირდება, რადგანაც ამ ჯგუფში ფასები წლიურად 11.9%-ით არის მომატებული. 9%-ით გაიზარდა ფასები ჯანმრთელობის დაცვის ჯგუფშიც. რა ფაქტორები მოქმედებენ სამომხმარებლო ფასების ზრდაზე და რა პროდუქტები და მომსახურება გაძვირდა ყველაზე მეტად გასულ თვეში? #ახალიამბები #BusinessMediaGeorgia
თბილისის მერია დედაქალაქში ორი საბაგიროს მოწყობაზე ტენდერის გამოცხადებას გეგმავს. საუბარია „სარაჯიშვილისა“ და ზღვისუბნის, ასევე, მეტროსადგურ „ისნისა“ და ვაზისუბნის დამაკავშირებელ საბაგიროებზე. კალაძეს აღნიშნულ საბაგიროებთან მიმართებით დაპირება არაერთი წელია აქვს. ბოლოს ის 4 წლის წინ საარჩევნო კამპანიის ნაწილიც იყო, როცა დაანონსდა, რომ 2025 წლამდე ორივე საბაგიროზე ტენდერიც გამოცხადდებოდა და მისი მოწყობაც დასრულდებოდა. ორივე საბაგიროს ბიუჯეტი მაშინ 70 მილიონი ევრო იყო, რომელიც სრულად სესხი იყო. როგორც ჩანს 4 წლის განმავლობაში ვერცერთ პროექტთან მიმართებით პროცესები წინ ვერ წავიდა. კალაძე დღეს ამბობს, რომ პროექტებზე ტექნიკურ ეკონომიკური კვლევა დასრულებულია, რომელიც კომპანია სისტრას მიერ მომზადდა, შესაბამისად, მისი მტკიცებით, ორივე პროექტზე ტენდერი უახლოეს პერიოდში გამოცხადდება. რამდენად რეალურია თბილისში აღნიშნულ მარშრუტებზე საბაგიროების მოწყობა და რატომ დაპაუზდა საბაგირო ტაქსის პროექტი, რომლის განხორციელებაც შვეიცარიულ კომპანია ბარტოლეტეს საქართველოში რამდენიმე წლის წინ სურდა. სტუმარი: ასმათ აბესაძე - კომპანია Bartholet წარმომადგენელი საქართველოში/ ტრანსპორტის სპეციალისტი #ახალიამბები #BusinessMediaGeorgia
მეტალურგიის სექტორის წარმომადგენლების ნაწილი კვლავ გამოწვევების წინაშეა. ოფიციალური სტატისტიკა აჩვენებს, რომ ქვეყნის ერთ-ერთ მთავარი საექსპორტო პროდუქციის, ფეროშენადნობების დარგში კლების ტენდენცია ფიქსირდება. კერძოდ, მიმდინარე წლის 8 თვეში საქართველოდან სულ 137 მლნ დოლარის ღირებულების პროდუქცია გავიდა ექსპორტზე, რაც წლიურად თითქმის 38 %-იანი კლებაა. მიზეზი კვლავ გლობალურ ბაზრებზე არსებული რთული ვითარება და დაბალი ფასებია, რის გამოც საწარმოების დიდი ნაწილი კვლავ გაჩერებულია. ზრდას აჩვენებს ისეთი სამრეწველო პროდუქციის ექსპორტი როგორიცაა აზოტოვანი სასუქები, თუმცა სექტორის წარმომადგენლები ამბობენ, რომ ამჟამად საექსპორტო ბაზრებზე საუკეთესო პერიოდი არაა. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 02.10.2025 ✔️H&M დაბრუნდა "გალერია თბილისში" განახლებული სივრცითა და ინსპირაციული დიზაინით; ✔️საქართველოს ბანკის მობილბანკში Grand Mall-ის ციფრული სასაჩუქრე ბარათები ხელმისაწვდომია; ✔️თელავში „თელავი მოლი“ ნოემბერში გაიხსნება – „ემპი დეველოპმენტის“ რიგით მე-18 პროექტი; ✔️კახეთში, ჩვენს სერვისზე მოთხოვნა მაღალია - ალკოჰოლური სასმელების ლაბორატორია "აგროლაბი"; ✔️როტერდამში პირველი ქართული რესტორანი "გობი" გაიხსნა - რას სთავაზობს ობიექტი მომხმარებელს? #ახალიამბები #BusinessMediaGeorgia
საქართველოში ხორცის წარმოება იზრდება, რძის და კვერცხის კი იკლებს. ბოლო 5 წლის ტრენდს თუ შევხედავთ, საქსტატის მონაცემები ცხადყოფს, რომ მეცხოველეობის პროდუქტებიდან შედარებით სტაბილურად საქართველოში ხორცის წარმოება იზრდება. მიუხედავად ამისა, ქვეყანას ამ ეტაპზე მხოლოდ კვერცხის შიდა მოხმარება შეუძლია სრულად დააკმაყოფილოს. რა გამოწვევები არსებობს საქართველოს ხორცის/რძის/კვერცხის წარმოების სექტორებში, როგორია დღეს ამ პროდუქტებზე თვითუზრუნველყოფის კოეფიციენტები და რა უშლის ხელს დარგის განვითარებას? #ახალიამბები #BusinessMediaGeorgia
ახელმწიფო შესყიდვებში "თეთრი სია" არ გაუქმდება, თუმცა გამკაცრდება, ახალი სისტემა კი 2029 წლიდან ამოქმედდება. თეთრ სიასთან და გარდამავალ პერიოდთან დაკავშირებით მიღებული შესაბამისი გადაწყვეტილება ინფრასტრუქტურის მინისტრის და სამშენებლო კომპანიებს შორის გამართული შეხვედრის შემდეგ გახდა ცნობილი. მინისტრის განცხადებით, ,,თეთრი სიის“ შემთხვევაში, 2026 წელს ხელშეკრულების შესრულების უზრუნველყოფის გარანტია განისაზღვრება 60%-ით, მომდევნო წლებში კი ეს მაჩვენებელი ეტაპობრივად გაიზრდება. რა გადაწყვეტილება მიიღო სამინისტრომ და როგორია ბიზნესის შეფასება? #ახალიამბები #BusinessMediaGeorgia
საყოველთაო ინტერნეტიზაციის პროექტის 50%-ით ძვირდება და მისი დასრულების ვადამაც 2 წლით გადაიწია. როგორც ირკვევა, რეგიონებში ოპტიკურ-ბოჭკოვანი მაგისტრალური ქსელის ასაგებად გამოყოფილი 70 მლნ ევრო საკმარისი არ არის და დამატებით დაახლოებით 40 მილიონია საჭირო. სამშენებლო ხარჯების გაზრდას ეკონომიკის სამინისტრო კორონავირუსის შედეგად დაწესებულ შეზღუდვებს და გეოპოლიტიკურ კრიზისს უკავშირებს. დამატებითი თანხის 35.4 მლნ ევროს სესხებას მთავრობა რეკონსტრუქციისა და განვითარების საერთაშორისო ბანკისგან გეგმავს. პარლამენტისთვის წარდგენილ სასესხო შეთანხმების პროექტში წერია, ქსელის მშენებლობის ფარგლებში 37.1 მლნ დოლარი მშენებლობისა და აპარატურის შეძენაზე დაიხარჯება, 1 მლნ გაუთვალისწინებელ ხარჯებზე, დანარჩენი საზედამხედველო და სხვა ხარჯებზე მიემართება. დოკუმენტში ასევე აღნიშნულია, რომ მიმდინარე და დაგეგმილი ტენდერების გათვალისწინებით პროექტის ვადა 2025 წლიდან 2 წლით გახანგრძლივდება. Log-in Georgia-ს ფარგლებში, 2025 წლის ბოლოსთვის სულ 5000 კმ. სიგრძის ოპტიკურ-ბოჭკოვანი მაგისტრალური ინფრასტრუქტურა უნდა აშენებულიყო. თუმცა ამ წლის მაისის მონაცემებით, სულ 1,600 კმ ოპტიკურ-ბოჭკოვანი ქსელი იყო აშენებული და 1310 კმ-ზე მშენებლობა მიმდინარეობდა. რატომ შეიძლება ჭიანურდებოდეს ქსელის მშენებლობა და რა შეცვალა ბაზარზე უკვე აშენებულმა მაგისტრალურმა ქსელმა? სტუმარი: უჩა სეთური - “მცირე და საშუალო ტელეკომ ოპერატორების ასოციაციის” აღმასრულებელი დირექტორი #ახალიამბები #BusinessMediaGeorgia
სახელმწიფო შესყიდვებში "თეთრი სია" არ გაუქმდება, თუმცა გამკაცრდება, ახალი სისტემა კი 2029 წლიდან ამოქმედდება - შესაბამისი გადაწყვეტილება ინფრასტრუქტურის სამშენებლო კომპანიებისა და მინისტრს შორის გამართული შეხვედრის შემდეგ გახდა ცნობილი. როგორც მინისტრი რევაზ სოხაძე აცხადებს, რომ ,,თეთრი სიის“ შემთხვევაში, 2026 წელს ხელშეკრულების შესრულების უზრუნველყოფის გარანტია 60%-ით, განისაზღვრება, მომდევნო წლებში კი ეს მაჩვენებელი ეტაპობრივად გაიზრდება. საბოლოოდ რა გადაწყვეტილება მიიღო სამინისტრომ და როგორია ბიზნესის შეფასება? #ახალიამბები #BusinessMediaGeorgia
ბანკებმა დეველოპერულ სექტორში იპოთეკური სესხების გაცემა შეანელეს, თუმცა ბინების რეალიზაცია არ მცირდება. მიზეზი თავად დეველოპერული სექტორის მიერ მოთხოვნის შიდა განვადებებით სტიმულირებაა, რამაც ფაქტობრივად იპოთეკური სესხი ჩაანაცვლა. ბიზნესი ამბობს, რომ ბანკები იპოთეკურ სესხებს აღარ გასცემენ იმიტომ, რომ სექტორის დაკრედიტების ზედა ზღვარს მიაღწიეს, ამიტომ ახლა დეველოპერები ეროვნულ ბანკთან აწარმოებენ მოლაპარაკებებს, რომ მოქმედი რეგულაციები იმდენად შერბილდეს, რომ ბანკებს მეტი ლიკვიდობა გაუჩნდეთ, რომ მეტი იპოთეკური სესხის გაცემა შეძლონ . რა რისკები იქმნება შიდა განვადებების გააქტიურებით დეველოპერულ სექტორში და რაზე ესაუბრება ბიზნესი ეროვნულ ბანკს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 01.10.2025
რუსთავის ფოლადი არმატურის ბიზნესიდან გასვლას გეგმავს. როგორც მეტალურგიის დარგის ერთ-ერთი უმსხვილესი საწარმოს გენერალური დირექტორი bmg-სთან ექსკლუზიურ ინტერვიუში ამბობს, რუსთავის მეტალურგიული ქარხნისთვის ამ ეტაპზე პრიორიტეტი უნაკერო მილების წარმოების გაფართოება და ექსპორტის ზრდაა. რუსთავის ფოლადის ახალ მენეჯმენტში განმარტავენ, რომ გასულ წელს ამ მიმართულებით წარმოების გასამმაგება შეძლეს. როგორია სექტორის ერთ-ერთი უმსხვილესი საწარმოს შედეგები და სამომავლო გეგმები? #ახალიამბები #BusinessMediaGeorgia
ერთ-ერთი პროგრამა, რომელიც 2023 წლის ხორციელდება ბიზნეს სექტორს ისტორიულ არეალში ავარიული შენობის ჩანაცვლება რეაბილიტაციის სანაცვლოდ მის საკუთრებაში არსებულ მიწაზე, რომელიც არა ისტორიულ უბანში მდებარეობას, k2 კოეფიციენტის გაზრდას სთავაზობს. ამის მიღმა 2023 წელსვე გაჟღერდა მსგავსი ინიციატივა რეკრეაციულიო არეალებთან მიმართებითაც. ბიზნესი თუ მის საკუთრებაში არსებულ რეკრეაციულ ზონას, რომლის მიმართაც საზოგადოებრივი ინტერესი მაღალია მუნიციპალიტეტს დაუბრუნებს, სხვა მისსავე კუთვნილ არეალში კ2 კოეფიციენტის გაზრდას შეძლებს. რა შემთხვევაში ხდება მუნიციპალიტეტში სამშენებლო პროექტებში კოეფიციენტების ზრდა და რამდენად სწორია ქალაქში ამ კუთხით წარმოებული პოლიტიკა? სტუმარი: ანა ბიბილაშვილი - ურბანისტი #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 30.09.2025
აგვისტოში საქართველოს ეკონომიკა 6.6%-ით გაიზარდა, ხოლო 2025 წლის 8 თვეში ზრდის ტემპმა 7.9% შეადგინა. საქსტატის თანახმად, აგვისტოში საქართველოს კერძო სექტორის, ანუ დღგ-ის გადამხდელი საწარმოების ბრუნვა წლიურად 9%-ით გაიზარდა და მან 15.3 მილიარდი ლარი შეადგინა. ზრდა დაფიქსირდა IT სექტორში, ასევე საფინანსო და ენერგეტიკის დარგსა და ვაჭრობაში. კლება კი მშენებლობასა და მრეწველობაში აღინიშნა. ამასთან, მორიგმა საერთაშორისო საფინანსო ორგანიზაციამ, აზიის განვითარების ბანკმა 2025 წლისთვის საქართველოს ეკონომიკური ზრდის პროგნოზი 1 პროცენტული პუნქტით, 7%-მდე გაზარდა. თუმცა როგორც საერთაშორისო ორგანიზაციები, ასევე ეკონომისტები ელიან, რომ მომდევნო პერიოდში საქართველოს ეკონომიკური ზრდის ტემპი შენელდება. #ახალიამბები #BusinessMediaGeorgia
ოქროს ფასმა ახალ რეკორდულ ნიშნულს მიაღწია. საერთაშორისო ბირჟაზე უნცია ძვირფასი მეტალის ღირებულება 3 800 დოლარიან ნიშნულს გადასცდა, რაც ისტორიულ შედეგს წარმოადგენს. ბოლო ერთ წელში ოქრო 45%-ით არის გაძვირებული. საერთაშორისო ბაზრის ტენდენციები გადმოეცემა ქართულ ბაზარსაც. ოქროს ბირჟაზე გაძვირდა როგორც ოქროს ნაკეთობები, ისე ვერცხლი, რადგან ოქროზე ფასის ზრდის პარალელურად საერთაშორისო ბირჟაზე ვერცხლზეც ფასი თითქმის 50%-ით გაიზარდა. რა იწვევს ძვირფას ლითონებზე ფასის ზრდას, რა ტენდენციებია საქართველოში და როგორ რეაგირებს მომხმარებელი ფასის მერყეობაზე? #ახალიამბები #BusinessMediaGeorgia
თბილისის ვიცე-მერის, გიორგი ტყემალაძის განცხადებით, თბილისის ანძაზე ვიზიტორთა ცენტრისა და პანორამული რესტორნის სამშენებლო სამუშაოები ანონსიდან თითქმის 10 წლის შემდეგ 2027 წელს დასრულდება - ამის შესახებ ვიცე-მერმა ტრანსპორტისა და ურბანული განვითარების პოლიტიკის პრეზენტაციაზე გასულ კვირას ისაუბრა. შეგახსენებთ, რომ თბილისის ისტორიული ანძის მოდერნიზების შესახებ დედაქალაქის მერმა, კახა კალაძემ ჯერ კიდევ 2018 წელს განაცხადა. მომზადდა განვითარების კონცეფციაც, თუმცა ბიზნესის ყურადღება პროექტმა მხოლოდ 2021 წელს მიიქცია, როდესაც, გამოცხადებული ინტერესთა გამოხატვით, შეირჩა კომპანია, რომელმაც თბილისის ანძა ტურისტულად უნდა დატვირთოს. ინვესტორ KASS GROUP-ს ადგილზე 4 მილიონი დოლარის ინვესტიციის განხორციელების ვალდებულება აქვს. ამის შემდეგ კი KASS GROUP-ს თბილისის ანძაზე მოწყობილი ტურისტული ინფრასტრუქტურა 28-წლიან მართვაში გადაეცემა. რა ეტაპზეა თბილისის ანძის მოდერნიზების პროექტი, რატომ გაჭიანურდა ადგილზე სამუშაოები და როგორია ინვესტორი კომპანიის გეგმები საქართველოში? სტუმარი: ეკა თორდია KASS GROUP-ის გენერალური დირექტორი #ახალიამბები #BusinessMediaGeorgia