ახალი კამპანია საქართველოზე, რომელიც 7 მილიონი ვიზიტორის მიერ სოციალურ ქსელებში გაბნეული ემოციებით შეიკრა და პირველად, ხელოვნური ინტელექტის გამოყენებით, საქართველოს ციფრული გზამკვლევი შეიქმნა. კამპანია ტურიზმის ეროვნული ადმინისტრაციის დაკვეთით მომზადდა. პროექტი სრულად აგებულია ტურისტების შთაბეჭდილებებსა და ემოციებზე საქართველოში მოგზაურობისას. სტუმარი: გიორგი ჩოგოვაძე - ტურიზმის ეროვნული ადმინისტრაცია , ხელმძღვანელი
28.5%-ით გაზრდილი ექსპორტი და თითქმის 23%-ით გაზრდილი იმპორტი - საქსტატმა 6 თვის საგარეო ვაჭრობის მაჩვენებლები გამოაქვეყნა, რომლის თანახმად, ჯამურად ვაჭრობა იანვარ-ივნისში 24.3%-ით გაიზარდა 5 მლრდ 986 მლნ ამერიკულ დოლარამდე. საქართველოს უარყოფითმა სავაჭრო ბალანსმა 2018 წლის იანვარ-ივნისში 2 798.7 მლნ. აშშ დოლარი და საგარეო სავაჭრო ბრუნვის 46.8 პროცენტი შეადგინა.
მათთვის, ვინც მობილურ ტელეფონებზე საზაფხულო აქციებს ელოდება, ბილაინს სიახლეები აქვს. ბრენდის მფლობელი „ვიონი საქართველო“ მომხმარებლებს უკვე ახალ ფილიალში, პეკინის გამზირზე, Huawei-ს ტელეფონის შეძენაზე სპეციალური შეთავაზებით ელოდება. სტუმარი: ლაშა ტაბიძე - კომპანია “ვიონი საქართველო” კომერციული დირექტორი
საქართველოსა და პოლონეთს შორის სავაჭრო ურთიერთობები არც ისე სტაბილურია. ვგულისხმობთ იმას, რომ ექსპორტი განვითარების რაიმე სტაბუილურ ხაზს არ მიჰყვება - ხან მცირდება, ხან იზრდება. პოლონეთიდან იმპორტირებული პროდუქცია კი წლიდან წლამდე იზრდება. ამ ფონზე პოლონეთის დედაქალაქ ვარშავაში, რამდენიმე დღის წინ ქართული და პოლონური ბიზნეს სექტორი შეიკრიბა. კონფერენცია ევროკავშირი-საქართველოს ბიზნეს საბჭოს” ორგანიზებით ჩატარდა და მას ოფიციალურ პირებთან ერთად, 100-ზე მეტი კომპანიის წარმომადგენლები ესწრებოდნენ. რა შედეგებზე შეიძლება საუბარი ამ ღონისძიების შედეგ? სტუმრები: ირაკლი არჯევანიძე IBCCS; რეგიონული დირექტორი; გიორგი კაჭარავა - ევროკავშირი საქართველოს ბიზნეს საბჭო; აღამასრულებელი დირექტორი
წყალმომარაგებისა და ენერგეტიკის კომპანიებს მისტიური მომხმარებლები სტუმრობენ. ეს სემეკის სტრატეგიის ნაწილია, რომლის მიზანი მომხმარებელთა მომსახურების ხარისხის ამაღლებაა. ამიტომ მარეგულირებელი კომისია ყველა მოქალაქეს მოუწოდებს, იმ შემთხვევაში თუ ელექტროენერგეტიკის, ბუნებრივი გაზისა და წყალმომარაგების სექტორებში მოქმედი კომპანიების მხრიდან ადგილი ექნება მათი უფლებების დარღვევას, მიმართონ სემეკს, ან ენერგოომბუდსმენს. დღემდე, მისტიური მომხმარებლის დახმარებით, რა დაღვევები აღმოაჩინა სემეკმა და რა რეკომენდაციები გასცა მომხმარებელთა უფლებების დასაცავად? სტუმარი: დავით ნარმანია - სემეკის წევრი
ბოლო 5 წლის განმავლობაში საქართველოს საჯარო უწყებებმა უმეტესწილად უკონკურენტო ტენდერის გზით 3 მლნ ლარამდე ღირებულების რუსული „ნივა” შეისყიდეს. ამ პროცესში სხვა ავტომწარმოებლები, როგორც წესი, არ მონაწილეობდნენ, ვინაიდან შემსყიდველ ორგანიზაციებს სატენდერო დოკუმენტაცია, ფაქტობრივად, მორგებული ჰქონდათ „ნივაზე” - მითითებული იყო ძალიან დაბალი ფასი და მარტივად დასაკმაყოფილებელი ტექნიკური პირობები. სტუმარი: ბესო ნამჩავაძე - საერთაშორისო გამჭრივალობა საქართველო; ანალიტიკოსი
თბილისის მერის გადაწყვეტილებით, დიდ დიღომში, ანბანის ბაღში მდებარე სამშენებლო ობიექტის დემონტაჟი განხორციელდება. კახა კალაძის განმარტებით, ამ ობიექტზე ყველანაირი ნორმა დარღვეულია, მათ შორის ნებართვის გაცემის დროსაც. ამის შესახებ მან დედაქალაქის მთავრობის სხდომაზე ისაუბრა. გარდა ამისა, თბილისის მერმა დაგეგმილ ინფრასტრუქტურულ პროექტებზე გაამახვილა ყურადღება და აღნიშნა, რომ მეორე, მესამე და მეოთხე კლასის ობიექტებზე არქიტექტურულ-გეგმარებითი დავალების, სამშენებლო პროექტისა და განაშენიანების რეგულირების გეგმის მომზადება სერთიფიცირებას დაექვემდებარება.
მსესხებლების კატეგორიებად დიფერენცირება, სწორი და ქმედითი ინსტურუმენტების შექმნა... მიკროსაფინანასო სექტორის ნაწილი რეგულაციების წინააღმდეგი არაა, თუმცა ეროვნული ბანკის მისამართით საკუთარ შენისვნებს და მოსაზრებებს აფიქსირებს. ჩვენი საეთერო დრო ამ თემას არაერთხელ დავუთმეთ და მომავალშიც დავუთმობთ. დღეს საქართველოს მიკროსაფინანსო ასოციაციის ორგანიზებით საინფორმაციო შეხვედრა გაიმართება თემაზე: მიკროსაფინანსო სექტორის რეგულირების საკითხები საერთაშორისო ინვესტორებისათვის. სადაც სექტორის წინაშე მდგარ გამოწვევებზე ისაუბრებენ. სტუმრები: არჩილ ბაკურაძე - „კრისტალის“ სამეთვალყურეო საბჭო; თავმჯდომარე ბესიკ შენგელია - მიკროსაფინანსო ორგანიზაციების ასოციაცია თავმჯდომარე
თბილისის მიწათსარგებლობის გენერალური გეგმა ჯერ ისევ საკრებულოშია და იურიდიულ ძალას ელოდება. მიუხედავად იმისა, რომ მერია და დოკუმენტის ავტორი „სითი ინსტიტუტი“ საქართველო ყველაფერზე შეთანხმდნენ და დღეს თბილისის მთავრობა გენერალური გეგმით კმაყოფილია, რამდენიმე საკითხზე როგორც პოლიტიკურ, ისე სამოქალაქო სექტორში აზრთა სხვადასხვაობაა. სტუმარი: მერაბ ბოლქვაძე გენგეგმის ავტორი
მომავალი ზამთრის სათხილამურო სეზონზე გუდაურში სამი ახალი და ერთი განახლებული საბაგირო იქნება. ამისთვის მთის კურორტების განვითარების კომპანიამ საბაგიროების მწარმოებელ „დოპელმაიერთან“ ხელშეკრულება უკვე გააფორმა, რომელიც საბაგიროების „პირველისა“ და „სოლიკოს“ დემონტაჟს და მათ ნაცვლად ახლის მშენებლობას, ასევე „კუდების“ საბაგიროს რეკონსტრუქციას და კიდევ ერთი ახალი საბაგიროს მშენებლობას ითვალისწინებს. სტუმარი: სანდრო ონოფრიშვილი - მთის კურორტების განვითარების კომპანია; ხელმძღვანელი
უკვე სამი წელი გავიდა, რაც ტურიზმის ეროვნული ადმინისტრაცია შიდა ტურიზმის პოპულარიზაციის მიზნით, პროექტ „გაიცანი საქართველოს“ ახორციელებს. ადმინისტრაციაში მიაჩნიათ, რომ პროექტი ეფექტიანია და არგუმენტად შიდა ტურიზმის გაზრდილ სტატისტიკას იშველიებენ. 2018 წლის პირველი კვარტალში სულ 2 მლნ 95 000-მა შიდა ვიზიტორმა იმოგზაურა საქართველოში, რაც წინა წლის ანალოგიურ პერიოდთან შედარებით 0.6%-ით მეტია. აქედან მცხეთა-მთიანეთის წილი ჯერ მხოლოდ 4.7%-ია, მაგრამ ტენდენცია აშკარად მზარდია. მოკლედ, თუ თბილისიდან ჯერ კიდევ ვერ გადიხართ, შეგიძლიათ, ვიქენდზე ესტუმროთ ხევსურეთს და ეს ძალიან ძვირიც არ დაგიჯდებათ.
ჩინეთის ეკონომიკა მეორე კვარტალში 6.7%-ით გაიზარდა, Bloomberg-მა კი ყველაზე ძვირადღირებული ქალაქების სია გამოაქვეყნა.
რა შედეგებს აჩვენებს ამ დროისთვის მასობრივი თავშეყრის ადგილების სავალდებულო დაზღვევის პროექტი. მისი ამოქმედებიდან უკვე 5 თვე გავიდა.
საქართველოს ახალი მთავორბა ჰყავს, რომლის პრიორიტეტებზეც პრემიერმა არაერთხელ ისაუბრა. მათ შორის არის, მცირე, მოქნილი და ეფექტური მთავრობის კონცეფცია, რომელიც ალბათ შესაბამისი ელექტრონული სერვისების გარეშე ვერ განვითარდება. საქმის კურსში, სახელმწიფო სერვისების განვითარების სააგენტოს საქმიანობაზე უნდა ვისაუბროთ, ერთ-ერთი სიახლის მიხედვით კი იურიდიულ პირებს ელექტრონული შტამპისა და ხელმოწერის მიღება 200 ლარიდან შეეძლებათ. 2018 წლის 1 ივლისიდან ადმინისტრაციული ორგანოები ვალდებულები არიან ელექტრონულ დოკუმენტებზე ელექტრონული ხელმოწერა და ელექტრონული შტამპი გამოიყენონ. საქართველოს იუსტიციის სამინისტროს ცნობით, კვალიფიციური ელექტორონული ხელმოწერა ელექტრონული მმართველობის უმნიშვნელოვანესი კომპონენტია. ამასთან, კვალიფიციურ ელექტრონულ ხელმოწერას მატერიალური ხელმოწერის თანაბარი იურიდიული ძალა აქვს და მისი გაყალბება შეუძლებელია. სტუმარი: სოსო გიორგაძე - სახელმწიფო სერვისების განვითარების სააგენტო; თავმჯდომარე
ეკონომიკის მინისტრის ახალი სტრატეტია - ბიზნესის კლასტერიზაცია. რა უპირატესობები აქვს ბიზნესის გაერთიანებას და გაამართლა თუ არა ამ მიდგომამ სოფლის მეურნეობაში კოოპერატივების სახით?
კაპიტალის ბაზრის რეფორმაში შესაძლოა, ინტერესთა კონფლიქტს ჰქონდეს ადგილი და ეს აღმოსაფხვრელია - ამის შესახებ საქართველოს პრემიერ-მინისტრმა მამუკა ბახტაძემ პარლამენტში, სამთავრობო პროგრამის წარდგენისას განაცხადა, თუმცა არ დაუზუსტებია, რა მიმართულებით გულისხმობდა ინტერესთა კონფლიქტს. ასევე, პრემიერმა აღნიშნა, რომ კაპიტალის ბაზრის განვითარების კუთხით ტემპები დასაჩქარებელია. სტუმარი: გიორგი ფარესიშვილი - საქართველოს საფონდო ბირჟა; გენერალური დირექტორი
ქვეშეთი-კობის მონაკვეთზე 9 კილომეტრიანი გვირაბის მშენებლობაზე ტენდერი გამოცხადდა. ეს გვირაბი, რომელიც ჯვრის უღელტეხილის ქვეშ გაივლის, სოფელ წკერესთან დაიწყება და სოფელ კობთან დასრულდება. საავტომობილო გზების დეპარტამენტში ვარაუდობენ, რომ პროექტის დასრულების შემდეგ, თბილისი-ლარსის მიმართულებით გადაადგილების დრო 1 საათით შემცირდება. უფრო კონკრეტულად, რა სარგებელი მოაქვს ამ გვირაბს და რა არის შემდეგი ეტაპის სამუშაოები? სტუმარი: ირაკლი ქარსელაძე - რეგიონული განვითარებისა და ინფრასტრუქტურის მინისტრის პირველი მოადგლე
საქართველოს საფონდო ბირჟაზე და კაპიტალის ბაზარზე უნდა ვისაუბროთ. მიუხედავადიმისა რომ აქტივობა როგორც კომპანიების ასევე ინვესტორების მხრიდან ბოლო 5 წლიან პერიოდასაც თუ გადავხედავტ მომატებულია, ეს არ არის ის შედეგი, რომელზეც მყარი და განვითარებული კაპიტალის ბაზარი უნდა დაშენდეს. ამ მიმართულების განვითარეაზე აქტიურად ზრუნავს “თი-ბი-სი კაპიტალი”. სტუმარი: ირაკლი ელაშვილი - “თი-ბი-სი კაპიტალი” კომპანიის არმასრულებელი დირექტორი
კერძო სექტორის შეფასებები. რამდენად იცნობენ ეკონომიკური პროფილის მინისტრების კანდიდატებს ბიზნესის წარმომადგენლები და რა მოლოდინები აქვთ მათ?
14 მინისტრის ნაცვლად 11 მინისტრი, მათგან სამი ახალი. გამართლდა BM.ge-ის ინფორმაცია - გიორგი ქობულია - ეკონომიკის და მდგრადი განვითარების მინისტრის პოსტზე წარადგინა პრემიერმა რამდენიმე საათის წინ გამართულ ბრიფინგზე. ივანე მაჭავარიანი - დაიკავებს ფინანსთა მინისტრის პოსტს, ხოლო განათლების, მეცნიერების, კულტურის და სპორტის მინისტრად მიხეილ ბატიაშვილი. ყველაზე დიდ ინტრიგად ბოლო წუთამდე რჩებოდა - შეინარჩუნებდა თუ არა თეა წულუკიანი იუსტიციის მინისტრის სავარძელს. ფაქტია შეინარჩუნა. სასჯელაღსრულების მინისტრი კახი კახიშვილი კი დღეიდან მთავრობის ადმინისტრაციას უხელმძღვანელებს. ჯერჯერობით უცობია, სად წავა სოზარ სუბარი. მედიაში გავრცელებული ინფორმაციით, ის სამეგრელო-ზემო სვანეთის გუბერნატორი გახდება.
ევროპის მთავარი საპორტო ქალაქი საქმის კურსის ობიექტივში. რა გამოწვევების წინაშე დგას როტერდამი და რა პერსპექტივა აქვს ქალაქს ეკონომიკური განვითარების თვალსაზრისით.
ერთი თვის წინ Georgian Airways საპროტესტო აქციებს გეგმავდა. მიზეზი აეროპორტების ოპერატორი თურქული კომპანია “ტავ ჯორჯიას” ფინანსური პოლიტიკაა, თუმცა საპროტესტო განწყობები ქუჩაში მაინც არ გამოსულა. ეროვნული ავიაკომპანია “ტავ ჯორჯიას” მომსახურების გაიაფებას ითხოვს, რადგან თავის მხრივ, ავიაბილეთებზე ფასების შემცირება სურს. იმ ფონზე, როცა აეროპორტების დატვირთვა იზრდება და 2018 წლის მხოლოდ პირველ ნახევარში, თბილისის საერთაშორისო აეროპორტი 30%-ით მეტ მგზავრს მოემსახურა, წინა წლის ანალოგიურ პერიოდთან შედარებით, განსაკუთრებით საინტერესოა, რა ვითარებაა “აირზენასა” და “ტავ ჯორჯიას” შორის, ასევე მზარდი კონკურენციის პირობებში, რას უნდა ელოდოს მომხმარებელი Georgian Airways-სგან. სტუმარი: თამუნა თანდაშვილი - Georgian Airways ; კომერციული დირექტორის მოადგილე
რა ცვლილებები შედის ეკომიგრანტების საცხოვრებლით დაკმაყოფილების წესში. მოქმედი წესით, ეკომიგრანტისთვის საცხოვრებლის მისაღებად საჭიროა გარკვეული რაოდენობის ქულა, რის შემდეგაც საკითხს სპეციალური კომისია განიხილავს და საბოლოო გადაწყვეტილებას იღებს. არსებული რეგულაციით, მაჩვენებელს 0,5 ქულა ემატებოდა იმ შემთხვევაში, თუ საცხოვრებლის მაძიებელი სოციალურად დაუცველის სტატუსის მქონე იყო და მისი სარეიტინგო ქულა 57 ათასს ან ნაკლებს შეადგენდა. სტუმარი: კოტე რაზმაძე - ეკომიგრანტთა საკითხების დეპარტამენტის უფროსი
სასამართლოს მეგობარი ბიზნესომბუდსმენი - ასეთ ცნებას ქართული მართლმსაჯულება უკვე იცნობს, თუმცა მხოლოდ საკონსტიტუციო სასამართლოს პრაქტიკაში. დღეს კი ირაკლი ლექვინაძეს სურს, რომ ბიზნესომბუდსმენის აპარატმა მეგობრის სტატუსით საერთო სასამართლოებთანაც ითანამშრომლოს.
სათამაშო ბიზნესი და საქართველოს სტატისტიკის ეროვნული სამსახური თანამშრომლობის ახალ ეტაპზე გადადიან. ამ მიზნით სათამაშო ბიზნესის ასოციაციასა და საქსტატს შორის დღეს მემორანდუმი გაფორმდა. მხარეები განმარტავენ, რომ ეს დოკუმენტი დაინტერესებული მხარეებისთვის საჭირო სტატისტიკური ინფორმაციის დროულ მიწოდებას შეუწყობს ხელს.
საბანკო სფერო საქართველოში ერთ ერთი ყველაზე წარმატებული დარგია და მის წარმომადგენელთა შესახებ დეტალურ ინფორმაციას Forbes Banker-ში გაეცნობით. ბევრ ყბადაღებულ კითხვაზეც მიიღებთ პასუხს და გპირდებით ყველა მათგანი ყოველგვარი პოლიტიკური მანიპულაციისგან დაცლილი იქნება. ვიდრე ეს გამოცემა სტამბაში იყო და ვიდრე დახლებზე Forebs-ს მიაკითხავთ ISET-მა კვლევა საბანკო საპროცენტო განაკვეთებისა და სესხების ხარისხის შესახებ ჩაატარა. შეადარეს საქართველოს, ევროპის და ცენტრალური აზიის ქვეყნებში საპროცენტო განაკვეთები. სტუმარი: გიორგი მჟავანაძე - "ISET-ის კვლევითი ინსტიტუტი", უფროსი მკვლევარი
მიმდინარე წლის ოქტომბრიდან თბილისში რეგისტრაციის გარეშე ტაქსის მომსახურებაში ჩართული ფიზიკური პირები ვეღარ ივლიან. დღეს თბილისის მერიამ ტაქსის კომპანიებს, ბიზნესომბუდსმენს და სხვა დაინტერესებულ პირებს ტაქსის მომსახურების სფეროს მიმართ პირველ და მეორე ეტაპზე განსახორციელებელი მოთხოვნები გააცნეს. წელს ტაქსები რეგისტრაციას დაექვემდებარებიან, მომავალი წლიდან კი მეორე ეტაპის მოთხოვნების შესაბამისად თბილსში მხოლოდ ერთი ფერის და ერთი ვიზუალის ტაქსები ივლიან. რა თამაშის წესებს სთავაზობს მერია ბიზნესს და რას პასუხობენ მას რეგულაციის ადრესატები.
კრიპტოვალუტის ბანკომატები თბილისში. დღეს საქმის კურსი კიდევ ერთი კომპანიის შესახებ მოგიყვებათ, რომელის საკუთარ ბიზნესს გათვლებს ვირტუალური ფულის ბანკომატებზე აკეთებს და თბილსის გარდა მის დადგმას საქართველოს კიდევ რამდენიმე ქალაქში გეგმავს.
უკვე ცნობილია, რომ ეკონომიკის სამინისტრო ენერგეტიკის განვითარების სტრატეგია 2030-ზე მუშაობს. ეს ინფორმაცია ცოტა ხნის წინ მინისტრის მოადგილემ გიორგი ჩიქოვანმა დაგვიდასტურა. მისი განმარტებით, დოკუმენტი გვიპასუხებს, რა მოთხოვნების წინაშე იქნება ქვეყანა ენერგეტიკის სფეროში 2030 წლისთვის და შესაბამისად, რა უნდა აშენდეს, ენერგომოხმარების გრძელვადიანი გათვლა როგორი უნდა იყოს და ა.შ. სტუმრები: ტატო ცინცაძე - „ჰიდრო ენერგო კორპორაციის“ საოპერაციო დირექტორი ირაკლი ტყებუჩავა - Gross Energy Group-ის ფინანსური მენეჯერი
გარემოს დაცვის სოფლის მეურნეობის სამინისტროს ინფორმაციით, ბოლო ხუთ წელიწადში 170 ახალი საწარმოა დაფინანსებული. როგორც BM.ge-ის ლევან დავითაშვილის უწყებიდან აცნობეს, 2013 წლიდან საქართველოს გარემოს დაცვისა და სოფლის მეურნეობის სამინისტროს პროექტების მართვის სააგენტო ახალი საწარმოების შექმნის მიზნით, სხვადასხვა პროექტს ახორციელებს, რომლის ფარგლებშიც შეღავათიანი სესხები გაიცემა როგორც ახალი საწარმოების შექმნისთვის, ასევე უკვე არსებულის გაფართოებისთვის. მისივე ინფორმაციით, ამ ეტაპზე, პროექტის ფარგლებში უკვე დაფინანსდა 845 -ზე მეტი მოქმედი და 170 ახალი საწარმო. რა რაოდენობის სამუშაო ადგილები შეიქმნა, რა მიმართლებებია ყველაზე აქტიური და სად მდებარეობს ახალი საწარმოები? სტუმარი: გიორგი ავალიანი - სოფლის მეურნეობის პროექტების მართვის სააგენტო; წარმომადგენელი
თიბისი ბანკმა თი ბოტის ინოვაციური სიახლეები წარადგინა. ახალი ფუნქციებისა და მათი, გამოყენების წესები.
2019 წლიდან თბილისში ერთი ფერის და ერთი ვიზუალის ტაქსები ივლის - 200 ლარიანი ჯარიმა უნებართვო საქმიანობისთვის და 75 დღიანი სარეგისტრაციო პერიოდი - მივიღებთ თუ არა გამართულ და თანამედროვე ტაქს-ინფრასტრუქტურას დაანონსებული რეგულაციებით,
არსებობს ერთი ამბიციური გეგმა, რომელიც მოცავს, სამეცნიერო და აღმოჩენათა ცენტრს, ექსტრემალური კომპონენტების შემცველ ატრაქციონებს, მსოფლიოში ყველაზე მაღალ ლიფტს კაშხალზე, რეგიონში ყველაზე გრძელ ე.წ „ზიპ ლაინს“, ღია საკონცერტო სივრცეს, სარეკრეაციო-გასართობ ზონებს, სანაოსნო ინფრასტრუქტურას, გადასახედ მოედნებს და ვიზიტორთა შემეცნებით სივრცეს. ეს ყველაფერი კი სწორედ ენგურჰესის ჰიდროელექტროსადგურზე უნდა განვითარედეს. კაშხალზე ტურისტული ცენტრის მოსაწყობად საპროექტო სამუშაოები დასრულდა. როგორ უნდა გახდეს მსოფლიოში ერთ-ერთი გამორჩეული კაშხალი პოპულარული?! სტუმარი: ნიკოლოზ ანთიძე - საქართველოს კულტურული მემკვიდრეობის დაცვის ეროვნული სააგენტო; გენერალური დირექტორი
აქამდე თუ ვიცოდით, რომ 2019 წლის გაზაფხულზე „ენგურჰესი“ მისი გვირაბის რეაბილიტაციისთვის უნდა გაჩერდეს, დღეს “საქმის კურსისთვის” ცნობილი გახდა, რომ ეს გეგმა კითხვის ნიშნის ქვეშ დგას. როგორც ჩვენთან სატელეფონო საუბრისას ენგურჰესის დირექტორთა საბჭოს თავმჯდომარემ ლევან მებონიამ განაცხადა, ობიექტის სარემონტო სამუშაოებთან დაკავშირებით ქართული მხარე გერმანელ კონსულტანტებს ელოდება და სწორედ მათთან თანამშრომლობის საფუძველზე გადაწყდება, მომავალ წელს სამი თვე დაეთმობა თუ არა ჰესის გვირაბის რეაბილიტაციას.
ეკონომიკის სამინისტრომ 2029 წლამდე კერძო და საჯარო სექტორებთან უნდა იმუშაოს იმისთვის, რომ არსებული, თუ ახალი შენობა-ნაგებობები მაქსიმალურად ენერგოეფექტური იყოს. ამისთვის შენობების ენერგოეფექტიანობის შესახებ კანონპროექტს ჩვენი რეალობისთვის რამდენიმე სიახლე შემოაქვს. ესენია - შენობების ენერგოეფექტიანობის სერტიფიცირება, თითქმის ნულოვანი ენერგომოხმარების შენობები და ასევე გათბობისა და გაგრილების სისტემების ინსპექტირება. რას გულისხმობს ეს ყველაფერი ჩვენთვის და როდის და ვისთვის იქნება პირველი ნაბიჯები გადასადგმლი? სტუმარი: ირმა ქავთარაძე - ეკონომიკის მინისტრის მოადგილე
პარლამენტის დარგობრივი ეკონომიკის და ეკონომიკური პოლიტიკის კომიტეტის თავმჯდომარე ახალი პრემიერიგან და მისი გუნდისგან ისეთ პროგრამებს ელოდება, რომელიც მოსახლეობას ბიზნესის დაწყებას გაუადვილებს. უფრო ვრცლად, როგორ წარმოუდგენია აღნიშნული, რის თხოვნას აპირებს რომან კაკულია მამუკა ბახტაძისთვის და ეკონომიკის ახალი მინისტრისთვის და რა შენიშვნა აქვს ექსპრემიერ კვირიკაშვილის ეკონომიკურ პოლიტიკასთან?
“მუდამ ვერიდებოდი ჩემი პირადი პრობლემების, ჩვენი მოსახლეობის სამსჯავროზე გამოტანას და ამით ადამიანების შეწუხებას, თუმცა ვფიქრობ, რომ ის რაზეც დღეს მინდა გესაუბროთ არ არის მხოლოდ ერთი ადამიანის ან ერთი რომელიმე კონკრეტული ბიზნესის პრობლემა. “ მაკა ასათიანი, „საერაშორისო გამჭვირვალობა - საქართველოს“ მიერ გამოქვეყნებულ კვლევას „კორუფციის რისკები სასამართლო სისტემაში“ ეხმაურება.
პასუხისმგებლიანი დაკრედიტების წესების ამოქმედების შემდეგ, ტექნიკის მაღაზიებს ვაჭრობა გაუნახევრდათ. ადამიანებს, რომლებსაც შემოსავლის დამადასტურებელი დოკუმენტის წარდგენა არ შეუძლიათ, სესხსა და განვადებაზე უარს ეუბნებიან. ტექნიკის მაღაზიის წარმომადგენლები ამბობენ, რომ გაყიდული საქონლის დიდი ნაწილი სწორედ განვადებებზე მოდიოდა.
მას შემდეგ რაც თამბაქოს ნაწარმის მოხმარება დახურულ საზოგადოებრივ სივრცეებში შეიზღუდა, 2 თვეზე ცოტა მეტი გავიდა. რა შედეგები მოგვიტანა რეგულაციამ, რომელსაც გარკვეულწილად აზრთასხვადასხვაობა ახლდა თან.
დაგროვებითი პენსიის შესახებ კანონის პროექტი პირველი მოსმენით მიღებულია. პარლამენტმა საგაზაფხულო სესიაზე მუშაობა უკვე დაასრულა, მაგრამ როგორც BM.ge-ის ფინანსთა მინისტრმა ნიკოლოზ გაგუამ განუცხადა, კანონპროექტზე პარლამენტი რიგგარეშე სესიების ფორმატში უკვე მეორე მოსმენით იმსჯელებს, რადგან ივლისში საპენსიო სააგენტო უნდა შეიქმნას - ეს არის სავალუტო ფონდთან შეთანხმებული პირობა.
თბილისის მიწათსარგებლობის გენერალური გეგმა განსახილველად და დასამტკიცებლად საკრებულოშია გადაგზავნილი. ერთ-ერთი მიზეზი, რის გამოც ეს დოკუმენტი მერიამ წლის დასაწყისში დაიწუნა, კერძო საკუთრებასთან დაკავშირებით გენგეგმის ავტორების ხედვა იყო. ქალაქმგეგმარებლები მიიჩნევენ, რომ რიგ ტერიტორიებზე გაცემული მშენებლობის ნებართვები თბილისის განვითარების ინტერესებთან შეუსაბამოა.
Qnet- ფინანსური პირამიდა არ არის და ფინანსურ მაქინაციებთან არანაირი კავშრი არ აქვს - ასეთი იყო დღევანდელ პრესკონფერენციაზე კომპანიის წარმომადგენლების მთავარი გზავნილი. კომპანიის რამდენიმე წარმომადგენელი საქართველოში სპეციალურად ჩამოვიდა იმისთვის, რომ ბოლო პერიოდში ქიუ ნეტთან დაკავშირებით მედიაში გასულ ინფორმაციას პასუხი გასცეს.
“საქართველოში სასამართლო სისტემის პრობლემურ მდგომარეობაზე საუბრობენ ასევე ბიზნეს ასოციაციები, მათ შორის მნიშვნელოვანი ინვესტორები. მათ მიერ გამოთქმულ ბრალდებებზე ეფექტიანი რეაგირება არ ხდება, რაც, მათ შორის, მნიშვნელოვნად აზიანებს საინვესტიციო გარემოს ქვეყანაში”- ამ შინაარსის განცხადებას საერთაშორისო გამჭირვალობა საქართველოს კვლევაში ვაწყდებით. მაგალითად კი ფილიპ მორისის საქმე სახელდება, რომელშიც როგორც გამჭირვალობაში განმარტავენ საფუძვლიანი კითხვები გაჩნდა საქმის ობიექტურ განხილვასა და სასამართლოს მიუკერძოებულობასთან დაკავშირებით. სტუმარი: თამთა კახიძე - TI იურისტი , ანალიტიკოსი
იმდენად გაიზარდა ელექტროენერგიის მოხმარება, რომ 2018 წლის 2 ივლისს, 16 საათზე, ისტორიული პიკი დაფიქსირდა, რაც საქართველოს სახელმწიფო ელექტროსისტემის ინფორმაციით, 1920 მეგავატია. ასეთი მაჩვენებელი, ზაფხულის პერიოდისთვის, 80-იანი წლების შემდეგ საქართველოს ენერგოსისტემას არ ახსოვს. რამდენად მზად არის ენერგოსექტორი ასეთ მზარდ მოთხოვნებზე საპასუხოდ? სტუმარი: ზურაბ ეზუგბაია - საქართველოს სახელმწიფო ელექტროსისტემის მმართველთა საბჭოს წევრი
თბილისის მერიამ „სითი ინსტიტუტთან“ ერთად დედაქალაქის განაშენიანების გენერალურ გეგმაზე მუშაობა დაასრულა. დოკუმეტი შემდგომი განხილვისთვის საკრებულოს გადაეგზავნა. საკითხსსპეციალური ბრიფინგი დედაქალაქის მერმა, კახა კალაძემ მიუძღვნა. ინფორმაციისთვის, თბილისის გენგეგმა ჯერ კიდევ 2017 წელს, დავით ნარმანიას შემადგენლობის დროს უნდა მიეღო, თუმცა პროცესი გაჭიანურდა. მერის თანამდებობაზე კახა კალაძის არჩევის შემდეგ „სითი ინსტიტუტსა“ და მერიის ჩინოსნებს შორის ურთიერთობა ახალ ფაზაში გადავიდა. ხმაური მოჰყვა გენგეგმის საჯარო განხილვას. საბოლოოდ, გენ გეგმის ჯგუფს დოკუმენტზე სამუშაოდ 2 თვე მიეცა. ცვლილებების შეტანის შემდეგ მერიამ გენ.გეგმა მიიღო და განხილვისთვის საკრებულოს გადაუგზავნა. დუკუმენტი დედაქალაქის ბიუჯეტს 2.8 მილიონი ლარი დაუჯდა. რა დათმო “სითი ინსტიტუტი - საქართველომ” თბილისის მერიასთან და რას გულისხმობს პრაქტიკული მიწათსარგებლობის გენერალური გეგმა, რაც კახა კალაძემ და მისმა გუნდა მოიწონა? სტუმარი: მამუკა სალუქვაძე - “სითი ინსტიტუტი საქართველო“ ხელმძღვანელი
“სკანდინავიური გარემოს საფინანსო კორპორაციამ” საქართველოს 2.83 მილიონი ევრო გამოუყო, რომელიც საჯარო შენობების ენერგოეფეტურობის გაუმჯობესებას მოხმარდება. სასესხო და ასევე საგრანტო შეთანხმებას კორპორაციასთან ფინანსთა მინისტრმა მოაწერა ხელი.
საპარლამენტო უმრავლესობის წევრი დავით ჭიჭინაძე ინტრასტრუქტურული ტენდერების ქართულ კომპანიებზე მორგების ინიციატივით გამოდის. პარლამენტარი ირწმუნება, რომ ქართული კომპანიების ლობირება და პროტექციონიზმი სულაც არ არის ცუდი. მისივე ინფორმაციით, აღნიშნული ინიციატივა მან მთავრობასთან უმრავლესობის გაფართოებულ სხდომაზე უკვე დააყენა, სადაც პრემიერმა ამ საკითხზე მუშაობის მზაობა გამოთქვა.