სოფლის მხარდაჭერის პროგრამიდან 40 მილიონი ლარი ტენდერების გარეშე იხარჯება - ასეთია საერათაშორისო გამჭვირვალობა საქართველოს დასკვნა. ორგანიზაცია რეგიონული განვითარებისა და ინფრასტრუქტურის სამინისტროსა და სახელმწიფო შესყიდვების სააგენტოს მოუწოდებს, უარი თქვან საკუთარ გადაწყვეტილებაზე, რომლის მიხედვითაც სოფლის მხარდაჭერის პროგრამის ფარგლებში განსახორციელებელი 40 მილიონი ლარის ღირებულების ათასობით შესყიდვაზე გაიცა გამარტივებული წესის გამოყენების კანონთან შეუსაბამო ერთიანი ნებართვა. #ახალიამბები #BusinessMediaGeorgia
2020 წლის 29 მაისის ვაჭრობის შედეგებით, მსოფლიოს წამყვან ლონდონისა და ნიუ-იორკის სანავთობო ბირჟებზე ნავთობის ფასი გაიზარდა. კერძოდ, ლონდონში Brent ტიპის ნავთობის ფასმა შეადგინა 35,33 დოლარი/ბარელზე. ნიუ-იორკში - Light Sweet ტიპის ნავთობის ფასმა შეადგინა 35,49 დოლარი/ბარელზე. შეგვიძლია თუ არა ვთქვათ რომ სანავთობო ბაზრმა ყველაზემძიმეპერიოდი უკან მოიტოვა, როგორია პროგნოზები და რაც ყველაზე მნისვნელოვანია ჩვენთვის, რა ხდება და მოხდება ქრთულ ბაზარზე? სტუმარი: ვასილ ხოროვა - “ვისოლის” გენერალური დირექტორი #ახალიამბები #BusinessMediaGeorgia
ჯერ კონკრეტული დამხარების მექანიზმი უცნობია გიდებისთვის და ტურისტული კომპანიებისთვის, გუშინ პარლამენტში პრემიერი - მინისტრმა დაანონსა, რომ ტურისტულებისთვის და გიდებისთვის ცალკე დახმარების პროგრამა იმოქმედებს, თუმცა უცნობია როდის და როგორ. #ახალიამბები #BusinessMediaGeorgia
იპოთეკური სესხების თანადაფინანსება 5 წლის ვადით, დევნილებისთვის 150 მლნ-ის ღირებულებით უძრავი ქონების აშენება და მათთვის გადაცემა, მშენებლობების გარანტირება. მთავრობამ სამშენებლო სექტორის ანტიკრიზისული გეგმა წარადგინა. #ახალიამბები #BusinessMediaGeorgia
კავკასუს ონლაინის 49%-იანი წილის მფლობელმა აზერბაიჯანელმა მილიონერმა საქართველოს წინააღმდეგ შესაძლოა საერთაშორისო საარბიტრაჟო დავა დაიწყოს. ამის შესახებ დღეს კომუნიკაციების მარეგულირებელი კომისიის სხდომაზე გახდა ცნობილი. კომისია უკვე თვეებია აცხადებს, რომ კავკასუს ონლაინის წილის გასხვისება აზერბაიჯანელ ბიზნესმენზე უკანონოდ მოხდა. მარეგულირებელი “კავკასუს ონლაინს” სთხოვს ტრანზაქცია გააუქმოს. ამისთვის რამდენიმეჯერ სანქციაც გამოიყენა. შემდეგი ეტაპი შესაძლოა კავკასუსისთვის ავტორიზაციის გაუქმება იყოს. რას ნიშნავს ეს და რა მოხდა დღეს მარეგულირებლის ონლაინ სხდომაზე? #ახალიამბები #BusinessMediaGeorgia
მთავრობა მოქალაქეებს დაასუბსიდირებს იპოთეკური სესხების 4%-ს, 5 წლის განმავლობაში, - ამის შესახებ პრემიერ-მინისტრმა, გიორგი გახარიამ დეველოპერული სექტორის ანტიკრიზისული გეგმის პრეზენტაციაზე განაცხადა. „ჩვენ ვეხმარებით მოქალაქეებს, რომლებსაც უკვე კონტრაქტული ვალდებულებები აქვთ, ან დანაზოგები აქვთ, რომლითაც ბინა უნდა შეეძინათ“ - განაცხადა გახარიამ. სტუმრები: მალხაზ კუნელაური - რედკო ; გენერალური დირექტორი ირაკლი ბურდილაძე - m2-ის გენერალური დირექტორი #ახალიამბები #BusinessMediaGeorgia
კლუბებმა და ბარებმა ეკონომიკის სამინისტროს ღია წერილით მიმართა, თუმცა წერილს, რომელიც ბიზნესმა ეკონომიკის სამინიტროში ჯერ კიდევ გასულ კვირას შეიტანა ამ დრომდე ვერ პოულობენ. ბარებისა და რესტორნების გაერთიანებაში 100-მდე ბიზნესსუბიექტია, რომელებიც მთავრობას, დახურული სივრცეების გახსნის ნებართვის არგაცემის შემთხვევაში, სახელმწიფო ბალანსზე არსებული ღია სივრცეების გამოყენების ინიციატივით მიმართავენ. საინიციატივო ჯგუფმა პრესკონფერენცია დღეს "დედაენის ბაღში" გამართა. რას ითხოვს ბიზნესი და რა ზარალზეა საუბარი? #ახალიამბები #BusinessMediaGeorgia
ქუთაისის მყარი ნარჩენების მართვის პროექტი, კახეთის ინფრასტრუქტურის გაძლიერების პროექტი, თბილისის ავტობუსების პროექტი - სულ 11 პროექტია ისეთი, რომლისთვის მთავრობამ შარშან 243 მლნ ლარი მოიზიდა უცხოელი დონორებისგან, მაგრამ მისი ათვისება ვერ შეძლო. თან აღსანიშნავია ისიც, რომ როცა დონორები ამ ფულს გვაძლევენ და ვერ ვითვისებთ, ამისთვის ერთგვარი ჯარიმის გადახდაც გვიწევს და ჯამში, ეს შარშან 5 მლნ ლარი იყო. ამის შესახებ საქართველოს 2019 წლის სახელმწიფო ბიუჯეტის შესრულების წლიური ანგარიშის შესახებ აუდიტის სამსახურის მოხსენებიდან ირკვევა. პროექტების ნულოვან შესრულებაზე განმარტებას აკეთებს რეგიონული განვითარეის და ინფრასტრუქტურის სამინისტრო. უწყების ცნობით, 2019 წლის სახელმწიფო ბიუჯეტის კანონით დამტკიცებულ პროექტებთან დაკავშირებით, წლის განმავლობაში, დაზუსტებული გეგმის შესაბამისად, რამდენიმე პროექტთან მიმართებაში, პროექტების დაწყების და ასევე პროექტების განხორციელების პროგრესის გათვალისწინებით, მოხდა გეგმის განულება ან/და ცვლილება როგორც შემცირების, ასევე გაზრდის მხრივ. აღნიშნული ცვლილება ასევე შეეხო აუდიტის ანგარიშში აღნიშნული 11 პროექტიდან სამინისტროს ეგიდით მიმდინარე 3 პროექტს: თბილისი-სენაკი-ლესელიძის საავტომობილო გზის ძირულა არგვეთას მონაკვეთის რეკონსტრუქცია-მშენებლობა. უწყების განმარტებით, დაგეგმილი თანხის ათვისება ვერ მოხდა დაფინანსების წყაროს შეცვლის გამო. კიდევ ერთი პროექტი, ქუთაისის მყარი ნარჩენების ინტეგრირებული მართვის პროექტი. ამ შემთხვევაში, დაგეგმილი თანხის ათვისება ვერ მოხდა ნარჩენების განთავსების ადგილის ცვლილების გამო. ცვლილება გამოიწვია მოსახლეობის პროტესტმა ადგილთან მიმართებაში. და საქართველოს მუნიციპალური ინფრასტრუქტურის განახლების პროექტი. დაგეგმილი თანხის ათვისება ვერ მოხდა დონორთან პროექტის ფარგლებში განსახორციელებელი სამუშაოების შეთანხმების გაჭიანურებიდან გამომდინარე. #ახალიამბები #BusinessMediaGeorgia
80 მანქანა, 2 თვითმფრინავი, მიწის ნაკვეთები, ოქროს ნაკეთობები. ეს ნაწილია იმ ქონებების, რომელიც წინა ხელისუფლების დროს კანონიერ მესაკუთრეებს წაართვეს და რომელიც დღევანდელი ხელისუფლების პირობებში პროკურატურამ უკან დააბრუნა. ქვეყნის მთავარი საგამოძიებო უწყების გასული წლის ანგარიშის მიხედვით, 2015-2019 წლებში სახელმწიფომ 256 პირს 53.5 მლნ-ის ქონება დაუბრუნა. ჩამონათვალში ვერ მოხვდა ისეთი საქმეები, რომელთა აღსრულებას კერძო სექტორი წლებია უშედეგოდ ელოდა. ვისთვის აღსდგა სამართლიანობა და ვისვთვის არა?! #ახალიამბები #BusinessMediaGeorgia
აუდიტის სამსახურმა საქართველოს 2019 წლის სახელმწიფო ბიუჯეტის შესრულების წლიური ანგარიშის შესახებ 67-გვერდიანი მოხსენება გამოაქვეყნა. #ახალიამბები #BusinessMediaGeorgia
ეკონომიკის სამინისტრომ 2020 წლის ბუნებრივი გაზის პროგნოზი განაახლა. ბოლო ცვლილება 21 მაისით თარიღდება, რომლის მიხედვით, წელს საქართველო იმპორტირებული და ადგილობრივი წყაროებიდან საერთო ჯამში, 2 მილიარდ 570 მილიონამდე გაზის მიღებას ელოდება. აღნიშნული მაჩვენებელი მცირედ ნაკლებია თავდაპირველ პროგნოზთან შედარებით. როგორც იცით, დღეს საქართველოს გაზის ორი მომწოდებელი ჰყავს - იმპორტის უდიდესი წილი აზერბაიჯანზე მოდის, დანარჩენი კი რუსეთზე. რა შეიცვალა გაზის მოწოდებისა და მოხმარების პროგნოზებში? #ახალიამბები #BusinessMediaGeorgia
ღამის კლუბები და ბარები ეკონომიკის სამინისტროს მიმართავენ #ახალიამბები #BusinessMediaGeorgia
შეწყდება თუ არა “ხუდონის” ელექროსადგურზე ხელშეკრულება? 118,000 ეროდ, საქართველოს ეკონომიკისა და მდგრადი განვითარების სამინისტრომ საერთაშორისო იურიდიული კომპანია Hogan Lovells-ი დაიქირავა, რომელიც კომპანია Trans Electrica-სთან არსებული ხელშეკრულების პოტენციური მოშლის პირობებს მოამზადებს. შეთანხმების მოშლის შემთხვევაში, პროექტის განხორციელებას Trans Electrica ოფიციალურად ჩამოსცილდება. “ბი-ემ-ჯი” ეკონომიკის სამინისტროს და კომპანია Trans Electrica-აც დაუკავშირდა, ანუ ორივე მხარე, თუმცა ჯერჯერობით ოფიციალური განმარტებები არ მიგვიღია. "ხუდონჰესი" ქვეყნის ერთ-ერთი უმსხვილესი ენერგეტიკული პროექტია, მისი საინვესტიციო ღირებულება 1 მილიარდ დოლარს შეადგენს, შესაბამისად რა ელის პროექტს? სტუმარი: გიორგი აბრამიშვილი - განახლებადი ენერგიების ასოციაციის ხელმძღვანელი #ახალიამბები #BusinessMediaGeorgia
საქსტატმა 2020 წლის I კვარტალში გამყვანი ტურიზმის სტატისტიკა გამოაქვეყნა, რომლის თანახმად, საქართველოს ტერიტორიიდან დაფიქსირდა საქართველოს რეზიდენტი მოგზაურების 619.9 ათასი გასვლა საზღვარგარეთ, რაც 8.5%-ით ნაკლებია წინა წლის ანალოგიურ მაჩვენებელთან შედარებით. გასვლების უდიდესი ნაწილი - 44.3% 31-50 წლის მოგზაურების მიერ განხორციელდა. #ახალიამბები #BusinessMediaGeorgia
საგადასახადო შეღავათებისთვის მთავრობის მიერ მომზადებული კანონპროექტის განხილვამ პლენარულ სხდომაზე ოპოზიციის მწვავე კრიტიკის ფონზე ჩაიარა. საგადასახადო კოდექსში შესატანი ცვლილებების პროექტის თანახმად, 2020 წლის 1 მაისიდან 6 თვის განმავლობაში, დამქირავებელი უფლებამოსილი იქნება ბიუჯეტში არ შეიტანოს დასაქმებულისთვის 750 ლარამდე გაცემული ხელფასიდან დაკავებული და გადასახდელი საშემოსავლო გადასახადი იმ შემთხვევაში, თუ ხელფასის ჯამური ოდენობა 1500 ლარს არ აღემატება. #ახალიამბები #BusinessMediaGeorgia
მთავრობამ შესაძლოა მოქალაქეებს იპოთეკური სესხების პროცენტის ნაწილი დაუსუბსიდიროს თუმცა რა ფორმით და როგორ მოხდება პროექტის დეტალები ხვალ გახდება ცნობილი - გიორგი გახარიას დღეს ამ თემაზე არ უსაუბრია, ხოლო ფინანსთა მინისტრმა ივანე მაჭავარიანმა კი BMG-ის კითხვაზე, თუ რა სახით გეგმავს მთავრობა იპოთეკური სესხების სუბსიდირების პროგრამის დანერგვას, საპასუხოდ განაცხადა, რომ ამის შესახებ განცხადება ხვალ გაკეთდება. ს #ახალიამბები #BusinessMediaGeorgia
მთავრობამ შესაძლოა მოქალაქეებს იპოთეკური სესხების პროცენტის ნაწილი დაუსუბსიდიროს თუმცა რა ფორმით და როგორ მოხდება პროექტის დეტალები ხვალ გახდება ცნობილი. დღეს კი ცნობილი გახდა, რომ მათ ვინც სახელმწიფოს მხრიდან დახმარებას იღებს სესხები კიდევ 3 თვით გადაუვადდება. სტუმარი: რომან კაკულია - დარგობრივი ეკონომიკისა და ეკონომიკური პოლიტიკის კომიტეტის თავმჯდომარე #ახალიამბები #BusinessMediaGeorgia
აზიის განვითარების ბანკის მიერ თბილისის სატრანსპორტო გენერალური გეგმის წარდგენა წლის ბოლომდე გადაიდო, - ამის შესახებ თბილისის მერმა კახა კალაძემ განაცხადა. მისი ინფორმაციით, საზოგადოებრივი ტრანსპორტის რეფორმაში აზიის განვითარების ბანკი გვეხმარება, რომელიც მთელი ქალაქის მასშტაბით ამუშავებს სატრანსპორტო გენერალურ გეგმას. აზიის განვითარების ბანკის მიერ ქალაქის სატრანსპორტო გენერალური გეგმა, აგვისტოს ბოლომდე უნდა ჩაგვბარებოდა, თუმცა არსებული მდგომარეობიდან გამომდინარე, სავარაუდოდ, თარიღი წლის ბოლომდე გადაიწევს. თბილისის მთავრობის სხდომაზე, ასევე ცნობილი გახდა, რომ თბილისი-რუსთავის მიმართულებით საზოგადოებრივი ტრანპორტი იმოძრავებს და კიდევ ერთი სიახლე, საკადრო გადაადგილებას ეხებოდა, მერიის ურბანული განვითარების საქალაქო სამსახურს ვიქტორ წილოსანი უხელმძღვანელებს, რომელიც აქამდე თბილისის ტრანსპორტის განვითარების სააგენტოს ხელმძღვანელობდა. სტუმარი: ვიქტორ წილოსანი - მერიის ურბანული განვითარების საქალაქო სამსახური; ხელმძღვანელი #ახალიამბები #BusinessMediaGeorgia
მთავრობამ შესაძლოა მოქალაქეებს იპოთეკური სესხების პროცენტის ნაწილი დაუსუბსიდიროს. მთავრობის მხრიდან დეველოპერებისთვის იპოთეკური სესხების სუბსიდირების მოდელის შესახებ "საქმიან დილაში" სამშენებლო კომპანია „რედკოს“ დირექტორმა მალხაზ კუნელაურმა ისაუბრა. ბოლომდე ეს საკითხი ჩემთვის ცნობილი არ არის, თუმცა ეს მოდელი, რომ განიხილება და აქტიურად მიმდინაროებს მოლაპარაკებები როგორც მთავრობასთან, ასევე კერძო სექტორთან. ამასთან დაკავშირებით იყო კომუნიკაცია, ეს შემიძლია გითხრათ“, - განაცხადა კუნელაურმა. თუმცა რა ფორმით და როგორ მოხდება უცნობია - გიორგი გახარიას დღეს ამ თემაზე არ უსაუბრია, განმარტებები გააკეთა ივანე მაჭავარიანმაც. #ახალიამბები #BusinessMediaGeorgia
დაუსრულებელი სამშენებლო ობიექტები, ზონალური შეთანხმების მოსაკრებლებისგან შესაძლოა, რეგიონშიც გათავისუფლდნენ. პარლამენტის რეგიონული პოლიტიკისა და თვითმმართველობის კომიტეტმა ამ მიმართულებით მომზადებული კანონპროექტი განიხილა. მართალია, დოკუმენტი თბილისის მასშტაბით არსებულ ობიექტებს ეხება, თუმცა სავარაუდოდ, მთავრობა დამატებით, სამართლებრივ აქტებში ცვლილებებს შეიტანს და შეღავათები მთელი ქვეყნის მასშტაბით გავრცელდება. #ახალიამბები #BusinessMediaGeorgia
მთავრობის ადმინისტრაციაში ბიზნესომბუდსმენი და ეროვნული ბანკის წარმომადგენლები სესხის გამცემ სუბიექტებს, მათ შორის ვალტის გადამცვლელი პუნქტების წარმომადგენლებს შეხვდებიან. განხილვის ერთ-ერთი თემა იქნება ობიექტების გახსნის ვადები და ის სტანდარტები, რაც ბიზნესმა ოპერირების განახლების შემთხვევაში უნდა დააკმაყოფილოს. როდის შეეძლება მომხმარებელს ვალუტის გადაცვლა ჯიხურებში, სადაც ბანკებისა და მიკროსაფინანსო ორგანიზაციებისგან განსხვავებით კურსთაშორის სხვაობა გაცილებით დაბალია და შესაბამისად ხელსაყრელია მომხმარებლისთვის. #ახალიამბები #BusinessMediaGeorgia
რატომ არ იხსნება ელიავას ბაზრობა, ამ კითხვის პასუხად, თბილისის მერის მოადგილე მაია ბითაძემ ბაზრობის განვითარების გეგმის შემუშავების მნიშვნელობაზე ისაუბრა. მოგვიანებით კი, BM.GE-ისთან საუბარში მერიამ განმარტა, რომ ელიავას ბაზრობა კორონავირუსის გამო დაწესებული შეზღუდვების მიზეზით დაიხურა და მისი გახსნა იმ რეკომემდაციებზე იქნება დამოკიდებული, რაც სხვა ბაზრობებსაც ეხება. სტუმარი: თეა ანდრიაძე - „ჯითის“ დირექტორი #ახალიამბები #BusinessMediaGeorgia
"თუ ეს სიტუაცია დიდხანს გაგრძელდა, სერიოზული პრობლემების წინაშე აღმოვჩნდებით”, - მიკროსაფინანსო ორგანიზაციები ლიკვიდურობის პრობლემაზე საუბრობენ. როგორც “ემ ბი სი”-ს გენერალური დირექტორი გია პეტრიაშვილი აცხადებს, იმის გათვალისწინებით, რომ მომხმარებლები პანდემიის გამო საშეღავათო პერიოდით სარგებლობენ, ფულადი ნაკადების შემოდინება პრაქტიკულად, არ ხდება და ამ ეტაპზე ფულად სახსრებს ვერც საერთაშორისო კრედიტორებისგან იღებენ. სტუმარი: გია პეტრიაშვილი - “ემ ბი სი”-ს გენერალური დირექტორი #ახალიამბები #BusinessMediaGeorgia
პარლამენტში საგადასახადო შეღავათები და პენსიის გაზრდის ახალი ფორმულა განიხილეს. ორივე კანონპროექტს საფინანსო-საბიუჯეტო კომიტეტმა პირველი მოსმენით მხარი დაუჭირა. საგადასახადო კოდექსში შესატანი ცვლილებების ერთ-ერთი მთავარ მიზანი ორგანიზაციების ერთი ნაწილის საშემოსავლო გადასახადისგან გათავისუფლებაა. სახელმწიფო პენსიის შესახებ კანონში კი ე.წ ინდექსაციის მეთოდი უნდა აისახოს. რა ელოდებათ პენსიონერებს 2021 წლიდან და როგორ ჩაიარა საგადასახადო შეღავათებზე კანონპროექტის განხილვამ პარლამენტში #ახალიამბები #BusinessMediaGeorgia
პესიმისტური სცენარით სასესხო პორტფელის 80%-ს ბიზნესი ვეღარ მოემსახურება, საცალო პორტფელის ნაწილში კი დეფოლტის ალბათობა 40%-ია ,ამის შესახებ KPMG საქართველოს საბანკო სექტორზე COVID-19-ის პოტენციური გავლენის სცენარების ანალიზშია ნათქვამი. #ახალიამბები #BusinessMediaGeorgia
„ერთ რამეს უნდა შევეგუოთ, რომ სამწუხაროდ ამ ვირუსთან ერთად ცხოვრება მოგვიწევს როგორც ჩანს გაურკვეველი ვადით, შესაძლოა ეს იყოს რამდენიმე თვე ან წელი. ჩვენ ყველაზე ცუდი სცენარისთვის უნდა მოვემზადოთ და უნდა გვესმოდეს, რომ ჩვენი კონკურენტული უპირატესობა, როგორც ტურისტული ქვეყნის უნდა გაძლიერდეს”, - ამის შესახებ საქართველოს პრემიერ-მინისტრმა გიორგი გახარიამ კახეთში ტურიზმის სექტორთან შეხვედრისას განაცხადა. #ახალიამბები #BusinessMediaGeorgia
აპრილში, საქართველოში ელექტროენერგიის მოხმარებამ 940 მილიონ კილოვატსაათს გადააჭარბა, თუმცა ეს გასული წლის ანალოგიური პერიოდის მაჩვენებელს ჩამორჩება. ამის მიზეზი კი კორონავირუსის გამო შეჩერებული ეკონომიკური აქტივობაა. ელექტროენერგიაზე მოთხოვნის შემცირებამ ისიც განაპირობა, რომ სახელმწიფო ელექტროსისტემამ ჰესებს გენერაცია შეუზღუდა. ეს გადაწყვეტილება კი უკვე გახდა კერძო სექტორის კრიტიკის საგანი. #ახალიამბები #BusinessMediaGeorgia
2020 წლის პირველ ოთხ თვეში საქართველოში საქონლით საგარეო სავაჭრო ბრუნვამ 3 მლრდ 463 მლნ დოლარი შეადგინა, რაც წინა წლის შესაბამის პერიოდთან შედარებით 11.8 პროცენტით ნაკლებია. აქედან ექსპორტი 1 მლრდ 100 მლნ იყო ანუ 11.9 პროცენტით ნაკლები, ხოლო იმპორტისთვის ქვეყნიდან 2 მლრდ 462 მლნ აშშ დოლარი გავიდა, რაც 11.8%-ით ნაკლებია. #ახალიამბები #BusinessMediaGeorgia
ეკონომიკის ამოქმედების გეგმის მორიგ ეტაპზე გახსნისთვის სავაჭრო მოლები ემზადებიან. მთავრობის წარმომადგენლებთან რამდენიმერაუნდიანი შეხვედრებს შემდეგ უკვე ცნობილია იმ რეგულაციების ნუსხის შესახებ, რომელიც მოლებმა, მათმა მოიჯარე მაღაზიებმა და თავად მომხმარებლებმა სავალდებულოდ უნდა შეასრულონ. რომელი სავაჭრო ცენტრი როდის გაიხსნება? #ახალიამბები #BusinessMediaGeorgia
თამბაქოს ნაწარმი შესაძლოა 15 გრამიან შეფუთვებშიც გამოჩნდეს - ცვლილებებს ახალი საკანონმდებლო ინიციატივა ითვალისწინებს, რომელიც საქართველოს პარლამენტში უკვე რეგისტრირებულია. დღეს ე.წ დაჭრილი თამბაქოს რეალიზაცია, მხოლოდ 50 და 100 გრამიან შეფუთვებში ნებადართული. სტუმარი: ზვიად სხვიტარიძე - #BAT; კორპორატიული და იურიდიული დირექტორი კავკასიაში #ახალიამბები #BusinessMediaGeorgia
ძალიან ბევრ კომპანიას გაუჭირდება, მათ შორის ჩვენს კომპანიასაც - ასე აფასებს პოსტპანდემიურ პერიოდში კომპანიების მდგომარეობას სარემონტო მასალების მწარმოებელი და იმპორტიორი კომპანია „ზოდის“ დამფუძნებელი ზაურ გაბაიძე. ის მიჩნევს, რომ შეღავათები რაც სახელმწიფომ კერძო სექტორს გაუკეთა მნიშვნელოვანია, თუმცა ბიზნესისთვის ახლა ფინანსებზე ხელმისაწვდომობა მაქსიმალურად უნდა გამარტივდეს, რათა კომპანიები გადარჩნენ. ამაში კი მათ სახელმწიფო უნდა დაეხმაროს. სტუმარი: ზაურ გაბაიძე - კომპანია „ზოდის“ დამფუძნებელი #ახალიამბები #BusinessMediaGeorgia
პირობები რომლითაც კაფე-ბარებსა და რესტორნებს მუშაობა შეეძლებათ ცნობილია. ცოტა ხნის წინ საქართველოს გასტრონომიის ასოციაციამ გაავრცელა გაიდლაინები, რომლის დაცვაც რესტორნებს მოუწევთ. #ახალიამბები #BusinessMediaGeorgia
რა პირობებით შეეძლებათ კაფე-ბარებსა და რესტორნებს მუშაობა? ცოტა ხნის წინ საქართველოს გასტრონომიის ასოციაციამ გაავრცელა ის გაიდლაინები, რომლის დაცვაც რესტორნებს მოუწევთ. გაიდლაინებს შორის ხვდება მაგიდების წინასწარი ჯავშანი, თერმოსქრინინგი ასევე უპირატესობა მიენიჭება უნაღდო ანგარიშსწორებას. სტუმარი: შოთა ბურჯანაძე – რესტორნების ასოციაციის პრეზიდენტი #ახალიამბები #BusinessMediaGeorgia
შრომის კოდექსში შესატანი ცვლილებების პროექტი პარლამენტშია. კანონპროექტების პაკეტმა გასულ წელს ბიზნესის და არასამთავრობო სექტორის კრიტიკა დაიმსახურა, მას შემდეგ, შინაარსი გარკვეულწილად შეიცვალა, თუმცა მთელი რიგი შეზღუდვები რჩება. დოკუმენტის მიხედვით, ნორმირებულ სამუშაო დრო კვირის განმავლობაში არის 40 საათი. ზეგანაკვეთური შრომა კი შესაბამისი ფორმულით უნდა ანაზღაურდეს, რომლის თანახმად, ზეგანაკვეთური საათების გასამრჯელო ნორმირებული სამუშაოსთვის გადახდილი თანხის მინიმუმ 125% უნდა იყოს. რაც შეეხება კანონის აღსრულებას, ამას შრომის ინსპქცია, მისი გაფართოებული მანდატით უზრუნველყოფს. #ახალიამბები #BusinessMediaGeorgia
ეკონომიკის გახსნის ტემპი მთავრობის გადაწყვეტილებით დაჩქარდა. ორშაბათიდან მუშაობას გაანახლებენ სილამაზის სალონები და ესთეტიკური მედიცინის ცებტრები, რომლებიც გეგმის მიხედვით 8 ივნისს უნდა განხსნილიყო, თუმცა დღემდე უცნობია როდის გაიხსნება ფეხსაცმლისა და ტანსაცმლის მაღაზიები, რომლებიც არანაკლებ დააზარალა ქვეყანაში არსებულმა შეზღუდვებმა. რას ითხოვენ დღეს კომპანიები რომლებიც ამ მიმართულებით საქმიანობენ, რა სჭირდებათ მათ ყველაზე მეტად? #ახალიამბები #BusinessMediaGeorgia
„როდესაც სოფლის მეურნეობა ფინანსირდება 300 მლნ ლარით, ჩვენ უნდა ვიცოდეთ ,ეს ქველმოქმედებაა თუ ამას ექნება ეფექტი“-ამის შესახებ საქმის კურსთან მთავრობის ანტიკრიზისული გეგმის შეფასებისას ბიზნესმენმა თემურ ჭყონიამ განაცხადა. თემურ ჭყონია - ბიზნესმენი #ახალიამბები #BusinessMediaGeorgia
ეკონომიკის გახსნის ტემპები ჩქარდება- მთავრობის გადაწყვეტილებით, 18 მაისიდან სილამაზის და ესთეტიკის სალონები გაიხსნება. რა წესების დაცვა მოუწევს სილამაზის და ესტეთიკის სალონებს, როგორ მოხდება მათი კონტროლი, შრომის პირობების ინსპექტირების დეპარტამენტის უფროსი? სტუმარი: ბექა ფერაძე - შრომის პირობების ინსპექტირების დეპარტამენტის უფროსი #ახალიამბები #BusinessMediaGeorgia
ანაკლიის პორტის “ახალი სიცოცხლე” #ახალიამბები #BusinessMediaGeorgia
საქართველოში კორონავირუსის მაჩვენებლების გაუმჯობესების კვალდაკვალ, მთელი აქცენტი ეკონომიკურ აქტივობებზე გადადის. ზოგი იხსნება, ზოგიც ისევ ცდილობს ჯანდაცვის უსაფრთხოების ახალი ნორმების ათვისებას და გეგმების უფრო მოკრძალებულად დალაგებას, თუნდაც იმიტომ რომ არავინ იცის, რა იქნება შემოდგომასა და ზამთარში. იქიდან გამომდინარე, რომ ჩვენი ქვეყანა მთელი რიგი მიმართულებით იმპორტზეა დამოკიდებული, ფულადი გზავნილების და საერთაშორისო ვიზიტორების კუთხით კი პროგნოზები არასახარბიელოა, მთავრობა ადგილობრივი წარმოების სტიმულირებაზე აგებს პროგრამებს. დაანონსებულ მხარდამჭერ პაკეტებში კი ჯერ ყველა ვერ მოხვდა. რა ჩანს შედარებით დიდ სურათში, რაც დღეს ქვეყნის ეკონომიკაშია? სტუმარი: ლაშა პაპაშვილი - ბიზნესმენი #ახალიამბები #BusinessMediaGeorgia
მედიკამენტები გაძვირდა. აქ მთავარი ფაქტორი ლარის კურსია. ეროვნული ვალუტა 2020 წლის 1 იანვრიდან დღემდე პერიოდულად უფასურდება, ამიტომ იმ ბიზნესებს შორის, რომელთაც იმპორტირებულ პროდუქციაზე ფასების გაზრდა მოუწიათ, ფარმაცევტული სექტორიც არის. საქართველოს ბაზარზე მედიკამენტების ფასები, საქმის კურსმა როგორც მომხმარებლებთან, ისე იმპორტიორებთან გაარკვია. #ახალიამბები #BusinessMediaGeorgia
ფერმერები 1 ჰექტარ მიწაზე სახელმწიფოსგან 200 ლარის ოდენობით დახმარებას მიიღებენ - ოთარ დანელია საქმის კურსში სტუამრი: ოთარ დანელია - აგრარულ საკითხთა კომიტეტის თავმჯდომარე #ახალიამბები #BusinessMediaGeorgia
რა შეუკვეთა ბიზნესმა და რა მიიღო? კერძო სექტორი საქართველოს მთავრობის სოფლის მეურნეობის დახმარების პროგრამას აფასებს. სალომე მეცხვარიშვლი ესაუბრა სოფლის მეურენობაში ჩართულ პირებს, ადამიანებს, რომლებსაც უშუალოდ ეხებათ ის მხარდამჭერი პაკეტი, რომლის პრეზენტაციაც რამდენიმე საათის წინ შედგა.მოსწონს თუ არა ბიზნესს წარდგენილი გეგმა და რა შენიშვნები აქვთ მათ? #ახალიამბები #BusinessMediaGeorgia
300 მილიონი სოფლის მეურნეობას, 100 მილიონით მეტი ვიდრე ტურიზმს - მთავრობამ დღეს სოფლის მეუნეობის ანტიკრიზისრული გეგმა წარმოადგინა. მთავარი რიცხვები და შეღავათები ასეთია - 17 % -იანი თანადაფინანსება სესხზე - 70 % იანი თანადაფინანასება აგრო დაზღვევაზე. ასევე წარმოდგენილი გეგმის მიხედვით, ფერმერები 1 ჰექტარ მიწაზე სახელმწიფოსგან 200 ლარის ოდენობით დახმარებას მიიღებენ. გარდა ამისა, მათ დიზელის საწვავს ბაზარზე არსებულ ფასთან შედარებით 1 ლარით იაფად შეიძენენ, ხოლო საირიგაციო საფასურისგან სრულად გათავისუფლდება ყველა ფერმერი. გეგმაში საუბარი იყო , იმაზეც, რომ ის ფერმერები, რომლებიც 2020 წლის ბოლომდე მიწებს დაირეგისტრირებენ, სახელმწიფო დახმარებებით და შეღავათებით ისარგებლებენ. #ახალიამბები #BusinessMediaGeorgia
საქართველოს ეროვნული ბანკი საფინანსო სისტემის ხელშეწყობის მიზნით, ახალ პროგრამას იწყებს. სებ-ის განმარტებით, კომერციულ ბანკებს მათში არსებული უცხოური ვალუტის რესურსის უზრუნველყოფაში ჩადების სანაცვლოდ, ეროვნული ბანკისგან ლარის რესურსის მიღების შესაძლებლობა ექნებათ. ეს კი ნიშნავს, რომ ეროვნული ბანკი კომერციულ ბანკებთან, სვოპის ხელშეკრულებებს გააფორმებს. ლარის რესურსი, რომელსაც ბანკები უცხოური ვალუტის უზრუნველყოფაში ჩადების სანაცვლოდ მიიღებენ, ქვეყნის ეკონომიკის დაკრედიტების გასაზრდელად მიიმართება. სტუმარი: დავით უტიაშვილი - ეროვნული ბანკის ფინასნური სტაბილურობის დეპარტამენტის უფროსი #ახალიამბები #BusinessMediaGeorgia
შესაძლებელია თუ არა სესხებზე დაწესებული 3 თვიანი შეღავათი გაგრძელდეს. საბანკო ასოციაციის ხელმძღვანელი, BMG-სთან საუბრისას აცხადებს, რომ ახლა კონკრეტულ დეტალებზე მსჯელობა რთულია, თუმცა კომერციულ ბანკებს შესაძლოა ინდივიდუალური შეთავაზებები ქონდეთ. #ახალიამბები #BusinessMediaGeorgia
1000-მდე გათავისუფლებული თანამშრომელი და მილიონობით დოლარის ზარალი, რომელიც ჯერ საბოლოოდ დათვლილი არ არის - ეს არის ავიაკომპანია ვიზეარზე კორონავირუსის ეფექტი ბოლო თვეების განმავლობაში. კომპანია ამ ეტაპზე მხოლოდ 3%-იანი დატვირთვით მუშაობს. დაბალბიუჯეტიან ავიაკომპანიას შეზღუდვების გამო შეჩერებული აქვს ფრენები საქართველოშიც. თუმცა, გასულ კვირას საქართველოს მთავრობამ განაცხადა, რომ 1 ივლისისთვის ქვეყნის საზღვრები იხსნება. ეკონომიკის მინისტრის ნათია თურნავას თქმით, უკვე დაწყებულია მოლაპარაკებები ვიზეართან ფრენების განახლების თაობაზე. იმოქმედებს თუ არა კორონავირუსი ავიაბილეთების ღირებულებაზე? ანდრაშ რადო - Wizz Air-ის კორპორატიული კომუნიკაციების ხელმძღვანელი #ახალიამბები #BusinessMediaGeorgia
რას ითხოვს სადაზღვევო სექტორი დღეს და რა ზარალზე საუბრობს ბიზნესი? #ახალიამბები #BusinessMediaGeorgia
ტანსაცმელებისა და ფეხსაცმელების მაღაზიები ისევ დახურულია, ასევე ბიზნესში არიან ისეთებიც, ვინც ჯანდაცვის უსაფრთხოების ახალი ნორმების ათვისებისთვის მზად არიან, მაგრამ ეკონომიკის გახსნის ეტაპებში ჯერ ადგილი ვერ იპოვეს. რას ითხოვს კერძო სექტორი? დავით ჩხეიძე - The North Face-ის წარმომადგენელი საქართველოში #ახალიამბები #BusinessMediaGeorgia
აპრილის თვეში მიმდინარე სამშენებლო პროექტების 11 % შეჩერდა, 67% კი შეფერხდა. რაც შეეხება სამომავალო პროექტებს გამოკითხულთა 67% აღნიშნა, რომ დაგეგმილი პროექტების დაწყება მინიმუმ სამის თვით ან უფრო რეალისტურად 1 წლით გადავადდება. მოკლედ ყველა ის პროექტი რომელიც უნდა დაწყებულიყო კონცეპტუალური დაგეგმარების ეტაპზე რჩება - ასეთია ქუშმან ენდ ვეიქფილდის კლევის შედეგები. რა აჩევნა კვლევამ, სად არის დღეს სექტორი? #ახალიამბები #BusinessMediaGeorgia
რამდენად შეიძლება გაიზარდოს 2020 წელს საქართველოში უმუშევრობის დონზე? რამდენ პროცენტიანი კლება ემუქრება ეკონომიკას? ან რა ელის ლარის კურსს - უფრო მეტად გაუფასურება თუ გამაყრება ან არსებულ დონეზე შენარჩუნებაზე. ამ კითხვებზე პასუხებს, უფრო სწორედ პროგნოზებს საქართველოს ეროვნული ბანკის მიერ გამოქვეყნებულ მაკროეკონომიკური საპროგნოზო სცენარებში ვიპოვით. საქმე იმაშია, რომ მოსალოდნელი საკრედიტო დანაკარგების შეფასებისას გათვალისწინებული უნდა იქნას მაკროეკონომიკური ფინანსური ფაქტორების ანალიზი, მოსალოდნელი ტენდენციები და რისკები. #ახალიამბები #BusinessMediaGeorgia