"ენგურჰესის" ხელმძღვანელის ლევან მებონიას ინფრმაციით, "ენგურჰესი" გვირაბის რეაბილიტაციისთვის 2019 წელს გაჩერდება. მისი თქმით, ჰესის სარეაბილიტაციო სამუშაოები დაახლოებით 2019 წლის თებერვლის ბოლოს დაიწყება და ივნისის დასაწყისამდე გაგრძელდება. რაც შეეხება ხარჯებს, მებონიას ინფორმაციით, ამ ეტაპზე სარეაბილიტაციო სამუშაოებისთვის 18 მილიონი ლარია გათვალსწინებული. დუშეთის მუნიციპალიტეტში ახალი ჰესი აშენდება. ბოდორნაჰესს კომპანია „ჯორჯიან უოთერ ენდ ფაუერი“ აშენებს. კომპანია ე.წ „მწვანე“ ჰესის მშენებლობისთვის 10 მლნ ლარის ინვესტიციას ახორციელებს. ჰიდროელექტროსადგურის დადგმული სიმძლრავე 2.5 მგვტ-ია, ხოლო საშუალო წლიური გამომუშავება - 15 მლნ.კვტ/სთ. პროექტის განხორციელბის პროცესში 50-ზე მეტი ადამიანია დასაქმებული. KPMG ე.წ „ამწეების ინდექსს“ აქვეყნებს, რომელშიც 2017 წლის მეოთხე კავრტალში თბილისში განხორციელებული მშენებლობებია გაანალიზებული. საანგარიშო პერიოდში ყველაზე მეტი მშენებლობა ვაკეში მიმდინარეობდა. მას მოსდევს საბურთალო, ისანი-სამგორი, ნაძალადევი და გლდანი. ჯამში მშენებლობების 50% ვაკე-საბურთალოზე მოდის. წლის პირველ კვარტალთან შედარებით, მასშტაბური მშენებლობების რაოდენობა თბილისში 9,3%-ით გაიზარდა. ნოემბერში ხაჭაპურის ინდექსი გაიზარდა და სტანდარტული იმერული ხაჭაპურის გამოცხობის ფასმა 3,70 ლარი შეადგინა. ISET-ის ხაჭაპურის ინდექსის მიხედვით, ინდექსი წინა თვესთან შედარებით, 1,8%-ით გაიზარდა, წლიურად კი 7,1%-ით. ხაჭაპურის გამოსაცხობად საჭირო ინგრედიენტების ფასი ნოემბერში შემდეგნაირად გაიზარდა: ყველის ფასი 2,3%-ით გაიზარდა, 3,4%-ით გაძვირდა კვერცხი, 2%-ით გაძვირდა ფქვილი, კარაქის ფასი კი 2,5%-ით გაიზარდა, ხოლო რძის ფასმა 0,7%-ით მოიმატა.
საქართველოში ენერგორესურსების ყველაზე დიდი მომხმარებელია ტრანსპორტის სექტორი, რომელზეც მოდის მთლიანი მოხმარების 35,5%. სტატისტიკის სამსახურის მონაცემებით, 2016 წელს მოხმარებული ენერგორესურსების 29,4% მოდის შინამეურნეობებზე, 17,9% - მრეწველობაზე, 2,6% - მშენებლობაზე, სოფლის, სატყეო და თევზის მეურნეობაზე 0,7%, ხოლო დარჩენილი 13,9% - კერძო და სახელმწიფო მომსახურების სხვა დარგებზე ნაწილდება. საქართველოში ელექტროენერგიის წარმოება 2016 წელს, წინა წელთან შედარებით 6,8%-ით გაიზარდა. შრომის, ჯანმრთელობისა და სოციალური დაცვის სამინისტროს 2017 წლის ბიუჯეტის გეგმა 2 მილიონი ლარით გაიზარდა . ზრდა ძირითადად ჯანდაცვის პროგრამების დაფინანსებამ განაპირობა, რომელთა დაფინანსება ჯამში 41 მილიონი ლარით გაიზარდა. აღნიშნული თანხიდან 40 მილიონი საყოველთაო ჯანდაცვის პროგრამას დაემატა. ამ ეტაპზე საყოველთაო ჯანდაცვის პროგრამის ბიუჯეტში 35 მილიონი ლარი დარჩა დასახარჯი. საყოველთაო ჯანდაცვის დაფინანსება სოციალური დახმარების პროგრამებში გაკეთებული ეკონომიის ხარჯზე გაიზარდა. ნოემბერში სახელმწიფო ვალის მოცულობა 871 მლნ ლარით გაიზარდა და 17.3 მილიარდი ლარი შეადგინა. ნოემბერში გაიზარდა როგორც საგარეო სახელმწიფო ვალი, ასევე საშინაო სახელმწიფო ვალი. დოლარში გამოსახული საგარეო სახელმწიფო ვალი 61 მლნ დოლარით, ხოლო ლარში გამოსახული საგარეო ვალი 844 მლნ ლარით გაიზარდა. მსოფლიში ყველაზე ძირადღირებული სახლი მილიარდ დოლარად იყიდება. სახლი საფრანგეთში მდებარებს და 1830 წელს აშენდა. მასში 10საძინებელი ოთახი და ოლიმპიურიზომის საცურაო აუზი მდებარეობს. უძრავი ქონება 1920 წლიდან მარნიერების ოჯახის საკუთრებაა, რომლებმაც უფრო მცირე ზომის ბინაში გადასვლა გადაწყვიტეს.
Legatum Institute-ის კეთილდღეობის ინდექსში საქართველო მსოფლიოს 149 ქვეყანას შორის 84-ე ადგილს იკავებს. გასულ წელთან შედარებით, საქართველოს პოზიცია რეიტინგში არ შეცვლილა. რეიტინგის მაჩვენებლები მსოფლიოს სხვადასხვა კვლევით ორგანიზაციებზე დაყრდნობით ჯამდება. მათ შორის: Gallup-ის, მსოფლიო ჯანდაცვის ორგანიზაციის და Freedom House-ის. რეიტინგში საქართველოს საუკეთესო შედეგები განათლებისა და სახელმწიფო მმართველობის კომპონენტში აქვს, ყველაზე ცუდი კი სოციალური კაპიტალის. საქართველო რეიტინგში ყველა მეზობელ ქვეყანას უსწრებს. შედარებისთვის - თურქეთი მსოფლიოში 88-ე ადგილზეა, სომხეთი 96-ზე, რუსეთი 101-ზე, ხოლო აზერბაიჯანი კი 106-ზე. ამერიკის ცენტრალური სადაზვერვო სამსახურის მონაცემებით, საქართველო მსოფლიოში იმპორტის მოცულობით 108-ე ადგილზეა. გასულ წელს იმპორტის მოცულობამ ქვეყანაში $6,6 მილიარდი შეადგინა.მსოფლიოში ყველაზე მსხვილი მოცულობის იმპორტს ამერიკის შეერთებული შტატები ახორციელებს და მას სიაში ჩინეთი მოსდევს. გასულ წელს საქართველოს საიმპორტო ჯგუფებში პირველი ადგილი ნავთობს ეკავა. საქართველომ ნოემბერში ტურიზმიდან 170 მლნ დოლარის შემოსავალი მიიღო, რაც წინა წლის ანალოგიურ პერიოდთან შედარებით, 24 მლნ დოლარით გაზრდილი მაჩვენებელია. ჯამში წლის 11 თვეში ტურიზმიდან მიღებულმა შემოსავლებმა 2,5 მლრდ დოლარი შეადგინა. წლის განმავლობაში ტურიზმიდან მიღებული შემოსავალი ყველაზე მაღალი აგვისტოში იყო და 395 მლნ დოლარს შეადგენდა. "ნაბეღლავი" ჩინეთის ბაზარზე გავიდა. კომპანია "წყალი მარგებელის" ექსპორტის მენეჯერი საქმის კურსთან ამბობს, რომ პირველი კონტეინერი ჩინეთში დაახლოებით 1 თვის წინ გაიგზავნა. კომპანია ჩინურ ბაზარზე გააქტიურებას და სხვა პროდუქტების შეტანას მომავალი წლიდან გეგმავს. მუშაობა აქტიურდება ირანის მიმართულებითაც, თუმცა, აქ დაბრკოლებას მაღალი საბაჟო გადასახადები ქმნის.
Marriott 3-4 წელში საქართველოში 7 ახალი სასტუმროს მართვაში შესვლას გეგმავს. კომპანიის რეგიონალურმა ვიცე-პრეზიდენტმა „საქმის კურსთან“ საუბრისას განაცხადა, რომ Marriott-ს საქართველოში ყველაზე მსხვილი სასტუმრო ოპერატორის სტატუსის მოპოვება სურს. ამასთან კომპანიის ვიცე პრეზიდენტი ამბობს, რომ მათ გეგმაშ შედის, როგორც შედარებით დაბალფასიანი ასევე პრემიუმ კლასის სეგმენტის დაკავება. მომდევნო სასტუმროს მარიოტი თბილისშ მოქსის ბრენდის ქვეშ გახსნის. საქართველოში დაქირავებით დასაქმებულთა საშუალო ხელფასი 1069 ლარია. ყველაზე მაღალი ხელფასი სამშენებლო, ხოლო ყველაზე დაბალი კი განთლების სექტორში ფიქსირდება. სტატისტიკის სამსახურის მონაცემებით სამშენებლო სექტორში საშუალო ანაზღაურება თვეში 1999 ლარს შეადგენს, ხოლო განათლების სექტორში კი საშუალო ანაზღაურება 565 ლარია. სახელმწიფო მმართველოში ანაზღაურება 1296 ლარია. თბილისის ზღვაზე ახალ ზოოპარკს დამთვალიერებლების მიღება, სავარაუდოდ, ზაფხულში შეეძლება. ზოოპარკის დირექტორი ზურაბ გურიელიძე საქმის კურსთან აცხადებს, რომ თბილისის მერიასთან საუბარი ჯერ არ ჰქონიათ, თუმცა, მათი გეგმაა, რომ კავკასიური ექსპოზიცია ზაფხულში გაიხსნას. საუბარია დაახლოებით 10 ჰა. ტერიტორიაზე. ზურაბ გურიელიძის თქმით, ადგილზე წარმოდგენილი იქნებიან ირმები, დათვები, მგლები და ფოცხვერები. კომპანია Walt Disney-მ უკვე ოფიციალურად განაცხადა, რომ 21st Century Fox-ს 52,4 მილიარდ დოლარად ყიდულობს. შეთანხმების შედეგად, Disney ასევე ყიდულობს Fox-ის კუთვნილ რამდენიმე აქტივს: Sky -ს 39%-ს, ასევე კინოინდუსტრიას 20th Century Fox, ტელეარხ National Geographic-სა და კომპანიის სხვა ქვეყნებში არსებულ მედიაკომპანიებს.
წინანდალში სასტუმრო „რადისონის“ გარდა „სილქ როუდ ჯგუფი“ კიდევ ერთ სასტუმროს ააშენებს. „სილქ როუდ ჯგუფის“ უძრავი ქონების პროექტების განვითარების ხელმძღვანელმა განაცხადა, რომ საუბარია ეკონომ კლასის სასტუმროზე. მისივე სასტუმრო 70-ნომრიანი იქნება და თუ „რადისონი“ მაღალი კლასის დამსვენებლს მოიზიდავს, მეორე სასტუმრო საშუალო სეგმენტზე იქნება ორიენტირებული. კოოპერატივ "მუხურის ფუტკარის" გამგეობის თავმჯდომარე ბაზარზე თაფლის ფალსიფიცირების პრობლემაზე საუბრობს. როგორც მან საქმის კურს სგანუცხადა, მისი ინფორმაციით თბილისში გასაყიდად გამოტანილი 10 თაფლიდან 9 ფალსიფიცირებულია. ფერმერს სურსათის ეროვნული სააგენტო პასუხობს და აცხადებს, რომ ყოველწლიურად რიგაში 100-ზე მეტი ნიმუში იგზავნება და ბოლო მონაცემებით, მხოლოდ 18 მათგანში აღმოჩნდა დარღვევები. აშშ-ის ენერგეტიკულმა საინფორმაციო სააგენტომ ნავთობის ფასის პროგნოზი გაზარდა. ნავთობპროდუქტების იმპორტიორთა კავშირის მონაცემებით, 2018 წელს სააგენტო პროგნოზირებს Brent-ის მარკის ნავთობის საშუალო ფასს 57,26 დოლარის ფარგლებში ბარელზე, რაც აღემატება ნოემბრის თვის პროგნოზს, რომელიც შეადგენდა 55,61 დოლარს/ბარელზე. ამასთან, ორგანიზაციამ, უცვლელი დატოვა 2017 წელს აშშ-ში ნავთობის მოპოვების პროგნოზი