"სილქნეტი" "ჯეოსელს" ყიდულობს. გარიგების ღირებულება 153 მილიონი დოლარია. კომპანია “სილქნეტის” ინფორმაციით, დაფინანსება თიბისი ბანკის მიერ, ადგილობრივ და რეგიონალურ ბანკებთან ერთად მობილიზებული სინდიცირებული თანხითა და „სილქნეტის“ კაპიტალით მოხდა.
საქართველოში კიდევ ერთი ღრმაწყლოვანი პორტი აშენდება და მას ფოთის ახალი ტერნინალების კონსორციუმი ააშენებს. როგორც კონსორციუმის ხელმძღვანელი საქმის კურსთან საუბარში აცხადებს პირველ გემს პორტი 2020 წელს მიიღებს, ხოლო ინვესტიციის მოცულობა ამ ეტაპზე დაახლოებით 100 მილიონი დოლარია, თუმცა ეს თანხა შესაძლოა დროთა განმავლობაში კიდევ გაიზარდოს. ახალი ტერმინალის ფუნქციის, სამომავლო გეგმებისა და ზოგადად ღრმაწყლოვანი პორტის აუცილებლობაზე, ფოთის ახალი ტერმინალების კონსორციუმის თავმჯდომარეს ჩვენი ჟურნალისტი ელენე ჩომახიძე ესაუბრა. 29.01.2018
ცვლილებები "შეღავათიანი აგროკრედიტის“ პროექტში. ძირითადი საშუალებებისთვის კომპონენტს დაემატა ორი ახალი ქვეკომპონენტი: შეღავათიანი აგროკრედიტი სასოფლო-სამეურნეო დანიშნულების მექანიზაციისთვის და შეღავათიანი აგროლიზინგი სასოფლო-სამეურნეო დანიშნულების მექანიზაციისთვის. გარემოს დაცვისა და სოფლის მეურნეობის მინისტრ ლევან დავითაშვილის განცხადებით, ახალი კომპონენტების დამატება განპირობებულია იმით, რომ ერთ-ერთი ყველაზე მნიშვნელოვანი საჭიროება, რომელიც საქართველოში ფერმერებს გააჩნიათ სოფლის მეურნეობის მექანიზაციის ხელმისაწვდომობას უკავშირდება. სტუმარი: გიორგი ჯიბლაძე - სოფლის მეურნეობის პროექტების მართვის სააგენტოს დირექტორის მოადგილე 29.01.2018
მაშინ როცა მოძრაობა “თეთრი ხმაური” ხელისუფლებას ცუნამის უანონსებს, სასამართლო ხელისუფლება მეოთხე ტალღისთვის ემზადება. წინა სამი ტალღა ეტყობა შტორმში ჩაიკარგა. “სასამართლო რეფორმის მეოთხე ტალღის მიზანია, სასამართლო განიტვირთოს და საქმეების განხილვა უფრო სწრაფად მოხდეს”, - ამ განცხადების ავტორი ეკა ბესელიაა. სწორედ იურიდიულ საკითხთა კომიტეტი მუშაობს სასამართლოს რეფორმის მეოთხე ტალღაზე. ბესელიას თქმით, ამ კანონპროექტით შესაძლებლობა ჩნდება, მოხელე, რომელსაც მარტივი კატეგორიის საკითხების გადაწყვეტა შეეძლება, ასისტენტ მოსამართლის ფუნქციით დაიტვირთოს. გარდა ამისა, ჩნდება მოხელის ცნება, რომელიც ასისტენტ მოსამართლის ფუნქციით დაიტვირთება და მარტივი კატეგორიის საკითხების გადაწყვეტა შეეძლება.
როგორ და რას შეცვლის კომუნიკაციების ქართულ ბაზარზე აღნიშნული გარიგება. მცირდება თუ იზრდება კონკურენცია და რამდენადაა მოსალოდნელი ტარიფების ზრდა. სტუმარი: ხატია ყურაშვილი - კომუნიკაციების მარეგულირებელი კომისიის ყოფილი პრეს-სპიკერი
1 მაისიდან საქართველოს ენერგეტიკის სექტორში ცვლილებების მორიგი ეტაპი დაიწყება. მანამდე დარჩენილ 3 თვეში კი კერძო სექტორი თამაშის ახალ წესებს უნდა გაეცნოს და მიიღოს კიდეც. ამ ეტაპზე მთავრობსთან დიალოგის რეჟიმია, სადაც აქტიურად მონაწილეობენ საქართველოს განახლებადი ენერგიების ასოციაციის წევრი კომპანიები. 29.01.2018
როგორი იყო 2017 წელი დიდი ბირტანეთის ეკონომიკისთვის და რატომ ითხოვს დონალდ ტრამპი 25 მილიარდ დოლარს კონგრესისგან.
გერმანიის მთავრობის მხარდაჭერით, ღვინის ეროვნულ სააგენტოში ქართული ღვინის განვითარების სტრატეგია მომზადდა. სტუმარი: გიორგი სამანიშვილი - ღვინის ეროვნული სააგენტოს ხელმძღვანელი
მედიკამენტებზე ანოტაციის ქართულად დართვა, შესაძლოა, სავალდებულო გახდეს. ნორმების დარღვევა კი გამოიწვევს აფთიაქების და სპეციალიზირებული სავაჭრო ობიექტების დაჯარიმებას 500 ლარის ოდენობით. თბილისის მუნიციპალიტეტის საკრებულოს საკანონმდებლო წინადადების განხილვა გუშინ პარლამენტის ჯანდაცვის კომიტეტში გაიმართა, სადაც კომიტეტის წევრები შეთანხმდნენ სამუშაო ჯგუფის შექმნის თაობაზე, რომელიც ამ საკითხზე დეტალურად იმსჯელებს. ჯანდაცვის სამინისტროს წარმომადგენელის თქმით, ცვლილების საკანონმდებლო დონეზე განხორციელება აუცილებელი არ არის. ხარჯების ზრდაზე საუბრობს ბიზნესასოციაციაც. სტუმარი:ირაკლი მარგველაშვილი - “საქართველოში ფარმაცევტული კომპანიების წარმომადგენელთა ასოციაციის“ დირექტორი
როდესაც ტვირთბრუნვის მონიტორინგთან დაკავშირებით შეთანხმება გაფორმდა, ამ პროცესში ჩართული იყო ზურაბ ჭიაბერაშვილი, რომელიც 2011 წელს შვეიცარიაში საქართველოს ელჩის თანამდებობაზე მუშაობდა. სტუმარი: ზურან ჭიაბერაშვილი - „ევროპული საქართველო“
უხეში ინტერპრეტაცია რუსეთ-საქართველოს შორის 2011 წელს ტვირთბრუნვის მონიტორინგზე გაფორმებულ შეთანხმებასთან დაკავშირებით - რუსეთის საგარეო საქმეთა მინისტრის მოადგილემ გრიგორი კარასინმა შვეიცარიული კომპანიის შუამავლობით გაფორმებულ ხელშეკრულებაზე რუსული კომერსანტისთვის მიცემულ ინტერვიუში ისაუბრა. მან ცალმხრივად წარმოაჩინა 2011 წელს გაფორმებული დოკუმენტი. აღსანიშნავია, რომ ის ჯერ კიდევ არ ამოქმედებულა, რადგან საიმპლემენტაციო ხელშეკრულებაზე შვეიცარიულ კომპანია „ეს ჯი ეს“-სთან ხელი მხოლოდ ქართულმა მხარემ მოაწერა. რუსეთი ამ დრომდე თავს იკავებს.
საქართველოს ეროვნულ ბანკს ზედამხედველობის ბერკეტები გაეზარდა. გასული წლის დეკემბერში პარლამენტის მიერ მიღებული კანონთა პაკეტის თანახმად, ეროვნულ ბანკს მიეცა უფლებამოსილება ზედამხედველობა განახორციელოს არა მხოლოდ ცალკეულ საბანკო დაწესებულებაზე, არამედ მთლიანად საბანკო ,,ჰოლდინგებზე“. გარდა ამისა, საკანონმდებლო დონეზე განისაზღვრა მიკროსაფინანსო და სხვა იმ საკრედიტო ორგანიზაციების საქმიანობის და რეგულირების ჩარჩოები, რომლებიც ამა თუ იმ ფორმით მოსახლეობისგან მოიზიდავენ ფულად სახსრებს. სტუმარი: საქართველოს ეროვნული ბანკის ვიცე-პრეზიდენტი
მთავრობა ბუნებრივი რესურსების და წიაღის რეფორმას იწყებს,- ამის შესახებ მთავრობის სხდომაზე გიორგი კვირკაშვილმა განაცხადა. მისივე თქმით, “ევროპის რეკონსტრუქციისა და განვითარების ბანკის დახმარებით, მუშაობა იწყება სრულიად ახალ მიდგომაზე, რომელიც ითვალისწინებს დაბალანსებულ მიდგომას როგორც წიაღის უფრო ეფექტურად გამოყენების ისე, გარემოსდაცვითი ასპექტების მაქსიმალურად გათვალისწინების მიმართულებით. სტუმარი: მაია ზავრაშვილი - წიაღის ეროვნული სააგენტოს ხელმძღვანელი
4000ზე მეტი დასაქმებული ადამიანი, 500 სახეობის პროდუქტი, 220 სავაჭრო ობიექტი - ეს ის მახასიათებლებია, რითაც კომპანია ნიკორა საქართველოს ბაზარზე უკვე 20 წელია ოპერირებს. სულ ცოტა ხნის წინ კომპანიის 4000 თანამშრომელი ნიკორას აქციონერი გახდა.
მედიკამენტებზე ანოტაციის ქართულად დართვა, შესაძლოა, სავალდებულო გახდეს. განმარტებითი ბარათის მიხედვით, კანონპროექტის მიღების მიზანია, ისეთი სამართლებრივი რეგულაციის შემოღება, რომლითაც მოხდება მომხმარებლისთვის მედიკამენტის ანოტაციაზე დატანილი ინფორმაციის სახელმწიფო ენაზე მიწოდება. ნორმების დარღვევა გამოიწვევს დაჯარიმებას 500 ლარის ოდენობით. შესაბამისი კანონპროექტი საქართველოს პარლამენტში თბილისის საკრებულომ გასული წლის ბოლოს შეიტანა და მისი განხილვა დღეს ჯანდაცვის კომიტეტზე გაიმართა, სადაც მომხსენებლი „ახალგაზრდა კანონმდებლების“ თავმჯდომარე თევდორე კობახიძე იყო. სტუმარი: თედო კობახიძე - ააიპ „ახალგაზრდა კანონმდებლების“ თავმჯდომარე
Crowdfunding როგორც დაფინანსების მოძიების ალტერნატიული წყარო დღეისათვის მსოფლიოში დაფინანსების ტრადიციულ მეთოდების ერთ-ერთ მთავარ და თანამედროვე ალტერნატივად ითვლება. მისი გამოყენება პირველად დაიწყეს ამერიკის შეერთებულ შტატებში 2003 წელს, მაგრამ 2015 წლის მონაცემებით ის უკვე ხუთივე კონტინენტზე გამოიყენება. რამდენად ცნობადია და რამდენად ხშირად გამოიყენება Crowdfunding საქართველოში, რა ტიპის ქრაუდ ფანდინგებია ჩვენთან პოპულარული, როგორია საკანონმდებლო ბაზა და რა არის გასაკეთებელი მისი პოპულარიზაციისთვის. სტუმარი: ავთანდილ კასრაძე - საქართველოს ინოვაციების და ტექნოლოგიების სააგენტოს თავმჯდომარის მოადგილე
„საქართველო, როგორც ტრანზიტული ჰაბი და მისი გაზრდილი პოტენციალი აბრეშუმის გზის ინიციატივის განხორციელების პროცესში”, - რამდენიმე საათის წინ PMCG-ის ახალი კვლევის პრეზენტაცია გაიმართა, რომლის მიზანი იყო, გამოკვეთოს საქართველოს პოტენციალი აბრეშუმის გზის ინიციატივის (Belt and Road Initiative) განხორციელების პროცესში. ასევე, აუცილებელი ნაბიჯები, რომლებიც საქართველომ უნდა გადადგას ქვეყნის მიმართ ინტერესის გაძლიერებისთვის. სტუმრები: გიორგი ხიშტოვანი - PMC კვლევითი ცენტრის დირექტორი; მარიამ ზაბახიძე - PMC კვლევითი ცენტრის მკვლევარი.
საგაზაფხულო სესიის დღის წესრიგის საკითხები და გეგმები. სტუმარი: რომან კაკულია - დარგობრივი ეკონომიკის და ეკონომიკური პოლიტიკის კომიტეტის თავმჯდომარე
“ის იქნება ბიზნესის ხმა ხელისუფლებაში“, - ამ სიტყვებით წარადგინა მთავრობის დღევანდელ სხდომაზე პრემიერ-მინისტრმა ირაკლი ლექვინაძე ბიზნესომბუდსმენის პოზიციაზე და წარმატებები უსურვა. კვირიკაშვილი დარწმუნებულია, რომ ლექვინაძე იქნება ძალიან მნიშვნელოვანი რგოლი ბიზნესსა და ხელისუფლებას შორის ურთიერთობაში. შეგახსენებთ, ბიზნესომბუდსმენის მოვალეობას ამ დრომდე ზურაბ ძნელაშვილი ასრულებდა. სტუმარი: ირაკლი ლექვინაძე - ბიზნესომბუდსმენი
საქართველოში სოფლის მეურნეობის განვითარებისთვის, ევროკავშირის მხარდაჭერით, 12 მილიონი ევროს ღირებულების პროექტი იწყება. გარემოს დაცვისა და სოფლის მეურნეობის მინისტრმა ლევან დავითაშვილმა და გაერო-ს სურსათისა და სოფლის მეურნეობის ორგანიზაციის (FAO) წარმომადგენელმა საქართველოში, რაიმუნდ იელემ ევროკავშირის ENPARD-ის III ფაზის ფარგლებში სოფლის მეურნეობის განვითარების ხუთწლიანი პროექტის განხორციელების შეთანხმებას ხელი მოაწერეს. სტუმარი:რაიმუნდ იელეა - FAO-ს წარმომადგენელი საქართველოში
საქართველოს რეგიონული განვითარებისა და ინფრასტრუქტურის მინისტრი ზურაბ ალავიძე დღეს „ევროკავშირი–საქართველოს ბიზნეს საბჭოს“ დირექტორთა საბჭოსა და წევრი კომაპნიების წარმომადგენლებს შეხვდა. მინისტრმა ბიზნეს სექტორს ქვეყნის ინფრასტრუქტურისა და რეგიონების განვითარების მიმართულებით არსებული ვითარება და 2018–20 წლებისთვის დაგეგმილი მნიშვნელოვანი პროექტები გააცნო.
საქართველო-ჩინეთის სავაჭრო - ეკონომიკური ურთიერთობები რიცხვებში და არსებული ტენდენცია.
კონკურენციის სააგენტომ „სიტროენ ჯორჯიას“ საჩივარი ნაწილობრივ დააკმაყოფილა. ნოდარ ხადურის უწყება მიუთითებს, რომ მოკვლევის დაწყების საფუძველი არ არსებობს და საჩივარი დაუშვებლად უნდა იქნეს ცნობილი, „კონკურენციის შესახებ“ საქართველოს კანონის მე-10 მუხლის ნაწილში. ასევე, კონკურენციის სააგენტომ მიიღო გადაწყვეტილება დაიწყოს მოკვლევა მოპასუხეების, „სტრადა მოტორსის“, „იბერია ავტოს“, „ჰიუნდაი ავტო საქართველოს“, „კია მოტორს ჯორჯიას“, „ჯი-თი მოტორსის“ და „ფრანს ავტოს“ მიერ „კონკურენციის შესახებ“ საქართველოს კანონის მე-7 მუხლის შესაძლო დარღვევის ფაქტთან დაკავშირებით, რაც შეთანხმებულ მოქმედებებს გულისმობს.
აჭარის რეგიონში საკალმახეების რაოდენობა ბოლო წლების განმავლობაში მინიმუმამდეა შემცირებული, - ამის შესახებ საუბარია არასამთავრობო ორგანიზაცია „ფორეჯის“ კვლევაში, რომლის თანახმად, რეგიონში ამჟამად 27 საკალმახე მეურნეობა ფუნქციონირებს. სტუმარი: სოფო დიასამიძე - არასამთავრობო ორგანიზაცია „ფორეჯის“ დამფუძნებელი
გაზაფხულიდან საქართველოში განბაჟების დროებითი სისტემა, „ATA წიგნაკი“ ამოქმედდება. რაც იმას ნიშნავს, რომ საქართველოდან გარკვეული სპეციფიკაციის საქონელი დროებითი გატანის შემთხვევაში საბაჟო გადასახადისგან გათავისუფლდება. ახალი სერვისს სავაჭრო სამრეწველო პალატა ამუშავებს. სტუმარი: გრიგოლ ბაიბურთი - სავაჭრო-სამრეწველო პალატის რეგიონული განვითარებისა და მომსახურების დეპარტამენტის დირექტორი
ჩინეთსა და საქართველოს შორის თავისუფალი ვაჭრობის ამოქმედებამდე, ერთ-ერთი პროდუქტი, რომელმაც ჩინეთის ბაზარზე ადგილის დამკვიდრება სცადა, ღვინოა. წლიდან წლამდე იზრდება იმ კომპანიების რაოდენობა, რომლებიც მილიარდ 400 მილიონით დასახლებულ ქვეყანაში ღვინის გაყიდვას ცდილობს. მათ შორის არის კომპანია ბოლერო, რომლმაც 2017 წელს 200 ათასი ბოთლი გაყიდა, წელს კი ამ მაჩვენებლის გაორმაგებას აპირებს. რა გზა გაიარა ქართულმა ღვინომ პეკინამდე.
როგორც ცნობილია, 5-10 ნოემბერს ჩინეთის ქალაქ შანხაიში იმპორტის საერთაშორისო გამოფენა „China International Import Expo“ იმართება, სადაც საქართველო გამოფენაზე მიწვეულია, როგორც სტუმარი ქვეყანა. რამდენიმე დღის წინ ვიცე პრემიერმა დიმიტრი ქუმსიშვილმა ბიზნესგაერთიანებების ხელმძღვანელებს შესახებ ინფორმაცია მიაწოდა. სტუმარი: გენადი არველაძე - საქართველოს ეკონომიკისა და მდგრადი განვითარების მინისტრის მოადგილე
თავისუფალი ვაჭრობის შესახებ შეთანხმებით ხელში ჩინეთში ჩასულ ქართველ ექსპორტიორებს შეძლებისდაგვარად, საქართველოს საელჩოც დაეხმარება. დიპლომატიურ წარმომადგენლობას წელს კომერციული ატაშეც შეუერთდება, თუ მისი შერჩევა ისევ არ გაჭიანურდა, რადგან ამ ინსტიტუტის ამოქმედებას 2017 წელს ველოდით. ეს საკითხები, ასევე ორმხრივი სავაჭრო-ეკონომიკური თანამშრომლობის პერსპექტივები იყო დავით ჯალაღონიას ინტერვიუს მთავარი თემა ჩინეთში საქართველოს ელჩთან დავით აფციაურთან.
პარლამენტარები, რომლებსაც 1 წლის განმავლობაში საპარლამენტო ტრიბუნა ერთხელაც არ გამოუყენებიათ. დეპუტატების ერთ წლიანი საქმიანობის შეჯამება.
მედიაცია როგორც დავის ალტერნატიული მოგვარების მეთოდი. სპეციალისტების შეფასებით, განვითარება მნიშვნელოვანია სასამართლოების განტვირთვისა და მართლმსაჯულების ხელმისაწვდომობის გაუმჯობესებისათვის. მედიაცია მართლმსაჯულების სისტემის რეფორმის ნაწილიც არის და საქართველოს ევროკავშირთან ასოცირების შესახებ შეთანხმების ერთ-ერთი მოთხოვნა გახლავთ. თბილისის საქალაქო სასამართლოს მედიაციის ცენტრის ინფორმაციით, მედიაციაზე მოთხოვნა ბოლო წლებში საგრძნობლად გაიზარდა. თუ 2013-2015 წლებში მედიაციის ცენტრმა 43 საქმე განიხილა, 2016-2017 წლებში საქმეების რაოდენობამ 73-ს მიაღწია. სწორედ აღნიშნულმა მზარდმა სტატისტიკამ გამოიწვია ახალი მედიატორების მომზადება მოთხოვნის დაკმაყოფილებისთვის. სტუმრები: ალექსანდრე წულაძე - სამართლის დოქტორი; სოფო დუღაშვილი - მედიატორი.
წლიდან წლამდე მზარდ ტურისტულ ნაკადებს თბილისი და ზოგადად მთელი ქვეყანა მომზადებული უნდა დახვდეს, მათ შორის სასტუმროების და საცხოვრებელი ფართების კომპონენტშიც. სტუმარი: ნიკოლოზ ქევხიშვილი - Colliers International Georgia-ს შეფასებისა და კვლევის დეპარტამენტის დირექტორი
„მთელი რიგი ნაბიჯებია გადასადგმელი იმისთვის, რომ ღამის ეკონომიკა განვავითაროთ, ხელი შევუწყოთ მეწარმეებს, მცირე და საშუალო ბიზნესის განვითარებას, შევქმნათ სამუშაო ადგილები და ა. შ. ასე რომ, თებერვლის ბოლოს გავაკეთებთ პრეზენტაციას ამასთან დაკავშირებით“, - ეს განცხადება თბილისის მერმა რამდენიმე დღის წინ გააკეთა. ღამის თბილისის განვითარება კახა კალაძის წანასაარჩევნო დაპირებაც იყო. სტუმარი: შალვა ალავერდაშვილი - სასტუმროების და რესტორნების მენეჯერი
ქართლის ქარის ელექტროსადგურმა წელს 87 მილიონ კილოვატ საათზე მეტი ელექტროენერგია გამოიმუშავა, რაც საპროგნოზო ბალანსს მცირედით ჩამორჩება. ეს სადგური ერთ-ერთია, რაზეც ენერგეტიკის განვითარების ფონდმა იმუშავა. გეგმაშია განახლებადი ენერგიების სხვა სადგურების მშენებლობა. საინტერესოა, მათ შორის იქნება თუ არა მზის ელექტროსადგურიც, რაც ჯერ საქართველოსთვის ისევ უცხო ხილია.
2017 წელს ელექტროენერგიის გამომუშავება მცირედით შემცირდა, იმპორტი კი მნიშვნელოვნად გაიზარდა. გაზრდილია აფხაზეთის რეგიონის მოხმარებაც.
კაზინოების, ონლაინ კაზინოების და ტოტალიზატორების ინდუსტრია ბიზნესომბუდსმენის მხარდაჭერას ითხოვს. ამის შესახებ „საქმის კურსისთვის“ გახდა ცნობილი. საქმე იმაშია, რომ ფინანსთა სამინისტროს მიერ მომზადებული საკანონმდებლო პაკეტის მიხედვით, „ლატარიების, აზარტული და მომგებიანი თამაშობების მოწყობის შესახებ“ კანონში შედის ცვლილებები, რომლის თანახმად, 21 წლამდე საქართველოს მოქალაქეებს აზარტული თამაშები აეკრძალებათ და ასევე, შეიქმნება სისტემურ-ელექტრონული ფორმით მოთამაშეთა ერთიანი რეესტრი და თამაშზე დამოკიდებულ პირთა სია, რომლის ადმინისტრირებას შემოსავლების სამსახური განახორციელებს.
ამერიკის შეერთებული შტატები ე.წ Shutdown-ის პროცესშია, შვედურ კომპანია Spotify-ს კი ბრალს არალიცენზირებული სიმღერების გამოყენებაში სდებენ.
სავაჭრო ცენტრი, ბაზრობა, სასტუმრო, ავტოგასამართი და აირგასამართი სადგურები - ეს იმ ობიექტების ჩამონათვალია, რომლისთვისაც მესამე პირის დაზღვევა სავალდებულო ხდება. რა დაუჯდება ახალი რეგულაცია ბიზნესს, როგორია კერძო სექტორის პოზიცია და რა არგუმენტები აქვს რეგულატორს.
თხილის ექსპორტიორებისთვის HACCP-ის სისტემის დანერგვა სავალდებულო გახდა, რაც იმას ნიშნავს, რომ ბიზნესოპერატორი, რომელიც ექსპორტისთვის განკუთვნილი გადამუშავებული თხილის გულის დამზადებას ახორციელებს, ვალდებულია საფრთხის ანალიზისა და კრიტიკული საკონტროლო წერტილების პრინციპებზე დაფუძნებული სისტემა დანერგოს.
1 მილიარდ 355 მლნ ლარი - ეს ის თანხაა, რომელიც რეგიონული განვითარების და ინფრასტრუქტურის სამინისტრომ 2017 წელს დახარჯა, რაც გეგმის 102.4%-ია და 2016 წლის ხარჯვით მაჩვენებელს თითქმის 40%-ით აღემატება. სტუმარი: ზურაბ ალავიძე , ინფრასტრუქტურის მინისტრი
რა გამოწვევების წინაშე დგას ქართული ექსპორტი, როგორ შეიძლება გაიზარდოს საექსპორტო ჯგუფები, რა უნდა გააკეთოს სახელმწიფომ და კერძო სექტორმა მეტი კონკურენტუნარიანი პროდუქციის წარმოებისთვის. სტუმარი: გიორგი კაჭარავა - ევროკავშირი-საქართველოს ბიზნეს საბჭოს ხელმძღვანელის მოადგილე
თხილის ექსპორტიორებისთვის HACCP-ის სისტემის დანერგვა სავალდებულო გახდა, რაც იმას ნიშნავს, რომ ბიზნესოპერატორი, რომელიც ექსპორტისთვის განკუთვნილი გადამუშავებული თხილის გულის დამზადებას ახორციელებს, ვალდებულია საფრთხის ანალიზისა და კრიტიკული საკონტროლო წერტილების პრინციპებზე დაფუძნებული სისტემა დანერგოს. სტუმარი: თენგიზ კალანდაძე - საქართველოს სოფლის მეურნეობის სამინისტროს სოფლის მეურნეობის და სურსათის დეპარტამენტის უფროსი
მასობრივი თავშეყრის ობიექტებისათვის მესამე პირის დაზღვევა სავალდებულო ხდება. მთავრობამ უკვე დაადგინა იმ ობიექტების ნუსხა, რომელთაც მესამე პირის დაზღვევის ვალდებულება ექნებათ. ესენია: სავაჭრო ცენტრი, ბაზრობა, სასტუმრო, ავტოგასამართი და აირგასამართი სადგურები.
თბილისის მერიამ მარშალ გელოვანისა და სარაჯიშვილის ქუჩების კვეთაზე ესტაკადის მშენებლობის მიზნით ტენდერი გამოაცხადა. სამუშაოებზე, სავარაუდოდ, 4,3 მილიონი ლარი უნდა დაიხარჯოს. დაინტერესებულ კომპანიებს სატენდერო წინადადებების წარდგენა 3 თებერვლიდან შეეძლებათ, პროცესი 5 დღეს გასტანს და 8 თებერვალს დასრულდება. ტენდერის პირობების მიხედვით, სამუშაოები წერილობითი დავალების მიცემიდან 180 დღეში უნდა დასრულდეს. "საქართველოში რეგისტრირებულ კომპანიებს ჩინეთიდან საქართველოში ტურისტების ჩამოყვანა გაუადვილდებათ“, - ამის შესახებ ეკონომიკის მინისტრმა საქართველოს ბიზნეს გაერთიანებების ხელმძღვანელებთან შეხვედრაზე განაცხადა. დიმიტრი ქუმსიშვილის განცხადებით, ქართულმა მხარემ ჩინეთთან მიაღწია უპრეცედენტო შეთანხმებას. კერძოდ, ქართული ტურისტული სააგენტოები და ტურ-ოპერატორები, რომლებიც ერთობლივ საწარმოს დაარეგისტრირებენ ჩინეთში, შეძლებენ ჩინეთის ყველა პროვინციიდან ტურისტების გაყვანას. საგარეო საქმეთა მინისტრის მიხეილ ჯანელიძის განცხადებით, კომერციული ატაშეები საქართველოს საელჩოებში, სავარაუდოდ, წლის მეორე ნახევარში დაინიშნებიან. მისი თქმით, ეკონომიკური დიპლომატია არის ქვეყნის პრიორიტეტი წელსაც და დარჩება მომავალშიც. ეკონომიკური ატაშეები საზღვარგარეთ საქაღტველოს საელჩოებში დაინიშნებიან და მათი მიზანი ინვესტიციების მოზიდვა და ეკონომიკური ურთიერთობების გამყარება იქნება. OECD-ის ქვეყნებში მოსახლეობის 5,6%-ს კვირაში 60-საათიანი სამუშაო გრაფიკი აქვს. ეკონომიკური თანამშრომლობისა და განვითარების ორგანიზაცია აღნიშნავს, რომ 60-საათიანი სამუშაო გრაფიკი მოსახლეობის ყველაზე დიდ რაოდენობას 23%-ზე მეტს აქვს თურქეთში. დღეში 12-საათზე მეტს მუშაობს კორეაში დასაქმებულთა 22%. კვირაში 60-საათიანი გრაფიკი აქვთ ასევე კოლუმბიაში დასაქმებულების 19%-ს და კოსტარიკაში დაახლოებით 17%-ს. ევროპაში ყველაზე მაღალი მაჩვენებელი ამ მიმართულებით საბერძნეთშია. დასაქმებულთა 11,2% კვირაში 60 საათს ან მეტს მუშაობს.
ინტელექტუალური საკუთრების მფლობელები საკუთრების უფლებას ამიერიდან უფრო მარტივად დაიცავენ. კანონმდებლობაში ცვლილებები შევიდა და ახალი რედაქციით ამოქმედდა. სხვადასხვა კანონში შესული ცვლილებებით, ინტელექტუალური საკუთრების უფლებების დარღვევისას, მფლობელს ენიჭება უფლებამოსილება მოითხოვოს ობიექტების, რომლებიც არღვევს მის განსაკუთრებულ უფლებებს, ბრუნვიდან ამოღება, ინტერნეტში განთავსებული მასალის წაშლა. ამავე ცვლილებებით მესაკუთრეს შეეძლება კომპენსაცია მოითხოვოს. ბათუმის საფეხბურთო სტადიონის მშენებლობა 21 იანვარს დაიწყება. როგორც ბათუმის ”დინამოს” ვებ გვერდზე გავრცელებულ ინფორმაციაშია აღნიშნული, 20 ათას მაყურებელზე გათვლილი სტადიონის სამშენებლო მოედნის მომზადების პროცესი უკვე რამდენიმე დღეა მიმდინარეობს, სამშენებლო სამუშაოები კი იანვრიდან დაიწყება. მშენებლობას შპს "ანაგი" აწარმოებს, რომელსაც სტადიონის ასაშენებლად 34 თვის ვადა აქვს მიცემული. 2017 წელს 2007 წელთან შედარებით ლარი ამერიკულ დოლართან მიმართებით 50%-ით, ევროსთან მიმართებით კი 24% -ით გაუფასურდა,-ამის შესახებ ნათქვამია PMCG-ს მიმოხილვაში, რომელიც 2007-2017 წლებს მოიცავს. რაც შეეხება საქართველოს მეზობელი ქვეყნების ვალუტებს, აქ მიმოხილვის მიხედვით, განსხვავებული სურათია და ლარის პოზიციები გამყარებულია. კერძოდ ლარი 10 წლის განმავლობაში თურქულ ლირასთან მიმართებაში 46%-ით, აზერბაიჯანულ მანათთან მიმართებაში 25%-ით, სომხურ დრამთან მიმართებაში 6%-ით, ხოლო რუსულ რუბლთან მიმართებაში კი 34%-ით გამყარდა. BMW Tesla Model 3-ის პირდაპირი კონკურენტის გამოსაშვებად ემზადება. ცნობილი გერმანული ავტოკონცერნი BMW ელექტროსატრანსპორტო საშუალებებისგან ვითარებაში აქტიურად ერთვება და უკვე მთელი რიგი მოდელების წარმოება აქვს დაგეგმილი. მათ შორის არის iNext-ი, რომელიც შესაძლოა Tesla-ს კონკურენტი გახდეს. როგორც BMW -ში აცხადებენ, ელექტრონული ავტომობილები ისეთი ელემენტებით აღიჭურვებიან, რომლებიც საშუალებას მისცემენ ავტომობილს ერთ დამუხტვაზე 450-500 კმ დაფარონ. ხოლო iNext-ის შემთხვევაში აღნიშნული მაჩვენებელი 700 კმ იქნება.