„იპოთეკურ სესხებზე განაცხადები 10-ჯერ გაიზარდა“ - ეს განცხადება BMG-სთან საბანკო ასოციაციის ხელმძღვანელმა გააკეთა. ალექსანდრე ძნელაძე ამბობს, რომ ფაქტობრივად 1 ივლისიდან გაცემული ყველა სესხი, რომელიც აკმაყოფილებს იპოთეკური სესხების სუბსიდირების პირობებს, მოხვდება სუბსიდირების პროექტში. რა სურათი გვაქვს დღეს და რა გათვლები აქვს სექტორს? სტუმარი: ალექსანდრე ძნელაძე - საბანკო ასოციაცია; პრეზიდენტი #ახალიამბები #BusinessMediaGeorgia
2022 წლიდან შესაძლოა ფარმაცევტული კომპანიების ნაწილმა საქმიანობა შეაჩეროს. ეს ის იმ შემთხვევაში, თუ წარმოებები ჯი ემ პი-ს ევროპული სტანდარტის დანერგვას დათქმულ ვადებში ვერ შეძლებენ. როგორც ფარმაცევტული კომპანიების ასოციაციაში ამბობენ, ჯი ემ პი-ს ანუ კარგი საწარმოო პრაქტიკის დანერგვა კომპანიებისთვის სოლიდურ ფინანსურ რესურს საჭიროებს, შესაბამისად 2022 წლიდან მოსალოდნელია, რომ მედიკამენტებზე ფასები მოიმატებს. დარგი ჯანდაცვის სამინისტროს სტანდარტის დასანერგად დროის გადავადების თხოვნით მიმართავს. საკითხი რამდენჯერმე დაისვა ინვესტორთა საბჭოს ფორმატშიც. #ახალიამბები #BusinessMediaGeorgia
ამერიკული ენერგოკომპანია Frontera მორიგ განცხადებას აქვეყნებს. განცხადებაში კომპანია აღნიშნავს, რომ რამდენიმე დღის წინ, როდესაც საქართველოს მთავრობამ განაცხადა, რომ კომპანიასთან კონტრაქტს არ შეაჩერებდნენ, ამის პარალელურად კომპანიას მიმართეს ცნობით, რომ მთავრობა კვლავ შეეცდება, რომ კომპანიასთან არსებული ხელშეკრულების მოქმედება შეჩერდეს. სტუმარი: ზაზა მამულაშვილი - „ფრონტერა რისორს კორპორეიშენი“ პრეზიდენტი #ახალიამბები #BusinessMediaGeorgia
ღამის ეკონომიკის სტრატეგია, კულტურის სფეროსთვის დაფინანსების გაზრდა - ესაა თბილისის მერიის უახლესი გეგმები. კორონავირუსის პერიოდში დაზარალებული კაფე-ბარებისთვის მერიამ გადაწყვიტა, მის საკუთრებაში არსებული სივრცეები დროებით გადასცეს ბიზნესს ან საკუთარი იბუექტების მიმდებარე ტერიტორია მუნიციპაპლიტეტის ხარჯზე გააფართოვოს. მერის მოადგილე ამბობს, რომ მომართვიანობა არის და უახლოეს დღეებში რესტორნებსა და კაფე-ბარებს ობიექტებს და ღია სივრცეებს გადასცემენ. ლოკაციები სხვადასხვაგვარია - ლისისა და კუს ტბის მიმდებარე ტერიტორიები, სკვერები და ა.შ. ანდრია ბასიალა ბიზნესის კრიტიკასაც პასუხობს და ფიქრობს, რომ ეს შეთავაზებები დაგვიანებული არ არის. რას გეგმავს მერია ამ მიმართულებით? #ახალიამბები #BusinessMediaGeorgia
COVID19-მა კატერების ბიზნესი თბილისში პრაქტიკურად ბაზრიდან გააქრო. რას ამბობს კერძო სექტორი? #ახალიამბები #BusinessMediaGeorgia
ელექტრონული კომერციის შესახებ კანონი საქართველომ 2020 წლის ბოლომდე უნდა მიიღოს - ასეთია საქართველოს დღის წესრიგი, რომლის შესრულებიც ვალდებულებას საქართველომ ევროკავშირთან ასოცირების ხელშეკრულებაზე ხელმოწერით აიღო. კანონპროექტის სამუშაო ვერსია უკვე დიდი ხანია მზადაა, მაგრამ პარლამენტს ამ დრომდე არ დაუმტკიცებია. #ახალიამბები #BusinessMediaGeorgia
ეროვნული ბანკი ციფრული ბანკის ლიცენზირების საკითხს განიხილავს. ციფრული ბანკის მოდელის განვითარებით ეროვნული ბანკი მიზნად ისახავს ხელი შეუწყოს: ინოვაციური ბიზნესს მოდელების განვითარებას; ფინანსური პროდუქტების მრავალფეროვნებას; დიდი მონაცემების უკეთ გამოყენებას; როგორ აპირებს ეროვნული ბანკი ციფრული სერვისების და სრულფასოვანი საბანკო მომსახურების მხარდაჭერას, რა კრიტერიუმების და მოთხოვნების დაკმაყოფილება მოუწევთ დაინტერესებულ პირებს? სტუმარი: პაპუნა ლეჟავა - ეროვნული ბანკის ვიცე-პრეზიდენტი #ახალიამბები #BusinessMediaGeorgia
საპარტნიორო ფონდი რამდენიმე დღეში სასტუმრო "ბორჯომი-ლიკანს", გასხვისების მიზნით, აუქციონზე უკვე მეორედ გამოიტანს, თუმცა ფასი იმაზე ბევრად ნაკლები იქნება, ვიდრე ეს გასულ წელს, პირველი აუქციონის გამოცხადების დროს იყო. როგორც საპარტნიორო ფონდის აღმასრულებელი დირექტორი დავით საგანელიძე აცხადებს, სამეთვალყურეო საბჭომ უკვე დაამტკიცა სასტუმროს ახალი საწყისი ფასი, რაც პირვანდელთან შედარებით 7 მლნ 600 ათასი ლარით ნაკლებია. “38 მილიონად იყო გამოტანილი და ახლა, უახლოეს დღეებში 30,4 მილიონად გამოვიტანთ. იმედია, გამოჩნდება კარგი ინვესტოირი, ვინც ამას შეიძენს", - აცხადებს საგანელიძე. #ახალიამბები #BusinessMediaGeorgia
ბიზნესი ტურისტული გადასახადის შემოღების იდეით გამოდის. ტურიზმის სექტორი პანდემიის გამო შექმნილი კრიზისიდან გამოსვლის გზებს ეძებს. როგორც bm.ge-თან სასტუმროებისა და რესტორნების ფედერაციის პრეზიდენტმა, შალვა ალავერდაშვილმა განაცხადა, 2021 წლის ივნისამდე ტურიზმის სექტორი, რომელიც გიდებს, სასტუმროებს, სატრანსპორტო კომპანიებს, რესტორნებს და ტურიზმის სექტორთან დაკავშირებულ კომპანიებს აერთიანებს, არის გადახდისუუნარო. ამ პერიოდში კი საბანკო ვალდებულებების მომსახურებისთვის სექტორს 140 მლნ დოლარი სჭირდება. სტუმარი: შალვა ალავერდაშვილი - სასტუმროებისა და რესტორნების ფედერაციის პრეზიდენტი #ახალიამბები #BusinessMediaGeorgia
„საპარტნიორო ფონდის" აღმასრულებელი დირექტორი, დავით საგანელიძე პოლიტიკაში დაბრუნებას გამორიცხავს. როგორც საგანელიძემ ჟურნალისტებს განუცხადა. „ ვფიქრობ, რომ გარკვეულწილად პოლიტიკაში ჩემი ვალი მოვიხადე, წარმატებულად თუ წარუმატებლად, ეს საზოგადოებამ შეაფასოს. ვფიქრობ, ის საქმე, რასაც ახლა ვაკეთებ, ეს უნდა იყოს ჩემი ძირითადი და მნიშვნელოვანი საქმე", -აცხადებს საგანელიძე. #ახალიამბები #BusinessMediaGeorgia
bm.ge-სა და ფორბს ჯორჯიას მორიგი ინტერვიუ “კავკასუს ონლაინის” ახალ მეწილეებთან. როგორც ჩანს, აზერბაიჯანულ კომპანია “ნექსოლ ჰოლდინგსა” და კომუნიკაციების კომისიას შორის ურთიერთობა განახლდა. იგეგმება თუ არა ისევ საქმის არბიტრაჟში გადატანა და კიდევ ბევრი ახალი დეტალი - ციფრლი აბრეშუმის გზის შესახებ - რა სარგებლობა მოაქვს მას საქართველოსთვის და რას ითხოვს ინვესტორი საქართველოში? თემურ თაგიევი - Neqsol Holding-ის სტრატეგიული მიმართულების ხელმძღვანელი #ახალიამბები #BusinessMediaGeorgia
საქართველოში საყოველთაო ინტერნეტიზაციის პროექტი რომ იწყებოდა, ეს პირველად 2014 წელს გაჟღერდა, თუმცა მისი აქტიური განხორციელება ამ დრომდე არ დაწყებულა. დღეს პრემიერ-მინისტრმა გიორგი გახარიამ მთავრობის სხდომის დაწყებისას გააჟღერა, რომ პროექტის იწყება და პირველი რეგიონი გურია იქნება. „მაღალი ხარისხის ინტერნეტი თითოეულ ქართულ სოფელში - ეს არის უაღრესად მნიშვნელოვანი და სწრაფად გადასაწყვეტი ამოცანა“, - თქვა პრემიერმა. მოგვიანებით კი ოდნავ მეტი ინფორმაცია მოგვაწოდა ნათია თურნავამ. „რამდენიმე თვეში ოზურგეთის 49 დასახლებული პუნქტი, სადაც 8 500 ოჯახზე მეტი ცხოვრობს, მაღალი ხარისხის, სწრაფ ინტერნეტს ოპტიკურ-ბოჭკოვანი ქსელით მიიღებს, რომლის მშენებლობაც უახლოეს პერიოდში დაიწყება“, - თქვა მინისტრმა. #ახალიამბები #BusinessMediaGeorgia
კოკა-კოლა ბოთლერს ჯორჯია მსოფლიო ბაზარზე ახალი მინერალური წყლით შედის. კომპანიამ მტკნარი წყლის წარმოების 25 წლიანი ლიცენზია ჯერ კიდევ გასულ წელს მიიღო, მიმდინარე წლის ივლისში კი განაცხადა, რომ თავის პორტფელს აფართოვებს და ახალი მინერალური წყლის, ბრენდული დასახელებით „მთის“ წარმოებას იწყებს. რა გეგმები აქვს კომპანიას და როგორია „მთის“ საექსპორტო პოტენციალი. #ახალიამბები #BusinessMediaGeorgia
შედგა თუ არა რაიმე სახის კომუნიკაცია, ტურისტული სექტორის იმ ნაწილთან, რომელმაც სახელმწიფო კანცელარიასთან რამდენიმე აქცია გამართა და საზღვრების გახსნა მოითხოვა. აქციის მონაწილეები აცხადებდნენ, რომ რამდენიმე თვეა საერთოდ არაფერი გამოუმუშავებიათ და ამ უმძიმესი ვითარებიდან ერთადერთი გამოსავალი, ტურისტული სექტორის ეტაპობრივი აღდგენა და ე.წ მწვანე ზონის ქვეყნებისთვის დაუყოვნებლივ საზღვრების გახსნაა. სტუმარი: ვასილ საღირიშვილი - კომპანია Caucasus crew -ს თანადამფუძნებელი #ახალიამბები #BusinessMediaGeorgia
„საქართველოს მთავრობამ მიიღო გადაწყვეტილება, აღარ მოშალოს „ფრონტერა“-სთან კონტრაქტი და შესაძლებლობა მისცეს კომპანიას, საქმიანობა განაგრძოს საწყისი საკონტრაქტო ტერიტორიის იმ ნაწილში, სადაც ნავთობის მოპოვება ჯერ კიდევ საბჭოთა პერიოდიდან მიმდინარეობდა. საუბარია სახელმწიფოს საძიებო ტერიტორიის დაახლოებით 1%-ზე, რადგან ამ ტერიტორიის დაახლოებით 99%, „ფრონტერა“-მ, საარბიტრაჟო გადაწყვეტილების თანახმად, სახელმწიფოს უკვე დაუბრუნა“ - ეს არის ამონარიდი საქართველოს ეკონომიკის სამინისტროს მიერ დღეს გავრცელებული განცხადებიდან. მთავრობაში ირწმუნებიან, რომ სახელმწიფოს მხრიდან აღნიშნული გადაწყვეტილების მიღება განპირობებულია ქვეყნის წინაშე მდგარი სტრატეგიული ამოცანებით ანუ იგულისხმება აშშ-თან სტრატეგიული პარტნიორობა. თემაზე კომენტარი დღეს მთავრბის სხდომის შემდეგ ეკონომიკის მინისტრმაც გააკეთა. ნიშნავს თუ არა ეს გადაწყვეტილება მთავრობის მხრიდან უკან დახევას? #ახალიამბები #BusinessMediaGeorgia
რა გეგმები ჰქონდა დაზღვევის ზედამხედელობის სააგენტოს 2020 წელს, რომელიც ევროკავშირთან ჰარმონიზაციის პროცესში რამდენიმე ინიციატივის დანერგვას გეგმავდა. ასევე, საუბარი იყო სადაზღვევო კომპანიებისთვის მინიმალური კაპიტალის ზღვრის გაზრდაზე, რომელსაც კომპანიების ნაწილი არ ეთანხმება და პროცესის გადავადებას ითხოვს. სტუმარი: დავით ონოფრიშვილი - დაზღვევის სახელმწიფო ზედამხედველობის სამსახური; უფროსი #ახალიამბები #BusinessMediaGeorgia
დედაქალაქში პარკირების წესების დარღვევაზე არსებული ჯარიმების ოდენობა იზრდება. შესაბამისი საკანონმდებლო ცვლილებათა პაკეტი თბილისის მერიის წინადადების საფუძველზე, საქართველოს პარლამენტმა უკვე დაამტკიცა. რამდენად მძიმდება საჯარიმო სანქციები და რატომ არ ამეტებს დედაქალაქში თბილსის მერია საპარკინგე ადგილებს? #ახალიამბები #BusinessMediaGeorgia
ორი ხმაურიანი კანონპროექტი, რომელზეც გასულ კვირებში პარლამენტში ცხარე კამათი გაიმართა - ცვლილებები ელექტრონული კომუნიკაციების შესახებ კანონში და ცვლილებები ენერგეტიკისა და წყალმომარაგების შესახებ კანონში. ერთ-ერთი მათგანი უკვე კანონად არის ქცეული, სემეკის უფლებამოსილების გაფართოებაზე კანონპროექტმა კი პარლამენტის სამი მოსმენა უკვე გაიარა. რა მივიღეთ საკანონმდებლო ორგანოში გამართული არაერთი დაპირისპირების ფონზე - როგორ იმოქმედებს 2 კანონში დაჩქარებული წესით შესული ცვლილებები ბიზნეს და საინვესზტიციო გარემოზე ქვეყანაში? #ახალიამბები #BusinessMediaGeorgia
კომპანიების 37%-ის ზარალი 5000-დან 20 000 ლარამდე მერყეობს; გამოკითხულთა 34%-ს კი ზარალი არ აქვს; კომპანიების 53% დასაქმებულთა რაოდენობას შეინარჩუნებ; 31%-ს უჭირს პასუხის გაცემა; პანდემიიდან გამომდინარე, ბიზნესის საჭიროებებზე კვლევა სავაჭრო სამრეწველო პალატამ ჩაატარა. ტექნიკურ ნაწილზე, რომ სტუმართან არ შევჩერდეთ, მე გეტყვით მთავარ დეტალებს, კვლევაში მონაწილეობა მიიღო 1553 ბიზნეს სუბიექტმა. გამოკითხულთა 89% წარმოადგენს რეგიონულ ბიზნეს; 97% წარმოადგენს მცირე და საშუალო მეწარმეებს; კვლევაში მონაწილეობა მიიღო ორმოცდაათამდე სექტორის წარმომადგენელმა. სტუმარი: გიორგი ვეკუა – საქართველოს სავაჭრო-სამრეწველო პალატის მომსახურებისა და რეგიონული განვითარების დეპარტამენტის დირექტორი #ახალიამბები #BusinessMediaGeorgia
იმედი გვაქვს, რეგულარული ფრენები გაგრძელდება და ფასებიც ალბათ, დაახლოებით, ძველ ნიშნულს დაუბრუნდება, - ამის შესახებ ეკონომიკის მინისტრმა ნათია თურნავამ განაცხადა. მისივე თქმით, ორი კატეგორიის ფრენა არის, ე.წ. სოციალური, სუბსიდირებადი ფრენა და ჩვეულებრივი კომერციული, რეგულარული ფრენები. ამასთან, როგორც ეკონომიკის მინისტრი განმარტავს, რაც უფრო შორს არის ფრენის თარიღი, მით უფრო იაფია, რაც უფრო ახლოვდება, მით უფრო აძვირებს ავიაკომპანია და არსებობს სხვადასხვა კლასი. #ახალიამბები #BusinessMediaGeorgia
თბილისის მერიამ ტურიზმის ხელშეწყობის მიზნით, ახალი ვებპორტალი შექმნა. Find out tbilisi.com-ი წარმოადგენს ონლაინპლატფორმას, რომელზეც თბილისში რეგისტრირებულ კომპანიებს საშუალება აქვთ, საკუთარი პროდუქტებისა და სერვისების შესახებ ქართულ და ინგლისურ ენებზე ინფორმაცია უფასოდ განათავსონ. სტუმრები: ნინო მაღრაძე - ეკონომიკური განვითარების საქალაქო სამსახურის უფროსი #ახალიამბები #BusinessMediaGeorgia
ჯანდაცვის მინისტრი ეკატერინე ტიკარაძე, ჯანმრთელობის დაცვის შესახებ საკმაოდ ხმაურიანი კანონპროექტის შესახებ პირველ კომენტარს აკეთებს. გასული კვირის ბოლოს, კანონპროექტი, რომლის მიღებასაც სამინისტრო დაჩქარებული წესით ითხოვდა, ჯანდაცვის კომიტეტში მესამე მოსმენით მიიღეს, იმავე დღეს პროექტი დეპუტატებს სესიაზე მესამე მოსმენით უნდა დაემტკიცებინათ, თუმცა ყველასთვის მოულოდნელად, ჯანდაცვის მინისტრის მოადგილემ თამარ გაბუნიამ პარლამენტის თავმჯდომარეს განხილვის გადადება სთხოვა. როგორც BMG-სთ გახდა ცნობილი, საკომიტეტო განხილვასა და სესიას შორის გაბუნია მინისტრს, ეკატერინე ტიკარაძეს ტელეფონით ესაუბრა. #ახალიამბები #BusinessMediaGeorgia
დღეს პარლამენტში ევროკავშირის ბაზარზე მცირე და საშუალო ბიზნესის გამოწვევებზე იმსჯელეს და ევროპასთან ინტეგრაციის კომიტეტის მიერ შექმნილ, თემატური მოკვლევის ჯგუფს მოუწმინეს. რა ტიპის პრობლემების იდენტიფიცირება მოხდა, რა გამოწვევები აქვს კერძო სექტორს და როგორ აპირებს მთავრობა ბიზნესის დახმარებას? #ახალიამბები #BusinessMediaGeorgia
საქართველოს ბაზარი ვირტუალური მობილური ოპერატორებისთვის იხსნება. ვირტუალური ოპერატორი - ეს არის მობილური მომსახურების მიმწოდებელი ისეთი კომპანია, რომელსაც შეუძლია საკუთარი ქსელის გარეშე, შესთავაზოს აბონენტებს ტრადიციული მობილური მომსახურება. მაგთიკომს, სილქნეტსა და “ვიონ საქართველოს” კი ექნებათ ვალდებულება ეს კომპანიები საკუთარ ინფრასტრუქტურაზე დაუშვან. რეფორმა 2021 წლიდან ამოქმედდება - რას შეცვლის სიახლე კომპანიებისთვის და რას შეცვლის მომხმარებლისთვის? #ახალიამბები #BusinessMediaGeorgia
რა სიახლეებს და ვალდებულებებს აერთიანებს საფინანსო სექტორისთვის, ეროვნული ბანკის სავალუტო ბაზრის რეფორმა,რომლის პრეზენტაციაც დღეს შედგა. სების ცნობით, რეფორმა ორ მნიშვნელოვან კომპონენტს მოიცავს და საუკეთესო საერთაშორისო პრაქტიკას ეფუძნება. რეფორმის პირველი კომპონენტი, გლობალური სავალუტო კოდექსია, რომლის მიზანია, სავალუტო ბაზრის მონაწილეთა საქმიანობის წესის გამჭვირვალობის და კონკურენციის გაზრდა. ახალი მიდგომების დანერგვას თან ახლავს შესაბამისი ინფრასტრუქტურული ცვლილებები. ამიტომ რეფორმის მეორე შემადგენელი კომპონენტია ბლუმბერგის ახალი სავაჭრო პლატფორმის - Bmatch ამოქმედება. სტუმარი: გიორგი ლალიაშვილი - ფინანსური ბაზრების დეპარტამენტის უფროსი #ახალიამბები #BusinessMediaGeorgia
რა ბედი ეწევა “ჯანმრთელობის შესახებ კანონში ცვლილებებს”, რომელის დამტკიცების პროცეუდერები მოულოდნელად გადაიდო. რამდენიმე დღის წინ, პარლამენტის პლენარულ სხდომაზე კენჭისყრების პროცედურის დაწყებამდე რამდენიმე წუთით ადრე ცნობილი გახდა, რომ “ჯანმრთელობის დაცვის შესახებ” კანონში ცვლილებებს, რაზეც ჯანდაცვის კომიტეტზე კლინიკების წარმომადგენლებსა და ჯანდაცვის სამინისტროს შორის კონსენსუსი შედგა, არ დაამტკიცებდნენ. კონსესუსი, ჯანდაცვის სამინისტროსა და სამედიცინო სექტრს შორის არ არის ჩვეულებრივი მოვლენა, იმ პირობებში როცა ყველაზე დიდი მისკომუნიკაცია და დიალოგის უფსკრული სწორედ ამ მიმართულებაში, ასე ჩანს ყოველ შემთხვევაში… სტუმარი: არჩილ ჩუხრუკიძე -საქართველოს კარდიოლოგია ასოციაციის ვიცე-პრეზიდენტი #ახალიამბები #BusinessMediaGeorgia
ჯანდაცვის კომიტეტზე მთავრობის მიერ საკანონმდებლო ინიციატივის წესით წარმოდგენილ საქართველოს კანონის პროექტებში ცვლილებებს განიხილავენ, რომლის ავტორიც ჯანდაცვის სამინისტროა. კანონპროექტის მიღების შემთხვევაში კლინიკებისთვის დაწესებული რეგულაციური ტვირთი გამკაცრდება, რაც ჯარიმების, შემოწმებების სიხშირის გაზრდასა და ახალი რეგლამენტის დამტკიცებას უკავშირდება. რეგულაციების ზრდას კლინიკების წარმომადგენლები ეწინააღმდეგებიან და ამბობენ, რომ ცვლილებები არათანმიმდევრულია და მარეგულირებლის მხრიდან თვითნებური გადაწყვეტილებების მიღების რისკებს ზრდის; კლინიკების შეფასებით, ამ ცვლილებით კორუფციული რისკებიც იმატებს. როგორ მიმდინარეობდა პარლამენტში განხილვა და რა შედეგით დასრულდა? #ახალიამბები #BusinessMediaGeorgia
მომდევნო ერთი წლის განმავლობაში ყველა რეგუალციის მიღების პროცესი უნდა შევაჩეროთ, გაუქმდეს საკარანტინე რეჟიმი… ეს იმ საკითხების მოკლე ჩამონათვალია, რომელიც დღეს ბიზნესმა მთავრობის წამომადგენლებთან შეხვედრაზე დააყანეს. რა ითხოვს კერძოს სექტორი და რა სჭირდება მას? #ახალიამბები #BusinessMediaGeorgia
კორონავირუსით გამოწვეულ ნეგატიურ ეფექტზე ბი ემ ჯისთან ავტომობილების გამქირავებელი კომპანიებიც საუბრობენ. იმის გათვალისწინებით, რომ მათი ძირითადი კლიენტები ტურისტები იყვნენ შეკვეთები ფაქტორივად ნულს გაუტოლდა, შესაბამისად, ზოგიერთმა კომპანიამ კრიზისულ მდგომარეობას ვეღარ გაუძლო და ბაზარი დატოვა. ანუკა ჯოხაძე ესაუბრა დღეს ავტომობილების გაქირავების სერვისის მიმწოდებელ ქართულ კომპანიებს. რა ამბობენ ავტოგამქირავებლები, რამდენია ზარალი? #ახალიამბები #BusinessMediaGeorgia
მთავრობა უცხო ქვეყნის მოქალაქეებს, დისტანციურად, საქართველოდან მუშაობის შესაძლებლობას სთავაზობს. ეკონომიკის სამინისტროს ინფორმაციით, ქვეყნის ეტაპობრივი გახსნის სტრატეგიის ფარგლებში, მთავრობის საკოორდინაციო საბჭომ საქართველოში უცხო ქვეყნის მოქალაქეთა სპეციალური რეჟიმით შემოსვლის შესახებ გადაწყვეტილება მიიღო. პროექტი გათვლილია იმ უცხოელებზე, რომლებიც არიან თვითდასაქმებულები, მუშაობენ დისტანციურად ან შეუძლიათ, საკუთარი ბიზნესი მსოფლიოს ნებისმიერი წერტილიდან მართონ. ეკონომიკის მინისტრის თქმით, პროექტის ფარგლებში შემუშავდა განაცხადების მიღების პლატფორმა, რომლითაც გრძელვადიანი პერიოდით საქართველოში ყოფნის მსურველებს შეეძლებათ, რომ ისარგებლონ. ამავე თემაზე ნათია თურნავამ მთავრობის სხდომის შემდეგაც გააკეთა კომენტარი. არის თუ არა - ბიზნეს ვიზიტორების მოზიდვა ერთგვარი ალტერნატივა ტურისტების და რა პირობებებს სთავაზობს მთავრობა? #ახალიამბები #BusinessMediaGeorgia
ბიზნესის განვითარების პერსპექტივები და კრიზისიდან გამოსვლის შესაძლებლობები“ - ამ ფორმატში ბიზნესთან შეხვედრა ცოტა ხნის წინ დასრულდა, ღონისძიება ევროკავშირი-საქართველოს ბიზნეს საბჭოს ორგანიზებით გაიმართა. შეხვედრას მთავრობის წარმომადგენლებიც ესწრებოდნენ. რა პრობლემები დასვა ბიზნესმა და მიიღო თუ არა ხელისუფლების მხრიდან დაპირება რომ მათი მხრიდან ქმედით ნაბიჯები გადაიდგმება? სტუმარი: სანდრო ჭუმბურიძე - ევროკავშირი-საქართველოს ბიზნეს საბჭო; ხელმძღვანელი #ახალიამბები #BusinessMediaGeorgia
„გარკვეული პოზიტიური ნიშნები ჩვენს ეკონომიკაში უკვე გამოჩნდა და ტურისტული სექტორის მიღმა აქტივობები აშკარად გაზრდილია. ისევე, როგორც ფინანსურ სექტორში მაჩვენებლები არის საკმაოდ პოზიტიური. საგადასახადო შემოსავლების თვალსაზრისით, მიმდინარე ანგარიშის ბალანსის თვალსაზრისით. ეს ყველაფერი არის მხოლოდ და მხოლოდ იმის შედეგი, რომ ჩვენ, ქვეყანამ, ჩვენს მოქალაქეებთან ერთად მოვახერხეთ და დღესაც ვახერხებთ ვირუსის ეფექტურ მართვას. ეს არის გასაღები ეკონომიკის შემდგომი სწრაფი და ეფექტური აღდგენის“, - ეს განცხადება პრემიერ-მინისტრმა მთავრობის სხდომის დაწყებამდე გააკეთა. გიორგი გახარიას ტურიზმი მეტად არ უხსენებია დღეს, თუმცა მთავრობის სხდომის შემდეგ ტურიზმზე ისაუბრა ეკონომიკის მინისტრმა. #ახალიამბები #BusinessMediaGeorgia
პირველი მოსმენით დამტკიცებულ ცვლილებებს შრომის კოდექსში,რომელიც მათშორის მოიცავს შრომის ინსპექციის მანდატის გაფართოებას და დამატებითი უფლებების მინიჭებას, ბიზნესი კრიტიკულად აფასებს. კერძო სექტორში მიიღნევენ, რომ შრომის ინსპექცია სადამსჯელო ფუნქციებს იძენს. ბიზნესის კრიტიკას კანონპროექტის ავტორიც გამოეხმაურა, განცხადება სიახლეებზე ჯანდაცვის მინისტრმაც გააკეთა. #ახალიამბები #BusinessMediaGeorgia
„გადავარჩინოთ ტურიზმი“ - ამ სახელწოდებით აქცია-პერფორმანსი დღეს მთავრობის ადმინისტრაციასთან გაიმართა. აქციის ორგაიზატორებმა პრემიერ-მინისტრთან შეხვედრა მოითხოვეს. მთავარი მოთხოვნა კი ე.წ. მწვანე ზონის ქვეყნებთან საზღვრების გახსნა, 14 დღიანი კარანტინის გაუქმება და და რეგულარული ავიამიმოსვლის მაქსიმალურად სწრაფად აღდგენაა. ორგანიზატორების თქმით, მათ კარგად ესმით რისკები, რომელიც საზღვრების გახსნას ახლავს, მაგრამ ქვეყანა სულ ჩაკეტილი ვერ იქნება. #ახალიამბები #BusinessMediaGeorgia
პირველად ქართულ ტელესივრცეში კავკასუს ონლაინის ახალი მფლობელები კონტაქტზე გამოდიან. კომპანია “ნექსოლი” ის ჰოლდინგია, რომელსაც აზერბაიჯანელი ბიზნესმენი ნასიბ ჰასანოვი ფლობს და რომელმაც კავკასუს ონლაინის 49%-იანი წილი გასულ წელს შეიძინა. გარიგება ხმაურიანი და პრობლემატური გამოდგა. კომუნიკაციების კომისია ამბობს, რომ ტრანზაქცია მასთან არ შეთანხმდა და კავკასუს ონლაინის წილების პირვანდელ მდგომარეობაში დაბრუნებას ითხოვს, თუმცა, უშედეგოდ. ჰქონდა თუ არა მოლაპარაკებები “ნექსოლ ჰოლდინგს” კავკასუსის შესყიდვამდე კომუნიკაციების კომისიასთან და როგორ აფასებენ კომპანიაში ახალ კანონპროექტს, რომელიც საქართველოს მთავრობამ და კომუნიკაციების კომისიამ მოამზადეს. თემურ თაგიევი - Neqsol Holding-ის სტრაგეგიული განვითარების მიმართულების ხელმძღვანელი #ახალიამბები #BusinessMediaGeorgia
პანდემიის პირობებში თბილისის უძრავი ქონების ბაზარი მკვეთრად შემცირდა. აპრილ-ივნისში თბილისში რეალიზებული ბინების ჯამურმა ღირებულებამ $141 მილიონი დოლარი შეადგინა, რაც 2019 წელსთან შედარებით 66%-ით ანუ 272 მილიონი დოლარით ნაკლებია. სტუმარი: ირაკლი კილაურიძე - Colliers International Georgia-ს ხელმძღვანელი #ახალიამბები #BusinessMediaGeorgia
“ნუ მოკლავთ ტურიზმს”, “მუშაობა გვინდა”, “გახსენით საჰაერო საზღვრები”...რას ითხოვს ტურიზმის სექტორი? #ახალიამბები #BusinessMediaGeorgia
ივნისის თვეში თბილისის ბინების ტრანზაქციების ბაზრის 70% აღდგა - ამის შესახებ კოლიერსის კვლევაშია ნათქვამი. კვლევის მიხედვით, თბილისში 2020 წლის ივნისის თვეში 2,117 ბინის ტრანზაქცია განხორციელდა, რაც წინა თვესთან შედარებით თითქმის ორნახევარჯერ მეტია. ამასთან, კვლევის მიხედვით მოსალოდნელია ფასების მნიშვნელოვანი შემცირება, როგორც გასაქირავებელ, ისე გასაყიდ ქონებაზე. მეორე მხრივ, ამ შემცირებამ შესაძლოა გააჩინოს სპეკულატიური ინვესტორების ახალი ტალღა, რომლებიც კრიზისულ პერიოდში აქტიურდებიან. კიდევ რა ტენდენციას აჩვენებს კოლიერსის უძრავი ქონების ბაზრის მიმოხილვა? #ახალიამბები #BusinessMediaGeorgia
ისევ ელექტორუნული კომუნიკაციების შესახებ კანონი, რომელზეც საქართველოს პარლამენტის თავმჯდომარე არჩილ თალაკვაძე ირწმუნება, რომ დადგემილ ცვლილებებზე სექტორთან სამუშაო პროცესი მიმდინარეობს. როგორც თალაკვაძემ ბიუროს დღევანდელ სხდომაზე თქვა, "ყველა ცდილობს, მაქსიმალურად კონსესუსური ცვლილებები იქნას მიღებული". #ახალიამბები #BusinessMediaGeorgia
გერმანიაში სამუშაოდ წამსვლელი სტუდენტებისთვის, შესაძლოა, სპეციალური რეისი დაინიშნოს. ამის შესახებ ჟურნალისტებს ეკონომიკის მინისტრმა ნათია თურნავამ განუცხადა. სწორედ ამ მოთხოვნით, დღეს სტუდენტების ჯგუფმა მთავრობის ადმინისტრაციასთან აქციაც გამართეს. მათ დახმარება პრემიერისგანც ითხოვეს. #ახალიამბები #BusinessMediaGeorgia
სტუდენტები გერმანიაში ფრენების დანიშვნის მოთხოვნით ამ წუთებში კანცელარიასთან აქციას მართავენ. ისინი გერმანიაში ე.წ. საზაფხულო არდადეგებზე 3-თვიანი დასაქმების პროგრამაში მონაწილეობისთვის ავიარეისების დანიშვნას ითხოვენ. ახალგაზრდები პრემიერ-მინისტრს საკითხით დაინტერესებისკენ მოუწოდებენ. #ახალიამბები #BusinessMediaGeorgia
სავარაუდოდ ეს იდეა, სექტორში გაუთვითცნობიერებელი ადამიანის თავში დაიბადა -ასე აფასებს საქმის კურსთან საუბარში ენერგეტიკოსი არჩილ მამათელაშვილი მთავრობის ინიციატივას, რომლის მიხედვითაც სემეკმა შესაძლოა კომპანიებს 5%-ზე უფრო მეტი აქციების გასხვისება აუკრძალოს, ენერტიკოსი ფიქრობს, რომ ავტორები სავარაუდოდ კონტროლის მექანიზმის გაძლიერებას ცდილობენ სექტორზე, მაგრამ განაწილება-გადაცემის სექტოში ამის გაკეთება ნამდვილად უადგილოა. “აქ სექტრის კონტროლის კომპონენტი საკმაოდ მცირეა, იმ შემთხვევის გარდა თუ ფულადი ნაკადების და გენერაციის ობიექტების კონტრაქტების კონტროლი არაა მიზანი. სავარაუდოდ ეს იდეა, სექტორში გაუთვითცნობიერებელი ადამიანის თავში დაიბადა” -აცხადებს მამათელაშვილი. ხოლო კითხვაზე არსებობს თუ არა ანლოგიური შეთხვევევები უცხოეთში, ენერგეტიკოსი ამბობს, რომ გააჩნია სექტორის სტრუქტურას და იქაურ მიდგომას. თუმცა მამათელაშვილის განმარტებით ელექტროენერგიის სექტორში მნიშვნელოვანი მოვლენების გასაკონტროლებლად სრულიად საკმარისია გადაცემის და დისპეჩერიზაციის კონტროლი. “ეს ზღუდავს საკუთრების უფლებების რეალიზაციას და უკეშედეგი ექნება” - აცხადებს მამათელეაშვილი. #ახალიამბები #BusinessMediaGeorgia
ელექტრონული კომუნიკაციების შესახებ კანონპროექტის საბოლოო ვერსიაზე შეთანხმება მუღწეული ისევ არ არის. ბოლო დღეებია აქტიურად მიმდინარეობს პარლამენტში მხარეებს შორის შეხვედრები კანონპროეექტზე, რომელიც კომუნიკაციების კომისიას კომპანიებში სპეციალური მმართველის დანიშვნისა და მისთვის საკმაოდ დიდი უფლებამოსილების გადაცემას ითვალისწინებს. კანონპროექტის პარლამენტში განხილვას გასულ პარასკევს საკმაოდ დიდი ხმაური და დაპირისპირება მოჰყვა. მაგთიკომი, კავკასუს ონლაინი, სილქნეტი - ამ კომპამიების ხელმძღვანელმა პირებმა კანონოროექტი გააპროტესტეს და კომუნიკაციების კომისიას მისი შეცვლა ან უკან გაწვევა მოსთხოვეს. დღეს ჩანიშნული საკომიტეტო განხილვაც სწორედ იმიტომ გადაიდო, რომ მხარეები ისევ ვერ ჩამოყალიბდნენ. #ახალიამბები #BusinessMediaGeorgia
სემეკს ენერგოკომპანიებში 5%-ზე მეტი წილის გასხვისების პროცესის დაბლოკვის უფლება მიეცემა. პარლამენტში ინიცირებული კანონპროექტი, რომლის განხილვასაც მთავრობა დაჩქარებული წესით ითხოვს, სემეკის უფლებასმოსილებას აფრთოებს. მთავრობის შეფასებით ამგვარი ნორმის მიღება ქვეყნის ენერგეტიკულ ბაზარზე სტაბილურობის შენარჩუნებას შეუწყობს ხელს. განმარტებითი ბარათით ამ ცვლილების აუცილებლობა მომხმარებელთა უფლებების დაცვით არის ახსნილი. კანონპროექტი ბიუროს სხდომაზე დარეგისტრირდა. #ახალიამბები #BusinessMediaGeorgia
საკმაოდ მოულოდნელად, კომპანიების წარმომადგენელთა ასოციაციის აღმასრულებელმა დირექტორმა ირაკლი მარგველაშვილმა საკმაოდ ხმაურიანი განცხადებები გააკეთა იმასთან დაკავშირებით, რომ საერთაშორისო ფარმაცევტული კომპანიები საქართველოში წარმომადგენლობებს ხურავენ. ის ასახელებს ისეთ უმსხვილეს საერთაშორისო კომპანიებს, როგორებიცაა Glaxo, Sandoz, astellas pharma. რა არის ამის მიზეზი - COVID-19-ის გავლენა, რის შედეგადაც დიდი კომპანიებისთვის საქართველოს ბაზარი ნაკლებად მიმზიდველი გახდა თუ რაიმე სხვა პრობლემა, რაც უშუალოდ ბაზარზე კონკურენციას ან სხვა სტრუქტურულ საკითხს უკავშირდება? სტუმარი: ირაკლი მარგველაშვილი - ფარმაცევტული კომპანიების წარმომადგენელთა ასოციაციის აღმასრულებელი დირექტორი #ახალიამბები #BusinessMediaGeorgia
თბილისის მერიის გადაწყვეტილებით, რიგ ტერიტორიებზე „დედაქალაქის მიწათსარგებლობის ახალი გენერალური გეგმის“ მიხედვით განსაზღვრული შეზღუდვები მოიხსნა. მერიის შესაბამისი გადაწყვეტილება გუშინ ურბანული სამსახურის ხელმძღვანელმა გააჟღერა. ვიქტორ წილოსანმა თქვა, რომ გარკვეულ ტერიტორიებს შეზღუდვის ზონები ახალი გენერალური გეგმის მიხედვით ედო და ადამიანებს თავიანთ მიწის ნაკვეთებზე არ ჰქონდათ განვითარების საშუალება. წილოსანის გუშინ გაკეთებულ განცხადებაზე განმარტებები მერიაში დღესაც გაკეთდა. რეალურად ხდება თუ არა ძველი გენ გეგმის დაბრუნება, რას ამბობენ თავად დოკუმენტის ავტორები და რით ხსნიან მერიაში მიღებულ გადაწყვეტილებას? #ახალიამბები #BusinessMediaGeorgia
ტურისტული კომპანიების წარმომადგენლები საპროტესტო აქციას გეგმავენ, -აქცია 15 ივლისს გაიმართება, როგორც კოპანიების წარმომადგენლები საქმის კურსთან საუბარში ამბებენ, პროტესტი მშვიდობიანი იქნება და პოლიტიკური პარტიების გარეშე ჩაივლის. რაც შეეხება მოთხოვნებს ესაა რეგულარული საჰაერო რეისების გახსნა და საკარანტინო ზომების გაუქმება. #ახალიამბები #BusinessMediaGeorgia
საქართველოს მთავრობის გადაწყვეტილებით, წელს რთველის სუბსიდია ისევ განხორციელდება და რქაწითელსა და კახური მწვანეს ჯიშის ყურძნის მინიმალური ფასი 80 თეთრი იქნება. ამის შესახებ მთავრობის სხდომაზე პრემიერ-მინისტრმა გიორგი გახარიამ განაცხადა. მისი თქმით, უკვე გამოყოფილია ბიუჯეტი და სოფლის მეურნეობის სამინისტროს დავალება აქვს მიღებული. გახარიას თქმით, საჭიროების შემთხვევაში შესყიდვებში სახელმწიფოც ჩაერევა. მთავორბის სხდომაზე ასევე ითქვა, რომ ქვეყნების სია, რომელთანაც საზღვრები გაიხნა, გაფართოვდება და მთარობა გადაწყვეტილებებს ყოველ ორ კვირაში მიიღებს. სხდომის დასრულების შემდეგ, ჟურნალისტების შეკითხვებს, სოფლის მეურეობის და საგარეო საქმეთა მინისტრებმა უპასუხეს. #ახალიამბები #BusinessMediaGeorgia
თბილისის მერიის გადაწყვეტილებით, რიგ ტერიტორიებზე „დედაქალაქის მიწათსარგებლობის ახალი გენერალური გეგმის“ მიხედვით განსაზღვრული შეზღუდვები მოიხსნა. გარკვეულ ტერიტორიებს შეზღუდვის ზონები ხალი გენერალური გეგმის მიხედვით ედო და როგორც დედაქალაქის ურბანული განვითარების სამსახურის უფროსმა, ვიქტორ წილოსანმა განაცხადა ადამიანებს თავიანთ მიწის ნაკვეთებზე არ ჰქონდათ განვითარების საშუალება. შესაბამისი დოკუმენტები საკრებულოში უკვე გადაგზავნილია, როდის გაიმართება მსჯელობა საკითხზე, როგორ აფასებს ახალი გენერალური გეგმის ავტორი მერიის გადაწყვეტილებას? #ახალიამბები #BusinessMediaGeorgia
შიდა ტურიზმის გახსნის მიუხედავად დატვირთულობა სხვადასხვა ობიექტებზე სასურველისგან ძალიან შორსაა, სექტორი უცხოელი ვიზიტორების მოლოდინშია და ეს პროცესი საკმაოდ კომპექსურია.... ეპიდსიტვაცია, სახელმწიფოების მზაობა გახსნან საზღვრები, ტურისტების ქცევა, კერძო სექტორის შესაბამისი მობილიზება, სერვისები, ინფრასტრუქტურა და ასე შემდეგ. როგორ მუშაობს ტურიზმის სფერო, რა მოლოდინები აქვს? სტუმარი: ლაშა პაპაშვილი - ბიზნესმენი #ახალიამბები #BusinessMediaGeorgia