#ბიზნესსიახლეები bm.ge-სგან / 07.02.2024 ოთარ შამუგია: „თხილის ბაღის მესაკუთრეებს 21 მლნ ლარის მიზნობრივი დახმარება გადავეცით“; იმერეთის ზამთრის ტურისტული სეზონი; რა გამოწვევები აქვს რაჭის ტურისტულ ბიზნესს? მიმდინარე წელს „ფრუტერა“ წარმოების 200%-ით ზრდას გეგმავს; „დღეში სამი და ოთხი ღონისძიებაც გვქონდა“ – „ქლიქ ივენთი“ 2023 წელს აჯამებს; #ახალიამბები #BusinessMediaGeorgia
არაკვალიფიციური მძღოლების პრობლემა ტურიზმის სფეროში - კერძო სექტორის მიერ გამოკითხული 5000 ტურისტიდან 80% ქვეყანაში მთავარ გამოწვევად მძღოლებს ასახელებს. როგორც კერძო სექტორში აღნიშნავენ, უცხო ქვეყნის მოქალაქეები არაბეთის გაერთიანებული საამიროებიდან, თურქეთიდან, რუსეთიდან და ჩინეთიდან საკუთარი ავტომობილებით მათივე ქვეყნების მოქალაქეებს ემსახურებიან და პარალელურად, გიდის როლსაც ითავსებენ. სატრანსპორტო ინდუსტრიაში ევროპული სტანდარტების დასანერგად, ღირსეული სამუშაო ადგილების შესაქმნელად და ავტოპარკის განსაახლებლად დღეს ტურისტული ტრანსპორტის ალიანსი დაფუძნდა. #ახალიამბები #BusinessMediaGeorgia
პრიორიტეტულ ბაზრებზე ქართული პროდუქციის პოპულარიზაციაზე წელს რეკორდულად მაღალი დაფინანსება გამოიყო, როგორც ჯერ კიდევ მინისტრობის კანდიდატმა, ოთარ შამუგიამ პარლამენტში განაცხადა, ამ მიმართულებით წელს 19 მილიონი ლარია გათვალისწინებული. 243 მილიონი ლარი დაიხარჯება სამ სახელმწიფო პროგრამაზე. საუბარია “შეღავათიანი აგროკრედიტის”, “დანერგე მომავლის” და “გადამამუშავებელი და შემნახველი საწარმოების პროგრამაზე”. გარემოს დაცვისა და სოფლის მეურნეობის მინისტრობის კანდიდატმა პარლამენტში აღნიშნული პროგრამების წარმატებაზე ისაუბრა. კერძოდ, როგორც ოთარ შამუგია აცხადებს, “დანერგე მომავლის” ფარგლებში უკვე გაშენებულია 22 ათას ჰექტრამდე თანამედროვე ბაღი. სამინისტროს გათვლებით, მას შემდეგ რაც, გაშენებული ბაღები სრულ მსხმოიარობაში შევა, მიღებული მოსავლის რაოდენობა 200 ათას ტონას და ღირებულებაში 500 მილიონ ლარს გადააჭარბებს. შეღავათიანი აგროკრედიტის პროგრამით კი 2013 წლიდან დღემდე, 46 000-მდე ბენეფიციარმა ისარგებლა, საფინანსო ორგანიზაციების მიერ ამ პერიოდის განმავლობაში გაცემულია 6 მილიარდ ლარზე მეტი სესხი, ხოლო სახელმწიფოს მხრიდან გაცემული თანადაფინანსება 900 მილიონ ლარს აღემატება. რაც შეეხება გადამამუშავებელი და შემნახველი საწარმოების პროგრამას, ოთარ შამუგიას თქმით, დღემდე დაფინანსებულია 257 საწარმო, საიდანაც 176 უკვე ექსპლუატაციაშია შესული და ამჟამად იწარმოება 250 მილიონ ლარამდე ღირებულების პროდუქცია. რამდენად მიზანმიმართულად ხარჯავს სახელმწიფო საბიუჯეტო რესურსს და რამდენად მორგებულია სახელმწიფო პროგრამები ფერმერების და ზოგადად დარგის საჭიროებებზე? სტუმარი: ნიკო ნიკოლაძე - ფერმერი/ ნუშის და კაკლის მწარმოებელთა ასოციაციის სამეთვალყურეო საბჭოს წევრი; #ახალიამბები #BusinessMediaGeorgia
თბილისის ბიუჯეტი წელს 2 მილიარდ ლარს მიაღწევს. მუნიციპალიტეტის დამტკიცებული ბიუჯეტი მილიარდ 763 მილიონი ლარია, თუმცა როგორ კახა კალაძე განმარტავს, მერიას დამტკიცებულ ბიუჯეტში ცვლილებები შეაქვს და მასში გარდამავალი ნაშთების გათვალისწინებას მითხოვს, რაც გადაჭარბებული შემოსავლებისგან შედგება. კერძოდ, გასულ წელს მერიამ დაგეგმილზე 100 მილიონით მეტი შემოსავალი მიიღო, ასევე დარჩა პროექტებიდან 100 მილიონის საბიუჯეტო ნაშთი. რაში გამოიყენებს დამატებით თანხებს მუნიციპალიტეტი და კიდევ რა კომენტარები გაკეთდა სხდომის დასრულების შემდეგ? #ახალიამბები #BusinessMediaGeorgia
#ბიზნესსიახლეები bm.ge-სგან / 06.02.2023 რა ღირებულების საქონელი გამოიწერეს საქართველოს მოქალაქეებმა უცხოეთიდან 2023 წელს? "საქართველოში ქორწილი აღნიშვნით ძირითადად პოსტსაბჭოთა ქვეყნის მოქალაქეები ინტერესდებიან" - Click Holding; “ზაფხულში 100%-იანი დატვირთვა გვქონდა, ზამთარში კი ჯავშნები 30%-ით შემცირდა” - Mood Villa Kazbegi; "მცირე მარნების პოპულარიზაციაზე ვმუშაობთ" - თბილისში ღვინის ახალი სალონი Victory-ი გაიხსნა; #ახალიამბები #BusinessMediaGeorgia
პარლამენტში ეკონომიკური ბლოკის მინისტრობის კანდიდატებს უსმენენ. ლევან დავითაშვილი, ლაშა ხუციშვილი, ოთარ შამუგია და ირაკლი ქარსელაძე გაერთიანებულ საკომიტეტო მოსმენაზე თავიანთ სამოქმედო პროგრამებს და იმ პროექტებს წარადგენენ, რაზეც მათი უწყებები იმუშავებენ. #ახალიამბები #BusinessMediaGeorgia
საქართველოს მთავრობა საქართველოში საკონტრეილერო გადაზიდვების დანერგვის იდეას დაუბრუნდა. პრემიერ-მინისტრობის კანდიდატის ირაკლი კობახიძის მიერ პარლამენტში წარდგენილ სამთავრობო პროგრამაში ამ კუთხით აქტივობებზეა საუბარი. „სარკინიგზო ტრანსპორტით გადაზიდვების წილის გასაზრდელად, ასევე, საგზაო ინფრასტრუქტურის ცვეთისა და გადატვირთვის შესამცირებლად, გაგრძელდება მუშაობა საკონტრეილერო გადაზიდვების განვითარების კუთხით. ამ მხრივ, 2024 წელს იგეგმება საქართველოსა და აზერბაიჯანში საკონტრეილერო გადაზიდვების განვითარების შესახებ ტექნიკურ-ეკონომიკური დასაბუთების მომზადება. ახალი ტიპის მულტიმოდალური გადაზიდვების დანერგვის იდეა წლებია არსებობს, პროექტი 2019 წელს ყოფილი პრემიერ მინისტრის გიორგი ღარიბაშვილის სამთავრობო გეგმის პრიორიტეტებში იყო. საკონტრეილერო გადაზიდვა გულისხმობს სატვირთო ავტომობილების და მისაბმელების ტრანსპორტირებას სპეციალიზირებული სარკინიგზო პლატფორმების გამოყენებით. ირაკლი კობახიძის მიერ საქართველოს პარლამენტისთვის წარდგენილ სამთავრობო პროგრამაში წლების წინ დაანონსებული კიდევ ერთი პროექტი გვხვდება. 2024 წელს თბილისის ლოგისტიკური ცენტრის პროექტის ტექნიკურ-ეკონომიკური დასაბუთების განახლებაც გეგმაშიც. რამდენად ეხმიანება ლოგისტიკის დარგში არსებულ გამოწვევებს ახალი სამთავრობო გეგმა და რა ნაბიჯებია საჭირო იმისთვის, რომ ქვეყანამ სექტორის ეფექტიანობა კიდევ უფრო მეტად გაზარდოს და არსებული შესაძლებლობები უკეთესად გამოიყენოს? სტუმარი: პაატა ცაგარეიშვილი - “სატრანსპორტო დერეფნის კვლევის ცენტრის” დირექტორი; #ახალიამბები #BusinessMediaGeorgia
ირაკლი კობახიძის მომავალი მთავრობის ერთ-ერთი პრიორიტეტი ამერიკის შეერთებულ შტატებთან სავაჭრო-ეკონომიკური კავშირების განმტკიცება იქნება. მომავალი პრემიერის გეგმაში აღნიშნულია, რომ მთავარ სტრატეგიულ პარტნიორთან თავისუფალი ვაჭრობის შესახებ შეთანხმებაზე მუშაობა გააქტიურდება, ამერიკული ინვესტიციების წახალისება კი გაგრძელდება. კერძო სექტორის ნაწილი მიიჩნევს, რომ ქართველი ბიზნესმენების მხრიდან ამერიკული ბაზრის ასათვისებლად მეტი მხარდაჭერაა საჭირო, ამერიკული ინვესტიციების მოსაზიდად კი საქართველოს მთავრობას სპეციალური გეგმა უნდა გააჩნდეს. რა გვჭირდება ამერიკის შეერთებული შტატების ბაზრის ასათვისებლად? რას მოუტანს ქვეყანას თავისუფალი ვაჭრობის ხელშეკრულება და როგორ უნდა მოვიზიდოთ ამერიკული ინვესტიციები და ტურისტები? #ახალიამბები #BusinessMediaGeorgia
ბოლო ანგარიში პრეზიდენტის რანგში - სალომე ზურაბიშვილის ყოველწლიური მოხსენებით გაიხსნა პარლამენტის საგაზაფხულო სესია, რომელიც ამ წუთებშიც გრძელდება. “პარლამენტის ტრიბუნასთან დღეს ბოლოჯერ კი არ ვდგავარ, არამედ ამ ტრიბუნასთან პირველად ვდგავარ, როგორც ევროკავშირის კანდიდატი ქვეყნის პრეზიდენტი” - ამ სიტყვებით დაიწყო პრეზიდენტმა მიმართვა. #ახალიამბები #BusinessMediaGeorgia
#ბიზნესსიახლეები bm.ge-სგან / 05.02.2024 ცემენტის იმპორტი რეკორდულ ნიშნულზეა; „ჰერბია“ აქციების გამოშვებას გეგმავს; ქართულმა ბრენდებმა Phubber-ით ასეულობით ათასი ლარის პროდუქცია გაყიდეს – გიორგი ჩუგოშვილი; SpaceM-ი NVIDIA Inception-ის პროგრამას შეუერთდა; საქორწილო მომსახურების ცენტრი DRESSCODE ფართოვდება - ინვესტიცია 50 000 ლარია; #ახალიამბები #BusinessMediaGeorgia
188 მლნ ლარი გადახდილი გადასახადები, გუნდი 1900 თანამშრომლით, 23 რესტორანი 25 წელში და ვინ მოთვლის რამდენი ისტორია ამერიკული ბურგერის საქართველოში პირველად გამოჩენიდან დღემდე. მუდმივი ინოვაციის და მრავალწლიანი ერთგულების საიდუმლოს ყველაზე ცნობადი ბრენდის სიმბოლო ოქროსფერი თაღებით 90-იანების ნაცრისფერ თბილისში პირველად რუსთაველის გამზირზე 1991 წლის 5 თებერვალს გამოჩნდა. ცნობილი კადრები საუკუნის მეოთხედის წინ რთულია ასაკის მიუხედავად ვინმესთვის უცხო იყოს და არანაკლებ რთულია დათვალო ან გაზომო იმ თაობის წარმომადგენლების ემოციები დაბადების დღის გადახდა მაკდონალდში რომ დაიწყო. დღეს მსოფლიოში ამ თაობას გენზით მოიხსენიებენ და საქართველოსთვის ალბათ უფრო მაკდონალდსში დაბადების დღის აღმნიშვნელი თაობაც შეიძლება ერქვას. მსოფლიო ბრენდი რესტორნებს 120 ზე მეტ ქვეყანაში ფლობს, მაგრამ ამ მასშტაბშიც მოახერხა ქართულმა მაკდონალდსმა ამ წლებში საკუთარი სათქმელი ეთქვა და გემოვნური თვისებებით თუ არქიტექტორული ნამუშევრით თავი გამოეჩინა. ამ დროისთვის მაკდონალდსი ყოველწლიურად 31 ათას სტუმარს მასპინძლობს და მუდმივ ზრდა განვითარებასთან ერთად უცვლელი რჩება ხარისხი. #ახალიამბები #BusinessMediaGeorgia
აგროსფეროთი დაინტერესებულებისთვის და სფეროში დასაქმებულებისთვის რამდენიმე მიმართულების სახელმწიფო პროგრამა მოქმედებს. იმის მიუხედავად, რომ ცალკეული პროექტები თუ ბიზნესები კარგ შედეგებს დებენ, უშუალოდ პროგრამების შესაფასებელი კრიტერიუმები და ეფექტიანობა საკმაოდ რთული შესაფასებელია. მით უფრო რომ სახელმწიფო ძირითად რესურსს ინფორმაციის მაქსიმალურად დასამალად ხარჯავს. კარგი მაგალითებიც არის, სოფლის მეურნეობის სამინისტროს, შესაბამისი სიპის სოფლის განვითარების სააგენტოს მიერ ბიემჯისთვის გამოგზავნილი ინფორმაციის მიხედვით, „შეღავათიანი აგროკრედიტის პროგრამით“ 2013-2023 წლებში 6 მილიარდამდე ლარის სესხია გაცემული, რომელიც ბიუჯეტიდან 879 მლნ ლარით დასუბსიდირდა. რამდენს დახარჯავს ბიუჯეტი მომდევნო წლებში გადასახადის გადამხდელებისგან შეგროვებული თანხებიდან უკვე გაცემული კრედიტებისთვის და როგორ აფასებს მთავრობა პროგრამის ეფექტიანობას - „შეღავათიანი აგროკრედიტის“ პროგრამის 10 წლის ძირითად სტატისტიკურ მონაცემებს. #ახალიამბები #BusinessMediaGeorgia
მეათე მოწვევის პარლამენტში ბოლო საგაზაფხულო სესია მთავრობის წევრების პროგრამების წარდგენით დაიწყო. ვიდრე დეპუტატები პრეზიდენტის ყოველწლიურ მოხსენებას მოისმენენ, ირაკლი კობახიძის გუნდის წევრები მინისტრთა კაბინეტიდან თანაგუნდელებს საკანონმდებლო ორგანოში პროგრამის “ევროპული სახელმწიფოს მშენებლობისთვის“მთავარ გზავნილებს გაერთიანებული კომიტეტების ფორმატში ისმენდნენ. ნაკლები სიახლეები და უცვლელი სახეები - კომიტეტების გაერთიანებულ სხდომაზე უმრავლესობისგან კრიტიკა როგორც მოსალოდნელი იყო ფაქტობრივად უკვე წლების განმავლობაში მოქმედ მინისტრებთან ნაკლებად ისმოდა, კითხვები ოპოზიციიდანაც მწირი იყო. სტაჟიანი მინისტრები პორტფელის ხელახალი ნდობის რეჟიმში მისაღებად უმეტესად უკვე შესრულებულ სამუშაოებზე ან არაერთხელ მიმოხილულ თემატიკაზე აკეთებდნენ აქცენტს. #ახალიამბები #BusinessMediaGeorgia
პარლამენტის კომიტეტებში მთელი დღის განმავლობაში ირაკლი კობახიძის მინისტრთა კაბინეტის მომავალი წევრების მოსმენა მიმდინარეობს. დეპუტატების წინაშე უკვე წარსდგნენ რატი ბრეგაძე, თეა ახვლედიანი, ვახტანგ გომელაური და ირაკლი ჩიქოვანი. #ახალიამბები #BusinessMediaGeorgia
USAID-ის ენერგეტიკული მომავლის უზრუნველყოფის პროგრამის ფარგლებში განახლებადი მცირე ზომის ელექტროსადგურების პროექტებს დააფინანსებს. პროექტების შესარჩევად კონკურსი უკვე გამოცხადდა, რომლის ფარგლებში, შეირჩევა პროექტები, რომელშიც USAID-ი 50%-იან თანადაფინანსებაში, არაუმეტეს 100 000 დოლარის ოდენობით შედის. პროგრამა ემსახურება მიმდინარე განახლებადი ენერგეტიკული სადგურის საპროექტო ტერიტორიის გავლენის არეალში შემავალი თემებისთვის დამატებითი სარგებლის შექმნას, რომელმაც ხელი უნდა შეუწყოს კერძო სექტორს ადგილობრივ მოსახლობასთან ნაყოფიერი ურთიერთობების ჩამოყალიბებაში, სამშენებლო სამუშაოების შეუფერხებლად წარმართვასა და სადგურის შემდგომ ოპერირებაში. რა ტიპის პროექტები შეირჩევა კონკურსის შედეგად და როგორია კონკურსის ჯამური ბიუჯეტი? სტუმარი: თათა მურცხვალაძე - USAID / ენერგეტიკაში ინვესტიციების ხელშეწყობის მიმართულების ხელმძღვანელი; #ახალიამბები #BusinessMediaGeorgia
„შეღავათიანი აგროკრედიტის პროგრამით“ 2013-2023 წლებში 6 მილიარდამდე ლარის სესხია გაცემული, რომელიც ბიუჯეტიდან 879 მლნ ლარით დასუბსიდირდა. რომელმა კომპანიებმა აიღეს ყველაზე მსხვილი კრედიტები, კიდევ რამდენი მილიონის გადახდა მოუწევთ გადასახადების გადამხდელებს უკვე გაცემული კრედიტების თანადაფინანსებისთვის და რომელ რეგიონებში გაიცა ყველაზე მეტი სესხი? როგორ მუშაობს შეღავათიანი აგროკრედიტის პროგრამა? #ახალიამბები #BusinessMediaGeorgia
პარლამენტში ირაკლი კობახიძის მთავრობის დამტკიცების პროცესი დაიწყო. დღეს კომიტეტების გაერთიანებულ სხდომებზე მინისტრობის კანდიდატების ნაწილს უსმენენ. დეპუტატების წინაშე უკვე წარდგნენ რატი ბრეგაძე, თეა ახვლედიანი, ვახტანგ გომელაური და ირაკლი ჩიქოვანი. ირაკლი ჩიქოვანი ერთადერთია, ვინც ამ ეტაპზე ირაკლი კობახიძის მინისტრთა კაბინეტში მოხვდება. ის თავდაცვის უკვე ყოფილ მინისტრს, ჯუანშერ ბურჭულაძეს შეცვლის. რა საკითხებზე გააკეთეს აქცენტი მომავალმა მინისტრებმა და რა კითხვები ჰქონდათ მათთან დეპუტატებს? #ახალიამბები #BusinessMediaGeorgia
საქართველოში სმს მარკეტინგული ბაზარი ახალი რეგულაციის ქვეშ ექცევა. 1 მარტიდან ძალაში პერსონალურ მონაცემთა დაცვის შესახებ ახალი კანონი შედის, რომლის მიხედვითაც, სარეკლამო შეტყობინებას ბიზნესი მომხმარებელს მხოლოდ მისი თანხმობის შემდეგ გაუგზავნის. ცვლილებები ეხება ყველას, ვისაც მოქალაქეთა პერსონალურ მონაცემთა ბაზა გააჩნია. #ახალიამბები #BusinessMediaGeorgia
საყოველთაო ჯანდაცვის პროგრამას გასულ წელსაც იმაზე მეტი ხარჯი დასჭირდა ვიდრე ბიუჯეტის პროექტით იყო გათვალისწინებული. ფინანსთა სამინისტროს მიერ გამოქვეყნებული ანგარიშის თანახმად, გასულ წელს პროგრამაზე 1.06 მილიარდი ლარი დაიხარჯა, რაც გეგმით განსაზღვრულზე 82 მილიონი ლარით მეტი იყო. 2024 წლის ბიუჯეტის თანახმად, საყოველთაო ჯანდაცვის პროგრამისთვის 1.03 მილიარდი ლარია გათვალისწინებული, რაც 2023 წლის ფაქტობრივ შესრულებაზე 27 მილიონი ლარით ნაკლებია. 2023 წელს საყოველთაო ჯანდაცვის პროგრამის ფარგლებში მომსახურება 713 ათას პაციენტს გაეწია, ხოლო თითოეულ მათგანზე ბიუჯეტის მხრიდან გაწეული მომსახურებების ფასმა საშუალოდ 1,490 ლარი შეადგინა, 2022 წელთან შედარებით ეს მაჩვენებელი 19.5%-ით მეტია. #ახალიამბები #BusinessMediaGeorgia
#ბიზნესსიახლეები bm.ge-სგან / 02.02.2024 „2024 წლიდან ექსპორტზე ზრუნვას აქტიურად ვიწყებთ“-„იქვე მეღვინეობა“; „გასულ წელს, თაფლის წარმადობის 40%-ით შემცირება მოგვიწია“-„ჰანივეი“; „რე:სქული“ მსჯავრდებული ქალებისთვის უპრეცედენტო პროექტს იწყებს; „გვაინტერესებს სამეგრელოს, კახეთის მიმართულებაში აქტიურად ჩართულობა“ - Rooms Hotel-ის გეგმები; როგორ ვითარდება ქვეყანაში ბიოწარმოება? #ახალიამბები #BusinessMediaGeorgia
საყოველთაო ჯანდაცვის პროგრამა 2023 წელსაც ბიუჯეტის გადახარჯვით ოპერირებდა - ფინანსთა სამინისტროს მიერ გამოქვეყნებული ანგარიშის თანახმად, გასულ წელს პროგრამაზე 1.06 მილიარდი ლარი დაიხარჯა, რაც გეგმით განსაზღვრულზე 82 მილიონი ლარით მეტი იყო. 2024 წლის ბიუჯეტის თანახმად, საყოველთაო ჯანდაცვის პროგრამისთვის 1.03 მილიარდი ლარი არის გათვალისწინებული, რაც 2023 წლის ფაქტობრივ შესრულებაზე 27 მილიონი ლარით ნაკლებია. რატომ ვერ განჭვრიტა სამინისტრომ ვერც 2023 წელს საყოველთაო ჯანდაცვის პროგრამის ბიუჯეტი, რატომ დადგა დღის წესრიგში დამატებითი თანხების მობილიზების აუცილებლობა და როგორ უნდა მოხდეს ჯანდაცვაზე გამოყოფილი თანხების უფრო მეტად ეფექტიანი ხარჯვა?' #ახალიამბები #BusinessMediaGeorgia
1 მარტიდან არასასურველი სარეკლამო SMS-ები აღარ მოგივათ. ცვლილებას პერსონალურ მონაცემთა დაცვის შესახებ ახალი კანონი ითვალისწინებს, რომლის მიხედვით, მიმდინარე წლის პირველი მარტიდან სარეკლამო შეტყობინებების მისაღებად წინასწარი თანხმობაა საჭირო. რა იცვლება პერსონალურ მონაცემთა დაცვის ახალი კანონით? #ახალიამბები #BusinessMediaGeorgia
#ქართულიბიზნესსიახლეები - "საქმიან საღამოში" / 01.02.2024
ამბებს თურქეთში ბიზნესზე და თურქულ ენაზე, ისევე როგორც რა თქმა უნდა ქართულად, ინგლისურად და რუსულად ბიზნეს მედია საქართველოს ძირითადი პლატფორმა ვებ გვერდი bm.ge გასული წლიდან მოყოლებული მკითხველებს მთელი მსოფლიოს მასშტაბით აწვდის. საქმიანი ამბები ბიზნესზე და ეკონომიკაზე 4 ენაზე ყველაზე სანდო მთვლელის, გუგლ ანალიტიქსის მიხედვით 8 მილიონ 400 ათას მკითხველს დააინტერესა და ამავე მონაცემებით მკითხველთა სესიების ჯამი 20 მილიონამდეა. ბიემჯი ზრდას აგრძელებს, ამბებს ბევრ და საინტერესოდ კიდევ ბევრჯერ მოგიყვებით სატელევიზიო ეთერებით თუ ონლაინ სივრცეში თუმცა ის რაც ყველაფერს უყრის თავს და ის სადაც ყველა ამბავი ჩვენი მკითხველისთვის ყოველთვის ყველაზე სანდო და ოპერატიულია ბიემჯის ვებ გვერდი და მისი გუნდის წევრების ნამუშევარია. როგორ გიყვებით საქმიან ამბებს 24/7 ზე და როგორი იყო ჩვენი მკითხველების ინტერესი გასული წლის შედეგებით აქაც რიცხვებით გამყარებულ გიზიარებთ ისტორიას; #ახალიამბები #BusinessMediaGeorgia
მავნე ნივთიერებების გავლენა გარემოზე უარყოფითად აისახება, დაბინძურებული გარემო პრობლემურია ყოველდღიურობაში თუმცა ჯანმრთელობისთვის საფრთხეს მხოლოდ ბუნებაში გატყორცნილი მავნე ნივთიერებები არ ქმნის. აღმოსავლეთ პარტნიორობის ქვეყნებიდან საქართველო 1 ჰექტარზე გამოყენებული პესტიციდების რაოდენობით მოწინავე პოზიციაზეა. FAO-ს შეფასებით, 2020 წელს საქართველომ ერთ ჰექტარზე ყველაზე მეტი - 6,26 კგ. პესტიციდები გამოიყენა, მაშინ როცა მსოფლიოში პესტიციდების გამოყენების საშუალო მაჩვენებელი ჰექტარზე 1.8 კგ-ია. ევროკავშირის "აღმოსავლეთ პარტნიორობის 2023 წლის ინდექსის მიხედვით, ერთ ჰექტარზე 1,74 კგ. პესტიციდი გამოიყენა მოლდოვამ, 1,27 კგ. სომხეთმა. აღმოსავლეთ პარტნიორობის სხვა ქვეყნებმა ერთ ჰექტარზე 1 კგ.-ზე ნაკლები პესტიციდები გამოიყენეს. ამ მხრივ, ყველაზე მდგრადი სოფლის მეურნეობა აზერბაიჯანს ჰქონდა, სადაც მისი მოხმარება ჰექტარზე 0,23 კგ.-ს შეადგენს. #ახალიამბები #BusinessMediaGeorgia
ქართული ოცნების თავმჯდომარედ ბიძინა ივანიშვილის დაბრუნებიდან და ამჯერად, საპატიოს სტატუსით, ერთი თვის შემდეგ როქი ქართულ ოცნებაში ოფიციალურია. ირაკლი კობახიძე და ირაკლი ღარიბაშვილი ადგილებს ცვლიან. ქართული ოცნების მერვე ყრილობაზე ვიდრე რიგით მეექვსე პრემიერი ოფიციალურად დასახელდებოდა ირაკლი კობახიძემ პოლიტსაბჭოს გადაწყვეტილებით თანაპარტიელებს თავმჯდომარედ ირაკლი ღარიბაშვილის კანდიდატურა წარუდგინა. თანაგუნდელებისგან 2 ჯერ პრემიერობიდან წასულ ღარიბაშვილს პარტიულ თანამდებობაზე ყოფნისთვის 100% იანი მხარდაჭერა ჰქონდა. უკვე პარტიის თავმჯდომარე ღარიბაშვილმა კი სამადლობელო სიტყვის შემდეგ, მთავრობის თავმჯდომარედ კენჭისყრაზე პარტიის წინა თავმჯდომარის კანდიდატურა დააყენა, ეს ირაკლი კობახიძეა, ყრილობის წევრებისგან ამ წინადადებასაც სრული მხარდაჭერა ჰქონდა. #ახალიამბები #BusinessMediaGeorgia
#ბიზნესსიახლეები bm.ge-სგან / 01.02.2024 „ქართული“ - დუბაიში ქართული რესტორანი გაიხსნა; „რე:სქული“ ქუთაისში ფილიალს ხსნის; რა აფერხებს ქვეყანაში ბიოწარმოების განვითარებას? „ჩვენი ოცნებაა, რომ თელავში საერთაშორისო ფრენები განხორციელდეს“-„ლოპოტა სპა რეზორტი“; “ზაფხულში 100%-იანი დატვირთვა გვქონდა, ზამთრის სეზონზე კი ჯავშნები 30%-ით შემცირდა” - Mood Villa Kazbegi; #ახალიამბები #BusinessMediaGeorgia
ინფრასტრუქტურის მშენებელი კომპანიები სახელმწიფო ტენდერების ფასწარმოქმნაში არსებულ ხარვეზებზე საუბრობენ. მათი თქმით, სატენდერო ფასის მოძველებული მეთოდოლოგიით დგინდება, რის გამოც ხშირად კომპანიებს ფინანსური პრობლემები ექმნებათ, შედეგად, პროექტები უხარისხოდ სრულდება. სექტორი ამ მიმართულებით რეფორმირებას ითხოვს, იმისთვის, რომ დამკვეთისგან შეთავაზებული ფასი რეალობასთან ახლოს იყოს და მხარეები ერთი მხრივ ფინანსურად და მეორე მხრივ თანხების დაზოგვის მიზნით უხარისხოდ შესრულებული სამუშაოების გამო არ დაზარალდნენ. #ახალიამბები #BusinessMediaGeorgia
ბიძინა ივანიშვილის პოლიტიკაში მესამედ მოსვლიდან 1 თვეში პოლიტიკურ დაფაზე პირველი ცვლილებებია... პოლიტიკაში მესამედ შემობრუნებულმა საქართველოს უმდიდრესმა მოქალაქემ მის პირველ მიმართვაში ოპოზიციის ჩამოშლაზე და ამ პროცესში კორუფციის რისკებიც მატებაზე გააკეთა აქცენტი, რასაც მისი თქმით, საგანგებო დაზღვევა ესაჭიროება. რატომ გადაწყდა პრემიერის და პარტიის თავმჯდომარის როლების გაცვლა. რას ცვლის როტაცია და რამდენად აქვს ცალკეულ პერსონებს უნარი, ერთი პოლიტიკური ვერტიკალის პირობებში, პროცესებში ცვლილებები შეიტანოს? #ახალიამბები #BusinessMediaGeorgia
როლები ოფიციალურად გაცვლილია - სულ ცოტა ხნის წინ მმართველი პარტიის ყრილობაზე ქართული ოცნების თავმჯდომარედ ირაკლი ღარიბაშვილი აირჩიეს, რომელმაც თავის მხრივ პრემიერობის კანდიდატად ირაკლი კობახიძე წარადგინა. დღეს ტრიბუნასთან არ მისულა პარტიის დამფუძნებელი და საპატიო თავმჯდომარე ბიძინა ივანიშვილი, რომელმაც ყრილობის დაწყებამდე თქვა, რომ პრემიერის პოსტი ირაკლი ღარიბაშვილმა საკუთარი სურვილით დატოვა. რა გახდა ცვლილებების მიზანი მკაფიო განმარტებები არც დღეს გაკეთებულა - რა გუნდით და გეგმებით მოდის მთავრობის მეთაურად ირაკლი კობახიძე? #ახალიამბები #BusinessMediaGeorgia
წერეთლის გამზირზე საავტომობილო მოძრაობა ორმხრივად აღდგა. გამზირზე საგზაო სამუშაოების გახსნას დღეს თბილისის მერი კახა კალაძე დაესწრო. რა გაკეთდა წერეთლის გამზირზე, რა სამუშაოებია ადგილზე დასრულებული და რა დრო დასჭირდება სრულად წერეთლის გამზირის რეაბილიტაციის დასრულებას? #ახალიამბები #BusinessMediaGeorgia
ქართული ოცნება 11-წლიანი მმართველობის ფარგლებში პრემიერ-მინისტრის მეშვიდედ დამტკიცებისთვის ემზადება. სულ ცოტა ხანში პარტიის ყრილობაზე ბიძინა ივანიშვილი პრემიერობის კანდიდატს ოფიციალურად წარადგენს. ბიძინა ივანიშვილმა პარტიის საპატიო თავმჯდომარის და მთავარი პოლიტიკური მრჩევლის რანგში პოლიტიკაში მესამედ დაბრუნებიდან ზუსტად 1 თვეში პოლიტიკურ დაფაზე პირველი სვლა გააკეთა და პრემიერის და პარტიის თავმჯდომარის როლების გაცვლა გადაწყვიტა, მიუხედავად იმისა, რომ ჯერ კიდევ 1 თვის წინ ქართული ოცნების მე-7 რიგგარეშე ყრილობაზე გამოჩენილი ბიძინა ივანიშვილი ამტკიცებდა, რომ პრემიერი არ შეიცვლებოდა. #ახალიამბები #BusinessMediaGeorgia
⚽La Gazzetta Dello Sport Georgia-ს პრეზენტაცია; ➡️ლაშა მაჭავარიანი - SMH SPORTS-ისდამფუძნებელი; ➡️ჯანლუკა ვარანო - La Gazzetta Dello Sport-ის დირექტორი; ➡️ჯანლუკა ძამბროტა - ყოფილი ფეხბურთელი, მსოფლიო ჩემპიონი (2006); #საქმიანისაღამო #BMG #ბიზნესმედია #საქმიანები #ახალიამბები #BusinessMediaGeorgia
2026 წლის 1 სექტემბრიდან რეფორმირებული წყლის რესურსების მართვის სისტემა უნდა ამოქმედდეს. გარემოს დაბინძურება კანონით ახლაც აკრძალულია, თუმცა პრობლემა ზედამხედველობა და კანონის დამრღვევების გამოვლენაა, რაც გაუმჯობესებული ზედამხედველობის გარეშე განახლებული საკანონმდებლო ბაზის შემთხვევაშიც გამოწვევად დარჩება. რა ძირითადი გამოწვევებია დღეს წყლის რესურსების მართვის მიმართულებით ქვეყანაში, რამდენად არის მზად ბიზნესი მოსალოდნელი რეგულაციებისთვის - წყლის რესურსების მართვის რეფორმის პროგრესი USAID -ის ეკონომიკური უსაფრთხოების პროგრამის ჩართულობით ISET-მა მოამზადა. #ახალიამბები #BusinessMediaGeorgia
ნათია თურნავამ მედიის კითხვებს მონეტარული პოლიტიკის კომიტეტის გადაწყვეტილების გაზიარებისას უპასუხა. რეფინანსირების განაკვეთ კი ის პარამეტრია, რაც თავის მხრივ ინფლაციაზე და ეკონომიკურ ზრდაზეც გარკვეულ გავლენას ახდენს. განაკვეთი კომიტეტმა 2024 წლის პირველი შეკრების შემდეგ ნახევარი პროცენტული პუნქტით შეამცირა და ის ახლა 9%ია. განაკვეთი ნიშნულზე 2021 წლის აპრილის შემდეგ არ ყოფილა. რით ახსნა ეროვნული ბანკის პრეზიდენტობის მოვალეობის შემსრულებელმა ეს გადაწყვეტილება, იმ ფონზე რომ FeD-ის და ECB-ის ანუ ამერიკის და ევროპის ცენტრალური ბანკების მხრიდან ამ წლის პირველ შეხვედრებზე განაკვეთი უცვლელად არის დატოვებული და როგორია ფინანსისტების მხრიდან ნახევარი პროცენტული პუნქტით შემცირებაზე შეფასებები. #ახალიამბები #BusinessMediaGeorgia
#ბიზნესსიახლეები bm.ge-სგან / 31.01.2024 "Skillwill საქართველო" მექსიკის ბაზარზე გასვლას გეგმავს; "გვრჩება შთაბეჭდილება, რომ მესტიის ტურისტული პოტენციალი მიზან მიმართულად ნადგურდება", - სასტუმრო "ფალიანი" გამოწვევებზე; "მესტიაში სასტუმროები ცარიელია. ტრასებზე 20-30 ადამიანი სრიალებს", - ირაკლი გურჩიანი ზამთრის სეზონს აფასებს; "წყალი გრაფიკის გარეშე მოდის" - როგორია ყაზბეგის ტურისტული სეზონი? „გუდვილი“ ონლაინ გაყიდვების გაძლიერებაზე მუშაობს - "ვგეგმავთ Dark store-ის განვითარებას“; „ძალიან მინდა უძრავ ქონებაზე ფასების კლება დავაანონსო, მაგრამ ეს ილუზიაა“ – „Lemons Group“; #ახალიამბები #BusinessMediaGeorgia
ქვეყანა წყლის რეფორმის მოლოდინშია- 2026 წლის 1 სექტემბრიდან წყლის რესურსების მართვის შესახებ ახალი კანონის კანონქვემდებარე აქტები შევა ძალაში, მათ შორის ჩნდება ახალი ვალდებულებები წყალმოსარგებლე ბიზნეს ოპერატორებისთვისაც. რა ძირითადი გამოწვევებია დღეს წყლის რესურსების მართვის მიმართულებით ქვეყანაში, რამდენად არის მზად ბიზნესი მოსალოდნელი რეგულაციებისთვის - წყლის რესურსების მართვის რეფორმის პროგრესი USAID-ის ეკონომიკური მმართველობის პროგრამის ჩართულობით ISET-მა მოამზადა. #ახალიამბები #BusinessMediaGeorgia
2023 წელს საქართველოს ეკონომიკა 7%-ით გაიზარდა. უშუალოდ დეკემბერში კი ზრდა 8.3% იყო.- მონაცემებს საქსტატი აქვეყნებს. ანგარიშის თანახმად, დეკემბერში საქართველოს კერძო სექტორის ბრუნვამ 14.7 მილიარდი ლარი შეადგინა, რაც წლიურ ჭრილში 4.6%-ით არის გაზრდილი. დეკემბერში ბრუნვის მატება დაფიქსირდა ეკონომიკის სექტორების უმეტესობაში, თუმცა კლება იყო ენერგეტიკასა და უძრავ ქონებასთან დაკავშირებულ ოპერაციებში. რა სასტარტო პირობებით დაიწყო საქართველომ 2024 წელი, რა ფაქტორები შეიძლება დაეხმაროს ეკონომიკის ზრდას და რა არის მთავარი რისკები? სტუმარი: ირაკლი ჟვანია - „ქუდოს ჯორჯიას“ მმართველი პარტნიორი; #ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი 0,5 პროცენტული პუნქტით, 9%-მდე შეამცირა. ეს ნიშნავს, რომ 184,391 მსესხებელს სესხზე ყოველთვიური შენატანი შეუმცირდება. აღსანიშნია, რომ მონეტარული პოლიტიკის განაკვეთი ამ დონეზე 2021 წლის აპრილის შემდეგ არ ყოფილა. რას ეფუძნება ეროვნული ბანკის გადაწყვეტილება და ინფლაციაზე ზეწოლის კუთხით რა შიდა და საგარეო რისკებს ხედავს ეროვნული ბანკი? რა ფაქტორები გაითვალისწინა ეროვნულმა ბანკმა მიღებული გადაწყვეტილებისას? #ახალიამბები #BusinessMediaGeorgia
საბანკო კრედიტებზე წვდომა აგრარული სექტორისთვის დღემდე გადაუჭრელ პრობლემად რჩება. ფერმერების დაფინანსების ძირითადი წყარო შეღავათიანი აგროკრედიტის სახელმწიფო პროგრამაა, თუმცა ფერმერული მეურნეობების დიდი ნაწილი საბანკო კრედიტებს მაინც ვერ იღებს. ძირითად შემთხვევაში მიზეზი არასაკმარისი აქტივებია, რასაც ბანკები მათგან უზრუნველყოფის სახით ითხოვენ. პრობლემა კიდევ ერთხელ გამოჩნდა პარლამენტის აგრარული კომიტეტის მიერ ჩატარებული თემატური მოკვლევის ფარგლებში. შეთანხმდნენ, რომ ფერმერების შემოსავლების შეფასების მეთოდოლოგია გადასახედია, საჭიროა სახელმწიფოს მხრიდან ბანკებთან შუამდგომლობა და მეტი გარანტიებიც. #ახალიამბები #BusinessMediaGeorgia
31 იანვარს მმართველი პარტიის ყრილობა ჩაინიშნა, რომელზეც თანამდებობიდან წასული ირაკლი ღარიბაშვილი შემცვლელი, პარტიის საპატიო თავმჯდომარემ, ბიძინა ივანიშვილმა უნდა დაასახელოს. წინასწარი ინფორმაციით პრემიერობის კანდიდატი ირაკლი კობახიძე იქნება. ცვლილებების მოლოდინია სამთავრობო გუნდის შემადგენლობაშიც. რომელი მინისტრები დატოვებენ პორტფელებს და ვინ დაიკავებს მთავრობის მრგვალ მაგიდასთან ადგილს ეს მთავრობის თავმჯდომარეობის კანდიდატმა უნდა წარმოადგინოს. ვიდრე მმართველი გუნდიდან კარგად ნაცნობი სახეები მთავრობაში გადაინაცვლებენ ან მათი შემოთავაზებული ხედვა შეფასდება უკვე ყოფილის ნამუშევარს კერძო სექტორი აფასებს. როგორ იმუშავა ირაკლი ღარიბაშვილის მთავრობამ და რამდენად სარგებლიანი იყო მისი და მისი გუნდის მიერ გაწეული სამუშაო გადასახადების გადამხდელებისათვის #ახალიამბები #BusinessMediaGeorgia
საქართველო ახალი პრემიერის მოლოდინშია. ქართული ოცნება პრემიერის პოსტზე, სავარაუდოდ, ირაკლი კობახიძეს პირველ თებერვალს წარადგენს. ბიზნესმენების ნაწილი ახალ პრემიერს ურჩევს, ძალისხმევა ქვეყანაში ევროპული სტილის პოლიტიკური გარემოს შექმნას და არსებული დეპოლარიზაციის დასრულებაზე მიმართოს. პოსტიდან უკვე მეორედ გადამდგარ თუ გადაყენებულ პრემიერ ირაკლი ღარიბაშვილის საქმიანობას კერძო სექტორის ნაწილი დადებითად აფასებს, ნაწილს კი უჭირს ისეთი რეფორმის გახსენება, რამაც მისი მმართველობის პერიოდში ეკონომიკას მნიშვნელოვანი შედეგი მოუტანა. #ახალიამბები #BusinessMediaGeorgia
თბილისის მერიამ 18-მეტრიანი ავტობუსების შემოყვანა დედაქალაქში ჯერ კიდევ 2020 წლისთვის დააანონსა, თუმცა ფაქტია, რომ არაერთი ანონსის შემდეგ თბილისში სატესტო რეჟიმში 18 მეტრიანმა ავტობუსებმა 2024 წლის იანვრიდან დაიწყო გადაადგილება. აღნიშნულმა ავტოსატრანსპორტო საშუალებებმა წინასწარ განსაზღვრულ სწრაფ სატრანზიტო დერეფნებში უნდა იმოძრაონ, რომელიც შედგენაც წლების წინ თბილისის მერიის დაკვეთით კომპანია სისტრამ უზრუნველყო. 2020 წელს ჯერ კიდევ თბილისის მერის მოადგილის ამპლუაში მაია ბითაძე აცხადებდა, რომ მნიშვნელოვანი იყო ძირითად ქუჩებზე, სადაც მოსახლეობა ყოველდღიურად გადაადგილდებოდა 10-15 წუთში ერთხელ 18 მეტრიან ავტობუსებს ემოძრავათ, რომლებიც 150 მგზავრს ერთდროულად გადაიყვანდნენ. ჯერ-ჯერობით უცნობია რომელ მარშრუტებზე გადანაწილდება ახალი ავტობუსები, თუმცა როგორც თბილისის მერი მიმდინარე წლის ნოემბერში აცხადებდა. ახალი ავტობუსები პირველ ეტაპზე 4 ხაზზე იმოძრავებდა. საუბარია 301, 302, 308, 314 ავტობუსის ხაზებზე. რას შეცვლის ახალი ავტობუსები მგზავრთგადაყვანის ნაწილში და რამდენად არის დღეს არსებული ინფრასტრუქტურა ამისთვის მზად? სტუმარი: გიორგი ბაბუნაშვილი - „ურბანული ლაბორატორიის“ დამფუძნებელი; #ახალიამბები #BusinessMediaGeorgia
‘’ფინანსებზე ხელმისაწვდომობა აგრარულ დარგში - კერძო ფინანსური ინსტიტუტების ჭრილში“- თემატური მოკვლევის ფარგლებში აგრარული კომიტეტი დაინტერესებულ მხარეებთან დასკვნით პროექტზე შემაჯამებელ შეხვედრას მართავს. რა პრობლემები ექმნებათ ფერმერებს ფინანსურ რესურსებთან წვდომის თვალსაზრისით და რა გამოწვევების იდენტიფიცირება მოხდა მოკვლევის ფარგლებში, რის გამოც საფინანსო ინსტიტუტები თავს იკავებენ სოფლის მეურნეობის სექტორის დაკრედიტებისგან? #ახალიამბები #BusinessMediaGeorgia
ლარის კურსი & გლობალური საფონდო ბირჟების მიმოხილვა / 29.01.2024 ➡გიორგი თოლორდავა - "საქმიანი საღამოს" წამყვანი; #ახალიამბები #BusinessMediaGeorgia
პანდემიის შემდეგ ბიზნეს პროცესების გაციფრულება ტოპ სამ გამოწვევას შორისაა- ამის შესახებ ინფორმაცია დღეს საქართველოს სავაჭრო პალატის ბიზნესისა და რეგიონული განვითარების დეპარტამენტის დირექტორმა გიორგი ვეკუამ გააჟღერა. როგორც ვეკუა ამბობს, სავაჭრო პალატა giz-თან ერთად საქართველოს რეგიონებში მდებარე მცირე და საშუალო ბიზნესს პროცესების გაციფრულებაში დაეხმარება. მისი თქმით, ამ მიმართულებით დღეს გამოწვევები არსებობს, რომელსაც ახალი პროექტი უპასუხებს. #ახალიამბები #BusinessMediaGeorgia
ერთი წლის წინ ევროპის ენერგეტიკულმა გაერთიანებამ საქართველოსთან დაკავშირებით ენერგეტიკის სექტორში სისტემის გადამცემი ოპერატორის განცალკევებაზე ვალდებულების შეუსრულებლობის საკითხზე მოკვლევა დაიწყო. შესწავლის ფოკუსშია როგორც ელექტროენერგეტიკის, ისე ბუნებრივი გაზის სექტორებში სისტემის ოპერატორების განცალკევების ვალდებულების შესრულება, რაც საქართველომ გაწევრიანებისას აიღო, თუმცა როგორც აღმოჩნდა ვადებში ვერ ჩაეტია და თუ პირობის დარღვევა დადგინდება ქვეყანა ევროპის ენერგეტიკული გაერთიანებისგან სანქციებს უნდა ელოდოს. #ახალიამბები #BusinessMediaGeorgia
#ბიზნესსიახლეები bm.ge-სგან / 29.01.2024 "ნიკორას", "ორი ნაბიჯის", "სპარის" და "კარფურის" საბაზრო წილი 55%-ს აღწევს - FMCG სექტორის ზომა 21 მლრდ-ია; "ქართული ღვინისთვის რუსული ბაზარი არასტაბილურობასთან ერთად რეპუტაციული ზიანის მომტანია" - "ფაფრის ველი"; „ქუთაისში დამსვენებლების 99% მხოლოდ ერთი ღამით რჩება“ - სასტუმრო „ჰოტელიერი“; წლის ბოლომდე, „ველინო“ სამხრეთ კორეაში ექსპორტზე გასვლას გეგმავს; "მცირე მარნების პოპულარიზაციაზე ვმუშაობთ" - ღვინის ახალი სალონი "Victory"-ის გეგმები; #ახალიამბები #BusinessMediaGeorgia
ქართველ მეღვინეებს ევროკავშირის ბაზარზე გასატან ღვინოზე შემადგენლობის დაწერა მოუწევთ. ახალი რეგულაცია 8 დეკემბრიდან ამოქმედდა, რომლის თანახმადაც, ბლოკის მასშტაბით გასაყიდ ღვინოსა და ღვინის პროდუქტებზე ინგრედიენტებისა და ნუტრიციული შემადგენლობის მითითება სავალდებულო გახდა. ახალი რეგულაციის თანახმად, EU-ში გასაყიდი ღვინოების ფიზიკურ ეტიკეტებზე პროდუქტის ენერგეტიკული ღირებულება კილოჯოულების ან კილოკალორიების სახით უნდა იყოს დატანილი. ელექტრონულ პლატფორმაზე ასევე აუცილებლად უნდა იყოს ხელმისაწვდომი ინფორმაცია ღვინის ნუტრიციული შემადგენლობის, კერძოდ ცხიმების, ცილების, ნახშირწყლებისა და მარილის შემცველობის შესახებ. რას ცვლის ახალი რეგულაცია ღვინის მწარმოებლებისთვის და როგორია დღეს ევროკავშირის ბაზარზე ქართულ ღვინოზე მოთხოვნა? სტუმარი: გიორგი სხირტლაძე - “რტონის” და “მელიტონის” დამფუძნებელი #ახალიამბები #BusinessMediaGeorgia
პანდემიის შემდეგ ბიზნეს პროცესების გაციფრულება ტოპ სამ გამოწვევას შორისაა - ამის შესახებ ინფორმაცია დღეს საქართველოს სავაჭრო პალატის ბიზნესისა და რეგიონული განვითარების დეპარტამენტის დირექტორმა გიორგი ვეკუამ გააჟღერა. როგორც ვეკუა აღნიშნავს, სავაჭრო პალატა giz-თან ერთად საქართველოს რეგიონებში მდებარე მცირე და საშუალო ბიზნესს პროცესების გაციფრულებაში დაეხმარება. მისი თქმით, ამ მიმართულებით დღეს გამოწვევები არსებობს, რომელსაც ახალი პროექტი უპასუხებს. რა გამოწვევებს აწყდებიან მცირე და საშუალო ბიზნესის წარმომადგენლები ციფრული ტრანსფორმაციის პროცესში და რა მიმართულებით სჭირდებათ მათ მხარდაჭერა? #ახალიამბები #BusinessMediaGeorgia